Қазақстан Республикасының негізгі куәландырушы орталығының, мемлекеттік органдардың куәландырушы орталығының және Қазақстан Республикасының ұлттық куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау қағидаларын бекіту туралы

      Ескерту. Бұйрықтың тақырыбы жаңа редакцияда - ҚР Инвестициялар және даму министрінің 09.12.2015 № 1183 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) бұйрығымен.

      "Электрондық құжат және электрондық цифрлық қолтаңба туралы" 2003 жылғы 7 қаңтардағы Қазақстан Республикасы Заңының 5-бабы 1-тармағының 12) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңы 5-бабының 1) тармақшасына сәйкес БҰЙЫРАМЫН:

      1. Қоса беріліп отырған:

      1) осы бұйрыққа 1-қосымшаға сәйкес Қазақстан Республикасының негізгі куәландырушы орталығының тіркеу куәліктерін беруі, сақтау, қайтарып алуы және электрондық цифрлық қолтаңбаның ашық кілтінің тиесілілігі мен жарамдылығын растау қағидалары;

      2) осы бұйрыққа 2-қосымшаға сәйкес Қазақстан Республикасы мемлекеттік органдарының куәландырушы орталығының тіркеу куәліктерін беруі, сақтауы, қайтарып алуы және электрондық цифрлық қолтаңбаның ашық кілтінің тиесілілігі мен жарамдылығын растау қағидалары;

      3) осы бұйрыққа 3-қосымшаға сәйкес Қазақстан Республикасы ұлттық куәландырушы орталығының тіркеу куәліктерін беруі, сақтауы, қайтарып алуы және электрондық цифрлық қолтаңбаның ашық кілтінің тиесілілігі мен жарамдылығын растау қағидалары бекітілсін.

      2. "Қазақстан Республикасының негізгі куәландырушы орталығы, Қазақстан Республикасының мемлекеттік органдарын куәландырушы орталық және Қазақстан Республикасының ұлттық куәландырушы орталығы қызметінің қағидаларын бекіту туралы" Қазақстан Республикасы Байланыс және ақпарат министрінің 2010 жылғы 10 желтоқсандағы № 348 бұйрығының (Нормативтік құқықтық актілерді мемлекеттік тіркеу тізілімінде № 6716 болып тіркелген, "Егемен Қазақстан" газетінде 2011 жылғы 15 наурыздағы № 92-93 (26513-26514)) жарияланған күші жойылды деп танылсын.

      3. Қазақстан Республикасы Инветициялар және даму министрлігінің Байланыс, ақпараттандыру және ақпарат комитеті (Т.Б. Қазанғап):

      1) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың Интранет-порталында орналастыруды;

      4) осы бұйрық Қазақстан Республикасы Әділет министрлігінде мемлекетік тіркегеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 3-тармағының 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      5. Осы бұйрық оның талғаш ресми жарияланған күнінен бастап күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Әділет министрі

      _______________ Б. Имашев

      2015 жылғы 9 қыркүйек

      "КЕЛІСІЛДІ"

      Қазақстан Республикасының

      Қаржы министрі

      _______________ Б. Сұлтанов

      2015 жылғы 27 тамыз

      "КЕЛІСІЛДІ"

      Қазақстан Республикасының

      Мәдениет және спорт министрі

      _______________ А. Мұхамедиұлы

      2015 жылғы 24 тамыз

Қазақстан Республикасының негізгі куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау қағидалары

      Ескерту. Қағидалар жаңа редакцияда - ҚР Цифрлық даму, инновациялар және аэроғарыш өнеркәсібі министрінің 01.12.2023 № 595/НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Қазақстан Республикасының негізгі куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау қағидалары (бұдан әрі – Қағидалар) "Электрондық құжат және электрондық цифрлық қолтаңба туралы" Қазақстан Республикасы Заңының (бұдан әрі – Заң) 5-бабы 1-тармағының 12) тармақшасына сәйкес әзірленді және тіркеу куәліктерін беру, сақтау, кері қайтарып алу және Қазақстан Республикасының негізгі куәландырушы орталығының электрондық цифрлық қолтаңба ашық кілтінің тиесілілігі мен жарамдылығын растау тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) ақпаратты криптографиялық қорғау құралы (бұдан әрі – АКҚҚ) – криптографиялық түрлендіру алгоритмдерін, шифрлау кілттерін құруды, қалыптастыруды, бөлуді немесе басқаруды іске асыратын бағдарламалық қамтылым немесе бағдарламалық-аппараттық кешен;

      2) кері қайтарып алынған тіркеу куәліктерінің тізімі (бұдан әрі – ҚТКТ) – қолданысы тоқтатылған тіркеу куәліктері, олардың сериялық нөмірлері, қайтарылған күні (жою) мен себебі туралы мәліметтерді қамтитын тіркеу куәліктері тіркелімінің бөлігі;

      3) куәландырушы орталық – электрондық цифрлық қолтаңбаның ашық кілтінің электрондық цифрлық қолтаңбаның жабық кілтіне сәйкестігін куәландыратын, сондай-ақ тіркеу куәлігінің жарамдылығын растайтын заңды тұлға;

      4) Қазақстан Республикасының негізгі куәландырушы орталығы (бұдан әрі – НКО) – куәландырушы орталықтардың электрондық цифрлық қолтаңбасының ашық кілттерінің тиесілілігі мен жарамдылығын растауды жүзеге асыратын куәландырушы орталық;

      5) өтініш беруші – НКО-ны қоспағанда, куәландырушы орталық;

      6) пайдаланушы – НКО-ны қоспағанда, куәландырушы орталықтың тіркеу куәлігінің иесі;

      7) тіркеу куәлігі – электрондық цифрлық қолтаңбаның Заңда белгіленген талаптарға сәйкестігін растау үшін куәландырушы орталық беретін электрондық құжат;

      8) тіркеу куәлігін кері қайтарып алу – НКО тіркеу куәлігін жарамсыз деп тану рәсімі;

      9) тіркеу куәлігінің иесі – оның атына тіркеу куәлігі берілген, тіркеу куәлігінде көрсетілген ашық кілтке сәйкес келетін жабық кілтті заңды түрде иеленетін жеке немесе заңды тұлға;

      10) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар терілімі;

      11) электрондық құжат айналымы жүйесі (бұдан әрі – ЭҚЖ) – қатысушылар арасындағы қатынастар заңмен және Қазақстан Республикасының өзге де нормативтік құқықтық актілерімен реттелетін электрондық құжаттармен алмасу жүйесі.

2-тарау. Куәландырушы орталыққа тіркеу куәлігін беру тәртібі

      3. Куәландырушы орталыққа бағыныстылығы қайта жасалған тіркеу куәлігін беру үшін өтініш беруші НКО-ға пошта немесе арнайы пошта байланысы арқылы, қолма-қол немесе ЭҚЖ арқылы келесі құжаттарды ұсынады:

      1) осы Қағидаларға 1-қосымшаға сәйкес нысан бойынша куәландырушы орталыққа қайта тіркелген тіркеу куәлігін беруге өтініш;

      2) куәландырушы орталықты аккредиттеу туралы куәліктің көшірмесі;

      3) электрондық құжат нысанындағы куәландырушы орталықтың тіркеу куәлігі.

      4. Құжаттарды қарағаннан кейін НКО бағыныстылығы қайта жасалған тіркеу куәлігін куәландырушы орталыққа береді және оны тіркеу куәліктерінің тіркелімінде тіркейді.

      НКО жаңа тіркеу куәлігін беру арқылы куәландырушы орталықтың негізгі тіркеу куәлігінің бағыныстылығын қайта жасайды, мұнда тіркеу куәлігінің құрылымында Баспагер жолына НКО деректері беріледі.

      5. Куәландырушы орталыққа бағыныстылығы қайта жасалған тіркеу куәлігін беру осы Қағидалардың 3-тармағында көрсетілген құжаттарды тапсырғаннан кейін он бес жұмыс күні ішінде почта немесе арнайы почта байланысы арқылы, қолма-қол не ЭҚЖ арқылы жүзеге асырылады.

      6. НКО куәландырушы орталыққа мынадай жағдайларда бағыныстылығы қайта жасалған тіркеу куәлігін беруден бас тартады:

      1) ұсынылған құжаттар толық болмаған;

      2) анық емес мәліметтер ұсынылған;

      3) заңды күшіне енген сот шешіміне сәйкес;

      4) адам он алты жасқа толмаған жағдайларда куәландырушы орталыққа тіркеу куәлігін беруден бас тартады.

      Куәландырушы орталыққа бағыныстылығы қайта жасалған тіркеу куәлігін беруден бас тарту туралы жазбаша дәлелді жауап өтініш берушіге ресми хатпен өтініш беруші НКО-ға жүгінген күннен бастап он бес жұмыс күні ішінде жіберіледі.

      7. Бағыныстылығы қайта жасалған тіркеу куәлігінің қолданылу мерзімі НКО тіркеу куәлігінің қолданылу мерзімінен аспайды.

3-тарау. НКО берген тіркеу куәліктерін сақтау тәртібі

      8. ЭЦҚ құру және оның күшін жою туралы құжаттарды сақтау Қазақстан Республикасы Мәдениет және спорт министрінің міндетін атқарушы 2017 жылғы 29 қыркүйектегі № 263 бұйрығымен (Нормативтік құқықтық актілерді мемлекеттік тіркеу тізілімінде № 15997 болып тіркелген) бекітілген Сақтау мерзімдерін көрсете отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесіне сәйкес жүзеге асырылады.

      9. ЭЦҚ-ны құру және жою туралы құжаттар он бес жыл өткеннен кейін Қазақстан Республикасы Мәдениет және спорт министрінің 2023 жылғы 25 тамыздағы № 235 бұйрығымен (Нормативтік құқықтық актілерді мемлекеттік тіркеу тізілімінде № 33338 болып тіркелген) Ұлттық архив қорының құжаттарын және басқа да архивтік құжаттарды ведомстволық және жеке архивтердің қабылдау, сақтау, есепке алу мен пайдалану қағидаларына сәйкес архивтік сақтауға түседі.

4-тарау. Куәландырушы орталықтың тіркеу куәлігін кері қайтарып алу тәртібі

      10. Куәландырушы орталықтың бағыныстылығы қайта жасалған тіркеу куәлігін кері қайтарып алу мынадай жағдайларда:

      1) осы Қағидаларға 2-қосымшаға сәйкес нысан бойынша тіркеу куәлігін кері қайтаруға берілген өтініштің негізінде тіркеу куәлігі иесінің немесе оның өкiлiнiң талабы бойынша;

      2) тіркеу куәлігін алған кезде дұрыс емес мәліметтерді не толық емес құжаттар топтамасын беру фактісі анықталған кезде;

      3) тіркеу куәлігінің иесі – заңды тұлғаның атауы ауысса, қайта ұйымдастырылса, таратылса, заңды тұлғаның басшысы ауысса;

      4) куәландырушы орталық пен тіркеу куәлігінің иесі арасындағы келісімде көзделген жағдайларда;

      5) заңды күшіне енген сот шешімі бойынша жүзеге асырылады.

      11. Куәландырушы орталықтың бағыныстылығы қайта жасалған тіркеу куәлігін кері қайтарып алу үшін өтініш беруші осы Қағидалардың 10-тармағында көзделген жағдайлардың бірінің басталғанын растайтын құжаты бар ресми хатты пошта немесе арнайы пошта байланысы арқылы, қолма-қол не ЭҚЖ арқылы НКО-ға ұсынады.

