Аңшы, балықшы және қорықшы куәліктерінің нысанын және оны беру ережесін бекіту туралы

      РҚАО-ның ескертпесі!
      Бұйрықтың қолданысқа енгізілу тәртібін 4-тармақтан қараңыз.

      «Жануарлар дүниесiн қорғау, өсiмiн молайту және пайдалану туралы» Қазақстан Республикасының 2004 жылғы 9 шілдедегі Заңының 9 бабына сәйкес, БҰЙЫРАМЫН:
      1. Қоса беріліп отырған:
      1) осы бұйрыққа 1-қосымшаға сәйкес аңшы куәлігінің нысаны;
      2) осы бұйрыққа 2-қосымшаға сәйкес балықшы куәлігінің нысаны;
      3) осы бұйрыққа 3-қосымшаға сәйкес қорықшы куәлігінің нысаны;
      4) осы бұйрыққа 4-қосымшаға сәйкес аңшы, балықшы және қорықшы куәлігін беру ережесі бекітілсін.
      2. Келесі бұйрықтардың күші жойылды деп танылсын:
      1) «Қазақстан Республикасының аңшы куәлiгiн беру ережесiн бекiту туралы» Қазақстан Республикасы Ауыл шаруашылығы министрлiгi Орман және аңшылық шаруашылығы комитетi төрағасының 2004 жылғы 19 қарашадағы № 246 (Нормативтiк құқықтық актілерді мемлекеттiк тiркеу тiзiлiмiнде 3274 нөмірмен тіркелген, Қазақстан Республикасының Орталық атқарушы және өзге де орталық мемлекеттiк органдарының актiлерiнiң бюллетенiнде жарияланған, 2007 ж., № 5, 261-құжат) бұйрығы;
      2) «Қазақстан Республикасы аңшысының куәлігін беру ережесін бекіту туралы» Қазақстан Республикасы Ауыл шаруашылығы министрлігі Орман және аңшылық шаруашылығы комитеті төрағасының 2004 жылғы 19 қарашадағы № 246 бұйрығына өзгерістер мен толықтыру енгізу туралы» Қазақстан Республикасы Ауыл шаруашылығы министрлiгi Орман және аңшылық шаруашылығы комитетi төрағасының міндетін атқарушысының 2007 жылғы 12 шілдедегі № 231 (Нормативтiк құқықтық актілерді мемлекеттiк тiркеу тiзiлiмiнде 4830 нөмірмен тіркелген, Қазақстан Республикасының Орталық атқарушы және өзге де орталық мемлекеттік органдарының актілер жинағында, 2007 жылғы шілде-тамызда жарияланған) бұйрығы.
      3. Қазақстан Республикасы Ауыл шаруашылығы министрлігі Табиғат ресурстарын пайдалану стратегиясы департаменті осы бұйрықтың Қазақстан Республикасы Әділет министрлігінде тіркеуден өтуін қамтамасыз етсін.
      4. Осы бұйрық бірінші рет ресми жарияланғаннан бастап он күнтізбелік күн өткен соң қолданысқа енгiзiледi.

      Министр                                    А. Күрішбаев

Қазақстан Республикасы  
Ауыл шаруашылығы министрінің
2010 жылғы 29 сәуірдегі  
№ 301 бұйрығына      
1-қосымша         

      Ескерту. 1-қосымша жаңа редакцияда қарастырылады - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.

Нысан

Аңшы куәлігі
Аңшы куәлігінің мұқабасы
(көлемі 105 х 80 мм, түсі жасыл, жазбасы қою сары түсті,
қысып басу әдісімен жасалады)

Аңшы куәлігі бланкісінің 1-парағы
(мұқабаның ішкі бетінің сол жағына желімденеді)

Аңшылар мен аңшылық шаруашылығы субъектілері
қоғамдық бірлестіктерінің республикалық қауымдастығы № _____ аңшы куәлігі

Куәлікті берген _____________________________________________________
(аңшылар мен аңшылық шаруашылығы субъектілерінің қоғамдық
бірлестіктері қауымдастығы филиалының немесе өкілдігінің атауы)
_____________________________________________________________________
(куәлікті берген тұлғаның қолы және аңшылар мен аңшылық шаруашылығы
субъектілерінің қоғамдық бірлестіктері қауымдастығының мөрі)
Аңшылық минимумын тапсыру туралы белгі _____________________________
                                             (емтихан алу комиссиясы
                                        хаттамасының нөмірі мен күні)
Куәлік 20 __ ж. «__» _______ берілді, 20__ ж. «__»____ дейін жарамды.

