Сыртқы мемлекеттік қаржылық бақылауды жүргізу қағидасын бекіту туралы

      Қазақстан Республикасы Бюджет кодексінің 141-бабының 19) тармақшасына сәйкес Республикалық бюджеттің атқарылуын бақылау жөніндегі есеп комитеті ҚАУЛЫ ЕТЕДІ:
      1. Мыналар:
      1) Республикалық бюджеттің атқарылуын бақылау жөніндегі есеп комитетінің сыртқы мемлекеттік қаржылық бақылауды жүргізу қағидасы 1-қосымшаға сай;
      2) Облыстардың, республикалық маңызы бар қаланың, астананың тексеру комиссияларының сыртқы мемлекеттік қаржылық бақылауды жүргізу қағидасы 2-қосымшаға сай бекітілсін.
      2. Мыналардың:
      1) «Сыртқы мемлекеттік қаржылық бақылауды жүргізу ережесін бекіту туралы» Республикалық бюджеттің атқарылуын бақылау жөніндегі есеп комитетінің 2011 жылғы 18 тамыздағы № 2-НП нормативтік қаулысының (Нормативтік құқықтық актілерді мемлекеттік тіркеу тізілімінде № 7190 тіркелген, «Егемен Қазақстан» газетінде 2011 жылғы 11 қазанда № 488-490 (26882) жарияланған);
      2) «Республикалық бюджеттің атқарылуын бақылау жөніндегі есеп комитетінің «Сыртқы мемлекеттік қаржылық бақылаудың кейбір мәселелері туралы» 2011 жылғы 12 тамыздағы № 1-НП және «Сыртқы мемлекеттік қаржылық бақылауды жүргізу ережесін бекіту туралы» 2011 жылғы 18 тамыздағы № 2-НП нормативтік қаулыларына өзгерістер мен толықтырулар енгізу туралы» Республикалық бюджеттің атқарылуын бақылау жөніндегі есеп комитетінің 2012 жылғы 9 шілдедегі № 1-НП нормативтік қаулысының 1-тармағының 2) тармақшасының (Нормативтік құқықтық актілерді мемлекеттік тіркеу тізілімінде № 7808 тіркелген, «Егемен Қазақстан» газетінде 2012 жылғы 9 тамызда № 483-488 (27561) жарияланған) күші жойылды деп танылсын.
      3. Республикалық бюджеттің атқарылуын бақылау жөніндегі есеп комитетінің аппарат басшысы (В.В. Супрун) Қазақстан Республикасының Әділет министрлігінде осы нормативтік қаулының мемлекеттік тіркелуін қамтамасыз етсін.
      4. Осы нормативтік қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

      Төраға                                      А. Мусин

Республикалық бюджеттің 
атқарылуын бақылау жөніндегі
есеп комитетінің     
2013 жылғы 16 сәуірдегі 
№ 3-НП нормативтік қаулысына
1-қосымша          

Республикалық бюджеттің атқарылуын бақылау жөніндегі есеп
комитетінің сыртқы мемлекеттік қаржылық бақылауды жүргізу қағидасы

1. Жалпы ережелер

      1. Республикалық бюджеттің атқарылуын бақылау жөніндегі есеп комитетінің сыртқы мемлекеттік қаржылық бақылауды жүргізу қағидасы (бұдан әрі – Қағида) Қазақстан Республикасының 2008 жылғы 4 желтоқсандағы Бюджет кодексінің (бұдан әрі – Бюджет кодексі) 141-бабының 19) тармақшасына, «Республикалық бюджеттің атқарылуын бақылау жөніндегі есеп комитеті туралы ережені бекіту туралы» (бұдан әрі – Есеп комитеті) Қазақстан Республикасы Президентінің 2002 жылғы 5 тамыздағы № 917 Жарлығына, «Мемлекеттік қаржылық бақылау стандарттарын бекіту туралы» (бұдан әрі – Стандарттар) Қазақстан Республикасы Президентінің 2009 жылғы 7 сәуірдегі № 788 Жарлығына сәйкес әзірленген.
      2. Қағида бақылау қызметін жоспарлау, бақылауға дайындалу, бақылауды жүргізу, бақылаудың қорытындысы бойынша есептерді ресімдеу, шешімдердің орындалуын мониторингілеуді және бақылауды ұйымдастыру тәртібін айқындайды.
      3. Осы Қағидада мынадай анықтамалар пайдаланылады:
      1) сыртқы мемлекеттік қаржылық бақылау – Қазақстан Республикасының Президентіне тоқсандық ақпаратты және Қазақстан Республикасының Парламентіне жыл сайынғы есепті ұсына отырып, Есеп комитеті жүзеге асыратын республикалық бюджеттің атқарылуын бақылау (бұдан әрі – бақылау);
      2) сәйкестікке бақылау жасау - бақылау объектісі қызметінің Қазақстан Республикасының бюджет және өзге де заңнамасының талаптарына сәйкестігін бағалау;
      3) қаржылық есептілікті бақылау - бақылау объектісінің қаржылық есептілікті жасауының және табыс етуінің анықтығын, негізділігін және уақтылығын бағалау;
      4) тиімділікті бақылау – сәйкестікке бақылау жасау және қаржылық есептілікті бақылау негізінде жүргізілетін бағалау, мемлекеттік органдардың стратегиялық жоспарларында көзделген тікелей және түпкі нәтижелерге қол жеткізілуін, мемлекеттік, салалық және бюджеттік бағдарламалардың іске асырылуын, көрсетілетін мемлекеттік қызметтерді, байланысты гранттарды, мемлекеттік және мемлекет кепілдік берген қарыздарды, мемлекет кепілгерліктері мен активтерін пайдалануды бағалау, сондай-ақ мемлекеттік орган және квазимемлекеттік сектор субъектілері қызметінің экономиканың немесе жеке алғанда экономика саласының, әлеуметтік саланың, мемлекеттік басқарудың басқа да салаларының дамуына тигізетін әсерін кешенді және объективті талдау;
      5) кешенді бақылау – бақылау объектілерінің нақты кезеңдегі қызметін барлық мәселелер бойынша бақылау және бағалау;
      6) тақырыптық бақылау – бақылау объектiсiнiң нақты кезеңдегi қызметiн жекелеген мәселелер бойынша бақылау және бағалау;
      7) үстеме бақылау – тексерiлiп отырған мәселе шеңберiнде бақылаудың негiзгi объектiсiмен өзара қатынастары мәселелерi бойынша ғана жүргiзiлетiн үшiншi тұлғаларды бақылау;
      8) бiрлескен бақылау – мемлекеттiк қаржылық бақылау органдары келiсiлген мерзiмде басқа мемлекеттік органдармен бiрлесiп жүргiзетiн бақылау;
      9) қосарлас бақылау – мемлекеттiк қаржылық бақылау органдары кейiннен олардың нәтижелерiмен алмаса отырып, келiсiлген мәселелер мен жүргiзу мерзiмдерi бойынша өз бетiнше жүргiзетiн бақылау;
      10) бақылаушы – лауазымдық міндеттеріне бақылауды жүзеге асыру кіретін Есеп комитетінің қызметкері;
      11) бақылау іс-шарасы – бұл бақылауға дайындалуға, бақылауды жүргізуге және бақылаудың қорытындысы бойынша есептерді ресімдеуге бағытталған іс-қимылдар кешені;
      12) бақылау іс-шарасына дайындалу принциптері:
      кешенділік – бақылау объектісін алдын ала зерделеуден бастап, бақылау бағдарламасын жасағанға дейінгі барлық кезеңдердің өзара байланыстылығы және келісілуі;
      үздіксіздік – бақылауды жүзеге асыратын Есеп комитетінің қызметкерлеріне, мемлекеттік органдардың, аудиторлық ұйымдардың мамандарына және сарапшыларға бақылаудың кезеңдері мен мерзімдері бойынша өзара байланысты тапсырмаларды белгілеу;
      оңтайлылық – бақылаудың түпкі мақсатына ең аз шығын жұмсай отырып қол жеткізу үшін бақылау бағдарламасының неғұрлым орынды нұсқасын таңдау;
      атаулылық – бақылау объектілерінің өңірлік орналасуын қоса алғанда, оларды нақты таңдау.
      13) Есеп комитетінің қаулысы – бақылау нәтижелерін растайтын және ол арналған барлық мемлекеттік органдар, ұйымдар мен лауазымды адамдар орындауға міндетті шешімдерді қамтитын құжат (бұдан әрі – Қаулы);
      14) Есеп комитетінің бақылау актiлерi және (немесе) аудиторлық есептер негiзiнде жасалатын құжаты (бұдан әрі – Қорытынды);
      15) ұсыным – мемлекеттiк қаржылық бақылау органдарының анықталған бұзушылықтарды және жұмыстағы кемшiлiктердi жою үшiн бақылау объектiлерiне және басқа да мүдделi тұлғаларға жiберетін орындалуға мiндеттi құжаты (бұдан әрі – Ұсыным);
      16) сапаны бақылау – бақылау іс-шаралары материалдарының сыртқы мемлекеттік қаржылық бақылау саласындағы заңнаманың белгіленген талаптарға сәйкестігін тексеру және талдау.
      4. Сыртқы мемлекеттік қаржылық бақылау мемлекеттік басқару жүйесінің ажырамас бөлігі болып табылады, бюджетті атқарудың және мемлекет активтерін пайдаланудың айқындығын, тиімділігін, жауапкершілігін арттыруға бағытталған.
      5. Бюджет кодексінің 136-бабы 3-1-тармағына сәйкес Есеп комитетінің қызметкерлерін мемлекеттік органдардың сұрауы бойынша оның жұмыс жоспарларында көзделмеген тексеру жүргізу үшін тартуға жол берілмейді.
      6. Бақылау Есеп комитетінің жылдық және тоқсандық жұмыс жоспарлары негізінде жүргізіледі.
      7. Бақылау іс-шарасын жүргізуге тікелей басшылықты Есеп комитетінің бақылауды жүргізуге жауапты мүшесі жұмыстың бекітілген бағыттары бойынша (соның ішінде бақылау мәселелерінің қамтылу толықтығын бақылауды жүзеге асыру, бақылаушылардың жұмыс бағыттарын түзету) жүзеге асырады.
      8. Бақылау тобының құрамы бақылау іс-шарасын жүргізуге қатысатын Есеп комитетінің қызметкерлерін – бақылау тобының жетекшісі мен бақылаушыларды, және қажет болғанда, мемлекеттік органдардың мамандарын, аудиторлық ұйымдардың қызметкерлерін және (немесе) сарапшыларды қамтиды. Бірлескен бақылауды жүргізу кезінде бақылау тобының құрамына басқа мемлекеттік органдардың қызметкерлері енгізіледі.
      9. Есеп комитетінің қызметкерлері бақылау жүргізу кезінде Бюджет кодексінде белгіленген құзыретіне сүйене отырып, осы Қағиданы басшылыққа алады.
      10. Бақылау жүргізуге тартылатын мемлекеттік органдардың, аудиторлық ұйымдардың мамандары және сарапшылар осы Қағиданы басшылыққа алады.
      11. Бақылау мынадай үлгілерге бөлінеді:
      1) сәйкестікке бақылау жасау;
      2) қаржылық есептілікті бақылау;
      3) тиімділікті бақылау.
      12. Есеп комитеті өз өкілеттігі шегінде кешенді, тақырыптық, үстеме, бірлескен, қосарлас бақылау түрлерін жүзеге асырады.
      13. Бақылау республикалық бюджеттің атқарылуын, мемлекеттік, салалық және бюджеттік бағдарламалардың, мемлекеттік органдардың стратегиялық жоспарларының іске асырылуын, бюджет процесіне қатысушылардың, оның ішінде квазимемлекеттік сектор субъектілерінің, сондай-ақ басқа да бюджет қаражатын алушылардың, байланысты гранттарды, мемлекет кепілгерліктері мен активтерін, мемлекеттік және мемлекет кепілдік берген қарыздарды, бюджеттік инвестицияларды пайдаланатын жеке және заңды тұлғалардың (бұдан әрі – бақылау объектілері) оларды жоспарлауға, қалыптастыруға, бөлуге, пайдалануға байланысты заңнамалардың нормаларын сақтауын мониторингілеу, салыстыру, бағалау және талдау жүйесін қолдана отырып жүргізіледі.
      14. Есеп комитеті бақылау нәтижелері бойынша анықталған бұзушылықтарды, кемшіліктерді талдау, қорыту және жүйелендіруді жүзеге асырады.

2. Есеп комитетінің бақылау қызметін жоспарлау

      15. Есеп комитетінің бақылау қызметін жоспарлау бақылау объектілерінің заңнама нормаларын, соның ішінде бюджет қаражатын, мемлекет пен квазимемлекеттік сектор активтерін жоспарлауға, қалыптастыруға, бөлуге, пайдалануға байланысты бұзушылықтарды анықтау, жою және оларға жол бермеу мақсатында Бюджет кодексінде көзделген өзінің өкілеттіктерін іске асыру үшін жүргізіледі.
      16. Жоспарлау мынадай принциптерге сәйкес:
      1) жоспарлаудың кешенділігі (қызметтің заң жүзінде белгіленген барлық міндеттерін, түрлері мен бағыттарын жоспарлаумен қамту);
      2) жоспарлаудың үздіксіздігі;
      3) ресурстарды бөлудің теңгерімділігі;
      4) бақылау объектілерінде бақылау іс-шараларын жүргізудің мерзімділігі принциптеріне сәйкес жүйелі тәсілге негізделеді.
      17. Есеп комитетінің бақылау іс-шараларының жылдық жоспарын (бұдан әрі – жылдық жоспар) қалыптастыру бақылау объектілерін қайталауды болдырмау мақсатында мемлекеттік қаржылық бақылау органдарымен өзара іс-қимылды ескере отырып, кезекті жылға арналған бақылау іс-шараларын сапалы және тиімді жоспарлау үшін жүргізіледі.
      18. Жылдық жоспарды қалыптастыру үшін жоспарлауға, талдау мен есептілікке жауапты құрылымдық бөлімше (бұдан әрі – жоспарлауға жауапты құрылымдық бөлімше) жоспарланатын жылдың алдындағы жылдың деректері негізінде бюджеттік бағдарламалар әкімшілерінен (бұдан әрі – ББӘ) бастап, бюджет қаражатын түпкі алушыларға дейінгі бюджет қаражатын пайдаланудың тізбегін көрсететін бақылау объектілері жөніндегі деректер базасын қалыптастырады.
      19. Деректер базасы мемлекеттік қаржылық бақылау органдарының бұрын жүргізген бақылау іс-шараларының нәтижелерін көрсете отырып, ағымдағы, күрделі шығындар бойынша орталық аппараттың, ведомствоның, ведомстволық бағынысты ұйымдардың, жергілікті атқарушы органдардың (нысаналы трансферттер) және басқа да бюджет қаражатын алушылардың, салықтық және салықтық емес түсімдердің, негізгі капиталды сатудан түскен түсімдердің бөлінісінде ББӘ, бюджеттік бағдарламалар жөніндегі ақпаратты қамтиды. Сондай-ақ деректер базасында стратегиялық, бағдарламалық құжаттардың (мемлекеттік, салалық бағдарламалардың, мемлекеттік органдардың стратегиялық жоспарларының) және инвестициялық жобалардың іске асырылуы ескерілуі тиіс.
      20. Жоспарлауға жауапты құрылымдық бөлімше жоспарланатын жылдың алдындағы бірінші жартыжылдықтың ішінде мемлекеттік қаржылық бақылау органдарымен бірлесіп, бақылау объектілерінің (ББӘ) деректер базасы негізінде осы Қағидаға 1-қосымшаға сай нысанға сәйкес республика бойынша бақылау объектілері жөнінде бірыңғай ақпараттық деректер базасын (бұдан әрі – бірыңғай ақпараттық база) қалыптастырады.
      21. Жылдық жоспарды қалыптастыру үшін Есеп комитетінің мүшелері жоспарлауға жауапты құрылымдық бөлімше ұсынатын тәуекелдерді бағалау жүйесін ескере отырып, бірыңғай ақпараттық базаның деректері және қосымша көздерден алынған деректер негізінде бір айдың ішінде жылдық жоспар жобасына өздерінің ұсыныстарын бақылау іс-шарасын жүргізуге өтінім түрінде осы Қағидаға 2-қосымшаға сай нысан бойынша дайындайды.
      22. Есеп комитетінің мүшелері ұсыныстарды жасау кезінде бақылау объектілерін және бақылаумен қамтылатын қаражат көлемін, өздерінің бағыттары бойынша бақылаудың үлгілері мен түрлерін, сондай-ақ бақылаушыларға түсетін жүктемені, аудиторлық компанияларды және сарапшыларды тартудың қажеттілігін айқындайды.
      23. Жоспарлауға жауапты құрылымдық бөлімше бақылау объектілерін қайталауды болдырмау мақсатында, сондай-ақ бақылау объектілерін бөлу, кешенді бақылау жүргізуге қажетті еңбек ресурстарын айқындау үшін осы Қағидаға 3-қосымшаға сай нысан бойынша қалыптастырылған және Есеп комитетінің аппарат кеңесінде мақұлданған кезекті жылға арналған бақылау жұмыстары жоспарының алдын ала жобасын жоспарланатын жылдың алдындағы жылдың 1 қарашасына дейін Қазақстан Республикасының Үкіметі уәкілеттік берген ішкі бақылау жөніндегі органға (бұдан әрі – ҚБК) және облыстардың, республикалық маңызы бар қаланың, астананың тексеру комиссияларына (бұдан әрі – тексеру комиссиялары) жібереді.
      24. Жоспарлауға жауапты құрылымдық бөлімше жіберілген жылдық жоспардың жобасы шеңберінде жоспарланатын жылдың алдындағы жылдың 15 қарашасына дейін объектілерді және бақылаумен қамтылатын қаражаттың көлемін нақтылайды, ҚБК-мен кешенді, бірлескен, қосарлас бақылау жүргізудің мәселелерін хаттама жасай отырып пысықтайды. Есеп комитеті мен ҚБК-нің жылдық жоспарларының келісілген жобалары жоспарланатын жылдың алдындағы жылдың 20 қарашасына дейін тексеру комиссияларына жіберіледі.
      25. Жоспарлауға жауапты құрылымдық бөлімше жоспарланатын жылдың алдындағы жылдың 25 қарашасына дейін тексеру комиссиялары және ҚБК жүзеге асыратын кешенді, бірлескен, қосарлас бақылауды жүргізу, мемлекеттік органдармен және шет елдердің мемлекеттік қаржылық бақылау органдарымен бірлескен бақылау жүргізу мәселелерін пысықтайды және жоспарланатын жылдың алдындағы жылдың 1 желтоқсанына дейін жылдық жоспардың түпкілікті жобасын келіседі.
      26. Жылдық жоспардың келісілген жобасы жоспарланатын жылдың алдындағы жылдың 10 желтоқсанына дейін Есеп комитетінің отырысында қаралып мақұлданады. Отырысқа тараптардың келісуі бойынша ҚБК-нің және тексеру комиссияларының бірінші басшылары шақыртылуы мүмкін.
      27. Ескертулер туындаған жағдайда, жылдық жоспардың жобасы үш жұмыс күні ішінде жетілдіріледі. Жылдық жоспардың жобасы Есеп комитетінің мүшелерімен және бақылау жүргізуге жауапты құрылымдық бөлімшемен қайта келісілгеннен кейін Есеп комитетінің Төрағасына бекітуге енгізіледі.
      28. Құжат айналымына жауапты құрылымдық бөлімше бұйрыққа қол қойылған күннен бастап бір жұмыс күні ішінде жылдық жоспарды бекіту туралы бұйрықты тіркеуді жүзеге асырып, оны бақылауға қояды, жоспарлауға жауапты құрылымдық бөлімше оны Есеп комитетінің Интернет-ресурсына орналастырады.
      29. Бұйрыққа қол қойылған күннен бастап екі жұмыс күні ішінде бекітілген жұмыс жоспарын Электрондық құжат айналымының бірыңғай жүйесі (бұдан әрі – ЭҚАБЖ) арқылы және (немесе) жазбаша түрде почтамен ҚБК-ге, тексеру комиссияларына, Қазақстан Республикасы Президентінің Әкімшілігіне, Қазақстан Республикасының Премьер-Министріне және бақылау объектілеріне жіберу жүзеге асырылады.
      30. Жоспарлауға жауапты құрылымдық бөлімше Есеп комитетінің бекітілген жылдық жоспарының орындалуына тұрақты негізде мониторинг жүргізеді.
      31. Жоспарлауға жауапты құрылымдық бөлімше ҚБК мен тексеру комиссияларының нәтижелерін талдап қорыту үшін олардың жылдық жұмыс жоспарлары шеңберіндегі бақылау іс-шараларының орындалуы жөніндегі ақпаратты кейіннен Қазақстан Республикасының Президенті мен Қазақстан Республикасының Парламентіне ұсынылатын Есеп комитетінің ақпаратына және есебіне енгізу үшін тоқсан сайын сұратып отырады.
      32. Жоспарлауға жауапты құрылымдық бөлімше жылдық жоспар бекітілгеннен кейін бес жұмыс күні ішінде бақылау жүргізуге жауапты құрылымдық бөлімшемен бірлесіп, тоқсан сайын нақтыланатын бақылау іс-шараларының аяқталуын ескере отырып, отырыстар өткізудің жылдық кестесін қалыптастырады.
      33. Есепті кезеңнің қорытындылары бойынша Есеп комитетінің Төрағасына жылдық жоспардың іске асырылуы туралы ақпарат ұсынылады.
      34. Есеп комитеті мүшесінің қызметтік жазбасы негізінде, сондай-ақ Қазақстан Республикасы Президентінің және ол уәкілеттік берген Қазақстан Республикасы Президенті Әкімшілігі адамдарының тапсырмалары бойынша Есеп комитеті Төрағасының шешімімен Есеп комитетінің жылдық жұмыс жоспарына өзгерістер және (немесе) толықтырулар енгізіледі. Бұл ретте Есеп комитетінің мүшелері осы Қағидаға 2-қосымшада көзделген нысан бойынша толтырылған өтінімді қызметтік жазбаға қоса береді.

3. Бақылауға дайындалу 1-параграф. Жалпы ережелер

      35. Бақылау жүргізуге дайындалу бақылау іс-шарасының бастапқы кезеңі болып табылады, онда Есеп комитетінің құзыретіне кіретін бақылау объектісі қызметінің бақылауға жататын бағыттарын зерделеу жүргізіледі. Бақылау объектісін алдын-ала зерделеу және бақылау жүргізу жоспарын (бұдан әрі – Бақылау жоспары), бақылау жүргізу бағдарламасын (бұдан әрі – Бақылау бағдарламасы), бақылау жүргізуге тапсырманы (бұдан әрі – Тапсырма), бақылау жүргізудің жұмыс жоспарларын (бұдан әрі – Жұмыс жоспарлары) жасау жүзеге асырылады.
      36. Бақылау іс-шарасына дайындалу кезінде кешенділік, үздіксіздік, оңтайлылық, атаулылық принциптерін басшылыққа алған жөн.

2-параграф. Бақылау объектісін алдын ала зерделеу

      37. Бақылау объектілерін алдын ала зерделеу бақылаудың үлгісін, түрі мен объектілерін, бақылаумен қамтылатын қаражат көлемін, бақылау жүргізу мерзімін нақтылауға, бақылау мәселелерін айқындауға, тиімділікті бақылауды жүргізген жағдайда – үнемділікті, тиімділік пен нәтижелілікті бағалаудың тиісті өлшемдерін әзірлеуге қажетті олардың қызметі жөніндегі ақпаратты жинау және талдау жолымен жүргізіледі.
      38. Бақылау объектісін алдын ала зерделеу барысында жоспарланған бақылауды жүргізуге қажетті ақпарат көздері айқындалады, сондай-ақ бақылау объектісінде ішкі бақылаудың (аудиттің) қызметі зерделенеді.
      39. Бақылау тобы бақылау объектісінің қызметін алдын ала зерделеуді Есеп комитетінің жылдық (тоқсандық) бақылау жұмысы жоспарында көзделген мерзімде жүргізеді.
      Бақылау тобының жетекшісі бақылау тобының қатысушыларымен бірлесіп, бақылау іс-шарасына дайындалу мерзімі басталғаннан бастап екі жұмыс күні ішінде бақылау объектісінің қызметін алдын ала зерделеу үшін бақылау объектісінің қызметін алдын ала зерделеу барысында зерделенетін мәселелердің осы Қағидаға 4-қосымшада келтірілген базалық тізбесіне сай ақпарат көздерін талдауды, бақылау объектілерін алдын ала зерделеу үшін қолжетімді көздерден ақпарат жинауды және осы Қағидаға 5-қосымшаға сай нысан бойынша құжаттар мен ақпаратты ұсыну туралы сұрауларды жіберуді жүзеге асырады.
      40. Есеп комитетінің бақылауға жауапты мүшесінің шешімі бойынша бақылау объектілерін алдын ала зерделеуді бақылаушылар алдын ала зерделеудің мерзімі көрсетілген бақылау (алдын ала зерделеу) жүргізуге арналған тапсырманы ұсына отырып, тікелей бақылау объектілерінде жүргізеді.
      41. Қолдағы бар және бақылау объектісін алдын ала зерделеу барысында алынған деректерге жүргізілген зерделеу мен талдауға сәйкес:
      1) бақылаудың үлгісі, түрі мен объектілері нақтыланады;
      2) бақылау объектілері – бақылаушылар арасында, кешенді, бірлескен және қосарлас бақылауды жүргізген жағдайда, мемлекеттік органдар мен қаржылық бақылау органдары арасында бөлінеді;
      3) үстеме бақылаудың объектілері айқындалады;
      4) бақылау жүргізуге тартылатын мемлекеттік органдардың мамандары, сарапшылар мен аудиторлық компаниялар және бақылаудың соларға тапсырылуы жоспарланған нақты мәселелері айқындалады;
      5) режимдік объектілерде бақылау жүргізген жағдайда, рұқсат алу мәселелері пысықталады;
      6) бақылау объектісі басшысының міндеттерін атқару жөніндегі талапқа қосу мақсатында, бақылауды жүзеге асыру үшін құжаттардың және басқа да ақпараттың тізбесі жасалады;
      7) бақылау тобының жетекшісі бақылау объектілерін алдын ала зерделеудің нәтижелері туралы ақпаратты осы Қағидаға 6-қосымшаға сай нысан бойынша жасайды.
      42. Бақылау объектілерінде бақылауды жүзеге асырудың орынсыз екенін (елеулі тәуекелдердің болмауын, басқа мемлекеттік қаржылық бақылау органының бақылау жүргізгенін, құқық қорғау органдарының құқық белгілеуші және өзге де бастапқы құжаттарды алып қойғанын және басқаларды) немесе бақылаудың үлгілері, түрлері, объектілері бойынша өзгерістер енгізудің қажеттігін көрсететін факторлар анықталған жағдайда, Есеп комитетінің бақылауға жауапты мүшесі бақылаудың үлгісі мен түрін, сондай-ақ бақылау объектілерінің тізбесін өзгертуді негіздей отырып немесе бақылау мерзімін ауыстыру не аталған бақылау іс-шарасын Есеп комитетінің жұмыс жоспарынан алып тастау туралы қызметтік жазба дайындайды және оны Есеп комитетінің Төрағасына қарауға ұсынады. Өзгерістер енгізу немесе Есеп комитетінің жұмыс жоспарынан бақылау іс-шарасын алып тастау туралы шешімді Есеп комитетінің Төрағасы қабылдайды.

3-параграф. Бақылау жоспарын, Бақылау бағдарламасын,
Жұмыс жоспарын және Тапсырмаларды жасау

