Өнеркәсiптiк меншiк объектiлерiн патенттеу мен тiркеуге байланысты қарсылықтарды апелляциялық кеңеске берудiң және оны қараудың тәртiбi туралы Ережені бекіту туралы

      Қазақстан Республикасының Патент  заңын , Қазақстан Республикасының "Тауар таңбалары, қызмет көрсету таңбалары және тауарлар шығарылған жерлердің атаулары туралы"  Заңын , Селекциялық жетістіктерді қорғау туралы" Қазақстан Республикасының  Заңын  іске асыру мақсатында БҰЙЫРАМЫН:
       Ескерту: Кіріспеге өзгертулер енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 
      1. Өнеркәсіптік меншік объектілерін патенттеу мен тіркеуге байланысты қарсылықтарды апелляциялық кеңеске берудің және оны қараудың тәртібі туралы Ереже бекітілсін. 
      2. Мыналардың: 
      1) Қазақстан Республикасы Министрлер Кабинетінің жанындағы Ұлттық патент ведомствосы Төрағасының 1995 жылғы 4 қыркүйектегі N 22 бұйрығымен бекітілген, Қазақстан Республикасы Министрлер Кабинетінің жанындағы Ұлттық патент ведомствосының Аппелляциялық Кеңесінде дауларды қараудың тәртібі туралы  Ереженің ; 
      2) Қазақстан Республикасы Министрлер Кабинетінің жанындағы Ұлттық патент ведомствосы Төрағасының 1995 жылғы 5 қыркүйектегі N 23 бұйрығымен бекітілген, Қазақстан Республикасы Министрлер кабинетінің жанындағы Ұлттық патент ведомствосы Аппеляциялық Кеңесі  Жарғысының  күші жойылды деп танылсын.
      3. Өнеркәсіптік меншік саласында мемлекеттік саясатты қамтамасыз ету жөніндегі басқарма осы бұйрықты мемлекеттік тіркеуді қамтамасыз етсін.     

       Төрайым

Қазақстан Республикасы   
Әдiлет министрлігі    
Санаткерлiк меншiк құқығы  
жөнiндегi комитет Төрайымының
2001 жылғы 1 қараша N 69  
бұйрығымен бекiтiлген    

  Өнеркәсiптiк меншiк объектiлерiн патенттеу мен тiркеуге
байланысты қарсылықтарды апелляциялық кеңеске
берудiң және оны қараудың тәртiбi туралы
Ереже

1. Жалпы ережелер

      1. Осы Ереже Қазақстан Республикасының Патент  заңының  (әрi қарай - Патент заңы) 32-бабына, Қазақстан Республикасының "Тауар таңбалары, қызмет көрсету таңбалары және тауарлар шығарылған жерлердiң атаулары туралы"  Заңының  (әрi қарай - Тауар таңбалары туралы заң) 41-бабына, "Селекциялық жетістіктерді қорғау туралы" Қазақстан Республикасы Заңының (бұдан әрі - Селекциялық жетістіктер туралы заң)  8-бабының  5-тармағына,  10-бабының  5-тармағына,   21-бабының  2-тармағына сәйкес әзiрлендi және қарсылықтарды апелляциялық кеңеске берудiң және оны қараудың тәртiбiн белгiлейдi. 
      Патент  заңымен , Тауар таңбалары туралы  заңмен , Селекциялық жетістіктер туралы  заңмен  көзделген апелляциялық кеңесiнiң функциясын Қазақстан Республикасы Әдiлет министрлiгiнiң Санаткерлiк меншiк құқығы жөнiндегi комитет (әрi қарай - Комитет) және Қазақстан Республикасы Әдiлет министрлiгi Санаткерлiк меншiк құқығы жөнiндегi комитетiнiң Ұлттық санаткерлік меншік институты (бұдан әрі - сараптама жасау ұйымы) осы Ережеде көзделген тәртiппен жүзеге асырады.
       Ескерту: 1-тармаққа өзгертулер енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .  

