Халықты орталықтандырылмаған ауыз сумен және шаруашылық-ауыз сумен жабдықтау үшін пайдаланылатын жерүсті және жерасты су объектілеріне жеке және заңды тұлғаларға берілетін халықтың санитариялық-эпидемиологиялық салауаттылығы саласындағы уәкілетті органның қорытындысын тіркеу қағидаларын бекіту туралы

      Ескерту. Бұйрықтың тақырыбы жаңа редакцияда - ҚР Ауыл шаруашылығы министрінің 25.12.2015 № 19-1/1122 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

       Қазақстан Республикасы Су кодексінің 92-бабы 1-тармағына сәйкес БҰЙЫРАМЫН:

      1. Қоса беріліп отырған Халықты орталықтандырылмаған ауыз сумен және шаруашылық-ауыз сумен жабдықтау үшін пайдаланылатын жерүсті және жерасты су объектілеріне жеке және заңды тұлғаларға берілетін халықтың санитариялық-эпидемиологиялық салауаттылығы саласындағы уәкілетті органның қорытындысын тіркеу қағидалары бекітілсін.

       2. Қазақстан Республикасы Ауыл шаруашылығы министрлігінің Су ресурстары комитеті (И.А. Әбішев) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін және ресми жариялануын қамтамасыз етсін.

      3. "Халықты орталықтандырылмаған ауыз сумен және шаруашылық-тұрмыстық сумен қамтыған кезде заңды және жеке тұлғалармен пайдаланылатын су нысандарын тіркеу ережесін бекіту туралы" (Нормативтік құқықтық актілерді мемлекеттік тіркеу тізілімінде № 4124 тіркелген, 2006 жылы 2 маусымда № 99-100 (906) "Заң газеті" газетінде жарияланған) Қазақстан Республикасы Ауыл шаруашылығы министрлігінің Су ресурстары комитеті төрағасының 2006 жылғы 17 ақпандағы № 29 бұйрығының күші жойылды деп танылсын.

      4. Осы бұйрықтың орындалуын бақылау Қазақстан Республикасының Ауыл шаруашылығы Вице-министрі М.Е. Толыбаевқа жүктелсін.

      5. Осы бұйрық ресми жарияланған күнінен он күнтізбелік күн өткеннен кейін қолданысқа енгізіледі.

Халықты орталықтандырылмаған ауыз сумен және шаруашылық-ауыз
сумен жабдықтау үшін пайдаланылатын жерүсті және жерасты су
объектілеріне жеке және заңды тұлғаларға берілетін халықтың
санитариялық-эпидемиологиялық салауаттылығы саласындағы
уәкілетті органның қорытындысын тіркеу қағидалары

      Ескерту. Қағида жаңа редакцияда - ҚР Ауыл шаруашылығы министрінің 25.12.2015 № 19-1/1122 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1. Жалпы ережелер

      1. Осы Халықты орталықтандырылмаған ауыз сумен және шаруашылық-ауыз сумен жабдықтау үшін пайдаланылатын жерүсті және жерасты су объектілеріне жеке және заңды тұлғаларға берілетін халықтың санитариялық-эпидемиологиялық салауаттылығы саласындағы уәкілетті органның қорытындысын тіркеу қағидалары (бұдан әрі – Қағидалар) 2003 жылғы 9 шілдедегі Қазақстан Республикасы Су кодексінің 92-бабы 1-тармағына сәйкес әзірленген және облыстың (республикалық маңызы бар қаланың, астананың) жергілікті атқарушы органдарының (бұдан әрі – ЖАО) халықты тәулігіне елу текше метрге дейінгі көлемде орталықтандырылмаған ауыз сумен және шаруашылық-ауыз сумен жабдықтау үшін пайдаланылатын жерүсті және жерасты су объектілеріне жеке және заңды тұлғаларға халықтың санитариялық-эпидемиологиялық салауаттылығы саласындағы уәкілетті орган беретін қорытындыны тіркеу тәртібін айқындайды.

      2. Халықты орталықтандырылмаған ауыз сумен және шаруашылық-ауыз сумен жабдықтауды халықты тәулігіне елу текше метрге дейінгі көлемде орталықтандырылмаған сумен жабдықтау жөніндегі қызметтерді жүзеге асыратын жеке және заңды тұлғалар жүзеге асырады.

2. Халықтың санитариялық-эпидемиологиялық салауаттылығы
саласындағы уәкілетті органның қорытындысын тіркеу тәртібі

      3. Халықтың санитариялық-эпидемиологиялық салауаттылығы саласындағы уәкілетті органның қорытындысын тіркеуде халықты орталықтандырылмаған ауыз сумен және шаруашылық-ауыз сумен жабдықтау кезінде пайдаланылатын су объектісінің орналасу орны бойынша тиісті ЖАО жүргізеді.

