Автомобиль және темір жол көлігі саласындағы мемлекеттік бақылау, сауда мақсатында теңізде жүзу және ішкі су көлігі саласындағы мемлекеттік қадағалау бойынша жеке кәсіпкерлік саласында тәуекел дәрежесін бағалау өлшемдерін және тексеру парақтарының нысанын бекіту туралы

      «Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қаңтардағы Заңы 13-бабының 4-тармағын, 15-бабының 1-тармағын іске асыру мақсатында БҰЙЫРАМЫЗ:
      1. Мыналар бекітілсін:
      1) осы бұйрыққа 1-қосымшаға сәйкес, автомобиль және темір жол көлігі саласындағы мемлекеттік бақылау, сауда мақсатында теңізде жүзу және ішкі су көлігі саласындағы мемлекеттік қадағалау бойынша жеке кәсіпкерлік саласында тәуекел дәрежесін бағалау өлшемдері;
      2) осы бұйрыққа 2-қосымшаға сәйкес, автомобиль көлігі саласындағы мемлекеттік бақылау бойынша жеке кәсіпкерлік саласындағы тексеру парағының нысаны;
      3) осы бұйрыққа 3-қосымшаға сәйкес, темір жол көлігі саласындағы мемлекеттік бақылау бойынша жеке кәсіпкерлік саласындағы тексеру парағының нысаны;
      4) осы бұйрыққа 4-қосымшаға сәйкес, сауда мақсатында теңізде жүзу және ішкі су көлігі саласындағы мемлекеттік қадағалау бойынша жеке кәсіпкерлік саласындағы тексеру парағының нысаны.
      2. Қазақстан Республикасы Көлік және коммуникация министрлігінің Көліктік бақылау комитеті (Ә.Н. Барменқұлов) заңнамада белгіленген тәртіппен:
      1) осы бұйрықтың Қазақстан Республикасы Әділет министрлігінде мемлекеттік тіркелуін;
      2) оның Қазақстан Республикасы Әділет министрлігінде мемлекеттік тіркелгеннен кейін ресми жариялануын;
      3) осы бұйрықтың Қазақстан Республикасы Көлік және коммуникация министрлігінің ресми интернет-ресурсында жариялануын қамтамасыз етсін.
      3. Осы бұйрықтың орындалуын бақылау Қазақстан Республикасы Көлік және коммуникация вице-министрі Е. Дүйсенбаевқа жүктелсін.
      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының             Қазақстан Республикасының
Көлік және коммуникация               Экономикалық даму және сауда
министрі                              министрінің міндетін атқарушы

_______________ Б. Камалиев           _______________ М. Құсайынов

Қазақстан Республикасы      
Көлік және коммуникация министрінің
2011 жылғы 23 маусымдағы № 385 және
Қазақстан Республикасы      
Экономикалық даму және сауда    
министрінің міндетін атқарушысының
2011 жылғы 29 маусымдағы № 192  
бірлескен бұйрығына        
1-қосымша            

Автомобиль және темір жол көлігі саласындағы мемлекеттік
бақылау, сауда мақсатында теңізде жүзу және ішкі су көлігі
саласындағы мемлекеттік қадағалау бойынша жеке кәсіпкерлік
саласында тәуекел дәрежесін бағалау өлшемдері