      2. Осы Ережеде мынадай негiзгi ұғымдар пайдаланылады: 
      1) өнеркәсiптiк меншiк объектiлерi - өнертабыс, пайдалы модельдер, өнеркәсiптiк үлгілер, тауар таңбалары мен қызмет көрсету таңбалары (әрi қарай - тауар таңбалары), тауарлар шығарылған жерлердiң атаулары, селекциялық жетістіктер;
      2) қорғау құжаттары - өнертабысқа, өнеркәсiптiк үлгiге алдын ала патент, өнертабысқа, өнеркәсiптiк үлгiге, пайдалы модельге патент, тауар таңбасына куәлiк, тауар шығарылған жердің атауын пайдалану құқығына куәлік, селекциялық жетістіктерге патент; 
      3) өтiнiм берушi - өнертабысқа, пайдалы модельге, өнеркәсiптiк үлгiге, селекциялық жетістіктерге, тауар таңбасын тiркеуге, тауар шығарылған жердiң атауын пайдалану құқығын тiркеуге және (немесе) беруге қорғау құжаттарын беруге өтiнiм берген заңды немесе жеке тұлға; 
      4) Мадрид келiсiмi - кейiннен өзгертiп және толықтыра отырып таңбаларды халықаралық тiркеу туралы 1891 жылғы 14 сәуiрдегi Мадрид келiсiмi;
      5) сараптама жасау ұйымы - мемлекеттік монополияға жататын салаларда қызметтерді (тауар таңбаларын, қызмет көрсету таңбаларын, өнертабыстарды, пайдалы модельдерді, өнеркәсіптік үлгілерді, тауар шығарылған жерлердің атауларын, селекциялық жетістіктерді қорғау саласында қызмет көрсету) жүзеге асыратын, уәкілетті органға ведомстволық бағыныстағы ұйым.
       Ескерту: 2-тармаққа өзгертулер мен толықтыру енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

  2. Қарсылықтарды беру

      3. Апелляциялық кеңеске мынадай қарсылықтар берілуі мүмкін:
      1) өнертабысқа, өнеркәсіптік үлгіге алдын ала патент, өнертабысқа, өнеркәсіптік үлгіге, пайдалы модельге патент беруден бас тарту туралы Комитеттің шешіміне (сараптама жасау ұйымының қорытындысына);
      2) тауар таңбасын тіркеуден бас тарту, соның ішінде Мадрид келісімінің 5-бабының 1, 2-тармақтарына сәйкес мәлімделген белгілеуді сараптау нәтижесі бойынша қабылданған тауар таңбасын тіркеуден бас тарту туралы Комитеттің шешіміне (сараптама жасау ұйымының қорытындысына);
      3) тауар шығарылған жердің атауын пайдалану құқығын тіркеуден және (немесе) беруден бас тарту туралы Комитеттің шешіміне;
      4) Комитеттің селекциялық жетістікке патент беруге өтінімді одан әрі қараудан бас тарту туралы, селекциялық жетістікке патент беруден бас тарту туралы шешімдеріне;
      5) өнертабысқа, өнеркәсіптік үлгіге алдын ала патент, өнертабысқа, өнеркәсіптік үлгіге, пайдалы модельге патент беруге;
      6) тауар таңбасын тіркеуге, соның ішінде Мадрид келісімінің 5-бабының 6-тармағына сәйкес тіркеуге қарсы;
      7) тауар шығарылған жердің атауын пайдалану құқығын тіркеуге және (немесе) беруге қарсы;
      8) пайдаланылмауына байланысты тауар таңбасын тіркеу әрекетіне қарсы;
      9) селекциялық жетістікке патент беруге қарсы.
       Ескерту: 3-тармақ жаңа редакцияда жазылды - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .  

      4. Қарсылық Комитетке тiкелей берiледi немесе почтамен жiберiледi. 
      Егер қарсылық факсимильдiк байланыспен немесе электрондық почтамен берiлсе, ол осындай қарсылықты алған күннен бастап бiр айдан кешiктiрiлмей қағазға түсiрiлген түпнұсқамен расталуға тиiс. 

