Жоғары оқу орнынан кейінгі білім беру бағдарламаларын іске асырып жатқан Қазақстан Республикасы Ішкі істер министрлігінің арнаулы оқу орындарына оқуға қабылдау қағидаларын бекіту туралы

      "Білім туралы" 2007 жылғы 27 шілдедегі Қазақстан Республикасының Заңы 5-1-бабының 9) тармақшасына сәйкес БҰЙЫРАМЫН:

      1. Жоғары оқу орнынан кейінгі білім беру бағдарламаларын іске асырып жатқан Қазақстан Республикасы Ішкі істер министрлігінің арнаулы оқу орындарына оқуға қабылдау қағидалары осы бұйрыққа 1-қосымшаға сәйкес бекітілсін.

      2. Қазақстан Республикасы Ішкі істер министрлігінің Кадр жұмысы департаменті (А.Ү. Әбдіғалиев):

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесінде ресми жариялауға жолдауды;

      3) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде Қазақстан Республикасы нормативтік құқықтық актілерінің эталондық бақылау банкіне енгізу үшін "Қазақстан Республикасы Әділет министрлігінің республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорынға жолдауды;

      4) осы бұйрықты Қазақстан Республикасы Ішкі істер министрлігінің интернет-ресурсында орналастыруды;

      5) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде осы тармақтың 1), 2), 3) және 4) тармақшаларында көзделген іс-шаралардың орындалуы туралы мәліметтерді Қазақстан Республикасы Ішкі істер министрлігінің Заң департаментіне ұсынуды қамтамасыз етсін.

      3. Осы бұйрыққа 2-қосымшаға сәйкес Қазақстан Республикасы Ішкі істер министрінің кейбір бұйрықтарының күші жойылды деп танылсын.

      4. Осы бұйрықтың орындалуын бақылау Қазақстан Республикасы Ішкі істер министрінің бірінші орынбасары полиция генерал-лейтенанты М.Ғ. Демеуовке жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткеннен соң қолданысқа енгізіледі.

Жоғары оқу орнынан кейінгі білім беру бағдарламаларын іске асырып жатқан Қазақстан Республикасы Ішкі істер министрлігінің арнаулы оқу орындарына оқуға қабылдау қағидалары

      Ескерту. Қағида жаңа редакцияда – ҚР Ішкі істер министрінің 14.10.2021 № 632 (алғашқы ресми жарияланғаннан күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Негізгі ережелер

      1. Жоғары оқу орнынан кейінгі білім беру бағдарламаларын іске асырып жатқан Қазақстан Республикасы Ішкі істер министрлігінің арнаулы оқу орындарына оқуға қабылдау қағидалары (бұдан әрі – Қағидалар) Қазақстан Республикасының "Білім туралы", "Құқық қорғау қызметі туралы", "Ішкі істер органдары туралы" заңдарына және Қазақстан Республикасының "Мемлекеттік көрсетілетін қызметтер туралы" заңының 10-бабы 1) тармақшасына сәйкес әзірленді.

      2. Қағидалар жоғары оқу орнынан кейінгі білім беру бағдарламаларын іске асырып жатқан Қазақстан Республикасы Ішкі істер министрлігі арнаулы оқу орындарының (бұдан әрі – ІІМ жоғары оқу орындары) магистратурасына және докторантурасына оқуға қабылдау тәртібін айқындайды.

      3. ІІМ жоғары оқу орындарының магистранттары мен докторанттарының контингентін қалыптастыру жоғары оқу орнынан кейінгі білімі бар мамандарды даярлауға мемлекеттік білім беру тапсырысын орналастыру арқылы жүзеге асырылады.

      4. ІІМ жоғары оқу орындарының магистратурасына, докторантурасына оқуға кандидаттарды қабылдау түсу емтихандарының нәтижелері бойынша конкурстық негізде жүзеге асырылады.

      5. ІІМ жоғары оқу орындарының магистратурасына және докторантурасына қабылдау даярлау бағыттарын көрсете отырып, құжаттарды қабылдау күнінен күнтізбелік он бес күн бұрын жоғары оқу орындарының Интернет-ресурстары, республикалық және облыстық мерзімді баспасөз басылымдары, теле-радио арналары арқылы жарияланады.

