Акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегиялары мен даму жоспарларының орындалуы жөніндегі есептерді әзірлеу және ұсыну қағидаларын бекіту туралы

      «Мемлекеттік мүлік туралы» 2011 жылғы 1 наурыздағы Қазақстан Республикасы Заңының 13-бабының 4-3) тармақшасына сәйкес БҰЙЫРАМЫН:
      1. Қоса беріліп отырған:
      1) Акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегияларының орындалуы жөніндегі есептерді әзірлеу және ұсыну қағидалары;
      2) Акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму жоспарларының орындалуы жөніндегі есептерді әзірлеу және ұсыну қағидалары бекітілсін.
      2. Қазақстан Республикасы Ұлттық экономика министрлігінің Мемлекеттік активтерді басқару саясаты департаменті Қазақстан Республикасының заңнамасында белгіленген тәртіппен:
      1) осы бұйрықтың Қазақстан Республикасының Әділет министрлігінде мемлекеттік тіркелуін;
      2) осы бұйрық мемлекеттік тіркелгеннен кейін күнтізбелік он күн ішінде оның мерзімді баспа басылымдарына және «Әділет» ақпараттық-құқықтық жүйесіне ресми жариялануға жіберілуін;
      3) осы бұйрықтың Қазақстан Республикасы Ұлттық экономика министрлігінің интернет-ресурсында орналастырылуын қамтамасыз етсін.
      3. Осы бұйрықтың орындалуын бақылау Қазақстан Республикасының Ұлттық экономика бірінші вице-министріне жүктелсін.
      4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасының
      Ұлттық экономика министрі                     Е. Досаев

      «КЕЛІСІЛДІ»
      Қазақстан Республикасының
      Қаржы министрі
      ______________Б.Сұлтанов
      2015 жылғы 10 наурыз

Қазақстан Республикасы
Ұлттық экономика министрінің
2015 жылғы 26 ақпандағы
№ 139 бұйрығымен    
бекітілген       

Акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегияларының орындалуы жөніндегі есептерді әзірлеу және ұсыну қағидалары

1. Жалпы ережелер

      1. Осы Қағидалар «Мемлекеттік мүлік туралы» 2011 жылғы 1 наурыздағы Қазақстан Республикасы Заңының 13-бабының 4-3) тармақшасына сәйкес әзірленді және акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму стратегияларының орындалуы жөніндегі есептерді (бұдан әрі - Даму стратегиясының орындалуы жөніндегі есеп) әзірлеу және ұсыну тәртібін айқындайды.
      2. Осы Қағидаларда пайдаланылатын негізгі ұғымдар:
      1) атқарушы орган - алқалы орган немесе атауы компанияның жарғысында айқындалатын атқарушы органның функцияларын жеке-дара жүзеге асыратын тұлға;
      2) жергілікті атқарушы орган (әкімдік) - облыс (республикалық маңызы бар қала және астана), аудан (облыстық маңызы бар қала) әкімі басқаратын өзінің құзыреті шегінде тиісті аумақта жергілікті мемлекеттік басқаруды және өзін-өзі басқаруды жүзеге асыратын алқалы атқарушы орган;
      3) жергілікті бюджеттен қаржыландырылатын атқарушы орган - әкімдік жергілікті мемлекеттік басқару мен өзін-өзі басқарудың жекелеген функцияларын жүзеге асыруға уәкілеттік берген, тиісті жергілікті бюджеттен қаржыландырылатын мемлекеттік мекеме;
      4) компания - акционері мемлекет болып табылатын ұлттық басқарушы холдингтер, ұлттық холдингтер, ұлттық компаниялар;
      5) қызметтің түйінді көрсеткіші - даму стратегиясының мақсатына қол жеткізу деңгейін айқындауға мүмкіндік беретін санмен өлшенетін көрсеткіш;
      6) мемлекеттік мүлікті есепке алу саласындағы бірыңғай оператор (бұдан әрі - Бірыңғай оператор) - Қазақстан Республикасы Үкіметінің шешімі бойынша айқындалған, мемлекеттік мүлікті ұйымдастыру мен есепке алу саласында бірыңғай техникалық саясатты іске асыру бойынша міндеттер жүктелген заңды тұлға;
       7) электрондық есеп - «Есептілікті берудің бірыңғай жүйесі» бағдарламалық қамтамасыз ету (бұдан әрі - бағдарламалық қамтамасыз ету) пайдаланыла отырып дайындалған және ұлттық куәландырушы орталық берген компанияның электрондық цифрлық қолтаңбасымен қол қойылған, даму стратегиясының орындалуы жөніндегі есеп.

