"Президент пен Үкімет актілерінің
жинағында" және республикалық
баспасөзде жариялануға тиіс
ҚАУЛЫ ЕТЕМІН:
1. 2006 жылдан бастап жыл сайынғы Қазақстан Республикасы Президентінің "Сапа саласындағы жетістіктері үшін" сыйлығын алуға арналған конкурсын және "Алтын сапа" республикалық көрме-конкурсын өткізу белгіленсін.
2. Қосымшаға сәйкес құрамда Қазақстан Республикасы Президентінің "Сапа саласындағы жетістіктері үшін" сыйлығының лауреаты атағын және "Алтын сапа" республикалық көрме-конкурсының дипломанты атаған беру жөніндегі комиссия құрылсын.
3. Қоса беріліп отырған:
1) Қазақстан Республикасы Президентінің "Сапа саласындағы жетістіктері үшін" сыйлығын алуға арналған конкурсты өткізу және лауреаттар атағын беру ережелері;
2) "Алтын сапа" республикалық көрме-конкурсын өткізу және дипломант атағын беру ережелері;
3) Қазақстан Республикасы Президентінің "Сапа саласындағы жетістіктері үшін" сыйлығының лауреаты атағын және "Алтын сапа" республикалық көрме-конкурсының дипломанты атағын беру жөніндегі комиссия туралы ереже бекітілсін.
4. Облыстардың, Астана, Алматы қалаларының әкiмдерi жыл сайынғы "Алтын сапа" өңiрлiк көрме-конкурстарын ұйымдастыру және өткiзу жөнiнде шаралар қабылдасын.
5. Қазақстан Республикасының Үкiметi бiр ай мерзiмде белгiленген тәртiппен:
1) Қазақстан Республикасы Президентiнiң "Сапа саласындағы жетiстiктерi үшiн" сыйлығын алуға арналған конкурсқа қатысушылардың материалдарын ресiмдеу, ұсыну және алдын ала бағалау ережелерiн;
2) "Алтын сапа" өңiрлiк және республикалық көрме-конкурстарына ұсынылатын материалдар мен өнiмдi ресiмдеу, ұсыну, алдын ала сараптамалық бағалау ережелерiн әзiрлесiн және бекiтсiн.
6. Қазақстан Республикасының Үкiметi осы Жарлықты iске асыру жөнiндегi өзге де шараларды қабылдасын.
8. Осы Жарлық ресми жарияланған күнiнен бастап қолданысқа енгiзiледi.
Қазақстан Республикасының
Президентi
Қазақстан Республикасы
Президентінің
2006 жылғы 9 қазандағы
N 194 Жарлығымен
БЕКIТIЛГЕН
Ескерту. Комиссия құрамына өзгерту енгізілді - Қазақстан
Республикасы Президентінің 2007.07.23
N 368
Жарлығымен.
Қазақстан Республикасы Президентінің "Сапа саласындағы жетістіктері үшін" сыйлығының лауреаты атағын және "Алтын сапа" республикалық көрме-конкурсының дипломанты атағын беру жөніндегі комиссияның
ҚҰРАМЫ
Жақсыбеков - Қазақстан Республикасы Президенті
Әділбек Рыскелдіұлы Әкімшілігінің Басшысы, төраға
Оразбақов - Қазақстан Республикасының Индустрия
Ғалым Ізбасарұлы және сауда министрі, төрағаның
орынбасары
Мұхамбетов - Қазақстан Республикасы Индустрия және
Ғабит Мұхамбетұлы сауда министрлігі Техникалық реттеу
және метрология комитетінің төрағасы,
хатшы
Комиссия мүшелері :
Ахметов - Қазақстан Республикасының Көлік
Серік Нығметұлы және коммуникация министрі
Түймебаев - Қазақстан Республикасының Білім және
Жансейіт Қансейітұлы ғылым министрі
Галимов - Қазақстан құрылыс жүргізушілер
Фарит Хабибрахманович қауымдастығының президенті
(келісім бойынша)
Дерновой - Қазақстан Республикасының
Анатолий Григорьевич Денсаулық сақтау министрі
Перуашев - "Атамекен" Одағы" Қазақстан ұлттық
