Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы

      Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
      2. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                                     С. Ахметов

Қазақстан Республикасы
Үкіметінің      
2013 жылғы 13 тамыздағы
№ 817 қаулысымен  
бекітілген      

Қазақстан Республикасы Үкіметінің кейбір шешімдеріне
енгізілетін өзгерістер мен толықтырулар

      1. «Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 815 қаулысында (Қазақстан Республикасының ПҮАЖ-ы, 2011 ж., № 47, 639-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидасы осы қаулыға 1-қосымшаға сәйкес жаңа редакцияда жазылсын.
      2. «Жұмыспен қамтуға жәрдемдесудің белсенді шараларына қатысатын адамдарға кәсіпкерлікті дамытуды мемлекеттік қолдауды ұйымдастыру және қаржыландыру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 816 қаулысында (Қазақстан Республикасының ПҮАЖ-ы, 2011 ж., № 47, 640-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдарға кәсіпкерлікті дамытуды мемлекеттік қолдауды ұйымдастыру және қаржыландыру қағидасы осы қаулыға 2-қосымшаға сәйкес жаңа редакцияда жазылсын.
      3. «Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 817 қаулысында (Қазақстан Республикасының ПҮАЖ-ы, 2011 ж., № 47, 641-құжат):
      көрсетілген қаулымен бекітілген Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидасы осы қаулыға 3-қосымшаға сәйкес жаңа редакцияда жазылсын.
      4. «Микрокредиттік ұйымдар мен кредиттік серіктестіктерге конкурстық негізде кредит беру қағидасын бекіту туралы» Қазақстан Республикасы Үкіметінің 2011 жылғы 18 шілдедегі № 819 қаулысында (Қазақстан Республикасының ПҮАЖ-ы, 2011 ж., № 47, 642-құжат):
      тақырыбы мынадай редакцияда жазылсын:
      «Микроқаржы ұйымдарына және кредиттік серіктестерге конкурстық негізде кредит беру қағидаларын бекіту туралы»;
      1-тармақ мынадай редакцияда жазылсын:
      «1. Қоса беріліп отырған Микроқаржы ұйымдарына және кредиттік серіктестерге конкурстық негізде кредит беру қағидалары бекітілсін.»;
      көрсетілген қаулымен бекітілген Микроқаржы (микрокредиттік) ұйымдарына және кредиттік серіктестерге конкурстық негізде кредит беру қағидаларында:
      1-тармақ мынадай редакцияда жазылсын:
      «1. Осы Микроқаржы ұйымдарына және кредиттік серіктестіктерге конкурстық негізде кредит беру қағидалары (бұдан әрі – Қағидалар) Қазақстан Республикасы Үкіметінің 2013 жылғы 19 маусымдағы № 636 қаулысымен бекітілген Жұмыспен қамту 2020 жол картасы (бұдан әрі – Бағдарлама) шеңберінде конкурсты ұйымдастыру және өткізу тәртібін, кредиттік ресурстарды іріктеу және микроқаржы (микрокредиттік) ұйымдары мен кредиттік серіктестіктерге беру, сондай-ақ олардың бөлінген кредиттік ресурстарды мақсатты пайдалануына мониторинг жүргізу шарттарын айқындайды.»;
      2-тармақта:
      8) тармақша мынадай редакцияда жазылсын:
      «8) өңірлік комиссия – облыстық маңызы бар жергілікті атқарушы органның жанындағы Бағдарламаны іске асыру мәселелері жөніндегі ведомствоаралық комиссия;»;
      13), 14) тармақшалар мынадай редакцияда жазылсын:
      «13) МҚҰ (МКҰ) үшін соңғы қарыз алушылар – өзін-өзі жұмыспен қамтығандар, жұмыссыздар, табысы аз адамдар, ішінара жұмыспен қамтылғандар, мүгедектер, оқуды аяқтағаннан кейін бір жыл ішінде жалпы білім беретін мектептердің 11-сыныбын, техникалық және кәсіптік білім беру, жоғары және жоғары оқу орнынан кейінгі білім беру ұйымдарын бітірушілер қатарындағы Қазақстан Республикасының азаматтары мен оралмандар;
      14) КС үшін соңғы қарыз алушылар – КС мүшелері, өзін-өзі жұмыспен қамтығандар, жұмыссыздар, табысы аз адамдар, ішінара жұмыспен қамтылғандар, мүгедектер, оқуды аяқтағаннан кейін бір жыл ішінде жалпы білім беретін мектептердің 11-сыныбын, техникалық және кәсіптік білім беру, жоғары және жоғары оқу орнынан кейінгі білім беру ұйымдарын бітірушілер қатарындағы Қазақстан Республикасының азаматтары, сондай-ақ Бағдарламада басымдық белгіленген адамдардың өзге де санаттары мен оралмандар;»;
      3-тармақ мынадай редакцияда жазылсын:
      «3. Республикалық бюджеттен облыстық маңызы бар жергілікті атқарушы органдарға қайтарымдылық, мерзімділік және ақылылық қағидаттарында жылдық 0,01 % сыйақы ставкасымен бюджеттік кредит беріледі.»;
      4-тармақтың бірінші бөлігі мынадай редакцияда жазылсын:
      «4. Облыстық маңызы бар жергілікті атқарушы орган уәкілетті өңірлік ұйымды айқындайды және 5 жылдан аспайтын мерзімге кредит береді және осы Қағидаларға 1-қосымшаға сәйкес онымен келісім жасайды.»;
      46-тармақ мынадай редакцияда жазылсын:
      «46. Мынадай:
      1) егер оған екі конкурсқа қатысушыдан кем қатысса;
      2) егер конкурс қатысушыларының ұсыныстары конкурс шарттарын қанағаттандырмайды деп танылса;
      3) ұсынылған конкурс өтінімдері конкурстық құжаттаманың талаптарына сәйкес келмеген жағдайларда конкурс өтпеді деп танылады.
      Бұл жағдайларда конкурстық комиссияның барлық мүшелері қол қоятын хаттама рәсімделеді.»;
      53-тармақ мынадай редакцияда жазылсын:
      «53. Конкурсқа қатысатын кредиттік ұйым конкурстық өтінімдерін бағалау және салыстыру жөніндегі конкурстық комиссия отырысының нәтижелері бойынша:
      1) конкурстық комиссияның төрағасы, ал ол болмаған жағдайда төрағаның орынбасары конкурстық баға ұсыныстарын бағалауды және салыстыруды жүргізу күні:
      конкурстық комиссияның отырысына қатысып отырған адамдарға өткізілген конкурс нәтижесін жариялайды және қатысушыларға конкурс жеңімпазын хабарлайды;
      конкурс жеңімпазына конкурстық комиссияның төрағасы не оның міндетін атқарушы адам қол қойған жазбаша хабарламаны береді;
      конкурсқа қатысушыларға не оның уәкілетті өкілдеріне өткізілген конкурстың қорытындысы туралы хаттаманың көшірмесін ұсыну күні, уақыты және орны туралы ақпаратты береді;
      2) конкурстық комиссияның хатшысы:
      конкурсқа қатысушы кредиттік ұйымның конкурстық өтінімдерін бағалау және салыстырып қарау жөніндегі конкурстық комиссия отырысы өткізілген күннен бастап екі жұмыс күнінен кешіктірмей, конкурс қорытындысы туралы хаттама жобасын жасайды және оған отырысқа қатысқан конкурстық комиссияның барлық мүшелерінің, сондай-ақ конкурстық комиссия хатшысы өзінің қол қоюын және әрбір бетін дәйектеуін қамтамасыз етеді;
      конкурсқа қатысушы кез келген кредиттік ұйымның талап етуі бойынша (ол туралы мәліметтер конкурсқа қатысуға өтінімдерді тіркеу журналына енгізілген) мұндай жазбаша сұрауды алған күннен бастап бір жұмыс күні ішінде уәкілетті өкілдерге өткізілген конкурс қорытындылары туралы хаттаманың көшірмесін өтеусіз негізде жіберуді не ұсынуды ұйымдастырады.
      Өткізілген конкурс қорытындысы туралы хаттамаға қол қойылған күннен бастап екі жұмыс күні ішінде облыстық маңызы бар жергілікті атқарушы органына көрсетілген хаттаманың көшірмесін жібереді.»;
      63-тармақ мынадай редакцияда жазылсын:
      «63. Кредиттік ресурстарды бергеннен кейін уәкілетті өңірлік ұйым кредиттік ресурстар беру шартына сәйкес мониторингтің жасалған актілерін міндетті түрде қоса отырып, кредиттік ресурстардың мақсатты пайдаланылуына мониторинг жүргізуді жүзеге асырады. Кредиттік ресурстар мақсатсыз пайдаланылған жағдайда уәкілетті өңірлік ұйым кредит беру және кепіл туралы шарттарда көзделген қаржы санкциялары шараларын қолданады.»;
      көрсетілген Қағидаларға 1-қосымшада:
      тақырыбы мынадай редакцияда жазылсын:
      «Жұмыспен қамту 2020 жол картасының екінші бағыты шеңберіндегі жобаларға кредит беру туралы келісім»;
      бірінші бөлік мынадай редакцияда жазылсын:
      «_____________________» (толық атауы) мемлекеттік мекемесі 20__ ж. «___» ______ _________ сенімхат негізінде әрекет ететін бұдан әрі «ЖАО» деп аталатын «_____________________» ММ-нің (толық атауы) атынан бастығы ________________ (Т.А.Ә.), бұдан әрі «уәкілетті өңірлік ұйым» деп аталатын екінші тараптан Жарғы негізінде жұмыс істейтін «______________________» АҚ (толық атауы) атынан басшысы ____________ (лауазымы) ___________________ (Т.А.Ә.) Жұмыспен қамту 2020 жол картасын (бұдан әрі – Бағдарлама) іске асыру мақсатында бірлесіп «Тараптар» деп, әрқайсысы жеке «Тарап», не жоғарыда көрсетілгендей аталатындар кәсіпкерлікті дамыту жөніндегі жобаларды қаржыландыру туралы осы келісімді жасасты.»;
      екінші бөліктің сегізінші, тоғызыншы және оныншы абзацтары мынадай редакцияда жазылсын:
      «өңірлік комиссия – облыстық маңызы бар жергілікті атқарушы органның жанындағы Жұмыспен қамту 2020 жол картасын іске асыру мәселелері жөніндегі ведомствоаралық комиссия;
      соңғы қарыз алушы – кредиттік ұйыммен кредит беру туралы шарт жасаған өзін-өзі жұмыспен қамтығандар, жұмыссыздар, табысы аз адамдар, ішінара жұмыспен қамтылғандар, мүгедектер, оқуды аяқтағаннан кейін бір жыл ішінде жалпы білім беретін мектептердің 11-сыныбын, техникалық және кәсіптік білім беру, жоғары және жоғары оқу орнынан кейінгі білім беру ұйымдарын бітірушілер қатарындағы Қазақстан Республикасының азаматтары, сондай-ақ Бағдарламада басымдық белгіленген адамдардың өзге де санаттары мен оралмандар;
      өңір – облыс.»;
      «3. Тараптардың құқықтары мен міндеттері» деген тарауда:
      4-тармақтың 3) тармақшасы мынадай редакцияда жазылсын:
      «3) кредиттік шартқа сәйкес оларға тікелей кредит беру кезінде кредиттік ұйымның және соңғы қарыз алушылардың кредиттік ресурстарды игеру және мақсатты пайдалануына мониторинг жүргізуге;»;
      «8. Тараптардың мекенжайы, банк деректемелері және қолдары» деген тарауда:
      «СТН» деген аббревиатура алынып тасталсын;
      көрсетілген Келісімге 1-қосымшада:
      жоғарғы оң жақ бұрыштағы «Жұмыспен қамту 2020 бағдарламасының екінші бағыты шеңберіндегі жобаларға кредит беру туралы келісімге 1-қосымша» деген сөздер мынадай редакцияда жазылсын:
      «Жұмыспен қамту 2020 жол картасы бағдарламасының екінші бағыты шеңберіндегі жобаларға кредит беру туралы келісімге 1-қосымша»;
      көрсетілген Келісімге 2-қосымшада:
      жоғарғы оң жақ бұрыштағы «Өңірдегі жобаларды қаржыландыру туралы келісімге 2-қосымша» деген сөздер мынадай редакцияда жазылсын:
      «Жұмыспен қамту 2020 жол картасы бағдарламасының екінші бағыты шеңберіндегі жобаларға кредит беру туралы келісімге 2-қосымша»;
      көрсетілген Қағидаларға 3-қосымшада:
      реттік нөмірі 3-жол мынадай редакцияда жазылсын:

      «

                                                                   »;

      көрсетілген Қағидаларға 6-қосымшада:
      Кредиттік ұйымдарға кредит беру конкурсы бойынша техникалық ерекшелiкте:
      реттік нөмірі 1-жол мынадай редакцияда жазылсын:

      «

                                                                   »;

      реттік нөмірі 7-жол мынадай редакцияда жазылсын:

      «

                                                                   »;

      КҰ соңғы қарыз алушыларға микрокредит беру шарттарында:
      реттік нөмірі 1-жол мынадай редакцияда жазылсын:

      «

                                                                   »;

      реттік нөмірі 4-жол мынадай редакцияда жазылсын:

      «

                                                                   »;

      мынадай мазмұндағы реттік нөмірі 4-1-жолмен толықтырылсын:

      «

                                                                   »;

      реттік нөмірі 6-жол мынадай редакцияда жазылсын:

      «

                                                                   »;

      көрсетілген Қағидаларға 10-қосымшада:
      бірінші бөліктегі «Жұмыспен қамту 2020 бағдарламасы» деген сөздер «Жұмыспен қамту 2020 жол картасы» деген сөздермен ауыстырылсын;
      көрсетілген Қағидаларға 11-қосымшада:
      «Осы Шартта қолданылатын негiзгi терминдер мен анықтамалар:

                                                                    »

      деген жолдар мынадай редакцияда жазылсын:
      «Осы Шартта қолданылатын негiзгi терминдер мен анықтамалар:

                                                                   »;

      «3. Соңғы қарыз алушыларға микрокредит беру шарттары» деген тарауда:
      мына:

      «

                                                                    »

      деген жол мынадай редакцияда жазылсын:

      «

                                                                   »;

      мына:

      «

                                                                    »

      деген жолдан кейін мынадай мазмұндағы жолмен толықтырылсын:

                                                                   »;

      көрсетілген Қағидаларға 12-қосымшада:
      «Осы Шартта қолданылатын негiзгi терминдер мен анықтамалар:

                                                                    »

      деген жолдар мынадай редакцияда жазылсын:
      «Осы Шартта қолданылатын негiзгi терминдер мен анықтамалар:

                                                                   »;

      көрсетілген Қағидаларға 14-қосымшада:
      КҰ-ның бiлiктiлiк талаптарына сәйкестiгiн растайтын құжаттардың тiзбесiнде:
      13) тармақша алынып тасталсын;
      22) тармақша мынадай редакцияда жазылсын:
      «22) кепiл берушiнiң жеке куәлiгiнiң нотариат куәландырған көшiрмесi. Кепіл беруші заңды тұлға болып табылған жағдайда заңды тұлғаның құқық белгілеуші құжаттарының нотариат куәландырған көшірмелерін және кредит және кепіл беру туралы шарттарға қол қоюға өкілеттік берілген адамның жеке куәлігін, ЖСН ұсыну қажет;».

Қазақстан Республикасы
Үкіметінің      
2013 жылғы 13 тамыздағы
№ 817 қаулысына   
1-қосымша      

Қазақстан Республикасы
Үкіметінің      
2011 жылғы 18 шілдедегі
№ 815 қаулысымен   
бекітілген      

Жұмыспен қамтуға жәрдемдесудің белсенді шараларына қатысатын
адамдарды оқытуды, олардың жұмысқа орналасуына жәрдемдесуді
және оларға мемлекеттік қолдау шараларын көрсетуді ұйымдастыру
және қаржыландыру қағидалары

1. Жалпы ережелер

      1. Осы Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидалары (бұдан әрі – Қағидалар) «Халықты жұмыспен қамту туралы» 2001 жылғы 23 қаңтардағы Қазақстан Республикасының Заңына сәйкес әзірленді және Қазақстан Республикасы Үкіметінің 2013 жылғы 19 маусымдағы № 636 қаулысымен бекітілген Жұмыспен қамту 2020 жол картасы бағдарламасының (бұдан әрі – Бағдарлама) үшінші бағыты шеңберінде жұмыспен қамтуға жәрдемдесудің белсенді шараларына қатысатын адамдардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру тәртібін айқындайды.
      2. Жұмыспен қамтуға жәрдемдесудің белсенді шараларына қатысатын адамдарды оқытуға және олардың жұмысқа орналасуына жәрдемдесуге бағытталған шаралар:
      1) оқу және жұмысқа орналасу мәселелері бойынша консультациялар;
      2) стипендия төлей отырып, біліктігін арттырудың, кәсіптік даярлаудың және қайта даярлаудың тегін курстарына жіберу;
      3) оқитындарға субсидиялар беру (оқу орнына дейін және кері жол жүруге, жатақханада тұруға немесе тұрғын үй жалдауға (жалға алуға) байланысты шығындарды өтеу);
      4) лайықты бос жұмыс орындарын іздеуді және жұмысқа (оның ішінде әлеуметтік жұмыс орындарына) орналастыруға жәрдемдесу;
      5) жұмыспен қамтуға жәрдемдесудің белсенді шараларына қатысатын жеке тұлғалардың жалақысын ішінара субсидиялау;
      6) психологиялық бейімдеу жолымен іске асырылады.
      3. Осы Қағидаларда мынадай негізгі ұғымдар пайдаланылады:
      1) әлеуметтік келісімшарт – жұмыспен қамтуға жәрдемдесудің мемлекеттік шараларына қатысатын Қазақстан Республикасының жұмыссыз, өзін-өзі жұмыспен қамтыған және табысы аз азаматтары қатарындағы жеке тұлға мен халықты жұмыспен қамту орталығы арасындағы, тараптардың құқықтары мен міндеттерін айқындайтын келісім;
      2) Бағдарламаға қатысушылар – Бағдарламаға қатысуға оң шешім алған өзін-өзі жұмыспен қамтығандар, жұмыссыздар, табысы аз адамдар, ішінара жұмыспен қамтылғандар, мүгедектер, бітіргеннен кейін бір жыл ішінде жалпы білім беретін мектептердің 11-сыныбын, техникалық және кәсіптік білім беру, жоғары және жоғары оқу орнынан кейінгі білім беру ұйымдарын бітірушілер қатарындағы Қазақстан Республикасының азаматтары, сондай-ақ Бағдарламада басымдылық белгіленген адамдардың өзге де санаттары және оралмандар;
      3) Бағдарлама операторы – халықты жұмыспен қамту саласындағы мемлекеттік саясатты іске асыруды үйлестіруші орталық атқарушы орган;
      4) білім беру саласындағы жергілікті атқарушы орган – техникалық және кәсіптік, орта білімнен кейінгі білім беру саласында білім беру қызметтерін көрсетуді басқару функцияларын іске асыратын жергілікті атқарушы органдардың облыстық білім басқармалары;
      5) білім беру саласындағы уәкілетті орган – білім беру саласындағы басшылықты және салааралық үйлестіруді жүзеге асыратын Қазақстан Республикасының орталық атқарушы органы;
      6) жалпыұлттық дерекқор (бұдан әрі – дерекқор) – жекелеген мамандықтар (кәсіптер) бөлінісінде ағымдағы бос жұмыс орындары мен болжамды жұмыс орындарының дерекқоры;
      7) жұмыспен қамтуға жәрдемдесудің белсенді шаралары – мемлекет Қазақстан Республикасының заңнамасында белгіленген тәртіппен жүзеге асыратын өзін-өзі жұмыспен қамтығандар, жұмыссыздар және табысы аз адамдар қатарындағы Қазақстан Республикасының азаматтарын және оралмандарды мемлекеттік қолдау шаралары;
      8) оралман – тарихи отанында тұрақты тұру мақсатында Қазақстан Республикасына келген және «Халықтың көші-қоны туралы» Қазақстан Республикасының Заңында белгіленген тәртіппен тиісті мәртебе алған, Қазақстан Республикасы егемендік алған кезде одан тыс жерде тұрақты тұрған этникалық қазақ және оның Қазақстан Республикасы егемендік алғаннан кейін одан тыс жерде туған және тұрақты тұрған ұлты қазақ балалары;
      9) уәкілетті орган – өңірлік деңгейде халықтың жұмыспен қамтылуына жәрдемдесуді және жұмыссыздықтан әлеуметтік қорғауды қамтамасыз ететін жергілікті атқарушы органдардың құрылымдық бөлімшесі;
      10) халықты жұмыспен қамту орталығы – жұмыспен қамтуға жәрдемдесудің белсенді шараларын іске асыру мақсатында ауданның, облыстық және республикалық маңызы бар қалалардың, астананың жергілікті атқарушы органы құратын қазыналық мемлекеттік мекеме;
      11) оқуға материалдық көмек – кәсіптік оқудан өтіп жатқан Бағдарлама қатысушысына тамақтану, жол жүру және тұруға арналған шығынды ішінара өтеуге төленетін ақшалай қаражат;
      12) жұмыспен ішінара қамтылған жалдамалы қызметкерлер – толық емес жұмыс уақыты немесе жұмыс уақытының қысқартылған ұзақтығы жағдайында, немесе қызметкерлер әлеуметтік демалыста немесе өндірістің тоқтатылуына байланысты еріксіз бос жүрген жағдайларда еңбек қызметін жүзеге асыратын қызметкерлер;
      13) әлеуметтік демалыс – ана болу, балалардың күтімі үшін, өндірістен қол үзбей білім алу және өзге де әлеуметтік мақсаттар үшін қолайлы жағдай жасау мақсатында қызметкерді белгілі бір кезеңге жұмыстан босату;
      14) кәсіптік оқыту – Бағдарламаға қатысушыларды білім беру ұйымдарында не өндірістік кәсіпорындар мен ұйымдардың жанындағы оқу орталықтарында (бұдан әрі – оқытатын ұйымдар) оқыту, кәсіптік оқыту:
      мамандығы (кәсібі) жоқ, мамандық (кәсіп) игеруді және сол мамандығы (кәсібі) бойынша жұмыс істеуді қалайтын адамдарды; еңбек нарығында сұранысқа ие емес мамандығы (кәсібі) бар, жаңа мамандық (кәсіп) игеруді және сол мамандығы (кәсібі) бойынша жұмыс істеуді қалайтын адамдарды кәсіптік даярлауды;
      егер Бағдарламаға қатысушыларға мамандығы (кәсібі) бойынша лайықты жұмыс ұсыныла алмайтын немесе олардың белгілі бір мамандықтар (кәсіптер) бойынша жұмысты орындауға қабілеттілігі жойылған жағдайда, жаңа мамандықтар (кәсіптер) меңгеру мақсатында қайта даярлауды;
      кәсіби шеберлігін жетілдіру, анағұрлым жоғары разряд (сынып, санат) алу, өндірістік қажеттілікті ескере отырып, озық техника мен технологияны зерттеу және игеру мақсатында біліктілігін арттыруды қамтиды;
      15) өңірлік комиссия – облыстың (республикалық маңызы бар қаланың, астананың) жергілікті атқарушы органының жанындағы жұмыс берушілер, кәсіптік одақтар өкілдерінің қатысуымен Бағдарламаны іске асыру мәселелері жөніндегі ведомствоаралық комиссия.

2. Оқыту және жұмысқа орналастыру мәселелері жөніндегі
консультациялар

      4. Оқытуға қажеттілікті, еңбекке қабілетті халықтың саны мен құрылымын, жұмысқа орналасуға мұқтаж адамдардың санын, іске асырылатын жобалар шеңберінде құрылып жатқан жұмыс орындарының санын айқындау мақсатында жергілікті атқарушы органдар Бағдарлама операторы бекіткен әдістемеге сәйкес Өңірлердің жұмыспен қамту картасын қалыптастырады.
      Жергілікті атқарушы органдар жылына екі рет (есепті жылғы 1 қаңтардағы және 1 шілдедегі жағдай бойынша), 5 қаңтарда және 5 шілдеде Өңірлердің жұмыспен қамту картасының мәліметтерін жаңартады.
      5. Халықты жұмыспен қамту орталықтары:
      1) Өңірлердің жұмыспен қамту картасы негізінде жұмысқа орналасуға мұқтаж еңбекке қабілетті жастағы адамдардың санын айқындайды;
      2) жұмыс берушілерді – аудан (қала) аумағында жұмыс істейтін кәсіпкерлік субъектілері болып табылатын барлық заңды және жеке тұлғаларды есепке алуды жүзеге асырады;
      3) жұмыс берушілерге Бағдарламаға қатысу оның ішінде жұмыс берушілерге Бағдарламаға қатысуға үміткерлерді таңдау, кәсіптік оқуды өту, жұмысқа орналасуға жәрдемдесу тәртібі және шарттары туралы консультация береді;
      4) коммуникация құралдары (интернет, электрондық почта, телефония құралдары және басқалары) арқылы жылына бір рет кезеңділікпен кадрларға ағымдағы және болжамды қажеттілікті айқындау мақсатында жұмыс берушілердің пікіртерімін жүзеге асырады;
      5) Өңірлердің жұмыспен қамту карталарының, жеке жұмыспен қамту агенттіктерінің, рекрутингтік агенттіктердің және жұмыс берушілердің мәліметтері негізінде кәсіптер (мамандықтар) бөлінісінде кадрларға ағымдағы және болжамды қажеттілікті қалыптастырады.
      6. Бағдарламаға қатысушыларды кәсіптік оқыту кадрларға ағымдағы және болжамды қажеттілік негізінде жүргізіледі.
      Ішінара жұмыспен қамтылған жалдамалы қызметкерлер өздері таңдаған мамандықтар (кәсіптер) бойынша кәсіптік оқуға жіберіледі.
      7. Халықты жұмыспен қамту орталықтары Бағдарламаға қатысуға үміткерлерге:
      1) мамандық (кәсіп) таңдауға, кәсіптік оқу және оны аяқтағаннан кейін дерекқорға енгізілген жұмыс орындарын, ағымдағы бос жұмыс орындарын және болжамды қажеттілікті ескере отырып, ықтимал жұмысқа орналасуға көмек;
      2) үміткерлердің кәсіптік құзыреті бар бос жұмыс орындарының біліктілік талаптарына сәйкес келмеген жағдайда бос жұмыс орындары жәрмеңкесіне қатысу мәселелері бойынша консультация береді.
      8. Халыққа қызмет көрсету орталықтары консультация нәтижелері бойынша Бағдарламаға қатысуға үміткерлердің тізімін қалыптастырады және оларды жұмыс берушілерге жібереді.
      9. Бағдарламаға қатысу үшін басым құқық мынадай санаттағы адамдарға:
      1) жиырма тоғыз жасқа дейінгі жастарға;
      2) жиырма тоғыз жасқа толмаған балалар үйлерінің тәрбиеленушілеріне, жетім балалар мен ата-анасының қамқорлығынсыз қалған, кәмелеттік жасқа толғанға дейін ата-анасынан айырылған балаларға;
      3) ауылдық жерде тұратын әйелдерге;
      4) зейнеткерлік жасқа жеткенге дейін 50 жастан асқан адамдарға;
      5) жалпыға бірдей белгіленген зейнетақы жасына дейін зейнеткерлікке шыққан зейнеткерлерге;
      6) ауыр жұмыстарда, еңбек жағдайлары зиянды (ерекше зиянды) және (немесе) қауіпті жұмыстарда істейтін және мемлекеттік арнайы жәрдемақыларды алушы болып табылатын адамдарға;
      7) Қазақстан Республикасының Қарулы Күштері қатарынан босатылған адамдарға;
      8) бас бостандығынан айыру және (немесе) мәжбүрлі емдеу орындарынан босатылған адамдарға;
      9) жұмыс беруші - заңды тұлғаның таратылуына не жұмыс беруші - жеке тұлғаның қызметінің тоқтатылуына, қызметкерлер санының немесе штатының қысқартылуына байланысты жұмыстан босатылған адамдарға беріледі.

