Учаскелік полиция пунктінің жұмысын ұйымдастыруға жауапты учаскелік полиция инспекторларының, учаскелік полиция инспекторлары мен олардың көмекшілерінің қызметін ұйымдастыру қағидаларын бекіту туралы

      Қазақстан Республикасы Үкіметінің 2005 жылғы 22 маусымдағы № 607 қаулысымен бекітілген "Қазақстан Республикасы Ішкі істер министрлігі туралы ереженің" 16-тармағының 30) тармақшасына сәйкес БҰЙЫРАМЫН:

      1. Қоса беріліп отырған Учаскелік полиция пунктінің жұмысын ұйымдастыруға жауапты учаскелік полиция инспекторларының, учаскелік полиция инспекторлары мен олардың көмекшілерінің қызметін ұйымдастыру қағидалары бекітілсін.

      2. Қазақстан Республикасы Ішкі істер министрлігінің Әкімшілік полиция комитетінің төрағасы және облыстардың, республикалық маңызы бар қалалардың және астананың полиция департаменттері бастықтары ішкі істер органдарының жеке құрамының осы бұйрықты зерделуін қамтамасыз етсін.

      3. Қазақстан Республикасы Ішкі істер министрлігінің Әкімшілік полиция комитеті (И.В. Лепеха) заңнамамен белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде мерзімді баспа басылымдарында және "Әділет" ақпараттық-құқықтық жүйесінде ресми жариялауға жолдауды;

      3) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде Қазақстан Республикасы нормативтік құқықтық актілерінің Эталондық бақылау банкіне орналастыру үшін "Қазақстан Республикасы Әділет министрлігі Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорынға жолдауды;

      4) осы бұйрықты Қазақстан Республикасы Ішкі істер министрлігінің интернет-ресурсына орналастыруды;

      5) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Ішкі істер министрлігі Заң департаментіне осы тармақтың 1), 2), 3) және 4) тармақшаларында көзделген іс-шараларды орындау туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау Қазақстан Республикасы Ішкі істер министрінің орынбасары полиция генерал-майоры Е.З. Тургумбаевқа және Әкімшілік полиция комитетіне (И.В. Лепеха) жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Учаскелік полиция пунктінің жұмысын ұйымдастыруға жауапты учаскелік полиция инспекторларының, учаскелік полиция инспекторлары мен олардың көмекшілерінің қызметін ұйымдастыру жөніндегі қағидалар

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Учаскелік полиция пунктеріндегі жұмысты ұйымдастыруға жауапты учаскелік полиция инспекторларының, учаскелік полиция инспекторларының және олардың көмекшілерінің қызметін ұйымдастыру жөніндегі осы қағидалар (бұдан әрі – Қағидалар) учаскелік полиция пунктеріндегі жұмысты ұйымдастыруға жауапты учаскелік полиция инспекторларының, учаскелік полиция инспекторларының (бұдан әрі – учаскелік инспектор) және олардың көмекшілері қызметтерінің тәртібін айқындайды.

      2. Әкімшілік учаске – бұл қалалық немесе ауылдық жер аумағы, оған қалалық, аудандық ішкі істер органы (бұлан әрі - қалалық, аудандық орган) бастығының (оның міндетін атқаратын адамның) бұйрығымен учаскелік инспектор бекітіледі. Қызмет көрсетілетін әкімшілік учаске шекарасының өлшемдерін және учаскелік полиция пунктінің (бұдан әрі – УПП) штат санын қалалық, аудандық орган бастығы анықтайды. Қалалық жерде УПП кемінде 7 әкімшілік учаскені біріктіреді, ауылдық жерде әрбір елді мекенге – бір УПП.

      3. Әкімшілік учаскеге қалалық, аудандық орган бастығының (оның міндетін атқаратын адамның) бұйрығымен реттік нөмір беріледі. Жаңадан тағайындалған учаскелік инспектордың әкімшілік учаскені қабылдауы қалалық, аудандық орган бастығы орынбасарының немесе жергілікті полиция қызметі (бұдан әрі – ЖПҚ) бастығының қатысуымен жүргізіледі.

      Әкімшілік учаскені қабылдаудың мақсаты учаскелік инспекторды әкімшілік учаскенің шекаралары және ерекшеліктерімен, онда туындайтын жедел ахуалмен таныстыру, оны жергілікті мемлекеттік басқару органдарының лауазымдық адамдарына – қажеттілік бойынша учаскеде орналасқан кәсіпорындар, мекемелер мен ұйымдар басшыларына ұсыну.

      Әкімшілік учаскені қабылдау және тапсыру фактісі туралы Қағидаларға 1-қосымшаға сәйкес нысан бойынша әкімшілік учаске паспортында тиісті жазба жазылады.

      Әкімшілік учаскелердің шекараларын халықтың тығыздығы және санын, сондай-ақ ауылдық жердегі елді мекендердің ара қашықтығын ескере отырып, қалалық, аудандық орган бастығы (оның міндетін атқаратын адам) бекітеді.

      4. Учаскелік инспектор бекітілген қызмет көрсететін әкімшілік учаскедегі Қазақстан Республикасының заңнамасына сәйкес өз құзыреті шегінде оған жүктелген міндеттерді орындайтын аумақтық ішкі істер органының (бұдан әрі – ІІО) негізгі өкілі болып табылады.

      5. Учаскелік инспектордың көмекшісі өз құзыреті шегінде өзіне жүктелген міндеттерді учаскелік инспектордың тікелей басшылығымен орындайтын аумақтық ішкі істер органының өкілі болып табылады, оған қылмыстық құқық бұзушылықтар бойынша өз бетінше процестік шешім қабылдауды қоспағанда, учаскелік инспектордың құқықтары мен міндеттері толық көлемде беріледі.