      5. Осы Ереженiң 3-тармағының 1)-3) тармақшаларында көзделген қарсылықты, өтiнiм берушi немесе оның құқықтық мұрагерi тiкелей не өкiл арқылы бередi. 
      Осы Ереженiң 3-тармағының 4), 5)-9) тармақшаларында көзделген қарсылықты, кез келген мүдделi тұлға тiкелей не өкiл арқылы бередi.
       Ескерту: 5-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      6. Қазақстан Республикасынан тыс жерлерде тұратын жеке тұлғалар, немесе шетелдiк заңды тұлғалар Қазақстан Республикасында тiркелген патенттiк сенiм бiлдiрушi арқылы қарсылық бередi және оны қарауға қатысады. 
      Қазақстан Республикасында тұрақты тұратын, бiрақ уақытша одан тыс жерлерде жүрген жеке тұлғалар, Қазақстан Республикасының шегiнде хат жазысу үшiн мекен-жайын көрсеткен жағдайда патенттiк сенiм бiлдiрушiсiз қарсылық бередi және оны қарауға қатыса алады.
       (РҚАО-ның сілтемесі: Келесі Заңдарға көңіл аударыңыз  ст.36 ,  ст.46 ,  ст.15 ) 
      

      7. Қарсылық Патент  заңында , Тауар таңбалары туралы  заңда , Селекциялық жетістіктер туралы  заңда  белгiленген мерзiмдер iшiнде берiледi. 
      Осы Ереженiң 3-тармағының 1)-4) тармақшаларында көрсетiлген қарсылықтарды берудiң мерзiмiн өткiзiп алған өтiнiм берушi, дәлелдi себептер болған жағдайда қарсылықтарды берудiң мерзiмi қалпына келтiрiлуi мүмкiн. Өткiзiп алған мерзiмдi қалпына келтiру туралы өтiнiштi өтiнiм берушiлер Патент заңына, Тауар таңбалары туралы және Селекциялық жетістіктер туралы заңға сәйкес белгiленген мерзiмдер iшiнде беруi мүмкiн. Мұндай өтiнiш апелляциялық кеңеске қарсылықпен бiр мезгілде ұсынылады.
       Ескерту: 7-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      8. Қарсылық мемлекеттiк тiлде немесе орыс тiлiнде ұсынылады. Қарсылыққа қоса тiркелген материалдар мемлекеттiк, орыс және басқа тiлдерде ұсынылады. Егер қоса тiркелген материалдар басқа тiлде ұсынылса, өтiнiшке олардың мемлекеттiк немесе орыс тiлiне аудармасы қоса тiркеледi. 

      9. Қарсылықта қарсылық берген тұлғаның атауы немесе аты, оның орналасқан жерi немесе тұратын жерi, сондай-ақ хат жазысу үшiн мекен-жайы көрсетiледi. 