2-парақ

АҢШЫЛЫҚ СУЫҚ ҚЫЛЫШ ҚАРУДЫ ТІРКЕУ

АҢ АУЛАЙТЫН ИТТЕРДІ, ҚЫРАН ҚҰСТАРДЫ ТІРКЕУ

3-парақ

ЕСЕПКЕ АЛУ ЖӘНЕ ЕСЕПТЕН ШЫҒАРУ ТУРАЛЫ БЕЛГІ

4-парақ
(куәлік мұқабасының ішкі бетінің оң жағына желімденеді)

Куәлік:

«__» _________ 20 __ж. «__» _________ 20 __ж. «__» _________ 20 __ж.
«__» _________ 20 __ж. «__» _________ 20 __ж. «__» _________ 20 __ж.
«__» _________ 20 __ж. «__» _________ 20 __ж. «__» _________ 20 __ж.
                                                    дейін ұзартылды.

Қазақстан Республикасы   
Ауыл шаруашылығы министрінің
2010 жылғы 29 сәуірдегі   
№ 301 бұйрығына       
2-қосымша          

Нысан

Балықшы куәлігі
Аңшы куәлiгiнiң мұқабасы
(көлемi 105х80 мм, түсi көк, жазбасы қою сары түстi, қысып басу әдiсiмен жасалады)

Балықшы куәлiгі бланкiсiнiң 1-парағы   
(мұқабаның iшкi бетiнiң сол жағына желiмденедi)

__________________________________________________________________
__________________________________________________________________
           (балық шаруашылығы субъектісінің Т.А.Ж, атауы)
                       №___балықшы куәлігі     

_________________________________________________________________
      (Тегi, аты, әкесiнiң аты)

Туған күнi «____» ______________ ______ж.

М.О.
Аңшының өтiлi _____ж. бастап
Куәлiк_____________________________________________________________
(балық шаруашылығы субъектісінің атауы, мөр, куәлікті берген лауазымды тұлғаның қолы)__________________________________ берілді
Берілген күні 20__ж. «__»_______, 20__ж. «__»______ дейiн жарамды.

Балықшы куәлiгі бланкiсiнiң 2-парағы     
(мұқабаның iшкi бетiнiң оң жағына желiмденедi)

Куәлiк
20 __ж. «__» ________ 20 __ж. «__» _________ 20 __ж. «__» __________
20 __ж. «__» ________ 20 __ж. «__» _________ 20 __ж. «__» __________ 20 __ж. «__» ________ 20 __ж. «__» _________ 20 __ж. «__» ____ дейiн ұзартылды.

Қазақстан Республикасы  
Ауыл шаруашылығы министрінің
2010 жылғы 29 сәуірдегі  
№ 301 бұйрығына      
3-қосымша        

Нысан

Қорықшы куәлігі
Қорықшы куәлiгiнiң мұқабасы
(көлемi 95х66 мм, түсi қызыл, жазбасы алтын түстi, көгілдір түсті фонда баспаханалық тәсілмен жасалады)

Қорықшы куәлiгі бланкiсiнiң 1-парағы    
(мұқабаның iшкi бетiнiң сол жағына желiмделедi)

_______________________________________________________________
_______________________________________________________________ (аңшылық немесе балық шаруашылығы субъектісінің Т.А.Ж, атауы)

№___қорықшы куәлігі

_____________________________________________________________
(Тегi, аты, әкесiнiң аты)  ______________________________________________________________
      (лауазымы)

      Туған күнi «____» ______________ ______ж.
      М.О.

Куәлiк __________________________________________________________ (аңшылық немесе балық шаруашылығы субъектісінің атауы, мөр, куәлікті берген лауазымды тұлғаның қолы)
____________________________________________________________ берілді
Берілген күні 20__ж. «__»_______, 20__ж. «__»_______ дейiн жарамды.