      1. Осы Тәуекел дәрежесін бағалау өлшемдері (бұдан әрі - Өлшемдер) «Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қаңтардағы Заңына сәйкес әзірленді.
      2. Өлшемдерде мынадай негізгі ұғымдар пайдаланылады:
      тәуекел – бұл көлік оқиғаларының, апаттардың және авариялардың нәтижесінде, оның салдарының ауырлығын есепке ала отырып, адамдардың өмірі мен денсаулығына, қоршаған ортаға, азаматтардың, заңды тұлғалар мен мемлекеттің мүліктік мүдделеріне зиян келтіру ықтималдығы;
      тексерілетін субъектілер – қызметіне бақылау және қадағалау жүзеге асырылатын жеке тұлғалар, заңды тұлғалар, оның ішінде олардың филиалдары және өкілдіктері.
      3. Жоспарлы тексеруді өткізудің кезеңділігі тәуекел дәрежесіне байланысты:
      1) жоғары тәуекел дәрежесі кезінде - жылына бір реттен;
      2) орташа тәуекел дәрежесі кезінде - үш жылда бір реттен;
      3) болмашы тәуекел дәрежесі кезінде - бес жылда бір реттен жиі емес кезеңділікпен айқындалады.
      4. Тәуекел дәрежесін бағалау өлшемдері екі түрге бөлінеді:
      1) объективтік – тексерілетін субъектілердің қызметін жүзеге асыру кезінде мүмкін тәуекелдің маңыздылығына негізделген;
      2) субъективтік – тексерілетін субъектілер жіберген бұзушылықтарға байланысты анықталады.
      Субъективтік өлшемдер өрескел, елеулі, шамалы бұзушылықтардан тұрады.
      5. Тексерілетін субъектілерді тәуекел дәрежесі бойынша бастапқы жатқызу тек тәуекелді бағалау дәрежесінің объективтік өлшемдері негізінде жүзеге асырылады:
      1) автомобиль көлігі саласында:
      жоғары дәрежелі тәуекелге:
      жолаушылар тасымалын жүзеге асыратын тексерілетін субъектілер;
      қауіпті жүктер тасымалын жүзеге асыратын тексерілетін субъектілер жатады;
      орташа дәрежелі тәуекелге:
      ірі габаритті және ауыр салмақты жүктер тасымалын жүзеге асыратын тексерілетін субъектілер;
      автостанциялар, автовокзалдарға иелік ететін тексерілетін субъектілер жатады;
      болмашы дәрежелі тәуекелге:
      өзге де жүктер тасымалын жүзеге асыратын тексерілетін субъектілер жатады;
      2) темір жол көлігі саласында:
      жоғары дәрежелі тәуекелге:
      жолаушылар тасымалын жүзеге асыратын тексерілетін субъектілер;
      қауіпті жүктердің тасымалын жүзеге асыратын тексерілетін субъектілер;
      меншік құқығында немесе келісім-шарт негізінде өрт сөндіру немесе қайта қалпына келтіру поезына иелік ететін тексерілетін субъектілер;
      жол ара қашықтықтығында қызметті жүзеге асыратын тексерілетін субъектілер;
      локомотив немесе вагон депосына иелік ететін тексерілетін субъектілер жатады;
      орташа дәрежелі тәуекелге:
      темір жол станциясы, вокзал, сигнал беру, байланысқа немесе электр-жабдық ара қашықтығына иелік ететін тексерілетін субъектілер;
      темір жол жылжымалы құрамын, жолдың жоғарғы құрылысын жөндеуді жүзеге асыратын тексерілетін субъектілер жатады;
      болмашы дәрежелі тәуекелге:
      өзге де жүктер, багаж және жүк багажы тасымалын жүзеге асыратын тексерілетін субъектілер;
      кірме жолдарға иелік ететін тексерілетін субъектілер жатады;
      3) су көлігі саласында:
      жоғары дәрежелі тәуекелге:
      жолаушылар тасымалын жүзеге асыратын тексерілетін субъектілер;
      қауіпті жүктердің тасымалын жүзеге асыратын тексерілетін субъектілер;
      қызметі порттарды, айлақтарды, шлюздарды, кемежайларды, өткелдерді, көпірлерді, затондарды, рейдтерді, кеме жүретін су жолдарын немесе навигациялық жабдық құралдарын, шағын өлшемді кемелердің база-тұрақтарын пайдаланумен және күтіп-ұстаумен, кемелерді жалға берумен байланысты тексерілетін субъектілер жатады;
      орташа дәрежелі тәуекелге:
      кемелерді және (немесе) жүзбелі құралдарды сүйреумен және жиектеумен айналысатын тексерілетін субъектілер жатады;
      болмашы дәрежелі тәуекелге:
      жүктер (қауіпті жүктен басқа) тасымалын жүзеге асыратын тексерілетін субъектілер;
      меншік құқығында немесе келісім-шарт негізінде балық кәсібіне, қызметтік-жүріп тұруға арналған немесе арнайы мақсаттағы кемелерді пайдаланатын тексерілетін субъектілер жатады.
      6. Тексерілетін субъекті бір уақытта тәуекел дәрежесінің бірнеше тобына жататын кәсіпкерлік қызметті жүзеге асырған жағдайда, онда ол тәуекелдің жоғары дәрежелі тобына жатады.
      7. Тексерілетін субъектілерді тәуекел дәрежесі бойынша қайталама жатқызу жинаған баллдардың сомасына байланысты субъективтік өлшемдерді есепке ала отырып жүзеге асырылады.
      8. Қазақстан Республикасының көлік заңнамаларының талаптарын барлық бұзушылықтар үш түрге бөлінеді: өрескел, елеулі және шамалы бұзушылықтар:
      1) автомобиль көлігі саласында:
      өрескел бұзушылықтарға:
      арнаулы, соның iшiнде толығынан қолмен басқарылатын, сондай-ақ рулi оң жақтан басқарылатын автокөлiк құралдарын такси тасымалдары үшiн пайдалану;
      таксимен тасымалдауды жүзеге асыратын төрттен кем есiгi бар, сериялы өндірістегі жеңiл автомобильдердi пайдалануға жіберу;
      автобустармен, шағын автобустармен жолаушыларды тасымалдауға жасы жиырма бiрден кем, тиiстi санаттағы жүргiзушi куәлiгi жоқ жүргiзушiлердің жіберілуі;
      жол полициясының арнайы автомобилімен алып жүрусіз ұйымдасқан балалар тобын тасымалдауға екі немесе одан да көп колонналы автобустарды жіберу;
      ұйымдасқан балалар тобын тасымалдауға арналған сары түстi шұғылалы шырақшамен жабдықталмаған автобустарды пайдалану;
      ұйымдасқан балалар тобын тасымалдауға арналған, артқы және алдыңғы жағынан «Балаларды тасымалдау» тану белгісі жоқ автобусттарды пайдалану;
      ұйымдасқан балалар тобын тасымалдауға жасы жиырма бестен кем, тиiстi санаттағы жүргiзушi куәлiгi және жүргізуші болып жұмыс істеген 5 жылдан кем емес өтілі жоқ жүргiзушiні жіберу;
      жүргізушілердің белгіленген еңбек және тынығу режимін, оның ішінде жүргізушілердің еңбегі мен тынығуы режимін тіркеудің бақылау қондырғыларымен (тахографтармен) жабдықталуға жататын тасымал түрлерін жүзеге асыратын автобустарда, жүк, оның ішінде мамандандырылған (жүктердің белгілі бір түрлерін тасымалдауға арналған) автомобильдерде тахографтардың болуын сақтамауы;
      жүргiзушiлердiң еңбегi мен тынығуы режимiн тiркейтiн бақылау қондырғыларымен (тахографтармен) қауiптi жүктердi автомобильмен тасымалдауды, жолаушыларды, багаж бен жүктi автомобильмен халықаралық тасымалдауды, жолаушыларды және багажды автомобильмен тұрақты және тұрақты емес қалааралық облысаралық тасымалдауды жүзеге асыру кезiнде пайдаланылатын автобустар, жүк автомобильдерiнің, соның iшiнде арнайы бейiмделген автомобильдердің жабдықталмауы;
      қауіпті жүктердің тасымалын жүзеге асыратын автокөлiк құралының жүргізушісінде тиiстi уәкiлеттi органның берген автокөлік құралын Қазақстан Республикасының аумағы бойынша белгiлi бір қауіптi жүктердi тасымалдауға жiберу туралы куәлiктің, "Қауіпті жүк тасымалы" белгiсi бар қауiптi жүктердi тасымалдауға арналған лицензиялық карточканың, жол қағазында белгілеу арқылы кәсіби жүргізушілер үшін жалпы медициналық куәландырудың және рейс алдындағы медициналық байқаудың болмауы;
      автобиль жолдарында авмобиль көлігімен ірі габаритті және (немесе) ауыр салмақты жүктерді тасымалдау кезінде оған арнайы рұқсаттың және бақылау талонының болмауы;
      автокөлік құралының көлемі мен салмағын қоса есепке алғанда Қазақстан Республикасының аумағында белгіленген автомобиль жолдарымен қозғалуға арналған автокөлік құралдарының рұқсат етіген көлемдері мен параметрлерін асыратын бөлінетін жүктерді автокөлікпен тасымалдау;
      берілген күннен бастап бір жыл аяқталғаннан кейін автокөлік құралдарын белгілі қауіпті жүктерді тасымалдауға жіберу туралы куәлікті пайдалану;
      қауіпті жүктерді тасымалдауды жүзеге асыратын жүргізуішлерде тиісті санаттағы автокөлік құралын басқару құқығына куәліктің және тиісті санаттағы автокөлік құралының жүргізушісі ретінде кемінде үш жылдан кем емес үздіксіз жұмыс өтілінің болмауы;
      қауiптi жүктердi тасымалдайтын автокөлiк құралдары тиісті тану белгiлерiмен жабдықталмаған;
      жүргізушіде жүк жөнелтушi (жүк алушы) мен тасымалдаушы арасында қауiптi жүк тасымалын жүзеге асыруға шарттың болмауы;
      Қазақстан Республикасының аумағында автокөлік құралдарымен тасымалдауға жіберілетін Қазақстан Республикасы Үкіметінің 2004 жылғы 12 наурыздағы № 316 қаулысымен бекітілген қауіпті жүктердің тізбесіне сәйкес тасымалдаушыда әзірленген 1, 6 және 7-сыныпты қауіпті жүкті тасымалдау маршрутының болмауы;
      өзi мен тiркемесiнiң (жартылай тiркемесiнiң) арасындағы жалғағыш магистральдар үзіліп кеткен жағдайда автомобиль-тартқышты жұмысшы немесе авариялық тежегiшпен тежеуге мүмкiндiк беретін тежеу қондырғысымен жабдықталмаған автомобиль-тартқышпен тасымалдарды жүзеге асыру;
      елеулі бұзушылықтарға мыналар жатады:
      шығарылындыларындағы ластаушы заттардың, сондай-ақ олардың жұмыс істеуі кезінде шығатын шудың деңгейі Қазақстан Республикасы Үкіметінің 2007 жылғы 29 желтоқсандағы № 1372 қаулысымен белгіленген нормативтерден асатын автомобильдерді пайдалануға шығару;