      43. Бақылау объектісін алдын ала зерделеудің негізінде Бақылау жоспары, Бақылау бағдарламасы, Жұмыс жоспарлары жасалады.
      44. Бақылау жоспары, Бақылау бағдарламасы, Жұмыс жоспарлары және Тапсырмалар Есеп комитетінің автоматтандырылған ақпараттық жүйенің (бұдан әрі – ЕК ААЖ) базасында қалыптастырылады.
      45. Бақылауға шыққанға дейін екі жұмыс күнінен кешіктірмей:
      1) Бақылау тобының жетекшісі жасап, оған бақылауды, жоспарлауды, сапаны бақылауды жүргізуге жауапты құрылымдық бөлімшелердің басшылары бұрыштама қойған және Есеп комитетінің бақылауға жауапты мүшесі қол қойған Бақылау жоспарының жобасы Есеп комитетінің Төрағасына бекітуге енгізіледі;
      2) Есеп комитетінің бақылауға жауапты мүшесі бақылау тобының қатысушылары бақылау объектілері бойынша жасап, бақылау тобының жетекшісі жинақтаған және бақылау жүргізуге жауапты құрылымдық бөлімшенің басшысымен бірге оған қол қойған, жоспарлауға, сапаны бақылауға жауапты құрылымдық бөлімшелердің басшылары бұрыштама қойған Бақылау бағдарламасының жобасын бекітеді;
      3) Есеп комитетінің бақылауға жауапты мүшесі бақылау тобының әрбір қатысушысына жеке-жеке жасалып, бақылаушы, бақылау тобының жетекшісі, бақылау жүргізуге жауапты құрылымдық бөлімшенің басшысы қол қойған, сапаны бақылауға жауапты құрылымдық бөлімшенің басшысы бұрыштама қойған жұмыс жоспарларын бекітеді;
      4) Есеп комитетінің бақылауға жауапты мүшесі бақылау тобының қатысушылары жасап, оларға бақылау тобының жетекшісі, бақылау жүргізуге, құқықтық қамтамасыз етуге жауапты бөлімшелердің басшылары бұрыштама қойған Тапсырмаларға қол қояды;
      5) іссапарға жіберу туралы бұйрықтар іссапарға баратын бақылаушылар жасап, ішкі келісу рәсімдерінен өткеннен кейін Есеп комитетінің Төрағасына қол қоюға енгізіледі.
      46. Осы Қағиданың 45-тармағында көрсетілген құжаттарға қол қойылғаннан кейін бақылауды жүргізуге жауапты құрылымдық бөлімше Бақылау жоспарын, Бақылау бағдарламасын, Жұмыс жоспарларын және Тапсырмаларды ЭҚАБЖ-да бір тіркеу нөмірімен тіркеуді жүргізеді.
      47. Есеп комитетінің бақылауға жауапты мүшесі мен бақылау жүргізуге жауапты құрылымдық бөлімшенің басшысы бақылауға шыққанға дейін екі жұмыс күнінен кешіктірмей, бақылау тобының қатысушыларына техникалық сабақ (нұсқама) өткізеді.
      48. Есеп комитетінің бақылау жүргізуге жауапты мүшесі тікелей бақылау объектісінде алдын ала зерделеу жүргізу кезінде және (немесе) бақылауға шыққанға дейін екі жұмыс күнінен кешіктірмей, бақылау объектісіне бақылау жүргізу (алдын ала зерделеу), тексеруге (алдын ала зерделеуге) жәрдем көрсетудің қажеттігі және осы Қағидаға 7-қосымшаға сай нысан бойынша жауапты лауазымды адамдарды айқындау туралы хабарлама жібереді.
      49. Бақылау жоспары осы Қағидаға 8-қосымшада келтірілген нысан бойынша жасалады.
      50. Бақылаудың мақсаты Есеп комитетінің құзыретіне сәйкес оның жұмыс жоспарында көзделген жүргізілетін бақылаудың тақырыбы мен үлгілеріне сүйене отырып айқындалады.
      51. Бақылау жүргізудің мерзімі Есеп комитетінің жұмыс жоспарында айқындалады және бақылау іс-шарасына дайындалу кезеңінде алдағы жұмыстардың көлемін, бақылаудың үлгілерін, түрлерін, бақылаумен қамтылатын қаражат көлемін, бақылау объектілерінің санын нақтылауды ескере отырып, қайта қаралуы мүмкін.
      52. Бақылау бағдарламасы Бақылау жоспарын дамыту үшін жасалып, оны іс жүзінде іске асыруға қажетті іс-шаралардың егжей-тегжейлі сипаттамасын білдіреді және осы Қағидаға 9-қосымшада келтірілген нысан бойынша ресімделеді.
      53. Бақылау бағдарламасы қисынды, түсінікті, сондай-ақ бақылаудың қойылған мақсаттарына қол жеткізуге бағытталған болуы тиіс.
      54. Бақылаудың мақсатына қарай Бақылау бағдарламасының мәні:
      1) республикалық бюджетке түсетін түсімдердің толықтығы мен уақтылылығы, республикалық бюджеттен түсетін түсімдер сомаларының қайтарылуы, салықтық және кедендік әкімшілік ету;
      2) мемлекеттік, салалық және бюджеттік бағдарламалар;
      3) орталық мемлекеттік органдардың стратегиялық жоспарлары;
      4) Қазақстан Республикасы Ұлттық қорының қаражаты және Қазақстан Республикасы Ұлттық банкінің активтері (Қазақстан Республикасы Президентінің келісімімен немесе тапсырмасы бойынша);
      5) мемлекеттік органдардың, мекемелердің және өзге де ұйымдардың – бюджет қаражатын иеленушілер мен алушылардың нақты қызметі арқылы жүзеге асырылатын бюджет қаражатын және мемлекет активтерін пайдалану процесі;
      6) акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқаруы;
      7) квазимемлекеттік сектор субъектілеріне қаржылық-экономикалық негіздемеге сәйкес бөлінген республикалық бюджет қаражаты;
      8) бюджеттік инвестициялар, байланысты гранттар, мемлекет активтері, мемлекеттік және мемлекет кепілдік берген қарыздар, кепілгерліктер;
      9) қаржы активтерінің сатып алынуы, оларды сатудан бюджетке түскен қаражат түсімдері;
      10) есеп пен есептілік;
      11) мемлекеттік сатып алуды жүргізудің рәсімдері;
      12) Стандарттардың сақталуы;
      13) Есеп комитетінің бұрын қабылданған қаулыларының (ұсынымдарының) орындалуы болып табылады.
      55. Бақылау бағдарламасы бақылауды тиімді жүргізуге қажетті және тікелей оның процесін айқындайтын егжей-тегжейлі әзірленген құжат болып табылады. Бұл ретте тәуекелдердің жоғары дәрежесі анықталған және бақылау нәтижелері барынша нәтиже бере алатын салаларға баса назар аударылуы тиіс.
      56. Бақылаудың мақсатына қарай Бақылау бағдарламасының негізгі бағыттары:
      1) мемлекеттік органдардың стратегиялық жоспарларында көзделген тікелей және түпкі нәтижелерге қол жеткізілуі, мемлекеттік, салалық және бюджеттік бағдарламалардың іске асырылуы, көрсетілетін мемлекеттік қызметтер;
      2) бақылау объектісінің есепке алу мен есептілікті жүргізуінің анықтығы мен дұрыстығы;
      3) бюджет қаражатының пайдалануы, мемлекеттік органға жүктелген функциялар мен міндеттердің орындалуы процесінің нормативтік құқықтық актілермен және әдіснамалық құжаттармен тиісінше реттелуі;
      4) республикалық бюджет қаражатын, оның ішінде жоғары тұрған бюджеттен төмен тұрған бюджетке бөлінген нысаналы трансферттер мен кредиттерді, байланысты гранттарды, мемлекеттік және мемлекет кепілдік берген қарыздарды, концессиялық жобаларды бюджеттен қоса қаржыландыруды, сондай-ақ мемлекеттің кепілгерліктері мен активтерін пайдаланудың заңнама нормаларына, соның ішінде оларды жоспарлауға, қалыптастыруға, бөлуге және пайдалануға байланысты сәйкестігі;
      5) квазимемлекеттік сектор субъектілерінің оларға бөлінген республикалық бюджет қаражатын пайдалануының қаржылық-экономикалық негіздемеге сәйкестігі, сондай-ақ акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқару тиімділігі, бюджеттік инвестициялардың тиімділігін бағалау;
      6) республикалық бюджетке түсетін түсімдердің толықтығы мен уақтылылығы, сондай-ақ түсімдер сомаларының қайтарылуы, салықтық және кедендік әкімшілік етудің тиімділігі;
      7) бақылау объектілерінің республикалық бюджет қаражатын және мемлекет активтерін пайдалану кезінде мемлекеттік сатып алу туралы заңнаманы сақтауы;
      8) квазимемлекеттік сектор субъектілерінің мемлекет активтерін және оларға мемлекеттік, салалық және бюджеттік бағдарламаларда көзделген мақсаттар мен іс-шараларға бөлінген бюджет қаражатын пайдалануы;
      9) мемлекеттік қаржылық бақылау органдарының Стандарттарды сақтауы;
      10) Есеп комитетінің бақылаудың қорытындылары бойынша қабылданған шешімдерін бақылау объектілерінің орындауының толықтығы мен уақтылылығы болып табылады.
      57. Сәйкестікке бақылау жасау кезінде Бақылау бағдарламасында бюджет, салық және кеден заңнамасы нормаларының, бақылау объектісінің қызметін реттейтін және регламенттейтін нормативтік құқықтық актілер ережелерінің, қаржылық есептілікті ұйымдастырудың, жасаудың және ұсынудың белгіленген тәртібінің сақталуы, сондай-ақ мемлекеттік органдардың стратегиялық жоспарларының, квазимемлекеттік сектор субъектілерінің даму жоспарларының іске асырылу мәселелері қамтылады.
      58. Қаржылық есептілікті бақылаудың бағдарламасын жасау кезінде оған бақылау объектілерінің республикалық бюджетті атқаруының қаржылық есептілігін нормативтік құқықтық актілерге, бухгалтерлік стандарттарға сәйкес жасауының толықтығы мен анықтығы мәселелерін енгізген жөн, оларды бұзу қаржылық есепте мәлімделген сомаларға немесе қаражатты пайдаланудың дұрыстығы нәтижелеріне тікелей және елеулі әсер етеді.
      59. Тиімділікті бақылау бағдарламасы соның ішінде бақылаудың бұрынғы екі үлгісіне – сәйкестікке бақылау жасауға және қаржылық есептілікті бақылауға негізделеді. Тиімділікті бақылау бағдарламасының мәселелері оның бюджет қаражатын және мемлекет активтерін пайдаланудан алынған түпкі әлеуметтік-экономикалық нәтижені айқындауға арналған бағыт-бағдарын ескереді.
      60. Тиімділікті бақылаудың бағдарламасында өлшемдер – қол жеткізілетін көрсеткіштер айқындалады, солар бойынша:
      1) бақылау объектісі қызметінің нақты нәтижелеріне қол жеткізуге жұмсалған бюджет қаражатын пайдаланудың үнемділігі;
      2) бақылау объектісінің өндірістік және өзге де қызметі процесінде еңбек, қаржы және басқа да ресурстарды пайдаланудың, сондай-ақ ақпараттық жүйелер мен технологияларды пайдаланудың тиімділігі;
      3) бақылау объектісінің қойылған міндеттерді орындау, осыған бөлінген ресурстар көлемін ескере отырып, жоспарлы көрсеткіштермен салыстырғанда нақты нәтижелерге қол жеткізу жөніндегі қызметінің нәтижелілігі бағаланады.
      Өлшемдер сапалы нәтижелердің, сандық қорытындылардың, іске асырылып отырған мемлекеттік саясаттың нәтижелілігі мен тиімділігінің сандық тұрғыдан айқындауға болатын көрсеткіштері болып табылады.
      Мемлекеттік (салалық) бағдарламаларды, орталық мемлекеттік органдардың стратегиялық жоспарларын бағалаудың өлшемдерін айқындау кезінде «Мемлекеттік бағдарламаларға, орталық мемлекеттік органдардың стратегиялық жоспарларына, аумақтарды дамыту бағдарламаларына және жергілікті бюджеттен қаржыландырылатын атқарушы органдардың стратегиялық жоспарларына бағалау жүргізу ережесін бекіту туралы» Есеп комитетінің 2010 жылғы 1 шілдедегі № 17-қ қаулысын басшылыққа алған жөн (Нормативтік құқықтық актілерді мемлекеттік тіркеу тізілімінде № 6371 тіркелген).
      61. Жұмыс жоспары осы Қағидаға 10-қосымшада келтірілген нысан бойынша ресімделеді.
      62. Жұмыс жоспарында нақты бағдарламалық мәселелер, оларды әрбір бақылау объектісінде қараудың дәйектілігі мен мерзімі көрсетіледі.
      63. Тапсырма бақылау жүргізуге құқық беретін және қатаң есептілік бланкісіне ресімделетін ресми құжат болып табылады. Тапсырма осы Қағидаға 11-қосымшада келтірілген нысан бойынша ресімделеді.
      64. Бақылаудың жоспары, бағдарламасы, Жұмыс жоспарлары, Тапсырмалар бекітілгеннен кейін бақылау тобының жетекшісі бақылау тобының жұмысбастылығы кестесін әзірлейді, ол бақылау тобымен келісіліп, осы Қағидаға 12-қосымшаға сай нысан бойынша жасалады.

4. Бақылау жүргізу

1-параграф. Бақылау іс-шарасын жүргізудің ұйымдастырушылық негіздері

      65. Бюджет кодексінің 141-бабының және Есеп комитетінің жұмыс жоспарының негізінде Есеп комитетінің бақылауға жауапты мүшесі қол қойған Тапсырманың болуы бақылау жүргізу үшін негіздеме болып табылады.
      66. Әрбір бақылау объектісіне жеке Тапсырма ресімделеді.
      67. Бақылау жүргізердің алдында бақылау объектісінің басшысына:
      1) Тапсырма;
      2) бақылауды жүзеге асыруға уәкілетті адамдардың қызметтік куәліктері;
      3) Қазақстан Республикасында құпиялылық режимін қамтамасыз ету жөніндегі заңнамада белгіленген жағдайда, құзыретті органның режимді объектіде болуға арналған рұқсаты көрсетіледі.
      68. Бақылауды Тапсырмада көрсетілген адамдар ғана жүзеге асырады.
      69. Бақылау жүргізудің басталуы (соның ішінде бақылау объектісінде алдын ала зерделеу) бақылау объектісінің лауазымды адамына (адамдарына) Тапсырманың көрсетілген күні болып табылады.
      70. Бақылау объектісінің басшысына бақылау объектісі басшысының міндеттерін атқару жөніндегі талап (бұдан әрі – Талап) табыс етіледі.
      Талаптың бірінші данасы осы Қағидаға 13-қосымшаға сай нысан бойынша бақылау актісінің бланкісінде ресімделіп, бақылау объектісінің басшысына қолхатпен табыс етіледі. Оны қабылдамаған жағдайда, Талап бақылау объектісінің кеңсесі арқылы жіберіледі.
      Талаптың А4 форматының парағында жасалған, қабылданғаны туралы белгісі бар екінші данасы бақылаушыда қалады және бақылау актісіне қоса тіркеледі.
      71. Бақылау объектісінің лауазымды адамдары бақылау объектісіне кіргізуден бас тартқан жағдайда, бақылаушылар осы Қағидаға 14-қосымшаға сай нысан бойынша бақылау объектісіне кіргізуден бас тарту фактісі бойынша акт жасап, «Әкімшілік құқық бұзушылық туралы» Қазақстан Республикасының 2001 жылғы 30 қаңтардағы Кодексінің (бұдан әрі – ӘҚтК) 356-бабының негізінде ӘҚтК-де көзделген тәртіппен әкімшілік құқық бұзушылық туралы хаттама толтырады.
      Бақылау тобының жетекшісі Есеп комитетінің бақылауға жауапты мүшесіне аталған факті туралы телефон байланысы арқылы хабарлайды, ол аталған мәселені шешу жөнінде шаралар қабылдап, бақылау жүргізуге кедергі келтіретін себептер толық жойылғанға дейін бақылау іс-шарасын тоқтата тұру туралы Есеп комитетінің Төрағасына ұсынымхат дайындайды. Бақылау іс-шарасын тоқтата тұру туралы шешім бақылау объектісін бір мезгілде хабардар ете отырып, Есеп комитеті Төрағасының бұйрығын қабылдау түрінде шығарылады. Бақылау қайта басталған кезде жаңа тапсырма жазылып беріледі.
      72. Бақылау жүргізу бақылау объектісінің қызметіне кедергі келтірмеуі тиіс.
      73. Бақылау жүргізу бақылау объектісінің жұмыс режиміне және күн тәртібіне сәйкес жүзеге асырылады.
      74. Бақылаушылар бақылау объектісінің ақпараттық стендінде Есеп комитеті қызметкерлерінің объектіде бақылау жүргізіп жатқаны туралы ақпарат іледі.
      75. Егер бақылау объектісінде басқа мемлекеттік қаржылық бақылау органының мақсаты, мәні және бақылаумен қамтылатын кезеңі бойынша Есеп комитетінің бақылауымен сай келетін бақылау жүргізу фактісі анықталған болса, бақылаушылар бақылау тобының жетекшісіне және Есеп комитетінің бақылауға жауапты мүшесіне хабарлай отырып, мұндай бақылау актілерінің «Дәлелдер» және «Есептілік» стандарттарына сәйкестігіне бағалау жүргізеді.
      Басқа мемлекеттік қаржылық бақылау органының бақылау актісінің Стандарттарға сәйкестігін бағалаудың қорытындысы бойынша бақылаушылар негізінде бұзушылықтардың болуы не болмауы туралы бақылау нәтижелері қалыптастырылған деректердің объективсіздігі, жеткіліксіздігі, жиналған дәлелдердің бақылаудың мақсаттары мен міндеттеріне сәйкестігінің, анықталған бұзушылықтар мен кемшіліктерді сипаттаудың анық еместігінің, бақылау актісінде нормативтік құқықтық актілердің бұзылған нормаларына нормативтік құқықтық актінің күні, нөмірі, толық атауы көрсетілген сілтемелердің жоқтығының анықталған фактілерін баяндай отырып, басқа мемлекеттік қаржылық бақылау органының бақылау актісінің «Дәлелдер», «Есептілік» стандарттарына сәйкестігі/сәйкессіздігі жөнінде Есеп комитеті мүшесінің атына қызметтік жазба дайындайды.
      Есеп комитетінің бақылауға жауапты мүшесі баяндалған фактілердің негізінде бақылау нәтижелерін тану немесе танымау туралы шешім шешім қабылдайды. Басқа мемлекеттік қаржылық бақылау органының жүргізген бақылау нәтижелері танылмаған жағдайда, аталған объектілерде бақылаушылардың Бақылау бағдарламасына және Жұмыс жоспарларына сәйкес бақылау жүргізіледі, сәйкес болған жағдайда, басқа мемлекеттік қаржылық бақылау органының нәтижелері танылады және Есеп комитетінің жылдық (тоқсандық) жұмыс жоспарына, Бақылау жоспарына, Бақылау бағдарламасына, бақылаушылардың Жұмыс жоспарларына тиісті өзгерістер енгізіле отырып, бақылау жүргізілмейді.
      76. Бақылау барысында Бақылау бағдарламасымен қамтылмаған, бірақ бақылау мәнін толық зерделеуге қажетті мәселелер туындаған жағдайда, бақылаушы жазбаша түрде Есеп комитетінің бақылауға жауапты мүшесіне және бақылау тобының жетекшісіне хабарлайды. Бақылау бағдарламасында қамтылмаған мәселелер бойынша бақылау жүргізудің орындылығы танылған жағдайда, Есеп комитетінің бақылауға жауапты мүшесі бақылаушының Жұмыс жоспарына толықтырулар енгізе отырып, бақылаушыға тиісті тапсырма береді. Бақылау объектісі Бақылау бағдарламасында қамтылмаған мәселелер бойынша материалдарды бақылауды жүзеге асырып отырған бақылаушының сұрауы негізінде ұсынады.
      77. Бақылау іс-шарасын жүргізу барысында Бақылау жоспарына, Бақылау бағдарламасына, Жұмыс жоспарларына өзгерістер мен (немесе) толықтырулар енгізу:
      Бақылау жоспарына – Есеп комитеті Төрағасының атына Есеп комитетінің бақылауға жауапты мүшесінің өзгерістер мен (немесе) толықтырулар енгізудің нақты негіздемелерін көрсете отырып, бақылау жүргізуге және жоспарлауға жауапты құрылымдық бөлімшелердің басшылары бұрыштама қойған қызметтік жазбасының негізінде;
      Бақылау бағдарламасына – бақылау тобы жетекшісінің бақылау жүргізуге жауапты құрылымдық бөлімше басшысының келісімі бойынша өзгерістер мен (немесе) толықтырулар енгізудің нақты негіздемелерін көрсете отырып, Есеп комитетінің бақылауға жауапты мүшесінің атына қызметтік жазбасының негізінде;
      Жұмыс жоспарына – Есеп комитеті мүшесінің атына бақылаушының бақылау тобының жетекшісімен келісілген қызметтік жазбасының негізінде немесе Бақылау жоспары мен бағдарламасына өзгерістер мен (немесе) толықтырулар енгізілген жағдайда жүргізіледі.
      Бұл ретте Бақылау жоспарын – Есеп комитетінің жылдық (тоқсандық) жұмыс жоспарына (қажет болғанда) бір мезгілде өзгерістер мен (немесе) толықтырулар енгізе отырып Есеп комитетінің Төрағасы, Бақылау жоспарын, Бақылау бағдарламасын және Жұмыс жоспарын енгізілген өзгерістер мен (немесе) толықтыруларды ескере отырып, бақылау жүргізу мерзімін өзгертіп немесе сол күйінде қалдырып, келісу рәсімдерін сақтай отырып, Есеп комитетінің бақылауға жауапты мүшесі қайта бекітеді.
      78. Бақылау жүргізу кезінде бақылаудың қойылған мақсатына, мәніне және мәселелеріне сәйкес дәлелдер қалыптастыруға қажетті нақты деректерді жинау, талдау жүргізіледі.
      Нақты деректерді жинау мынадай тәсілдермен:
      1) бір мезгілде;
      2) үздіксіз процесс жолымен, белгілі бір уақыт аралығында;
      3) ол жүргізілетін бүкіл мерзімі ішінде жүзеге асырылады.
      79. Бақылау жүргізу барысында жиналған дәлелдер заңдар мен өзге де нормативтік құқықтық актілердің бақылау объектісінде анықталған бұзушылықтарын негіздеуі тиіс. Жиналған дәлелдердің негізінде бақылау іс-шарасының нәтижелері бойынша қорытындыда тұжырымдар мен ұсынымдар қалыптастырылады.
      80. Бақылау іс-шарасын жүргізу барысында Есеп комитетінің бақылауға жауапты мүшесінің қызметтік жазбасының негізінде Есеп комитетінің Төрағасы бақылау іс-шарасының мерзімін қосымша күнтізбелік отыз күнге дейін ұзартады.
      81. Бақылаушылар іс жүзінде тауарларды жеткізу, қызметтерді көрсету және белгілі бір жұмыс түрлерін (көлемін) орындау мәнінің анықтығын растау және (немесе) осыған байланысты дәлелдер жинау үшін бақылау объектісінің басшысы уәкілеттік берген адаммен бірге бақылау өлшемін, тексеріп қарауды (бұдан әрі – бақылау өлшемі (тексеріп қарау)) жүргізеді. Бақылау объектісінің басшылығы бақылау өлшемінің жүргізілетіні туралы жазбаша түрде хабардар етіледі және оған тапсырыс берушінің өкілдерінің, қажет болған жағдайда өнім берушінің (мердігердің) және басқа да қатысы бар адамдардың толыққанды бақылау өлшемін (тексеріп қарауды) жүргізуге қажетті бақылау-өлшеу аспаптарымен бірге қатысуын қамтамасыз ету жөнінде ұсыныс беріледі.
      82. Бақылау өлшемінің (тексеріп қараудың) қорытындысы бойынша жүргізілген күні, орны, мақсаты, нәтижелері және оны жүргізуге қатысып, аяқталған күні қол қойған адамдар көрсетіле отырып, осы Қағидаға 21-қосымшаға сай нысан бойынша бақылау өлшемі (тексеріп қарау) актісі екі данада ресімделеді. Қол қойылған актінің бір данасы бақылаушыда қалдырылады, ал екінші данасы бақылау объектісіне табыс етіледі. Бақылау өлшемінің (тексеріп қараудың) нәтижелерін бақылаушы негізгі бақылау объектісінде жасалатын бақылау актісінде міндетті түрде көрсетеді.
      83. Бақылау объектісінің (тапсырыс берушінің) өкілдері тарапынан актіге қол қоюдан бас тартылған жағдайда, қол қоюдан бас тартылғаны жөнінде белгі қойылады. Жүргізілген бақылау өлшемінің нәтижелерін растайтын тиісті негіздер (дәлелдер) болған жағдайда, бақылау объектісі (тапсырыс беруші) тарапынан актіге қол қоюдан бас тарту өлшем нәтижелерін бақылау актісіне енгізуден бас тартуға негіз бола алмайды.
      84. Бақылаушылар бақылау тобының жетекшісіне осы Қағидаға 15-қосымшаға сай нысан бойынша күн сайын жұмыс жоспарларының орындалуы туралы есеп ұсынып отырады.
      85. Бақылау тобының жетекшісі бақылаушылардың жұмысын үйлестіреді, бақылау мәселелерінің толық қамтылуына мониторинг жүргізеді, бақылаудың жекелеген бағыттарын түзетеді, бақылаушылар арасында туындайтын проблемалық мәселелерді шешеді, бақылау жүргізуге жауапты бөлімшенің басшысына және Есеп комитетінің бақылауға жауапты мүшесіне осы Қағидаға 16-қосымшаға сай нысан бойынша апта сайын Бақылаудың жоспары мен бағдарламасының орындалу барысы туралы есеп ұсынып отырады.
      86. Бақылау тобының жетекшісі бақылау жүргізуге жауапты бөлімшенің басшысын және Есеп комитетінің бақылауға жауапты мүшесін бақылаушылардың, бақылауға қатысқан мемлекеттік органдардың, аудиторлық ұйымдардың мамандарының және сарапшылардың қызметтік міндеттерін орындамау оқиғалары және бақылау жүргізу барысында еңбек тәртібін бұзу фактілері туралы жазбаша түрде хабардар етеді. Өз кезегінде, бақылау жүргізуге жауапты бөлімшенің басшысы Есеп комитетінің бақылауға жауапты мүшесімен бірлесіп, Есеп комитетінің аппарат басшысы арқылы Есеп комитетінің Төрағасына тәртіптік сипатта шаралар қабылдау үшін көрсетілген фактілер туралы жазбаша түрде хабарлайды.
      87. Режимдік мекемелерде бақылау жүргізуге байланысты құпия материалдарды зерделеу және талдау Қазақстан Республикасында құпиялылық режимін қамтамасыз ету жөніндегі қолданыстағы заңнамаға сәйкес жүзеге асырылады.

2-параграф. Мемлекеттік органдардың, аудиторлық ұйымдардың
мамандарын және сарапшыларды бақылау жүргізуге тарту

      88. Есеп комитеті өз өкілеттігі шегінде өзіне жүктелген міндеттерді орындау мақсатында:
      1) бақылау тобының құрамына жекелеген мамандарды, сарапшыларды енгізу;
      2) аудиторлық ұйымдарға, сарапшыларға Бақылау бағдарламасына сәйкес қызметтер көрсетуге жеке тапсырма беру жолымен мемлекеттік органдардың, аудиторлық ұйымдардың мамандарын және сарапшыларды тартады.
      89. Мемлекеттік органдардың, аудиторлық ұйымдардың мамандарын және сарапшыларды тартудың мақсаты бақылаудың арнайы білімдерді талап ететін мәселелері бойынша сапалы бақылауды қамтамасыз ету және бақылаудың нәтижелерін тәуелсіз сараптаманың қорытындыларымен растау болып табылады.
      90. Мемлекеттік органдардың, аудиторлық ұйымдардың мамандарын және сарапшыларды тартудың қажеттілігі Есеп комитетінің жылдық жоспарын жасау кезінде айқындалады.
      91. Мемлекеттік органдардың мамандары Есеп комитетінің жоспарланған бақылаудың мәнін, мамандардың саны мен біліктілігін, бақылаудың немесе сараптаманың жүргізілу мерзімі мен кезеңін көрсете отырып, мемлекеттік орган мен мекеменің басшысының атына хатының негізінде бақылауға тартылады.
      92. Аудиторлық ұйымдардың және сарапшылардың көрсететін қызметтерін тиісті шарттар жасай отырып сатып алу Қазақстан Республикасының азаматтық заңнамасы мен мемлекеттік сатып алу туралы заңнамасының талаптарына сәйкес жүргізеді.

3-параграф. Әкімшілік құқық бұзушылық туралы хаттаманы толтыру
және қылмыс белгілерін қамтитын анықталып отырған фактілер бойынша дәлелдер жинау

      93. Егер бақылау объектісінің басшысы Бақылау объектісі басшысының міндеттерін атқару жөніндегі талапта көрсетілген мерзім аяқталған соң да Бюджет кодексінің 146-бабында көзделген міндеттерін орындамаса, бақылаушы – анықталған күні, ал әкімшілік құқық бұзушылықтың жағдаяттарын және жеке тұлғаның жеке басын қосымша анықтау қажет болған жағдайда, ӘҚтК-нің 356-бабы негізінде әкімшілік құқық бұзушылық туралы хаттаманы ӘҚтК-нің 635-бабына сәйкес үш тәулік ішінде толтырады.
      94. Бақылау жүргізу барысында бюджет қаражатын пайдалану саласында анықталған құқық бұзушылықтар бойынша әкімшілік құқық бұзушылық туралы хаттама бақылау актісіне бақылау объектісі қол қойғаннан кейін немесе қол қоюдан бас тартқаннан кейін үш тәулік ішінде толтырылады. Сараптама жүргізу қажет болған жағдайда, әкімшілік құқық бұзушылық туралы хаттама сараптаманың қорытындысы алынған күннен бастап бір тәулік ішінде толтырылады.
      95. Әкімшілік құқық бұзушылық туралы хаттаманы толтырған кезде өзіне қатысты іс қозғалған лауазымды адамға, сондай-ақ іс бойынша іс жүргізудің басқа да қатысушыларына ӘҚтК-нің 34-тарауында көзделген олардың құқықтары мен міндеттері түсіндіріледі, бұл туралы хаттамаға белгі қойылады (хаттамада ӘҚтК-нің 635-бабының екінші бөлігінде көрсетілген деректер мен мәліметтер көрсетіледі).
      Әкімшілік құқық бұзушылық туралы хаттамаға оны толтырған адам және әкімшілік құқық бұзушылықты жасаған адам қол қояды. Куәлар болған кезде, сондай-ақ куәгерлер қатысқан жағдайда, хаттамаға осы адамдар да қол қояды.
      Өзіне қатысты іс қозғалған лауазымды адамға әкімшілік құқық бұзушылық туралы хаттамамен танысуға мүмкіндік беріледі. Көрсетілген адам хаттаманың мазмұны бойынша түсініктемелер мен ескертулер береді, сондай-ақ оған қол қоюдан бас тартуының себептерін баяндайды, олар осы хаттамаға қоса тіркеледі. Аталған адамдар әкімшілік құқық бұзушылық туралы хаттамаға қол қоюдан бас тартқан жағдайда, онда тиісті жазба жасалады.
      Әкімшілік құқық бұзушылық туралы хаттаманың көшірмесі өзіне қатысты әкімшілік құқық бұзушылық туралы іс қозғалған адамға қолхатпен табыс етіледі.
      Тиісінше хабардар етілген әкімшілік құқық бұзушылық жасаған адам болмаған немесе келмеген жағдайда, әкімшілік құқық бұзушылық туралы хаттамаға оны толтырған адам қол қойып, оған әкімшілік құқық бұзушылық жасаған адамның болмағаны немесе келмегені жөнінде белгі қояды.
      Тиісінше хабардар етілген әкімшілік құқық бұзушылық жасаған адам болмаған немесе келмеген жағдайда, әкімшілік құқық бұзушылық туралы хаттама өзіне қатысты іс қозғалған адамды хабардар ете отырып, тапсырысты хатпен почта арқылы жолданады.
      96. Әкімшілік құқық бұзушылық туралы хаттаманың көшірмесін қолхатпен алудан бас тартылған жағдайда, оны толтырған адам хаттамада тиісті жазба жасайды және әкімшілік құқық бұзушылық туралы хаттаманың көшірмесін өзіне қатысты әкімшілік құқық бұзушылық туралы іс қозғалған адамды хабардар ете отырып, тапсырысты хатпен почта арқылы тұратын мекенжайына немесе жұмыс орнына жолдайды.
      97. Хаттамаға мынадай құжаттар қоса беріледі:
      1) құқық бұзушының жеке басын куәландыратын құжат (көшірмесі);
      2) функционалдық және лаузымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акт);
      3) анықталған құқық бұзушылықтың белгілерін растайтын, лауазымды адамдардың қолымен немесе ұйымның мөрімен расталған құжаттардың түпнұсқалары немесе көшірмелері:
      соның ішінде, әкімшілік құқық бұзушылықтың түріне қарай:
      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;
      сараптаманың және аудиторлық ұйымдардың қорытындылары (жүргізілген жағдайда);
      операция немесе әрекет фактісін қамтитын құжаттар немесе олардың көшірмелері, оның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      ақы төлеу фактісін растайтын құжаттар:
      төлем тапсырмалары (шот фактуралар, чектер);
      ведомостар, ордерлер, нарядтар;
      4) лауазымды адамдардың өкілеттіктерін растайтын құжаттардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар немесе олардың көшірмелері:
      анықтамалар, кестелер, диаграммалар;
      есеп-қисаптар;
      бұзушылық фактілерін көрсететін және бақылау актісінің ажырамас бөлігі болып табылатын фотоматериалдар.
      Заң сараптамасын жүргізу кезінде орны толмайтын ұсынылған құжаттардың толық болмауы хаттаманы жасаушының кемшіліктерді жою үшін материалдарды қайтаруына әкеп соқтырады.
      Лауазымды адам хаттаманың және басқа да материалдардың кемшіліктерін оларды алған кезден бастап екі тәулік ішінде жояды.
      Әкімшілік құқық бұзушылық туралы хаттама мен әкімшілік құқық бұзушылық туралы істің басқа да материалдары толтырылған кезінен бастап үш тәуліктің ішінде тиісті әкімшілік-аумақтық бөліністің аумағында орналасқан сотқа жолданады.
      98. Әкімшілік құқық бұзушылық туралы хаттама және істің басқа да материалдары қайтарылған жағдайда, әкімшілік құқық бұзушылық туралы хаттама мен басқа да материалдардың кемшіліктері оларды әкімшілік құқық бұзушылық туралы істі қараушы судьядан алған күннен бастап үш тәуліктен аспайтын мерзімде түзетіледі. Хаттаманы және істің басқа да материалдарын жойылған кемшіліктерімен бірге әкімшілік құқық бұзушылық туралы істі қараушы судьяға қайтадан жолдау бір тәуліктің ішінде жүзеге асырылады.
      99. Бақылау объектісінің лауазымды адамдарының іс-әрекетінде Қазақстан Республикасының 1997 жылғы 16 шілдедегі Қылмыстық кодексінің баптарымен көзделген қылмыс белгілері және олар бойынша қарау мен іс жүргізу шешімін қабылдау әкімшілік құқық бұзушылықтар туралы істерді қарауға уәкілетті органдардың құзыретіне жататын әкімшілік құқық бұзушылықтың құрамындағы белгілер анықталған жағдайда, бақылаушылар кейіннен құқық қорғау органдарына және әкімшілік құқық бұзушылықтар туралы істерді қарайтын уәкілетті органдарға беру үшін құқық бұзушылыққа жол берген адамдардан жазбаша түсініктемені және анықталған құқық бұзушылықтың белгілерін растайтын, лауазымды адамдардың қолымен немесе ұйымның мөрімен расталған құжаттардың түпнұсқаларының көшірмелерін (бұдан әрі – құжаттар тізбесі) жасауды талап етеді:
      1) бұзушылық фактісін тікелей растайтын құжаттар:
      бұзушылық фактілерін көрсететін және бақылау актісінің ажырамас бөлігі болып табылатын фотоматериалдар;
      жүргізілген зерттеулердің (сынақтардың, бақылау өлшемдерінің (тексеріп қараулардың және тағы басқаларының) актілері);
      сараптаманың және аудиторлық ұйымдардың қорытындылары (жүргізілген жағдайда);
      функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акт);
      2) операция немесе әрекет фактісін қамтитын құжаттар немесе олардың көшірмелері, оның ішінде шешімдер:
      орындалған жұмыс актілері (тауарларды қабылдау-өткізу, қызметтерді көрсету, есептен шығару, жою актілері);
      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың басқа да шешімдері;
      шарттар;
      3) ақы төлеу фактісін растайтын құжаттар немесе олардың көшірмелері:
      төлем тапсырмалары (шот фактуралар, чектер);
      ведомостар, ордерлер, нарядтар;
      4) лауазымды адамдардың өкілеттіктерін растайтын құжаттар немесе олардың көшірмелері:
      жарғылар, ережелер, лауазымдық нұсқаулықтар;
      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;
      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар:
      анықтамалар, кестелер, диаграммалар;
      есеп-қисаптар.

4-параграф. Тақырыптық бақылауды жүзеге асыру

      100. Тақырыптық бақылау түрі бойынша жүргізілетін бақылау іс-шаралары осы Қағиданың 2-тарауында белгіленген тәртіпке сәйкес Есеп комитетінің кезекті жылға арналған бақылау жұмысы жоспарының жобасын қалыптастыру кезеңінде көзделеді.
      101. Бақылаудың тақырыптық түрі жеке, сондай-ақ кешенді, қосарлас, бірлескен бақылау іс-шараларын жүргізу шеңберінде жүзеге асырылады.

