Мемлекеттік материалдық резервтен материалдық құндылықтарды шығаруға нарядтар беру нысанын және қағидаларын бекіту туралы

      Қазақстан Республикасы Үкіметінің 2014 жылғы 31 шілдедегі № 860 қаулысымен бекітілген Мемлекеттік материалдық резервтің материалдық құндылықтарымен операциялар жүргізу қағидаларының 4-тармағына сәйкес БҰЙЫРАМЫН:

      1. Мына:

      1) осы бұйрыққа 1-қосымшаға сәйкес мемлекеттік материалдық резервтен материалдық құндылықтарды шығаруға наряд нысаны;

      2) осы бұйрыққа 2-қосымшаға сәйкес Мемлекеттік материалдық резервтен материалдық құндылықтарды шығаруға нарядтар беру қағидалары бекітілсін.

      2. Қазақстан Республикасы Ұлттық экономика министрлігі Мемлекеттік материалдық резервтер комитеті:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) Қазақстан Республикасы Әділет министрлігінде осы бұйрық мемлекеттік тіркелгеннен кейін күнтізбелік он күн ішінде оның мерзімдік баспасөз басылымдарына және "Әділет" ақпараттық-құқықтық жүйесінде ресми жариялауға жіберілуін;

      3) осы бұйрықтың Қазақстан Республикасы Ұлттық экономика министрлігінің ресми интернет-ресурсында жариялануын қамтамасыз етсін.

      3. "Мемлекеттік материалдық резервтен материалдық құндылықтарды шығаруға нарядтар беру ережесін бекіту туралы" Қазақстан Республикасы Төтенше жағдайлар министрінің 2011 жылғы 26 желтоқсандағы № 531 бұйрығының (Нормативтік құқықтық актілердің мемлекеттік тіркеу тізілімінде № 7390 тіркелген, Қазақстан Республикасының орталық атқарушы және өзге де мемлекеттік органдардың нормативтік құқықтық актілер бюллетенінде 2012 ж. № 3, 445-құжатта жарияланған) күші жойылды деп танылсын.

      4. Осы бұйрық оны алғашқы ресми жариялаған күнінен бастап күнтізбелік он күн өткеннен кейін қолданысқа енгізіледі.

      Нысан

Қазақстан Республикасы Цифрлық даму, қорғаныс және аэроғарыш өнеркәсібі министрлігінің Мемлекеттік материалдық резервтер комитеті Мемлекеттік материалдық резервтен материалдық құндылықтарды шығаруға № ___ наряд 20___ жылғы "_____" ___________

      Ескерту. 1-қосымша жаңа редакцияда – ҚР Цифрлық даму, қорғаныс және аэроғарыш өнеркәсібі министрінің 05.06.2019 № 117/НҚ (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Кімге__________________________________________________________

      Мекен жайы____________________________________________________

      Жүк жіберуші___________________________________________________

      Жүк алушы _____________________________________________________

      Төменде көрсетілген мемлекеттік материалдық резервтің материалдық құндылықтары

      Сомасы (жазбаша) оның ішінде ҚҚС теңге.

      Шығару: жаңартуға байланысты (оның ішінде: "Мемлекеттік сатып алу туралы" 2015 жылғы 4 желтоқсандағы Қазақстан Республикасы Заңының 39-бабы 3-тармағының 8) тармақшасына сәйкес, сараптама жүргізу үшін, басқа мемлекеттік органдардың балансына беру үшін), қарызға беру тәртібімен, броньнан шығару тәртібімен жүргізіледі (керегінің астын сызыңыз).

      Материалдық құндылықтарды шығаруға негіздеме:______________________________

      Материалдық құндылықтарды шығару мерзімі (жаңартуға байланысты және мемлекеттік материалдық резервтің номенклатурасы өзгерген кезде броньнан шығару тәртібімен материалдық құндылықтарды шығару кезінде)

      ________________________________________________________________________________

      Ескертпе: Бұл ретте материалдық құндылықтарды алушы сатып алу-сату шартының қолданылу мерзімі аяқталғанға дейін материалдық құндылықтарды шығаруға құқылы. Осы жағдайда Комитет шарт талаптарына сәйкес айыппұл санкцияларын есептейді.