Азат Тұрлыбекұлы экономикалық палатасы" заңды тұлғалар
бірлестігінің басқарма төрағасы
(келісім бойынша)
Ертісбаев - Қазақстан Республикасының Мәдениет
Ермұхамет Қабиденұлы және ақпарат министрі
Ізмұхамбетов - Қазақстан Республикасының Энергетика
Бақтықожа Салахатдинұлы және минералдық ресурстар министрi
Ысқақов - Қазақстан Республикасының
Нұрлан Әбдiлдәұлы Қоршаған ортаны қорғау министрi
Құсайынов - Қазақстан Республикасының Экономика
Марат Әпсеметұлы және бюджеттiк жоспарлау вице-министрi
Попелюшко - Қазақстан тамақ және қайта өңдеу
Анатолий Висханович өөнеркәсiбiнiң тауар өндiрушiлерi
одағының президентi (келісім бойынша)
Пiшембаев - Қазақстан машина жасаушылар одағының
Мейрам Құдайбергенұлы басқарма төрағасы (келісім бойынша)
Радостовец - Қазақстан Республикасының тауар
Николай Владимирович өөндiрушiлерi мен экспорттаушылары
одағының төрағасы (келісім бойынша)
Кравченко - Қазақстан сапа көшбасшылары
Иван Михайлович қауымдастығының басқарма төрағасы
(келісім бойынша)
Сағынтаев - Қазақстан Республикасы Табиғи
Бақытжан Әбдiрұлы монополияларды реттеу агенттiгiнiң
төрағасы
Кузлякин - Қазақстан Сүт одағының тең төрағасы
Александр Константинович (келісім бойынша)
Тiлеубаев - Қазақстан Астық одағының президентi
Нұрлан Сақтапбергенұлы (келісім бойынша)
Қазақстан Республикасы
Президентінің
2006 жылғы 9 қазандағы
N 194 Жарлығымен
БЕКIТIЛГЕН
Қазақстан Республикасы Президентiнiң "Сапа саласындағы
жетiстiктерi үшiн" сыйлығын алуға арналған конкурс
өткiзу және лауреат атағын беру
ЕРЕЖЕЛЕРI
l. Қазақстан Республикасы Президентiнiң "Сапа саласындағы жетiстiктерi үшiн" сыйлығы (бұдан әрi - сыйлық)* ұйымның өнiмнiң және/немесе қызметтердiң сапасы, олардың қауiпсiздiгiн қамтамасыз ету саласында айтарлықтай нәтижелерге қол жеткiзгенi үшiн, сондай-ақ ұйымның сапаны басқарудың тиiмдiлiгi жоғары әдiстерiн енгiзгенi үшiн конкурстық негiзде жыл сайын берiледi.
_________________
* Сыйлық - конкурстың қатысушыларына сыйлық лауреаты атағын, конкурстың эмблемасын және лауреат дипломдарын берудi көздейдi.
2. Қазақстан Республикасы Президентiнiң "Сапа саласындағы жетiстiктерi үшiн" сыйлығының лауреаты атағын және "Алтын сапа" республикалық көрме-конкурсының дипломанты атағын беру жөнiндегi комиссия (бұдан әрi - Комиссия) осы Ережелердiң 5-тармағында көзделген үш номинациядағы екi санат бойынша жыл сайын сыйлықтар бередi.
Сыйлық лауреаты атағы Қазақстан Республикасы Президентiнiң "Сапа саласындағы жетiстiктерi үшiн" сыйлығын алуға арналған конкурстың (бұдан әрi - конкурс) жеңiмпаздарына Комиссия шешiмiнiң негiзiнде берiледi.
3. Сыйлық алуға арналған конкурсты ұйымдастыру тиiстi қаржы жылына арналған республикалық бюджетте осы мақсаттарға көзделген қаражат есебiнен және оның шегiнде жүзеге асырылады.
4. Сыйлық алуға Қазақстан Республикасының аумағында тауарлар өндiрумен (қару-жарақ пен әскери техника өндiрудi қоспағанда), қызметтер көрсетумен айналысатын заңды тұлғалар (бұдан әрi - конкурсқа қатысушылар) үмiткер бола алады.
5. Конкурсқа қатысушылар Комиссияға кемiнде үш жыл iшiнде шығарылатын өнiмнiң немесе көрсетiлетiн қызметтiң жоғары сапасын растауға тиiс.