5-параграф. Үстеме бақылауды жүзеге асыру

      102. Бақылаудың негізгі объектілерінің қызметін алдын ала зерделеу барысында үстеме бақылаудың ықтималды объектілері айқындалып, олар Бақылау жоспары мен бағдарламасына енгізіледі. Егер бақылау іс-шараларын жүргізу барысында үстеме бақылау жүргізуге негіз туындаса, онда Бақылау жоспары мен бағдарламасына өзгерістер енгізілместен, Жұмыс жоспарларына тиісті толықтырулар енгізіледі.
      103. Үстеме бақылау жүргізу үшін әрбір бақылау объектісіне жеке Тапсырма ресімделеді. Үстеме бақылау жүргізу үшін берілген Тапсырмаға негізгі бақылау объектісінде бақылау жүргізуге арналған Тапсырма нөмірі және бөлшек арқылы оның реттік нөмірі беріледі.
      104. Егер бақылау іс-шарасы барысында бақылау объектісінің үшінші тұлғалармен жасасқан азаматтық-құқықтық мәмілелерінің, есеп айырысулары мен қаржы операцияларының анықтығын, іс жүзінде тауарлардың жеткізілгенін, жұмыстардың орындалғанын және қызметтердің көрсетілгенін, сондай-ақ Қазақстан Республикасының, оның ішінде мемлекеттік сатып алу туралы заңнама талаптарының сақталуын бақылау мүмкін болмағанда, үстеме бақылау жүргізіледі.
      105. Үстеме бақылау нәтижелерін ресімдеу кезінде осы Қағиданың 18-қосымшасында келтірілген бақылау актісінің нысанынан мынадай бөлімдер: бақылау үлгісі, бұрынғы бақылау нәтижелері туралы мәліметтер алынып тасталады.
      106. Үстеме бақылауды жүргізген бақылаушы үстеме бақылау аяқталған күні танысып, қол қоюы үшін бақылау объектісінің басшысына (лауазымды адамына) бақылау актісін екі данада табыс етеді. Бақылау объектісінің басшылығы бақылау аяқталған күні бақылау актісімен танысып, оған қол қояды. Бақылаушы және бақылау объектісінің лауазымды адамы бақылау актісінің екінші парағынан бастап барлық беттеріне қол қояды.
      107. Үстеме бақылау жүргізілген жағдайда, бақылаушы оның нәтижелерін негізгі бақылау объектісінде жасалатын бақылау актісінде міндетті түрде көрсетеді.

6-параграф. Кешенді бақылауды жүзеге асыру

      108. Кешенді бақылау іс-шаралары осы Қағиданың 2-тарауында белгіленген тәртіпке сәйкес кезекті жылға арналған бақылау жұмысы жоспарының жобасын қалыптастыру кезеңінде көзделеді.
      109. Кешенді бақылауды жүргізуді Есеп комитеті жеке немесе басқа мемлекеттік органдардың қатысуымен бір мезгілде келісілген мерзімде жүзеге асырады. Кешенді бақылау жалпы алғанда тиімділікті бақылау үлгісі бойынша жүргізіледі. Кешенді бақылау шеңберінде бақылаудың нақты объектілері бойынша бақылаудың басқа да үлгілері қолданылуы мүмкін.
      110. Кешенді бақылауды жүргізуге дайындалу Есеп комитетінің жылдық (тоқсандық) бақылау жұмысы жоспарында көзделген мерзімге сәйкес жүргізіледі.
      111. Кешенді бақылауға қойылған міндеттерді іске асыруға тартылған басқа да бақылау объектілерін қамти отырып, бақылау объектілерінің нақты кезеңдегі барлық мәселелер бойынша қызметі жатады, оның нәтижелері бойынша мемлекеттің барлық ресурстарының, қаржы және өзге активтерінің пайдаланылуына, олардың стратегиялық жоспарларында көзделген тікелей және түпкі нәтижелерге қол жеткізуіне, мемлекеттік, салалық және бюджеттік бағдарламаларды, қойылған әлеуметтік-экономикалық мақсаттар мен міндеттерді іске асыру бойынша басқа мемлекеттік органдар – бірлесіп орындаушылармен үйлестіруге және өзара іс-қимылдарына, мемлекеттік функциялардың орындалуына және мемлекеттік қызметтердің көрсетілуіне, республикалық бюджетке түсетін түсімдердің толықтығы мен уақтылылығына, республикалық бюджеттен түсімдер сомаларының қайтарылуына, салықтық және кедендік әкімшілік етудің тиімділігіне баға беріледі.
      112. Есеп комитеті жеке жүргізетін кешенді бақылаудың Жоспары, Бағдарламасы және Жұмыс жоспарлары осы Қағиданың 3-тарауында белгіленген тәртіппен жасалып бекітіледі.
      113. Есеп комитеті басқа мемлекеттік органдармен немесе мемлекеттік қаржылық бақылау органдарымен бірге жүргізетін кешенді бақылау бірлескен және (немесе) қосарлас бақылау арқылы жүзеге асырылады.

7-параграф. Қосарлас бақылауды жүзеге асыру

      114. Қосарлас бақылаудың іс-шаралары осы Қағиданың 2-тарауында белгіленген тәртіпке сәйкес Есеп комитетінің кезекті жылға арналған бақылау жұмысы жоспарының жобасын қалыптастыру кезеңінде көзделеді.
      115. Қосарлас бақылауды жүргізуді Есеп комитеті кезекті жылға (тоқсанға) арналған тиісті бекітілген бақылау жұмысы жоспарларының негізінде бақылаудың жеке түрі ретінде не жүргізіліп отырған кешенді бақылау шеңберінде бір мезгілде не келісілген мерзімде жүзеге асырады.
      116. Қосарлас бақылауды жүргізуге дайындалу Есеп комитетінің жылдық (тоқсандық) бақылау жұмысы жоспарында көзделген мерзімге сәйкес жүргізіледі.
      117. Бақылау тобының жетекшісі және бақылау тобының қатысушылары Есеп комитетінің қосарлас бақылауға жауапты мүшесімен бірлесіп ақпарат жинауды жүргізеді және алдын ала зерделеудің мерзімі басталғаннан бастап екі жұмыс күні ішінде жетіспейтін ақпаратты ұсыну жөнінде бақылау объектілеріне сұрау жолдайды.
      118. Алдын ала зерделеудің қорытындысы бойынша Есеп комитетінің мүшесі бақылау тобының жетекшісімен және қатысушыларымен бірлесіп, Жоспардың, Бағдарламаның және Жұмыс жоспарларының жобаларын жасап, бақылау басталғанға дейін кемінде жеті жұмыс күні бұрын қосарлас бақылауды жүргізуге қатысатын мемлекеттік қаржылық бақылау органдарына тексерілетін мәселелер мен бақылау объектілерінің тізбесін және олардың мемлекеттік қаржылық бақылау органдары бойынша бөлінісін жолдайды.
      119. Қосарлас бақылауды жүргізуге қатысатын мемлекеттік қаржылық бақылау органдары мәселелердің, бақылау объектілерінің тізбесі туралы Есеп комитетінен алған ақпараттың негізінде қосарлас бақылау жүргізудің Жоспары мен Бағдарламасының жобаларын әзірлейді, бұл ретте бақылауға қатысты өздерінің қосымша мәселелерін енгізе отырып, негізгі тексерілетін мәселелер тізбесін кеңейтуге жол беріледі. Бақылау жоспары мен бағдарламасының жобалары бақылау іс-шаралары басталғанға дейін кемінде бес жұмыс күні бұрын келісу үшін электрондық почта арқылы Есеп комитетіне жолданады.
      120. Есеп комитеті мемлекеттік қаржылық бақылау органдарының Бақылау жоспары мен бағдарламасының жобаларын Есеп комитетіне жолданған күнінен бастап үш жұмыс күні ішінде келіседі, қажет болған жағдайда, өзінің Бақылау жоспарына, бағдарламасына және Жұмыс жоспарларына түзетулер енгізіп, оларды сапаны бақылауға жауапты құрылымдық бөлімшеге табыс етеді.
      121. Қосарлас бақылаудың жоспарын, бағдарламасын және Жұмыс жоспарларын әрбір тарап қосарлас бақылау іс-шарасы басталғанға дейін екі жұмыс күні бұрын (бақылау объектілерінің атауын, бюджеттік бағдарламаларды, бақылау мәселелерін көрсете отырып) жеке бекітеді.
      122. Бақылауды жүргізуге негіз болып табылатын құжаттарды (Бақылау жүргізуге тапсырманы, Бақылауды тағайындау туралы бұйрықтарды) әрбір мемлекеттік қаржылық бақылау органы жеке ресімдейді.
      123. Қосарлас бақылауды әрбір тарап оны жүргізудің мерзімін келісе отырып, жеке бақылау тобын құру арқылы жүргізеді.
      124. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік қаржылық бақылау органы жеке жүргізеді.
      125. Бақылауға жауапты лауазымды адамдар, қосарлас бақылау топтарының қатысушылары:
      1) қосарлас бақылауды жүргізу барысында туындайтын мәселелерді талқылай отырып жұмыс кеңестерін;
      2) консультацияларды;
      3) әдістемелік және талдамалық құжаттармен алмасуды жүргізеді.
      126. Бақылау топтарының жетекшілері бақылауды жүргізудің барысы (бақылау мәселелерін қамтудың толықтығы, туындаған мәселелер және басқалар) және бақылаудың алдын ала нәтижелері туралы ақпарат алмасады.
      127. Қосарлас бақылауды жүргізу кезінде әрбір тарап бақылау актілерін олардың нысаны мен мазмұнына қойылатын мемлекеттік қаржылық бақылау органдарының бекітілген талаптарына сәйкес жеке ресімдейді.
      128. Есеп комитеті қосарлас бақылаудың нәтижелері бойынша қорытындыны дайындауды бақылау актілерінің сапасын бақылаудың сараптамалық қорытындысын алғаннан кейін және қарсылықтың (егер болса) әрбір тармағы бойынша қабылданған және қабылданбаған дәлелдер көрсетілген, бақылау объектісіне дәлелді жауапты ескере отырып он жұмыс күні ішінде жүзеге асырады. Қорытындыға ҚБК, тексеру комиссиясы жүргізген қосарлас бақылаудың нәтижелері талдау үшін енгізіледі. Қорытынды және Жиынтық тізілім сапаны бақылаудан өткеннен кейін осы Қағиданың 200-тармағында көрсетілген тәртіпке сәйкес бақылау объектісіне жолданады.
      129. ҚБК бұзушылықтардың анықталған жалпы сомасын және бақылау объектілері бөлінісіндегілерін көрсете отырып, жүргізілген қосарлас бақылаудың нәтижелері мен бақылау жүргізу барысында бақылау объектілерінің қабылдаған шаралары туралы жинақталған ақпаратты, сондай-ақ Ұсынымдардың бірер көшірмесін оларға қол қойылған күннен бастап екі жұмыс күні ішінде Есеп комитетіне ұсынады.
      130. Есеп комитетінің отырысында жүргізілген қосарлас бақылаудың материалдары талқыланып, жүргізілген қосарлас бақылаудың қорытындылары туралы Қаулы қаралып қабылданады.
      131. Есеп комитетінің қосарлас бақылаудың қорытындыларын қарау жөніндегі отырысына ҚБК-нің басшылығы, бақылауға жауапты адамдар, сондай-ақ бақылау объектілерінің лауазымды адамдары шақырылады.
      132. Есеп комитеті қосарлас бақылаудың қорытындылары туралы қабылданған Қаулыға қол қойылғаннан кейін оның көшірмесін екі жұмыс күні ішінде ҚБК-ға жолдайды.
      133. Есеп комитетінің және тексеру комиссияларының қосарлас бақылауды жүргізуге жауапты мүшелері жүргізілген қосарлас бақылаудың нәтижелері бойынша жеке Қорытынды жасайды.
      134. Тексеру комиссиялары жүргізілген қосарлас бақылаудың нәтижелері туралы талдамалық ақпаратты ол аяқталған күннен бастап он жұмыс күні ішінде Есеп комитетіне ұсынады.
      135. Есеп комитетінің және тексеру комиссияларының отырыстарында жүргізілген қосарлас бақылаудың нәтижелері туралы Қаулылар жеке қаралып қабылданады.
      136. Есеп комитеті және тексеру комиссиялары қосарлас бақылаудың нәтижелері туралы қабылдаған Қаулыларына қол қойылған күннен бастап екі жұмыс күні ішінде олардың көшірмелерімен алмасады.
      137. Есеп комитеті қосарлас бақылаудың нәтижелері бойынша Қаулының орындалуын бақылауды осы Қағиданың 6-тарауында белгіленген тәртіпке сәйкес жүзеге асырады.
      138. Мемлекеттік қаржылық бақылау органдары қосарлас бақылаудың нәтижелері бойынша Қаулылар (Ұсынымдар) тармақтарының іске асырылу барысы жөнінде тиісті ақпаратты ЭҚАБЖ және почтамен қағаз түрінде жолдау арқылы бір-біріне хабарлап отырады.
      139. Есеп комитеті ҚБК-мен, тексеру комиссияларымен бірге жүргізген қосарлас бақылаудың нәтижелері бойынша Қазақстан Республикасының Президентіне ұсынылатын тоқсандық ақпаратқа және Қазақстан Республикасының Парламентіне ұсынылатын жылдық есепке енгізу үшін талдамалық ақпарат дайындайды.

8-параграф. Бірлескен бақылауды жүзеге асыру

      140. Бірлескен бақылаудың іс-шаралары осы Қағиданың 2-тарауында белгіленген тәртіпке сәйкес Есеп комитетінің кезекті жылға арналған бақылау жұмысы жоспарының жобасын қалыптастыру кезеңінде көзделеді.
      141. Бiрлескен бақылауды жүргізуді Есеп комитеті кезекті жылға (тоқсанға) арналған бекітілген бақылау жұмысы жоспарлары негізінде бақылаудың жеке түрі ретінде не жүргізіліп отырған кешенді бақылау шеңберінде келісілген мерзімде басқа мемлекеттік қаржылық бақылау органдарымен бір мезгілде жүзеге асырады.
      142. Бiрлескен бақылауды жүргізуге дайындалу Есеп комитетінің жылдық (тоқсандық) бақылау жоспарында көзделген мерзімге сәйкес жүргізіледі.
      143. Бақылау тобының жетекшісі және бақылау тобының қатысушылары Есеп комитетінің бiрлескен бақылауды жүргізуге жауапты мүшесімен бірлесіп, ақпарат жинауды жүргізеді және алдын ала зерделеудің мерзімі басталғаннан бастап екі жұмыс күні ішінде жетіспейтін ақпаратты ұсыну жөнінде бақылау объектілеріне сұрау жолдайды.
      144. Алдын ала зерделеудің қорытындысы бойынша Есеп комитетінің мүшесі бақылау тобының жетекшісімен бірге бірлескен бақылаудың Жоспарының, Бағдарламасының және Жұмыс жоспарларының жобаларын жасап, бірлескен бақылау Бағдарламасының әзірленген жобасын бірлескен бақылауды жүргізуге қатысатын мемлекеттік органдарға жолдайды. Бірлескен бақылауды жүргізуге қатысатын мемлекеттік орган бақылау іс-шарасы басталғанға дейін кемінде бес жұмыс күні бұрын бірлескен бақылаудың Бағдарламасын келіседі.
      145. Есеп комитетінің мүшесі бақылау тобының жетекшісімен бірге үш жұмыс күні ішінде мемлекеттік органның ұсыныстарын пысықтайды, және қажет болған жағдайда, Бақылау жоспарына, бірлескен Бақылау бағдарламасына, Жұмыс жоспарларына түзетулер енгізіп, оларды сапаны бақылауға жауапты құрылымдық бөлімшеге ұсынады.
      146. Бірлескен бақылау бағдарламасында бақылау объектілері бойынша: бақылау объектісінің атауы, бақылаудың мәні, бақылаудың үлгісі мен түрі, бақылаумен қамтылатын кезең, бақылау жүргізудің мерзімі, бірлескен бақылау тобының құрамы, бақылаумен қамтылатын қаражат көлемі, бақылау мәселелері және оларды қараудың дәйектілігі көрсетіледі.
      Бірлескен бақылау бағдарламасы бірлескен бақылауға қатысушы мемлекеттік органның жауапты лауазымды адамымен келісіледі (электрондық немесе жазбаша хат алмасу жолымен) және Есеп комитетінің мүшесі бірлескен бақылау басталғанға дейін кемінде екі жұмыс күні бұрын Бақылау бағдарламасының үлгі нысанына сәйкес оны бекітеді.
      147. Бірлескен бақылауды жүргізу үшін Есеп комитетінің және басқа да мемлекеттік органдардың өкілдерінен ортақ бірлескен немесе тараптардың әрқайсысының жеке бақылау тобы құрылады, тараптардың келісімімен олардың қатысушыларын бақылау объектілері және бюджет деңгейлері бойынша бөлу Есеп комитеті мүшесінің басшылығымен жүзеге асырылады.
      148. Бақылауды жүргізуге негіз болып табылатын құжаттарды әрбір мемлекеттік орган жеке ресімдейді.
      149. Қызметкерлерді іссапарға жіберуді, сондай-ақ іссапар шығыстарын төлеуді әрбір мемлекеттік орган жеке жүргізеді.
      150. Бірлескен бақылауды сапалы жүргізу мақсатында мемлекеттік органдардың бақылауға жауапты лауазымды адамдары, бірлескен бақылау тобының қатысушылары бір-бірімен:
      1) бірлескен бақылауды жүзеге асыру барысында туындайтын мәселелерді талқылай отырып жұмыс кеңестері;
      2) консультациялар;
      3) әдістемелік және талдамалық құжаттармен, ақпаратпен алмасу түріндегі өзара іс-қимылды жүзеге асырады.
      151. Бірлескен бақылауды жүзеге асыратын Есеп комитетінің бақылаушылары мен мемлекеттік органның қызметкерлері бақылау объектілерінде бірлескен бақылауды жүргізудің қорытындылары бойынша бақылау актісін жасап, оған қол қояды.
      152. Бақылау объектісінде бірлескен бақылауды ортақ бақылау тобы жүргізген кезде бақылау актісі Есеп комитетінің бланкісінде үш данада ресімделіп, бірінші данасы – Есеп комитетіне, екінші данасы – бірлескен бақылауға қатысушы мемлекеттік органға, үшінші данасы бақылау объектісіне беріледі. Бірлескен бақылауды жеке топ жүргізген кезде бақылау актісін тараптардың әрқайсысы жеке ресімдеп, кейіннен нәтижелерімен алмасады. Бақылау актісіне бақылауды жүргізген қызметкерлер қол қойған Тізілім қоса беріледі (Бақылау актісіне бақылаудың нәтижелері бойынша анықталған бұзушылықтар мен кемшіліктер тізілімінің нысаны бойынша ресімделеді).
      153. Бақылау актісіне жазбаша қарсылықтарды бірлескен бақылауды жүргізуге жауапты Есеп комитетінің мүшесі мен мемлекеттік органның лауазымды адамы бақылауды жүзеге асырған қызметкерлермен бірлесіп қарайды. Бақылау объектісіне жауапты өзінің атына жазбаша қарсылықтар келіп түскен мемлекеттік орган бес жұмыс күні ішінде жолдайды.
      154. Есеп комитеті бірлескен бақылау барысында жасалған актілер негізінде бірлескен бақылаудың нәтижелері бойынша Қорытынды жасайды. Қорытындының жобасы Есеп комитеті мүшесінің басшылығымен жасалып, бірлескен бақылауға жауапты мемлекеттік органның лауазымды адамымен келісіледі.
      155. Есеп комитеті бірлескен бақылаудың нәтижелері бойынша қорытындыны дайындауды бақылау актілерінің сапасын бақылаудың сараптамалық қорытындысын алғаннан кейін және қарсылықтың (егер болса) әрбір тармағы бойынша қабылданған және қабылданбаған дәлелдер көрсетілген, бақылау объектісіне дәлелді жауапты ескере отырып, он жұмыс күні ішінде жүзеге асырады. Қорытынды және Жиынтық тізілім сапаны бақылаудан өткеннен кейін осы Қағиданың 200-тармағында көрсетілген тәртіпке сәйкес бақылау объектісіне жолданады.
      156. Қорытындыға Есеп комитетінің мүшесі қол қояды және бірлескен бақылауды жүргізуге жауапты мемлекеттік органның лауазымды адамымен келісіп, қаулының жобасымен бірге Есеп комитетінің отырысына қарауға шығарады.
      157. Бірлескен бақылаудың қатысушысы – мемлекеттік органның басшылығының қатысуымен өтетін Есеп комитетінің отырысында жүргізілген бірлескен бақылаудың материалдары талқыланып, бірлескен бақылаудың нәтижелері бойынша Қаулы қаралып қабылданады.
      158. Бірлескен отырысқа бақылау объектісінің лауазымды адамдары шақырылады.
      159. Бірлескен бақылаудың нәтижелері бойынша Қаулының орындалуын бақылауды Есеп комитетінің бірлескен бақылауды жүргізуге жауапты мүшесі осы Қағиданың 6-тарауында белгіленген тәртіпке сәйкес жүзеге асырады.
      160. Есеп комитеті жүргізілген бірлескен бақылаудың нәтижелері бойынша Қазақстан Республикасының Президентіне ұсынылатын тоқсандық ақпаратқа және Қазақстан Республикасының Парламентіне ұсынылатын жылдық есепке енгізу үшін талдамалық ақпарат дайындайды.

9-параграф. Есеп комитеті шет елдердің мемлекеттік қаржылық
бақылау органдарымен жүргізетін бірлескен және қосарлас бақылауды жүзеге асыру

      161. Есеп комитетінің шет елдердің мемлекеттік қаржылық бақылау органдарымен бірлескен немесе қосарлас бақылау іс-шараларына қатысуының құқықтық негізі Бақылаудың басшы принциптерінің Лима декларациясы, Халықаралық жоғары қаржы бақылау органдары ұйымының (ИНТОСАИ), Еуропа жоғары қаржы бақылау органдары ұйымының (ЕВРОСАИ), Азия жоғары қаржы бақылау органдары ұйымының (АЗОСАИ), Экономикалық ынтымақтастық елдерінің жоғары қаржы бақылау органдары ұйымының (ЭКОСАИ), Тәуелсіз мемлекеттер достастығына қатысушы мемлекеттердің жоғары қаржы бақылау органдары басшылары кеңесінің шеңберінде қабылданған шешімдер, Есеп комитетінің шет елдердің мемлекеттік қаржылық бақылау органдарымен Ынтымақтастық туралы келісімдері, Бюджет кодексі және осы Қағида болып табылады.
      162. Шет елдердің мемлекеттік қаржылық бақылау органдарымен бірлескен және қосарлас бақылау іс-шаралары Есеп комитетінің кезекті жылға арналған жұмыс жоспарының жобасын қалыптастыру кезеңінде көзделеді.
      163. Есеп комитеті бірлескен бақылауды шет елдердің мемлекеттік қаржылық бақылау органдарымен бақылаудың ортақ тақырыбы мен бағдарламасы бойынша және келісілген мерзімде екіжақты немесе көпжақты негізде жүргізеді.
      164. Есеп комитеті қосарлас бақылауды шет елдердің мемлекеттік қаржылық бақылау органдарымен өзара келісім бойынша, кейіннен нәтижелерімен алмаса отырып, келісілген мәселелер мен жүргізу мерзімі бойынша жеке жүргізеді.
      165. Шет елдердің мемлекеттік қаржылық бақылау органдарымен бірлескен немесе қосарлас бақылау республикалық бюджет қаражатының, қатысушы мемлекеттердің аумағында орналасқан жекелеген объектілерді бірлескен үлестік қаржыландыруға бағытталатын бюджеттік инвестициялардың және бюджеттердің пайдаланылуын бақылау кезінде, және Қазақстан Республикасының мемлекетаралық шарттары мен келісімдерінде көзделген жағдайларда жүргізіледі.
      166. Бірлескен немесе қосарлас бақылауды жүргізу үшін Есеп комитетінің жауапты мүшесі сыртқы байланыстарды үйлестіруге жауапты құрылымдық бөлімшемен бірге бақылау жүргізу басталғанға дейін екі ай бұрын шет елдердің мемлекеттік қаржылық бақылауының бір немесе бірнеше органымен ақпарат алмасу жөнінде жұмыстар жүргізеді, онда:
      1) бақылаудың мақсаты, міндеттері мен мәселелері;
      2) бақылау объектілері;
      3) бақылау жүргізу мерзімі;
      4) бақылау жүргізуге жауапты адамдар;
      5) ұлттық заңнамада, ынтымақтастық туралы келісімдерде айқындалған функциялары мен бақылау өкілеттіктеріне қарай әрбір мемлекеттік қаржылық бақылау органының қатысу шарттары мен мәселелері;
      6) мемлекеттік қаржылық бақылау органдарының бақылау жүргізуге байланысты жұмыстарды қаржыландыру бөлігіндегі міндеттемелері;
      7) ақпарат алмасу және бақылау нәтижелерін ресімдеу тәртібі, соның ішінде қорытынды құжаттың нысаны;
      8) бақылау іс-шараларының нәтижелері бойынша шешімдерді дайындау мен қабылдаудың тәртібі;
      9) бақылау іс-шараларының нәтижелері бойынша қабылданған шешімдердің орындалуын бақылау тәртібі айқындалады.
      167. Есеп комитетінің мүшесі ынтымақтасып отырған елдің мемлекеттік қаржылық бақылау органымен ақпарат алмасқаннан кейін бақылау жүргізуге, сыртқы байланыстарды үйлестіруге жауапты құрылымдық бөлімшелермен бірлесіп, бірлескен (қосарлас) бақылауды жүргізу туралы келісімнің (бұдан әрі – Келісім) және Бақылау бағдарламасының жобаларын дайындау жөнінде жұмыстар жүргізеді. Қосарлас бақылауды жүргізу кезінде Есеп комитетінің жауапты мүшесі және бақылау тобының жетекшісі Келісімнің, Бақылау бағдарламасының жобаларын қоспағанда, осы Қағиданың 3-тарауында белгіленген тәртіпке сәйкес Бақылау жоспарының және Жұмыс жоспарларының жобаларын дайындайды.
      Келісімнің нысаны осы Қағидаға 17-қосымшада келтірілген.
      168. Бақылау бағдарламасының, Бақылау жоспарының және Жұмыс жоспарларының жобалары (қосарлас бақылауды жүргізу кезінде) сапаны бақылауды өткеннен кейін Есеп комитетінің жауапты мүшесі сыртқы байланыстарды үйлестіруге жауапты құрылымдық бөлімшемен бірлесіп, Келісімнің және Бақылау бағдарламасының жобаларын, бақылау жүргізу басталғанға дейін жиырма жұмыс күнінен кешіктірмей, ынтымақтасып отырған елдің мемлекеттік қаржылық бақылау органына келісуге жолдайды. Келісу барысында Келісімге және Бақылау бағдарламасына, қажет болған жағдайда, түзетулер енгізіледі.
      169. Ынтымақтасып отырған елдің мемлекеттік қаржылық бақылау органымен келісілген Келісім жобасына Есеп комитетінің жауапты мүшесі, бақылауды жүргізуге, құқықтық қамтамасыз етуге, сапаны бақылауға, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, оны Есеп комитетінің Төрағасына қол қоюға енгізеді.
      Бақылау бағдарламасының келісілген жобасына бақылауды жүргізуге, құқықтық қамтамасыз етуге, сапаны бақылауға, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, Есеп комитетінің жауапты мүшесі қол қояды.
      Келісім және бірлескен Бақылаудың бағдарламасы бақылау басталғанға дейін жеті жұмыс күнінен кешіктірілмей, ынтымақтасып отырған елдің мемлекеттік қаржылық бақылау органына бекіту үшін жолданады.
      170. Бірлескен бақылау тобының құрамына кіретін Есеп комитетінің қызметкерлері өздері болған елдің аумағында бақылау жүргізу кезінде, болған елінің заңнамасын, мемлекеттік бақылау жүргізу қағидасын, сондай-ақ бекітілген Келісімді және бірлескен Бақылау бағдарламасын басшылыққа алуға міндетті.
      171. Бірлескен (қосарлас) бақылауды сапалы жүргізу мақсатында Есеп комитетінің бақылауды жүргізуге жауапты мүшесі Есеп комитетінің ынтымақтасып отырған елдің мемлекеттік қаржылық бақылау органымен өзара іс-қимылын:
      1) бірлескен (қосарлас) бақылауды жүзеге асыру барысында туындайтын мәселелерді талқылай отырып кеңестер;
      2) консультациялар;
      3) әдістемелік және талдамалық құжаттармен, ақпаратпен алмасу түрінде ұйымдастырады.
      172. Бірлескен бақылау Қазақстан Республикасының аумағында жүргізілген кезде бақылау актісі Есеп комитетінің бланкісінде екі данада ресімделіп, бірінші данасы – Есеп комитетіне, бірінші данасының көшірмесі – шет елдің мемлекеттік қаржылық бақылау органына, екінші данасы бақылау объектісіне беріледі. Бақылау актісіне бақылауды жүргізген қызметкерлер қол қойған Тізілім қоса беріледі (Бақылау нәтижелері бойынша анықталған бұзушылықтар мен кемшіліктер тізілімінің үлгі нысаны бойынша ресімделеді).
      173. Қосарлас бақылауды жүргізу кезінде бақылау актілері қосарлас бақылауға қатысушы мемлекеттік қаржылық бақылау органдарының ұлттық заңнамасында белгіленген тәртіппен жасалады.
      174. Қосарлас немесе бірлескен бақылаудың нәтижелері бойынша Есеп комитетінің бақылауды жүргізуге жауапты мүшесі осы Қағидада белгіленген тәртіпке сәйкес қорытынды жасайды.
      175. Есеп комитетінің қосарлас немесе бірлескен бақылаудың нәтижелері туралы қаулысы, егер Келісімде өзгеше көзделмесе, осы Қағиданың 6-тарауында белгіленген тәртіпке сәйкес Есеп комитетінің отырысында қаралып қабылданады.
      176. Қосарлас бақылауға қатысушы мемлекеттік қаржылық бақылау органдары оның нәтижелері бойынша қабылданған, бекітілген есептердің көшірмелерімен алмасады.
      177. Бірлескен (қосарлас) бақылауды жүргізу туралы келісімде жүргізілген бірлескен (қосарлас) бақылаудың нәтижелері бойынша бірлескен қорытынды құжатты дайындау көзделуі мүмкін.
      Келісімді іске асыру үшін, қажет болған жағдайда, мемлекеттік қаржылық бақылау органдарының жүргізген бірлескен (қосарлас) бақылауының нәтижелері бойынша бірлескен отырыстар өткізу, бірлескен шешімдер қабылдау қарастырылады.