      6. Учаскелік инспектордың қызметте көп уақыт (бес жұмыс күнінен артық) болмауы (бос тұруы, демалыста болуы, сырқаты, іссапарда болуы және тағы басқалар) кезеңінде әкімшілік учаскеге қалалық, аудандық орган бастығының (оның міндетін атқаратын адамның) бұйрығына сәйкес іргелес әкімшілік учаскенің учаскелік инспекторы қызмет көрсетеді.

2-тарау. УПП жұмысын ұйымдастыру тәртібі

      Ескерту. 2-тараудың тақырыбы жаңа редакцияда – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      7. УПП ІІО-ның учаскелік инспекторлар мен олардың көмекшілері, кәмелетке толмағандардың ісі жөніндегі учаскелік инспекторлар, ІІО-ның басқа қызметтерінің және бекітілген әкімшілік учаскеде қоғамдық тәртіпті қамтамасыз етуге қатысатын азаматтардың қызметін ұйымдастыруға, сондай-ақ азаматтарды қабылдауды жүзеге асыруға, құқық бұзушыларды және профилактикада жүрген адамдарды жеткізуге арналған ресми үй-жай (ғимарат) болып табылады.

      8. УПП учаскелік инспекторларға, олардың көмекшілеріне (бөлек) бір қызметкерге 7,5 шаршы метр есебіне арналған жұмыс кабинеттерінен, азаматтарды қабылдау және жұртшылықпен жұмыс бөлмелерінен, жеткізілген адамдарға арналған үй-жайлардан, демалу бөлмесінен (бөлек), санитарлық тораптан тұрады.

      8-1. УПП жеке тұрған ғимаратта орналасады, ал кәсіпорындар, ұйымдармен бір ғимаратта немесе тұрғын үйлерде орналасуы кезінде жеке кіреберісі болуы тиіс. Бұл ретте, УПП әкімшілік учаске (шағын аудан) орталығында орналасады.

      8-2. УПП сыртында халық үшін көрінетін жерде Қағидаларға 1-1-қосымшаға сәйкес нысан бойынша учаскелік полиция пунктінің жарық түсіретін таблосының нобайы, сондай-ақ Қағидаларға 1-2-қосымшаға сәйкес нысан бойынша учаскелік полиция пунктінің және қалалық, аудандық органның кезекші бөлімінің телефондарын көрсете отырып, азаматтарды қабылдау күні мен уақыты туралы учаскелік полиция пунктінің жұмыс кестесі маңдайшасының нобайы орналастырылады.

      8-3. УПП дәлізі (холлы) стендтердің нобайларымен жабдықталады:

      1) Қағидаларға 1-3-қосымшаға сәйкес нысан бойынша құқықтық ақпарат;

      2) Қағидаларға 1-4-қосымшаға сәйкес нысан бойынша учаскелік полиция инспекторлары туралы мәлімет;

      3) Қағидаларға 1-5-қосымшаға сәйкес нысан бойынша әкімшілік учаске схемасы, онда учаскелік полиция инспекторлары қызмет көрсететін аймақтар шекаралары белгіленеді.

      9. УПП материалдық-техникалық жарақтауы және ұстауы учаскелік полиция инспекторлары мен олардың көмекшілерін қамтамасыз ету қолданыстағы заңнамаға сәйкес жергілікті бюджеттен жүзеге асырылады.

3-тарау. Учаскелік инспектор мен оның көмекшісінің жұмысын ұйымдастыру тәртібі

      Ескерту. 3-тараудың тақырыбы жаңа редакцияда – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      10. Учаскелік инспекторлар мен олардың көмекшілерінің жұмысын ұйымдастыру бойынша жалпы басшылықты қалалық, аудандық орган бастығы немесе оның орынбасары жүзеге асырады.

      11. Учаскелік инспекторлардың қызметін ұйымдастырушылық-әдістемелік қамтамасыз етуді және бақылауды Ішкі істер министрлігі, астананың, республикалық маңызы бар қалалардың, облыстардың полиция департаменттері және қалалық, аудандық органдар жүзеге асырады, олар:

      1) жалпы құқық бұзушылықтардың жай-күйіне, құрылымына және динамикасына, сондай-ақ олардың алдын алу және жолын кесу бойынша қабылданған шаралардың тиімділігіне талдау жасайды;

      2) белгіленген тәртіппен өкілдік және атқарушы билік органдарына учаскелік инспекторлар мен олардың көмекшілері қызметінің проблемалық мәселелері бойынша ақпараттық материалдар, сондай-ақ құқық бұзушылықтар профилактикасын жетілдіру бойынша жедел жағдайға жасалған талдаудан туындайтын ұсыныстарды дайындайды;

      3) жергілікті мемелекеттік басқару органдарымен, қоғамдық бірлестіктермен және діни ұйымдармен құқық бұзушылықтар профилактикасы мәселелері бойынша өзара іс-қимылды жүзеге асырады;

      4) белгіленген тәртіппен тиісті органдар мен ұйымдарға құқық бұзушылықтарды жасауға ықпал ететін себептер мен шарттарды жою туралы ұсыныстар енгізеді;

      5) әдістемелік ұсынымдар мен шолулар, сондай-ақ учаскелік инспекторлар мен олардың көмекшілерінің қызметін жетілдіруге бағытталған бұйрықтардың, нұсқаулар мен басқа да басқарушылық шешімдердің жобаларын дайындайды;

      6) учаскелік инспекторлар мен олардың көмекшілерінің қызметін зерделеу, Қазақстан Республикасының заңнамалық және өзге де нормативтік құқықтық актілерінің нақты орындалуын қамтамасыз ету, сондай-ақ оларға әдістемелік және практикалық көмек көрсету үшін инспектрлеуге, бақылау тексерістеріне, аудандарға (қалаларға, қаладағы аудандарға) кешендік және өзге де шығуларға қатысады;

      7) құқық бұзушылықтар профликатикасы жөніндегі жұмыстың озық тәжірибесін зерделейді, қорытады және практикаға енгізеді;

      8) профилактикалық есепте тұратын адамдардың қылмыстар жасауына ықпал ететін себептер мен шарттарды анықтау мақсатында қызметтік тексерістер жүргізеді;

      9) профилактикалық және тізімдік есептерде тұрған адамдарды есепке алу журналдарын жүргізеді;

      10) учаскелік инспекторлар мен олардың көмекшілерінің құзыретіне жататын мәселелер бойынша азаматтардың өтініштерін, мемлекеттік органдардың, қоғамдық және діни бірлестіктердің хабарламаларын қарайды.

