Қазақстан Республикасында экологиялық таза (4 және одан да жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру қағидаларын бекіту туралы

      РҚАО-ның ескертпесі!
      Бұйрық 01.01.2016 ж. бастап қолданысқа енгізіледі

      Қазақстан Республикасының 2007 жылғы 9 қаңтардағы Экологиялық кодексінің 17-бабының 29) тармақшасына сәйкес БҰЙЫРАМЫЗ:
      1. Қоса берілген Қазақстан Республикасында экологиялық таза (4 және одан да жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру қағидалары бекітілсін.
      2. Қазақстан Республикасы Энергетика министрлігінің Қалдықтарды басқару департаменті Қазақстан Республикасының заңнамасында белгіленген тәртіппен:
      1) осы бұйрықтың Қазақстан Республикасы Әділет министрлігінде мемлекеттік тіркелуін;
      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесінің баспа және электрондық түрде мерзімдік баспа басылымдарына және «Әділет» ақпараттық-құқықтық жүйесіне ресми жариялауға, сондай-ақ Республикалық құқықтық ақпарат орталығына Қазақстан Республикасының нормативтік құқықтық актілерінің эталондық бақылау банкіне енгізу үшін жіберілуін;
      3) осы бұйрықтың Қазақстан Республикасы Энергетика министрлігінің интернет-ресурсында және мемлекеттік органдардың интранет-порталында орналастырылуын;
      4) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде Қазақстан Республикасы Энергетика министрлігінің Заң қызметі департаментіне осы бұйрықтың 2-тармағының 1), 2) және 3) тармақшаларында көзделген
іс-шаралардың орындалуы туралы мәліметтердің ұсынылуын қамтамасыз етсін.
      3. Осы бірлескен бұйрықтың орындалуын бақылау жетекшілік ететін Қазақстан Республикасы энергетика вице-министріне жүктелсін.
      4. Осы бұйрық алғашқы ресми жарияланған күнінен бастап қолданысқа енгізіледі және 2016 жылғы 1 қаңтардан бастап пайда болған құқықтық қатынастарға таралады.

      Қазақстан Республикасының             Қазақстан Республикасының
      Инвестициялар және даму               Энергетика министрінің
      министрі                              міндетін атқарушы
      А. Исекешев                           М. Мырзағалиев
      _______________                       _______________

Қазақстан Республикасы     
Энергетика министрінің     
2015 жылғы 4 желтоқсандағы   
№ 697 және          
Қазақстан Республикасы     
Инвестициялар және даму министрінің
2015 жылғы 23 желтоқсандағы  
№ 1219 бірлескен бұйрығымен  
бекітілген          

Қазақстан Республикасында экологиялық таза (4 және одан жоғары
экологиялық сыныбына сәйкес келетін; электр қозғалтқыштары бар)
автомобиль көлік құралдарын және олардың құрауыштарын өндіруді
ынталандыру қағидалары