      автомобиль тартқышпен жалғағыш магистральдар үзiлген жағдайда олардың автоматты түрде тоқтауын қамтамасыз ететiн тежеу қондырғыларымен жабдықталмаған тіркемелерді (жартылай тіркемелерді) пайдалану;
      барлық доңғалақтарына әсер ететiн және автомобиль-тартқыштан ажыратылған толық массалы тiркеменi (жартылай тiркеменi) кемiнде 16% еңiсте ұстап тұруды қамтамасыз ететiн тұру тежегішімен жабдықталмаған тiркемелерді (жартылай тiркемелер) пайдалану;
      еңісте тоқтауға мәжбүр болған жағдайда оны қосымша орнықтыру мақсатында кемінде екi сырғуға қарсы тiреуi (әр жаққа бiреуден) болмаған ірi көлемдi және (немесе) ауыр салмақты автокөлiк құралдарын пайдалану;
      автопоездың әрбір звеносында екі сырғуға қарсы тіреуінің болмауы;
      екi жағынан артқы жақты көретiн сыртқы айналармен жабдықталмаған автокөлiк құралын пайдалану. Айналар автокөлiк құралының және тасымалданатын жүктiң көлемiн ескере отырып тура да және бұрылмалы да қозғалыс кезiнде жүргiзушiге көлденеңiнен әрi тігiнен жеткiлiктi көрудi қамтамасыз етуі тиіс;
      "Автопоезд", "Iрi көлемдi жүк" немесе "Ұзын өлшемдi көлiк құралы" деген тану белгiлері жоқ ірi көлемдi және (немесе) ауыр салмақты автокөлiк құралдарын пайдалану;
      тiркеме-ұзартылма жетегiнің (құбыр) тiркеменiң артқы көлемiнен 1 метрден астам шығып тұруы;
      автовокзалдар мен автостанциялардың облыстың (республикалық маңызы бар қаланың, астананың) жергілікті атқарушы органдарымен олардың Облыстың (республикалық маңызы бар қаланың, астананың) автовокзалдары мен автостанцияларының тізіліміне енгізілмей қызметті жүзеге асыруы;
      жол полициясы органдарының рұқсатынсыз автобустарды (шағын автобустарды) жүктерді тасымалдау үшін қайта жабдықтау;
      бақылау-өткізу пунктерінде қажетті құжаттар мен құралдардың жоқтығы;
      жүргізушіде рұқсат құжаттары – куәліктің, маршруттар схемасының, нақты маршрут бойынша жолаушылар тасымалдарын жүзеге асыру үшін жол парағының болмауы;
      2) темір жол көлігі саласында
      өрескел бұзушылықтарға мыналар жатады:
      поездар қозғалысына байланысты қызметкерлердi кезеңдік медициналық тексеруден өткiзудiң, сондай-ақ поездар қозғалысына тiкелей байланысты локомотив бригадалары мен қызметкерлерiнiң денсаулығын рейс алдында бақылаудың болмауы;
      поездар қозғалысына байланысты қызметкерлердiң қозғалыс қауiпсiздiгi мәселелерiн регламенттейтiн қолданыстағы нұсқаулықтар мен ережелердi және лауазымдық нұсқаулықтарды бiлу мәнiне кезеңдік тексеру жүргiзілмеуі;
      дефектоскопия мен диагностика жүйелерi құралдарын жарамды жағдайда ұстамау және тиiмдi пайдаланбау;
      "Қозғалыс қауiпсiздiгi күнi" тақырыбы бойынша апта сайынғы тексерулер өткiзілмеуі;
      анықталған кемшiлiктердi жою жөнiнде шаралар қабылдаумен қауiпсiздiктi бақылау құрылғылары мен аспаптарының жай-күйiн тексеру мен пайдалануды бекiтiлген график бойынша орындамау;
      жүргiзiлетiн жұмыс ерекшелiгiне сәйкес техникалық жарамды аспаптармен және техникалық құралдармен қамтамасыз етпеуi;
      темір жол көлігінің техникалық құралдарын пайдалану кезінде қозғалыс қауіпсіздігін сақтамау;
      жылжымалы құрамда жарамды бастапқы өрт сөндіру құралының болмауы;
      темір жолдар, темір жол станциялары, жолаушы платформалары, сондай-ақ поездар қозғалысына және маневр жұмыстарына байланысты темір жол көлiгiнiң басқа да объектiлерiнде сигналдық қоршауларының болмауы;
      жұмыс өндірісі орындарын сигнал белгілерімен қоршамай аралықтар мен станцияларда жол жұмыстарын жүргiзу;
      жұмыскерлерді қорғаныс құралдарын қолданбай тиеу-түсіру жұмыстарын жүзеге асыруы;
      жүктерді, оның ішінде қауіпті жүктерді тиеу және түсіруге байланысты, өртке қарсы қауіпсіздікті сақтау нұсқаулығын өтпеген адамдарды жұмысқа жіберу;
      бастапқы өрт сөндірудің толық жиынтығы жоқ, ақаулы немесе зарядталмаған өрт сөндіру қондырғылары, ақаулы өрт сигнализациясы, сонымен бірге ақаулы авариялы шығулар мен түтінді кетіру жүйлелері бар жылжымалы құрамға техникалық қызмет көрсету және оны жөндеу бойынша жұмыстарды жүргізу;
      темiр жол көлiгiнде оның салдарынан қирауға әкеп соққан қауiпсiздiк шараларын сақтамау;
      темiр жол көлiгiнде оның салдарынан аварияға әкеп соққан қауiпсiздiк шараларын сақтамау;
      темiр жол көлiгiнде оның салдарынан ақаулықтың ерекше жағдайына әкеп соққан қауiпсiздiк шараларын сақтамау;
      темiр жол көлiгiнде оның салдарынан ақаулық жағдайына әкеп соққан қауiпсiздiк шараларын сақтамау;
      темiр жол көлiгiнде оның салдарынан жұмыстағы қиындыққа әкеп соққан қауiпсiздiк шараларын сақтамау;
      локомотивте және моторвагонды жылжымалы құрамда, сонымен бірге арнайы өздігінен жүретін жылжымалы құрамда ақаусыз радиобайланыстың, қозғалыс жылдамдығын бақылау құрылғысының, қозғалыс параметрін тіркеушінің, автоматты локомотив сигнализациясының болмауы;
      жылжымалы құрамдағы жүктеме түсірілмеген доңғалақтарда доңғалақтар арасындағы ішкі жақтаулардың 1440 миллиметр (бұдан әрі- мм) кем немесе артық болуы;
      локомотивтерде және вагондарда, сонымен бірге 120 км/сағ-тан 140 км/сағ жылдамдықпен поездарда айналатын арнайы өздігінен жүретін жылжымалы құрамда жылжымалы құрамды пайдалану кезінде доңғалақтардың ішкі жақтауларының арасында ұлғаю жағына 3 мм-ден аса және азаю жағына 1 мм-ден аса 1440 мм-ден болуы;
      локомотивтерде, жолаушылар және жүк тиелмеген вагондарда рельстердің үстіңгі қалпақшасының деңгейінен автотіркегіш білігінің қашықтығы 1080 мм аса болуы;
      локомотивтерде және адамдары бар жолаушылар вагондарында рельстердің үстіңгі қалпақшасының деңгейінен автотіркегіш білігі қашықтығының биіктігі бойынша 980 мм аса болуы;
      жүк (жүк тиелген) вагондарында рельстердің үстіңгі қалпақшасының деңгейінен автотіркегіш білігі қашықтығының биіктігі бойынша 950 мм аса болуы;
      жүк тиелмеген күйдегі арнайы жылжымалы құрамда рельстердің үстіңгі қалпақшасының деңгейінен автотіркегіш білігі қашықтығының биіктігі бойынша 1080 мм аса болуы;
      жүк тиелген күйдегі арнайы жылжымалы құрамда рельстердің үстіңгі қалпақшасының деңгейінен автотіркегіш білігі қашықтығының биіктігі бойынша 980 мм аса болуы;
      жүк поезында автотіркегіштің бойлық біліктерінің арасындағы биіктік бойынша 100 мм аса қашықтықтың болуы;
      120 км/сағ жылдамдықпен жүретін жолаушылар поезында автотіркегіштің бойлық біліктерінің арасындағы биіктік бойынша 70 мм аса қашықтықтың болуы;
      жүк поезының локомотиві мен бірінші жүк тиелген вагоны арасындағы автотіркегіштің бойлық біліктерінің арасындағы биіктік бойынша қашықтықтың 110 мм болуы;
      121-160 км/сағ жылдамдықпен жүретін жолаушылар поезында автотіркегіштің бойлық біліктерінің арасындағы биіктік бойынша қашықтықтың 50 мм болуы;
      жолаушылар поезының локомотиві мен бірінші вагоны арасындағы автотіркегіштің бойлық біліктерінің арасындағы биіктік бойынша қашықтықтың 100 мм болуы;
      арнайы жылжымалы құрамның локомотиві мен жылжымалы бірлігінің арасындағы автотіркегіштің бойлық біліктерінің арасындағы биіктік бойынша қашықтықтың 100 мм болуы;
      радиусы 349 м-ден 300 м-ге дейін кезде тік қиғаштан кем емес жолтабанның ені бойынша 1530 мм қашықтықтың болуы;
      радиусы 299 м-ге дейін кезде тік қиғаштан кем емес жолтабанның ені бойынша 1535 мм қашықтықтың болуы;
      рельсшпальдік тордың кешенді ауыстырылуы жүргізілмеген радиусы 650 м-ден кем емес жолдың тік және қиғаш учаскелерінде жолтабанның ені бойынша қашықтық 1524 мм болуы;
      тік және радиусы 350 м және одан аса қиғаш жолдардың учаскелерінде рельстердің қалпақшаларының ішкі жақтаулары арасындағы жол табан енінің 1520 мм болуы;
      тарылу бойынша (-4мм), кеңеюі бойынша (+8 мм) аспауы қажет тік және қиғаш жол учаскелерінде, ал жүру жылдамдығы 50 км/сағ және одан да кем деп белгіленген және тарылу бойынша (-4 мм), кеңеюі бойынша (+10 мм) учаскелерде жолтабан енінің атаулы өлшемдерден ауытқуының бар болуы;
      жолтабан енінің 1512 және 1548 мм кем болуы;
      жүккөтергіштігінен асатын жүк тиелген вагондардың жолға шығуы;
      кузовтың қисаюына немесе вагонның рамасы мен кузовының жүру бөлшектеріне соғылуына алып келетін отырып қалған рессорлары бар вагондарды, сонымен бірге оның беттерінің үзілу қаупін төндіретін ақаулы шатыры бар вагондарды жолға шығару;
      оларды тексергенге және қозғалыс үшін жарамды деп танығанға дейін поездарды шығару және рельстен шығып кеткен немесе қирауға тап болған поездарда болған вагондарды жолға жіберу;
      поезда ақаулы электропневматикалық тежеуіші бар жолаушылар вагонының болуы;
      поезда ақаулы электржабдығы бар жолаушылар вагонының болуы;
      поезда жолаушылар поезының бастығы (механик-бригадир) мен локомотив машинистімен ақаулы радиобайланысы бар радиокупесі (штабтық) бар жолаушылар вагонының бар болуы;