      10. Осы Ереженiң 3-тармағының 1)-4) тармақшаларында көзделген қарсылық, бiр өтiнiмге қатысты болуға және онда өтiнiмнiң нөмiрiне, дау тудырған қорытындыға немесе шешiмге, сондай-ақ шығарылған қорытындыға, шешiмге келiспеудiң дәлелiне сiлтеме мазмұндалуға тиiс.
       Ескерту: 10-тармаққа өзгертулер енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      11. Осы Ереженiң 3-тармағының 4)-7) тармақшаларында көзделген қарсылық, бiр қорғау құжатына (тауар таңбасының бiр тiркеуiне) қатысты болуға және онда қорғау құжатының нөмiрi (тауар таңбасының тiркеу нөмiрi) көрсетiлуге, сондай-ақ қорғау құжатын (тауар таңбасын тiркеудi) жарамсыз деп тану үшiн Патент  заңымен , Тауар таңбалары туралы  заңмен  немесе Селекциялық жетістіктер туралы   заңмен көзделген негiздiң болуын растайтын дәлелдер мазмұндалуға тиiс. 
       Ескерту: 11-тармаққа өзгертулер енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      12. Берiлетiн қарсылыққа: 
      1) қарсылықтың мәтiнiнде сiлтеме жасалатын материалдар; 
      2) қарсылықты патенттiк сенiм бiлдiрушi немесе өзге өкiл арқылы берген жағдайда, сенiмхат; 
      3) осы Ереженiң 3-тармағының 5), 6), 7), 8), 9) тармақшаларында көзделген қарсылықты берген кезде, қорғау құжатының иесіне қарсылықтың көшiрмесi жiберiлгенiн растайтын құжат қоса тiркелуге тиiс.
       Ескерту: 12-тармаққа өзгертулер енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      13. Қарсылықтың берiлуiне және оны қарауға байланысты iс-қимылды жүзеге асырғаны үшiн Қазақстан Республикасының заңдарына сәйкес ақы алынады. Бұл жағдайда берiлген қарсылыққа тиiстi ақы төленгенiн растайтын құжат қоса тiркелуге тиiс.  (РҚАО-ның сілтемесі: Келесі қаулыларға көңіл аударыңыз   пп.13,14 ,  п.6  )
       Ескерту: 13-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      14. Қарсылық және қоса тiркелген материалдар (сенiмхатты, ақы төленгенiн растайтын құжатты, өтiп кеткен мерзiмдi қалпына келтiру туралы өтiнiштi және қорғау құжатының иесіне қарсылықтың көшiрмесi жiберiлгенiн растайтын құжатты қоспағанда) екi данада берiледi.
       Ескерту: 14-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      15. Қарсылыққа қарсылық берушi тұлға қол қояды. Заңды тұлға атынан өтiнiшке ұйым басшысы немесе лауазымын көрсете отырып уәкiлеттi тұлға қол қояды. 
      Өтiнiш патенттiк сенiм бiлдiрушi немесе өзге өкiл арқылы берiлген жағдайда өтiнiшке тиiсiнше патенттiк сенiм бiлдiрушi немесе өкiл қол қояды.

  3. Қарсылықты тiркеу және қабылдау 

      16. Келiп түскен қарсылық тiркеледi және оған кiрiс нөмiрi берiледi. Қарсылық түскен күннен бастап он бес күн iшiнде Патент  заңымен , Тауар таңбалары туралы  заңмен , Селекциялық жетістіктер туралы  заңмен  және осы Ережемен ұсынылатын қарсылықты берудi ресiмдеу, мазмұндау және рәсiмдеу талаптарының сақталуын тексеру жүзеге асырылады және қажет жағдайларда, қарсылық берген тұлғаның мекен-жайына сауал жiберiлген күннен бастап үш ай мерзiмде жоқ мәлiметтердi және (немесе) материалдарды жiберу қажеттiгi туралы сауал жолданады.
       Ескерту: 16-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .  

      17. Егер қарсылық өзiне қойылатын талаптарды қанағаттандырса, қарсылық берген тұлғаға қарсылықтың қарауға қабылданғаны туралы хабарлама жiберiледi. 

      18. Осы Ереженiң 3-тармағының 4)-7) тармақшаларында көзделген қарсылықты қарауға қабылдағаннан кейiн қорғау құжатының иесiне апелляциялық кеңес алқасының отырысы жоспарланған күнге дейiн ұсынылуы мүмкiн қорғау құжаттарының дау тудырған себептерi бойынша өздерiнiң пайымдауларын ұсыну үшiн қарсылықтың көшiрмесiмен қоса (қарсылықтың көшiрмесi қорғау құжатының иесiне жiберiлiп қойылған жағдайлардан басқа) қарсылықтың түскенi туралы хабарлама жiберiледi. 
      Мадрид келiсiмiне сәйкес тiркелген тауар таңбасының иесiне, аталған хабарлама, егер осыған дейiн иеленушi осы тауар таңбасын тiркеуге байланысты iс жүргiзудi Қазақстан Республикасының патенттiк сенiм бiлдiрушiсiне тапсырмаған болса, тауар таңбасы иесiнiң мекен-жайына тiкелей жiберiледi. Бұл орайда хабарламада қарсылыққа пiкiр бiлдiру, сондай-ақ апелляциялық кеңесте қарсылықты қарауға қатысу Қазақстан Республикасының патенттiк сенiм бiлдiрушiсi арқылы жүзеге асырылуы мүмкiн екендiгi хабарланады. 

