2009 жылға арналған қалалық бюджет туралы

      Қазақстан Республикасының Бюджет кодексінің 85 бабына, Қазақстан Республикасының 2001 жылғы 23 қаңтардағы N 148 «Қазақстан Республикасындағы жергілікті мемлекеттік басқару туралы» Заңының 6 бабы 1 тармағының 1 тармақшасына және облыстық мәслихаттың «2009 жылға арналған облыстық бюджет туралы» 2008 жылғы 10 желтоқсандағы N 10/116 шешіміне (нормативтік құқықтық кесімдерді мемлекеттік тіркеу Тізілімінде 2008 жылғы 12 желтоқсандағы N 2034 болып тіркелген) сәйкес, қалалық мәслихат ШЕШІМ ЕТТІ:

      1. 2009 жылға арналған қалалық бюджет 1 - қосымшаға сәйкес мынадай көлемде бекітілсін:
    1) кірістер – 11 163 445 мың теңге, соның ішінде:
      салықтық түсімдер – 8 132 656 мың теңге;
      салықтық емес түсімдер – 262 938 мың теңге;
      негізгі капиталды сатудан түсетін түсімдер – 752 314 мың теңге;
      трансферттер түсімі – 2 015 537 мың теңге;
      2) шығындар – 11 634 714 мың теңге;
      3) таза бюджеттік кредиттеу – 0 теңге, соның ішінде:
      бюджеттік кредиттер – 0 теңге;
      бюджеттік кредиттерді өтеу – 0 теңге;
      4) қаржы активтерiмен операциялар бойынша сальдо – 135 223 мың теңге, соның ішінде:
      қаржы активтерiн сатып алу – 135 223 мың теңге;
      мемлекеттің қаржы активтерін сатудан түсетін түсімдер – 0 теңге;
      5) бюджет тапшылығы (профициті) – 606 492 мың теңге;
      6) бюджет тапшылығын қаржыландыру (профицитін пайдалану) – 606 492 мың теңге, соның ішінде:
      қарыздар түсімі – 48 975 мың теңге;
      қарыздарды өтеу – 300 000 мың теңге;
      бюджет қаражатының пайдаланылатын қалдықтары – 857 517 мың теңге.
      Ескерту. 1 тармаққа өзгертулер енгізілді - Ақтау қаласы мәслихатының 2009.02.12 N 17/157 (2009.01.01 бастап қолданысқа енеді), 2009.04.17 N 18/165 (2009.01.01 бастап қолданысқа енеді),  2009.05.07 N 19/177 (2009.01.01 бастап қолданысқа енеді), 2009.06.24  № 20/182(2009.01.01 бастап қолданысқа енеді), 2009.07.20 № 21/191(2009.01.01 бастап қолданысқа енеді), 2009.09.08 № 23/213 (2009.01.01 бастап қолданысқа енеді) шешімдерімен.

      2. Салықтық түсімдер бойынша қалалық бюджетке кірістер бөлу нормативтері мыналар бойынша төмендегідей көлемде белгіленгені ескерілсін:
      төлем көзінен ұсталатын кірістен алынатын жеке табыс салығы –  17,2 пайыз;
      төлем көзінен ұсталмайтын кірістен алынатын жеке табыс салығы – 100 пайыз;
      қызметін біржолғы талондар бойынша жүзеге асыратын жеке тұлғалардан алынатын жеке табыс салығы – 100 пайыз;
      төлем көзінен салық салынатын шетелдік азаматтар табыстарынан ұсталатын жеке табыс салығы – 100 пайыз;
      төлем көзінен салық салынатын шетелдік азаматтар табыстарынан ұсталмайтын жеке табыс салығы – 100 пайыз;
      әлеуметтік салық – 15,7 пайыз.
      Ескерту. 2 тармаққа өзгертулер енгізілді - Ақтау қаласы мәслихатының 2009.02.12 N 17/157 (2009.01.01 бастап қолданысқа енеді), 2009.04.17 N 18/165 (2009.01.01 бастап қолданысқа енеді), 2009.06.24 № 20/182 (2009.01.01 бастап қолданысқа енеді), 2009.07.20 № 21/191(2009.01.01 бастап қолданысқа енеді), 2009.09.08 № 23/213 (2009.01.01 бастап қолданысқа енеді) шешімдерімен.