      жолаушылар поезының вагондарында жолаушылардың химиялық улануына қауіп және багажды, жүк багажын (тезтұтанатын сұйықтар, газдар, жарылғыш және улы заттар) және пошта жөнелтілімдерін тасымалдаудың қауіпсіз жағдайына қауіп төндіруі мүмкін заттардың, нәрселердің немесе өзге материалдар мен бұйымдардың бар болуы;
      вагондарды жөндеу кезінде қолданылатын құрылымдық элементтер мен материалдардың, сонымен қатар жану жағдайында оттың, түтіннің пайда болуын, таралуын және әсер етуін шектеуді қамтамасыз етпейтін өртке қарсы қорғаныс жүйесінің сәйкессіздігі;
      жолаушылар поезында жолаушылар вагонының корпусына тоқтың ағуымен вагонды пайдалану;
      осы шынжыр үшін белгіленген номиналға сәйкес келмейтін сақтандырғыш қойылған жолаушылар вагонын пайдалану;
      жолаушылар вагондарында вагондарды жасаушы зауыттың схемасымен және нұсқаулығымен қарастырылмаған жылыту құрылғыларының және өзге электр аспаптардың болуы;
      жолаушылар вагондарында электр аппараты бар қуыстарда өзге заттардың, жылыту құрылғыларының, электржарықтың жанында жанғыш материалдың болуы;
      жолаушылар вагондарында желдеткіштің жұмыс жасамауы кезінде электркалориферді қосуы және олардың дистанциондық термометрдің көрсеткіші бойынша рұқсат етілген температурадан 28⁰С жоғары қызуына жол беру;
      жол жүру кезінде бос розеткалармен және қорғаушы коробкалармен қорғалмаған вагонаралық электр байланыстарды (штепсель, қалпақша және өзге) пайдалану;
      ашық жылжымалы құрамда жүктерді тасымалдау кезінде (орауды және беткітуді есепке алғанда) жүк тиеудің габаритті емес болуы;
      қауіпті жүктерді бүлінген ыдыста немесе ашық тығынмен (қақпақпен, люкпен) тасымалдау;
      бақылау рамасы бар жүктің тиісті біліктілігі бар жол қашықтығы жұмыскерінің алып жүруінсіз жол жүруі;
      бұдан бұрын қауіпті жүктер тасымалданған көлік құралдарында тамақ өнімдерін тасымалдау;
      тасымалдау кезінде жүктің қозғалып кетуі және бүлінуі мүмкін ашық жылжымалы құрамда жүктерді орналастыру және бекіту;
      радиациялық фактор бойынша нормаланатын жүктерді тасымалдағаннан кейін көлік құралдарын пайдалану кезінде радиациялық бақылаудың болмауы;
      жолаушылар локомотивінде электрпневматикалық тежеуішті басқарудың ақаусыз қондырғысының жоқтығы;
      жүк поездарына арналған ақаулы тежеуіш магистралінің тығыздығын бақылау қондырғысы бар локомотивті пайдалану;
      локомотивтерде ақаулы поезды тежеуді немесе қауіпсіздіктің кешенді локомотив қондырғысын автоматты басқару жүйесінің, сонымен бірге машинисттің сергектігін бақылау жүйесінің, артқы көрініс айнасының және өзде де осындай құрылғылардың бар болуы;
      моторвагонды поездарда өту бағдаршамдарына, өткелдер мен станцияларға, «жолаушы-машинист» байланысына, есіктің жабылуын бақылау сигнализациясына, автоматты өрт сигнализациясына кірме жолдар кезінде ақаулы қозғалыс жылдамдығын және сөйлеу ақпаратын бақылауды қамтамасыз ететін автожүргізу жүйесінің бар болуы;
      маневрлік локомотивтерде ақаулы оларды вагондардан дистанциондық түрде ажырату құрылғысының, екінші басқару пультінің, артқы көрініс айнасының және машинисттің локомотивті жүргізу қабілеттілігі кенеттен жоғалған сәтте автоматты тоқтатуды қамтамасыз ететін құрылғысының жоқтығы;
      локомотивтерде, моторвагонды поездарда және арнайы өздігінен жүретін жылжымалы құрамда ақаулы автоматты локомотив сигнализациясының бар болуы;
      жолаушылар вагондарында, мотовагонды жылжымалы құрамда және локомотивтерде техникалық құжаттамаға сәйкес жарықтандырудың жеткілікті жиілігін және оның ұзақтығын қамтамасыз ететін ақаулы авариялық жарықтандыру жүйесінің бар болуы;
      қызмет мерзімінің техникалық құжаттамасында көрсетілген жылжымалы құрамның доңғалақ жұбының доңғалақ, білік және бандаж төзімділігі қорының жоқтығы;
      темір жол жылжымалы құрамындағы дизельдің, электр машинасының, желдеткіштің, компрессордың және өзге де жабдықтың айналатын бөлшегі қоршауының жоқтығы;
      жолаушылар вагондарында және моторвагонды жылжымалы құрамда ақаулы ауаны желдету жүйесінің, поезішілік телефон байланысының, букстің қызуын бақылау жүйесінің, поезд радиобайланысының болмауы;
      габарит еместің, инфрақұрылым құрылысының жақындауы және темір жолда темір жол жабдығының жақындауы болуы;
      жолаушылар поездарында жолаушылар ережесін сақтамауы;
      жолаушылар вагондарында қол жүгін және багажды тасымалдау тәртібін және шартын сақтамау;
      жол жүру құжаттарын (билеттерді) сатуды ұйымдастыру, қолдану мерзімін ұзарту және билет кассаларының жұмыс тәртібін сақтамау;
      тасымалдаушылардың қауіпті жүктерді тасымалдау шарттарын сақтамауы;
      оларды қайта құруға дейін қазіргі кезде бар желілерде жер төсемі енінің бір жолды желілерде 5,5 м кем емес, екі жолды желілерде 9,6 м кем емес, ал бір жолды желілерде жарлы және құрғақ жерлерде 5 м кем емес, екі жолды желілерде 9,1 м кем емес болуы;
      елеулі бұзушылықтарға мыналар жатады:
      егер осындай вагондардың жол жүруі туралы ерекше нұсқаулар берілмесе габаритті емес жүктері бар поездарды шығару және платформаларды, транспортерлер мен жартылай вагондарды жіберу;
      жабылмаған және бекітілмеген борттары бар поездарды шығару және платформаларды, бекітілмеген бункерлерлі бар вагондарды, тиеу-түсіру жоғарғы және төменгі құрылғысының ашық қақпақтары бар цистерналарды, хопперлерді, бидай тасушыларды және осындай жылжымалы құрамды жолға жіберу;
      ашық есіктері мен люктері немесе бекіту механизімінің бір бекітпесімен жабылған люктері бар поездарды шығару және жартылай вагондарды жолға жіберу;
      ашық және есік бекітпесімен құлыпталмаған есіктері бар поездарды шығару және жабық жүк тиелмеген вагондарды, айналу дөңгелегі бойынша битумнан тазаланбаған доңғалақ жұптары бар мұнай битумын тасымалдауға арналған вагондарды жолға шығару;
      жолаушылар поезында ақаулы жылу жабдығымен вагондардың бар болуы;
      жолаушылар поезында ақаулы желдеткішімен вагондардың бар болуы;
      жылжымалы құрамның жолаушылар вагондарында, жолаушылардың және қызмет көрсететін персоналдың жүруі мүмкін жерлерде (бас, аяқ, дене деңгейінде) оларды жарақаттауы мүмкін құрылым және жабдық элементтерінің болуы;
      жолаушылар вагондарында пломбаланбаған стоп-крандардың болуы;
      вагонды ақаулы электржабдығымен, жарықтандыру желісімен, қыздыру аспаптарымен пайдалану;
      үйлестіру стандарттарында немесе вагондарды жасаушы зауыттың нұсқаулығында белгіленбеген әдіспен аккумулятор батареяларын зарядтау;
      жол жүру кезінде вагондарда бүркеніштерді ашу немесе стабилизаторлардың жөндеуін немесе реттеуін жүргізу;
      жолаушылар вагондарында өлшеу құралдарын тиісті бақылаусыз (вольтметрдегі, амперметрдегі көрсеткіштерді) тоқпайдаланушылардың болуы;
      жолаушылар вагонын ақаулы аккумулятор батареясымен пайдалану (қысқа тұйық элементтердің бар болуы, маңдайшаның немесе сымның иілмелі желісінің 20 пайызының үзілуі, сақтандырушылардың қақпақсыз немесе ашық қораптармен болуы кезінде, бүлінген немесе электрлитпен төгілген тыстың, электрлиттің тиісті тығыздығынсыз және деңгейінсіз);
      габаритті емес поездарды өткізуге арналған станциялардағы жол біліктерінің арасы 4800 мм кем болуы;
      авариялық жағдайларды және олардың салдарын жою үшін қажет құралдардың және мобильді бөлімшелердің (оның ішінде келісім бойынша) болмауы;
      тасымалдаушылардың жолаушылар вагонының белгіленген санаттарын, оның ішінде жайлылық деңгейі бойынша сақтамауы;
      жолаушыларға жолаушылар поездары мен вокзалдарында көрсетілетін міндетті қызмет тізбесін, оның ішінде жедел медициналық көмекті қоса алғанда сақтамау;
      жолаушылардың жол жүруі, төсек жабдықтарын және поезда өзге қызмет көрсету шартының өзгеру тәртібін сақтамауы;
      тасымалдаушыларға багажды, жүк багажын қабылдау және беру шартын және тәртібін сақтамауы;
      тасымалдау құжаттарының белгіленген нысандарын және оларды ресімдеу тәртібін сақтамауы;
      тасымалдаушылардың жүк багаждарын тасымалдау тәртібін сақтамауы;
      тасымалдаушылардың багажды және жүк багажын сақтау, ұстап қалу, беру тәртібін сақтамауы;
      жылжымалы құрамды мемлекеттік қайта/тіркеудің жоқтығы;
      кәмелетке толмаған балаларды алып жүру ережесін сақтамау;
      халықаралық қатынаста 1520 мм жолтабанда жол жүруге арналған темір жол жылжымалы құрамына сертификаттың болуы;
      жылдамдығы 60 км/сағ жолаушылар поезының жүру маршрутын өздігінен жүретін жылжымалы құрамсыз (жолөлшегіш вагон, вагон-дефектоскоп) тексеру;
      электрифициттелген жолдардың үстінде орналасқан құбырларда және жаяу жүргінші көпірлерде сақтандыру қалқандарының және жоғарғы кернеулі байланыс желісінің бөлшектерін қоршау үшін адамдар өтетін жерде бірыңғай төсеудің жоқтығы;
      жолаушылар поездарында сигналды фонарьлардың болмауы;
      жүк контейнерлерінде жағымсыз иісті, ластаушы жүктерді тасымалдағаннан кейін контейнерді, контейнердің жоғарғы жағын жуу және дезинфекциялау;
