Әскери қызметін өткеру кезеңінде әскери қызметші немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу қағидаларын бекіту туралы

      "Әскери қызмет және әскери қызметшілердің мәртебесі туралы" 2012 жылғы 16 ақпандағы Қазақстан Республикасы Заңының 51-бабына сәйкес Қазақстан Республикасының Yкiметi ҚАУЛЫ ЕТЕДІ:

      1. Қоса беріліп отырған Әскери қызметін өткеру кезеңінде әскери қызметші немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу қағидалары бекiтiлсiн.

      2. Мыналардың күші жойылды деп танылсын:

      1) "Әскери қызметшi (әскери мiндеттi) қаза тапқан (қайтыс болған), мүгедектігі анықталған немесе ол жарақат алған жағдайда бiржолғы өтемақы төлеу ережесiн бекiту туралы" Қазақстан Республикасы Үкіметінің 2003 жылғы 18 наурыздағы № 262 қаулысы (Қазақстан Республикасының ПҮАЖ-ы, 2003 ж., № 12, 131-құжат);

      2) "Қазақстан Республикасы Үкіметінiң кейбір шешiмдерiне толықтырулар мен өзгерістер енгізу туралы" Қазақстан Республикасы Үкіметінің 2004 жылғы 31 тамыздағы № 912 қаулысымен бекітілген Қазақстан Республикасы Үкіметінің кейбір шешімдеріне енгізілетін толықтырулар мен өзгерістердің 4-тармағы (Қазақстан Республикасының ПҮАЖ-ы, 2004 ж., № 31, 430-құжат).

      3. Осы қаулы алғашқы ресми жарияланған күнінен бастап күнтізбелiк он күн өткен соң қолданысқа енгiзiледi.

Әскери қызметін өткеру кезеңінде әскери қызметші немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу қағидалары

      Осы Қағидалар "Әскери қызмет және әскери қызметшілердің мәртебесі туралы" 2012 жылғы 16 ақпандағы Қазақстан Республикасы Заңының (бұдан әрi – Заң) 51-бабына сәйкес әзiрлендi және әскери қызметін өткеру кезеңінде әскери қызметші немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы төлеу тәртібін (бұдан әрі – Қағидалар) айқындайды.

1. Жалпы ережелер

      1. Әскери қызметшiге, әскери жиындарға шақырылған әскери мiндеттiге (бұдан әрі – әскери міндетті) немесе оны алуға құқығы бар адамдарға бiржолғы өтемақы (бұдан әрі – өтемақы) төлеу:

      1) әскери қызметші – әскери қызметін өткеру кезеңінде, әскери міндетті әскери жиындарға шақырылған не әскери қызметтен шығарылғаннан, әскери жиындар аяқталғаннан кейін әскери қызмет өткеру, әскери жиындардан өту кезеңінде мертігу (жаралану, жарақаттану, контузия алу) немесе науқастану салдарынан қаза тапқан (қайтыс болған);

      2) әскери қызметшіге немесе әскери мiндеттiге әскери қызметтен шығарылған, әскери жиындар аяқталған күннен бастап бір жыл өткенге дейін олар әскери қызмет өткерген кезеңде, әскери жиындарда болған кезде немесе әскери қызмет міндеттерін орындау, әскери жиындардан өту нәтижесінде мертігуден (жараланудан, жарақаттанудан, контузия алудан), ауырудан туындаған мүгедектік белгіленген;

      3) әскери қызметшілер немесе әскери міндеттілер әскери қызмет міндеттерін орындау кезінде, әскери жиындарда мүгедектiкке әкеп соқтырмаған ауыр мертіккен (жараланған, жарақаттанған, контузия алған) немесе жеңіл мертіккен жағдайларда жүргізіледі.

