"Әкімшілік құқық бұзушылық туралы" 2014 жылғы 5 шілдедегі Қазақстан Республикасы кодексінің 790-бабы 2-тармағына сәйкес, БҰЙЫРАМЫН:
1. Қoca берiлiп отырған Әкімшілік құқық бұзушылық істері бойынша сыбайлас жемқорлыққа қарсы қызметпен күштеп әкелу қағидалары бекітілсін.
2. Қазақстан Республикасы Мемлекеттік қызмет істері министрлігінің Сыбайлас жемқорлыққа қарсы іс-қимыл ұлттық бюросы (бұдан әрі – Ұлттық бюро) Қазақстан Республикасы Мемлекеттік қызмет істері министрлігінің Заң департаментімен бірлесіп Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасының Әділет министрлігінде мемлекеттік тіркегеннен кейін, оны күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберуді;
3) осы бұйрықты алған күннен кейін оны бес жұмыс күні ішінде Қазақстан Республикасының нормативтік құқықтық актілерінің эталондық бақылау банкінде орналастыру үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;
4) осы бұйрықты Қазақстан Республикасы Мемлекеттік қызмет істері министрлігінің және Ұлттық бюроның интернет-ресурстарында орналастыруды қамтамасыз етсін.
3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының | |
Мемлекеттік қызмет істері | |
министрі | Т. Донақов |
| Қазақстан Республикасының Мемлекеттік қызмет істері министрінің 2016 жылғы 24 мамырдағы № 105 бұйрығымен бекітілген |
Әкімшілік құқық бұзушылық істері бойынша сыбайлас жемқорлыққа қарсы қызметпен күштеп әкелу қағидалары
1-тарау. Жалпы ережелер
1. Осы Әкімшілік құқық бұзушылық істері бойынша сыбайлас жемқорлыққа қарсы қызметпен күштеп әкелу қағидалары (бұдан әрі – Қағидалар) "Әкімшілік құқық бұзушылық туралы" Қазақстан Республикасы кодексінің 790-бабы 2-тармағына сәйкес әзірленген және сыбайлас жемқорлыққа қарсы қызмет қызметкерлерінің жеке тұлғаны не заңды тұлғаның өкілін күштеп әкелу тәртібін айқындайды.
2. Әкімшілік іс бойынша өзіне қатысты іс жүргізіліп жатқан жеке тұлғаны не заңды тұлғаның өкілін (бұдан әрі – әкімшілік іс бойынша өзіне қатысты іс жүргізіліп жатқан тұлға) күштеп әкелу "Әкімшілік құқық бұзушылық туралы" Қазақстан Республикасы кодексінің 785-бабымен көзделген әкімшілік құқық бұзушылық туралы іс бойынша өндірісті қамтамасыз ету шарасы ретінде қолданылады.
3. Судьяның, өндірісінде әкімшілік құқық бұзушылық туралы іс бар мемлекеттік қызмет істері және сыбайлас жемқорлыққа қарсы іс-қимыл жөніндегі уәкілетті органның құрылымдық бөлімшесі басшысының және/немесе сыбайлас жемқорлыққа қарсы қызметтің басшысының немесе оның орынбасарының, сыбайлас жемқорлыққа қарсы іс-қимыл жөніндегі уәкілетті органның және/немесе сыбайлас жемқорлыққа қарсы қызметтің аумақтық бөлімшелерінің басшылары немесе олардың орынбасарларының (бұдан әрі – күштеп әкелу туралы ұйғарымды шығарған лауазымды тұлға) лауазымды тұлғасының осы Қағидаларға қосымшаға сәйкес нысан бойынша ұйғарымы күштеп әкелуге негіз болады.
2-тарау. Күштеп әкелуді жүргізу тәртібі
4. Әкімшілік іс бойынша өзіне қатысты іс жүргізіліп жатқан тұлға судьяның не күштеп әкелу туралы ұйғарымды шығарған лауазымды тұлғаның шақыруы бойынша дәлелсіз себептермен келмеген жағдайда, соттың немесе өндірісінде әкімшілік құқық бұзушылық туралы іс бар лауазымды тұлғаның ұйғарымы бойынша күштеп келтіріледі.
