Жолдаманың үлгілік нысанын, сондай-ақ оны беру қағидасын бекіту туралы

      "Жануарлар дүниесін қорғау, өсімін молайту және пайдалану туралы" Қазақстан Республикасының 2004 жылғы 9 шілдедегі Заңының 9-бабының 1-тармағының 14) тармақшасына сәйкес БҰЙЫРАМЫН:

      1. Мыналар:

      1) осы бұйрыққа 1-қосымшаға сәйкес жолдаманың үлгілік нысаны;

      2) осы бұйрыққа 2-қосымшаға сәйкес жолдаманы беру қағидасы бекітілсін.

      2. Қазақстан Республикасы Ауыл шаруашылығы министрлігінің Орман шаруашылығы және жануарлар дүниесі комитеті заңамада белгіленген тәртіппен:

      1) Қазақстан Республикасының Әділет министрлігінде осы бұйрықтың мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялауға жіберілуін;

      3) осы бұйрықты Қазақстан Республикасы Ауыл шаруашылығы министрлігінің интернет-ресурсында орналастыруын қамтамасыз етсін.

      3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Аң аулауға арналған жолдаманың үлгiлік нысаны Типовая форма путевки для осуществления охоты

      Ескерту. 1-қосымша жаңа редакцияда - ҚР Экология және табиғи ресурстар министрінің 17.04.2024 № 81 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Жолдаманың алдыңғы беті (лицевая сторона путевки)

      Аңшылық шаруашылығы субъектісіне бекітілген аумақта ғана жарамды (действительно только на территории, закрепленной за субъектом охотничьего хозяйства)

      _______________________________________________________________

      (аңшылық шаруашылығы субъектісінің атауы / наименование субъекта охотничьего хозяйства)

      ЖОЛДАМА № _________________________________________________

      ПУТЕВКА (тіркеу нөмірі / регистрационный номер)

      Бір жолғы, маусымдық / разовая, сезонная __________________________

      Жолдама құны / стоимость путевки __________________________ теңге

      Аңшының (тегі, аты, әкесінің аты (бар болса) / фамилия, имя, отчество (при его наличии) охотника _________________

      Аңшы куәлігінің № / № удостоверения охотника ____________________

      Берілген күні / дата выдачи _______________________________________

      Аңшылық шаруашылығының атауы / наименование охотничьего хозяйства ___________________________________________________________

      Қорықшыға жіберіледі / направляется к егерю _______________________

      (тегі, аты, әкесінің аты (бар болса) / фамилия, имя, отчество (при его наличии))

      Қолданылу мерзімі 20__ жылғы "__" ______ бастап 20__ жылғы "__" дейін /

      Срок действия с "__" ______ 20__ года по "__" ______ 20__ года.

      Аңшылық шаруашылығының жолдама берген жауапты адамы / ответственное лицо охотничьего хозяйства выдавшее путевку ______

      ____________________________________________________________________

      (тегі, аты, әкесінің аты (бар болса), қолы) / (фамилия, имя, отчество (при его наличии), подпись)

      Аңшылық шаруашылығының ішкі тәртібі қағидаларымен таныстым / с правилами внутреннего распорядка охотничьего хозяйства ознакомлен

      ___________________________________________________________________________________

      (аңшының қолы / подпись охотника)

      Электрондық жүйе арқылы жолдама берілген жағдайда қорықшылар мен инспекторлардың жолдама деректерін сәйкестендіруге мүмкіндік беретін QR-код

      Жолдама берілген күн 20___ жылғы "__" __________

      QR-код, позволяющий идентифицировать данные путевки егерями и инспекторами в случае выдачи путевки через электронную систему

      Дата выдачи путевки "_____" _______ 20__ год

      Жолдаманың артқы беті (обратная сторона путевки)

      Ескерту / Примечание:

      1. Жануарларды нақты аулау туралы белгі соғуды қорықшы немесе ол жоқ кезде – аңшының өзі жүргізеді / Отметка о фактической добыче животных производится егерем или при его отсутствии самим охотником;

      2. Жолдаманы басқа адамға беруге болмайды / передача путевки другому лицу не производится.