      12. Куәландырушы орталықтың бағыныстылығы қайта жасалған тіркеу куәлігін кері қайтарып алу бағыныстылығы қайта жасалған тіркеу куәлігін кері қайтарып алуға ресми хатты тіркеген күннен бастап бір жұмыс күні ішінде жүзеге асырылады.

      13. Құжаттарды қарағаннан кейін НКО тиісті ақпаратты алған күннен бастап бір жұмыс күні ішінде куәландырушы орталықтың бағыныстылығы қайта жасалған тіркеу куәлігін кері қайтарып алу күнін, себебі мен уақытын көрсете отырып, бағыныстылығы қайта жасалған тіркеу куәлігінің қолданылуын тоқтату туралы жазбаны тіркеу куәліктерінің тіркеліміне енгізеді.

      14. НКО кері қайтарып алынған қайта бағынысты тіркеу куәліктері туралы мәліметтерді, олардың сериялық нөмірлерін және кері қайтарып алу себебін НКО ҚТКТ-да www.root.gov.kz. мекенжайы бойынша интернет-ресурста жариялайды.

      ҚТКТ жаңарту кемінде бір айда бір рет кезеңділігімен жүргізіледі.

5-тарау. Электрондық цифрлық қолтаңбаның ашық кілтінің тиесілілігі мен жарамдылығын растау тәртібі

      15. НКО пайдаланушысы бағыныстылығы қайта жасалған тіркеу куәлігін алған кезде куәландырушы орталықтың АКҚК пайдалана отырып, ЭЦҚ ашық кілтінің тиесілігін және жарамдылығын растау үшін оны тексеруді мынадай тексерулерді орындау арқылы жүзеге асырады:

      1) куәландырушы орталығының тіркеу куәлігі НКО ЭЦҚ қайта бағыныстылығын;

      2) куәландырушы орталық тіркеу куәлігінің жарамдылық мерзімін;

      3) куәландырушы орталықтың тіркеу куәлігінің кері қайтарылып алынуын орындау жолымен оны тексеруді жүзеге асырады.

Куәландырушы орталыққа тіркеу куәлігін беруге өтініш

      Осы өтініш арқылы мен _____________________________________________

      (өкілдің тегі, аты, әкесінің аты (ол болған жағдайда), туған күні)

      Өкілдің жеке сәйкестендіру нөмірі:_______________________________________

      Бизнес сәйкестендіру нөмірі: ___________________________________________

      (заңды тұлғаның атауы, мекенжайы, телефоны) сұрау салуды (PKCS#10) немесе

      Base64 форматында куәландырушы орталықтың тіркеу куәлігін (P7B)

      _____________________________________________________________________

      (сұрау салудың немесе тіркеу куәлігінің сұлбасы) және өтініште көрсетілген

      мәліметтерге сәйкес өңдеуді сұраймын.

      Идентификациялық мәліметтер: елдің атауы: ___________________________________

      облыстың атауы: ________________________, қала ______________________________

      ұйымның атауы: _____________________________________________________

      Куәландырушы орталықтың атауы: _______________________________________

      электрондық пошта мекенжайы: _________________________________________

      Тіркеу куәліктердің пайдалану аймағы: ___________________________________

      20___ жылғы "___"____________.

      Басшы ______________ _____________________________

      (қолы) (тегі, аты, әкесінің аты (бар болған жағдайда)

      Мөрге арналған орын (бар болған жағдайда) 20___ жылғы "___"____________.

Тіркеу куәлігін кері қайтарып алуға өтініш

      Осы өтініш арқылы мен, ____________________________________________________

      (өкілдің тегі, аты, әкесінің аты ( бар болған жағдайда), туған күні)

      Өкілдің жеке сәйкестендіру нөмірі: _____________________________________

      Бизнес сәйкестендіру нөмірі: ___________________________________________

      (заңды тұлғаның атауы, мекенжайы, телефоны) өтініште көрсетілген деректерге сәйкес

      бұрын берілген куәландырушы орталықтың тіркеу куәлігін кері қайтарып алуды

      сұраймын:_____________________________________________________

      тіркеу куәлігінің сериялық нөмірі: ______________________________________

      елдің атауы: _________________________________________________________

      облыстың атауы: _______________________,қала__________________________

      ұйымның атауы: ______________________________________________________

      Куәландырушы орталықтың атауы: ______________________________________

      электрондық пошта мекенжайы: ________________________________________

      Тіркеу куәлігінің пайдалану мерзімі: _________

      Басшы ______________ ___________________________________

      (қолы) (тегі, аты, әкесінің аты (бар болған жағдайда)

      Мөрге арналған орын (бар болған жағдайда) 20___ жылғы "___"____________.

Қазақстан Республикасының мемлекеттік органдарының куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау қағидалары

      Ескерту. Қағидалар жаңа редакцияда - ҚР Цифрлық даму, инновациялар және аэроғарыш өнеркәсібі министрінің 04.06.2025 № 282/НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Қазақстан Республикасының мемлекеттік органдардың куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау қағидалары (бұдан әрі – Қағидалар) "Электрондық құжат және электрондық цифрлық қолтаңба туралы" Қазақстан Республикасы Заңының (бұдан әрі – Заң) 5-бабы 1-тармағының 12) тармақшасына сәйкес әзірленді және Қазақстан Республикасы мемлекеттік органдарының куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңба ашық кілтінің тиесілілігі мен жарамдылығын растау тәртібін айқындайды.

      2. Осы Қағидаларда мынадай ұғымдар пайдаланылады:

      1) ақпаратты криптографиялық қорғау құралы (бұдан әрі – АКҚҚ) – криптографиялық түрлендіру алгоритмдерін, шифрлау кілттерін құруды, қалыптастыруды, бөлуді немесе басқаруды іске асыратын бағдарламалық қамтылым немесе бағдарламалық-аппараттық кешен;

      2) ақпараттандыру саласындағы уәкілетті орган (бұдан әрі – уәкілетті орган) – ақпараттандыру және "электрондық үкімет" саласында басшылықты және салааралық үйлестіруді жүзеге асыратын орталық атқарушы орган;

      3) "Е-қызмет" персоналды басқарудың интеграцияланған ақпараттық жүйесі (бұдан әрі – "Е-қызмет" жүйесі) – Қазақстан Республикасы Мемлекеттік қызмет істері агенттігі мен мемлекеттік органдардың персоналды басқару қызметінің бірінші кезектегі міндеттерін шешуге, сондай-ақ персоналды басқару процестерін дамыту мен жетілдіруге арналған Қазақстан Республикасы мемлекеттік қызметінің персоналды басқарудың интеграцияланған ақпараттық жүйесі;

      4) жұмыс станциясы – қолданбалы міндеттерді шешуге арналған жергілікті желі құрамындағы стационарлық компьютер;

      5) кері қайтарып алынған тіркеу куәлігі – қолданысы осы Қағидаларда белгіленген тәртіпте тоқтатылған Қазақстан Республикасы мемлекеттік органдарының куәландырушы орталығы берген тіркеу куәлігі;

      6) кері қайтарып алынған тіркеу куәліктерінің тізімі (бұдан әрі – ҚТКТ) – әрекеті тоқтатылған тіркеу куәліктері, олардың сериялық нөмірлері, қайтарылған күні (жою) және себебі туралы мәліметтерді қамтитын тіркеу куәліктері тіркелімінің бөлігі;

      7) кілтті ақпаратты жеткізгіш – онда сақталатын электрондық цифрлық қолтаңба жабық кілттерін қорғау үшін ҚР СТ 1073-2007 (3-деңгей) "Ақпаратты криптографикалық қорғау құралы. Жалпы техникалық талаптар" стандарты талаптарына сәйкестік сертификаты бар, АКҚҚ пайдаланылатын арнайы жеткізгіш;

      8) Қазақстан Республикасының мемлекеттік органдарының куәландырушы орталығы (бұдан әрі – МО КО) – Қазақстан Республикасы мемлекеттік органдарының ақпараттық жүйелерінде және өзге де мемлекеттік ақпараттық ресурстарында мемлекеттік органдарға, мемлекеттік органдардың лауазымды адамдарына қызмет көрсететін куәландырушы орталық;

      9) мемлекеттік органдардың бірыңғай көлік ортасы (бұдан әрі – МО БКО) – "электрондық үкiметтiң" ақпараттық-коммуникациялық инфрақұрылымына кіретін және ақпараттық қауіпсіздіктің талап етілетін деңгейін сақтай отырып, мемлекеттік органдардың, олардың ведомстволық бағынысты ұйымдары мен жергілікті өзін-өзі басқару органдарының, сондай-ақ уәкілетті орган айқындаған өзге де ақпараттандыру субъектілерінің жергілікті (интернетке қолжетімділігі бар жергілікті желілерді қоспағанда), ведомстволық және корпоративтік телекоммуникациялар желілерінің өзара іс-қимыл жасауын қамтамасыз етуге арналған телекоммуникациялар желісі;

      10) МО КО онлайн өтінім беру сервисі – МО КО желісінде МО БКО пайдаланушыларының тіркеу куәліктерін шығаруға және кері қайтарып алуға онлайн режимінде өтінімдерді қалыптастыруға арналған сервис;

      11) өтініш беруші – Қазақстан Республикасының мемлекеттік органдары мен олардың аумақтық бөлімшелері;

      12) тіркеу куәлігі – куәландырушы орталық электрондық цифрлық қолтаңбаның Заңда белгіленген талаптарға сәйкестігін растау үшін беретін электрондық құжат;

      13) тіркеу куәлігінің иесі (бұдан әрі – пайдаланушы) – атына тіркеу куәлігі берілген, тіркеу куәлігінде көрсетілген ашық кілтке сәйкес жабық кілтті заңды түрде иеленуші электрондық құжат айналымы жүйесінің қатысушысы;

      14) электрондық құжат айналымы – мемлекеттік органдар, жеке және заңды тұлғалар арасында электрондық құжаттар алмасу;

      15) электрондық құжат айналымы жүйесі (бұдан әрі – ЭҚЖ) – қатысушылары арасындағы қатынастар осы Заңмен және Қазақстан Республикасының өзге де нормативтік құқықтық актілерімен реттелетін электрондық құжаттар алмасу жүйесі;

      16) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың анықтығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы;

      17) электрондық цифрлық қолтаңбаның ашық кілті – кез келген тұлғаның қолы жететін және электрондық құжаттағы электрондық цифрлық қолтаңбаның түпнұсқалығын растауға арналған электрондық цифрлық нышандар дәйектілігі;

      18) электрондық цифрлық қолтаңбаның жабық кілті – тіркеу куәлігінің иесіне белгілі және электрондық цифрлық қолтаңба құралдарын пайдалана отырып, электрондық цифрлық қолтаңбаны жасауға арналған электрондық цифрлық нышандар дәйектілігі;

      19) "электрондық үкіметтің" ақпараттық-коммуникациялық инфрақұрылымының операторы (бұдан әрі – оператор) – өзіне бекітілген "электрондық үкіметтің" ақпараттық-коммуникациялық инфрақұрылымының жұмыс істеуін қамтамасыз ету жүктелген Қазақстан Республикасының Үкіметі айқындайтын заңды тұлға;

      19-1) уәкілетті қызметкер – тиісті мемлекеттік органда МО КО тіркеу куәліктерін шығаруға және кері қайтарып алуға онлайн-өтініштерді беру, келісу және қабылдамау үшін МО КО өкілеттіктері берілген мемлекеттік органның немесе оған ведомствалық бағынышты қызметкері;

      20) Type-C қосқышы – негізгі ақпарат медиасын планшеттерге қосуға арналған интерфейс.

