Қазақстан Республикасы арнаулы мемлекеттік органдарының қызметкерлеріне тұрғын үй төлемдерінің мөлшерін айқындау, тағайындау, қайта есептеу, жүзеге асыру және тоқтату қағидаларын бекiту туралы

      РҚАО-ның ескертпесі!
      Осы Қаулы 2013 жылғы 1 қаңтардан бастап қолданысқа енгiзiледі.

      "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының 101-1-бабының 1-тармағына сәйкес Қазақстан Республикасының Yкiметi ҚАУЛЫ ЕТЕДІ:

      1. Қоса беріліп отырған Қазақстан Республикасы арнаулы мемлекеттік органдарының қызметкерлерiне тұрғын үй төлемдерiнiң мөлшерiн айқындау, тағайындау, қайта есептеу, жүзеге асыру және тоқтату қағидалары бекiтiлсiн.

      2. Осы қаулы 2013 жылғы 1 қаңтардан бастап қолданысқа енгiзiледі және ресми жариялануға тиіс.

Қазақстан Республикасы арнаулы мемлекеттік органдарының қызметкерлеріне тұрғын үй төлемдерінің мөлшерін айқындау, тағайындау, қайта есептеу, жүзеге асыру және тоқтату қағидалары
1. Жалпы ережелер

      1. Осы Қазақстан Республикасы арнаулы мемлекеттік органдарының қызметкерлеріне тұрғын үй төлемдерінің мөлшерін айқындау, тағайындау, қайта есептеу, жүзеге асыру және тоқтату қағидалары (бұдан әрі – Қағидалар) "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының (бұдан әрі – Заң) 101-1-бабының 1-тармағына сәйкес әзірленді және арнаулы мемлекеттік органдардың қызметкерлеріне тұрғын үй төлемдерінің мөлшерін айқындау, тағайындау, қайта есептеу, жүзеге асыру және тоқтату тәртібін айқындайды.

      2. Қағидаларда мынадай негізгі ұғымдар пайдаланылады:

      1) тұрғын үй төлемдері - Қазақстан Республикасы арнаулы мемлекеттік органдарының тұрғын үйге мұқтаж қызметкерлеріне (бұдан әрі - қызметкерлер) арнаулы мемлекеттік органдардың тұрғын үй қорынан тұрғын үй берудің орнына республикалық бюджет қаражаты есебінен арнаулы ақшалай қамтамасыз ету түрінде төленетін, өңірлер және отбасы құрамы бойынша сараланған ақшалай қаражат көлемі. Тұрғын үй төлемдері ағымдағы және біржолғы төлемдерден тұрады;

      2) ағымдағы тұрғын үй төлемдері – тұрғын үйге мұқтаж болып танылған қызметкерлерге ай сайынғы негізде жүзеге асырылатын және Қағидаларға 1-қосымшаға сәйкес нысан бойынша есептелетін төлемдер;

      3) біржолғы тұрғын үй төлемдері – Заңның 101-1-бабының 5, 6 және 7-тармақтарында, сондай-ақ 101-8-бабының 2-тармағында көзделген жағдайларда жүзеге асырылатын және Қағидаларға 2-қосымшаға сәйкес нысан бойынша есептелетін біржолғы сипаттағы төлемдер;

      4) жеке арнайы шот – тұрғын үй төлемдерін аудару және төлемдерді Заңның 101-4-бабында көзделген мақсаттарға жүзеге асыру үшін қызметкерлердің таңдауы бойынша олар екінші деңгейдегі банкте (бұдан әрі – банк) ашқан ағымдағы шот;

      5) тұрғын үйдің пайдалы алаңы – тұрғын үйдің тұрғын алаңы мен тұрғын емес алаңының жиынтығы;

      6) мекемелер – қызметкерлері тұрғын үй төлемдерін алушылар болып табылатын мемлекеттік мекемелер;

      7) тұрғын үй комиссиясы – қызметкерлерді тұрғын үйге мұқтаж деп тану мәселелерін және тұрғын үй қатынастары бойынша басқа да мәселелерді қарау үшін мекеме басшысының шешімімен құрылатын комиссия. Тұрғын үй комиссиясы туралы ережені және оның құрамын Қағидаларда көзделген ерекшеліктерді ескере отырып, мекеме басшысы бекітеді;

      8) қызметкерді тұрғын үйге мұқтаж деп тану күні – қызметкер тұрғын үйге мұқтаж деп таныла бастаған күн, оны қызметкер Қағидалардың 21-тармағына сәйкес ұсынған құжаттар негізінде мекеменің тұрғын үй комиссиясы айқындайды;

      9) жауапты құрылымдық бөлімше – тұрғын үйге мұқтаж деп танылған адамдарды есепке алу жөніндегі функциялар жүктелген мекеменің бөлімшесі.

      3. Тұрғын үй төлемдерін алушыларға Заңның 101-2-бабы 1-тармағында көрсетілген қызметкерлер жатады.

      Егер ерлі-зайыптылардың екеуі де қызметкер болатын болса, онда тұрғын үй төлемдері ерлі-зайыптылардың өзара келісімі бойынша жұбайының (зайыбының) қызмет орны туралы анықтаманы ұсынуымен олардың жазбаша өтініші (баянаты) бойынша олардың тек біреуіне жүргізіледі.

      4. Қызметкерге тұрғын үй төлемдерін тағайындау негіздемесі оны Заңда белгіленген тәртіп бойынша тұрғын үйге мұқтаж деп тану болып табылады.

      5. Жүктілігі және босануы, бала күтімі бойынша қосымша демалыстарда, іссапарда, оқуда, емделуде болған қызметкерлерге тұрғын үй төлемдері жалпы негіздерде жүзеге асырылады.

      6. Қызметкердің отбасы мүшелеріне жататын тұлғаларды айқындау Заңның 101-9-бабына сәйкес жүзеге асырылады.

      7. Тұрғын үй төлемдерін алушылар болып танылған қызметкерлердің есебін мекеменің жауапты құрылымдық бөлімшесі жүргізеді.

      8. Тұрғын үй төлемдерін алушыларға төленуге тиіс соманы есептеуді мекеменің жауапты құрылымдық бөлімшелері жасаған тізімдердің негізінде мекеменің қаржы бөлімшесі жүргізеді.

      9. Тұрғын үй төлемдері қатаң нысаналы мақсатта болады және мекеме Заңның 101-4-бабында көзделмеген басқа да мақсаттарға пайдалана алмайды.

      31 желтоқсанды қоса алғанда ағымдағы қаржы жылының соңына дейін пайдаланылмаған қаржыландыру жоспары бойынша тұрғын үй төлемдеріне көзделген қаражат қалдықтары жойылады.

      10. Қаза табуына немесе қайтыс болуына, Қазақстан Республикасының заңнамасында белгіленген тәртіппен хабар-ошарсыз кеткен деп танылуына немесе қайтыс болған деп жариялануына байланысты қызметкерді жеке құрам тізімінен алып тастаған жағдайда жеке арнайы шотына аударылатын тұрғын үй төлемдері тоқтатылады.

      Жеке арнайы шотында тұрғын үй төлемдері болған кезде ондағы ақша Қазақстан Республикасының азаматтық заңнамасында көзделген тәртіппен мұрагеріне/мұрагерлеріне ауысады.

      Қызметкердің жеке арнайы шотын жабу "Клиенттердің банктік шоттарын ашу, жүргізу және жабу ережесін бекіту туралы" Қазақстан Республикасы Ұлттық Банкі Басқармасының 2016 жылғы 31 тамыздағы № 207 қаулысында көзделген тәртіппен жүзеге асырылады.

      11. Жеке арнайы шоттағы тұрғын үй төлемдері бюджетке алуға жатпайды, алушылардың тұрғын үйге жеке мұқтаждықтарын қамтамасыз ету жөніндегі шарттарды қоспағанда иесінің немесе басқа да адамдардың міндеттемелері бойынша кепіл зат немесе өзге де ауыртпалық болып табыла алмайды.

2. Тұрғын үй төлемдерінің мөлшерін айқындау тәртібі

      12. Ағымдағы тұрғын үй төлемдерінің мөлшері қызметкер қызмет өткеріп жатқан Қазақстан Республикасының тиісті өңірінде тұрғын үйдің бір шаршы метрін жалға алудың құнын тұрғын үйдің алаңына көбейту арқылы айқындалады. Тұрғын үй алаңы отбасы мүшелерінің әрқайсысына он сегіз шаршы метр пайдалы алаң есебінен айқындалады.