      3. Қалалық бюджеттен бөлінетін, азаматтардың жекелеген санаттарына берілетін әлеуметтік төлемдер мынадай көлемде бекітілсін:
      1)1,5 айлық есептік көрсеткіш мөлшерінде тоқсан сайынғы әлеуметтік көмек:
      Ұлы Отан соғысының қатысушылары мен мүгедектеріне;
      жеңілдіктер мен кепілдіктер жағынан Ұлы Отан соғысының қатысушылары мен мүгедектеріне теңестірілген адамдар;
      Ұлы Отан соғысының ардагерлерінің қайта тұрмыс құрмаған жесірлері;
      мүгедектігі бойынша мемлекеттік әлеуметтік жәрдемақы алушылар;
      жасына байланысты мемлекеттік әлеуметтік жәрдемақы алушылар;
      асыраушысынан айырылу жағдайы бойынша мемлекеттік әлеуметтік жәрдемақы алушылар (балаларға);
      2)1 айлық есептік көрсеткіш мөлшерінде ай сайынғы әлеуметтік көмек:
      Ұлы Отан соғысының қатысушылары мен мүгедектері;
      жеңілдіктер мен кепілдіктер жағынан Ұлы Отан соғысының қатысушылары мен мүгедектеріне теңестірілген адамдар;
      Ұлы Отан соғысының ардагерлерінің қайта тұрмыс құрмаған жесірлері;
      мүгедектігі бойынша мемлекеттік әлеуметтік жәрдемақы алушылар;
      жалғызілікті зейнеткерлерге;
      3) ай сайынғы қосымша үстемақы:
      облыстық маңыздағы дербес зейнеткерлерге 1 айлық есептік көрсеткіш көлемінде;
      қаланың құрметті азаматтарының, Ұлы Отан соғысының ардагерлері мен мүгедектерінің үй ішіндегі электр қондырғыларының қызмет етуіне 58 теңге;
      4) 5 айлық есептік көрсеткіш мөлшерінде үйден оқып және тәрбиеленетін бала кезден мүгедек балаларға ай сайынғы әлеуметтік көмек;
      5) Қазақстан Республикасының мемлекеттік мерекелері мен атаулы күндер құрметіне бір жолғы әлеуметтік көмек:
      Ұлы Жеңіс күніне (9 мамыр):
      Ұлы Отан соғысының қатысушылары мен мүгедектеріне 30 000 теңге мөлшерінде;
      Ауғанстанда әскери қызметін өтеу кезінде мүгедек болған әскери қызметшілерге 25 000 теңге мөлшерінде;
      Ауғанстанда әскери қимылдарға қатысқан әскери қызметшілерге 20 000 теңге мөлшерінде;
      Чернобыль АЭС-дағы апаттың салдарын жоюға қатысқан және Чернобыль АЭС- дағы апаттың салдарынан мүгедек болған адамдарға 20 000 теңге;
      Ұлы Отан соғысы ардагерлерінің қайта тұрмыс құрмаған жесірлеріне 3 айлық есептік көрсеткіш мөлшерінде;