3. Стипендия төлей отырып біліктілігін арттырудың, кәсіптік
даярлаудың және қайта даярлаудың тегін курстарына жолдау

      10. Бағдарламаға қатысуға үміткерлерді іріктеуді жұмыс берушілер:
      1) халықты жұмыспен қамту орталықтары ұсынатын үміткерлер ішінен таңдау;
      2) бос жұмыс орындары жәрмеңкелеріне қатысу;
      3) дербес, оның ішінде жеке жұмыспен қамту агенттіктері, рекрутингтік агенттіктерден іздестіру арқылы жүргізеді.
      11. Жұмыс берушілер үміткерлерді әңгімелесу өткізу жолымен немесе жұмыспен қамту орталықтары Бағдарламаға қатысушылар туралы ұсынған ақпарат негізінде іріктейді.
      12. Халықты жұмыспен қамту орталықтары жұмыс берушілерден ақпарат алғаннан кейін үш жұмыс күні ішінде үміткерлерге Бағдарламаға қатысу үшін құжаттар ұсыну қажеттігі туралы хабарлайды.
      13. Жұмыс берушілер Бағдарламаға қатысуға таңдаған үміткерлер хабарландырылған күннен бастап үш жұмыс күні ішінде тұрақты тұратын жеріндегі ауданның, қаланың халықты жұмыспен қамту орталықтарына осы Қағидаларға 1-қосымшаға сәйкес нысан бойынша өтініш береді.
      Өтініште Бағдарламаға қатысуға үміткерлер осы Қағидалардың 27-тармағында көзделген тәртіппен бекітілген кәсіптік даярлауды, қайта даярлауды және біліктілікті арттыруды жүзеге асыратын білім беру ұйымдарының тізбесінен өздері кәсіптік оқудан өту үшін жұмыс берушінің келісімімен таңдаған білім беру ұйымын көрсетеді.
      14. Өтініш беру кезінде мынадай құжаттар ұсынылады және қоса беріледі:
      1) жеке басты куәландыратын құжаттың көшірмесі;
      2) тұрақты тұратын жері бойынша тіркелгенін растайтын құжаттың көшірмесі (мекенжай анықтамасы, ауыл әкімдерінің анықтамасы);
      3) еңбек кітапшасының көшірмесі (болған кезде) немесе еңбек қызметін растайтын өзге құжат (табысы аз азаматтар қатарындағы жұмыс істейтін адамдар және жұмыспен ішінара қамтылған жалдамалы қызметкерлер үшін);
      4) білімі туралы құжаттың (аттестат, куәлік, диплом), сондай-ақ оқу оқығанын растайтын басқа да құжаттардың (куәлік, сертификат) көшірмелері;
      5) денсаулық сақтау саласындағы уәкілетті орган бекіткен нысанға сәйкес денсаулық жағдайы туралы анықтаманың көшірмесі (Бағдарламаға қатысушылар құрамына енгізу туралы шешім қабылданған кейін ұсынылады).
      Жұмыспен ішінара қамтылған жалдамалы қызметкерлер бұдан басқа жұмыс берушінің жұмыс уақытының қысқартылған ұзақтықтығы режиміне ауыстыру, әлеуметтік демалыс беру немесе мәжбүрлі тоқтату туралы актісін ұсынады.
      15. Құжаттар топтамасын қабылдаған кезде халықты жұмыспен қамту орталығының қызметкері түпнұсқа көшірмелерін түпнұсқамен салыстырып тексереді және өтініш берушіге қайтарады.
      16. Бағдарламаға қатысуға үміткерлердің немесе оқуды аяқтаған Бағдарламаға қатысушылар қатарындағы адамдардың кәсібі (мамандығы), сондай-ақ біліктілік деңгейі жұмыс берушілердің қажеттілігіне сай келген жағдайда, кәсіптік оқудан өтусіз қабылдау үшін халықты жұмыспен қамту орталықтары оларды бос жұмыс орындары туралы өтінім берген жұмыс берушілерге жібереді.
      17. Халықты жұмыспен қамту орталығы өтініш тіркелген күннен бастап бес жұмыс күні ішінде ұсынылған құжаттардың Бағдарламаға қатысушыларға қойылатын талаптарға сәйкестігін тексеру нәтижелерінің негізінде Бағдарламаға қатысушылар құрамына енгізу (не одан бас тарту) туралы шешім қабылдайды.
      18. Шешім қабылдаған кезде білім деңгейі, мамандығының (кәсібінің) және біліктілігінің болуы, ал жалдамалы қызметкерлер үшін жұмыс берушілерден қайта даярлауға және біліктілікті арттыруға өтінімнің болуы ескеріледі.
      19. Халықты жұмыспен қамту орталығы шешім қабылданған күннен бастап бес жұмыс күні ішінде өтініш берушіні қабылданған шешім туралы жазбаша хабардар етеді.
      20. Халықты жұмыспен қамту орталығының шешіміне Қазақстан Республикасының заңнамасында белгіленген тәртіппен уәкілетті органға және (немесе) сотқа шағым жасалуы мүмкін.
      21. Халықты жұмыспен қамту орталықтары кәсіптік оқыту үшін жұмыс берушілер іріктеген Бағдарламаға қатысушылармен осы Қағидаларға 2-қосымшаға сәйкес нысан бойынша оқытатын ұйым мен жұмыс беруші тараптары болып қатысатын әлеуметтік келісімшарт жасасады.
      Жұмыс беруші мен оқытатын ұйым әлеуметтік келісімшартқа қосылу туралы осы Қағидаларға 3, 4-қосымшаларға сәйкес жауапты лауазымды адамның қолымен және мөрмен расталған жазбаша өтініш (хабарлама) беру арқылы әлеуметтік келісімшарт жасасуды растайды.
      Әлеуметтік келісімшарт оған барлық тараптар қол қойған сәттен бастап не халықты жұмыспен қамту орталықтары мен Бағдарламаға қатысушылар қол қойған және жұмыс берушілер мен оқытатын ұйымдардан әлеуметтік келісімшартқа қосылу туралы өтінішті (хабарламаны) алған сәттен бастап күшіне енеді.
      Бағдарламаға қатысушыларды жұмысқа орналастыру үшін тұрақты жұмыс орындарын ұсынатын жұмыс берушілер өтініште (хабарламада) Бағдарламаға қатысушылардың деректерін, оларды оқытуды ұйымдастыру жоспарланып отырған мамандықты (кәсіпті), оқытатын ұйымды, өндірістік практикадан өту орнын және оқу аяқталғаннан кейін жұмыс істеу кезеңін көрсетеді.
      Бағдарламаға қатысушыларды кәсіптік оқытуды жүзеге асыратын оқытатын ұйымдар өтініште (хабарламада) мамандығы (кәсібі), оқытудың ұзақтығы мен құны, өндірістік практикадан өтудің ықтимал орны мен шарттары туралы ақпаратты көрсетеді.
      22. Осы Қағидалар қолданысқа енгізілгенге дейін жасасқан әлеуметтік келісімшарт күшін сақтайды және өзгеріссіз күйінде қолданылады.
      23. Жұмыс берушінің әлеуметтік келісімшартта айқындалған міндеттерді орындауына мониторингті халықты жұмыспен қамту орталығы және оқытатын ұйым жүзеге асырады.
      Оқытатын ұйымның әлеуметтік келісімшартта айқындалған міндеттерді орындауына мониторингті халықты жұмыспен қамту орталығы және жұмыс берушілер жүзеге асырады.
      Бағдарламаға қатысушының әлеуметтік келісімшартта айқындалған міндеттерді орындауына мониторингті халықты жұмыспен қамту орталығы, оқытатын ұйым және жұмыс беруші жүзеге асырады.
      24. Бағдарламаға қатысушылар, жұмыс берушілер, білім беру ұйымдары туралы мәліметтер әлеуметтік-еңбек саласының бірыңғай ақпараттық жүйесінің «Жұмыспен қамту» автоматтандырылған ақпараттық жүйесінде орналастырылады.
      25. Кәсіптік оқыту бойынша қызметтер мемлекеттік білім беру тапсырысына кіреді және «Мемлекеттік сатып алу туралы» Қазақстан Республикасы Заңының 4-бабы 1-тармағының 20) тармақшасына сәйкес мемлекеттік сатып алу туралы заңнаманың өнім берушіні таңдауды және онымен мемлекеттік сатып алу туралы шарт жасасуды регламенттейтін нормаларын қолданбай сатып алынады.
      26. Бағдарламаға қатысушыларды кәсіптік оқыту ұзақтығы оқу бағдарламасының мазмұнына қарай белгіленеді және:
      1) кәсіптік даярлау жүргізу кезінде – он екі айдан;
      2) қайта даярлау кезінде – алты айдан;
      3) біліктілікті арттыру кезінде – үш айдан аспауға тиіс.
      Кәсіптік оқыту кадрларды даярлаудың екіжақты үлгі қағидаттарында жүргізілуге тиіс.
      27. Барлық облыстағы, Астана және Алматы қалаларындағы өңірлік комиссиялар білім беру саласындағы атқарушы органдардың ұсыныстары негізінде, осы Қағидалардың 45, 46-тармақтарына сәйкес белгіленген мамандық (кәсіптер) бөлінісінде оқу құнын көрсете отырып, кәсіптік оқытуды жүзеге асыратын білім беру ұйымдарының тізбесін (бұдан әрі – Тізбе) бекітеді.
      28. Оқытатын ұйымдарды кәсіптік оқытуды жүзеге асыру үшін Тізбеге қосу:
      1) Бағдарламаға қатысушылардың өндірістік практикасын кадрларды даярлаудың екіжақты үлгісінің қағидаттарына сәйкес міндетті ұйымдастырған;
      2) өткен жылғы бітірушілердің кемінде 60 %-ын жұмысқа орналастырған кезде жүзеге асырылады. Жұмысқа орналастырылғандардың саны әскери қызметке шақырылғандарды, қайтыс болғандарды, бала күтімі жөніндегі демалыстағы, республикадан тыс жерлерге тұрақты тұруға кеткен адамдарды ескермей есептеледі;
      3) кәсіптік даярлау бағдарламалары бойынша білім беру қызметіне лицензиясы болған кезде жүзеге асырылады.
      29. Бағдарламаға қатысушыларды кәсіптік оқыту Тізбедегі жұмыс берушілермен келісім бойынша Бағдарламаға қатысушылар таңдаған оқытатын ұйымдарда жүзеге асырылады.
      Өңірде (облыста, Алматы, Астана қалаларында) Бағдарламаға қатысушы жұмыс берушімен келісім бойынша таңдаған мамандық (кәсіп) бойынша кәсіптік оқытуды жүзеге асыратын оқытатын ұйымдар болмаған жағдайда, кәсіптік оқыту басқа өңірлерде орналасқан оқытатын ұйымдарда жүзеге асырылуы мүмкін.
      Мұндай жағдайда кәсіптік оқытуды жүзеге асыратын ұйым өңірлік комиссия шешімінің негізінде Тізбеге қосымша енгізіледі және осы Қағидалардың 28-тармағында көзделген оқытатын ұйымдарды таңдау өлшемшарттарына сәйкес келуге тиіс.
      30. Бағдарламаға қатысушыларды аралық және қорытынды аттестаттауды білім беру саласындағы жергілікті атқарушы орган, халықты жұмыспен қамту орталығы және жұмыс берушілер өкілдерінің қатысуымен оқытатын ұйым жүзеге асырады.
      Бағдарламаға қатысушыларды қорытынды аттестаттау кәсіби даярлау деңгейін бағалауды (бұдан әрі – КДДБ) қамтиды.
      Игеретін кәсібіне қарай КДДБ арнайы пәндер бойынша біліктілік емтихандарын тапсыруды (жазбаша тестілер) және біліктілік (сынақ) жұмысты орындауды (практикалық тест) көздейді.
      КДДБ өткізу үшін білім беру саласындағы уәкілетті орган бекіткен тәртіппен тәуелсіз біліктілік комиссиясы құрылады.
      КДДБ бағалауы бойынша біліктілік емтиханынан өткен адамдарға белгіленген үлгідегі біліктілік беру туралы куәлік (сертификат) беріледі.
      31. Оқытатын ұйымдар халықты жұмыспен қамту орталығымен келісім бойынша Бағдарламаға қатысушыларды:
      1) сабақты дәлелсіз себептермен қатарынан үш оқу күні босатқан;
      2) үлгерімі нашар немесе аралық аттестаттау қанағаттанғысыз болған;
      3) оқытатын ұйымның ішкі тәртібін бұзған жағдайларда оқудан шығаруға құқылы.
      32. Қайта даярлау немесе біліктілігін арттырудан өту уақытына Бағдарламаға қатысушыға қажеттігіне қарай әлеуметтік демалыс беріледі.
      33. Өндірістен қол үзіп қайта даярлау немесе біліктілігін арттырудан өту кезінде жұмыспен ішінара қамтылған жалдамалы қызметкерлер қатарындағы Бағдарламаға қатысушыға ай сайын материалдық көмек төленеді.
      34. Бағдарламаға қатысушыны оқудан шығарған кезде:
      1) оқытатын ұйымдарға кәсіптік даярлау бойынша нақты ұсынылған қызметтердің көлемі төленеді;
      2) Бағдарламаға қатысушы тұрақты жұмысқа орналасқан, әскери қызметке шақырылған, қайтыс болған, жүкті болған, оқу бағдарламаларын толық көлемде игеруге мүмкіндік бермейтін аурулар салдарынан сабақтарды босатқан, сондай-ақ жиырма тоғыз жасқа толмаған балалар үйлерінің тәрбиеленушілері, жетім балалар мен ата-анасының қамқорлығынсыз қалған, кәмелетке толғанға дейін ата-анасынан айырылған балалар қатарындағы Бағдарламаға қатысушылар кез келген себептер бойынша кәсіптік оқуын мерзімінен бұрын тоқтатқан жағдайларды қоспағанда, төленген материалдық көмек сомасын қоса оқуға арналған шығыстарды (бұдан әрі – оқуға арналған шығыстар) бюджетке өтейді.
      35. Бағдарламаға қатысушы тұрақты жұмысқа орналасу, Қазақстан Республикасы Қарулы Күштерінің мерзімді әскери қызметіне шақырылу, қайтыс болу, сондай-ақ жиырма тоғыз жасқа толмаған балалар үйлерінің тәрбиеленушілері, жетім балалар мен ата-анасының қамқорлығынсыз қалған балалар қатарындағы Бағдарламаға қатысушылар кез келген себептер бойынша кәсіптік оқуын мерзімінен бұрын тоқтатқан жағдайда Бағдарламаға қатысушымен жасалған әлеуметтік келісімшарт көрсетілген білім беру қызметінің құнын, сондай-ақ оқуға төленген материалдық көмек сомасын бюджетке қайтару бойынша талаптар қоюсыз бұзылады.

4. Оқитындарға субсидиялар беру (оқу орнына дейін және кері жол
жүруге, жатақханада тұруға немесе тұрғын үй жалдауға (жалға
алуға) байланысты шығындарды өтеу)

      36. Бағдарламаға қатысушыларға:
      1) техникалық және кәсіптік білім беру ұйымдарында мемлекеттік білім беру тапсырысы бойынша оқитын студенттер үшін заңнамада белгіленген стипендия мөлшерінде тамақтануға;
      2) оқудың барлық кезеңіне оқу орнына дейін және кері бағытта жол жүруге:
      облыс шегінде, бірақ Бағдарламаға қатысушылардың тұрақты тұратын елді мекендерінен тыс жерде орналасқан оқытатын ұйымдарда оқыған кезде кәсіптік даярлаудан өту үшін 4 айлық есептік көрсеткіш (бұдан әрі – АЕК) мөлшерінде, қайта даярлаудан және біліктілігін арттырудан өту үшін 2 АЕК мөлшерінде;
      Бағдарламаға қатысушылардың тұрақты облыстан тыс елді мекендерде орналасқан оқытатын ұйымдарда оқыған кезде 1000 км дейін ара қашықтыққа 8 АЕК мөлшерінде, 1000 км артық ара қашықтыққа 12 АЕК мөлшерінде;
      3) Астана және Алматы қалаларын, Атырау және Маңғыстау облыстарын қоспағанда, барлық облыстарда тұруына ай сайын 10 АЕК мөлшерінде, Астана, Алматы қалаларында, Атырау және Маңғыстау облыстарында тұруына 15 АЕК мөлшерінде материалдық көмек түрінде субсидия беріледі.
      Материалдық көмек шығыстарды растайтын құжаттарды ұсынусыз төленеді.

5. Лайықты бос жұмыс орындарын іздеуді және жұмысқа (оның
ішінде әлеуметтік жұмыс орындарына) орналастыруға жәрдемдесу,
сондай-ақ жұмыспен қамтуға жәрдемдесудің белсенді шараларына
қатысатын жеке тұлғалардың жалақысын ішінара субсидиялау

      37. Жұмыс беруші оқуды аяқтаған Бағдарламаға қатысушымен еңбек шартын жасасады.
      38. Халықты жұмыспен қамту орталықтары Бағдарламаға енгізу сәтінде кәсіптік білімі болған не кәсіптік оқуды аяқтаған Бағдарламаға қатысушыларды жұмысқа орналастыру үшін:
      1) дерекқорда бар бос жұмыс орындарына жұмысқа орналасуға жәрдемдеседі;
      жұмыс берушілермен жасасқан шарттар негізінде:
      2) мемлекеттің жалақыны жұмыс берушілер құрған әлеуметтік жұмыс орындарына еңбек шартына сәйкес белгіленген бір жыл мерзімге дейін ішінара субсидиялау шартымен жібереді;
      3) мемлекеттің жалақыны алты ай бойы толық субсидиялау шартымен жастар практикасынан өту үшін жұмыс берушілер құрған жұмыс орындарына жібереді.
      39. Әлеуметтік жұмыс орындарына орналастырылған Бағдарламаға қатысушылардың жалақысын бір айда субсидиялаудың мөлшері салықтарды, міндетті әлеуметтік аударымдар мен пайдаланылмаған еңбек демалысы үшін өтемақыны ескергенде:
      1) алғашқы 6 айда жалақының 50 %-на дейін, бірақ 26 мың теңгеден аспайды;
      2) кейінгі 3 айда жалақының 30 %-на дейін, бірақ 15,6 мың теңгеден аспайды;
      3) соңғы 3 айда жалақының 15 %-на дейін, бірақ 7,8 мың теңгеден аспайды.
      Әлеуметтік жұмыс орындарына жұмысқа орналасқан Бағдарламаға қатысушылардың жалақысын мемлекеттің ішінара субсидиялауы 12 айдан аспайтын мерзімде жүзеге асырылады.
      2014 жылғы 1 қаңтардан бастап ішінара субсидиялау жұмыс берушінің қаражаты есебінен жалақысын толық төлей отырып, Бағдарламаға қатысушымен осы тармақта көзделген субсидиялау мерзімінің 6 айынан асатын мерзімге еңбек шартын жасасқан кезде жүзеге асырылады.
      40. Жұмыстан босатылған сәттен бастап бір жыл ішінде еңбек қатынастарында тұрған адамның жұмыс берушінің әлеуметтік жұмыс орнына орналасуына жол берілмейді.
      41. Жастар практикасын өту үшін жұмысқа орналастырылған Бағдарламаға қатысушылардың жалақысын субсидиялау 6 айдан аспайтын мерзімде жүзеге асырылады.
      Жастар практикасына жіберілген Бағдарламаға қатысушылардың еңбекақысын субсидиялау мөлшері айына 17,2 АЕК (салықтарды, міндетті әлеуметтік аударымдарды, пайдаланылмаған еңбек демалысына өтемақыны және банк қызметтерін ескере отырып) құрайды. Азаматтардың жастар практикасына қатысу және оларға мемлекеттік қолдау көрсету шарттары Қазақстан Республикасының Үкіметі бекіткен Жастар практикасын ұйымдастыру және қаржыландыру қағидаларында көзделеді.
      2014 жылғы 1 қаңтардан бастап жалақыны ішінара субсидиялау жұмыс берушінің қаражаты есебінен жалақысын толық төлей отырып, Бағдарламаға қатысушымен осы тармақта көзделген субсидиялау мерзімінің 6 айынан асатын мерзімге еңбек шартын жасасқан кезде жүзеге асырылады.

6. Оқытуға және жұмысқа орналастыруға жәрдемдесуге бағытталған
шараларды қаржыландыру

      42. Техникалық және кәсіптік білім беру ұйымдарында (бұдан әрі – ТКҰ) кәсіптік оқу құнын жергілікті атқарушы органдар оқу жоспарлары мен бағдарламаларының талаптарына сәйкес мамандық пен біліктілік деңгейіне тәуелді білім беру процесіне арналған шығыстардың негізінде жыл сайын айқындайды.
      43. Оқу орталықтарында, оның ішінде өндірістік кәсіпорындар мен ұйымдардың жанындағы оқу орталықтарында (бұдан әрі – оқу орталықтары) кәсіптік оқытудың құнын халықты жұмыспен қамту орталығымен және білім беру саласындағы жергілікті атқарушы органмен келісім бойынша оқу орталығы айқындайды.
      Оқу орталықтары кәсіптік оқыту қызметтері құнының есептеулерін жасайды және халықты жұмыспен қамту орталықтарына жібереді. Халықты жұмыспен қамту орталықтары оқу орталықтары ұсынған кәсіптік оқыту қызметтері құнының есептеулерін білім беру саласындағы жергілікті атқарушы органға жібереді.
      Кәсіптік оқыту қызметтерінің құнын қарау кезінде білім беру саласындағы жергілікті атқарушы органдар мынадай негізгі өлшемдерді:
      1) оқу жоспарлары мен бағдарламаларының талаптарына сәйкес мамандығы мен біліктілік деңгейіне қарай білім беру процестеріне арналған шығыстарды;
      2) бір Бағдарламаға қатысушының оқытуға арналған шығыстардың орташа құнын басшылыққа алады.
      Оқу құнының есептеулері негізді деп танылған жағдайда, білім беру саласындағы жергілікті атқарушы орган осы Қағидалардың 13-тармағына сәйкес өңірлік комиссияларға оқу орталықтарын Тізбеге енгізу туралы тиісті қорытындыларды жібереді.
      Оқу құнының есептеулері негізсіз деп танылған жағдайда, білім беру саласындағы жергілікті атқарушы органдар оқу құны есептеулерінің негізделмегендігі туралы қорытындыны халықты жұмыспен қамту орталықтарына жібереді.
      Халықты жұмыспен қамту орталықтары білім беру саласындағы жергілікті атқарушы органдардың оқу құны есептеулерінің негізделмегендігі туралы қорытындыны оқу орталықтарына жібереді.
      Оқу құнының есептеулерін білім беру саласындағы жергілікті атқарушы органның қорытындысында баяндалған талаптарға сәйкес келтірген жағдайда кейінгілері өңірлік комиссияларға қорытындыда баяндалған талаптарға сәйкес келтірілген оқу құнының есептеулерін қоса отырып, оқу орталығын Тізбеге қосу туралы ұсыныс енгізеді.
      44. Оқудың ақысын төлеу, жол жүрудің және тұрудың шығыстарын өтеу, жалақыны субсидиялау мақсатында Бағдарламаға қатысушыларға ұсынылатын мемлекеттік қолдауды қаржылай қамтамасыз ету үшін республикалық бюджеттен облыстық бюджеттерге, Астана және Алматы қалаларының бюджеттеріне нысаналы трансферттер бөлінеді.
      45. Облыстардың, Астана және Алматы қалаларының әкімдері Бағдарлама операторына білім беру ұйымды (ТКҰ, оқу орталықтары), мамандықтар түрлері мен оқу орындары (КТҰ, оқу орындары), оқыту құны мен мерзімдері бойынша оқытылатын контингентті көрсете отырып, бюджеттік өтінім жібереді.
      46. Қаржылық тәртіпті қамтамасыз ету және бюджет қаражатының мақсатты пайдаланылуына мониторинг жүргізу үшін нәтижелер туралы:
      1) білім беру саласындағы орталық уәкілетті орган мен облыстардың, Астана және Алматы қалаларының әкімдері арасында 2009 және 2010 жылдары Өңірлік жұмыспен қамту және кадрларды қайта даярлау стратегиясы (Жол картасы), сондай-ақ Жұмыспен қамту 2020 бағдарламасы шеңберінде бұдан бұрын кәсіптік даярлауға қабылданған адамдарды оқыту бойынша;
      2) Бағдарлама операторы мен облыстардың, Астана және Алматы қалаларының әкімдері арасында Бағдарлама шеңберінде кәсіптік оқыту және жалақыны субсидиялау бойынша ағымдағы нысаналы трансферттер бойынша нәтижелер туралы келісімдер жасалады.
      47. Білім беру саласындағы орталық уәкілетті орган, Бағдарлама операторы бюджет заңнамасына сәйкес тиісті республикалық бюджеттік бағдарламалар бойынша ағымдағы нысаналы трансферттерді облыстық бюджеттерге, Астана және Алматы қалаларының бюджеттеріне аударуды жүргізеді.
      48. Облыстық бюджеттерге, Астана және Алматы қалаларының бюджеттеріне кәсіптік даярлауға, қайта даярлауға және кадрлардың біліктілігін арттыруға, оның ішінде бұдан бұрын кәсіптік оқуға қабылданған адамдардың оқуын аяқтауға бөлінген ағымдағы нысаналы трансферттерді пайдалану оқытатын ұйымдарымен жасасқан шарттар негізінде, ал жалақыны субсидиялау жұмыс берушілермен жасасқан шарттар негізінде жүзеге асырылады.
      49. Бағдарламаға қатысушыларды, сондай-ақ бұрын мемлекеттік білім беру тапсырысы бойынша кәсіптік лицейлер мен колледждерге кәсіптік оқуға қабылданған адамдарды кәсіптік даярлауды қаржыландыру техникалық және кәсіптік білім беру мамандықтары бойынша мемлекеттік жалпыға міндетті стандарттарға сәйкес оқуды толық аяқтау мерзіміне дейін жыл сайын жүзеге асырылады.
      50. Облыстардың, Астана және Алматы қалаларының әкімдері, білім беру саласындағы уәкілетті орган және Бағдарлама операторы Қазақстан Республикасының заңнамасында белгіленген тәртіппен трансферттерді пайдалану кезінде нәтижелерге қол жеткізуге жауапты болады.
      51. Облыстардың, Астана және Алматы қалаларының әкімдері жылына екі рет Бағдарлама операторына, білім беру саласындағы уәкілетті органға келісімдерде көзделген нысан бойынша есептер ұсынады.