Ұйымдар конкурсқа мынадай номинациялар бойынша қатысады:
1) "Өндiрiстiк мақсаттағы үздiк кәсiпорын";
2) "Халық тұтынатын тауарларды шығаратын үздiк кәсiпорын";
3) "Қызметтер көрсететiн үздiк кәсiпорын".
Әр номинация бойынша мынадай санаттар бойынша екi сыйлық берiледi:
1) шағын және орта кәсiпкерлiк субъектiсi;
2) iрi кәсiпкерлiк субъектiсi.
6. Қазақстан Республикасы Индустрия және сауда министрлiгi сыйлық алуға арналған конкурстың ұйымдастырушысы (бұдан әрi - конкурсты ұйымдастырушы) болып табылады.
7. Сыйлықты алуға оны белгiлi бiр номинацияда алғаннан кейiн екi жыл iшiнде оған қайта ұсынуға жол берiлмейдi.
8. Конкурсты ұйымдастырушы жыл сайын кезектi конкурс өткiзiлетін жылдың алдындағы жылдың желтоқсанында осы конкурсты өткiзу туралы бұқаралық ақпарат құралдарында хабарлайды.
9. Конкурсқа қатысуға ниет бiлдiрген конкурсқа қатысушылар Қазақстан Республикасы Президентiнiң "Сапа саласындағы жетiстiктерi үшiн" сыйлығын алуға арналған конкурсқа қатысушылардың материалдарын ресiмдеудiң, ұсынудың және алдын ала бағалаудың Қазақстан Республикасының Yкiметi бекiткен ережелерiне сәйкес материалдарды ресiмдейдi және конкурсты ұйымдастырушыға бередi.
10. Конкурсты ұйымдастырушы конкурсқа қатысушылардың материалдарын және осы материалдарға алдын ала қорытындыны Комиссияның қарауына ұсынады.
11. Комиссия осы Ережелердiң 10-тармағында көрсетiлген ұсынылған материалдардың және Комиссия отырысы хаттамасының негiзiнде конкурсқа қатысушыларға сыйлық лауреаты атағын беру туралы шешiм қабылдайды.
12. Сыйлық лауреаты атағына ие болған конкурсқа қатысушыларға тиістi диплом мен конкурстың эмблемасы тапсырылады.
13. Конкурс жеңiмпаздарын марапаттау рәсiмi жыл сайын салтанатты түрде өткiзiледi және Дүниежүзiлiк сапа күнiне орайластырылады (қарашаның екiншi бейсенбiсi).
14. Сыйлық лауреаты атағына ие болған конкурсқа қатысушылардың тiзiмi бұқаралық ақпарат құралдарында жарияланады.
15. Сыйлық лауреаты атағына ие болған конкурсқа қатысушылар сыйлық берiлгеннен кейiн екi жыл iшiнде сыйлық эмблемасын жарнамалық мақсатта пайдалану құқығына ие болады.
16. Сыйлық лауреаты атағына ие болмаған конкурсқа қатысушылар сапа саласындағы қызметiн жетiлдiру жөнiнде конкурсты ұйымдастырушыдан ұсынымдар алады.
Қазақстан Республикасы
Президентiнiң
2006 жылғы 9 қазанындағы
И 194 Жарлығымен
БЕКIТIЛГЕН
1. Қазақстан Республикасы Индустрия және сауда министрлiгi "Алтын сапа" республикалық көрме-конкурсын (бұдан әрi - конкурс) ұйымдастырушы (бұдан әрi - конкурсты ұйымдастырушы) болып табылады, облыстардың, Астана және Алматы қалаларының әкiмдiктерi "Алтын сапа" өңiрлiк көрме-конкурстарының ұйымдастырушылары (бұдан әрi - өңiрлiк конкурстардың ұйымдастырушылары) болып табылады.
2. Конкурстың негiзгi мақсаттары мыналар болып табылады:
1) заңды және жеке тұлғалардың отандық өнiмнiң сапасын арттыруға бағытталған қызметiн жандандыру;
2) Қазақстан нарығын жоғары сапалы және бәсекеге қабiлеттi өнiммен толықтыруға жәрдемдесу;
3) отандық және халықаралық стандарттар негiзiнде сапаны басқару мен қамтамасыз етудiң қазiргi заманғы әдiстерiн кеңiнен енгiзуге алғышарттар жасау және оған жәрдемдесу;
4) сапа проблемаларын шешу қажеттiлiгiне мемлекеттiк органдардың, өнеркәсiптiк, коммерциялық және қоғамдық ұйымдардың назарын аудару;
5) халық арасына сапа идеясын кеңiнен таныту.