      13. Қазақстан Республикасының тиісті өңіріндегі тұрғын үйдің бір шаршы метрін жалға алу құнының мөлшері ағымдағы жылғы 1 қаңтардағы жағдай бойынша мемлекеттік статистика саласындағы уәкілетті органның ресми сайтында жарияланған деректерге сәйкес белгіленеді.

      Тұрғын үйдің бір шаршы метрін жалға алу бағасының мөлшері әрбір қаржы жылының басында белгіленеді және өзгерту мен түзетуге жатпайды.

      14. Елді мекен бойынша статистикалық деректер болмаған жағдайда тұрғын үйдің бір шаршы метрін жалға алу бағасының мөлшері аудан орталығының статистикалық деректері бойынша, ал аудан орталығында статистикалық деректер болмаған жағдайда – облыс орталығының статистикалық деректері бойынша белгіленеді.

      15. 2013 жылғы 1 қаңтарға дейінгі мерзімде тұрғын үймен қамтамасыз етілмеген және 2013 жылғы 1 қаңтардағы жағдай бойынша 10 және одан да көп жыл әскери қызмет, арнаулы мемлекеттік органдарында қызмет өтілі бар қызметкерлерге біржолғы тұрғын үй төлемінің мөлшері 2013 жылғы 1 қаңтардағы жағдай бойынша қызметкер қызмет өткеріп жүрген Қазақстан Республикасының тиісті өңіріндегі бір шаршы метрді жалға алу құнының мөлшерін оның өзгеруін ескере отырып, әрбір отбасы мүшесіне он сегіз шаршы метр пайдалы алаң есебінен тұрғын үй алаңына және мұқтаж мәртебесінде тұрған айларының санына көбейту арқылы айқындалады.

      Бұл ретте біржолғы тұрғын үй төлемдерін алу үшін тұрғын үйге мұқтаж мәртебесінде болу кезеңі ұлттық қауіпсіздік органдарының, Қазақстан Республикасы Мемлекеттік күзет қызметінің және сыртқы барлау органының мекемелерінде өткеру кезеңінде тұрғын үйге мұқтаж деп танылған күннен бастап, ал аталған күнді белгілеу мүмкіндігі болмаған жағдайда, ұлттық қауіпсіздік органдарының, Қазақстан Республикасы Мемлекеттік күзет қызметінің және сыртқы барлау органының мекемелерінде қызмет өткеру кезеңінде өзін тұрғын үйге мұқтаж деп тану туралы алғашқы баянат берілген күнінен бастап белгіленеді.

      16. Қызметкерлерге Заңның 101-1-бабының 6-тармағында және 7-тармағының бірінші бөлігінде көзделген негіздер бойынша берілетін біржолғы тұрғын үй төлемдерінің мөлшері қызметкер жұмыстан босатылған күнгі жағдай бойынша қызметкер қызмет өткерген Қазақстан Республикасының тиісті өңіріндегі тұрғын үйдің бір шаршы метрін жалға алу құнының мөлшерін оның өзгеруін ескере отырып, отбасының әрбір мүшесіне он сегіз шаршы метр пайдалы алаң есебінен тұрғын үй алаңына және мұқтаж мәртебесінде болған айларының санына көбейту арқылы, егер тұрғын үй төлемдері жүргізілген болса, қызметтен босатылған күніне төленген айырмашылықтарды шегере отырып жүргізіледі.

      Қызметкерлерге Заңның 101-1-бабы 7-тармағының екінші бөлігінде көзделген негіздер бойынша берілетін біржолғы тұрғын үй төлемдерінің мөлшері қызметкер жұмыстан босатылған күнгі жағдай бойынша ол қызмет өткерген Қазақстан Республикасының тиісті өңіріндегі тұрғын үйдің бір шаршы метрін жалға алу құнының мөлшерін ол жұмыстан босатылған күнгі отбасының әрбір мүшесіне он сегіз шаршы метр пайдалы алаң есебінен тұрғын үй алаңына және еңбек сіңірген күнтізбелік жиырма жылға теңелетін айлар санына көбейту арқылы, егер тұрғын үй төлемдері жүргізілген болса, қызметтен босатылған күніне төленген айырмашылықтарды шегере отырып жүргізіледі.

      Бұл ретте, аталған төлемдер біржолғы сипатқа ие болады және қызметкер жұмыстан босатылғанға дейін жүргізіледі.

      17. Қызмет өткеру кезінде қаза тапқан қызметкердің отбасына тұрғын үй төлемдері қаза тапқан адам қызмет еткен кезеңде бұрын жүзеге асырылған барлық тұрғын үй төлемдерін шегере отырып, қызметкер қаза тапқан күнгі жағдай бойынша мемлекеттік статистика саласындағы уәкілетті органның ресми сайтында жарияланған қызметкер қызмет атқарған Қазақстан Республикасының тиісті өңіріндегі бір шаршы метр үшін тиісті қаржы жылына арналған уәкілетті орган белгілеген баға бойынша ол қайтыс болған сәтте отбасы құрамы тұрғын үйдің пайдалы алаңының нормасына сәйкес келетін сатып алу құнына тең көлемде біржолғы ақшалай өтемақы түрінде жүргізіледі.

      Елді мекен бойынша статистикалық деректер болмаған жағдайда бір шаршы метрдің бағасы аудан орталығының статистикалық деректері бойынша, ал аудан орталығында статистикалық деректер болмаған жағдайда - облыс орталығының статистикалық деректері бойынша белгіленеді.

      18. Егер Қазақстан Республикасының заңнамасында белгіленген тәртіппен арнаулы мемлекеттік орган қызметкерінің қаза табуы (қайтыс болуы) дәлелденсе, біржолғы ақшалай өтемақы төленбейді:

      Қызметкерлердің арнаулы мемлекеттік органдарда қызмет өткеру кезеңінде қаза табуының (қайтыс болуының) және қызмет өткеру кезеңінде науқастануының себепті байланысы Қазақстан Республикасының заңнамасында белгілінген тәртіппен айқындалады

      1) өзіне-өзі қол жұмсауға дейін жеткізген жағдайларды қоспағанда, өзіне-өзі қол жұмсау нәтижесінде;

      2) қылмыс немесе әкімшілік құқық бұзушылық жасаған кезде;

      3) алкогольдік, нашақорлық, психотроптық, уытқұмарлық (оларға ұқсас заттардан) масаң күйге ұшырататын заттарды қолдану нәтижесінде;

      4) біржолғы өтемақы алу немесе қызметтен жалтару мақсатында өзіне-өзі қандай да бір дене жарақатын (денесіне зиян келтіру) немесе өзінің денсаулығына өзге де зиян келтіру нәтижесінде;

      5) қызметкердің қызмет өткеру туралы келісімшарт талаптарын бұзатын әрекеттерінің нәтижесінде туындаған Қазақстан Республикасының заңнамасында белгіленген тәртіппен дәлелденсе, біржолғы өтемақы төленбейді.

      Қызметкерлердің арнаулы мемлекеттік органдарда қызмет өткеру кезеңінде қаза табуының (қайтыс болуының) және қызмет өткеру кезеңінде науқастануының себепті байланысы "Әскери-дәрігерлік сараптаманы жүргізу қағидасын және Әскери-дәрігерлік сараптама органдары туралы ережені бекіту туралы" Қазақстан Республикасы Үкіметінің 2010 жылғы 30 қаңтардағы № 44 қаулысына сәйкес айқындалады.

      19. Қызметкердің тұрғын үй жағдайларын жақсарту үшін тұрғын үйдің алаңы Заңның 101-1-бабының 1-тармағына сәйкес белгіленген тұрғын үйдің пайдалы алаңының нормасы мен қызметкерге мемлекеттік тұрғын үй қорынан берілген тұрғынжайдың немесе жеке тұрғын үй қорынан жергілікті атқарушы орган жалдаған тұрғынжайдың пайдалы алаңының арасындағы айырма ретінде отбасы мүшелері ескеріле отырып, айқындалады.

      20. Қызметкер үміттеніп отырған тұрғын үй аумағының есебі Қағидалардың 3-қосымшасына сәйкес нысан бойынша анықталады.