Қорықшы куәлiгі бланкiсiнiң 2-парағы   
(мұқабаның iшкi бетiнiң оң жағына желiмделедi)

__________________________________________________________________
__________________________________________________________________ (аңшылық немесе балық шаруашылығы субъектісінің Т.А.Ж, атауы)

№___қорықшы куәлігі

__________________________________________________________________
                       (Тегi, аты, әкесiнiң аты
__________________________________________________________________ аңшылық немесе балық шаруашылығы субъектісінің атауы)
      «Қорықшыларға арналған айырым белгiлерi бар арнайы киiм киюге, қызметтік қаруды алып жүруге және табиғат қорғау заңнамасын бұзғаны жөніндегі хаттама толтыруға құқығы бар».

Қазақстан Республикасы  
Ауыл шаруашылығы министрінің
2010 жылғы 29 сәуірдегі  
№ 301 бұйрығына       
4-қосымша          

Аңшы, балықшы және қорықшы куәлiгiн беру ережесі Жалпы ережелер

      1. Аңшы, балықшы және қорықшы куәлiгiн берудiң осы ережесі (бұдан әрi – Ереже) «Жануарлар дүниесiн қорғау, өсiмiн молайту және пайдалану туралы» Қазақстан Республикасының 2004 жылғы 9 шілдедегі Заңының 9 бабының 1 тармағының 10) тармақшасына сәйкес әзiрленген және аңшы, балықшы және қорықшы куәлiгiн беру тәртібін анықтайды.
      2. Осы Ережеде мынадай негiзгi ұғымдар мен терминдер пайдаланылады:
      1) аңшы – аң аулауға құқық алған жеке тұлға;
      2) балықшы – бекітіліп берілген балық шаруашылығы су айдындарында және (немесе) учаскелерінде өз еңбек міндеттеріне қарай балық ресурстарын және басқа да су жануарларын аулауды жүзеге асыратын балық шаруашылығы субъектісінің қызметкері;
      3) қорықшы – бекiтiлiп берiлген аңшылық алқаптар мен балық шаруашылығы су айдындарында және (немесе) учаскелерiнде жануарлар дүниесi объектiлерiн қорғауды жүзеге асыратын қорықшы қызметiнiң қызметкерi;
      4) аңшы куәлiгi – жеке тұлғаның аң аулау құқығын куәландыратын құжат;
      5) балықшы куәлігі – жеке тұлғаның балықшы функцияларын жүзеге асыру құқығын куәландыратын, балық шаруашылығы субъектісі беретін құжат;
      6) қорықшы куәлігі – жеке тұлғаның қорықшы қызметі қызметкерінің функцияларын жүзеге асыру құқығын куәландыратын құжат;
      7) балық шаруашылығы субъектісі – негізгі қызметінің бағыты балық шаруашылығын жүргізу болып табылатын жеке және заңды тұлға;
      8) аңшылық шаруашылығы субъектісі – бекiтiлiп берiлген аңшылық алқаптарда аңшылық шаруашылығын жүргiзетін жеке немесе заңды тұлға;
      9) аңшылыққа қойылатын ең төменгi талап (аңшылық минимумы) Қазақстан Республикасының жануарлар дүниесiн қорғау, өсiмiн молайту және пайдалану саласындағы заңнамасы бойынша арнайы бағдарлама.

