Қазақстан Республикасының Үкіметі ҚАУЛЫ ЕТЕДІ:
1. Осы қаулыға 1-қосымшаға сәйкес құрамда Қазақстан Республикасының халықаралық ұйымдармен ынтымақтастық мәселелері жөніндегі комиссия құрылсын.
2. Қоса беріліп отырған Қазақстан Республикасының халықаралық ұйымдармен ынтымақтастық мәселелері жөніндегі комиссия туралы ереже бекітілсін.
3. Осы қаулыға 2-қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
4. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2009 жылғы 11 желтоқсандағы
N 2091 қаулысына
1-қосымша
Қазақстан Республикасының халықаралық ұйымдармен ынтымақтастық
мәселелері жөніндегі комиссияның
ҚҰРАМЫ
Ескерту. Құрам жаңа редакцияда - ҚР Үкіметінің 2012.03.30 № 401 қаулысымен; өзгеріс енгізілді - ҚР Үкіметінің 16.04.2013 N 361 қаулысымен.
Ыдырысов - Қазақстан Республикасының Сыртқы істер
Ерлан Әбілфайызұлы министрі, төраға
Волков - Қазақстан Республикасы Сыртқы істер
Алексей Юрьевич министрінің орынбасары, төрағаның
орынбасары
Жолшоринов - Қазақстан Республикасы Сыртқы істер
Айбек Айтмағанбетұлы министрлігі Көпжақты ынтымақтастық
департаментінің үшінші хатшысы, хатшы
Баймолдина - Қазақстан Республикасының Әділет
Зәуреш Хамитқызы вице-министрі
Дәленов - Қазақстан Республикасының Қаржы
Руслан Ерболатұлы вице-министрі
Жақсылықов - Қазақстан Республикасы Экономика және
Тимур Мекешұлы бюджеттік жоспарлау вице-министрінің
міндетін атқарушы
Мұқашев - Қазақстан Республикасы Премьер-Министрінің
Жанат Базикенұлы Кеңсесі Сыртқы байланыстар және протокол
бөлімінің сектор меңгерушісі
Исетов - Қазақстан Республикасы Сыртқы істер
Арман Асқарұлы министрлігі Халықаралық құқық
департаментінің директоры
Сарыева - Қазақстан Республикасы Сыртқы істер
Жұмагүл Қансейітқызы министрлігі Валюта-қаржы
департаментінің директоры
Сембаев - Қазақстан Республикасы Сыртқы iстер
Ерболат Нәсенұлы министрлiгi Көпжақты ынтымақтастық
департаментiнiң директоры
Әзімова - Қазақстан Республикасы Әділет
Эльвира Әбілқасымқызы министрлігі Халықаралық шарттар
сараптамасы департаментінің директоры
Досполов - Қазақстан Республикасы Бас прокуратурасы
Сергей Долдаұлы Халықаралық ынтымақтастық департаментінің
бастығы (келісім бойынша)
Қазақстан Республикасы
Үкіметінің
2009 жылғы 11 желтоқсандағы
N 2091 қаулысымен
бекітілген
Қазақстан Республикасының халықаралық ұйымдармен ынтымақтастық
мәселелері жөніндегі комиссия туралы
ереже
Ескерту. Ереже жаңа редакцияда - ҚР Үкіметінің 16.04.2013 N 361 қаулысымен.
1. Қазақстан Республикасының халықаралық ұйымдармен ынтымақтастық мәселелері жөніндегі комиссия (бұдан әрі – Комиссия) Қазақстан Республикасы Үкіметінің жанындағы Қазақстан Республикасының халықаралық ұйымдарға кіруі, қатысуы және олардан шығуы мәселелері жөніндегі Қазақстан Республикасының халықаралық ұйымдармен ынтымақтастығы бойынша ұсыныстар, сондай-ақ тиісті халықаралық ұйымдарға жарналарды төлеу шарттарын әзірлеу жөніндегі консультативтік-кеңесші орган болып табылады.
2. Комиссия өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президентінің және Үкіметінің актілерін және өзге де нормативтік құқықтық актілерді, сондай-ақ осы Ережені басшылыққа алады.
3. Комиссияның негізгі міндеттері:
1) Қазақстан Республикасының халықаралық ұйымдармен ынтымақтастық мәселелері бойынша ұсыныстар әзірлеу;
2) халықаралық ұйымдарға міндетті және ерікті жарналарды төлеу шарттары жөнінде ұсыныстар әзірлеу болып табылады.