      12. Учаскелік инспектор мен оның көмекшісі өз жұмысын ЖПҚ бастығы бекіткен УПП-нің ай сайынғы жұмыс жоспарына сәйкес ұйымдастырады.

      13. Жұмыс дәптерін жүргізеді, онда учаскелік инспектордың тікелей бастықтарының барлық тапсырмалары мен нұсқаулары және оларды орындау мерзімдері есепке алынады.

      Әрбір айдың қорытындысы бойынша учаскелік инспектор және оның көмекшісі жұмыс дәптерінде атқарылған жұмыс туралы анықтама жасайды, ол жалпылау үшін ЖПҚ бастығына немесе оның орынбасарына (учаскелік инспектордың жұмысына басшылық ету жөніндегі инспекторға) ұсынылады.

      14. Учаскелік инспектор және оның көмекшісі:

      1) рецидивтік, тұрмыстық, алкогольдік қылмыстық құқық бұзушылықтардың профилактикасын, оларға ықпал еткен себептер мен жағдайларды анықтауды жүзеге асырады;

      2) адам мен азаматтың құқықтарын, бостандығы мен заңды мүдделерін заңсыз қол сұғушылықтардан қорғауды қамтамасыз етеді;

      3) ішкі істер органдарында профилактикалық есепте тұрған адамдарға (бұдан әрі – профилактикаланатын адамдар) қатысты құқық бұзушылықтарға жеке профилактика жүргізеді;

      4) әкімшілік учаскеде маңызы бар ақпаратты жинауды жүзеге асырады және оны ІІО-ның мүдделі бөліністеріне, сондай-ақ басқа да мемлекеттік органдарға береді;

      5) қылмыстық теріс қылықтар жасауға ықпал ететін себептер мен жағдайларды анықтайды, оларды жоюға бағытталған шараларды қабылдайды;

      6) құқыққа қарсы қол сұғушылықтан, оқиғалардан және жазатайым оқиғалардан зардап шеккендерге, сондай-ақ дәрменсіз не олардың өмірі мен денсаулығына қауіпті өзге де жағдайдағы адамдарға көмек көрсетеді;

      7) қоғамдық орындарда, адамның қадір-қасиетін және қоғамдық адамгершілікті қорлайтын, масаң күйде жүрген адамдарды медициналық ұйымдарға немесе ішкі істер органдарына жеткізеді;

      8) құқық бұзушылықты анықтайды және жолын кеседі;

      9) заңнамада белгіленген құзыреті шегінде әкімшілік өндірісті және сотқа дейінгі тергеп-тексеруді жүзеге асырады;

      10) оқиғалар, жасалған немесе дайындалып жатқан қылмыстық немесе әкімшілік құқық бұзушылықтар туралы өтініштер немесе хабарламаларды қабылдайды, тіркейді және қарайды, заңнамамен белгіленген тәртіпте қабылданған шешім туралы арызданушыға хабарлайды;

      11) қылмыстық немесе әкімшілік құқық бұзушылық жасаған адамдарды ұстайды;

      12) жеке және заңды тұлғалардан Қазақстан Республикасының заңнамаларын сақтауды, құқыққа қарсы әрекеттерді тоқтатуды талап етеді, ал осы талаптарды орындамаған жағдайда тиісті мәжбүрлеу шараларын қолданады;

      13) жеке тұлғалардың, олардың жеке басын куәландыратын құжаттарын, сондай-ақ олардың орындалуын бақылау ІІО-ға жүктелген, белгіленген қағидаларды сақтауды, оның ішінде жеке тұлғалардың көші-қон заңнамасын сақтауын тексеру үшін қажетті басқа да құжаттарды тексереді;

      14) өндірістегі материалдар мен істер бойынша жеке адамдарды және заңды тұлғалардың өкілдерін ІІО-ға шақырады, олардан түсініктемелер мен көрсетпелер, құжаттар, олардың көшірмелерін алады, ал келмеген жағдайда белгіленген тәртіпте мәжбүрлеп әкеледі;

      15) жеке және заңды тұлғалар орындауы үшін міндетті қылмыстық немесе әкімшілік құқық бұзушылықтар жасауға ықпал еткен себептер мен жағдайларды жою туралы ұйғарымдар мен ұсынымдар енгізеді;

      16) қоғамдық, топтық немесе жеке мүдделер мен наразылық білдірудің заңсыз нысандарының жолын кеседі;

      17) психоактивті зат пайдалану және мас күйде болу фактілерін анықтау мәніне адамдарды куәландыруды жүргізеді, ол мүмкін болмаған жағдайда – куәландыру үшін медициналық мекемелерге жеткізеді;

      18) қылмыстық құқық бұзушылық жасады деп күдік келтірген адамдардың ізіне түсу, оқиға орнына бару, төтенше немесе соғыс жағдайы қолданылған кезеңде, қарулы қақтығыс жағдайында, төтенше жағдайларды жою кезінде, сондай-ақ меншік иелеріне материалдық залал келтірілген жағдайда Қазақстан Республикасының Үкіметі айқындаған тәртіппен оның орнын толтыра отырып, егер кiдiрту адамдардың өмірі мен денсаулығына нақты қатер төндіруі мүмкін болатын болса, жедел медициналық көмекке мұқтаж адамдарды медицина ұйымдарына жеткiзу үшiн көліктің кез келген түрін (дипломатиялық иммунитетi бар шет мемлекеттер өкiлдiктерi мен халықаралық ұйымдардың көлік құралдарынан басқа) пайдаланады;