3. Тұрғын үй төлемдерін тағайындау тәртібі
3.1. Тұрғын үй төлемдерін тағайындауға арналған құжаттарды қарау

      21. Тұрғын үй төлемдерін тағайындау және тұрғын үйге мұқтаж деп тану үшін қызметкер қызмет өткеретін орны бойынша мекеменің тұрғын үй комиссиясына мынадай құжаттарды ұсынады:

      1) мекеменің бірінші басшысының не ол белгілейтін лауазымды адамның атына оны тұрғын үйге мұқтаж деп тану және оған тұрғын үй төлемдерін тағайындау туралы баянатты.

      Біржолғы тұрғын үй төлемдерін алу үшін қызметкер Қазақстан Республикасының арнаулы мемлекеттік органдарының мекемелерінде қызмет өткеру кезеңінде тұрғын үйге мұқтаж деп танылғанын растайтын құжаттарды қосымша ұсынады.

      Біржолғы тұрғын үй төлемдерін алу үшін Қазақстан Республикасы арнаулы мемлекеттік органдарының мекемелерінде қызмет өткеру кезеңінде тұрғын үйге мұқтаж деп танылғанын растайтын құжаттарды беру мүмкіндігі болмаған жағдайда, арнаулы мемлекеттік органдардың мекемелерінде қызмет өткеріп жүрген кезеңде оны тұрғын үйге мұқтаж деп тану туралы алғашқы баянатының көшірмесі беріледі;

      2) баянат берген күннен кешіктірмей алынған әділет органының анықтамасын (өтініш берушіде және онымен бірге тұрақты тұратын отбасы мүшелерінде Қазақстан Республикасының аумағында олардың жеке меншік құқығына тиесілі тұрғын үйдің бар немесе жоқ болуы туралы);

      3) баянат берген күнге дейін күнтізбелік он күннен кешіктірмей алынған жергілікті атқарушы органның анықтамасын (өтініш берушіде және онымен бірге тұрақты тұратын отбасы мүшелерінде осы елді мекенде коммуналдық тұрғын үй қорынан тұрақты пайдалануға берілген тұрғын үйінің бар немесе жоқ болуы туралы);

      4) баянат берген күнге дейін күнтізбелік он күннен кешіктірмей мекеменің кадр бөлімшесі берген (отбасы құрамын, күнтізбемен есептегенде еңбек сіңірген жылдарын, қызмет өткеру кезеңдері мен орнын, оның ішінде қызметтік тұрғын үймен қамтамасыз етілуі мен тұрғын үй төлемдерін алуын көрсете отырып) жұмыс орнының анықтамасын;

      5) баянат берген күнге дейін күнтізбелік он күннен кешіктірмей алынған жұбайының (зайыбының) жұмыс орны берген мемлекеттік тұрғын үй қорынан немесе жеке тұрғын үй қорынан жергілікті атқарушы орган жалдаған тұрғын үй алғаны не алмағаны туралы мәліметтері бар анықтаманы;

      6) қызметкердің жалғыз үйі авариялық деп танылған жағдайда жергілікті атқарушы органның анықтамасын;

      7) отбасы тұрып жатқан тұрғын үй белгіленген санитариялық және техникалық талаптарға сәйкес келмесе не іргелес, оқшауланбаған тұрғын үй-жайда екі немесе одан да көп отбасы тұрған жағдайда не отбасы құрамында онымен бір үй-жайда (пәтерде) бірге тұру мүмкін емес науқас, созылмалы аурудың кейбір ауыр түрімен (Қазақстан Республикасының Үкіметі бекіткен аурулар тізімі бойынша) ауыратын адам бар болса, тиісті уәкілетті органның анықтамасын;

      8) ипотекалық ұйымның қызметкермен жасасқан негізгі міндеттемесі орындалмаған ипотекалық шарт туралы анықтаманы;

      9) қызметкердің және оның отбасы мүшелерінің жеке бастарын куәландыратын құжаттардың көшірмелерін;

      10) балаларының тууы, неке қию (бұзу), отбасы мүшелерінің қайтыс болуы туралы куәліктердің көшірмелерін;

      11) балаларында он сегіз жасқа жеткенге дейін алған мүгедектік болған кезде мүгедектігін растайтын құжаттардың көшірмелерін;

      12) осы Қағидалардың 44-тармағында көзделген жағдайларда тұрғын үй төлемдерін пайдалағандығын растайтын құжаттардың көшірмелерін;

      13) алып отырған тұрғын үйдің алаңын растайтын құжаттардың көшірмелерін (тұрғын үй жағдайын жақсарту қажеттігіне байланысты тұрғын үйге мұқтаж деп танылған қызметкерлер үшін ғана);

      14) қызметкер тұрғын үйді сатып алған сәтте тұрғын үйге мұқтаж мәртебесі болған жағдайда Заңның 101-4-бабының 3) тармақшасында көзделген мақсаттарға бұрын жүргізілген шығыстарды растайтын құжаттарды.

      Ауруы бойынша жұмыстан шығарылған кезде, егер науқасы қызмет өткеру кезеңінде алынып, әскери-дәрігерлік комиссия қызметкерді қызметке жарамсыз (есептен шығара отырып, жарамсыз) деп таныса, мекеменің кадр бөлімшесі растаған әскери-дәрігерлік комиссия қорытындысының көшірмесі қоса беріледі.

      22. Мекеменің жауапты құрылымдық бөлімшесі қызметкердің баянаты тіркелген күннен бастап он жұмыс күні ішінде қарайды және материалдарды тоқсанына кемінде бір рет, қажет болғанда айына бір рет өтетін мекеменің тұрғын үй комиссиясының отырысына дайындайды.

      23. Мекеменің тұрғын үй комиссиясы мекеменің тұрғын үй комиссиясы отырысының хаттамасымен ресімделетін қызметкерді тұрғын үйге мұқтаж деп тану және оған тұрғын үй төлемдерін тағайындау (тұрғын үйге мұқтаж қызметкердің тұрғын үй төлемдерінің есебін және тағайындау күнін белгілеу үшін тұрғын үй аумағының көлемін көрсете отырып) немесе тұрғын үйге мұқтаж деп тану үшін негіздеменің жоқ екені туралы шешім шығарады.

      24. Қызметкер Заңның 69 және 70-баптарының талаптарына сәйкес келмеген, Заңның 72-бабында белгіленген негіздемелер болған және (немесе) олар Қағидалардың 21-тармағында айқындалған қажетті құжаттарды ұсынбаған жағдайларда тұрғын үй комиссиясы қызметкерді тұрғын үйге мұқтаж деп танудан және оған тұрғын үй төлемдерін тағайындаудан бас тарту туралы шешім шығарады. Тұрғын үй комиссиясының хаттамасынан үзінді қызметкердің назарына қол қойғыза отырып жеткізіледі және оның жеке ісіне тігіледі. Тұрғын үй комиссиясы хаттамаларының көшірмелері және (немесе) олардың үзінділері қызметкердің жазбаша өтінішінің негізінде ғана беріледі.

      25. Тұрғын үй берілген қызметкерлерге:

      1) берілген үй-жайы белгіленген техникалық, санитариялық талаптарға жауап бермейтін, оның ішінде отбасының әрбір мүшесіне тиісті он сегіз шаршы метрге сай келмейтін қызметкерлерді;

      2) жабық және оқшауланған әскери қалашықтарда, шекара заставаларында және тізбесі Қазақстан Республикасы Үкіметінің қаулысымен белгіленген өзге де шалғайдаға объектілерде орналасқан тұрғын үйлерде тұратын қызметкерлерді қоспағанда, тұрғын үй төлемдері жүргізілмейді.

      26. Тұрғын үй төлемдерін тағайындауға арналған құжаттарды мекеменің тұрғын үй комиссиясы қарап, тұрғын үй төлемдерін алушылардың тізімін бекіткеннен кейін, егер Қағидаларда өзгеше көзделмесе, қызметкер қызмет өткеріп жүрген бөлімшенің кадр қызметі Қағидаларға 5 және 7-қосымшаларға сәйкес анықтама түрінде оны тұрғын үйге мұқтаж деп тану туралы тұрғын үй комиссиясының шешімін, сондай-ақ Қағидалардың 21-тармағында көзделген құжаттарды қызметкердің жеке ісіне тігеді.

      Жеке арнайы шот ашу үшін осы Қағидаларға 4 және 6-қосымшаларға сәйкес нысандар бойынша қызметкерге мекеменің жауапты құрылымдық бөлімшесі жасаған анықтамалар беріледі.

