"Ақпараттық жүйелерді, бағдарламалық өнімдерді, бағдарламалық кодтар мен нормативтік-техникалық құжаттаманы депозитарийге депозитке салу" және "Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу" мемлекеттік қызмет регламенттерін бекіту туралы

      Қазақстан Республикасы «Әкімшілік рәсімдер туралы» Заңының 9-1-бабының 4-тармағына сәйкес, БҰЙЫРАМЫН:
      1. Қоса беріліп отырған:
      1) осы бұйрыққа 1-қосымшаға сәйкес «Ақпараттық жүйелерді, бағдарламалық өнімдерді, бағдарламалық кодтар мен нормативтік-техникалық құжаттаманы депозитарийге депозитке салу» мемлекеттік қызметінің регламенті;
      2) осы бұйрыққа 2-қосымшаға сәйкес «Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу» мемлекеттік қызметінің регламенті бекітілсін.
      2. Қазақстан Республикасы Байланыс және ақпарат министрлігінің Байланыс және ақпараттандыру комитеті (Р.Р. Нұршабеков) заңнамада белгіленген тәртіппен:
      1) осы бұйрықты белгіленген тәртіппен Қазақстан Республикасы Әділет министрлігінде мемлекеттік тіркелуін;
      2) осы бұйрықты Қазақстан Республикасы Әділет министрлігінде мемлекеттік тіркелгеннен кейін оның Қазақстан Республикасы Байланыс және ақпарат министрлігінің интернет-ресурсында және бұқаралық ақпарат құралдарында ресми жариялануын қамтамасыз етсін.
      3. Осы бұйрықтың орындалуын бақылау Қазақстан Республикасы Байланыс және ақпарат вице-министрі С.С. Сарсеновке жүктелсін.
      4. Осы бұйрық алғашқы ресми жарияланған күнінен бастап қолданысқа енгізіледі.

      Министр                                         А. Жұмағалиев

Қазақстан Республикасы     
Байланыс және ақпарат министрінің
2011 жылғы 19 тамыздағы    
№ 252 бұйрығына 1-қосымша   

«Ақпараттық жүйелерді, бағдарламалық өнімдерді, бағдарламалық
кодтар мен нормативтік-техникалық құжаттаманы
депозитарийге депозитке салу» мемлекеттік
қызметінің регламенті

1. Негізгі ұғымдар

      1. Осы «Ақпараттық жүйелерді, бағдарламалық өнімдерді, бағдарламалық кодтар мен нормативтік-техникалық құжаттаманы депозитарийге депозитке салу» регламентінде (бұдан әрі – Регламент) мынадай негізгі ұғымдар пайдаланылады:
      1) ақпараттық жүйе – аппараттық-бағдарламалық кешенді қолдана отырып, ақпаратты сақтауға, өңдеуге, іздестіруге, таратуға, беруге және ұсынуға арналған жүйе;
      2) ақпараттық жүйелердің, бағдарламалық өнімдердің, бағдарламалық кодтар мен нормативтік-техникалық құжаттаманың депозитарийі–бағдарламалық өнімдердің, бағдарламалық кодтардың даналарын оларға ілеспе нормативтік-техникалық құжаттамалармен бірге жинақтауды, сипаттауды, сақтауды және жүйелеуді қамтамасыз етуге арналған арнаулы сақтау орны;
      3) ақпараттық жүйелерді, бағдарламалық өнімдерді, бағдарламалық кодтар мен нормативтік-техникалық құжаттаманы депозитке беру – бағдарламалық өнімдердің, бағдарламалық кодтар мен нормативтік-техникалық құжаттаманың даналарын депозитарийге сақтауға беру;
      4) «құрылымдық-функционалдық бірлік (ҚФБ)» - мемлекеттік қызмет көрсету процесіне қатысатын мүдделі органдардың жауапты тұлғалары, ақпараттық жүйелері немесе олардың кіші жүйелері (бұдан әрі - ҚФБ);
      5) мемлекеттік қызмет – жеке және заңды тұлғалардың құқықтарын, бостандықтарын және заңды мүдделерінің қорғалуын қамтамасыз етуге бағытталған, бюджеттік бағдарламаларды (кіші бағдарламаларды) іске асыру аясында мемлекеттік органдар, өзге де мемлекеттік мекемелер, мемлекеттік кәсіпорындар, жеке және (немесе) заңды тұлғалар жүзеге асыратын қызмет;
      6) тұтынушы – электрондық ақпараттық ресурстар мен ақпараттық жүйелердің иесі немесе меншік иесі болып табылатын, Қазақстан Республикасының заңды тұлғасы;
      7) ішінара автоматтандырылған қызмет - құжаттарды электрондық нысаннан қағаз немесе керісінше нысанға өзгерту қажет болған кезде қызмет көрсету үдерісінде қағаз және электрондық құжат айналымының кезектесу қызметі.