      19. Егер: 
      1) қарсылық Қазақстан Республикасының заңдарына сәйкес апелляциялық кеңесте қаралуға жатпаса; 
      2) қарсылыққа қол қойылмаса не оған қол қоюға өкiлеттiгi жоқ тұлға қол қойса; 
      3) қарсылық белгiленген мерзiмдi бұза отырып берiлсе және аталған мерзiмдi ұзарту мен қалпына келтiру мүмкiндiгi жоқ болса; 
      4) өтiнiш берушi қарсылық берудi ресiмдеудiң, мазмұндаудың және рәсiмдеудiң талаптарына қатысты кемшiлiктердi белгiленген мерзiмде жоймаса, қарсылықты қарауға қабылдаудан бас тартылады.
      Аталған мән-жайлар болған жағдайда, қарсылық берген тұлғаға алынған қарсылықтың қарауға қабылдана алмайтыны және ол берiлген жоқ деп есептелетiнi туралы хабарлама жiберiледi.

      20. Қарсылық берген тұлға немесе оның өкiлi берiлген қарсылықты, апелляциялық кеңес алқасында шешiмiнiң қарарлық бөлiгi жарияланғанға дейiн керi қайтарып ала алады.
       Ескерту: 20-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

  4. Қарсылықты қарау мерзiмдерi

      21. Қарсылықты қарау апелляциялық кеңес алқасында Патент заңымен және Тауар таңбалары туралы заңмен, Селекциялық жетістіктер туралы заңмен белгiленген мерзiмдер iшiнде аяқталуға тиiс.
       Ескерту: 21-тармаққа өзгерту, толықтыру енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      22. Қарсылықты қарау мерзiмi қарсылық берген тұлғаның, сондай-ақ қорғау құжаты иесiнiң (тауар таңбасын тiркеу) өтiнiшi, Апелляциялық коллегияның шешімі бойынша, бiрақ қарсылықты қарау үшiн белгiленген мерзiм аяқталатын күннен бастап алты айдан асырмай ұзартылуы мүмкін.
       Ескерту: 22-тармаққа толықтыру енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

  5. Қарсылықты апелляциялық кеңес алқасында қарау

       Ескерту: 5-тараудың атауына өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      23. Қарсылықты қарау құрамында кем дегенде үш мүшесi бар апелляциялық кеңес алқасында (әрi қарай - апелляциялық алқа) жүзеге асырылады. Дауды қарау басталған кезге дейiн апелляциялық алқаның дербес құрамының құпиялылығы қамтамасыз етiлуге тиiс.
       Ескерту: 23-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      24. Апелляциялық алқаның құрамын Апелляциялық кеңестің төрағасы немесе оның орынбасары тағайындайды. 
       Ескерту: 24-тармаққа өзгертулер енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      25. Апелляциялық алқа Комитет және Сараптама жасау ұйымы қызметкерлерінің қатарынан құрылады. Қажетті жағдайларда Апелляциялық алқаның құрамына, сондай-ақ дау нысанасына қатысты салада арнайы білімі бар, шақырылған адамдар кіре алады.
      Шақырылатын адамдардың кандидатураларын Апелляциялық кеңестің төрағасы немесе оның орынбасары бекітеді. 
       Ескерту: 25-тармақ жаңа редакцияда жазылды - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      26. Апелляциялық алқа құрамына өзара туысқандықта, қарсылықты қарауға қатысушылармен туысқандықта тұратын, сондай-ақ даулы қорытындылар және шешiм шығаруға қатысқан тұлғалар кiре алмайды. 
       Ескерту: 26-тармаққа өзгертулер енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      27. Дауды шешкен кезде апелляциялық алқа мүшелерi тәуелсiз болады және шығарылған шешiмнiң негiздiлiгi мен заңдылығын қамтамасыз ете отырып, Қазақстан Республикасының заңдарына, Қазақстан Республикасының халықаралық шарттарына сәйкес қатаң түрде әрекет етедi. 