      21) Virtual Private Network (бұдан әрі – VPN) – екі тораптың ақпаратпен алмасуға арналған виртуалды жеке желі.

2-тарау. Пайдаланушының тіркеу куәлігін беру тәртібі

      3. МО КО пайдаланушыларының тіркеу куәліктерін беру мынадай тәсілдердің бірімен:

      1) офлайн режимінде (оператор қызметкері өтініш берген кезде);

      2) онлайн режимінде (өтініш беруші өтініш берген кезде);

      3) уәкілетті қызметкердің жеке кабинеті арқылы;

      4) "Е-қызмет" жүйесі арқылы жүзеге асырылады.

      4. Офлайн режимінде МО КО пайдаланушыларының тіркеу куәліктерін беру келесі жағдайларда:

      1) МО КО пайдаланушының тіркеу куәлігін алғашқы беру кезінде;

      2) МО КО пайдаланушысының негізгі ақпаратты жеткізгіш істен шыққан немесе жоғалған кезде;

      3) Екінші қолданыстағы тіркеу куәлігі Type-C қосқышы бар негізгі ақпаратты тасымалдаушыны алу қажет болған жағдайда жүзеге асырылады.

      МО КО өтініш берушіге осы Қағидаларға 1-қосымшаға сәйкес нысан бойынша ЭҚЖ арқылы жіберілген офлайн режимінде тіркеу куәліктерін алу үшін өтініш негізінде тіркеу куәлігін береді.

      Мемлекеттік органдардың қызметкерлеріне екіден аспайтын негізгі ақпараттың тасымалдаушысы беріледі, олардың біреуінде Type-C қосқышы бар.

      Оператордың қызметкері ЭЦҚ-ның жабық кілтін генерациялауды және кілтті ақпаратты жеткізгішке МО КО пайдаланушысының тіркеу куәлігін шығаруды жүргізеді.

      Кілтті ақпаратты жеткізгіш өтініш берушіге пошта немесе арнайы пошта байланысы арқылы немесе осы Қағидаларға 2-қосымшаға сәйкес нысан бойынша өтініш берушіден МО КО пайдаланушыларының тіркеу куәліктерін бір жолғы алуға немесе кері қайтарып алуға қызметтік куәлігін немесе сенімхатты көрсеткен жағдайда, оның тегі, аты, әкесінің аты (бар болса) орындаушы ретінде хатта көрсетілген жағдайда өтініш берушінің уәкілетті қызметкері арқылы қолма-қол беріледі.

      МО КО пайдаланушысының тіркеу куәлігі бар кілтті ақпаратты жеткізгішті қолма-қол алған кезде өтініш берушінің уәкілетті қызметкері осы Қағидаларға 3-қосымшаға сәйкес нысан бойынша МО КО пайдаланушыларының тіркеу куәліктерін беруді есепке алу журналына қол қояды.

      5. МО КО пайдаланушысының тіркеу куәлігін онлайн режимінде беру пайдаланушыда негізгі ақпаратты тасымалдағыш болған жағдайда жүзеге асырылады:

      1) өтініш беруші жұмыс станциясына негізгі ақпарат тасымалдағышты қосады;

      2) өтініш беруші МО БКО арқылы онлайн өтінім беру МО КО сервисінде өтінім беру арқылы жабық кілтті генерациялайды;

      3) өтініш беруші ЭҚЖ арқылы МО КО-ға осы Қағидаларға 4-қосымшаға сәйкес нысан бойынша өтінімді онлайн беру сервисі арқылы тіркеу куәлігін алуға өтінішпен бірге хат жібереді.

      Оператордың қызметкері өтініш берушіден өтінім берудің онлайн сервисі арқылы тіркеу куәлігін алуға өтінішті алғаннан кейін ұсынылған деректердің толықтығын тексеруді жүзеге асырады және тіркеу куәліктерін беруге өтінімді растайды.

      Өтініш беруші оператор өтінімді растағаннан кейін өтініш берушінің негізгі ақпарат тасымалдаушысына тіркеу куәлігін белгілейді.

      6. Пайдаланушыға негізгі ақпарат тасымалдағышы болған жағдайда:МО КО тіркеу куәлігін уәкілетті қызметкердің жеке кабинеті арқылы беру:

      1) өтініш берушінің уәкілетті қызметкері жұмыс станциясына негізгі ақпарат тасымалдағышты қосады;

      2) өтініш берушінің уәкілетті қызметкері өтінімді жеке кабинеті арқылы береді;

      3) өтінім уәкілетті қызметкердің ЭЦҚ-мен келісіледі;

      4) МО КО, уәкілетті қызметкерден өтінім алғаннан кейін МО КО пайдаланушысының тіркеу куәлігін шығарады.

      Өтініш беруші оператордың қызметкері өтінімді растағаннан кейін негізгі ақпаратты тасымалдаушыға тіркеу куәлігін белгілейді.

      7. Пайдаланушыда негізгі ақпаратты тасымалдағыш болған жағдайда "Е-қызмет" жүйесі арқылы МО КО пайдаланушысының тіркеу куәлігін беру:

      1) өтініш берушінің қызметкері жұмыс станциясына негізгі ақпарат тасымалдағышты қосады;

      2) өтініш берушінің қызметкері өтінімді "Е-қызмет" жүйесі арқылы береді;

      3) өтінімге өтініш берушінің ЭЦҚ кілттерімен қол қойылады және МО БКО арқылы "Е-қызмет" жүйесінің иесіне жіберіледі;

      4) "Е-қызмет" жүйесінің иесі МО КО жіберілетін өтінімге ЭЦҚ кілттерімен қол қояды;

      5) МО КО, "Е-қызмет" жүйесінен өтінім алғаннан кейін МО КО пайдаланушысының тіркеу куәлігін шығарады.

      Өтінім беруші өтінімді оператор қызметкері растағаннан кейін негізгі ақпарат тасымалдағышқа тіркеу куәлігін белгілейді.

      8. МО КО пайдаланушыларының тіркеу куәлігін беру мынадай мерзімдерде:

      1) мемлекеттік әкімшілік қызметшілер үшін – өтінім алған сәттен бастап бес жұмыс күні ішінде;

      2) мемлекеттік саяси қызметшілер үшін – өтінім алған сәттен бастап бір жұмыс күні ішінде жүзеге асырылады.

      9. Тіркеу куәлігі осы Қағидаларға 5-қосымшаға сәйкес нысан бойынша МО КО пайдаланушылары үшін тіркеу куәлігінің құрылымы бар электрондық құжат нысанында беріледі.

      10. Қазақстан Республикасының жергілікті атқарушы органдары осы Қағиданың 5-тармағына сәйкес өтінім береді.

      11. Өтініш берушінің МО КО пайдаланушысының тіркеу куәлігін шығару жөніндегі өтінімге жауап болып табылады:

      1) офлайн режимі үшін – негізгі ақпаратты жеткізгішті өтініш берушіге қолма-қол, пошта немесе арнайы пошта байланысымен беру;

      2) онлайн режимі, уәкілетті қызметкердің жеке кабинеті және "Е-қызмет" жүйесі үшін – МО КО пайдаланушысының тіркеу куәлігін шығару.

      12. МО КО мынадай:

      1) ұсынылған құжаттар толық болмаған;

      2) анық емес мәліметтер ұсынылған, оның ішінде, өтініш беруші деректерінің тіркеу куәлігі иесінің деректерімен сәйкес келмеуі, ұйымның аумақтық немесе ведомстволық бағыныстылығына байланысты жағдайларды қоспағанда

      3) соттың заңды күшіне енген шешіміне сәйкес;

      4) адам он алты жасқа жетпеген жағдайларда тіркеу куәлігін беруден бас тартады;

      5) МО КО пайдаланушысында қолданыстағы тіркеу куәлігінің бар болуы:

      пайдаланушының екі мемлекеттік органдарда бір мезгілде жұмыс істеуі (растайтын құжаттар болған жағдайда).

      "Е-қызмет" АЖ-да МО КО пайдаланушыларының тіркеу куәліктерін шығаруға сұрау салуларға қол қою құқығымен тіркеу куәлігі иесіне береді.

      Пайдаланушы екі негізгі ақпарат тасымалдағышымен бір уақытта жұмыс істеуі, оның бірі Type-C қосқышының бар болуы.

      13. МО КО пайдаланушысының тіркеу куәлігін беруден бас тарту туралы жауап:

      1) офлайн режимі үшін – жазбаша дәлелді жауап өтініш берушіге ЭҚЖ арқылы, өтініш беруші МО КО өтініш берген күннен бастап бес жұмыс күні ішінде;

      2) онлайн режим үшін – бас тарту себебін ұсына отырып, онлайн өтінім беру сервисінде өтінімді қабылдамау жолымен;

      3) уәкілетті қызметкердің жеке кабинеті үшін – бас тарту себебін ұсына отырып, онлайн өтінім беру сервисінде өтінімді қабылдамау жолымен ұсынылады.

      4) "Е-қызмет" жүйесі үшін – бас тарту себебін ұсына отырып, онлайн өтінім беру сервисінде өтінімді қабылдамау жолымен ұсынылады.

      14. Өтініш беруші осы Қағидалардың 5-тармағының 3) тармақшасына сәйкес жіберілген хатты ұсынбаған жағдайда, өтініш беруші электрондық құжат нысанында онлайн режимінде тіркеу куәлігін алуға берген өтінімнің күші өтінім берілген сәттен бастап он төрт жұмыс күні өткеннен кейін жойылады.

      15. Тіркеу куәлігінің қолданылу мерзімі оны шығарған сәттен бастап үш жылды құрайды.

      16. VPN құрылғысы үшін МО КО тіркеу куәлігін беру:

      1) өтініш беруші ЭҚЖ арқылы тіркеу куәлігін алуға уәкілетті органға хат жолдайды;

      2) уәкілетті орган хатты және VPN құрылғысы үшін МО КО-да тіркеу куәлігін шығару қажеттілігі туралы оң шешімді тексергеннен кейін оны одан әрі шығару үшін оператор қызметкеріне хатты жібереді;

      3) оператор қызметкері уәкілетті органнан хат алғаннан кейін ұсынылған деректердің дұрыстығына тексеруді жүзеге асырады, бұдан әрі тіркеу куәлігін шығарады;

      4) оператор қызметкері VPN құрылғылары үшін тіркеу куәлігін өтініш берушіге арнайы пошта байланысы арқылы немесе қолма-қол береді.

      Тіркеу куәлігі осы Қағидаларға 6-қосымшаға сәйкес электрондық құжат нысанында беріледі.

      17) Мұрағат қызметкері үшін тіркеу куәлігін беру осы Қағидаларға 7-қосымшаға сәйкес нысан бойынша ЭҚЖ арқылы жіберілген Архив қызметкеріне офлайн режимінде тіркеу куәліктерін алу үшін өтініштің негізінде жүргізіледі.

      "Мұрағат қызметкерінің" тіркеу куәлігі осы Қағидаларға 8-қосымшаға сәйкес электрондық құжат нысанында беріледі.