Комиссия гуманитарлық құқық және адам құқықтары жөніндегі мәселелер бойынша, сондай-ақ Қазақстан Республикасының ратификациялаған халықаралық шарттар шеңберінде қабылданып жатқан өзге салалардағы Қазақстан Республикасының міндеттемелері туралы мәселелерді қарамайды (тиісті халықаралық ұйымның жарғылық құжаттарының сипаты барларын қоспағанда).
4. Комиссияның негізгі функциялары:
1) Қазақстан Республикасының халықаралық ұйымдарға кіру, қатысу және олардан шығу мәселелері бойынша ұсыныстар әзірлеу;
2) халықаралық ұйымдарға міндетті және ерікті жарналарды төлеу орындылығы және шарттары, олардың көлемдері және төлеу мерзімдері, сондай-ақ басым төлемдерді айқындау жөнінде ұсыныстар әзірлеу болып табылады.
5. Комиссия өз құзыреті шегінде өзіне жүктелген міндеттерді орындау үшін:
1) белгіленген тәртіппен Қазақстан Республикасының Үкіметіне сыртқы саяси орындылықты ескере отырып, халықаралық ұйымдармен ынтымақтастық бойынша ұсыныстар енгізуге;
2) заңнамада белгіленген тәртіппен мемлекеттік органдардан және өзге де ұйымдардан Комиссияның құзыретіне жататын мәселелер бойынша ақпаратты сұрауға және алуға;
3) Комиссияның қарауына енгізілетін мәселелерді шешу бойынша ұсыныстарды әзірлеуге ғылыми ұйымдарды, сондай-ақ отандық және шетелдік сарапшыларды тартуға құқығы бар.
6. Комиссияның жұмыс органы Қазақстан Республикасының Сыртқы істер министрлігі (бұдан әрі – жұмыс органы) болып табылады.
7. Комиссия отырыстары қажеттігіне қарай, бірақ жарты жылда кемінде бір рет өткізіледі.
Комиссия төрағасының шешімімен мүдделі мемлекеттік органдар, халықаралық ұйымдар ұсынған материалдардың негізінде Комиссияның жоспардан тыс отырыстары өткізілуі мүмкін.
Егер Комиссия отырысына Комиссия мүшелерінің жалпы санының кемінде үштен екісі қатысса, ол заңды болып саналады.
Комиссия мүшелері отырысқа алмастыру құқығынсыз қатысады.
8. Комиссия төрағасы оның жұмысына басшылық жасайды, Комиссияның отырыстарында төрағалық етеді, оның жұмысын жоспарлайды, оның шешімдерінің іске асырылуына жалпы бақылауды жүзеге асырады. Төраға болмаған уақытта оның функцияларын төрағаның орынбасары атқарады.
9. Комиссияның хатшысы Комиссия отырысының күн тәртібіне ұсыныстар, қажетті құжаттар, материалдар дайындайды және отырыстар өткізілгеннен кейін хаттамаларды ресімдейді.
Хатшы Комиссияның мүшесі болып табылмайды.
10. Комиссия Қазақстан Республикасының мүдделі мемлекеттік органдарының, халықаралық ұйымдардың ұсыныстарын өз міндеттеріне сәйкес қарайды.
Қазақстан Республикасының халықаралық ұйымдарға кіруі, қатысуы және олардан шығуы, халықаралық ұйымдарға жарналар төлеу шарттарының мәселелері жөніндегі Қазақстан Республикасының халықаралық ұйымдармен ынтымақтастығы бойынша ұсынысқа, Қазақстан Республикасының мүдделі мемлекеттік органдары:
1) ұсыныс енгізілетін халықаралық ұйым туралы және оған кіру, қатысу немесе одан шығу шарттары туралы ақпаратты;
2) кірудің, қатысудың және шығудың, соның ішінде тиісті салалық, стратегиялық бағдарламаларға, жоспарларға, Қазақстан Республикасының заңдарына сілтеме жасап орындылығы негіздемелерін;
3) халықаралық ұйымның құрылтай құжатының көшірмесін;
4) осы Ережеге қосымшаға сәйкес нысан бойынша толтырылған түсіндірме жазбаны;
5) ұсынысты мүдделі мемлекеттік органдармен келісу материалдарын қоса береді.
11. Сыртқы саяси орындылығын, бюджетті үнемдеудің, халықаралық ұйымдарға ерікті жарналарды төлеу қажеттілігі туралы мемлекеттiк органдардың негіздемелерін және осы төлемдерге орай болжамданатын саяси дивидендтерді ескере отырып, Комиссияның жұмыс органы келесі жоспарлы кезеңге халықаралық ұйымдарға басым ерiктi жарналар төлеудiң тiзбесін әзірлейді және оны Комиссияның қарауына енгiзедi.
