"Қазақстан Ғарыш Сапары" ұлттық компаниясы" акционерлік қоғамының 2009 - 2011 жылдарға арналған даму жоспарын бекіту туралы

      "Акционерлік қоғамдар туралы" 2003 жылғы 13 мамырдағы Қазақстан Республикасының Заңына және "Қазақстан Республикасының әлеуметтік-экономикалық дамуының орта мерзімді жоспарларын әзірлеудің ережесін бекіту туралы" Қазақстан Республикасы Үкіметінің 2002 жылғы 14 маусымдағы N 647 қаулысына сәйкес Қазақстан Республикасының Үкіметі ҚАУЛЫ ЕТЕДІ :
      1. Қоса беріліп отырған "Қазақстан Ғарыш Сапары" ұлттық компаниясы" акционерлік қоғамының 2009 - 2011 жылдарға арналған даму жоспары (бұдан әрі - Жоспар) бекітілсін.
      2. Қазақстан Республикасы Ұлттық ғарыш агенттігі "Қазақстан Ғарыш Сапары" ұлттық компаниясы" акционерлік қоғамымен бірлесіп тоқсан сайын, есепті кезеңнен кейінгі айдың 25-нен кешіктірмей Қазақстан Республикасы Экономика және бюджеттік жоспарлау министрлігіне Жоспардың орындалу барысы туралы ақпарат берсін.
      3. "Қазақстан Ғарыш Сапары" ұлттық компаниясы" акционерлік қоғамының 2008 - 2010 жылдарға арналған даму жоспарын бекіту туралы" Қазақстан Республикасы Үкіметінің 2008 жылғы 12 наурыздағы N 238 қаулысының күші жойылды деп танылсын.
      4. Осы қаулы қол қойылған күнінен бастап қолданысқа енгізіледі.

       Қазақстан Республикасының
      Премьер-Министрі                                К. Мәсімов

Қазақстан Республикасы  
Үкіметінің        
2008 жылғы 31 желтоқсанда
N 1346 қаулысымен    
бекітілген       

"Қазақстан Ғарыш Сапары" ұлттық компаниясы" акционерлік
қоғамының 2009 - 2011 жылдарға арналған
даму жоспары Астана қаласы, 2008 жыл Мазмұны

1-бөлім .  Ұлттық компанияның жай-күйі және даму болашағы туралы баяндама
1.1 .      Кіріспе
1.2 .      Нарықты (қызмет аясын) талдау
1.2.1 .    Компанияның ғарыш нарығындағы бәсекелестері мен үлесі
1.2.2 .    Негізгі клиенттері (тұтынушылар, тапсырыс берушілер)
1.3 .      2006-2008 жылдардағы өндірістік-қаржы қызметін талдау
1.4 .      Компанияның өткізетін іс-шаралары
1.5 .      2009-2011 жылдарға арналған даму жоспары
1.5.1 .    Мақсаттар және міндеттер (стратегиялық және 2009 жылға арналған)
1.5.2 .    Негізгі бағыттар және іске асыру тетіктері
1.5.3 .    Активтерді қайта құрылымдау және аутсорсингті дамыту
1.5.4 .    Өнім өндірісін дамыту
1.5.5 .    Әлеуметтік саланы дамыту
1.5.6 .    Қоршаған ортаны қорғау, еңбек қауіпсіздігінің техникасын сақтау жөніндегі іс-шаралар
1.5.7 .    Күрделі салымдар көлемі
1.5.8 .    Өзіндік құн құрылымы
1.5.9 .    Баға және тарифтік саясатты негіздеу
1.5.10 .   Кадрлық саясат
1.5.11 .   Қарыз алу саясаты
1.5.12 .   Қаржы нәтижелері және бюджетпен қатынас
1.5.12.1 . Республикалық бюджеттен түсетін түсім
1.5.12.2 . Бюджетке түсетін түсімдер, акционерлік қоғамдардың мемлекеттік акциялар пакеттеріне дивиденттер

2-бөлім .  Компанияның инвестициялық бағдарламасы
2.1 .      Саладағы инвестициялық жағдайды бағалау
2.1.1 .    Саланың (аяның) инвестициялық нарықтарындағы жағдайды талдау және бағалау, сондай-ақ компанияның ролін бағалау әрі оның саладағы инвестициялық процестерге әсер ету дәрежесі
2.1.2 .    Қорытындылар
2.2 .      Инвестициялық басымдықтар мен бағыттар
2.2.1 .    Инвестициялық жобалар жөніндегі ниеттер, алдын ала есептер мен негіздемелер
2.2.2 .    Инвестициялық жобалардың тиімділігін бағалау
2.2.3 .    Уақытша бос ресурстарды басқару схемасы, оларды орналастыру саясаты
2.3 .      Компания дамуының инвестициялық жоспары
3-бөлім .  Дамудың аса маңызды көрсеткіштерін болжау

1-бөлім. Ұлттық компанияның жай-күйі және даму болашағы туралы баяндама

1.1. Кіріспе

      "Қазғарыш" ұлттық компаниясы" акционерлік қоғамын құру туралы" Қазақстан Республикасы Үкіметінің 2005 жылғы 17 наурыздағы N 242 қаулысына сәйкес жарғылық капиталына мемлекеттің жүз пайыз қатысуымен "Қазақстан Ғарыш Сапары" ұлттық компаниясы" акционерлік қоғамы (бұдан әрі - компания) құрылды және Қазақстан Республикасы Ұлттық ғарыш агенттігінің 2007 жылғы 2 тамыздағы N 32 бұйрығының негізінде атауы өзгертілді. Мемлекеттік акциялар пакетін пайдалану құқығына иелік етуді Қазақстан Республикасы Ұлттық ғарыш агенттігі жүзеге асырады.
      Компанияның бас кеңсесінің заңды мекенжайы: Қазақстан Республикасы, 010000, Астана қаласы, сол жағалау, Орынбор көшесі, N 8-ғимарат, Министрліктер үйі, 4-кіреберіс, 3-қабат.
      Компанияның басқару органдары мыналар болып табылады:
      1) жоғарғы орган - акционерлердің жалпы жиналысы (жалғыз акционер - Қазақстан Республикасы Ұлттық ғарыш агенттігі);
      2) басқару органы - директорлар кеңесі;
      3) атқарушы орган - президент;
      4) бақылаушы орган - ішкі аудит қызметі.
      Компания өз қызметін "Акционерлік қоғамдар туралы" 2003 жылғы 13 мамырдағы Қазақстан Республикасының Заңына , Қазақстан Республикасының басқа заң актілеріне және компанияның Жарғысына сәйкес жүзеге асырады. Компанияның қызметін қамтамасыз ететін, 2005 жылғы 25 тамыздағы Ғарыш техникасын және жерүсті ғарыш инфрақұрылымының объектілерін жасауға, қайта жаңғыртуға және пайдалануға бас мемлекеттік лицензиясы (N 0012893) бар.

       Компанияның миссиясы - Қазақстан Республикасының экономикалық өсуіне және ғылыми-техникалық дамуына өз үлесін қосатын ғарыш жүйелері мен технологияларын әзірлеу және өндіру, сондай-ақ елдің ұлттық қауіпсіздігі мен қорғанысын нығайту.