      2. Әскери қызметшіге, әскери мiндеттiге немесе оны алуға құқығы бар адамға өтемақы төлеуді тиісті уәкілетті мемлекеттік органдар:

      1) Қарулы Күштерде әскери қызметте тұрған немесе әскери қызмет өткерген әскери қызметшілерге Қазақстан Республикасы Қорғаныс министрлігі;

      2) Қазақстан Республикасының Ұлттық ұланында, әскери-тергеу органдарында және азаматтық қорғау саласындағы уәкілетті органның азаматтық қорғаныс басқару органдары мен әскери бөлімдерінде әскери қызметте тұратын немесе әскери қызмет өткерген әскери қызметшілерге – Қазақстан Республикасы Ішкі істер министрлігі;

      4) Қазақстан Республикасы Мемлекеттік күзет қызметінде әскери қызметте тұратын немесе әскери қызмет өткерген әскери қызметшілерге Қазақстан Республикасы Мемлекеттік күзет қызметі;

      5) Қазақстан Республикасы Ұлттық қауіпсіздік комитетінің әскери қарсы барлау және әскери полиция органдарында әскери қызметте тұратын немесе әскери қызмет өткерген әскери қызметшілерге Қазақстан Республикасы Ұлттық қауіпсіздік комитеті;

      Қазақстан Республикасы Ұлттық қауіпсіздік комитетінің Шекара қызметінде әскери қызметте тұратын немесе әскери қызмет өткерген әскери қызметшілерге Қазақстан Республикасы Ұлттық қауіпсіздік комитетінің Шекара қызметі;

      6) әскери прокуратура органдарында әскери қызметте тұратын немесе әскери қызмет өткерген әскери қызметшілерге Қазақстан Республикасы Бас прокуратурасы жүзеге асырады.

      3. Өтемақы алу үшін қажетті құжаттар:

      1) Қарулы Күштерде әскери қызметте тұратын немесе әскери қызмет өткерген әскери қызметшілер бойынша – жергілікті әскери басқару органдарына;

      2) Қазақстан Республикасының Ұлттық ұланында және әскери-тергеу органдарында әскери қызметте тұратын әскери қызметшілер бойынша - қызмет орны бойынша жауапты құрылымдық бөлімшелерге;

      Қазақстан Республикасының Ұлттық ұланында және әскери-тергеу органдарында әскери қызмет өткерген әскери қызметшілер бойынша - жергілікті әскери басқару органдарына;

      3) азаматтық қорғау саласындағы уәкілетті органның азаматтық қорғаныс басқару органдары мен бөлімдерінде әскери қызметте тұратын әскери қызметшілер бойынша – қызмет орны бойынша жауапты құрылымдық бөлімшелерге;

      азаматтық қорғау саласындағы уәкілетті органның азаматтық қорғаныс басқару органдары мен бөлімдерінде әскери қызмет өткерген әскери қызметшілер бойынша – жергілікті әскери басқару органдарына;

      4) Қазақстан Республикасы Мемлекеттік күзет қызметінде әскери қызметте тұратын немесе әскери қызмет өткерген әскери қызметшілер бойынша – қызмет орны бойынша жауапты құрылымдық бөлімшелерге;

      5) Шекара қызметінде, әскери қарсы барлау және әскери полиция органдарында әскери қызметте тұратын немесе әскери қызмет өткерген әскери қызметшілер бойынша – қызмет орны бойынша жауапты құрылымдық бөлімшелерге;

      6) әскери прокуратура органдарында әскери қызметте тұратын немесе әскери қызмет өткерген әскери қызметшілер бойынша – қызмет орны бойынша жауапты құрылымдық бөлімшелерге ұсынылады.

      4. Әскери жиындардан өтетін немесе өткен әскери міндеттілер бойынша өтемақы алу үшін қажетті құжаттар осы Қағидалардың 3-тармағында көрсетілген қызмет орны бойынша тиісті құрылымдық бөлімшелерге немесе жергілікті әскери басқару органдарына ұсынылады.

      5. Заңның 51-бабының 4-тармағында көзделген жағдайларда тиiстi құжаттар ресiмделмейдi және өтемақы төленбейдi.

