Қазақстан Республикасының 2007 жылғы 9 қаңтардағы Экологиялық кодексінің 17-бабына сәйкес БҰЙЫРАМЫН:
1. Парниктік газдар шығарындыларын өлшеу және есепке алуды стандарттау қағидасы бекітілсін.
2. Төменкөміртекті даму департаментіне мемлекеттік тіркеуден өткізу үшін Қазақстан Республикасының Әділет министрлігіне осы бұйрықты ұсынуды қамтамасыз ету және кейіннен ресми бұқаралық ақпарат құралдары арқылы жариялау.
3. Осы бұйрық алғаш ресми жарияланғаннан кейін күнтізбелік отыз күн өткен соң қолданысқа енгізіледі.
Министр Н. Қаппаров
Қазақстан Республикасы
Қоршаған ортаны қорғау министрінің
2012 жылғы 10 мамырдағы № 144-ө
бұйрығымен бекітілген
Парниктік газдар шығарындыларын өлшеу және есепке алуды
стандарттау қағидалары
1. Жалпы ережелер
1. Осы Парниктік газдар шығарындыларын өлшеу және есепке алуды стандарттау қағидалары (бұдан әрі - Қағидалар) парниктік газдар шығарындыларын өлшеу және есепке алуды стандарттау тәртібін белгілейді.
2. Осы Қағидалар парниктік газдар шығарындыларын квоталау бойынша талаптарға енетін, парниктік газдар шығарындыларын қысқартуға және сіңіруге бағытталған жобаларды жүзеге асыратын немесе парниктік газдар шығарындыларын қысқарту бойынша ерікті бағдарламаларды іске асыратын табиғат пайдаланушылармен қолданылады.
3. Парниктік газдар шығарындыларын өлшеу және ағындарды өлшеу кезінде қолданылатын өлшеу құралдары пайдалану шарттарына және өлшем бірлігін қамтамасыз ету саласындағы Қазақстан Республикасының заңнамасының оған бекітілген талаптарына сәйкес болуы тиіс.
4. Парниктік газдар шығарындыларын өлшеу және ағындарды өлшеу кезінде Қазақстан Республикасында қолдануға рұқсат етілген бірліктердің мөлшерін айқындау үшін өлшем құралдары қолданылады.
5. Осы Қағидаларда мынадай терминдер мен анықтамалар пайдаланылады:
1) ағын - отынның, шикізаттың немесе өнімнің белгілі бір түрі, оны бір немесе бірнеше қондырғыда пайдалану парниктік газдар шығарындыларына әкеліп соқтырады;
2) ағынды өлшеу - арнайы техникалық құралдар көмегімен тәжірибелік жолмен парниктік газдар шығарындыларының көлемін есептеу үшін қолданылатын физикалық шама мәнін табу;
3) парниктік газдар шығарындыларын есепке алу - парниктік газдар шығарындыларын бақылау және басқару мақсатымен кәсіпорын қызметінің үдерісін бақылау және тіркеу жүйесі;
4) парниктік газдар шығарындыларын өлшеу - арнайы техникалық құралдар көмегімен тәжірибелік жолмен парниктік газдар шығарындыларының көлемін көрсететін физикалық шама мәнін табу.
2. Парниктік газдар шығарындыларын өлшеу және есепке алуды
стандарттау тәртібі
6. Парниктік газдар шығарындыларын өлшеуді стандарттау келесі негізде жүргізіледі:
1) парниктік газдар шығарындылары мен ағындардың өлшемін орындаудың бекітілген әдістемелерін қолдану;
2) табиғат пайдаланушылардың парниктік газдар шығарындыларының өлшемін орындаудың өздерінің әдістемелерін әзірлеу және қолдану.
7. Тікелей және жанама өлшемдерді орындауға арналған ағындар мен парниктік газдар шығарындыларының өлшемін орындау әдістемелері Қазақстан Республикасының қолданыстағы мемлекеттік стандарттары мен халықаралық стандарттарға сәйкес келуі тиіс.
8. Ағындар мен парниктік газдар шығарындыларының өлшемдерін орындауға тиісті әдістемелері болмаған жағдайда табиғат пайдаланушылар метрология саласындағы уәкілетті органға өлшемді жетіспейтін орындау әдістемелерін әзірлеу жөніндегі бастамамен жүгінеді немесе парниктік газдар шығарындыларының өлшемін орындау әдістемелерін әзірлеуді өз бетінше жүзеге асырады.
9. Парниктік газдар шығарындыларын есепке алуды стандарттау ағындарды статистикалық есепке алуды стандарттау арқылы жүзеге асырылады.
10. Ағындарды статистикалық есепке алу кәсіпорындардың шаруашылық қызметінің жалпы көрінісін бейнелейді және отынның, шикізаттың немесе өнімнің мөлшерлік және сапалық көрсеткіштерін зерттеу үшін қолданылады, оларды қондырғыларда жағу немесе қолдану парниктік газдар шығарындыларына әкеліп соқтырады.
11. Ағындарды статистикалық есепке алу мына негізде жүзеге асырылады:
1) Қазақстан Республикасының мемлекеттік стандарттарын пайдалану;
2) Қазақстан Республикасы Индустрия және сауда Министрінің 2007 жылғы 2 қыркүйектегі № 256 бұйрығымен бекітілген (№ 4949 Нормативтік құқықтық актілердің мемлекеттік тіркеу тізілімінде тіркелген), Ұйымдардың стандарттарды әзірлеу, бекіту, есепке алу, өзгерту, күшін жою, тіркеу, белгілеу, басылымға шығару қағидаларына сәйкес ұйымдардың стандарттарын әзірлеу және бекіту.