3-тарау. Пайдаланушының тіркеу куәлігін сақтау тәртібі

      18. ЭЦҚ құру және жою туралы құжаттарды сақтау мерзімі Қазақстан Республикасы Мәдениет және спорт министрінің міндетін атқарушы 2017 жылғы 29 қыркүйектегі № 263 бұйрығымен (Нормативтік құқықтық актілерді мемлекеттік тіркеу тізілімінде № 15997 болып тіркелген) бекітілген Сақтау мерзімдері көрсетіле отырып, мемлекеттік және мемлекеттік емес ұйымдар қызметінде жасалатын үлгілік құжаттар тізбесіне сәйкес жүзеге асырылады.

      19. ЭЦҚ-ны құру және жою туралы құжаттар он бес жыл өткеннен кейін Қазақстан Республикасы Мәдениет және спорт министрінің 2023 жылғы 25 тамыздағы № 235 бұйрығымен (Нормативтік құқықтық актілерді мемлекеттік тіркеу тізілімінде № 33338 болып тіркелген) Ұлттық архив қорының құжаттарын және басқа да архивтік құжаттарды ведомстволық және жеке архивтердің қабылдау, сақтау, есепке алу мен пайдалану қағидаларына сәйкес архивтік сақтауға түседі.

4-тарау. Пайдаланушының тіркеу куәлігін кері қайтарып алу тәртібі

      20. МО КО мынадай жағдайларда МО КО пайдаланушысының тіркеу куәлігін кері қайтарып алады:

      1) тіркеу куәлігі иесінің немесе оның өкілінің талабы бойынша осы Қағидалардың 9-қосымшасына сәйкес нысан бойынша МО КО пайдаланушысының тіркеу куәлігін кері қайтарып алуға арналған өтініш (бұдан әрі – кері қайтарып алуға өтініш) негізінде;

      2) тіркеу куәлігін алған кезде дұрыс емес мәліметтерді не толық емес құжаттар топтамасын беру фактісі анықталған кезде;

      3) пайдаланушының қайтыс болуы;

      4) пайдаланушының тегі, аты немесе әкесінің аты (егер ол жеке басын куәландыратын құжатта көрсетілсе) өзгерген;

      5) пайдаланушының – заңды тұлғаның атауы ауысса, қайта ұйымдастырылса, таратылса, заңды тұлғаның басшысы ауысса, пайдаланушы жұмыстан шықса кері қайтарып алуға өтініші негізінде;

      6) куәландырушы орталық пен пайдаланушының арасындағы келісімде көзделген;

      7) заңды күшіне енген сот шешімі бойынша тоқтатылады.

      21. МО КО пайдаланушыларының тіркеу куәліктерін кері қайтарып алу мынадай тәсілдердің бірімен:

      1) офлайн режимінде (оператор қызметкері өтініш берген кезде);

      2) онлайн режимінде (өтініш беруші өтініш берген кезде);

      3) "Е-қызмет" жүйесі арқылы жүзеге асырылады;

      4) уәкілетті қызметкердің жеке кабинеті арқылы

      22. МО КО пайдаланушыларының тіркеу куәліктерін офлайн режимінде кері қайтарып алуды оператор қызметкері ЭҚЖ, пошта немесе арнайы пошта байланысы арқылы жіберілген кері қайтарып алуға өтініш негізінде жүзеге асырады.

      23. МО КО пайдаланушыларының тіркеу куәліктерін онлайн режимде кері қайтару:

      1) өтініш беруші жұмыс станциясына негізгі ақпарат жеткізгішті қосады;

      2) өтініш беруші МО КО пайдаланушысының тіркеу куәлігін кері қайтарып алуға сұрау салуды МО БКО желісі арқылы онлайн өтінім беру жүйесінде өтінім беру жолымен жібереді;

      3) өтініш беруші ЭҚЖ арқылы МО КО-ға қайтарып алуға өтінімді жолдайды;

      4) Оператордың қызметкері өтініш берушінің хатын алғаннан кейін ұсынылған деректердің толықтығын тексеруді жүзеге асырады және тіркеу куәлігін кері қайтарып алуға сұрау салуды растайды.

      24) Уәкілетті қызметкердің жеке кабинеті арқылы МО КО пайдаланушыларының тіркеу куәліктерін кері қайтарып алу:

      1) өтініш беруші жұмыс станциясына негізгі ақпарат жеткізгішті қосады;

      2) өтініш беруші уәкілетті қызметкердің жеке кабинеті арқылы өтінім береді;

      3) өтінімге уәкілетті қызметкердің ЭЦҚ кілттерімен қол қойылады;

      4) МО КО өтінімді алғаннан кейін МО КО пайдаланушының тіркеу куәлігін қайтарып алады.

      25. "Е-қызмет" жүйесі арқылы МО КО пайдаланушыларының тіркеу куәліктерін кері қайтарып алу:

      1) өтініш беруші жұмыс станциясына негізгі ақпарат жеткізгішті қосады;

      2) өтініш беруші "Е-қызмет" жүйесі арқылы өтінім береді;

      3) өтінімге өтініш берушінің ЭЦҚ кілттерімен қол қойылады және МО БКО арқылы "Е-қызмет" жүйесінің иесіне жіберіледі;

      4) МО КО "Е-қызмет" жүйесінен өтінімді алғаннан кейін МО КО пайдаланушының тіркеу куәлігін қайтарып алады.

      26. Архив қызметкерінің тіркеу куәлігін кері қайтарып алу осы Қағидаларға 10-қосымшаға сәйкес нысан бойынша ЭҚЖ арқылы жіберілген Архив қызметкеріне офлайн режимде тіркеу куәліктерін кері қайтарып алуға өтініш негізінде жүргізіледі.

      27. Куәландырушы орталықтың тіркеу куәлігін кері қайтарып алу тіркеу куәлігін кері қайтарып алуға ресми хатты тіркеген күннен бастап бір жұмыс күні ішінде жүзеге асырылады.

      28. МО КО мынадай:

      1) ұсынылған құжаттар толық болмаған;

      2) анық емес мәліметтер ұсынылған, оның ішінде, өтініш беруші тіркеу куәлігінің иесі болып табылмаса, ұйымның аумақтық немесе ведомстволық бағыныстылығына байланысты жағдайларды қоспағанда;

      3) пайдаланушыда қолданыстағы тіркеу куәлігінің болмауы жағдайларда тіркеу куәлігін қайтарып алудан бас тартады;

      29. Қазақстан Республикасының мемлекеттік органдарына МО КО берген негізгі ақпаратты жеткізгіш мынадай жағдайларда:

      1) қызметкерді Қазақстан Республикасының мемлекеттік органынан шығуы;

      2) негізгі ақпаратты жеткізгіштің істен шығуы;

      3) қажетсіз МО КО пайдаланушының тіркеу куәлігін қайтарып алған кезде қайтаруға жатады.

      30. Қазақстан Республикасының мемлекеттік органдары МО КО берген кілтті ақпарат жеткізгішін қайтаруды МО КО пайдаланушының тіркеу куәлігін кері қайтарып алу туралы хатты тіркеген күннен бастап бес жұмыс күні ішінде қолма-қол, арнайы немесе пошта байланысы арқылы жүзеге асырады.

      31. МО КО кері қайтарылған тіркеу куәліктері туралы мәліметтерді, олардың сериялық нөмірлерін және кері қайтарып алу себебін интернет-ресурста www.ucgo.gov.kz мекенжайы бойынша және МО БКО желісінде жариялайды.

5-тарау. Электрондық цифрлық қолтаңбаның ашық кілтінің тиесілілігі мен жарамдылығын растау тәртібі

      32. Электрондық цифрлық қолтаңбаның ашық кілтінің тиесілілігі мен жарамдылығын растау тәртібі Қазақстан Республикасы Инвестициялар және даму министрінің 2015 жылғы 9 желтоқсандағы № 1187 бұйрығымен бекітілген Электрондық цифрлық қолтаңбаның төлнұсқалығын тексеру қағидаларына сәйкес жүзеге асырылады. (Нормативтік құқықтық актілерді мемлекеттік тіркеу тізілімінде № 12864 болып тіркелген).

      Нысан

Офлайн режимінде тіркеу куәліктерін алу үшін өтініш

      Мына қызметкерлерге Қазақстан Республикасының мемлекеттік органдарының куәландырушы орталығынның тіркеу куәліктерін беруді сұраймыз:

      Қосымша: Негізгі ақпаратты жеткізгіштер __ дана

      Қазақстан Республикасы мемлекеттік органдарының куәландырушы орталығы ақпараттық жүйесінің пайдалану туралы келісімімен танысқан; www.ucgo.gov.kz интернет-ресурста орналастырылған.

      Басшы ______________ __________________________

      (қолы) (тегі, аты, әкесінің аты (бар болған жағдайда)

      Мөрге арналған орын

      Орындаушының (тегі, аты, әкесінің аты (бар болған жағдайда) және коды көрсетілген

      телефон нөмірі (міндетті түрде).

Қазақстан Республикасы мемлекеттік органдарының куәландырушы орталығы пайдаланушыларының тіркеу куәліктерін бір рет алуға немесе кері қайтарып алуға сенімхат

      _______________________________________________________________

      _______________________________________________________________,

      (мемлекеттік органның атауы)

      Бизнес сәйкестендіру нөмірі ______________________________________,

      Заңды мекенжайы: ______________________________________________,

      _________________________________________________________атынан,

      Жарғының (Ереженің) негізінде әрекет ететін________________________

      _______________________________________________________________

      ____________________________________________________азаматқа осы

      (тегі, аты, әкесінің аты (бар болған жағдайда), туған жылы мен орны, мекенжайы)

      сенімхатпен Жеке сәйкестендір нөмірі_____________________, Қазақстан

      Республикасының мемлекеттік органдарының қызметкерлері үшін мемлекеттік

      органдарының куәландырушы орталығына пайдаланушылардың тіркеу

      куәліктерін беруге _______________________________ арналған мынадай

      құжаттарды беруге (беру немесе кері қайтарып алу) уәкілеттік береді:

      1._________________________________, ___________,________________

      (тегі, аты, әкесінің аты (бар болған жағдайда) (лауазымы) (қызметкердің қолы)

      Жеке сәйкестендіру нөмірі _______________________________________

      2.___________________________________,___ _________, ____________

      (тегі, аты, әкесінің аты (бар болған жағдайда) (лауазымы) (қызметкердің қолы)

      Жеке сәйкестендіру нөмірі _______________________________________

      Басшы ____________ __________________________

      (қолы) (тегі, аты, әкесінің аты (бар болған жағдайда)

      Мөрге арналған орын

Қазақстан Республикасы мемлекеттік органдарының куәландырушы орталығы пайдаланушыларының тіркеу куәліктерін беруді есепке алу журналы

Өтінім берудің онлайн сервисі арқылы тіркеу куәліктерін алу үшін өтініш

      Мына қызметкерлерге Қазақстан Республикасының мемлекеттік органдарының куәландырушы орталығының тіркеу куәліктерін беруді сұраймыз:

      Қосымша: Негізгі ақпарат жеткізгіштер __ дана

      Қазақстан Республикасы мемлекеттік органдарының куәландырушы орталығы ақпараттық жүйесінің пайдалану туралы келісімімен танысты; www.ucgo.gov.kz интернет-ресурсында орналастырылған.

