"Кондоминиум объектісін басқару шартының үлгілік нысанын бекіту туралы" 2011 жылғы 13 қыркүйектегі № 338 және "Кондоминиум объектісінің ортақ мүлкін күтіп-ұстауға арналған шығыстар сметасын есептеу әдістемесін бекіту туралы" 2011 жылғы 12 желтоқсандағы № 479 Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының бұйрықтарына өзгерістер мен толықтырулар енгізу туралы

      «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңының 10-2 бабының 10-4) және 10-6) тармақшаларына сәйкес БҰЙРАМЫН:
      1. Мынадай өзгерістер мен толықтырулар енгізілсін:
      РҚАО-ның ескертпесі!
      1) тармақшаның күшін жою көзделген - ҚР Ұлттық экономика министрінің 20.03.2015 № 242 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      1) «Кондоминиум объектісін басқару шартының үлгілік нысанын бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2011 жылғы 13 қыркүйектегі № 338 бұйрығында (Нормативтік құқықтық актілерді мемлекеттік тіркеу тізілімінде № 7260 тіркелген, «Казахстанская правда» газетінде 2011 жылғы 16 қарашада № 365 (26756) жарияланған):
      көрсетілген бұйрықпен бекітілген Кондоминиум объектісін басқару шартының үлгілік нысанында:
      3-тармақ мынадай редакцияда жазылсын:
      «3. Кондоминиум объектісін басқару органы инженерлік желілер мен жабдықтарды, ортақ пайдаланылатын жерлер мен және кондоминиум объектісіне іргелес жатқан аумақты тиісті күтіп-ұстауды және жөндеуді, Меншік иесіне коммуналдық және өзге де қызметтерді беруді қамтамасыз етеді.
      Кондоминиум объектісін басқару органдары осы мақсат үшін әрбір кондоминиум объектісі бойынша ортақ мүлікті күрделі жөндеуге соманы жинақтау үшін екінші деңгейдегі банктерде жинақтау шотын ашады.
      Кондоминиум объектісін күрделі жөндеу үшін жинақталған соманы жинақ шотынан алуды үй-жайлардың (пәтерлердің) меншік иелерінің жалпы жиналысының шешімі бойынша кондоминиум объектісін басқару органдарының басшылары жүзеге асырады.
      Бұл ретте, жинақ шотын жүргізумен байланысты операцияларды аяқтауда кондоминиум объектісінің басшылары «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңымен анықталған тәртіппен таңдалып алынған (төлем құжаттарына қол қою) басқарманың кемінде екі мүшесінің, не үй-жайлардың (пәтерлердің) меншік иелерінің жиналысында анықталған үй-жайлардың (пәтерлердің) екі меншік иесінің өкілдерімен бірлесіп жүзеге асырады.»;
      Қосымшасы осы бұйрықтың қосымшасына сәйкес жаңа редакцияда жазылсын.
      2) «Кондоминиум объектісінің ортақ мүлкін күтіп-ұстауға арналған шығыстар сметасын есептеу әдістемесін бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2011 жылғы 12 желтоқсандағы № 479 бұйрығында (Нормативтік құқықтық актілерді мемлекеттік тіркеу тізілімінде № 7376 тіркелген, 2012 жылғы 20 маусымдағы № 3 Қазақстан Республикасы орталық атқарушы және өзге де орталық мемлекеттік органдарының актілер жинағында жарияланған):
      көрсетілген бұйрықпен бекітілген Кондоминиум объектісінің ортақ мүлкін күтіп-ұстауға арналған шығыстар сметасын есептеу әдістемесінде:
      4-тармақ мынадай редакцияда жазылсын:
      «4. Ортақ мүлікті күтіп-ұстау шығыстарына мыналар:
      1) басқару функцияларын жүзеге асыруға жұмсалатын шығыстар;
      2) кондоминиум объектісіне қызмет көрсету бойынша шығыстар;
      3) күрделі жөндеуге жұмсалатын шығыстар;
      4) кондоминиум объектісінің ортақ мүлкін күтіп-ұстауға, коммуналдық қызметтерді төлеуге жұмсалатын шығыстар кіреді.».
      7, 8, 9 және 10-тармақтар мынадай редакцияда жазылсын:
      «7. Басқару функцияларын жүзеге асыру шығыстарына мыналар:
      1) кондоминиум объектісін басқару органдары басшылары және қызметкерлерінің еңбекақыларына жұмсалатын шығыстар;
      2) жалақыны есептеу (әлеуметтік салық және әлеуметтік аударымдар);
      3) ескерту плакаттары мен тақтайшаларды, құралдарды, қоршауларды және осыған ұқсастарды қоса алғанда, қауіпсіздік техникасы және еңбекті қорғау жөніндегі іс-шараларға жұмсалатын шығыстар;
      4) кеңсе тауарларына, ұйымдастыру техникаларына және оған қызмет көрсетуге жұмсалатын шығыстар кіреді.
      1. Кондоминиум объектісіне қызмет көрсету бойынша шығыстарға мыналар:
      1) ортақ мүлікке техникалық қызмет көрсету және ағымдағы жөндеу бойынша материалдарға, жылыту маусымына дайындалуға жұмсалатын шығыстар;
      2) ортақ мүлікті санитарлық және техникалық күтіп-ұстаумен айналысатын жұмысшылардың арнайы киіміне және жеке қорғану құралдарына жұмсалатын шығыстар;
      3) құралдар және керек-жарақтарға жұмсалатын шығыстар;
      4) ортақ пайдаланылатын орындарды, қоқыс камераларын, қоқыс құбырларын санитарлық күтіп-ұстау үшін сабынмен жуатын және дезинфекциялайтын құралдарға жұмсалатын шығыстар;
      5) өртке қарсы жабдықтарды күтіп-ұстауды қоса алғанда, өртке қарсы іс-шараларға, өрт сөндіргіштерді сатып алуға және зарядтауға, арнайы жазбалар, көрсеткіштерді жазуға, эвакуациялау жоспарлары мен схемаларын және осыған ұқсастарды ресімдеуге жұмсалатын шығыстар;
      6) шағын сәулеттік нысандарды және қоршауларды ағымдағы жөндеу және бояу;
      7) жасыл екпелерді және газондар төсеу, күту, кесу;
      8) аумақты жинау (керек-жарақтарды және арнайы киімді, көк тайғақпен күрес жөніндегі материалдарды, қоқыс жинағыштар құрылғылар мен қоқыс төгетін жәшіктерді қоса алғанда);
      9) қарды, жапырақтарды және қоқыстарды шығару кіреді.
      1. Күрделі жөндеу шығыстарына мыналар:
      1) үй жайдың тұратын (тұрмайтын) пайдалы алаңының бір шаршы метріне арналған есеппен республикалық бюджет туралы заңында тиісті қаржылық жылға белгіленген айлық есептік көрсеткіштің 0,02-еселенген мөлшерінен кем болмайтын мөлшерде кондоминиум объектісінің ортақ мүлікінің алдағы күрделі жөндеуіне жинақтау;
      2) кондоминиум объектісінің болжанатын (жобалау-сметалық құжаттаманың) күрделі жөндеу сомасынан шыға отырып, үй-жайлардың (пәтерлердің) меншік иелерінің жалпы жиналысында қабылданған жинақ кіреді.
      1. Кондоминиум объектісінің ортақ мүлкін күтіп-ұстау, коммуналдық қызметтерді төлеу шығыстарына мыналар:
      1) үйге ортақ есептеу аспаптарын сатып алу және орнату құны;
      2) есептеу аспаптарын орнату, тексеру, техникалық қызмет көрсету, жөндеу, үйге ортақ есептеу аспаптарын жөндеу бойынша қызметтер;
      3) кондоминиум объектісінің ортақ мүлкін күтіп-ұстауға тұтынылған коммуналдық қызметтердің төлемдері бойынша шығыстар кіреді.»;
      11-тармақ алынып тасталсын;
      16-1-тармақ мынадай мазмұнда толықтырылсын:
      «16-1. кондоминиум объектісінің ортақ мүлкін күрделі жөндеуге қаражат жинақтау үшін үй-жайлардың (пәтерлердің) меншік иелері ай сайын кондоминиум объектісін басқару органының жинақ шотына үй-жайлардың (пәтерлердің) меншік иелерінің жиналысында айқындалатын мөлшерде, бірақ тұрғын (тұрғын емес) үй-жайдың пайдалы алаңының бір шаршы метріне арналған есеппен республикалық бюджет туралы заңында тиісті қаржы жылына белгіленген айлық есептік көрсеткіштің 0,02 еселенген мөлшерінен кем болмайтын соманы енгізуге міндетті.».
      19-тармақтың екінші бөлімі мынадай редакцияда жазылсын:
      «Кондоминиум объектісінің ортақ мүлкін күтіп-ұстауға арналған шығыстардың соммасы мына формула бойынша есептеледі:
      Р жыл = Р басқ. + Р қыз.көр. + Р күр.жөнд. + Р ком.қыз.төл.,
      мұнда:
      Р басқ. - басқару функцияларын жүзеге асыруға жұмсалатын шығыстар;
      Р қыз.көр. - кондоминиум объектісіне қызмет көрсету бойынша шығыстар;
      Р күр.жөнд. - күрделі жөндеуге жұмсалатын шығыстар;
      Р ком.қыз.төл. - кондоминиум объектісінің ортақ мүлкін күтіп ұстауға тұтынылған коммуналдық қызметтерді төлеуге жұмсалған шығыстар.».
      2. Қазақстан Республикасы Өңірлік даму министрлігінің Тұрғын үй-коммуналдық шаруашылығы департаменті (М.С. Байсүгірова) осы бұйрықтың Қазақстан Республикасы Әдiлет министрлiгiнде мемлекеттiк тiркелуiн және оның «Әділет» ақпараттық-құқықтық жүйесі мен ресми бұқаралық ақпарат құралдарында ресми жариялануын қамтамасыз етсін.
      3. Осы бұйрық оны бірінші рет ресми жариялағаннан кейін он күнтізбелік күн ішінде қолданысқа енгізіледі.

      Министр                                    Б. Жәмішев

Өңірлік даму министрінің
2014 жылғы 30 маусымдағы
№ 193/нқ бұйрығына   
қосымша        

Кондоминиум объектісін басқарудың
үлгі шартына қосымша    

Кондоминиум объектісін басқару жөніндегі жұмыстардың тізбесі