1. Жалпы ережелер

      1. Осы Қазақстан Республикасында экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру қағидалары (бұдан әрі – Қағидалар) Қазақстан Республикасының 2007 жылғы 9 қаңтардағы Экологиялық кодексінің 17-бабы 29) тармақшасының отыз төртінші абзацына сәйкес әзірленді және Қазақстан Республикасында экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру тәртібін айқындайды.
      2. Қазақстан Республикасында экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндірушілер (бұдан әрі - өндірушілер) мынадай бағыттар бойынша қаржыландыру жолымен жүзеге асырылады:
      1) жұмыс орындарын күтіп ұстау;
      2) энергия ресурстарын пайдалану;
      3) ғылыми-зерттеу және тәжірибе-конструкторлық әзірлемелерді жүзеге асыру;
      4) өнім шығарумен байланысты сынақтарды жүргізу;
      5) кепілдік міндеттемелерін қолдау.
      3. Осы Қағидаларда мынадай ұғымдар пайдаланылады:
      1) автомобиль көлік құралдарының құрауыштары – автомобиль көлік құралдары конструкциясының құрамдас бөліктері, бөлшектері, тораптары, құраушы бұйымдары, материалдары, химиялық, лак-бояу өнімдері және көлік құралдарын өндіру үшін қажетті өзге де құраушылары;
      2) автомобиль көлік құралы – автобустарды, шағын автобустарды, жеңіл және жүк автомобильдерін, троллейбустарды, автомобиль тіркемелерін, отырылатын тартқыштардың жартылай тіркемелерді, сондай-ақ мамандандырылған (белгілі жүк түрлерін тасымалдауға арналған) автомобильдерді және арнайы (әртүрлі негізінен көліктік емес жұмыстарды орындауға арналған) автомобильдерді қосатын автомобиль көлігінің жылжымалы құрамының бірлігі;
      3) өндірушілер – Қазақстан Республикасының аумағында өндірушілердің (импорттаушылардың) кеңейтілген міндеттемелері оған (оларға) таралатын өнім (тауарлар) тізбесіне сәйкес өнім (тауарлар) өндіруді жүзеге асыратын жеке және заңды тұлғалар;
      4) өндірушілердің ғылыми-зерттеу және тәжірибе-конструкторлық жұмыстарды жүзеге асыруға қаржыландыру – ғылыми-зерттеу және тәжірибе-конструкторлық әзірлемелерді жүзеге асыруға қатысатын өндіруші қызметкерлерінің еңбегіне ақы төлеуге шығындарының қаржыландыру, ғылыми-зерттеу және тәжірибе-конструкторлық әзірлемелерді орындаумен тікелей байланысты материалдық шығыстар, бөгде ұйымдардың ғылыми-зерттеу және тәжірибе-конструкторлық әзірлемелерді жүзеге асыруы бойынша көрсетілетін қызметтерінің құны;
      5) өндірушілердің жұмыс орындарын күтіп ұстауға қаржыландыру – есепті кезеңге есептелетін жалақыны төлеуге шығындарының қаржыландыру, сондай-ақ міндетті әлеуметтік сақтандыру бойынша сақтандыру жарналарына ақша аударуға шығындар, әлеуметтік салық, қызметкерлер еңбек (қызметтік) міндеттерін орындаған кезде оларды жазатайым оқиғалардан міндетті сақтандыру;
      6) кепілдік міндеттемелерін қолдау – автомобиль көлік құралдарына және олардың құрауыштарына қатысты кепілдік міндеттемелерін қаржыландыру;
      7) өндірушілердің өнім шығарумен байланысты сынақтарды жүргізуге қаржыландыру – көлік құралдарының үлгілерін сынақтарды жүргізу орындарына дейін және кері қарай тасымалдауға шығындарды қоса алғанда, сынақтарды жүргізуге шығындарының қаржыландыру;
      8) өндірушілердің энергия ресурстарын пайдалануға қаржыландыру - өндірістік мақсаттарда пайдаланылатын электрлік және жылу энергиясын төлеуге шығындарының қаржыландыру.

2. Экологиялық таза автомобиль көлік құралдарын өндірушілерге
қойылатын талаптар

      4. Қазақстан Республикасында экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру Өндірушіге мынадай талаптар орындалған кезде ұсынылады:
      1) өндіруші Қазақстан Республикасының аумағында тіркелген заңды тұлға болып табылады;
      2) өндірушіге өндірушінің халықаралық сәйкестендіру нөмірі (WMI-код) берілген және өндіруші жеке сәйкестендіру нөмірін (VIN-кодын) автомобиль көлік құралдарының шанағының (кабинасының), шассиінің ажыратылмас құраушыларына немесе арнайы жасалған нөмірлік тақтайшаларға жазу бойынша операцияларды жүзеге асырады.
      3) мынадай экологиялық таза:
      4 және одан жоғары экологиялық сыныбына сәйкес келетін;
      электр қозғалтқышы бар автомобиль көлік құралдарының кем дегенде біреуін өндіруді жүзеге асыру.

