1. Қоса беріліп отырған Мемлекеттік білім беру ұйымдарында
оқитындардың жекелеген санаттарына мемлекеттік стипендияларды тағайындау
мен төлеудің тәртібі туралы нұсқаулық бекітілсін.
2. "Қазақстан Республикасында оқушы жастарды стипендиялық және
материалдық қамтамасыз ету туралы" Қазақстан Республикасы Үкіметінің 1997
жылғы 4 маусымдағы N 920 қаулысының (Қазақстан Республикасының ПҮАЖ-ы,
1997 ж., N 24, 213-құжат) күші жойылды деп танылсын.
3. Осы қаулы қол қойылған күннен бастап күшіне енеді.
Қазақстан Республикасының
Премьер-Министрі
Қазақстан Республикасы Үкiметiнiң
1999 жылғы 10 желтоқсандағы
N 1903 қаулысымен
бекiтiлген
Мемлекеттiк бiлiм беру ұйымдарында оқитындардың
жекелеген санаттарына мемлекеттік стипендияларды
тағайындау мен төлеудiң тәртібі туралы
Нұсқаулық
1. Жалпы ережелер
1. Мемлекеттік бiлiм беру ұйымдарында оқитындардың жекелеген санаттарына мемлекеттiк стипендияларды тағайындау мен төлеу тәртiбi туралы нұсқаулық (бұдан әрi - Нұсқаулық) "Бiлiм туралы" Қазақстан Республикасының 1999 жылғы 7 маусымдағы Заңына сәйкес әзiрлендi.
2. <*>
ЕСКЕРТУ. 2-тармақ алынып тасталды - ҚР Үкіметінің 2000.08.12. N 1254
қаулысымен. P001254_
3. Мемлекеттiк бiлiм беру ұйымдарының күндiзгi бөлiмдерiнде мемлекеттiк бiлiм тапсырысы (гранты), сондай-ақ бастауыш кәсiптiк бiлiм беретiн мемлекеттiк мекемелер негiзiнде оқитындардың, мемлекеттiк стипендия тағайындалатын және төленетiн, жекелеген санаттарына мына азаматтар жатады: <*>
1) бастауыш, орта және жоғары кәсiптiк бiлiм беретiн мемлекеттік бiлiм беру ұйымдарында оқитын жетiм балалар мен ата-аналарының қамқорлығынсыз қалған балалар (оқушылар мен студенттер); <*>
2) орта кәсiптiк бiлiм беретiн мемлекеттiк бiлiм беру ұйымдарында оқитындар (оқушылар);
3) жоғары кәсiптiк бiлім беретiн мемлекеттiк бiлiм беру ұйымдарында оқитындар (студенттер);
4) жоғары оқу орынынан кейiн кәсiптiк бiлiм беретiн мемлекеттік білім беру ұйымдарында оқитындар (магистранттар, интерндер, аспиранттар, клиникалық ординаторлар, докторанттар);
5) жоғарғы кәсiптiк бiлiм беретiн мемлекеттiк бiлiм беру ұйымдарының дайындық бөлiмдерiнiң тыңдаушылары болып табылатындар (тыңдаушылар).
ЕСКЕРТУ. 3-тармақ өзгерді - ҚР Үкіметінің 2000.08.12. N 1254
қаулысымен. P001254_
4. Нұсқаулық тағайындалуы мен төленуi Қазақстан Республикасы Президентiнiң және Қазақстан Республикасы Үкiметiнiң нормативтiк құқықтық актiлерiмен реттелетiн, Қазақстан Республикасының Президентi тағайындаған стипендияларды, сондай-ақ Қазақстан Республикасының Үкiметi тағайындаған атаулы стипендияларды тағайындау мен төлеудiң тәртiбiне қолданылмайды.
2. Мемлекеттiк тапсырыс немесе грант бойынша мемлекеттік
бiлiм беру ұйымдарында оқитындардың мемлекеттiк
стипендияларының мөлшерi
5. Студенттерге төленетiн ай сайынғы мемлекеттік стипендияның мөлшерi тиiстi жылға арналған республикалық бюджет туралы заңмен жыл сайын белгiленетiн айлық есептiк көрсеткiштiң 2,45 есе мөлшерiнде белгiленедi. <*>
ЕСКЕРТУ. 5-тармақ өзгерді - ҚР Үкіметінің 2000.08.12. N 1254
қаулысымен. P001254_
6. Мемлекеттiк бiлiм гранты негізiнде бiрiншi курсқа қабылданған барлық студенттерге бiрiншi семестрде мемлекеттiк стипендия тағайындалады.