2. Әскери қызметшi (әскери мiндеттi) қаза тапқан (қайтыс болған) жағдайда өтемақы алу үшiн қажеттi құжаттарды беру тәртібі

      6. Әскери қызметші – әскери қызметін өткеру кезеңінде, әскери міндетті әскери жиындарға шақырылған не әскери қызметтен шығарылғаннан, әскери жиындар аяқталғаннан кейін әскери қызмет өткеру, әскери жиындардан өту кезеңінде мертігу (жаралану, жарақаттану, контузия алу) немесе науқастанусалдарынан қаза тапқан (қайтыс болған) жағдайда өтемақы алуға құқығы бар адамдар осы Қағидалардың 3-тармағында көрсетілген қызмет орны бойынша жауапты құрылымдық бөлімшелерге немесе жергілікті әскери басқару органдарына мынадай құжаттарды:

      1) осы Қағидаларға 1-қосымшаға сәйкес нысан бойынша белгіленген үлгідегі өтiнiшті;

      2) қайтыс болуы туралы куәлiктiң нотариат растаған көшiрмесiн;

      3) заңнамада белгiленген тәртiппен берiлген мұрагерлiкке құқығы туралы куәлiкті;

      4) өтемақы алуға құқығы бар адамның жеке басын куәландыратын құжаттың көшiрмесiн ұсынады.

      7. Осы Қағидалардың 6-тармағында көрсетілген құжаттарды қабылдағаннан кейiн қызмет орны бойынша жауапты құрылымдық бөлімшелер немесе жергілікті әскери басқару органдары:

      1) әскери қызметші немесе әскери міндетті ақшалай үлесте тұрған әскери бөлімнен немесе республикалық мемлекеттік мекемеден осы Қағидаларға 2-қосымшаға сәйкес нысан бойынша қаза тапқан (қайтыс болған) адамның оқиға сәтіндегі ақшалай үлесінің мөлшерi туралы анықтаманы;

      2) әскери қызметшiнi, әскери міндеттіні бөлiм тiзімдерiнен шығару туралы әскери бөлiм командирiнiң (республикалық мемлекеттік мекеме басшысының) бұйрығынан үзіндіні;

      3) әскери қызмет міндеттерін орындауға байланысты әскери қызметшiнiң немесе әскери мiндеттiнiң қаза табуын (қайтыс болуын) тексеру материалдарын;

      4) әскери қызметтен шығарылғаннан, әскери жиындар аяқталғаннан кейiн қайтыс болған адамдарға қатысты әскери-дәрiгерлiк комиссияның қорытындысын (қаулысын) сұратады.

3. Әскери қызметшiге немесе әскери мiндеттiге мүгедектік белгіленген жағдайда өтемақы алу үшiн қажеттi құжаттарды беру тәртібі

      8. Әскери қызмет өткеру кезеңінде келісімшарт бойынша әскери қызметшiге мүгедектiк белгіленген жағдайда ол осы Қағидалардың 3-тармағында көрсетілген қызмет орны бойынша жауапты құрылымдық бөлімшелерге немесе жергілікті әскери басқару органдарына мынадай құжаттарды:

      1) осы Қағидаларға 1-қосымшаға сәйкес нысан бойынша белгiленген үлгідегі өтiнiшті;

      2) Қазақстан Республикасы Еңбек және халықты әлеуметтiк қорғау министрлігінің Бақылау және әлеуметтік қорғау комитеті аумақтық органының мүгедектiгі туралы анықтамасының нотариат растаған көшiрмесiн;

      3) мүгедектiгі әскери қызмет өткеру кезеңiнде мертігуден (жараланудан, жарақаттанудан, контузия алудан), ауырудан туындағанын растайтын әскери-дәрiгерлiк комиссия қорытындысының (қаулысының) нотариат растаған көшiрмесiн ұсынады.

      9. Қызмет орны бойынша жауапты құрылымдық бөлімшелер немесе жергілікті әскери басқару органдары осы Қағидалардың 8-тармағында көрсетілген құжаттарды қабылдағаннан кейін әскери қызметші ақшалай үлесте тұрған әскери бөлімнен немесе республикалық мемлекеттік мекемеден осы Қағидаларға 2-қосымшаға сәйкес нысан бойынша оқиға сәтіндегі ақшалай қаражатының мөлшері туралы анықтаманы сұратады.