      19) әкімшілік құқық бұзушылық жасағаны үшін жеке тұлғаларды ІІО-ға жеткізеді;

      20) қаруды, оқ-дәрілерді, есірткі құралдарын, психотроптық заттарды және прекурсорларды, сондай-ақ өзге де тыйым салынған бұйымдар мен заттарды алып қояды;

      21) жеке тұлғалардың қауiпсiздiгiне қатер төндiретiн қылмыстық немесе әкімшілік құқық бұзушылықтар жасауға күдіктілерді ізіне түсу кезінде, не сол жерде қылмыстық немесе әкімшілік құқық бұзушылық жасалды немесе жасалуда, жазатайым оқиға болды деп ұйғаруға жеткiлiктi деректер болған кезде, дүлей зілзалалар, апаттар, авариялар, эпидемиялар, эпизоотиялар және жаппай тәртiпсiздiктер кезiнде жеке тұлғалардың жеке басының қауiпсiздiгi мен қоғамдық қауiпсiздiктi қамтамасыз ету үшiн тұрғын және өзге де үй-жайларға, аумақтарға және жер учаскелерiне (дипломатиялық иммунитетi бар шет мемлекеттер өкiлдiктерi мен халықаралық ұйымдардан басқа) кедергiсiз кiреді, оларды қарап тексереді;

      22) қылмыстық немесе әкімшілік құқық бұзушылықтар жасалу фактілерін және ІІО қызметкерлерінің әрекеттерін тіркеу үшін техникалық құралдарды пайдаланады;

      23) профилактикалық есептерде тұрған адамдарды криминалистік есепке қою үшін ІІО-ға жеткізеді, суретке түсiреді, дактилоскопия жасайды, дыбыс жазбасын, кино- және бейне түсiрiлiм жүргізеді;

      24) дербес деректерді жинауды және өңдеуді жүзеге асырады;

      25) қызмет көрсететін әкімшілік учаскеде тұратын деструктивті діни ағымды ұстанатын адамдардың есебін жүргізеді және әр күнтізбелік он күн сайын экстремизмге қарсы іс-қимыл жөніндегі бөлініске, мұндай бөлініс болмаған жағдайда – экстремизмге қарсы іс-қимыл бойынша функциялар жүктелген криминалдық полиция қызметкеріне ақпарат жолдайды.

      Ақпарат мынадай мәліметтерді қамтуы тиіс: оның нақты тұратын мекенжайы және тіркелу орны бойынша мекенжайы, отбасының құрамы, оның өмір сүру салты мен мінез-құлқы, сондай-ақ жедел қызығушылық тудыратын өзге де мәліметтер.

      Деструктивті діни ағымды ұстанатын адамның тұрғылықты жері бойынша болмау фактісі анықталған жағдайда шұғыл түрде (телефон, факс немесе өзге байланыспен) Жедел басқару орталығының, ІІО-ның кезекші бөлімінің жедел кезекшісіне (аға инспекторына) хабарлайды және тәулік ішінде ІІО бастығына жазбаша баянатпен баяндайды.

      Жолданған ақпараттардың (баянаттың) көшірмелері учаскелік полиция пунктінде сақталатын жинақтау ісіне тігіледі;

      26) Қазақстан Республикасының заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де іс-әрекетті жүзеге асырады.

      15. Учаскелік инспектор белгіленген тәртіппен әкімшілік учаскеге паспорт жүргізеді, онда әкімшілік учаскенің әлеуметтік-экономикалық, демографиялық және басқа да ерекшеліктерін, құқықтық тәртіптің жай-күйін сипаттайтын мәліметтер көрсетіледі.

      16. УПП қызметін және әкімшілік учаскенің паспортын жүргізу тәртібін тексеруді ЖПҚ бастығы немесе оның орынбасары айына кемінде бір рет, тоқсанда кемінде бір рет қалалық, аудандық орган бастығының орынбасары және жартыжылда кемінде бір рет қалалық, аудандық орган бастығы жүзеге асырады. Тексеру нәтижелері осы Қағидаларға 2-қосымшаға сәйкес нысан бойынша тексерушілер кітабына енгізіледі.

      17. Азаматтарды қабылдауды жүзеге асыру кезінде учаскелік инспектор мен оның көмекшісі оларға жүгінген адамдар туралы мәліметтерді осы Қағидаларға 3-қосымшаға сәйкес нысан бойынша азаматтарды қабылдауды есепке алу журналына жазады.

      Азаматтарды қабылдау кестесін қалалық, аудандық орган бастығы (оның міндетін атқаратын адам) бекітеді.

      18. Учаскелік инспектор өз құзыреті шегінде қылмыскерлерді, хабар-ошарсыз кеткен адамдарды іздестіру, құқық бұзушылық профилактикасы және қоғамдық тәртіпті қамтамасыз ету мәселелері бойынша криминалдық полиция, экстремизмге қарсы іс-қимыл, тергеу, анықтау, пробация қызметі бөліністерінің қызметкерлерімен өзара іс-қимылды жүзеге асырады, сондай-ақ ІІО-ның жедел бөліністерімен қылмыстарды анықтау, алдын алу және жолын кесу, оның ішінде деструктивті діни ағымды ұстанатын адамдар бойынша жедел маңызы бар ақпаратпен алмасуды жүзеге асырады.

