Еттің жекелеген түрлерін әкелуге арналған тарифтік квоталар көлемін бөлудің кейбір мәселелері туралы

      «Сауда қызметін реттеу туралы» Қазақстан Республикасының 2004 жылғы 12 сәуірдегі Заңына және «2011 жылғы 1 қаңтардан бастап оларға қатысты тарифтік квоталар белгіленетін тауарлардың тізбесі, сондай-ақ осы тауарларды Кеден одағына мүше мемлекеттер аумағына әкелу үшін тарифтік квоталар көлемі туралы» Еуразиялық экономикалық қоғамдастықтың Кеден одағы комиссиясының 2010 жылғы 18 қарашадағы № 505 шешіміне сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған:
      1) Қазақстан Республикасына оларға қатысты тарифтік квоталар енгізілген еттің кейбір түрлерін әкелуге арналған тарифтік квоталар көлемдерін сыртқы экономикалық қызметке қатысушылар арасында бөлу қағидасы;
      2) Беларусь Республикасының, Қазақстан Республикасының және Ресей Федерациясының Кеден одағына қатысушы елдермен еркін сауда туралы келісім жасалмаған, не тауарға қатысты еркін сауда режимінен алып қою қолданылатын елдерден шығатын және әкелінген етті Қазақстан Республикасының аумағына әкелу үшін 2011 жылға арналған тарифтік квоталардың көлемдері;
      3) сыртқы экономикалық қызметке қатысушылар арасында 2011 жылға арналған тарифтік квоталар көлемдерін бөлу (1-кезең) бекітілсін.
      2. Мыналардың күші жойылды деп танылсын:
      1) «Еттің кейбір түрлерін әкелуге арналған тарифтік квоталар көлемін бөлу туралы» Қазақстан Республикасы Үкіметінің 2009 жылғы 31 желтоқсандағы № 2333 қаулысы (Қазақстан Республикасының ПҮАЖ-ы, 2010 ж., № 5, 70-құжат);
      2) «Қазақстан Республикасы Үкіметінің 2009 жылғы 31 желтоқсандағы № 2333 қаулысына өзгерістер мен толықтыру енгізу туралы» Қазақстан Республикасы Үкіметінің 2010 жылғы 21 шілдедегі № 750 қаулысы (Қазақстан Республикасының ПҮАЖ-ы, 2010 ж., № 45, 406-құжат);
      3) «Қазақстан Республикасы Үкіметінің 2009 жылғы 31 желтоқсандағы № 2333 қаулысына толықтырулар мен өзгерістер енгізу туралы» Қазақстан Республикасы Үкіметінің 2010 жылғы 25 желтоқсандағы № 1411 қаулысы.
      3. Қазақстан Республикасы Сыртқы істер министрлігі бір апта мерзімде Еуразиялық экономикалық қоғамдастықтың Интеграциялық комитетінің Хатшылығын Қазақстан Республикасының Үкіметі қабылдайтын сыртқы сауда қызметін реттеу шаралары туралы хабардар етсін.
      4. Осы қаулы ресми жарияланған күнінен бастап күнтізбелік он күн өткен соң қолданысқа енгізілсін.

      Қазақстан Республикасының
      Премьер-Министрі                           К. Мәсімов

Қазақстан Республикасы 
Үкіметінің      
2011 жылғы 24 наурыздағы
№ 269 қаулысымен   
бекітілген      

Қазақстан Республикасына оларға қатысты тарифтік квоталар
енгізілген еттің кейбір түрлерін әкелуге арналған тарифтік
квоталар көлемдерін сыртқы экономикалық қызметке қатысушылар
арасында болу қағидасы

1. Жалпы ережелер

      1. Осы Қазақстан Республикасына оларға қатысты тарифтік квоталар енгізілген еттің кейбір түрлерін әкелуге арналған тарифтік квоталар көлемдерін сыртқы экономикалық қызметке қатысушылар арасында бөлу қағидасы (бұдан әрі - Қағида) «Сауда қызметін реттеу туралы» Қазақстан Республикасының 2004 жылғы 12 сәуірдегі Заңына сәйкес әзірленді және сыртқы сауда қызметін реттеу құралы ретінде тарифтік квоталар көлемдерін бөлудің тәртібі мен әдісін айқындайды.
      2. Осы Қағиданың қолданысы барлық заңды және жеке тұлғаларға, олардың ұйымдастырушылық-құқықтық нысандарына, қызметінің түріне және тіркелу орнына қарамастан таратылады.