Жұмыспен қамтуға жәрдемдесудің      
белсенді шараларына қатысатын      
адамдарды оқытуды, олардың жұмысқа   
орналасуына жәрдемдесуді және оларға  
мемлекеттік қолдау шараларын көрсетуді 
ұйымдастыру және қаржыландыру қағидаларына
1-қосымша               

___________________ ауданының
(қаласының) Халықты жұмыспен
қамту орталығының директорына
_____________________________
___ мекенжайы бойынша тұратын
_____________________________

Өтініш

      Мені «Оқыту және жұмысқа орналасуға жәрдемдесу» бағыты бойынша
Жұмыспен қамту 2020 жол картасы бағдарламасына қатысушылар қатарына
енгізуді сұраймын.
      Қосымша ___ парақта:
      жеке басты куәландыратын құжаттың көшірмесі;
      тұрақты тұратын жері бойынша тіркелгенін растайтын құжаттың
(мекенжай анықтамасы, ауылдық әкімнің анықтамасы) көшірмесі;
      еңбек кітапшасының (болған кезде) немесе еңбек қызметін
растайтын өзге құжаттың (табысы аз және жұмыспен ішінара қамтылған
жалдамалы қызметкерлердің қатарындағы жұмыс істейтін адамдар үшін)
көшірмесі;
      білімі туралы құжаттың (аттестат, куәлік, диплом), сондай-ақ
оқу оқығанын растайтын басқа да құжаттардың (куәлік, сертификат)
көшірмелері;
      денсаулық жағдайы туралы анықтаманың (денсаулық сақтау
саласындағы уәкілетті орган бекіткен нысанға сәйкес Бағдарламаға
қатысушылар құрамына енгізу туралы шешім қабылданғаннан кейін)
көшірмесі;
      жұмыс берушінің толық емес жұмыс уақыты немесе ұзақтығы
қысқартылған жұмыс уақыты режиміне ауыстыруы немесе әлеуметтік
демалыс беру туралы немесе жұмысты мәжбүрлі тоқтату туралы актісі
(жұмыспен ішінара қамтылған жалдамалы қызметкерлер үшін).

      Күні                                                       қолы
___________________________________________________________ азаматтың
өтініші 20__ ж. «___» ________ қабылданды, № ________ болып тіркелді.

      Құжаттарды қабылдаған адамның Т.А.Ә., лауазымы және қолы:
_____________________________________________________________________
_____________________________________________________________________

      *ұсынылған құжаттың дұрыстығына өтініш беруші жауапты болады.

Жұмыспен қамтуға жәрдемдесудің      
белсенді шараларына қатысатын      
адамдарды оқытуды, олардың жұмысқа   
орналасуына жәрдемдесуді және оларға  
мемлекеттік қолдау шараларын көрсетуді 
ұйымдастыру және қаржыландыру қағидаларына
2-қосымша               

Әлеуметтік келісімшарт

      _____________________        20__ жылғы «___» _________________
        (жасалатын орны)

      Бұдан әрі «Халықты жұмыспен қамту орталығы» деп аталатын ______
_____________________________________________________________________
        (уәкілетті өкілдің лауазымы, тегі, аты, әкесінің аты)
атынан __________________________________ бір тараптан және бұдан әрі
«Бағдарламаға қатысушы» деп аталатын ________________________________
                           (Халықты жұмыспен қамту орталығының атауы)
_____________________________________________________________________
    (бағдарламаға қатысушының тегі, аты, әкесінің аты, жеке басын
     куәландыратын құжаттың сериясы, нөмірі, кім және қашан берді)
екінші тараптан төмендегілер туралы осы әлеуметтік шартты (бұдан әрі
– келісімшарт) жасасты:

1. Келісімшарттың мәні

      1. Халықты жұмыспен қамту орталығы Бағдарламаға қатысушыны
кәсіптік оқуға жіберуге, ал Бағдарламаға қатысушы Қазақстан
Республикасының заңнамасында, келісімшартта, кәсіптік оқытуға
арналған шартта және оқытатын ұйымның ішкі тәртібінде айқындалған
тәртіпте және жағдайларда оған белгіленген кәсіптік оқу түрін өтуге
міндеттенеді. Келісімшарт шеңберінде Бағдарламаға қатысушыға мынадай
мемлекеттік қолдау түрлері ұсынылады:
_____________________________________________________________________
(Бағдарламаға қатысушыға көрсетілетін мемлекеттік қолдау шараларын
                              көрсету)
      2. Халықты жұмыспен қамту орталығы, Бағдарламаға қатысушы, ал
Қазақстан Республикасы Үкіметінің 2011 жылғы 18 шілдедегі № 815
қаулысымен бекітілген Жұмыспен қамтуға жәрдемдесудің белсенді
шараларына қатысатын адамдарды оқытуды, олардың жұмысқа орналасуына
жәрдемдесуді және оларға мемлекеттік қолдау шараларын көрсетуді
ұйымдастыру және қаржыландыру қағидаларында (бұдан әрі – Қағидалар)
көзделген жағдайларда жұмыс беруші және/немесе оқытатын ұйым
келісімшарттың тараптары (бұдан әрі – тараптар) болады.
      3. Жұмыс беруші мен оқытатын ұйым Халықты жұмыспен қамту
орталығына жауапты лауазымды тұлғаның қолымен және мөрмен расталған,
келісімшарттың ажырамас бөлігі болып табылатын келісімшартқа қосылу
туралы жазбаша өтінішті (хабарламаны) беру арқылы келісімшартты
жасасқанын растайды.
      4. Келісімшарт Халықты жұмыспен қамту орталығы директорының
20__ жылғы «__» _____ № ___ бұйрығының негізінде жасалды.

2. Тараптардың құқықтары мен міндеттері

      5. Халықтың жұмыспен қамту орталығы:
      1) Бағдарламаға қатысушыны ____________________________________
(Бағдарламаға қатысушы алатын немесе біліктілігін арттыратын
_____________ алу (арттыру) үшін оқытатын ұйымға ____________________
мерзімге мамандықты (кәсіпті) көрсету)                (оқу кезеңі)
даярлауға, кәсіптік даярлауға немесе біліктілігін арттыруға
(керегінің астын сызу) жіберуге;
      2) Қағидаларда айқындалған тәртіпте, жағдайларда және шарттарда
Бағдарламаға қатысушыға оқуға материалдық көмек көрсетуге, әлеуметтік
жұмыс орындарына немесе жастар практикасына жұмысқа орналасуға
жәрдемдесуге;
      3) тараптардың сұрауы бойынша тараптардың міндеттемелерді
орындауына мониторингті жүзеге асыру үшін қажетті ақпаратты, құжаттар
мен материалдарды уақытында және толық көлемде ұсынуға;
      4) оқытатын ұйымға Бағдарламаға қатысушыны кәсіптік оқыту
бойынша қызметтерді уақытында және толық көлемде төлеуге;
      5) тараптарға кәсіптік оқу және жұмысқа орналасу мәселелері
бойынша консультация беруге;
      6) кәсіптік оқу барысында Бағдарламаға қатысушы игерген білім
мен дағдыларды аралық және қорытынды бағалауға қатысуға міндетті.
      6. Жұмыспен қамту орталығының:
      1) тараптардың міндеттемелерді орындауына мониторингті жүзеге
асыру үшін қажетті ақпаратты, құжаттар мен материалдарды тараптардан
сұратуға және алуға;
      2) тараптардан келісімшарттың, кәсіптік оқытуға арналған
шарттың уақытында және тиісінше орындалуын талап етуге;
      3) Қағидалардың 40-тармағында көзделген жағдайларда оқытатын
ұйым кәсіптік оқыту бойынша нақты көрсеткен қызметтің көлеміне
пропорционалды ақы төлеу бойынша қайта есептеу жүргізуге, сондай-ақ
Бағдарламаға қатысушыдан осы қызметтер көлемінің құнын және кәсіптік
оқуға материалдық көмектің төленген сомаларын бюджетке қайтаруын
талап етуге;
      4) Келісімшарт шеңберінде өзге де мәселелерді шешуге құқығы
бар.
      7. Бағдарламаға қатысушы:
      1) кәсіптік оқудан өтуге;
      2) оқытатын ұйымның ішкі тәртібінің талаптарын сақтауға;
      3) дәлелсіз себептермен сабақтан қалмауға;
      4) тараптардың сұрауы бойынша тараптардың міндеттемелерді
орындауына мониторингті жүзеге асыру үшін қажетті ақпаратты, құжаттар
мен материалдарды уақытында және толық көлемде ұсынуға;
      5) Қағидалардың 40-тармағында көзделген жағдайларда кәсіптік
оқуға арналған шығыстарды, сондай-ақ оқуға арналған материалдық
көмектің төленген сомаларын бюджетке өтеуге;
      6) үш жұмыс күнінен кешіктірмей тараптарды Бағдарламаға
қатысушының кәсіптік оқуына кедергі келтіретін мән-жайлардың туындауы
туралы хабарландыруға;
      7) Бағдарламаға қатысушыға оған көрсетілетін мемлекеттік қолдау
шеңберінде жүктелетін міндеттемелерді адал орындауға міндетті.
      8. Бағдарламаға қатысушының:
      1) кәсіптік оқу және жұмысқа орналасу мәселелері бойынша
консультация алуға;
      2) Қазақстан Республикасының заңнамасында көзделген жағдайлар
мен тәртіпте оқуға арналған материалдық көмек алуға;
      3) тараптардан келісімшарттың және кәсіптік оқытуға арналған
шарттың уақытында және тиісінше орындалуын талап етуге құқығы бар.

3. Форс-мажорлық жағдайлар

      9. Тараптар осы Келісімге қол қойылғаннан кейін туындаған өрт,
жер сілкінісі, су тасқыны және басқа да апатты жағдайлар; әскери
іс-қимылдар және т.б. сияқты төтенше және дүлей жағдайларда
(форс-мажор) міндеттерін толық немесе ішінара орындамағаны үшін
жауапкершіліктен босатылады.
      10. Форс-мажор жағдайлары туындаған жағдайда, осы келісімшартқа
сәйкес қандай да болсын міндеттемелерді орындауы осындай жағдайлардың
туындауына байланысты мүмкін болмаған, Тарап форс-мажор жағдайлар
басталған немесе аяқталған күннен кейінгі үш жұмыс күні ішінде бұл
туралы басқа тараптарды жазбаша нысанда (осы келісімшарт бойынша өз
міндеттерін орындаудың мүмкін еместігін негіздеп және дәлелдеп
хабардар етуі тиіс.
      11. Хабарламау немесе уақтылы хабарламау, осындай хабарламау
немесе уақтылы хабарламау форс-мажордың тиісті мән-жайларынан тікелей
пайда болған жағдайларды қоспағанда, Тарапты форс-мажордың осы
келісімшарт бойынша міндеттемелерді орындамағаны үшін
жауапкершіліктен босатуға негіздеме ретінде кез келген форс-мажордың
жағдайына сүйену құқығынан айырады. Форс-мажор жағдайларының
басталғандығы немесе тоқтатылғандығы туралы хабарлама, форс-мажор
жағдайы жалпыға танымал және жаппай сипат алған, дәлелдеуді қажет
етпейтін жағдайларды қоспағанда, құжатпен немесе тиісті органның және
немесе мекеменің куәлігімен расталуға тиіс.
      12. Осы келісімшарт бойынша міндеттемелерді орындау мерзімі
форс-мажор жағдайы орын алған, сондай-ақ осы жағдайлардан туындаған
салдар әрекеті барысына шамалас уақытқа кейінге шегеріледі. Егер
мән-жайларының туындауына байланысты Тараптардың осы келісімшарт
бойынша міндеттемелерді толық немесе ішінара орындай алмауы, _______
(кезеңді көрсету) асып кетсе, Тараптар осы Шартты бұзуға құқылы.

4. Өзге де шарттар

      13. Келісімшартқа тараптардың келісімі бойынша қосымша
әлеуметтік келісімшартқа қол қою арқылы өзгерістер мен толықтырулар
енгізілуі мүмкін.
      14. Осы келісімшарт оған Халықты жұмыспен қамту орталығы,
Бағдарламаға қатысушы қол қойған және жұмыс берушінің және/немесе
оқытатын ұйымның келісімшартқа қосылуы туралы хабарламасын алған
сәттен бастап күшіне енеді және 20__ жылғы «__» ______ дейін
қолданылады.

5. Тараптардың мекенжайлары мен деректемелері

Жұмыспен қамтуға жәрдемдесудің      
белсенді шараларына қатысатын      
адамдарды оқытуды, олардың жұмысқа   
орналасуына жәрдемдесуді және оларға  
мемлекеттік қолдау шараларын көрсетуді 
ұйымдастыру және қаржыландыру қағидаларына
3-қосымша               

__________________________________________
(Халықты жұмыспен қамту орталығының атауы)

Әлеуметтік келісімшартқа қосылу туралы жұмыс берушінің
өтініші (хабарламасы)

      Осы арқылы _____________________ атынан _______________________
                (жұмыс берушінің атауы)      (ереже, жарғы және т.б.)
негізінде әрекет ететін _____________________________________________
                         (уәкілетті өкілдің тегі, аты, әкесінің аты)
___________________________ және ____________________________________
(халықтың жұмыспен қамту          (Бағдарламаға қатысушының тегі,
         орталығы)                        аты, әкесінің аты)
арасында жасасқан 20__ жылғы «___» ______ № ______________ әлеуметтік
келісімшартқа қосылуға ниет білдіреді және төмендегілер туралы:
__________________________________________ мамандығы (кәсібі) бойынша
____________________________________________ нысанында кәсіптік оқуды
(даярлау, қайта даярлау немесе біліктілікті арттыру)
табысты аяқтағаннан кейін Бағдарламаға қатысушыны алған мамандығы
(кәсібі) бойынша _____________________ мерзімге жұмысқа орналастыруға
міндеттеме алады.
      Өндірістік практикадан өту орны ______________________________.
      Осы өтінімге мыналарды қоса беремін (құрылтай құжаттарының
көшірмелері, банк деректемелері қоса берілсін):

      _____________     _______________    __________________________
        (лауазымы)           (қолы)        (уәкілетті өкілдің Т.А.Ә.)
                                                      М.О.
      _____________     _______________    __________________________
        (лауазымы)           (қолы)        (уәкілетті өкілдің Т.А.Ә.)
                                                      М.О.

Жұмыспен қамтуға жәрдемдесудің      
белсенді шараларына қатысатын      
адамдарды оқытуды, олардың жұмысқа   
орналасуына жәрдемдесуді және оларға  
мемлекеттік қолдау шараларын көрсетуді 
ұйымдастыру және қаржыландыру қағидаларына
4-қосымша               

__________________________________________
(Халықты жұмыспен қамту орталығының атауы)

Әлеуметтік келісімшартқа қосылу туралы білім беру ұйымының
өтініші (хабарламасы)

      Осы арқылы _______________________ атынан _____________________
                 (жұмыс берушінің атауы)     (ереже, жарғы және т.б.)
негізінде әрекет ететін _____________________________________________
                         (уәкілетті өкілдің тегі, аты, әкесінің аты)
______________________________ және _________________________________
   (халықтың жұмыспен қамту          (Бағдарламаға қатысушының тегі,
           орталығы)                       аты, әкесінің аты)
арасында жасасқан 20__ жылғы «___» ______ № ______________ әлеуметтік
келісімшартқа қосылуға ниет білдіреді және төмендегілер туралы:
      1. Бағдарламаға қатысушыны _________ мамандығы (кәсібі) бойынша
____________________________________________________ түрінде кәсіптік
оқуға қабылдауға дайын екенін мәлімдейді;
      2. Кәсіптік оқу мерзімі: 20__ жылғы «__» ____ бастап 20__ жылғы
«___» _____ дейін;
      3. Оқу құны _______ құрайды;
      4. Өндірістік практикадан өту орны мен шарттары ______________.
      Осы өтінімге мыналарды қоса беремін (құрылтай құжаттарының
көшірмелері, банк деректемелері қоса берілсін):

      _________________  _______________  ___________________________
          (лауазымы)          (қолы)       (уәкілетті өкілдің Т.А.Ә.)
                                                      М.О.

Қазақстан Республикасы
Үкіметінің      
2013 жылғы 13 тамыздағы
№ 817 қаулысына   
2-қосымша      

Қазақстан Республикасы
Үкіметінің      
2011 жылғы 18 шілдедегі
№ 816 қаулысымен  
бекітілген      

Жұмыспен қамтуға жәрдемдесудiң белсендi шараларына қатысатын
адамдарға кәсiпкерлiктi дамытуға мемлекеттiк қолдауды
ұйымдастыру және қаржыландыру қағидалары