3. Қазақстан Республикасында экологиялық таза (4 және одан
жоғары экологиялық сыныбына сәйкес келетін; электр
қозғалтқыштары бар) автомобиль көлік құралдарын және олардың
құрауыштарын өндіруді ынталандыру тәртібі

      5. Қазақстан Республикасында экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру Өндіруші мен Өндірушілердің (импорттаушылардың) кеңейтілген міндеттемелерінің операторы (бұдан әрі – Оператор) арасындағы Қазақстан Республикасында экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіру қаржыландыруды ұсыну шартының (бұдан әрі – қаржыландыру шарты) негізінде жүзеге асырылады.
      6. Қаржыландыру шарты осы Қағидаларға 1-қосымшаға сәйкес экологиялық таза автомобиль көлік құралдарын өндірушілер мен өндірушілердің (импорттаушылардың) кеңейтілген міндеттемелерінің операторы арасындағы үлгілік шарт негізінде жасалады.
      7. Қаржыландыру шартын жасасу үшін Өндіруші Операторға мынадай құжаттарды қоса беріп, қаржыландыру шартын жасасу туралы өтініш (еркін нысанда) ұсынады:
      1) өндірушінің құрылтай құжаттарының нотариалды расталған көшірмелері;
      2) өндірушінің басшысы және бас бухгалтері қол қойған, өндірушінің мөрімен бекітілген (болған кезде), оған қаржыландыру аударылатын өндірушінің банктік деректемелері және есеп шоттары көрсетілген анықтама;
      3) WMI-кодын беру құжатының өндірушінің басшысы растаған көшірмесі;
      4) моторлы көлік құралдарын өнеркәсіптік жинау туралы келісімнің бірінші және соңғы беттерінің нотариалды расталған көшірмелері;
      5) заңды тұлғаның немесе жеке кәсіпкердің мемлекеттік тіркеу (қайта тіркеу) туралы куәлік немесе анықтама;
      6) көлік құралының типін мақұлдауының немесе көлік құралының сәйкестік сертификатының басшысы растаған көшірмесі.
      8. Оператор осы Қағидалардың 7-тармағына сәйкес Өндірушілер ұсынған қаржыландыру шарттарын жасасу туралы өтініштерді олар келіп түскен күннен бастап он жұмыс күні ішінде қарайды және Өндірушілермен қаржыландыру шартын жасасады не өндірушіге осындай шарт жасасудан бас тартады (жазбаша нысанда).
      9. Қаржыландыру шартын жасасудан бас тарту үшін негіздер ұсынылған құжаттар мен оларда бар мәліметтердің осы Қағидалардың 4 және 7 тармақтарында белгіленген талаптарға толық болмауы және/немесе сәйкес келмеуі болып табылады.
      10. Қаржыландыруды алу үшін қаржыландыру шарты жасалған Өндіруші Операторға мынадай құжаттарды қоса беріп, қаржыландыруды ұсыну туралы өтінішті (Оператормен келісілген нысан бойынша) ұсынады:
      1) осы Қағидаларға 2-қосымшаға сәйкес нысан бойынша жұмыс орындарын күтіп ұстауға шығындардың бір бөлігін қаржыландыру есептемесі;