      Компания қызметінің негізгі бағыттары мыналар болып табылады:
      1) ғарыш бағдарламалары мен жобаларын әзірлеуге және іске асыруға қатысу;
      2) әлеуметтік-экономикалық міндеттерді шешуге бағытталған аса тиімді ғарыш технологияларын құру және енгізу;
      3) ғылымды қажетсінетін ғарыш технологиялары мен техниканы құру
және қолдану жөнінде ғылыми-зерттеу және тәжірибелік-конструкторлық
жұмыстар жүргізу;
      4) Қазақстан Республикасы экономика салаларының мүддесінде мемлекеттік тапсырысты орындауға қатысу;
      5) елдің ғарыш саласы үшін кәсіптік білім беру және кадрлар даярлау жүйесін дамытуға қатысу;
      6) ғарыш саласының, оның ішінде "Байқоңыр" кешені бойынша нормативтік-құқықтық базасын құруға және жетілдіруге қатысу;
      7) "Байқоңыр" кешенін бұдан әрі дамыту процестеріне қатысу. Компания қызметінің негізгі бағыттарына сәйкес және аса тиімділікке қол жеткізу мақсатында осы Жоспарға 1-қосымшада берілген ұйымдық құрылым таңдап алынды, ол мыналардан:
      қызметі "Акционерлік қоғамдар туралы" Қазақстан Республикасының Заңына , компанияның Жарғысына және корпоративтік басқару принциптеріне сәйкес қалыптасқан басқару органдарынан;
      құрамына: Президент, Бірінші вице-президент, Вице-президенттер және Аппарат басшысы кіретін компания басшылығынан;
      әкімшілік-басқару бөлімшелерінен, атап айтқанда: даму департаментінен, қаржы және экономика департаментінен, техникалық саясат департаментінен және ұйымдық бақылау бөлімін, заң қызметін, мемлекеттік тілді дамыту секторын, кадрлар бөлімін және логистика басқармасын қамтитын әкімшілік блогынан;
      Арнайы конструкторлық бюроны, Жерүсті ғарыш инфрақұрылымын құру және пайдалану орталығын қамтитын Ғарыш техникасының арнайы конструкторлық-технологиялық бюросынан тұратын негізгі өндірістік бөлімшелерден;
      компанияның Мәскеу қаласындағы өкілдігі және Байқоңыр қаласындағы филиалы кіретін компания қызметінің негізгі және қосымша түрлерін жүргізу үшін жағдайларды қамтамасыз ететін функцияларды жүзеге асыратын қосалқы бөлімшелерден тұрады.
      Таңдап алынған басқару құрылымы 2009-2011 жылдар кезеңінде компанияның тиімді қызметін қамтамасыз етеді.
      Таңдап алынған басқару моделі құрылымдық бөлімшелердің жедел-шаруашылық дербестілігін қамтамасыз етуге бағытталған, оны кеңейту жалпы компания қызметінің тиімділігін арттыруға ықпал етеді.

1.2. Нарықты (қызмет аясын) талдау

1.2.1. Компанияның ғарыш қызметтері нарығындағы бәсекелестері мен үлесі

      Компания қабылданған даму стратегиясына сәйкес ғарыш қызметтері нарығының мынадай:
      1) ғарыш аппараттарын (бұдан әрі - ҒА) жобалау, жасау және сынау жөніндегі;
      2) Жерді қашықтықтан зондтау ғарыш жүйесін (бұдан әрі - ЖҚЗ ҒЖ) құру жөніндегі;
      3) Қазақстан Республикасының жоғары дәлдікті спутниктік навигация жүйесінің жерүсті инфрақұрылымын құру жөніндегі сегменттеріне жататын бірқатар жобаларды іске асыруды жоспарлап отыр.
      ҒА жобалау, жасау және сынау нарығы бойынша ҒА өндірісінің барлық дүниежүзілік нарығының сыйымдылығы жылына шамамен 55-60 бірлік құрайды және нарықтың жетекші қатысушыларының арасында бірдей бөлінген: Tales Alenia Spase - 5; Воеing - 5; EADS Astrium - 9; ISRO - 2; Lockheed Martin - 7; Mitsubishi NES - 4; "М. Решетников атындағы прикладная механика" ғылыми-өндірістік бірлестік - 7; Orbital Scinces Corp. - 7; SS/L - 9; SSTL - 4.
      Спутниктерді жасап шығаратын, атап айтқанда Қытайдың, Үндістанның, Ресейдің, Жапонияның жаңа компанияларының пайда болуымен байланысты нарықта бәсекелестіктің одан әрі өсуі күтілуде.
      Даму стратегиясының шеңберінде компания, Астана қаласында іске асырылуы жоспарланып отырған, "Ғарыш техникасының арнайы конструкторлық-технологиялық бюросының құрастыру-сынау кешенін (бұдан әрі - ҒТ АКТБ ҚұСК) құру" жобасын іске асыруда.
      Қалыптасқан бәсекелестік деңгейін ескере отырып, компания ҚұСК жобасының шеңберінде жүргізген маркетингтік зерттеулерге сәйкес, компания ҒА өндірісінің жалпы әлемдік коммерциялық нарығының 5% аспайтын көлемін — бұл жылына орта сыныпты 1 ҒА немесе 2—3 кіші ҒА көздейді.
      Ғарыш қызметтері нарығының бұл сегменті аса жоғары бәсекелестік деңгейімен ерекшеленеді. Атап айтқанда, қазіргі уақытта шағын ҒА әзірлеу мен жасауды мына елдердің: Ұлыбритания, Германия, Жапония, Бразилия, Финляндия, Испания, Оңтүстік Корея, Израиль, Австралия, Үндістан, Нидерланд, Португалия, Чили, Мексика, ОАР, Швеция, Канада және т.б. кәсіпорындары жүзеге асырады.
      Сонымен, Қазақстанның ҒА АКТБ орташа қол жетерлік зкспорттық әлеуеті жылына 60-100 млн. доллар құнымен 1 шағын ҒА құрай алады.
      Ішкі нарықты ескере отырып, әзірлеу, құрастыру және сынау бойынша құрылатын ҒТ АКТБ ҚұСК жиынтық көлемі жобаның өндірістік объектілерін пайдалануға енгізу кезеңінен бастап жылына 160-200 млн. доллар жалпы құнымен 3 ҒА дейін құрай алады.
      Компанияның маркетингтік қызметінің алдын-ала бағалауы бойынша Жерді қашықтықтан зондтау ғарыш жүйесінің (бұдан әрі - ЖҚЗ ҒЖ) қызметтер көрсету дүниежүзілік нарығының жалпы көлемі қазіргі уақытта шамамен 650 млн. АҚШ долларын құрайды.
      ЖҚЗ деректерін ұсынудың дүниежүзілік қызметтер көрсету нарығындағы негізгі бәсекелестері мына халықаралық компаниялар: GеоЕyе (АҚШ), Digital Globe (АҚШ), ІmageSat International (Израиль), SPORTImage (Франция) және Аntriх (Үндістан) болып табылады. Бұл ретте ЖҚЗ ҒЖ қызметтер көрсету нарығының негізгі қатысушыларының жалпы үлесі 98 %, қалғандары - 2 % құрайды.
      Қазіргі уақытта Қазақстан Республикасындағы ЖҚЗ қызметтерін көрсету нарығы қалыптасу сатысында, компанияның маркетингтік қызметі жүргізген маркетингтік зерттеулерге сәйкес оның сыйымдылығы шамамен 350-500 мың АҚШ долларын құрайды.
      Жоғар дәлдікті спутниктік навигацияның жер үсті жүйесінің қызметтер көрсету нарығы бойынша, қазіргі уақытта бұл ғарыш саласындағы аса тез дамитын және перспективалық нарық екенін айта кеткен жөн. TNhe European Commission`s Galileo Market Observatory - ғылыми-зерттеу орталығының деректері бойынша бұл нарықтың жылдық жалпы табысы 2010 жылы 26 млрд. АҚШ долларына жетеді және 2020 жылға қарай - 104 млрд. дейін өседі. Бұл ретте навигациялық жүйелер нарығы кеңінен айқындалды, сондықтан жоба бірқатар сегменттер мен қызметтерді қамтиды.
      Аталған нарық Қазақстан Республикасында бүгінгі таңда қалыптасу сатысында.