1. Жалпы ережелер

      1. Осы Жұмыспен қамтуға жәрдемдесудiң белсендi шараларына қатысатын адамдарға кәсiпкерлiктi дамытуды мемлекеттiк қолдауды ұйымдастыру және қаржыландыру қағидалары (бұдан әрi – Қағидалар) Қазақстан Республикасының «Халықты жұмыспен қамту туралы» 2001 жылғы 23 қаңтардағы, «Жеке кәсіпкерлік туралы» 2006 жылғы 31 қаңтардағы заңдарына сәйкес әзірленді және Қазақстан Республикасы Үкiметiнiң 2013 жылғы 19 маусымдағы № 636 қаулысымен бекiтiлген Жұмыспен қамту 2020 жол картасының (бұдан әрi – Бағдарлама) екiншi бағытына қатысатын адамдарға кәсіпкерлікті дамытуға мемлекеттік қолдау көрсету тәртібін айқындайды.
      2. Кәсіпкерлікті дамытуға жәрдемдесуге бағытталған шаралар:
      1) микрокредит беру;
      2) инженерлік-коммуникациялық инфрақұрылымды дамыту;
      3) консультациялық қызметтер көрсету;
      4) кәсіпкерлік негіздеріне оқыту жолымен іске асырылады.
      Кәсіпкерлік бастаманы мемлекеттік қолдау шаралары, олардың әкімшілік бағыныстылығына қарамастан даму әлеуеті орташа және жоғары ауылдық елді мекендерде, шағын қалаларда, қалалық әкімшілік бағынысты аумақтардағы кенттерде іске асырылады.
      Тірек ауылдық елді мекендер кәсіпкерлік бастаманы мемлекеттік қолдауды іске асыру үшін басым елді мекендер болып табылады.
      3. Осы Қағидаларда мынадай негiзгi ұғымдар пайдаланылады:
      1) халықты жұмыспен қамту орталығы – жұмыспен қамтуға жәрдемдесудiң белсендi шараларын iске асыру мақсатында ауданның, облыстық және республикалық маңызы бар қалалардың, астананың жергiлiктi атқарушы органы құратын мемлекеттiк мекеме;
      2) әлеуметтiк келiсiмшарт – жұмыспен қамтуға жәрдемдесудiң мемлекеттік шараларына қатысатын Қазақстан Республикасының жұмыссыз, өзін-өзі жұмыспен қамтыған және табысы аз азаматтары қатарындағы жеке тұлға мен халықты жұмыспен қамту орталығы арасында жасалатын тараптардың құқықтары мен мiндеттерiн айқындайтын келiсiм;
      3) өтiнiш берушi – Бағдарламаға қатысу үшiн халықты жұмыспен қамту орталығына өтiнiш берген жеке тұлға;
      4) Бағдарламаға қатысушылар – Бағдарламаға қатысуға оң шешім алған өзін-өзі жұмыспен қамтығандар, жұмыссыздар, табысы аз адамдар, ішінара жұмыспен қамтылғандар, мүгедектер, оқуды аяқтағаннан кейін бір жыл ішінде жалпы білім беретін мектептердің 11-сыныбын, техникалық және кәсіптік білім беру, жоғары және жоғары оқу орнынан кейінгі білім беру ұйымдарын бітірушілердің қатарындағы Қазақстан Республикасының азаматтары мен оралмандар, сондай-ақ Бағдарламада басымдық белгіленген адамдардың өзге де санаттары;
      5) аудандық/қалалық комиссия (бұдан әрi – комиссия) – ауданның (қаланың) жергiлiктi атқарушы органының жанындағы Бағдарламаны iске асыру мәселелерi жөнiндегi ведомствоаралық комиссия;
      6) өңiрлiк комиссия – облыстың жергiлiктi атқарушы органының жанындағы Бағдарламаны iске асыру мәселелерi жөнiндегi ведомствоаралық комиссия;
      7) уәкiлеттi өңiрлiк ұйым – Қазақстан Республикасының заңнамасына сәйкес экономиканың белгiлi бiр салаларында мемлекеттiк инвестициялық саясатты iске асыруға уәкiлеттi ұлттық басқарушы холдинг және акцияларының жүз пайызы ұлттық басқарушы холдингке тиесiлi заңды тұлға, сондай-ақ банк немесе банк операцияларының жекелеген түрлерiн жүзеге асыратын, мемлекет жүз пайыз қатысатын ұйым және әлеуметтiк-кәсiпкерлiк корпорациялар;
      8) Бағдарлама операторы – халықты жұмыспен қамту саласындағы мемлекеттiк саясатты iске асыруды үйлестiрушi орталық атқарушы орган;
      9) өңірлік даму мәселелері жөніндегі уәкілетті орган – өңірлік даму саласындағы мемлекеттік саясатты қалыптастыру және іске асыру жөніндегі басшылықты жүзеге асыратын орталық атқарушы орган;
      10) кәсiпкерлiктi дамыту жөнiндегi уәкiлеттi орган – облыстың (республикалық маңызы бар қаланың, астананың) жергiлiктi атқарушы органының кәсiпкерлiктi дамытуға жәрдемдесудi қамтамасыз ететiн құрылымдық бөлiмшесi;
      11) инфрақұрылымды дамыту жөнiндегi уәкiлеттi орган – аудандық/қалалық маңызы бар жергiлiктi атқарушы органның инженерлік-коммуникациялық инфрақұрылымды дамыту және жайластыру мәселелерiне жауапты құрылымдық бөлiмшесi;
      12) кредиттік ұйымдар – қызметін Қазақстан Республикасының заңында белгiленген тәртіппен жүзеге асыратын микроқаржы (микрокредиттік) ұйымдары мен кредиттік серіктестіктер;
      13) микрокредиттiк ұйым – микрокредит беру жөнiндегi қызметтi жүзеге асыратын заңды тұлға;
      14) микроқаржы ұйымы – коммерциялық ұйым болып табылатын, ресми мәртебесі әділет органдарында мемлекеттік тіркелумен және есептік тіркеуден өтумен айқындалатын, микрокредиттер беру жөніндегі қызметті, сондай-ақ Қазақстан Республикасының заңдарында рұқсат етілген қызметтің қосымша түрлерін жүзеге асыратын заңды тұлға;
      15) кредиттiк серiктестiк – жеке және (немесе) заңды тұлғалар оған қатысушылардың кредитке және басқа қаржыға, оның iшiнде банк қызметтерiне қажеттiлiктерiн олардың ақшаларын шоғырландыру арқылы және Қазақстан Республикасының заңнамасында тыйым салынбаған басқа көздердiң есебiнен қанағаттандыру үшiн құрған заңды тұлға;
      16) бюджеттi атқару жөнiндегi орталық уәкiлеттi орган – бюджеттi атқару, республикалық бюджеттiң және өз құзыретi шегiнде жергiлiктi бюджеттердiң, Қазақстан Республикасы Ұлттық Банкiнiң есебi негiзiнде Қазақстан Республикасының Ұлттық қорының атқарылуы бойынша бухгалтерлiк есепке алуды, бюджеттiк есепке алу мен бюджеттiк есептiлiктi жүргiзу саласында басшылықты және салааралық үйлестiрудi жүзеге асыратын орталық атқарушы орган;
      17) мемлекеттік жоспарлау жөнiндегi орталық уәкiлеттi орган – стратегиялық, экономикалық және бюджеттік жоспарлау, бюджет саясатын әзірлеу және қалыптастыру саласында басшылықты және салааралық үйлестiрудi жүзеге асыратын орталық уәкiлеттi орган;
      18) материалдық көмек – кәсiпкерлiк негiздерiне оқудан өтiп жатқан Бағдарламаға қатысушыға жол жүруге және тұруына жұмсалатын шығындарды iшiнара өтеуге төленетiн ақшалай қаражат;
      19) сервистік қызмет көрсететін ұйым – кәсіпкерлікті қолдау жөніндегі қызметтер кешенін (консультациялық, маркетингтік, заң, бухгалтерлік, жобаны сүйемелдеу жөніндегі қызметтер және басқа да қызмет түрлері) көрсететін ұйым;
      20) кәсіпкерлік негіздеріне оқыту – бір айға дейін Қазақстан Республикасында бизнесті жүргізудің заңды негіздеріне, қаржы және салық салуға, бизнес құруға және дамытуға, бизнес-жоспарларды әзірлеу жөніндегі практикалық машықтарды игеруге бағдарланған кәсіпкерлік қызметінің негізгі ұғымдары мен ережелеріне қысқа мерзімді оқыту;
      21) сервистік қызметтер – жобаны сүйемелдеу жөнінде консультациялық, маркетингілік, заң, бухгалтерлік қызметтер көрсету жөніндегі қызметтер кешені және кәсіпкерлікті қолдау жөніндегі басқа да қызмет түрлері;
      22) кәсіпкерлікті дамыту картасы – аудандардың (қалалардың) жергілікті атқарушы органдары әзірлейтін және бекітетін және олардың қаржылық-экономикалық көрсеткіштерін, басқа мемлекеттік, салалық бағдарламалармен және аумақтарды дамыту бағдарламаларымен байланысын қоса алғанда, іске асыру жоспарланған бизнес-жоспарлардың тізбесін қамтитын кәсіпкерлікті дамыту жөніндегі шаралар кешені;
      23) тірек ауылдық елді мекенді дамытудың мастер-жоспары – іске асыруға ұсынылатын нақты жобаларды, перспектикалық бағыттарды, технологиялық тізбектерді, қажетті инфрақұрылымды дамытуды және жұмыс орындарын құруды қамтитын оны дамытудың оңтайлы бизнес моделін айқындайтын тірек ауылдық елді мекенді кешенді дамытуды көздейтін құжат;
      24) Банк – тірек ауылдық елді мекендерде өз қызметін жүзеге асыратын Бағдарламаға қатысушыларға берілетін екінші деңгейдегі банктердің және өзге де қаржылық ұйымдардың кредиттері/микрокредиттері/лизингілік мәмілелері бойынша сыйақы мөлшерлемесін субсидиялау шеңберінде ынтымақтастық туралы келісім жасаған екінші деңгейдегі банк;
      25) субсидиялау шарты – қаржы агенті, Бағдарламаға қатысушы, банк немесе өзге де қаржылық ұйымдар арасында жасалған үшжақты жазбаша келісім, оның шарттары бойынша субсидиялау жөніндегі қаржы агенті банк немесе өзге де қаржылық ұйымдар берген Бағдарламаға қатысушының кредиті/микрокредиті/лизингілік мәмілесі бойынша сыйақы мөлшерлемесін ішінара субсидиялайды;
      26) қарыз шарты – Бағдарламаға қатысушы, банк немесе өзге де қаржылық ұйымдар арасында жасалған жазбаша келісім, оның шарттары бойынша Банк немесе өзге де қаржылық ұйымдар Бағдарламаға қатысушыға кредит береді. Қарыз шартына сондай-ақ кредит желісін ашу туралы келісім жатады;
      27) қаржылық лизинг шарты – Бағдарламаға қатысушы, банк немесе өзге де қаржылық ұйымдар арасында жасалған жазбаша келісім, оның шарттары бойынша Банк немесе өзге де қаржылық ұйымдар Бағдарламаға қатысушыға лизинг береді;
      28) өзге де қаржылық ұйымдар – ынтымақтастық туралы келісім жасаған микроқаржы (микрокредиттік) ұйымдары, лизингтік компаниялар;
      29) жоба – табыс алуға бағытталған және Қазақстан Республикасының заңнамасына қайшы келмейтін бастамашылық қызмет түрінде Бағдарламаға қатысушы жүзеге асыратын бизнестің әртүрлі бағыттарындағы іс-қимылдар мен іс-шаралардың жиынтығы;
      30) мемлекеттік грант беру туралы шарт – кәсіпкерлікті дамыту жөніндегі уәкілетті орган, субсидиялау жөніндегі қаржылық агент және ауылдық тұтыну кооперативтеріне біріккен адамдар арасында жасалатын үшжақты жазбаша келісім, оның шарттары бойынша ауылдық тұтыну кооперативтерінің мүшелеріне нысаналы грант беріледі;
      31) грант – тірек ауылдық елді мекенді дамытудың мастер-жоспары шеңберінде ауылдық тұтыну кооперативтерінің мүшелері іске асыратын жобалар үшін қажетті жабдықтар мен технологияны сатып алуға арналған нысаналы ақшалай қаражат;
      32) субсидиялау жөніндегі қаржылық агент – «Даму» кәсіпкерлікті дамыту қоры» АҚ.
      Осы Қағидаларда пайдаланылатын өзге де ұғымдар мен терминдер Қазақстан Республикасының қолданыстағы заңнамасына сәйкес қолданылады.

2. Микрокредиттер беру

Бағдарламаның екінші бағытына қатысу тәртібі

      4. Бағдарламаға қатысуға және мемлекеттік қолдау алуға үміткерлер халықты жұмыспен қамту орталықтарына жүгінеді, онда оларға микрокредит алудың ықтимал нұсқалары, материалдық көмек, сервистік қызмет ұсыну мен кәсіпкерлік негіздеріне оқыту туралы консультация беріледі.
      5. Бағдарламаға қатысуға үміткерлер жұмыспен қамту орталықтарына осы Қағидаларға 1-қосымшаға сәйкес нысан бойынша өтінішке мынадай құжаттарды қоса береді:
      1) жеке басты куәландыратын құжаттың көшiрмелері;
      2) тұрақты тұрғылықты жері бойынша тiркелгенiн растайтын құжаттың көшiрмелерi (мекенжай анықтамасы, ауыл әкiмінiң анықтамасы);
      3) осы Қағидаларға 2-қосымшаға сәйкес нысан бойынша жеке iсiн ұйымдастыру немесе кеңейту бойынша бизнес-ұсыныс;
      4) жоба үшін жетiспейтiн инженерлiк-коммуникациялық инфрақұрылым объектілерін дамытуға және/немесе салуға, және/немесе инженерлік-коммуникациялық инфрақұрылымды (бұдан әрі – ИКИ дамыту), оның ішінде шалғайдағы мал шаруашылығын дамытуға және/немесе ілеспе технологиялық жабдықты сатып алуға (ілеспе жабдықты сатып алу) осы Қағидаларға 3-қосымшаға сәйкес нысан бойынша өтінім (қажет болған жағдайда).
      Жеке iсiн кеңейтудi жоспарлайтын адамдар төлем қабiлеттiлiгiн (адамға қызмет көрсетiлетiн екiншi деңгейдегi банктiң немесе оның филиалының қол қойылған және мөр басылған адамның банктiң немесе оның филиалының алдындағы (адам бiрнеше екiншi деңгейдегі банктiң немесе олардың филиалдарының, сондай-ақ шетелдiк банктiң клиентi болған жағдайда, мұндай анықтама осы банктердiң әрқайсысынан берiледi) мiндеттемелерiнiң барлық түрлерi бойынша анықтама берген күннiң алдында үш айдан астам созылған мерзiмi өткен берешегi жоқ екенi туралы анықтамасының түпнұсқасы) растайтын құжаттарды қосымша ұсынады.
      6. Екінші бағытқа қатысудың басым құқығы әйелдерге, мүгедектерге, зейнеткерлік жасына жеткенге дейін 50 жастағы адамдарға, ауыл тұрғындары қатарынан жиырма тоғызға дейінгі жастағы жастарға беріледі.
      Өзін-өзі жұмыспен қамтыған халықтың қатарынан қатысуға басым құқық Қазақстан Республикасы Статистика агенттігі төрағасының 2013 жылғы 10 қаңтардағы № 3 бұйрығымен бекітілген Қазақстан Республикасындағы өзін-өзі жұмыспен қамтығандардың санын, олардың орташа айлық табысының деңгейін және жұмыссыз халықтың санын айқындау әдістемесіне сәйкес бекітілген нәтижесіз жұмыспен қамтылғандар мәртебесіне ие адамдарға беріледі.

Микрокредиттер беру шарттары

      7. Бағдарламаға қатысушыларға микрокредит беру шарттары мыналарды қамтиды:
      1) микрокредит қайтарымдылық негізінде микроқаржы (микрокредиттік) ұйымдар үшін кепіл немесе кредиттік серіктестіктердің барлық қатысушыларына немесе қаржылық жай-күйі уәкілетті өңірлік ұйымның талаптарын қанағаттандыратын үшінші тұлғаларға кепілдіктер берген кезде беріледі. Бюджеттік кредиттің қайтарылуын қамтамасыз ету құны сыйақы сомасын есепке алғанда бюджеттік кредиттің мөлшерінен кем болмауға тиіс;
      2) нысаналы сипатта болады – жеке ісін ұйымдастыру немесе кеңейту;
      3) микрокредит тұтынушылық мақсаттарға, бұрынғы қарыздарын өтеуге және жылжымайтын тұрғын үй сатып алуға, сондай-ақ сауда саласындағы қызметтi жүзеге асыруға берiлмейдi;
      4) микрокредит беру мерзiмi – бес жылдан аспайды;
      5) микрокредиттiң ең жоғары сомасы – үш миллион теңгеден аспайды;
      6) соңғы қарыз алушыға, кредиттік ұйымға және/немесе қаржы агенттігі мәртебесіне ие уәкілетті өңірлік ұйымға кредит бойынша негiзгi берешекті өтеу бойынша жеңiлдiктi кезең ұсынылуы мүмкiн, ол микрокредит беру мерзiмi ұзақтығының үштен бiрiнен аспауға тиiс.
      8. Таңдалған тірек ауылдық елді мекендерде тұратын және жобаларды іске асыратын Бағдарламаға қатысушылар үшін мемлекеттік қолдау мынадай шарттарды қамтиды:
      1) Бағдарламаға қатысушының бір жеке қосалқы шаруашылығына, Бағдарламаға қатысушылардың қатарынан ауылдық тұтыну кооперативінің бір мүшесіне берілетін микрокредиттің ең жоғары мөлшері 5 млн. теңгеден аспайды. Кредит беру мерзімі – 5 жылға дейін;
      2) кәсіпкерлік негіздеріне тегін оқыту, оның ішінде жол жүруге және тұруға материалдық көмек ұсына отырып, бизнес-жоспар дайындауға жәрдемдесу, жобаларды сүйемелдеу жөніндегі сервистік қызметтер және ИКИ дамыту, ілеспе жабдық сатып алу;
      3) тірек ауылдық елді мекендерде жобаларды Бағдарлама қаражатынан тыс іске асыратын адамдарға екінші деңгейдегі банктердің және өзге қаржы институттарының кредиттері бойынша сыйақы мөлшерлемесін субсидиялау;
      4) тірек ауылдық елді мекендерде Бағдарлама қаражатынан тыс іске асырылатын жобалар шеңберінде жасалған лизингтік мәмілелер бойынша сыйақы мөлшерлемесін субсидиялау;
      5) ауылдық тұтыну кооперативтерінің мүшелеріне нақты жобаны іске асыру үшін тауар түрінде кредит беру;
      6) ауылдық тұтыну кооперативтерінің мүшелері үшін қажетті жабдық пен технологияны сатып алуға гранттар беру.
      9. Жеке кәсіпкерлік бастаманы мемлекеттік қолдау шараларын ұсыну кәсіпкерлікті дамыту картасын, сондай-ақ тірек ауылдық елді мекенді кешенді дамытудың мастер-жоспарын ескере отырып жүзеге асырылады.

Кәсіпкерлікті дамыту картасын қалыптастыру

      10. Аумақтарды дамыту бағдарламаларына сәйкес аудандардың (қалалардың) жергілікті атқарушы органдары жергілікті бюджет қаражаты есебінен 3 жылға арналған Кәсіпкерлікті дамыту карталарын әзірлеуді қамтамасыз етеді және оны облыстың кәсіпкерлікті дамыту жөніндегі уәкілетті органымен келісім бойынша бекітеді.
      Кәсіпкерлікті дамыту картасы бекітілгенге дейін Бағдарламаға қатысушыларға микрокредит беру өңірде айқындалған кәсіпкерлікті дамытудың басым бағыттарына сәйкес жүзеге асырылады.
      11. Кәсіпкерлікті дамыту карталарын әзірлеуге жауапты ұйымдарды іріктеуді Қазақстан Республикасының мемлекеттік сатып алу туралы заңнамасына сәйкес аудандардың (қалалардың) жергілікті атқарушы органдары жүзеге асырады.
      12. Кәсіпкерлікті дамыту карталарын әзірлеуге ауылдық (кент) округтердің әкімдері, бизнес жобаларды олардың қаржылық-экономикалық көрсеткіштерін, технологиялық циклдарын дамытуды, басқа мемлекеттік, салалық бағдарламалармен және аумақтарды дамыту бағдарламаларымен байланысын қоса алғанда, іске асыру болжанатын тізбесіне енгізу үшін ұсыныс енгізетін тұрғындар, кәсіпкерлер мен кредиттік серіктестіктердің өкілдері қатысады.
      13. Кәсіпкерлікті дамыту картасында мыналар көзделеді:
      1) нақты аумақ үшін Бағдарламаны іске асырудың нақты тиімділік көрсеткіштерінің (индикаторлардың) тізбесі, Бағдарламаға қатысушыларды заңдастыруды қоса алғанда күтілетін нәтижелер;
      2) Бағдарламаның әлеуетті қатысушыларының кәсіпкерлік белсенділігімен байланыстыра отырып, нақты аумақ үшін қызметтің басым түрлері;
      3) басқа мемлекеттік, салалық бағдарламалармен және аумақтарды дамыту бағдарламаларымен байланысы;
      4) картаны іске асыруға болжанатын бюджет;
      5) қызметтің басым түрлерінің технологиялық тізбегін дамыту (кластерлік тәсіл);
      6) түпкілікті өнім және нарық сыйымдылығына бағаларды талдай отырып, қызметтің әрбір басым түрі бөлінісіндегі жалпы қаржылық-экономикалық көрсеткіштер.
      14. Кәсіпкерлікті дамыту жөніндегі ауданның (қаланың) уәкілетті органы ұсынылған Кәсіпкерлікті дамыту картасының жобасын ауданның кәсіпкерлікті дамытудың бекітілген бағыттарына сәйкестігін тексереді және оны облыстың кәсіпкерлікті дамыту жөніндегі уәкілетті органымен келіседі.
      15. Облыстың кәсіпкерлікті дамыту жөніндегі уәкілетті органымен келіскеннен кейін Кәсіпкерлікті дамыту карталарын аудандардың (қалалардың) жергілікті атқарушы органдары бекітеді.
      Аудандардың (қалалардың) жергілікті атқарушы органдары өзгерістерді ескере отырып, Кәсіпкерлікті дамыту картасын түзетуі мүмкін, бірақ жылына бір реттен жиі емес.
      16. Кәсіпкерлікті дамыту картасында көзделген көрсеткіштердің негізінде жергілікті атқарушы орган тиісті жылға арналған бюджеттік өтінімді қалыптастырады.
      17. Өңірлердің жергілікті атқарушы органдары Бағдарлама операторына микрокредит беру жөніндегі жиынтық бюджеттік өтінімді жібереді.
      18. Қалыптастырылған Кәсіпкерлікті дамыту картасы халықты жұмыспен қамту орталығына, кредиттік ұйымға, уәкілетті өңірлік ұйымға, сервистік қызметтер көрсету жөніндегі ұйымдарға ұсынылады және аудандардың (қалалардың) жергілікті атқарушы органдарының және жұмыспен қамту мәселелері жөніндегі уәкілетті органдардың және халықты жұмыспен қамту орталықтарының интернет ресурстарына орналастырылады.

Тірек ауылдық елді мекенді кешенді дамытудың мастер-жоспарын
қалыптастыру

      19. Жергілікті атқарушы органдар өңірлік даму мәселелері жөніндегі орталық уәкілетті орган бекіткен тірек ауылдық елді мекендерді айқындау әдістемесіне сәйкес тірек ауылдық елді мекендерді айқындайды және олардың тізбесін өңірлік даму мәселелері жөніндегі орталық уәкілетті органмен және Бағдарлама операторымен келіседі.
      Тірек елді мекендерді айқындау жеткілікті сыйымдылықтағы, жаңғыртылған әлеуметтік және инженерлік инфрақұрылымы бар, сондай-ақ ғылыми технологиялардың, алдыңғы қатарлы өндірістердің, ғылыми-білім беру, мәдени-демалыс және қаржылық-делдалдық қызметтер тартылатын орталық болып табылатын тірек ауылдық елді мекендерді іріктеуді көздейді. Аталған елді мекендер өндірістік және әлеуметтік елді мекендердің белгілі бір тобының жүйелерін пропорционалды, өзара байланыста дамытуды қамтамасыз ететін болады.
      20. Ауданның жергілікті атқарушы органдары мемлекеттік сатып алу туралы заңнамаға сәйкес жергілікті бюджет қаражаты есебінен және/немесе Қазақстан Республикасының заңнамасында тыйым салынбаған өзге де көздерден ауылдық елді мекеннің бизнес моделін әзірлеу үшін консалтингтік компанияны таңдауды жүзеге асырады.
      Консалтингтік компания тірек ауылдық елді мекен үшін дамудың перспективалық бағыттарын айқындайды және ұсынады.
      21. Ауданның жергілікті атқарушы органы, ұйым, ауылдық округтің (кенттің) әкімі ынтымақты жауапкершілік қағидаттарында жергілікті қоғамдастық жиынында ауылдық елді мекенді, дамудың перспективалық бағыттарын қарауды және оларды жеке және заңды тұлғалардың іске асыруын қамтамасыз етеді.
      22. Консалтингтік компания жергілікті қоғамдастық жиынында келісілген дамудың перспективалы бағыттарының негізінде тірек ауылдық елді мекенді дамытудың мастер-жоспарын әзірлейді.
      23. Тірек ауылдық елді мекенді дамытудың мастер-жоспары мыналарды:
      1) іске асыруға ұсынылатын нақты жобаларды (ірі, орташа және шағын жобалар);
      2) технологиялық тізбектерді дамытуды (ілеспе, қосалқы және қызмет көрсететін өндірістер);
      3) шикізат берушіні, баға саясатын, логистиканы, өнімді өткізуді;
      4) нақты сатып алушыға бағдарланған кәсіпкерлік қызметті;
      5) еңбек ресурстарының болуын, олардың сапасын, көші-қон процестерін, жобаны іске асыратын жеке және заңды тұлғаларды;
      6) бизнес модельде айқындалған жобаларды іске асыру үшін қажетті инженерлік және әлеуметтік инфрақұрылымды айқындауды;
      7) қаражат қажеттілігін және іске асыру кезеңдерін айқындауды қамтиды.
      24. Аудандардың (қалалардың) жергілікті атқарушы органдары бекіткен тірек ауылдық елді мекенді дамытудың мастер-жоспары негізінде ауданның (қаланың) жергілікті атқарушы органы, ауылдық округтің (кенттің) әкімі консалтингтік компаниямен бірлесіп, жобаларды іске асырудың басымдылығы мен кезектілігін айқындайды және тиісті қаржы жылына арналған бюджеттік өтінімді қалыптастырады және бюджет өтінімін облыстың жергілікті атқарушы органдарына жинақтау үшін жібереді.
      25. Облыстың жергілікті атқарушы органдары қолданыстағы заңнамаға және Бағдарлама шеңберінде іске асыру жоспарланатын жобаларды таңдау негіздемесіне және тізбесіне сәйкес талап етілетін техникалық құжаттаманы қоса бере отырып, инфрақұрылымдық жобалар бойынша бюджеттік өтінімді жинақтайды және өңірлік даму мәселелері жөніндегі орталық уәкілетті органға, басқа мемлекеттік және салалық бағдарламалар шеңберінде тиісті бюджеттік бағдарламалар әкімшілеріне жібереді.
      26. Облыстың жергілікті атқарушы органдары микрокредит беру бөлігінде бюджеттік өтінімді, ал өңірлік даму мәселелері жөніндегі орталық уәкілетті орган құрылатын жұмыс орындарының саны көрсетілген жобалар тізбесін және қаржыландыруға өтінімді Бағдарлама операторына ұсынады.

Кредиттік ұйымдарды іріктеу тәртібі

      27. Уәкiлеттi өңiрлiк ұйымдар Микроқаржы (микрокредиттік) ұйымдарына және кредиттік серіктестіктерге кредит берудің белгiленген қағидаларына (бұдан әрі – Кредит беру қағидалары) сәйкес Бағдарламаға қатысу үшiн кредиттік ұйымды iрiктеу бойынша ашық конкурс өткiзедi.
      Микроқаржы (микрокредиттiк) ұйымдары мен кредиттiк серiктестiктер арасында конкурс өткізбей, соңғы қарыз алушыларға кредит беруді қаржы агенттігі мәртебесіне ие уәкілетті өңірлік ұйымның өзі жүзеге асыруы мүмкін.
      28. Бағдарламаға қатысу құқығын алған кредиттік ұйым мен уәкiлеттi өңiрлiк ұйымның арасында кредит беру туралы шарт жасалады.
      29. Кредиттік ұйым үшiн уәкiлеттi өңiрлiк ұйым беретін кредиттер бойынша жылдық сыйақы мөлшерлемесін уәкілетті ұйым өңiрлiк комиссиямен келiсiм бойынша уәкiлеттi өңiрлiк ұйым үшiн белгiленген кредиттер бойынша сыйақы мөлшерлемесін және оның кредит берудi ұйымдастыруға байланысты жоспарланған шығыстарын негізге ала отырып белгілейді.
      30. Уәкілетті өңірлік ұйымның қаржы агенттігі мәртебесі болған жағдайда кредиттік шарт тікелей уәкілетті өңірлік ұйым мен соңғы қарыз алушы арасында жасалады.
      31. Соңғы қарыз алушы үшін қаржы агенттігі мәртебесіне ие уәкілетті өңірлік ұйым ұсынатын кредиттік ресурстар бойынша жылдық сыйақының ең жоғары тиімді мөлшерлемесі өңірлік комиссиямен келісім бойынша белгіленеді.
      32. Кредиттік ұйым ұсынатын соңғы қарыз алушы үшін кредиттік ресурстар бойынша жылдық сыйақының ең жоғары тиімді мөлшерлемесін уәкілетті өңірлік ұйым өңірлік комиссиямен келісім бойынша белгілейді.
      33. Кредиттік ресурстар бойынша жылдық ең жоғары тиiмдi сыйақы мөлшерлемесінің мәнi кәсiпкерлiк қызметтiң түрiне байланысты саралануы мүмкiн.