      2) осы Қағидаларға 3-қосымшаға сәйкес нысан бойынша энергия ресурстарын пайдалану ға шығындардың бір бөлігін қаржыландыру есептемесі;
      3) осы Қағидаларға 4-қосымшаға сәйкес нысан бойынша ғылыми зерттеу және тәжірибе-конструкторлық жұмыстарды жүзеге асыруға шығындардың бір бөлігін қаржыландыру есептемесі;
      4) осы Қағидаларға 5-қосымшаға сәйкес нысан бойынша дөңгелекті көлік құралдары мен олардың құрауыштарының сынақтарын жүргізумен байланысты, көлік құралдарының үлгілері мен олардың құрауыштарын өнім шығарумен байланысты сынақтарды жүргізу орындарына дейін және кері қарау тасымалдауға шығындардың бір бөлігін қаржыландыру есептемесі;
      5) осы Қағидаларға 6-қосымшаға сәйкес нысан бойынша М санатының дөңгелекті, соның ішінде G санатының жүріп өту мүмкіндігі жоғары көлік құралдарына қатысты кепілдік міндеттемелерін қолдаумен байланысты қаржыландыру есептемесі;
      6) осы Қағидаларға 7-қосымшаға сәйкес нысан бойынша N санатының дөңгелекті, соның ішінде G санатының жүріп өту мүмкіндігі жоғары көлік құралдарына қатысты кепілдік міндеттемелерін қолдаумен байланысты қаржыландыру есептемесі;
      7) осы Қағидаларға 8-қосымшаға сәйкес нысан бойынша экологиялық таза автомобиль көлік құралдарын өндіру туралы есеп.
      11. Оператор:
      1) осы Қағидалардың 10-тармағына сәйкес ұсынылған қаржыландыру ұсыну туралы өтінішті келіп түсу тәртібімен тіркейді;
      2) қаржыландыруды ұсыну туралы шарттар келіп түскен күнінен бастап бес жұмыс күні ішінде ұсынылған құжаттарды оларда бар мәліметтердің толықтығы тұрғысынан тексереді және оң шешім қабылдаған жағдайда үш жұмыс күні ішінде Өндірушіге қаржыландыру ұсынады;
      3) қаржыландыруды ұсынудан бас тарту туралы шешім қабылдаған жағдайда шешім қабылдаған күннен бастап үш жұмыс күні ішінде өндірушіні және уәкілетті органды негізделген бас тартудың негіздемесін көрсете отырып, жазбаша түрде хабар етеді.
      12. Қаржыландыруды ұсынудан бас тарту үшін негіз болып ұсынылған құжаттардың және онда мазмұндалған мәліметтің толық болмауы және/немесе осы Қағидалардың 10-тармағымен бекітілген талаптарға сәйкес келмеуі.
      13. Осы Қағидалардың 4, 7, және 10-тармақтарында бекітілген қаржыландыруды ұсыну талаптарын бұзу фактісі белгіленген жағдайда, Өндіруші алған қаражат Оператор табысына қайтаруға жатады.
      14. Өндіруші Оператордың сұранысы бойынша осы Қағидалардың 10 тармағының 1)-7) тармақшаларында көрсетілген шығыс баптары бойынша, жылына екі реттен көп емес тәуелсіз аудиторлық ұйымының тұжырымын ұсынады.