      10. Келісімшарт бойынша әскери қызметшіге әскери қызмет міндеттерін орындау нәтижесінде мертігуден (жараланудан, жарақаттанудан, контузия алудан), ауырудан туындаған мүгедектік белгіленген жағдайда әскери қызметтен шығарылғаннан кейін бір жыл өткенге дейін ол осы Қағидалардың 3-тармағында көрсетілген қызмет орны бойынша жауапты құрылымдық бөлімшелерге немесе жергілікті әскери басқару органдарына мынадай құжаттарды:

      1) осы Қағидаларға 1-қосымшаға сәйкес нысан бойынша белгіленген үлгідегі өтінішті;

      2) Қазақстан Республикасы Еңбек және халықты әлеуметтiк қорғау министрлігінің Бақылау және әлеуметтік қорғау комитеті аумақтық органының мүгедектiгі туралы анықтамасының нотариат растаған көшiрмесiн;

      3) мүгедектiгі әскери қызмет өткеру кезеңiнде мертігуден (жараланудан, жарақаттанудан, контузия алудан), ауырудан туындағанын растайтын әскери-дәрiгерлiк комиссия қорытындысының (қаулысының) нотариат растаған көшiрмесiн ұсынады.

      11. Қызмет орны бойынша жауапты құрылымдық бөлімшелер немесе жергілікті әскери басқару органдары осы Қағидалардың 10-тармағында көрсетілген құжаттарды қабылдағаннан кейін:

      1) әскери қызметші ақшалай үлесте тұрған әскери бөлімнен немесе республикалық мемлекеттік мекемеден осы Қағидаларға 2-қосымшаға сәйкес нысан бойынша мүгедектік белгіленген күні шығарылған сәттегі соңғы атқарған лауазымы бойынша ақшалай қаражатының мөлшері туралы анықтаманы;

      2) әскери қызметшіні бөлім тізімдерінен шығару туралы әскери бөлім командирінің (республикалық мемлекеттік мекеме басшысының) бұйрығынан үзіндіні сұратады.

      12. Әскери қызмет өткеру кезеңінде мерзімді қызмет әскери қызметшілеріне, стипендия алатын әскери оқу орындарының (әскери факультеттердің) курсанттарына, әскери жиындарда болған кезеңде әскери міндеттілерге мүгедектік белгіленген жағдайда олар осы Қағидалардың 3-тармағында көрсетілген қызмет орны бойынша жауапты құрылымдық бөлімшелерге немесе жергілікті әскери басқару органдарына мынадай құжаттарды:

      1) осы Қағидаларға 1-қосымшаға сәйкес нысан бойынша белгіленген үлгідегі өтінішті;

      2) Қазақстан Республикасы Еңбек және халықты әлеуметтiк қорғау министрлігінің Бақылау және әлеуметтік қорғау комитеті аумақтық органының мүгедектiгі туралы анықтамасының нотариат растаған көшiрмесiн;

      3) мүгедектiгі әскери қызмет өткеру, әскери жиындардан өту кезеңiнде мертігуден (жараланудан, жарақаттанудан, контузия алудан), ауырудан туындағанын растайтын әскери-дәрiгерлiк комиссия қорытындысының (қаулысының) нотариат растаған көшiрмесi ұсынады.

      13. Қызмет орны бойынша жауапты құрылымдық бөлімшелер немесе жергілікті әскери басқару органдары осы Қағидалардың 12-тармағында көрсетілген құжаттарды қабылдағаннан кейін:

      1) мерзімді қызмет әскери қызметшілеріне, стипендия алатын әскери оқу орындарының (әскери кафедралардың) курсанттарына – әскери бөлімнен немесе республикалық мемлекеттік мекемеден әскери қызмет өткергені туралы анықтаманы;

      2) әскери міндеттілерге – әскери бөлімнен немесе республикалық мемлекеттік мекемеден әскери жиындардан өткені туралы анықтаманы сұратады.