      28. Дауды апелляциялық кеңесте қараған кезде коммерциялық және қызметтiк құпиялардың жариялануын болдырмау мақсатында Апелляциялық алқаның шешімі, сондай-ақ дауға кез келген қатысушының өтiнiшi бойынша апелляциялық алқа даудың қаралуының құпиялылығы туралы ұйғарым шығарады. Бұл жағдайда апелляциялық алқаның отырысына жiберiлген дауға барлық қатысушылар, қызметтiк немесе коммерциялық құпияны құрайтын және дауды апелляциялық кеңесте қарауға байланысты өздерiне мәлiм болған нақты мәлiметтердiң құпиялылығы (жарияланбайтындығы) туралы мiндеттеме алады.
       Ескерту: 28-тармаққа толықтырулар енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      29. Қарсылық берген тұлға, даулы қорғау құжатының (тауар таңбасын тiркеудің) иесi және өнеркәсiптiк меншiктiң тиiстi объектiсiне сараптама жүргiзген сараптама жасау ұйым өкiлi қарсылықты қарауға қатыса алады. 
      Қарсылық берген тұлға, қорғау құжатының (тауар таңбасын тiркеудiң) иесi осы Ереженiң 6-тармағының ережелерiн ескере отырып, қарсылықты қарауға тiкелей, сондай-ақ өз өкiлi арқылы қатыса алады. Өкiлдiң өкiлеттiгi сенiмхатпен расталуға тиiс. 
      Комитеттiң және сараптама жасау ұйымының қызметкерлерi аталған тұлғалардың өкiлдерi бола алмайды.
       Ескерту: 29-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      30. Қарсылықты қарауға қатысуға құқығы бар және апелляциялық алқа отырысының күнi мен орны туралы хабардар етiлген тұлғаның келмеуi, қарсылықты қарауға кедергi бола алмайды. 

      31. Апелляциялық алқа отырысты өткізу мерзімдерін мынадай жағдайларда:
      1) қарсылықты қарауға қатысу құқығы бар тұлғалардың біреуі келмегендіктен қарсылықты бұл отырыста қарау мүмкін болмаған жағдайда;
      2) мәні бойынша шешім қабылдау үшін жетіспейтін қосымша құжаттарды (дәлелдемелерді) тараптар ұсынуы қажет болғанда;
      3) тараптардың өтініші бойынша;
      4) Апелляциялық алқаның шешімі бойынша өзге де жағдайларда кейінге қалдыруға құқылы. 
       Ескерту: 31-тармақ жаңа редакцияда жазылды - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      32. Апелляциялық алқаның отырысын төрағалық етушi басқарады. Төрағалық етушi апелляциялық алқаның отырысын ашады және алқа мүшелерi мен қарсылықты қарауға қатысушы тұлғаларды таныстырады. 

      33. Қарсылықты қарауға қатысушы кез келген тұлға, осы Ереженiң 26-тармағында аталған себептер бойынша, апелляциялық алқаның кез келген мүшесiне қарсылық бiлдiрудi мәлiмдей алады.
      Қарсылық білдiрудi Апелляциялық кеңестiң төрағасы немесе оның орынбасары қарауға тиiс және ол қанағаттандырылған жағдайда Апелляциялық кеңестiң төрағасы немесе оның орынбасары апелляциялық алқаның жаңа құрамын тағайындайды және отырыстың күнiн жаңадан белгiлейдi.