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
1-қосымша                

Экологиялық таза автомобиль көлік құралдарын өндіруші мен
өндірушілердің (импорттаушылардың) кеңейтілген
міндеттемелерінің операторы арасындағы үлгілік шарт

________ қаласы                           20__ жылғы «___» __________

      Осы Шарт бұдан әрі Тараптар деп аталатын өндірушілерді (импорттаушылардың) кеңейтілген міндеттемелері операторының (бұдан
әрі – Оператор) атынан Жарғы негізінде әрекет ететін ______________ және ____________ (бұдан әрі – Өндіруші) атынан ____________ негізінде әрекет ететін ____________ арасында жасалды.
      Мыналарды назарға ала отырып:
      Тараптар Шарт оның шарттарын іске асыру кезіндегі олардың өзара құқықтары мен міндеттерін реттейтіні туралы уағдаласты,
      Тараптар төмендегі туралы осы Шартты жасасты.

      1. Шарттың мақсаты
      1.1. Осы Шарттың мақсаты тараптардың өзара әрекеттесуі болып табылады.
      Осы Шарттың мақсаты Еуразиялық экономикалық одақтың Сыртқы экономикалық қызметінің тауарлық номенклатурасының (бұдан әрі – ЕАЭЫ СЭҚ ТН) 8701 (ерші тартқыш), 8702 (жүргізушіні қоса алғанда он немесе одан көп адамды тасымалдауға арналған моторлы көлік құралдары), 8703 (жүк-жолаушы автомобиль-фургондар мен жарыс автомобильдерін қоса алғанда, негізінен адамдарды тасымалдауға арналған жеңіл автомобильдер және өзге де моторлы көлік құралдары), 8704 (жүктерді тасымалдауға арналған моторлы көлік құралдары), 8705 (арнайыландырылған моторлы көлік құралдары) тауарлық позициясының экологиялық таза көлік құралдарын өндіру кезіндегі отандық экологиялық таза автомобиль өнеркәсібін дамытуға бағытталған өзара міндеттемелерін белгілеу және іске асыру бойынша Тараптардың өзара әрекеттесуі болып табылады.
      Экологиялық таза көлік құралдарын өндіру деп мынадай:
      4 және одан жоғары экологиялық сыныбына сәйкес келетін;
      электр қозғалтқышы бар экологиялық таза автомобиль көлік құралдарының кемінде біреуін және, болған кезде, олардың құрауыштарын сериялық өндіру жүйесі түсініледі.
      Көлік құралдарының құрауыштарын өндіру деп көлік құралдары конструкциясының құрамдас бөліктері, бөлшектері, тораптары, құраушы бұйымдары, материалдары, химиялық, лак-бояу өнімдері және көлік құралдарын өндіру үшін қажетті өзге де құраушылары түсініледі.
      1.2. Осы Шарт 1.1-тармақта көрсетілген көлік құралдарын және олардың құрауыштарын өндіру үшін Өндірушінің мынадай Оператордың қаржыландыруы үшін негіз болып табылады:
      1) жұмыс орындарын күтіп ұстауға;
      2) энергия ресурстарын пайдалануға;
      3) ғылыми-зерттеу және тәжірибе-конструкторлық әзірлемелерді жүзеге асыруға;
      4) өнім шығарумен байланысты сынақтарды жүргізуге;
      5) кепілдік міндеттемелерін қолдауға.

      2. Тараптардың міндеттері
      2.1 Өндіруші мыналарға міндеттенеді:
      2.1.1. экологиялық таза көлік құралдарын өндіруді қамтамасыз етеді;
      2.1.2. есепті айдан кейінгі айдын 20-күнінен кешіктірмей Операторға қаржыландыру көлемін көрсете отырып, мынадай құжаттарды қоса беріп, қаржыландыруды ұсыну туралы өтінішті (тараптармен келісілген нысан бойынша) ұсынады:
      1) Қазақстан Республикасының 2007 жылғы 9 қаңтардағы Экологиялық кодексінің 17-бабының 29) тармақшасына сәйкес Қазақстан Республикасында экологиялық таза (4 және одан жоғары экологиялық сыныбына сәйкес келетін; электр қозғалтқыштары бар) автомобиль көлік құралдарын және олардың құрауыштарын өндіруді ынталандыру қағидаларына 2–7-қосымшаларға сәйкес нысандар бойынша қаржыландыру есептемесі;
      2) өндірушінің басшысы растаған, есепті кезеңде өндірілген көлік құралдарын және олардың құрауыштарын шығару көлемдерін растайтын құжаттар.
      2.1.3. экологиялық таза автомобиль көлік құралдарын өндірушілерге қойылатын талаптарды бұзуы дәлелденген фактілерді анықтаған, сонымен қатар өндіруші сенімді емес, немесе бұрмаланған мәліметтердің және ақпараттарды ұсынған кезде Оператор асыра төлеген сомаларды қайтаруды растайтын құжаттар қоса берілетін тиісті хабарламаны жолдағаннан кейін он жұмыс күні ішінде жүргізеді.
      2.1.4. Өндіруші қаржыландыруды алу мақсатында ұсынатын ақпараттың шынайылығы үшін Өндіруші жауапты болады.
      2.2. Оператор мыналарға міндеттенеді:
      2.2.1. қаржыландыруды ұсыну туралы өтініш келіп түскен күннен бастап бес жұмыс күні ішінде ұсынылған құжаттарды тексереді және оң шешім қабылдаған жағдайда үш жұмыс күні ішінде Өндірушіге қаржыландыру ұсынады;
      2.2.2. қаржыландыруды ұсынудан бас тарту туралы шешім қабылдаған жағдайда шешім қабылдаған күннен бастап үш жұмыс күні ішінде өндірушіні бас тарту негізін көрсете отырып, жазбаша түрде хабардар етеді;
      2.2.3. экологиялық таза автомобиль көлік құралдарын өндірушілерге қойылатын талаптарды бұзуы дәлелденген фактілерді анықтаған күннен бастап үш жұмыс күні ішінде, сонымен қатар өндіруші сенімді емес, немесе бұрмаланған мәліметтердің және ақпараттарды ұсынған кезде Өндірушіні аударылған ақша қаражатын қайтару қажеттілігі туралы хабардар етеді;