2. Жалпы ережелер

      2. Осы Регламент «Ақпараттандыру туралы» Қазақстан Республикасы Заңының 1-бабы 38-тармағына, «Ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитарийге депозитке салу» мемлекеттік қызмет стандартын бекіту туралы» Қазақстан Республикасы Үкiметiнiң 2010 жылғы 22 желтоқсандағы № 1402 Қаулысына сәйкес әзірленді.
      3. «Ақпараттық жүйелерді, бағдарламалық өнімдерді, бағдарламалық кодтар мен нормативтік-техникалық құжаттаманы депозитарийге депозитке салу» мемлекеттік қызметі Қазақстан Республикасы Байланыс және ақпарат министрлігінің Ақпараттандыру және байланыс комитетімен (бұдан әрі – Комитет) көрсетіледі.
      4. Көрсетілетін мемлекеттік қызмет нысаны: ішінара автоматтандырылған.
      5. Мемлекеттік қызмет «Ақпараттандыру туралы» Қазақстан Республикасының 2007 жылғы 11 қаңтардағы Заңының 25-бабы, «Электрондық ақпараттық ресурстар мен ақпараттық жүйелердің мемлекеттік тіркелімін және депозитарийді жүргізу ережесін бекіту туралы» Қазақстан Республикасы Үкіметінің 2007 жылғы 21 қарашадағы № 1124 қаулысы негізінде көрсетіледі.
      6. Көрсетілетін мемлекеттік қызметтің нәтижесі бағдарламалық өнімдерді, ақпараттық жүйелерді, бағдарламалық өнімдерді, бағдарламалық кодтар мен нормативтік-техникалық құжаттаманы Депозитке берілген бағдарламалық өнімдердің тізіліміне (бұдан әрі – Тізілім) депозитке беруге ұсынылған объектілерге депозитарлық нөмірлерін меншіктеп беру, не қызмет көрсетуден бас тарту туралы дәлелді жауап болып табылады.
      Мемлекеттік қызметті ұсыну нысаны депозитке беруге ұсынылған объектілерге депозитарлық нөмірлерін меншіктеп беру, немесе қызмет көрсетуден бас тарту туралы дәлелді жауап болып табылады.

3. Мемлекеттік қызмет көрсету тәртібіне қойылатын талаптар

      7. Мемлекеттік қызмет Комитетпен демалыс және мереке күндерін қоспағанда, күн сайын сағат 9.00-ден 18.30-ға дейін, сағат 13.00-ден 14.30-ға дейін түскі үзіліспен көрсетіледі. Қызмет алу үшін алдын ала жазылу талабы жоқ. Жедел қызмет көрсету тәртібі қарастырылмаған. Заңды мекенжайы: 010000, Астана қаласы, Сол жағалау, Министрліктер үйі, Орынбор көшесі, 8-үй, 14-кіреберіс.
      8. Мемлекеттік қызмет көрсету тәртібі және мемлекеттік қызметті алуға қажетті құжаттар туралы ақпарат www.mci.gov.kz., www.reginfo.kz. Интернет-ресурстарында орналастырылады немесе (87172) 51-81-08 телефоны арқылы алуға болады.
      9. Мемлекеттік қызметтің көрсету мерзімі:
      тексеру нәтижесі оң болған жағдайда, тұтынушы Тізілімге енгізу үшін белгіленген қажетті құжаттарды тапсырған сәттен бастап жиырма алты жұмыс күнін құрайды;
      депозитке беру өтінімі тиісінше ресімделмеген жағдайда тұтынушы Тізілімге енгізу үшін белгіленген қажетті құжаттарды тапсырған сәттен бастап жиырма бір жұмыс күнін құрайды.
      10. Осы Регламенттің 14-тармағында көрсетілген материалдар мен құжаттардың толық жиынтығын бермеу Комитеттің тұтынушыға мемлекеттік қызмет көрсетуден бас тартуына негіз болады.
      11. Мемлекеттік қызмет көрсету кезеңдері:
      1) 1-кезең – Комитеттің құжаттамалық қамтамасыз ету қызметінің (бұдан әрі – ҚҚҚ) жұмыскерлері қосымша берілген өтінім және нормативтік-техникалық құжаттама материалдары мен ықшам-дискілері бар кіріс корреспонденцияны (бұдан әрі – материалдар) қабылдау, ашу, іріктеу және тіркеу журналына тіркеуді жүргізеді;
      2) 2-кезең – Комитет басшысының кіріс корреспонденцияны қарауы және лауазымдық тұлғаны анықтауы. Комитет басшылығының тапсырмасы (бұрыштама) бойынша, құжаттар орындау үшін тіркеу журналында қол қоюмен лауазымдық тұлғаға жолданады;
      3) 3-кезең – Комитеттің лауазымдық тұлғасының қосымша берілген өтінім және материалдары бар кіріс корреспонденцияны қарауы, ақпараттандыру саласындағы уәкілетті ұйым мекенжайына қосымша берілген материалдары бар ілеспе хат дайындауы;
      4) 4-кезең – ақпараттандыру саласындағы уәкілетті ұйымның ҚҚҚ жұмыскерлері қосымша берілген өтінім және материалдары бар кіріс корреспонденцияны қабылдау, ашу, іріктеу және тіркеу журналына тіркеуді жүргізеді;
      5) 5-кезең – ақпараттандыру саласындағы уәкілетті ұйым басшысының кіріс корреспонденцияны қарауы және лауазымдық тұлғаны анықтауы. Ақпараттандыру саласындағы уәкілетті ұйым басшылығының тапсырмасы (бұрыштама) бойынша, құжаттар орындау үшін тіркеу журналында қол қоюмен орындаушыға жолданады;
      6) 6-кезең – ақпараттандыру саласындағы уәкілетті ұйым лауазымдық тұлғасының құжаттар мазмұны мен ресімделуінің Қазақстан Республикасы аумағында қолданыстағы нормативтік құқықтық актілер мен стандарттардың талаптарына сәйкестігін тексеруі;
      7) 7-кезең – тексеру нәтижесі оң болған жағдайда ақпараттандыру саласындағы уәкілетті ұйымның лауазымдық тұлғасы Комитетке депозиттеу объектілерін депозитке салу, есепке алу және депозитарийде сақтауды қамтамасыз ету туралы хабарлайды;
      8) 8-кезең – ақпараттандыру саласындағы уәкілетті ұйымның лауазымдық тұлғасы депозитке салынған бағдарламалық өнімдер, бағдарламалық кодтар мен нормативтік-техникалық құжаттама туралы мәліметтерді Депозитке салынған бағдарламалық өнімдер тізіліміне енгізеді;
      9) 9-кезең – өтінім берілген депозитке салу объектілерінің сәйкессіздігі немесе депозитке беру өтінімі тиісінше ресімделмеген жағдайда ақпараттандыру саласындағы уәкілетті ұйымның лауазымдық тұлғасы қайтару себептерін көрсетумен өтінімді Комитетке қайтарады;
      10) 10-кезең – Комитеттің лауазымдық тұлғасы қайтару себептерін көрсетумен өтінімді тұтынушыға қайтаруды жүргізеді.
      12. Мемлекеттік қызмет көрсету үшін тұтынушының құжаттарын қабылдау Комитеттің жұмыс кестесіне сәйкес жұмыс күні ішінде бір тұлғамен жүзеге асырылады.