Микроқаржы (микрокредиттік) ұйымдары немесе қаржы агенттігі
мәртебесіне ие уәкілетті өңірлік ұйым, сондай-ақ кредиттік
серіктестіктер арқылы микрокредит алу шарттары

      34. Микрокредит алу кезінде конкурстық негізде қаржы агенттігі мәртебесіне ие уәкілетті өңірлік ұйым немесе іріктелген микроқаржы (микрокредиттік) ұйымдары арқылы микрокредит алу кезінде халықты жұмыспен қамту орталықтары бағдарламаға қатысуға үміткерлер ұсынған өтініштерді және құжаттарды қарайды, мемлекеттiк қолдау алу түрлерi бойынша үмiткерлердiң тiзiмi мен:
      1) кәсіпкерлікті дамыту картасына (немесе өңірдегі кәсіпкерлікті дамытудың басым бағыттарына);
      2) тірек ауылдық елді мекенді кешенді дамыту мастер-жоспарына сәйкес ИКИ-ді дамытуды және/немесе ілеспе жабдықтарды сатып алуды талап ететін жобалардың тiзбесiн қалыптастырады және:
      ауданның (қаланың) кәсіпкерлікті дамыту жөніндегі уәкілетті органына;
      болжамды жобаны іске асыру орны бойынша ауылдық округтің, кенттің әкіміне;
      конкурстық негізде іріктелген микроқаржы (микрокредиттік) ұйымдарына немесе қаржы агенттігі мәртебесіне ие уәкілетті өңірлік ұйымға;
      үміткер мәлімдеген ИКИ-ді дамыту және/немесе ілеспе жабдықты сатып алу қажет болған жағдайда ауданның (қаланың) инженерлік-коммуникациялық инфрақұрылымды дамыту және жайластыру жөніндегі уәкілетті органына жібереді.
      35. Уәкілетті органдар, ауылдық округтің, кенттің әкімі мен ұйымдар сұрау салуды алған күннен бастап он жұмыс күні ішінде халықты жұмыспен қамту орталығына:
      1) болжамды жобаның кәсіпкерлікті дамыту картасына немесе өңірде кәсіпкерлікті дамытудың басым бағыттарына сәйкестігі туралы қорытындыны (ауданның (қаланың) кәсіпкерлікті дамыту жөніндегі уәкілетті органы);
      2) жобаны іске асырудың орындылығын келісуді не дәлелді түрде бас тартуды (ауылдық округтің, кенттің әкімі);
      3) үміткерлерге Бағдарламаның осы бағытына қатысуға кредит беру мүмкіндігі туралы қорытындыны (конкурстық негізде іріктелген микроқаржы (микрокредиттік) ұйымдары, қаржы агенттігі мәртебесіне ие уәкілетті өңірлік ұйым);
      4) ИКИ-ді дамыту және/немесе ілеспе жабдық сатып алу мүмкіндігі туралы қорытындыны (инженерлік-коммуникациялық инфрақұрылымды дамыту және жайластыру жөніндегі уәкілетті орган (аудан) жібереді.
      36. Халықты жұмыспен қамту орталығы жоғарыда көрсетілген құжаттарды алғаннан кейін Бағдарламаның аталған бағытына әлеуетті қатысушылар құрамына қосу не одан бас тарту туралы шешiм қабылдайды және шешiм қабылдаған күннен бастап үш жұмыс күнi iшiнде өтініш берушіге бұл туралы жазбаша хабарлайды.
      37. Халықты жұмыспен қамту орталықтары Бағдарламаның аталған бағытына қатысушылардың құрамына енгізілген адамдармен осы Қағидаларға 4-қосымшаға сәйкес нысан бойынша әлеуметтік келісімшарттар жасасады.
      38. Халықты жұмыспен қамту орталықтары Бағдарламаға қатысушыларды кәсіпкерлік негіздеріне оқыту жөніндегі ұйымға бір айға дейінгі оқу мерзімімен оқуға жібереді, онда бизнес-жоспар дайындауға жәрдемдесумен олардың тегін оқуы қамтамасыз етіледі.
      Оқуды өткізу кестесі халықты жұмыспен қамту орталығымен келісіледі.
      Кәсіпкерлік негіздеріне оқыту жөніндегі ұйым Бағдарламаға қатысушы жобасының бизнес-жоспарының іске асырылуын экономикалық және қаржылық тұрғыдан негіздейтін қорытынды береді.
      Кәсіпкерлік негіздеріне оқыту жөніндегі ұйым тұрғылықты жерінен тыс жерде орналасқан жағдайда Бағдарламаға қатысушыға материалдық көмек көрсетіледі.
      39. Оқытуға материалдық көмек төлеуді халықты жұмыспен қамту мәселелері жөніндегі уәкілетті орган кәсіпкерлік негіздеріне оқыту курстарынан өткендігі туралы растайтын құжаттар негізінде жүзеге асырады.
      40. Кәсіпкерлік негіздеріне оқымай, микрокредит алуға бұдан бұрын кәсіпкерлік негіздеріне оқытудан өткен адамдар, жұмыс істеп тұрған бизнесін кеңейтетін, сондай-ақ кәсіпкерлік негіздеріне оқыту курстарынан, бірақ үш жылдан аспайтын мерзімде өткенін растайтын тиісті құжаттары бар адамдар үміткер бола алады.
      41. Бағдарламаға қатысушы бұрын конкурстық негізде іріктелген микроқаржы (микрокредиттік) ұйымдарына не қаржы агенттігі мәртебесіне ие уәкілетті өңірлік ұйымға микрокредит алу үшін өтініммен жүгінеді.
      42. Микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым бес жұмыс күні ішінде жобаға бағалау жүргізеді және Бағдарламаға қатысушыға микрокредит беру мүмкіндігі туралы (немесе мүмкін еместігі) туралы шешім қабылдайды және қорытындыны халықты жұмыспен қамту орталықтарына жібереді.
      43. Бағдарламаға қатысушылардың жобаларын қарау кезінде қаржы агенттігі мәртебесіне ие уәкілетті өңірлік ұйым не кредиттік ұйым:
      1) өтініш берушілердің жеке ісін ұйымдастыруға немесе кеңейтуге арналған бизнес-жоспарын бағалауды жүзеге асырады;
      2) Бағдарламаға қатысушылармен дербес әңгімелесу жүргізеді және қажет болған кезде төлем қабілеттілігін және/немесе кепілдікпен қамсыздандырудың болуын айқындау үшін өтініш берушінің табысына және ресурстарына қосымша тексеру жүргізеді.
      44. Оң шешім қабылданған жағдайда қаржы агенттігі мәртебесіне ие уәкілетті өңірлік ұйымның немесе кредиттік ұйымның қорытындысы бес жұмыс күні ішінде халықты жұмыспен қамту орталықтарына жіберіледі.
      45. Теріс шешім жағдайында қаржы агенттігі немесе кредиттік ұйымның мәртебесіне ие уәкілетті өңірлік ұйым бас тарту себептерін көрсете отырып, бұл туралы өтініш берушіге хабарлайды, өтініш берушіге құжаттар пакетін қайтарады және халықты жұмыспен қамту орталықтарын хабардар етеді.
      46. Шарт жасау және микрокредитті бөлу не бөлуден бас тарту туралы ақпаратты қаржы агенттігі мәртебесіне ие уәкілетті өңірлік ұйым немесе кредиттік ұйым шарт жасалған күннен бастап бес жұмыс күні ішінде халықты жұмыспен қамту орталықтарына жібереді.
      47. Халықты жұмыспен қамту орталықтары микроқаржы (микрокредиттік) ұйымы не қаржы агенттігі мәртебесіне ие уәкілетті өңірлік ұйым шешім қабылдағаннан кейін бес жұмыс күні ішінде бұдан бұрын жасалған әлеуметтік келісімшарттарға тиісті өзгерістер енгізеді.
      48. Микрокредит алғаннан кейін экономика салалары бөлінісінде ауылда кәсіпкерлікті дамытудың белгілі бір басым бағыттары немесе кәсіпкерлікті дамыту карталары шеңберінде уәкілетті өңірлік комиссиямен келісім бойынша микрокредиттің нысаналы мақсатын өзгертуге жол беріледі.
      49. Бағдарламаға қатысушы кредит алуға оң қорытынды алғаннан кейін бес жұмыс күні ішінде сервистік қызметтер көрсету жөніндегі ұйыммен бір жылға дейінгі мерзімге жобаны сүйемелдеу жөніндегі қосымша қызметтер (маркетингтік, заң, бухгалтерлік және басқа да қызмет түрлерін) ұсынуға шарт жасасуға құқылы.
      50. Кәсіпкерлікті дамыту үшін микрокредит алған Бағдарламаға қатысушылар салық заңнамасына сәйкес салық органдарында тіркеуден өтуге тиіс.

Кредиттік серіктестіктер арқылы микрокредит алу шарттары

      51. Егер үміткер микрокредитті кредиттік серіктестік арқылы алуға ниетті болған жағдайда, оның жұмыс істеп тұрған кредиттік серіктестікке қосылуына немесе Кредит беру қағидаларына сәйкес уәкілетті өңірлік ұйым жүргізетін кредиттік серіктестіктерді іріктеу жөніндегі конкурсқа қатысатын жаңа кредиттік серіктестік құруына болады.
      52. Халықты жұмыспен қамту орталығы өтінішті және құжаттарды кредиттік серіктестік мүшесінен алғаннан кейін Бағдарламаның екінші бағытына қатысушылардың құрамына енгізу не одан бас тарту туралы шешім қабылдайды және шешім қабылдаған күннен бастап үш жұмыс күні ішінде оларды бұл туралы жазбаша хабардар етеді.
      53. Жұмыспен қамту орталықтары Бағдарламаға қатысушыны осы Қағидалардың 65-тармағында көзделген қызметтерді алу үшін сервистік қызметтер көрсету жөніндегі ұйымға жібереді.

Сыйақы мөлшерлемесін субсидиялау және ауылдық тұтыну
кооперативтерінің мүшелеріне тауарлық сипаттағы қарыз беру
шарттары

      54. Сыйақы мөлшерлемесін субсидиялау тірек ауылдық елді мекендерді дамытудың мастер-жоспары шеңберінде жобаларды іске асыратын үміткерлердің 2013 жылғы 1 маусымнан бастап алған/жасалған жаңа кредиттер/лизингілік мәмілелер бойынша жүзеге асырылатын болады, бұл ретте кредит/лизинг сомасы бес миллион теңгеден аспайды және қолданыстағыларға қатысты жаңа тұрақты жұмыс орындарының кемінде он пайызын құру арқылы қамтамасыз етіледі.
      55. Сыйақы мөлшерлемесін субсидиялауға үміткер кредит алу, Банктермен немесе өзге де қаржылық ұйымдармен лизингілік мәміле шартын жасау туралы растайтын құжаттарды қоса отырып қолдаухат туралы өтінішпен халықты жұмыспен қамту орталығына жүгінеді.
      56. Халықты жұмыспен қамту орталығы үміткерден сыйақы мөлшерлемесін субсидиялауға қолдаухат туралы өтінішті алғаннан кейін:
      1) өтінішпен бірге ұсынылған құжаттардың толықтығын және Тірек ауылдық елді мекенді дамытудың мастер-жоспарымен бекітілген жобаларға сәйкестігін тексеруді;
      2) ұсынылған құжаттар сәйкес келген жағдайда аудандық (қалалық) комиссияға қарау үшін үміткерлердің тізімін дайындауды;
      3) құжаттардың пакеті толық ұсынылмаған не жобалар тірек ауылдық елді мекенді дамытудың мастер-жоспарына сәйкес келмеген жағдайларда халықты жұмыспен қамту орталығы үміткерге ұсынылған құжаттарды қайтаруды жүзеге асырады.
      57. Халықты жұмыспен қамту орталығы он жұмыс күні ішінде үміткерлер тізімін және жобаларды қажетті құжаттар пакетімен қоса аудандық (қалалық) комиссияның қарауы үшін жібереді.
      58. Аудандық (қалалық) комиссия үміткерлердің тізімдерін қалыптастырады, Бағдарлама талаптарына сәйкестігін тексереді және құжаттар келіп түскен күннен бастап бес жұмыс күні ішінде өңірлік комиссияға жібереді.
      59. Талқылау нәтижелері бойынша өңірлік комиссия үміткерлерді қолдау туралы шешім қабылдайды, ол өңірлік комиссия отырысы өткізілген күннен бастап екі жұмыс күні ішінде хаттамамен рәсімделеді.
      60. Өңірлік комиссия хаттамаға қол қойылған күннен бастап үш жұмыс күні ішінде Бизнестің жол картасы 2020 бағдарламасын іске асыру жөніндегі өңірлік үйлестіру кеңесіне субсидиялау туралы шешім қабылдау үшін қолдаухатпен мақұлданған жобалардың тізбесін жібереді.
      61. Сыйақы мөлшерлемесін субсидиялау туралы оң шешім алған үміткерлермен қолданыстағыларға қатысты жаңа тұрақты жұмыс орындарының кемінде он пайызын құру жөніндегі міндеттемелерін көздейтін әлеуметтік келісімшарт жасалады.
      62. Тірек ауылдық елді мекендерде тұратын адамдарды екінші деңгейдегі банктердің және өзге де қаржылық ұйымдарының кредиттері/микрокредиттері/лизингілік мәмілелері бойынша сыйақы мөлшерлемесін субсидиялаудың, сондай-ақ ауылдық тұтыну кооперативтеріне біріккен адамдарға грант беру тетігі, тәртібі, шарттары мен қаржыландыру көздері Қазақстан Республикасы Үкіметінің 2010 жылғы 13 сәуірдегі № 301 қаулысымен бекітілген Бизнестің жол картасы 2020 бағдарламасының қағидаттары мен тетіктері бойынша жүзеге асырылады.
      63. Бағдарлама шеңберінде ауылдық тұтыну кооперативтеріне біріккен адамдарға қарыз тауарлық сипатта қаржылық агенттік мәртебесіне ие уәкілетті ұйым белгілеген шарттарда, тәртіпте және тетіктермен ұсынылады.

3. Кәсіпкерлік негіздеріне оқыту және консультациялық қызмет
көрсету

      64. Кәсіпкерлік негіздеріне тегін оқыту мыналарды көздейді:
      1) бір айға дейінгі мерзімге бизнес-жоспар дайындауға жәрдемдесу;
      2) жол жүруге және тұруға материалдық көмек ұсыну;
      3) жобаларды сүйемелдеу жөніндегі консультациялық (сервистік) қызметтер.
      Кәсіпкерлік негіздеріне оқитындарға материалдық көмек:
      1) жол жүруге – екі айлық есептік көрсеткіш мөлшерінде;
      2) тұруға – он айлық есептік көрсеткіш мөлшерінде беріледі.
      65. Бағдарламаға қатысушыларға кәсіпкерлік негіздерін оқытуды жүргізу, оның ішінде бизнес-жоспар дайындауға жәрдемдесу үшін ұйымды айқындауды мемлекеттік сатып алу туралы заңнамаға сәйкес облыстың халықты жұмыспен қамту мәселелері жөніндегі уәкілетті органы жүзеге асырады.
      Өңірлік комиссия индикаторларды, сондай-ақ кәсіпкерлік негіздеріне оқыту жөніндегі ұйыммен тиісті шарттарда көрсетілуге тиіс қызмет көрсету мониторингі құралдарын келіседі.
      66. Кәсіпкерлік негіздеріне оқыту құны Бағдарлама шеңберінде білім беру ұйымдарында біліктілігін арттыруға оқыту құнына теңеседі, оның мөлшерін білім беру саласындағы уәкілетті орган айқындайды.
      67. Кәсіпкерлік негіздеріне оқыту жөніндегі ұйымдар Бағдарламаға қатысушылардың қалауы бойынша оқуға бөлінген қаражат шеңберінде бір жылға дейінгі мерзімге жобаларды, оның ішінде консультациялық (бухгалтерлік, заң, маркетингілік) жобаларды сүйемелдеу жөніндегі сервистік қызметтерді көрсетеді.
      Жобаны сүйемелдеу жөніндегі сервистік қызметтер:
      1) жұмыс уақытында телекоммуникациялық байланыс пен интернет бойынша;
      2) жұмыс уақытында сервистік ұйымның орналасқан жері бойынша;
      3) екі айда кемінде бір рет Бағдарламаға қатысушының тұрғылықты жері бойынша консультациялар өткізу арқылы көрсетіледі.
      Бағдарламаға қатысушының тұрғылықты жері бойынша сервистік қызметтер көрсету кестесі халықты жұмыспен қамту орталығымен келісіледі.
      Жобаны сүйемелдеу жөніндегі сервистік қызметтер көрсету жөніндегі ұйым қызметтерінің ақысы қызмет көрсетудің нақты кезеңі үшін төленеді.
      68. Жобаны сүйемелдеу жөніндегі сервистік қызметтер 2013 жылдан бастап пилоттық режимде іске асырылатын Шығыс Қазақстан облысын қоспағанда, 2014 жылдан бастап көрсетілетін болады.

4. Инженерлiк-коммуникациялық инфрақұрылымды дамыту

      69. Инфрақұрылымды дамыту жөнiндегi уәкiлеттi орган он жұмыс күні ішінде халықты жұмыспен қамту орталықтары ұсынған ИКИ-ді дамытуға және/немесе ілеспе жабдық сатып алуға арналған өтiнiмдер тізбесін қарайды, мәлімделген жобаларды iске асыру мүмкiндiгi (немесе мүмкiн емес екенi), оларды қаржыландырудың қажеттi көлемi туралы қорытынды дайындайды және оны халықты жұмыспен қамту орталығына жібереді.
      70. Оң қорытынды алған жобалар бойынша Бағдарламаға қатысушы микрокредит алғаннан кейін Бағдарламаға қатысушы мен инфрақұрылымды дамыту жөнiндегi уәкiлеттi органның арасында ИКИ-ді дамытуға және/немесе ілеспе жабдықты сатып алуға арналған шарт жасалады.
      71. Инфрақұрылымды дамыту жөніндегі уәкілетті орган әрбір жоба бойынша техникалық-экономикалық негіздемені немесе жобалау-сметалық құжаттаманы әзірлейді.
      Жобалау-сметалық құжаттаманы әзірлеу және жетіспейтін инженерлік-коммуникациялық инфрақұрылым объектілерін дамытуға және/немесе салуға және/немесе ілеспе технологиялық жабдықты сатып алуға мемлекеттік сараптама жүргізу республикалық бюджеттен берілетін трансферттер есебінен жүзеге асырылады.
      Техникалық-экономикалық негіздемені және/немесе жобалау-сметалық құжаттаманы әзірлеу, мемлекеттік сараптамадан өткізу, авторлық және техникалық қадағалауды жүргізу шығыстары ИКИ-ді дамытуға көзделген шығындардан бөлек ескеріледі.
      Жетіспейтін инженерлік-коммуникациялық инфрақұрылым объектілерін дамытуға және/немесе салуға және/немесе инженерлік-коммуникациялық инфрақұрылым үшін ілеспе технологиялық жабдықты сатып алуға, жобалау-сметалық құжаттаманы әзірлеуге және мемлекеттік сараптама жүргізуге, жергілікті смета жасауға микрокредит беруге өңірге бөлінген жалпы қаражат сомасының он пайызы мөлшерінде қаржыландыру лимиттері көзделеді.
      72. Инфрақұрылым объектілерін салу немесе реконструкциялау және инженерлік-коммуникациялық инфрақұрылым үшін, оның ішінде шалғайдағы мал шаруашылығын дамыту үшін сатып алынатын ілеспе технологиялық жабдықтардың құны жобалау-сметалық құжаттаманы әзірлеу құны мен мемлекеттік сараптама жүргізу құны есепке алынбай айқындалады және берілетін микрокредиттің сомасына қарамастан, Бағдарламаның бір қатысушысына үш миллион теңгеден аспауға тиіс.
      Шалғайдағы мал шаруашылығы үшін жетіспейтін инженерлік-коммуникациялық инфрақұрылым объектілерін дамытуды және/немесе салуды таңдау және/немесе инженерлік-коммуникациялық инфрақұрылым үшін ілеспе технологиялық жабдықты сатып алу экономикалық орындылығына қарай айқындалады.
      73. Жүргізілген инженерлік инфрақұрылым жергілікті атқарушы органдардың коммуналдық меншігінің теңгеріміне беріледі.
      Инженерлік-коммуникациялық инфрақұрылым үшін, оның ішінде шалғайдағы мал шаруашылығын дамыту үшін сатып алынатын ілеспе технологиялық жабдық қабылдау-беру актілері арқылы Бағдарламаға қатысушының меншігіне беріледі. Бұл ретте микрокредитті қайтару мерзімі ішінде Бағдарламаға қатысушы ілеспе технологиялық жабдықтың мақсатты пайдаланылуын қамтамасыз етеді және растайды.
      74. Шартта көзделген инфрақұрылым жобасын іске асыру мониторингі инфрақұрылымды дамыту жөніндегі уәкілетті органға жүктеледі.

5. Ауылда кәсіпкерлікті дамытуға жәрдемдесуге бағытталған
шараларды қаржыландыру

      75. Қаржылық тәртiптi қамтамасыз ету және бюджет қаражатының мақсатты пайдаланылуына мониторинг жүргiзу үшiн нысаналы трансферттер бойынша нәтижелер туралы:
      1) Бағдарлама операторы мен облыс әкiмдерiнің арасында микрокредит беру, кәсiпкерлiк негiздерiн оқыту және жобаларды бір жылға дейін сүйемелдеу бөлігінде;
      2) өңірлік даму жөнiндегi орталық уәкiлеттi орган мен облыс әкiмдерiнің арасында Бағдарлама шеңберiнде iске асырылатын жобалар бойынша инженерлiк-коммуникациялық жүйелерiн тарту және қолданыстағыларына қосу мақсатында жетіспейтін инженерлік-коммуникациялық инфрақұрылым объектілерін дамыту және/немесе салу және/немесе инженерлiк-коммуникациялық инфрақұрылым үшін, оның ішінде шалғайдағы мал шаруашылығын дамыту үшін ілеспе технологиялық жабдықты сатып алу бөлігінде нысаналы трансферттер бойынша нәтижелер туралы келiсiмдер жасалады.
      76. Бағдарлама операторы мен өңірлік даму жөнiндегi орталық уәкiлеттi орган бюджет заңнамасына сәйкес тиiстi республикалық бюджеттiк бағдарламалар бойынша облыстық бюджеттерге, Астана және Алматы қалаларының бюджеттерiне ағымдағы нысаналы трансферттердi аударуды жүргiзедi.
      77. Нысаналы трансферттер жергiлiктi атқарушы органдарға объектiлер бойынша бөлiнбей аударылады.
      Облыстардың, республикалық маңызы бар қаланың, астананың жергiлiктi атқарушы органдары ИКИ дамытуға және/немесе ілеспе технологиялық жабдық сатып алуға өтінімдерді алуына қарай iске асырылуына қаражат бөлiнген жергiлiктi инвестициялық жобалар туралы объектiлер бөлiнiсiндегi жиынтық ақпаратты өңірлік даму жөнiндегi орталық уәкiлеттi органға жiбередi.
      78. Қаражат бөлу және бюджеттiк кредиттiң мақсатты пайдаланылуына бақылауды жүзеге асыру үшiн бюджеттi атқару жөнiндегi орталық уәкiлеттi орган, Бағдарлама операторы мен облыстардың, Астана және Алматы қалаларының әкiмдерi арасында осы Қағидаларда ескертiлген шарттармен кредиттiк шартқа қол қойылады.
      79. Бағдарлама операторы бюджет заңнамасына сәйкес бюджеттiк кредиттердi тиiстi республикалық бюджеттiк бағдарлама бойынша аударады.
      80. Облыстардың әкiмдерi ай сайын, есептi айдан кейiнгi айдың 5-күнiне қарай:
      1) Бағдарлама операторына – сервистік қызмет көрсетілген, кәсiпкерлiк негiздерiн оқудан өткен, микрокредит алған, жеке iсiн ұйымдастырған немесе кеңейткен Бағдарламаға қатысушылар саны, соңғы қарыз алушылардың микрокредиттерді мақсатты пайдалануы туралы;
      2) өңірлік даму мәселелері жөнiндегi орталық уәкiлеттi органға – салынған және реконструкцияланған және/немесе сатып алынған және инженерлiк-коммуникациялық инфрақұрылымға қосылған объектiлердің, сатып алынатын ілеспе, оның ішінде шалғайдағы мал шаруашылығын дамыту үшін технологиялық жабдықтардың саны туралы есептердi ұсынады.
      81. Қаржы агенттігі мәртебесіне ие уәкілетті өңірлік ұйым не микроқаржы (микрокредиттік) ұйымдары немесе кредиттік серіктестіктер берілген микрокредиттің мақсатты пайдаланылуын және Бағдарламаға қатысушылардың шартқа сәйкес өздеріне алған міндеттемелерін орындауын сүйемелдеуді және бақылауды жүзеге асырады.
      Бағдарламаға қатысушының қаражатты мақсатты пайдалануы туралы есебі жұмыспен қамту орталықтарына жіберіледі.
      Микрокредит алған Бағдарламаға қатысушылар кредит беруші ұйымдарға оларға берілген микрокредиттің мақсатты пайдаланылуы туралы растаушы құжаттарды ұсынады.
      Халықты жұмыспен қамту орталықтары микрокредит алған Бағдарламаға қатысушылардың тізімдерін аудандардың (қалалардың) салық органдарына ұсынады.

Жұмыспен қамтуға жәрдемдесудiң 
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидаларына
1-қосымша           

___________ ауданының (қаласының)
халықты жұмыспен қамту          
орталығының директорына         
_______________________ мекенжайы
бойынша тұратын _________________

Өтiнiш

      Менi жеке кәсіпкерлік бастаманы қолдау шеңберінде Жұмыспен
қамту 2020 жол картасының екінші бағыты бойынша қатысушылардың
қатарына енгiзудi сұраймын.
      Қосымша ___ парақта:
      жеке басты куәландыратын құжаттың көшiрмесi;
      тұрғылықты тұратын жерi бойынша тiркелгенiн растайтын құжаттың
көшiрмесi (мекенжай анықтамасы, ауылдық әкiмнiң анықтамасы);
      еңбек кiтапшасының (болған жағдайда) немесе еңбек қызметiн
растайтын өзге құжаттың (жұмыс iстейтiн адамдар үшiн) көшiрмесi;
      қажет болған жағдайда нысан бойынша жеке iсiн ұйымдастыру
немесе кеңейту, сондай-ақ ілеспе, оның ішінде шалғайдағы мал
шаруашылығын дамыту үшін технологиялық жабдықты сатып алу бойынша
бизнес-ұсыныс;
      қажет болған жағдайда нысан бойынша жетiспейтiн
инженерлiк-коммуникациялық инфрақұрылымды дамытуға және/немесе
жайластыруға және/немесе инженерлiк-коммуникациялық инфрақұрылым
үшін, оның ішінде шалғайдағы мал шаруашылығын дамыту үшін ілеспе
технологиялық жабдықты сатып алуға өтiнiм.
      Жеке iсiн кеңейтудi жоспарлайтын адамдар:
      төлем қабiлеттiлiгiн (адамға қызмет көрсетiлетiн екiншi
деңгейдегi банктiң немесе оның филиалының қолы қойылған және мөрi
басылған адамның банктiң немесе оның филиалының алдындағы (адам
бiрнеше екiншi деңгейдегi банктiң немесе филиалдарының, сондай-ақ
шетелдiк банктiң клиентi болған жағдайда, мұндай анықтама осындай
банктiң әрқайсысынан берiледi) мiндеттемелерiнiң барлық түрлерi
бойынша анықтама берген күннiң алдында үш айдан астам созылған
мерзiмi өткен берешегi жоқ екенi туралы анықтамасының түпнұсқасы)
растайтын құжаттарды қосымша ұсынады.
      Оң шешiм қабылданған жағдайда жеке әлеуметтiк келісімшартқа қол
қоюға мiндеттенемiн.
      Күнi                                                       қолы

      Азамат ________________________________________________ өтiнiшi
20__ ж. «___» ___________________ қабылданды, № _____ болып тiркелдi.
Құжаттарды қабылдаған адамның Т.А.Ә., лауазымы және қолы:
_____________________________________________________________________
_____________________________________________________________________

      *ұсынылған құжаттардың дұрыстығына өтiнiш берушi жауапты болады.