2. Аңшы куәлiгiн беру тәртiбi

      3. Аңшы куәлiгi тұрғылықты жері бойынша 10 жылға Аңшылар мен аңшылық шаруашылығы субъектілері қоғамдық бірлестіктерінің республикалық қауымдастығының (бұдан әрі – қауымдастық) филиалдары мен өкілдіктері бередi.
      Ескерту. 3-тармақ жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      4. Аңшы куәлiгiмен бiр мезгiлде қауымдастық филиалдары мен өкілдіктері осы Қағидаға 1-қосымшаға сәйкес мемлекеттiк баж төленгенi туралы түбіртек қоса тіркелетін аңшының есепке алу карточкасын толтырады, содан кейін аңшының жеке iсi қалыптастырылады, ол аңшы куәлiгiн қолдану мерзiмi бойы бөгде адамдардың қолы жетпейтін жабық шкафтарда сақталады.
      Ескерту. 4-тармақ жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      5. Жеке тұлғалар аңшылық минимумы бойынша емтихан тапсырғанға дейін аңшылық минимумы бағдарламасы бойынша даярлық курсынан өтедi.
      Аңшылық минимумы бағдарламасы бойынша даярлық курсынан өткен жеке тұлғаға мерзімі 1 жылға жарамды сертификат беріледі, осы мерзімде жеке тұлға тұрақты тұратын (тiркелген) жері бойынша аңшылық минимумы бойынша емтихан тапсыруына болады.
      6. Аңшы куәлiгiн алу үшiн жеке тұлғалар тұрғылықты жерi бойынша қауымдастық филиалына немесе өкілдігіне осы Қағидаға 2-қосымшаға сәйкес сауалнама ұсынады.
      Сауалнамаға мына құжаттар қоса тіркеледі:
      1) Қазақстан Республикасы азаматының жеке куәлігінің көшiрмесi (азаматтығы жоқ адамдар мен шетелдік азаматтар үшiн - аңшылық шаруашылығы субъектісімен жасасқан аң аулауды ұйымдастыру шартының және олардың аң аулау құқығын куәландыратын, тұратын елінде берілген және жануарлар дүниесін пайдалануға рұқсат алу құжатының, сондай-ақ аушы құстарды (аушы құстармен аң аулау кезінде) тіркеу туралы құжаттардың көшірмесі);
      2) жеке тұлғаның ол көрсеткен тұрғылықты жер бойынша тұратынын (тiркелгенiн) растайтын құжаттың көшірмесі;
      3) көлемi 3x4 сантиметр фотосуреттер (түрлi-түстi) - 3 дана;
      4) аңшылық минимум бойынша курсты аяқтағаны туралы сертификаттың көшiрмесі (Қазақстан Республикасының азаматтары үшін).
      Ескерту. 6-тармақ жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      7. Ескерту. 7-тармақ алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      8. Ескерту. 8-тармақ алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      9. Ескерту. 9-тармақ алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      10. Аңшы куәлiгiн беруді осы Қағиданың 6-тармағында көрсетілген қауымдастық филиалының немесе өкілдігінің жауапты тұлғасы құжаттарды тапсырғаннан кейін 10 күнтізбелік күннен кешіктірмей жүргізеді.
      Ескерту. 10-тармақ жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      11. Аңшы куәлiгiн оның қолданыста болу мерзiмi аяқталғанғаннан кейін ауыстыру, сондай-ақ қолданыста болу мерзiмi бітпей жоғалту себебінен немесе жарамсыз болып қалғандықтан дубликат беру есепке алу карточкасының негiзiнде жүргiзiледi.
      12. Аңшыларды есептен шығару және есепке қою олар аумағында аңшы куәлiгi берiлген әкiмшiлiк-аумақтық бiрлiктен (облыстан) тыс жерлерге тұрақты тұратын жерге көшіп келген кезде жүргiзiледi.
      Бұл жағдайда аңшы келген күннен бастап 30 күнтізбелік күн iшiнде жаңа тұрғылықты жерi бойынша қауымдастықтың филиалында немесе өкілдігінде есепке тұрады. Бұл ретте қауымдастықтың тиiстi филиалы немесе өкілдігі аңшының ол тiркелген бұрынғы орыннан кеткенi туралы белгiсi бар есепке алу карточкасының түпнұсқасын және оның жеке iсiн сұратады. Аңшының бұрынғы тiркелген орны бойынша қауымдастықтың филиалында немесе өкілдігінде аңшының есепке алу карточкасының және есепке алу карточкасы мен жеке iстiң түпнұсқасын жаңа есепке алу орнына жіберу туралы белгiсi бар және оларды жіберудің негiзi көрсетiлген iлеспе хаттың көшiрмесi сақталады.
      Әкiмшiлiк-аумақтық бiрлiк (облыс) шегiнде аңшының тұрақты тұратын жерi өзгерген кезде, сондай-ақ аңшы куәлiгi мен есепке алу карточкасында ескерілетін басқа да деректер өзгерген кезде аңшы 30 күнтізбелік күн iшiнде болған өзгерiстер туралы өзi есепте тұрған жерге хабарлайды.
      Ескерту. 12-тармақ жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      13. Ескерту. 13-тармақ алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      14. Аңшы куәлігінің берілуі осы Қағидаға 4-қосымшаға сәйкес нысан бойынша аңшы куәлігін беру журналда тiркеледi.
      Ескерту. 14-тармақ жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      15. Ескерту. 15-тармақ алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      16. Ескерту. 16-тармақ алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      17. Ескерту. 17-тармақ алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.
      18. Белгіленген нысан бойынша берілген аңшы куәліктері туралы есепті «Аңшы куәлiктерін беру бойынша есептемелік нысандарды бекiту туралы» Қазақстан Республикасы Ауыл шаруашылығы министрінің 2012 жылғы 26 наурыздағы № 25-03-02/122 бұйрығына сәйкес (Нормативтік құқықтық актілерді мемлекеттік тіркеу тізілімінде № 7513 нөмірмен тіркелген).
      Ескерту. 18-тармақ жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.

