«Газ және газбен жабдықтау туралы» 2012 жылғы 9 қаңтардағы Қазақстан Республикасының Заңы 6-бабының 20) тармақшасына және «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңы 12-бабының 1-тармағына сәйкес БҰЙЫРАМЫН:
1. Қоса беріліп отырған:
1) осы бұйрыққа 1-қосымшаға сәйкес газ желісі ұйымдарын аккредиттеу қағидалары;
2) осы бұйрыққа 2-қосымшаға сәйкес Газ және газбен жабдықтау саласындағы қызметтi жүзеге асыру үшін газ желісі ұйымдарына қойылатын рұқсат беру талаптары және оларға сәйкестiкті растайтын құжаттардың тiзбесі бекітілсін.
Ескерту. 1-тармаққа өзгеріс енгізілді - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
2. Қазақстан Республикасы Энергетика министрлігінің Мұнай-газ кешеніндегі экологиялық реттеу, бақылау және мемлекеттік инспекция комитеті Қазақстан Республикасы заңнамасында белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықты Қазақстан Республикасы Әділет министрлігінде мемлекеттік тіркеуден өткеннен кейін он күнтізбелік күн ішінде оны ресми жариялау үшін бұқаралық ақпарат құралдарына және «Әділет» ақпараттық-құқықтық жүйеге жолдауын;
3) осы бұйрықтың Қазақстан Республикасы Энергетика министрлігінің ресми интернет-ресурсында және мемлекеттік органдардың интранет-порталында орналастыруын қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Энергетика вице-министріне жүктелсін.
4. Осы бұйрық алғашқы ресми жарияланған күнінен кейін күнтiзбелiк жиырма бiр күн өткен соң қолданысқа енгізіледі.
Министр В. Школьник
«КЕЛІСІЛДІ»
Қазақстан Республикасы
Ұлттық экономика министрі
________________ Е. Досаев
2014 жылғы 12 желтоқсан
«КЕЛІСІЛДІ»
Қазақстан Республикасы
Инвестициялар және даму министрі
________________ Ә. Исекешев
2014 жылғы 22 желтоқсан
Қазақстан Республикасы
Энергетика министрінің
2014 жылғы 27 қарашадағы
№ 153 бұйрығына
1-қосымша
Газ желісі ұйымдарын аккредиттеу қағидалары 1. Жалпы ережелер
1. Осы Газ желісі ұйымдарын аккредиттеу қағидалары (бұдан әрі – Қағидалар) «Газ және газбен жабдықтау туралы» 2012 жылғы 9 қаңтардағы Қазақстан Республикасының Заңына (бұдан әрі – Заң) сәйкес әзірленді және газ желісі ұйымдарын аккредиттеуді жүргізу тәртібін айқындайды.
2. Осы Қағидаларда келесі анықтамалар мен ұғымдар қолданылады:
1) уәкілетті орган – газды өндіруді, тасымалдауды (тасуды), сақтауды және көтерме саудада өткізуді, сондай-ақ елді мекендердің шекаралары шегінен тыс тауарлық және сұйытылған мұнай газын бөлшек саудада өткізуді және тұтынуды мемлекеттік реттеуді жүзеге асыратын орталық атқарушы орган;
2) газ желісі ұйымы – аккредиттеу туралы куәлігі бар және газ толтыру станциясын, топтық резервуарлық қондырғыларды пайдалануды, сондай-ақ Заңда белгіленген жағдайларда сұйытылған мұнай газын көтерме және бөлшек саудада өткізуді жүзеге асыратын заңды тұлға;
3) газ толтыру станциясы – сұйытылған мұнай газын сақтауға, теміржол цистерналарына, автогаз тасымалдағыштарға, тұрмыстық баллондарға қотаруға және құюға, сондай-ақ тұрмыстық баллондарды жөндеуге және кәдеге жаратуға арналған технологиялық өзара байланысты өндірістік және өзге де объектілер кешені.