3.2. Ағымдағы тұрғын үй төлемдерін алушылардың тізімі мен есебін жасау

      27. Мекеменің тұрғын үй комиссиясы шешімінің негізінде мекеменің жауапты құрылымдық бөлімшесі Қағидаларға 8-қосымшаға сәйкес нысан бойынша ағымдағы тұрғын үй төлемдерін алушылардың тізімін жасайды.

      28. Ағымдағы тұрғын үй төлемдерін алушылардың тізімі негізінде мекеменің қаржы бөлімшесі Қағидалардың 1-қосымшасына сәйкес нысан бойынша ағымдағы тұрғын үй төлемдерін алушылар сомасының есебін дайындайды.

      29. Ағымдағы тұрғын үй төлемдерін алушылардың тізімі мен есебі мекеменің жауапты құрылымдық бөлімшесі дайындайтын мекеменің бірінші басшысының бұйрығымен (Қазақстан Республикасы Ұлттық қауіпсіздік комитетінің құрылымдық бөлімшелері үшін – мекеменің бірінші басшысы орынбасарының бұйрығымен) бекітіледі.

      Қазақстан Республикасы ұлттық қауіпсіздік органдарының жүйесіне кіретін мекеменің бірінші басшысының бұйрығымен (Қазақстан Республикасы Ұлттық қауіпсіздік комитетінің құрылымдық бөлімшелері үшін – мекеменің бірінші басшысы орынбасарының бұйрығымен) бекітілетін 2013 жылғы 1 қаңтарға ағымдағы тұрғын үй төлемдерін алушылардың тізімі мен есебі Қазақстан Республикасы Ұлттық қауіпсіздік комитетінің қаржы және жауапты құрылымдық бөлімшелерімен келісіледі.

      Қазақстан Республикасының ұлттық қауіпсіздік органдарының жүйесіне кіретін мекеменің бірінші басшысының бұйрығымен бекітілетін 2013 жылғы 1 қаңтарға ағымдағы тұрғын үй төлемдерін алушылардың тізімі мен есебі Қазақстан Республикасы Ұлттық қауіпсіздік комитетінің қаржы және кадр бөлімшелерімен келісіледі.

      30. Ағымдағы тұрғын үй төлемдерін алушылардың тізіміне және олардың есебіне өзгерістер мен толықтырулар енгізу олардың отбасы құрамы өзгерген, бір өңірден басқа өңірге көшуіне байланысты қызмет орнын ауыстырған кезде, сондай-ақ Қазақстан Республикасының заңнамасында көзделген өзге де жағдайларда жүзеге асырылады.

3.3. Біржолғы тұрғын үй төлемдерін алушылардың тізімі мен есебін жасау

      31. Заңның 101-бабының 5, 6, 7-тармақтарының талаптарына сәйкес мекеменің тұрғын үй комиссиясы шешімінің негізінде мекеменің жауапты құрылымдық бөлімшесі Қағидаларға 9-қосымшаға сәйкес нысан бойынша біржолғы тұрғын үй төлемдерін алушылардың тізімін жасайды.

      32. Біржолғы тұрғын үй төлемдерін алушылар тізімінің негізінде мекеменің қаржы бөлімшесі Қағидалардың 2-қосымшасына сәйкес нысан бойынша біржолғы тұрғын үй төлемдерін алушылар сомасының есебін дайындайды.

      33. Мекеменің жауапты құрылымдық бөлімшесі дайындайтын біржолғы тұрғын үй төлемдерін алушылардың тізімі мен есебі мекеменің бірінші басшысының бұйрығымен (Қазақстан Республикасы Ұлттық қауіпсіздік комитетінің құрылымдық бөлімшелері үшін – мекеменің бірінші басшысы орынбасарының бұйрығымен) бекітіледі.

      Қазақстан Республикасы ұлттық қауіпсіздік органдарының жүйесіне кіретін мекеменің бірінші басшысының бұйрығымен (Қазақстан Республикасы Ұлттық қауіпсіздік комитетінің құрылымдық бөлімшелері үшін – мекеменің бірінші басшысы орынбасарының бұйрығымен) бекітілетін 2013 жылғы 1 қаңтарға біржолғы тұрғын үй төлемдерін алушылардың тізімі мен есебі Қазақстан Республикасы Ұлттық қауіпсіздік комитетінің қаржы және жауапты құрылымдық бөлімшелерімен келісіледі.

4. Тұрғын үй төлемдерін қайта есептеу

      34. Ағымдағы тұрғын үй төлемдерінің мөлшерін қайта есептеу:

      1) отбасы құрамы өзгерген;

      2) бір өңірден басқа өңірге көшуіне байланысты қызмет орнын ауыстырған;

      3) қызметкер мемлекеттік тұрғын үй қорынан берілген немесе жеке тұрғын үй қорынан жергілікті атқарушы орган жалдаған тұрғын үй алаңы Заңның 101-1-бабының 1-тармағында белгіленген пайдалы алаң нормасына сәйкес келмеген тұрғын үйді қайтарған кезде жүргізіледі.

      Ағымдағы төлемдердің мөлшерін қайта есептеу тұрғын үй комиссиясы шешімінің және қызметкердің жазбаша баянатының негізінде шығарылатын мекеменің бірінші басшысының бұйрығы бойынша жүзеге асырылады.

      35. Тұрғын үй төлемдерінің іс жүзіндегі сомасы қызметкер тұрғын үйге мұқтаж деп танылған күннен, қызметкер жұмыстан босатылған күннен, бір өңірден басқа өңірге ауысқан күннен бастап есептеледі.

      36. Біржолғы тұрғын үй төлемдерін өткен кезеңге қайта есептеу жүргізілмейді.

5. Тұрғын үй төлемдерін жүзеге асыру тәртібі

      37. Тұрғын үй төлемдеріне арналған жеке арнайы шотты Қағидалардың 4 және 6-қосымшаларына сәйкес нысан бойынша анықтамаларды қосымша бере отырып, Қазақстан Республикасы Ұлттық Банкінің нормативтік құқықтық актісінде белгіленген тәртіппен тұрғын үйге мұқтаж деп танылған әрбір қызметкер дербес ашады.

      38. Мекеме, қызметкер және банк арасында Қағидалардың 10-қосымшасына сәйкес нысан бойынша тұрғын үй төлемдері туралы үшжақты шарт (бұдан әрі – шарт) жасалады.

      Бұл ретте шарт мекеме тарапынан нақты немесе шартты атауы бойынша жасалады.

      Шартқа сәйкес мекеме қызметкердің жеке арнайы шотына тұрғын үй төлемдерін аударады, ал банк қызметкерге Заңның 101-4-бабында көзделген мақсаттарға сәйкес тұрғын үй төлемдерін жұмсауға құқық береді.

      Мекеменің қаржы бөлімшесі шартты және қызметкердің жеке арнайы шотын Қағидалардың 11-қосымшасына сәйкес нысан бойынша есепке алу журналына тіркейді.

      39. Мекеменің қаржы бөлімшесі тұрғын үй төлемдерінің аударылған және төленген сомалары бойынша Қағидалардың 12-қосымшасына сәйкес нысан бойынша талдамалық есеп карточкасында есепті жүзеге асырады.

      39-1. Ағымдағы тұрғын үй төлемдері қызмет өткеру орны бойынша ай сайын өткен ай үшін ағымдағы айда жүргізіледі. Желтоқсан айында ағымдағы ай үшін тұрғын үй төлемдері 25-і күнінен кешіктірілмей төленеді.

      Қызметке кіру және шығу айында ағымдағы тұрғын үй төлемдері нақты қызмет күндеріне пропорционал түрде жүргізіледі.

      40. Қызметкер қызметтен ауысқан, босатылған кезде мекеменің қаржы бөлімшесі талдамалық есеп карточкасының көшірмесін қоса бере отырып, ақша аттестатында оған жүргізілген тұрғын үй төлемдері туралы мәліметті көрсетеді.

      41. Арнайы жедел тапсырмаларды орындау үшін айрықша тәртіпте қызмет өткеретін және штаттық жасырын қызметкерлерге тұрғын үй төлемдерін жүзеге асыру тәртібін Қазақстан Республикасының арнаулы мемлекеттік органдарының бірінші басшылары бекітеді.