      14. Мерзімді қызмет әскери қызметшiлеріне, стипендия алатын әскери оқу орындарының (әскери факультеттердің) курсанттарына әскери қызмет міндеттерін орындау нәтижесінде мертігуден (жараланудан, жарақаттанудан, контузия алудан), ауырудан туындаған мүгедектік белгіленген жағдайда әскери қызметтен шығарылғаннан кейін бір жыл өткенге дейін олар осы Қағидалардың 3-тармағында көрсетілген қызмет орны бойынша жауапты құрылымдық бөлімшелерге немесе жергілікті әскери басқару органдарына мынадай құжаттарды:

      1) осы Қағидаларға 1-қосымшаға сәйкес нысан бойынша белгіленген үлгідегі өтінішті;

      2) Қазақстан Республикасы Еңбек және халықты әлеуметтiк қорғау министрлігінің Бақылау және әлеуметтік қорғау комитеті аумақтық органының мүгедектiгі туралы анықтамасының нотариат растаған көшiрмесiн;

      3) мүгедектiгі әскери қызмет өткеру кезеңiнде мертігуден (жараланудан, жарақаттанудан, контузия алудан), ауырудан туындағанын растайтын әскери-дәрiгерлiк комиссия қорытындысының (қаулысының) нотариат растаған көшiрмесiн ұсынады.

      15. Қызмет орны бойынша жауапты құрылымдық бөлімшелер немесе жергілікті әскери басқару органдары осы Қағидалардың 14-тармағында көрсетілген құжаттарды қабылдағаннан кейін:

      1) мерзімді қызмет әскери қызметшілеріне, стипендия алатын әскери оқу орындарының (әскери кафедралардың) курсанттарына – әскери қызметшіні бөлім тізімдерінен шығару туралы әскери бөлім командирінің (республикалық мемлекеттік мекеме басшысының) бұйрығынан үзіндіні;

      2) әскери міндеттілерге – әскери бөлімнен немесе республикалық мемлекеттік мекемеден әскери жиындардан өткені туралы анықтаманы сұратады.

4. Әскери қызметшiлер немесе әскери мiндеттілер мүгедектiкке әкеп соқтырмаған мертіккен (жараланған, жарақаттанған, контузия алған) жағдайда өтемақы алу үшiн құжаттарды беру тәртібі

      16. Әскери қызметшi немесе әскери мiндеттi әскери қызмет мiндеттерiн орындау кезінде, әскери жиындарда мүгедектiкке әкеп соқтырмаған мертіккен (жараланған, жарақаттанған, контузия алған) жағдайда олар осы Қағидалардың 3-тармағында көрсетілген қызмет орны бойынша жауапты құрылымдық бөлімшелерге немесе жергілікті әскери басқару органдарына мынадай құжаттарды:

      1) осы Қағидаларға 1-қосымшаға сәйкес нысан бойынша белгіленген үлгідегі өтінішті;

      2) осы Қағидаларға 3-қосымшаға сәйкес нысан бойынша мертігудің (жараланудың, жарақаттанудың, контузия алудың) ауырлық (ауыр немесе жеңiл) дәрежесі туралы әскери-дәрiгерлiк комиссияның анықтамасын ұсынады.

      17. Қызмет орны бойынша жауапты құрылымдық бөлімшелер немесе жергілікті әскери басқару органдары осы Қағидалардың 16-тармағында көрсетілген құжаттарды қабылдағаннан кейін:

      1) әскери қызмет мiндеттерiн орындау (әскери жиындардан өту) кезiнде мертігу (жаралану, жарақаттану, контузия алу) салдарын тексеру материалдарын;

      4) келісімшарт бойынша әскери қызметшілерге – осы Қағидаларға 2-қосымшаға сәйкес нысан бойынша әскери қызметші ақшалай үлесте тұрған әскери бөлімнен немесе республикалық мемлекеттік мекемеден оқиға сәтіндегі ақшалай қаражатының мөлшері туралы анықтаманы сұратады.