      Нарядқа қол қоюға уәкілетті адамдар:

      ___________________      _______________________            ____________

      (лауазымы)                  (Т.А.Ә.) (бар болған жағдайда)      (қолы)

      ___________________      _______________________            ____________

      (лауазымы)                  (Т.А.Ә.) (бар болған жағдайда)      (қолы)

      ___________________      _______________________            ____________

      (лауазымы)                  (Т.А.Ә.) (бар болған жағдайда)      (қолы)

      Мөрдің орны

Мемлекеттік материалдық резервтен материалдық құндылықтарды шығаруға нарядтар беру қағидалары

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Қорғаныс және аэроғарыш өнеркәсібі министрінің 27.02.2018 № 31/НҚ (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Осы Мемлекеттік материалдық резервтен материалдық құндылықтарды шығаруға нарядтар беру қағидалары (бұдан әрі - Қағидалар) мемлекеттік материалдық резервтен материалдық құндылықтарды шығаруға нарядтар берудің тәртібін айқындайды және Қазақстан Республикасы Үкіметінің 2014 жылғы 31 шілдедегі № 860 қаулысымен бекітілген Мемлекеттік материалдық резервтің материалдық құндылықтарымен операциялар жүргізу қағидаларына (бұдан әрі - Операциялар жүргізу қағидалары) және Қазақстан Республикасы Үкіметінің 2014 жылғы 17 қазандағы № 1108 қаулысымен бекітілген Жаңарту және броньнан шығару тәртібімен мемлекеттік материалдық резервтен материалдық құндылықтарды шығару қағидаларына сәйкес әзірленді.

      2. Нарядтар беруді Қазақстан Республикасы Цифрлық даму, қорғаныс және аэроғарыш өнеркәсібі министрлігінің Мемлекеттік материалдық резервтер комитеті (бұдан әрі - Комитет) мемлекеттік материалдық резервтен материалдық құндылықтарды жаңартуға байланысты (оның ішінде, "Мемлекеттік сатып алу туралы" 2015 жылғы 4 желтоқсандағы Қазақстан Республикасы Заңының 39-бабы 3-тармағының 8) тармақшасына сәйкес мемлекеттік материалдық резервтен материалдық құндылықтарды шығару кезінде материалдық құндылықтардың сапалық жай-күйі мен техникалық регламенттерінің талаптарына және стандарттау жөніндегі нормативтік құжаттарға сәйкестігі бойынша сараптама жүргізу үшін, басқа мемлекеттік органдардың балансына беру үшін), қарызға беру тәртібімен және броньнан шығару тәртібімен жүзеге асырады.

      3. Жаңартуға байланысты материалдық құндылықтарды шығару кезінде наряд беру сауда-саттық нәтижелері туралы хаттама, мемлекеттік материалдық резервтен материалдық құндылықтарды шығару жөніндегі аукцион жеңімпазымен сатып алу-сату шарты, шарт талаптарында көзделген иеліктен шығарылатын материалдық құндылықтардың құны толық төленгенін растау негізінде жүзеге асырылады.

      Жаңартылуға жататын мемлекеттік материалдық резервтің материалдық құндылықтарын басқа мемлекеттік органдардың балансына беру үшін материалдық құндылықтарды шығару кезінде наряд беру "Азаматтық қорғау туралы" 2014 жылғы 11 сәуірдегі Қазақстан Республикасының Заңы (бұдан әрі - Заң) 11-бабының 44) тармақшасына сәйкес қабылданатын Қазақстан Республикасы Үкіметінің шешімі негізінде жүзеге асырылады.

      "Мемлекеттік сатып алу туралы" 2015 жылғы 4 желтоқсандағы Қазақстан Республикасы Заңының 39-бабы 3-тармағының 8) тармақшасына сәйкес жаңарту тәртібімен материалдық құндылықтарды шығару кезінде нарядтар беру мемлекеттік сатып алу туралы шарт және иеліктен шығарылатын материалдық құндылықтардың шарт талаптарында көзделген құны толық төленгенін растайтын құжат негізінде жүзеге асырылады.

      Мемлекеттік қорғаныстық тапсырысты орындау үшін жаңарту тәртібімен материалдық құндылықтарды шығару кезінде наряд беру мемлекеттік қорғаныстық тапсырысты орындау үшін мемлекеттік материалдық резервтің материалдық құндылықтарын пайдалану туралы шарттың негізінде жүзеге асырылады.