      19. Қызмет көрсетілетін әкімшілік учаскеде ауыр немесе аса ауыр қылмыс жасалған жағдайда учаскелік инспектор криминалдық полиция қызметкерлеріне есепке алынған адамдардың жасалған қылмыстарға қатыстылығын тексеру арқылы қылмысты ашуға көмек көрсетеді.

      20. Қалалық, аудандық орган бастығының орынбасары (не ЖПҚ бастығы):

      1) құқықтық тәртіптің жай-күйін, учаскелік инспекторлар мен олардың көмекшілерінің жұмыс нәтижелерін қорытады және талдау жүргізеді;

      2) учаскелік инспекторлар мен олардың көмекшілеріне олардың кәсіби шеберліктерін арттыруға, жұртшылықпен өзара іс-қимылды нығайтуға, құқық бұзушылармен жеке профилактикалық жұмыс жүргізуге, азаматтардың өтініштерін қарауға, басқа да қызметтік міндеттерді орындауға практикалық және әдістемелік көмек көрсетеді;

      3) учаскелік инспекторлар мен олардың көмекшілерінің ІІО-ның мүдделі бөліністеріне және мемлекеттік органдарға беретін ақпараттарың, олар бойынша тексерулердің нәтижелерін жинақтау ісіне тігеді;

      4) учаскелік инспектор мен оның көмекшісінің ақпараты бойынша жолы кесілген және ашылған қылмыстардың есебін жүргізеді, олар бойынша ІІО бастығына немесе қаланың (ауданның) әкіміне оларды көтермелеу үшін ұсынымдар енгізеді;

      5) қабылданған шешімдер бойынша "СДТБТ бойынша шешім" Е-2 стаистикалық карточкасының толтырылуын, сондай-ақ оларда учаскелік инспектордың немесе оның қатысуымен қылмыстарды ашу фактілерін көрсету бөлігінде бақылауды қамтамасыз етеді;

      6) ұйым басшысының және басқа да лауазымды адамдардың енгізілген ұсынымдар бойынша қабылдаған шаралары туралы хабарламағаны, сондай-ақ қылмыстық немесе әкімшілік құқық бұзушылықтар жасауға ықпал ететін себептер мен шаттарды жою бойынша шаралар қабылдамағаны үшін шаралар қабылдануын бақылайды және талап етеді;

      7) учаскелік инспектор мен оның көмекшісін оның тікелей қызметіне (патрульдеу, спорттық, мерекелік және басқа да бұқаралық іс-шараларды өткізу кезінде құқықтық тәртіпті қамтамасыз ету, объектілерді күзету, мәжбүрлеп әкелуді орындау, басқа қызметтерге іссапарға жіберу және т.б.) байланысты емес жұмысқа тарту практикасына жол бермейді;

      8) ІІО мүдделі бөліністерінің учаскелік инспектордың ақпаратына уақтылы ден қоюын және тексеру нәтижелерінің күнтізбелік он күн ішінде ЖПҚ бөліністеріне ұсынылуын бақылауды қамтамасыз етеді. Кемінде тоқсанына бір рет осы мәселені ІІО бастығының жанындағы кеңесте тиісті шаралар қабылдай отырып, қарайды;

      9) учаскелік инспекторлардың тергеу және анықтау органдарымен өзара іс-қимылын, қылмыс жасауға ықпал ететін себептермен шарттарды жою туралы, тергеліп жатқан қылмыстық істер бойынша әртүрлі меншік нысанындағы ұйымдар мен кәсіпорындарға жолданған және уақтылы қаралған ұсынымдар туралы ЖПҚ-ны ақпараттандыру бөлігінде қамтамасыз етеді;

      10) ай сайын қорытынды кеңестерде учаскелік инспекторлардың және олардың көмекшілерінің қызмет көрсететін аумақта жүргізген жұмысы туралы қарайды.

4-тарау. Профилактикалық бақылау жүргізу

      Ескерту. 4-тараудың тақырыбы жаңа редакцияда – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      22. Учаскелік инспектор профилактикалық есепке қояды және өз бетімен және (немесе) ішкі істер органдарының бөлімшелерімен өзара іс қимыл жасаса отырып:

      1) әкімшілік қадағалау белгіленген;

      2) бас бостандығынан айыру орындарынан шартты түрде мерзімінен бұрын босату туралы шешім (қаулы) қабылданған;

      3) ауыр және (немесе) аса ауыр қылмыс жасағаны үшін жазасын өтегеннен кейін бас бостандығынан айыру орындарынан босату туралы шешім қабылданған немесе қасақана қылмыс жасағаны үшін бас бостандығынан айыруға екі немесе одан көп рет сотталған ("Бас бостандығынан айыру орындарынан босатылған адамдарды әкімшілік қадағалау туралы" 1996 жылғы 15 шілдедегі Қазақстан Республикасы Заңының қолданылу аясына шартты түрде жататын);

      4) сот әкімшілік құқық бұзушылықтар бойынша мінез-құлқына ерекше талаптар белгілеген;

      5) қорғаныс нұсқамасы шығарылған адамға қатысты профилактикалық бақылауды және жеке профилактикалық жұмысты жүзеге асырады.

      Профилактикалық есепке қою кезінде көрсетілген адамдар санаты осы Қағидаларға 4-қосымшаға сәйкес нысан бойынша 1), 2), 3) тармақтарда көрсетілген санаттағы адамдар бойынша криминалдық полиция бөліністеріне хабарлай отырып, профилактикалық есепте тұрған адамдар есепке алу журналына тіркеледі.

      23. Адам бірнеше санаттар бойынша профилактикалық есепке қоюға жататын болған кезде, профилактикалық бақылау және олардың санын есептеу олардың ішіндегі анағұрлым маңыздысы бойынша жүзеге асырылады.