6. Тұрғын үй төлемдерін тоқтату

      42. Тұрғын үй төлемдері Заңның 101-3-бабында көзделген жағдайларда тоқтатылады.

      43. Тұрғын үй төлемдері мекеменің бірінші басшысының бұйрығына (Қазақстан Республикасы Ұлттық қауіпсіздік комитетінің құрылымдық бөлімшелері үшін – мекеменің бірінші басшысы орынбасарының бұйрығына) сәйкес мынадай мерзімдерде:

      1) қызметкер арнаулы мемлекеттік органдардан босатылған жағдайда жеке құрам тізімінен шығарылған күннен бастап;

      2) қызметкерлер Заңның 101-4-бабының 1), 3), 4), 5) немесе 7) тармақшаларында көзделген мақсаттарда, сондай-ақ кейіннен сатып алынатын тұрғын үйдің жалға алу төлемдері үшін жасалған шарт бойынша міндеттемені орындамаған жағдайларды қоспағанда, арнаулы мемлекеттік органдардың қызметкерлері тұрғын үйге мұқтаж мәртебесінен айырылған күннен бастап;

      3) қаза табуына немесе қайтыс болуына, заңда белгіленген тәртіппен хабар-ошарсыз кеткен деп танылуына немесе қайтыс болған деп жариялануына байланысты қызметкерді жеке құрам тізімдерінен шығарылған күннен бастап тоқтатылады.

      Қызметкердің жеке арнайы шоты жабылған кезде пайдаланылмаған қаражаттардың қалдығын Банк мекеменің шотына қайтарады.

      44. Қызметкер қызметін одан әрі өткеру үшін басқа өңірге ауысқан жағдайда, егер Заңның 101-4-бабының 1), 3), 4) және 5) тармақшаларында көзделген мақсаттарда, сондай-ақ кейіннен сатып алынатын тұрғын үйдің жалға алу төлемдері үшін онымен тиісті шарт жасалса, ағымдағы тұрғын үй төлемдерінің мөлшері қызмет атқарған бастапқы өңір бойынша сақталады.

      Тұрғын үй төлемдері тұрғын үй комиссиясының шешімі және Қағидалардың 21-тармағында белгіленген құжаттармен қоса, қызметкердің баянатының негізінде шығарылған мекеменің бірінші басшысы бұйрығының (Қазақстан Республикасы Ұлттық қауіпсіздік комитетінің құрылымдық бөлімшелері үшін – мекеменің бірінші басшысы орынбасарының бұйрығы) негізінде жүзеге асырылады.

      45. Қызметкерге тұрғын үй төлемдері тоқтатылған жағдайда мекеме банкке тұрғын үй төлемдерін тоқтатудың негіздемесін баяндай отырып, хат жолдайды.

7. Тұрғын үй төлемдері бойынша төлемдерді аударған кезде
қате тапқан жағдайда қызметкердің, мекеменің және банктің
іс-қимыл жасау тәртібі

      46. Тұрғын үй төлемдерін алушы тұрғын үй төлемдерінің сомалары туралы мәліметті алған кезде арнайы жеке шотында төленген тұрғын үй төлемдерінің жекелеген сомаларының жоқ екенін анықтағанда мекеменің бірінші басшысына не ол белгілейтін лауазымды тұлғаға қате табылғаны туралы (құқыққа қайшы немесе артық төленген және (немесе) төленбеген тұрғын үй төлемдері) (бұдан – әрі қате аударылған) және жіберілген қателерді түзету шараларын қабылдау үшін банкке тұрғын үй төлемдерін аударғаны туралы кез келген уақыттағы төлем құжаттарының көшірмесін және жеке өзіне қатысты жеке тұлғалардың тізімі бар төлем құжаттарынан үзіндіні ұсыну туралы баянат жолдайды.

      47. Мекеме тұрғын үй төлемдері сомаларын аудару кезінде жол берілген қателерді тапқан немесе алушының қате тапқаны туралы жазбаша өтінішін алған жағдайда мекеме қателерді келесі тұрғын үй төлемдерін аударуды реттеу арқылы түзетеді. Келесі тұрғын үй төлемдерін аударуды реттеу арқылы қатені түзету мүмкін болмаған жағдайда мекеме банкке Қағидалардың 13-қосымшасына сәйкес нысан бойынша қате аударылған тұрғын үй төлемдерін қайтару туралы өтініш жасайды. Қате аударылған тұрғын үй төлемдерін қайтару туралы өтінішке Қағидалардың 14-қосымшасына сәйкес нысан бойынша алушының нотариат куәландырған оның жеке арнайы шотынан қате аударылған соманы алып тастауға келісім беру туралы өтініші қоса беріледі.

      48. Қате аударылған тұрғын үй төлемдерін қайтару туралы өтініште мыналар: мекеменің атауы және деректемелері (бизнес-сәйкестендіру нөмірі (БСН), жеке сәйкестендіру нөмірі (ЖСН), банктік сәйкестендіру коды (БСК), жеке сәйкестендіру коды (ЖСК), қайтару себебі, қателерге жол берілген төлем құжаттарының деректемелері (№, күні және сомасы), сондай-ақ жеке арнайы шотынан кері қайтару жүргізілетін алушының деректемелері және қайтарылуға тиіс жеке сомалар көрсетіледі. Өтінішке бірінші басшы, мекеменің қаржы бөлімшесінің бастығы (бас бухгалтер) қол қою және мөрмен куәландырылуы тиіс.

      49. Мекеменің қате аударылған тұрғын үй төлемдерін қайтаруға арналған өтініші түскен кезде банк өтінішті алған күннен бастап операциялық он күн ішінде:

      1) мекеменің хатында көрсетілген тұрғын үй төлемдерінің қате түсу фактісін тексереді;

      2) қате аударылған тұрғын үй төлемдерінің түсуін растау бойынша қайтару фактісінің болмауын тексереді;

      3) оның жеке арнайы шотына қате аударылған ақшаны банктің есептен шығаруына бенефициардың келісімінің болуын тексереді;

      4) қате аударылған тұрғын үй төлемдерін мекемеге қайтаруды жүзеге асырады немесе себептерін негіздей отырып, мұндай қайтарудың мүмкін еместігі туралы хабарлайды.

      50. Мекемеге қызмет көрсететін банк электрондық төлем тапсырмаларын ресімдеген кезде қате жіберген жағдайда, банк "Ақша төлемі мен аударымы туралы" 2016 жылдың 26 шілдедегі Қазақстан Республикасының Заңына сәйкес жіберілген қателерді реттеу бойынша шаралар қабылдайды.

      51. Банктің кінәсі бойынша қате аударылған тұрғын үй төлемдері сомаларын қайтаруға арналған өтініште: атауы мен бизнес-сәйкестендіру нөмірі (БСН), жеке сәйкестендіру коды (ЖСН), банктік сәйкестендіру коды (БСК), төлем құжаттарының көшірмелері, енгізу күні және қайтару себебі көрсетіледі. Өтінішке бірінші басшы не ол белгілейтін лауазымды тұлға, мекеменің қаржы бөлімшесінің бастығы (бас бухгалтер) қол қоюы және мөрмен куәландыруы тиіс.

      52. Қазынашылықтың аумақтық бөлімшесі банктен тұрғын үй төлемдерінің қате аударылған сомасы түскен күннен бастап операциялық үш күн ішінде мекемеге қате аударылған тұрғын үй төлемдерін қайтару туралы хабарлайды.

      53. Банк қайтару үшін қызметкердің жеке арнайы шотында қаражат болмаған жағдайда қызметкер заңсыз немесе артық аударылған тұрғын үй төлемдерін кейін мекеменің бюджеттік шотында қалпына келтіру үшін мекеменің кассасына қалпына келтіреді.

      54. Қызметкер заңсыз аударылған немесе артық аударылған тұрғын үй төлемдерін қайтарудан бас тартқан жағдайда оны өтеп алу сот тәртібімен жүргізіледі.

Ағымдағы тұрғын үй төлемдерінің есебі ___________________________________бойынша мекеменің атауы

      Ескерту. 1-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      Ескертпе:

      1) ағымдағы тұрғын үй төлемдерінің есебін мекеменің қаржы бөлімшесі толтырады;

      2) 1-4-бағандардағы мәліметтерді Қағидаларға 8-қосымшаға сәйкес мекеменің жауапты құрылымдық бөлімшесі ұсынады.