      4. Тәулігіне елу текше метрге дейінгі көлемде халықты орталықтандырылмаған сумен жабдықтау жөнінде қызметтерді жүзеге асыратын жеке және заңды тұлғалар ЖАО-ға мыналарды ұсынады:

      1) осы Қағидаларға 1-қосымшаға сәйкес нысан бойынша өтініш;

      2) куәліктің* көшірмесі немесе заңды тұлғаны мемлекеттік тіркеу (қайта тіркеу) туралы анықтама (жеке тұлға үшін – жеке кәсіпкер ретінде мемлекеттік тіркеу туралы куәлік).

      * ескертпе: "Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы" 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады;

      3) су шаруашылығы құрылысы немесе құрылғысы паспортының көшірмесі;

      4) өзінің өндірістік зертханасы болған кезде – бактериологиялық санитариялық-химиялық зерттеулер жүргізу бөлігінде санитариялық-гигиеналық, эпидемиологиялық қызметке лицензияның көшірмесі;

      зертханалық зерттеулерді басқа зертханаларда жүргізген жағдайда – зертханалық зерттеулерді жүргізу шартының көшірмесі және көрсетілген қызмет түріне берілген зертхананың лицензиясының көшірмесі;

      5) халықты орталықтандырылмаған ауыз сумен және шаруашылық-ауыз сумен жабдықтау үшін пайдаланылатын су объектісінің су көздеріне, шаруашылық-ауыз су мақсаттары үшін су алу орындарына, шаруашылық-ауыз сумен жабдықтауға, мәдени-тұрмыстық су пайдалану орындарына және су объектілерінің қауіпсіздігіне қойылатын санитариялық-эпидемиологиялық талаптарға сәйкестігі туралы халықтың санитариялық-эпидемиологиялық салауаттылығы саласындағы уәкілетті органның оң қорытындысының көшірмесі.

      5. Өтініш иесі осы Қағидалардың 4-тармағында көзделген барлық құжаттарды ұсынғаннан кейін екі жұмыс күн ішінде ЖАО осы Қағидаларға 2-қосымшаға сәйкес нысан бойынша халықты орталықтандырылмаған ауыз сумен және шаруашылық-ауыз сумен жабдықтау үшін пайдаланылатын жерүсті және жерасты су объектілеріне жеке және заңды тұлғаларға халықтың санитариялық-эпидемиологиялық салауаттылығы саласындағы уәкілетті орган беретін қорытындыны тіркеу журналына мәліметтерді енгізу арқылы тіркеуді жүзеге асырады. Журнал тігілуге, нөмірленуге, басшының қолымен және мөрмен расталуға тиіс.

      6. Осы Қағидалардың 4-тармағында көзделген құжаттарды толық бермеген жағдайда, өтініш қарауға қабылданбайды.

      7. ЖАО тіркеуді жүзеге асырғаннан кейін бес жұмыс күні ішінде өтініштің көшірмесін тіркелген күнін көрсете отырып тиісті бассейндiк су шаруашылығы басқармасына жолдайды.

      Нысан

      _____________________________________________________________________

      (мемлекеттік органның толық атауы)

      _____________________________________________________________________

      (жеке тұлғаның тегі, аты, әкесінің аты (бар болған жағдайда),

      заңды тұлғаның атауы)

ӨТІНІШ

      Халықты орталықтандырылмаған ауыз сумен және шаруашылық-ауыз

      сумен жабдықтау үшін пайдаланылатын жерүсті және жерасты су

      объектілеріне жеке және заңды тұлғаларға халықтың

      санитариялық-эпидемиологиялық салауаттылығы саласындағы уәкілетті

      орган беретін қорытындыны тіркеуді сұраймын.

      Су объектісінің атауы және оның сипаттамасы ___________________

      _____________________________________________________________________

      Су тұтынушылардың саны туралы мәліметтер ______________________

      Суды есепке алу аспаптарының түрлері мен саны, оларды тексеру

      күні_________________________________________________________________

      20___жылғы "____" _______________.

      _____________________________________________________________________

      (жеке тұлғаның немесе заңды тұлға басшысының қолы, тегі, аты,

      әкесінің аты (бар болған жағдайда)

      Мөр орны (заңды тұлғалар үшін)

      Өтініш "____"_______________20___жылы қарауға қабылданды.

      _____________________________________________________________________

      (өтінішті қабылдаған адамның қолы, тегі, аты, әкесінің аты (бар

      болған жағдайда)

      Нысан

Халықты орталықтандырылмаған ауыз сумен және шаруашылық-ауыз
сумен жабдықтау үшін пайдаланылатын жерүсті және жерасты
су объектілеріне жеке және заңды тұлғаларға берілетін халықтың
санитариялық-эпидемиологиялық салауаттылығы саласындағы
уәкілетті органның қорытындысын тіркеу
ЖУРНАЛЫ