      вагонның трафареттік жүккөтергіштігін бекіту реквизиттерін есепке алғанда жүк массасын асыру;
      кадрларды техникалық оқытуды және олардың біліктілігін көтеруді ұйымдастырудың, қалыпты емес жағдайларда (жылжымалы құрамның жолдан шығуы, соқтығысуы, авариялық жағдайдың туындауы) әрекет етудің практикалық дағдысының болмауы;
      шамалы бұзушылықтарға мыналар жатады:
      жаңа құрылғыларды, қауіпсіздік аспаптарын және жүйелерін жасау және енгізу бойынша тұрақты жұмысты орындамау;
      мемлекеттік көліктік бақылау органдарына қозғалыс қауіпсіздігіне қауіп төндіретін апаттың немесе апаттық жағдайдың туындауы туралы ақпаратты уақытында ұсынбау;
      ерекше құжатпен жол жүретін вагондарды (өз білігіндегі жүк ретінде) қоспағанда, белгіленген жөндеу түрлерін жасау туралы трафареті жоқ поездарды шығару және вагондарды жолға жіберу;
      өз өлшемі, орамы, қасиеті бойынша тасымалдаушының мүлкіне, пошта жөнелтілімдеріне және багажға, өзге жолаушылардың жүк багажына зиян келтіру арқылы багаж вагонына тиелетін және орналасатын заттарды және нәрселерді багажбен, жүкбагажымен тасымалдауға қабылдау;
      жолаушылар вагонында қуаттылығы схемамен және зауыт-жасаушымен белгіленгеннен жоғары электр шамдары бар жолаушылар вагонын пайдалану;
      санитарлық-эпидемиологиялық қауіпсіздік талаптарын сақтаусыз адамдарды, жануарларды, қауіпті және аса қауіпті жүктерді тасымалдау;
      ашық жылжымалы құрамда қағаздан, пергаминнен және өзге тез жанатын материалдардан сыртқы орамы бар жүктерді тасымалдау;
      пайдаланудың барлық мерзіміне темір жол жылжымалы құрамында және оның құрамдас бөлшектерінде Қазақстан Республикасы Үкіметінің 2010 жылғы 4 тамыздағы № 794 қаулысымен бекітілген «Темір жол көлігінің және онымен байланысты инфрақұрылымның қауіпсіздігіне талаптар» Техникалық регламентте қарастырылған қажетті сәйкестендіру және ескерту жазбалары мен маркировкалардың, қауіпсіз пайдаланудың ерекшеліктері мен шарттары туралы белгілердің болмауы;
      тасымалдаушылардың тасымалдауға рұқсат етілген жануарларды тасымалдау тәртібін, оларды тасымалдау шарттарын сақтамауы;
      жол жүру кезінде тасымалдаушының багажды және жүк багажын беру тәртібін сақтамауы;
      темір жол вокзалдарында перронға шығу үшін шығару тәртібінің болмауы;
      3) су көлігі саласындағы:
      өрескел бұзушылықтарына мыналар жатады:
      осы кеме үшін белгіленген кемені дұрыс пайдалануды, жүзу қауіпсіздігін қамтамасыз ететін шарттарды, нормалар мен талаптарды сақтамау арқылы кемені ақаулы техникалық жағдайда пайдалану: жүзу ауданы, жағадан алыстауы, кеме жүзуі мүмкін толқын биіктігі, суда отыруы, су үстіндегі борт, шекті қуаты және қозғалтқыштардың саны; желкендердің рұқсат етілген ауданы, жүк көтергіштігі, жолаушылар сыйымдылығы, кеменің құтқару және өртке қарсы құралдармен, сигнал беру оттарымен, навигациялық және басқа жабдықпен жабдықталуы;
      шағын өлшемді кеменің кеме жүргізушісі мен әрбір жолаушысы үшін кемеде жеке құтқару құралдарының болмауы;
      кемедегі жолаушы сыйымдылығы нормаларының сақталмауы;
      жүк көтерімділік және кемеге жүкті дұрыс орналастыру нормаларының сақталмауы;
      кеменің жолаушы сыйымдылығы бойынша құтқару құралдарының жоқтығы;
      кеме жүргізушіде кеме құжаттарының (кеме билеті) және шағын өлшемді кемені басқару құқығына куәлігінің жоқтығы;
      шағын өлшемді кемелердің тұрағына арналған базаларда (құрылыстарда) тіркелмеген кемелерді сақтайтын тұрақтардың болмауы;
      шағын өлшемді кемелердің тұрағына арналған базаларды (құрылыстарды) пайдалану кезінде уәкілетті органның аумақтық бөлімшелерінің жыл сайынғы техникалық байқау актісінің болмауы;
      шағын өлшемді кемелердің айлақтарда және елде мекендердің шекараларында, порттарда, жағалауларда, шағын өлшемді кемелердің тұрағына арналған базаларда (құрылыстарда) 20 км сағаттан артық жылдамдықпен жүруі;
      шағын өлшемді моторлы кемелердің жағажайларда және суға түсетін орындарда 10 км сағаттан артық жылдамдықпен жүруі;
      шағын өлшемді кеменің кеме жүргізушісінде кеменің жүзуге жарамдылығына жыл сайынғы техникалық куәландыру белгісі бар кеме билетінің жоқтығы;
      кеме тұрағына арналған базалардың (құрылыстардың) жіберу режимін сақтамау;
      Қазақстан Республикасының Мемлекеттік кеме тізілімінде тіркелген және ішкі су жолдарымен кеме қатынасын жүзеге асыратын кемеде мынадай кеме құжаттарының болмауы:
      кеменiң Қазақстан Республикасының Мемлекеттiк туын көтерiп жүзу құқығын және кемеге меншiк құқығын растайтын кеме куәлiгi;
      шетелдiк кемеге (жалға алынған шетел кемелерiнiң тiзiлiмiнде тiркелген кемелер үшiн) Қазақстан Республикасының Мемлекеттiк туын көтерiп жүзуге уақытша құқық беру туралы куәлiк;
      кеменiң жүзуге жарамдылығы туралы, оның сыныбы немесе сыныптау куәлiгi көрсетiлген куәлiгi;
      өздiгiнен жүзетiн кемелер үшiн кеме журналы (вахталық журнал);
      кеме рөлi (өздiгiнен жүзетiн кемелер үшiн) - кеме капитаны жасаған кеме экипажы мүшелерiнiң тiзiмi;
      радиожурнал (егер кемеде кеме радиостанциясы бар болса);
      кеме станциясының рұқсаты (егер кемеде кеме радиостанциясы бар болса);
      машина журналы (механикалық қозғағышы бар кемелер үшiн);
      кеменi қарап шығудың бiрыңғай кiтабы;
      санитарлық-эпидемиологиялық қорытынды және кемеге санитарлық паспорт;
      кеменiң мұнаймен, қалдық сулармен және қоқыспен ластануын болғызбау туралы куәлiк;
      кеме экипажының ең аз құрамы туралы куәлiк;
      кеме құжаттарының оларға қойылатын талаптарға сәйкес жүргізілмеуі;
      кеменің қауіпсіз жүзуін қамтамасыз ету және қоршаған ортаны қорғау үшін кеме экипажының ең аз құрамы талаптарына сәйкес келмеу;
      кемінде 1,0 км-ге шектелген кезде тұтану температурасы 60 С-тан төмен, жарылғыш немесе улы зат қалдықтары бар мұнай жүкті кемелерді қоспағанда жарамды қолданыстағы радиолокатор, компас және радиостанциясымен жабдықталмаған кемелердің жүзуі;
      кемемен тасымалданатын әрбір қауіпті жүк үшін мыналарды көрсету арқылы жүк жөнелтушінің кеме жүргізушісіне берген жазбаша нұсқаулықтың болмауы:
      тасымалданатын жүк алып келетін қауіптің сипаттамасын, сонымен бірге оның алдын алу бойынша қабылдау керек қауіпсіздік шараларын;
      адамдар тасымалданатын жүкпен немесе олардан бөлініп шыққан кез келген затпен жанасқан жағдайда қабылдау қажет шараларды және оларға көрсету қажет медициналық көмекті;
      өрт жағдайында қабылдау қажет шараларды және өртті сөндіру үшін қажет өртсөндіргіш құралдарды немесе құралдар кешенін;
      таралар немесе тасымалданатын жүк қираған немесе олардың өзге бүлінуі жағдайында, оның ішінде олардың ағуы немесе төгілуі жағдайы бөлігінде қабылдау қажет шараларды;
      кеме жүргізушісінің кемемен тасымалданатын әрбір қауіпті жүк үшін жүк жөнелтушінің кеме жүргізушісіне берген жазбаша нұсқаулығымен кемедегі адамдарды таныстыру фактісінің болмауы;
      кемемен тасымалданатын әрбір қауіпті жүк үшін жүк жөнелтушінің кеме жүргізушісіне берген жазбаша нұсқаулығын рульдік рубкада әрбір кеме экипажының мүшесіне қолжетімді орында сақтау фактісінің болмауы;
      экипаждың немесе жолсеріктің кеме экипажының ең аз құрамы туралы талаптармен белгіленгеннен кем дегенде кеменің жүзуге шыққан күні оның экипаж санымен сүйреу шартына сәйкес сүйрелетін объектінің жинақталу тәртібін сақтамауы;
      кіре берісте және траптарда тұтқалардың немесе леерлердің, ұзындығы 30 метрден кем емес құтқару дөңгелектерінің, жарықтың, сонымен бірге траптың және кіре берістің алаңы астында тартылған сақтандыру торының болмауы;
      кеменің су жолдарында навигациялық жабдықтың латеральдық жүйесінсіз қозғалған кезде навигациялық жағдайдың белгісі бойынша бағытталу арқылы кеме жол шегінде қозғалуы;
      кеменің белгіленген кеме жолдарының шегінен тыс, сонымен бірге кеме жолы жабдықталмаған (кеме қозғалысы үшін жарамды болған жағдайда) су жолдарында жүзуіне уәкілетті органның келісімінің болмауы;
      кеменің Қазақстан Республикасының кеме тізілімдерінің бірінде мемлекеттік тіркеуінің болмауы: Теңіз кемелерінің мемлекеттік кеме тізілімінде, кеме кітабында, бербоут-чартер тізілімінде, Мемлекеттік кеме тізілімінде немесе Жалға алынған шетел кемелерінің тізілімінде;
      Кеме экипажының мүшелерiн дипломдау ережелерiне сәйкес тиiстi бiлiктiлiгi бар адамдардың кеме экипажы мүшелерiнiң қызметтерiн атқаруға рұқсаттың болмауы;
      өздерiнiң денсаулық жағдайы бойынша осындай жұмысқа жарамдылығын куәландыратын куәлiктерi бар тұлғалардың кемеде жұмыс iстеуге рұқсатының болмауы;
      кеме иесiнің экипаж мүшелерi кемеде болған уақытта оларды құтқару құралдарымен қамтамасыз етпеуі;
      кеме иесiнің оның кемелері ұшыраған авариялық жағдайларды тексеру кезінде көмек көрсетпеуі;