5. Бақылаудың қорытындылары бойынша есептерді ресімдеу 1-параграф. Бақылау актілерін жасау және ресімдеу

      178. Бақылау жүргізілген әрбір объекті бойынша бақылаудың нәтижелері осы Қағидаға 18-қосымшаға сәйкес нысан бойынша қатаң есептілік бланкісінде бақылау актісімен ресімделеді. Бақылау актісі осы Қағидаға 19-қосымшаға сай нысан бойынша жасалады.
      179. Бақылау актісінің құрылымы Бақылау бағдарламасындағы барлық мәселелердің толық көрсетілуін, онда баяндалған мәліметтердің анықтығын, объективтілігін қамтамасыз етуі тиіс.
      180. Бақылау актісі Бақылау бағдарламасы және Жұмыс жоспарлары мәселелерінің тізбесіне қатаң сәйкестікте жасалады. Егер қандай да бір мәселе бойынша бұзушылықтар мен кемшіліктер анықталмаса, бақылаушы анықталған кемшіліктер мен бұзушылықтардың жоқтығын көрсете отырып, бақылаудың нәтижелерін бақылау актісінде көрсетеді.
      Анықталған бұзушылықтар бақылау актісіндегі жазбалардың анықтығын растайтын құжаттардың түпнұсқаларының деректемелеріне, сондай-ақ ережелері бұзылған нормативтік құқықтық актілердің баптарына, тармақтары мен тармақшаларына қажетті сілтемелер жасала отырып, объективті және дәл сипатталады.
      181. Бұзушылықтың әрбір фактісі бұзушылықтың сипаты мен түрін, оның ішінде Қазақстан Республикасы Қаржы министрінің 2012 жылғы 30 наурыздағы № 180 бұйрығымен бекітілген Мемлекеттік қаржылық бақылау объектілерінде айқындалған бұзушылықтар сыныптауышында (Нормативтік құқықтық актілерді мемлекеттік тіркеу тізілімінде № 7621 тіркелген) (бұдан әрі – Бұзушылықтар сыныптауышы) көзделгендерін сипаттай отырып, жалғасу тәртібімен нөмірленеді және жеке тармақта (1-тармақ, 2-тармақ және тағы басқалар) тіркеледі.
      182. Бақылаушы бақылау актісінде баяндалған бұзушылық пен кемшілік фактілерін олардың негізділігі бөлігінде бақылау объектісінің лауазымды адамдарымен бірге алдын ала пысықтайды.
      183. Бақылау актісіне оның ажырамас бөлігі болып табылатын мынадай материалдар:
      1) бақылау объектісі басшысының міндеттерін атқару жөніндегі талап;
      2) бақылаушылар қол қоятын және осы Қағидаға 20-қосымшаға сай нысан бойынша жасалатын Бақылаудың нәтижелері бойынша анықталған бұзушылықтар мен кемшіліктердің тізілімі (бұдан әрі – Тізілім);
      3) құжаттардың түпнұсқалары немесе тиісті түрде расталған көшірмелері, кестелер, сондай-ақ қажет болғанда бұзушылық фактілерін көрсететін анықтамалар, фотосуреттер;
      4) функционалдық және лауазымдық міндеттеріне сүйене отырып, жол берілген бұзушылықтарға қатысы бар адамдардың жазбаша түсініктемелері;
      5) осы Қағидаға 21-қосымшаға сай нысан бойынша толтырылатын бақылау өлшемдері (тексеріп қараулар) актілері (толтырылған жағдайда);
      6) зерттеулердің (сынақтардың), сараптамалардың қорытындылары, хаттамалардың көшірмелері, бақылау нәтижелеріне байланысты басқа да құжаттар немесе олардың көшірмелері (олар толтырылған жағдайда);
      7) мемлекеттік органдар мамандарының, сарапшылардың (тартылған жағдайда) сараптамалық қорытындылары қоса беріледі.
      Бақылау актісіне қоса берілетін құжаттардың көшірмелері уәкілетті лауазымды адамдардың қолымен және бақылау объектісінің мөрімен расталады. Бақылау актісінде оның қосымшаларына сілтеме жасалады.
      184. Бақылау актісіне тиісті құжаттармен расталмаған фактілерді, тұжырымдарды енгізуге жол берілмейді.
      185. Бақылау актісінде баяндалып, бақылау актісінде соларға сілтеме жасалған бұзушылықтарды растайтын құжаттардың болмауы Стандарттарды бұзу болып табылады. Мұндай фактілер Қорытындыға енгізілмейді.
      186. Бақылау объектісінің тауарларға, жұмыстарға немесе көрсетілген қызметтерге ақы төлеуінің негізділігін растайтын құжаттар бақылау объектісінде болмаған жағдайда, Есеп комитетінің қызметкерлері бақылау объектісінің лауазымды адамдарынан тиісті жазбаша түсініктемелер алады.
      187. Бақылау актісі (осы Қағиданың 152, 192-тармақтарында көрсетілген жағдайларды қоспағанда) екі данада жасалып, оған бақылауды жүзеге асырған Есеп комитетінің қызметкерлері, мемлекеттік органдардың, аудиторлық ұйымдардың мамандары және сарапшылар қол қояды және оны бақылау объектісінің кіріс хат-хабарларын есепке алу жүйесінде тіркеу не почтамен хабарлау арқылы бақылау объектісінде Тапсырмада көрсетілген бақылауды аяқтау датасына дейін (үстеме бақылауды, бақылау өлшемін (тексеріп қарауды қоспағанда)) үш күнтізбелік күннен кешіктірмей, бақылау объектісінің лауазымды адамына танысып, қол қою үшін табыс етіледі.
      188. Бақылау объектісінің басшылығы жүргізілген бақылаудың нәтижелерімен танысуға бақылау актісі берілген күннен бастап күнтізбелік үш күн ішінде (үстеме бақылау, өлшем (тексеріп қарау) актілерін қоспағанда) бақылау актісімен танысып, оған қол қояды. Бақылаушылар және бақылау объектісінің лауазымды адамы бақылау актісінің екінші парағынан бастап, барлық беттеріне қолдарын қояды.
      189. Бақылаудың нәтижелерімен келіспеген жағдайда, бақылау объектісінің басшылығы бақылау актісіне қарсылықтарының бар екені туралы ескертіп қол қояды. Бақылау актісіне жазбаша қарсылықтар бақылау актісіне қол қойылған күннен бастап күнтізбелік он күн ішінде Есеп комитетіне ұсынылады. Бақылаушы бақылау объектісінің бақылау актісіне қол қойылғаннан кейін бірден ұсынған жазбаша қарсылықтарын бақылау актісіне қоса тіркейді. Күнтізбелік он күн өткен соң түскен бақылау актісіне қарсылықтар немесе қарсылықсыз қол қойылған бақылау актісіне түскен, сондай-ақ бақылау объектісі лауазымды адамының бас тартуы салдарынан қол қойылмаған бақылау актісіне түскен қарсылықтар қаралмайды.
      190. Есеп комитетіне күнтізбелік он күн ішінде келіп түскен бақылау актісіне қарсылықтарды Есеп комитетінің бақылауға жауапты мүшесі бақылаушылармен, бақылауды жүргізуге жауапты құрылымдық бөлімшенің басшысымен, құқықтық қамтамасыз етуге жауапты құрылымдық бөлімшенің қызметкерлерімен, бақылауды жүзеге асыруға тартылған сарапшылармен, мемлекеттік органдардың мамандарымен, аудиторлық ұйымдардың қызметкерлерімен бірге бес жұмыс күні ішінде қарайды, содан кейін бақылау объектісіне қарсылықтың әрбір тармағы бойынша қабылданған және қабылданбаған дәлелдерді көрсете отырып дәлелді жауап береді.
      191. Бақылау объектісінің басшылығы бақылау актісіне қол қоюдан бас тартқан жағдайда, бақылаушы бақылау объектісінің лауазымды адамының қол қоюдан бас тартқаны туралы бақылау актісінде тиісті жазба жасайды.
      192. Бақылау объектісі бақылау актісінің қол қоюға берілген бұрынғы даналарына қол қоюдан бас тартып, оларды кайтармаған жағдайда, бақылаушы бақылау актісінің үшінші данасын толтырып, онда бақылау актісінің бұрынғы даналарына қол қоюдан бас тартылғаны және олардың қайтарылмағаны жөнінде тиісті жазба жасайды.
      193. Қол қойылған бақылау актісінің (құпия актіні қоспағанда), Тізілімнің, кестелердің және бақылау актісіне басқа да қосымшалардың (болған жағдайда) электрондық нұсқалары бақылау актісіне қол қойылғаннан кейінгі келесі күннен кешіктірілмей, қорғалған арналар бойынша Есеп комитетіне жолданады.
      Бақылау актісінің бір данасы (№ 2 дана) анықталған бұзушылықтарды жою бойынша шаралар және басқа да іс-әрекеттер қолдану үшін бақылау объектісінің басшысында қалдырылады.
      194. Бақылау актілерінің бұрынғы даналарына қол қоюдан бас тартылғаны не олардың қайтарылмағаны жөнінде белгі қойылған бақылау актілерінің электрондық нұсқалары әкімшілік хаттаманың көшірмелерімен, Тізіліммен, кестелермен және бақылау актісіне басқа да қосымшалармен (болған жағдайда) бірге әкімшілік хаттама толтырылғаннан кейін келесі күні қорғалған арналар бойынша Есеп комитетіне жолданады.
      Бақылау объектісі Астана қаласында орналасқан жағдайда, бақылау актісін, Тізілімді және бақылау актісіне басқа да қосымшаларды жеткізуді және оларды бақылауды жүргізуге жауапты құрылымдық бөлімшеге тапсыруды Қазақстан Республикасында құпиялылық режимін қамтамасыз ету жөніндегі заңнамада белгіленген талаптарға сәйкес жолданатын құпия актілерді қоспағанда, бақылаушының өзі бақылау актісіне қол қойылғаннан не әкімшілік құқық бұзушылық туралы хаттама толтырылғаннан кейін келесі күні жүзеге асырады.
      195. Бақылаушылар іссапардан келген күннен бастап бір жұмыс күні ішінде бақылау актісінің (№ 1 дана не № 3 дана), Тізілімнің және бақылау актісіне басқа да қосымшалардың түпнұсқаларын, бақылау объектілерінің қарсылықтарын (болған жағдайда) бақылау жүргізуге жауапты құрылымдық бөлімшеге тапсырады.
      Бақылауды жүргізуге жауапты құрылымдық бөлімше бақылау актісінің, Тізілімнің және бақылау актісіне басқа да қосымшалардың түпнұсқаларын, бақылау объектілерінің қарсылықтарын Есеп комитетіне түскен күннен бастап екі жұмыс күні ішінде сканерлеп, ЭҚАБЖ-да тіркеу үшін сапаны бақылауға жауапты құрылымдық бөлімшеге табыс етеді.
      Объективті себептер туындаған жағдайда (іссапардан жұмыс күні аяқталған соң, демалыс күндері келгенде, сырқаттанып қалғанда), бақылау актісінің, Тізілімнің және басқа да қосымшалардың түпнұсқалары келесі жұмыс күнінен кешіктірілмей тапсырылады.
      196. Бақылау жүргізуге жауапты құрылымдық бөлімше алынған бақылау актілерін, Тізілімдерді және бақылау актілеріне басқа да қосымшаларды, сондай-ақ бақылау объектісінің қарсылықтарын (болған жағдайда) сканерлеген күннен бастап бір жұмыс күні ішінде оларды ЕК ААЖ деректер базасына енгізеді.
      Бақылау актісі, Тізілім тігіліп, оған «Пакеттер үшін» деген мөр басылады, соңғы парағының арт жағына беттерінің саны туралы белгі қойылады және бақылау актісіне басқа қосымшалармен, бақылау объектісінің қарсылықтарымен (болған жағдайда) бірге бақылау материалдарының жинақ папкасында қалыптастырылып, оны басқа бақылау материалдарымен толықтырғанға дейін құжат айналымына жауапты құрылымдық бөлімшеге тапсырылады.
      197. Барлық бақылау актілері және бақылау актілеріне қоса берілген Тізілімдер бойынша олар ЭҚАБЖ-да тіркелген күннен бастап сапаны бақылау жүргізіледі.
      198. Сапаны бақылау осы Қағидаға 22-қосымшада келтірілген сапаны бақылауды жүзеге асыру жөніндегі әдістемелік ұсынымдарға сәйкес жүргізіледі.

2-параграф. Шешімдерді (Қаулыларды (Ұсынымдарды)) жасау және ресімдеу

      199. Жүргізілген бақылау іс-шарасының нәтижелері бойынша Есеп комитетінің оны жүргізуге жауапты мүшесі бақылау тобы жетекшісінің, бақылаушылардың және (немесе) бақылауды жүзеге асыруға тартылған сарапшылардың, мемлекеттік органдар мамандарының және аудиторлық ұйымдар қызметкерлерінің қатысуымен бақылау актілеріне сапаны бақылаудың оң сараптамалық қорытындысын алғаннан кейін он жұмыс күні ішінде Қорытындының, бақылау нәтижелері бойынша анықталған бұзушылықтар мен кемшіліктердің жиынтық тізілімінің (бұдан әрі – Жиынтық тізілім) және Қаулының (Ұсынымның) жобаларын дайындайды.
      200. Қорытындының, Жиынтық тізілімнің және Қаулының (Ұсынымның) жобалары екі жұмыс күні ішінде сапаны бақылаудан өтеді, содан кейін Есеп комитетінің жауапты мүшесі қол қойған Қорытындының жобасы Жиынтық тізіліммен бірге негізгі бақылау объектісіне (бюджеттік бағдарламалар әкімшісіне) танысу үшін жолданады.
      Негізгі бақылау объектісі Есеп комитетінің Қорытынды мен Жиынтық тізілімді жолдаған күнінен бастап үш жұмыс күні ішінде Есеп комитетіне келісімін немесе растайтын құжаттарымен бірге негізделген ескертпелерін ұсынады. Бақылау объектісінің Қорытынды мен Жиынтық тізілімнің жобаларына үш жұмыс күні өткен соң түскен ескертпелері қаралмайды.
      Қорытындының жобасына және Жиынтық тізілімге бақылау объектісінің ескертулері болған жағдайда, Есеп комитетінің жауапты мүшесі оларды алғаннан кейін екі жұмыс күні ішінде бақылау объектісінің қатысуымен (немесе бақылау объектісінің өтініш хатына сай оның қатысуынсыз) бақылауды жүргізуге, сапаны бақылауға, құқықтық қамтамасыз етуге жауапты құрылымдық бөлімшелердің басшыларымен бірге келіп түскен ескертулерге талқылау жүргізеді, және қажет болған жағдайда, Қорытындының, Жиынтық тізілімнің және Қаулының (Ұсынымның) жобаларына өзгерістер енгізеді.
      Бақылау объектісінің ескертулері қабылданбаған жағдайда, Қорытындыға бақылау объектісінің тиісті пікірі жазбаша түрде қоса беріледі.
      201. Қорытындының, Жиынтық тізілімнің және Қаулының (Ұсынымның) жобалары талқыланып, оларға (қажет болғанда) өзгерістер мен (немесе) толықтырулар енгізілгеннен кейін Есеп комитетінің бақылауға жауапты мүшесі бақылауды жүргізуге, сапаны бақылауға, құқықтық қамтамасыз етуге жауапты құрылымдық бөлімшелердің басшылары қол қояды және бұрыштама қояды, Есеп комитетінің отырысы өткізілгенге дейін төрт жұмыс күні бұрын басқа бақылау материалдарымен бірге Есеп комитетінің Төрағасына ұсынады.
      202. Сапаны бақылаудың сараптамалық қорытындысында жасалған бақылау актілерінің Стандарттарға сәйкессіздігін растайтын фактілер көрсетілген жағдайда, Есеп комитетінің бақылауға жауапты мүшесі бақылау материалдарын Есеп комитетінің отырысына шығарып, тиісті шешім қабылдаудың орындылығы туралы Есеп комитеті аппарат басшысының келісімі бойынша Есеп комитеті Төрағасының атына қызметтік жазба енгізеді.
      203. Қорытынды кіріспе, негізгі (талдамалық), қорытынды бөліктерден тұрады және осы Қағидаға 23-қосымшада келтірілген нысан бойынша ресімделеді.
      204. Жиынтық тізілім осы Қағидаға 24-қосымшаға сай нысан бойынша жасалады.
      205. Қорытындыда бақылау іс-шарасының негізгі нәтижелері, сондай-ақ бақылау актісіндегі (аудиторлық есептегі) анықталған бұзушылықтардың, кемшіліктердің құжаттармен және сапаны бақылаумен расталған фактілері қысқаша түрде көрсетіледі. Бұзушылықтар, кемшіліктер оларды жою және бақылау объектілерінің қызметін, экономиканың немесе жеке алғанда экономика саласының, әлеуметтік саланың, мемлекеттік басқарудың басқа да салаларының дамуын регламенттейтін нормативтік құқықтық актілерді жетілдіру жөніндегі ұсыныстармен бірге бақылау объектілері бойынша жеке тармақта баяндалады.
      206. Қорытындыға бақылау объектісінің осы Қағидада белгіленген тәртіппен қаралмаған қарсылықтары бар бұзушылық фактілерін енгізуге жол берілмейді.
      207. Бақылаудың нәтижелері бақылау бағыттарының ерекшеліктерін ескере отырып, бақылаудың үлгісіне, түріне және объектісіне сәйкес жүйеге келтіріліп, мына бағыттар:
      1) мемлекеттік, салалық, бюджеттік бағдарламалардың, мемлекеттік органдардың стратегиялық жоспарларының іске асырылуын нормативтік әдістемелік қамтамасыз ету;
      2) Қазақстан Республикасы мемлекеттік органының мемлекеттік, салалық және бюджеттік бағдарламаларды іске асыруға немесе жекелеген әлеуметтік және экономикалық міндеттерді шешуге, сондай-ақ бақылау объектісінің стратегиялық жоспарының мақсаттары мен индикаторларына қол жеткізуге бағытталған қызметі;
      3) бюджет қаражатын, оның ішінде трансферттерді, кредиттерді байланысты гранттарды, мемлекеттік және мемлекет кепілдік берген қарыздарды, бюджеттік инвестицияларды және кепілгерліктерді игеру нәтижелілігінің, бюджеттік бағдарламалар бойынша түпкі мақсаттар мен нәтижелерге қол жеткізудің, мемлекет активтерін пайдаланудың және акциялары (қатысу үлестері) мемлекетке тиесілі квазимемлекеттік сектор субъектілерінің активтерді басқаруының, сондай-ақ квазимемлекеттік сектор субъектілерінің экономиканы немесе жеке алғанда экономиканың саласын, әлеуметтік саланы, мемлекеттік басқарудың басқа да салаларын дамытуға тигізген қызметінің әсерінің дәрежесі;
      4) бюджетке түсетін түсімдердің толықтығы мен уақтылылығын, сондай-ақ бюджеттен түсетін түсімдер сомаларының қайтарылуын, салықтық және кедендік әкімшілік ету тиімділігін бақылаудың нәтижелері;
      5) қаржы активтерін сатып алу, оларды сатудан бюджетке түскен қаражат түсімдері бойынша бақылау нәтижелері;
      6) Есеп комитеті шешімдерінің орындалу сапасын постбақылаудың нәтижелері бойынша көрсетіледі.
      208. Қорытынды Есеп комитеті қаулысының (ұсынымының) жобаларын дайындау үшін негіз болып табылады.
      209. Есеп комитетінің қаулысы әкімшілік рәсімдер туралы заңнамада белгіленген деректемелерді қамтиды.
      210. Есеп комитетінің отырысында жүргізілген бақылау іс-шараларының қорытындылары қаралады. Қаулы бақылауға жауапты лауазымды адамның ақпаратын тыңдаудың қорытындысы бойынша қабылданады.
      211. Басқа бақылау-қадағалау органдарымен жүргізілген бірлескен бақылаудың қорытындысы бойынша қаулы Есеп комитетінің отырысында осы органның өкілдерінің қатысуымен ақпаратты талқылағаннан кейін қабылданады.
      212. Қаулы айқындаушы және қаулы шығарушы бөліктерден тұрады және осы Қағидаға 25-қосымшада келтірілген нысанға сәйкес ресімделеді.
      213. Қаулының айқындаушы бөлігінде бақылаумен қамтылған мәселенің жай-күйі туралы жалпы тұжырым көрсетіледі.
      214. Қаулының қаулы шығарушы бөлігі жүргізілген бақылау іс-шарасының нәтижесі бойынша дайындалған Қорытындыны бекіту туралы шешімді, Қазақстан Республикасының Үкіметіне, консультативтік-кеңесші және уәкілетті органдарға нормативтік құқықтық актілерді жетілдіру жөніндегі ұсынымдарды, бақылау объектілері және басқа да мемлекеттік органдар орындауға міндетті шешімдерді, құқық қорғау органдарына және басқа да уәкілетті органдарға тапсырмалық тармақтарды, сондай-ақ Ұсынымды жолдау туралы шешімдерді қамтиды.
      215. Есеп комитетінің жауапты мүшесінің Қорытындысы қоса беріліп, мемлекеттік органдар мен ұйымдарға жолданған Қаулылар оларда көрсетілген мерзімде қаралуы тиіс.
      216. Бақылау объектілеріне жұмыстағы бұзушылықтар мен кемшіліктерді оларға қатысты бөлігінде жою үшін Ұсынымдар жолданады, олар ондағы көрсетілген мерзімде қаралады.
      217. Бақылау объектілеріне және басқа да мүдделі адамдарға өздеріне қатысты анықталған бұзушылықтарды және жұмыстағы кемшіліктерді жою үшін Ұсыным осы Қағидаға 26-қосымшаға сай нысан бойынша ресімделеді.
      218. Есеп комитетінің жауапты мүшесінің Қорытындысы қоса берілген Қаулылар толық көлемінде Қазақстан Республикасы Президентінің Әкімшілігіне, Қазақстан Республикасының Үкіметіне және құқық қорғау органдарына да жолдануы мүмкін.

6. Есеп комитеті шешімдерінің (Қаулыларының (Ұсынымдарының))
орындалуын мониторингілеу мен бақылауды жүзеге асыру 1-параграф. Шешімдердің орындалуын мониторингілеу мен бақылау

      219. Қаулылардың (Ұсынымдардың) орындалуын бақылауды Есеп комитетінің жауапты мүшесі тұрақты негізде жүзеге асырады.
      220. Құжат айналымына жауапты құрылымдық бөлімше Есеп комитеті Қаулыларының (Ұсынымдарының) тапсырмалық тармақтарын қол қойылған күннен бастап бір жұмыс күні ішінде бақылауға қоюды жүзеге асырады, қаулының (ұсынымның) орындалу мерзіміне дейін үш жұмыс күні бұрын олардың орындалу мерзімі туралы Есеп комитетінің бақылауға жауапты мүшесінің есіне салады.
      221. Құқықтық қамтамасыз етуге жауапты құрылымдық бөлімше жартыжылдықта бір рет бірлескен бұйрықта көзделген тәртіппен құқық қорғау органдарымен бірге салыстырып тексеру жолымен оларға жіберілген бақылау материалдарын қараудың нәтижелеріне мониторинг жүргізіп, оларды жоспарлауға жауапты құрылымдық бөлімшеге береді.
      222. Жоспарлауға жауапты құрылымдық бөлімше Есеп комитеті Қаулыларының (Ұсынымдарының) іске асырылу барысына мониторинг жүргізіп, оның нәтижесі жөнінде Есеп комитетінің мүшесіне хабарлайды, мониторинг нәтижелері Қазақстан Республикасының Президентіне ақпарат және Қазақстан Республикасының Парламентіне есеп қалыптастыру, бұзушылықтарды болдырмау мақсатында оларды жүйеге келтіру үшін пайдаланылады.
      223. Есеп комитетінің мүшесі бақылау объектісінен ақпаратты алған күннен бастап бес жұмыс күні ішінде бақылау объектісінің Қаулылардың (Ұсынымдардың) шешімдерін орындауына талдау жүргізеді.
      Бақылау объектісі Қаулыны (Ұсынымды) орындаған жағдайда, Есеп комитетінің мүшесі Есеп комитеті Төрағасының атына Қаулының (Ұсынымның) іске асырылуы және оны бақылаудан алып тастау туралы қызметтік жазба дайындап, сапаны бақылауға жауапты құрылымдық бөлімшеге сараптама жүргізу үшін жібереді.
      224. Есеп комитеті мен тексеру комиссиясының бірлескен Қаулысы шешімдерінің орындалуын мониторингілеу кезінде Есеп комитетінің мүшесі бірлескен Қаулының орындалу толықтығы мен сапасы туралы тексеру комиссиясынан алынған ақпарат пен басқа да құжаттамалардың (растаушы құжаттардың көшірмелері, фотосуреттер, тексеру комиссиясы жүргізген постбақылаудың материалдары) негізінде тексеру комиссиясынан ақпарат алған күннен бастап екі жұмыс күні ішінде бірлескен Қаулының орындалған тапсырмалық тармақтарын бақылаудан алып тастау не орындалмаған немесе тиісінше орындалмаған тапсырмалар бойынша шаралар қабылдау (әкімшілік жауапкершілік) туралы мәселені қарап, Есеп комитетінің Төрағасына шешім қабылдау үшін енгізеді.
      225. Бақылау объектісі Қаулылар (Ұсынымдар) шешімдерінің орындалуы жөнінде ақпарат ұсынбаған жағдайда, Есеп комитетінің мүшесі ӘҚтК-нің 356-бабына сәйкес бақылау объектісіне ЭҚАБЖ арқылы және қағаз түрінде почтамен әкімшілік жауапкершілік туралы ескерту жолдайды.
      226. Бақылау объектісі тапсырмалық тармақты белгіленген мерзімде орындамаған жағдайда, Есеп комитетінің мүшесі Қаулыда (Ұсынымда) көрсетілген мерзім аяқталған күннен бастап бір жұмыс күні ішінде Есеп комитеті Төрағасының атына бақылау объектісіне әкімшілік ықпал ету шарасын қолдану туралы қызметтік жазба дайындап, сараптама жүргізу үшін құқықтық қамтамасыз етуге жауапты құрылымдық бөлімшеге жібереді.
      227. Бақылау объектісі Қаулылардың (Ұсынымдардың) шешімдерін тиісінше орындамаған жағдайда, Есеп комитетінің мүшесі осы Қағиданың 223-тармағында көрсетілген мерзім аяқталғаннан кейін бір жұмыс күні ішінде Есеп комитеті Төрағасының атына бақылау объектісіне әкімшілік ықпал ету шарасын қолдану туралы қызметтік жазба жасап, сараптама жүргізу үшін құқықтық қамтамасыз етуге жауапты құрылымдық бөлімшеге жібереді.
      228. Құқықтық қамтамасыз етуге жауапты құрылымдық бөлімше Есеп комитеті мүшесінің қызметтік жазбасын алған күннен бастап бір жұмыс күні ішінде осы Қағиданың 97-тармағында көзделген растаушы құжаттар болғанда, әкімшілік іс жүргізуді қозғаудың орындылығы туралы сараптамалық қорытынды жасайды, орындылығы танылған жағдайда, әкімшілік құқық бұзушылық туралы хаттама ресімдейді.
      229. Әкімшілік құқық бұзушылық туралы хаттама толтырылған күннен бастап екі жұмыс күні ішінде Есеп комитетінің мүшесі әкімшілік іс-материалдарын тиісті сот органына аумағы бойынша жолдайды.
      230. Есеп комитетінің Төрағасы сапаны бақылауға жауапты құрылымдық бөлімшенің сараптамалық қорытындысының негізінде Есеп комитетінің шешімін бақылаудан алып тастау туралы не оның орындалуын жалғастыру туралы шешім қабылдайды.
      231. Есеп комитеті Төрағасының шешімі қабылданған күннен бастап үш жұмыс күні ішінде Есеп комитетінің мүшесі бақылау объектісін Есеп комитетінің шешімін бақылаудан алып тастау не оның орындалуын жалғастыру туралы хабардар етеді, құжат айналымына жауапты құрылымдық бөлімше Есеп комитеті мүшесінің Есеп комитеті Төрағасының бұрыштамасы қойылған қызметтік жазбасын және бақылау объектілерінің Есеп комитеті шешімдерінің орындалғаны жөніндегі ақпаратын ЕК ААЖ базасына енгізуді жүзеге асырады.
      232. Есеп комитеті Төрағасының Есеп комитетінің шешімін бақылаудан алып тастау туралы немесе оның орындалуын жалғастыру туралы бұрыштамасы қабылданған күннен бастап бір жұмыс күні ішінде жоспарлауға жауапты құрылымдық бөлімше Есеп комитеті шешімдерінің орындалуын мониторингілеуді жүзеге асырады.
      233. Қажет болған жағдайда, Қаулының (Ұсынымның) орындалу барысы туралы мәселені талқылау Есеп комитетінің отырысына шығарылады.

2-параграф. Шешімдердің орындалуын постбақылау

      234. Есеп комитетінің мүшесі бақылау объектісінен Қаулының (Ұсынымның) толық орындалуы туралы қорытынды ақпаратты алған күннен кейін бір жұмыс күні ішінде, Қаулының (Ұсынымның) қандай да бір тармақтары орындалмаған және (немесе) ұсынылған қорытынды ақпарат анық болмаған жағдайда, Есеп комитеті Төрағасының атына өткізілетін уақытын келісе отырып, Есеп комитеті шешімдерінің орындалуына бақылау жүргізу (бұдан әрі – постбақылау) туралы қызметтік жазба дайындайды.
      235. Постбақылау жүргізу туралы шешімді Есеп комитетінің Төрағасы қабылдайды.
      236. Постбақылау мынадай тәсілдердің бірі:
      1) Қаулылар (Ұсынымдар) шешімдерінің орындалу толықтығы мен анықтығына постбақылау объектісіне бару арқылы тексеру жүргізу;
      2) постбақылау жүргізу мәселелерін постбақылау объектісі бақылау объектісі болып табылатын бақылау іс-шарасының бағдарламасына енгізу бойынша жүзеге асырылуы мүмкін.
      237. Постбақылауды жүргізу Есеп комитетінің жүргізілген бақылауға жауапты мүшесінің Тапсырмасы негізінде жүзеге асырылады, оның қорытындылары бақылау актісімен ресімделеді.
      238. Постбақылау іс-шарасын жүргізудің, Есеп комитетінің Қаулысын (Ұсынымын) орындамағаны немесе тиісінше орындамағаны үшін постбақылау объектісінің лауазымды адамдарына шара қолдану туралы әкімшілік хаттаманың жобасымен бірге (қажет болған жағдайда) Есеп комитеті шешімдерінің орындалуы туралы қорытындыны дайындаудың және оны сапаны бақылауға жауапты құрылымдық бөлімшеге сараптамаға жіберудің мерзімі он жұмыс күнінен аспауы тиіс.
      239. Сапаны бақылауға жауапты құрылымдық бөлімше Есеп комитеті шешімдерінің орындалуы туралы қорытындының бұрыштамасы жобасымен бірге сараптамалық қорытындыны дайындап, Есеп комитетінің Төрағасына жіберуді екі жұмыс күні ішінде жүргізеді.
      240. Есеп комитетінің Төрағасы сапаны бақылауға жауапты құрылымдық бөлімше дайындаған сараптамалық қорытындының негізінде Есеп комитетінің шешімдерін бақылаудан толық алып тастау не оның жекелеген тармақтарының орындалуын жалғастыру туралы шешім қабылдайды.
      241. Есеп комитеті Төрағасының бақылаудан алып тастау не оның орындалу барысын бақылауды жалғастыру туралы қарары қабылданғаннан кейін бір жұмыс күні ішінде Есеп комитеті мүшесінің және жоспарлауға жауапты құрылымдық бөлімшенің назарына жеткізіледі.
      242. Есеп комитетінің мүшесі Есеп комитеті Төрағасының қарарын алғаннан кейін үш жұмыс күні ішінде бақылау объектісіне Есеп комитеті шешімінің бақылаудан толық алынып тасталғаны немесе оның орындалуының жалғастырылғаны туралы хабарлама жолдайды.
      243. Жүргізілген постбақылаудың нәтижелері бойынша Есеп комитеті Төрағасының қарары алынған қорытынды, сондай-ақ бақылау объектісінің ақпараты ЕК ААЖ базасына енгізіледі.

7. Қорытынды ережелер 1-параграф. Бақылау іс-шараларының қорытындыларын бұқаралық
ақпарат құралдарында жария ету

      244. Есеп комитетінің бақылауға жауапты мүшесі бақылау тобының жетекшісімен бірлесіп, жұртшылықпен байланыстарға жауапты құрылымдық бөлімше дайындаған бақылау іс-шарасы қорытындыларының баспасөз релизі жобасын Есеп комитетінің отырысы өткізілген күнге дейін бес жұмыс күні ішінде пысықтайды.
      245. Жұртшылықпен байланыстарға жауапты құрылымдық бөлімше Есеп комитетінің бақылау іс-шарасының қорытындыларын қарау жөніндегі отырысына дейін бір жұмыс күнінен кешіктірмей, Есеп комитетінің интернет-ресурсына отырыс туралы анонстарды орналастырады.
      246. Есеп комитетінің бақылау іс-шарасының қорытындыларын қарау жөніндегі отырысы өткізілген соң жұртшылықпен байланыстарға жауапты құрылымдық бөлімше тиісті Қаулыға қол қойылған күннен бастап үш күннен кешіктірмей, Есеп комитетінің интернет-ресурсына тиісті баспасөз релизін орналастырады және (немесе) Есеп комитетінің Төрағасымен келісе отырып, бұқаралық ақпарат құралдарының өкілдері алдында Есеп комитетінің ресми өкілінің сөз сөйлеуін ұйымдастырады.
      247. Есеп комитетінің жауапты мүшесінің мемлекеттік және қызметтік құпияны қамтымайтын қорытындысымен қоса, сондай-ақ шектеулі таралымды қызметтік ақпарат (қызмет бабында пайдалану үшін) толығымен немесе одан алынған үзінділер түрінде Есеп комитетінің бюллетенінде жарияланады. Қажет болған жағдайда, қаулылар Есеп комитетінің интернет-ресурсына орналастырылады.

2-параграф. Бақылау материалдарын есепке алу

      248. Есеп комитетінің қаулысына қол қойылғаннан кейін бес жұмыс күні ішінде бақылау тобының жетекшісі бақылау материалдарын (Бақылау жоспарының, бағдарламасының, Жұмыс жоспарларының, Тапсырмалардың түпнұсқаларын, сараптамалық қорытындыны, Есеп комитетінің жауапты мүшесі қол қойған жүргізілген бақылаудың нәтижелері жөніндегі қорытындыны, Жиынтық тізілімді, Есеп комитетінің Төрағасы қол қойған Есеп комитетінің қаулысын, отырыстың хаттамасын) құжат айналымына жауапты құрылымдық бөлімшеге бақылау материалдары бар жинақ папканы толықтырып, кейіннен мұрағатқа өткізу үшін тапсырады, бақылау материалдарының электрондық нұсқалары ЕК ААЖ-ның электрондық мұрағатына енгізіледі.
      249. Мемлекеттік құпияларды қамтитын бақылау материалдары ескеріліп, Қазақстан Республикасында құпиялылық режимін қамтамасыз ету жөніндегі заңнамамен бекітілген талаптарға сәйкес сақталады.
      250. Әкімшілік құқық бұзушылықтар туралы істерді қарайтын уәкілетті органдарға іс жүргізу шешімін қабылдау үшін жолданған әкімшілк материалдардың көшірмелері құқықтық қамтамасыз етуге жауапты құрылымдық бөлімшеде сақталып, жеке журналда тіркеледі. Сақтауға өткізілген әкімшілік материалдардың көшірмелері Есеп комитетінің жалпы хат-хабарларынан бөлек сақталады.

Есеп комитетінің сыртқы мемлекеттік
қаржылық бақылау жүргізу қағидасына
1-қосымша              

нысан

Республика бойынша бақылау объектілері жөнінде бірыңғай
ақпараттық деректер базасы
(республикалық бюджеттік бағдарламалар әкімшілері бойынша ақпарат)

Кестенің жалғасы

Республика бойынша бақылау объектілері жөнінде
бірыңғай ақпараттық деректер базасы
(жергілікті бюджеттік бағдарламалар әкімшілері бойынша ақпарат)

* бюджеттік инвестициялық жобалар бар болған кезде, барлық жобалар/объектілер (ешқайсысы қалдырылмай) көрсетіледі.