Комиссиямен келісілген басым ерiктi жарналар тiзбесі келесi жоспарлы кезеңге арналған республикалық бюджеттi қалыптастыру процесі басталғанға дейін Қазақстан Республикасының Премьер-Министріне қарау және мақұлдау үшiн енгiзіледi.
12. Жұмыс органы түзетуді, соның ішінде валюталар бағамының өзгеруіне байланысты емес себептер бойынша жарналардың сомасын ұлғайту немесе азайтуды көздейтін халықаралық ұйымдарға міндетті жарналарды төлеу бойынша ұсыныстарды, жарналарды ұлғайтудың немесе азайтудың тиiстi негіздемелерімен Комиссияның қарауына енгiзедi.
Комиссиямен келісілген оларды ұлғайтуды немесе азайтуды көздейтін міндетті жарналар тiзбесі келесi жоспарлы кезеңге арналған республикалық бюджеттi қалыптастыру процесі басталғанға дейін Қазақстан Республикасының Премьер-Министріне қарау және мақұлдау үшiн енгiзіледi.
13. РҚАО-ның ескертпесі!
ҚР Үкіметінің 16.04.2013 N 361 қаулысымен 13-тармақ көзделген (01.01.2014 бастап қолданысқа енгізіледі).
14. РҚАО-ның ескертпесі!
ҚР Үкіметінің 16.04.2013 N 361 қаулысымен 14-тармақ көзделген (01.01.2014 бастап қолданысқа енгізіледі).
15. Тиісті ұсынысқа бастамашылық жасаған мемлекеттік орган осы Ереженің 10-тармағында көзделген құжаттардың толық топтамасын отырыс басталғанға дейін екі аптадан кешіктірмей Комиссияның қарауына енгізеді. Жұмыс органы кезекті отырысты өткізу мерзімдері туралы мемлекеттік органдарға дер кезінде хабарлайды.
Жұмыс органы Комиссияның алдағы отырыстарына арналған материалдарды Комиссияның тиiстi отырысын өткізу күніне дейiн жетi жұмыс күнінен кешіктірмей Комиссияның мүшелерiне жібереді.
Осы Ереженің 4-тармағында көрсетілген мәселелерді Комиссияның жедел пысықтауы туралы жоғары тұрған мемлекеттiк органдардың немесе лауазымды адамдардың тапсырмасы болған жағдайда, материалдар барынша қысқа мерзімде ұсынылуы мүмкін.
16. Қазақстан Республикасының халықаралық ұйымдарға қосылуына бастамашылық жасаған мемлекеттік органдар, жыл сайын есепті жылдан кейінгі жылдың 15 қаңтарына дейінгі мерзімде Комиссияның жұмыс органына:
1) Қазақстан Республикасының тиісті халықаралық ұйымдар жанындағы өкілдері қол қойған Қазақстан Республикасының халықаралық ұйымдар алдындағы қаржылық міндеттемелерін орындауы туралы есепті жылдағы салыстырып тексеру актілерін;
2) есепті жылдағы Қазақстан Республикасының мүшелік жарналарды пайдалануы туралы есепті;
3) Қазақстан Республикасының халықаралық ұйымдарға одан әрі қатысуының орындылығы туралы ұсынысты;
4) Қазақстан Республикасының тиісті халықаралық ұйымға қатысуының тиімділігі және ерікті жарналарды одан әрі төлеудің орындылығы туралы ақпаратты береді.
17. Комиссияның шешімдері ашық дауыс берумен қабылданады және егер оған отырысқа қатысушы Комиссия мүшелерінің жалпы санының көпшілігі дауыс берсе, қабылданған болып саналады. Дауыстар тең болған жағдайда төраға дауыс берген шешім қабылданған болып саналады.
Комиссия мүшелерінің ерекше пікір білдіру құқығы бар, ол білдірілген жағдайда, жазбаша түрде баяндалуы және Комиссия отырысының хаттамасына қоса берілуі тиіс.
Комиссия отырыстарын өткізу нәтижелері бойынша оның барлық мүшелері міндетті түрде қол қоятын хаттама жасалады.
18. Комиссия қабылдаған шешімдердің негізінде ұсынысқа бастамашылық жасаған мүдделі мемлекеттік орган Қазақстан Республикасының халықаралық ұйымға кіруі, қатысуы және одан шығуы мәселелері бойынша тиісті ұсынысты Қазақстан Республикасының заңнамасында белгіленген тәртіппен Қазақстан Республикасының Үкіметіне және Қазақстан Республикасының Президентіне енгізеді.