Біржолғы тұрғын үй төлемдерінің есебі

      Ескерту. 2-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының ______ бабының _______ тармағына сәйкес осы қызметкер __________________

      (мекеме атауы)

      бойынша тұрғын үй төлемдерін алушы болып табылады.

      ММ бастығы _______________ ________________

      (күні, қолы) (Т.А.Ә.(бар болса)

      Қаржы бөлімшесінің бастығы________________ ________________

      (күні, қолы) (Т.А.Ә.(бар болса)

      Ескертпе:

      1) біржолғы төлемдердің есебін мекеменің қаржы бөлімшесі толтырады;

      2) 1-7-бағандардағы мәліметтерді Қағидаларға 9-қосымшаға сәйкес мекеменің жауапты құрылымдық бөлімшесі ұсынады.

Қызметкер алуға үміттеніп отырған тұрғын үй алаңының есебі

      Ескерту. 3-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      Кадр бөлімшесінің бастығы ____________________ _____________________

      (күні, қолы) (Т.А.Ә.(бар болса)

      20____ жылғы "____" _________

      Ескертпе:

      қызметкер алуға үміттеніп отырған тұрғын үйдің алаңы туралы мәліметті қызметкер қызмет өткеріп жүрген бөлімшенің кадр қызметі толтырады.

____________________________________________________________________
(мекеменің атауы) Ағымдағы тұрғын үй төлемдерін алушы туралы
АНЫҚТАМА (банкке ұсыну үшін) ___________________________________________________________________ (қызметкердің Т.А.Ә. толық)

      Ескерту. 4-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      Тұрғын үй комиссиясының 20___жылғы "____" _________ №________________

      хаттамасымен 20__ жылғы "____"___________ бастап тұрғын үйге мұқтаж деп танылды.

      "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының 101-2-бабы 1-тармағының ___ тармақшасына сәйкес осы қызметкер тұрғын үй төлемдерін алушы болып табылады.

      Ағымдағы тұрғын үй төлемдері _____________________ теңгені құрайды

      Жауапты құрылымдық бөлімшенің бастығы ____________________ ______________

      (күні, қолы) (Т.А.Ә.(бар болса)

Ағымдағы тұрғын үй төлемдерін алушы туралы АНЫҚТАМА (қызметкердің жеке ісіне қоса тігу үшін) ___________________________________________________________________
(қызметкердің Т.А.Ә. толық)

      Ескерту. 5-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      Тұрғын үй комиссиясының 20 __ жылғы "____" ________ №____________ хаттамасымен және__________________________________________бұйрығымен

      (мекеменің бірінші басшысы, күні, бұйрық нөмірі)

      20 ____ жылғы "____"______________________ бастап тұрғын үйге мұқтаж деп танылды.

      "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының 101-2 бабы 1-тармағының ____ тармақшасына сәйкес осы қызметкер тұрғын үй төлемдерін алушы болып танылады.

      Ағымдағы тұрғын үй төлемдері _____________________ теңгені құрайды.

      Тұрғын үйге мұқтаж деп танылған отбасы мүшелері туралы мәліметтер

      Кадр бөлімшесінің бастығы __________________ __________________

      (күні, қолы) (Т.А.Ә.(бар болса)

      20____ жылғы "____" __________________.

      Ескертпе:

      тұрғын үй төлемдерін алушы және оның отбасы мүшелері туралы мәліметті қызметкер қызмет өткеріп жүрген бөлімшенің кадр қызметі толтырады және оның басшысы қол қояды.

Біржолғы тұрғын үй төлемдерін алушы туралы АНЫҚТАМА (банкке ұсыну үшін)

      Ескерту. 6-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      __________________________________________________________________________

      (қызметкердің Т.А.Ә. толық)

      тұрғын үй комиссиясының 20___жылғы "____" _________ №________________

      хаттамасымен 20____ жылғы "____"_____ бастап тұрғын үйге мұқтаж деп танылды.

      "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының _________ бабының ____ тармағына сәйкес осы қызметкер тұрғын үй төлемдерін алушы болып табылады.

      Жауапты құрылымдық бөлімшенің бастығы _________________ ________________

      (күні, қолы) (Т.А.Ә.(бар болса)

2013 жылғы 1 қаңтарға біржолғы тұрғын үй төлемдерін алушы туралы АНЫҚТАМА (қызметкердің жеке ісіне қоса тігу үшін) ___________________________________________________________________
(қызметкердің Т.А.Ә. толық)

      Ескерту. 7-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      Тұрғын үй комиссиясының 20____жылғы "____"__________№_______________

      хаттамасымен және _______________________________________ бұйрығымен

      (мекеменің бірінші басшысы, күні, бұйрық нөмірі)

      20 ____ жылғы "____"__________ бастап тұрғын үйге мұқтаж деп танылды.

      20 ____ жылғы "____"__________ №___________жазбаша өтініштің (баянаттың) негізінде және "Тұрғын үй қатынастары туралы" 1997 жылғы 16 сәуірдегі Қазақстан Республикасы Заңының ____ бабының ____тармағына сәйкес осы қызметкер тұрғын үй төлемдерін алушы болып табылады.

      2013 жылғы 1 қаңтарға еңбек сіңірген жылдары ____ жыл ____ ай ____ күнді құрады.

      Қызмет өткеру туралы мәліметтер

      Тұрғын үйге мұқтаж деп танылған отбасы мүшелері туралы мәліметтер

      ММ бастығы _____________________ _________________________

      (күні, қолы) (Т.А.Ә.(бар болса)

      Тұрғын үй комиссиясының төрағасы ______________ ___________________

      (күні, қолы) (Т.А.Ә.)

      Жауапты құрылымдық бөлімшенің бастығы ______________ ___________________

      (күні, қолы) (Т.А.Ә.)

      Ескертпе:

      біржолғы тұрғын үй төлемдерін алушы және оның отбасы мүшелері туралы мәліметтерді қызметкер қызмет өткеріп жүрген бөлімшенің кадр қызметі толтырады.

_______________________________________________бойынша (мекеменің атауы) ағымдағы тұрғын үй төлемдерін алушылардың тізімі

      Ескерту. 8-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      ММ бастығы ___________________ _________________

      (қолы, күні) (Т.А.Ә.(бар болса)

      Тұрғын үй комиссиясының төрағасы ________________ ____________________

      (қолы, күні) (Т.А.Ә.(бар болса)

      Жауапты құрылымдық бөлімшенің бастығы _________________ _________________

      (қолы, күні) (Т.А.Ә.(бар болса)

      Ескертпе:

      ағымдағы тұрғын үй төлемдерін алушылардың тізімін қызметкер қызмет өткеріп жүрген бөлімшенің кадр қызметі толтырады.

Біржолғы тұрғын үй төлемдерін алушылардың тізімі

      Ескерту. 9-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      "Тұрғын үй қатынастары туралы" 1997 жылғы 16 сәуірдегі Қазақстан Республикасының Заңы ___ бабының ___ тармағына сәйкес аталған қызметкер __________________________________________ бойынша біржолғы тұрғын үй төлемдерін

      (мекеме атауы)

      алушы болып табылады.

      ММ бастығы ___________________ ________________

      (күні, қолы) (Т.А.Ә.(бар болса)

      Тұрғын үй комиссиясының төрағасы _________________ __________________

      (күні, қолы) (Т.А.Ә.(бар болса)

      Жауапты құрылымдық бөлімшенің бастығы _______________ ____________________

      (күні, қолы) (Т.А.Ә.(бар болса)

      Ескертпе:

      біржолғы тұрғын үй төлемдерін алушылардың тізімін мекеменің жауапты құрылымдық бөлімшесі толтырады.