      4. Қарызға беру тәртібімен материалдық құндылықтарды шығару кезінде наряд беру Заңның 11-бабының 42) тармақшасына сәйкес қабылданатын Қазақстан Республикасы Үкіметінің шешімі және мемлекеттік Материалдық резервтің материалдық құндылықтарын қарызға беру туралы алушымен шарт (келісім-шарт) негізінде жүзеге асырылады.

      5. Броньнан шығару тәртібімен материалдық құндылықтарды шығару кезінде наряд беру мынадай жағдайларда:

      1) табиғи, техногендік және әлеуметтік сипаттағы төтенше жағдайлар мен олардың салдарының алдын алу және оларды жою жөніндегі шараларды қабылдау;

      2) гуманитарлық көмек көрсету;

      3) босқындарға көмек көрсету;

      4) нарыққа реттеушілік ықпал ету;

      5) мемлекеттік материалдық резервтің номенклатурасы өзгерген кезде жүзеге асырылады.

      6. Табиғи және техногендік сипаттағы төтенше жағдайлар мен олардың салдарының алдын алу және оларды жою жөніндегі шараларды қабылдау үшін броньнан шығару тәртібімен материалдық құндылықтарды шығару кезінде наряд беру Заңның 12-бабы 1-тармағының 45) тармақшасына сәйкес қабылданатын азаматтық қорғау саласындағы уәкілетті органның шешімі негізінде жүзеге асырылады.

      Әлеуметтік сипаттағы төтенше жағдай мен оның салдарының алдын алу және оларды жою жөніндегі шараларды қабылдау үшін броньнан шығару тәртібімен материалдық құндылықтарды шығару кезінде наряд беру "Төтенше жағдай туралы" 2003 жылғы 8 ақпандағы Қазақстан Республикасының Заңы 3-1-бабының 5-1-тармағына сәйкес қабылданатын әлеуметтік сипаттағы төтенше жағдайдың алдын алу және оны жою жөніндегі мемлекеттік органның шешімі негізінде жүзеге асырылады.

      Гуманитарлық көмек көрсету, босқындарға көмек көрсету үшін броньнан шығару тәртібімен материалдық құндылықтарды шығару кезінде наряд беру Заңның 11-бабының 42) тармақшасына сәйкес қабылданатын Қазақстан Республикасы Үкіметінің шешімі негізінде жүзеге асырылады.

      Нарыққа реттеушілік ықпал ету үшін броньнан шығару тәртібімен материалдық құндылықтарды шығару кезінде наряд беру Заңның 11-бабының 42) тармақшасына сәйкес қабылданатын Қазақстан Республикасы Үкіметінің шешімі және сауда қызметінің субъектілерімен нарыққа реттеушілік ықпал ету үшін мемлекеттік материалдық резервтен материалдық құндылықтарды шығару жөніндегі шарттың, шарт талаптарында көзделген иеліктен шығарылатын материалдық құндылықтардың құны толық төленгенін растайтын құжаттың негізінде жүзеге асырылады.

      Мемлекеттік материалдық резервтің номенклатурасы өзгерген кезде броньнан шығару тәртібімен материалдық құндылықтарды шығару кезінде наряд беру сауда-саттық нәтижелері туралы хаттама, мемлекеттік материалдық резервтен материалдық құндылықтарды шығару жөніндегі аукцион жеңімпазымен сатып алу-сату шарты, шарт талаптарында көзделген иеліктен шығарылатын материалдық құндылықтардың құны толық төленгенін растау негізінде жүзеге асырылады.

      7. Материалдық құндылықтарды беру Операциялар жүргізу қағидаларының 4-тармағына сәйкес наряд негізінде жүзеге асырылады.

      8. Сақтау филиалы мемлекеттік материалдық резервтің материалдық құндылықтарын сақтауды жүзеге асыратын Комитеттің ведомстволық бағынысты ұйымының жекеленген құрылымдық бөлімшесі болып табылады.

      9. Сақтау пункті мемлекеттік материалдық резервтің материалдық құндылықтарын шарттық негізде сақтауды жүзеге асыратын заңды тұлға болып табылады.

