Өңірлер бойынша азық-түлік тауарлар қорларын есепке алу нысанын және есептілікті ұсыну ережесін бекіту туралы

       «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасы 2005 жылғы 8 шілдедегі Заңының 6-бабы 1-тармағының 8-1) тармақшасын, «Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасын іске асыру мақсатында БҰЙЫРАМЫН:
      1. Мыналар:
      1) осы бұйрыққа 1-қосымшаға сәйкес өңірлер бойынша азық-түлік тауарлар қорларын есепке алу нысаны;
      2) осы бұйрыққа 2-қосымшаға сәйкес өңірлер бойынша азық-түлік тауарлар қорларын есепке алуға қатысты есептілікті ұсыну ережесі бекітілсін.
      2. Қазақстан Республикасы Ауыл шаруашылығы министрлігінің Экономикалық интеграция және азық-түлік нарықтары департаменті:
      1) осы бұйрықтың Қазақстан Республикасы Әділет министрлігінде заңнамада белгіленген тәртіппен мемлекеттік тіркелуін;
      2) осы бұйрық Қазақстан Республикасы Әділет министрлігінде мемлекеттік тіркегеннен кейін бұқаралық ақпарат құралдарында, оның ішінде Қазақстан Республикасы Ауыл шаруашылығы министрлігінің интернет-ресурсында ресми жариялануын және мемлекеттік органдардың интранет-порталында орналастырылуын;
      3) осы бұйрықты Қазақстан Республикасының Әділет министрлігінде тіркегеннен кейін бес жұмыс күні ішінде бұқаралық ақпарат құралында жариялауға жіберу туралы және мемлекеттік тіркеу туралы мәліметтерді Қазақстан Республикасы Ауыл шаруашылығы министрлігінің Құқықтық қамтамасыз ету департаментіне ұсынуды қамтамасыз етсін.
      3. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Министр                                    А. Мамытбеков

      «Келісілді»
      Қазақстан Республикасы
      Статистика агенттігінің
      төрағасы
      ___________ A. Смайылов
      2014 жылғы 25 маусым

Қазақстан Республикасы   
Ауыл шаруашылығы министрінің
2014 жылғы 25 маусымдағы  
№ 5-2/325 бұйрығына     
1-қосымша          

                                                                Нысан

Әкімшілік деректерді жинауға арналған нысан __________________________________________ бойынша
^{(облыс, астана, республикалық маңызы қала)} азық-түлік тауарлар қорларын есепке алу нысаны

Есепті кезең – күн тізбелік тоқсан

Индексі: форма № 1-АТТҚ

Кезеңділігі: тоқсан сайын

Ұсынатын тұлғалар тобы: аудан деңгейіндегі жергілікті атқарушы
                        органдар, облыс деңгейіндегі жергілікті
                        атқарушы органдар.

Қайда ұсынылады:       Қазақстан Республикасы Ауыл шаруашылығы министрлігіне

Тапсыру мерзімі: тоқсан сайын есептелік кезеңнен кейінгі айдын 10 күнінен кешіктірмей

Ұйымның атауы: Жергілікті атқарушы орган

Облыс (астана, республикалық маңызы бар қала): ______________________

Аудан: ______________________________________________________________

Орналасқан орны: ____________________________________________________

Басшысының тегі, аты, әкесінің аты (бар болған жағдайда):
__________________________ қолы _____________________________________

Орындаушының тегі, аты, әкесінің аты (бар болған жағдайда):
__________________________ қолы _____________________________________

                          телефоны: _________________________________

Күні: 20____ жыл  «____» __________________

Мөр орны

Ескерту. Нысанды толтыру бойынша түсіндірме осы өңірлер бойынша азық-түлік тауарлар қорларын есепке алу нысанының қосымшасында келтірілген

Өңірлер бойынша азық-түлік 
тауарлар қорларын есепке алу
нысанына қосымша       

Өңірлер бойынша азық-түлік тауарлар қорларын есепке
алу нысанды толтыру бойынша түсіндірме

      1. Өңірлер бойынша азық-түлік тауарлар қорларын есепке алу нысаны «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының 2005 жылғы 8 шілдедегі Занының 6-бабы 1-тармағы 8-1) тармақшасына сәйкес әзірленді.
      2. Нысан келесі түрде толтырылады:
      4, 5, 6, 7 және 8 бағандарда сәйкесінше 2 бағанда көрсетілген азық-түлік тауарларының қолда бар, заттай мәндегі нақты салмағы көрсетіледі;
      «-» белгісі бар жолдардағы бағандар толтырылмайды;
      2 жолдағы 3 бағанда осы жолдағы 8 бағандағы деректер көрсетіледі;
      2 жолдағы 8 бағанда өңірлік азық-түлік тұрақтандыру қорындағы күріштің заттай мәнде нақты қолда бар мәні  көрсетіледі;
      3 жолдағы 3 бағанда осы жолдағы 4, 5, 6, 7 және 8 бағандарда көрсетілген деректер қосындылары көрсетіледі.
      Нысанның барлық жолдары осындай  нысанға сай толтырылады.
      9 жолдағы бағандардың деректері осы бағандағы 9.1, 9.2, 9.3, 9.4 және 9.5 жолдағы деректер қосындыларынан кем болмау керек.
      12 жолдағы бағандардың деректері осы бағандағы 12.1 және 12.2 жолдағы деректер қосындыларынан кем болмау керек.
      16 жолдағы бағандардың деректері осы бағандағы 16.1 және 16.2 жолдағы деректер қосындыларынан кем болмау керек.
      21 жолдағы бағандардың деректері осы бағандағы 21.1, 21.2, 21.3, 21.4 және 21.5 жолдағы деректер қосындыларынан кем болмау керек.

Қазақстан Республикасы   
Ауыл шаруашылығы министрінің
2014 жылғы 25 маусымдағы  
№ 5-2/325 бұйрығына     
2-қосымша          

Өңірлер бойынша азық-тулік тауарлар қорына
қатысты есептілікті ұсыну ережесі

      1. Жергілікті атқарушы органдар өңірлер бойынша азық-түлік тауарлар қорына қатысты есептілікті тоқсан сайын  жүргізеді.
      2. Аудан деңгейіндегі жергілікті атқарушы органдар Ауыл шаруашылығы құрылымдарынан қолда бар азық-түлік тауарлар қорлары бойынша ақпаратты жинап тоқсан сайын есептелік кезеңнен кейінгі айдын 5-күнінен кешіктірмей облыс деңгейіндегі жергілікті атқарушы органдарға ұсынады.
      3. Облыс деңгейіндегі жергілікті атқарушы органдар облыста (астанада, республикалық маңызы бар қалада) қолда бар азық-түлік тауарлар қорлары бойынша ақпаратты тоқсан сайын есептелік кезеңнен кейінгі айдын 10 күнінен кешіктірмей Қазақстан Республикасының Ауыл шаруашылығы министрлігіне ұсынады.
      4. Өңірлерде қолда бар азық-түлік тауарлар қорлары бойынша ақпаратты Қазақстан Республикасының Ауыл шаруашылығы министрлігі азық-түлік қауіпсіздігі жағдайына қатысты мониторинг жүргізу мақсатында қолданады.