4. Мемлекеттік қызмет көрсету үдерісіндегі іс-қимылдар
(өзара іс-қимылдар) тәртібін сипаттау

      13. Тұтынушы мемлекеттік қызмет алу үшін Комитетке қосымшаларын көрсетумен ілеспе хатты ұсынады, ол Комитеттің ҚҚҚ қызметкерімен ілеспе хатта көрсетілген тізім бойынша қабылдап алынады. Комитеттің ҚҚҚ қызметкерінің мемлекеттік қызмет көрсету мерзімі көрсетілген ілеспе хатты тіркеуі тұтынушының барлық қажетті құжаттарды тапсырғанын растайды.
      14. Мемлекеттік қызметті алу үшін тұтынушы мыналарды:
      1) ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитке беруге арналған өтінімді;
      2) авторлық құқықтармен қорғалғандардан басқа, ақпараттық жүйенің бастапқы бағдарламалық кодтарын;
      3) депозитке берілетін бағдарламалық өнімді орнату бағдарламасының қалыптастырылған пакеттерін, депозитке берілетін бағдарламалық өнімнің құрастырылған модульдерін (құрауыштарын) қамтитын ақпараттық жүйелердің инсталляциялық пакетін;
      4) қажет болған жағдайда тұтынушы айқындайтын қосымша бағдарламалық қамтамасыз етуді;
      5) ақпараттық жүйенің аннотациялық немесе жарнамалық сипаттамасын;
      6) нормативтік-техникалық құжаттама – ақпараттық жүйенің ерекшелігін, сипаттамасын, сынақ бағдарламасы мен әдістемесін, мыналарды:
      депозитке берілетін бағдарламалық өнімнің ерекшелігін;
      техникалық тапсырманы (бағдарламалық өнімді дамытудың барлық кезеңдерін);
      формулярды (негізі сипаттамалары, жинақтылық және депозитке берілетін бағдарламалық өнімді пайдалану туралы мәліметтер);
      бағдарламалық өнімнің сипаттамасы (жұмыстың және өзара іс-қимылдың схемасы мен диаграммасын қоса алғанда, бағдарламалық өнімнің қисынды құрылымы мен жұмыс істеуі туралы мәліметтер);
      түсіндірме жазбаны (алгоритм схемасы, бағдарламалық өнімнің алгоритмінің және (немесе) жұмыс істеуінің жалпы сипаттамасы, сондай-ақ қабылданған техникалық және техникалық-экономикалық шешімдердің негіздемесі);
      қолданылу сипаттамасын (бағдарламалық өнімнің мақсаты, қолданылу саласы, қолданылатын әдістер, шешілетін міндеттердің сыныбы, қолдану үшін шектеулер, техникалық құралдардың ең төменгі конфигурациясы туралы мәліметтер);
      орнату жөніндегі нұсқаулықты;
      әкімшінің нұсқаулығын;
      пайдаланушының нұсқаулығын;
      техникалық тапсырма бойынша талап етілетін басқа құжаттарды қамтитын пайдалану құжаттамасын;
      7) тұтынушының қалауы бойынша басқа да бағдарламалық құралдар мен құжаттарды ұсынады.
      15. Ақпараттық қауіпсіздік бойынша талаптар «Мемлекеттік ақпараттық жүйелерді және мемлекеттік ақпараттық жүйелермен интеграцияланатын мемлекеттік емес ақпараттық жүйелерді олардың ақпараттық қауіпсіздік талаптарына және Қазақстан Республикасының аумағында қабылданған стандарттарға сәйкестігіне аттестаттау жүргізу ережесін бекіту туралы» Қазақстан Республикасы Үкіметінің 2009 жылғы 30 желтоқсандағы № 2280 қаулысына сәйкес әзірленген және бекітілген.
      16. Құрылымдық-функционалдық бірліктерді тізбелеу және сипаттау (бұдан әрі – ҚФБ):
      ҚФБ 1 – Қазақстан Республикасы Байланыс және ақпарат министрлігінің Ақпараттандыру және байланыс комитеті;
      ҚФБ 2 – «Телекоммуникация саласындағы техникалық сүйемелдеу және талдау орталығы» шаруашылық жүргізу құқығындағы республикалық мемлекеттік кәсіпорны.
      17. Әр ҚФБ-ның әкімшілік іс-әрекеті дәйектілігінің кестелік сипаттамасы әрбір әкімшілік іс-әрекетінің орындалу мерзімін көрсетумен осы Регламентке 1-қосымшада берілген.
      18. ҚФБ мен мемлекеттік қызмет көрсету үдерісінде әкімшілік іс-әрекеттің қисындық өзара байланысын бейнелейтін схема осы Регламентке 2-қосымшада берілген.
      19. Мемлекеттік қызметті ұсыну нысаны мәліметтер мен депозитке беруге ұсынылған объектілерге депозитарлық нөмірлерін меншіктеп беру, немесе қызмет көрсетуден бас тарту туралы дәлелді жауап болып табылады.