      6. ІІМ жоғары оқу орындарының магистратурасына және докторантурасына түсушілердің құжаттарын қабылдау қабылдау комиссиясымен және (немесе) ақпараттық жүйе арқылы күнтізбелік жылдың 3 шілдесінен 3 тамызына дейін жүргізіледі.

      ІІМ жоғары оқу орындарының магистратурасына және докторантурасына түсу емтихандары күнтізбелік жылдың 4 тамызынан 20 тамызына дейін жүргізіледі, оқуға қабылдау - күнтізбелік жылдың 28 тамызына дейін.

2-тарау. Магистратураға және докторантураға түсу үшін құжаттарды қабылдау тәртібі

      7. ІІМ жоғары оқу орындарының магистратурасына жоғары білім беру бағдарламаларын игерген оқуға кандидаттар қабылданады.

      Бұл ретте бейіндік бағыт бойынша магистратура қажетті іскерлік қабілетке ие және жоғары тұрған лауазымдарға жылжыту үшін резервте тұрған ішкі істер органдары қызметкерлерімен, әскери қызметшілерімен жасақталады.

      Ғылыми және педагогикалық бағыт бойынша магистратураға ішкі істер органдарындағы практикалық жұмыс өтілі 1 жылдан кем емес ішкі істер органдарының қызметкерлері, әскери қызметшілер қабылданады.

      8. Докторантураға ғылыми-педагогикалық магистратураны бітірген (бейінді магистратураның түлектері педагогикалық бейіннің білім беру бағдарламаларын меңгергені туралы куәлігі болған жағдайда) және "7М12301 – Құқық қорғау қызметі" білім беру бағдарламасы бойынша "ұлттық қауіпсіздік және әскери іс магистрі", "заң ғылымдарының магистрі" дәрежесі бар, құқық қорғау органдарындағы практикалық жұмыс өтілі бар немесе ғылыми-педагогикалық өтілі 3 жылдан кем емес ішкі істер органдарының қызметкерлері, әскери қызметшілері қабылданады.

      9. ІІМ жоғары оқу орындарында құжаттарды қабылдау және түсу емтихандарын өткізуді ұйымдастыру үшін қабылдау комиссиясы құрылады. Қабылдау комиссиясының төрағасы қабылдау комиссиясының қызметін басқаратын ІІМ жоғары оқу орнының бастығы болып табылады.

      Қабылдау комиссиясының құрамы және оның хатшысы ІІМ жоғары оқу орны бастығының бұйрығымен бекітіледі және тақ санды құрайды.

      Қабылдау комиссиясы төрағадан, хатшыдан және кемінде үш комиссия мүшесінен құралады.

      Қабылдау комиссиясының хатшысы ретінде ІІМ жоғары оқу орнының қызметкері тағайындалады.

      Қабылдау комиссиясының қызметі жұмыс жоспарына сәйкес жүзеге асырылады. Қабылдау комиссиясының отырыстары қажеттілігіне қарай өткізіледі.

      Қабылдау комиссиясының шешімдері еркін нысандағы хаттамамен ресімделеді және бекітілген құрамның кем дегенде үштен екі бөлігі болған жағдайда көпшілік дауысымен қабылданады. Дауыстар тең болған жағдайда комиссия төрағасының дауысы шешуші болып табылады.

      10. Магистратураға немесе докторантураға оқуға кандидаттар ішкі істер министрінің орынбасары (бұдан әрі – Министрдің орынбасары), аумақтық ІІО, ІІМ оқу орны басшысының атына еркін нысанда баянат береді.

      11. Магистратураға және докторантураға оқуға кандидаттарды іріктеу үшін Ішкі істер министрінің, аумақтық ІІО және ІІМ оқу орны басшысының бұйрығымен іріктеу комиссиялары құрылады.

      Іріктеу комиссиясы мүшелерінің жалпы саны тақ саннан құралады. Комиссияны төраға басқарады. Іріктеу комиссиясының төрағасы болып Министрдің орынбасары, аумақтық ІІО, ІІМ оқу орны бастығының орынбасары тағайындалады.