2. Даму стратегиясының орындалуы жөніндегі есепті әзірлеу және ұсыну тәртібі

      3. Даму стратегиясының орындалуы жөніндегі есеп мынадай тәртіппен:
      1) бірінші рет - жылдар бойынша бөле отырып үш жылға;
      2) екінші рет - жылдар бойынша бөле отырып алты жылға;
      3) үшінші рет - соңғы төрт жылға бөле отырып он жылға және даму стратегиясын іске асыру қорытындысы бойынша он жылға әзірленеді және ұсынылады.
      4. Даму стратегиясының орындалуы жөніндегі есеп мынадай бөлімдерді қамтиды:
      1) қызметтің стратегиялық бағыттарына, мақсаттарына, міндеттеріне және қызметтің түйінді көрсеткіштеріне қол жеткізу. Осы бөлім осы Қағидаларға қосымшаға сәйкес кестені ұсынумен, қызметтің стратегиялық бағыттары, мақсаттары, міндеттері бойынша жоспарланған және іс жүзінде қол жеткізілген қызметтің түйінді көрсеткіштері туралы, оларға қол жеткізбеу себептері туралы ақпаратты қамтиды;
      2) еркін нысанда жасалатын талдамалық жазба мынадай мәліметтерді:
      қызметтің стратегиялық бағыттары, мақсаттары және міндеттері бойынша қызметтің жоспарланған түйінді көрсеткіштеріне қол жеткізу дәрежесі туралы ақпарат (жоспарланғаннан іс жүзіндегі нәтижелердің ауытқуы болған жағдайда, соңғы нәтижелерге ықпал еткен себептер мен факторларды ашып көрсету қажет), факторлардың даму стратегиясын іске асыруға әсерін бағалауды, сондай-ақ даму стратегиясын іске асырудың саланың, өңірдің әлеуметтік- экономикалық дамуына әсерін бағалауды;
      даму стратегиясын іске асыру процесінде туындаған проблемалар, олардың мақсаттар мен қызметтің түйінді көрсеткіштеріне ықпалы, сондай-ақ даму стратегиясын уақтылы іске асыруды қамтамасыз ету бойынша қабылданған шараларды;
      қызметтің стратегиялық бағыттары, мақсаттары және міндеттері бөлінісінде есепті кезеңге даму стратегиясын іске асыру нәтижесі туралы қорытындыларды;
      даму стратегиясын одан әрі іске асыру, оны түзету, даму стратегиясын іске асыру процесінің тиімділігін арттыру, даму стратегиясын іске асыру бойынша анықталған проблемаларды шешу бойынша ұсыныстарды қамтиды.
      5. Даму стратегиясының орындалуы жөніндегі есепті әзірлеу және бекіту жылдық аудиттелген қаржылық есептілік бекітілгеннен кейін мынадай тәртіппен жүзеге асырылады:
      1) жылдық аудиттелген қаржылық есептілік бекітілген күннен бастап он бес жұмыс күні ішінде атқарушы орган Бірыңғай оператор әзірлеген бағдарламалық қамтамасыз етуді пайдалана отырып Даму стратегиясының орындалуы жөніндегі есеп жобасын әзірлеуді жүзеге асырады және оны компанияның директорлар кеңесінің қарауына енгізеді.
      Компанияның директорлар кеңесі он бес жұмыс күні ішінде Даму стратегиясының орындалуы жөніндегі есеп жобасын қарайды және оны бекіту немесе пысықтау үшін атқарушы органға қайтару туралы шешім қабылдайды.
      Ескертулер болған жағдайда, атқарушы орган компанияның директорлар кеңесі айқындаған, бірақ ескертулер алған күннен бастап он жұмыс күнінен аспайтын мерзімде Даму стратегиясының орындалуы жөніндегі есеп жобасын пысықтайды және оны компанияның директорлар кеңесінің қарауына қайтадан ұсынады;
      2) Даму стратегиясының орындалуы жөніндегі есептің жобасы компанияның директорлар кеңесінің отырысында бекітіледі.
      6. Атқарушы орган Даму стратегиясының орындалуы жөніндегі есепті бекіту мәселесі жөнінде компанияның директорлар кеңесі отырысының хаттамасынан үзінді көшірмені алған күннен бастап бес жұмыс күні ішінде оны бекіту туралы директорлар кеңесі шешімінің көшірмесін сканерден өткізілген электрондық есепке тіркеп, Мемлекеттік мүлік тізіліміне (бұдан әрі - Тізілім) енгізу үшін Бірыңғай операторға электрондық есепті жібереді, сондай-ақ даму стратегиясының іске асырылуына мониторинг жүргізу үшін аталған есепті қағаз түрінде тиісті саланың уәкілетті органына немесе жергілікті атқарушы органға (жергілікті бюджеттен қаржыландырылатын атқарушы органға) жібереді.
      7. Бірыңғай оператор электрондық есепті Тізілімге енгізуді ол түскен күннен бастап бес жұмыс күні ішінде компанияның электрондық мекенжайына электрондық есептің Тізілімге енгізілгені туралы хабарлама жібере отырып жүзеге асырады.
      Бірыңғай оператордың электрондық есепке ескертулері болған жағдайда, компания ескертулерді жояды және ескертулерді алған күннен бастап бес жұмыс күні ішінде компанияның директорлар кеңесінің қарауына қайта шығармай Бірыңғай операторға қайта енгізеді.
      8. Бекітілген жылдық аудиттелген қаржылық есептілік есепті кезеңнен кейінгі төртінші айдың отызыншы күніне дейін болмаған жағдайда, атқарушы орган Бірыңғай оператор әзірлеген бағдарламалық қамтамасыз етуді пайдалана отырып, Даму стратегиясының орындалуы жөніндегі есеп жобасын (жедел деректер бойынша) әзірлеуді жүзеге асырады және Тізілімге енгізу үшін есепті кезеңнен кейінгі алтыншы айдың бірінші күнінен кешіктірмей электрондық есепті (жедел деректер бойынша) Бірыңғай операторға жібереді.
      Электрондық есеп (жедел деректер бойынша) Тізілімге енгізу үшін осы Қағидалардың 7-тармағына сәйкес ұсынылады.