Осы Қағидаларда қолданылатын өзге анықтамалар мен ұғымдар Заңға сәйкес іске асырылады.
3. Аккредиттеу уәкілетті органмен жүргізіледі және электрондық аккредиттеу туралы куәлікпен расталады.
Ескерту. 3-тармақ жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
4. Аккредиттеу келесі негізгі кезеңдерді көздейді:
1) аккредиттелетін субъектілердің құжаттарын қарау;
2) аккредиттеу туралы куәлікті беруіне дейін, өтініш берушінің рұқсат беру талаптарына сәйкестігін орнату;
3) аккредиттеу туралы шешімді қабылдау;
4) аккредиттеу туралы куәлікті ресімдеу, тіркеу және электрондық түрде беру, не дәлелді бас тарту туралы жауап жіберу.
Ескерту. 4-тармаққа өзгеріс енгізілді - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
2. Газ желісі ұйымдарын аккредиттеуді жүргізу тәртібі
5. Өтініш беруші аккредиттеуді жүзеге асыру үшін уәкілетті органға мынадай құжаттар ұсынады:
1) осы Қағидаларға 1-қосымшаға сәйкес нысан бойынша газ желісі ұйымдарын аккредиттеу туралы куәлікті алуға өтініш (бұдан әрі – өтініш);
2) рұқсат беру талаптарына сәйкестігін растайтын құжаттар.
Осы тармақта көзделмеген өзге де құжаттарды талап етуге жол берілмейді.
Уәкілетті орган өтініш берушінің құжаттарын алған сәттен бастап екі жұмыс күнінің ішінде оның толықтығына тексеру рәсімін жүзеге асырады.
"Рұқсаттар мен хабарламалар туралы" 2014 жылғы 16 мамырдағы Қазақстан Республикасы Заңының (бұдан әрі – Рұқсаттар туралы заң) 25-бабының 1-тармағына сәйкес егер өтініш беруші ұсынған құжаттар топтамасы толық болмаған жағдайда, уәкілетті орган белгіленген мерзімде өтінішті қараудан дәлелді бас тарту жібереді.
Ескерту. 5-тармақ жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
6. Құжаттарды қарау, сонымен бірге өтініш берушінің рұқсат беру талаптарына сәйкестігіне тексеру уәкілетті органға келіп түскен күннен бастап он бес жұмыс күні ішінде жүзеге асырылады.
7. Құжаттарды қарау және өтініш берушінің рұқсат беру талаптарына сәйкестігін анықтау қорытындылары бойынша уәкілетті орган аккредиттеу туралы немесе аккредиттеуден бас тарту туралы шешімдер қабылдайды.
8. Уәкілетті орган оң шешім қабылдаған жағдайда, газ желісі ұйымдарының тізіліміне тиісті жазба енгізеді және өтініш берушіге Қағидалардың 6-тармағында көрсетілген мерзімнің ішінде осы Қағидаларға 2-қосымшаға сәйкес нысан бойынша электрондық түрде аккредиттеу туралы куәлік беріледі.
Аккредиттелген субъектілердің тізілімін уәкілетті орган осы Қағидаларға 3-қосымшаға сәйкес нысан бойынша жүргізеді.
Ескерту. 8-тармаққа өзгеріс енгізілді - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
9. Уәкілетті орган ұсынылған құжаттар, сонымен бірге өтініш берушінің рұқсат беру талаптарына сәйкестігіне тексеру нәтижелері бойынша сәйкес келмеген жағдайларда аккредиттеу туралы куәлікті беруден бас тарту туралы шешім қабылдайды.
Аккредиттеу туралы куәлікті беруден дәлелді бас тарту электрондық құжат түрінде беріледі.
Егер уәкілетті орган осы Қағидаларда белгіленген мерзімде өтініш берушіге аккредиттеу туралы куәлікті бермеген не оны беруден дәлелді бас тартпаған жағдайда, онда оны беру мерзімдері өткен күннен бастап аккредиттеу туралы куәлік берілді деп есептеледі және уәкілетті орган оны бір мезгілде газ желісі ұйымдарының тізіліміне енгізеді.