      34. Қарсылықты мәнi бойынша қарау iстi төрағалық етушiнiң немесе апелляциялық алқа мүшелерiнiң бiрiнiң баяндауымен басталады.
      Iстi одан әрi қарау, әдетте, мынадай тiзбекпен жүргiзiледi:
      1) қарсылық берген тұлғаның және (немесе) оның өкiлiнiң сөз сөйлеуi;
      2) қорғау құжаты (тауар таңбасын тiркеу) иесiнiң және (немесе) оның өкiлiнiң сөз сөйлеуi;
      3) сараптама жасау ұйымының сараптама өкiлiнiң сөз сөйлеуi;
      4) тараптардың апелляциялық алқа мүшелерiнiң сұрақтарына жауап беруi.
       Ескерту: 34-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      35. Қарсылықты қарауға қатысушы тұлғалардың:
      1) iс материалдарымен танысуға, олардан көшiрме жасауға, олардың көшiрмесiне тапсырыс беруге және алуға;
      3) дәлелдемелердi зерттеуге қатысуға;
      4) апелляциялық процеске қатысушыларға сұрақтар қоюға;
      5) өтiнiш айтуға;
      6) алқаға ауызша және жазбаша түсiнiк беруге;
      7) қарсылықты қарау барысында туындаған барлық мәселелер бойынша өзiнiң дәлелдерi мен пайымдауларын ұсынуға;
      8) iске қатысушы басқа тұлғалардың өтiнiштерiне, дәлелдерi мен пайымдауларына қарсылық бiлдiруге құқығы бар.

      36. Iске қатысушы тұлғалар өздерiне тиесiлi құқықтардың барлығын адал пайдалануға мiндеттi.
      Өздерiнiң құқықтарын пайдаланған кездегi кез келген терiс пиғыл немесе дауды қарау үшiн маңызы бар мән-жайлар мен фактiлердi жасыру қарсы жақтағы тараптың пайдасына есептеледi.

      37. Апелляциялық алқа отырысының хаттамасын апелляциялық кеңестiң хатшысы немесе төрағалық етушi апелляциялық алқа мүшелерiнiң қатарынан тағайындаған хатшы жүргiзедi.
      Хаттамада:
      1) қаралып отырған өтiнiмнiң нөмiрi немесе қорғау құжатының (тауар таңбасын тiркеудiң) нөмiрi;
      2) отырыстың күнi және орны;
      3) апелляциялық алқаның құрамы;
      4) қарсылықты қарауға қатысушы тұлғалардың келуi туралы мәлiмет;
      5) қарсылықты қарауға қатысушы тұлғалардың, қарсылықта немесе сараптама жасау ұйымының қорытындысында, Комитеттің шешімінде жоқ дәлелдерден түзiлген өтiнiшiнiң мәнi;
      6) Апелляциялық алқа шешiмiнiң қарарлық бөлiгi көрсетiледi.
      Хаттамаға апелляциялық алқа мүшелерiнiң барлығы қол қояды.
      Қарсылықты қарауға қатысушы тұлғалар және апелляциялық алқа мүшелерi өзiнiң ерекше пiкiрiн хаттамаға енгiзуге немесе оны үш күн мерзiм iшiнде жазбаша түрде ұсынуға құқылы. Бұл құжат тiркеледi және отырыстың хаттамасына қосылады.
       Ескерту: 37-тармаққа толықтыру мен өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      38. Жазатын аппаратура апелляциялық алқаның отырысында апелляциялық алқа мүшелерiнiң және қарсылықты қарауға қатысушы барлық тұлғалардың келiсiмiмен ғана пайдаланылуы мүмкiн. 

  6. Қарсылықтарды қараудың нәтижелерi бойынша
апелляциялық кеңес шығаратын шешiм

      39. Дау мәнi бойынша шешiлген жағдайда апелляциялық алқа шешiм шығарады.

      40. Шешiм апелляциялық алқа мүшелерiнiң жай көпшiлiк даусымен қабылданады. Дауыстардың теңдiгi жағдайында апелляциялық алқа отырысында төрағалық етушiнiң дауысы шешушi болып табылады.