Акционері мемлекет болып табылатын 
ұлттық басқарушы холдингтердің, ұлттық
холдингтердің, ұлттық компаниялардың 
даму стратегияларының орындалуы жөніндегі
есептерді әзірлеу және ұсыну қағидаларына
қосымша                

Қызметтің стратегиялық бағыттарына, мақсаттарына, міндеттеріне және қызметтің түйінді көрсеткіштеріне қол жеткізу

кестенің жалғасы

Ескертпе
* қызметтің түйінді көрсеткіші компанияның мақсаты мен міндеттеріне байланыстырылады

Қазақстан Республикасы
Ұлттық экономика министрінің
2015 жылғы 26 ақпандағы
№ 139 бұйрығымен   
бекітілген    

Акционері мемлекет болып табылатын ұлттық басқарушы
холдингтердің, ұлттық холдингтердің, ұлттық компаниялардың даму
жоспарларының орындалуы жөніндегі есептерді әзірлеу
және ұсыну қағидалары

1. Жалпы ережелер

      1. Осы Қағидалар «Мемлекеттік мүлік туралы» 2011 жылғы 1 наурыздағы Қазақстан Республикасы Заңының 13-бабының 4-3) тармақшасына сәйкес әзірленді және акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму жоспарларының орындалуы жөніндегі есептерді (бұдан әрі - Даму жоспарының орындалуы жөніндегі есеп) әзірлеу және ұсыну тәртібін айқындайды.
      2. Осы Қағидаларда мынадай ұғымдар пайдаланылады:
      1) атқарушы орган - алқалы орган немесе атауы компанияның жарғысында айқындалатын атқарушы органның функцияларын жеке-дара жүзеге асыратын тұлға;
      2) жергілікті атқарушы орган (әкімдік) - облыс (республикалық маңызы бар қала және астана), аудан (облыстық маңызы бар қала) әкімі басқаратын өзінің құзыреті шегінде тиісті аумақта жергілікті мемлекеттік басқаруды және өзін-өзі басқаруды жүзеге асыратын алқалы атқарушы орган;
      3) жергілікті бюджеттен қаржыландырылатын атқарушы орган - әкімдік жергілікті мемлекеттік басқару мен өзін-өзі басқарудың жекелеген функцияларын жүзеге асыруға әкімдік уәкілеттік берген, тиісті жергілікті бюджеттен қаржыландырылатын мемлекеттік мекеме;
      4) компания - акционері мемлекет болып табылатын ұлттық басқарушы холдингтер, ұлттық холдингтер, ұлттық компаниялар;
      5) мемлекеттік мүлікті есепке алу саласындағы бірыңғай оператор (бұдан әрі - Бірыңғай оператор) - Қазақстан Республикасы Үкіметінің шешімі бойынша айқындалған, мемлекеттік мүлікті ұйымдастыру мен есепке алу саласында бірыңғай техникалық саясатты іске асыру бойынша міндеттер жүктелген заңды тұлға;
      6) электрондық есеп - «Есептілікті берудің бірыңғай жүйесі» бағдарламалық қамтамасыз ету (бұдан әрі - бағдарламалық қамтамасыз ету) пайдаланыла отырып дайындалған және ұлттық куәландырушы орталық берген компанияның электрондық цифрлық қолтаңбасымен қол қойылған, даму жоспарының орындалуы жөніндегі есеп.

2. Даму жоспарының орындалуы жөніндегі есепті әзірлеу және
ұсыну тәртібі

      3. Даму жоспарының орындалуы жөніндегі есеп әрбір жылдың қорытындысы бойынша әзірленеді және ұсынылады.
      4. Даму жоспарының орындалуы жөніндегі есепті әзірлеу, «Самұрық-Қазына» ұлттық әл-ауқат қоры» акционерлік қоғамын (бұдан әрі - Қор) қоспағанда, осы Қағидаларға 1, 2-қосымшаларға сәйкес акционері мемлекет болып табылатын ұлттық басқарушы холдингтердің, ұлттық холдингтердің және ұлттық компаниялардың даму жоспарларының орындалуы жөніндегі есеп бөлімдерінің құрылымына, сондай-ақ есеп нысандары мен көрсеткіштер тізбесіне сәйкес жүзеге асырылады.