Балық аулауды жүзеге асыруға арналған жолдаманың үлгілік нысаны Типовая форма путевки для осуществления рыболовства Жолдаманың алдыңғы беті (лицевая сторона путевки)

      Ескерту. Бұйрық 1-1-қосымшамен толықтырылды - ҚР Экология және табиғи ресурстар министрінің 15.01.2024 № 6 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Жолдаманың артқы беті (обратная сторона путевки)

      Ескерту (примечание):

      Электрондық нысанда жолдама берілген жағдайда қорықшының немесе жолдама ресімделген адамның қолы талап етілмейді (в случае выдачи путевки в электронной форме подпись егеря или лица, на которого оформлена путевка не требуется).

      Жолдаманы басқа тұлғаға беру жүргізілмейді (передача путевки другому лицу не производится).

Жолдама беру қағидалары

      Ескерту. 2-қосымша жаңа редакцияда - ҚР Экология және табиғи ресурстар министрінің 17.04.2024 № 81 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Жолдама беру қағидалары (бұдан әрi – Қағидалар) "Жануарлар дүниесiн қорғау, өсiмiн молайту және пайдалану туралы" Қазақстан Республикасы Заңының 9-бабы 1 тармағы 14) тармақшасына (бұдан әрі – Заң) сәйкес әзiрлендi және аңшылық пен балық шаруашылығы субъектiлерiнің жолдама беру тәртiбiн анықтайды.

      2. Осы Қағидаларда мынадай негізгі ұғымдар пайдаланылады:

      1) электрондық жүйенің әкімшісі – электрондық жүйенің жұмыс істеуі мәселелері бойынша пайдаланушылардың өтінімдеріне жедел ден қоюды жүзеге асыратын және жұмыс қабілеттілігін қамтамасыз ететін тұлға;

      2) электрондық жүйе – жолдамаларды электрондық нысанда беруді қамтамасыз ететін жүйе.

      3. Электрондық жүйенің әкімшісі электрондық жүйенің жұмыс істеуі мәселелері бойынша пайдаланушылардың өтінімдеріне жедел ден қоюды жүзеге асырады және жұмыс қабілеттілігін қамтамасыз етеді.

      4. Электрондық жүйе мереке және демалыс күндерін қоса алғанда, қазақ және орыс тілдерінде, тәулік бойы үздіксіз жұмыс істейді.

      5. Электрондық жүйенің жұмыс қабілеттілігін қамтамасыз ету мақсатында электрондық жүйенің әкімшісі:

      1) берілген жолдамалар бойынша автоматтандырылған есепке алуды, жүйе істен шыққан немесе бүлінген жағдайда ақпараттың сақталуын, қорғалуын, қалпына келтірілуін;

      2) аңшылық және балық шаруашылығы субъектісінің дербес деректерін жинау және өңдеу, сондай-ақ оларға "Дербес деректер және оларды қорғау туралы" Қазақстан Республикасының Заңының 10-бабына сәйкес қол жетімділігін;

      3) мемлекеттік органдардың ақпараттық жүйелерімен және ақпараттандырудың өзге де объектілерімен өзара іс-қимыл жасауын;

      4) осы Қағидаларға 2-қосымшаға сәйкес нысан бойынша, сұрау келіп түскен күннен бастап 3 (үш) жұмыс күн ішінде жануарлар дүниесін қорғау, өсімін молайту және пайдалану саласындағы уәкілетті органның сұрауы бойынша берілген жолдамалар жөнінде есеп ұсынуды;

      5) "Дербес деректер және оларды қорғау туралы" Қазақстан Республикасы Заңының 10-бабына сәйкес жануарлар дүниесін қорғау, өсімін молайту және пайдалану саласындағы уәкілетті тұлғаларға электрондық жүйеге қол жеткізіп беруді қамтамасыз етеді.