      Басшы ______________ __________________________

      (қолы) (тегі, аты, әкесінің аты (бар болған жағдайда)

      Мөрге арналған орын

      Орындаушының тегі, аты, әкесінің аты (болған жағдайда) және коды көрсетілген телефоны (міндетті түрде)

Қазақстан Республикасының мемлекеттік органдарының куәландырушы орталығының тіркеу куәлігінің құрылымы (МЕМСТ 34.310-2004 алгоритмінде)

Қазақстан Республикасы мемлекеттік органдарының куәландырушы орталығының тіркеу куәлігінің құрылымы (МЕМСТ Р 34.10-2015 алгоритмінде)

Қазақстан Республикасының мемлекеттік органдарының куәландырушы орталығының пайдаланушылары үшін тіркеу куәлігінің құрылымы (МЕМСТ 34.310-2004 алгоритмінде қол қою және аутентификация үшін)

Мемлекеттік органдардың куәландырушы орталығының пайдаланушылары үшін тіркеу куәлігінің құрылымы (ҚР СТ МЕМСТ Р 34.10-2015 алгоритміне қол қою және сәйкестендіру үшін)

МЕМСТ 34.310-2004 алгоритмінде Қазақстан Республикасы мемлекеттік органдарының куәландырушы орталығында алынған VPN құрылғыларына арналған тіркеу куәлігінің құрылымы

ҚР СТ МЕМСТ Р 34.10-2015 алгоритмінде Қазақстан Республикасы мемлекеттік органдарының куәландырушы орталығында алынған VPN құрылғыларына арналған тіркеу куәлігінің құрылымы

Офлайн режимінде сервис арқылы мұрағат қызметкерінің тіркеу куәліктерін алуға өтініш

      Мына қызметкерлерге Қазақстан Республикасының мемлекеттік органдарының куәландырушы орталығының тіркеу куәліктерін беруді сұраймыз:

      Қосымша: Негізгі ақпаратты жеткізгіштер __ дана

      Қазақстан Республикасы мемлекеттік органдарының куәландырушы орталығы ақпараттық жүйесінің пайдалану туралы келісімімен танысқан; www.ucgo.gov.kz интернет-ресурста орналастырылған.

      Басшы ______________ __________________________

      (қолы) (тегі, аты, әкесінің аты (бар болған жағдайда)

      Мөрге арналған орын

      Орындаушының (тегі, аты, әкесінің аты (бар болған жағдайда) және коды көрсетілген телефон нөмірі (міндетті түрде).

Мемлекеттік органдардың куәландырушы орталығының мұрағат қызметкерлері үшін тіркеу куәлігінің құрылымы (ҚР СТ МЕМСТ Р 34.10-2004 алгоритміне қол қою және сәйкестендіру үшін)

      Мемлекеттік органдардың куәландырушы орталығының мұрағат қызметкерлері үшін тіркеу куәлігінің құрылымы (ҚР СТ МЕМСТ Р 34.10-2015 алгоритміне қол қою және сәйкестендіру үшін)

Қазақстан Республикасының мемлекеттік органдары куәландырушы орталығының тіркеу куәліктерін кері қайтарып алуға өтініш

      Қазақстан Республикасының мемлекеттік органдарын куәландырушы орталығында мына қызметкерлердің тiркеу куәлiктерін кері қайтарып алуды сұраймыз:

      Қосымша: негізгі ақпаратты тасымалдағыш___ дана.

      Басшы _______________ ___________________________

      (қолы) (тегі, аты, әкесінің аты (бар болған жағдайда)

      Мөрге арналған орын

      Орындаушының тегі, аты, әкесінің аты (бар болған жағдайда) және коды көрсетілген телефон нөмірі

Офлайн режимінде сервис арқылы мұрағат қызметкерінің тіркеу куәліктерін кері қайтарып алуға өтініш

      Мына қызметкерлердің Қазақстан Республикасының мемлекеттік органдарының куәландырушы орталығының тіркеу куәліктерін кері қайтарып алуды сұраймыз:

      Қосымша: Негізгі ақпаратты жеткізгіштер __ дана

      Қазақстан Республикасы мемлекеттік органдарының куәландырушы орталығы ақпараттық жүйесінің пайдалану туралы келісімімен танысқан; www.ucgo.gov.kz интернет-ресурста орналастырылған.

      Басшы ______________ __________________________

      (қолы) (тегі, аты, әкесінің аты (бар болған жағдайда)

      Мөрге арналған орын

      Орындаушының (тегі, аты, әкесінің аты (бар болған жағдайда) және коды көрсетілген телефон нөмірі (міндетті түрде).

Қазақстан Республикасының ұлттық куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау қағидалары

      Ескерту. Қағидалар жаңа редакцияда – ҚР Цифрлық даму, инновациялар және аэроғарыш өнеркәсібі министрінің 04.06.2025 № 282/НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Қазақстан Республикасының ұлттық куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау қағидалары (бұдан әрі – Қағидалар) "Электрондық құжат және электрондық цифрлық қолтаңба туралы" Қазақстан Республикасы Заңының 5-бабы 1-тармағының 12) тармақшасына (бұдан әрі – Заң), "Мемлекеттік көрсетілетін қызметтер туралы" Қазақстан Республикасы Заңы 5-бабының 1) тармақшасына сәйкес сәйкес әзірленді және Қазақстан Республикасының ұлттық куәландырушы орталығының тіркеу куәліктерін беру, сақтау, кері қайтарып алу және электрондық цифрлық қолтаңбаның ашық кілтінің тиесілілігі мен жарамдылығын растау, сонымен қатар "Қазақстан Республикасының ұлттық куәландыру орталығының тіркеу куәлігін беру және қайтарып алу" мемлекеттік қызметін көрсету тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету, "бір терезе" қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған, орналасқан жері бойынша жылжымайтын мүлікке құқықтарды мемлекеттік тіркеуді жүзеге асыратын заңды тұлға;

      2) ақпаратты криптографиялық қорғау құралы (бұдан әрі – АКҚҚ) – криптографиялық түрлендіру алгоритмдерін, шифрлау кілттерін құруды, қалыптастыруды, бөлуді немесе басқаруды іске асыратын бағдарламалық қамтылым немесе бағдарламалық-аппараттық кешен;

      3) биометриялық сәйкестендіру – адамның жеке басын оның бірегей биометриялық параметрлері негізінде анықтау процедурасы;

      4) бұлтты электрондық цифрлық қолтаңба – куәландырушы орталықтың HSM-де пайдаланушылардың электрондық цифрлық қолтаңбасының жабық кілттерін жасауға, пайдалануға және сақтауға мүмкіндік беретін куәландырушы орталықтың ақпараттық жүйесі, мұнда жеке кілтке қол жеткізуді пайдаланушы кемінде екі, олардың бірі биометриялық аутентификация факторы арқылы жүзеге асырады;

      5) бірлескен кәсіпкерлік – өздеріне ортақ меншік құқығымен тиесілі мүлік базасында, сондай-ақ Кәсіпкерлік кодекстің 32-бабына сәйкес мүлікті бірлесіп пайдалануға және (немесе) оған билік етуге жол беретін өзге де құқыққа байланысты қызметті жүзеге асыратын жеке тұлғалар (дара кәсіпкерлер) тобы;

      6) интернет-ресурс pki.gov.kz (бұдан әрі – портал) – "Ұлттық ақпараттық технологиялар" акционерлік қоғамы тіркеу куәліктерін шығаруға өтініштерді қабылдауды және нәтижелерді беруді жүзеге асыратын Қазақстан Республикасы куәландырушы орталығының интернет-ресурсы;

      7) кері қайтарып алынған тіркеу куәлігі – қолданылуы осы Қағидаларда белгіленген тәртіппен тоқтатылған ұлттық куәландырушы орталық берген тіркеу куәлігі;

      8) кері қайтарып алынған тіркеу куәліктерінің тізімі (бұдан әрі – АЖҚС) – күші тоқтатылған тіркеу куәліктері туралы мәліметтерді, олардың сериялық нөмірлерін, кері қайтарып алу (жою) күні мен себебін қамтитын тіркеу куәліктері тіркелімінің бір бөлігі;

      9) Қазақстан Республикасының ұлттық куәландырушы орталығы (бұдан әрі – ҰКО) – мемлекеттік және мемлекеттік емес ақпараттық жүйелерде электрондық құжаттарды қалыптастыру үшін жеке немесе заңды тұлғаларға электрондық цифрлық қолтаңба құралдарын және тіркеу куәліктерін беретін куәландырушы орталық;

      10) қашықтықтан сәйкестендіру-көрсетілетін қызметті алушының тұлғасын биометриялық сәйкестендіру негізінде жеке басын анықтау рәсімі, сондай-ақ мобильді азаматтар базасында тіркелген ұялы байланыстың абоненттік нөміріне жіберілген бір реттік құпия сөз;

      11) объектілік сәйкестендіргіш (бұдан әрі – OID) – ақпараттық жүйе объектісімен байланысты және оны объектілердің әлемдік мекенжай кеңістігінде бір мәнді сәйкестендіретін цифрлардың бірегей жиынтығы;

      12) түйінді ақпаратты тасымалдаушы – электрондық цифрлық қолтаңбаның сақталатын жабық кілттерін қорғау үшін Қазақстан Республикасының ұлттық стандартының талаптарына сәйкес 1073-2007 "Ақпаратты криптографиялық қорғау құралдары. Жалпы техникалық талаптар" (2-деңгей) сертификаты бар АКҚҚ пайдаланылатын арнайы тасымалдаушы;

      13) тіркеу куәлігі – куәландырушы орталық электрондық цифрлық қолтаңбаның Заңда белгіленген талаптарға сәйкестігін растау үшін беретін электрондық құжат;

      14) тіркеу куәлігінің иесі – атына тіркеу куәлігі берілген, тіркеу куәлігінде көрсетілген ашық кілтке сәйкес келетін жабық кілтті заңды түрде иеленетін жеке немесе заңды тұлға;

      15) тіркеу куәлігінің үлгісі (бұдан әрі – үлгі) – объектілік сәйкестендіргішпен берілген тіркеу куәлігінің құрылымы;

      16) тіркеу орталығы (бұдан әрі – ТО) – өтінішті қабылдауды және "Қазақстан Республикасы ұлттық куәландырушы орталығының тіркеу куәлігін беру және кері қайтарып алу" мемлекеттік қызметін көрсету нәтижесін беруді жүзеге асыратын ұйым (қашықтықтан сәйкестендіруді және порталдың жеке кабинетін қоспағанда);

      17) электрондық құжат айналымының жүйесі (бұдан әрі – ЭҚЖ) – қатысушылар арасындағы қатынастар заңмен және Қазақстан Республикасының өзге де нормативтік құқықтық актілерімен реттелетін электрондық құжаттармен алмасу жүйесі;

      18) электрондық құжат айналымы жүйесіне қатысушы – электрондық құжаттарды жинау, өңдеу, сақтау, беру, іздеу және тарату процестеріне қатысатын жеке немесе заңды тұлға, мемлекеттік орган немесе лауазымды тұлға;

      19) электрондық тасымалдағыш – ақпаратты электрондық нысанда сақтауға, сондай-ақ техникалық құралдардың көмегімен жазуға немесе оны жаңғыртуға арналған материалдық жеткізгіш;

      20) "электрондық үкіметтің" веб-порталы (бұдан әрі – ЭҮП) – нормативтік құқықтық базаны қоса алғанда, барлық шоғырландырылған үкіметтік ақпаратқа және мемлекеттік қызметтерге, табиғи монополиялар субъектілерінің желілеріне қосуға техникалық шарттарды беру жөніндегі қызметтерге және квазимемлекеттік сектор субъектілерінің электрондық нысанда көрсетілетін қызметтеріне қол жеткізудің бірыңғай терезесі болып табылатын ақпараттық жүйе;

      21) "Электрондық үкіметтің" мобильдік қосымшасы (бұдан әрі – мобильді қосымша) – ұялы байланыстың абоненттік құрылғысында орнатылған және іске қосылған және ұялы байланыс және интернет арқылы электрондық нысанда көрсетілетін мемлекеттік қызметтер мен өзге де қызметтерге қол жеткізуді ұсынатын бағдарламалық өнім;

      22) электрондық цифрлық қолтаңбаның жабық кілті – тіркеу куәлігінің иесіне белгілі және электрондық цифрлық қолтаңба құралдарын пайдалана отырып, электрондық цифрлық қолтаңбаны жасауға арналған электрондық цифрлық нышандар дәйектілігі;

      23) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының тұрақтылығын растайтын электрондық цифрлық таңбалардың жиынтығы;

      24) ЭЦҚ құралдары – ЭЦҚ-ның түпнұсқалығын жасау және тексеру үшін пайдаланылатын бағдарламалық және техникалық құралдардың жиынтығы;

      25) Secure Sockets Layer (бұдан әрі – SSL) – интернетте ақпараттың қорғалып берілуін қамтамасыз ететін криптографиялық хаттама болып табылатын қорғалған сокеттердің деңгейі.