      3. Тараптардың жауапкершілігі
      3.1. Өндіруші Шарттың нормаларын орындамаған немесе тиісті түрде орындамаған жағдайда Оператор бұзушылықтарды көрсете отырып, Өндірушіге Шартты тоқтата тұру туралы және бұзушылықты бір айлық мерзімде жою туралы хабарламаны анықталған жазбаша нысанда жолдайды.
      Анықталған бұзушылықтарды жоймау немесе тиісті түрде жоймау Шартты Қазақстан Республикасының азаматтық заңнамасында көзделген тәртіппен бұзу үшін негіз болып табылады.
      3.2. Өндіруші ақта төлемін белгіленген мерзімде қайтармаған жағдайда оларды қайтару сот тәртібімен жүзеге асырылады.
      3.3. Басқа да міндеттемелері мен кепілдіктерін орындамағаны немесе тиісті түрде орындамағаны үшін Тараптар Қазақстан Республикасының қолданыстағы заңнамасына сәйкес жауапты болады.

      4. Форс-мажор
      4.1. Егер осындай орындамау немесе орындаудағы кідіру сұрапыл күштермен жағдайлармен (форс-мажор) туындалса, Тараптардың біреуі де Шарт бойынша қандайда бір міндеттемелерін орындамағаны үшін жауапты болмайды.
      4.2. Форс-мажорға әскери шиеленістер, табиғи катастрофалар, сұрапыл апаттар (өрттер, ірі авариялар, коммуникациялардың бұзылуы) және өзге де төтенше және осы жағдайларда алды алынбайтын ахуалдар жатады.
      4.3. осы Шарт бойынша жұмыстар Форс-мажор жағдайларымен туындаған толық немесе ішінара тоқтатылған кезде жағдайларды іске асыру мерзімдері форс-мажор қолданылған мерзімге ұзартылады.
      4.4. Форс-мажор жағдайлары пайда болған жағдайда одан зардап шеккен Тарап олар пайда болған күннен бастап он бес жұмыс күні ішінде басқа Тарапты оқиғаның басталған күнін және форс-мажор жағдайларының сипатын көрсете отырып, жазбаша хабарландыруды ұсыну жолымен бұл туралы хабардар етеді.
      4.5. Форс-мажор жағдайлары пайда болған кезде Тараптар қалыптасқан ахуалдың шешімін іздестіру үшін кідіріссіз келіссөздер жүргізеді және осындай жағдайлардың салдарларын барынша төмендету үшін барлық құралдарды пайдаланады.