Республика бойынша бақылау объектілері жөнінде бірыңғай
ақпараттық деректер базасы
(бағдарламалық құжаттарды іске асыру бойынша ақпарат)

                                                      млн. теңге

       Есеп комитетінің сыртқы мемлекеттік
қаржылық бақылау жүргізу қағидасына
2-қосымша                         

нысан

Бақылау іс-шараларын жүргізуге өтінім

Өтінім беруші: _____________________     ______________   __________
              (Есеп комитеті мүшесінің,     (қолы)          (күні)
              Бөлім меңгерушісінің А.Ә.Т.)

Негіздеме: ______________________________________________________
Осы бағыт бойынша бұрынғы тексеру туралы мәліметтер:
_________________________________________________________________

Есеп комитетінің сыртқы мемлекеттік
қаржылық бақылау жүргізу қағидасына
3-қосымша                         

нысан

Кезекті жылға арналған бақылау жұмысының жоспары 

Есеп комитетінің сыртқы мемлекеттік 
қаржылық бақылауды жүргізу қағидасына
4-қосымша                           

Бақылау объектісінің қызметін алдын ала зерделеу барысында
зерделенетін мәселелердің базалық тізбесі*

      Ескертпе:
      * Осы тізбе толыққанды болып табылмайды. Бақылау барысында қосымша құжаттар немесе ақпарат сұратылуы мүмкін.
      ** «Сәйкестікке бақылау жасау» үлгісі бойынша алдын ала зерделеу кезінде жалпы мәселелер және осы үлгіге жататын бақылаудың тиісті мақсаты бойынша қосымша мәселелер зерделенеді.
      *** «Тиімділікті бақылау» үлгісі бойынша алдын ала зерделеу кезінде жалпы мәселелер және осы үлгіге жататын бақылаудың тиісті мақсаты бойынша қосымша мәселелер зерделенеді.

Есеп комитетінің сыртқы    
мемлекеттік қаржылық       
бақылауды жүргізу қағидасына
5-қосымша                  

нысан

Бақылау объектісін алдын ала зерделеу үшін
құжаттар мен ақпаратты сұрату*

_______________________________________
мемлекеттік органның немесе ұйымның атауы

      Есеп комитетінің 20__ жылғы ____-тоқсанға арналған жұмыс
жоспарына сәйкес __________________________________________________
(бақылау объектісінің атауы, бақылаудың мақсаты мен мәні көрсетіледі)
_________ ________________ аралығында бақылау жүргізу қарастырылған.
(бақылаудың ұзақтығы көрсетіледі)
      Осыған байланысты, Қазақстан Республикасы Бюджет кодексінің
146-бабының 2-тармағына сәйкес ____________________________________
                   (мәселелердің базалық тізбесіне сай қажетті
                    мәліметтер мен құжаттама тізбесі көрсетіледі)
туралы ақпаратты растайтын құжаттарымен бірге ұсынуларыңызды,
сондай-ақ қоса берілген кестені __________ толтыруларыңызды сұраймыз.
                           (кесте қоса беріледі)

      Сұратылған ақпарат және құжаттардың көшірмелері
______________________________________ дейін қағаз түрінде немесе
(құжаттаманы ұсынудың күні көрсетіледі)
электрондық почтамен ұсынылсын.

      Есеп комитетінің мүшесі                    ________________
                                                 (аты-жөні, тегі)

      Орындаушының аты-жөні, тегі
      (телефоны, электрондық почта мекенжайы)

      *Ескертпе: Бақылау объектілерін алдын ала зерделеу үшін құжаттар мен ақпаратты сұрату Есеп комитетінің ресми бланкісінде ресімделеді.

Есеп комитетінің           
сыртқы мемлекеттік қаржылық
бақылауды жүргізу қағидасына
6-қосымша                  

нысан

Республикалық бюджеттің
атқарылуын бақылау жөніндегі
есеп комитетінің мүшесі

_____________________
Аты-жөні, тегі 

Бақылау объектілерін алдын ала зерделеудің нәтижелері туралы
ақпарат

      1. Бақылау объектілерін алдын ала зерделеу барысында _______
___________________________________________________________________
                         (бақылау объектілерінің атауы)
________________________________________________________ жүргізуге
                 (бақылаудың мақсаты көрсетіледі)
      маңызы бар мынадай құжаттар зерделенді:
      1) _________________________________________________________
      (зерделенген құжаттардың, есептердің және басқа да ақпараттың,
соның ішінде тиісті бюджеттік бағдарлама бойынша қаржыландырудың
бекітілген, бөлінген және игерілген сомалары жылдар бөлінісінде
көрсетіле отырып, бақылау объектісінен сұрату бойынша алынған
мәліметтердің тізбесі беріледі)
      2) ________________________________________________________
      3) ________________________________________________________
      …  ________________________________________________________
         ________________________________________________________
      мемлекеттік (салалық) бағдарламаға, стратегиялық жоспарға бағалау жүргізген жағдайда, мемлекеттік (салалық) бағдарламаны іске асыруға арналған жоспарлы шығыстар – қаржыландыру көздері бөлінісінде, бекітілген сомалар – Бағдарламаны іске асыру жөніндегі іс-шаралар жоспарына сай, нақты бөлінген және игерілген сомалар – жылдар бөлінісінде, қаржыландыру көлемі, нақтыланған, түзетілген және игерілген сомалары көрсетіле отырып, стратегиялық жоспармен бекітілген бюджеттік бағдарламалар – жылдар бөлінісінде, мемлекеттік (салалық) бағдарламаның, стратегиялық жоспардың жоспарланған нәтижелерінің ішінде қол жеткізілген нысаналы индикаторларының, көрсеткіштерінің саны – кезеңдер бөлінісінде көрсетіледі, қол жеткізілмеген жағдайда себептері, Бағдарламаны іске асыру жөніндегі іс-шаралар жоспарының орындалған/орындалмаған іс-шараларының саны көрсетіледі, орындалмаған жағдайда себептері көрсетіледі.

      2. Бақылау объектісін алдын ала зерделеу және жүргізілген талдау қорытындысы бойынша ұсынамыз:
      2.1. Бақылау бағдарламасына мыналар енгізілсін:

      1) бақылаумен қамтылған бюджет қаражатының көлемі____________
                  (бюджеттік бағдарламалардың тексерілетін жылдары
___________________________________________________________________
    бөлінісінде бақылаумен қамтылатын қаражат көлемі көрсетіледі)
      2) ___________________________________________________________
      бақылау объектілері және мемлекеттік органдардың және
мемлекеттік қаржылық бақылау органдарының арасында кешенді, қосарлас
және бірлескен бақылау жүргізілген жағдайда, оларды бақылаушылар арасында бөлу
      3) зерделенген бақылау объектілеріне қатысты қолданылатын
бақылау түрі және үлгісі ___________________________________________
      4) бақылау мәселелері ________________________________________
      (бақылаудың әлеуетті мәселелерінің тізбесі, соның ішінде
тиімділікті бақылауды жүргізу кезіндегі өлшемдер көрсетіледі)
      2.2. Бақылау іс-шараларынан мынадай _______________ негіздер
бойынша                          (тиісті негіздерді көрсету)
      ________________________ бақылау объектісі алынып тасталсын.
    (бақылау объектісінің атауы)
      2.3. Бақылау іс-шараларын жүргізу мерзімі мынадай
__________________ негіздер бойынша ____________________________
қайта қаралсын (ұлғайтылсын/қысқартылсын).

      Бақылау тобының жетекшісі            _____________________
                                           (қолы, аты-жөні, тегі)
      Бақылау тобының қатысушылары         ___________________
                                           (қолы, аты-жөні, тегі)

      Ескертпе: қажет болған жағдайда 2.2, 2.3-тармақтар толтырылады.

Есеп комитетінің           
сыртқы мемлекеттік қаржылық
бақылауды жүргізу қағидасына
7-қосымша                  

нысан

Бақылау жүргізу (алдын ала зерделеу) туралы
хабарлама

_________________________________________
мемлекеттік органның немесе ұйымның атауы

      Хабарлама

      Есеп комитетінің 20_ жылғы _ -тоқсанға арналған жұмыс жоспарына
сәйкес _____________________ аралығында _____________________________
(бақылаудың ұзақтығы көрсетіледі)  (бақылаудың мақсаты мен мәні көрсетіледі)
бақылау жүргізіледі.

      Бақылау жүргізуге (алдын ала зерделеуге) және жауапты лауазымды адамдарды белгілеуге жәрдем көрсетулеріңізді сұраймыз.
      Атап айтқанда, қызметкерлерді жұмыс орындарымен және бақылауды (алдын ала зерделеуді) жүзеге асыруға қажетті барлық сұратылған ақпаратпен қамтамасыз етулеріңізді, сондай-ақ бақылау жүргізуге (алдын ала зерделеуге) кедергі келтірмеулеріңізді, барлық дайындық жұмыстарын жүргізіп, бақылау жүргізуге (алдын ала зерделеуге) қажетті жағдай жасауларыңызды сұраймыз.

      Есеп комитетінің мүшесі                    ______________
                                                 (аты-жөні, тегі)

Ескертпе: Бақылауды (алдын ала зерделеуді) жүргізу туралы хабарлама
Есеп комитетінің ресми бланкісінде ресімделеді

Есеп комитетінің           
сыртқы мемлекеттік қаржылық
бақылауды жүргізу қағидасына
8-қосымша                  

нысан

Бекітемін:           
Республикалық бюджеттің атқарылуын
бақылау жөніндегі есеп комитетінің
Төрағасы            
_____________ _____________
20   жылғы «  » ___________

Бақылау жүргізу
ЖОСПАРЫ

Бақылаудың негізі: _______________________________________________
Бақылаудың мақсаты: ______________________________________________
Бақылаудың үлгісі: _______________________________________________
Бақылаудың түрі:__________________________________________________

Бақылау объектілері және жүру бағдарлары:

Бақылаумен қамтылатын қаражат көлемі:____________________________
Бақылаумен қамтылатын кезең:_____________________________________
Бақылау жүргізу мерзімі: _______________________________ аралығы.
Қажетті ресурстар:_______________________________________________
Есеп комитетінің мүшесі ______________________
                        (қолы, аты-жөні, тегі)

      Ескертпе: Бақылау жүргізу жоспарын (бұдан әрі – Бақылау жоспары) жасау
      Бақылау жоспарында бақылау жүргізуге негіз, бақылаудың мақсаты, бақылаудың үлгісі мен түрі, бақылау объектілері, жүру (іссапар) бағдарлары, бақылаумен қамтылатын қаражат көлемі және кезеңі, бақылау жүргізу мерзімі, сондай-ақ оны жүргізуге қажетті ресурстар көрсетіле отырып, негізгі ұйымдастырушылық мәселелер қамтылады.
      1. Бақылаудың негізі.
      Есеп комитетінің тиісті жылдың тиісті тоқсанына арналған жұмыс жоспарына сілтеме жасалады.
      2. Бақылаудың мақсаты.
      Жоспарланған бақылаудың тақырыбы мен үлгісіне қарай қажеттісі көрсетіледі:
      1) республикалық бюджеттің атқарылуын бағалау;
      2) мемлекеттік (салалық) және бюджеттік бағдарламалардың іске асырылу тиімділігін бағалау;
      3) мемлекеттік органдардың стратегиялық жоспарларының іске асырылуын бағалау;
      4) квазимемлекеттiк сектор субъектiлерiне бөлiнген республикалық бюджет қаражатын олардың пайдалануының қаржы-экономикалық негiздемеге сәйкестiгiн бағалау;
      5) акциялары (қатысу үлестерi) мемлекетке тиесiлi квазимемлекеттiк сектор субъектiлерiнiң иелігіндегі активтердi басқаруының тиiмдiлiгiн бағалау;
      6) бюджеттік инвестициялардың тиімділігін бағалау;
      7) республикалық бюджетке түсетiн түсiмдердiң толықтығы мен уақтылылығын, республикалық бюджеттен түсетiн түсiмдер сомаларының қайтарылуын, салықтық және кедендiк әкiмшiлiк етудің тиiмдiлiгiн бағалау;
      8) республикалық бюджет қаражатын, соның iшiнде:
      нысаналы трансферттер мен кредиттерді;
      байланысты гранттарды;
      мемлекеттiк және мемлекет кепiлдiк берген қарыздарды;
      бюджеттік инвестицияларды;
      концессиялық жобаларды бюджеттен қоса қаржыландыруды;
      мемлекеттiң кепiлгерлiктерi мен активтерiн пайдаланудың Қазақстан Республикасының заңнамасына сәйкестiгiн бағалау;
      9) мемлекеттiк төтенше бюджеттiң атқарылуын бағалау;
      10) республикалық бюджет қаражатын және мемлекет активтерiн пайдалану кезiнде Қазақстан Республикасының мемлекеттiк сатып алу туралы заңнамасының сақталуын бағалау;
      11) Қазақстан Республикасы Ұлттық қоры қаражатының пайдаланылуын бағалау;
      12) Қазақстан Республикасы Ұлттық Банкiнiң активтерiн пайдаланудың Қазақстан Республикасының заңнамасына сәйкестiгiн бағалау;
      13) бақылау объектiлерiнiң есепке алу мен есептiлiктi жүргiзуiнiң анықтығы мен дұрыстығын бағалау;
      14) мемлекеттік қаржылық бақылау стандарттарының сақталуын бағалау;
      15) Қазақстан Республикасының Үкіметіне, мемлекеттік органдарға және бақылау объектілеріне жіберілген ұсынымдар мен тапсырмалардың орындалуын бағалау.
      3. Бақылаудың үлгісі.
      Жүргізілетін бақылаудың тиісті үлгісі көрсетіледі: сәйкестікке бақылау жасау, қаржылық есептілікті бақылау, тиімділікті бақылау.
      4. Бақылаудың түрі.
      Жүргізілетін бақылаудың тиісті түрі көрсетіледі: кешенді, тақырыптық, үстеме, бірлескен, қосарлас.
      5. Бақылау объектілері және жүру бағдарлары.
      Көрсетілген кесте толтырылады:
      1-бағанда – реттік сан нөмірі;
      2-бағанда – барлық бақылау объектілерінің, соның ішінде өңірлердегі бақылау объектілерінің толық атауы;
      3-бағанда облысты, қаланы көрсете отырып, бақылау объектісінің орналасқан жері көрсетіледі;
      4, 5 және 6-бағандар Есеп комитетінің қызметкерлерін іссапарға жіберу қажет болған жағдайда ғана толтырылады, бұл ретте 4-бағанда – іссапардың мерзімі, 5-бағанда – іссапар бағдары, 6-бағанда Есеп комитетінің іссапарға жіберілетін қызметкерінің аты-жөні, тегі, лауазымы көрсетіледі.
      6. Бақылаумен қамтылатын қаражат көлемі*.
      Жүргізілетін бақылау іс-шарасы шеңберінде бақылаумен қамтылатын республикалық бюджет қаражатының жалпы көлемі көрсетіледі.
      *Республикалық бюджетке түсетiн түсiмдердiң толықтығы мен уақтылылығын, республикалық бюджеттен түсетiн түсiмдер сомаларының қайтарылуын, салықтық және кедендiк әкiмшiлiк етудің тиiмдiлiгiн бақылауды жүргізу кезінде аталған бөлім толтырылмайды.
      7. Бақылаумен қамтылатын кезең.
      Бақылау объектілері қызметінің бақылаумен қамтылатын кезеңі (айлары, жылдары) көрсетіледі.
      8. Бақылау жүргізу мерзімі.
      Бақылау жүргізудің басталған және аяқталған күні көрсетіледі.
      9. Қажетті ресурстар.
      Есеп комитетінің бақылау жүргізуге тартылған қызметкерлерінің саны көрсетіледі. Мемлекеттік органдардың мамандары, аудиторлық ұйымдардың қызметкерлері және сарапшылар тартылған жағдайда, бақылауға тартылған қызметкерлердің саны және мемлекеттік органның, аудиторлық ұйымның атауы көрсетіледі.

Есеп комитетінің           
сыртқы мемлекеттік қаржылық
бақылауды жүргізу қағидасына
9-қосымша                  

нысан

Бекітемін:      
Республикалық бюджеттің 
атқарылуын бақылау жөніндегі
есеп комитетінің мүшесі
_________________________
20   жылғы « »     _____

Бақылау жүргізу
БАҒДАРЛАМАСЫ

      1. _____________________________________________
               (бақылау объектісінің атауы)
Бақылаудың мәні: _________________________________________________
Бақылаудың үлгісі:________________________________________________
Бақылаудың түрі: _________________________________________________
Бақылаумен қамтылатын кезең: _____________________________________
Бақылау жүргізу мерзімі: ________________________________ аралығы.
Бақылау тобының құрамы (бақылаушы): ______________________________
Бақылаумен қамтылатын қаражат көлемі:

Бақылау мәселелері: _____________________________________________

      2. _____________________________________________
                  (бақылау объектісінің атауы)

Бақылаудың мәні: ________________________________________________
Бақылаудың үлгісі: ______________________________________________
Бақылаудың түрі: ________________________________________________
Бақылаумен қамтылатын кезең: ____________________________________
Бақылау жүргізу мерзімі: _______________________________ аралығы.
Бақылау тобының құрамы (бақылаушы): _____________________________
Бақылаумен қамтылатын қаражат көлемі:

Бақылау мәселелері: ________________________________________

      3. ____________________________________________
               (бақылау объектісінің атауы)

      ...
Бақылауды нормативтік құқықтық және әдіснамалық қамтамасыз ету:

Бақылауды жүргізуге жауапты
құрылымдық бөлімшенің басшысы       ____________________________
                                       (қолы, аты-жөні, тегі)

Бақылау тобының жетекшісі           ____________________________
                                       (қолы, аты-жөні, тегі)

      Ескертпе: Бақылау жүргізу бағдарламасын (бұдан әрі – Бақылау бағдарламасы) жасау
      Бақылау бағдарламасында бақылау объектілері бойынша: бақылау объектісінің атауы, бақылаудың мәні, бақылаудың үлгісі мен түрі, бақылаумен қамтылатын кезең, бақылау жүргізудің мерзімі, бақылау тобының құрамы (бақылаушы), бақылаумен қамтылатын қаражат көлемі, бақылау мәселелері және оларды қараудың дәйектілігі көрсетіледі. Тиімділікті бақылау жүргізілетін жағдайда, Бақылау бағдарламасына оны бағалаудың өлшемдері енгізіледі. Бақылау бағдарламасында бақылау барысында пайдаланылатын Қазақстан Республикасы нормативтік құқықтық актілерінің, Есеп комитетінің әдіснамалық құжаттарының тізбесі келтіріледі.
      1. Бақылау объектісінің атауы.
      Реттік сан нөмірі, бақылау объектісінің атауы көрсетіледі.
      2. Бақылаудың мәні.
      Бақылау объектісі қызметінің бақылауға жататын бағыттары, қажеттісі көрсетіледі:
      1) мемлекеттік органдардың стратегиялық жоспарлары;
      2) мемлекеттік (салалық) және бюджеттік бағдарламалар;
      3) байланысты гранттар, мемлекет активтері, мемлекеттік және мемлекет кепілдік берген қарыздар, кепілгерліктер;
      4) акциялары (қатысу үлестерi) мемлекетке тиесiлi квазимемлекеттiк сектор субъектiлерiнiң активтерi;
      5) квазимемлекеттiк сектор субъектiлерiне қаржы-экономикалық негiздемеге сәйкес бөлiнген республикалық бюджет қаражаты;
      6) бюджеттік инвестициялар;
      7) Қазақстан Республикасы Ұлттық қорының қаражаты және Қазақстан Республикасы Ұлттық банкінің активтері;
      8) есепке алу мен есептілік;
      9) Мемлекеттік қаржылық бақылау стандарттары;
      10) республикалық бюджетке түсетiн түсiмдердiң толықтығы мен уақтылылығы, республикалық бюджеттен түсетiн түсiмдер сомаларының қайтарылуы, салықтық және кедендiк әкiмшiлiк ету;
      11) мемлекетті сатып алуды жүргізу рәсімдері;
      12) Есеп комитетінің бұрын қабылдаған қаулыларының (ұсынымдарының) орындалуы.
      3. Бақылаудың үлгісі.
      Осы бақылау объектісінде жүргізілетін бақылаудың тиісті үлгісі көрсетіледі: сәйкестікке бақылау жасау, қаржылық есептілікті бақылау, тиімділікті бақылау.
      4. Бақылаудың түрі.
      Осы бақылау объектісінде жүргізілетін бақылаудың тиісті түрі көрсетіледі: кешенді, тақырыптық, үстеме, бірлескен, қосарлас.
      5. Бақылаумен қамтылатын кезең.
      Бақылау объектісі қызметінің бақылаумен қамтылатын кезеңі (айлары, жылдары) көрсетіледі.
      6. Бақылау жүргізу мерзімі.
      Бақылау жүргізудің басталған және аяқталған күні көрсетіледі.
      7. Бақылау тобының құрамы (бақылаушы).
      Есеп комитетінің осы бақылау объектісінде бақылауды жүзеге асырып жатқан қызметкерлерінің (қызметкерінің), мемлекеттік органдар мамандарының, сарапшылардың (олар тартылған жағдайда) аты-жөндері, тектері, лауазымдары көрсетіледі.
      8. Бақылаумен қамтылатын қаражат көлемі*.
      Көрсетілген кесте бюджеттік бағдарламалар бөлінісінде толтырылады:
      1-бағанда – реттік сан нөмірі;
      2-бағанда – осы бақылау объектісінде бақылауға жататын бюджеттік бағдарламаның нөмірі мен атауы;
      3-бағанда – бақылау жүргізілетін тиісті жыл, жартыжылдық, айлардың саны;
      4-бағанда бақылаумен қамтылатын кезеңін ескере отырып, осы бюджеттік бағдарлама бойынша бақылауға жататын республикалық бюджет қаражаты көрсетіледі.
      4-бағанның соңында осы бақылау объектісінде бақылауға жататын республикалық бюджет қаражаты көлемінің жиынтық сомасы көрсетіледі.
      Осы бақылау объектісіне мемлекеттік органдардың мамандары, аудиторлық ұйымдардың қызметкерлері және сарапшылар тартылған жағдайда, олардың аты-жөндері, тектері, лауазымдары, мемлекеттік органның, аудиторлық ұйымның атауы көрсетіледі.
      *Республикалық бюджетке түсетiн түсiмдердiң толықтығы мен уақтылылығын, республикалық бюджеттен түсетiн түсiмдер сомаларының қайтарылуын, салықтық және кедендiк әкiмшiлiк етудің тиiмдiлiгiн бақылауды жүргізу кезінде аталған бөлім толтырылмайды.
      9. Бақылау мәселелері.
      Осы бақылау объектісінде жүргізілетін бақылау мәселелері көрсетіледі. Тиімділікті бақылау жүзеге асырылған жағдайда, оны жүргізудің өлшемдері енгізіледі.
      Келесі бақылау объектілері бойынша мәліметтер осындай тәртіппен толтырылады.
      10. Бақылауды нормативтік құқықтық және әдіснамалық қамтамасыз ету.
      Бақылау барысында қолданылатын Қазақстан Республикасының нормативтік құқықтық актілерінің, Есеп комитетінің әдіснамалық құжаттарының тізбесі көрсетіле отырып, берілген кестеге сәйкес толтырылады (жалпы жүргізілетін бақылау бойынша бір кесте толтырылады).

Есеп комитетінің          
сыртқы мемлекеттік қаржылық
бақылау жүргізу қағидасына
10-қосымша                

нысан

Бекітемін:                               
Республикалық бюджеттің атқарылуын бақылау
жөніндегі есеп комитетінің мүшесі        
______________________               
20  жылғы «  » __________                

Бақылау жүргізудің жұмыс жоспары

Есеп комитетінің қызметкері (бақылауға тартылған маман, аудитор)
______________________________________________________________
                      (аты-жөні, тегі, лауазымы)
Бақылаудың атауы _____________________________________________
Бақылау жүргізудің жалпы мерзімі _____ күн

Бақылауды жүргізуге жауапты құрылымдық
бөлімше басшысының орынбасары             _________________________
                                            (қолы, аты-жөні, тегі)
Бақылау тобының жетекшісі                 _________________________
                                            (қолы, аты-жөні, тегі)
Есеп комитетінің қызметкері
(бақылауға тартылған маман, аудитор)      _________________________
                                            (қолы, аты-жөні, тегі)

      Ескертпе: Бақылау жүргізудің жұмыс жоспарын (бұдан әрі – Жұмыс жоспары) жасау.
      Жұмыс жоспарының жоғарғы бөлігінде «Бақылаудың атауы» деген жолда бақылау жоспарына сай жүргізілетін бақылаудың атауы көрсетіледі.
      «Бақылау жүргізудің жалпы мерзімі» деген жолда барлық бақылау объектілерінде бақылау жүргізуге қажетті күнтізбелік күндердің жалпы саны көрсетіледі.
      Көрсетілген кесте бақылау объектілерінің бөлінісінде толтырылады:
      1-бағанда – реттік сан нөмірі;
      2-бағанда – бақылау объектісінің атауы (Бақылау бағдарламасында бекітілген деректерге сәйкес келеді);
      3-бағанда Есеп комитетінің тиісті қызметкері бақылаумен қамтитын бақылау объектісі қызметінің кезеңі көрсетіледі;
      4-баған Есеп комитеті қызметкерінің іссапар мерзімі мен бағдары көрсетіле отырып, Есеп комитетінің қызметкері бақылау объектісінің орналасқан жеріне іссапарға жіберілген жағдайда толтырылады (Бақылау жүргізу жоспарында бекітілген деректерге сәйкес келеді).
      5-бағанда осы бақылау объектісінде бақылау жүргізу барысында Есеп комитетінің қызметкері қамтуы тиіс мәселелер және оларды қараудың дәйектілігі көрсетіледі (Бақылау бағдарламасында бекітілген деректерге сәйкес келеді);
      6-бағанда осы бақылау объектісінде Есеп комитеті қызметкерінің бақылау жүргізуді бастаған күні көрсетіледі;
      7-бағанда осы бақылау объектісінде Есеп комитеті қызметкерінің бақылау жүргізуді аяқтаған күні көрсетіледі;
      8-бағанда бақылау жүргізетін қызметкердің бақылау актісіне қосу үшін материалдарды беретін күні көрсетіледі. Бақылау объектісіне бір бақылаушыдан артық шыққан кезде толтырылады.

Есеп комитетінің          
сыртқы мемлекеттік қаржылық
бақылау жүргізу қағидасына
11-қосымша                

нысан

Бақылау жүргізуге (алдын ала зерделеуге)
ТАПСЫРМА

      Қазақстан Республикасы Бюджет кодексінің 141-бабына және
Республикалық бюджеттің атқарылуын бақылау жөніндегі есеп комитетінің
20__ жылғы __-тоқсанға арналған жұмыс жоспарына сәйкес ____________
___________________________________________________________________
(бақылау жүргізу тапсырылған адамның А.Ә.Т. мен лауазымы көрсетіледі)
___________________________________________________________________
     (бақылау объектісінің ұйымдық-құқықтық нысаны, толық атауы,
___________________________________________________________________
оның орналасқан жері, БСН, ЖСН, басшысының А.Ә.Т. көрсетіледі)
_________ мәселесі бойынша _______________________________________
                                   (бақылау мәні көрсетіледі)
бақылау жүргізу тапсырылады.

      Бақылаудың мақсаты __________________________________________

      Бақылау үлгісі ______________________________________________

      Бақылау түрі ________________________________________________

      Бақылаумен қамтылатын кезең _________________________________

      Алдын ала зерделеудің мерзімі: _____________________ аралығы*

      Бақылау жүргізу мерзімі: ___________________________ аралығы

      Есеп комитетінің мүшесі            __________________________
                                           (қолы, аты-жөні, тегі)

      Бақылау мерзімі __ жылғы «__»_____бастап, ____жылғы «__»______ дейін ұзартылды.

      Есеп комитетінің Төрағасы      ________________________
                                         қолы, аты-жөні, тегі)

      *Бақылау объектісін алдын ала зерделеуді тікелей бақылау объектісінде жүзеге асырған жағдайда толтырылады.
      Ескертпе: Бақылау жүргізуге (алдын ала зерделеуге) тапсырма (бұдан әрі – Тапсырма) жасау.
      1. Тапсырма мынадай деректерді:
      1) нөмірі мен берілген күнін;
      2) бақылау жүргізудің құқықтық негіздерін;
      3) бақылауды жүргізу (соның ішінде алдын ала зерделеу) тапсырылған адамның (адамдардың) атын, әкесінің атын (болған жағдайда), тегін және лауазымын;
      4) бақылау объектісінің ұйымдық-құқықтық нысанын (оның филиалдары мен өкілдіктерін қоса алғанда), толық атауын, орналасқан жерін, бизнес-сәйкестендіру нөмірін (бұдан әрі – БСН), жеке сәйкестендіру нөмірін (бұдан әрі – ЖСН), басшысының атын, әкесінің атын (болған жағдайда), тегін;
      5) бақылаудың мақсаты мен мәнін (Бақылаудың жоспары мен бағдарламасына сәйкес келеді);
      6) бақылаудың үлгісі мен түрін (Бақылаудың бағдарламасына сәйкес келеді);
      7) бақылау объектісінде бақылау жүргізудің (соның ішінде алдын ала зерделеудің) жоспарланып отырған мерзімін (Бақылаудың бағдарламасына сәйкес келеді);
      8) бақылаумен қамтылатын кезеңді (Бақылаудың бағдарламасына сәйкес келеді);
      9) Есеп комитетінің бақылау жүргізуге жауапты мүшесінің аты-жөні мен тегін, оның қолын, не оның міндетін атқарушы адамның деректерін, сондай-ақ Есеп комитетінің мөрін;
      10) бастапқыда белгіленген бақылау мерзімі асып кеткен жағдайда, күнін көрсете отырып, бақылау мерзімінің ұзартылғаны туралы мәліметтерді қамтиды.

Есеп комитетінің сыртқы мемлекеттік
қаржылық бақылау жүргізу қағидасына
12-қосымша                        

нысан

_____________________ мәселесі бойынша бақылау іс-шарасы кезеңінде
_______________________ бақылау тобының жұмысбастылығы кестесі

Бақылау тобының жетекшісі _______________________________
                             (қолы, аты-жөні, тегі)

* Қаржылық бақылау органдарымен қосарлас (бірлескен) бақылау жүргізген кезде

Барлық күндер ____.
Жұмыс істемейтін күндер саны -____, соның ішінде___мерекелік күндер.
Объектілер бөлінісінде болған уақыт, жолға кеткен уақыт ескеріле отырып, күнтізбелік күндермен көрсетіледі.

Есеп комитетінің сыртқы мемлекеттік
қаржылық бақылау жүргізу қағидасына
13-қосымша                        

нысан 

күні, айы, жылы

Бақылау объектісінің басшысына              
(Министрліктің, агенттіктің жауапты хатшысына)
______________________________              
      (аты-жөні, тегі)                      

Бақылау объектісі басшысының міндеттерін атқару жөніндегі талап*

      1. Қазақстан Республикасы Бюджет кодексінің (бұдан әрі – Бюджет кодексі) 146-бабының 2-тармағына сәйкес бақылау объектісінің басшысы:
      1) мемлекеттiк қаржылық бақылау органының қызметкерлерiн жұмыс орындарымен қамтамасыз етуге;
      2) мемлекеттiк қаржылық бақылау органының қызметкерлерiн
бақылауды жүзеге асыру үшiн сұратылып отырған бүкiл қажеттi
ақпаратпен _______________________________________________________
(басшысының немесе бас бухгалтерінің қолы қойылған қажетті құжаттар
                  мен ақпараттың тізбесі көрсетіледі)
______________________________________ дейін қамтамасыз етуге;
        (күні көрсетіледі)
      3) мемлекеттiк қаржылық бақылау органы қызметкерлерiнiң iс-әрекеттерiне араласпауға, бақылау жүргiзуге кедергi келтiрмеуге және оның ауқымын шектемеуге;
      4) жүргiзiлген бақылау нәтижелерiмен танысуға бақылау актiсiн берген күннен бастап үш күн мерзiмде белгiленген тәртiппен бақылау актiсiне қол қоюға міндетті. Нәтижелермен келiспеген жағдайда, бақылау актiсiне қарсылықтың болғаны туралы ескертпемен қол қойылады. Қарсылықтар бақылау актісіне қоса беріледі немесе бақылау актісіне қол қойылған күннен бастап он күн мерзімде ұсынылады.
      2. Бюджет кодексінің 149-бабы 2-тармағының негізінде мемлекеттiк қаржылық бақылау органдарының лауазымды адамдарына олардың өз құзыреттерiне сәйкес қызметтiк мiндеттерiн орындауына, бақылау жүргiзуге жiберуден бас тарту, қажеттi құжаттарды, материалдарды, қызмет туралы ақпаратты және өзге де мәлiметтердi беруден бас тарту, анық емес ақпарат беру түрiндегi кедергi келтiру, бақылауды жүзеге асыруға өзге де кедергi жасау «Әкімшілік құқық бұзушылық туралы» Қазақстан Республикасы Кодексінің (бұдан әрі – ӘҚтК) 356-бабына сәйкес ӘҚтК-нің 635-бабына сай әкімшілік құқық бұзушылық туралы хаттама толтыра отырып, әкімшілік жауапкершілікке әкеп соқтырады.