2-тарау. Тіркеу куәліктерін беру тәртібі

      3. Тіркеу куәлігі мынадай үлгілер бойынша беріледі:

      1) Жеке тұлғалар үшін:

      жеке тұлға (аутентификациялауға және электрондық құжаттарға қол қоюға арналған);

      жеке тұлғаның SSL (қорғалған қосылымды қамтамасыз етуге және жеке тұлғаға тиесілі веб-ресурстың домендік атауының түпнұсқалығын растауға арналған);

      жеке тұлғаның ақпараттық жүйесі (жеке тұлғаға тиесілі ақпараттық жүйенің жұмыс істеуі шеңберінде электрондық құжаттардың түпнұсқалығын растауға және оларға қол қоюға арналған).

      2) Заңды тұлғалардың немесе бірлескен кәсіпкерлік:

      бірлескен кәсіпкерліктің бірінші басшысы немесе уәкілетті тұлғасы (заңды тұлғаның атынан электрондық құжаттардың түпнұсқалығын растауға және оларға қол қоюға арналған;

      қол қою құқығы бар қызметкер (заңды тұлғаның атынан берілген өкілеттіктер шегінде (ішкі жарғы, бұйрық, сенімхат және басқалар) электрондық құжаттардың түпнұсқалығын растауға және оларға қол қоюға арналған);

      ұйым қызметкері (заңды тұлға қызметкерінің атынан берілген өкілеттіктер шегінде (бұйрық, сенімхат, лауазымдық нұсқаулық және басқалар) электрондық құжаттарды аутентификациялауға және қол қоюға арналған);

      "Қазынашылық-Клиент" ақпараттық жүйесінің қатысушысы (заңды тұлға атынан "Қазынашылық – Клиент" жүйесінде электрондық құжаттардың түпнұсқалығын растауға және оларға қол қоюға арналған);

      заңды тұлғаның SSL (қорғалған қосылымды қамтамасыз етуге және заңды тұлғаға тиесілі веб-ресурстың домендік атауының түпнұсқалығын растауға арналған);

      заңды тұлғаның ақпараттық жүйесі (заңды тұлғаға тиесілі ақпараттық жүйенің жұмыс істеуі шеңберінде электрондық құжаттардың түпнұсқалығын растауға және оларға қол қоюға арналған).

      "Қазақстан Республикасының Ұлттық куәландырушы орталығының тіркеу куәлігін беру және кері қайтарып алу" мемлекеттік көрсетілетін қызметін (бұдан әрі – мемлекеттік көрсетілетін қызмет) жеке және заңды тұлғаларға (бұдан әрі – көрсетілетін қызметті алушылар) "Ұлттық ақпараттық технологиялар" акционерлік қоғамы (бұдан әрі – көрсетілетін қызметті беруші) көрсетеді.

      Тіркеу куәлігін алу үшін көрсетілетін қызметті алушы өтінімді порталда немесе ЭҮП-да толтырады және қашықтықтан сәйкестендіруден өтеді.

      Жеке тұлғалардың мемлекеттік дерекқорында қашықтықтан сәйкестендіру сәтсіз болған не көрсетілетін қызметті алушының фотобейнесі болмаған жағдайда көрсетілетін қызметті алушы порталда ТО арқылы тіркеу куәлігін алу үшін өтінім нысанын толтырады. Өтінімді Растауды осы Қағидаларға 1 – қосымшаға сәйкес көрсетілетін қызметті алушы мемлекеттік қызмет көрсету үшін көрсетілетін қызметті алушыдан талап етілетін құжаттар мен мәліметтер тізбесіне (бұдан әрі-тізбе) сәйкес қажетті құжаттар топтамасын ұсынғаннан және сәйкестендірудің екінші факторынан өткеннен кейін ТО қызметкері жүзеге асырады:

      1) көрсетілетін қызметті алушының жеке басын биометриялық сәйкестендіру бойынша;

      2) биометриялық сәйкестендіруден өту мүмкін болмаған жағдайда көрсетілетін қызметті алушыны сәйкестендіру цифрлық құжаттар сервисі арқылы, көрсетілетін қызметті алушының жеке басын куәландыратын цифрлық құжаттың тексеру кодын тексеру және фотофиксациялау жолымен жүзеге асырылады;

      3) цифрлық құжаттар сервисі арқылы биометриялық сәйкестендіруден немесе сәйкестендіруден өтпеген жағдайда, өтінімді растау үшін ТО қызметкері көрсетілетін қызметті алушының фотофикасациясын жүзеге асырады және тіркеу куәлігін беруге өтінімді растайды. Осыдан кейін тіркеу куәлігін беруге өтінім оны одан әрі қарау және растау үшін ТО жауапты қызметкеріне қосымша тексеруге жіберіледі.

      Тіркеу куәлігін жеке кабинет порталы (бұдан әрі – жеке кабинет) арқылы алу үшін қызмет алушы өтінім нысанын толтырып, оны ЭЦҚ жабық кілтімен қол қояды. Тіркеу куәліктерін беру жеке кабинет арқылы құжаттар пакетін ТО-на ұсынбай-ақ жүзеге асырылады.

      ЭЦҚ-ның жабық кілті ҰКО қолдайтын қолжетімді тасымалдаушылардың біріне жасалады.

      4. ТО арқылы ҰКО тіркеу куәлігін беру шарттары:

      1) тіркеу куәлігін алу үшін "жеке тұлға" шаблоны бойынша көрсетілетін қызметті алушы ТО-на Тізбеде көрсетілген құжаттарды жеке өзі ұсынады;

      2) "бірлескен кәсіпкерліктің бірінші басшысы немесе уәкілетті тұлғасы", "қол қою құқығы бар қызметкер" немесе "ұйым қызметкері" шаблоны бойынша тіркеу куәлігін алу үшін көрсетілетін қызметті алушы Тізбеде көрсетілген құжаттарды ТО-на жеке өзі ұсынады;

      3) "жеке тұлғаның SSL" үлгісі бойынша тіркеу куәлігін алу үшін интернет-ресурстың домендік атауының иесі – жеке тұлға порталда өтінім береді және Тізбеде көрсетілген құжаттарды жеке өзі ТО-на ұсынады.

      Құжаттарды қабылдап және ТО өтінімді растағаннан кейін қызметті беруші:

      көрсетілетін қызметті алушыға домендік атаудың тиесілігін;

      домендік атауды толтырудың дұрыстығын;

      домендік атаудың .KZ және .ҚАЗ аймақтарында тіркелуін тексереді.

      Өтінімді сәтті тексерген кезде көрсетілетін қызметті беруші мемлекеттік қызмет көрсетуге өтінімді растайды. Өтінім осы тармақта көрсетілген талаптарға сәйкес келмеген жағдайда көрсетілетін қызметті беруші көрсетілетін қызметті алушыға мемлекеттік қызметті көрсетуден бас тартады.

      4) "заңды тұлғаның SSL" үлгісі бойынша тіркеу куәлігін алу үшін заңды тұлға – интернет-ресурстың домендік атауының иесі порталда өтінім береді.

      Өтінім берілгеннен және оны заңды тұлғаның бірінші басшысы растағаннан кейін осы Қағидалардың 6 -тармағына сәйкес көрсетілетін қызметті беруші:

      көрсетілетін қызметті алушыға домендік атаудың тиесілігін;

      домендік атауды толтырудың дұрыстығын;

      домендік атаудың .KZ және .ҚАЗ аймақтарында тіркелуін тексереді.

      Өтінімді сәтті тексерген кезде көрсетілетін қызметті беруші Мемлекеттік қызмет көрсетуге өтінімді растайды. Өтінім осы тармақта көрсетілген талаптарға сәйкес келмеген жағдайда көрсетілетін қызметті беруші көрсетілетін қызметті алушыға мемлекеттік қызмет көрсетуден бас тартады.

      5) "Қазынашылық – клиент" ақпараттық жүйесіне қатысушы" шаблоны бойынша тіркеу куәлігін алу үшін көрсетілетін қызметті алушы Тізбеде көрсетілген құжаттарды ТО-на жеке өзі ұсынады;

      6) "жеке тұлғаның ақпараттық жүйесі" шаблоны бойынша тіркеу куәлігін алу үшін жеке тұлға өтінімді жеке кабинет арқылы береді және оған қолданыстағы ЭЦҚ жабық кілтімен қол қояды. Өтінімде ақпараттық жүйенің тіркелген Объектілік идентификаторы көрсетіледі. Объектілік сәйкестендіргіштің тиесілігі расталмаған жағдайда көрсетілетін қызметті алушы көрсетілетін қызметті беруші Мемлекеттік қызмет көрсетуден бас тартады. Тіркеу куәліктерін беру осы Қағидалардың 9-тармағына сәйкес жүзеге асырылады.

      7) "заңды тұлғаның ақпараттық жүйесі" шаблоны бойынша тіркеу куәлігін алу үшін заңды тұлғаның бірінші басшысы өтінімді жеке кабинет арқылы береді және оған ЭЦҚ жабық кілтімен қол қояды. Өтінімде ақпараттық жүйенің тіркелген Объектілік идентификаторы көрсетіледі. Объектілік сәйкестендіргіштің тиесілігі расталмаған жағдайда көрсетілетін қызметті алушы көрсетілетін қызметті беруші Мемлекеттік қызмет көрсетуден бас тартады. Тіркеу куәліктерін беру осы Қағидалардың 9-тармағына сәйкес жүзеге асырылады.

      5. Тіркеу куәлігін алу үшін ("SSL – жеке тұлға" немесе "SSL-заңды тұлға" шаблоны бойынша берілген тіркеу куәлігін қоспағанда) жеке кабинет арқылы көрсетілетін қызметті алушы ашық кілті бар және көрсетілетін қызметті алушының қолданыстағы электрондық цифрлық қолтаңбасымен куәландырылған электрондық құжат нысанындағы сұрау салуды жібереді. Тіркеу куәліктерін беру осы Қағидалардың 9-тармағына сәйкес жүзеге асырылады.