      Іріктеу комиссиясының хатшысы болып кадр қызметінің қызметкері тағайындалады.

      Іріктеу комиссиясы ІІМ, аумақтық ІІО қызметтерінің және оқу және ғылыми қызметті жүзеге асыратын ІІМ жоғары оқу орнының құрылымдық бөліністерінің бастықтарынан және конкурстық комиссия төрағасының шешімі бойынша штаттық қызметкерлерден тұрады.

      12. Іріктеу комиссиясы осы Қағидаларды, сондай-ақ магистратураға және докторантураға қабылдау жоспарын басшылыққа ала отырып, күнтізбелік жылдың 3 шілдеге дейін оқуға кандидаттарға ұсынылған құжаттарды зерделейді, кандидаттардың қабылдау шарттарына сәйкестігін анықтайды.

      13. Іріктеу комиссиясының нәтижелері осы Қағидаларға 1-қосымшаға сәйкес нысанда іріктеу комиссиясы отырысының хаттамасымен ресімделеді және бекітілген құрамның кем дегенде үштен екі бөлігі болған жағдайда көпшілік дауысымен қабылданады. Дауыстар тең болған жағдайда комиссия төрағасының дауысы шешуші болып табылады.

      14. Кадр қызметтері ІІМ жоғары оқу орындарына магистратураға оқуға кандидаттардың мынадай құжаттарын жолдайды:

      оқу ісі, ол:

      оқуға кандидаттың еркін нысандағы баянатынан;

      қызметтің соңғы кезеңі бойынша қызметтік мінездеме және аттестаттау парағынан;

      іріктеу комиссиясының оқуға жіберу туралы хаттамасының көшірмесінен;

      жеке басын куәландыратын құжаттың көшірмесінен;

      осы Қағидалардың 17-тармағында көрсетілген бағдарламалар бойынша тесттерді тапсырғаны туралы сертификаттың көшірмесінен (бар болса);

      кадрларды есепке алу бойынша жеке іс парағынан;

      өлшемі 3х4 сантиметр алты фотосуреттен;

      ғылыми және ғылыми-әдістемелік жұмыстардың тізімінен (бар болса) тұрады.

      15. Кадр қызметтері ІІМ жоғары оқу орындарына докторантураға оқуға кандидаттардың мынадай құжаттарын жолдайды:

      оқу ісі, ол:

      оқуға кандидаттың еркін нысандағы баянатынан;

      қызметтің соңғы кезеңі бойынша қызметтік мінездемеден және аттестаттау парағынан;

      іріктеу комиссиясының оқуға жіберу туралы хаттамасының көшірмесінен;

      кадрларды есепке алу бойынша жеке іс парағынан;

      жеке басын куәландыратын құжаттың көшірмесінен;

      білімі туралы құжаттың көшірмесінен;

      өлшемі 3х4 сантиметр алты фотосуреттен;

      осы Қағидаларға 2-қосымшаға сәйкес нысан бойынша болжамды отандық немесе шетелдік ғылыми консультанттармен келісілген жоспарланған диссертациялық зерттеулер негіздемесінен;

      осы Қағидалардың 17-тармағында көрсетілген бағдарламалар бойынша тесттерді тапсырғаны туралы сертификаттың көшірмесінен (бар болса);

      ғылыми және ғылыми-әдістемелік жұмыстардың тізімінен (бар болса) тұрады.

3-тарау. Түсу емтихандарын өткізу тәртібі

      16. ІІМ жоғары оқу орындарының магистратурасына және докторантурасына оқуға түсетін оқуға кандидаттар:

      1) шет тілінен (таңдауы бойынша ағылшын, неміс, француз);

      2) білім беру бағдарламалары тобының бейіні бойынша түсу емтихандарын тапсырады.

      Білім беру бағдарламалары тобының бейіні бойынша емтиханға шет тілінен кемінде 30 балл алған үміткерлер жіберіледі.