Жұмыспен қамтуға жәрдемдесудiң 
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидаларына
2-қосымша           

Бизнес-ұсыныс

      1. Жобаның атауы ______________________________________________
      2. Тегi, аты, әкесiнiң аты ____________________________________
      3. Бiлiктiлiгi (кәсiбi, мамандығы) ____________________________
_____________________________________________________________________
      4. Кәсiпкерлiк негiздерiн оқу туралы мәлiметтер (аяқтау күнi,
ұйымның атауы, оқу бейiнi) __________________________________________
_____________________________________________________________________
      5. Жобаның сипаттамасы (мақсаты, ерекше белгiлерi, iске асыру
кезеңдерi – тактикалық жоспар, мақсаттарға қол жеткiзу жолдары,
қызметтердi немесе өндiрiлген өнiмдi тұтынатын болжамды тұтынушылар)
      _______________________________________________________________
      _______________________________________________________________
      _______________________________________________________________
      6. Жобаның болжамды құны ___________________________ мың теңге;
      7. Қажеттi кредит сомасы ___________________________ мың теңге;
      8. Кредиттiң жоспарлы мерзiмi _________________________________
      9. Жоба іске асырылған жағдайда кемінде _________ тұрақты жұмыс
орны құрылатын болады.
      10. Кредиттi өтеу үшiн төлемдi шегеру қажеттiлiгi (бар, жоқ);
      11. Қолда бар мүлiктiң, техниканың және жобаны iске асыру үшiн
қажеттi жабдықтың сипаты ____________________________________________
_____________________________________________________________________
      12. Жетiспейтiн инженерлiк-коммуникациялық инфрақұрылымды тарту
қажеттiлiгi (жол, электр, сумен жабдықтау, кәрiз не септик, байланыс
және оның болжамды құны _________________________________ мың теңге).
      13. Ілеспе технологиялық жабдықты, оның ішінде шалғайдағы мал
шаруашылығын дамытуға арналған техникалық жабдықты сатып алу
қажеттігі ________________________ болжамды құны _________ мың теңге.

      Күнi                                                       қолы

Жұмыспен қамтуға жәрдемдесудiң 
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидаларына
3-қосымша           

Жетiспейтiн инженерлiк-коммуникациялық инфрақұрылымды
дамытуға және/немесе жайластыруға және/немесе
инженерлiк-коммуникациялық инфрақұрылымды,
оның ішінде шалғайдағы мал шаруашылығын дамыту
үшін ілеспе техникалық жабдықты сатып алуға
өтiнiм

      1. Жобаның атауы ______________________________________________
      Жобаның болжамды құны ______________________________ мың теңге;
      2. Тегi, аты, әкесiнiң аты ____________________________________
_____________________________________________________________________
      3. Жетiспейтiн инженерлiк-коммуникациялық инфрақұрылымның
сипаты:
      а) жолдар (ұзындығы (км), жол төсемiнiң енi м, бетiнiң
сипаттамасы (түрi), су өткiзгiш қондырғыларды орнату қажеттiлiгi)
      _______________________________________________________________
      _______________________________________________________________
      _______________________________________________________________
болжамды құны __________ мың теңге;
      б) электрмен жабдықтау (желiнiң ұзындығы (км), тiреулердiң,
оның iшiнде қос тiреулердiң қажеттi саны, желiдегi қажеттi кернеу
(вольт), төмендеткiш трансформатор сатып алу және орнату қажеттiлiгi)
_________________________________ болжамды құны __________ мың теңге;
      в) сумен жабдықтау (желiнiң ұзындығы (км), өткiзу қабiлетi
тәулiгiне текше м., байланыстырушы құбырдың диаметрi мм, өрт сөндiру
жүйесiн, оның iшiнде өрт гидрантын жайластыру қажеттiлiгi)
_________________________________ болжамды құны __________ мың теңге;
      г) кәрiз (су өткiзу) – қолданыстағы жүйеге қосу - ұзындығы км,
өткiзу қабiлетi тәулiгiне текше м., байланыстырушы құбырдың диаметрi
мм, қайта жiберу құдықтары құрылыстарының қажеттi саны, сорғы
жабдықтарын сатып алу және орнату қажеттiлiгi)
_____________________________________________________________________
болжамды құны __________ мың теңге;
      д) септик жайластыру – қажеттi көлемi текше м. ________________
      4. Байланыс (желiнiң ұзындығы км, тiреулердiң қажеттi саны,
абоненттiк нөмiрлердiң қажеттi саны)
_____________________________________________________________________
      4-1. Жетіспейтін ілеспе, оның ішінде шалғайдағы мал
шаруашылығын дамытуға арналған технологиялық жабдықтың сипаттамасы
__________________________________ болжамды құны __________ мың теңге
      5. Жетiспейтiн инженерлiк-коммуникациялық инфрақұрылымды
дамыту, жайластыру және қосалқы технологиялық жабдықты сатып алудың
жалпы құны _____________________________________ мың теңгенi құрайды.

      Күнi                                                       қолы

Жұмыспен қамтуға жәрдемдесудiң 
белсендi шараларына қатысатын 
адамдарға кәсiпкерлiктi дамытуға
мемлекеттiк қолдауды ұйымдастыру
және қаржыландыру қағидаларына
4-қосымша           

Әлеуметтік келісімшарт

      _________________              20__ жылғы «___» _______________
      (жасалатын орны)

_____________________________________________________________________
            (Халықты жұмыспен қамту орталығының атауы)
      Бұдан әрі «Жұмыспен қамту орталығы» деп аталатын ______________
_____________________________________________________________________
  (Халықты жұмыспен қамту орталығы өкілінің тегі, аты, әкесінің аты,
                           атқаратын қызметі)
______________________ атынан ___________________________________ бір
тараптан және бұдан әрі «Қатысушы» деп аталатын _____________________
                                                      (Т.А.Ә.)
_____________________________________________________________________
  құжаттың атауы, жеке басын куәландыратын құжат нөмірінің сериясы,
_____________________________________________________________________
                         кім және қашан берді
екінші тараптан төмендегілер туралы осы әлеуметтік келісімшартты
(бұдан әрі – келісімшарт) жасасты:

1. Келісімшарттың мәні

      1. Келісімшарт Халықты жұмыспен қамту орталығы және Қатысушы
арасында нәтижелі жұмыспен қамтуға жәрдемдесу және Қатысушының табыс
деңгейін арттыру мақсатында Қатысушыға мемлекеттік қолдау көрсету
туралы жасалды.
      2. Келісімшарт ________________________________________________
(Бағдарлама қатысушыларының құрамына адамды енгізу туралы шешім
қабылдаған органның атауы) 20__ ж. «___» ___________ № ___ шешімінің
негізінде жасалды.

2. Келісімшарт тараптарының құқықтары мен міндеттері

      1. Жұмыспен қамту орталығы:

      Қатысушыға микрокредит алудың ықтимал нұсқалары, материалдық
көмек алу, қосымша сервистік қызмет көрсету арқылы кәсіпкерлік
негіздеріне оқыту туралы консультация беруге;
      Қатысушыға мыналарды ұсынуға:
      1) ____________________________________________________________
_____________________________________________________________________
_____________________________________________________________________
               (ұйымның атауы, мекенжайы, оқу мерзімі)
кәсіпкерлік негіздеріне оқудан өтуді
      2) ____________________________________________________________
            (микрокредит алудың мақсаты не бизнес-ұсыныстың атауы)
      _______________________________________________________________
         (микроқаржы ұйымының атауы, мекенжайы, басшысының Т.А.Ә.)
      микрокредит алу үшін кредиттік ұйымдарға жүгінуді ұсынуға
міндеттенеді.

       2. Жұмыспен қамту орталығы мынадай мемлекеттік қолдау түрлерін
көрсетеді:
_____________________________________________________________________
_____________________________________________________________________
_____________________________________________________________________
  (мемлекеттік қолдау шараларының нақты тізбесі, олардың көлемі мен
                          көрсету мерзімдері)

      3. Жұмыспен қамту орталығының құқықтары

      1. Бағдарламаға қатысушыларға мемлекеттік қолдау көрсететін
жұмыспен қамту орталығының өкілдері одан Бағдарлама шеңберінде
берілетін микрокредиттің мақсатты пайдаланылуын растайтын ақпаратты,
мәліметтерді (жабдықты, ірі қара мал, ұсақ мал сатып алу туралы
ақпарат, құрылыс, жөндеу, қосымша жұмыс орындарын құру және т.б.)
сұратуға құқылы.

      4. Қатысушы мыналарға міндеттенеді

      1. Келісімшарттың қолданылу мерзіміне отбасының құрамы туралы,
өзінің табысы туралы және өз отбасы мүшелерінің табысы туралы шынайы
ақпаратты, Бағдарлама шеңберінде берілген микрокредиттің мақсатты
шығысталуын растайтын мәліметтерді ұсынуға, сыйақы мөлшерлемесін
субсидиялау туралы оң шешім кезінде қолданыстағыға қатысты кемінде 10
% жаңа тұрақты жұмыс орындарын құруға міндеттенеді.
      2. Мынадай міндеттемелерді орындауға:
      1) ____________________________________________________________
_____________________________________________________________________
_____________________________________________________________________
дейінгі мерзімге
      2) ____________________________________________________________
_____________________________________________________________________
_____________________________________________________________________
дейінгі мерзімге
      3) ____________________________________________________________
_____________________________________________________________________
_____________________________________________________________________
дейінгі мерзімге міндеттенеді.
      3. Ай сайын, есепті айдан кейінгі айдың 10-күнінен кешіктірмей
Жұмыспен қамту орталығына өзіне алған міндеттемелердің орындалуы
туралы және Бағдарлама шеңберінде берілген микрокредиттің мақсатты
шығысталуы туралы есеп беруге міндеттенеді.
      4. Осы келісімшарттың талаптарын орындауға кедергілер туындаған
жағдайда көрсетілген міндеттемелер басталған күннен бастап 3 жұмыс
күні ішінде Жұмыспен қамту орталығын хабардар етуге міндеттенеді.

      5. Қатысушының құқықтары

      1. Кәсіпкерлік негіздеріне оқытуға, микрокредит беру,
инженерлік-коммуникациялық инфрақұрылыммен қамтамасыз ету жөніндегі
ұсынылатын іс-шараларды талқылауға;
      2. Кәсіпкерлікті дамытуды мемлекеттік қолдауды ұйымдастыру және
қаржыландыру қағидаларында және Келісімшарттың _____, _______,_______
тармақтарында көзделген қаражатты алуға құқылы.

3. Өзге де шарттар

      1. Осы келісімшарттың _______-тармағында көзделген мемлекеттік
қолдау шаралары Қатысушыға _________________________________________
20__ жылғы ___________ «___» ___________ шешіміне сәйкес көрсетіледі.
      Мемлекеттік қолдау көрсету Келісімшарт талаптары сақталған
кезде жүзеге асырылады және ______________________ дейін жүргізіледі.
      2. Келісімшарттың талаптары орындалмаған немесе тиісінше
орындалмаған жағдайда Жұмыспен қамту орталығы:
      1) келісімшарттың ____________-тармақтарында көзделген
мемлекеттік қолдауды, сондай-ақ Қатысушыға атаулы әлеуметтік көмек
төлемін (қолданыстағы заңнамаға сәйкес ол тағайындалған жағдайда)
Келісімшарттың талаптарының орындалмау немесе тиісінше орындалмау
себептерін, ақшалай қаражаттың мақсатты шығысталуын растайтын
құжаттарды ұсынғанға дейін тоқтата тұруға;
      2) комиссия шешімінің негізінде Қатысушыны осы туралы
келісімшарт бұзылған күнге дейін 10 күн бұрын жазбаша хабардар ете
отырып біржақты тәртіппен келісімшартты бұзуға;
      3) атаулы әлеуметтік көмек және Бағдарлама шеңберінде
мемлекеттік қолдау көрсетуден бас тартуға құқылы.

4. Келісімшарттың қолданылу мерзімі

      Келісімшарттың қолданылу мерзімі 20__ «___» ________ 20__ жылғы
«___» _________ дейін.

5. Келісімшарт талаптарының орындалмағаны үшін тараптардың
жауапкершілігі

      Келісімшарт талаптарының орындалмағаны және (немесе) тиісінше
орындалмағаны үшін тараптар Қазақстан Республикасының қолданыстағы
заңнамасына және кәсіпкерлікті дамытуды мемлекеттік қолдауды
ұйымдастыру және қаржыландыру қағидаларына сәйкес жауапты болады.

6. Форс-мажорлық жағдайлар

      1. Тараптар осы Келісімге қол қойылғаннан кейін туындаған өрт,
жер сілкінісі, су тасқыны және басқа да апатты жағдайлар; әскери
іс-қимылдар және т.б. сияқты төтенше және дүлей жағдайларда
(форс-мажор) міндеттерін толық немесе ішінара орындамағаны үшін
жауапкершіліктен босатылады.
      2. Форс-мажор жағдайлары туындаған жағдайда, осы келісімшартқа
сәйкес қандай да болсын міндеттемелерді орындауы осындай жағдайлардың
туындауына байланысты мүмкін болмаған, Тарап форс-мажор жағдайлар
басталған немесе аяқталған күннен кейінгі үш жұмыс күні ішінде бұл
туралы басқа тараптарды жазбаша нысанда (осы келісімшарт бойынша өз
міндеттерін орындаудың мүмкін еместігін негіздеп және дәлелдеп
хабардар етуі тиіс.
      3. Хабарламау немесе уақтылы хабарламау, осындай хабарламау
немесе уақтылы хабарламау форс-мажордың тиісті мән-жайларынан тікелей
пайда болған жағдайларды қоспағанда, Тарапты форс-мажордың осы
келісімшарт бойынша міндеттемелерді орындамағаны үшін
жауапкершіліктен босатуға негіздеме ретінде кез келген форс-мажордың
жағдайына сүйену құқығынан айырады. Форс-мажор жағдайларының
басталғандығы немесе тоқтатылғандығы туралы хабарлама, форс-мажор
жағдайы жалпыға танымал және жаппай сипат алған, дәлелдеуді қажет
етпейтін жағдайларды қоспағанда, құжатпен немесе тиісті органның және
немесе мекеменің куәлігімен расталуға тиіс.
      4. Осы келісімшарт бойынша міндеттемелерді орындау мерзімі
форс-мажор жағдайы орын алған, сондай-ақ осы жағдайлардан туындаған
салдар әрекеті барысына шамалас уақытқа кейінге шегеріледі. Егер
мән-жайларының туындауына байланысты Тараптардың осы келісімшарт
бойынша міндеттемелерді толық немесе ішінара орындай алмауы, _______
(кезеңді көрсету) асып кетсе, Тараптар осы Шартты бұзуға құқылы.

7. Тараптардың мекенжайлары мен деректемелері

Қазақстан Республикасы
Үкіметінің      
2013 жылғы 13 тамыздағы
№ 817 қаулысына   
3-қосымша      

Қазақстан Республикасы
Үкіметінің      
2011 жылғы 18 шілдедегі
№ 817 қаулысымен   
бекітілген      

Жұмыспен қамтуға жәрдемдесудің белсенді шараларына қатысатын
адамдардың ұтқырлығын арттыруға жәрдемдесу және оларға
мемлекеттік қолдау шараларын көрсету қағидалары

1. Жалпы ережелер

      1. Осы Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесу және оларға мемлекеттік қолдау шараларын көрсету қағидалары (бұдан әрі – Қағидалар) Қазақстан Республикасының «Тұрғын үй қатынастары туралы» 1997 жылғы 16 сәуірдегі, «Халықтың көші-қоны туралы» 1997 жылғы 13 желтоқсандағы, «Халықты жұмыспен қамту туралы» 2001 жылғы 23 қаңтардағы заңдарына және «Жұмыспен қамту 2020 жол картасын бекіту туралы» Қазақстан Республикасы Үкіметінің 2013 жылғы 19 маусымдағы № 636 қаулысына (бұдан әрі – Бағдарлама) сәйкес әзірленді.
      Қағидалар жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға жәрдемдесуге, өз еркімен қоныс аударуға, көшуді ұйымдастыруға, оларға мемлекеттік қолдау шараларын көрсету және жұмыспен қамтуға жәрдемдесудің белсенді шараларын көрсетуге арналған нысаналы трансферттерді пайдалану тәртібін айқындайды.
      2. Жұмыспен қамтуға жәрдемдесудің белсенді шараларына қатысатын адамдардың ұтқырлығын арттыруға бағытталған шаралар:
      1) көшуге субсидия беру;
      2) кәсіптік даярлау, қайта даярлау және біліктілігін арттыру курстарында оқу, сондай-ақ жаңа тұрғылықты жеріне жұмысқа орналасуына жәрдемдесу;
      3) психологиялық бейiмдеу;
      4) жұмыспен қамтуға жәрдемдесудің белсенді шараларына қатысатын Қазақстан Республикасының азаматтарына қызметтiк тұрғын үй беру жолымен іске асырылады.
      3. Осы Қағидаларда мынадай негізгі ұғымдар пайдаланылады:
      1) аудандық/қалалық комиссия – ауданның/қаланың жергілікті атқарушы органы жанындағы Бағдарламаны іске асыру мәселелері жөніндегі ведомствоаралық комиссия;
      2) әлеуметтік келісімшарт – жұмыспен қамтуға жәрдемдесудің мемлекеттік шараларына қатысатын Қазақстан Республикасының жұмыссыз, өзін-өзі жұмыспен қамтыған және табысы аз азаматтары қатарындағы жеке тұлға мен халықты жұмыспен қамту орталығы арасындағы, тараптардың құқықтары мен міндеттерін айқындайтын келісім;
      3) Бағдарламаға қатысушылар – өзін-өзі жұмыспен қамтығандар, жұмыссыздар, табысы аз адамдар, ішінара жұмыспен қамтылғандар, мүгедектер, оқуын аяқтағаннан кейін бір жыл ішінде жалпы білім беретін мектептердің 11-сыныбын, техникалық және кәсіптік білім беру, жоғары және жоғары оқу орнынан кейінгі білім беру ұйымдарын бітірушілер қатарындағы Қазақстан Республикасының азаматтары, сондай-ақ Бағдарламада басымдық белгіленген адамдардың өзге де санаттары және оралмандар;
      4) Бағдарлама операторы – халықты жұмыспен қамту саласындағы басшылықты, сондай-ақ Қазақстан Республикасының заңнамасында көзделген шекте салааралық үйлестіруді жүзеге асыратын орталық атқарушы орган;
      5) жалпыұлттық дерекқор (бұдан әрі – дерекқор) – жекелеген мамандықтар (кәсіптер) бөлінісіндегі ағымдағы бос жұмыс орындары мен болжанатын жұмыс орындарының дерекқоры;
      6) көшуге субсидия беру жөніндегі уәкілетті ұйым – екінші деңгейдегі банктер немесе банк операцияларының жекелеген түрлерін жүзеге асыратын ұйымдар;
      7) қызметтік тұрғын үйді жалдау (жалға беру) – қызметтік тұрғын үйді немесе оның бір бөлігін жалдаушыға (жалға алушыға) уақытша пайдалануға және ақысын төлетіп пайдалануға беру;
      8) өңірлік даму мәселелері жөніндегі уәкілетті орган – өңірлік даму саласында мемлекеттік саясатты қалыптастыру және іске асыру бойынша басшылықты жүзеге асыратын орталық атқарушы орган;
      9) қызметтік тұрғын үй – мемлекеттік мекеменің тұрғын үй қорынан берілетін және өздерінің еңбек қатынастарының сипатына байланысты міндеттерін орындау кезеңінде Қазақстан Республикасының азаматтарына, сондай-ақ Қазақстан Республикасының халықты жұмыспен қамту туралы заңнамасына сәйкес жұмыспен қамтуға жәрдемдесудің белсенді шараларына қатысатын Қазақстан Республикасының азаматтарын қоныстандыруға арналған айрықша құқықтық режимдегі тұрғын үй;
      10) өңірлік комиссия – облыстың (республикалық маңызы бар қаланың, астананың) жергілікті атқарушы органы жанындағы Бағдарламаны іске асыру мәселелері жөніндегі ведомствоаралық комиссия;
      11) уәкілетті орган – өңірлік деңгейде халықты жұмыспен қамтуға жәрдемдесуді және жұмыссыздықтан әлеуметтік қорғауды қамтамасыз ететін жергілікті атқарушы органдардың құрылымдық бөлімшесі;
      12) халықты жұмыспен қамту орталығы – жергілікті атқарушы орган жұмыспен қамтуға жәрдемдесудің белсенді шараларын іске асыру мақсатында ауданда, облыстық және республикалық маңызы бар қалаларда, астанада құратын мемлекеттік мекеме;
      13) экономикалық өсу орталығы – соңғы 5-10 жыл бойы экономикалық көрсеткіштерінің тұрақты өсуімен және жоғары демографиялық әлеуетімен (көші-қон сальдосы оң) сипатталатын елді мекен.
      4. Жаңа тұрғылықты жері бойынша кәсіптік даярлау, қайта даярлау және біліктілігін арттыру курстарында оқыту, сондай-ақ жұмысқа орналасуға жәрдемдесу Жұмыспен қамтуға жәрдемдесудің белсенді шараларына қатысатын адамдарды оқытуды, олардың жұмысқа орналасуына жәрдемдесуді және оларға мемлекеттік қолдау шараларын көрсетуді ұйымдастыру және қаржыландыру қағидаларында көзделген шарттарда жүзеге асырылады.