      24. Әкімшілік учаскенің ерекшеліктері туралы хабардар болуды арттыру мақсатында учаскелік инспектор әкімшілік учаскені тұрақты зерделейді:

      1) Қағидаларға 5-қосымшаға сәйкес нысан бойынша жағдай бойынша өтелмеген немесе алынбаған соттылығы бар бұрын сотталған адамдардың;

      2) Қағидаларға 6-қосымшаға сәйкес нысан бойынша кәмелетке толмағандардың жыныстық қол сұғылмаушылығына қарсы қылмыстары үшін бұрын сотталған адамдардың;

      3) Қағидаларға 7-қосымшаға сәйкес нысан бойынша алкогольдік ішімдіктерді асыра пайдаланушы ретінде денсаулық сақтау органдарында диспансерлік есепте тұратын адамдардың;

      4) Қағидаларға 8-қосымшаға сәйкес нысан бойынша есірткі құралдарын, психотроптық және уытты заттарды медициналық емес пайдалануға жол беретіндер ретінде денсаулық сақтау органдарында диспансерлік есепте тұратын адамдардың;

      5) Қағидаларға 9-қосымшаға сәйкес нысан бойынша қоғамдық қауіп төндіретін мінез-құлқы асоциалды бағыттағы психикалық сырқаттардың, денсаулық сақтау органдарында диспансерлік есепте тұратын адамдардың;

      6) Қағидаларға 10-қосымшаға сәйкес нысан бойынша ішкі істер органдарында кәмелетке толмағандардың істері жөніндегі бөліністерде есепте тұрған адамдардың;

      7) Қағидаларға 11-қосымшаға сәйкес нысан бойынша қоғамнан оқшаулаумен байланысты емес жазалау, сондай-ақ шартты немесе жазалауды мерзімінен кейін өтеу тағайындалған адамдардың;

      8) Қағидаларға 12-қосымшаға сәйкес нысан бойынша әкімшілік учаскеде уақытша болатын шетелдіктер мен азаматтығы жоқ адамдардың тізімдері бар;

      Адам неғұрлым маңызды санатта тек бір тізімге қосылуға жатады, бұл ретте "Ерекше белгілер" бағанында қосымша санат көрсетіледі (мысалы, "есірткі құралдарын медициналық емес қолдануға жол береді"). Тізімдер тоқсанына кемінде бір рет жаңартылып тұрады. Барлық растайтын және өзге де материалдар әрбір санат бойынша жинақтау папкаларына жеке тігіледі.

      Одан басқа, Қағидаларға 13-қосымшаға сәйкес нысан бойынша әкімшілік учаскеде жалға алынған пәтерлерде (үйлерде) тұратын азаматтарды есепке алу журналын, Қағидаларға 14-қосымшаға сәйкес нысан бойынша әкімшілік учаскеде тұратын адамдарды есепке алудың электрондық журналын жүргізеді.

      9) Қағидаларға 15-қосымшаға сәйкес нысан бойынша экстремизмге қарсы іс-қимыл бөліністерімен, мұндай бөлініс болмаған жағдайда – экстремизмге қарсы іс-қимыл функциялары жүктелген криминалдық полиция қызметкерлерімен айына бір рет салыстырылатын деструктивті діни ағымды ұстанатын адамдардың;

      10) Қағидаларға 15-қосымшаға сәйкес нысан бойынша террористік тұрғыдан осал объектілердің тізімдері бар.

      25. Ескепе қою, есептен алу және анықтамалық деректерін (мекенжайын және т.б.) өзгерту фактісін белгілеу сәтінен бастап күнтізбелік үш күннен кешіктірмей Біріктірілген деректер банкінің "Есептегі элемент" есебіне енгізу үшін Ақпараттық-талдамалық орталығының аумақтық бөліністеріне толтырылған ақпараттық-іздестіру карталарын (АІК-ЛЦ) ұсынады, олар бойынша тоқсан сайын міндетті түрде акт жасай отырып, салыстыра тексеру жүргізіледі.

      АІК-ЛЦ осы Қағидалардың 24-тармағы 9) тармақшасында көрсетілген адамдарды қоспағанда, профилактикалық есепте тұрған адамдарға, сондай-ақ тізімдік есепте тұрған адамдарға толтырылады.

      26. Профилактикаланатын адамдар санатына арналған материалдар ІІО үй-жайында не қалалық, аудандық орган бастығының (оның міндетін атқаратын адамның) бұйрығына сәйкес УПП-да сақталады. Материалдарды ІІО үй-жайында сақтаған кезде, олардың жүргізілуін бақылау ЖПҚ учаскелік инспекторларды басқару бөлінісі инспекторларының біреуіне жүктеледі.

      27. Егер ІІО есепте тұратын адамдар тұрақты тұру үшін жаңа қаладағы (облыстағы) ауданға немесе өңірге көшкен жағдайда ол көшіп кеткеннен кейін үш тәулік ішінде таңдап алған мекенжайы бойынша ІІО-ға оның келгені туралы растауды алу үшін сұраухат жолдайды.

      Сұраухаттың жолданғаны туралы профилактикалық есепте тұратын адамдарды есепке алу журналында белгі жасайды

      Адамның таңдап алған жеріне келгені туралы растау алғаннан кейін, жүргізілген профилактикалық жұмыстардың барлық қажетті материалдары тиісті ІІО-ға жолданады.

      28. Профилактикалық жұмыстың ұйымдастырылуын бақылау ЖПҚ бастығына, оның орынбасарына, учаскелік инспекторларды басқару жөніндегі аға инспекторға (инспекторға) жүктеледі.

5-тарау. Учаскелік инспекторлардың халықпен есеп беру кездесулері

      Ескерту. 5-тараудың тақырыбы жаңа редакцияда – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      29. Тұрғындарға әкімшілік учаскедегі құқықтық тәртіптің жай-күйі туралы хабарлау, оның қызметінің ашықтығын қамтамасыз ету, сондай-ақ азаматтардың ішкі істер органдарына деген сенім деңгейін арттыру мақсатында учаскелік инспектор кемінде тоқсанына бір рет халықпен есеп беру кездесулерін өткізеді.