      жеңілдіктер мен кепілдіктер жағынан Ұлы Отан соғысының мүгедектеріне теңестірілген адамдардың басқа да санаттарына 3 айлық есептік көрсеткіш мөлшерінде;
      жеңілдіктер мен кепілдіктер жағынан Ұлы Отан соғысының қатысушыларына теңестірілген адамдардың басқа да санаттарына 2 айлық есептік көрсеткіш мөлшерінде;
      Ұлы Отан соғысы жылдары жанқиярлық еңбегі мен мінсіз әскери қызметі үшін орден, медальдармен марапатталған адамдарға 3 айлық есептік көрсеткіш мөлшерінде;
      1941 жылғы 22 маусым мен 1945 жылғы 9 мамыр аралығында 6 айдан кем емес жұмыс істегендер (қызмет еткендер) және тылдағы жанқиярлық еңбегі мен мінсіз әскери қызметі үшін орден, медальдарымен марапатталмаған адамдарға 2 айлық есептік көрсеткіш мөлшерінде;
      Ауғанстандағы ұрыс қимылдары кезінде жараланудың, контузия алудың, зақымданудың немесе ауруға шалдығудың салдарынан қаза тапқан (хабар-ошарсыз кеткен) немесе қайтыс болған әскери қызметшілердің отбасыларына 10 000 теңге мөлшерінде;
      Қарттар күніне (1 қазан):
      70 жастан асқан жалғызілікті зейнеткерлерге 2 айлық есептік көрсеткіш мөлшерінде;
      Мүгедектер күніне (қазанның екінші жексенбісі):
      барлық топтағы мүгедектер, бала кезден мүгедектер, мүгедек-балаларға 2 айлық есептік көрсеткіш мөлшерінде;
      Қазақстан Республикасы күніне (25 қазан):
      асыраушысынан айырылу жағдайы бойынша мемлекеттік әлеуметтік жәрдемақы алушыларға (балаларға) 2 айлық есептік көрсеткіш мөлшерінде;
      Қала күніне:
      қаланың құрметті азаматтарына 10 айлық есептік көрсеткіш көлемінде;
      6) бір жолғы материалдық көмек:
      Ұлы Отан соғысының ардагерлері мен мүгедектеріне, Чернобыль АЭС мүгедектеріне тіс протездерін дайындауға 10 000 теңгеге дейін;
      Ұлы Отан соғысының ардагерлері мен мүгедектеріне–таңдауы бойынша облыстық қоғамдық-саяси газеттің бір түріне жазылу үшін мерзімді баспасөзге жылдық жазылу құны;
      Ұлы Отан соғысының ардагерлері мен мүгедектеріне амбулаториялық ем алу кезінде дәрі-дәрмек сатып алуға 5000 теңге көлемінде;
      аз қамтылған азаматтар мен аса мүжәлсіз азаматтардың басына қиын жағдай туғанда, қалалық бюджеттің қаражатынан берілетін біржолғы материалдық көмек;
      7) Қазақстан Республикасының жоғарғы оқу орындарындағы оқуды төлеу мақсатымен жалпы орта білім беру мектептерінің түлектеріне әлеуметтік көмек.

