Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасын үдемелі индустриялық-инновациялық дамыту жөніндегі 2010 – 2014 жылдарға арналған бағдарламаға, «Бизнестің жол картасы 2020», «Жұмыспен қамту 2020», 2011 – 2020 жылдарға арналған «Ақ бұлақ», 2011 – 2020 жылдарға арналған Қазақстан Республикасы тұрғын үй-коммуналдық шаруашылығын жаңғырту бағдарламаларына бөлінетін бюджет қаражатының пайдаланылуын бақылау жөнінде республикалық комиссия (бұдан әрі – Комиссия) құрылсын.
2. Қоса беріліп отырған:
1) Комиссия құрамы;
2) Комиссия туралы ереже бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі С. Ахметов
Қазақстан Республикасы
Үкіметінің
2012 жылғы 7 қарашадағы
№ 1409 қаулысымен
бекітілген
Қазақстан Республикасын үдемелі индустриялық-инновациялық
дамыту жөніндегі 2010 – 2014 жылдарға арналған
бағдарламаға, «Бизнестің жол картасы 2020», «Жұмыспен
қамту 2020», 2011 – 2020 жылдарға арналған «Ақ бұлақ»,
2011 – 2020 жылдарға арналған Қазақстан Республикасы
тұрғын үй-коммуналдық шаруашылығын жаңғырту
бағдарламаларына бөлінетін бюджет қаражатының
пайдаланылуын бақылау жөніндегі республикалық комиссияның
құрамы
Келімбетов - Қазақстан Республикасы
Қайрат Нематұлы Премьер-Министрінің орынбасары,
төраға
Жәмішев - Қазақстан Республикасының Қаржы
Болат Бидахметұлы министрі, төрағаның орынбасары
Шайназарова - Қазақстан Республикасы Қаржы
Шолпан Болатқызы министрлігінің Қаржылық бақылау
комитеті төрағасының орынбасары,
хатшы
Нокин - Қазақстан Республикасы Құрылыс және
Серік Кеңесұлы тұрғын үй-коммуналдық шаруашылығы
істері агенттігінің төрағасы
Кравченко - Қазақстан Республикасы Бас
Андрей Николаевич прокурорының орынбасары (келісім
бойынша)
Қасымбек - Қазақстан Республикасы Көлік және
Жеңіс Махмұдұлы коммуникация министрлігінің жауапты
хатшысы
Әбілқасымова - Қазақстан Республикасының
Мәдина Ерасылқызы Экономикалық даму және сауда
вице-министрі
Рау - Қазақстан Республикасының Индустрия
Альберт Павлович және жаңа технологиялар бірінші
вице-министрі
Ахметов - Қазақстан Республикасының Еңбек
Серік Әбжәлиұлы және халықты әлеуметтік қорғау
вице-министрі
Толыбаев - Қазақстан Республикасының Ауыл
Марат Еркінұлы шаруашылығы вице-министрі
Қазақстан Республикасы
Үкіметінің
2012 жылғы 7 қарашадағы
№ 1409 қаулысымен
бекітілген
Қазақстан Республикасын үдемелі индустриялық-инновациялық
дамыту жөніндегі 2010 – 2014 жылдарға арналған
бағдарламаға, «Бизнестің жол картасы 2020», «Жұмыспен
қамту 2020», 2011 – 2020 жылдарға арналған «Ақ бұлақ»,
2011 – 2020 жылдарға арналған Қазақстан Республикасы
тұрғын үй-коммуналдық шаруашылығын жаңғырту
бағдарламаларына бөлінетін бюджет қаражатының
пайдаланылуын бақылау жөніндегі республикалық комиссия
туралы ЕРЕЖЕ
1. Жалпы ережелер
1. Қазақстан Республикасын үдемелі индустриялық-инновациялық дамыту жөніндегі 2010 – 2014 жылдарға арналған бағдарламаға, «Бизнестің жол картасы 2020», «Жұмыспен қамту 2020», 2011 – 2020 жылдарға арналған «Ақ бұлақ», 2011 – 2020 жылдарға арналған Қазақстан Республикасы тұрғын үй-коммуналдық шаруашылығын жаңғырту бағдарламаларына бөлінетін бюджет қаражатының пайдаланылуын бақылау жөніндегі республикалық комиссия (бұдан әрi – Комиссия) Қазақстан Республикасы Үкiметiнiң жанындағы консультативтiк-кеңесшi орган болып табылады.
2. Комиссия өз қызметiнде Қазақстан Республикасының Конституциясын, Қазақстан Республикасының заңдары мен Қазақстан Республикасының өзге де нормативтiк құқықтық актiлерiн, сондай-ақ осы Ереженi басшылыққа алады.