      5. Құпиялылық
      5.1. Тараптар Қазақстан Республикасының заңнамасына сәйкес осы Шартты іске асыру бойынша жұмысқа жататын барлық құжаттар, ақпарат пен есептер бойынша құпиялылық шарттарын оның қолданылу мерзімінің ішінде сақтайды.
      5.2. Тараптардың біреуі де басқа Тарапты жазбаша келісімін алмай, Шарттың мазмұнына қатысы бар ақпаратты немесе құпиялы деп есептелетін және осы Шарттың ережелерін іске асырумен байланысты өзге де ақпаратты мынадай:
      1) ақпарат сот процесінің барысында пайдаланылған;
      2) ақпарат Тараптардың біріне Шарт бойынша қызметтер көрсететін үшінші тұлғаларға осындай үшінші тұлға осындай ақпараттың құпиялылығын сақтау және оны Тараптар белгілеген мақсаттарда және Тараптар айқындаған мерзімде пайдалану міндеттемелерін өзіне алу шарты кезінде ұсынылған;
      3) ақпарат Тарап Шарт бойынша қаржы қаражатын алатын банкке немесе өзге қаржы ұйымына осындай банк немесе қаржы ұйымы осындай ақпараттың құпиялылығы шарттарын сақтау міндеттемелерін өзіне алу шарты кезінде ұсынылған;
      4) ақпарат кез келген, соның ішінде банк құпиясы болып табылатын, Өндірушінің кез келген, соның ішінде Қазақстан Республикасының шегінен тыс шетелдік банктерде ашылған банктік шоттарына жататын ақпаратқа қолжетімдігі бар Қазақстан Республикасының салық немесе өзге де уәкілетті мемлекеттік органдарына ұсынылған;
      5) Өндірушілерді ынталандыру көлімі туралы деректерді жариялау жағдайларын қоспағанда жария етуге құқылы емес.

      6. Дауларды реттеу
      6.1. Осы Шартты түсіндіру немесе қолдануға қатысты Тараптар арасындағы кез келген дау кеңестер мен келіссөздер жолымен шешіледі.
      6.2. Реттемеген даулар Қазақстан Республикасының заңнамасына сәйкес сот тәртібімен шешіледі.

      7. Шарттың қорытынды ережелері, күшіне енуі және қолданылуының тоқтатылуы
      7.1. Осы Шарт жылға дейін қолданылады және Тараптар шарттың талаптарын шынайы орындаған жағдайда автоматты түрде ұзартылады.
      7.2. Осы Шарт Қазақстан Республикасының қолданыстағы заңнамасына сәйкес түрлендіріледі және реттеледі.
      7.4. _______ қаласында жылғы «___» ____________ әрқайсысы қазақ және орыс тілдеріндегі, бірдей заңды күші бар, әрбір Тарап үшін 1 (бір) данадан екі данада жасалды. Осы Шарттың ережелерін түсіндіруде келіспеушіліктер болған жағдайда Тараптар орыс тіліндегі мәтінге қарайды.

      8. Тараптардың деректемелері

      Оператор                        Өндіруші

      _________________________       _______________________

      _________________________       _______________________

      М.О.                            М.О.

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
2-қосымша                

нысан

Жұмыс орындарын күтіп ұстауға шығындардың бір бөлігін
қаржыландыру
ЕСЕПТЕМЕСІ

Ұйымның атауы _______________________________________________________
Орналасқан дері _____________________________________________________
БСН_____________ЭҚЖЖ______________ Кбе_____________БСК_______________
Тіркелуі туралы анықтама ____________________________________________

Ұйым басшысы  _______________ _______________________________________
                 (қолы)        (тегі аты әкесінің аты (болған кезде))

Бас бухгалтер _______________ _______________________________________
                 (қолы)        (тегі аты әкесінің аты (болған кезде))

20__ жылғы "__" ________________
М. О.(болған кезде)

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
3-қосымша                

нысан

Энергия ресурстарын пайдалануға шығындардың бір бөлігін
қаржыландыру
ЕСЕПТЕМЕСІ

Ұйымның атауы________________________________________________________
Орналасқан дері______________________________________________________
БСН_____________ЭҚЖЖ______________ Кбе_____________БСК_______________
Тіркелуі туралы анықтама ____________________________________________

Ұйым басшысы  _______________ _______________________________________
                 (қолы)        (тегі аты әкесінің аты (болған кезде))

Бас бухгалтер _______________ _______________________________________
                 (қолы)        (тегі аты әкесінің аты (болған кезде))

20__ жылғы "__" ________________
М. О.(болған кезде)

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
4-қосымша                

нысан

Ғылыми зерттеу және тәжірибе-конструкторлық жұмыстарды
жүзеге асыруға шығындардың бір бөлігін қаржыландыру
ЕСЕПТЕМЕСІ