3. Балықшы куәлiгiн беру тәртiбi

      19. Балықшы куәлігін беру бекiтiлiп берiлген балық шаруашылығы су айдындарында және (немесе) учаскелерiнде атқаратын міндеттеріне сәйкес балық ресурстарын және басқа да су жануарларын аулауды жүзеге асыратын осы балық шаруашылығы субъектісінің қызметкерлеріне балық шаруашылығы субъектісінің өкілімен жүзеге асырылады.
      20. Балықшы куәлігін беруді жүзеге асыратын балық шаруашылығы субъектісінің өкілі балық шаруашылығы субъектісі басшысының бұйрығымен тағайындалады.
      21. Егер балықшы куәлігі жоғалса немесе жарамсыз болып қалса балық шаруашылығы субъектісі балықшының өтініші бойынша балықшы куәлігіне дубликат береді.
      22. Балықшы куәлігінің қолданылу мерзімі балық шаруашылығы субъектісімен бекітіледі.
      23. Куәліктің әрекет ету мерзімі аяқталса немесе балықшы жұмыстан  босатылған жағдайда куәлік балық шаруашылығы субъектісіне қайтарылып беріледі.

4. Қорықшы куәлiгiн беру тәртiбi

      24. Қорықшы куәлігін беру аңшылық және балық шаруашылығы субъектісімен бекiтiлiп берiлген аңшылық алқаптар мен балық шаруашылығы су айдындарында және (немесе) учаскелерiнде жануарлар дүниесi объектiлерiн қорғауды жүзеге асыратын қорықшы қызметiнiң қызметкерлеріне Инспекцияға жұмысқа қабылданған қызметкерлер туралы ақпарат ұсынылып жүзеге асырылады.
      25. Қорықшы куәлігін беруші аңшылық және балық шаруашылығы субъектісінің өкілі аңшылық және балық шаруашылығы субъектісі басшысының бұйрығымен тағайындалады.
      26. Қорықшы куәлігі жоғалса немесе жарамсыз болып қалса қорықшының өтініші бойынша қорықшы куәлігіне дубликат беріледі.
      27. Қорықшы куәлігі мерзімінің ұзарту мүмкіншілігімен бір жылға жарамды.

Аңшы, балықшы және қорықшы
куәлiгiн беру ережесіне 
1-қосымша        

      Ескерту. 1-қосымша жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.