      17. Шет тілін меңгерудің жалпыеуропалық құзыреттеріне (стандарттарына) сәйкес шет тілін меңгергенін растайтын бір халықаралық сертификатқа ие магистратураға оқуға кандидаттар мынадай шет тілі бойынша тестіден босатылады:

      ағылшын тілі: International English Language Tests System (Интернашнал Инглиш Лангудж Тестс Систем (IELTS (АЙЛТС), шекті балл – кемінде 6,0;

      IELTS INDICATOR (АЙТЛС Индикатор), шекті балл – кемінде 6,0;

      Test of English as a Foreign Language Institutional Testing Programm (Тест ов Инглиш аз а Форин Лангудж Инститьюшнал Тестинг программ) (TOEFL ITP (ТОЙФЛ АйТиПи), шекті балл – кемінде 543;

      Test of English as a Foreign Language Institutional Testing Programm (Тест ов Инглиш аз а Форин Лангудж Инститьюшнал Тестинг програм) Internet-based Test (Интернет бейзид тест) (TOEFL IBT (ТОЙФЛ АйБиТи), шекті балл – кемінде 60;

      Test of English as a Foreign Language Paper-based testing (Тест ов Инглиш аз а Форин Лангудж пэйпер бэйсед тэстинг), TOEFL PBT (ТОЙФЛ ПиБиТи) шекті балл – кемінде 498;

      неміс тілі: Deutsche Sprachpruеfung fuеr den Hochschulzugang (дойче щпрахпрюфун фюр дейн хохшулцуган) (DSH, NiveauC1/С1 деңгейі), TestDaF-Prufung (тестдаф-прюфун) (NiveauC1/С1 деңгейі);

      француз тілі: Test de Franзais International™ (Тест де франсэ Интернасиональ) (TFI (ТФИ) – оқу және тыңдалым секциялары бойынша B1 деңгейінен төмен емес), Diplome d’Etudes en Langue franзaise (Диплом дэтюд ан Ланг франсэз) (DELF (ДЭЛФ), B2 деңгейі), Diplome Approfondi de Langue franзaise – (Диплом Аппрофонди де Ланг Франсэз) (DALF (ДАЛФ), C1 деңгейі), Test de connaissance du franзais – (Тест де коннэссанс дю франсэ) (TCF (ТСФ) – кемінде 50 балл).

      Шет тілін меңгерудің жалпыеуропалық құзыреттеріне (стандарттарына) сәйкес шет тілін меңгергенін растайтын бір халықаралық сертификатқа ие докторантураға мынадай шет тілі бойынша тестіден босатылады:

      ағылшын тілі: International English Language Tests System (Интернашнал Инглиш Лангудж Тестс Систем (IELTS (АЙЛТС), шекті балл – кемінде 5,5;

      IELTS INDICATOR (АЙТЛС Индикатор), шекті балл – кемінде 5,5;

      Test of English as a Foreign Language Institutional Testing Programm (Тест ов Инглиш аз а Форин Лангудж Инститьюшнал Тестинг программ) (TOEFL ITP (ТОЙФЛ АйТиПи), шекті балл – кемінде 460;

      Test of English as a Foreign Language Institutional Testing Programm (Тест ов Инглиш аз а Форин Лангудж Инститьюшнал Тестинг програм) Internet-based Test (Интернет бейзид тест) (TOEFL IBT (ТОЙФЛ АйБиТи), шекті балл – кемінде 46);

      Test of English as a Foreign Language Paper-based testing (Тест ов Инглиш аз а Форин Лангудж пэйпер бэйсед тэстинг)) (TOEFL PBT (ТОЙФЛ ПиБиТи) шекті балл – кемінде 453;

      неміс тілі: Deutsche Sprachpruеfung fuеr den Hochschulzugang (дойче щпрахпрюфун фюр дейн хохшулцуган) (DSH, Niveau В2/В2 деңгейі), TestDaF-Prufung (тестдаф-прюфун) (Niveau В2/В2 деңгейі);

      француз тілі: Test de Franзais International™ (Тест де франсэ Интернасиональ) (TFI (ТФИ) – оқу және тыңдалым секциялары бойынша B1 деңгейінен төмен емес), Diplome d’Etudes en Langue franзaise (Диплом дэтюд ан Ланг франсэз) (DELF (ДЭЛФ), B2 деңгейі), Diplome Approfondi de Langue franзaise (Диплом Аппрофонди де Ланг Франсэз) (DALF (ДАЛФ), C1 деңгейі), Test de connaissance du franзais (Тест де коннэссанс дю франсэ) (TCF (ТСФ) – кемінде 50 балл).