2. Көшуге субсидия беру

      5. Әлеуметтік-экономикалық даму әлеуеті төмен елді мекендерде тұратын өзін-өзі жұмыспен қамтыған, жұмыссыз және табысы аз адамдар қатарындағы Қазақстан Республикасы азаматтарының көшуі:
      1) бір ауданның ішінде;
      2) бір облыс шегінде бір ауданнан (облыстық маңызы бар қаладан) басқа ауданға (облыстық маңызы бар қалаға);
      3) бір облыстан басқа облысқа жүзеге асырылады.
      6. Қазақстан Республикасы азаматтарының басқа облысқа көшуі республикалық маңызы бар қаланы және астананы қоспағанда, облыстардың жұмыспен қамту мәселелері жөніндегі уәкілетті органдары берген жұмыс берушілер өтінімдері негізінде Бағдарлама операторының шешімі бойынша жүзеге асырылады.
      7. Өңірлік комиссия шешімінің негізінде республикалық маңызы бар қаланың, астананың, облыс орталықтарының шегінде тұратын адамдар қатарындағы Бағдарламаға қатысушыларды Қазақстан Республикасы Үкіметінің 2011 жылғы 31 наурыздағы № 316 қаулысымен бекітілген Жұмыспен қамту 2020 бағдарламасының шеңберінде құрылысы 2011 жылғы 1 шілдеден бастап 2013 жылғы 1 шілде аралығында жүргізілген қызметтік тұрғын үйлерге көшіруге жол беріледі.
      Бұл ретте, Бағдарламаға қатысушылар мынадай өлшемшарттарға сәйкес келуге тиіс:
      1) өзін-өзі жұмыспен қамтыған, жұмыссыз, халықтың еңбекке қабілетті табысы аз санатына жатуға;
      2) жұмыс берушілер жаңа тұрғылықты жері бойынша мәлімдеген қолданыстағы дерекқордағы жұмыс орындарына сәйкес келетін кәсіптік білімі не Бағдарлама шеңберінде кәсіптік оқуды аяқтағаннан кейін тұрақты жұмыс орындарына жұмысқа орналасу туралы жазбаша міндеттемесі болуға;
      3) соңғы үш жылда бекітілген тізбеге сәйкес әлеуметтік-экономикалық даму әлеуеті төмен елді мекендерде тұрақты тұруға тиіс.
      8. Бағдарламаға қатысушылардың көшуі қызметтік тұрғын үйдің берілуімен, сондай-ақ көшуге субсидияның төленуімен өз бетінше жүзеге асырылады.
      Бұл ретте Бағдарламаға қатысушының және оның отбасы мүшелерінің жаңа тұрғылықты жері бойынша меншік құқығында тұрғын үйі не тұрақты пайдалануында коммуналдық тұрғын үй қорынан берілген тұрғын үйі болған жағдайда жаңа тұрғылықты жері бойынша қызметтік тұрғын үй берілмейді.
      9. Қызметтік тұрғын үй беру және көшуге субсидия тағайындау үшін Бағдарламаға қатысушы отбасының құрамын және көшуге субсидия беру жөніндегі уәкілетті ұйымда алдын ала ашылған жеке шотын көрсете отырып, келген жерінің халықты жұмыспен қамту орталығына осы Қағидаларға 1-қосымшаға сәйкес белгіленген нысан бойынша өтініш береді.
      Өтінішке Бағдарламаға қатысушы мен оның көшіп келген отбасы мүшелерінің мынадай құжаттары қоса беріледі:
      1) халықты жұмыспен қамту орталығының (шыққан жерінің) жолдамасы;
      2) жеке басын куәландыратын құжаттың көшірмесі;
      3) әлеуметтік келісімшарт;
      4) Бағдарламаға қатысушыға және оның отбасы мүшелеріне келген жері бойынша тұрғын үйі жоқ екені туралы жергілікті атқарушы орган берген анықтама.
      10. Бағдарламаға қатысушыға және оның отбасы мүшелеріне көшуге берілетін субсидиялар олар жаңа тұрғылықты жеріне келгеннен кейін және қызметтік тұрғын үйді жалдау (жалға алу) шартын жасағаннан кейін не тұрғын үй мәселесін өз бетінше шешкен жағдайда келген жері бойынша тіркелгенін растайтын құжаттың көшірмесі негізінде беріледі.
      Бағдарламаға қатысушының жаңа тұрғылықты жеріне келмеген отбасы мүшелеріне көшуге субсидия берілмейді.
      11. Келген жерінің халықты жұмыспен қамту орталығы Бағдарламаға қатысушымен қызметтік тұрғын үйді жалдау (жалға алу) туралы шарт жасасқан күннен бастап бес жұмыс күні ішінде не тұрғын үй мәселесін өз бетінше шешкен жағдайда келген жері бойынша тіркелгенін растайтын құжаттың көшірмесі негізінде, осы Қағидалардың 9-тармағында көрсетілген құжаттардың барлығы болған жағдайда, осы Қағидаларға 2-қосымшаға сәйкес нысан бойынша көшуге берілетін субсидияны тағайындау туралы шешім шығарады.
      Бір елді мекен шегінде көшетін Бағдарламаға қатысушыларға көшуге субсидия төленбейді.
      12. Көшуге берілетін субсидияны тағайындау туралы шешімде Бағдарламаға қатысушының отбасы құрамы, оларға берілетін тиісті төлемдердің мөлшері және көшуге субсидия беру жөніндегі уәкілетті ұйымда ашылған жеке шотының нөмірі көрсетіледі.
      13. Халықты жұмыспен қамту орталығы көшуге берілетін субсидияны тағайындау туралы шешім шығарғаннан кейін үш жұмыс күнінен кешіктірмей көшуге субсидия беру жөніндегі уәкілетті ұйымдарға тиісті төлемдерді аударады.
      14. Әлеуметтік келісімшарттың талаптарына сәйкес Бағдарламаға қатысушы (отбасымен бірге) келген жерінен алты айдың ішінде кеткен жағдайда көшуге берілетін субсидияның алынған сомасы бюджетке өтеледі.
      Әскери қызметке шақырылған, осы елді мекенде тұруға мүмкіндік бермейтін ауруларды, жұмыс берушінің өтінімі бойынша оқуға жіберілген жағдайларды қоспағанда, Бағдарламаға қатысушы отбасы мүшелерінің біреуі келген жерінен бір жыл ішінде кеткен жағдайда, отбасының кетіп қалған мүшесі алған, көшуге берілген субсидия сомасы бюджетке қайтарылады.
      15. Бағдарламаға қатысушыларға келген жерлерінде олардың қалауы бойынша қызметтік тұрғын үй беріледі.
      Берілетін қызметтік тұрғын үйдің ауданы отбасының құрамына қарай бірге тұратын отбасы мүшесінің біреуіне он сегіз шаршы метрден не отбасына жүз шаршы метрден аспауға және бір бөлмелі пәтерден не отбасылық үлгідегі жатақхананың бір бөлмесінен кем болмауға тиіс.
      Жастар қатарындағы адамдарға, сондай-ақ оралмандарға, жиырма тоғыз жасқа толмаған балалар үйінің тәрбиеленушілеріне, жетім балалар мен ата-анасының қамқорлығынсыз қалған, кәмелетке толғанға дейін ата-анасынан айырылған балаларға (осындай адамдарды әскери қызметке шақырған кезде жасы мерзімді әскери қызмет өткеру мерзіміне ұзартылады), көшіру мен жұмысқа орналастыруды жұмыс беруші өзі жүзеге асырған Бағдарламаға қатысушыларға, сондай-ақ басқа облыстарға көшетіндерге жатақханадан бөлмелер беру олардың бұрынғы тұрған жеріне, оның ішінде облыс орталықтарына, республикалық маңызы бар қалада және астанада тұрғанына қарамастан жүзеге асырылады.
      16. Жастар, оның ішінде некеде тұрғандар үшін жатақханалардан бөлмелер мынадай шарттармен беріледі:
      1) жасы 29-ға дейін болуы;
      2) қолданыстағы еңбек шартының немесе әлеуметтік келісімшарттың болуы;
      3) тұрғын үй құрылыс жинақтары жүйесіне қатысуы тиіс.
      Жастар үшін жатақханалардан бөлмелер 5 жылға дейінгі мерзімге беріледі.
      17. Жастар үшін жатақханадан бөлме, қызметтік тұрғын үй халықты жұмыспен қамту орталығының тұрғын үй комиссиясы қабылдаған тұрғын үй беру туралы шешімінің және халықты жұмыспен қамту орталығы мен Бағдарламаға қатысушы арасында жасалған қызметтік тұрғын үйді және жатақханадағы бөлмені жалдау (жалға беру) туралы шарт негізінде беріледі.
      18. Бағдарламаға қатысушыда не оның отбасы мүшесінде екі айдан астам қолданыстағы еңбек шарты болмаған жағдайда олармен жастарға арналған жатақханадан бөлмені жалға алу шарты бұзылады.
      19. Жастарға арналған жатақханадан бөлме берілгеннен кейін Бағдарламаға қатысушы жоғары, жоғарыдан кейінгі, техникалық және кәсіптік білім беру ұйымдарына кәсіптік оқудан өтуге жіберіледі.
      20. Тұрғын үй комиссиясының шешімі екі дана жасалады, оның біреуі қатаң есептегі құжат ретінде халықты жұмыспен қамту орталығында сақталады, ал екіншісі өтініш берушіге беріледі.
      21. Халықты жұмыспен қамту орталығы Бағдарламаға қатысушымен жастарға арналған жатақханадан бөлмені, қызметтік тұрғын үйді жалға алу шартын халықты жұмыспен қамту орталығының (келген жерінің) тұрғын үй комиссиясы тиісті шешім қабылдағаннан кейін бес жұмыс күні ішінде жасайды.
      Бағдарламаға қатысушы жастарға арналған жатақханадан бөлмені, қызметтік тұрғын үйді жалға алу шартының тарапы болады. Жастарға арналған жатақханадан бөлмені, қызметтік тұрғын үйді жалға алу шартына Бағдарламаға қатысушының сенім білдірілген адамының қол қоюына жол берілмейді.
      Жастарға арналған жатақханадан бөлмені, қызметтік тұрғын үйді жалға алу шарты үш данада жасалады. Жастарға арналған жатақханалардан бөлмені, қызметтік тұрғын үйді жалға алу шартының бір данасы халықты жұмыспен қамту орталығында сақталады, екіншісі жергілікті атқарушы органға беріледі, ол қатаң есептілік құжаты ретінде сақталады, үшіншісі өтініш берушіге беріледі және жастарға арналған жатақханадан бөлмеге, қызметтік тұрғын үйге қоныстануға құқық беретін бірден-бір құжат болып табылады.
      22. Егер шарт жасасу туралы ұсыныс берген күннен бастап бес жұмыс күні ішінде Бағдарламаға қатысушы шарттың талаптарымен келіспеуіне байланысты жастарға арналған жатақханадан бөлмені, қызметтік тұрғын үйді жалға алу шартына қол қоймаса, халықты жұмыспен қамту орталығы жастарға арналған жатақханадан бөлмені, қызметтік тұрғын үйді Бағдарламаның басқа қатысушысына қайта бөледі.
      Бағдарламаның жаңа қатысушысымен шарт жасасу осы Қағидалардың 21-тармағында белгіленген мерзімде жүзеге асырылады.
      23. Жалға алу шарты күнтізбелік бір жыл мерзімге жасалады және жалға алу шартына сәйкес ол аяқталғанға дейін күнтізбелік бір ай бұрын шартты тоқтату туралы хабарлама жіберетін жағдайларды қоспағанда, автоматты түрде ұзартылады.
      24. Бағдарламаға қатысушылар осы Қағидаларға сәйкес жастарға арналған жатақханадан бөлме, қызметтік тұрғын үй алу құқығын бір рет қана іске асырады.
      25. Жастарға арналған жатақханадан бөлмені, қызметтік тұрғын үйді жалға алудың ай сайынғы төлемінің мөлшерін өңірлік даму мәселелері жөніндегі уәкілетті орган бекітетін мемлекеттік тұрғын үй қорынан тұрғын үйді пайдаланғаны үшін төлем мөлшерін есептеу әдістемесіне сәйкес халықты жұмыспен қамту орталығы айқындайды.
      26. Коммуналдық және пайдалану қызметтерінің шығыстары жастарға арналған жатақханадан бөлмені, қызметтік тұрғын үйді жалға алу төлемінің сомасына кірмейді және Бағдарламаға қатысушы оны өзі төлейді.
      27. Жастарға арналған жатақханадан бөлме, қызметтік тұрғын үй жалға берілген кезде қосалқы жалға алуға жол берілмейді.
      28. Бағдарламаға қатысушының отбасы мүшесінің жастарға арналған жатақханадан жеке бөлме, қызметтік тұрғын үй беру не Бағдарламаның басқа қатысушысының отбасы құрамында қызметтік тұрғын үй беру туралы өтініші қаралмайды.
      29. Жергілікті атқарушы органдар Бағдарламаға қатысушыларды тұрғын үймен отбасылық үлгідегі жатақханалардан орын беру, тұрғын үйлерді сатып алу, құрылысы басталған объектілерді салып бітіру, осы Қағидалардың 15-тармағында көрсетілген шарттарға сәйкес келетін, жергілікті атқарушы органдардың коммуналдық меншігіндегі бос тұрған көппәтерлі тұрғын үйлерді реконструкциялау есебінен қамтамасыз ете алады.
      30. Бағдарламаға қатысушылардың тиісті біліктілігі болған жағдайда жастарға арналған жатақханаларды, қызметтік тұрғын үйді салу және тиісті инженерлік-коммуникациялық инфрақұрылымды дамыту барысында құрылатын жұмыс орындарына орналасуға басым құқығы болады.
      31. Жұмыспен қамтуға жәрдемдесудің белсенді шараларына қатысушылар ретінде қызметтік тұрғын үй берілген Бағдарламаға қатысушылар қызметтік тұрғын үйде кемінде бес жыл тұрған жағдайда, өздері тұратын қызметтік тұрғын үйді қалдық құны бойынша Қазақстан Республикасының халықты жұмыспен қамту туралы заңнамасына сәйкес жекешелендіре алады.

3. Жұмыспен қамтуға жәрдемдесудің белсенді шараларына қатысатын
Қазақстан Республикасының азаматтарына қызметтік тұрғын үй беру

Қоныс аударуға қажеттілікті айқындау тәртібі

      32. Халықты жұмыспен қамту орталықтары жұмыс берушілерге Бағдарламаның үшінші бағыты шеңберінде қоныс аударуға және жұмысқа орналасуға қатысуға үміткерлерді таңдау тәртібі мен шарттары туралы консультация береді.
      33. Бағдарламаға қатысуға ниет білдірген жұмыс берушілер халықты жұмыспен қамту орталықтарына:
      1) мамандықтар (кәсіптер) бөлінісінде қажетті жұмыс күшінің саны көрсетілген;
      2) Бағдарламаға қатысушылар үшін жұмыс берушілердің қоса қаржыландыруымен тұрғын үй салу мүмкіндігі туралы;
      3) Бағдарламаға қатысушыларды тұрақты жұмыс орындарын ұсына отырып, жұмысқа орналастыру мүмкіндігі туралы өтінім не Бағдарлама шеңберінде кәсіптік оқуды аяқтағаннан кейін тұрақты жұмыс орындарына жұмысқа орналасу туралы жазбаша міндеттеме береді.
      34. Халықты жұмыспен қамту орталықтары әлеуметтік-экономикалық даму әлеуеті жоғары елді мекендерге және экономикалық өсу орталықтарына қажетті еңбек ресурстарын қоныстандыру үшін тұрғын үй салуға қажеттілігі бар жұмыс берушілердің тізілімін жүргізеді.
      35. Әлеуметтік-экономикалық даму әлеуеті төмен, орташа және жоғары елді мекендерді және экономикалық өсу орталықтарын айқындау өлшемшарттарын өңірлік даму мәселелері жөніндегі уәкілетті орган әзірлейді және бекітеді.
      Әзірленген өлшемдерге сәйкес облыстардың жергілікті атқарушы органдары өңірлік даму мәселелері жөніндегі орталық уәкілетті органмен келісім бойынша әлеуметтік-экономикалық даму әлеуеті төмен, орташа және жоғары елді мекендердің тізбесін айқындайды және оны өңірлік даму мәселелері жөніндегі орталық уәкілетті органға және Бағдарлама операторына жібереді.
      36. Халықты жұмыспен қамту орталықтары жұмыс берушілердің қажеттілігін ескере отырып:
      1) әлеуметтік-экономикалық даму әлеуеті төмен елді мекендерде тұратын, облыстың (ауданның/қаланың) әлеуметтік-экономикалық даму әлеуеті жоғары елді мекендеріне және экономикалық өсу орталықтарына көшуге қатыса алатын өзін-өзі жұмыспен қамтығандардың, жұмыссыздар мен табысы аз адамдардың санын;
      2) көшуге қатыса алатын жиырма тоғыз жасқа толмаған балалар үйінің тәрбиеленушілерінің, жетім балалар мен ата-анасының қамқорлығынсыз қалған, кәмелетке толғанға дейін ата-анасынан айырылған балалардың (осындай адамдарды әскери қызметке шақырған кезде жасы мерзімді әскери қызмет өткеру мерзіміне ұзартылады), жиырма тоғыз жасқа дейінгі жастардың, оралмандардың жалпы санын;
      3) әлеуметтік-экономикалық даму әлеуеті жоғары елді мекендердегі және экономикалық өсу орталықтарындағы жұмыс берушілердің еңбек ресурстарына қажеттілігін, олардың жұмыс күшіне деген сұранысын қанағаттандыру үшін қосымша еңбек ресурстарын тарту қажеттілігін айқындайды;
      4) еңбек ресурстарына қажеттілікті аудандық/қалалық комиссиялармен келіседі және ақпаратты уәкілетті органға жібереді.
      37. Уәкілетті орган ұсынылған ақпараттың негізінде:
      1) әлеуметтік-экономикалық даму әлеуеті төмен елді мекендерде тұратын, облыстың (ауданның/қаланың) әлеуметтік-экономикалық даму әлеуеті жоғары елді мекендеріне және экономикалық өсу орталықтарына көшуге қатыса алатын өзін-өзі жұмыспен қамтығандардың, жұмыссыздар мен табысы аз адамдардың жалпы санын;
      2) көшуге қатыса алатын жиырма тоғыз жасқа толмаған балалар үйінің тәрбиеленушілерінің, жетім балалар мен ата-анасының қамқорлығынсыз қалған, кәмелетке толғанға дейін ата-анасынан айырылған балалардың (осындай адамдарды әскери қызметке шақырған кезде жасы мерзімді әскери қызмет өткеру мерзіміне ұзартылады), жиырма тоғыз жасқа дейінгі жастардың, оралмандардың жалпы санын қалыптастырады;
      3) еңбек ресурстарына қажеттілік және азаматтардың көшу мүмкіндігі туралы ақпаратты өңірлік комиссияға жібереді.
      38. Өңірлік комиссия берілетін үйлердің жалпы саны негізінде:
      1) шыққан және қабылданатын жерін айқындай отырып, облыс (аудан, қала) шегінде көшетін азаматтардың ықтимал санын келіседі және көшуді ұйымдастыру үшін ұсынымды уәкілетті органға және (немесе) халықты жұмыспен қамту орталығына жібереді;
      республика шегінде көшетіндердің ықтимал санын келіседі, өтінімді немесе ұсынысты Бағдарлама операторына жібереді.
      2) Бағдарламаға қатысушыларды көшіру, орналастыру мәселелерін қарайды.
      39. Өңірлік және аудандық/қалалық комиссияның құрамына жергілікті өкілді және атқарушы органдардың, уәкілетті органның (халықты жұмыспен қамту орталықтарының), қызметкерлер мен жұмыс берушілер бірлестіктерінің, қоғамдық бірлестіктердің және өзге де мүдделі ұйымдардың өкілдері кіреді.
      40. Бағдарламаға қатысушыларға:
      1) бір ауданның ішінде қоныс аударушыларға – отағасына он еселенген айлық есептік көрсеткіш мөлшерінде, отбасы мүшелерінің әрқайсысына бес еселенген айлық есептік көрсеткіш мөлшерінде;
      2) бір облыс шегінде бір ауданнан (облыстық маңызы бар қаладан) басқа ауданға (облыстық маңызы бар қалаға) қоныс аударушыларға – отағасына жиырма бес еселенген айлық есептік көрсеткіш мөлшерінде, отбасы мүшелерінің әрқайсысына он бес еселенген айлық есептік көрсеткіш мөлшерінде бөлінеді;
      3) бір облыстан басқа облысқа көшетін адамдарға – отағасына елу еселенген айлық есептік көрсеткіш мөлшерінде, отбасы мүшелерінің әрқайсысына отыз бес еселенген айлық есептік көрсеткіш мөлшерінде көшуге субсидия беріледі.

Өз еркімен қоныс аударуға және қатысуға үміткерлерді іріктеу
тәртібі мен әлеуметтік келісімшарт жасасу

      41. Бағдарламаға қатысуға үміткерлер халықты жұмыспен қамту орталықтарына осы Қағидаларға 3-қосымшаға сәйкес нысан бойынша өтініш береді.
      42. Өтінішке мынадай құжаттар қоса беріледі:
      1) жеке басты куәландыратын құжаттың көшірмесі;
      2) тұрақты тұрғылықты жері бойынша тіркелгенін растайтын құжаттың көшірмесі және отбасы құрамы (мекенжай анықтамасы, ауылдық әкімнің анықтамасы);
      3) еңбек кітапшасының (болған кезде) немесе еңбек қызметін растайтын өзге құжаттың (жұмыс істейтін адамдар үшін) көшірмесі;
      4) білімі туралы құжаттың (диплом, аттестат, куәлік), сондай-ақ білімі мен біліктілігін растайтын басқа да құжаттардың (болған кезде) көшірмелері.
      Бағдарламаның осы бағытына қатысуға басым құқықты ауыл жастары, сондай-ақ жиырма тоғыз жасқа толмаған балалар үйінің тәрбиеленушілері, жетім балалар мен ата-анасының қамқорлығынсыз қалған, кәмелетке толғанға дейін ата-анасынан айырылған балалар (осындай адамдарды әскери қызметке шақырған кезде жасы мерзімді әскери қызмет өткеру мерзіміне ұзартылады) иеленеді.
      43. Халықты жұмыспен қамту орталықтары он жұмыс күні ішінде басқа облысқа, сондай-ақ басқа ауданға көшуге ниет білдірген адамдардың өтініштері мен құжаттарын – уәкілетті органға, аудан ішінде – аудандық/қалалық комиссияның қарауына жібереді.
      Уәкілетті орган басқа облысқа, сондай-ақ басқа ауданға көшуге ниет білдіргендердің өтініштері мен құжаттары келіп түскен күнінен бастап он жұмыс күні ішінде оларды өңірлік комиссияның қарауына жібереді.
      44. Бағдарламаға қатысуға өтініш беруші адамдардың құжаттарын қарау нәтижесі бойынша:
      1) аудандық/қалалық комиссиялар:
      бір аудан шегінде көшетін азаматтарға қатысты Бағдарламаға қатысушылар құрамына қосу не қосудан бас тарту туралы ұсынымдар әзірлейді және халықты жұмыспен қамту орталығына жібереді;
      бір облыс шегінде басқа ауданға (облыстық маңызы бар қалаға) немесе басқа облысқа көшетін азаматтарға қатысты Бағдарламаға қатысушылар құрамына қосу не қосудан бас тарту туралы ұсынымдар әзірлейді және өңірлік комиссияға жібереді;
      2) өңірлік комиссиялар:
      бір облыс шегінде бір ауданнан (облыстық маңызы бар қаладан) басқа ауданға (облыстық маңызы бар қалаға) көшетін азаматтарға қатысты Бағдарламаға қатысушылар құрамына қосу не қосудан бас тарту туралы ұсынымдар дайындайды және уәкілетті органға және (немесе) халықты жұмыспен қамту орталығына жібереді;
      республикалық маңызы бар қаланың, астананың, облыс орталықтары шегінде Қазақстан Республикасы Үкіметінің 2011 жылғы 31 наурыздағы № 316 қаулысымен бекітілген Жұмыспен қамту 2020 бағдарламасының шеңберінде құрылысы 2011 жылғы 1 шілдеден бастап 2013 жылғы 1 шілде аралығында жүрген қызметтік тұрғын үйлерге көшетін азаматтарға қатысты Бағдарламаға қатысушылардың құрамына қосу не қосудан бас тарту туралы ұсынымдар әзірлейді және уәкілетті органға және (немесе) халықты жұмыспен қамту орталығына жібереді;
      басқа облысқа көшетін азаматтарға қатысты Бағдарламаға қатысушылардың құрамына қосу не қосудан бас тарту туралы ұсыныстар әзірлейді және уәкілетті органға жібереді.
      Уәкілетті орган өңірлік комиссияның басқа облысқа көшетін азаматтарға қатысты Бағдарламаға қатысушылардың құрамына қосу және қосудан бас тарту туралы ұсынысын шешім қабылдау үшін Бағдарлама операторына жібереді.
      Өңірлік және аудандық/қалалық комиссияның отырысы Бағдарламаға қатысуға өтініштер мен құжаттардың түсуіне қарай өткізіледі.
      45. Әлеуметтік-экономикалық даму әлеуеті төмен елді мекендерден әлеуметтік-экономикалық даму әлеуеті жоғары елді мекендерге және экономикалық өсу орталықтарына көшетін Бағдарламаның осы бағытына қатысуға үміткерлер мынадай өлшемшарттарға сәйкес келуге тиіс:
      1) өзін-өзі жұмыспен қамтыған, жұмыссыз, халықтың еңбекке қабілетті табысы аз санатына жатуға;
      2) жұмыс берушілер жаңа тұрғылықты жері бойынша мәлімдеген қолданыстағы дерекқордағы жұмыс орындарына сәйкес келетін кәсіптік білімі не Бағдарлама шеңберінде кәсіптік оқуды аяқтағаннан кейін тұрақты жұмыс орындарына жұмысқа орналасу туралы жазбаша міндеттемесі болуға;
      3) соңғы үш жылда бекітілген тізбеге сәйкес әлеуметтік-экономикалық даму әлеуеті төмен елді мекендерде тұрақты тұруға тиіс.
      46. Көрсетілген өлшемшарттар жиырма тоғыз жасқа толмаған балалар үйінің тәрбиленушілері, жетім балалар мен ата-анасының қамқорлығынсыз қалған, кәмелетке толғанға дейін ата-анасынан айырылған балалар (осындай адамдарды әскери қызметке шақырған кезде жасы мерзімді әскери қызмет өткеру мерзіміне ұзартылады), жиырма тоғыз жасқа дейінгі жастар, оралмандар болып табылатын Бағдарламаның осы бағытының қатысушыларына қолданылмайды.
      Бұл ретте отбасы мүшелерінің бірінің жұмыспен нәтижелі қамтылуы, коммуналдық қызметтерді, жалдау ақысын төлеуді қамтамасыз ету және отбасының бөлінген тұрғын үйде тұруы Бағдарламаға қатысудың міндетті шарты болып табылады.
      47. Тиісті қаржы жылына арналған қаржыландыру жоспарында көшуді және қызметтік тұрғын үй салуды, сатып алуды, салып бітіруді, сондай-ақ жастарға арналған жатақханалар салуды және сатып алуды субсидиялауға көзделген жалпы қаражат (жұмыс берушілер тарапынан қоса қаржыландыруды ескере отырып) көлемі негізінде айқындалады.
      Қызметтік тұрғын үйлер пәтерлерден, жеке тұрғын үйлерден және жатақханалардағы бөлмелерден тұрады.
      48. Халықты жұмыспен қамту орталығы Бағдарлама операторының, өңірлік не аудандық/қалалық комиссияның ұсынымын алған күннен бастап он бес жұмыс күні ішінде өтініш берушілерді Бағдарламаға қатысушылар құрамына енгізу туралы не одан бас тарту туралы шешім қабылдайды.
      Бағдарламаға қатысуға үміткер осы Қағидалардың 45-тармағында көрсетілген өлшемшарттарға сәйкес келмеген жағдайларда Бағдарламаға қатысушылардың құрамына енгізуден бас тартылады.
      49. Шыққан жерінің халықты жұмыспен қамту орталықтары шешім қабылданған күннен бастап бес жұмыс күні ішінде өтініш берушілерге жазбаша хабарлайды.
      50. Халықты жұмыспен қамту орталығының Бағдарламаға қатысушылардың құрамына енгізуден бас тарту туралы шешіміне Қазақстан Республикасының заңнамасында белгіленген сот тәртібімен шағым жасауға болады.
      51. Шыққан және келген жерінің халықты жұмыспен қамту орталықтары қабылданған шешімдердің негізінде Бағдарламаға қатысушылардың көшу тәртібін, мерзімін және оларды қабылдау шарттарын келіседі.
      52. Азаматтарды Бағдарламаға қатысушылар қатарына енгізу туралы шешімнің және көшу шарттарын келген жерінің халықты жұмыспен қамту орталықтарымен келісу негізінде шыққан жерінің халықты жұмыспен қамту орталықтары Бағдарламаға қатысушыларға қоныс аударуға осы Қағидаларға 4-қосымшаға сәйкес жолдама береді.
      53. Шыққан жерінің халықты жұмыспен қамту орталығы берген жолдаманың негізінде келген жерінің халықты жұмыспен қамту орталығы Бағдарламаға қатысушымен осы Қағидаларға 5-қосымшаға сәйкес нысан бойынша әлеуметтік келісімшарт жасасады, жұмыс беруші оның тарапы болады. Жұмыс беруші осы Қағидаларға 6-қосымшаға сәйкес лауазымды адамның қолымен және мөрмен куәландырылған келісімшартқа қосылу туралы жазбаша өтініш (хабарлама) беру арқылы әлеуметтік келісімшарт жасасқанын растайды.
      Әлеуметтік келісімшарт барлық тараптар оған қол қойған сәттен бастап не халықты жұмыспен қамту орталықтары және Бағдарламаға қатысушылар қол қойған және жұмыс берушілерден әлеуметтік келісімшартқа қосылу туралы жазбаша өтініш (хабарлама) алған сәттен бастап күшіне енеді.
      Бағдарламаға қатысушыны жұмысқа орналастыру бойынша міндеттемені орындамаған жағдайда жұмыс берушілер мемлекеттің оқытуға және/немесе көшуді субсидиялауға жұмсаған шығыстарын өтейді.
      54. Осы Қағидалар қолданысқа енгізілгенге дейін жасалған әлеуметтік келісімшарттар өз күшін сақтап қалады және өзгеріссіз күйінде қолданылады.
      55. Көшуін және жұмысқа орналасуын жұмыс беруші өзі жүзеге асырған азаматтар басым тәртіппен тиісті мемлекеттік қолдауды ала отырып, Бағдарламаның осы бағытына қатысушылардың құрамына енгізіледі.
      56. Бағдарламаға қатысушылардың жұмыспен қамтылуы әлеуметтік келісімшарт негізінде қамтамасыз етіледі. Жұмысқа орналастыру үшін бос жұмыс орындары пайдаланылады.
      57. Бағдарламаны іске асырудың барлық кезеңдерінде, оған қатысушылар туралы ақпарат әлеуметтік-еңбек саласының бірыңғай ақпараттық жүйесінің «Жұмыспен қамту» автоматтандырылған ақпараттық жүйесінде орналастырылады.
      Халықты жұмыспен қамту орталықтары әлеуметтік келісімшартты сүйемелдеуді және мониторинг жүргізуді жүзеге асырады және Бағдарламаға қатысушылардың өздеріне қабылдаған міндеттемелерін орындауын бақылайды.