      30. Азаматтарды есепті талқылауға қатысуға барынша тарту үшін кездесулер тұрғындар үшін анағұрлым ыңғайлы уақытта өткізілуі тиіс. Өткізу орнын қатысушылардың болжамды санына қарай таңдайды.

      31. Халыққа алдағы есеп беру кездесуі туралы хабарлауды учаскелік инспектор бұқаралық ақпарат құралдарын пайдалану арқылы, меншік нысанына қарамастан кәсіпорындардың, мекемелер мен ұйымдардың әкімшіліктері арқылы алдын ала жүзеге асыру қажет. Учаскелік инспекторлардың халықпен есеп беру кездесуіне міндетті түрде жергілікті атқарушы органның өкілі шақырылады.

      32. Есептің мазмұнында құқықтық тәртіптің жай-күйі, құқық бұзушылықтың жекелеген түрлерінің, оларды жасауға ықпал ететін себептер мен жағдайларын көрсете отырып, кеңінен таралуы, жұртшылықтың жүргізген жұмысының тиімділігі, сондай-ақ әкімшілік учаске тұрғындарын алаңдататын анағұрлым өзекті мәселелер міндетті түрде қамтылуы тиіс.

      33. Іс-шараның қорытындысы хаттамамен рәсімделеді, олар тоқсан қорытындысы бойынша ІІО-ға ұсынылады.

      Нысан

      №_____ әкімшілік учаскенің паспорты

      _____________________________________________________________________

      (ішкі істер органының атауы)

      Басталды "___" __________ 20___ жыл

      Аяқталды "___" __________ 20___ жыл

      Сақтау мерзімі: _______

      Әкімшілік учаске паспорты

      мұқабасының сыртқы бетіне жазылады

      Мазмұны

      1. Әкімшілік учаскені қабылдау және тапсыру туралы мәліметтер.

      2. Учаске жоспары (кірістірме).

      3. Учаскені сипаттайтын мәліметтер.

      4. Кәсіпорындар, мекемелер, ұйымдар, банктер, акционерлік қоғамдар, шаруа қожалықтары, емдеу-сауықтыру, мәдени-ағартушылық және оқу орындары, пәтер меншік иелерінің кооперативтері, мейрамханалар, кафелер, базарлар, қоймалар және сауда-саттық пен тамақтанудың басқа да нысандары.

      5. Жатахқаналар, қонақүйлер.

      6. Рұқсат беру жүйесінің нысандары (атыс қаруы, оқ-дәрі, жарылғыш заттары ж.с.с. бар кәсіпорындар, ұйымдар, мекемелер).

      7. Жеке қолданысында атыс қаруы бар тұлғалар тізімі.

      8. Қоғамдық және діни бірлестіктер.

      9. Құқық қорғау бағытындағы қоғамдық құрылымдар.

      10. Тұрақты тұратын шетелдіктер және азаматтығы жоқ тұлғалардың тізімі

      Ескерту: әкімшілік учаскенің паспортындағы мәліметтер 1 қаңтар ахуалына жаңартылады.

      1. Әкімшілік учаскені қабылдау және тапсыру туралы мәліметтер

      2. Әкімшілік учаскенің жоспары

      (кірістірме)

      Әкімшілік учаскенің жоспарында бағыттар, әкімшілік учаскеде қоғамдық тәртіпті қорғауға қатысатын күш пен құралдарды орналастыру көрсетіледі.

      3. Әкімшілік учаскені сипаттайтын мәліметтер

      4. Кәсіпорындар, мекемелер, ұйымдар, банктер, акционерлік қоғамдар,

      шаруа қожалықтары, емдеу-сауықтыру, мәдени-ағартушылық және оқу

      орындары, пәтер меншік иелерінің кооперативтері, мейрамханалар,

      кафелер, базарлар, қоймалар және сауда-саттық пен тамақтанудың

      басқа да нысандары

      5. Жатақханалар, қонақүйлер

      6. Рұқсат беру жүйесінің тізімі (атыс қаруы, оқ дәрілер, жарылғыш

      заттар ж.с.с. бар кәсіпорындар, ұйымдар, мекемелер)

      7. Жеке қолданысында атыс қаруы бар тұлғалардың тізімі

      8. Қоғамдық және діни бірлестіктер тізімі, соның ішінде

      тіркелмегендер де

      9. Құқық қорғау бағытындағы қоғамдық құрылымдар

      10. Тұрақты тұратын шетелдіктер және азаматтығы жоқ тұлғалар тізімі

Учаскелік полиция пунктінің жарық түсіру таблосының эскизі

      Ескерту. Қағида 1-1-қосымшамен толықтырылды – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту: жарық түсіру таблосы, жжоғары бөлігі – сары түсті, төменгі бөлігі – көгілдір түсті, ұзындығы 2000 мм, биіктігі 1200 мм.

Учаскелік полиция пунктінің жұмыс режимі тақтайшысының эскизі

      Ескерту. Қағида 1-2-қосымшамен толықтырылды – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту: кесте УПП үй-жайына кіреберісте ілінеді, ені – 400 мм, биіктігі 600 мм.

Құқықтық ақпарат стендінің эскизі

      Ескерту. Қағида 1-3-қосымшамен толықтырылды – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту: ені – 2000 мм, биіктігі 1400 мм.

Учаскелік полиция инспекторлары туралы мәлімет стендінің эскизі

      Ескерту. Қағида 1-4-қосымшамен толықтырылды – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "УПП-нің учаскелік полиция инспекторлары туралы мәліметтер" стендінде учаскелік полиция инспекторларының 9х12 көлемдегі түрлі түсті фотолары орналастырылады.