Рұқсаттар туралы Заңның 26-бабы 2-тармағына сәйкес уәкілетті орган аккредиттеу туралы куәлікті беру мерзімі өткен сәттен бастап бес жұмыс күнінен кешіктірмей оны өтініш берушіге береді.
Егер уәкілетті орган аккредиттеу туралы куәлікті бермеген жағдайда, бес жұмыс күні өткеннен кейін аккредиттеу туралы куәлік алынды деп есептеледі. Рұқсаттар мен хабарламалардың мемлекеттік ақпараттық жүйесі арқылы электрондық нысанда тиісті өтініштің берілгенін растайтын, уәкілетті органның уәкілетті адамының электрондық цифрлық қолтаңбасымен куәландырылған құжат қызметтің жүзеге асырылуының заңдылығын растау болып табылады.
Ескерту. 9-тармақ жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
10. Аккредиттеу туралы куәлік беруден бас тартылған жағдайда өтініш беруші аккредиттелетін субъект анықталған сәйкессіздіктер жойылғаннан кейін осы Қағидалардың 5-тармағының талаптарына сәйкес қайта өтініш береді.
Ескерту. 10-тармақ жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
11. Заңның 18-бабы 4-тармағына сәйкес, аккредиттеу туралы куәлiктiң қолданысын тоқтату:
1) аккредиттеу туралы куәлікті өз еркімен қайтару;
2) газ толтыру станциясын меншiк құқығында немесе өзге де заңды негiзде иеленуді тоқтату;
3) заңды тұлғаның таратылғаны немесе оның бөлiну нысанында қайта ұйымдастырылу;
4) сот шешімінің негізінде аккредиттеу туралы куәліктен айыру жағдайларында жүзеге асырылады.
12. Газ толтыру станциясын меншік құқығында немесе өзге заңды негізде иелену тоқтатылған жағдайда газ желісі ұйымы бес жұмыс күні ішінде уәкілетті органды хабардар етеді.
13. Заңды тұлғаның атауы және (немесе) орналасу мекен-жайы, ұйымдық құқықтық нысаны өзгерген жағдайда, газ желісі ұйымдары уәкілетті органға өзгерістің болған күнінен бастап отыз күнтізбелік күн ішінде осы Қағидалардың 5-тармағында көрсетілген мәліметтерді растайтын құжаттарды қоса беріп, аккредиттеу туралы куәлікті қайта ресімдеу туралы өтініш береді.
Газ желісі ұйымдарын
аккредиттеу қағидаларына
1-қосымша
Нысан
Газ желістері ұйымдарын аккредиттеу туралы куәлікті беруге
өтініш
_____________________________________________________________________
(заңды тұлғаның атауы)
_____________________________________________________________________
(заңды тұлғаның БСН, мемлекеттік тіркеу/қайта тіркеу нөмірі мен күні)
_____________________________________________________________________
(газ толтыру станциясының орналасқан жері)
___________________________ аккредиттеу туралы куәлік беруді сұрайды.
Қоса беріліп отырған құжаттардың тізбесі:
1. _________________________________
2. _________________________________
Ұйымның басшысы (лауазымы)
_______________ ___________________________
(қолы) Т.А.Ә (бар болған кезде)
МО
20 __ ж. «___» ______________
Газ желісі ұйымдарын
аккредиттеу қағидаларына
2-қосымша
Нысан
Газ желісі ұйымдарын аккредиттеу туралы
КУӘЛІК
Ескерту. 2-қосымша жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
_____________________________________________________________________
(заңды тұлғаның атауы)
_____________________________________________________________________
(заңды тұлғаның мекенжайы, орналасқан жері)
_____________________________________________________________________
(заңды тұлғаның мемлекеттік тіркеу/қайта тіркеу туралы куәліктің
нөмірі және берілген күні* немесе анықтама)
БСН: ________________________________________________________________
_
___________________________________________________________ берілді.
(газ толтыру станциясының орналасқан жері)
Куәлікті берген орган:
Басшы (уәкілетті органның):
Куәліктің ресімделген күні:
Куәліктің нөмірі:
Астана қаласы
Ескертпе:* "Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы" 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады.