      Қордың даму жоспарының орындалуы жөніндегі есепті әзірлеу Қордың Директорлар кеңесінің шешімімен бекітілген «Самұрық-Қазына» ұлттық әл-ауқат қоры» акционерлік қоғамының даму жоспарының орындалуы жөніндегі есепті әзірлеу, бекіту, мониторингілеу, іске асырылуын бағалау, ұсыну қағидалары шеңберінде жүзеге асырылады.
      Даму жоспарының орындалуы жөніндегі есеп жобасы (жедел деректер бойынша) мынадай көрсеткіштерді қамтиды: инвестициялар, кірістер, шығыстар, қарыздар, дивидендтер, қаржылық нәтиже, қаржылық тұрақтылық көрсеткіштері және қызметкерлер саны.
      5. Даму жоспарының орындалуы жөніндегі есепті әзірлеу және бекіту жылдық аудиттелген қаржылық есептілік бекітілгеннен кейін мынадай тәртіппен жүзеге асырылады:
      1) жылдық аудиттелген қаржылық есептілік бекітілген күннен бастап он бес жұмыс күні ішінде атқарушы орган Бірыңғай оператор әзірлеген бағдарламалық қамтамасыз етуді пайдаланып Даму жоспарының орындалуы жөніндегі есеп жобасын әзірлеуді жүзеге асырады және оны компанияның директорлар кеңесінің қарауына енгізеді.
      Компанияның директорлар кеңесі он бес жұмыс күні ішінде Даму жоспарының орындалуы жөніндегі есеп жобасын қарайды және оны бекіту немесе пысықтау үшін атқарушы органға қайтару туралы шешім қабылдайды.
      Ескертулер болған жағдайда, атқарушы орган компанияның директорлар кеңесі айқындаған, бірақ ескертулер алған күннен бастап он жұмыс күнінен аспайтын мерзімде Даму жоспарының орындалуы бойынша есеп жобасын пысықтайды және оны компанияның директорлар кеңесінің қарауына қайтадан ұсынады;
      2) Даму жоспарының орындалуы жөніндегі есептің жобасы компанияның директорлар кеңесінің отырысында бекітіледі.
      6. Атқарушы орган Даму жоспарының орындалуы жөніндегі есепті бекіту мәселесі жөнінде компанияның директорлар кеңесі отырысының хаттамасынан үзінді көшірмені алған мерзімнен бастап бес жұмыс күні ішінде оны бекіту туралы директорлар кеңесі шешімінің сканерден өткізілген көшірмесін электрондық есепке тіркеп, Мемлекеттік мүлік тізіліміне (бұдан әрі - Тізілім) енгізу үшін Бірыңғай операторға электрондық есепті жібереді, сондай-ақ даму стратегиясының іске асырылуына мониторинг жүргізу үшін іске асыру үшін аталған есепті қағаз түрінде тиісті саланың уәкілетті органына немесе жергілікті атқарушы органға (жергілікті бюджеттен қаржыландырылатын атқарушы органға) жібереді.
      7. Бірыңғай оператор электрондық есепті Тізілімге енгізуді ол түскен күннен бастап бес жұмыс күні ішінде компанияның электрондық мекенжайына электрондық есептің Тізілімге енгізілгені туралы хабарлама жібере отырып жүзеге асырады.
      Бірыңғай оператордың электрондық есепке ескертулері болған жағдайда, компания ескертулерді жояды және ескертулерді алған күннен бастап бес жұмыс күні ішінде компанияның директорлар кеңесінің қарауына қайта шығармай Бірыңғай операторға қайта енгізеді.
      8. Бекітілген жылдық аудиттелген қаржылық есептілік есепті кезеңнен кейінгі төртінші айдың отызыншы күніне дейін болмаған жағдайда, атқарушы орган Бірыңғай оператор әзірлеген бағдарламалық қамтамасыз етуді пайдалана отырып, Даму жоспарының орындалуы жөніндегі есеп жобасын (жедел деректер бойынша) әзірлеуді жүзеге асырады және Тізілімге енгізу үшін есепті кезеңнен кейінгі алтыншы айдың бірінші күнінен кешіктірмей электрондық есепті (жедел деректер бойынша) Бірыңғай операторға жібереді.
      Электрондық есеп (жедел деректер бойынша) Тізілімге енгізу үшін осы Қағидалардың 7-тармағына сәйкес ұсынылады.