      Әрбір УПИ-дің суретінің астында тегі, аты-жөні, әкесінің аты (бар болса), атағы мен лауазымы және қызмет көрсететін әкімшілік учаскенің шекарасы көрсетіледі.

      Ескерту: стенд көлемі учаскелік полиция пунктіндегі УПИ штат санын ескере отырып дайындалады.

Әкімшілік учаскенің стенді эскизі

      Ескерту. Қағида 1-5-қосымшамен толықтырылды – ҚР Ішкі істер министрінің 16.07.2018 № 517 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту: ені 900 мм, биіктігі 600 мм.

      Нысан

      Тексерушілер кітабы

      ____________________________________________________

      (ішкі істер органының атауы)

      Басталды "____" _________ 20____ жылы

      Аяқталды "____" ________ 20____ жылы

      Сақтау мерзімі: _______

      Тексерушілер кітабының ішкі мазмұны

      Нысан

      Азаматтарды қабылдауды есепке алу журналы № _________

      _____________________________________

      (ішкі істер органының атауы)

      Басталды "___" ________ 20____ жылы

      Аяқталды "___" __________ 20____ жылы

      Сақтау мерзімі: _______

      Азаматтарды қабылдауды есепке алу журналының ішкі мазмұны

      Нысан

      Профилактикалық есепте тұратын тұлғаларды есепке алу

      журналы № ______________

      _______________________________________

      (ішкі істер органының атауы)

      Басталды "___" __________ 20____ жылы

      Аяқталды "___" __________ 20____ жылы

      Сақтау мерзімі: _______

      Профилактикалық есепте тұратын тұлғаларды тіркеу

      журналының ішкі мазмұны

      Нысан

      20___ жылдың "___"_______ ахуалына, бұрын сотталғандар, соттылығы өтелмеген немесе алынбаған тұлғалар тізімі.

      Учаскелік инспектор ___________________________________________

      Нысан

      20___ жыл "___"_______ ахуалына жас балалардың жыныстық қол сұқпаушылығына қарсы қылмыстары үшін бұрын сотталғандардың тізімі

      Учаскелік инспектор ___________________________________________

      Нысан

      20___ жылдың "___"_______ ахуалына денсаулық сақтау органдарында алкогольдік ішімдіктерді шектен тыс қолданатындар ретінде диспансерлік есепте тұратын тұлғалар тізімі

      Учаскелік инспектор ___________________________________________

      Нысан

      20___ жылдың "___"_______ ахуалына есірткі заттарын, психотроптық және токсиндік заттарды медициналық мақсаттан тыс қолдануға жол беретіндер ретінде денсаулық сақтау органдарында диспансерлік есепте тұратындар тізімі

      Учаскелік инспектор ___________________________________________

      Нысан

      20___ жылдың "___"_______ ахуалына, қоғамға қауіп төндіретін асоциалды мінез құлықты жүйке науқасына шалдығып, денсаулық органдарында диспансерлік есепке қойылған тұлғалар тізімі.

      Учаскелік инспектор ___________________________________________

      Нысан

      20___ жылдың "___"_______ ахуалына ішкі істер органының кәмелетке толмағандар істері жөніндегі бөлімшенің есебінде тұрғандар.

      Учаскелік инспектор ___________________________________________

      Нысан

      20___ жылдың "___"_______ ахуалына, қоғамнан оқшаулаумен байланысты емес жаза белгіленген, сондай-ақ шартты түрде немесе жазасын өтеу кейінге қалдырылғандар (жинақтау ісі әрқайсысына ашылады).

      Учаскелік инспектор ___________________________________________

      Нысан

      әкімшілік учаскеде уақытша тұрып жатқан шетелдіктер мен азаматтығы жоқ тұлғалардың тізімі.

      Учаскелік инспектор ___________________________________________

      Нысан

      Әкімшілік учаскеде жалдамалы пәтерде (үйде) тұрып жатқан азаматтарды

      есепке алудың № ______________ журналы

      _______________________________________

      (ішкі істер органының атауы)

      Басталды "___" __________ 20____ жылы

      Аяқталды "___" __________ 20____ жылы

      Сақтау мерзімі: _______

      Әкімшілік учаскеде тұрып жатқан тұлғалар есебі журналының ішкі мазмұны (қарындашпен толтырылады)

      Тұрғын үй сипаттамасы:

      Мекен жайы:______________, үй № ______, қабаттар саны _____(соның ішінде үйдің жертөлесінде орналасқан қабаттар), пәтерлер____, подъездер____, жертөле бөлмелері____, шатырлар_____, люктар_____, күзет түрі (консьерж, бейнекамералар, домофон, кодты кілттер (қажеттісінің астын сызу), қызмет көрсететін КСК немесе үй басқарушы болып тағайындалған тұлға

      _________________________________________

      (атауы, төрағаның Т.А.Ж. және телефоны)

      Нысан

      Әкімшілік учаскеде тұратын тұлғалар есебінің электронды журналы № ___

      ________________________________________________

      (ішкі істер органының атауы)

      Басталды "___" __________ 200___ ж.

      Аяқталды "___" __________ 200___ ж.

      Сақтау мерзімі: _______

      Әкімшілік учаскеде тұратын тұлғалар есебін жүргізетін электронды

      журналдың ішкі мазмұны

20__ "___" _____________ жағдай бойынша
деструктивті діни ағымды ұстанатын адамдардың тізімі

      Ескерту. Қағида 15-қосымшамен толықтырылды - ҚР Ішкі істер министрінің 22.12.2016 № 1179 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Учаскелік инспектор_____________________

20__ "___" _____________ жағдайы бойынша
террористік тұрғыдан осал объектілердің тізімі

      Ескерту. Қағида 16-қосымшамен толықтырылды - ҚР Ішкі істер министрінің 22.12.2016 № 1179 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Учаскелік инспектор_____________________