      4. Ауылдық елді мекендерде жұмыс жасайтын денсаулық сақтау, әлеуметтік қамсыздандыру, білім беру, мәдениет және спорт мемлекеттік ұйымдарының мамандарына осы қызмет түрлерімен қалалық жағдайларда айналысатын мамандармен салыстырғанда, 25 пайызға көтеріңкі жалақы және тарифтік мөлшерлемелер белгіленсін.

      5. Ақтау қалалық Мәслихатының шешімі анықтайтын тәртіп бойынша, қала білім беру ұйымдарының күндізгі оқу нысанында оқитындар мен тәрбиеленушілер үшін қалалық қоғамдық көлікте (таксиден басқа) жеңілдікпен жүруге құқық берілсін.

      6. 2009 жылға арналған қалалық бюджетте облыстық бюджеттен білім беру мемлекеттік ұйымдары үшін оқулықтар мен оқу-әдістемелік кешендерді сатып алу және жеткізуге 27 409 мың теңге сомасындағы нысаналы ағымдағы трансферттер қаралғаны ескерілсін.
      6-1. 2009 жылға арналған қалалық бюджетте республикалық бюджеттен қалалық бюджетке Қазақстан Республикасындағы білімді дамытудың 2005-2010 жылдарға арналған мемлекеттік бағдарламасын іске асыруға нысаналы ағымдағы трансферттер қаралғаны ескерілсін, оның ішінде:
      мемлекеттік негізгі орта және жалпы орта білім беру мекемелерін физика, химия және биология оқу кабинеттерімен қамтамасыз етуге – 12 291 мың теңге;
      мемлекеттік бастауыш, негізгі орта және жалпы орта білім мекемелеріне лингафондық және мультимедиялық кабинеттер жасақтауға – 16 623 мың теңге;
      білім берудің мемлекеттік жүйесіне оқытудың жаңа технологияларын енгізуге – 38 145 мың теңге;
      6-2. *
      6-3. 2009 жылға арналған қалалық бюджетте республикалық бюджеттен қалалық бюджетке әлеуметтік қамсыздандыру аясындағы шараларға нысаналы ағымдағы трансферттер қаралғаны ескерілсін:
      мемлекеттік атаулы әлеуметтік көмек төлеуге – 8 160 мың теңге;
      аз қамтылған отбасылардың 18 жасқа дейінгі балаларына мемлекеттік жәрдемақылар төлеуге – 3 025 мың теңге;
      медициналық-әлеуметтік мекемелерде тамақтану нормасын өсіруге – 2 000 мың теңге;
      6-4. 2009 жылға арналған қалалық бюджетте республикалық бюджеттен қалалық бюджетке ауыл мекендерінің әлеуметтік сала қызметкерлеріне әлеуметтік қолдау көрсетуге 802 мың теңге көлемінде нысаналы ағымдағы трансферттер қаралғаны ескерілсін;
      6-5. 2009 жылға арналған қалалық бюджетте республикалық бюджеттен 2008-2010 жылдарға арналған тұрғын үй құрылысының мемлекеттік бағдарламасын icкe асыру шеңберінде нөлдік сыйақы (мүдде) мөлшерлемесі бойынша 1 179 310 мың теңге көлемінде нысаналы трансферттер мен бюджеттік несиелер қаралғаны ескерілсін, соның ішінде:
      мемлекеттік коммуналдық тұрғын-үй қорының үйін салуға – 594 000 мың теңге;
      құрылысы "100 мектеп және 100 аурухана" жобасы аясында іске асырылып отырған, білім беру және денсаулық сақтау мекемелерінің қызметкерлеріне арналған үй құрылысын аяқтау мақсатында қала бюджетін несиелендіруге – 48 975 мың теңге;
      инженерлік-коммуникациялық инфрақұрылымды дамыту және жайластыруға – 544 000 мың теңге;
      6-6. *
      6-7. 2009 жылға арналған қалалық бюджетте Қазақстан Республикасында 2005-2007 жылдарға арналған тұрғын-үй құрылысын дамытудың Мемлекеттік бағдарламасын іске асыру аясында сыйақының (мүдденің) «нөлдік» ставкасы арқылы тұрғын-үй құрылысына бұрын алынған қарыз бойынша тұрғындарға пәтер сатудан 252 507 мың теңге көлемінде түсімдер қаралғаны ескерілсін.
      Қайтқан қаражат мыналарға:
      300 000 мың теңге – қалалық бюджеттен облыстық бюджетке қарызын өтеуге;
      74 130 мың теңге – 2008-2010 жылдарға арналған тұрғын-үй Мемлекеттік бағдарламасын іске асыру аясында сыйақының (мүдденің) «нөлдік» ставкасы арқылы тұрғын-үй салуының аяқталуына бағытталсын.
      6-8. 2009 жылға арналған қалалық бюджетте республикалық бюджеттен қалалық бюджетке өңірлік жұмыспен қамту және кадрларды қайта даярлау стратегиясын іске асыру аясындағы шараларды қаржыландыруға 700 961 мың теңге сомасында нысаналы ағымдағы және даму трансферттері қаралғаны ескерілсін.
      6-9. 2009 жылға арналған қалалық бюджетте республикалық бюджеттен қалалық бюджетке әлеуметтік жұмыс орындары және жастар тәжірибесі бағдарламасын кеңейтуге 47 518 мың теңге сомасында нысаналы ағымдағы трансферттер қаралғаны ескерілсін, соның ішінде:
      жастар тәжірибесі бағдарламасын кеңейтуге – 14 468 мың теңге;
      әлеуметтік жұмыс орындарын құруға – 33 050 мың теңге.
      Ескерту. 6 тармаққа толықтырулар енгізілді - Ақтау қаласы мәслихатының 2009.02.12 N 17/157 (2009.01.01 бастап қолданысқа енеді), 2009.04.17 N 18/165 (2009.01.01 бастап қолданысқа енеді),  2009.05.07 N 19/177 (2009.01.01 бастап қолданысқа енеді), 2009.09.08  № 23/213(2009.01.01 бастап қолданысқа енеді) шешімдерімен.