ТҰРҒЫН ҮЙ ТӨЛЕМДЕРІ ТУРАЛЫ
ШАРТ

      Бұдан әрі "банк" деп аталатын ______________________________ банкінің атынан __________________________________негізінде әрекет ететін_______________, бұдан әрі "______________________________" деп аталатын (бұдан әрі – мекеме) мемлекеттік мекеменің атынан Ереженің негізінде әрекет ететін __________________________ және бұдан әрі қызметкер деп аталатын________________берілген ___________ №_________ жеке куәліктің негізінде әрекет ететін _____________________________________арнаулы мемлекеттік органының қызметкері, бұдан әрі бірлесіп "Тараптар" деп аталатындар төмендегі туралы осы шартты (бұдан әрі – шарт) жасасты:

1. Шартта пайдаланылатын негізгі ұғымдар

      1. Шартта мынадай негізгі ұғымдар пайдаланылады:

      1) тұрғын үй төлемдері – арнаулы мемлекеттік органдардың тұрғын үйге мұқтаж қызметкерлеріне (бұдан әрі – қызметкерлер) тұрғын үй берудің орнына республикалық бюджет есебінен арнаулы ақшалай қамтамасыз ету түрінде төленетін, өңірлер және отбасы құрамы бойынша сараланған ақшалай қаражаттың көлемі. Тұрғын үй төлемдері ағымдағы және біржолғы төлемдерден тұрады;

      2) ағымдағы тұрғын үй төлемдері – тұрғын үйге мұқтаж болып танылған қызметкерлерге ай сайынғы негізде жүзеге асырылатын төлемдер;

      3) біржолғы тұрғын үй төлемдері – "Тұрғын үй қатынастары туралы" Қазақстан Республикасы Заңының (бұдан әрі – Заң) 101-1-бабы 5, 6 және 7-тармақтарында көзделген жағдайларда жүзеге асырылатын біржолғы сипаттағы төлемдер;

      4) Қағидалар – Қазақстан Республикасы Үкіметінің 20___ "____" ________ № ____ қаулысымен бекітілген Арнаулы мемлекеттік органдардың қызметкерлеріне тұрғын үй төлемдерінің мөлшерін айқындау, тағайындау, қайта есептеу, жүзеге асыру және тоқтату қағидалары.

2. Шарттың мәні

      2.1. Банк қызметкер анықтаманы (Қағидалардың 4, 6-қосымшалары), мекеме және қызметкер қол қойған шартты, және Қазақстан Республикасы Ұлттық Банкінің нормативтік құқықтық актілерінің талаптарына сәйкес ағымдағы шотты ашуға қажетті құжаттарды бергеннен кейін, қызметкердің Қазақстан Республикасы Қаржы министрлігі Қазынашылығының аумақтық бөлімшесінде ашылған мекеменің тиісті шотынан тұрғын үй төлемдерін (бұдан әрі – ақшасын) алуы үшін теңгедегі ағымдағы жеке арнайы банктік шот (бұдан әрі – Есеп шот) ашады.

      2.2. Мекеме тұрғын үй төлемдері ретінде көзделген ақша құралдарын қызметкердің банкте ашылған жеке арнайы есеп шотына аударады.

      2.3. Қызметкер тұрғын үй төлемдерін Заңның 101-4-бабында көзделген мақсаттарға пайдаланады.

      2.4. Банк қызметкердің шотындағы тұрғын үй төлемдерін оның нұсқауының негізінде аударады. Төлем құжатында оларды Заңның 101-4-бабында көзделген пайдалану мақсаттары көрсетіледі.

      2.5. Шотты ашу, жабу, жүргізу, сондай-ақ шот бойынша операцияларды өткізуді "Ақша төлемi мен аударымы туралы" 1998 жылғы 29 маусымдағы Қазақстан Республикасының Заңына, "Қазақстан Республикасының банктерінде клиенттердің банктік шоттарын ашу, жүргізу және жабу ережесін бекіту туралы" Қазақстан Республикасының Ұлттық Банкі Басқармасының 2000 жылғы 2 маусымдағы № 266 қаулысына, Қағидаларға, банктің ішкі құжаттарына және шартқа сәйкес банк, мекеме және қызметкер жүзеге асырады.

3. Шотты жүргізу

      3.1. Банк шот бойынша мынадай операцияларды жүзеге асырады және оған қызмет көрсетуге байланысты банктік қызметтерді көрсетеді:

      1) Қазақстан Республикасы Қаржы министрлігі Қазынашылығының аумақтық бөлімшесінде ашылған мекеменің тиісті шотынан қолма-қол ақшасыз төлем арқылы келген теңгедегі тұрғын үй төлемдерін шотқа енгізеді;

      2) осы шарттың 2.4-тармағына сәйкес шоттан ақшаны аударуды жүзеге асырады;

      3) Қағидалардың 7-бөлімінде белгіленген тәртіпке сәйкес шот бойынша операцияларды тоқтатуды жүргізеді;

      4) қызметкердің жазбаша келісімімен мекеменің талабы бойынша оған, сондай-ақ қызметкерге шотта қалған ақша туралы және/немесе ақшаның шот бойынша қозғалысы туралы анықтамалар береді;

      5) Қағидалардың 7-бөлімінде белгіленген тәртіпке сәйкес мекеме қате аударған ақшаны шоттан қайтаруды жүргізеді;

      Осы тармақта көрсетілмеген операцияларды банк шот бойынша өткізбейді.

      3.2. Банк шоттан қолма-қол ақшаны бермейді.

      3.3. Шотты ашу, қызмет көрсету және ол бойынша операцияларды өткізу үшін комиссия шығындарын Қағидалардың 7-бөлімінде белгіленген тәртіпке сәйкес мекеме қате аударған ақшаны шоттан қайтару кезіндегі комиссия шығындарын қоспағанда, төлеу күні қолданыстағы банк тарифіне сәйкес банк кассасына төлеу арқылы қызметкер өзі төлейді. Мұндай жағдайда мекеме қате аударған ақшаны шоттан қайтару кезіндегі комиссия шығындары мекеменің есебінен Банктің есеп айырысу шотына аудару арқылы жүзеге асырылады.

4. Тараптардың құқықтары мен міндеттері

      4.1. Мекеме Қағидалар мен осы шартқа сәйкес қызметкердің жеке арнайы шотына тұрғын үй төлемдерін аударуға міндеттенеді.

      4.2. Мекеме қате аударылған тұрғын үй төлемдерін Қағидалардың 7-бөлімінде белгіленген тәртіппен қайтарып алуға құқылы.

      4.3. Қызметкер:

      1) тұрғын үй төлемдерін Заңның 101-4-бабында көзделген мақсаттарға жұмсауға;

      2) отбасы құрамы өзгерген кезде бұл туралы азаматтық хал актілерінде тіркелген және әділет органдарында тиісті куәлік алған күннен бастап 10 күннен аспайтын мерзімде мекемені хабардар етуге;

      3) тұрғын үйге мұқтаж мәртебесінен айырылған, сондай-ақ Заңның 101-4-бабының 1), 3), 4), 5) немесе 7) тармақшаларында көзделген мақсаттарда, сондай-ақ кейіннен сатып алынатын тұрғын үйдің жалға алу төлемдері үшін жасалған шарт бойынша міндеттемелерді орындаған кезде бұл туралы тұрғын үйге мұқтаж мәртебесінен айырылған және осы міндеттемелер орындалған күннен бастап 10 жұмыс күнінен аспайтын мерзімде мекемені хабардар етсін;

      4) шоттан ақша алушымен шартты бұзған жағдайда мақсатына қарай пайдаланылмаған ақша қаражаттарын жеке арнайы шотқа қайтару бойынша шаралар қолдануға міндетті.

      4.4. Қызметкер:

      1) жеке арнайы шотта пайдаланылмаған тұрғын үй төлемдерінің сомаларын жинақтауға;

      2) тұрғын үй төлемдерін олардың мақсаты бойынша қайда қызмет өткеріп жатқанына қарамастан, Қазақстан Республикасының кез келген өңірінде пайдалануға;

      3) мекеме мен банктің келісімімен тұрғын үй төлемдерінің пайдаланылмаған сомаларын осы шартқа қосымша келісім жасау арқылы бір банктен басқасына аударуға құқылы.

      4.5. Банк Қызметкердің операциялары бойынша құпиялылығына кепілдік береді.

      4.6. Қағидалардың 7-бөлімінде белгіленген тәртіпке сәйкес қызметкер банкке қызметкердің қосымша келісімінсіз (акцептсіз) мекеме заңсыз немесе артық аударған ақшаны есептен шығаруға құқық береді.

      4.7. Қызметкер өз деректемелерінің (паспорттық деректері, ЖСН (СТН), тұратын мекенжайы, телефон нөмірі, e-mail электрондық мекенжайы, факс нөмірі және банкке жолданған құжаттардағы басқа да мәліметтерінің) өзгеруі туралы банкке олар өзгерген сәттен бастап 5 (бес) күннен кешіктірмей жазбаша хабарлауға міндеттенеді.