1.2.2. Негізгі клиенттер (тұтынушылар мен тапсырыс берушілер)

      Компанияның стратегиясын іске асыру жөніндегі міндеттерге сәйкес, ішкі нарықта компания қызметтерінің соңғы тұтынушылары мемлекеттік органдар, ұлттық компаниялар, телекоммуникациялық және көлік секторының корпорациялары, сондай-ақ жаппай көпшілік тұтынушылары болады деп күтілуде. Сыртқы нарықта Компанияның өнімі мен қызметтерінің негізгі тұтынушылары трансұлттық компаниялар, ірі халықаралық, аэроғарыш және телекоммуникациялық корпорациялар, сондай-ақ дүниежүзілік ғарыш нарығында ЖҚЗ деректерінің маркетингін жүзеге асыратын ұйымдар болады.
      Компанияның іске асыратын жобаларының негізгі міндеттерін ескере отырып, компанияның өнімі мен қызмет көрсетулерінің мынадай негізгі тұтынушылары мен тапсырыс берушілерін анықтауға болады.
       "Жерді қашықтықтан зондтау ұлттық ғарыш жүйесін құру" жобасы бойынша:
      1) Қазақстан Республикасы Қорғаныс министрлігі;
      2) Қазақстан Республикасы Энергетика және минералдық ресурстар
министрлігі;
      3) Қазақстан Республикасы Индустрия және сауда министрлігі;
      4) Қазақстан Республикасы Көлік және коммуникациялар министрлігі;
      5) Қазақстан Республикасы Төтенше жағдайлар министрлігі;
      6) Қазақстан Республикасы Ауыл шаруашылығы министрлігі;
      7) Қазақстан Республикасы Қоршаған ортаны қорғау министрлігі;
      8) Қазақстан Республикасы Ұлттық қауіпсіздік комитеті;
      9) Қазақстан Республикасы Жер ресурстарын басқару агенттігі;
      10) Қазақстан Республикасының заңды тұлғалары: "ҚазМұнайГаз"
ұлттық компаниясы" акционерлік қоғамы; "ҚазТрансОйл" акционерлік қоғамы; "Қазақстанкаспийшельф" акционерлік қоғамы; "КЕGОК" акционерлік қоғамы; "Азия Софт" жауапкершілігі шектеулі серіктестік; "Қазақтелеком" акционерлік қоғамы; "ГосПНЦзем" республикалық мемлекеттік кәсіпорын; құрылыс индустрия саласындағы ғылыми-зерттеу ұйымдары;
      11) Қазақстан Республикасының жергілікті атқарушы органдары;
      12) Қазақстан Республикасының ғылыми ұйымдары;
      13) дүниежүзілік нарықта деректер маркетингін жүзеге асыратын халықаралық компаниялар (GeoEye, Digital Globe, ImageSat International, SPORTImage, Antrix);
      14) шетел мемлекеттерінің мемлекеттік органдары;
      15) халықаралық және ішкі жаппай көпшілік нарығы.
       "Құрастыру-сынау кешенін құру" жобасы бойынша:
      1) Қазақстан Республикасы Білім және ғылым министрлігі;
      2) Қазақстан Республикасы Қорғаныс министрлігі;
      3) Қазақстан Республикасы Энергетика және минералдық ресурстар министрлігі;
      4) Қазақстан Республикасы Төтенше жағдайлар министрлігі;
      5) Қазақстан Республикасы Ақпараттандыру және байланыс агенттігі;
      6) халықаралық спутниктік байланыс операторлары, әлемнің түрлі елдерінің мемлекеттік институттары мен ұйымдары.
       "Қазақстан Республикасының жоғарыдәлдікті спутниктік навигация жүйесінің жерүсті инфрақұрылымын құру" жобасы бойынша:
      1) Қазақстан Республикасы Ішкі істер министрлігі;
      2) Қазақстан Республикасы Денсаулық сақтау министрлігі;
      3) Қазақстан Республикасы Индустрия және сауда министрлігі;
      4) Қазақстан Республикасы Қорғаныс министрлігі;
      5) Қазақстан Республикасы Білім және ғылым министрлігі;
      6) Қазақстан Республикасы Қоршаған ортаны қорғау министрлігі;
      7) Қазақстан Республикасы Төтенше жағдайлар министрлігі;
      8) Қазақстан Республикасы Ауыл шаруашылығы министрлігі;
      9) Қазақстан Республикасы Көлік және коммуникация министрлігі;
      10) Қазақстан Республикасы Туризм және спорт министрлігі;
      11) Қазақстан Республикасы Энергетика және минералдық ресурстар министрлігі;
      12) Қазақстан Республикасы Ақпараттандыру және байланыс агенттігі;
      13) Қазақстан Республикасы Жер ресурстарын басқару агенттігі;
      14) Қазақстан Республикасы Ұлттық қауіпсіздік комитеті;
      15) "Казаэронавигация" РМК;
      16) басқа ұйымдар: қалалық қоғамдық көлік (автобус және троллейбус парктері, таксопарктер); жүк тасу (оның ішінде транзиттік) бойынша қызметтер көрсететін компаниялар; су, теңіз және теміржол көлігі; қалааралық жолаушы тасымалы (оның ішінде туристік); қауіпті және бағалы жүктер тасымалы.

1.3. 2006 - 2008 жылдарғы өндірістік-қаржы қызметті талдау

2006 - 2007 жылдарғы қаржы экономикалық қызметтің қорытындысы

      Компания 2005 жылғы маусымнан бастап жұмыс істейді, 2006 және 2007 жылдарда орындалған жұмыс көлемінің динамикасы Қазақстан Республикасы Президентінің 2005 жылғы 25 қаңтардағы N 1513 Жарлығымен бекітілген "2005 - 2007 жылдарға арналған Қазақстан Республикасында ғарыш қызметін дамыту" мемлекеттік бағдарламасында көзделген іс-шаралар негізінде белгіленді.
      2006 - 2007 жылдарғы қаржы экономикалық қызметтің қорытындылары бойынша мынадай мәліметтер бар:
      2007 жылғы қорытындылар бойынша компания 500 754,0 мың теңге мөлшерінде таза табыс алды. Құрылған сәттен бастап компанияның жарғы капиталының мөлшері едәуір өсті, яғни компанияның жобаларын іске асыруға арналған қаражат жарғы капиталын ұлғайту жолымен республикалық бюджеттен бөлінеді. Сонымен, 2007 жылдың аяғында жалпы активтердің баланстық құны 10,8 млрд. теңгені құрады. 2008 жылдың аяғында жалпы активтердің баланстық құны 15,3 млрд. теңге деңгейінде болжанып отыр.
      Шығыстардың көбеюі компания қызметкерлерінің жалақысын көтеру
қажеттілігімен (анықтама ретінде, компания құрылған сәттен бастап жалақы көтерілген жоқ) және шетелден білікті мамандар тарту қажеттілігімен байланысты. Қазіргі уақытта компанияның негізгі кірісі уақытша бос қаражатты "Шаруашылық жүргізу құқығындағы мемлекеттік кәсіпорындардың және акцияларының (үлестерінің) бақылау пакеті мемлекетке тиесілі ұйымдардың қаржылық қызметтерді сатып алуының кейбір мәселелері туралы" Қазақстан Республикасы Үкіметінің 2004 жылғы 14 қыркүйектегі N 960 қаулысына сәйкес орналастыру есебінен қалыптасады. Жоспарланған кезеңге арналған компания кірісінің азаюы жобаларды іске асыру кезеңдеріне жоспарланған төлемдерге байланысты уақытша бос қаражат көлемінің азаюымен байланысты. Сонымен, компанияның жарғы капиталының жыл сайынғы көбеюіне қарамастан, 2011 жылдың аяғына қарай 1 586 236 мың теңге мөлшерінде шығын күтілуде.

      Бюджетке мемлекеттік акциялар пакетіне дивидендтер түрінде түсетін түсімдер
      Бүгінгі күні Компания өндірістік қуаттарды капиталға айналдыру, толығырақ жабдықтау, негізгі құралдарды қайта жаңғырту, ғимараттар мен құрылыстарды бұрынғы қалпына келтіру сатысында, осыған байланысты теріс қаржы нәтиже күтілуде. Компанияның мемлекеттік акциялар пакетіне дивидендтер төлеу 2013 жылдан ерте күтілмейді.

       Қазақстандық және шетел қаржы институттарынан қарызға алынған қаражаттың көлемі мен негіздемесі
      қазақстандық және шетел қаржы институттарынан қаражат алып пайдалану жүзеге асырылған жоқ.