5. Шақыру туралы тиісті түрде хабарланған адамның келмеуінің дәлелді себептері болып танылады: "Денсаулық сақтау ұйымдарының бастапқы медициналық құжаттама нысандарын бекіту туралы" Қазақстан Республикасы Денсаулық сақтау министрінің міндеттерін атқарушының 2010 жылғы 23 қарашадағы № 907 (Нормативтік құқықтық актілердің тізімінде № 6697 болып тіркелген) және "Еңбекке уақытша жарамсыздыққа сараптама жүргізу, еңбекке уақытша жарамсыздық парағын және анықтамасын беру қағидаларын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 31 наурыздағы № 183 (Нормативтік құқықтық актілердің тізімінде № 10964 болып тіркелген) бұйрықтарына (бұдан әрі – Бұйрықтар) сәйкес медициналық құжаттармен куәландырылған адамның келуіне мүмкіндік бермейтін ауру, жақын туыстарының қазасы және адамды белгіленген мерзімде келу мүмкіндігінен айырған төтенше жағдайлар.
Өзіне қатысты әкімшілік іс бойынша өндіріс жүргізіліп жатқан тұлға дәлелді себептерінің бар екендігі туралы өндірісінде әкімшілік құқық бұзушылық туралы іс не күштеп әкелу туралы соттың немесе мемлекеттік қызмет істері және сыбайлас жемқорлыққа қарсы іс-қимыл жөніндегі уәкілетті органның лауазымды тұлғасының ұйғарымы болатын сыбайлас жемқорлыққа қарсы қызметтің лауазымды тұлғасын үш жұмыс күні ішінде, төтеннен болатын жайттарды есептемегенде, еркін түрдегі өтініш беру арқылы жазбаша түрде немесе телефон/ұялы телефон байланысы арқылы хабардар етеді.
6. Әкімшілік іс бойынша оған қатысты іс жүргізіліп жатқан тұлға күштеп әкелу туралы ұйғарыммен оның орындалуының алдында таныстырылады, бұл оның қол қоюмен куәландырылады. Күштеп әкелінуге тиіс тұлға қол қоюдан бас тартқан жағдайда, күштеп әкелуді орындайтын лауазымды тұлға ұйғарымға тиісті жазба жасайды.
7. Он төрт жасқа дейінгі кәмелетке толмағандар, он сегізге толмаған тұлғалар өздерінің заңды өкілдеріне хабарламай, жүкті әйелдер, сондай-ақ Бұйрықтарға сәйкес медициналық құжаттармен куәландырылуға жататын денсаулық жағдайына байланысты өзі болатын жерді қалдыра алмайтын және қалдыруға тиісті емес, науқастар күштеп әкелуге жатпайды.
8. Күштеп әкелу жергiлiктi уақыт бойынша сағат 20.00-ден 8.00-ге дейiнгi уақыт аралығында жүргізілмейді.
9. Сыбайлас жемқорлыққа қарсы қызметке келіп түскен күштеп әкелу туралы соттың ұйғарымын сыбайлас жемқорлыққа қарсы қызметтің лауазымды тұлға немесе оның міндетін атқарушы тұлғаға тапсырылады.
10. Күштеп әкелу туралы ұйғарымды алғаннан кейін сыбайлас жемқорлыққа қарсы қызметтің лауазымды тұлғасы онда көрсетілген күштеп әкелуге жататын адам туралы ақпараттарды (тегі, аты, әкесінің аты (бар болған жағдайда), туған жылы және орналасқан жері) тексеруді ұйымдастырады және оның нақты тұратын жерін анықтау үшін шаралар қабылдайды. Қажет болған жағдайда, күштеп әкелінуге тиіс тұлға сыбайлас жемқорлыққа қарсы қызметтің бар есептері бойынша тексеріледі.
Егер күштеп әкелу туралы ұйғарымда күштеп әкелінуге тиіс тұлғаны немесе оның болатын орнын нақты анықтауға мүмкіндік беретін жекелеген мәліметтер болмаса және оларды толықтыруға мүмкіндік болмағанда, сыбайлас жемқорлыққа қарсы қызмет ол жөнінде сотқа немесе ұйғарымды шығарған тұлғаға хабарлайды.
11. Егер күштеп әкелінуге тиіс тұлға басқа облыстың, республикалық маңызы бар қаланың немесе астананың аумағында болған жағдайда, күштеп әкелуді жүзеге асыру тапсырылған лауазымды тұлға сотпен және ұйғарымды шығарған лауазымды тұлғамен келісім бойынша күштеп әкелу туралы ұйғарымды орындау үшін аумақтық қатыстылығы бойынша жіберу туралы шешім қабылдайды.
12. Күштеп әкелуді жүргізгеннен кейін судья немесе күштеп әкелу туралы ұйғарымды шығарған лауазымды тұлға оның орындалғанын анықтағаны туралы белгі жасайды.