Газ желісі ұйымдарын
аккредиттеу қағидаларына
3-қосымша
Қазақстан Республикасының Газ желісі ұйымдарының тізілімі
Ескерту. 3-қосымша жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
р/с |
Газ желісі ұйымының атауы |
Газ толтыру станциясының орналасқан жері |
Газ желісі ұйымын аккредиттеу туралы куәліктің берілген күні |
Газ желісі ұйымының аккредиттеу туралы куәліктің нөмірі |
БСН |
Газ желісі ұйымының заңды мекенжайы, байланыс деректері |
Газ толтыру станциясын иелену құқығы |
Газ толтыру станциясын жалға алу шартының қолданылу мерзімі |
Резервуарлардың саны және көлемі |
Ескертпе |
1 |
2 |
3 |
4 |
5 |
6 |
7 |
8 |
9 |
10 |
11 |
Қазақстан Республикасы
Энергетика министрінің
2014 жылғы 27 қарашадағы
№ 153 бұйрығына
2-қосымша
Газ және газбен жабдықтау саласындағы қызметтi жүзеге асыру үшін газ желісі ұйымдарына қойылатын рұқсат беру талаптары және оларға сәйкестiкті растайтын құжаттардың тiзбесі
Ескерту. Тізбенің тақырыбы жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрықтарымен.
Ескерту. Тізбеге өзгеріс енгізілді - ҚР Энергетика министрінің 11.09.2015 № 565 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрықтарымен.
р/с |
Рұқсат беру талаптары |
Құжаттар |
1 |
меншік құқығында немесе өзге заңды негізде өнеркәсіптік қауіпсіздік талаптарына сәйкес келетін өндірістік-техникалық базалар болуы, ол мыналардан тұрады: |
жерге жеке меншік құқығына актілердің, объектілерге техникалық паспорттардың, әділет органдарынан немесе электрондық үкімет порталынан жылжымайтын мүлікке тіркелген құқықтар (ауырпалықтар) және оның техникалық сипаттамасы туралы анықтамалардың, объектілерді пайдалануға беру туралы мемлекеттік комиссиялардың актілерінің, жалға алу мерзімдерін көрсете отырып жалға алу шарттарының болуы туралы ақпаратты қамтитын мәліметтер нысаны* |
газ толтыру станциядан – баллондардың сорғы-компрессорлық бөлімшесі, төгу-құю бөлімшесі, толтырғыш бағандар, баллон жөндеу цехы, баллондарды техникалық куәландыру учаскесі, баллондарды сақтауға арналған ашық немесе жабық түрдегі қойма, жалпы көлемі кемінде 300 тонна сұйытылған мұнай газын сақтауға арналған резервуарлары, су ағынды сорғылармен жарақтандырылған суы бар өртке қарсы сыйымдылықтар және/немесу су қоймасы |
баллондардың сорғы-компрессорлық бөлімшесінің, төгу-құю бөлімшесінің, толтырғыш бағандардың, баллон жөндеу цехының, баллондарды сақтауға арналған ашық немесе жабық түрдегі қоймаларының, жалпы көлемі кемінде 300 тонна сұйытылған мұнай газын сақтауға арналған резервуарының, су ағынды сорғылармен жарақтандырылған суы бар өртке қарсы сыйымдылықтардың және/немесу су қоймасының болуы туралы ақпаратты қамтитын мәліметтер нысаны* |
|
инженерлік құрылыстардан – төгу-құю теміржол эстакадасы, су ағынды сорғылармен жарақтандырылған суы бар өртке қарсы сыйымдылықтар және/немесу су қоймасы |
төгу-құю теміржол эстакадасының, су ағынды сорғылармен жарақтандырылған суы бар өртке қарсы сыйымдылықтардың және/немесу су қоймасының болуы туралы ақпаратты қамтитын мәліметтер нысаны* |
|
2 |
өнеркәсіптік қауіпсіздік талаптарын сақтауды, оның ішінде: |
