Қазақстан Республикасының Үкіметі ҚАУЛЫ ЕТЕДІ:
1. Осы қаулыға 1-қосымшаға сәйкес құрамда Техникалық реттеу және метрология мәселелері жөніндегі комиссия (бұдан әрі - Комиссия) құрылсын.
2. Қоса беріліп отырған Комиссия туралы ереже бекітілсін.
3. Осы қаулыға 2-қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
4. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Миниcтрі К. Мәсімов
Қазақстан Республикасы
Үкіметінің
2010 жылғы 12 маусымдағы
№ 558 қаулысымен
бекітілген
Техникалық реттеу және метрология мәселелері
жөніндегі комиссия туралы
ереже
1. Жалпы ережелер
1. Техникалық реттеу және метрология мәселелері жөніндегі комиссия (бұдан әрі - Комиссия) Қазақстан Республикасы Үкіметінің жанындағы консультативтік-кеңесші орган болып табылады.
2. Комиссия өз қызметінде Қазақстан Республикасының Конституциясын, Қазақстан Республикасының заңдарын және Қазақстан Республикасының, өзге де нормативтік құқықтық актілерін, сондай-ақ осы Ережені басшылыққа алады.
2. Комиссияның негізгі міндеттері мен функциялары
3. Комиссияның негізгі міндеттері:
1) техникалық реттеу және метрология жүйелерін жетілдіру;
2) техникалық реттеу және метрология саласындағы мемлекеттік саясаттың негізгі бағыттарын анықтау;
3) техникалық реттеу және метрология саласындағы халықаралық ынтымақтастықты дамыту мәселелерін қарау жөнінде ұсыныстар әзірлеу болып табылады.
4. Комиссияның функциялары:
1) мемлекеттік органдардың, шаруашылық жүргізуші субъектілер мен қоғамдық бірлестіктердің ұсыныстарын талдауды жүзеге асыру, техникалық реттеу және метрология жүйелерін жетілдіру мәселелері жөнінде ұсынымдар әзірлеу;
2) әзірлеуге ұсынылатын техникалық регламенттердің тұжырымдамаларын алдын ала қарау қорытындылары бойынша техникалық регламенттерді әзірлеу жөнінде ұсыныстар дайындау;
3) салалардағы техникалық реттеу және метрология жүйелерін дамыту жөнінде ұсыныстар дайындау болып табылады.
3. Комиссияның құқықтары
5. Комиссия өз құзыретінің шегінде:
1) мемлекеттік органдардан Комиссияның міндеттерін іске асыру үшін қажетті материалдарды сұратуға және алуға;
2) өзінің құзыретіне кіретін мәселелер бойынша түсініктемелер алу үшін мемлекеттік органдардың және мемлекеттік ғылыми-зерттеу ұйымдарының мамандарын қажеттілігіне қарай тартуға;
3) Комиссияның құзыретіне кіретін мәселелер бойынша мемлекеттік органдардың және өзге де ұйымдардың өкілдерін Комиссияның отырыстарында тыңдауға;
4) техникалық реттеу және метрология саласындағы жұмыстарды одан әрі жетілдіру жөнінде мемлекеттік органдарға ұсыныстар енгізуге құқылы.
4. Комиссияның жұмысын ұйымдастыру
6. Комиссия төрағасы оның қызметіне басшылық етеді, отырыстарда төрағалық етеді, жұмысты жоспарлайды және шешімдердің іске асырылуын жалпы бақылауды жүзеге асырады және қолданыстағы заңнамаға сәйкес Комиссия жүзеге асыратын қызметке және Комиссия әзірлеген шешімдерге дербес жауап береді. Төраға болмаған кезде оның функцияларын Комиссия төрағасының орынбасары орындайды.
7. Комиссияның жұмыс органының функциялары Қазақстан Республикасы Индустрия және жаңа технология министрлігіне жүктеледі.
8. Комиссияның жұмыс органы комиссия жұмысын ұйымдастырушылық-техникалық, қамтамасыз етуді жүзеге асырады.
9. Комиссия отырыстарының күн тәртібі бойынша ұсыныстарды, қажетті құжаттарды, материалдарды дайындауды және отырыс өткізілгеннен кейін хаттаманы ресімдеуді Комиссияның хатшысы жүзеге асырады.
10. Хатшы Комиссияның мүшесі болып табылмайды.
11. Комиссияның жұмыс отырыстарының материалдары төрағамен келісілгеннен кейін үш жұмыс күнінен кешіктірілмей Комиссияның әрбір мүшесіне жеткізіледі.
12. Комиссияның отырыстары қажеттілігіне қарай, бірақ тоқсанына бір рет қана өткізіледі және егер оған Комиссия мүшелерінің жалпы санының кемінде үштен екісі қатысса заңды болып саналады.
13. Комиссияның шешімдері Комиссия мүшелерінің жалпы санының қарапайым көпшілік дауысымен қабылданады. Комиссия мүшелерінің дауыстары тең болған кезде төраға берген дауыс шешуші болып табылады. Комиссия мүшелерінің ерекше пікірлерін білдіруге құқығы бар, ол білдірілген жағдайда жазбаша түрде баяндалуы және хаттамаға қоса берілуі тиіс.