Акционері мемлекет болып табылатын 
ұлттық басқарушы холдингтердің, ұлттық
холдингтердің, ұлттық компаниялардың 
даму жоспарларының орындалуы жөніндегі
есептерді әзірлеу және ұсыну қағидаларына
1-қосымша                

Акционері мемлекет болып табылатын ұлттық басқарушы холдингтердің, ұлттық холдингтердің, ұлттық компаниялардың даму жоспарларының орындалуы жөніндегі есеп бөлімдерінің құрылымы

Есепті кезең ішіндегі Компания қызметінің қорытындыларын ашу үшін мұндай толықтыру орынды болған жағдайда, есеп баска да тармақтармен, тармақшалармен және қосымшалармен толықтырылуы мүмкін.
Есеп тармақтармен, тармақшалармен және қосымшалармен толықтырылған жағдайда, әрбір қосымша ұсынылған тармақтың, тармақшаның және қосымшаның тиісті атауы болады.

Акционері мемлекет болып табылатын   
ұлттық басқарушы холдингтердің, ұлттық 
холдингтердің, ұлттық компаниялардың даму
жоспарларының орындалуы жөніндегі есептерді
әзірлеу және ұсыну қағидаларына 2-қосымша

Акционері мемлекет болып табылатын ұлттық басқарушы
холдингтердің, ұлттық холдингтердің, ұлттық компаниялардың даму
жоспарларының орындалуы жөніндегі есептің нысандары мен
көрсеткіштер тізбесі

      1. Ұлттық басқарушы холдинг (ұлттық холдинг, жарғылық капиталына мемлекет қатысатын ұлттық компания) (бұдан әрі - Компания) туралы жалпы мәліметтер:
      1.1 Компанияны құру туралы ақпарат:

1-нысан

1.2. Компанияны корпоративтік басқару құрылымы (акциялар пакетінің (қатысу үлесінің) мөлшерін көрсете отырып, Компанияның акциялары (қатысу үлестері) өзіне тиесілі заңды тұлғаларға қатысуы):

2-нысан

1.3. Компанияның ұйымдық құрылымы (қызметкерлердің санын көрсете отырып), схемасы және сипаттамасы.