5. Өтемақы төлеу тәртiбi

      18. Осы Қағидалардың 3-тармағында көрсетілген қызметі бойынша жауапты құрылымдық бөлімшелер немесе жергілікті әскери басқару органдары осы Қағидалардың 6, 7, 8, 9, 10, 11, 12, 13, 14, 15, 16, 17-тармақтарында көрсетiлген құжаттарды қабылдағаннан кейін келіп түскен күнінен бастап 10 (он) жұмыс күні ішінде оларды осы Қағидалардың 2-тармағында көрсетілген тиісті уәкілетті мемлекеттік органдарға жолдайды.

      Осы Қағидалардың 6, 7, 8, 9, 10, 11, 12, 13, 14, 15, 16, 17-тармақтарында көрсетiлген барлық қажетті құжаттарды алған күнінен бастап eкі ай iшiнде Заңда белгіленген мөлшерде әскери қызметшiлерге, әскери мiндеттiлерге не оны алуға құқығы бар адамдарға өтемақы төлеу жүзеге асырылады.

      19. Әскери қызметші қаза тапқан (қайтыс болған), оған мүгедектік белгіленген, әскери қызмет кезеңінде мертіккен (жараланған, жарақаттанған, контузия алған) жағдайларда өтемақы есептеу кезінде өтемақы мөлшері оқиға болған сәтте соңғы атқарған лауазымы бойынша ақшалай қаражат мөлшерін ескере отырып есептеледі.

      20. Заңда көзделген өтемақы төлеуден бас тартылған жағдайда өтініш берушіге 5 (бес) жұмыс күні ішінде жазбаша хабарлама жолданады.

      21. Өтемақы төлеу осы Қағидалардың 2-тармағында көрсетілген уәкілетті мемлекеттiк органдардың қаржыландыру жоспарларында көзделген республикалық бюджет есебiнен жүргізіледі.

      22. Өтемақыны аудару тұрғылықты жерi бойынша банк мекемелерiнде ашылған алушылардың ағымдағы, жинақ немесе корреспонденттік шоттарына аумақтық қазынашылық бөлімшесі арқылы жүзеге асырылады.

      23. Кәмелетке толмаған алушыға өтемақы төлеу тұрғылықты жерi бойынша екiншi деңгейдегi банкте ашылған алушының ағымдағы, жинақ немесе корреспонденттік шоттарына аудару жолымен ол туралы қорғаншылық және қамқоршылық органдарын, сондай-ақ оның заңды өкiлдерiн бiр мезгілде хабардар ете отырып, құжаттар келіп түскен сәттен бастап екi ай iшiнде жүргiзiледi.

      24. Алушыға өтемақы аударылғаннан кейiн осы Қағидаларға 4-қосымшаға сәйкес нысан бойынша бiржолғы өтемақыны төлеуге өтiнiштердi тiркеу журналында күнiн, өтемақы сомасын және төлем құжатының нөмiрiн көрсете отырып, тиiсті жазба жасалады.

      25. Осы Қағидалардың 2-тармағында көрсетілген уәкілетті органдар өз қызметінің ерекшеліктерін ескере отырып, осы Қағидалардың ережелерін іске асыруға бағытталған нақтылау жөніндегі ведомствалық актілерді қабылдайды.

      26. Өтемақы төлеу бойынша туындайтын даулар Қазақстан Республикасының заңнамасында белгіленген тәртіппен қаралады.

      Кімге: ___________________________________________

      (біржолғы өтемақы төлеуді жүзеге

      асыратын уәкілетті мемлекеттік органның құрылымдық

      бөлімшесінің басшысына)

      __________________________________________________

      ___________________________________________тұратын

      __________________________________________________

      (өтініш берушінің Т.А.Ә.)

      тел:______________________________________________

Біржолғы ақшалай өтемақы төлеуге
ӨТІНІШ

      Сізден ___________________________________________________________

      (оқиғаның сипаты көрсетіледі)

      байланысты маған өтемақы төлеуіңізді сұраймын.