2-тарау. Жолдама беру тәртібі

      6. Жолдама аңшылық шаруашылығы субъектісінің жеке тұлғаларына олардың өтініші бойынша (ауызша немесе жазбаша) жануарлар дүниесін пайдалануға рұқсаты болған кезде жануарлар дүниесі объектілерін аулау мақсатында бекітілген аңшылық алқаптарға бару үшін беріледі.

      Жолдама аңшылық және балық шаруашылығы субъектісінің жануарлар дүниесін пайдалануға рұқсаты болған кезде қағаз немесе электрондық нысанда жеке тұлғаларға олардың өтініші бойынша ауызша, сондай-ақ бекітілген балық шаруашылығы су айдындарына және (немесе) учаскелеріне балық ресурстарын және басқа да су жануарларын алып қою мақсатында бару үшін қағаз немесе электрондық нысанда беріледі.

      Жеке тұлға электрондық форматта жолдама алуға өтініш білдірген жағдайда ол бұйрықтың 1 және (немесе) 1-1-қосымшасына сәйкес нысан бойынша автоматты түрде қалыптастырылады және оның жеке кабинетіне жіберіледі.

      7. Жолдаманың қолданылу мерзімін аңшылық шаруашылығы субъектiсi Заңның 9-бабы 1-тармағының 57) тармақшасына сәйкес бекітілетін аң аулау қағидалары бойынша белгілейді.

      8. Аң аулауға және балық аулауға жолдама беруден:

      1) аңшылық немесе балық шаруашылығы субъектілерінің Заңның 9-бабы 1-тармағының 56) тармақшасына сәйкес бекітілетін жануарлар дүниесі объектілерін алып қою квоталарын бөлу қағидаларына сәйкес жануарлар дүниесі объектілерін алып қоюға квотаның болмауы немесе толық игерілуі;

      2) Заңның 38-бабы 5-тармағының 1) тармақшасына сәйкес аңшы (аң аулау үшін) куәлігінің болмауы;

      3) Заңның 9-бабы 1-тармағының 62) тармақшасына сәйкес қабылданатын жануарлар дүниесі объектілерін, олардың бөліктері мен дериваттарын тиісті ғылыми ұйымдар берген, мемлекеттік экологиялық сараптамаға жататын биологиялық негіздеме негізінде оларды пайдаланудың орындары мен мерзімдерін пайдалануға шектеу мен тыйым салынғанда;

      4) Заңның 9-бабы 1-тармағының 36) тармақшасына сәйкес бекітілетін Қазақстан Республикасының аумағында шаруашылықішілік аңшылықты ұйымдастыру жөніндегі қағидалар бойынша аңшылық алқаптардың өткізу қабілетімен айқындалған аңшылық алқаптарда бір мезгілде аңшылардың барынша шекті саны болған жағдайда бас тартылады.

      9. Аңшылық және балық шаруашылығы субъектілері жолдамаларды қағаз жеткізгіште берген жағдайда оларды осы Қағидалардың 1-қосымшасына сәйкес нысан бойынша журналға тіркейді. Журнал нөмірленеді, тігіледі және жануарлар дүниесін қорғау, өсімін молайту және пайдалану саласындағы уәкілетті орган ведомствосының аумақтық бөлімшесінің мөрімен куәландырылады.

      Аңшылық және балық шаруашылығы субъектілері жолдамаларды электрондық форматта берген жағдайда олар осы Қағидалардың 2-қосымшасына сәйкес нысан бойынша автоматты түрде тіркеледі және жануарлар дүниесін қорғау, өсімін молайту және пайдалану саласындағы инспектордың жеке кабинетіне жіберіледі.

      Нысан

Аңшылық және балық шаруашылығы субъектiлерi берген жолдамаларды тiркеу журналы __________________________________________________________________ (аңшылық немесе балық шаруашылығы субъектiсiнiң атауы)

      ________________________________________________

      (аңшылық және балық шаруашылығы субъектісінің тегі, аты, әкесінің аты (бар болса), қолы)

      Нысан

Аңшылық және балық шаруашылығы субъектілерімен берілген жолдамалар тізілімі ___________________________________________________________________ (аңшылық шаруашылығының немесе су айдының немесе учаскенің атауы)