7. Мемлекеттiк білім беру тапсырысы немесе гранты негізiнде мемлекеттiк бiлiм беру ұйымдарына қабылданған студенттерге келесi семестрлерге мемлекеттiк стипендия алдыңғы семестр үшiн емтихандық сессияның қорытындысы бойынша тағайындалады және төленедi.
8. Магистранттар мен интерндерге мемлекеттік стипендия мөлшерi студенттердiң мемлекеттік стипендиясы деңгейiнде белгіленедi.
9. Тыңдаушыларға мемлекеттік стипендия мөлшерi студенттердiң мемлекеттік стипендиясы мөлшерiнiң 85 пайызы мөлшерiнде белгiленедi.
10. Мемлекеттік тапсырыс негiзiнде оқитын оқушыларға мемлекеттiк стипендия студенттердiң мемлекеттік стипендиясының 80 пайызы мөлшерiнде белгiленедi.
11. Мемлекеттік тапсырыс негізiнде оқитын клиникалық ординаторларға мемлекеттік стипендия мөлшерi мемлекеттiк медициналық ұйымның екiншi біліктiлiк санатындағы дәрiгердiң лауазымдық жалақысы деңгейiнде белгiленедi.
12. Мемлекеттiк тапсырыс негiзiнде оқитын аспиранттарға ай сайынғы мемлекеттiк стипендия мөлшерi мемлекеттік ғылыми ұйымның кiші ғылыми қызметкерiнiң лауазымдық жалақысы деңгейiнде белгiленедi.
13. Мемлекеттiк тапсырыс негiзiнде оқитын докторанттарға мемлекеттiк стипендия, жоғары кәсiптiк бiлім беретiн мемлекеттiк білім беру ұйымы доцентiнiң лауазымдық жалақысынан аспайтын, алатын лауазымдық жалақысы мөлшерiнде белгіленедi.
14. <*>
ЕСКЕРТУ. 14-тармақ алынып тасталды - ҚР Үкіметінің 2000.08.12. N 1254
қаулысымен. P001254_
3. Мемлекеттiк тапсырыс немесе грант бойынша
оқитындардың жекелеген санаттарының мемлекеттік
стипендияларының мөлшері
15. Мемлекеттік тапсырыс немесе грант бойынша мемлекеттiк бiлiм беру ұйымдарында оқитындардың жекелеген санаттарына мемлекеттiк стипендия осы нұсқаулыққа қосымшаға сәйкес көлемде көбейтiледi.
16. Қазақстан Республикасының заңдарына сәйкес мемлекет қамқорлығындағы студенттерге магистранттар мен оқушыларға мемлекеттiк стипендия тиiсiнше студенттердiң, магистранттар мен оқушылардың мемлекеттік стипендиясы мөлшерiнiң 50 (елу) пайызы мөлшерiнде белгiленедi.
17. Медициналық қорытындының негiзiнде академиялық демалыста жүрген студенттерге магистранттар мен оқушыларға академиялық демалыс кезiнде мемлекеттiк стипендия студенттердiң, магистранттар мен оқушылардың мемлекеттiк стипендиясы мөлшерiнiң 50 пайызы (мүгедектерге - 75%-i) мөлшерiнде белгiленедi.
Туберкулезбен ауыратын, мемлекеттiк стипендия алатын адамдарға олардың уақытша еңбекке жарамсыздығы туралы денсаулық сақтау органдарының тиiстi қорытындылары болған жағдайда, мемлекеттiк стипендия еңбекке жарамсыздық кезеңі үшiн олар ауырғанға дейiн алып келген мөлшерде белгiленедi және төленедi, бiрақ еңбекке жарамсыздық пайда болған күннен бастап 10 айдан аспайды.