      Бұдан бұрын ______________________________________________________

      (оқиғаның сипаты көрсетіледі)

      байланысты біржолғы ақшалай өтемақыны алдым ______________________

      (иә, жоқ)

      Тиесілі өтемақы төлемін __________________________________________

      (облыс, аудан, қала, алушының тұрғылықты жерінің мекенжайы)

      аударуды сұраймын:

      Банк мекемесінің № _______________________________________________

      __________________________________________________________________

      Филиалдың № ______________________________________________________

      Дербес шоты немесе ағымдағы шоты _________________________________

      ___________________________________________________________ атына

      (Т.А.Ә.)

      Алушының СТН № ___________________________________________________

      Өтінішке мынадай құжаттарды қоса беремін:

      1. _______________________________________________________________

      2. _______________________________________________________________

      3. _______________________________________________________________

      4. _______________________________________________________________

      5. _______________________________________________________________

      6. _______________________________________________________________

      ______ ж. "__" ___________ Өтініш беруші ______ _____________

      (жылы) (күні) (айы) қолы (Т.А.Ә.)

      "Бұрыштама мөртаңба"

АНЫҚТАМА

      ___________________________________________________________________

      (атағы, тегі, аты, әкесінің аты)

      ___________________________________________________________________

      (ведомствоның атауы және оқиға күнінде атқарған лауазымы)

      ___________________________________________________________________

      ______ ж. "__" __________ бастап ________ ж. "__" ___________ дейін (күні) (күні)

      нақты қызмет өткеретінін (қызмет өткергенін) растау үшін берілді.

      20__жылғы "__" __________________ ақшалай үлесі

      (оқиға күні)

      ____________________________________________________________ құрады.

      (сомасы жазумен)

      соның ішінде:

      лауазымдық жалақысы _______________________________________________

      әскери атағы бойынша жалақысы _____________________________________

      ___________________________________________________________________

      Қызметтен шығару себебі (егер қызметтен шығарылған болса):_________

      Анықтама әскери қызметін өткеру кезеңінде әскери қызметші немесе әскери жиындарға шақырылған әскери міндетті қаза тапқан (қайтыс болған) жағдайда, оған мүгедектік белгіленген кезде немесе ол әскери қызмет міндеттерін орындауға байланысты мертіккен жағдайда біржолғы өтемақы тағайындау үшін берілді.

      Командир (бастық) ____________ _____________________________

      (қолы) (Т.А.Ә.)

      М.О.

      Қаржы қызметінің ____________ _____________________________

      бастығы (бухгалтер) (қолы) (Т.А.Ә.)

      "Бұрыштама мөртаңба"

АНЫҚТАМА

      _________________________________________________________________

      (атағы, тегі, аты, әкесінің аты)

      __________________________________________, ол іс жүзінде әскери қызмет міндеттерін орындау кезінде (әскери жиындарда) әскери қызмет міндеттерін орындау нәтижесінде _________________________________

      _________________________________________________________________

      (жарақат алу мән-жайлары көрсетіледі)

      ________________________ _______________________________________

      (жылы, күні, айы) (ауыр немесе жеңіл, жазумен көрсетіледі)

      мертіккенін (жараланғанын, жарақаттанғанын, контузия алғанын) растау үшін берілді.

      _______________________________ _________________________________

      (керек емесі сызылып тасталсын) (әскери қызмет міндеттерін орындау

      нәтижесінде)

      __________________________________________________________________

      мертігудің (жараланудың, жарақаттанудың, контузия алудың) сипаты және оларды оқшаулау көрсетіледі)

      Осыған байланысты 20__ж. "__"_______бастап 20__ж. "__" _______дейін

      ___________________________________________________________________

      (әскери-емдеу мекемесінің атауы көрсетіледі)

      ___________________________________________________________________

      емделуде болды.

      Анықтама әскери қызметшілер немесе әскери міндеттілер мүгедектікке әкеп соқтырмаған мертіккен (жараланған, жарақаттанған, контузия алған) жағдайда біржолғы өтемақы тағайындау үшін берілді.

      М.О. Әскери-дәрігерлік ____________ ________________

      комиссияның төрағасы қолы (Т.А.Ә.)

Біржолғы өтемақы төлеуге өтініштерді тіркеу журналы