      18. Шет тілдері бойынша түсу емтихандарын Қазақстан Республикасы Білім және ғылым министрлігі айқындайтын шет тілдері бойынша түсу емтихандарын өткізу пункттерінде Қазақстан Республикасы Білім және ғылым министрлігі Ұлттық тестілеу орталығы өткізеді.

      19. Магистратураға және докторантураға түсушілер үшін білім беру бағдарламалары тобының бейіні бойынша түсу емтиханы білімінің алдыңғы білім деңгейінің білім беру бағдарламалары көлемінде өткізіледі. Білім беру бағдарламалары тобының бейіні бойынша түсу емтиханын өткізу нысанын жоғары оқу орны дербес айқындайды.

      20. Білім беру бағдарламалары тобының бейіні бойынша емтихан комиссиясы ІІМ жоғары оқу орындарының доктор немесе ғылым кандидаты ғылыми дәрежесі, немесе тиісті бейін бойынша философия докторы (PhD) дәрежесі бар қызметкерлері қатарынан құрылады және төрағадан, хатшыдан және үш мүшеден тұрады.

      Білім беру бағдарламалары тобының бейіні бойынша емтихан комиссиясының құрамы және емтиханды өткізу нысаны ІІМ жоғары оқу орны бастығының бұйрығымен бекітіледі.

      21. Түсу емтихандарын қайта тапсыруға жол берілмейді.

      22. Магистратураға және докторантураға түсу емтихандарының нәтижелерімен келіспегендердің өтініштерін қарастыру үшін апелляциялық комиссиялар құрылады.

      Апелляциялық комиссиялардың құрамы төрағадан, хатшыдан, екі комиссия мүшесінен тұрады және ІІМ жоғары оқу орнының қабылдау комиссиясы төрағасының бұйрығымен бекітіледі.

      Апелляциялық комиссиялар ІІМ жоғары оқу орындарының, сондай-ақ басқа да жоғары оқу орындары мен ғылыми ұйымдардың қызметкерлері қатарынан құрылады.

      23. Апелляциялық комиссия магистратураға және докторантураға түсетін оқуға кандидаттардан емтихан материалдарының мазмұны мен техникалық себептер бойынша түскен өтініштерді қабылдайды және қарайды.

      24. Апелляцияға берілетін өтінішті магистратураға және докторантураға түсуші адам апелляциялық комиссия төрағасының атына береді. Емтихан материалдарының мазмұны мен техникалық себептер бойынша өтініштер қабылдау емтиханының нәтижелері жарияланғаннан кейінгі келесі күні сағат 13.00-ге дейін қабылданады және апелляциялық комиссия өтініш берілген күннен бастап бір күнтізбелік күн ішінде қарайды.

      Апелляциялық комиссия әрбір кандидатпен жеке тәртіпте жұмыс істейді. Кандидат апелляциялық комиссияның отырысына келмеген жағдайда, оның апелляцияға берген өтініші қаралмайды.

      25. Апелляциялық комиссия өтінішті қарау кезінде апелляцияға берген кандидат жеке басын куәландыратын құжатты ұсынады.

      26. Апелляциялық комиссияның шешімі комиссия мүшелерінің жалпы санының көпшілік даусымен қабылданады. Дауыстар тең болған жағдайда комиссия төрағасының даусы шешуші болып табылады. Апелляциялық комиссиялардың жұмысы төраға және барлық комиссия мүшелері қол қойған хаттамамен ресімделеді (еркін нысанда).

4-тарау. ІІМ жоғары оқу орындарының магистратурасына және докторантурасына қабылдау

      27. Магистранттар және докторанттар қатарына қабылдауды ІІМ жоғары оқу орындарының қабылдау комиссиясы жүзеге асырады.

      28. ІІМ жоғары оқу орындарының магистратурасына және докторантурасына мемлекеттік білім беру тапсырысы бойынша осы Қағидаларға 3-қосымшаға сәйкес бағалаудың 100 балдық шкаласы бойынша екі түсу емтиханы бойынша 130 балдан кем емес балл жинаған кандидаттар қабылданады.