4. Еңбек ресурстары ұтқырлығын арттыруға бағытталған шараларды
қаржыландыру

Тұрғын үйді салу және бөлу тәртібі

      58. 2013 жылы Шығыс Қазақстан, Солтүстік Қазақстан, Қызылорда және Павлодар облыстарында, сондай-ақ ВАК шешімімен айқындалған өңірлерде Бағдарламаға қатысушылар құрамына енгізу қызметтік тұрғын үйлер салуға, сатып алуға және қоныстандыруға қатысатын жұмыс берушілердің жолдамасы бойынша жүзеге асырылады.
      Жұмыс беруші тарапынан қоса қаржыландырылған жағдайда құрылыс орнын салу, сатып алу және салып бітіру үшін тұрғын үйдің ықтимал нұсқаларын таңдау оның қатысуымен жүзеге асырылады.
      59. Жұмыс беруші көппәтерлі тұрғын үйді, сондай-ақ жеке, екі (үш) пәтерлі тұрғын үйлерді салу, сатып алу және салып бітіру кезінде қоса қаржыландыруды тұрғын үйлердің жалпы сметалық құнының кемінде 10 %-ы мөлшерінде жүзеге асырады.
      60. Облыстардың жергілікті атқарушы органдары мен жұмыс берушілер мынадай міндеттемелерді көздейтін ниет білдіру шартын жасасады:
      1) тұрғын үйді бірлесіп салу, сатып алу;
      2) қоныс аударатын азаматтарды міндетті жұмысқа орналастыру;
      3) жұмыс берушінің қоса қаржыландыруының мөлшері.
      61. Жергілікті атқарушы органдар заңнамаға сәйкес тұрғын үй салу үшін жер учаскелерін бөлуді, жобалау-сметалық құжаттаманы әзірлеуді, мемлекеттік сараптама жүргізуді, қосылуға техникалық шарттарды беруді, сондай-ақ аумақтарды егжей-тегжейлі жоспарлау жоспарына немесе құрылыс салу жоспарына сәйкес инженерлік-коммуникациялық инфрақұрылымға қосылуды жүзеге асырады.
      Жеке тұрғын үйлерді салу кезінде жобаны жергілікті жерге бекіту жергілікті бюджеттің және жұмыс берушінің қаражаты есебінен жұмсалған қаражатқа пропорционал жүзеге асырылады.
      Көп пәтерлі тұрғын үйлерді салу кезінде жобаны жергілікті жерге бекіту жергілікті бюджет қаражаты есебінен жүзеге асырылады.
      Заңнамада белгіленген тәртіппен мердігерді және объектінің нақты құнын айқындағаннан кейін жергілікті атқарушы органдардың бюджеттік бағдарламаларының әкімшісі, мердігер және жұмыс беруші тұрғын үй салу және осы құрылысты қоса қаржыландыру шарттары туралы үшжақты шарт жасасады.
      Мердігерлік шартқа сәйкес аванс төлемдерін аударған кезде бірінші тәртіпте міндетті түрде жұмыс берушінің қоса қаржыландыру сомасы аударылуға тиіс.
      Салынған және пайдалануға тапсырылған тұрғын үй мемлекет пен жұмыс беруші арасында осы тұрғын үйді салуға жұмсалған қаражатқа пропорционал бөлінеді.
      Жергілікті атқарушы органның шешімімен жұмыс беруші тарапынан қоса қаржыландыру қаражаты есебінен салынған тұрғын үй жұмыс берушінің меншігіне беріледі, ал мемлекеттік бюджет қаражаты есебінен салынған тұрғын үй халықты жұмыспен қамту орталығының теңгеріміне беріледі.
      62. Халықты жұмыспен қамту орталықтары мен жұмыс берушілер Бағдарламаға қатысушылармен жалға алу шартын жасасады, кейін Бағдарламаға қатысушыға жалға береді.

Бағдарламаға қатысушыларды мемлекеттік қолдау шараларын
қаржыландыру

      63. Қызметтік тұрғын үй, жатақхана салу және (немесе) оны сатып алу, Бағдарламаға қатысушыларға көшуге, инженерлік-коммуникациялық инфрақұрылымды дамытуға субсидия беру үшін облыстық бюджеттерге, Астана және Алматы қалаларының бюджеттеріне нысаналы трансферттер бөлінеді.
      Нысаналы трансферттерді уақтылы аудару, бюджет қаражатының мақсатты пайдаланылуына және түпкілікті нәтижесіне мониторинг жүргізу үшін:
      1) Бағдарлама операторы мен облыстардың, Астана және Алматы қалаларының әкімдері арасында Бағдарламаға қатысушылардың көшу шығындарын өтеу бөлігінде;
      2) өңірлік даму мәселелері жөніндегі уәкілетті орган мен облыстардың, Астана және Алматы қалаларының әкімдері арасында қызметтік тұрғын үй салу және (немесе) сатып алу, инженерлік-коммуникациялық инфрақұрылымды дамыту және (немесе) сатып алу бөлігінде нысаналы трансферттер бойынша нәтижелер туралы келісімдер жасалады.
      64. Бағдарлама операторы мен өңірлік даму мәселелері жөніндегі уәкілетті орган бюджет заңнамасына сәйкес облыстық бюджеттерге, Астана және Алматы қалаларының бюджеттеріне тиісті республикалық бюджеттік бағдарламалар бойынша нысаналы трансферттерді аударады.
      65. Қызметтік тұрғын үй, жатақхана салуға және (немесе) оны сатып алуға, инженерлік-коммуникациялық инфрақұрылымды дамытуға және (немесе) сатып алуға арналған нысаналы трансферттер объектілер бойынша бөлінбей, бiр сомамен облыстық бюджеттерге, Астана және Алматы қалаларының бюджеттеріне аударылады.
      Облыстардың, республикалық маңызы бар қаланың, астананың жергілікті атқарушы органдары тиісті шешiмдер қабылданғаннан кейін екі апта мерзімде іске асырылуына қаражат көзделген объектілер бөлінісінде жергілікті инвестициялық жобалар туралы жиынтық ақпаратты өңірлік даму мәселелері жөніндегі уәкілетті органға және Бағдарлама операторына жібереді.
      66. Облыстардың, Астана және Алматы қалаларының әкімдері:
      1) ай сайын, есепті айдан кейінгі айдың 5-күнiне Бағдарлама операторына – экономикалық әлеуеті жоғары елді мекендерге және экономикалық өсу орталықтарына көшіп келген, оның ішінде субсидия алған, тұрғын үй, жатақханадан бөлме алған, жұмысқа орналастырылған (жұмыспен қамту түрлері бөлінісінде) Бағдарламаға қатысушылардың саны туралы;
      2) жартыжылдық қорытындысы бойынша жылына екі рет өңірлік даму мәселелері жөніндегі орталық уәкілетті органға – сатып алынған және (немесе) пайдалануға енгізілген қызметтік тұрғын үйлердің, жатақханалардың саны туралы есеп береді.

Жұмыспен қамтуға жәрдемдесудiң  
белсендi шараларына қатысатын  
адамдардың ұтқырлығын арттыруға 
жәрдемдесу және оларға мемлекеттiк
қолдау шараларын көрсету қағидаларын
1-қосымша            

____________ ауданының (қаласының)
Халықты жұмыспен қамту орталығының
директорына кiмнен _______________
__________________________________

Қызметтiк тұрғын үй (жатақханадан бөлме) беруге және көшуге
субсидия тағайындауға
ӨТІНІШ

Сiзден
_____________________________________________________________________
(көшу себебi көрсетiледi) байланысты маған және отбасымның мүшелерiне
отбасының мынадай құрамын ескере отырып:
_____________________________________________________________________
_____________________________________________________________________
_____________________________________________________________________
_____________________________________________________________________
қызметтiк тұрғын үй (жатақханадан бөлме) берудi, қоныс аударуға
субсидия тағайындауды және төлеудi сұраймын.
Бiзге тиесiлi соманы ________________________________________________
            (банктiң атауы, банктiң ЖСН, банктiң БИК, алушының дербес
_____________________________________________________________________
                      шотының нөмiрi көрсетiледi)
аударуыңызды сұраймын.
      Мына құжаттарды өтiнiшке қоса беремiн:
_____________________________________________________________________
_____________________________________________________________________
_____________________________________________________________________

20__ жылғы «___» ______________ _____________________________________
                                   (Бағдарламаға қатысушының қолы)

      *ұсынылған құжаттардың дұрыстығына өтiнiш берушi жауапты болады.

Жұмыспен қамтуға жәрдемдесудiң  
белсендi шараларына қатысатын  
адамдардың ұтқырлығын арттыруға 
жәрдемдесу және оларға мемлекеттiк
қолдау шараларын көрсету қағидаларын
2-қосымша            

________________________________ ауданының (облыстық маңызы бар
қаланың, астананың, республикалық маңызы бар қаланың) халықты
жұмыспен қамту орталығы

Бұйрық

      Күнi                     № _____                    ауыл (қала)

      Жұмыспен қамтуға жәрдемдесудiң белсендi шараларына қатысатын
адамдардың ұтқырлығын арттыруға жәрдемдесу және оларға мемлекеттiк
қолдау шараларын көрсету қағидаларының 28-тармағына сәйкес Жұмыспен
қамту 2020 Жол картасы әлеуеттi қатысушылары ұсынған құжаттарды қарап
БҰЙЫРАМЫН:
      1. ___________________ отбасына қоныс аударуға мынадай мөлшерде
субсидия тағайындалсын:
      1) Бағдарламаға қатысушыға __________________ теңге мөлшерiнде;
      2) отбасы мүшелерiне ________________________ теңге мөлшерiнде.
      Барлығы ____________ теңге.
      2. Субсидия ___________________________________________________
                  (банктiң атауы, банктiң ЖСН, банктiң БИК, алушының
                   дербес шотының немесе төлем карточкасының нөмiрi
                                     көрсетiледi)
аударылсын.

      Басшы                                               Т.А.Ә. қолы

Жұмыспен қамтуға жәрдемдесудiң  
белсендi шараларына қатысатын  
адамдардың ұтқырлығын арттыруға 
жәрдемдесу және оларға мемлекеттiк
қолдау шараларын көрсету қағидаларын
3-қосымша            

_________ ауданының (қаласының)
Халықты жұмыспен қамту        
орталығының директорына       
_______________________________
мекенжайы бойынша тұратын _____
_______________________________

ӨТIНIШ

      Мені Жұмыспен қамту 2020 жол картасы жұмыспен қамтуға
жәрдемдесудің белсенді шараларына қатысушылардың ұтқырлығын арттыруға
жәрдемдесу бағыты бойынша қатысушылар қатарына қосуыңызды сұраймын.
      Мына құжаттарды өтінішке қоса беремін:
      1) жеке басын куәландыратын құжаттың көшірмесі;
      2) отбасы құрамы туралы мәліметтері;
      3) тұрақты тұрғылықты жері бойынша тіркелгенін растайтын
құжаттың (мекенжай анықтамасы не ауылдық әкімдерінің анықтамасы)
көшірмесі;
      4) еңбек кітапшасының (болған жағдайда) немесе еңбек қызметін
растайтын өзге құжаттың (жұмыс істейтін адамдар үшін) көшірмесі;
      5) білімі туралы құжаттың (диплом, аттестат, куәлік), сондай-ақ
білімі мен біліктілігін растайтын басқа да құжаттардың көшірмесі.
      Барлығы ______ құжат _____ парақта.
      Көшу шартымен таныстым.

      Күні                                                       қолы

---------------------------------------------------------------------

      Азамат ________________________________________________ өтініші
      20__ ж.«___» ____________ қабылданды № ________ болып тіркелді.
      Құжаттарды қабылдаған адамның Т.А.Ә., лауазымы және қолы:
      _______________________________________________________________
      Күні                                                       қолы

      *ұсынылған құжаттардың дұрыстығына өтініш беруші жауапты болады.

Жұмыспен қамтуға жәрдемдесудiң  
белсендi шараларына қатысатын  
адамдардың ұтқырлығын арттыруға 
жәрдемдесу және оларға мемлекеттiк
қолдау шараларын көрсету қағидаларын
4-қосымша            

Көшуге № ____ жолдама

      Осы жолдама халықты жұмыспен қамту орталығының 20__ ж. «___» ____________ шешіміне сәйкес __________ мекенжайы бойынша тұратын ________________ берілді.

      Онымен бірге отбасының мынадай мүшелері көшеді:

      Басшы                                               Т.А.Ә. қолы
      Жолдама берілген күн                                М.О.

Жұмыспен қамтуға жәрдемдесудiң  
белсендi шараларына қатысатын  
адамдардың ұтқырлығын арттыруға 
жәрдемдесу және оларға мемлекеттiк
қолдау шараларын көрсету қағидаларын
5-қосымша            

Әлеуметтік келісімшарт

      ___________________             20__ жылғы «___» ______________
       (жасалатын орны)

      Бұдан әрі «Халықты жұмыспен қамту орталығы» деп аталатын ______
_____________________________________________________________________
       (уәкілетті өкілдің лауазымы, тегі, аты, әкесінің аты)
атынан __________________________________ бір тараптан және бұдан әрі
«Бағдарламаға қатысушы» деп аталатын ________________________________
                           (Халықты жұмыспен қамту орталығының атауы)
_____________________________________________________________________
    (бағдарламаға қатысушының тегі, аты, әкесінің аты, жеке басын
     куәландыратын құжаттың сериясы, нөмірі, кім және қашан берді)
екінші тараптан төмендегілер туралы осы әлеуметтік шартты (бұдан әрі
– келісімшарт) жасасты:

1. Келісімшарттың мәні

      1. Келісімшарт әлеуметтік-экономикалық даму әлеуеті төмен елді
мекеннен әлеуметтік-экономикалық даму әлеуеті жоғары елді мекенге
көшу, сондай-ақ мемлекеттік қолдау шараларын көрсету мақсатында
жасалды.
      2. Халықты жұмыспен қамту орталығы, Бағдарламаға қатысушы, ал
Қазақстан Республикасы Үкіметінің 2011 жылғы 18 шілдедегі № 817
қаулысымен бекітілген Жұмыспен қамтуға жәрдемдесудің белсенді
шараларына қатысатын адамдардың ұтқырлығын арттыруға жәрдемдесу және
оларға мемлекеттік қолдау шараларын көрсету қағидаларында (бұдан әрі
– Қағидалары) көзделген жағдайларда жұмыс беруші келісімшарттың
тараптары (бұдан әрі – тараптар) болады.
      3. Жұмыс беруші жауапты лауазымды тұлғаның қолымен және мөрмен
расталған әлеуметтік келісімшартқа қосылу туралы жазбаша өтінішті
(хабарламаны) беру арқылы келісімшартты жасасқанын растайды.

2. Тараптардың міндеттері

      1. Халықты жұмыспен қамту орталығы:
      1) Бағдарламаға қатысушыны жаңа тұрғылықты жері бойынша
тіркеуге жәрдем көрсетуге;
      2) Бағдарламаға қатысушыдан көшуге субсидия тағайындау және
қызметтік тұрғын үй бөлу үшін өтініш және құжаттар пакетін
қабылдауға;
      3) тұрғын үй комиссиясының Бағдарламаға қатысушыға қызметтік
тұрғын үй беру туралы шешім қабылдауға;
      4) Бағдарламаға қатысушымен қызметтік тұрғын үйді жалға беру
шартын жасасуға;
      5) көшуге субсидия тағайындау туралы шешім қабылдауға және
субсидияны Бағдарламаға қатысушының дербес шотына аударуды жүзеге
асыруға;
      6) Бағдарламаға қатысушыларды қызметтік тұрғын үйге
қоныстандыруды қамтамасыз етуге;
      7) Бағдарламаға қатысушыларды тұрақты жұмыс орындарына
орналастыруға жәрдемдесуге және бақылауды жүзеге асыруға;
      8) Бағдарламаға қатысушы мен жұмыс берушінің келісімшартты
орындауына мониторингті жүзеге асыруға міндеттенеді.
      2. Бағдарламаға қатысушы:
      1) көшуге жолдама мен әлеуметтік келісімшартты алғаннан кейін
белгіленген мерзімде межелі елді мекенге келуге;
      2) халықты жұмыспен қамту орталығына көшуге субсидия тағайындау
және қызметтік тұрғын үй бөлу үшін өтініш және құжаттар пакетін
беруге;
      3) халықты жұмыспен қамту орталығымен қызметтік тұрғын үйді
жалға алу шартын жасасуға және оған белгіленген мерзімде қоныстануға;
      4) жұмыс беруші ұсынған тұрақты жұмыс орнына жұмысқа орналасуға
не кейін жұмысқа орналасумен кәсіптік оқудан өтуге;
      5) коммуналдық және жалдау ақысын уақытында төлеуге;
      6) халықты жұмыспен қамту орталығының сұрауы бойынша өзінің,
сондай-ақ жұмыс берушінің міндеттемелерінің орындалуына мониторингті
жүзеге асыру үшін қажетті ақпаратты, құжаттарды уақытында және толық
ұсынуға міндеттенеді.

3. Тараптардың құқықтары

      1. Халықты жұмыспен қамту орталығының:
      1) шыққан жерінің халықты жұмыспен қамту орталығынан
Бағдарламаға қатысушының көшу тәртібі мен мерзіміне қатысты ақпаратты
сұратуға;
      2) бағдарламаға қатысушыдан және жұмыс берушіден келісімшарттың
талаптарын уақытында және тиісінше орындауын талап етуге;
      3) келісімшарт шеңберінде өзге де мәселелерді шешуге құқығы
бар.
      2. Бағдарламаға қатысушының:
      1) шыққан жерінің халықты жұмыспен қамту орталығынан көшу
тәртібі мен мерзімдері және қабылдау шарттары туралы, оның ішінде
қызметтік тұрғын үймен қамтамасыз ету және тұрақты жұмыс орнына
жұмысқа орналасу мәселелері бойынша ақпарат алуға;
      2) келісімшартта көзделген мемлекеттік шараларды алуға;
      3) халықты жұмыспен қамту орталығы мен жұмыс берушіден
келісімшарттың уақытында және тиісінше орындалуын талап етуге құқығы
бар.

4. Өзге де шарттар

      1. Келісімшартқа тараптардың келісімі бойынша қосымша
әлеуметтік келісімшартқа қол қою арқылы өзгерістер мен толықтырулар
енгізілуі мүмкін.
      2. Осы келісімшарт оған халықты жұмыспен қамту орталығы,
Бағдарламаға қатысушы қол қойған және жұмыс берушінің келісімшартқа
қосылуы туралы өтінішін (хабарламасын) алған сәттен бастап күшіне
енеді.
      3. Келісімшарттың қолдану мерзімі 20__ жылғы «___» _____ дейін.

5. Келісімшарт талаптарының орындалмағаны үшін тараптардың
жауапкершілігі

      Келісімшарттың талаптарын орындамағаны және (немесе) тиісінше
орындамағаны үшін Қазақстан Республикасының қолданыстағы заңнамасына
сәйкес тараптар жауапта болады.

6. Форс-мажорлық жағдайлар

      1. Тараптар осы Келісімге қол қойылғаннан кейін туындаған өрт,
жер сілкінісі, су тасқыны және басқа да апатты жағдайлар; әскери
іс-қимылдар және т.б. сияқты төтенше және дүлей жағдайларда
(форс-мажор) міндеттерін толық немесе ішінара орындамағаны үшін
жауапкершіліктен босатылады.
      2. Форс-мажор жағдайлары туындаған жағдайда, осы келісімшартқа
сәйкес қандай да болсын міндеттемелерді орындауы осындай жағдайлардың
туындауына байланысты мүмкін болмаған, Тарап форс-мажор жағдайлар
басталған немесе аяқталған күннен кейінгі үш жұмыс күні ішінде бұл
туралы басқа тараптарды жазбаша нысанда (осы келісімшарт бойынша өз
міндеттерін орындаудың мүмкін еместігін негіздеп және дәлелдеп
хабардар етуі тиіс.
      3. Хабарламау немесе уақтылы хабарламау, осындай хабарламау
немесе уақтылы хабарламау форс-мажордың тиісті мән-жайларынан тікелей
пайда болған жағдайларды қоспағанда, Тарапты форс-мажордың осы
келісімшарт бойынша міндеттемелерді орындамағаны үшін
жауапкершіліктен босатуға негіздеме ретінде кез келген форс-мажордың
жағдайына сүйену құқығынан айырады. Форс-мажор жағдайларының
басталғандығы немесе тоқтатылғандығы туралы хабарлама, форс-мажор
жағдайы жалпыға танымал және жаппай сипат алған, дәлелдеуді қажет
етпейтін жағдайларды қоспағанда, құжатпен немесе тиісті органның және
немесе мекеменің куәлігімен расталуға тиіс.
      4. Осы келісімшарт бойынша міндеттемелерді орындау мерзімі
форс-мажор жағдайы орын алған, сондай-ақ осы жағдайлардан туындаған
салдар әрекеті барысына шамалас уақытқа кейінге шегеріледі. Егер
мән-жайларының туындауына байланысты Тараптардың осы келісімшарт
бойынша міндеттемелерді толық немесе ішінара орындай алмауы, _______
(кезеңді көрсету) асып кетсе, Тараптар осы Шартты бұзуға құқылы.

7. Тараптардың мекенжайлары мен деректемелері

Жұмыспен қамтуға жәрдемдесудiң  
белсендi шараларына қатысатын  
адамдардың ұтқырлығын арттыруға 
жәрдемдесу және оларға мемлекеттiк
қолдау шараларын көрсету қағидаларын
6-қосымша            

__________________________________________
(Халықты жұмыспен қамту орталығының атауы)

Әлеуметтік келісімшартқа қосылу туралы жұмыс берушінің
өтініші (хабарламасы)

      Осымен _________________ атынан _____________________ негізінде
          (жұмыс берушінің атауы)   (ереже, жарғы және т.б.)
әрекет ететін _______________________________________________________
                   (уәкілетті өкілдің тегі, аты, әкесінің аты)
және ___________________________ арасында ___________________________
      (халықтың жұмыспен қамту             (Бағдарламаға қатысушының
              орталығы)                            тегі, аты,
_______________ жасасқан 20__ жылғы «___» __________ № ___ әлеуметтік
әкесінің аты)
келісімшартқа қосылуға ниет білдіреді және төмендегілер туралы:
      Бағдарламаға қатысушыны ______________________ кәсіп (мамандық)
                            (еңбек функциясын көрсету)
бойынша тұрақты жұмысқа орналастыруға және/немесе кейін жұмысқа
орналастырумен өз қаражаты есебінен оқытуға міндеттеме алады.
      Тұрақты жұмыс орнына жұмысқа орналастырмаған жағдайда көшуге
төленген субсидия сомаларын толық көлемде өтеуге міндеттенемін.
      Осы өтінімге мыналарды қоса беремін (құрылтай құжаттардың
көшірмелері, банк деректемелері қоса берілсін):

      ______________ _______________ ________________________________
        (лауазымы)         (қолы)       (уәкілетті өкілдің Т.А.Ә.)

                                                     М.О.