      Компанияның басшы қызметкерлеріне еңбекақы төлеуді және сыйлық беруді талдау
      2007 - 2008 ж.ж. кезеңінде басшы қызметкерлердің еңбекақы төлеу қорының (бұдан әрі - ЕТҚ) төмендеуі 3,8 % құрады (90,2 млн. теңгеден 86,8 млн. теңгеге дейін). Басшы қызметкерлердің саны 2007 - 2008 ж.ж. кезеңінде 24-тен 23 адамға дейін азайды. Болжамды деректер бойынша 2009 - 2011 ж.ж. кезеңінде Компания қызметкерлерінің санын 234 адам деңгейінде ұстау жоспарланып отыр.
      2007 жылдың қорытындылары бойынша бір қызметкердің орташа
жалақысы айына 142 000 теңге, басшы қызметкерлердікі - 313 000 мың теңге құрады. Компания іске асыратын жобалардың тәжірибелі іске асыру сатысына көшуімен байланысты 2009 жылы Компания қызметкерлерінің еңбекақы қорын, қызметкерлер санын сақтай отырып, көбейту жоспарланып отыр, бұл жобаларды тиімді іске асыру үшін білікті мамандар тарту қажеттілігімен байланысты.
      2008 жылмен салыстырғанда 2011 жылы басшы қызметкерлердің еңбекақы қорын шамамен 2,6 есеге көбейту жоспарланып отыр (1-қосымшаны қара), бұл Компания іске асыратын жобаларды жабу және бұл үшін Ресей Федерациясынан, Франциядан және басқа елдерден жоғары білікті мамандарды тарту қажеттілігімен байланысты. Барлық есептерде жыл сайынғы инфляцияның болжамды деңгейі 10 % мөлшерінде ескерілген.

1-диаграмма: Компания қызметкерлерінің саны
(қағаз мәтінінен қараңыз)

1.4. Компанияның жүргізетін іс-шаралары

      2008 жылдың аяғындағы жағдай бойынша компания "Қазақстан Ғарыш Сапары" ұлттық компаниясы" акционерлік қоғамының 2008 - 2010 жылдарға арналған даму жоспарын бекіту туралы" Қазақстан Республикасы Үкіметінің 2008 жылғы 12 наурыздағы N 238 қаулысына сәйкес жоспарланған жобалар бойынша мынадай негізгі іс-шараларды аяқтауды жоспарлап отыр:
      а) ЖҚЗ ҒЖ жобасы бойынша: ЖҚЗ ҒЖ жеткізіп тұрушысын белгілеу
бойынша 2 кезеңдік конкурс өткізу, жеткізіп тұрушыны белгілеу, жүйені
жеткізіп тұруға келісім-шарт жасасу, келісім-шарт шеңберінде ЖҚЗ ҒЖ құру процесінде қызметкерлерді оқытуды бастау;
      б) ҚұСК жобасы бойынша: кешенді салу учаскесін белгілеу, құрылыс учаскесін дайындау, "ҚұСК құру" жобасы бойынша стратегиялық әріптесті белгілеу, БК құру, қызметкерлерді іріктеу және оқыту жөнінде жұмысты бастау;
      в) ЖСНЖ жобасы бойынша: алдын-ала жоба әзірлеу, ҚЭН әзірлеу, ЖСНЖ нобайлық жобасын әзірлеу, Қазақстан Республикасының ЖСНЖ құру бойынша 2 кезеңдік конкурс жариялау.
      Компания 2009 - 2011 жылдары 2008 - 2010 жылдарға арналған даму жоспарына сәйкес компанияның стратегиясын іске асыруға бағытталған жобаларды бұдан әрі іске асыруды және ҚұСК жұмыс істеуін қамтамасыз ететін инфрақұрылым (бұдан әрі - Ғарыш орталығы) құру жөніндегі жобаны іске асыруды бастауды жоспарлап отыр. Бұл жоба, ҚұСК толық бағалы жұмыс істеу үшін барлық қажетті инфрақұрылым құру жөніндегі міндеттерді қамтиды.
      Қазіргі әлемдегі ғарыш саласында әзірлеуден, өндіруден және сынаудан бастап ғарыш жүйелері мен кешендерін пайдалануға дейін технологиялық процестерді байланыстыруға мүмкіндік беретін озат ғарыш технологияларын игеру жолымен ғарыш орталықтарын құру тәжірибесі қалыптасты.
      Халықаралық тәжірибе (Цукуба (Жапония) қаласындағы ғарыш орталығы; ISRO (Үндістан) ғарыш орталығы; Тулуза қаласындағы (Франция) ғарыш орталығы); Мюнхен қаласындағы (Германия) IABG орталығы; RAL Spase (Ұлыбритания) және т.б.) ғарыш орталықтары тек қана өндірістік объектілердің шоғырлану орны ғана емес, ал ғарыш саласының дербес инфрақұрылымдық элементі болып табылатынын көрсетеді.
      Ғарыш орталығы ҚұСК жұмыс істеуін қамтамасыз ететін инфрақұрылым ретінде барлық посткеңестік кеңістікте бірегей және өзінше жалғыз болып табылады, бір аумақта ықпалдасқан және ғарыш қызметтерінің кең спектріне бағытталған озат ғарыш технологияларын пайдалану арқылы ұлттық экономиканың жаңа деңгейге ауысуын қамтамасыз етеді.
      Компанияның қызметі негізгі қорларды құруға бағытталғандықтан, Компания 2005 - 2007 жылдар кезеңінде активтерді (акциялар пакеттерін, қатысу үлестерін) басқару жөнінде іс-шараларды жүзеге асырған жоқ.

1.5. 2009 — 2011 жылдарға арналған даму жоспары

1.5.1. Мақсаттар және міндеттер (стратегиялық және 2009 жылға арналған)

      Компания өз қызметінде Қазақстан Республикасының ғарыш саласын дамытудың мынадай негізгі қағидаттарын басшылыққа алады:
      1) ғарыш технологиялары мен жүйелерінің әртүрлі тұтынушыларға сапалы қызметтер көрсетуге бағытталуын;
      2) ғарыш жобаларын әзірлеуден, жасаудан, сынаудан, іске асырудан бастап, аяқтауды және ғарыш техникасын кейінгі пайдалануды жүзеге асыруға мүмкіндік беретін "толық аяқталған" бірыңғай технологиялық процесс құруды;
      3) ғарыш техникасының әлемдік әзірлеушілерімен әріптестік қатынастарды жолға қою, бұл ғарыш техникасын өндірушілерден қызметтер сатып алуға қарағанда, Қазақстан Республикасының ғарыш саласына алдыңғы қатарлы технологияларды енгізуді қамтамасыз етеді;
      4) ғарыш технологиялары мен жүйелерін бір пакетте жеткізумен ғарыш жүйелерін құру жөніндегі тапсырыстарды орындау барысында отандық мамандар даярлау.
      Компанияның 2009 - 2011 жылдарға арналған негізгі жобаларының тізбесіне мыналар енеді:
      "Қазақстан Республикасының Жерді қашықтықтан зондтау ұлттық ғарыш жүйесін құру";
      "Жоғарыдәлдікті спутниктік навигация жүйесінің жерүсті инфрақұрылымын құру";
      "ҒТ АҚТБ құрастыру-сынау кешенін құру";
      "ҚұСК жұмыс істеуін қамтамасыз ететін инфрақұрылым құру".
      Компанияның 2009 жылға арналған жобаларын іске асыру жөніндегі негізгі міндеттері мыналар болады:
      ЖҚЗ ҒЖ жобасы бойынша: нобайлық жоба жөніндегі жұмысты аяқтау, ЖБК және ЖМК құжаттамасын әзірлеу жөніндегі жұмыстарды аяқтау, шығару құралдарын жасау жөніндегі жұмыстарды жүргізу, ЖМК эксперименттік-демонстрациялық фрагментін құру және іске қосу;
      ҚұСК жобасы бойынша: техникалық жоба дайындау, құрылыс мердігерін белгілеу;
      ЖСНЖ жобасы бойынша: үш аймақтық орталық және ұтқыр сараланған жүйе үшін техникалық және жұмыс құжаттамасын әзірлеу; аймақтық орталықтар үшін жабдық сатып алу бойынша жұмыс жүргізу; ұтқыр сараланған жүйені жабдықпен қамтамасыз ету; тұтынушының навигациялық аппаратурасын, ғаламдық навигациялық жүйелердің функционалдық қосымшаларын шығару бойынша тәжірибелік өндіріс ұйымдастыру үшін дайындық жұмыстары және телематикалық навигациялық жабдық (бұдан әрі - навигациялық жабдық); аймақтық жүйелерді пайдалануға енгізу үшін объектілерді дайындау жөнінде жұмыс жүргізу;
      Ғарыш орталығы жобасы бойынша: ғарыш саласын қажетті инфрақұрылыммен қамтамасыз ету бойынша әкімшілік ғимаратын және тұрғын үйлер салу үшін жер учаскесін сатып алу, жобалауға рұқсат алу, мемлекеттік сатып алу туралы Қазақстан Республикасының заңдарына сәйкес нобайлық және жұмыс жобаларын әзірлеу жөніндегі жұмыстарға тапсырыс жасау.