Қазақстан Республикасының
халықаралық ұйымдармен
ынтымақтастық мәселелері жөніндегі
комиссия туралы ережеге
қосымша
Бастамашылық жасаған мемлекеттік органның Қазақстан
Республикасының халықаралық ұйымдарға кіруі, одан әрі қатысуы
және/немесе мүшелігі не олардан шығуы туралы ұсынысына
түсіндірме жазбаның нысаны
Р/с |
Түсіндірме жазбада көрсетілуі тиіс мәліметтердің тізбесі |
Бастамашы органның ақпараты |
1 |
Бастамашы органның атауы |
|
2 |
Халықаралық ұйымның құрылтай құжатының атауы |
|
3 |
Халықаралық ұйымның құрылтай құжатының реттеу нысанасы |
|
4 |
Халықаралық ұйымның құрылтай құжатына қатысушы-мемлекеттердің саны мен атауы |
|
5 |
Халықаралық ұйымның құрылтай құжатына бар ескертпелері мен мәлімдемелері |
|
6 |
Халықаралық ұйымға қатысушы мемлекет қабылдайтын міндеттемелер тізбесі (құрылтай құжатының және халықаралық ұйымның басқа құжаттарының тиісті баптарын, тармақтарын және басқа нормаларын көрсете отырып) |
|
7 |
Құрылтай құжатының Қазақстан Республикасының қолданыстағы заңнамалық актілерінен өзге нормаларды белгілейтін нормалары (заңнамалық актінің тиісті баптары мен тармақтарын көрсете отырып) |
|
8 |
Құрылтай құжатының орындау үшін ұлттық деңгейде құқықтық жағдайларды қамтамасыз ету (Қазақстан Республикасының заңнамасына имплементациялау бойынша шаралар қабылдау) талап етілетін нормалары |
|
9 |
Құрылтай құжатының орындау үшін мемлекеттік бюджеттен қаржыландыру талап етілетін нормалары және болжалды қаржыландыру көздері |
|
10 |
Құрылтай құжатының орындау үшін Қазақстан Республикасының аумағында басқа да (салалық) жағдайларды қамтамасыз ету талап етілетін нормалары және ұсынылатын шаралар |
|
11 |
Қазақстан Республикасының халықаралық ұйымдарға кіруінің және олардан шығуының ықтимал саяси, құқықтық, қаржы-экономикалық және өзге де салдарлары туралы ақпарат |
Қазақстан Республикасы
Үкіметінің
2009 жылғы 11 желтоқсандағы
N 2091 қаулысына
2-қосымша
Қазақстан Республикасы Үкіметінің күші жойылған кейбір
шешімдерінің тізбесі
1. "Қазақстан Республикасының Халықаралық ұйымдармен ынтымақтастық жөніндегі сарапшылық кеңесі туралы" Қазақстан Республикасы Үкіметінің 1996 жылғы 12 ақпандағы N 189 қаулысы (Қазақстан Республикасының ПҮАЖ-ы, 1996 ж., N 8, 51-құжат).
2. "Қазақстан Республикасы Үкіметінің 1996 жылғы 12 ақпандағы N 189 қаулысына өзгерістер мен толықтырулар енгізу туралы" Қазақстан Республикасы Үкіметінің 1998 жылғы 29 желтоқсандағы N 1354 қаулысы (Қазақстан Республикасының ПҮАЖ-ы, 1998 ж., N 49, 459-құжат).
3. "Қазақстан Республикасы Үкіметінің 1996 жылғы 12 ақпандағы N 189 қаулысына өзгерістер енгізу туралы" Қазақстан Республикасы Үкіметінің 2002 жылғы 9 тамыздағы N 891 қаулысы.
4. "Қазақстан Республикасы Үкіметінің 1996 жылғы 12 ақпандағы N 189 қаулысына өзгерістер мен толықтырулар енгізу туралы" Қазақстан Республикасы Үкіметінің 2007 жылғы 23 сәуірдегі N 324 қаулысы (Қазақстан Республикасының ПҮАЖ-ы, 2007 ж., N 13, 147-құжат).
5. "Қазақстан Республикасы Үкіметінің 1996 жылғы 12 ақпандағы N 189 қаулысына өзгерістер енгізу туралы" Қазақстан Республикасы Үкіметінің 2007 жылғы 28 желтоқсандағы N 1342 қаулысы (Қазақстан Республикасының ПҮАЖ-ы, 2007 ж., N 50, 621-құжат).