5. Мемлекеттік қызмет көрсететін лауазымдық
тұлғалардың жауапкершілігі

      20. Мемлекеттік қызмет көрсету нәтижелеріне шағым жасау тәртібі туралы ақпаратты № А772 кабинет, (87172) 74-06-85 телефоны бойынша Комитеттің лауазымды адамынан алуға болады.
      Көрсетілген мемлекеттік қызмет нәтижелерімен келіспеген жағдайда тұтынушы шағымды Қазақстан Республикасы Байланыс және ақпарат министрлігіне: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А739 кабинет, телефон (87172)74-10-34 мекенжайы бойынша жолдайды.
      Жұмыс кестесі: сағат 9.00-ден 18.30-ға дейін, оның ішінде сағат 13.00-ден 14.30-ға дейін түскі үзіліс бар.
      Мемлекеттік қызмет көрсету кезінде дөрекі қызмет көрсету мәселелері бойынша шағымды тұтынушы Комитетке: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А772 кабинет, телефон (87172) 74-06-85 мекенжайы бойынша жолдайды.
      Жұмыс кестесі: сағат 9.00-ден 18.30-ға дейін, оның ішінде сағат 13.00-ден 14.30-ға дейін түскі үзіліс бар.
      Көрсетілген мемлекеттік қызмет нәтижелерімен келіспеген жағдайда тұтынушы заңнамада белгіленген тәртіппен сотқа шағымдануға құқылы.
      Шағым ерікті түрде, екі данада ресімделеді, оның біреуі жасалған шағымға жауап алатын мерзім мен орын, сондай-ақ шағымның қаралу барысы туралы білуге болатын лауазымды адамдардың байланыс деректері көрсетіліп, тұтынушыға беріледі.
      Шағым «Жеке және заңды тұлғалардың өтінішін қарау тәртібі туралы» Қазақстан Республикасының 2007 жылғы 12 қаңтардағы Заңында белгіленген тәртіппен қаралады.
      Қабылданған шағым заңды тұлғалардың өтініштерін есепке алу журналында тіркеледі. Шағымның екінші данасы не көшірмесі шағымның қабылданғанын растайтын құжат болып табылады, онда шағымды қабылдап алған адам жасалған шағымға жауап алатын мерзім мен орынды және шағымның қаралу барысы туралы білуге болатын лауазымды адамдардың байланыс деректерін көрсетеді.
      Мемлекеттік қызмет туралы қосымша ақпаратты www.mci.gov.kz немесе www.reginfo.kz интернет-ресурстарынан және (87172) 74-03-54 телефоны арқылы алуға болады.

«Ақпараттық жүйелерді, бағдарламалық
өнімдерді, бағдарламалық кодтар  
мен нормативтік-техникалық     
құжаттаманы депозитарийге депозитке
салу» мемлекеттік қызмет Регламентіне
1-қосымша            

1-кесте. ҚФБ іс-әрекеттерінің сипаттамасы
Ақпараттық жүйелерді, бағдарламалық өнімдерді, бағдарламалық кодтар мен нормативтік-техникалық құжаттаманы депозитке беру

1-кестенің жалғасы

2-кесте. Пайдалану нұсқалары. Негізгі үдеріс.