3. Мыналар:
1) Қазақстан Республикасы аумағында өнеркәсiптiк, азық-түлiк тауарларын және өндiрiстiк-техникалық мақсаттағы өнiмдердi өндiрудi жүзеге асыратын;
2) конкурсты ұйымдастырушы растаған өнiм сапасының тұрақты жоғары деңгейiн және оны жүйелi түрде жақсартуды қамтамасыз ету бойынша оң нәтижелерi бар заңды тұлға немесе жеке кәсiпкер конкурсқа қатысушы бола алады.
4. Конкурсқа қатысуға ниет бiлдiрген заңды тұлға немесе жеке кәсiпкер Қазақстан Республикасының Yкiметi бекiткен "Алтын сапа" өңiрлiк және республикалық көрме-конкурстарына ұсынылатын материалдар мен өнiмдi ресiмдеу, ұсыну және алдын ала сараптамалық бағалау ережелерiне сәйкес материалдарды ресiмдейдi және конкурсты ұйымдастырушыға бередi.
5. Конкурс мынадай үш номинация бойынша жүргiзiледi:
1) "Өндiрiстiк мақсаттағы үздiк тауарлар";
2) "Халық тұтынатын үздiк тауарлар";
3) "Үздiк азық-түлiк тауарлар".
6. Конкурс Комиссия шешiмiмен бекiтілетiн iс-шаралар жоспарына сәйкес өткiзiледi.
Өңiрлiк конкурстардың ұйымдастырушылары өңiрлiк конкурстар жеңiмпаздарының қажеттi құжаттарын конкурсты ұйымдастырушыға жiбередi.
Өңiрлiк конкурстардың жеңiмпаздары республикалық конкурсқа қатысады.
7. Конкурсты ұйымдастырушы өңiрлiк конкурс жеңiмпаздарының материалдары мен алдын ала қорытындыны Комиссияның қарауына ұсынады.
8. Комиссия осы Ережелердiң 7-тармағында көрсетiлген материалдардың негiзiнде конкурсқа қатысушыларға "Алтын сапа" республикалық көрме-конкурсының дипломанттары (бұдан әрi - конкурс дипломанттары) атағын беру туралы шешiм қабылдайды. Конкурстың әр номинациясында қосымша, бiрақ екiден аспайтын конкурс дипломанты атағы тағайындалуы мүмкiн.
9. Конкурс дипломанттары "Алтын сапа" республикалық көрме-конкурсының эмблемасымен және әр номинацияда I, II және III дәрежелi дипломдарымен марапатталады.
11. Конкурс дипломанттары екi жыл iшiнде конкурстың эмблемасын жарнамалық мақсатта пайдалану құқығына ие болады.
Қазақстан Республикасы
Президентiнiң
2006 жылғы 9 қазанындағы
N 194 Жарлығымен
БЕКIТIЛГЕН
Қазақстан Республикасы Президентінің "Сапа саласындағы
жетістіктері үшін" сыйлығының лауреаты атағын және "Алтын
сапа" республикалық көрме-конкурсының дипломанты атағын беру
жөніндегі комиссия туралы
ЕРЕЖЕ
1. Қазақстан Республикасы Президентінің "Сапа саласындағы жетістіктері үшін" сыйлығының лауреаты атағын және "Алтын сапа" республикалық көрме-конкурсының дипломанты атағын беру жөніндегі комиссия (бұдан әрі - Комиссия) Қазақстан Республикасы Президентінің жанындағы консультативті-кенесші орган болып табылады және мемлекеттік басқару органдарының басшыларынан, сапаны басқару саласындағы жетекші мамандардан, қоғамдық бірлестіктердің өкілдерінен құралады.
Комиссияның дербес құрамын Қазақстан Республикасының Президенті бекітеді.
2. Комиссия өз қызметінде Қазақстан Республикасының Конституциясын , заңдарын, Қазақстан Республикасы Президентінің актілерін және Қазакстан Республикасының өзге де нормативтік құқықтық актілерін, сондай-ақ осы ережені басшылыққа алады.