2-тарау. Мемлекеттік материалдық резервтен материалдық құндылықтарды шығаруға нарядтар беру мерзімдері

      Ескерту. 2-тараудың тақырыбы жаңа редакцияда – ҚР Қорғаныс және аэроғарыш өнеркәсібі министрінің 27.02.2018 № 31/НҚ (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      10. Сауда-саттық нәтижелерi туралы хаттаманың негізінде жаңартуға байланысты және мемлекеттік материалдық резервтің номенклатурасы өзгерген кезде броньнан шығару тәртібімен материалдық құндылықтарды шығару кезінде наряд пошта арқылы немесе электронды нысанда сақтау филиалына/сақтау пункттеріне мемлекеттік мүлік тізілімінің веб-порталына шарт талаптарында көзделген иеліктен шығарылатын материалдық құндылықтар құнының толық төленгені туралы ақпарат енгізілгеннен кейін, немесе кепілдік жарна шарт бойынша сату бағасына тең болған немесе одан асып кеткен жағдайда, сатып алу-сату шарты жасалғаннан кейін 3 (үш) жұмыс күні ішінде жіберіледі.

      Сараптама жүргізу үшін материалдық құндылықтарды шығару кезінде наряд шығарылатын көлем үшін төлем алынғаннан кейін 3 (үш) жұмыс күні ішінде беріледі.

      Жаңартылуға жататын мемлекеттік материалдық резервтің материалдық құндылықтарын басқа мемлекеттік органдардың балансына беру үшін материалдық құндылықтарды шығару кезінде наряд оларды шығару туралы Қазақстан Республикасы Үкіметінің шешімін Комитет алғаннан кейін 3 (үш) жұмыс күні ішінде беріледі.

      "Мемлекеттік сатып алу туралы" 2015 жылғы 4 желтоқсандағы Қазақстан Республикасы Заңының 39-бабының 3-тармағының 8) тармақшасына сәйкес жаңарту тәртібімен материалдық құндылықтарды шығару кезінде наряд мемлекеттік сатып алу туралы шарт талаптарында көзделген иеліктен шығарылатын материалдық құндылықтар құнының толық төленгенін растайтын құжат Комитетке келіп түскеннен кейін 3 (үш) жұмыс күні ішінде беріледі.

      Мемлекеттік қорғаныстық тапсырысты орындау үшін жаңарту тәртібімен материалдық құндылықтарды шығару кезінде наряд мемлекеттік қорғаныстық тапсырысты орындау үшін мемлекеттік материалдық резервтің материалдық құндылықтарын пайдалану туралы шартты жасасқаннан кейін 1 (бір) жұмыс күні ішінде беріледі.

      11. Материалдық құндылықтарды қарызға беру тәртібімен шығару кезінде наряд оларды шығару туралы Қазақстан Республикасы Үкіметінің шешімін Комитет алғаннан кейін 3 (үш) жұмыс күні ішінде беріледі.

      12. Материалдық құндылықтарды гуманитарлық көмек көрсету, босқындарға көмек көрсету үшін броньнан шығару тәртібімен шығару кезінде наряд оларды шығару туралы Қазақстан Республикасы Үкіметінің шешімін Комитет алғаннан кейін 1 (бір) жұмыс күні ішінде беріледі.

      Материалдық құндылықтарды нарыққа реттеушілік ықпал ету үшін броньнан шығару тәртібімен шығару кезінде наряд шарт талаптарында көзделген иеліктен шығарылатын материалдық құндылықтардың құны толық төленгенін растайтын құжат Комитетке келіп түскеннен кейін 3 (үш) жұмыс күні ішінде беріледі.

      Табиғи және техногендік сипаттағы төтенше жағдайлар мен олардың салдарларының алдын алу және оларды жою жөніндегі шараларды қабылдау үшін броньнан шығару тәртібімен материалдық құндылықтарды шығару кезінде наряд оларды шығару туралы азаматтық қорғау саласындағы уәкілетті органның шешімін Комитет алғаннан кейін 1 (бір) жұмыс күні ішінде беріледі.

      Әлеуметтік сипаттағы төтенше жағдай мен оның салдарларының алдын алу және оларды жою жөніндегі шараларды қабылдау үшін броньнан шығару тәртібімен материалдық құндылықтарды шығару кезінде наряд оларды шығару туралы әлеуметтік сипаттағы төтенше жағдайдың алдын алу және оны жою жөніндегі мемлекеттік органның шешімін Комитет алғаннан кейін 1 (бір) жұмыс күні ішінде беріледі.