«Ақпараттық жүйелерді, бағдарламалық
өнімдерді, бағдарламалық кодтар 
мен нормативтік-техникалық     
құжаттаманы депозитарийге    
депозитке салу» мемлекеттік қызмет
Регламентіне          
2-қосымша            

«Ақпараттық жүйелерді, бағдарламалық өнімдерді, бағдарламалық
кодтар мен нормативтік-техникалық құжаттаманы депозитке беру»
мемлекеттік қызметін көрсету үдерісі

Қазақстан Республикасы    
Байланыс және ақпарат министрінің
2011 жылғы 19 тамыздағы   
№ 252 бұйрығына 2-қосымша  

«Электрондық ақпараттық ресурстар мен ақпараттық жүйелерді
электрондық ақпараттық ресурстар мен ақпараттық
жүйелердің мемлекеттік тіркелімінде тіркеу» мемлекеттік
қызметінің регламенті

1. Негізгі ұғымдар

      1. Осы «Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу» регламентінде (бұдан әрі - Регламент) мынадай негізгі ұғымдар пайдаланылады:
      1) ақпараттық жүйе - ақпараттық процестерді іске асыруға арналған аппараттық-бағдарламалық кешенді қолданумен ақпаратты ұсыну және беру, тарату, іздеу, өңдеу, сақтауға арналған жүйе (бұдан әрі - АЖ);
      2) құрылымдық-функционалдық бірлік (ҚФБ) - мемлекеттік қызмет көрсету процесіне қатысатын мүдделі органдардың жауапты тұлғалары, ақпараттық жүйелері немесе олардың кіші жүйелері (бұдан әрі - ҚФБ);
      3) мемлекеттік қызмет - жеке және заңды тұлғалардың құқықтарын, бостандықтарын және заңды мүдделерінің қорғалуын қамтамасыз етуге бағытталған, бюджеттік бағдарламаларды (кіші бағдарламаларды) іске асыру аясында мемлекеттік органдар, өзге де мемлекеттік мекемелер, мемлекеттік кәсіпорындар, жеке және (немесе) заңды тұлғалар жүзеге асыратын қызмет;
      4) тұтынушы - электрондық ақпараттық ресурстар мен ақпараттық жүйелердің иесі немесе меншік иесі болып табылатын, Қазақстан Республикасының заңды тұлғасы;
      5) ішінара автоматтандырылған қызмет - құжаттарды электрондық нысаннан қағаз немесе керісінше нысанға өзгерту қажет болған кезде қызмет көрсету үдерісінде қағаз және электрондық құжат айналымының кезектесу қызметі;
      6) электрондық ақпараттық ресурс - қолданыстағы заңнамаға және белгіленген талаптарға сәйкес ұйымдастырылған, ақпараттық жүйелердегі құжаттандырылған ақпараттың жиынтығы (бұдан әрі АР);
      7) электрондық ақпараттық ресурстар мен ақпараттық жүйелердің мемлекеттік тіркелімі - электрондық ақпараттық ресурстар мен ақпараттық жүйелер сипаттамаларының жиынтығын қамтитын жүйеленген тізбе.

2. Жалпы ережелер

      2. Осы Регламент «Электрондық ақпараттық ресурстар мен ақпараттық жүйелерді электрондық ақпараттық ресурстар мен ақпараттық жүйелердің мемлекеттік тіркелімінде тіркеу» мемлекеттік қызмет стандартын бекіту туралы» Қазақстан Республикасы Үкіметінің 2010 жылғы 22 желтоқсандағы № 1403 қаулысына сәйкес әзірленді (бұдан әрі - стандарт).
      3. Мемлекеттік қызметті Қазақстан Республикасы Байланыс және ақпарат министрлігінің Ақпараттандыру және Байланыс комитеті (бұдан әрі - Комитет) көрсетеді.
      4. Көрсетілетін мемлекеттік қызмет нысаны: ішінара автоматтандырылған.
      5. Мемлекеттік қызмет "Ақпараттандыру туралы" Қазақстан Республикасының Заңының 23-бабы және "Электрондық ақпараттық ресурстар мен ақпараттық жүйелердің мемлекеттік тіркелімін және депозитарийді жүргізу ережесін бекіту туралы" Қазақстан Республикасы Үкіметінің 2007 жылғы 21 қарашадағы № 1124 қаулысы негізінде көрсетіледі.
      6. Көрсетілетін мемлекеттік қызметтің нәтижесі Электрондық ақпараттық ресурстар мен ақпараттық жүйелердің мемлекеттік тіркелімінде (бұдан әрі - АР мен АЖ мемлекеттік тіркелімі) тіркеу және қағаз тасығышта ақпараттық ресурстар мен ақпараттық жүйелерді тіркеу туралы куәлік (бұдан әрі - Куәлік) беру, не қызмет көрсетуден бас тарту туралы дәлелді жауап болып табылады.