Нысан

Аңшылар мен аңшылық шаруашылығы субъектілері
қоғамдық бірлестіктерінің республикалық қауымдастығы
_____________________________________________________________________
(аңшылар мен аңшылық шаруашылығы субъектілерінің қоғамдық
бірлестіктері қауымдастығының филиалы немесе өкілдігі)

АҢШЫНЫҢ ЕСЕПТІК КАРТОЧКАСЫ

Аңшылық минимумы бойынша емтихан тапсырғаны туралы белгі ____________
_____________________________________________________________________
       (емтихан алу комиссиясы хаттамасының нөмірі және күні)
Тұлғаның қолы және мөр __________________________

ЕРЕКШЕ БЕЛГІЛЕР

1. Аңшылық қарудың болуы туралы мәліметтер

2. Аң аулайтын иттерді, қыран құстарды тіркеуге алу

3. Жануарлар дүниесін қорғау, өсімін молайту және пайдалану
саласындағы Қазақстан Республикасының заңнамасының бұзылғаны туралы
белгілер ____________________________________________________________
_____________________________________________________________________
_____________________________________________________________________

Аңшы куәлігі:

«__» _________ 20 __ж. «__» _________ 20 __ж. «__» _________ 20 __ж.
«__» _________ 20 __ж. «__» _________ 20 __ж. «__» _________ 20 __ж.
«__» _________ 20 __ж. «__» _________ 20 __ж. «__» _________ 20 __ж.
                                                     дейін ұзартылды.

ЕСЕПКЕ АЛУ ЖӘНЕ ЕСЕПТЕН ШЫҒАРУ ТУРАЛЫ БЕЛГІ

Аңшы, балықшы және қорықшы
куәлiгiн беру ережесіне 
2-қосымша       

      Ескерту. 2-қосымша жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.

Нысан

Сырт жағы

САУАЛНАМА

_____________________________________________________________________
(аңшылар мен аңшылық шаруашылығы субъектілерінің қоғамдық
___________________________________________________________ басшысына
бірлестіктері қауымдастығының филиалы немесе өкілдігі)
_____________________________________________________________________
(аңшы куәлігін (аңшылық билетін) берген ұйымның
_______________________________________ берген № ______ аңшы куәлігін
атауы және берген күні)

беру/ауыстыру үшін мынадай құжаттар беріледі:
1) Қазақстан Республикасы азаматының жеке куәлігінің көшірмесі
(азаматтығы жоқ тұлғалар мен шетелдік азаматтар үшін – аңшылық
шаруашылығы субъектісімен аң аулауды ұйымдастыруға жасалған шарттың
және тұратын елінде берілген олардың аң аулау және жануарлар дүниесін
пайдалануға рұқсат алу құқығын куәландыратын құжаттың көшірмесі);
2) __________________________________________________________________
(сауалнамада көрсетілген мекенжайы бойынша өтініш берушінің тұратынын растайтын құжат)
3) Қазақстан Республикасы cалық төлеушісі куәлігінің көшірмесі;
4) Mөлшері 3 х 4 см фотосурет (түрлі түсті) – 3 дана;
5) Аңшылық минимумы бойынша курсты аяқтағаны туралы сертификаттың көшірмесі.
Жеке тұлғаның тегі, қолы _____________/__________________/
Күні «___» __________ 20 ___ ж.

1. Аңшылық минимумы бойынша курсты өткені туралы белгі

2. Емтиханға жіберілгені туралы белгі

3. Емтихан нәтижелері туралы белгі

Аңшы, балықшы және қорықшы
куәлiгiн беру ережесiне 
3-қосымша        

      Ескерту. 3-қосымша алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.

Аңшы, балықшы және қорықшы
куәлiгiн беру ережесiне 
4-қосымша        

      Ескерту. 4-қосымша жаңа редакцияда - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.

Нысан

Аңшы куәлігін беру
журналы

_____________________________________________________________________
(аңшылар мен аңшылық шаруашылығы субъектілерінің қоғамдық
бірлестіктері қауымдастығының филиалы немесе өкілдігі)

Аңшылар мен аңшылық шаруашылығы субъектілерінің қоғамдық
бірлестіктері қауымдастығы филиалының немесе өкілдігінің басшысы _____________________________________________________________________
_____________________________________________________________________
      (қолы)                               (Т.А.Ж.)

М.О.             «___» ____________ 20 __ ж.

Аңшы, балықшы және қорықшы
куәлiгiн беру ережесiне 
5-қосымша       

      Ескерту. 5-қосымша алынып тасталды - РҚ Ауыл шаруашылығы министрінің 2012.10.24 № 17-03/541 (2013.01.01 бастап қолданысқа енгізіледі) бұйрығымен.