      41. Қарсылықты қарау нәтижелерi бойынша мынадай шешiм шығарылады:
      1) қарсылықты қанағаттандыру туралы;
      2) қарсылықты iшiнара қанағаттандыру туралы;
      3) қарсылықты қанағаттандырудан бас тарту туралы.

      42. Шешiммен келiспеген апелляциялық алқа мүшесi өзiнiң ерекше пiкiрiн жазбаша нысанда баяндайды, ол жария етiлмейдi, бiрақ iске қосылады. 

      43. Апелляциялық алқа мүшелерi қабылдаған шешiмнiң қарарлық бөлiгiн төрағалық етушi қарсылықты қарауға қатысушы тұлғаларға жария етедi. 

      44. Шешiм шығарылған күннен бастап он күн iшiнде апелляциялық комиссия апелляциялық кеңестiң шешiмiн әзiрлейдi және тараптарға жiбередi. Апелляциялық кеңестiң шешiмi жазбаша нысанда баяндалады және ол кiрiспелiк, сипаттамалық, дәлелдемелiк және қарарлық бөлiктерден тұруға тиiс. 
      Апелляциялық кеңестiң шешiмiне апелляциялық алқаның барлық мүшелерi қол қояды. 

      45. Апелляциялық кеңестiң шешiмiн, осы Ереженiң 3-тармағының 1)-4) тармақшаларында көрсетiлген қарсылықтарды қанағаттандыру туралы апелляциялық кеңестiң шешiмiн қоспағанда, Комитет бекiтуге тиiс. 
       Ескерту: 45-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      46. Тараптар шешім жарияланған күннен бастап он күн iшiнде шығарылған шешiммен келiспейтiн дәлелдерiн баяндай отырып, Комитетке өтiнiш жiберуге құқылы.
       Ескерту: 46-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен . 

      47. Апелляциялық кеңестiң шешiмiн бекiту түпкiлiктi шешiм шығарылған күннен бастап бiр ай iшiнде жүргiзiледi. 

      48. Мыналар: 
      1) дау бойынша елеулi мән-жайды анықтаудың толық болмауы; 
      2) алқа дәлелдендi деп есептеген дауды дұрыс шешу үшiн елеулi маңызы бар мән-жайлардың дәлелденбеуi; 
      3) шешiмде баяндалған тұжырымдардың даудың мән-жайына сәйкес келмеуi; 
      4) Қазақстан Республикасының заңдарын, Қазақстан Республикасының халықаралық шарттарын бұзу немесе дұрыс қолданбау апелляциялық кеңес шешiмiн бекiтуден бас тарту үшiн негiз болып табылады. 

      49. Осы Ереженiң 48-тармағында көрсетiлген негiздер болған кезде, Апелляциялық кеңес төрағасы дауды алқа мүшелерiнiң өзге құрамдағы апелляциялық алқасына жаңадан қарауға жiбередi.

      50. Апелляциялық кеңес бекiткен шешiмдi тараптардың төрағалары сараптама жасау ұйымына жiбередi.
       Ескерту: 50-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      51. Комитет бекiткен апелляциялық кеңес шешiмiнiң негiзiнде сараптама жасау ұйымы толық және iшiнара жарамсыз деп танылған қорғау құжаттары туралы, қорғау құжаттарына қатысты өзгерiстер туралы жарияланым жасайды, сондай-ақ аталған мәлiметтердi Өнеркәсiптiк меншiк объектiлерiнiң тиiстi мемлекеттiк тiзiлiмiне енгiзедi.
       Ескерту: 51-тармаққа өзгерту енгізілді - ҚР Әділет министрлігі Санаткерлік меншік құқығы жөніндегі комитеттің 2004 жылғы 22 қыркүйектегі N 55-п   бұйрығымен .

      52. Комитет бекiткен апелляциялық кеңестiң шешiмiне қарсылық берген тұлға немесе қорғау құжатының (тауар таңбасын тiркеудiң) иесi оны алған күннен бастап алты ай iшiнде сотқа шағымдануы мүмкiн.