2. Комиссияның мiндеттерi мен функциясы
3. Комиссияның негiзгi мiндеттерi мен функциялары:
1) республикалық және жергiлiктi бюджеттерден бөлінген және Қазақстан Республикасын үдемелі индустриялық-инновациялық дамыту жөніндегі 2010 – 2014 жылдарға арналған бағдарламаға, «Бизнестің жол картасы 2020», «Жұмыспен қамту 2020», 2011 – 2020 жылдарға арналған «Ақ бұлақ», 2011 – 2020 жылдарға арналған Қазақстан Республикасы тұрғын үй-коммуналдық шаруашылығын жаңғырту бағдарламаларын (бұдан әрі – бағдарламалар) iске асыруға бағытталған қаржы қаражатының пайдаланылуын бақылауды жүзеге асыру;
2) бағдарламаларды iске асыруға бағытталған қаржы қаражатының пайдаланылуын бақылауды жүргiзу бойынша Қазақстан Республикасы мемлекеттiк органдарының бiрлескен бақылау iс-шараларын жоспарлау және оның қызметiн үйлестiру;
3) бағдарламаларды iске асыруға бағытталған қаржы қаражатын пайдалану тетiктерiн жетiлдiру жөнiндегi ұсынымдары бар бақылау iс-шараларының нәтижелерiн қарау;
4) жүргiзiлген бақылау iс-шараларының нәтижелерi бойынша бағдарламаларды iске асырудың ағымдағы жай-күйiн бағалау бойынша ұсыныстар әзiрлеу болып табылады.
3. Комиссияның құқықтары
4. Комиссия белгiленген тәртiппен және өзiнiң құзыретiне кiретiн мәселелер бойынша:
1) отырыстарда бағдарламаларды iске асыруға бағытталған қаржы қаражатының пайдаланылуын бақылауды жүзеге асыру мәселелерi бойынша Қазақстан Республикасы мемлекеттiк органдарының өкiлдерiн тыңдауға;
2) Комиссияның құзыретiне жататын мәселелер бойынша мемлекеттiк органдардан, ведомстволар мен ұйымдардан қажеттi ақпаратты сұратуға;
3) бағдарламалардың iске асырылуын бағалау үшiн мүдделi мемлекеттiк органдардан мамандар, консультанттар тартуға;
4) жоспардан тыс бақылау iс-шараларын бастама жасау жөнiнде ұсыныстар енгiзуге;
5) заңнамада белгiленген тәртiппен бағдарламалары iске асыру кезiнде заңнаманы бұзғаны үшiн тиiстi мемлекеттік органдардың, мемлекет қатысатын ұйымдардың лауазымды тұлғаларын және облыс, республикалық маңызы бар қала, астана әкімдерін тәртiптiк және өзге де жауапкершiлiкке тарту туралы ұсынымдарды енгiзуге құқығы бар.
4. Комиссия қызметiн ұйымдастыру
5. Комиссия төрағасы оның қызметiне басшылық етедi, отырыстарында төрағалық етедi, жұмысын жоспарлайды және шешiмдердi iске асыруға жалпы бақылауды жүзеге асырады және қолданыстағы заңнамаға сәйкес Комиссия жүзеге асыратын қызмет және Комиссия шығаратын шешiмдер үшiн дербес жауапкершiлiкте болады. Комиссия төрағасы болмаған уақытта оның функциясын орынбасары атқарады.
6. Комиссияның жұмыс органының функциясы Қазақстан Республикасы Қаржы министрлiгiне жүктеледi.
7. Комиссияның жұмыс органы Комиссия жұмысын ұйымдық-техникалық қамтамасыз етудi жүзеге асырады.
8. Комиссия отырыстарының күн тәртiбi бойынша ұсыныстар, қажеттi құжаттар, материалдар дайындауды және мәжiлiстен кейiн хаттаманы ресiмдеудi Комиссия хатшысы жүзеге асырады.
9. Комиссияның жұмыс отырыстарының материалдары төрағамен келiсiлгеннен кейiн кемiнде үш жұмыс күнi iшiнде Комиссияның әрбiр мүшесiнiң назарына жеткiзiледi.
10. Комиссия отырыстары қажет болған жағдайда, бiрақ бiр тоқсанда кемiнде бiр рет өткiзiледi және егер оған Комиссия мүшелерiнiң жалпы санының кемiнде үштен екiсi қатысқан жағдайда, заңды деп есептеледi.
11. Комиссия шешiмдерi Комиссия мүшелерiнiң жалпы санының қарапайым көпшiлiк дауысымен қабылданады. Комиссия мүшелерiнiң дауыстары тең болған жағдайда, төрағаның дауысы шешушi болып табылады. Комиссия мүшелерi айрықша пiкiр бiлдiруге құқығы бар, ол бiлдiрiлген жағдайда, жазбаша түрде жазылуға және хаттамаға тiркелуге тиiс.
12. Комиссия шешiмi ұсынымдық сипатта болады.
13. Комиссия отырыстарының өту нәтижелерi бойынша отырысқа қатысқан оның барлық мүшелерi мiндеттi түрде қол қоятын хаттама жасалады.
5. Комиссияның қызметiн тоқтату
14. Қазақстан Республикасы Үкiметiнiң шешiмi Комиссияның қызметiн тоқтатуға негiз болып табылады.