13. Сыбайлас жемқорлыққа қарсы қызметтің лауазымды тұлғасы күштеп әкелу нәтижелері туралы күштеп әкелу туралы қолхатты қоса бере отырып, судьяны не күштеп әкелу туралы ұйғарымды шығарған тұлғаны жазбаша ескертеді. Күштеп әкелуді жүзеге асыруға кедергі келтіретін мән-жайлар бар болған кезде, ескертуге көрсетілген мән-жайларды растайтын құжаттардың көшірмелері қоса беріледі.
Сот не күштеп әкелу туралы ұйғарымды шығарған лауазымды тұлға ұйғарымды шығарған сот не лауазымды тұлға күштеп әкелуді қамтамасыз етуді тапсырған сыбайлас жемқорлыққа қарсы қызметтің не оның құрылымдық бөлімшесінің басшысы (орынбасары) хабардар етеді.
14. Соттың ұйғарымында көрсетілген мерзімде күштеп әкелуді жүзеге асыру мүмкін болмаған кезде, сондай-ақ күштеп әкелінуге тиіс тұлға болмаған жағдайда, күштеп әкелуді қамтамасыз ету тапсырылған сыбайлас жемқорлыққа қарсы қызметтің не оның аумақтық бөлімшесінің басшысы (орынбасары) ұйғарымның орындалуына кедергі келтіретін мән-жайды көрсете отырып, бұл туралы сотты не ұйғарымды шығарған лауазымды тұлғаны дереу хабардар етеді.
| Әкімшілік құқық бұзушылық істері бойынша сыбайлас жемқорлыққа қарсы қызметпен күштеп әкелу қағидаларына қосымша |
Нысан
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы қызметінің әкiмшiлiк іс бойынша iс жүргiзiлiп жатқан жеке тұлғаны не заңды тұлғаның өкiлiн күштеп әкелу туралы
ҰЙҒАРЫМ
20__ жылғы "__" ______ ___________________________
(қаланың, ауданның атауы)
_____________________________________________________________________
(лауазымы, мемлекеттік қызмет ңстері бойынша уәкілетті органның
немесе Сыбайлас жемқорлыққа қарсы қызмет бөлімшесінің атауы
_____________________________________________________________________
құйғарымды шығарған лауазымды тұлғаның біліктілік шені (бар болған
жағдайда), тегі, аты және әкесінің аты (бар болған жағдайда)
_____________________________________________________________________
(әкімшілік құқық бұзушылықтың қысқаша мазмұны)
_____________________________________________________________________
______________________________________________________________ туралы
20 __ жылғы "___" _______ № _______ әкімшілік іс материалдарын қарап,
АНЫҚТАДЫМ:
_____________________________________________________________________
(келуден жалтарып жүрген адамды күштеп әкелудің себептері мен мақсаты)
_____________________________________________________________________
_____________________________________________________________________
Жоғарыдағылардың негізінде, "Әкімшілік құқық бұзушылық туралы" Қазақстан Республикасы Заңы 790-бабының 2-тармағын басшылыққа ала отырып,
ҰЙҒАРДЫМ:
_____________________________________________________________________
(жеке тұлғаның тұратын (тұрғылықты) орны, заңды тұлғаның орналасқан жері бойынша мекенжайы)
______________________________________________________ тұратын (жұмыс
істейтін)____________________________________________________________
_______ (күштеп әкелуге жататын тұлғаның тегі, аты және әкесінің аты
(бар болған жағдайда)
_____________________________________________________________________
_____________________________________________________________________
(мемлекеттік органның атауы, заңды мекенжайы)
__________________________________________________________ ғимаратына
№ ______ кабинетке жергілікті уақыт бойынша _____ сағат _____ минутта күштеп әкелу қамтамасыз етілсін.
2. Ұйғарымды орындау ________________________________________________
(Сыбайлас жемқорлыққа қарсы қызмет бөлімшесінің атауы)
________________________________________________________ тапсырылсын.
3. Ұйғарымды шығарған лауазымды тұлға орындалу нәтижесі туралы хабарлансын.
4. Ұйғарымға Қазақстан Республикасының заңнамасына сәйкес сотқа шағымдануға болады.
_____________________________________________________________________
_____________________________________________________________________
(Ұйғарым шығарған тұлғаның лауазымы,(қолы) (тегі, аты және әкесінің
аты (бар болған жағдайда), біліктілік шені (бар болған жағдайда)
М.О.
Ұйғарыммен таныстым: __________________________________________
күштеп әкелуге жататын тұлғаның (тегі, аты
және әкесінің аты (бар болған жағдайда),
танысу уақыты және күні)