Ұйымның атауы________________________________________________________
Орналасқан дері______________________________________________________
БСН_____________ЭҚЖЖ______________ Кбе_____________БСК_______________
Тіркелуі туралы анықтама ____________________________________________

Ұйым басшысы  _______________ _______________________________________
                 (қолы)        (тегі аты әкесінің аты (болған кезде))

Бас бухгалтер _______________ _______________________________________
                 (қолы)        (тегі аты әкесінің аты (болған кезде))

20__ жылғы "__" ________________
М. О.(болған кезде)

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
5-қосымша                

нысан

Дөңгелекті көлік құралдары мен олардың құрауыштарының
сынақтарын жүргізумен байланысты, көлік құралдарының үлгілері
мен олардың құрауыштарын өнім шығарумен байланысты сынақтарды
жүргізу орындарына дейін және кері қарау тасымалдауға
шығындардың бір бөлігін қаржыландыру
ЕСЕПТЕМЕСІ

Ұйымның атауы________________________________________________________
Орналасқан дері______________________________________________________
БСН_____________ЭҚЖЖ______________ Кбе_____________БСК_______________
Тіркелуі туралы анықтама ____________________________________________

Ұйым басшысы  _______________ _______________________________________
                 (қолы)        (тегі аты әкесінің аты (болған кезде))

Бас бухгалтер _______________ _______________________________________
                 (қолы)        (тегі аты әкесінің аты (болған кезде))

20__ жылғы "__" ________________
М. О.(болған кезде)

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
6-қосымша                

нысан

М санатының дөңгелекті, соның ішінде G санатының жүріп өту
мүмкіндігі жоғары көлік құралдарына қатысты кепілдік
міндеттемелерін қолдаумен байланысты қаржыландыру
ЕСЕПТЕМЕСІ

Ұйымның атауы________________________________________________________
Орналасқан дері______________________________________________________
БСН_____________ЭҚЖЖ______________ Кбе_____________БСК_______________
Тіркелуі туралы анықтама ____________________________________________

Ұйым басшысы  _______________ _______________________________________
                 (қолы)        (тегі аты әкесінің аты (болған кезде))

Бас бухгалтер _______________ _______________________________________
                 (қолы)        (тегі аты әкесінің аты (болған кезде))

20__ жылғы "__" ________________
М. О.(болған кезде)

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
7-қосымша                

нысан

N санатының дөңгелекті, соның ішінде G санатының жүріп өту
мүмкіндігі жоғары көлік құралдарына қатысты кепілдік
міндеттемелерін қолдаумен байланысты қаржыландыру
ЕСЕПТЕМЕСІ

Ұйымның атауы________________________________________________________
Орналасқан дері______________________________________________________
БСН_____________ЭҚЖЖ______________ Кбе_____________БСК_______________
Тіркелуі туралы анықтама ____________________________________________

Ұйым басшысы  _______________ _______________________________________
                 (қолы)        (тегі аты әкесінің аты (болған кезде))

Бас бухгалтер _______________ _______________________________________
                 (қолы)        (тегі аты әкесінің аты (болған кезде))

20__ жылғы "__" ________________
М. О.(болған кезде)

Қазақстан Республикасында экологиялық таза
(4 және одан жоғары экологиялық сыныбына
сәйкес келетін; электр қозғалтқыштары бар)
автомобиль көлік құралдарын және олардың
құрауыштарын өндіруді ынталандыру   
қағидаларына               
8-қосымша                

Экологиялық таза автомобиль көлік құралдарын өндіру туралы
ЕСЕП

Ұйымның атауы________________________________________________________
Орналасқан дері______________________________________________________
БСН_____________ЭҚЖЖ______________ Кбе_____________БСК_______________
Тіркелуі туралы анықтама ____________________________________________

Ұйым басшысы  _______________ _______________________________________
                 (қолы)        (тегі аты әкесінің аты (болған кезде))

Бас бухгалтер _______________ _______________________________________
                 (қолы)        (тегі аты әкесінің аты (болған кезде))

20__ жылғы "__" ________________
М. О.(болған кезде)