      6. "Қол қою құқығы бар қызметкер", "ұйым қызметкері", "заңды тұлғаның SSL", "Қазынашылық-Клиент" ақпараттық жүйесінің қатысушысы" шаблоны бойынша тіркеу куәлігін алу үшін ТО-на жүгінгенге дейін және/немесе осы Қағидалардың 8-тармағына сәйкес көрсетілетін қызметті беруші өтінімді қарағанға дейін заңды тұлғаның (филиалдың, өкілдіктің) бірінші басшысы, бірлескен кәсіпкерліктің уәкілетті тұлғасы немесе өтінімдерді растау құқығы берілген қызметкер жеке кабинетте өзінің ЭЦҚ куәландыру арқылы қызметкерлер үшін ҰКО тіркеу куәлігін беруге өтінімді растайды.

      7. Бірлескен кәсіпкерліктің бірінші басшысының немесе уәкілетті тұлғасының жеке кабинеті арқылы қызметкерге ҰКО тіркеу куәліктерін беруге өтінімдерді растау құқығын беру мүмкіндігі бар. Бұл ретте уәкілетті қызметкерге "қол қою құқығы бар қызметкер" үлгісі бойынша тіркеу куәлігін алдын ала алу қажет.

      8. Құжаттарды қабылдағаннан кейін және ТО мемлекеттік қызмет көрсетуге өтінімді растағаннан кейін көрсетілетін қызметті беруші өтінімнің осы Қағидалардың талаптарына сәйкестігін тексереді. Өтінім осы Қағидалардың талаптарына сәйкес келген кезде көрсетілетін қызметті беруші мемлекеттік қызметті көрсетуге өтінімді растайды. Өтінім осы Қағидаларға сәйкес келмеген жағдайда көрсетілетін қызметті беруші көрсетілетін қызметті алушыға мемлекеттік қызмет көрсетуден бас тартады.

      9. ТО-на жүгінген кезде көрсетілетін қызметті алушыға тіркеу куәлігін беруді көрсетілетін қызметті алушы Тізбеде көрсетілген құжаттарды ұсынғаннан кейін бір жұмыс күні ішінде ҰКО жүзеге асырады.

      Тіркеу куәлігін жеке кабинет арқылы беруді ЭЦҚ жабық кілтімен қол қойылған электрондық құжат нысанында өтінім келіп түскеннен кейін жиырма минут ішінде ҰКО жүзеге асырады.

      Көрсетілетін қызметті алушыны қашықтықтан сәйкестендіру кезінде тіркеу куәлігін беруді ҰКО көрсетілетін қызметті алушыны сәтті сәйкестендіргеннен және өтінім бергеннен кейін бір жұмыс күні ішінде жүзеге асырады.

      Тіркеу куәлігін беру осы Қағидаларға 2-қосымшаға сәйкес ҰКО тіркеу куәлігінің құрылымы бойынша электрондық құжат нысанында жүзеге асырылады.

      10. Көрсетілетін қызметті алушы парольге қойылатын мынадай талаптарға сәйкес ЭЦҚ жабық кілтіне пароль орнатады:

      құпия сөздің ұзындығы кемінде 8 таңба болуы керек;

      пароль таңбаларының ішінде әріптік латын таңбалары бар;

      парольде үш әріптен немесе алфавиттік және сандық қатардағы сандардан артық дәйекті түрде көрсетілмеген;

      сандар және (немесе) арнайы таңбалар.

      11. Көрсетілетін қызметті алушы Тізбеде көрсетілген құжаттарды ТО-ға ұсынбаған жағдайда, көрсетілетін қызметті алушы электрондық құжат нысанында портал немесе ЭҮП арқылы тіркеу куәлігін алуға берген өтінім өтінім берілген сәттен бастап бір ай өткен соң күшін жояды.

      12. Тіркеу куәлігін тіркеу тіркеу куәліктерінің тізілімінде тіркеу куәлігінің мазмұнын құрайтын жазбаларды (мәліметтерді) қалыптастыру жолымен жүзеге асырылады.

      13. Тізбеге сәйкес құжаттарды қабылдау кезінде ТО қызметкері мемлекеттік ақпараттық жүйелердегі мәліметтері бар құжаттарды деректердің толықтығына тексереді.

      ТО қызметкері жеке басын куәландыратын құжатты немесе көрсетілетін қызметті алушының цифрлық құжаттар сервисінен (сәйкестендіру үшін) электрондық құжатты мемлекеттік ақпараттық жүйелердегі мәліметтермен салыстырып тексереді, содан кейін оны көрсетілетін қызметті алушыға қайтарады.

      Тазартулары, тіркеулері, сызылған сөздері және өзге де келісілмеген түзетулері бар құжаттар қабылданбайды.

      14. ҰКО жеке басын куәландыратын құжаттар, құрылтай құжаттары, заңды тұлғаны, бірлескен кәсіпкерлікті мемлекеттік тіркеу (қайта тіркеу) туралы анықтамалар немесе куәліктер туралы мәліметтерді, сондай-ақ тиісті мемлекеттік ақпараттық жүйелерден заңды тұлғаның бірінші басшысы немесе бірлескен кәсіпкерліктің уәкілетті тұлғасы туралы ақпаратты алады және пайдаланады.

      15. Тізбеге сәйкес мемлекеттік қызмет көрсетуден бас тарту үшін негіз болған кезде ТО қызметкері мемлекеттік қызмет көрсетуден бас тартады.

      Көрсетілетін қызметті алушы мемлекеттік қызметті көрсетуден бас тарту себептерін жойған кезде көрсетілетін қызметті алушы осы Қағидаларда белгіленген тәртіппен мемлекеттік қызметті алу үшін қайта жүгінеді.

      16. Көрсетілетін қызметті беруші немесе ТО қызметкері, егер Қазақстан Республикасының заңдарында өзгеше көзделмесе, мемлекеттік қызмет көрсету кезінде ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісім алады.

      17. Микросхемасы, бұлтты ЭЦҚ немесе негізгі ақпарат тасығышы бар жеке куәлікке шығарылған тіркеу куәлігінің қолданылу мерзімі оны берген сәттен бастап үш жылды құрайды.

      Электрондық тасымалдағышқа немесе мобильді қосымшаға берілген тіркеу куәлігінің қолданылу мерзімі оны берген сәттен бастап бір жылды құрайды. Ерекше жағдай – "жеке тұлғаның ақпараттық жүйесі" немесе "заңды тұлғаның ақпараттық жүйесі" үлгісі бойынша берілген тіркеу куәлігі, оның қолданылу мерзімі үш жылды құрайды.

      Көрсетілетін қызметті алушының тіркеу куәлігінің қолданылу мерзімі ҰКО тіркеу куәлігінің қолданылу мерзімінен аспайды.

3-тарау. Тіркеу куәліктерін сақтау тәртібі

      18. ЭЦҚ құруу куәліктеріналы құжаттарды сақтау Қазақстан Республикасы Мәдениет және спорт министрінің міндетін атқарушы 2017 жылғы 29 қыркүйектегі № 263 бұйрығымен (Нормативтік құқықтық актілерді мемлекеттік тіркеу тізілімінде № 15997 болып тіркелген) бекітілген Сақтау мерзімін көрсете отырып, мемлекеттік және мемлекеттік емес ұйымдардың қызметінде жасалатын үлгілік құжаттар тізбесіне сәйкес жүзеге асырылады.

      19. ЭЦҚ құруімін көрсете отырып, мемлекеттік және мемлекеттік емес ұйымдардың қызметінде жасалатын үлгілік құжаттар тізбесіне с 2023 жылғы 25 тамыздағы № 235 бұйрығымен (Нормативтік құқықтық актілерді мемлекеттік тіркеу тізілімінде № 33338 болып тіркелген) Ұлттық архив қорының құжаттарын және басқа да архивтік құжаттарды ведомстволық және жеке архивтердің қабылдау, сақтау, есепке алу мен пайдалану қағидаларына сәйкес архивтік сақтауға түседі.

4-тарау. Тіркеу куәлігін кері қайтарып алу тәртібі

      20. Қолданыстағыкеу куәлігін кері қайтарып алу тәртібітік емес ұйымдардың қызметінде жасалатын үлгілік құжаттар тізбесіне с 2023 жылғы 25 тамыуі арқылы кері қайтарып алынады.

      21. Қолданыстағыкеу куәлігін кері қайтарып алу тәртібітік емес ұйымдардың қызметінде жасалатын үлгілік құжаттар тізбесіне с 2023 жылғы 25 тамыуі арқылы кері қайтарып алынадывтік құқықтық актілерді мемлекеттік тір

      Заңды тұлғаның (филиалдың, өкілдіктің) бірінші басшысының немесе бірлескен кәсіпкерліктің уәкілетті тұлғасының жеке кабинетінде ЭЦҚ-ны қайтарып алуға сұрау салуды куәландыру жолымен қызметкерлердің ҰКО тіркеу куәліктерін кері қайтарып алу мүмкіндігі бар.

      Бірінші басшының немесе бірлескен кәсіпкерліктің уәкілетті тұлғасының жеке кабинеті арқылы қызметкерге қол қою құқығымен, қызметкерлердің ҰКО тіркеу куәліктерін кері қайтарып алу құқығымен беруге мүмкіндігі бар. Бұл ретте уәкілетті қызметкерге "қол қою құқығы бар қызметкер" шаблоны бойынша тіркеу куәлігін алдын ала алу қажет.

      22. ҰКО тіркеу куәліктерін олардың қолданылу мерзімі өткенге дейін келесі жағдайларда кері қайтарып алады:

      1) тіркеу куәлігі иесінің не оның өкілінің талабы бойынша осы Қағидаларда белгіленген тәртіппен тіркеу куәлігін кері қайтарып алуға өтініш негізінде;

      2) тіркеу куәлігін алу кезінде дәйексіз мәліметтерді ұсыну не құжаттардың толық емес топтамасын ұсыну фактісі анықталған кезде, ТО уәкілетті тұлғасы жасаған тиісті актімен расталады;

      3) жеке тұлғалардың мемлекеттік дерекқорына тиісті ақпаратты енгізе отырып, тіркеу куәлігі иесінің қайтыс болуы;

      4) жеке тұлғалардың мемлекеттік дерекқорына тиісті ақпаратты енгізе отырып, тіркеу куәлігі иесінің тегі, аты немесе әкесінің аты (егер ол жеке басты куәландыратын құжатта көрсетілсе) өзгертілсе;

      5) заңды тұлғалардың мемлекеттік дерекқорына тиісті ақпаратты енгізе отырып, тіркеу куәлігінің иесі-заңды тұлғаның атауы, қайта ұйымдастырылуы, таратылуы, заңды тұлға басшысының ауысуы;

      6) куәландырушы орталық пен тіркеу куәлігінің иесі арасындағы келісімде көзделген жағдайларда жүргізіледі;

      7) тіркеу куәлігін кері қайтарып алу туралы заңды күшіне енген сот шешімі бойынша;

      8) жеке тұлғалардың мемлекеттік дерекқорына тиісті ақпаратты енгізе отырып, адамды әрекетке қабілетсіз деп тану туралы заңды күшіне енген сот шешімі бойынша.

      Портал жұмысында техникалық ақаулар болған жағдайда, тіркеу куәліктерін кері қайтарып алу портал жұмысы қалпына келтірілгенге дейін тоқтатыла тұрады.

      Көрсетілетін қызметті беруші осы Қағидалардың 1) тармақшасында көрсетілген жағдайды қоспағанда, осы тармақта көзделген бір немесе бірнеше жағдай туындаған кезде көрсетілетін қызметті алушыдан өтінішсіз тіркеу куәліктерін қайтарып алуды жүзеге асырады.