3. Мемлекеттік қызмет көрсету тәртібіне қойылатын талаптар

      7. Мемлекеттік қызмет Комитетпен демалыс және мереке күндерін қоспағанда, күн сайын сағат 9.00-ден 18.30-ға дейін, сағат 13.00-ден 14.30-ға дейін түскі үзіліспен көрсетіледі. Қызмет алу үшін алдын ала жазылу талабы жоқ. Жедел қызмет көрсету тәртібі қарастырылмаған. Заңды мекенжайы: 010000, Астана қаласы, Сол жағалау, Министрліктер үйі, Орынбор көшесі, 8-үй, 14-кіреберіс.
      8. Мемлекеттік қызмет көрсету мәселелері және мемлекеттік қызметті көрсету барысы туралы ақпаратты тұтынушылар 74-06-85 телефоны арқылы Комитеттен ала алады.
      9. Мемлекеттік тіркелімге енгізу және Куәлік беру үшін тұтынушы стандарттың 11-тармағында белгіленген қажетті құжаттарды тапсырған сәттен бастап мемлекеттік қызмет көрсету мерзімі 43 жұмыс күнін құрайды. Мемлекеттік қызметтің уақыт бойынша шектеу мерзімі:
      1) Комитет тіркеу өтінімдерін алған сәттен бастап 15 жұмыс күні ішінде олардың дұрыс және толық толтырылуын тексереді;
      2) тіркеу өтінімдері тиісінше ресімделген жағдайда Комитет 5 жұмыс күні ішінде АР мен (немесе) АЖ тіркеуді жүргізеді және тіркеу нөмірін тағайындайды;
      3) Комитет тіркеу өтінімдерінің көшірмелерін тіркелген сәттен бастап 3 жұмыс күні ішінде «Телекоммуникация саласындағы техникалық сүйемелдеу және талдау орталығы» шаруашылық жүргізу құқығындағы республикалық мемлекеттік кәсіпорнына(бұдан әрі - «ТСТСТО» РМК) АР мен АЖ мемлекеттік тіркеліміне мәліметтер енгізу үшін жолдайды;
      4) «ТСТСТО» РМК 5 жұмыс күні ішінде АР мен (немесе) АЖ туралы тиісті мәліметтерді АР мен АЖ мемлекеттік тіркеліміне енгізеді;
      5) Комитет АР мен АЖ мемлекеттік тіркелімінде АР мен (немесе) АЖ тіркелген сәттен бастап 15 жұмыс күні ішінде Куәлік береді;
      6) тіркеу өтініштері Қазақстан Республикасының Нормативтік құқықтық актілерді мемлекеттік тіркеу тізілімінде 2010 жылғы 16 қыркүйекте № 6497 тіркелген, Қазақстан Республикасы Байланыс және ақпарат министрінің 2010 жылғы 11 тамыздағы № 180 «Электрондық ақпараттық ресурстар мен ақпараттык жүйелерді тіркеу туралы өтініштердің нысандарын бекіту туралы» бұйрығымен (бұдан әрі - Бұйрық) бекітілген нысандарға сәйкес келмеген жағдайда, Комитет оларды алған сәттен бастап 15 жұмыс күні ішінде тіркеу өтінімдерін қайтару себептерін көрсетумен тұтынушыға қайтарады;
      7) тұтынушы қайтарылған тіркеу өтінімдерін алған сәттен бастап ескертулерді жояды және оларды тіркеу үшін Комитетке қайтадан тапсырады;
      8) тұтынушының тіркеу өтінімдерін қайталама қарау осы Регламенттің 9-тармағының 1), 2), 3), 4) және 5) тармақшаларымен белгіленген тәртіпте жүзеге асырылады;
      9) АР мен АЖ тіркеу кезінде тіркеу мәліметтерінің мазмұнын немесе құрамын нақтылау үшін Комитет тұтынушыдан АР мен АЖ туралы қосымша ақпарат сұратады;
      10) тіркеу үшін қажетті, АР мен (немесе) АЖ туралы қосымша ақпарат ұсыну туралы сұрау алған кезде, тұтынушы тиісті сұрауды алған сәттен бастап 10 жұмыс күні ішінде толық жауап ұсынады.
      11) Стандарттың 11-тармағында көрсетілген материалдар мен құжаттардың толық жиынтығын тапсырмау Комитеттің тұтынушыға мемлекеттік қызмет көрсетуден бас тартуына негіз болады.
      11. «Электрондық акпараттық ресурстар мен ақпараттық жүйелердің мемлекеттік тіркелімінде электрондық ақпараттық ресурстар мен ақпараттық жүйелерді тіркеу» мемлекеттік қызметін көрсету кезеңдері:
      1) 1-кезең - қосымша берілген құжаттары мен материалдары бар ілеспе хатты Комитеттің құжаттамалық қамтамасыз ету қызметінде (бұдан әрі - ҚҚҚ) қабылдау және тіркеу;
      2) 2-кезең - Комитет басшысының кіріс корреспенденцияны қарауы және лауазымдық тұлғаны анықтауы. Басшылықтың тапсырмасы (бұрыштама) бойынша, құжаттар орындау үшін тіркеу журналында қол қоюмен лауазымдық тұлғаға жолданады;
      3) 3-кезең - Комитеттің лауазымдық тұлғасының тіркеу өтінімдерінің толықтығы мен олардың дұрыс толтырылуын тексеруі;
      4) 4-кезең - Комитеттің лауазымдық тұлғасының ақпараттық ресуртар мен (немесе) ақпараттық жүйелерді тіркеу нөмірін меншіктеумен тіркеуі;
      5) 5-кезең - Комитеттің лауазымдық тұлғасының тіркеу өтінімдерінің көшірмелерін «ТСТСТО» РМК мекенжайына жіберуді жүзеге асыруы;
      6) 6-кезең - «ТСТСТО» РМК ҚҚҚ-да тіркеу өтінімдері қоса берілген құжаттарды қабылдауы;
      7) 7-кезең - «ТСТСТО» РМК басшысының лауазымдық тұлғаны анықтауы;
      8) 8-кезең - «ТСТСТО» РМК лауазымдық тұлғасының АР мен (немесе) АЖ туралы мәліметтерді АР мен АЖ мемлекеттік тіркеліміне енгізуі;
      9) 9-кезең - «ТСТСТО» РМК лауазымдық тұлғасының АР мен (немесе) АЖ туралы мәліметтердің АР мен АЖ мемлекеттік тіркеліміне енгізілуі туралы Комитет мекенжайына хабарлама жіберуі;
      10) 10-кезең - Комитеттің лауазымдық тұлғасының тұтынушыға Куәлікті дайындауы және жіберуі;
      11) 11-кезең - тіркеу өтінімдері тиісінше ресімделмеген жағдайда Комитеттің лауазымдық тұлғасы қайтару себептерін көрсетумен тіркеу өтінімдерін тұтынушыға қайтарады.
      12. Мемлекеттік қызмет көрсету үшін тұтынушының құжаттарын қабылдау Комитеттің жұмыс кестесіне сәйкес жұмыс күні ішінде бір тұлғамен жүзеге асырылады.