Есеп комитетінің қызметкері        ______________________________
                                   лауазымы, аты-жөні, тегі, қолы

* Ескертпе: Талаптың бірінші данасы бақылау актісінің бланкісінде ресімделеді

Есеп комитетінің          
сыртқы мемлекеттік қаржылық
бақылау жүргізу қағидасына
14-қосымша                

нысан

Бақылау объектісіне жіберуден бас тарту фактісі бойынша
АКТ

______қаласы                               20__жылғы «__» _________

      Қазақстан Республикасы Бюджет кодексінің 141-бабына және Есеп
комитетінің 20__жылғы___тоқсанға арналған жұмыс жоспарының ___-
тармағына сәйкес __________________________________________________
                 (тексерілетін органның, мекеменің, ұйымның атауы)
________________________________ бақылау іс-шаралары жүргізіледі.
(бақылау іс-шарасының атауы)
Тексерілетін объектінің лауазымды адамы __________________________
__________________________________________________________________
                 (лауазымы, аты-жөні және тегі)
оларға бақылау жүргізуге Тапсырманың көрсетілгеніне қарамастан,
тексерілетін объектіге ___________________________________________
                (тексерілетін органның, мекеменің, ұйымның атауы)
__________________________________________________________________
     (Есеп комитеті қызметкерінің лауазымы, аты-жөні және тегі)
жіберуден бас тартты.

      Бұл Қазақстан Республикасы Бюджет кодексінің 146-бабының
2-тармағын және 149-бабының 2-тармағын бұзу болып табылады және
Қазақстан Республикасының заңнамасына сәйкес лауазымды адамдардың
жауапты болуына әкеп соғады.

      Осы акт екі данада жасалды, оның бірі_______________________
                                  (органның немесе ұйымның атауы)
басшысы (лауазымды адамы)_____________________________ тапсырылды.
                        (лауазымы, аты-жөні және тегі)

      Қолдары:

      Республикалық бюджеттің атқарылуын бақылау жөніндегі есеп
комитеті атынан __________________________________________________
                      (лауазымы, аты-жөні және тегі, қолы)
Актінің бір данасын алдым ________________________________________
(лауазымы, аты-жөні және тегі, қолы, қол қоюдан бас тарқан кезде –
алудан бас тартты деп көрсетіледі)

Есеп комитетінің сыртқы мемлекеттік
қаржылық бақылау жүргізу қағидасына
15-қосымша                        

нысан

Сыртқы мемлекеттік қаржылық бақылауды жүргізу кезінде
бақылаушылардың жұмыс жоспарларының орындалу
барысы туралы күн сайынғы есебі
(бақылаушының бір жұмыс күні ішіндегі жұмысының нәтижелері)

Бақылаушының аты-жөні мен тегі ____________________________
Бақылау объектісінің атауы ________________________________

      * Ескертпе: 2-бағанда бақылаушының Жұмыс жоспарының мәселелері көрсетіледі, 3, 4-бағандар бақылау барысында Жұмыс жоспарының әрбір мәселесі бойынша толтырылады

Күні ______________

Қолы __________

Есеп комитетінің сыртқы мемлекеттік
қаржылық бақылау жүргізу қағидасына
16-қосымша                        

нысан

Бақылаудың Жоспары мен Бағдарламасының орындалу барысы туралы
бақылау тобы жетекшісінің апта сайынғы есебі

Бақылау іс-шарасының атауы __________________________________ 

Бақылау тобы жетекшісінің аты-жөні және тегі ________________________

Есеп комитетінің          
сыртқы мемлекеттік қаржылық
бақылау жүргізу қағидасына
17-қосымша                

нысан

Республикалық бюджеттің атқарылуын бақылау жөніндегі есеп
комитетінің және
______________________________________________________
(шетелдік мемлекеттік қаржылық бақылау органының атауы)
арасындағы бірлескен немесе қосарлас бақылау жүргізу туралы
КЕЛІСІМ

20 __ж. «__» _________                               ___________қ.

      Республикалық бюджеттің атқарылуын бақылау жөніндегі есеп
комитеті және ________________________________________________
         (шетелдік мемлекеттік қаржылық бақылау органының атауы)
бұдан әрі Тараптар деп атала отырып, Халықаралық жоғары аудит органдары ұйымдарының (ИНТОСАИ), Еуропа жоғары аудит органдары ұйымдарының (ЕВРОСАИ), Азия жоғары аудит органдары ұйымдарының (АЗОСАИ), Экономикалық ынтымақтастық елдері жоғары аудит органдары ұйымдарының (ЭКОСАИ) және Тәуелсіз мемлекеттер достастығына қатысушы мемлекеттердің жоғары қаржылық бақылау органдарының басшылары кеңесінің, Есеп комитетінің шетелдік мемлекеттік қаржылық бақылау органдарымен ынтымақтастық туралы келісімінің ережелерін басшылыққа ала отырып, бірлескен (қосарлас) бақылау жүргізу туралы
__________________________________________________________________,
                 (бақылау іс-шараларының атауы)
сондай-ақ төмендегілер туралы уағдаласты:

1-бап

      1. Тараптар, өздерінің ұлттық заңнамалары шеңберінде жүзеге асырылатын бірлескен (қосарлас) бақылау іс-шараларының мыналарды:
      - ұлттық бюджеттерінің кіріс және шығыс баптарының орындалуын бақылауды қамтамасыз ету;
      - ұлттық бюджеттер қаражатын жұмсаудың, сондай-ақ мемлекеттік меншікті пайдаланудың тиімділігін айқындау;
      - елдерде бюджеттік жүйелердің жұмыс істеу тиімділігін талдау және бюджеттік процестерді жетілдіру бойынша ұсыныстар әзірлеу;
      - өнім бөлу туралы, жер қойнауы туралы пайдалану құқығы өнімді бөлу жағдайында берілуі мүмкін келісімдер туралы, ерекше экономикалық аймақ туралы заңнамаларды сақтау және тиімді орындау міндеттерін шешуде тиімділіктің артуына ықпал етеді.

2-бап

Тараптар осы Келісімге қол қойған кезде мыналарды:
негізін -_________________________________________________________;
мәнін -___________________________________________________________;
мақсатын -________________________________________________________;
объектіні (объектілерді) -________________________________________;
бақылау мәселелерін:
               1. ________________________________________________;
               2. ________________________________________________;
               ... _______________________________________________;
бақылау мерзімін - _______________________________________________;
атқарушылар құрамын:
-    Қазақстан Республикасынан __________________________________;
-    ___________________________________________________________;
-    ___________________________________________________________;
-    __________ _______ _____________________________________-нан;
бақылау жүргізу рәсімін және ұйымдастырылуын, бағдарламаны дайындау,
келісу және бекіту тәртібін;
бірлескен (қосарлас) бақылау іс-шараларының нәтижелері бойынша шешімдер қабылдау және дайындау тәртібін айқындайды.

3-бап

      1. Тараптар бірлескен (қосарлас) бақылау іс-шараларын жүргізген кезде өздерінің өкілеттіктері шегінде өзара іс-қимыл жасау және қажетті ақпаратты беру тәртібі туралы уағдаласады.
      2. Тараптар осы Келісім шеңберінде ақпарат алмасқан кезде мемлекеттік құпияны немесе өзге де құпия ақпаратты қорғау туралы өз мемлекетіндегі заңнамаларды басшылыққа алады.
      3. Ақпарат беруден бас тартылған жағдайда, екінші Тарапқа бас тартудың себептерін көрсете отырып, осы жөнінде мәлімдеме жіберіледі.

4-бап

      Тараптар қажет болған жағдайда, бірлескен (қосарлас) бақылау іс-шаралары бойынша кеңестер жүргізеді, оның нәтижелері бойынша хаттамаларға қол қойылады және нақты шешімдер қабылданады.

5-бап

      Осы Келісімнің талаптарын орындауға қатысты ұлттық заңнаманың өзгерістері жөнінде Тараптар бір-біріне дереу хабарлайды.

6-бап

      1. Объектілерде бірлескен (қосарлас) бақылау іс-шараларының нәтижелерін ресімдеу мынадай нысанда жүзеге асырылады:
______________________________________________________________
      (акті, анықтама немесе өзгелер (керегі көрсетіледі)

      2. Бірлескен (қосарлас) бақылау іс-шараларын жүргізу нәтижелері бойынша дайындау, келісу және бекіту тәртібі Тараптардың келісімімен жүзеге асырылатын құжаттар дайындалады:
__________________________________________________________________,
(қорытынды құжаттың нысаны көрсетіледі – қаулы, есеп, меморандум немесе өзгелер)

      3. Тараптардың бірінің ұсынысы бойынша бірлескен (қосарлас) бақылау іс-шараларының нәтижелері бойынша материалдар өзгеше келісілген нысанда ұсынылуы да мүмкін. Бірлескен (қосарлас) бақылаудың қосымша материалдарын ұсыну көлемі және тәртібі Тараптардың арасындағы келісім бойынша айқындалады

7-бап

      1. Бір Тарап екінші Тараптың мүддесі үшін бақылау іс-шараларын жүргізгеннен кейін, оны жүргізген Тарап осы бақылау іс-шараларының нәтижелері туралы екінші Тарапқа хабарлайды.
      2. Тараптар, бақылау іс-шараларының нәтижелерін талқылау мақсатында, қажет болған жағдайда, кеңестер өткізеді.

8-бап

      Осы Келісімнің барлық өзгерістері қосымша жазбаша келісімдермен ресімделеді және оған Тараптар қол қояды.

9-бап

      Осы Келісім, оған Тараптардың екеуі де қол қойған сәттен бастап күшіне енеді және бірлескен (қосарлас) бақылау аяқталғанға дейін қолданылады.
      Келісімнің күші жүргізіліп жатқан бірлескен (қосарлас) бақылау іс-шаралары толық аяқталғанына дейін тоқтатыла алмайды. Тараптардың мемлекеттік қаржылық бақылау органдарының бақылау іс-шараларының нәтижелері бойынша шешімдер қабылдаған күні бақылау іс-шараларының аяқталған күні болып есептеледі.

__________________  ________________________________ екі данада,
       күні               (қол қойылған орын)
әрқайсысы_______________________және қазақ тілдерінде жасалды,
      (ынтымақтасатын елдің тілі)
әрі екі мәтіннің күші де бірдей.

      Республикалық бюджеттің         _______________________ үшін
      атқарылуын бақылау жөніндегі  (ынтымақтасатын елдің мемлекеттік
      есеп комитеті үшін            қаржылық бақылау органының атауы)
      ____________________________   ________________________________
            (аты-жөні, тегі)                  (аты-жөні, тегі)
      ____________________________   ________________________________
              (лауазымы)                       (лауазымы)

Есеп комитетінің          
сыртқы мемлекеттік қаржылық
бақылау жүргізу қағидасына
18-қосымша                

нысан

                        Бақылау актісінің бланкісі      

20__ жылғы «__»________                         «__»_______ 20__ года

      Ескертпе: бақылау актісі бланкісінің сипаттамасы
      1. Бақылау актісінің бірінші парағы А4 форматындағы қатаң есептілік бланкісінде ресімделеді.
      2. Есеп комитетінің ресми атауы мемлекеттік және орыс тілдерінде көк түспен көрсетіледі. Деректеме бланкінің жоғары жағында, Есеп комитеті логотипінің түрлі-түсті бейнесінің жоғарғы нүктесі мен ортасының аралығындағы деңгейде орналасады. Осы деректеме ортаға орнату тәсілімен бейнеленеді.
      3. Бланкінің төменгі оң жағында оның реттік нөмірі көрсетіледі.
      4. Бақылау актісін ресімдеген кезде бланкінің сол жағында, парақтың тігінен алғанда ортасында «Көшірме жасауға тыйым салынады. Снятие копий запрещается» деген сөздер орналастырылады.
      5. Бақылау актісінің қалған парақтары су белгісі түрінде орындалған «Есеп комитеті» «1(2) дана» деген сөздермен парақтың диагоналі бойынша А4 форматындағы парақтарда толтырылады.

Есеп комитетінің сыртқы мемлекеттік
қаржылық бақылау жүргізу қағидасына
19-қосымша                        

нысан

Бақылау актісі

_______________                             20___жылғы «__»_________
(жасалған орны)                             №______

Бақылау объектісінің атауы _________________________________________

Бақылаудың үлгісі __________________________________________________

Бақылаудың түрі ____________________________________________________

Бақылау жүргізуге тапсырма _________________________________________

Бақылауды _________________________________________________ жүргізді

Бақылаудың мақсаты__________________________________________________

Бақылаудың мәні ____________________________________________________

Бақылаумен қамтылған кезең _________________________________________

Бақылау жүргізу мерзімі _____________________________________аралығы

Бақылау объектісінің лауазымды адамдары ___________________________

Бұрынғы бақылаудың нәтижелері туралы мәлімет ______________________

Жүргізіліп отырған бақылау нәтижелері туралы мәлімет ______________

Бақылау жүргізудегі кедергілер ____________________________________

Бақылау барысында қабылданған шаралар _____________________________

Қосымшалар:

      Есеп комитетінің қызметкер(лер)і:
      ________________________________  ___________________________
                (лауазымы)                 (қолы, аты-жөні, тегі)

      Мемлекеттік органдардың мамандары, сарапшылар
      _______________________________   ___________________________
                (лауазымы)                 (қолы, аты-жөні, тегі)

      Бақылау объектісінің лауазымды адамдары:

      _______________________         ______________________________
            (лауазымы)                    (қолы, аты-жөні, тегі)

      _______________________         ______________________________
            (лауазымы)                    (қолы, аты-жөні, тегі)

      Қарсылықтармен қол қоямын (қарсылықтар болған кезде)

      Бақылау объектісінің лауазымды адамдары:

      ______________________      ___________________________
            (лауазымы)              (қолы, аты-жөні, тегі)

      Бақылау актісі екі (үш) данада жасалды:
      ___________________________________________________________

      Ескертпе: бақылау актісін жасау
      Бақылау актісінің жоғары жағында оның жасалған орны (қаланың, басқа да елді мекеннің (ауыл, кент және тағы басқаларының) атауы), бақылау актісінің жасалған күні, бақылау актісі данасының нөмірі көрсетіледі (№ 1 дана – Есеп комитеті үшін, № 2 дана бақылау объектісі үшін жасалады. Бірлескен бақылау кезінде № 1 дана – Есеп комитеті үшін, № 2 дана – бірлескен бақылауға қатысушы мемлекеттік орган үшін, № 3 дана бақылау объектісі үшін жасалады).
      Бақылау актісінде мынадай деректер көрсетіледі:
      1. Бақылау объектісі.
      Бақылау объектісінің толық атауы, мемлекеттік тіркеу туралы деректері, банк және салық деректемелері, БСН (ЖСН) көрсетіледі.
      2. Бақылаудың үлгісі.
      Бақылау бағдарламасына сәйкес бақылау үлгісі (сәйкестікке бақылау жасау, қаржылық есептілікті, тиімділікті бақылау) көрсетіледі.
      3. Бақылаудың түрі.
      Бақылау бағдарламасына сәйкес бақылау түрі (кешенді, тақырыптық, үстеме, бірлескен, қосарлас) көрсетіледі.
      4. Бақылау жүргізуге тапсырма.
      Тапсырманың күні мен нөмірі, Тапсырмаға қол қойған лауазымды адамның аты-жөні, тегі, лауазымы көрсетіледі.
      5. Бақылауды... жүргізді.
      Бақылауды жүргізген Есеп комитеті қызметкерінің, бақылау жүргізуге тартылған мемлекеттік органдар мен аудиторлық ұйымдар мамандарының және сарапшылардың аты-жөні, тегі, лауазымы көрсетіледі.
      6. Бақылаудың мақсаты.
      Бақылау жоспарына сәйкес бақылаудың мақсаты көрсетіледі.
      7. Бақылаудың мәні.
      Бақылау бағдарламасына сәйкес бақылаудың мәні көрсетіледі.
      8. Бақылаумен қамтылған кезең.
      Бақылау объектісі қызметінің тексерілген кезеңі көрсетіледі (Бақылау бағдарламасына сәйкес келеді).
      9. Бақылау жүргізу мерзімі.
      Осы бақылау объектісінде бақылау жүргізудің басталған және аяқталған күні көрсетіледі (Бақылау бағдарламасына сәйкес келеді).
      10. Бақылау объектісінің лауазымды адамдары.
      Хабар беріле отырып, бақылау жүзеге асырылған бақылау объектісінің лауазымды адамдарының аты-жөні, тегі, сондай-ақ бақылаумен қамтылған кезеңде жұмыс істеген және құжаттарға қол қою құқығы болған бақылау объектісінің лауазымды адамдарының аты-жөні, тегі көрсетіледі.
      11. Бұрынғы бақылау нәтижелері туралы мәлімет.
      Тексерілетін мәселелер бойынша ғана қысқаша мәліметтер, бұрын анықталған бұзушылықтарды жою бойынша бақылау объектісі қабылдаған шаралар көрсетіледі.
      12. Жүргізіліп отырған бақылау нәтижелері туралы мәліметтер.
      Бақылау актісінің осы бөлімінде бақылау мақсатына қол жеткізілгенін растауға жеткілікті жүргізілген бақылаудың нәтижелері туралы мәліметтер көрсетіледі. Бақылау бағдарламасының сұрақтарына жауаптар белгіленеді, бұл ретте Бақылау бағдарламасының әрбір мәселесінің атауы көрсетіледі.
      Бақылау сұрақтарына жауаптар толық, дәл, объективті және қысқаша баяндалады.
      Бақылау актісінде бақылау объектісінің тексерілетін мәселелер бойынша қызметінің нәтижелері бақылау актісіне қосымша болып табылатын кестелерде егжей-тегжейлі ақпарат көрсетіле отырып, жинақталған түрде (мемлекеттік органдардың олардың стратегиялық жоспарларында, мемлекеттік, салалық бағдарламаларда, бюджеттік бағдарламалардың көрсеткіштерінде, көрсететін мемлекеттік қызметтерінде көзделген мақсаттарына, міндеттеріне, нысаналы индикаторларына, нәтижелер көрсеткіштеріне қол жеткізуі; байланысты гранттарды, мемлекеттік және мемлекет кепілдік берген қарыздарды, мемлекет кепілгерліктері мен активтерін пайдалану; квазимемлекеттік сектор субъектілеріне бөлінген республикалық бюджет қаражатын олардың пайдалануының қаржы-экономикалық негіздемеге сәйкестігі, бюджеттік инвестициялардың тиімділігі, акциялары (қатысу үлестері) мемлекетке тиесілі квазимемлекеттік сектор субъектілерінің активтерін басқаруы; республикалық бюджетке түсетін түсімдердің толықтығы мен уақтылылығы, республикалық бюджеттен түсімдер сомаларының қайтарылуы, салықтық және кедендік әкімшілік етудің тиімділігі (нәтижелер көрсеткіштеріне қол жеткізілмегенде, қаражат игерілмегенде себептерін көрсету)) тіркеледі. Бақылау актісінде жүргізілген үстеме бақылаудың, бақылау өлшемдерінің (тексеріп қараулардың) нәтижелері көрсетіледі, сондай-ақ бұзушылық фактілері, соның ішінде бақылау объектісі болып табылмайтын басқа да мемлекеттік органдардың бөлінетін бюджеттік бағдарлама қаражатын пайдалану кезінде жасағандары баяндалады.
      Бақылау мәселелері бойынша бұзушылықтар анықталған жағдайда, бұзушылықтың әрбір фактісі жалғаспалы тәртіппен нөмірленеді және нормативтік құқықтық актінің ережелері бұзылған баптарына, тармақтарына және тармақшаларына сілтеме жасала отырып, бұзушылықтың сипаттамасы мен түрін сипаттау арқылы жеке тармақпен (1-тармақ, 2-тармақ және тағы басқа) белгіленеді.
      Егер бақылау мәселесі бойынша бұзушылықтар анықталмаса, онда «Бағдарлама мәселесі (атауы) тексерілді. Бұзушылықтар анықталмады.» деген жазба жасалады.
      Бақылауды жүзеге асыратын қызметкерлер жүргізілетін бақылаудың үлгісі мен мәніне қарай бақылау актісіне қосымшалар ретінде ресімделетін мынадай кестелерді толтырады:
      1) 1-кесте. Бақылаумен қамтылған бюджеттік бағдарламалардың (кіші бағдарламалардың) орындалуы бойынша ақпарат;
      2) 2-кесте. Мемлекеттік органның стратегиялық жоспарының бюджеттік бағдарламаларының орындалуын талдау;
      3) 3-кесте. Құрылыс жұмыстарының орындалған (қабылданған) көлемі және құрылыс объектілерін пайдалануға берудің уақтылылығы туралы ақпарат;
      4) 4-кесте. ____ жылы объектілерді салу және реконструкциялау құнының қымбаттағаны туралы мәліметтер;
      5) 5-кесте. Мемлекеттік (салалық) бағдарламаны қаржыландырудың көлемі мен көздері туралы мәліметтер;
      6) 6-кесте. Мемлекеттік (салалық) бағдарламаны іске асыру жөніндегі Іс-шаралар жоспарының орындалуы туралы ақпарат;
      7) 7-кесте. Мемлекеттік (салалық) бағдарламаның мақсаттарына, міндеттеріне, нысаналы индикаторларына және нәтижелер көрсеткіштеріне қол жеткізу туралы мәліметтер;
      8) 8-кесте. Мемлекеттік органның стратегиялық жоспарының негізгі көрсеткіштері туралы мәліметтер;
      9) 9-кесте. Квазимемлекеттік сектор субъектілеріне жарғылық капиталын толықтыруға бөлінген бюджет қаражатының пайдаланылуы туралы мәліметтер;
      10) 10-кесте. Квазимемлекеттік сектор субъектілері қызметінің көрсеткіштері;
      11) 11-кесте. Квазимемлекеттік сектор субъектілері бойынша әкімшілік шығыстар лимитінің сақталуы.
      Бақылауды жүзеге асырған қызметкерлер бақылау актісіне қажетті өзге де кестелерді жасауы мүмкін. Бақылау актісінде бақылау актісіне қосымшаларға міндетті түрде сілтеме жасалады.
      13. Бақылау жүргізудегі кедергілер.
      Бақылау объектісі лауазымды адамдарының Есеп комитеті қызметкерлерінің бақылау жүргізуіне кедергі келтіру фактілері туралы мәліметтер көрсетіледі.
      Есеп комитетінің қызметкері әкімшілік құқық бұзушылықтың жасалғаны туралы хаттама толтырған жағдайда, оның нөмірі және күні көрсетіледі (хаттама бақылау объектісінің лауазымды адамдары бақылау объектісіне жіберуден бас тартқан кезде, бақылау жүргізу үшін қажетті құжаттарды ұсынбаған немесе анық емес, объективті әрі толық емес ақпаратты, материалдарды және өзге де мәліметтерді ұсынған кезде, бақылау актісіне қол қоюдан бас тартқан немесе қол қойылған бақылау актісін бермеген кезде толтырылады).
      14. Бақылау барысында қабылданған шаралар.
      Бақылау барысында анықталған бұзушылықтарды жою бойынша бақылау объектісінің қабылдаған шаралары туралы мәліметтер көрсетіледі (салықтарды, айыппұлдар мен өсімақыларды қосымша есептеу, негізсіз пайдаланылған қаражатты бюджетке өтеу, бухгалтерлік есеп пен қаржылық есептілік бойынша қаражатты қалпына келтіру, тауарлар, жұмыстар мен көрсетілетін қызметтер бойынша өнім берушілердің шарттық міндеттемелерді орындауы, бақылау объектісінің лауазымды адамдарына қатысты қабылданған тәртіптік жазалау шаралары және басқалар).
      15. Қосымшалар:
      1) бақылау объектісі басшысының міндеттерін атқару жөніндегі талап;
      2) бақылаудың нәтижелері бойынша анықталған бұзушылықтар мен кемшіліктердің тізілімі міндетті түрде;
      3) құжаттардың түпнұсқалары немесе тиісті түрде расталған көшірмелері, анықтамалар, кестелер, бұзушылық фактілерін бейнелейтін фотосуреттер;
      4) функционалдық және лауазымдық міндеттеріне қарай, жол берілген бұзушылықтарға қатысы бар адамдардың жазбаша түсініктемелері (қажет болғанда);
      5) бақылау өлшемдері мен тексеріп қараулардың актілері (олар толтырылған жағдайда);
      6) зерттеулердің (сынақтардың және тағы басқаларының), сараптамалардың қорытындылары, хаттамалардың көшірмелері, бақылау нәтижелеріне байланысты басқа да құжаттар немесе олардың көшірмелері (олар толтырылған жағдайда);
      7) мемлекеттік органдар мамандарының, сарапшылардың (тартылған жағдайда) сараптамалық қорытындылары;
      8) мемлекеттік қызметтерді алушылардың қанағаттанушылығы тұрғысынан халық арасында сауалнама жүргізу (қажет болғанда).
      16. Бақылауды жүргізген Есеп комитеті қызметкерлерінің (бақылау жүргізуге тартылған мемлекеттік органдар мамандарының, сарапшылардың), және бақылау объектілерінің лауазымды адамдарының қолдары.
      Бақылау актісінің соңғы бетінде адресатты және бланк нөмірін көрсете отырып, актінің екі (үш) данада (бақылау актісінің № 1 данасы – Есеп комитетіне, бақылау актісі бланкінің №__; № 2 дана – бақылау объектісіне, бланк № __) жасалғаны туралы жазба жасалады.
      Бақылауды жүргізген бақылаушылар және бақылау объектісінің лауазымды адамдары бақылау актісінің барлық беттеріне екінші парақтан бастап қол қояды.

20_жылғы «__» _____       
Бақылау актісіне №__қосымша

1-кесте. Бақылаумен қамтылған бюджеттік бағдарламалардың (кіші бағдарламалардың) орындалуы бойынша ақпарат               (мың теңге)

Ескертпе:
3-бағанда – бюджет жобасына бюджеттік өтінімді есепке алудың деректері;
4-бағанда – бюджеттік бағдарламалар (кіші бағдарламалар, өзіндік ерекшеліктер) бөлінісінде жыл басына қаржыландыру жоспарында көзделген қаражат;
6-бағанда – бюджеттік бағдарламалар (кіші бағдарламалар, өзіндік ерекшеліктер) бөлінісінде жыл соңына қаржыландыру жоспарында көзделген қаражат;
7-бағанда – баланс деректері (№ 2 нысан);
9-бағанда – баланс деректері (№ 2 нысан) толтырылады.
Осы кестені стратегиялық жоспардың бюджеттік бағдарламаларының көрсеткіштерін бағалау кезінде де қолдануға болады.

20_жылғы «__» _____       
Бақылау актісіне №__қосымша

2-кесте. Мемлекеттік органның стратегиялық жоспарының бюджеттік бағдарламаларының орындалуын талдау *

      *Осы кесте мемлекеттік органның стратегиялық жоспарын бағалау кезінде және жекелеген республикалық бюджеттік бағдарламалардың орындалуын бақылау кезінде толтырылады.
      Ескертпе: Бюджеттік бағдарламаның іске асырылу нәтижелерін сипаттайтын көрсеткіштер тікелей және түпкі нәтижелердің көрсеткіштерін қамтиды, сондай-ақ сапа және тиімділік көрсеткіштерін қамтуы мүмкін.

20_жылғы «__» _____       
Бақылау актісіне №__қосымша

3-кесте. Құрылыс жұмыстарының орындалған (қабылданған) көлемі және
құрылыс объектілерін пайдалануға берудің уақтылылығы туралы ақпарат

Ескертпе:
1-бағанда – реттік нөмірі;
2-бағанда – шегінде объектінің құрылысын қаржыландыру жүргізілетін бюджеттік бағдарламаның атауы;
3-бағанда – Мемлекеттік сараптаманың қорытындысы бойынша құрылыстың сметалық құны;
4-бағанда – Мемлекеттік сараптаманың қорытындысы бойынша құрылысты іске асырудың нормативтік мерзімі;
5-бағанда – жасалған шарт талаптары бойынша құрылыстың көзделген кезеңі;
6-бағанда – шарт талаптары бойынша объект құрылысының көзделген құны;
7-бағанда – құрылыс басталғаннан бастап қабылданған актілерге сай іс жүзінде орындалған құрылыс жұмыстарының құны;
8-бағанда – мердігердің қабылдаған міндеттемелерінің талаптары бойынша объектіні тапсыруды аяқтаудың көзделген мерзімі;
9-бағанда – Мемлекеттік қабылдау комиссиясының актісіне сай объектіні пайдалануға қабылдау мерзімі;
10-бағанда – құрылыс объектісі пайдалануға уақтылы тапсырылмаған жағдайда, себептері көрсетіледі.

4-кесте. ___ жылы объектілерді салу және реконструкциялау құнының қымбаттағаны туралы мәліметтер

Ескертпе:
1-бағанда – реттік нөмірі;
2-бағанда – шегінде объектіні салу немесе реконструкциялау құнының қымбаттауын қаржыландыру жүргізілетін бюджеттік бағдарламаның атауы;
4-бағанда – Мемлекеттік сараптаманың қорытындысы бойынша объектіні салудың немесе реконструкциялаудың бастапқы құны;
5-бағанда – объектіні салу немесе реконструкциялаудың жобаны түзеткеннен кейінгі (қымбаттау) құны;
6-бағанда – қымбаттау (түзету) құны;
7-бағанда - объектіні салудың және реконструкциялаудың қымбаттауына әсер еткен себептер көрсетіледі.

20_жылғы «__» _____       
Бақылау актісіне №__қосымша

5-кесте. Мемлекеттік (салалық) бағдарламаны қаржыландырудың көлемі және көздері туралы мәліметтер

Ескертпе:
      2-бағанда мемлекеттік (салалық) бағдарламаны қаржыландырудың көздері – республикалық бюджеттің, жергілікті бюджеттің қаражаты және басқа да көздер (инвестициялар, гранттар, екінші деңгейдегі банктердің кредиттері, ұйымның меншікті қаражаты және басқалар) көрсетіледі.
      3-бағанда мемлекеттік (салалық) бағдарламаны іске асыру жөніндегі іс-шаралар жоспарында көзделген сома қаржыландыру көздері бөлінісінде көрсетіледі;
      4-бағанда республикалық бюджетті бекіту кезінде көзделген сома көрсетіледі (бюджет түзетілген немесе нақтыланған кезде есепті кезеңнің соңындағы сома көрсетіледі);
      5-бағанда іс жүзінде бөлінген қаржыландыру сомасы көрсетіледі;
      6-бағанда іс жүзіндегі шығыстардың жоспарлы көрсеткіштерден ауытқуы көрсетіліп, 7-бағанда ауытқудың себептері көрсетіледі.

6-кесте. Мемлекеттік (салалық) бағдарламаны іске асыру жөніндегі Іс-шаралар жоспарының орындалуы туралы ақпарат

Ескертпе:
      3-бағанда мемлекеттік (салалық) бағдарламаны қаржыландырудың көздері – республикалық бюджеттің, жергілікті бюджеттің қаражаты және басқа да көздер (инвестициялар, гранттар, екінші деңгейдегі банктердің кредиттері, ұйымның меншікті қаражаты және басқалар) көрсетіледі.
      11-бағанда іс-шара орындалған жағдайда, тек «орындалды» деген сөз жазылады, іс-шара орындалмаған жағдайда, бақылау объектісінен алынған деректер негізінде тиісті себептері көрсетіліп, аталған деректердің анықтығын тексеру қажет болады.
      Жүргізілген жұмыстың қорытындысы бойынша бақылау актісінде көзделген жалпы іс-шаралар саны, соның ішінде орындалған және орындалмаған іс-шаралардың орындалмау себептері көрсетіле отырып, жалпы ақпарат қана көрсетіледі.

7-кесте. Мемлекеттік (салалық) бағдарламаның мақсаттарына, міндеттеріне, нысаналы индикаторларына және нәтижелер көрсеткіштеріне қол жеткізу туралы мәліметтер

      Ескертпе: Бағдарламаның барлық мақсаттары, нысаналы индикаторлары, міндеттері, іске асыру нәтижелерінің көрсеткіштері нөмірленіп жазылады. Нысаналы индикаторлар және нәтижелер көрсеткіштері сандық көрсеткіштерге ие болады.
      5-бағанда бақылау объектісінен алынған анық ақпарат негізінде нысаналы индикаторлар көрсеткіштерінің орындалғаны және орындалмағаны туралы ақпаратты көрсету қажет.

20_жылғы «__» _____       
Бақылау актісіне №__қосымша

8-кесте. Мемлекеттік органның стратегиялық жоспарының негізгі көрсеткіштері туралы мәліметтер

      Ескертпе: Стратегиялық жоспардың барлық бағыттары, мақсаттары, көрсеткіштердің нысаналы индикаторлары нөмірленіп жазылады. Нысаналы индикаторлар және нәтижелердің көрсеткіштері сандық көрсеткіштерге ие болады. Әрбір стратегиялық мақсатқа оның қол жетімділік дәрежесін айқындау үшін нысаналы индикатор сәйкес болуы тиіс.
      5-бағанда мемлекеттік орган берген анықтық бақылауына жатқызылуы тиіс деректердің негізінде нысаналы индикаторларға қол жеткізілмеудің анық себептері көрсетіледі. 6 және 7-бағандарда нысаналы индикаторлардың сандық көрсеткіштері мен нәтижелердің көрсеткіштеріне енгізілген түзетулердің бар-жоғы, сондай-ақ қандай нормативтік актінің негізінде сандық көрсеткіштерге түзетулер енгізілгені көрсетіледі.