      7. Қала әкімдігінің резерві 25 516 мың теңге сомасында бекітілсін.
      Ескерту. 7 тармаққа өзгертулер енгізілді - Ақтау қаласы мәслихатының 2009.02.12 N 17/157 (2009.01.01 бастап қолданысқа енеді), 2009.07.20 № 21/191(2009.01.01 бастап қолданысқа енеді), 2009.09.08 № 23/213 (2009.01.01 бастап қолданысқа енеді) шешімдерімен.

      8. 2 - қосымшаға сәйкес бюджеттік инвестициялық жобаларды (бағдарламаларды) іске асыруға бағытталған қалалық бюджеттің 2009 жылға арналған бюджеттік даму бағдарламаларының тізбесі бекітілсін.

      9. 3 - қосымшаға сәйкес 2009 жылы қалалық бюджеттің орындалу барысында секвесторға жатпайтын бюджеттік бағдарламалардың тізбесі бекітілсін.

      10. 4 - қосымшаға сәйкес Өмірзақ селосы бойынша 2009 жылға арналған бюджеттік бағдарламалар тізбесі бекітілсін.

      11. Осы шешім 2009 жылдың 1 қаңтарынан бастап қолданысқа енгізіледі.

      Сессия төрағасы                             Ы. Көшербай

      Қалалық мәслихаттың хатшысы                   Ж. Матаев

      «КЕЛІСІЛДІ»:
      «Экономика және бюджеттік жоспарлау
      бөлімі» ММ-нің бастығы
      _________________А.Н.Ким
      2008 жылы 23 желтоқсан

2009 жылғы 8 қыркүйектегі № 23/213
қалалық мәслихаттың шешіміне
      1 қосымша

      Ескерту. 1 қосымша жаңа редакцияда - Ақтау қаласы мәслихатының 2009.02.12 N 17/157 (2009.01.01 бастап қолданысқа енеді), 2009.04.17  N 18/165(2009.01.01 бастап қолданысқа енеді), 2009.05.07  N 19/177(2009.01.01 бастап қолданысқа енеді), 2009.06.24 № 20/182 (2009.01.01 бастап қолданысқа енеді), 2009.07.20  № 21/191(2009.01.01 бастап қолданысқа енеді), 2009.09.08 № 23/213 (2009.01.01 бастап қолданысқа енеді) шешімдерімен.

2009 жылға арналған Ақтау қаласының бюджеті

2009 жылғы маусымдағы № 20/182
қалалық мәслихаттың шешіміне
2-қосымша

      Ескерту. 2 қосымша жаңа редакцияда - Ақтау қаласы мәслихатының 2009.02.12 N 17/157 (2009.01.01 бастап қолданысқа енеді), 2009.04.17  N 18/165(2009.01.01 бастап қолданысқа енеді), 2009.05.07  N 19/177(2009.01.01 бастап қолданысқа енеді), 2009.06.24 № 20/182 (2009.01.01 бастап қолданысқа енеді) шешімдерімен.

БЮДЖЕТТІК ИНВЕСТИЦИЯЛЫҚ ЖОБАЛАРДЫ (БАҒДАРЛАМАЛАРДЫ) ІСКЕ АСЫРУҒА БАҒЫТТАЛҒАН БЮДЖЕТТІК БАҒДАРЛАМАЛАРҒА БӨЛІНГЕН, 2009 ЖЫЛҒА АРНАЛҒАН ҚАЛАЛЫҚ БЮДЖЕТТІҢ БЮДЖЕТТІК ДАМУ БАҒДАРЛАМАЛАРЫНЫҢ ТІЗБЕСІ

2008 жылғы 23 желтоқсандағы
N 15/140 қалалық мәслихаттың шешіміне
3 қосымша

2009 ЖЫЛЫ ҚАЛАЛЫҚ БЮДЖЕТТІҢ ОРЫНДАЛУ БАРЫСЫНДА СЕКВЕСТОРҒА ЖАТПАЙТЫН БЮДЖЕТТІК БАҒДАРЛАМАЛАРДЫҢ ТІЗБЕСІ

2008 жылғы 23 желтоқсандағы
N 15/140 қалалық мәслихаттың шешіміне
4 қосымша

2009 ЖЫЛҒА АРНАЛҒАН ӨМІРЗАҚ СЕЛОСІ БОЙЫНША БЮДЖЕТТІК БАҒДАРЛАМА ТІЗБЕСІ