4. Мемлекеттік қызмет көрсету үдерісіндегі іс-қимылдар (өзара іс-қимылдар) тәртібін сипаттау

      13. Кіріс (оның ішінде электрондық) хат-хабарларды тіркеу және тұтынушының мемлекеттік қызметті көрсетуге сұрауын (өтінімін) қабылдау (тіркеу) туралы ақпарат алу тәртібі:
      1) қажетті құжаттары мен материалдары жолданады;
      2) құжаттар мен материалдарды қабылдауды Комитеттің кеңсесі мына мекенжай бойынша жүзеге асырады: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А781 кабинет, телефоны: (87172) 74-03-64.
      3) мемлекеттік қызметтің көрсетілетін күнінің көрсетілуімен Комитет ҚҚҚ-да ілеспе хаттың тіркелуі тұтынушының барлық құжаттарды тапсырғанын растайды.
      14. Тұтынушының мемлекеттік қызметті алу үшін ұсынатын қажетті құжаттар тізбесі:
      1) тұтынушымен қол қойылған және расталған, Бұйрықпен бекітілген нысан бойынша өтінімнің түпнұсқасы;
      2) өтінімнің қағаз және электрондық тасығыштардағы көшірмелері.
      15. Ақпараттық қауіпсіздікті қамтамасыз етуге талаптар «Мемлекеттік ақпараттық жүйелерді және мемлекеттік ақпараттық жүйелермен интеграцияланатын мемлекеттік емес ақпараттық жүйелерді олардың ақпараттық қауіпсіздік талаптарына және Қазақстан Республикасының аумағында қабылданған стандарттарға сәйкестігіне аттестаттау жүргізу ережесін бекіту туралы» Қазақстан Республикасы Үкіметінің 2009 жылғы 30 желтоқсандағы № 2280 Қаулысына сәйкес әзірленген және бекітілген.
      16. Мемлекеттік қызмет көрсету үдерісіне қатысады:
      ҚФБ1 - Қазақстан Республикасы Байланыс және ақпарат министрлігінің Ақпараттандыру және байланыс комитеті;
      ҚФБ2 - Қазақстан Республикасы Байланыс және ақпарат министрлігінің «Телекоммуникация саласындағы техникалық; сүйемелдеу және талдау орталығы» шаруашылық жүргізу құқығындағы республикалық мемлекеттік кәсіпорны.
      17. Әрбір ҚФБ әкімшілік іс-қимылдардың бірізділігін мәтіндік кестелік сипаттау әрбір әкімшілік іс-қимылдың орындалу мерзімін көрсетумен Регламентке 1-қосымшада берілген.
      18. ҚФБ мен мемлекеттік қызметті көрсету үдерісіндегі әкімшілік іс-қимылдардың логикалық бірізділігі арасындағы өзара қарым-қатынасты сипаттайтын сызба Регламентке 2-қосымшада берілген.
      19. Мемлекеттік қызмет көрсету нәтижесіне сәйкес ұсынылатын Куәлік нысаны Регламентке 3-қосымшада берілген.