18. Зейнетақы алатын студенттерге, магистранттарға, оқушыларға мемлекеттiк стипендия жалпы негiзде тағайындалады және төленедi.
4. Мемлекеттiк стипендияларды тағайындау мен төлеудiң
тәртiбi
19. Мемлекеттiк стипендия мемлекеттiк тапсырыс (грант) бойынша оқитын, бiлiмдi бақылаудың барлық нысандарын қоса алғанда, емтихандық сессияның нәтижелерi бойынша "жақсы", "өте жақсы" деген бағалар алған студенттерге, магистранттарға, интерндерге емтихандық сессиядан кейiнгi айдың бiрiншi күнiнен бастап тағайындалады және ай сайын төленедi. <*>
Жоғары оқу орындарының студенттерi, магистранттары, интерндерi, бастауыш және орта кәсiптiк оқу орындарының оқушылары болып табылатын барлық үлгерушi (емтихандық сессияның нәтижелерi бойынша қарызы немесе аралық аттестацияның нәтижелерi бойынша қанағаттанарлықсыз бағасы жоқ) жетiм балалар мен ата-аналарының қамқорлығынсыз қалған балаларға мемлекеттiк стипендия тағайындалады. <*>
ЕСКЕРТУ. 19-тармақ өзгерді және толықтырылды - ҚР Үкіметінің
2000.08.12. N 1254 қаулысымен. P001254_
20. Аспиранттарға, докторанттарға, клиникалық ординаторларға және тыңдаушыларға мемлекеттік стипендия оқудың бүкiл мерзiмiне тағайындалады және ай сайын төленiп тұрады.
21. Жазғы сессияның қорытындылары бойынша мемлекеттік стипендияға ұсынылған студенттерге, магистранттар мен оқушыларға стипендия жазғы каникул кезеңi үшiн несиенiң ашылуына қарай екi ай үшiн (шiлде-тамыз) жинақталып төленедi.
22. Сынақтар мен емтихандарды жалпы белгiленген мерзiмде дәлелдi себептер бойынша (сырқаттану, отбасы жағдайы, табиғи зiлзала) тапсыра алмаған студенттерге, магистранттарға, оқушыларға мемлекеттiк бiлiм беру ұйымының басшылығы тапсыруға жеке уақыт белгiлейдi, содан кейiн стипендия жалпы негізде тағайындалады.
23. Жалақы төленетiн жұмыс орындарында және қызметтерде өндiрiстiк практика, жаздық каникул кезеңiнде, сондай-ақ жұмыс кезеңiнде стипендиаттар үшiн жалпы негізде стипендия алу құқығы сақталады.
24. Бiр мемлекеттік оқу орнынан басқасына, бiр оқу орнының бiр мамандығынан екiншiсiне ауыстырылған студенттерге, магистранттар мен оқушыларға стипендия, оқу жоспарларындағы айырмашылық жойылғаннан кейiн, жалпы негізде тағайындалады және төленедi.
25. Академиялық демалыста болу кезiнде, осы Нұсқаулықтың 17-тармағын қоспағанда, мемлекеттiк стипендия төленбейдi. Академиялық демалыстан келген студенттерге магистранттарға, оқушыларға мемлекеттiк стипендияны тағайындау мен төлеу алдағы (кезектi) сессияның қорытындылары бойынша белгiленген тәртiппен тағайындалады және төленедi. Сырқатына байланысты екiншi оқу жылына қалдырылған студенттерге, магистранттарға, оқушыларға стипендия кезектi емтихандық сессияның нәтижелерiне дейiн жалпы негiзде тағайындалады және төленедi.
26. Жүктiлiгiне және босануына байланысты демалысы кезiнде
студенттерге, магистранттарға оқушыларға стипендия заңдарда белгiленген
бүкiл мерзiм iшiнде толық мөлшерде төленедi.
Академиялық демалыс кезiнде жүктiлiгi бойынша еңбекке жарамсыздығы
туралы бiрыңғай үлгiдегi анықтама тапсырылған кезде академиялық демалыс
үзілуге және жүктiлiгi және босануына байланысты демалыс ресiмделуi
тиiс.
Студенттер, магистранттар және оқушылар сәбиге қарауына байланысты ол
1,5 жасқа толғанға дейiн академиялық демалыста болған жағдайда, стипендия
төленбейдi.