      Осы Қағидалардың 17-тармағында көрсетілген шет тілі (ағылшын, француз, неміс) бойынша тест тапсырғаны туралы сертификаты бар оқуға кандидаттарға бағалаудың 100 балдық шкаласы бойынша ең жоғары балл қосылады.

      29. Конкурстық балдардың көрсеткіштері бірдей болған жағдайда қабылдау кезінде басым құқық білім беру бағдарламалары тобының бейіні бойынша түсу емтиханынан ең жоғары баға алған оқуға кандидаттарға беріледі, егер білім беру бағдарламалары тобының бейіні бойынша түсу емтихандарының көрсеткіштері бірдей болған жағдайда басым құқық шет тілі бойынша ең жоғары баға алған кандидаттарға беріледі. Содан кейін таңдаған мамандығының бейініне сәйкес ғылыми жетістіктері ескеріледі.

      30. Қабылдау комиссиясының шешімі негізінде ІІМ жоғары оқу орнының бастығы оқуға кандидаттарды аумақтық ІІО-дан жоғары оқу орнының қарамағына жіберу үшін негіз болып табылатын магистратураға және докторантураға қабылдау туралы бұйрық шығарады.

      31. ІІМ жоғары оқу орындары бастығының оқуға қабылдау туралы бұйрығынан үзінді көшірмелер оған қол қойылғаннан кейін күнтізбелік бес күннен кешіктірілмей оқуға кандидатты жіберген аумақтық ІІО-ға жіберіледі.

      Аумақтық ІІО күнтізбелік он күн ішінде оқуға түскен қызметкерлердің жеке істерін білім беру ұйымдарына жолдайды.

      32. Магистратураға және докторантураға оқуға қабылданбаған оқуға кандидаттардың оқу істері және басқа да құжаттары жасақтау орны бойынша кері қайтарылады.

      33. ІІМ жоғары оқу орындары күнтізбелік он күн ішінде ІІМ-нің кадр қызметіне қабылдауды ұйымдастыру және өткізу бойынша қорытынды есепті, сондай-ақ магистратураға және докторантураға қабылдау туралы бұйрықтардың көшірмелерін Қазақстан Республикасы Білім және ғылым министрлігіне ұсыну үшін ұсынады.

      Нысан

Іріктеу комиссиясы отырысының хаттамасы

      Орны                   №____                   Күні_____

      Қатысқандар: төраға, іріктеу комиссиясы мүшелері

      ____________________________________________________________________

      (тегі, аты, әкесінің аты (бар болған жағдайда))

      ____________________________________________________________________

      аумақтық ІІО атауы, атқаратын лауазымы)

      Комиссия мүшелері:_____________________________________________

      Күн тәртібі: ІІМ жоғары оқу орындары магистратурасына,

      докторантурасына түсетін кандидаттардың құжаттарын қарау

      1. Кандидат _______________________________________________________________

      (тегі, аты, әкесінің аты (бар болған жағдайда))

      2. Сұрақтар:

      ____________________________________________________________________

      ____________________________________________________________________

      ____________________________________________________________________

      3. Кандидат _________________________________________________

      (тегі, аты, әкесінің аты (бар болған жағдайда))

      дауыс беру нәтижелері бойынша ІІМ жоғары оқу орындары _________________

      (керектің астын сызыңыз)

      магистратурасына, докторантурасына оқуға жіберуге ұсынылады/ұсынылмайды.

      Төраға _________________________ (қолы)

      Комиссия мүшелері ______________(қолы)

      ____________________(қолы)

      Хатшы _________________________(қолы)

      Нысан

Жоспарланған диссертациялық зерттеулер бойынша негіздеме

      1. Оқуға кандидаттың тегі, аты, әкесінің аты (бар болған жағдайда), арнайы атағы, лауазымы.

      2. Болжамды отандық немесе шетелдік консультанттың тегі, аты, әкесінің аты (бар болған жағдайда), ғылыми дәрежесі, ғылыми атағы, лауазымы, жұмыс істейтін жоғары оқу орны.

      3. Жоспарланған диссертациялық зерттеудің тақырыбы.