14. Комиссияның шешімі ұсынымдық сипатта болады.
15. Комиссияның отырыстарын өткізу нәтижелері бойынша оның барлық мүшелері міндетті түрде қол қоятын хаттама жасалады.
5. Комиссияның қызметін тоқтату
16. Қазақстан Республикасы Үкіметінің шешімі Комиссияның қызметін тоқтату үшін негіз болып табылады.
Қазақстан Республикасы
Үкіметінің
2010 жылғы 12 маусымдағы
№ 558 қаулысына
1-қосымша
Техникалық реттеу және метрология мәселелері жөніндегі комиссияның құрамы
Ескерту. 1-қосымша жаңа редакцияда - ҚР Үкіметінің 2011 жылғы 10 қазандағы № 1156, өзгеріс енгізілді - ҚР Үкіметінің 2012.01.13 N 41 Қаулыларымен.
Исекешев - Қазақстан Республикасы Премьер-
Әсет Өрентайұлы Министрінің орынбасары - Қазақстан
Республикасы Индустрия және жаңа
технологиялар министрі, төраға
Төлеушин - Қазақстан Республикасының
Қаныш Аманбайұлы Индустрия және жаңа технологиялар
вице-министрі, төрағаның
орынбасары
Сәтбаев - Қазақстан Республикасы Индустрия
Рыскелді Ахметқалиұлы және жаңа технологиялар
министрлігі Техникалық реттеу және
метрология комитетінің төрағасы,
хатшы
Байжүнісов - Қазақстан Республикасының
Ерік Әбенұлы Денсаулық сақтау вице-министрі
Дүйсебаев - Қазақстан Республикасының Көлік
Асылбек Жексенбайұлы және коммуникация вице-министрі
Ескендіров - Қазақстан Республикасының
Абай Мұқашұлы Экономикалық даму және сауда
вице-министрі
Күреңбеков - Қазақстан Республикасы Ішкі істер
Амантай Жанкеұлы министрінің орынбасары
Нұрымбетов - Қазақстан Республикасының Еңбек
Біржан Бидайбекұлы және халықты әлеуметтік қорғау
вице-министрі
Омаров - Қазақстан Республикасының Туризм
Мұрат Ескелдіұлы және спорт вице-министрі
Орынханов - Қазақстан Республикасының Білім
Мұрат Қадесұлы және ғылым вице-министрі
Петров - Қазақстан Республикасының Төтенше
Валерий Викторович жағдайлар вице-министрі
Сәрсенов - Қазақстан Республикасының Байланыс
Сәкен Сейітжаппарұлы және ақпарат вице-министрі
Толымбаев - Қазақстан Республикасының Мұнай
Берік Зиябекұлы және газ, вице-министрі
Толыбаев - Қазақстан Республикасының Ауыл
Марат Еркінұлы шаруашылығы вице-министрі
Тұрмағамбетов - Қазақстан Республикасының Қоршаған
Мәжит Әбдіқалықұлы ортаны қорғау вице-министрі
Әкімжанов - Қазақстан Республикасы Құрылыс
Жандос Әбілханұлы және тұрғын үй-коммуналдық
шаруашылық істері агенттігі
төрағасының орынбасары
Жарқынбаев - Қазақстан Республикасы Статистика
Жасер Әзімханұлы агенттігі төрағасының орынбасары
Молдабеков - Қазақстан Республикасы Ұлттық
Мейірбек Молдабекұлы ғарыш агенттігі төрағасының
орынбасары
Радаев - «Атамекен» Қазақстан ұлттық
Сергей Юрьевич экономикалық палатасы» заңды
тұлғалар бірлестігінің басқарушы
директоры (келісім бойынша)
Қазақстан Республикасы
Үкіметінің
2010 жылғы 12 маусымдағы
№ 558 қаулысына
2-қосымша
Қазақстан Республикасы Үкіметінің күші жойылған
кейбір шешімдерінің тізбесі
1. «Техникалық реттеу жүйесіне көшуді жүзеге асыру үшін ведомствоаралық комиссия құру туралы» Қазақстан Республикасы Үкіметінің 2005 жылғы 2 наурыздағы № 197 қаулысы.
2. «Қазақстан Республикасы Үкіметінің 2005 жылғы 2 наурыздағы № 197 қаулысына өзгерістер мен толықтырулар енгізу туралы» Қазақстан Республикасы Үкіметінің 2006 жылғы 21 тамыздағы № 790 қаулысы.
3. «Қазақстан Республикасы Үкіметінің 2005 жылғы 2 наурыздағы № 197 қаулысына өзгерістер мен толықтырулар енгізу туралы» Қазақстан Республикасы Үкіметінің 2009 жылғы 17 ақпандағы № 174 қаулысы.
4. «Қазақстан Республикасы Үкіметінің 2005 жылғы 2 наурыздағы № 197 қаулысына өзгерістер енгізу туралы» Қазақстан Республикасы Үкіметінің 2009 жылғы 29 желтоқсандағы № 2244 қаулысы.