      кеме капитанының, кеменi басқаруды, соның iшiнде кеме жүргiзуді, кеменiң жүзу қауiпсiздiгiн қамтамасыз етуді, қоршаған ортаны қорғауды, кемедегi тәртiптi сақтауды, кемеге, кемедегi адамдар мен жүкке зиян келтiрудi болғызбауды қамтамасыз етпеуі;
      кеме капитанының егер бұл көмек өз кемесі, оның экипажы және жолаушылар үшін елеулі қауіпсіз көрсетілсе, теңізде апатқа ұшыраған адамдарға көмек көрсетпеуі;
      кеме капитаны кемелер соқтығысқан жағдайда, мүмкiн болған жағдайда өз кемелерiнiң атауларын, олар тiркелген порттарды, сондай-ақ шыққан және баратын порттарын хабарлау арқылы егер қолданылатын шаралар өз кемесiне, оның экипажы мен жолаушыларына елеулi қауiп төндiрмей жасау мүмкiн болса, екiншi кеменi құтқару үшiн тиiстi шараларды қабылдамауы;
      кеме капитанының кеме бортындағы адамға шұғыл медициналық көмек қажет болған жағдайда, ол көмектi кеме теңiзде жүрген, жақын арадағы портқа кіруі кезінде көрсету мүмкiн болмаған жағдайда шара қабылдамауы немесе кеме шетелдiк портқа кiрген немесе ондай адам шетелдiк портқа жеткiзiлген жағдайда, кеме иесін, сондай-ақ Қазақстан Республикасының консулдық мекемесiне хабарлау арқылы ондай адамды ең жақын портқа жеткiзу жөнiнде шараларды қабылдамауы;
      кеме капитаны кемеге опат болу қаупi төнген жағдайда кемедегi жолаушылардың қауiпсiздiгiн және кеме құжаттары мен өзге де құжаттардың сақталуын қамтамасыз ету жөнiндегі шараларды қабылдамауы;
      кеме капитаны кеменің қирау қаупі жағдайында кеме экипажының жолаушылар қауіпсіздігін қамтамасыз етуі бойынша барлық шараларды (кемені соңғы емес тастап кетуі) қабылдамауы;
      кеме капитаны кеме иесiне авариялық жағдай, кеменің не экипаждың бірінші қазақстандық портқа келуі туралы хабарламауы, үш тәулiк ішінде порт капитанына авариялық жағдай туралы егжей-тегжейлi хабарламаны, кеме құжаттарынан үзінді-көшірмелердi, қатысы бар куә адамдардың түсiнiктемелерiн бермеуі. Қажет болған жағдайда өздігінен жазатын ленталарды, олардың шифрін, қосымшасымен жол картасын, маневрлеу схемасын, ақаулық схемасы мен сызбаларын, өзге қажетті құжаттарды ұсынбауы;
      теңiзге шығатын кемелерге бақылау жасауды жүзеге асыру кезiнде теңiз порты капитанымен кеме құжаттарының болуына, кеменiң негiзгi сипаттамасының кеме құжаттарына сәйкестiгiне, кеме экипажын жинақтауға қойылатын талаптардың сақталуына тексерістің болмауы;
      қауіпті жүктерді тасымалдауға лицензияның, есепке алу карточкасының жоқтығы;
      жолаушыларды тасымалдауға лицензияның, есепке алу карточкасының жоқтығы;
      жүктерді тиеу және кемеде бекіту бойынша техникалық талаптарды сақтамау;
      кеменiң меншiк иесi және (немесе) кеме иесi кемелердiң қауiпсiз пайдаланылуын қамтамасыз етпеуі;
      кеменiң меншiк иесiнің және (немесе) кеме иесiнің кемелердi қауiпсiз пайдалануға жауапты тұлғаларды тағайындауы туралы құжаттың болмауы;
      кеменiң меншiк иесiнің және (немесе) кеме иесiнің кеме қатынасы қауiпсiздiгiнiң талаптарына сәйкес кеменi техникалық жарамды күйде тиісті ұстауын және кеме экипажын жасақтауын қамтамасыз етпеуі;
      ішкi су жолдарында салынып жатқан жасанды құрылыстар (көпiрлер, бөгеттер, айлақ құрылыстары, арналар, гидроэнергетика құрылғылары, су бетiндегi және су астындағы өту жолдары, байланыс және электр берiлiсiнiң желiлерi, құбырлар, су жинағыштар және басқа да гидротехникалық құрылыстар) салу мен пайдалану және оларды пайдалануға байланысты жүргiзiлетiн жұмыстар, руда емес құрылыс материалдарын өндiру уәкiлеттi органның келiсiмiнің болмауы;
      уәкілетті органмен келісімнің болмауы және ішкi су жолдарындағы құрылыстардың (оның ішінде салынып жатқан) иелерi өз қаражаты есебінен навигациялық жабдықтарды, оның iшiнде жүзу мен өзге де жабдықтарды орнатуы;
      уәкілетті органмен келісімнің болмауы және ішкi су жолдарында пайдаланылатын, сондай-ақ салынып жатқан көпiрлердiң және басқа да гидротехникалық құрылыстардың иелерi кемелердiң, салдардың және басқа да жүзбелі объектiлердiң кедергiсiз және қауiпсiз өткiзiлуiн қамтамасыз етуі;
      уәкілетті органмен келісімнің болмауы ішкi су жолдарында пайдаланылатын, сондай-ақ салынып жатқан көпiрлердiң және басқа да гидротехникалық құрылыстардың иелерi өз есебiнен олардың кiреберiстерiнде қажеттi су түбiн тереңдету және су түбiн тазалау жұмыстарын жасауы;
      уәкілетті органмен келісімнің болмауы және ішкi су жолдарында пайдаланылатын, сондай-ақ салынып жатқан көпiрлердiң және басқа да гидротехникалық құрылыстардың иелерi кемелердiң қауiпсiз жүрiп өтуi үшiн қажеттi құрылыстар мен құрылғыларды дайындауы, орнатуы және күтiп ұстауы;
      уәкілетті органмен келісімнің болмауы және ішкi су жолдарында пайдаланылатын, сондай-ақ салынып жатқан көпiрлердiң және басқа да гидротехникалық құрылыстардың иелерi көтерме көпiрлер қанаттарын ашуы әрi көтеруі;
      ішкi су жолдарында орналасқан гидротехникалық және басқа да құрылыстардың иелерi тиiстi шаралар қолдану үшiн кеме қатынасы қауiпсiздiгiне қатер төндiретiн жағдайдың туындағаны туралы аумақтық бөлiмшелердi уақтылы хабардар етпеу;
      кеменiң меншiк иесiнiң және (немесе) кеме иесiнiң кеменi кеме қатынасы қауiпсiздiгiнiң талаптарына сәйкес жүзуге дайындауды қамтамасыз етпеуі;
      кеменің iшкi су көлiгi саласындағы қауiпсiздiк, оның iшiнде экологиялық және өрт қауiпсiздiгiн қамтамасыз ету санитарлық-эпидемиологиялық ережелер мен нормалар талаптарына сай болмауы;
      кемеде вахталық, штурмандық, адамдарды құтқарудың жалпы кеме қызметтерiн ұйымдастыру жөнiндегi кеме iшi құжаттамасы (жағдайы, жүргiзу сапасы), соның ішінде вахталар кестесi, дабылдар бойынша кестесінің жоқтығы;
      кемеде Мемлекеттік тудың, құбырда таңбаның, бортта кеме атауының (нөмірінің) және тіркеу нөмірінің, корпуста жүк маркасының болмауы және тиісті емес жағдайы;
      кеменiң (құрамның) жүзу ауданының разряды мен жағдайына, құрамдарды қалыптастырудың және жолдар габариттерiнiң үлгілiк сызбаларына сәйкессіздігі;
      жолаушылар сыйымдылығының және жүк көтерiмділігінің, су бетiндегi борттың биiктiгi нормаларын (жүк таңбасы бойынша), кеменi басқару постынан көрудi қамтамасыз етуді сақтамау;
      кемеде жарық, көру және дыбыс сигнализациясының жоқтығы және тиісті емес жұмыс жасауы;
      кемеде навигациялық, штурмандық және электр радионавигациялық аспаптардың жоқтығы және тиісті жұмыс жасамауы;
      кемеде ұжымдық және жеке құтқару құралдарының, пиротехниканың, авариялық жабдықтау санының, оларды таңбалаудың, орналасуының және сақталуының белгіленген нормаларына сәйкессіздігі;
      экипаждың штаттық кестеге және кеме экипажының ең аз құрамы туралы ережеге сәйкес жасақталмауы;
      командалық және қатардағы құрамда тиiстi лауазымдарға орналасу құқығына дипломдарының (бiлiктiлiк куәлiктерiнiң), дипломдарға бақылау талондарының, аттестаттау туралы анықтамаларының жоқтығы;
      вахталарды атқару режимiн, оқу дабылдарын өткізу және руль құрылғысы iстен шыққан кезде iс-қимыл жөнінде жаттығулар жүргiзудiң кезеңдiгiн сақтамауы;
      экипаж мүшелерiнiң руль құрылғысы iстен шыққан кезде дабыл бойынша iс-әрекет етудi бiлмеуi;
      кемелердің ішкі су жолдарында Қазақстан Республикасының Мемлекеттік туынсыз жүзуі;
      кезекшi қайықтардың оларды түсiруге және көтеруге ыңғайлы жерде бес минуттан аспайтын уақыт iшiнде түсiруге тұрақты дайын жағдайда орналастыруды қамтамасыз етпеу;
      құтқару және кезекшi қайықтарда олардың көлемi және оларға сиятын адамдардың саны туралы анық және шайылмайтын белгiлермен жазылған мәліметтің болмауы;
      құтқару салдары олардың бекiтпесiн қолмен босатып алатындай етiп орналастыруын қамтамасыз етпеу;
      құтқару салдарында анық және шайылмайтын белгiлермен басылған олардың көтере алатын адамдардың саны туралы мәліметтің болмауы;
      теңiз кемесiндегi әрбiр адам үшiн құтқару дөңгелектерiнің жоқ болуы;
      кеменiң екi бортында құтқару дөңгелектерiнің және мүмкiндiгiнше барлық ашық палубаларда олардың оңай қол жетімділігінің жоқтығы;
      әрбiр құтқару дөңгелегiнде латын әлiпбиiнiң баспа әрiптерiмен басылған кеменiң атауы мен тiркелген портының жоқтығы;
      құтқару дөңгелектерiнiң кемiнде жартысында суда сөнбеуге тиiс өздiгiнен тұтанатын оттардың жоқтығы;
      оларды дөңгелектерге бекiту үшiн қажеттi құралмен бiрге оларға арналған дөңгелектерге жақын жерде өздiгiнен тұтанатын оттардың болмауы;
      теңiз кемесiндегi әрбiр адам үшiн құтқару кеудешесiнің болмауы;
      теңiз кемесiндегi әрбiр адам үшiн олар кез келген уақытта пайдалануға дайын болатындай құтқару кеудешесiнің сақталуын қамтамасыз етпеу;
      вахталық персоналдарға арналған құтқару кеудешелерi вахта болу орындарында (көпiршеде, радиорубкада және машина бөлiмiнде) сақтауды қамтамасыз етпеу;
      теңiз кемесi командасының әрбiр мүшесi үшiн гидротермокостюмнің жоқ болуы;
      теңiз кемесiндегi әрбiр адам үшiн жылу қорғау құралының жоқ болуы;
      түсiру құрылғыларының шығырлары құтқару және кезекшi қайықтарды пайдалану жүзеге асырылатын жағдайларда тростың босаңсуының туындауын болдырмайтын автоматты жоғары жылдамдықты қатайту құрылғысының жоқтығы;