1.5.2. Негізгі бағыттар және іске асыру тетіктері

      Компанияның даму стратегиясын тиімді іске асыру және Компанияның даму жоспарын іске асыруды басқару және мониторингі жүйесінің тиімділігін арттыру мақсатында Компания 2008 жылдың басынан бастап өз қызметіне қазіргі менеджмент жүйелерін, атап айтқанда:
      - стратегиялық жоспарлау жүйесін;
      - жобаларды басқару жүйесін;
      - сапа менеджменті (ISO стандарттары бойынша сертификаттау) жүйесін;
      - қаржыны басқару (бюджеттеу) жүйесін;
      - "100 менеджер" жобасын іске асыру жолымен саланы білікті кадрлық әлеуетпен қамтамасыз етуге бағытталған қызметкерлерді басқару жүйесін енгізумен байланысты іс-шаралар кешенін жүргізуде.
      Стратегиялық жоспарлау жүйесі (СЖЖ) нәтижеліліктің қаржы және өндірістік көрсеткіштерінің арасындағы тепе-теңдікті сақтай отырып, Компания дамуының стратегиялық бағытын, оның негізгі мақсаттары мен тетігін белгілей отыра, айқындауға мүмкіндік береді. СЖЖ енгізу нәтижесінде компанияның стратегиялық жоспары әр құрылымдық бөлімшенің шұғыл жұмыс жоспарына ауысады. Құрылымдық бөлімшелер нәтижеліліктің негізгі көрсеткіштеріне (бұдан әрі - ННК) жету үшін компанияның даму жоспарының орындалуына ай сайын аудит жүргізіледі.
      Жобаларды басқару жүйесі (ЖБЖ) Компанияның бірыңғай қағидаттарына және техникалық саясатына сәйкес жобаларды жылдам әрі табысты аяқтау үшін қажетті барлық процестерді реттеуге мүмкіндік береді, бизнес жоспарлау сатысынан жобаны аяқтағанға дейін жобаларды басқару процестерін ұйымдастыруға арналған.
      Бүгінгі күні 15 регламенттейтін құжат әзірленді және қолданылуда, Жобалау комитетінің жұмысы Компанияның даму стратегиясы, жұмыс жоспарларын бекіту және олардың орындалуын бақылау шеңберінде жобаны іске асыру мақсаттылығы мен тиімділігін қарайтын құрылым ретінде ұйымдастырылды.
      Жоба бойынша жұмыстар басталғанға дейін ЖБЖ шеңберінде коммерциялық, техникалық, қаржы және заң сараптамалары , жүргізіледі, олар жобаның маркетингтік құрастырушысын және оның коммерциялық мақсатқа лайықтылығын бағалауға, жобаларды іске асыру жағдайларында озат технологиялар мен тетіктерді қолдануға, қаржы және басқа ресурстарды, жобаларды іске асыру барысында мамандарды даярлау бағдарламасын бағалауға, жобаның осы не өзге ғарыш жобаларына қатысу формалары заңдылығының, жобаны бастаған кезеңде Қазақстан Республикасы заңдарының халықаралық нормалары сақталуының заң аспектілерін қарауға және болдырмауға мүмкіндік береді.
      Бюджеттеу немесе қаржыны басқару жүйесі (ҚБЖ) әр жоба және тұтас Компания тұрғысынан баптар бойынша қаржы көрсеткіштерін жоспарлауды және олардың орындалуын қамтамасыз етеді. Компанияның даму жоспарын орындау шеңберінде қаржы қаражаттың тиімді пайдаланылуын бақылауды ұйымдастыру мақсатында Компания бюджетінің кассалық (нақты) орындалуын жобалар және тұтас Компания тұрғысынан апта сайын және ай сайын қазынашылық қызметі жүргізеді. Бұл Компанияның қаржы-шаруашылық қызметінің ашықтығын қамтамасыз етуге мүмкіндік береді.
      Кадрлар даярлау жүйесі (КДЖ) Компанияны ғарыш жүйелерінің өмірлік циклдерінің әр кезеңіндегі ғарыш технологиялары саласындағы білікті кадр мамандарымен, сондай-ақ қазіргі басқару жүйелері саласындағы мамандармен қамтамасыз етуге бағытталған. КДЖ енгізу нәтижесінде Компанияның даму стратегиясының шеңберіндегі міндеттерді шешу үшін мамандар даярлаудың бірыңғай бағдарламасы қалыптасады, мамандарды кәсіптік даярлауға анық талаптар тұжырымдалады, жобаларды іске асыру технологиялық процесінің тұрғысынан білікті мамандарға қажеттілік анықталады.
      Бұл жобаны іске асыру Есеп комитетінің ескертулерінде көрсетілген шешілмеген мәселелер жағдайларын болдырмауға мүмкіндік береді.
      Байқоңыр қаласындағы әкімшілік ғимаратын және екі тұрғын үйді қайта жаңғырту білікті мамандар тарту үшін қосымша стимул болып табылады.
      Сапа менеджментінің жүйесі (СМЖ) компания қызметін басқарудың негізін салушы жүйе болып табылады және тіршілік әрекетінің негізгі процестерін формализациялау, халықаралық сапа стандарттары бойынша қазіргі және сапалы деңгейде оларды басқару тиімділігін арттыру үшін арналған. СМЖ енгізудің негізгі көрсеткіші Қазақстан Республикасының мүддесінде халықаралық стандарттарға сәйкес өндірілетін өнімнің (ғарыш техникасының) және көрсетілетін ғарыш қызметтерінің сапасын арттыру болып табылады.
      Автоматтандырылған басқару жүйесі (АБЖ) ЕРR және CALS технологиялары негізінде автоматтау жүйесін қолданумен шұғыл басқару және жобалау жұмыстарын есепке алу тиімділігін арттыруға арналған. АБЖ Компания масштабындағы барлық негізгі процестерді жоспарлауды, есепке алуды, бақылауды және талдауды автоматтандыру үшін бірыңғай орта құруға мүмкіндік беретін ықпалдасқан қосымшалар жиынтығын қамтитын түрлі басқару функцияларын қолдауға бағытталған.
      Көзделген жобалар шеңберінде компания оларды іске асыру тетігін мынадан көреді:
      1) Ресей Федерациясының, Украинаның және әлемнің басқа елдерінің бейінді жоғары оқу орындарында және ғарыш орталықтарында мамандарды оқыту және біліктілігін арттыру;
      2) ҒА дербес әзірлеу, жасау және сынау үшін өз жобалау-конструкторлық және құрастыру-сынау базасын кұру, ҒА өндіру жөніндегі объектілер құру бойынша Компанияның жобаларына қатысуға қабілетті стратегиялық әріптестікті анықтау арқылы Қазақстан Республикасына технологиялар трансфертін жүзеге асыру, отандық қызметкерлерді оқыту, қазақстандық кәсіпорынға (ҚұСК) тапсырыстарды қамтамасыз ету және т.б.;
      3) Қазақстан Республикасының ғарыш қызметі саласындағы ағымдағы және ұзақ мерзімді бағдарламаларды әзірлеуге қатысу;
      4) халықаралық ғарыш құқығын ескере отырып, ғарыш саласындағы стандарттар мен нормативтік құжаттарды қалыптастыру жолымен Қазақстан Республикасындағы ғарыш қызметінің құқықтық базасын құруға және дамытуға қатысу;
      5) ғарыш қызметі саласындағы дүниежүзілік ғылыми-техникалық және инновациялық процестерге ықпалдасу және халықаралық сапа стандарттарын енгізу жолымен ынтымақтастықты дамыту.