3. Комиссияның міндеттері:
1) Қазақстан Республикасы Президентінің "Сапа саласындағы жетістіктері үшін" сыйлығын алуға арналған конкурсқа және "Алтын сапа" республикалық керме-конкурсына (бұдан әрі - конкурстар) қатысу үшін өтінімдер берген қатысушылардың материалдарын қарау;
2) конкурстарға қатысушыларға баға беру және үміткерлерді іріктеу;
3) конкурстардың лауреаттары мен дипломанттарын анықтау.
4. Комиссия өз міндеттеріне сәйкес:
1) мемлекеттік органдармен және өзге де ұйымдармен, сондай-ақ қоғамдық бірлестіктермен өзара іс-қимыл жасасуға;
2) Комиссияның жұмыс органынан Комиссия міндеттерін іске асыру үшін қажетті қосымша материалдарды сұратуға және алуға;
3) Комиссияға жүктелген міндеттерді жүзеге асыру үшін қажетті өзге де құқықтарға ие.
5. Комиссияның құрамына:
1) Комиссия төрағасы;
2) Комиссия төрағасының орынбасары;
3) Комиссия хатшысы;
4) Комиссия мүшелері кіреді.
6. Комиссия төрағасы оның қызметін басқарады, отырыстарда төрағалық етеді, оның жұмысын жоспарлайды, оның шешімдерінің іске асырылуына жалпы бақылауды жүзеге асырады. Комиссия төрағасы болмаған уақытта оның функцияларын өзі тағайындаған орынбасары орындайды.
7. Комиссияның хатшысы жұмыс органы дайындаған құжаттар мен материалдарды Комиссияның мүшелеріне қарауға ұсынады.
8. Комиссияның жұмыс органы болып табылатын Қазақстан Республикасы Индустрия және сауда министрлігіне мынадай функциялар жүктеледі:
1) конкурстардың өткізілу мерзімі мен шарттары туралы бұқаралық ақпарат құралдары және жұмыс органының ресми веб-сайты арқылы хабарлау;
2) конкурстарға қатысушылардан келіп түсетін материалдарды қабылдау және конкурстарға одан әрі қатысу үшін ұйымдарды іріктеу;
3) сапа менеджменті жүйелерін сертификаттау жөніндегі сарапшы-аудиторлар мен тиісті білім саласындағы мамандарды, сондай-ақ құрылатын сараптамалық топтарды тарта отырып, келіп түскен материалдарды сараптауды қоса алғанда, оларды алдын ала қарау;
4) Комиссия отырыстарын дайындау және ұйымдастыру;
5) конкурстардың жеңімпаздарын марапаттау рәсімін ұйымдастыру;
6) конкурстар жеңімпаздарының тәжірибесін таратуға жәрдемдесу.
9. Комиссия жыл сайын конкурстарды ұйымдастыру және өткізу жөніндегі тиісті жылға арналған іс-шаралар жоспарын анықтайды және бекітеді.
10. Комиссияның отырыстары қажеттілігіне қарай, бірақ кемінде жарты жылда бір рет өткізіледі. Комиссияның отырысы Комиссия мүшелерінің жалпы санының кемінде үштен екісі қатысқан жағдайда заңды болып саналады.
11. Конкурстың жеңімпаздарына атақ беру туралы түпкілікті шешім ашық дауыс беру жолымен қабылданады және егер ол үшін Комиссия мүшелерінің жалпы санының көпшілік дауысы берілсе, қабылданды деп саналады. Дауыстар тең бөлінген жағдайда, төраға дауыс берген шешім қабылданды деп саналады. Шешім отырыстың хаттамасымен ресімделеді және оған Комиссияның шешімі ресми басылымда жарияланады.
12. Конкурстардың жеңімпаздарына конкурстардың эмблемаларын және дипломдарын беру Дүниежүзілік сапа күніне (қарашаның екінші бейсенбісі) орайластырылған салтанатты жағдайда жүзеге асырылады.
Конкурс материалдарында қамтылған және жергілікті жерлердегі сараптама барысында алынған ақпарат жасырын болып табылады және конкурсантты бағалаудан басқа өзге де мақсаттар үшін оның жазбаша келісімінсіз пайдаланылмайды.