3-тарау. Мемлекеттік материалдық резервтен материалдық құндылықтарды шығаруға нарядтар беру тәртібі

      Ескерту. 3-тараудың тақырыбы жаңа редакцияда – ҚР Қорғаныс және аэроғарыш өнеркәсібі министрінің 27.02.2018 № 31/НҚ (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      13. Сақтау филиалдарынан материалдық құндылықтарды шығару кезінде нарядқа Комитеттің бірінші басшысы не ол нарядқа қол қоюға уәкілеттік берген адам, мемлекеттік материалдық резервті есепке алуды жүзеге асыратын Комитеттің құрылымдық бөлімшесінің басшысы және наряд беруге жауапты қызметкері, Комитеттің бас бухгалтері, Комитеттің ведомстволық бағынысты ұйымының бірінші басшысы, оның орынбасары және Комитеттің ведомстволық бағынысты ұйымының бас бухгалтері, олар болмаған жағдайда, олардың орнын басатын адамдар қол қояды.

      Сақтау пункттерінен материалдық құндылықтарды шығару кезінде нарядқа Комитеттің бірінші басшысы не ол нарядқа қол қоюға уәкілеттік берген адам, мемлекеттік материалдық резервті есепке алуды жүзеге асыратын Комитеттің құрылымдық бөлімшесінің басшысы және наряд беруге жауапты қызметкері, Комитеттің бас бухгалтері, олар болмаған жағдайда, олардың орнын басатын адамдар қол қояды.

      14. Мемлекеттік материалдық резервтен материалдық құндылықтарды шығару кезінде мемлекеттік материалдық резервті есепке алуды жүзеге асыратын Комитеттің құрылымдық бөлімшесі мемлекеттік материалдық резервтен материалдық құндылықтарды шығаруға нарядты жазып береді.

      15. Материалдық құндылықтарды шығаруға берілген нарядтарды мемлекеттік материалдық резервті есепке алуды жүзеге асыратын Комитеттің құрылымдық бөлімшесі осы Қағидаларға 1-қосымшаға сәйкес нысан бойынша ресімделген мемлекеттік материалдык резервтен материалдық құндылықтарды шығаруға нарядтар беру журналына (бұдан әрі - нарядтар беру журналы) тіркейді.

      Нарядтар беру журналы тігіледі, нөмірленеді және мөрмен бекітіледі.

      Нарядтар беру журналы мемлекеттік материалдық резервті есепке алуды жүзеге асыратын Комитеттің құрылымдық бөлімшесінің нарядтар беруге жауапты қызметкерінде сақталады.

      16. Комитет сақтау филиалдарындағы мемлекеттік материалдық резервтен материалдық құндылықтарды шығаруға төрт данада наряд жазып береді.

      Нарядтың бір данасы мемлекеттік материалдық резервті есепке алуды жүзеге асыратын Комитеттің құрылымдық бөлімшесінде қалады, екіншісі - Комитеттің ведомстволық бағынысты ұйымына, үшіншісі материалдық құндылықтарды алушыға (бұдан әрі - уәкілетті өкіл) беріледі, төртіншісі сақтау филиалына жіберіледі.

      17. Комитет сақтау пунктіндегі мемлекеттік материалдық резервтен материалдық құндылықтарды шығаруға үш данада наряд жазып береді.

      Нарядтың бір данасы мемлекеттік материалдық резервті есепке алуды жүзеге асыратын Комитеттің құрылымдық бөлімшесінде қалады, екіншісі сақтау пунктіне жіберіледі, үшіншісі уәкілетті өкілге беріледі.

      18. Сақтау филиалына/сақтау пунктіне арналған наряд данасы нарядты берген күні кейіннен нарядтың түпнүсқасын тапсырысты хатпен жібере отырып, олардың электрондық поштасына сканерленген түрде жіберіледі.

      19. Материалдық құндылықтарды саны, сапасы және жинақтылығы бойынша беру уәкілетті өкілдің қатысуымен жүргізіледі, осы Қағидаларға 2-қосымшаға сәйкес нысан бойынша қабылдау-тапсыру актісімен ресімделеді.