      4. Жоспарланған диссертациялық зерттеу тақырыбының өзектілігі.

      5. Ғылыми проблеманың әзірлену деңгейі.

      6. Жоспарланған диссертациялық зерттеудің мақсаттары және міндеттері.

      7. Жоспарланған диссертациялық зерттеу объектісі мен мәні.

      8. Жоспарланған диссертациялық зерттеу әдіснамасы.

      9. Диссертациялық зерттеулерден күтілетін нәтижелер, олардың теориялық және практикалық маңыздылығы. Оларды енгізудің және апробация жасаудың болжамды бағыттары.

      _________________________________________

      (оқуға кандидаттың қолы, тегі, аты-жөні, әкесінің аты

      (бар болған жағдайда)

      Келісілді ____________________________________

      (ғылыми консультанттың қолы, тегі, аты-жөні, әкесінің аты

      (бар болған жағдайда)

Бағалаудың 100 балдық шкаласы бойынша бағаларды ауыстыру жүйесі

Күші жойылады деп танылатын Қазақстан Республикасы Ішкі істер министрі бұйрықтарының тізбесі

      1. "Жоғары оқу орнынан кейінгі білім берудің кәсіптік оқу бағдарламаларын іске асыратын Қазақстан Республикасы Ішкі істер министрлігінің білім беру ұйымдарына оқуға қабылдау қағидаларын бекіту туралы" Қазақстан Республикасы Ішкі істер министрінің 2012 жылғы 8 мамырдағы № 279 бұйрығы (Нормативтік құқықтық актілерді мемлекеттік тіркеу тізілімінде № 7769 болып тіркелген, "Егемен Қазақстан" газетінің 2012 жылғы 18 шілдедегі № 396-400 (27474) сандарында, 2012 жылғы 27 қыркүйектегі № 15 Қазақстан Республикасы орталық атқарушы және өзге де орталық мемлекеттік органдарының актілер жинағында жарияланған)

      2. "Жоғары оқу орнынан кейінгі білім берудің кәсіптік оқу бағдарламаларын іске асыратын Қазақстан Республикасы Ішкі істер министрлігінің білім беру ұйымдарына оқуға қабылдау қағидаларын бекіту туралы" Қазақстан Республикасы Ішкі істер министрінің 2012 жылғы 8 мамырдағы № 279 бұйрығына өзгеріс пен толықтырулар енгізу туралы" Қазақстан Республикасы Ішкі істер министрінің 2013 жылғы 29 сәуірдегі № 303 бұйрығы (Нормативтік құқықтық актілерді мемлекеттік тіркеу тізілімінде № 8474 болып тіркелген, "Егемен Қазақстан" газетінің 2013 жылғы 4 қыркүйектегі № 203 (28142) санында жарияланған).

      3. "Жоғары оқу орнынан кейінгі білім берудің кәсіптік оқу бағдарламаларын іске асыратын Қазақстан Республикасы Ішкі істер министрлігінің білім беру ұйымдарына оқуға қабылдау қағидаларын бекіту туралы" Қазақстан Республикасы Ішкі істер министрінің 2012 жылғы 8 мамырдағы № 279 бұйрығына өзгерістер енгізу туралы" Қазақстан Республикасы Ішкі істер министрінің 2013 жылғы 23 шілдедегі № 472 бұйрығы (Нормативтік құқықтық актілерді мемлекеттік тіркеу тізілімінде № 8474 болып тіркелген, "Егемен Қазақстан" газетінің 2013 жылғы 23 қазандағы № 237 (28176) санында жарияланған).

      4. "Қазақстан Республикасы Ішкі істер министрінің кейбір бұйрықтарына өзгерістер енгізу туралы" Қазақстан Республикасы Ішкі істер министрінің 2014 жылғы 3 шілдедегі № 398 бұйрығымен бекітілген Қазақстан Республикасы Ішкі істер министрінің кейбір бұйрықтарына енгізілетін өзгерістер тізбесінің 1-тармағы (Нормативтік құқықтық актілерді мемлекеттік тіркеу тізілімінде № 9641 болып тіркелген, "Юридическая газета" газетінің 2014 жылғы 26 тамыздағы № 126 (2520) санында жарияланған).