5. Мемлекеттік қызмет көрсететін лауазымдық тұлғалардың
жауапкершілігі

      20. Мемлекеттік қызмет көрсету сапасы бойынша наразылықтар туындаған жағдайда мемлекеттік қызмет нәтижелеріне шағым жасау тәртібі туралы ақпаратты № А772 кабинет, (87172) 74-03-24 телефоны бойынша Комитеттің лауазымды адамынан алуға болады.
      21. Көрсетілген мемлекеттік қызмет нәтижелерімен келіспеген жағдайда тұтынушы шағымды Қазақстан Республикасы Байланыс және ақпарат министрлігіне: 010000, Астана қаласы, Орынбор көшесі, 8-үй, «Министрліктер үйі" әкімшілік ғимараты, 14-кіреберіс, № А739 кабинет, телефон (87172)74-10-34 мекенжайы бойынша жолдайды.
      Жұмыс тәртібі: сағат 9.00-ден 18.30-ға 13.00-ден 14.30-ға дейін түскі үзіліс бар.
      22. Мемлекеттік қызмет көрсету кезінде дөрекі қызмет көрсету мэселелері бойынша шағымды тұтынушы Комитетке: 010000, Астана қаласы, Орынбор көшесі, 8-үй, «Министрліктер үйі» әкімшілік ғимараты, 14-кіреберіс, № А739 кабинет, телефон (87172) 74-03-24 мекенжайы бойынша жолдайды.
      Жұмыс тәртібі: сағат 9.00-ден 18.30-ға дейін, оның ішінде сағат 13.00-ден 14.30-ға дейін түскі үзіліс бар.
      Көрсетілген мемлекеттік қызмет нәтижелерімен келіспеген жағдайда тұтынушы заңнамада белгіленген тәртіппен сотқа шағымдануға құқылы.
      23. Шағым ерікті түрде, екі данада ресімделеді, оның біреуі жасалған шағымға жауап алатын мерзім мен орын, сондай-ақ шағымның қаралу барысы туралы білуге болатын лауазымды адамдардың байланыс деректері көрсетіліп, тұтынушыға беріледі.

«Электрондық ақпараттық ресурстар
мен ақпараттық жүйелерді   
электрондық ақпараттық ресурстар
мен ақпараттық жүйелердің  
      мемлекеттік тіркелімінде тіркеу»
мемлекеттік қызмет      
Регламентіне         
1-қосымша           

1-кесте. ҚФБ іс-әрекеттерінің сипаттамасы.
АР мен АЖ-ны АР мен АЖ мемлекеттік тіркелімінде тіркеу және
куәліктер беру.

1-кестенің жалғасы

2-кесте. Пайдалану нұсқалары.
АР мен АЖ-ны АР мен АЖ мемлекеттік тіркелімінде тіркеу үдерісі

«Электрондық ақпараттық ресурстар
мен ақпараттық жүйелерді   
электрондық ақпараттық ресурстар
мен ақпараттық жүйелердің 
мемлекеттік тіркелімінде тіркеу»
мемлекеттік қызмет      
Регламентіне         
2-қосымша          

Функционалдық өзара іс-қимылдар сызбасы

«Электрондық ақпараттық ресурстар мен ақпараттық жүйелерді
электрондық ақпараттық ресурстар мен ақпараттық жүйелердің
мемлекеттік тіркелімінде тіркеу» мемлекеттік қызмет көрсету
үдерісі

«Электрондық ақпараттық ресурстар
мен ақпараттық жүйелерді   
электрондық ақпараттық ресурстар
мен ақпараттық жүйелердің   
мемлекеттік тіркелімінде тіркеу»
мемлекеттік қызмет     
Регламентіне        
3-қосымша          

Куәліктің нысаны

ҚАЗАҚСТАН РЕСПУБЛИКАСЫ БАЙЛАНЫС ЖӘНЕ АҚПАРАТ МИНИСТРЛІГІ АҚПАРАТТЫҚ РЕСУРСТАР МЕН АҚПАРАТТЫҚ ЖҮЙЕЛЕРДІ ТІРКЕУ ТУРАЛЫ К У Ә Л І К

Астана қаласы      № _______      20___ж. «____» _____________

      Осы куәлік "Ақпараттандыру туралы" Қазақстан Республикасының Заңы және Қазақстан Республикасы Үкіметінің 2007 жылғы 21 қарашадағы № 1124 қаулысымен бекітілген Электрондық ақпараттық ресурстар мен ақпараттық жүйелердің мемлекеттік тіркелімін және депозитарийді жүргізу ережелеріне сәйкес берілді.
_____________________________________________________________________
(ақпараттық ресурстар мен ақпараттық жүйелер иесінің толық атауы)
_____________________________________________________________________
      (ақпараттық ресурстар мен ақпараттық жүйелердің атауы)

ақпараттық ресурстар мен ақпараттық жүйелердің Мемлекеттік тіркеліміне ұсынылған
_____________________________________________________________________
      (ақпараттық ресурстар мен ақпараттық жүйелердің атауы)
_____________________________________________________________________
             (бағдарламалық өнім мәртебесінің атауы)

      20 __ жылғы «___» ___________ № _________ нөмірімен тіркелді.

      Вице-министр

      М.О.