2. Есепті кезендегі мақсаттары мен міндеттері, оның ішінде Компанияның және акциялары (қатысу үлестері) Компанияға заңды тұлғалар қабылдайтын шешімдерді тікелей айқындау құқығын беретін осы заңды тұлғалардың қызметінің түйінді көрсеткіштері:

3-нысан

* Даму жоспарының түйінді көрсеткіштерінің мәні Компанияның және оның еншілес ұйымдарының каржылық, экономикалық және өндірістік көрсеткіштерінің өзара байланысын және салыстырылуын қамтамасыз ету жолымен айқындалады
3 Компанияның Даму стратегиясында көрсетілген қызметтің стратегиялық бағыттарын есепке ала отырып, есепті кезенде Даму жоспарын іске асыру жөніндегі іс-шаралар, оның ішінде мыналар бойынша:
3.1. қызметтің түйінді көрсеткіштеріне қол жеткізу:

4-нысан

3.2. Компанияның және/немесе оның еншілес және тәуелді ұйымдарының негізгі өндірістік көрсеткіштеріне қол жеткізу:

5-нысан

* Компанияның Даму стратегиясында көрсетілген қызметтің стратегиялық бағыттарын есепке ала отырып активтерді* қайта құрылымдау және олардың негіздемесі:

6-нысан

* активтер - бұл Компания тобына кіретін заңды тұлғалар.

4. Есепті кезеңдегі бюджетпен қатынастары:
4.1. Қазақстан Республикасының бюджет заңнамасына сәйкес республикалық бюджеттен және жергілікті бюджеттерден түсімдер:

7-нысан
мың теңге

4.2. Қазақстан Республикасының салық заңнамасына сәйкес Компанияның Даму жоспарының көрсеткіштері тізбесінде көрсетілген салықтарды және бюджетке төленетін басқа да міндетті төлемдерді төлеу* (жанама салықтарды қоспағанда):

8-нысан 
мың теңге

* нысан шоғырландырылған деректер бойынша толтырылады
4.3. Акциялардың мемлекеттік пакетіне дивидендтер төлеу:

9-нысан

5. Компания мен акциялары (қатысу үлестері) Компанияға заңды тұлғалар қабылдайтын шешімдерді айқындау құқығын беретін осы заңды тұлғалардың капитал салымдары мен инвестицияларының жалпы көлемі мынадай түрлер бойынша бөліністе:
капитал салымдары, оның ішінде инвестициялық жобалар (жаңа жобаларға капиталды салымдар, қолданыстағы жобаларға капиталды салымдар); объектілер құрылысы және жаңғырту; негізгі құралдарды сатып алу; материалдық емес активтерді сатып алу және өзге де салымдар;
инвестициялар, оның ішінде акциялар пакетін (қатысу үлестерін) сатып алу; жарғылық капиталға салымдар және өзге де инвестициялар;

10-нысан

6. Компанияның және акциялары (қатысу үлестері) Компанияға заңды тұлғалар қабылдайтын шешімдерді айқындауға құқық беретін осы заңды тұлғалардың қаржылық тұрақтылығы
6.1.Ішкі және сыртқы қарыз алу бөлінісінде қарыз алулар құрылымы және өтеу кестесі (оның ішінде еншілес ұйымдардың):

11-нысан

кестенің жалғасы

6.2. Компанияның және акциялары (қатысу үлестері) Компанияға заңды тұлғалар қабылдайтын шешімдерді айқындауға құқық беретін осы заңды тұлғалардың негізгі қаржылық тұрақтылық көрсеткіштері, оның ішінде борыш деңгейін сипаттайтын көрсеткіштерді (қарыз/ЕВІТDА коэффициенті: экономиканың нақты секторының компаниялары үшін, қаржылық левередж коэффициенті, пайыздардың өтелу коэффициенті, ағымдағы өтімділік коэффициенті) міндетті түрде көрсете отырып:

12-нысан

6.3. Компанияның және оның еншілес ұйымдарының есепті кезеңдегі борыштық жүктемесі:

13-нысан

* қаржылық міндеттемелер көлемі - мыналар болып табылатын кез келген міндеттемелердің көлемі: ақша қаражатын немесе өзге де қаржы активтерін басқа субъектіге беру;
субъект үшін ықтимал тиімсіз жағдайларда басқа субъектімен қаржы активтерімен немесе қаржылық міндеттемелермен алмасу міндеттемесіне негізделген шарт; есеп айырысу субъектінің меншікті үлестік құралдарымен жүзеге асырылатын немесе жүзеге асырылуы мүмкін және мынадай: меншікті үлестік құралдардың ауыспалы санын субъект беретін немесе беруге міндетті болатын;
ақша қаражатының немесе басқа қаржы активтерінің тіркелген сомасын субъектінің меншікті үлестік құралдарының тіркелген санына ауыстыруға қарағанда, есеп айырысу өзге тәсілмен жүргізілетін немесе жүргізілуі мүмкін шарт. Бұл мақсаттар үшін меншікті үлестік құралдарға болашақта субъектінің меншікті үлестік құралдарын алудың немесе жеткізудің шарты болып табылатын құралдар қосылмайтын шарт болып табылатын кез келген міндеттемелер көлемі;
** қарыз алу сыйымдылығының коэффициенттері - Компания (ұйым) Компаниялар (ұйымдар) үшін қарыз алу сыйымдылығының нормативтік мәнін дербес айқындайды.

7. Қаржылық-шаруашылық қызметтің негізгі көрсеткіштері, өсу немесе төмендеу себептері негіздемей отырып, талдау, мыналарды коса алғанда:

7.1. Есепті кезеңде уақытша бос ақша қаражатын басқару, оларды орналастыру саясаты:

14-нысан

7.2. дивидендтік саясат және олардың негіздемесі:

15-нысан
мың теңге

7.3.жергілікті қамтуды ұлғайту:

16-нысан

7.4 Есепті кезеңдегі Компанияның және/немесе акцияларының бақылау пакеті (қатысу үлесі) Компанияға тиесілі ұйымның кадр саясаты (қызметкерлердің орташа жылдық саны, орташа айлық жалақысы, еңбекақы төлеу қоры, кадрлардың тұрақсыздық деңгейі)*:

Компанияның (еншілес ұйымның) атауы

17-нысан

* бұл нысан әрбір еншілес ұйым бойынша жеке толтырылады

7.5. Қоршаған ортаны қорғау, еңбекті және қауіпсіздік техникасын қорғау;
7.6 Есепті кезеңдегі әкімшілік шығыстар, өсу немесе төмендеу негіздемесімен қоса:

18-нысан

Компанияның (еншілес ұйымның)* атауы

мың теңге

* Бұл нысан әрбір еншілес ұйым бойынша жеке толтырылады.

7.7 Компанияның және акциялары (қатысу үлестері) Компанияға заңды тұлғалар қабылдайтын шешімдерді тікелей айқындау құқығын беретін осы заңды тұлғалардың негізгі шоғырландырылған көрсеткіштері:

19-нысан мың теңге

Компания қызметінің негізгі шоғырландырылған қаржылық көрсеткіштеріне Компанияның есеп саясаты туралы ақпарат және көрсеткіштердің есептерін көрсете отырып түсіндірме жазба қоса беріледі.

7.8. Компанияның және акциялары (қатысу үлестері) Компанияға заңды тұлғалар қабылдайтын шешімдерді тікелей айқындау құқығын беретін осы заңды тұлғалардың негізгі шоғырландырылмаған көрсеткіштері:

20-нысан

Компанияның (еншілес ұйымның)* атауы

мың теңге

* Бұл нысан әрбір еншілес ұйым бойынша жеке толтырылады.

8. Компанияда және акциялары (қатысу үлестері) Компанияға заңды тұлғалар қабылдайтын шешімдерді айқындау құқығын беретін осы заңды тұлғалардағы корпоративтік басқару стандарттарын дамытуға және енгізуге бағытталған іс-шаралар жөніндегі ақпарат, оның ішінде:

21-нысан