      барлық құтқару құралдары әрбiр он екi айда техникалық қызметтен өтпеуі;
      теңiз кемесiнiң палубасында орналасқан жерден не құтқару немесе кезекшi қайықтардан бiр адам әрекетке келтiретiн түсiрiп-отырғызатын сырғымалардың болмауы;
      шағын өлшемді кеменің тұрағына арналған базаларды (құрылыстарды) пайдалануға жауаптылардың лауазымдық нұсқаулығының жоқтығы;
      кеме жүргізушілерін және қызмет көрсететін персоналды шағын өлшемді кеменің тұрағына арналған базаларды (құрылыстарды) пайдалану бойынша нұқсаулықпен таныстыру бойынша құжаттаманың жүргізілмеуі;
      азаматтарды кемелерді жалға алу пункттерінің акваториясында кемені пайдалану қауіпсіздігі шараларымен таныстыру бойынша құжаттаманы жүргізбеу;
      шағын өлшемді кеменің тұрағына арналған базаларда (құрылыстарда) база тұрақтың су акваториясы бойынша және тиісті ауданда кемелердің қозғалу схемасының жоқтығы;
      шағын өлшемді кеменің тұрағына арналған базаларда (құрылыстарда) база тұраққа уақытында оралмаған кемелерді іздеу және оларға көмек көрсету бойынша іс шаралар жоспарының жоқтығы;
      шағын өлшемді кеменің тұрағына арналған базаларда (құрылыстарда) ағымдағы тәулікке ауа райы болжамы туралы мәліметтің болмауы;
      шағын өлшемді кеменің тұрағына арналған базаларда (құрылыстарда) суда адамдармен болатын қайғылы оқиғалардың алдын алу шаралары бойынша плакаттардың жоқтығы;
      шағын өлшемді кеменің тұрағына арналған базаларда (құрылыстарда) айлақ, пирс, кіре беріс, леерлік бағана арасында 1500 мм-ден кем емес қашықтықпен 900 мм-ден кем емес биіктікте бекітілген, су жақта сақтандыру леерлері бар көпіршелердің болмауы;
      шағын өлшемді кеменің тұрағына арналған базаларда (құрылыстарда) су айлағын дамбалармен, понтондармен, бактармен немесе жүзбелі белгілермен қоршауының болмауы;
      шегінен жалға берілетін жүзу құралдарын шығаруға тыйым салынатын кемелерді жалға беру пункттеріндегі су акваторияларының жүзбелі белгілермен қоршауының жоқтығы;
      елеулі бұзушылықтарға мыналар жатады:
      қауiптi жүк, сондай-ақ екi мың тоннадан астам мөлшерде мұнай тасымалдаушы кеме иесiнде ластау үшiн жауапкершiлiк тәуекелiн сақтандырудың немесе «Сауда мақсатында теңізде жүзу туралы» Қазақстан Республикасы Заңымен анықталатын ластаудан болған залал үшiн жауапкершiлiк мөлшерiнде Қазақстан Республикасының заңнамасында немесе шартта көзделген мiндеттемелердiң орындалуын қаржылық қамтамасыз етуінің жоқтығы;
      кеменiң бортында жауапкершiлiктiң сақтандырылуын немесе қаржымен қамтамасыз етiлуiн растайтын куәлiктiң болмауы;
      тасымалдаушының жолаушылар алдындағы азаматтық-құқықтық жауапкершілігін міндетті сақтандыру жөніндегі шарты мен полисінің болмауы;
      кеме иесiнің экипаж мүшелерi кемеде болған уақытта оларды қауiпсiз еңбек жағдайларымен қамтамасыз етпеуі;
      кеме иесiнің экипаж мүшелерi кемеде болған уақытта оларды денсаулығын сақтаумен және медициналық көмекпен қамтамасыз етпеуі;
      кеме иесiнің экипаж мүшелерi кемеде болған уақытта оларды азық-түлiкпен және сумен iркiлiссiз жабдықталуын қамтамасыз етпеуі;
      кеме иесiнің экипаж мүшелерi кемеде болған уақытта оларды демалу, тамақтану, емделу, мәдени және тұрмыстық қызмет көрсетілуi үшiн санитарлық-гигиеналық талаптарға сәйкес келетiн үй-жайлармен қамтамасыз етпеуі;
      Қазақстан Республикасының мемлекеттік туын көтеріп жүзетін кеменің экипаж құрамына шетелдіктер және азаматтығы жоқ тұлғалар кіру мүмкіндігі бар шарттардың сақталмауы (Сауда мақсатында қолданылатын кемелерге қатысты бұл норма 2015 жылдың 1 қаңтарынан бастап күшіне енеді);
      батып кеткен мүлік иесінің батып кеткен мүлік кеме қатынасының қауіпсіздігіне қауіп төндірген немесе қоршаған ортаға ластаумен шығын келтірген не биологиялық су ресурстарының кәсібін, ішкі су көлігіндегі қызметті және ішкі су жолдарының шегінде жол жұмыстарын жүргізуді жүзеге асыруға кедергі келтірген жағдайда уәкілетті органның талабы бойынша белгіленген мерзімде батып кеткен мүлікті көтеруді және қажет болған жағдайда оны алып тастауды немесе жоюды орындамауы;
      ішкі су жолдарымен жүктерді тасымалдау кезінде көлік құжаттамасының болмауы және дұрыс емес ресімделуі
      кеме иелерінің және (немесе) кеме жүргізушісінің кеме қатынасы қауіпсіздігінің талаптарына сәйкес кеме экипажы мүшелерінің, өзге қызметкерлердің біліктілігін арттыру бойынша оқытуларды жүргізбеуі;
      кемеде штаттық кестенің және кемені пайдалану режимі және экипаж жұмысы туралы кеме иесі бұйрығының (немесе өзге құжаттың) болмауы;
      кемеде iшкi су жолдарының навигациялық карталарының болмауы;
      кемені сенімді басқаруға берудің Теңіз кемесінің мемлекеттік тізілімінде, Мемлекеттік кеме тізілімінде немесе кеме кітабында тіркеудің жоқтығы;
      шағын өлшемді кемелердің база-тұрақтарының және су айлағына жататын аумақты жарықтандыру үшін жарық құралдарының болмауы, тиісті емес жай-күйі;
      шағын өлшемді кеменің тұрағына арналған базаларда (құрылыстарда) айлақтарды, пирстарды, бокстарды жарықтандыру үшін жарық құралдарының, арқандап байлау құралдарының және өртке қарсы құралдардың болмауы;
      шағын өлшемді кеменің тұрағына арналған базаларда (құрылыстарда) арқандап байлау бөшкелерінде арқандап байлауға рұқсат етілген кемелер саны көрсеткішінің болмауы;
      шағын өлшемді кеменің тұрағына арналған базаларда (құрылыстарда) жағалау аумағы қоршауының болмауы;
      Қазақстан Республикасының кеме қатынасы су жолдарын пайдалану құқығына рұқсаттың болмауы;
      уәкілетті органның аумақтық органын кемемен, оның ішінде шағын өлшемді кемемен, кеме капитанымен, кеме жүргізушісімен, кеме иесімен, гидротехникалық құрылыстың лауазымды тұлғасының көлік апаты туралы хабарламауы;
      шамалы бұзушылықтарға мыналар жатады:
      заңды тұлғаға жататын шағын өлшемді кемені жүргізушінің жанында рейске жоспар-тапсырма, жолдық (маршруттық) парақ және тасымалданатын жүк құжаттарының жоқтығы;
      шағын өлшемді кеменің кеме жүргізушісі қасында шағын өлшемді кемені басқару құқығына сенімхаттың болмауы;
      ішкі су жолдарының кемесінде атаудың, тіркеу пунктінің, сәйкестендіру нөмірінің, шақыру сигналының және кеменің техникалық жабдықталуына байланысты серіктік байланыс станциясының сәйкестендіру нөмірінің және кеме станциясын таңдаулы шақыру нөмірінің болмауы;
      Теңіз кемелерінің Мемлекеттік кеме тізілімінде немесе кеме кітабында мемлекеттік тіркелуге жататын кеме өз атауының болмауы;
      батып кеткен мүлік иесінің осындай кемені көтеру ниеті туралы мүлік батқан күннен бастап 1 жыл ішінде уәкілетті органды хабарламауы;
      уақытша жұмыстар аяқталғаннан кейін уақытша жұмыстарды жүргізу үшін жағалау белдеуін пайдаланатын адамдардың ішкі су жолдарының жағалау белдеуінде тазалауды және жайластыруды жүргізбеуі;
      ішкі су жолдарындағы жағалау белдеулерінде навигациялық жүрісті қоспағанда, кеме жүрісіне бағытталған тұрақты оттардың болмауы;
      кеме қатынасының қауіпсіздігін қамтамасыз етумен шаруашылық және өзге қызметті жүзеге асыру үшін жағалау белдеуін пайдалану;
      ішкі су жолдарының шегіндегі айлақта және жағалау белдеулерінде ішкі су жолдарына және жағалау белдеулеріне теріс әсер көрсететін және (немесе) оларды пайдалануды қиындататын қадағалаусыз кемелердің, құрылыстардың бар болуы;
      шағын өлшемді кемелердің тұрағына арналған базалардың айлақтарында және пирстарында бірыңғай төсемдердің төзімділігіне, «сыналды» сөзі таңбасының болмауы.
      9. Әрбір жасалған бұзушылық үшін тексерілетін субъектіге балдар беріледі:
      бір өрескел бұзушылық үшін – бес балл;
      бір елеулі үшін – үш балл;
      бір шамалы бұзушылық үшін – бір балл.
      10. Жыл қорытындысы бойынша тексерілетін субъектінің жинаған балдарының саны жинақталады. Тәуекелдің болмашы дәрежесіне он баллға дейін жинаған субъектілер жатады. Тәуекелдің орташа дәрежесіне оннан жиырма баллға дейін жинаған субъектілер жатады. Тәуекелдің жоғары дәрежесіне жиырма және одан жоғары балл жинаған субъектілер жатады.
      11. Бір топтың ішінде бөлу мына тәртіпте жүргізіледі:
      тексеру жоспарына бірінші кезекте ең көп балл жинаған тексерілетін субьектіні енгізеді. Бірдей балл сандарын жинаған субъектілердің ішінен тексеру жоспарына бірінші кезекте ең көп өрескел бұзушылықтар жасаған субъектіні енгізеді. Өрескел бұзушылықтардың саны бірдей болған жағдайда ең көп едәуір бұзушылық жасаған субъект енгізіледі. Едәуір бұзушылықтардың саны бірдей болған жағдайда бірінші кезекте тексеру жоспарына өткен жылда жүк немесе жолаушы тасымалын ең көп жасаған тексерілетін субъекті енгізіледі.
      12. Тексерілетін субъектілерді алдағы жылда (тоқсанда, жарты жылдықта) объективті және субъективті бағалау бойынша бөлу жылдың басталуына дейін (тоқсанда, жарты жылдықта) 20 күнтізбелік күнде жүзеге асырылады.