5. Есеп айырысу тәртібі

      5.1. Тұрғын үй төлемдеріне арналған жеке арнайы шотты тұрғын үйге мұқтаж деп танылған әрбір қызметкер өзі ашады және қызмет көрсетеді.

6. Дауларды шешу тәртібі

      6.1. Осы шарт бойынша Тараптар арасында туындаған даулардың барлығы келіссөздер жүргізу арқылы 10 (он) жұмыс күні ішінде шешіледі.

      6.2. Тараптар келіссөздер жүргізу арқылы келісімге келмеген кезде, даулар мүдделі Тараптың бастамасымен Қазақстан Республикасының қолданыстағы заңнамасында көзделген сот тәртібімен қаралады.

7. Қосымша шарттар

      7.1. Шартқа енгізілетін кез келген өзгерістер мен толықтырулар олар жазбаша түрде жасалған және Тараптар қол қойған жағдайда жарамды.

      7.2. Осы шарт Тараптардың келісімімен ғана бұзылуы мүмкін.

      7.3. Осы шарт Заңның 101-3-бабында көзделген жағдайларда мекеменің бастамасымен бұзылуы мүмкін.

      7.4. Осы шарт заңдық күші бірдей, әрбір Тарапқа бір-бірден үш данада жасалды.

      7.5. Осы шарт оған Тараптар қол қойған күнінен бастап күшіне енеді.

      7.6. Осы шарттың талаптары құпия болып табылады.

8. Тараптардың жауапкершілігі. Жауапкершілікті алып тастау

      8.1. Тараптар осы шарт бойынша өздеріне алған міндеттемелерді орындамағаны немесе тиісінше орындамағаны үшін, сондай-ақ Тараптардың рұқсатынсыз мәліметтерді жария еткен үшін Қазақстан Республикасының заңнамасына сәйкес жауапты болады.

      8.2. Кез келген жағдайларда шарттың талаптары бұзылған кезде банктің жауапкершілігі банктің заңсыз әрекетімен/әрекетсіздігімен қызметкерге келтірілген нақты залалдың мөлшерімен шектеледі.

      8.3. Қызметкер ұсынған шарттың мазмұны, түпнұсқалығы және жарамдылығы үшін, сондай-ақ оның Қағидалар мен Заңның _______ бабының талаптарына сәйкестігі үшін банк жауапты болмайды.

      8.4. Қызметкер шот бойынша үзінді көшірмеде көрсетілген шот бойынша операцияларды даулау туралы өтінішті мұндай операция өткізілген күннен күнтізбелік 30 (отыз) күннің ішінде беруге құқылы.

9. Әр түрлі

      9.1. Шоттың құқықтық режимі Қазақстан Республикасының қолданыстағы заңнамасымен белгіленеді.

      9.2. Шарт шартқа сәйкес шот жабылғанға дейін жарамды.

      9.3. Шотты жабу Тараптардың келісімі бойынша жүргізіледі.

      9.4. Қызметкер банктің мекемеге шот нөмірі, шот бойынша ақшаның қозғалысы, шотты жабу және шартта көзделген тәртіп пен талаптар бойынша өзге де мәліметтерді беруіне өз келісімін береді.

10. Шартты өзгерту тәртібі

      10.1. Осы шартқа өзгерістер мен толықтырулар қосымша келісімге қол қою арқылы енгізіледі.

11. Форс-мажор

      11.1. Шарт бойынша міндеттемелерді орындамау күтпеген жағдайлардың, атап айтқанда: орындауға тікелей әсер еткен қауіпті табиғи құбылыстар, өрт, су тасқыны, жер сілкінісі, эпидемия, соғыс іс-қимылдары салдарынан болса, Тараптар шарт бойынша міндеттемелерді ішінара немесе толық орындамағаны немесе тиісінше орындамағаны үшін жауапкершіліктен босатылады.

12. Тараптардың орналасқан жері мен төлем деректемелері

Қызметкерлердің тұрғын үй төлемдерін және жеке арнайы шоттары туралы шарттарды тіркеу журналы

      20_____ ж. "____" ___________ __________________________

      (күні) (қала, ауыл)

      Ескертпе:

      қызметкерлердің тұрғын үй төлемдерін және жеке арнайы шоттары туралы шарттарды тіркеу журналын мекеменің қаржы бөлімшелері толтырады

Тұрғын үй төлемдерін алушының № _________ талдамалық есепке алу карточкасы

      Ескерту. 12-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

________________________________________________________________________________ (қызметкердің тегі, аты, әкесінің аты (бар болса) толық)

      Тұрғын үй комиссиясының 20_____жылғы "____"____________ №____________ хаттамасымен және ________________________________________ бұйрығымен

      (мекеменің бірінші басшысы, күні, бұйрық нөмірі)

      20_____ жылғы "___" ____________ бастап тұрғын үйге мұқтаж деп танылды;

      (күні)

      2) ағымдағы тұрғын үй төлемдері ________________ теңгені құрайды;

      (сома)

      3) біржолғы тұрғын үй төлемдері ________________ теңгені құрайды.

      (сома)

      келесі беті

      ММ бастығы _________________ _____________________

      (күні, қолы) (Т.А.Ә.(бар болса)

      Қаржы бөлімшесінің бастығы __________________ ____________________

      (күні, қолы) (Т.А.Ә.(бар болса)

      Орындаушы ________________ ____________________

      (күні, қолы) (Т.А.Ә.(бар болса)

      Ескертпе:

      тұрғын үй төлемдерін алушының талдамалық есепке алу карточкасын мекеменің қаржы бөлімшесі толтырады.

Банктің басшысына ___________________________________ Тұрғын үй төлемдерінің қате аударылған сомаларын қайтаруға мекеменің өтініші

      Ескерту. 13-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      1. Тұрғын үй төлемдерін төлеушінің деректемелері

      1.1__________________________________________________

      (мекеменің атауы)

      1.2 ЖСН ______________________________________________

      1.3 БИК _______________________________________________

      1.4 ЖСК ______________________________________________

      2. Қате аударылған төлем тапсырмасының деректемелері

      2.1 № ________________________________________________

      2.2 20____ ж. "___ " _____________ № _____________

      2.3 Төлем тапсырмасының жалпы сомасы_________________

      3. Тұрғын үй төлемдерін алушы қызметкердің деректемелері _______

      3.1 Тегі ______________________________________________

      3.2 Аты______________________________________________

      3.3 Әкесінің аты (бар болса)_____________________________

      3.4 Туған күні _________________________________________

      3.5 ЖСН _________________________________________

      3.6 Жеке арнайы шотының нөмірі ________________________

      3.7 Тұрғын үй төлемдерін алушының төлем сомасы _________

      3.8 Қайтарылуға тиіс сома _______________________________

      4. Қайтару себебі______________________________________

      (қайтаруды талап ететін себебі көрсетілсін, мысалы, қызметкер жұмыстан шығарылды, механикалық қате, банктің қатесі және т.б.)

      Қайтаруды мынадай деректемелер бойынша жүргізуді сұраймыз:

      Мекеме __________________________

      ЖСН ___________________________________________

      БИК__________________________________________________

      ЖСК_________________________________________________

      5. Басшы ________________________

      (Т.А.Ә. (бар болса), қолы)

      6. Қаржы бөлімшесінің бастығы ________________________

      (Т.А.Ә. (бар болса), қолы)

      7. Бас бухгалтер ________________________

      (Т.А.Ә.(бар болса), қолы)

      М.О. ________________________

      (күні)

Тұрғын үй төлемдерін алушының жеке арнайы шотынан қате есептелген сомаларды есептен шығаруға оның келісімі туралы өтініш

      Ескерту. 14-қосымша жаңа редакцияда - ҚР Үкіметінің 02.08.2017 № 464 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен

      Мен _______________________________________________________,

      (Т.А.Ә., туған күні)

      ЖСН _________________________________________________,

      ___________________________________________ сомадағы (лардағы)

      (сома жазбаша)

      ____________________________________________________________

      (қате есептелген тұрғын үй төлемдерін бірнеше төлем тапсырмалары бойынша қайтару қажет болған жағдайда әр төлем тапсырмасына қайтарылуы тиіс сомалар бөлек көрсетіледі)

      Менің жеке арнайы шотыма қате аударылған тұрғын үй төлемдерін қайтаруға келісім беремін.

      ________________ ______________

            (қолы) (күні)