20_жылғы «__» _____       
Бақылау актісіне №__қосымша

9-кесте. Квазимемлекеттік сектор субъектілеріне жарғылық капиталын толықтыруға бөлінген бюджет қаражатының пайдаланылуы туралы мәліметтер

      Ескертпе:
      2-баған – заңды тұлғалардың жарғылық капиталына бюджет қаражатын салудың негізділігі, орындылығы және оның нәтижесін бағалау;
      3-баған – заңды тұлғаның жарғылық капиталын бюджет қаражаты есебінен ұлғайтуға оның қызметін дамыту немесе кеңейту мақсатында жол беріледі;
      4-баған – қаражатты қандай іс-шараларға пайдалану жоспарланған;
      5-баған – жоспарланған қаражат сомасы;
      6-баған – қаражат іс жүзінде қандай іс-шараларға пайдаланылды;
      7-баған – іс жүзіндегі шығыстар сомасы;
      8-баған – қаржы-экономикалық негіздемеде көзделген мақсаттарға қол жеткізілді ме, бөлінген бюджет қаражатын басқа мақсатқа жұмсау фактілері бар ма.

10-кесте. Квазимемлекеттік сектор субъектілері қызметінің көрсеткіштері

Ескертпе:
1-бағанда – реттік нөмірі;
2-бағанда – бақылау объектісінің толық заңды атауы;
3-бағанда – қаржылық есептілік деректері бойынша квазимемлекеттік сектор субъектісінің өткен жылы тапқан таза табысы;
4-бағанда - қаржылық есептілік деректері бойынша квазимемлекеттік сектор субъектісінің есепті кезеңде тапқан таза табысы;
5-бағанда – есепті кезеңді өткен кезеңмен салыстырғанда таза табыстың ұлғаюының не төмендеуінің пайыздық арақатынасы көрсетіледі;
6-бағанда – өткен жылы төленген дивидендтер, табысының бір бөлігінің аударымдары;
7-бағанда – есепті жылы төленген дивидендтер, табысының бір бөлігінің аударымдары;
8-бағанда – төленген дивидендтердің таза кірісінің пайызы, табысының бір бөлігінің аударымдары көрсетіледі;
9-бағанда – өткен жылдардағы шығын баптары бөлінісінде жалпы және әкімшілік шығыстар таратылып көрсетіледі;
10-бағанда - есепті жылдағы шығын баптары бөлінісінде жалпы және әкімшілік шығыстар таратылып көрсетіледі;
11-бағанда – есепті кезеңді өткен кезеңмен салыстырғанда, жалпы және әкімшілік шығыстардың ұлғаюының не төмендеуінің пайыздық арақатынасы көрсетіледі.

11-кесте. Квазимемлекеттік сектор субъектілері бойынша әкімшілік шығыстар лимитінің сақталуы

Ескертпе:
1-бағанда – реттік нөмірі;
2-бағанда – квазимемлекеттік сектор субъектісінің толық заңды атауы;
3-бағанда – Директорлар кеңесі немесе мемлекеттік басқару органы сандық тұрғыда бекіткен қызметтік жеңіл автомобильдер лимиті;
4-бағанда - Директорлар кеңесі немесе мемлекеттік басқару органы бекіткен аппаратты орналастыруға арналған алаң нормативтері (шаршы м.);
5-бағанда – Директорлар кеңесі немесе мемлекеттік басқару органы бекіткен әкімшілік шығыстар шегінде іссапар шығыстарын өтеу нормативтері;
6-бағанда – әкімшілік-басқару аппаратына қызмет көрсететін қызметтік автомобильдердің нақты саны көрсетіледі;
7-бағанда - әкімшілік-басқару аппаратының нақты алаңының аумағы көрсетіледі;
8-бағанда – әкімшілік шығыстар шегінде іссапар шығыстарының нақты төлемдері көрсетіледі;
9-бағанда – бекітілген нормативтер әкімшілік шығыстар баптары бөлінісінде нақты жүргізілген шығыстардан ауытқыған жағдайда, себептері көрсетіледі.

Есеп комитетінің сыртқы мемлекеттік
қаржылық бақылау жүргізу қағидасына
20-қосымша                        

нысан

Бақылау нәтижелері бойынша анықталған бұзушылықтар мен кемшіліктер
ТІЗІЛІМІ

1) қаражат бюджетке түскен кезде                      (мың теңге)

2) бюджет қаражаты мен активтерді пайдалану кезінде       (мың теңге)

3) бақылау объектісі қызметіндегі, сондай-ақ оның міндеттері мен функцияларын іске асыруға байланысты өзге де заңнама бұзушылықтары, заңнамадағы кемшіліктер мен олқылықтар

Есеп комитетінің бақылауды
жүргізген қызметкерлері                      ______________________
                                             (қолы, аты-жөні, тегі)

Есеп комитетінің сыртқы мемлекеттік
қаржылық бақылау жүргізу қағидасына
21-қосымша                        

нысан

Бақылау өлшемі (тексеріп қарау)
АКТІСІ

_________________                           _______________________
 (жасалған орны)                                (жасалған күні)

      Есеп комитеті мүшесінің 20__жылғы __________ Тапсырмасына
сәйкес жүргізілген ________________________________________________
                                (бақылаудың атауы)
бақылау барысында _________________________________________________
                           (бақылау объектiсінiң атауы)
объектісінде Есеп комитетінің қызметкерi (қызметкерлері) (сарапшы,
маман)_____________________________________________________________
            (бақылаушының және бақылауға тартылған сарапшылардың,
___________________________________________________________________
мамандардың аты-жөндерi, тектері, лауазымдары және көрсетіледі)
өкiлдердің қатысуымен _____________________________________________
        (бақылау объектісінің, тапсырыс берушінің, мердігердің және
___________________________________________________________________
тағы басқа өкілдерінің аты-жөндері, тектері, лауазымдары көрсетіледі)
___________________________________________________________________
(бақылау объектісі және бақылау өлшемі (тексеріп қарау) мәні көрсетіледі)
анықтығын растау мақсатында бақылау өлшемі (тексеріп қарау) жүзеге
асырылып, нәтижесінде _____________________________________________
     (бақылау өлшемінің (тексеріп қараудың) нәтижелері көрсетіледі)
анықталды.

Актіге қосымша ____________________________________________________
(тексеріп қарауға байланысты түсініктеме, фото және басқа да материалдар)
Есеп комитетінің қызметкері (лері)
(бақылауға тартылған сарапшы, маман):
_______________________________      ________________________
       (лауазымы)                     (қолы, аты-жөнi, тегі)

Бақылау объектісінің, тапсырыс берушінің
мердігердің және тағы басқаның өкілдері:
_______________________       ______________________________
        (лауазымы)                  (қолы, аты-жөнi, тегі)
_______________________       ______________________________
       (лауазымы)                  (қолы, аты-жөнi, тегі)

Актінің жасалған даналарының саны: ______________________
                                   (адресат көрсетіледі)

Есеп комитетінің          
сыртқы мемлекеттік қаржылық
бақылау жүргізу қағидасына
22-қосымша                

Сапаны бақылауды жүзеге асыру бойынша әдістемелік ұсынымдар 1. Жалпы ережелер

      1. Сапаны бақылауды жүзеге асыру бойынша әдістемелік ұсынымдар (бұдан әрі – Әдістемелік ұсынымдар) бақылау іс-шаралары бойынша бақылауды жоспарлау (бақылаудың жоспарын, бағдарламасын жасау) сатысынан бастап, бақылау іс-шарасының қорытындылары бойынша шешім қабылдағанға дейінгі сапаны бақылау рәсімдерін жүзеге асыруды айқындайды.
      2. Сапаны бақылауды жеке құрылымдық бөлімше жүзеге асырады.
      3. Сапаны бақылаудың мақсаты бақылауды жүзеге асыру кезінде Есеп комитетінің сыртқы мемлекеттік қаржылық бақылаудың сапасын қамтамасыз етуге және сыртқы мемлекеттік қаржылық бақылау саласындағы заңнаманың, сондай-ақ Есеп комитетінің өкілеттігі шегінде әзірленген құқықтық актілердің және әдіснамалық құжаттардың белгіленген талаптарын сақтауға жәрдемдесу болып табылады. Сапаны бақылау шеңберінде анықталған бұзушылықтарды көрсету кезінде заңнаманы қолданудың дұрыстығына, бұзушылықты растайтын құжаттардың бар-жоғына, бақылаудың нәтижелері бойынша қорытынды мен қаулыдағы тұжырымдар мен ұсыныстардың негізділігіне заң сараптамасы жүзеге асырылады.
      4. Бақылаудың мәні Жоспарлардың, Бағдарламалардың, Жұмыс жоспарларының жобалары, бақылау іс-шараларының актілер және барлық қосымшаларымен бірге жиынтық мәліметтері, бақылау актілеріне бұзушылықтар тізілімі, қорытындылар мен қаулылар (ұсынымдар) жобалары, бұзушылықтардың жиынтық тізілімі болып табылады.
      5. Сапаны бақылауды жүргізудің принциптері:
      1) тәуелсіздік – қызметкерлердің сапаны бақылауды жүзеге асыруы кезінде олардың қызметіне араласуға жол бермеу;
      2) объективтілік – бақылауды Қазақстан Республикасының заңнамасына және Есеп комитеті Төрағасының шешімдеріне қатаң сәйкестікте жүргізу, сапаны бақылауды жүргізу кезінде бірыңғай көзқарасты қамтамасыз ету және бақылаудың қорытындыларын құжатпен негіздеп, тұжырымдармен растай отырып ресімдеу, мүдделер қақтығысын болдырмау;
      3) ашықтық – сапаны бақылау нәтижелерiнің, сапаны бақылаудың әдістері мен өлшемдерінің айқындығы, сондай-ақ оның нәтижелері барлық мүдделі тараптар үшін түсінікті және қолжетімді болуы тиіс;
      4) құзыреттілік – қызметкерлердің бақылауды жүзеге асыруға қажетті кәсіби білімдері мен дағдыларының жиынтығы.
      6. Бақылау іс-шаралары материалдарының сапасын бақылау мынадай кезеңдер бойынша жүргізіледі:
      1) бақылау іс-шарасын жоспарлаудың сапасын бақылау;
      2) бақылау актілерінің сапасын бақылау;
      3) бақылау іс-шарасының нәтижелері бойынша қорытындылардың, қаулылардың (ұсынымдардың) жобаларының сапасын бақылау.
      Сапаны бақылауды жүзеге асыру рәсімі Есеп комитеті Төрағасының шешімімен белгіленеді.
      Есеп комитеті Төрағасының шешімімен сапаны бақылаудың нәтижелері бойынша бақылау орнына бару арқылы қайта бақылау (қайта тексеру) жүргізіледі.

2. Бақылау іс-шарасын жоспарлаудың сапасын бақылау

      7. Сапаны бақылау мынадай өлшемдер:
      1) Бақылау жоспары мен бағдарламасы, Жұмыс жоспары жобасының белгіленген нысандарға сәйкестігі;
      2) Жоспардың бақылау іс-шаралары мәселелерін қамту толықтығы;
      3) бақылау объектілерін қамту толықтығы, атаулылық принципінің сақталуы;
      4) бақылауға жататын объектілерді талдаумен қамту толықтығы;
      5) Бақылау жоспары мәселелерінің бақылаудың үлгісіне және бақылаудың мақсатына сәйкестігі;
      6) Бақылау бағдарламасының бақылау бағыттары мен бақылау мәселелерін қамту толықтығы;
      7) Бақылау бағдарламасында бағалау өлшемдерінің бар-жоғы және тиімділікті бақылауды жүргізген жағдайда, олардың белгіленген талаптарға сәйкестігі;
      8) Жұмыс жоспарларында бақылаудың нақты мәселелерінің бақылауды жүзеге асыратын адамдар арасында бөліну толықтығы бойынша жүзеге асырылады.
      8. Сапаны бақылаудың нәтижесі бойынша Әдістемелік ұсынымдарға қосымшаға сай нысан бойынша жазбаша түрде сараптамалық қорытынды дайындалады.

3. Бақылау актілерінің сапасын бақылау

      9. Актілердің сапасын бақылаудың негізгі міндеттері бақылау іс-шараларын жүргізуде кездесетін кемшіліктерді анықтау, сондай-ақ бақылау іс-шараларын жүргізудің сапасын арттыру мақсатында нормативтік құқықтық актілерді және құқықтық актілерді жетілдіру, бақылау топтарының жұмысын ұйымдастыру жөнінде ұсыныстар әзірлеу болып табылады.
      10. Сапаны бақылауды жүзеге асыру үшін мынадай құжаттар:
      1) бақылау актілері;
      2) бақылау жүргізуге тапсырмалардың көшірмелері;
      3) бұзушылық фактілерін растайтын құжаттар;
      4) бақылау өлшемі (тексеріп қарау) актілері, зерттеулердің, сараптамалардың қорытындысы;
      5) бар болған жағдайда, бақылау бағдарламасына толықтырулар немесе өзгерістер;
      6) бақылауға қатысқан жағдайда, тартылған сарапшылардың аудиторлық есептері, қорытындылары;
      7) бақылау объектілерінің қарсылықтары бар болса, олардың көшірмелері ұсынылады.
      11. Бақылауды жүзеге асыру процесінде сапаны бақылауға жауапты құрылымдық бөлімшенің қызметкерлері бақылауға қатысқан бақылаушылардан бақылаудың нәтижесіне байланысты түсініктемелер мен құжаттарды сұратады.
      12. Сапаны бақылау мынадай өлшемдер бойынша:
      1) бақылау актілері санының жоспарланған бақылау объектілері санына сәйкестігі;
      2) нысанға сәйкес жасалған бақылау жүргізуге тапсырманың бар-жоғы;
      3) бақылау іс-шарасын аяқтау және бақылау актісіне қол қою мерзімінің сақталуы;
      4) бақылау актілерін тіркеуге және есепке алуға тапсыру мерзімінің сақталуы;
      5) бақылау актісінің белгіленген нысанға сәйкестігі;
      6) акт мазмұнының Мемлекеттік қаржылық бақылау стандарттарының (бұдан әрі – Стандарттар) және Республикалық бюджеттің атқарылуын бақылау жөніндегі есеп комитетінің Сыртқы мемлекеттік қаржылық бақылауды жүргізу қағидаларының белгіленген талаптарына сәйкестігі, соның ішінде:
      жүргізілген бақылау мақсатының Бақылау жоспарында көрсетілген мақсатқа сәйкестігі;
      Бақылау бағдарламасының мәселелерін қамту толықтығы;
      Бақылау жоспары мен бағдарламасында көрсетілмеген мәселелер мен бюджеттік бағдарламалар бойынша бақылауды жүзеге асыру фактілерінің бар-жоғы;
      бақылаумен қамтылатын кезеңнің сақталуы;
      үстеме бақылау жүргізу негіздерінің сақталуы;
      анықталған кемшіліктер мен бұзушылықтар болмаған жағдайда, бақылау нәтижелерін ресімдеу талаптарының сақталуы;
      анықталған бұзушылықтарды көрсеткен кезде заңнаманы қолданудың дұрыстығы;
      бұзушылық фактілерін баяндаудың нақтылығы мен айқындығы;
      көрсетілген бұзушылық фактілерінің объективтілігі, негіздемелер мен растаушы құжаттардың бар-жоғы;
      бақылаудың тексеріп қарау актілерін толтыру қажет болған жағдайда, олардың бар-жоғы, мұндай актілерді толтыру тәртібінің сақталуы;
      әрбір бұзушылықты жеке тармақпен нөмірлеп тіркеу туралы талаптардың сақталуы, Тізілім мен бақылау актісі мазмұнының сәйкестігі;
      сыртқы мемлекеттік қаржылық бақылау саласындағы талаптары бұзылған нормативтік құқықтық актілердің, Есеп комитеті Төрағасы шешімдерінің баптарына, тармақтары мен тармақшаларына қажетті сілтемелердің бар-жоғы;
      бұрынғы бақылау нәтижелері және анықталған бұзушылықтарды жою жөнінде қабылданған шаралар туралы мәліметтердің көрсетілуі;
      орын алған бұзушылық фактілерін көрсетудің толықтығы;
      бақылау мәселелері бойынша талдаудың толықтығы;
      бақылау объектісі басшысының міндеттерін атқару туралы талапты жасау;
      әкімшілік құқық бұзушылық туралы хаттаманың жасалуы (қажет болған жағдайда);
      бақылау нәтижелерін баяндау стилінде Стандарттар талаптарының сақталуы (қысқалығы, қайталанушылықты болдырмау, қисындылығы, қабылдауға қолжетімділігі);
      деректемелерде, сомаларда және басқаларында техникалық қателердің бар-жоғы.
      13. Әрбір жеке бақылау актісінің сапасын бақылаудың нәтижесі бойынша осы Әдістемелік ұсынымдарға қосымшаға сай нысан бойынша жазбаша түрде сапаны бақылаудың нәтижесіне сараптамалық қорытынды дайындалады.
      14. Сараптамалық қорытындының тұжырымдарын Есеп комитетінің мүшесі бақылау іс-шарасының нәтижесі бойынша қорытынды мен қаулының жобасын дайындау кезінде ескереді.

4. Қорытынды мен қаулы жобаларының сапасын бақылау

      15. Бақылау нәтижесі бойынша Есеп комитетінің отырысын өткізгенге дейін қорытынды мен қаулы жобаларының сапасын бақылау жүзеге асырылады. Осы сапаны бақылаудың негізгі міндеттері бақылау нәтижесі бойынша заңды негізделмеген, құжатпен расталмаған, объективті баяндалмаған тұжырымдардың қорытынды мен қаулыға енгізілуіне жол бермеу, сондай-ақ олардың мазмұнының белгіленген талаптарға сай болуын қамтамасыз етуге жәрдемдесу болып табылады.
      16. Жиынтық тізілімге, Қорытындының тұжырымдары мен ұсыныстарына заң сараптамасын жүргізу кезінде құқықтық қамтамасыз етуге жауапты құрылымдық бөлімше құжаттардың қажетті тізбесінің және бақылау объектілерінің лауазымды және өзге адамдарының әрекеттерінде Қазақстан Республикасының 1997 жылғы 16 шілдедегі Қылмыстық кодексінде көзделген қылмыс белгілерінің бар-жоғын қарайды.
      Қажетті растаушы құжаттар және қылмыс белгілері болмаған жағдайда, құқықтық қамтамасыз етуге жауапты құрылымдық бөлімше бақылау материалдарын құқық қорғау органдарына беруге мүмкіндіктің жоқтығы туралы, сондай-ақ баяндалған ұсынымдар мен тапсырмалардың құқықтық негізділігі туралы еркін нысанда қорытынды ұсынады.
      17. Сапаны бақылау мынадай өлшемдер бойынша жүзеге асырылады:
      1) қорытындының, қаулының нысандарына қойылатын белгіленген талаптарға сәйкестігі;
      2) қорытынды мазмұнының Стандарттардың және Қағиданың белгіленген талаптарына сәйкестігі, соның ішінде:
      Қорытындыда бақылау актілерінде баяндалған барлық бұзушылық фактілерінің қамтылу толықтығы. Бұзушылық фактілері қорытындыға енгізілмеген жағдайда, тиісті негіздемелер қоса берілуі қажет;
      Қорытындыда бақылау объектілерінің қарсылықтарын есепке алу (қорытындыға бақылау объектілерінің қаралмаған қарсылықтары бар бұзушылық фактілерін енгізу, бақылау объектісінің қарсылығын белгіленген тәртіппен қарау);
      тұжырымдар мен ұсынымдардың негізділігі;
      сараптамалық қорытынды нәтижелерін есепке алу;
      Жиынтық тізілімнің Қорытындының мазмұнына сәйкестігі;
      құжаттар мазмұнының бақылауды жүзеге асырудың оларға белгіленген талаптарға (бақылау объектісінің қызметін жалпы талдау, қызметінің нәтижесіне жалпы баға беру және тағы басқалар) сәйкестігі.
      18. Сапаны бақылаудың нәтижесі бойынша осы Әдістемелік ұсынымдарға қосымшаға сай нысан бойынша жазбаша түрде сараптамалық қорытынды дайындалады.

Сапаны бақылауды жүзеге асыру 
бойынша әдістемелік ұсынымдарға
қосымша                       

нысан

Сапаны бақылау нәтижелері бойынша сараптамалық қорытынды
_____________________________________________
(құжаттың атауы, бақылаудың атауы)

Негізгі тұжырымдар мен ұсыныстар:

Сапаны бақылауға жауапты
құрылымдық бөлімшенің басшысы                 __________________

Таныстым, қорытындымен келісемін

Есеп комитетінің сыртқы мемлекеттік
қаржылық бақылау жүргізу қағидасына
23-қосымша                        

Республикалық бюджеттің    
атқарылуын бақылау жөніндегі
есеп комитетінің Төрағасы  
________________________   
(аты-жөні, тегі)       

Бақылау нәтижелері бойынша
ҚОРЫТЫНДЫ

Бақылаудың мақсаты _______________________________________________
Бақылау объектісі ________________________________________________
Бақылаудың мәні __________________________________________________
Негізгі (талдамалық) бөлік _______________________________________
Бақылау барысында қабылданған шаралар ____________________________
Бақылау нәтижелері бойынша тұжырымдар ____________________________
Бақылау нәтижелері бойынша ұсыныстар _____________________________
Қосымша (__ парақ) _______________________________________________

Есеп комитетінің мүшесі _________________________
                         (қолы, аты-жөні, тегі)

      Ескертпе: Бақылаудың нәтижелері бойынша қорытынды (бұдан әрі – Қорытынды) жасау.
      Қорытындының кіріспе бөлігі бақылаудың мақсатын, мәнін және объектілерін қамтиды.
      Қорытындының кіріспе бөлігінде мынадай деректер көрсетіледі:
      1. Бақылаудың мақсаты.
      Бекітілген Бақылау жоспарына сәйкес бақылаудың мақсаты көрсетіледі.
      2. Бақылау объектісі.
      Бақылау объектісінің атауы, соның ішінде үстеме бақылау объектілері де көрсетіледі.
      3. Бақылаудың мәні.
      Бекітілген Бақылау бағдарламасына сәйкес, бақылауға жататын бақылау объектілері қызметінің бағыттары көрсетіледі.
      4. Қорытындының негізгі (талдамалық) бөлігі бақылау іс-шараларының жинақталған түрдегі нақты нәтижелерін, сондай-ақ бақылаудың қойған мақсаты мен белгілі бір түрі және үлгісі шегінде бақылау объектісінің қызметіне жасалған талдаудың қорытындыларын қамтиды. Тиімділікті бақылау кезінде негізінде бағалау жүзеге асырылған өлшемдер көрсетіледі.
      Қорытындының жиынтық бөлігі мынадай бөлімдерді қамтиды:
      5. Бақылау барысында қабылданған шаралар.
      Аталған бөлімде есептелген (қосымша есептелген) салықтар, айыппұлдар, өсімақылар туралы, бюджетке түсімдер енгізудің қамтамасыз етілгені және негізсіз пайдаланылған қаражаттың өтелгені, тауарларды, жұмыстарды және көрсетілетін қызметтерді берушілердің шарттық міндеттемелерін орындағаны, бақылау объектісінің бұзушылықтарға жол берген лауазымды адамдарына қолданылған тәртіптік жазалау шаралары туралы және бақылауды жүзеге асыру процесінде және бақылаудың қорытындысы бойынша отырыс өткізілгенге дейін бақылау объектісінің бұзушылықтарды жоюына қатысты басқа да ақпарат көрсетіледі.
      6. Бақылаудың қорытындысы бойынша тұжырымдар.
      Жүргізілген бақылаудың мәселелері бойынша бақылау объектісі қызметінің нәтижелерін жалпы бағалау және анықталған бұзушылықтардың жалпы сомасы көрсетіледі. Бақылау бағытының ерекшеліктерін ескере отырып, бақылаудың үлгісіне, түріне және объектісіне қарай бюджеттің атқарылуын, мемлекеттік органдардың стратегиялық жоспарларының іске асырылуын, мемлекеттік, салалық және бюджеттік бағдарламалардың іске асырылу тиімділігін, мемлекеттік органдардың (бюджеттік бағдарламалар әкімшілерінің) республикалық бюджетке түсетін түсімдердің толықтығы мен уақтылылығын, республикалық бюджеттен түсімдер сомаларының қайтарылуын қамтамасыз ету, сондай-ақ бюджет қаражатының және мемлекет активтерінің, байланысты гранттардың, мемлекеттік және мемлекет кепілдік берген қарыздардың, бюджеттік инвестициялардың, мемлекет кепілгерліктерінің тиімді пайдаланылуын, акциялары (қатысу үлестері) мемлекетке тиесілі квазимемлекеттік сектор субъектілері активтерінің басқарылуын қамтамасыз ету жөніндегі қызметін бағалау қамтылады. Анықталған бұзушылықтар мен кемшіліктердің себептері, сондай-ақ олардың әкелетін салдарлары көрсетіледі.
      7. Бақылаудың нәтижелері бойынша ұсыныстар.
      Бақылауды жүргізуге жауапты Есеп комитеті мүшесінің тұжырымдармен негізделген және анықталған бұзушылықтар мен кемшіліктердің себептерін жоюға бағытталған ұсыныстары, сондай-ақ Есеп комитетінің отырысында бақылау іс-шарасының қорытындыларын қарау туралы оның пікірі көрсетіледі.
      Бөлімде:
      1) Қазақстан Республикасының Үкіметіне, уәкілетті мемлекеттік органдарға, жергілікті атқарушы органдарға, басқа да консультативтік-кеңесші органдарға нормативтік құқықтық актілерді жетілдіру жөніндегі ұсынымдар;
      2) нормативтік құқықтық актілерді жетілдіру, Қазақстан Республикасының заңнамасы талаптарының сақталуын қамтамасыз ету, анықталған бұзушылықтарды жою, негізсіз пайдаланылған бюджет қаражатын қалпына келтіру не оларды есеп бойынша қалпына келтіру, атаулылық және нысаналы сипат принципін бұза отырып, пайдаланылған бюджет қаражатын, оның ішінде нысаналы трансферттер мен бюджеттік кредиттерді қайтару, өнім берушілердің шарттық міндеттемелерін орындауы, сондай-ақ бюджет және өзге де заңнаманың талаптарын бұзуға жол берген лауазымды адамдарды жауаптылыққа тарту жөнінде бақылау объектілері орындауға міндетті Есеп комитетінің шешімдері;
      3) бақылау объектілерінің лауазымды және өзге де адамдарының іс-әрекеттерінде қылмыс белгілерін қамтитын анықталған фактілер бойынша бақылау материалдарын іс жүргізу шараларын қабылдау үшін құқық қорғау органдарына табыс ету туралы шешімдер;
      4) бақылау объектілерінің лауазымды және өзге де адамдарының іс-әрекеттерінде әкімшілік құқық бұзушылық белгілерін қамтитын анықталған фактілер бойынша бақылау материалдарын, егер бақылау материалдары Қорытынды дайындалғанға дейін берілмесе, әкімшілік құқық бұзушылық туралы істерді қарауға уәкілетті органдарға табыс ету туралы шешімдер;
      5) бақылау объектісі басшылығының бюджет пен өзге де заңнама талаптарының бұрын жол берген бұзушылықтарының салдарларын барынша азайтуға бағытталған бақылау іс-шарасы барысында және отырыс өткізілгенге дейін жасаған іс-әрекеттерін назарға алу туралы ұсыныстар қамтылады.
      Ұсыныстар нақты, ақылға қонымды мерзімде және Қазақстан Республикасының қолданыстағы заңнамасы шеңберінде орындалатын, анықталған бұзушылықтар мен кемшіліктерді жою бойынша нақты шаралар қабылдауға бағытталатын болуы тиіс.
      8. Қосымша.
      Қорытындыға бақылау нәтижелері бойынша анықталған бұзушылықтар мен кемшіліктердің жиынтық тізілімі міндетті түрде қоса беріледі.
      Жекелеген бұзушылықтарды неғұрлым толығырақ ашу үшін негізгі (талдамалық) бөлік қосымшалармен (кестелер, есептеулер, таратып жазулар) толықтырылады. Қосымшалар Қорытындының негізгі мәтінімен бірге біртұтас бүтінді құрайды.

Есеп комитетінің сыртқы мемлекеттік
қаржылық бақылау жүргізу қағидасына
24-қосымша                        

нысан

Бақылау нәтижелері бойынша анықталған бұзушылықтар мен кемшіліктердің
ЖИЫНТЫҚ ТІЗІЛІМІ

1) қаражат бюджетке түскен кезде                      (мың теңге)

2) бюджет қаражаты мен мемлекет активтерін пайдалану кезінде

мың теңге

3) бақылау объектісі қызметіндегі, сондай-ақ оның міндеттері мен функцияларын іске асыруға байланысты өзге де заңнама бұзушылықтары, заңнамадағы кемшіліктер мен олқылықтар

Бақылауды жүргізген
Есеп комитетінің қызметкерлері              ______________________
                                             (қолы, аты-жөні, тегі)

Келісілді: бақылауды жүргізуге жауапты
Есеп комитетінің мүшесі
                                             ______________________
                                             (қолы, аты-жөні, тегі)

Бақылауды жүргізген бақылау тобының жетекшісі мен қатысушылары бақылауды жүргізуге жауапты Есеп комитетінің мүшесімен келісілетін Қорытындыға қоса берілетін Анықталған бұзушылықтардың жиынтық тізіліміне қол қояды.

      Ескертпе: Бақылау нәтижелері бойынша анықталған бұзушылықтар мен кемшіліктердің тізілімін (Жиынтық тізілімін) толтыру
      Анықталған бұзушылықтар мен кемшіліктердің тізілімі әрбір бақылау объектісінде толтырылып, бақылау актісіне қоса беріледі.
      Анықталған бұзушылықтар мен кемшіліктердің жиынтық тізілімі бақылау объектілерінің қарсылықтары қаралғаннан кейін және сапаны бақылау қорытындысын ескере отырып, Қорытындыға қоса беріледі.
      Анықталған бұзушылықтар мен кемшіліктердің тізілімі (Жиынтық тізілімі) Қазақстан Республикасы Қаржы министрінің 2012 жылғы 30 наурыздағы № 180 бұйрығымен бекітілген Мемлекеттік қаржылық бақылау объектілерінде айқындалған бұзушылықтардың сыныптауышына (бұдан әрі – Сыныптауыш) сәйкес жасалады.

1-бөлім. Қаражат бюджетке түскен кезде

      «Р/с №» деген 1-бағанда – мемлекеттік қаржылық бақылау объектісі (1) көрсетіледі, жиынтық тізілімді толтырған кезде бақылау объектілерінің реттік нөмірлері (1, 2, 3 және т.б.) көрсетіледі;
      «Жыл» деген 2-бағанда – есепті кезеңдерді көрсете отырып, бақылаумен қамтылған кезең көрсетіледі;
      «Бақылау объектісі» деген 3-бағанда – салықтық, кедендік органдар, квазимемлекеттік сектор субъектілері, сондай-ақ салықтық емес төлемдер бойынша уәкілетті органдар көрсетіледі;
      «Бюджетке түскен түсімдер бойынша анықталған бұзушылықтардың жалпы сомасы» деген 4-бағанда – түсімдер бойынша анықталған бұзушылықтардың жалпы сомасы, оның ішінде 5-бағанда бюджетке түсуге (өтелуге) жататын бұзушылық сомасы, 6-бағанда бақылау барысында түскен (өтелген) бұзушылық сомасы көрсетіледі;
      «Бюджетке түсетін қаражаттың уақтылы, толық аударылмауы» деген 7-бағанда – қазынашылық органдарының уақтылы, толық аудармаған бюджетке түсетін түсімдердің жалпы сомасы көрсетіледі;
      «Бюджетке түскен қаражаттың уақтылы, толық аударылмауының бақылау барысында түскені» деген 8-бағанда – бюджетке уақтылы, толық аударылмаған қаражаттың бақылау барысында түскен сомасы көрсетіледі;
      «Артық (қате) төленген түсімдер сомаларын бюджеттен қайтаруды және (немесе) есепке жатқызуды Қазақстан Республикасының заңнамасын бұза отырып жүзеге асыру» деген 9-бағанда – бюджеттен қайтарылуы Қазақстан Республикасының заңнамасын бұза отырып жүзеге асырылған бюджетке түскен түсімдердің сомасы көрсетіледі;
      «Артық (қате) төленген түсімдер сомаларын бюджеттен қайтаруды және (немесе) есепке жатқызуды Қазақстан Республикасының заңнамасын бұза отырып, жүзеге асырудың бақылау барысында түскені» деген 10-бағанда – бақылау барысында артық (қате) төленген түсімдер сомаларын бюджеттен қайтаруды және (немесе) есепке жатқызуды Қазақстан Республикасының заңнамасын бұза отырып жүзеге асырылған түсімдер көрсетіледі;
      «Салық және кеден органдарының салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің толықтығы мен уақтылылығын қамтамасыз етпеуі» деген 11-бағанда – салықтық және кедендік әкімшілік ету шараларының қамтамасыз етілмеуіне байланысты бюджетке түспеген салықтардың, әкімшілік айыппұлдардың, кедендік төлемдердің сомалары көрсетіледі;
      «Салық органдарының салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің толықтығы мен уақтылылығын қамтамасыз етпеген түсімдер сомаларының бақылау барысында түскені» деген 12-бағанда – бақылау іс-шаралары барысында салық органдарының салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің толықтығы мен уақтылылығын қамтамасыз етпеген бюджетке түсетін түсімдер сомалары көрсетіледі;
      «Бюджетке түсетін түсімдерді бақылауды жүзеге асыратын уәкілетті органдардың салық және бюджетке төленетін басқа да міндетті төлемдерді, сондай-ақ салықтық емес түсімдерді, негізгі капиталды сатудан түсетін түсімдерді, трансферттерді, бюджеттік кредиттерді өтеуден, мемлекеттің қаржы активтерін сатудан түскен сомаларын, қарыздарды толық өндіріп алмауы және уақтылы аудармауы» деген 13-бағанда – уәкілетті органдардың толық өндіріп алмауы және уақтылы аудармауы салдарынан бюджетке түспеген (бюджетке уақтылы түспеген) салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеуден, мемлекеттің қаржы активтерін сатудан түскен сомалары, қарыздарының сомалары көрсетіледі;
      «Бюджетке түсетін түсімдерді бақылауды жүзеге асыратын уәкілетті органдардың толық өндіріп алмаған және уақтылы аудармаған салық және бюджетке төленетін басқа да міндетті төлемдердің, сондай-ақ салықтық емес түсімдердің, негізгі капиталды сатудан түсетін түсімдердің, трансферттерді, бюджеттік кредиттерді өтеуден, мемлекеттің қаржы активтерін сатудан түскен сомалардың, қарыздардың бақылау барысында түскені» деген 14-бағанда – уәкілетті органдардың толық өндіріп алмауы және уақтылы аудармауы салдарынан бюджетке түспеген (бюджетке уақтылы түспеген) салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеуден, мемлекеттің қаржы активтерін сатудан түскен сомаларының, қарыздардың бақылау барысында бюджетке түскен түсімдері көрсетіледі;
      «Бұзушылық фактісін сипаттау, бақылау барысында бюджетке түскен сомалар және басқалар» деген 15-бағанда – аталған бағанда Сыныптауыштың тармақтарына, ережелері бұзылған нормативтік құқықтық актілердің баптарына, тармақтарына, тармақшаларына сілтеме жасала отырып, бұзушылықтық сипаты мен түрі жан-жақты сипатталады. Жүргізілген бақылау барысында анықталған қаржылық бұзушылықтардың сомалары қалпына келтірілген жағдайда, бұзушылықтардың қандай құжат негізінде өтелгенін растайтын құжаттарға сілтеме жасала отырып қабылданған шаралар және қалпына келтіруге әсер еткен басқа да ақпарат көрсетіледі;
      «Жиыны» деген жолда – бақылау объектілерінің бөлінісінде жиынтық тізілім деректері көрсетіледі (1-бап+2-бап+3-бап және тағы басқалар).