Қазақстан Республикасы      
Көлік және коммуникация министрінің
2011 жылғы 23 маусымдағы № 385 және
Қазақстан Республикасы      
Экономикалық даму және сауда    
министрінің міндетін атқарушысының
2011 жылғы 29 маусымдағы № 192  
бірлескен бұйрығына        
2-қосымша            

нысан

Автомобиль көлігі саласындағы мемлекеттік бақылау
бойынша жеке кәсіпкерлік саласындағы тексеру парағы

Тексеруді тағайындаған орган
_____________________________________________________________________
Тексеруді тағайындау
туралы акті _________________________________________________________
               (№, күні, құқықтық статистика органында тіркелгендігі туралы мәліметтер)
Тексеруді өткізу
мерзімі _____________________________________________________________
Тексерілетін
кезең _______________________________________________________________
Тексерілетін субъектінің атауы
_____________________________________________________________________
Орналасқан мекенжайы
_____________________________________________________________________

Қазақстан Республикасы      
Көлік және коммуникация министрінің
2011 жылғы 23 маусымдағы № 385 және
Қазақстан Республикасы      
Экономикалық даму және сауда    
министрінің міндетін атқарушысының
2011 жылғы 29 маусымдағы № 192  
бірлескен бұйрығына        
3-қосымша            

нысан

Темір жол көлігі саласындағы мемлекеттік бақылау бойынша жеке
кәсіпкерлік саласындағы тексеру парағы

Тексеруді тағайындаған орган
_____________________________________________________________________
Тексеруді тағайындау
туралы акті _________________________________________________________
              (№, күні, құқықтық статистика органында тіркелгендігі туралы мәліметтер)
Тексеруді өткізу
мерзімі _____________________________________________________________
Тексерілетін кезең __________________________________________________
Тексерілетін субъектінің атауы
_____________________________________________________________________
Орналасқан мекенжайы
_____________________________________________________________________

Қазақстан Республикасы      
Көлік және коммуникация министрінің
2011 жылғы 23 маусымдағы № 385 және
Қазақстан Республикасы      
Экономикалық даму және сауда    
министрінің міндетін атқарушысының
2011 жылғы 29 маусымдағы № 192  
бірлескен бұйрығына        
4-қосымша            

нысан

Сауда мақсатында теңізде жүзу және ішкі су көлігі
саласындағы мемлекеттік қадағалау бойынша жеке
кәсіпкерлік саласындағы тексеру парағы

Тексеруді тағайындаған орган
_____________________________________________________________________
Тексеруді тағайындау
туралы акті _________________________________________________________
              (№, күні, құқықтық статистика органында тіркелгендігі туралы мәліметтер)
Тексеруді өткізу
мерзімі _____________________________________________________________
Тексерілетін кезең __________________________________________________
Тексерілетін субъектінің атауы
_____________________________________________________________________
Орналасқан мекенжайы
_____________________________________________________________________