1.5.3. Активтерді қайта құрылымдау және аутсорингті дамыту

      Компания 2009 - 2011 жылдары активтерді қайта құрылымдау және аутсорсингті дамыту жөнінде іс-шаралар жоспарлап отырған жоқ.

1.5.4. Өнім өндірісін дамыту

      Компания 2009 - 2011 жылдарда іске асыруға қабылдаған жобаларға сәйкес жоспарлаған кезеңде өнім өндірісі көзделмеген, яғни Компания іске асыратын жобалар ұзақ мерзімді сипатта.
      Қазақстан Республикасы Жерді қашықтықтан зондтау жүйесінің міндеттері мынадай:
      1) экологиялық қатер аймақтарының, дағдарыс өңірлерінің және жоғары антропогенді жүктемемен аумақтардың жағдайын тұрақты бақылау;
      2) Қазақстан аумағының үстіндегі бұлт жабындысының мониторингі;
      3) қауіпті метеорологиялық құбылыстардың ерте алдын алу;
      4) Каспий теңізінің акваториясындағы мұнай дақтарының мониторингі;
      5) өнеркәсіптік агломерациялар мен қалаланған аумақтар мониторингі;
      6) радиациялық-қауіпті объектілер мониторингі;
      7) мұздықтар мониторингі;
      8) қатты пайдалы қазбалардың ашық кен шығарылатын жерлерінің мониторингі;
      9) Арал теңізінің мониторингі және тозаңды дауылдарды тіркеу;
      10) Семей ядролық сынақ полигонының және оған іргелес аумақтардың мониторингі;
      11) Каспий теңізінің Қазақстан жағалауындағы айдау-желқума құбылыстарын бақылау;
      12) Сырдария өзені алабының мониторингі;
      13) шөлейттену процестерін бақылау;
      14) Қазақстанның өнеркәсіптік қалаларының көшеттерін картаға түсіру.
      Міндеттерді шешу, оларды өндіру 2012 жылдың басына жоспарланып отырған жүйе өнімінің мынадай түрлеріне негізделген:
      1) аннотацияланған "аяқталмаған" деректерге;
      2) өңдеудің стандарттық деңгейлерінің цифрлы бейнелері мен деректеріне;
      3) стандартты радиометриялық және геометриялық түзетулер кіретін Жер бетінің калибрлі бейнелеріне;
      4) Жер бетін бейнелеудің ортотрансформацияланған бейнелеріне;
      5) Жер бетінің мозаикалық бейнелеріне;
      6) Жер бетінің синтезделген бейнелеріне;
      7) жалпы және арнайы мақсаттағы көп қабатты цифрлы (электрондық) карталарға;
      8) рельефтер мен жердің үш өлшемді цифрлы үлгілеріне;
      9) геоақпараттық жүйенің (бұдан әрі - ГАЖ) цифрлы тақырыптық қабатына.
      Қазақстан Республикасының жоғарыдәлдікті спутниктік навигациясының жерүсті инфрақұрылымы жүйесін құру жобасы бойынша, жоба жоғары технологияларды, ғылымды қажетсінетін әзірлемелерді өнеркәсіптік игеру, ғылыми әзірлемелердің республиканың әлеуметтік-экономикалық даму талаптарына бағыну міндеттеріне сәйкес келетінін айта кеткен жен.
      Кез келген қозғалыстағы объектілердің орналасқан жерін анықтау әр елдің экономикасының тиімділігін арттыру негіздерінің бірі болып табылады. Бірінші кезекте ол жерүсті және су көлігінің мониторингіне қатысты. Бұл проблема аумағы үлкен, тиімді географиялық жағдайдағы және орасан зор транзитті әлеуетке ие Қазақстан Республикасы үшін аса маңызды. Осыған байланысты оны іске асыру үшін бұл жобаны таңдау негізделген және дер кезіндегі болып табылады. Бұл жобаны іске асыру озат ғарыштық радионавигациялық технологияларды Қазақстан Республикасы экономикасының барлық салаларына іс жүзінде толық енгізуге мүмкіндік береді және бұл елдің жедел әлеуметтік-экономикалық дамуына ықпал етеді.
      Құрастыру-сынау кешенін құру жобасы бойынша объекті пайдалануға енгізілгеннен кейін ғарыш аппараттарының өндірісі жылына шамамен 2 ғарыш аппаратын құрайды. Жобаның негізгі мақсаты өндірістің, ғарыш аппараттарын, тиімді жүктеме компоненттерін және ғарыш техникасы элементтерін сынау және пайдалануға енгізудің өзекті мәселелерін шеше алатын қазіргі жоғары технологиялық кәсіпорындарды құру және пайдалануға енгізу болып табылады, бұл Қазақстанда іске асырылатын жобалардың өзіндік құнын арзандатуға мүмкіндік туғызады.

1.5.5. Әлеуметтік саланы дамыту

      Әлеуметтік саланы дамыту Компанияның жоғары білікті кадрлық құрамын қалыптастырудың, пікірлес топ құрудың және оның шығармашылық жұмысы үшін қолайлы климат жасаудың тиімді құралының бірі болып табылады.
      Әлеуметтік саланы дамыту үшін, бірінші кезекте қызметкерлерді мынадай іс-шаралармен қамтамасыз ету жоспарлануда:
      1) Қызметкерлерге материалдық көмек. Материалдық көмекті мынадай жағдайларда төлеу жоспарлануда:
      қызметкерлерге жыл сайынғы ақылы еңбек демалысы кезінде сауығуға (емделу жәрдемақысы) штаттық кестеге сәйкес екі лауазымдық ақы мөлшерінде;
      зейнеткерлікке шыққанда бір лауазымдық ақы мөлшерінде;
      қызметкер некелескен жағдайда бір лауазымдық ақы мөлшерінде;
      қызметкерде бір бала туғанда бір лауазымдық ақы мөлшерінде, ал екі және одан көп бала туғанда екі лауазымдық ақы мөлшерінде;
      қызметкердің жұбайының және балаларының, ата-анасының, туғандарының, өгей аға/апаларының өлімімен байланысты бір лауазымдық ақы мөлшерінде.
      Бұдан басқа, Компания қызметкерлерінің еңбегін ынталандыру және уәждемелеу жүйесі әзірленді, ол белгіленген тәртіппен реттеледі.

1.5.6. Қоршаған ортаны қорғау, еңбек қауіпсіздігі техникасын сақтау жөніндегі іс-шаралар

      Қазақстан Республикасының Экологиялық кодексіне сәйкес компания қоршаған ортаны қорғау туралы заңдарды, оның сапасының нормативтерін және экологиялық талаптарды сақтау жүктелген табиғат пайдаланушысы болып табылады.
      Әзірленіп жатқан "2008 - 2020 жылдарға арналған Қазақстан Республикасында ғарыш қызметін дамыту туралы" мемлекеттік бағдарламаның шеңберінде қоршаған ортаны қорғауға және Қазақстан Республикасында, оның ішінде "Байқоңыр" кешеніндегі ғарыш қызметінің нәтижесінде қалыптасатын экологиялық шиеленісті төмендетуге бағытталган іс-шаралар көзделуде. Компаниядағы еңбекті қорғау және техника қауіпсіздігі жөніндегі негізгі іс-шаралар ұйымдық, техникалық, әдістемелік, өндірістік және санитарлық-гигиеналық жұмыстар кешеніне бағытталған.