2-бөлім. Бюджет қаражаты мен мемлекет активтерін пайдалану кезінде

      «Р/с №» деген 1-бағанда – мемлекеттік қаржылық бақылау объектісі (1) көрсетіледі, жиынтық тізілімді толтырған кезде бақылау объектілерінің реттік нөмірлері (1, 2, 3 және тағы басқалар) көрсетіледі;
      «Жыл» деген 2-бағанда – есепті кезеңдерді көрсете отырып бақылаумен қамтылған кезең көрсетіледі;
      «Бюджеттік бағдарлама әкімшісі, мемлекеттік (салалық) бағдарламаның үйлестірушісі» деген 3-бағанда – бюджеттік бағдарламаларды, мемлекеттік (салалық) бағдарламаны жоспарлауға, негіздеуге және іске асыруға жауапты мемлекеттік орган көрсетіледі;
      «Бақылау объектісінің атауы» деген 4-бағанда – Жоспарда, Бағдарламада және бақылаудың Жұмыс жоспарында көзделген бақылау объектісінің толық атауы көрсетіледі;
      «Бюджеттік бағдарлама» деген 5-бағанда – бірыңғай бюджеттік сыныптама коды бойынша бюджеттік бағдарламаның атауы көрсетіледі;
      «Бақылаумен қамтылған қаражат көлемі» деген 6-бағанда – енгізілген түзетулер мен нақтылауларды ескере отырып, республикалық бюджеттік бағдарламаларда есепті кезеңге көзделген бақылаумен қамтылған қаражат көлемі көрсетіледі;
      «Анықталған бұзушылықтардың жалпы сомасы (10-бағ.+13-бағ.+16-бағ.+23-бағ.)» деген 7-бағанда – бюджет қаражатын пайдалану кезінде бюджет заңнамасының, мемлекеттік сатып алу туралы заңнаманың және өзге де заңнаманың (10-бағ.) + активтерді пайдалану кезінде бюджет және өзге де заңнаманың (13-бағ.) + бухгалтерлік есепті жүргізу және қаржылық есептілікті жасау кезінде заңнаманың (16-бағ.) анықталған бұзушылықтарының + өзге де бұзушылықтардың (23-бағ.) жалпы сомасы көрсетіледі;
      «Анықталған бұзушылықтардың жалпы сомасы ішінен қалпына келтірілуге жататыны (11-бағ.+гр.14-бағ.+17-бағ.+24-бағ.)» деген 8-бағанда – бюджет қаражатын пайдалану (11-бағ.) кезінде бюджет заңнамасының, мемлекеттік сатып алу туралы заңнаманың және өзге де заңнаманың сақталуын бақылаудың қорытындысы бойынша қалпына келтірілуге жататын сома, активтерді пайдалану кезінде бюджет және өзге де заңнаманың бұзушылықтары (14-бағ.), бухгалтерлік есепті жүргізу және қаржылық есептілікті жасау кезінде (17-бағ.) заңнаманың бұзушылықтары + өзге де бұзушылықтар (24-бағ.) көрсетіледі;
      «Оның ішінде бақылау барысында қалпына келтірілгені» (12-бағ.+15-бағ+18-бағ.+25-бағ.)» деген 9-бағанда – бюджет қаражатын пайдалану кезінде бюджет заңнамасының (12-бағ.), мемлекеттік сатып алу туралы заңнаманың және өзге де заңнаманың (15-бағ.) бұзушылықтарының анықталған фактілері бойынша бақылау барысында қаржылық бұзушылықтардың қалпына келтірілген сомасы, активтерді пайдалану кезінде бюджет және өзге де заңнаманың, бухгалтерлік есепті жүргізу және қаржылық есептілікті жасау кезінде заңнаманың бұзушылықтары (18-бағ.), өзге де бұзушылықтар (25-бағ.) көрсетіледі;
      «Бюджет қаражатын пайдалану кезінде бюджет заңнамасының, мемлекеттік сатып алу туралы заңнаманың және өзге де заңнаманың барлық бұзушылықтары» деген 10-бағанда – республикалық бюджет қаражатын, соның ішінде жоғары тұрған бюджеттен төмен тұрған бюджетке бөлінген нысаналы трансферттерді және кредиттерді, байланысты гранттарды, мемлекеттік және мемлекет кепілдік берген қарыздарды, концессиялық жобаларды бюджеттен қоса қаржыландыруды, сондай-ақ кепілгерліктерді пайдалану кезінде анықталған бұзушылықтардың сомасы көрсетіледі;
      «Оның ішінде бюджет қаражатын пайдалану кезінде бюджет заңнамасын, мемлекеттік сатып алу туралы заңнаманы және өзге де заңнаманы бұзушылықтардың қалпына келтіруге (өтелуге) жататыны» деген 11-бағанда – бюджет қаражатын пайдалану кезінде қаржылық бұзушылықтардың анықталған сомасынан қалпына келтіруге (өтелуге) жататын сомасы көрсетіледі (10-баған);
      «Оның ішінде бюджет қаражатын пайдалану кезінде бюджет заңнамасының, мемлекеттік сатып алу туралы заңнаманың және өзге де заңнаманың бұзушылықтары сомаларының бақылау барысында қалпына келтірілгені (өтелгені)» деген 12-бағанда – қалпына келтіруге жататын бұзушылықтар сомасынан бақылау жүргізу барысында қаржылық бұзушылықтардың қалпына келтірілген сомасы көрсетіледі (11-баған);
      «Активтерді пайдалану кезінде бюджет және өзге де заңнама бұзушылықтарының барлығы» деген 13-бағанда – квазимемлекеттiк сектор субъектiлерiне мемлекеттік және бюджеттік бағдарламаларда көзделген мақсаттар мен іс-шараларға бөлiнген мемлекет пен квазимемлекеттік сектор активтерін, бюджет қаражатын олардың пайдалануы кезінде бұзушылықтардың анықталған сомасы көрсетіледі;
      «Оның ішінде мемлекет активтерін пайдалану кезінде бюджет және өзге де заңнама бұзушылықтарының қалпына келтіруге (өтелуге) жататыны» деген 14-бағанда – активтерді пайдалану кезінде қаржылық бұзушылықтардың анықталған сомасынан қалпына келтіруге (өтелуге) жататын сомасы көрсетіледі (13-баған);
      «Оның ішінде активтерді пайдалану кезінде бюджет және өзге де заңнама бұзушылықтарының бақылау барысында қалпына келтірілгені» деген 15-бағанда – қалпына келтіруге жататын бұзушылықтар сомасының ішінен квазимемлекеттік сектор субъектілерінің мемлекет пен квазимемлекеттік сектор активтерін пайдалануы кезінде бюджет және өзге де заңнаманы бақылау рәсімдері бойынша қаржылық бұзушылықтардың бақылау барысында қалпына келтірілген сомасы көрсетіледі (14-баған);
      «Бухгалтерлік есепті жүргізу және қаржылық есептілікті жасау кезіндегі заңнаманы бұзушылықтардың барлығы» деген 16-бағанда – анықталған бұзушылықтардың, атап айтқанда бухгалтерлік есеп жүргізуді бұзу, бюджеттік есеп жүргізу, есептілікті жасау және ұсыну ережелерін бұзу, активтерді, материалдарды, құндылығы төмен тез тозатын заттарды негізсіз есептен шығару, жазалау шараларын қабылдамау, сондай-ақ дебиторлық берешекті жасыру немесе негізсіз есептен шығару, квазимемлекеттiк сектор субъектiлерiнің лауазымды адамдарының Қазақстан Республикасының бухгалтерлік есеп және қаржылық есептілік туралы заңнамасында көзделген міндеттерді орындамауы және (немесе) тиісінше орындамауы бойынша бұзушылықтардың сомасы көрсетіледі;
      «Оның ішінде бухгалтерлік есеп жүргізу және қаржылық есептілікті жасау кезінде заңнама бұзушылығы қалпына келтіруге (өтелуге) жатады» деген 17-бағанда – бухгалтерлік есепті жүргізу және қаржылық есептілікті жасау кезінде қаржылық бұзушылықтардың анықталған сомасынан қалпына келтіруге (өтелуге) жататын сомасы көрсетіледі (16-баған);
      «Оның ішінде бухгалтерлік есеп жүргізу және қаржылық есептілікті жасау кезінде заңнама бұзушылықтарының бақылау барысында қалпына келтірілгені» деген 18-бағанда – нормативтік актілерге, бухгалтерлік стандарттарға сәйкес республикалық бюджетті атқарудың қаржылық есептілігінің қалпына келтіруге жататын бұзушылық сомасынан қалпына келтірілген сомасы көрсетіледі (17-баған);
      «Бюджет қаражатын пайдалану, бюджеттік кредиттерді, мемлекеттік кепілдіктерді, кепілгерліктерді, қарыздарды беру кезінде рәсімдердің орындалу тәртібін бұзу» деген 19-бағанда – республикалық бюджет қаражатын пайдалану, бюджеттік кредиттерді, мемлекеттік кепілдіктерді, кепілгерліктерді, қарыздарды беру кезіндегі рәсімдерге бақылау жүргізу барысында анықталған бұзушылықтар саны көрсетіледі;
      «Активтерді пайдалану кезінде рәсімдердің орындалу тәртібінің бұзылуы» деген 20-бағанда – Қазақстан Республикасының заңнамасына сәйкес активтерді пайдалану рәсімдері бойынша бақылау барысында анықталған бұзушылықтар саны көрсетіледі;
      «Мемлекеттік сатып алу туралы заңнама рәсімдерін орындау тәртібін бұзу» деген 21-бағанда – жұмыс істеуді қамтамасыз ету, сондай-ақ мемлекеттік функцияларды не тапсырыс берушінің жарғылық қызметін орындау үшін қажетті тауарларды, жұмыстарды, көрсетілетін қызметтерді ақылы негізде тапсырыс берушілердің сатып алуы кезінде жол берілген мемлекеттік сатып алу рәсімдерін бұзушылық саны көрсетіледі;
      «Бухгалтерлік, бюджеттік есепті және қаржылық есептілікті жүргізу кезінде рәсімдердің орындалу тәртібін бұзу» деген 22-бағанда – бухгалтерлік, бюджеттік есепті және қаржылық есептілікті жүргізуді бақылау қорытындысы бойынша жол берілген бұзушылықтар саны көрсетіледі;
      «Өзге де бұзушылықтар» деген 23-бағанда – жүргізілген бақылау барысында анықталып, Сыныптауышта ескерілмеген бұзушылықтар көрсетіледі. Бұзушылықтардың сипаттамасы ережелері бұзылған нормативтік құқықтық актілердің баптарына, тармақтарына, тармақшаларына сілтеме жасай отырып жазылады;
      «Оның ішінде қалпына келтіруге (өтелуге) жататыны» деген 24-бағанда – өзге де бұзушылықтардың жалпы сомасынан қалпына келтіруге жататын бұзушылықтар сомасы көрсетіледі;
      «Оның ішінде бақылау барысында қалпына келтірілгені» деген 25-бағанда – қалпына келтіруге жататын бұзушылықтар сомасынан қалпына келтірілген бұзушылықтар сомасы көрсетіледі (24-баған);
      «Бюджетті бақылау барысында бұзушылық фактісін, қалпына келтірілген соманы сипаттау және басқалар» деген 26-бағанда – бақылау актісінде тіркелген бұзушылық тармағына және Сыныптауышқа сілтеме жасалады. Жүргізілген бақылау барысында анықталған қаржылық бұзушылықтардың сомалары қалпына келтірілген жағдайда, бұзушылықтардың қандай құжат негізінде өтелгенін ақтайтын құжаттарға сілтеме жасала отырып, қабылданған шаралар және қалпына келтіруге әсер еткен басқа да ақпарат көрсетіледі;
      «Жиыны» деген жолда – объектілер бөлінісінде жиынтық тізілім деректері көрсетіледі (1-бап+2-бап+3-бап және тағы басқалар).

      3-бөлім. Бақылау объектісі қызметіндегі, сондай-ақ оның міндеттері мен функцияларын іске асыруға байланысты өзге де заңнама бұзушылықтары, заңнамадағы кемшіліктер мен олқылықтар

      Бюджет қаражатын, активтерді пайдалану кезінде бақылаумен анықталған заңнаманың кемшіліктері, олқылықтары, бюджет қаражатын пайдалану, мемлекеттік органның өзіне жүктелген функциялар мен міндеттерді орындауы процесінің нормативтік құқықтық актілермен және әдіснамалық құжаттармен реттелмеушілік фактілері көрсетіледі.

Есеп комитетінің          
сыртқы мемлекеттік қаржылық
бақылау жүргізу қағидасына
25-қосымша                

нысан

Республикалық бюджеттің атқарылуын
бақылау жөніндегі есеп комитетінің
ҚАУЛЫСЫ

__________________________                 "___"________ 20__ ж.
(органның орналасқан жері)

Қаулының тақырыбы

Айқындаушы бөлік ________________________________________________

Қаулы шығарушы бөлік ____________________________________________

      Есеп комитетінің Төрағасы         _________________________
                                          (қолы, аты-жөні, тегі)

      Ескертпе: Республикалық бюджеттің атқарылуын бақылау жөніндегі есеп комитетінің қаулысын (бұдан әрі – Қаулы) жасау
      Қаулы тақырыбында «Бақылау нәтижелері туралы...» деп көрсетіледі.
      Қаулы айқындаушы және қаулы шығарушы бөліктен тұрады:
      1. Айқындаушы бөлікте Есеп комитетінің отырысында бақылау қорытындыларын қарау, бақылаумен қамтылған мәселе жай-күйінің жалпы қорытындысы және айқындалған бұзушылықтардың жалпы сомасы туралы ақпарат көрсетіледі.
      2. Қаулы шығарушы бөлік:
      1) жүргізілген бақылау іс-шарасының нәтижелері бойынша дайындалған Қорытындыны бекіту туралы шешімді (шет елдердің мемлекеттік қаржылық бақылау органдарымен бірлескен, қосарлас бақылау-талдамалық іс-шараларының нәтижелері бойынша есепті мақұлдау туралы);
      2) қажет болған жағдайда, Қазақстан Республикасы Үкіметінің, мемлекеттік органның назарын бақылау жүргізілген мемлекеттік басқару саласындағы жүйелі кемшіліктерге аудару туралы шешімді;
      3) мерзімін көрсете отырып, Қазақстан Республикасының Үкіметіне, басқа да консультативтік-кеңесші органдарға және уәкілетті органдарға нормативтік құқықтық актілерді жетілдіру жөніндегі ұсынымдарды;
      4) мерзімін көрсете отырып, нормативтік құқықтық актілерді жетілдіру, Қазақстан Республикасының заңнамасы талаптарының сақталуын қамтамасыз ету, анықталған бұзушылықтарды және жұмыстағы кемшiлiктердi жою, негізсіз пайдаланылған бюджет қаражатын қалпына келтіру не оларды есеп бойынша қалпына келтіру, атаулылық және нысаналы сипат принципін бұза отырып пайдаланылған бюджет қаражатын, оның ішінде нысаналы трансферттер мен бюджеттік кредиттерді қайтару, өнім берушілердің шарттық міндеттемелерін орындауы, сондай-ақ бюджет және өзге де заңнаманың талаптарын бұзуға жол берген лауазымды адамдарды жауаптылыққа тарту жөнінде бақылау объектілері және басқа да мемлекеттік органдар орындауға міндетті Есеп комитетінің шешімдерін;
      5) бақылау объектілерінің лауазымды және өзге де адамдарының іс-әрекеттерінде қылмыс белгілерін қамтитын анықталған фактілер бойынша бақылау материалдарын іс жүргізу шараларын қабылдау үшін құқық қорғау органдарына табыс ету туралы шешімдерді;
      6) бақылау объектілерінің лауазымды және өзге де адамдарының іс-әрекеттерінде әкімшілік құқық бұзушылық белгілерін қамтитын анықталған фактілер бойынша бақылау материалдарын, егер бақылау материалдары Қаулы қабылданғанға дейін берілмесе, әкімшілік құқық бұзушылық туралы істерді қарауға уәкілетті органдарға табыс ету туралы шешімдерді;
      7) қажет болған жағдайда, Қазақстан Республикасының Президентіне мемлекеттік қаржылық бақылау объектілерінің лауазымды тұлғаларының Қазақстан Республикасының нормативтік құқықтық актілерін сақтамау фактілері, соның ішінде тиімділікті бақылаудың нәтижелері бойынша ұсыным жіберу туралы шешімді;
      8) қажет болған жағдайда, басқа уәкілетті мемлекеттік органдарға салықтық, кедендік және басқа да тексерулерді жүргізу туралы, тексеру комиссияларына бірлескен Қаулының орындалу толықтығы мен сапасына, бақылау объектілерінің бұзушылықтарды нақты жойғаны жөнінде пост-бақылау жүргізу туралы (бірлескен бақылау кезінде) тапсырмаларды;
      9) қажет болған жағдайда, Есеп комитетінің бақылауға жауапты мүшесіне бақылау объектісінің және басқа мүдделі адамдардың мекенжайына оларға қатысты бөлігінде анықталған бұзушылықтарды және жұмыстағы кемшіліктерді жою үшін ұсыным жіберу туралы тапсырманы;
      10) Қаулының (Ұсынымның) орындалуы туралы ақпаратты белгіленген мерзімде немесе егер мерзімі көрсетілмесе, оларды алған күннен бастап жиырма жұмыс күні ішінде бақылау органдарына ұсыну туралы талапты;
      11) Қаулыны міндетті түрде орындау туралы талапты;
      12) Қаулының орындалуын бақылау жүктелген Есеп комитетінің лауазымды адамының лауазымын, аты-жөнін және тегін қамтиды.
      Қаулы Республикалық бюджеттің атқарылуын бақылау жөніндегі есеп комитетінің бланкісінде ресімделеді.

Есеп комитетінің          
сыртқы мемлекеттік қаржылық
бақылау жүргізу қағидасына
26-қосымша                

нысан

Республикалық бюджеттің атқарылуын бақылау
жөніндегі есеп комитетінің
ҰСЫНЫМЫ

______________________________                "___"________ 20__ ж.
  (органның орналасқан жері)

Ұсынымның тақырыбы

Айқындаушы бөлік _________________________________________________

Қаулы шығарушы бөлік _____________________________________________

      Есеп комитетінің мүшесі            _________________________
                                          (қолы, аты-жөні, тегі)

      Ескертпе: Республикалық бюджеттің атқарылуын бақылау жөніндегі есеп комитетінің ұсынымын (бұдан әрі – Ұсыным) жасау.
      Ұсыным жүргізілген бақылаудың нәтижелерінде уәкілетті мемлекеттік органдардың, квазимемлекеттік сектор субъектілерінің тарапынан бақылау мәні бойынша кемшіліктер болмаған, алайда оларға ведомстволық бағынысты ұйымдар бюджет заңнамасына сәйкес міндетті түрде қалпына келтіруге (өтеуге) тиісті сомалар анықталған жағдайда жіберіледі.
      Ұсыным айқындаушы және қаулы шығарушы бөліктерден тұрады:
      1. Айқындаушы бөлікте анықталған бұзушылықтардың қысқаша сипаттамасы беріледі.
      2. Қаулы шығарушы бөлікте анықталған бұзушылықтар мен жұмыстағы кемшіліктердің жойылғаны және ұсынудың атқарылғаны туралы ақпаратты Есеп комитетіне белгіленген мерзімде ұсыну туралы талап көрсетіледі.
      Ұсыным бақылау объектісіне (басқа мүдделі адамдарға):
      1) негізсіз пайдаланылған бюджет қаражатын қалпына келтіру не оларды есеп бойынша қалпына келтіру, атаулылық және нысаналы сипат принципін бұза отырып пайдаланылған бюджет қаражатын, оның ішінде мақсаты бойынша пайдаланылмаған нысаналы трансферттер мен бюджеттік кредиттердің сомаларын қайтару, заңсыз іс-әрекеттер нәтижесінде мемлекетке келтірілген залалдың орнын толтыру туралы;
      2) бұзушылық фактілері анықталған жағдайда, өнім берушілердің тауарларды жеткізуін (жұмыстарды орындауын және қызметтерді көрсетуін), басқа да шарттық міндеттемелерін орындауын қамтамасыз ету туралы, сондай-ақ басқа да шараларды қолдану туралы;
      3) Ұсынымның орындалуы туралы ақпаратты сыртқы бақылау органына онда белгіленген мерзімде ұсыну туралы талаптарды қамтиды.
      Есеп комитетінің бақылау жүргізуге жауапты мүшесі Ұсыным жобасын Есеп комитетінің отырысында талқылау үшін Қаулы жобасымен бірге енгізеді.
      Ұсынымға Есеп комитетінің мүшесі қол қояды және бақылау объектісінің (басқа да мүдделі тұлғалардың) мекенжайына оған (оларға) қатысты бөлігінде жіберіледі.
      Ұсыным Республикалық бюджеттің атқарылуын бақылау жөніндегі  есеп комитетінің бланкісінде ресімделеді.

Республикалық бюджеттің    
атқарылуын бақылау жөніндегі
есеп комитетінің           
2013 жылғы 16 сәуірдегі    
№ 3-НП нормативтік қаулысына
2-қосымша                  

Облыстардың, республикалық маңызы бар қаланың, астананың
тексеру комиссияларының сыртқы мемлекеттік қаржылық бақылауды жүргізу қағидасы

1. Жалпы ережелер

      1. Облыстардың, республикалық маңызы бар қаланың, астананың тексеру комиссияларының сыртқы мемлекеттік қаржылық бақылауды жүргізу қағидасы (бұдан әрі – Қағида) Қазақстан Республикасының 2008 жылғы 4 желтоқсандағы Бюджет кодексінің (бұдан әрі – Бюджет кодексі) 141-бабының 19) тармақшасына, «Мемлекеттік қаржылық бақылау стандарттарын бекіту туралы» (бұдан әрі – Стандарттар) Қазақстан Республикасы Президентінің 2009 жылғы 7 сәуірдегі № 788 Жарлығына, Республикалық бюджеттің атқарылуын бақылау жөніндегі есеп комитетінің 2011 жылғы 12 тамыздағы № 1-НП нормативтік қаулысымен бекітілген Облыстардың, республикалық маңызы бар қаланың, астананың тексеру комиссиялары туралы үлгі ережеге (бұдан әрі – Тексеру комиссиялары) сәйкес әзірленді.
      2. Қағида бақылау қызметін жоспарлау, бақылауға дайындалу, бақылауды жүргізу, бақылаудың қорытындысы бойынша есептерді ресімдеу, шешімдердің орындалуын мониторингілеуді және бақылауды ұйымдастыру тәртібін айқындайды.
      3. Осы Қағидада мынадай анықтамалар пайдаланылады:
      1) сыртқы мемлекеттік қаржылық бақылау – тиісті мәслихаттарға есептер ұсына отырып, Тексеру комиссиясы жүзеге асыратын жергілікті бюджеттердің атқарылуын бақылау (бұдан әрі – бақылау);
      2) сәйкестікке бақылау жасау - бақылау объектісі қызметінің Қазақстан Республикасының бюджет және өзге де заңнамасының талаптарына сәйкестігін бағалау;
      3) қаржылық есептілікті бақылау - бақылау объектісінің қаржылық есептілікті жасауының және табыс етуінің анықтығын, негізділігін және уақтылығын бағалау;
      4) тиімділікті бақылау – сәйкестікке бақылау жасау және қаржылық есептілікті бақылау негізінде жүргізілетін бағалау, мемлекеттік органдардың стратегиялық жоспарларында көзделген тікелей және түпкі нәтижелерге қол жеткізілуін, мемлекеттік, салалық және бюджеттік бағдарламалардың іске асырылуын, көрсетілетін мемлекеттік қызметтерді, байланысты гранттарды, мемлекеттік және мемлекет кепілдік берген қарыздарды, мемлекет кепілгерліктері мен активтерін пайдалануды бағалау, сондай-ақ мемлекеттік орган және квазимемлекеттік сектор субъектілері қызметінің экономиканың немесе жеке алғанда экономика саласының, әлеуметтік саланың, мемлекеттік басқарудың басқа да салаларының дамуына тигізетін әсерін кешенді және объективті талдау;
      5) кешенді бақылау – бақылау объектілерінің нақты кезеңдегі қызметін барлық мәселелер бойынша бақылау және бағалау;
      6) тақырыптық бақылау – бақылау объектiсiнiң нақты кезеңдегi қызметiн жекелеген мәселелер бойынша бақылау және бағалау;
      7) үстеме бақылау – тексерiлiп отырған мәселе шеңберiнде бақылаудың негiзгi объектiсiмен өзара қатынастары мәселелерi бойынша ғана жүргiзiлетiн үшiншi тұлғаларды бақылау;
      8) бiрлескен бақылау – мемлекеттiк қаржылық бақылау органдары келiсiлген мерзiмде басқа мемлекеттік органдармен бiрлесiп жүргiзетiн бақылау;
      9) қосарлас бақылау – мемлекеттiк қаржылық бақылау органдары кейiннен олардың нәтижелерiмен алмаса отырып, келiсiлген мәселелер мен жүргiзу мерзiмдерi бойынша өз бетiнше жүргiзетiн бақылау;
      10) бақылаушы – лауазымдық міндеттеріне бақылауды жүзеге асыру кіретін Тексеру комиссиясының қызметкері;
      11) бақылау іс-шарасы – бұл бақылауға дайындалуға, бақылауды жүргізуге және бақылаудың қорытындысы бойынша есептерді ресімдеуге бағытталған іс-қимылдар кешені;
      12) бақылау іс-шарасына дайындалу принциптері:
      кешенділік – бақылау объектісін алдын ала зерделеуден бастап, бақылау бағдарламасын жасағанға дейінгі барлық кезеңдердің өзара байланыстылығы және келісілуі;
      үздіксіздік – бақылауды жүзеге асыратын Тексеру комиссиясының қызметкерлеріне, мемлекеттік органдардың, аудиторлық ұйымдардың мамандарына және сарапшыларға бақылаудың кезеңдері мен мерзімдері бойынша өзара байланысты тапсырмаларды белгілеу;
      оңтайлылық – бақылаудың түпкі мақсатына ең аз шығын жұмсай отырып қол жеткізу үшін бақылау бағдарламасының неғұрлым орынды нұсқасын таңдау;
      атаулылық – бақылау объектілерінің өңірлік орналасуын қоса алғанда, оларды нақты таңдау.
      13) Тексеру комиссиясының қаулысы – бақылау нәтижелерін растайтын және ол арналған барлық мемлекеттік органдар, ұйымдар мен лауазымды адамдар орындауға міндетті шешімдерді қамтитын құжат (бұдан әрі – Қаулы);
      14) Тексеру комиссиясының бақылау актiлерi және (немесе) аудиторлық есептер негiзiнде жасалатын құжаты (бұдан әрі – Қорытынды);
      15) ұсыным – мемлекеттiк қаржылық бақылау органдарының анықталған бұзушылықтарды және жұмыстағы кемшiлiктердi жою үшiн бақылау объектiлерiне және басқа да мүдделi тұлғаларға жiберетін орындалуға мiндеттi құжаты (бұдан әрі – Ұсыным);
      16) сапаны бақылау – бақылау іс-шаралары материалдарының сыртқы мемлекеттік қаржылық бақылау саласындағы заңнаманың белгіленген талаптарға сәйкестігін тексеру және талдау.
      4. Сыртқы мемлекеттік қаржылық бақылау мемлекеттік басқару жүйесінің ажырамас бөлігі болып табылады, бюджетті атқарудың және мемлекет активтерін пайдаланудың айқындығын, тиімділігін, жауапкершілігін арттыруға бағытталған.
      5. Бюджет кодексінің 136-бабы 3-1-тармағына сәйкес Тексеру комиссиясының қызметкерлерін мемлекеттік органдардың сұрауы бойынша оның жұмыс жоспарларында көзделмеген тексеру жүргізу үшін тартуға жол берілмейді.
      6. Бақылау Тексеру комиссиясының жылдық және тоқсандық жұмыс жоспарлары негізінде жүргізіледі.
      7. Бақылау іс-шарасын жүргізуге тікелей басшылықты Тексеру комиссиясының бақылауды жүргізуге жауапты мүшесі жұмыстың бекітілген бағыттары бойынша (соның ішінде бақылау мәселелерінің қамтылу толықтығын бақылауды жүзеге асыру, бақылаушылардың жұмыс бағыттарын түзету) жүзеге асырады.
      8. Бақылау тобының құрамы бақылау іс-шарасын жүргізуге қатысатын Тексеру комиссиясының қызметкерлерін – бақылау тобының жетекшісі мен бақылаушыларды, және қажет болғанда, мемлекеттік органдардың мамандарын, аудиторлық ұйымдардың қызметкерлерін және (немесе) сарапшыларды қамтиды. Бірлескен бақылауды жүргізу кезінде бақылау тобының құрамына басқа мемлекеттік органдардың қызметкерлері енгізіледі.
      9. Тексеру комиссиясының қызметкерлері бақылау жүргізу кезінде Бюджет кодексінде белгіленген құзыретіне сүйене отырып, осы Қағиданы басшылыққа алады.
      10. Бақылау жүргізуге тартылатын мемлекеттік органдардың, аудиторлық ұйымдардың мамандары және сарапшылар осы Қағиданы басшылыққа алады.
      11. Бақылау мынадай үлгілерге бөлінеді:
      1) сәйкестікке бақылау жасау;
      2) қаржылық есептілікті бақылау;
      3) тиімділікті бақылау.
      12. Тексеру комиссиясы өз өкілеттігі шегінде кешенді, тақырыптық, үстеме, бірлескен, қосарлас бақылау түрлерін жүзеге асырады.
      13. Бақылау жергілікті бюджеттің атқарылуын, бюджеттік бағдарламалардың, аумақтарды дамыту бағдарламаларының, мемлекеттік органдардың стратегиялық жоспарларының іске асырылуын, бюджет процесіне қатысушылардың, сондай-ақ басқа да бюджет қаражатын алушылардың, байланысты гранттарды, мемлекет активтерін, жергілікті атқарушы органдардың қарыздарын, бюджеттік инвестицияларды пайдаланатын жеке және заңды тұлғалардың (бұдан әрі – бақылау объектілері) оларды жоспарлауға, қалыптастыруға, бөлуге, пайдалануға байланысты заңнамалардың нормаларын сақтауын мониторингілеу, салыстыру, бағалау және талдау жүйесін қолдана отырып жүргізіледі.
      14. Есеп комитеті бақылау нәтижелері бойынша анықталған бұзушылықтарды, кемшіліктерді талдау, қорыту және жүйелендіруді жүзеге асырады.