<*>
ЕСКЕРТУ. 26-тармақ өзгерді - ҚР Үкіметінің 2000.08.12. N 1254
қаулысымен.
P001254_
5. Қорытынды ережелер
27. Мемлекеттiк стипендиялар:
1) оқитындар мемлекеттiк бiлiм беру ұйымынан шығарылған жағдайда,
шығарылу себебiне қарамастан;
2) оқитындар қайтыс болған жағдайда;
3) мемлекеттік емес бiлiм беру ұйымына ауысқан жағдайда;
4) оқуды бiтiргеннен кейiн, оқуды бiтiргенi туралы бұйрық шыққан
күннен бастап төленбейдi.
28. Мемлекеттiк стипендия төлеудi тоқтату мемлекеттік бiлiм беру
ұйымы басшысының тиiстi бұйрығы шығуымен жүзеге асырылады.
Қазақстан Республикасы Үкіметінің
"Мемлекеттік білім беру ұйымдарында
оқитындардың жекелеген санаттарына
мемлекеттік стипендияларды
тағайындау мен төлеудің тәртібі туралы"
1999 жылғы 10 желтоқсандағы
N 1903 қаулысымен бекітілген
Нұсқаулыққа қосымша
Стипендия алуға құқығы бар мемлекеттік тапсырыс немесе
грант бойынша мемлекеттік білім беру ұйымдарында
оқитындардың жекелеген санаттарының мемлекеттік
стипендиясына үстеменің мөлшері
__________________________________________________________________
р/с Стипендия алушылардың тізбесі Пайызға шаққандағы
үстеменің мөлшері
_________________________________________________________________
1 Жоғары кәсіптік оқу орындарының зағып
немесе мылқау-керең студенттеріне,
магистранттарына, орта кәсіптік оқу 75
орындарының оқушыларына
Соғыс қимылдары немесе өзге де әскери
қызмет міндеттерін атқару кезінде,
Чернобыль АЭС-дағы апат пен басқа да
радиациялық апаттардың және азаматтық
немесе әскери мақсаттағы объектілердегі
авариялардың, ядролық қаруды сынаудың
зардабынан немесе мүгедектігі радиацияға
ұшыраған ата-анасының біреуімен генетикалық
байланыста болғандығынан жаралануы, контузия
алуы, мертігуі немесе ауруға шалдығуы салдарынан
мүгедек болып болып қалған студенттерге,
жоғары кәсіптік оқу орындарының магистранттарына,
орта кәсіби оқу орындарының оқушыларына 50
2 Жетімдер мен ата-аналарының қамқорлығынсыз
қалған, бірақ азаматтардың қарауында
(қамқорлығында) жүрген балалар қатарындағы
студенттерге, жоғары кәсіптік оқу орындарының
магистранттарына, орта кәсіптік оқу
орындарының оқушыларына 30
3 Қазақстан Республикасы Президентінің стипендиясы
тағайындалған, алайда Қазақстан Республикасы
Президентінің шешімдерінде стипендия мөлшері
көрсетілмеген студенттер мен жоғары кәсіптік 100
оқу орындарының магистранттарына
4 Қазақстан Республикасы Үкіметінің шешімімен,
егер аталған шешімдерде стипендияның мөлшері
көрсетілмесе, аса көрнекті ғылым мен мәдениет
қайраткерлері атындағы стипендиялар алатын
студенттерге, жоғары кәсіптік оқу орындарының
магистранттарына, орта кәсіптік оқу орындарының 45
оқушыларына
5 Қазақстан Республикасы Президентінің
стипендиялары мен атаулы стипендиялар алатындардан
басқа, емтихандық сессияның нәтижелері бойынша
тек "өте жақсы" деген баға алған студенттерге,
жоғары кәсіптік оқу орындарының магистранттарына, 15
орта кәсіптік оқу орындарының оқушыларына
______________________________________________________________________
Ескерту.
Қосымшада көзделген үстемелер стипендияның бастапқы мөлшері бойынша
жүргізіледі (басқа арттырулар есепке алынусыз).
Оқығандар:
Қобдалиева Н.М.
Орынбекова Д.К.