1.5.7. Күрделі салымдар көлемі

      2009 - 2011 жылдар аралығында компанияның жобаларына арналған күрделі салымдар көлемі мынаны құрайды: 2009 жылы - 6 456 594 мың теңге; 2010 жылы - 16 198 046 мың теңге; 2011 жылы - 22 669 009 мың теңге, оның ішінде бекітілген "2009 - 2011 жылдарға арналған республикалық бюджет туралы" 2008 жылғы 4 желтоқсадағы N 96-ІV Қазақстан Республикасы Заңының шеңберінде: 2009 жылы - 5 178 421 мың теңге; 2010 жылы - 15 447 818 мың теңге; 2011 жылы - 19 535 169 мың теңге.
      Жобалар тұрғысынан жарғылық капиталдың ұлғаюы мынадай болады:
      1. "Жерді қашықтықтан зондтау 2 оптикалық-электрондық ғарыш аппараттары, жерүсті басқару кешені және жерүсті мақсатты кешені құрамында Қазақстан Республикасының Жерді қашықтықтан зондтау ұлттық ғарыш жүйесін құру" жобасы: 2009 жылы - 2 338 100 мың теңге; 2010 жылы - 10 004 200 мың теңге; 2011 жылы - 11 426 458 мың теңге.
      2. "Ғарыш аппараттарын құрастыру және сынау жөніндегі Ғарыш техникасының арнайы конструкторлық-технологиялық бюросының Құрастыру-сынау кешенін құру" жобасы: 2009 жылы — 2 164 321 мың теңге; 2010 жылы - 4 759 618 мың теңге; 2011 жылы - 7 092 711 мың теңге.
      3. "Жоғарыдәлдікті спутниктік навигация жүйесінің жерүсті
инфрақұрылымын құру" жобасы: 2009 жылы - 676 000 мың теңге; 2010 жылы - 684 000 мың теңге; 2011 жылы - 1 016 000 мың теңге.
      4. "ҚұСК жұмыс істеуін қамтамасыз ететін инфрақұрылым құру" жобасы: 2009 жылы - 1 278 173 мың теңге; 2010 жылы - 750 228 мың теңге; 2011 жылы - 3 133 840 мың теңге.

1.5.8. Өзіндік құн құрылымы

      Қазақстан Республикасы ғарыш саласының қалыптасу үрдісінде компанияның қызметі ұзақ мерзімді сипаттағы бірыңғай өндірістік цикл құруға бағытталған ғарыш жобаларын іске асыруға бағдарланатын болады. Құрылып жатқан ғарыш техникасының арнайы конструкторлық-технологиялық бюросы Құрастыру-сынау кешенінің шеңберінде бірыңғай өндірістік цикл құру көзделіп отыр, оның шеңберінде идеяны әзірлеуден бастап ғарыш аппараттарын құрастырумен және сынаумен аяқталатын жұмыстар орындалады. Компания жоспарлаған жобалардың құрамдауыштарын пайдалануға қосуына қарай жобаларды іске асырумен байланысты шығындар капиталға айналдырылатын болады.
      Қазіргі уақытта Компанияның қызметі, болашақта олардың көмегімен әр жобаның шеңберінде дайын өнім жасалатын өңдірістік қорлар құруға бағытталған.
      Компанияның 2009 - 2011 жылдар кезеңіндегі әкімшілік және жалпы қосымша шығындары республикалық бюджеттен жобаларды іске асыруға бөлінетін жоспарланған сомалардың шамамен 7,11% құрайды. Әкімшілік және жалпы қосымша шығындар пайызы тиісті қаржы жылына арналған республикалық бюджеттен бөлінген қаражат сомасына байланысты өзгертілуі мүмкін.
      2009 жылға арналған жалпы және әкімшілік шығындар 1 659 891 мың теңге көлемінде жоспарланды (қосымшаны қараңыз).

1.5.9. Баға және тарифтік саясатты негіздеу

      Компания жоспарлаған жобалардың жоғары өзіндік құнын ескере отырып, жобалардың өнімдеріне арналған тарифтер ұқсас қызметтерге арналған қолданылып жүрген бағалардан төмен болуға тиіс. Бұл ретте, компанияның жобалары мемлекеттің әлеуметтік-экономикалық міндеттерін, ғылыми сипаттағы міндеттерді шешуге бағытталғанын және олар коммерциялық сипатта емес екенін ескеру қажет, бұл компанияның баға саясатында көрсетілетін болады.

1.5.10. Кадрлық саясат

      Компанияның кадрлық саясаты Ресейдің, Украинаның жоғары оқу орындарының мамандандырылған түлектерін, "Болашақ" бағдарламасы бойынша түлектерді, аэроғарыш саласында және аралас салаларда практикалық жұмыс тәжірибесі, сондай-ақ ғылыми саладағы жұмыс тәжірибесі бар мамандарды тартумен ұжымды ғарыш қызметі саласындағы біліктілігі жоғары мамандармен жасақтауға бағытталған.
      Компания кадрмен қамтамасыз ету шеңберінде мыналарды жоспарлап отыр:
      1) компания қызметкерлерін бағалау жүйесін енгізуді;
      2) компанияның кадрлық резервін қалыптастыруды;
      3) қызметкерлердің табысты өндірістік жұмысын уәждеу үшін
жағдайлар жасауды;
      4) кадрлар даярлау және қайта даярлау жүйесін құруды;
      5) сараланған еңбек ақы жүйесін енгізуді.
      Компанияның кадрлық саясатының негізгі бағыттары ғарыш саласы үшін кадрлық әлеуетті мыналардың негізінде қалыптастыру:
      1) Қазақстанның, Ресейдің, Еуропаның және әлемнің жетекші елдерінің жоғары оқу орындарында жоғары кәсіптік білімді мамандар даярлауды ұйымдастыру, сондай-ақ жас мамандарды "Болашақ" бағдарламасы бойынша оқыту үшін жіберу жолымен;
      2) қызметкерлерді даярлау деңгейін арттыру бойынша шаралар өткізу: ғарыш қызметі саласындағы жетекші институттар мен орталықтардан профессорлық-оқытушылық құрамды және ғалымдарды шақырумен семинарлар мен біліктілікті арттыру курстарын ұйымдастыру, сондай-ақ қашықтықтан оқыту технологияларын пайдалану;
      3) осы не өзге жобаны іске асыру шеңберінде жобаларды іске асыруға қатысатын шетелдік әріптестермен, шеттегі ұйымдармен жасалған келісім-шарттар негізінде осы немесе өзге жобаны іске асыру үрдісінде қазақстандық мамандарды өндірісте оқыту және тағылымдамадан өткізу практикасын енгізу болып табылады.
      Бұдан басқа, компания кадрлық саясаттың негізгі ережелерін мынадай жолмен іске асырады:
      1) жоғары оқу орындарының бейінді мамандықтар студенттері
практикадан өту, магистранттар мен аспиранттардың ғылыми-зерттеу және
тәжірибелік-экперименттік әзірлемелерге қатысу үшін қажетті жағдайлар
жасау;
      2) отандық ғарыш саласын дамыту үшін қажетті мамандықтар бойынша мемлекеттік білім беру тапсырысын қалыптастыру жөнінде ұсыныстар енгізу;
      3) ғарыш қызметін дамыту мәселелері жөнінде ғылыми-практикалық конференцияларды, дөңгелек үстелдерді, семинарларды ұйымдастыру және өткізу;
      4) ғарыш саласын дамытуға және жаңа технологияларды енгізуге студенттік жастардың қатысуы бойынша іс-шаралар ұйымдастыру;
      5) компания қызметкерлерінің кәсіптік деңгейін оларды бірлескен жобалар бойынша ресейлік және украиналық кәсіпорындарға, сондай-ақ алыс шетел мемлекеттерінің кәсіпорындарына мамандану және біліктілігін арттыру.