қызметтерді құру және осы қызметтер бойынша жауаптыларды тағайындау туралы бұйрықтардың күндері және нөмірлері туралы ақпаратты қамтитын мәліметтер нысаны* |
3 |
тиісті білім беру деңгейіне жауап беретін, өнеркәсіптік қауіпсіздік мәселелері оқудан және нұсқама алудан, қайта даярлаудан, аттестаттаудан өткен, мамандығы бойынша кемінде екі жыл практикалық жұмыс тәжірибесі бар мамандардың техникалық басшыларының білікті құрамы (техникалық басшылары үшін – мұнай-газ саласындағы жоғары білімі, мамандар үшін – техникалық персоналдың жалпы санының кемінде 50 %-ы және кем дегенде арнайы орта білімі) |
әрбір қызметкер бойынша: Т.А.Ә (бар болған жағдайда), білімі бойынша мамандығы, қызметі, бұл саладағы қызметінің еңбек өтілі туралы ақпаратты қамтитын мәліметтер нысаны* |
4 |
бекітілген: |
бағдарламалар мен іс-шаралардың күндері және нөмірлері туралы ақпаратты қамтитын мәліметтер нысаны* |
5 |
«Азаматтық қорғау туралы» |
декларацияны тіркеу күні және нөмірі туралы ақпаратты қамтитын мәліметтер нысаны* |
6 |
объект иелерінің жауапкершілігін міндетті сақтандыру шартының болуы |
шарттың күні және нөмірі туралы ақпаратты қамтитын мәліметтер нысаны* |
*Осы газ және газбен жабдықтау саласындағы қызметті жүзеге асыру үшін газ желісі ұйымдарына қойылатын рұқсат беру талаптары және оларға сәйкестiкті растайтын құжаттардың тiзбесіне қосымшаға сәйкес мәліметтер нысаны.
Газ және газбен жабдықтау саласындағы
қызметті жүзеге асыру үшін газ желісі
ұйымдарына қойылатын рұқсат беру
талаптары және оларға сәйкестiкті
растайтын құжаттардың тiзбесіне
қосымша
Газ және газбен жабдықтау саласындағы қызметті жүзеге асыру үшін газ желісі ұйымдарына қойылатын рұқсат беру талаптары және оларға сәйкестiкті растайтын құжаттардың тiзбесіне мәліметтер нысаны
Ескерту. Қосымшаның оң жақ бұрышы және тақырыбы жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
1. Меншік құқығында немесе өзге заңды негізде өнеркәсіптік қауіпсіздік талаптарына сәйкес келетін өндірістік-техникалық базаның бар болуы _____________________________ (жерге жеке меншік құқығына актілерді, объектілерге техникалық паспорттарды, әділет органдарынан немесе электрондық үкімет порталынан жылжымайтын мүлікке тіркелген құқықтар (ауырпалықтар) және оның техникалық сипаттамасы туралы анықтамаларды, объектілерді пайдалануға беру туралы мемлекеттік комиссиялардың актілерін, жалға алу мерзімдерін көрсете отырып, жалға алу шартын көрсету) туралы ақпарат;
Ескерту. 1-тармақ жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
2. Газ толтыру станциясының бар болуы туралы ақпарат ___________________________________(баллондардың сорғы-компрессорлық бөлімшесі, төгу-құю бөлімшесі, толтырғыш бағандар, баллон жөндеу цехы, баллондарды сақтауға арналған ашық немесе жабық түрдегі қоймалардың, жалпы көлемі кемінде 300 тонна сұйытылған мұнай газын сақтауға арналған резервуардың, су ағынды сорғылармен жарақтандырылған суы бар өртке қарсы сыйымдылықтардың және/немесу су қоймасының болуын көрсету);
Ескерту. 2-тармақ жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