      23. ҰКОрмақшасын қоспағанда, осы тармақта көрсетілген жағдайлардың бірі басталған кезде ату туралы тіркеу куәліктерінің тіркеліміне тіркеу куәлігін кері қайтарып алу күнін, себебі мен уақытын көрсете отырып, жазба енгізеді.

      24. Көрсетілетін қызметті алушы ТО жүгініп және Тізбеде көрсетілген тиісті құжаттарды ұсынғаннан кейін тіркеу куәлігін кері қайтарып алу бір жұмыс күні ішінде жүзеге асырылады.

      25. Тіркеу куәлігін жеке кабинет немесе ЭҮП арқылы кері қайтарып алу ашық кілтті қамтитын электрондық құжат нысанындағы сұрау салу келіп түскеннен кейін, иеленушіде қолданыстағы тіркеу куәлігі болған кезде бір жұмыс күні ішінде жүзеге асырылады.

      26. ҰКОкеу куәлігін жеке кабинет немесе ЭҮП арқылы кері қайтарып алу ашық кілтті қамтитын электрондық құжат нысанындағы сұрау салу келіп түскеннен кейін, иеленушіде қолданыстағы тіркеу куәлігі болған кезде бір жұмыс күні ының мекенжайына (тіркеу куәлігінде болған жағдайда) тіркеу куәлігін сәтті кері қайтарып алу туралы хабарлама жібереді, бұл ретте ҰКО осы хабарламаны көрсетілетін қызметті алушыға жеткізуге жауапты болмайды.

5-тарау. Электрондық цифрлық қолтаңбаның ашық кілтінің тиесілілігі мен жарамдылығын растау тәртібі

      27. Электрондық цифрлық қолтаңбаның ашық кілтінің тиесілілігі мен жарамдылығын растау тәртібі Қазақстан Республикасы Инвестициялар және даму министрінің 2015 жылғы 9 желтоқсандағы № 1187 бұйрығымен бекітілген Электрондық цифрлық қолтаңбаның төлнұсқалығын тексеру қағидаларына сәйкес жүзеге асады. (Нормативтік құқықтық актілерді мемлекеттік тіркеу тізілімінде № 12864 болып тіркелген).

6-тарау. Мемлекеттік қызмет көрсету мәселелері бойынша орталық мемлекеттік органдардың, сондай-ақ көрсетілетін қызметті берушінің және (немесе) оның лауазымды адамдарының, Мемлекеттік корпорацияның және (немесе) оның қызметкерлерінің шешімдеріне, әрекетіне (әрекетсіздігіне) шағымдану тәртібі

      28. Мемлекеттік қызметтер көрсету мәселелері бойынша көрсетілетін қызметті берушінің шешіміне, әрекетіне (әрекетсіздігіне) шағым көрсетілетін қызметті беруші басшысының атына, ақпараттандыру саласындағы уәкілетті органға, мемлекеттік қызметтер көрсету сапасын бағалау және бақылау жөніндегі уәкілетті органға беріледі.

      Шағым Қазақстан Республикасы Әкімшілік рәсімдік-процестік кодексінің 91-бабының 4-тармағына сәйкес келіп түскен жағдайда, көрсетілетін қызметті беруші оны келіп түскен күннен бастап үш жұмыс күнінен кешіктірмей шағымды қарайтын органға (жоғары тұрған әкімшілік органға және (немесе) лауазымды адамға) жібереді. Көрсетілетін қызметті беруші шағымды қарайтын органға (жоғары тұрған әкімшілік органға және (немесе) лауазымды адамға) үш жұмыс күні ішінде қолайлы акт қабылданған, шағымда көрсетілген талаптарды толық қанағаттандыратын әкімшілік іс-әрекет жасалған жағдайда шағымды жібермейді.

      29. Көрсетілетін қызметті алушының шағымы "Мемлекеттік көрсетілетін қызметтер туралы" Қазақстан Республикасы Заңының 25-бабының 2-тармағына сәйкес:

      көрсетілетін қызметті берушіге – тіркелген күнінен бастап бес жұмыс күні ішінде;

      мемлекеттік қызметтер көрсету сапасын бағалау және бақылау жөніндегі уәкілетті органға – ол тіркелген күннен бастап 15 (он бес) жұмыс күні ішінде қаралуы тиіс.

      30. Егер заңда өзгеше көзделмесе, сотқа жүгінуге сотқа дейінгі тәртіппен шағымданғаннан кейін жол беріледі. Егер заңда жоғары тұрған органға шағымдану қажеттілігінсіз сотқа жүгіну мүмкіндігі көзделген жағдайда, әкімшілік орган, әкімшілік әрекеті (әрекетсіздігі) дауланатын лауазымды адам, әкімшілік акті сотқа кері қайтарып алумен қатар жоғары тұрған әкімшілік орган басшысының, лауазымды адамның уәжді ұстанымын ұсынады.

Қазақстан Республикасы ұлттық куәландырушы орталығының тіркеу куәлігін беруге өтініш (жеке тұлға үшін)

Қазақстан Республикасы ұлттық куәландырушы орталығының тіркеу куәліктерін кері қайтарып алуға өтініш (жеке тұлға үшін)

      Жеке тұлғаның сәйкестендіру деректері:

      Жеке сәйкестендіру нөмірі: ___________________________________________

      Тегі:_______________________________________________________________

      Аты: ______________________________________________________________

      Әкесінің аты (бар болған жағдайда):______________________________________

      Электрондық пошта мекенжайы:_______________________________________

      Телефон:___________________________________________________________

      Тіркеу куәлігінің сәйкестендіру деректері:

      Үлгі (- лер): ______________________

      Сериялық нөмірі (-лері):_____________________________________________________

      Берілген күні (-дері) : ________________________

      Қазақстан Республикасы ұлттық куәландырушы орталығының пайдаланушылық келісімімен таныстым және мемлекеттік көрсетілетін қызметті алу және электрондық поштаға хабарлама алу мақсатында "Ұлттық ақпараттық технологиялар" АҚ-на (БИН 000740000728), тіркеу куәліктерінің қолданылу мерзіміне, жоғарыда көрсетілген дербес деректерді жинауға және өңдеуге келісімімді растаймын.

      Өтініш берген күні: "____" ____________ 20___ жыл.

      Қолы көрсетілетін қызметті алушының ___________

Қазақстан Республикасы ұлттық куәландырушы орталығының тіркеу куәліктерін кері қайтарып алуға өтініш (заңды тұлға немесе бірлескен кәсіпкерлік үшін)

      Сәйкестендіру деректері:

      Бизнес сәйкестендіру нөмірі__________________________________________

      Ұйымның немесе бірлескен кәсіпкерліктің атауы:__________________________

      Жеке сәйкестендіру нөмірі_____________________________________________

      Тегі:________________________________________________________________

      Аты:________________________________________________________________

      Әкесінің аты (бар болған жағдайда):______________________________________

      Телефон:_____________________________________________________________

      Тіркеу куәліктерінің сәйкестендіру деректері:

      Үлгі (-лер): ______________________

      Сериялық нөмірі(-лері):________________________________________________

      Берілген күні (-дері) : ________________________

      Қазақстан Республикасы ұлттық куәландырушы орталығының пайдаланушылық келісімімен таныстым және мемлекеттік көрсетілетін қызметті алу және электрондық поштаға хабарлама алу мақсатында "Ұлттық ақпараттық технологиялар" АҚ-на (БИН 000740000728), тіркеу куәліктерінің қолданылу мерзіміне, жоғарыда көрсетілген дербес деректерді жинауға және өңдеуге келісімімді растаймын.

      Өтініш берген күні: "____" ____________ 20___ жыл.

      Қолы көрсетілетін қызметті алушының____________

________________________________________________________________

(аты, тегі, әкесінің аты (бар болған жағдайда) не ұйымының атауы көрсетілетін қызметті алушы)

______________________________________________________________

(көрсетілетін қызметті алушының мекенжайы)

Құжаттарды қабылдаудан бас тарту туралы қолхат

      Қазақстан Республикасы Инвестициялар және даму министрінің м.а. 2015 жылғы 26 маусымдағы № 727 бұйрығымен (Нормативтік құқықтық актілерді мемлекеттік тіркеу тізілімінде № 12181 болып тіркелген) бекітілген Қазақстан Республикасының ұлттық куәландыру орталығының тіркеу куәліктерін беру, сақтау, күшін жою және тіркеу куәліктерінің ашық кілтінің меншік құқығын және жарамдылығын растау қағидаларына "Қазақстан Республикасы ұлттық куәландырушы орталығының тіркеу куәлігін беру және кері қайтарып алу" мемлекеттік көрсетілетін қызмет стандартының 9-тармағын басшылыққа ала отырып, "Азаматтарға арналған үкімет" мемлекеттік корпорациясы" коммерциялық емес акционерлік қоғамы филиалының № _____ бөлімінің немесе көрсетілетін қызметті берушінің қызметкері "Қазақстан Республикасы Ұлттық куәландырушы орталығының тіркеу куәлігін беру және кері қайтарып алу" мемлекеттік қызметін көрсету үшін құжаттарды қабылдаудан мынадай негіздер бойынша бас тартады:

      __________________________________________________________________________

      __________________________________________________________________________

      Бұл түбіртек әр тарапқа бір-бірден 2 данада жасалды.

      _______________________________________________________________

      Тегі, аты, әкесінің аты (бар болса)/қолы

"Азаматтарға арналған үкімет" мемлекеттік корпорациясы" коммерциялық емес акционерлік қоғамының қызметкері

      Алды: ___________________________________________________________________

                  Тегі, аты, әкесінің аты (бар болса)/көрсетілетін қызметті алушының қолы

      "___" _________ 20__ жыл.

1. Қазақстан Республикасы ұлттық куәландырушы орталығының тіркеу куәлігінің құрылымы (RSA алгоритмінде)

2. Қазақстан Республикасының Ұлттық куәландырушы орталығының тіркеу куәлігінің құрылымы (МЕМСТ алгоритмінде)

3. RSA алгоритміндегі Қазақстан Республикасы Ұлттық куәландырушы орталығы пайдаланушысының (жеке тұлғаның) тіркеу куәлігінің құрылымы

4. Қазақстан Республикасы Ұлттық куәландырушы орталығы пайдаланушысының (жеке тұлғаның) тіркеу куәлігінің құрылымы

5. Қазақстан Республикасы ұлттық куәландырушы орталығы пайдаланушысының (заңды тұлға немесе бірлескен кәсіпкерлік) тіркеу куәлігінің құрылымы

6. Қазақстан Республикасы Ұлттық куәландырушы орталығы пайдаланушысының тіркеу куәлігінің құрылымы (Қазынашылық-Клиент АЖ)

7. Қазақстан Республикасының ұлттық куәландырушы орталығының жеке тұлғасының SSL тіркеу куәлігінің құрылымы

8. Қазақстан Республикасының ұлттық куәландырушы орталығының заңды тұлғасының SSL тіркеу куәлігінің құрылымы

9. Ақпараттық жүйені пайдалануға арналған Қазақстан Республикасы ұлттық куәландырушы орталығы пайдаланушысының (жеке тұлғаның) тіркеу куәлігінің құрылымы

10. Ақпараттық жүйені пайдалануға арналған Қазақстан Республикасы ұлттық куәландырушы орталығы пайдаланушысының (заңды тұлғаның) тіркеу куәлігінің құрылымы

11. Қазақстан Республикасы ұлттық куәландырушы орталығының RSA кері қайтарып алынған тіркеу куәліктерінің тізімі туралы ақпарат