2. Терминдер мен анықтамалар

      3. Осы Қағидада мынадай ұғымдар пайдаланылады:
      1) осының алдындағы кезең - тарифтік квотаны енгізетін тікелей алдындағы екі жыл;
      2) өнім беруші елдер - Беларусь Республикасының, Қазақстан Республикасының және Ресей Федерациясының Кеден одағына қатысушы елдерінде еркін сауда туралы келісім жасалмаған, не тауарға қатысты еркін сауда режимінен алып қоюы бар елдер;
      3) өнім берушінің әкелу көлемі - сыртқы сауданың кедендік статистикасының деректері бойынша айқындалған өнім беруші елдерден өнім беруші әкелген тауардың нақты көлемі;
      4) тарифтік квотаның көлемі - әкелінуіне кедендік әкелу баждарының квотаішілік ставкалары бойынша салық салынатын бір күнтізбелік жылға Қазақстан Республикасының Үкіметі айқындайтын тауарлардың көлемі;
      5) сыртқы экономикалық қызметке қатысушы (өнім беруші) - мынадай өлшемдерге сәйкес осының алдындағы кезеңде өнім беруші елдерден тауар әкелуді жүзеге асырған заңды немесе жеке тұлға:
      тауардың әкелінуі өнім беруші елдерден жүзеге асырылған;
      тарифтік квота енгізетін тікелей осының алдындағы жылдың ішінде тауарды әкелу жүзеге асырылған;
      тарифтік квоталар енгізетін тікелей осының алдындағы жылдың ішінде тауарды әкелу көлемі 25 кг кем болмауы тиіс;
      6) тауар - Кеден одағының комиссиясы оған қатысты тарифтік квота белгілеген еттің жеке түрі;
      7) әкелу көлемi – ТМД-ға қатысушы мемлекеттерде шығарылған және одан әкелінетін тауарларды қоспағанда, Қазақстан Республикасының аумағына ішкі тұтыну үшін кедендік рәсімге орналастырылатын тауарлардың заттай мәндегі әкелінген саны.
      Ескерту. 3-тармаққа өзгеріс енгізілді - ҚР Үкіметінің 2012.08.24 № 1084 Қаулысымен.

3. Тарифтік квоталардың көлемін бөлу тәртібі

      4. Кеден ісі саласындағы уәкілетті орган тоқсан сайын, есепті тоқсаннан кейінгі айдың 15-күніне сауда қызметін реттеу саласындағы уәкілетті органға өнім берушілер мен шығарылған елі бөлінісінде ет әкелудің нақты көлемі туралы ақпарат береді.
      5. Осы Қағиданың 4-тармағына сәйкес берілген ақпарат негізінде сауда қызметін реттеу саласындағы уәкілетті орган тарифтік квоталардың көлемін бөлу әдісіне сәйкес Қазақстан Республикасына оларға қатысты тарифтік квоталар енгізілген еттің кейбір түрлерін әкелуге арналған тарифтік квоталар көлемдерін сыртқы экономикалық қызметке қатысушылар арасында бөлу туралы Қазақстан Республикасының Үкіметі шешімінің жобасын әзірлеуді жүзеге асырады.

4. Тарифтік квоталардың көлемін бөлу әдісі

      6. Тарифтік квотаны бөлу өнім берушілердің арасында екі кезеңде ірі қара малдың етіне, мұздатылған (СЭҚ ТН 0202 коды), шошқаның жас, тоңазытылған немесе мұздатылған етіне (СЭҚ ТН 0203 коды) және 0105 тауар позициясында көрсетілген үй құсының етіне және тағамдық қосымша өнімдері, жас, тоңазытылған немесе мұздатылған (СЭҚ ТН 0207 коды) жүзеге асырылады:
      1) 1-кезең: жыл сайын тарифтік квота енгізетін осының алдындағы жылдың 31 желтоқсанына дейін - өнім берушілер арасында тарифтік квоталар көлемінің 25 пайызын бөлудің осы Қағиданың 11-тармағында белгіленген формуласына сәйкес тарифтік квоталар көлемінің 25 пайызы;
      2) 2-кезең: жыл сайын тарифтік квота енгізетін жылдың 1 сәуіріне дейін - осы Қағиданың 12-тармағына сәйкес есептелген көлемдерді шегеріп, өнім берушілер арасында тарифтік квоталар көлемінің 100 пайызын бөлудің осы Қағиданың 11-тармағында белгіленген формуласына сәйкес тарифтік квоталар көлемінің барлық 100 пайызын бөлу. 
      Қағиданың 11-тармағында белгіленген формуласына сәйкес тарифтік квоталар көлемінің барлық 100 пайызын бөлу.
      7. Осы Қағиданың 6-тармағына сәйкес жүргізілген әрбір өнім берушінің тарифтік квоталар көлемін есептеу нәтижесі математикалық түрде үтірден кейін үшінші таңбаға дейін деңгелектенеді.
      8. Тарифтік квотаны өнім берушілер арасында бөлу олардың квотаны алуына қатысты тең құқығына негізделеді.
      9. Жаңа сойылған немесе мұздатылған ірі қара малдың етін (СЭҚ ТН коды 0201) әкелу үшін тарифтік квотаны бөлу сыртқы экономикалық қызметке қатысушылардың өтінімдер беру кезектілігі тәртібімен жүзеге асырылады.
      10. Қажет болған жағдайда тарифтік квота өнім беруші елдер арасында осының алдындағы кезең үшін көрсетілген елдерден әкелу көлеміне барабар бөлінеді.
      11. Қағиданың 6-тармағының 1) тармақшасына сәйкес тарифтік квоталар көлемдерінің 25 пайызын өнім берушілер арасында бөлу әрбір тауар бойынша мынадай формула бойынша жеке жүргізіледі:

      1)            0,25Q х S₉
              q₉ = ------------, мұнда
                       100%

      q₉ - 1-кезең шеңберінде айқындалатын өнім берушінің тарифтік квотасының көлемі,
      Q - тарифтік квотаның көлемі.

      2)            V_І + V_ІІ-9
              S₉ = ------------ х 100, мұнда
                    V^,_І + V^,_ІІ-9

      S₉ - өнім берушінің үлесі (пайыздық мәнде);
      V_І - осының алдындағы кезеңнің бірінші жылында өнім берушілердің тауарды әкелу көлемі;
      V_ІІ-9 - тарифтік квотаны енгізетін жылдың алдындағы жылдың 9 айында өнім берушінің тауарды әкелу көлемі;
      V^,_І - осының алдындағы кезеңнің бірінші жылында өнім берушілердің тауарды Қазақстан Республикасына әкелуінің жалпы көлемі;
      V^,_ІІ-9 - тарифтік квотаны енгізетін жылдың алдындағы жылдың 9 айында өнім берушімен тауар Қазақстан Республикасына әкелуінің жалпы көлемі.
      12. Өнім берушілердің арасында тарифтік квоталар көлемінің 100 пайызын Қағиданың 6-тармағының 2) тармақшасына сәйкес көлемін бөлу (осы Қағиданың 11-тармағына сәйкес есептелген көлемдерді шегергенде) әрбір тауар бойынша мынадай формулалар бойынша жеке жүргізіледі:

      1)           Q - S₁₂
             q₁₂ = ------- - q₉, мұнда
                    100%

      q₁₂ - 2-кезең шеңберінде айқындалатын өнім берушінің тарифтік квотасының көлемі,
      Q - тарифтік квотаның көлемі;

      2)             V_І + V_ІІ
              S₁₂ = ----------- х 100, мұнда
                    V^,_І + V^,_ІІ

      S₁₂ - өнім берушімен тауар үлесі (пайыздық, мәнінде);
      V_І - осының алдындағы кезеңнің бірінші жылында өнім берушінің тауарды әкелу көлемі;
      V_ІІ - осының алдындағы кезеңнің екінші жылында өнім берушінің тауарды әкелу көлемі;
      V^,_І - осының алдындағы кезеңнің бірінші жылында өнім берушілердің тауарды Қазақстан Республикасына әкелуінің жалпы көлемі;
      V^,_ІІ - осының алдындағы кезеңнің екінші жылында өнім берушілердің тауарды Қазақстан Республикасына әкелуінің жалпы көлемі.

Қазақстан Республикасы   
Үкіметінің        
2011 жылғы 24 наурыздағы 
№ 269 қаулысымен     
бекітілген        

Беларусь Республикасының, Қазақстан Республикасының
және Ресей Федерациясының Кеден одағына қатысушы елдермен
еркін сауда туралы келісім жасалмаған, не тауарға қатысты
еркін сауда режимінен алып қою қолданылатын елдерден
шығатын және әкелінген етті Қазақстан Республикасының
аумағына әкелу үшін 2011 жылға арналған тарифтік
квоталардың көлемдері

Қазақстан Республикасы   
Үкіметінің        
2011 жылғы 24 наурыздағы 
№ 269 қаулысымен     
бекітілген       

Сыртқы экономикалық қызметке қатысушылар арасында 2011 жылға
арналған тарифтік квоталар көлемдерін бөлу (1-кезең)