3. Инженерлік құрылыстар бар болуы туралы ақпарат _________________ (төгу-құю теміржол эстакадасы, су ағынды сорғылармен жарақтандырылған суы бар өртке қарсы сыйымдылықтардың және/немесу су қоймасының болуын көрсету);
Ескерту. 3-тармақ жаңа редакцияда - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
4. Алып тасталды - ҚР Энергетика министрінің 24.10.2016 № 456 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
5. Өнеркәсіптік қауіпсіздік талаптарын сақтауды, оның ішінде: қауіпті өндірістік объектілерді және техникалық қондырғыларды өндірістік бақылауды; газ толтыру станциясын, топтық резервуарлық қондырғыларды, газ тұтыну жүйелерін пайдалануды және техникалық қызмет көрсетуді; сұйытылған мұнай газын сақтау, тасу және өткізу объектілерін пайдаланудың техникалық процесін сақтауды; вагон-цистерналарда келіп түсетін сұйытылған мұнай газының кірісін бақылау және өткізілетін (босатылатын) өнімнің сапасын бақылауды; еңбекті, қауіпсіздік техникасын қорғауды және қоршаған ортаны қорғауды; метрологиялық бақылауды; өрт қауіпсіздігін;өнеркәсіптік қауіпсіздікті; күзет қауіпсіздігін; авариялық-диспетчерлік және жөндеу өтінімдерін орындауды қамтамасыз ететін қызметтердің болуы туралы ақпарат _________________________ (қызметтерді құру және осы қызметтер бойынша жауаптыларды тағайындау туралы бұйрықтарының күнін және нөмірін көрсету);
6. Тиісті білім беру деңгейіне жауап беретін, мамандығы бойынша кемінде екі жыл практикалық жұмыс тәжірибесі бар, өнеркәсіптік қауіпсіздік мәселелері бойынша оқудан және нұсқама алудан, қайта даярлаудан, аттестаттаудан өткен мамандардың біліктілік құрамының (техникалық басшылары үшін – мұнай-газ саласындағы жоғары білім, мамандар үшін – техникалық персоналдың жалпы санының кемінде 50%-ы және кем дегенде арнайы орта білімі) болуы туралы ақпарат _____________________(әрбір қызметкер бойынша ақпаратты көрсету: Т.А.Ә (бар болған жағдайда), білімі бойынша мамандығы, лауазымы, осы саладағы мамандығы бойынша еңбек өтілі);
Ескерту. 6-тармақ жаңа редакцияда - ҚР Энергетика министрінің 11.09.2015 № 565 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
7. Қоршаған ортаны қорғау, еңбекті қорғау және қауіпсіздік техникасы жөніндегі бекітілген бағдарламалар мен іс-шаралардың, өнеркәсіптік қауіпсіздік жөніндегі іс-шаралардың;аварияларды жою және қаланың аварияларды жою жөніндегі қызметтерінің өзара іс-қимыл жоспарының бар болуы туралы ақпарат _________________________________ (бағдарламалар мен іс-шаралардың күндерін және нөмірлерін көрсету);
8. «Азаматтық қорғау туралы» 2014 жылғы 11 сәуірдегі Қазақстан Республикасының Заңына сәйкес өнеркәсіптік қауіпсіздік саласындағы уәкілетті орган тіркеген қауіпті өнеркәсіп объектісінің қауіпсіздік декларациясының бар болуы туралы ақпарат ____________________________
(декларацияны тіркеу күні және нөмірін көрсету);
9. Объект иелерінің жауапкершілігін міндетті сақтандыру шартының болуы туралы ақпарат ___________________________________ (шарттың күнін және нөмірін көрсету).
Ескерту. 9-тармақ жаңа редакцияда - ҚР Энергетика министрінің 11.09.2015 № 565 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.