      Қабылдау-тапсыру актісінің төрт данасына уәкілетті өкіл, сақтау филиалының басшысы, бас бухгалтері, материалды-жауапты адамы қол қояды және ол мөрмен расталады.

      Қабылдау-тапсыру актісінің үш данасына уәкілетті өкіл, сақтау пунктінің басшысы, бас бухгалтері, материалды-жауапты адамы қол қояды және ол мөрмен расталады.

      20. Мемлекеттік материалдық резервтен материалдық құндылықтарды шығару жөнінде уақтылы есеп беруді қамтамасыз ету үшін сақтау филиалы/сақтау пункті осы Қағидаларға 3-қосымшаға сәйкес нысан бойынша нарядты орындау актісін ресімдейді.

      Нарядты орындау актісіне сақтау филиалының/сақтау пунктінің басшысы, бас бухгалтері және материалды-жауапты адамы қол қояды және ол мөрмен расталады.

      21. Қабылдау-тапсыру актісін және нарядты орындау актісін сақтау филиалы/сақтау пункті мемлекеттік материалдық резервтен материалдық құндылықтарды шығарған күннен бастап 5 (бес) жұмыс күнінен кешіктірмей Комитетке жібереді.

      Нысан

Мемлекеттік материалдық резервтен материалдық құндылықтарды шығаруға нарядтар беру журналы

      Нысан

№ қабылдау-тапсыру
АКТІСІ

      20 ____ жылғы " _____ " __________________ ________________ қ.

      _____________________________________________________________________

      (сақтау филиалының/сақтау пунктінің атауы; басшысының лауазымы және

      тегі, аты, әкесінің аты (бар болған жағдайда) (бұдан әрі - Т.А.Ә.)

      бас бухгалтер, _____________________________________________________,

      (Т.А.Ә.)

      және материалды-жауапты адам, ______________________________________,

      (Т.А.Ә.)

      _____________ жылғы № ______ __________________________________сәйкес

      _____________________________________________________________________

      мемлекеттік материалдық резервтен мынадай материалдық құндылықтардың

      шығарылуын жүргізді:

      Сомасы (жазбаша) теңге

      Шығарды:

      Ұйым басшысы ____________________________________________ ___________

      (Т.А.Ә.) (қолы)

      Бас бухгалтер ___________________________________________ ___________

      (Т.А.Ә.) (қолы)

      Материалды-жауапты адам _________________________________ ___________

      (Т.А.Ә.) (қолы)

      Мөрдің орны

      Қабылдады:

      Уәкілетті өкіл: _________________________________________ ___________

      (Т.А.Ә.) (қолы)

      Мөрдің орны

      Ескертпе: Сақтау филиалы/сақтау пункті қабылдау-тапсыру актісін шығарылған күннен бастап он жұмыс күнінен кешіктірмей Комитетке жібереді

      Нысан

20 ___ жылғы " ___ " ______________ № ______ нарядты орындау
АКТІСІ

      20 ___ жылғы " ___ " ______________ _______________ қ.

      _____________________________________________________________________

      (сақтау филиалының/сақтау пунктінің атауы; басшысының лауазымы және

      тегі, аты, әкесінің аты (бар болған жағдайда) (бұдан әрі - Т.А.Ә.)

      бас бухгалтер ______________________________________________________,

      (Т.А.Ә.)

      және материалды-жауапты адам _______________________________________,

      (Т.А.Ә.)

      20 ___ жылғы " _____ " ____________ № ___ № нарядының негізінде

      мемлекеттік материалдық резервтен төменде көрсетілген материалдық

      құндылықтарды шығару туралы осы актіні жасады:

      Сомасы (жазбаша) теңге

      Ұйым басшысы ______________________________________________ _________

      (Т.А.Ә.) (қолы)

      Бас бухгалтер______________________________________________ _________

      (Т.А.Ә.) (қолы)

      Материалды-жауапты адам ___________________________________ _________

      (Т.А.Ә.) (қолы)

      Мөрдің орны

      Ескертпе: Сақтау филиалы/сақтау пункті қабылдау-тапсыру актісін шығарылған күннен бастап он жұмыс күнінен кешіктірмей Комитетке жібереді