1.5.11. Қарыз алу саясаты

      2009 - 2011 жылдары компания қызметін қаржыландыру көздерін диферсификациялау көзделіп отырған жоқ.
      Сондай-ақ, бірлескен кәсіпорындарды, оның ішінде шетелдік әріптестермен қалыптастыру жолымен жобаларды іске асыру жөніндегі шығындарды бөлу варианттары қарастырылуда, бұл қазақстандық көздерге қаржылық жүктеме мен тәуекелдерді төмендетіп қана қоймай, ал озат өндірістік және басқару технологияларын тартуға, ғарыш қызметтерін көрсетудің дүниежүзілік нарығына шығуға мүмкіндік береді.

1.5.12. Қаржы нәтижелері және бюджетпен қатынас

      Компания іске асыратын жобалардың ұзақ мерзімділігін ескере отырып, құрылатын жүйелер өнімінен 2009 - 2011 жылдар кезеңіндегі кіріс болжанбайды. Уақытша бос қаражатты орналастырудан компания кірісті 2008 жылы 665 598 мың теңге, 2009 жылы 345 000 мың теңге және 2010 жылы 400 000 мың теңге және 2011 жылы — 422 232 мың теңге мөлшерінде жоспарлап отыр. Уақытша бос қаражатты орналастырудан шығыстардың төмендеуі іске асырылатын жобалар бойынша болжамды аванстық төлемдер төлеумен байланысты. Компания қызметінің күтілетін қаржы нәтижелері төменде беріледі:
      Жылдар бойынша өзіндік капитал көлемі: 2007 жылы - 9 718 104 мың теңге; 2008 жылы - 14 994 346 мың теңге; 2009 жылы - 21 450 940 мың теңге; 2010 жылы - 37 648 986 мың теңге; 2011 жылы - 60 317 995 мың теңге.
      Жылдар бойынша активтердің құны: 2007 жыл - 10 826 201 мың теңге; 2008 жылы - 15 287 971 мың теңге; 2009 жылы - 20 632 751 мың теңге; 2010 жылы - 37 087 775 мың теңге; 2011 жылы - 58 547 347 мың теңге.

1.5.12.1. Республикалық бюджеттен түсетін түсім

      Компанияның 2009 — 2011 жылдарға арналған даму жоспары сол кезеңде республикалық бюджеттен және басқа көздерден компанияның жарғы капиталын көбейтуге түсетін қаржы қаражатты, барлығы - 45 323 649 мың теңге сомасында көздейді.
      2009 және 2011 жылдарға арналған болжамды қаржы көрсеткіштері Қазақстан Республикасының Бюджеттік кодексіне сәйкес тиісті кезеңге арналған республикалық бюджеттің жоспарланып отырған қалыптасуына сәйкес нақтыланытын болады.

1.5.12.2. Бюджетке түсетін түсім, акционерлік қоғамдардың мемлекеттік акциялар пакеттеріне дивидедттер

      2009 жылы мемлекеттік бюджетке салықтар және басқа да төлемдер түрінде түсетін міндетті төлемдер қолданылып жүрген Қазақстан Республикасының салық заңнамасына сәйкес жүргізіледі.

2-бөлім. Компанияның инвестициялық бағдарламасы

2.1. Саладағы инвестициялық жағдайды бағалау

2.1.1. Саланың (аяның) инвестициялық нарықтарындағы жағдайын талдау және бағалау, сондай-ақ Компанияның ролін бағалау және саладағы инвестициялық процестерге оның әсер ету дәрежесі

      Ғарыш саласы дамуының дүниежүзілік үрдістері әлемдік экономиканың осы секторына инвестициялар тартуға қолайлы. Дүниежүзілік ғарыштық бюджет және ғарыш саласының әлемдік коммерциялық секторының табыстары өсуде. Жаңа қосымшалар мен нарықтық сегменттер пайда болуда.
      SІА (Спутниктер өндірушілерінің қауымдастығы) және ІSВС (Internotional Sрасе Вusines Соuncil) ұйымдарының жылдық есептеріне сәйкес ғарыш саласының коммерциялық секторының табысы 1996 жылғы 40 млрд. кем АҚШ долларынан 2000 жылғы 64,2 млрд. АҚШ долларына дейін, 2005 жылғы 100 млрд. АҚШ долларына дейін және 2006 жылғы 180 млрд. АҚШ долларына дейін өсті. Бұл сома жеке меншік компаниялардың әртүрлі спутниктерді (телекоммуникациялық, ауа-райының, "шпиондардың" және т.б.) әзірлеуге және шығаруға сияқты, сондай-ақ ғаламдық ғарыш зерттеулеріне - мемлекеттік компаниялардың шығындарын да ескереді.
      2010 жылға қарай дүниежүзілік ғарыш саласының жалпы көлемі шамамен 200 млрд. АҚШ долларын құрайды.
      Қазақстан ғарыш саласының қалыптасуы Қазақстан Республикасы Президентінің 2005 жылғы 25 қаңтардағы N 1513 Жарғысымен бекітілген "2005 - 2007 жылдарға арналған Қазақстан Республикасында ғарыш қызметін дамыту" бірінші Мемлекеттік бағдарламасын қабылдаудан басталғанын айта кеткен жөн. Еліміздің ғарыш саласында дүниежүзінде зымырындар ұшыру саны ең көп, бүгінгі күні Ресей Федерациясына жалға берілген "Байқоңыр" ғарыш айлағы және "КаzSаt" байланыс және хабар тарату ғарыш жүйесінің жерүсті инфрақұрылымы бар.
      Қазақстанның ғарыш саласын қалыптастыру және дамыту процесіндегі негізгі роль Компанияға тиесілі, яғни компанияның жобаларында ғарыш аппараттарын, ғарыш жүйелері мен кешендерін өндіру жөніндегі өндірістік қуаттарды, сондай-ақ, халық шаруашылығының түрлі міндеттерін тиімді шешуді қамтамасыз ететін басқа жерүсті инфрақұрылымын құруды көздейді.
      Дүниежүзілік тәжірибе көрсеткендей, ғарыш саласындағы жобаларды іске асыру жөніндегі инвестициялардың үлкен бөлігін мемлекет өзіне алады, Қазақстанда да осылай. Бүгінгі күні ғарыш саласында іске асырылатын барлық жобалар, оның ішінде компанияның жобалары да мемлекеттік бюджет есебінен қаржыландырылады.

2.1.2. Қорытындылар

      Жоғарыда санамаланған үрдістер ғарыш саласына инвестициялар тартуға қолайлы. Алайда, ғарыш саласының әр түрлі сегменттерінің инвестициялық және коммерциялық тартымдылығының айырмашылықтарын ескеру қажет. Көптеген жағдайларда, ғарыш саласының жоғары өзіндік құнын ескере отырып, ғарыш державалары ғылыми-өндірістік прогресті қамтамасыз ету үшін ғарыш қызметін жүзеге асырады, бұл өз кезегінде экономиканың түрлі салаларының ғылыми-технологиялық дамуына маңызды үлес қосады. Сондай-ақ, ғарыш жобаларын іске асыру мемлекеттің беделіне ғана емес, ал өнімі жалпы мемлекет экономикасының тиімділігін арттыруға мүмкіндік беретін ғарыш саласындағы жоғары табысты коммерциялық сектордың дамуына ықпал ететінін айта кеткен жөн.

2.2. Инвестициялық басымдықтар мен бағыттар

      Қазақстан Республикасында ғарыш саласының мынадай сегменттері қалыптасу сатысында:
      1) ҒА өндіру және сынау;
      2) дербес спутниктік байланыс, спутниктік хабар тарату, белгіленген спутниктік байланыс (спутниктік байланыс ресурстарын жалға беруге);
      3) Жерді қашықтықтан зондтау және ЖҚЗ деректерін өңдеу жөніндегі қызметтер;
      4) ғылыми мақсаттағы ғарыш жүйесі;
      5) тұтынушының жерүсті аппаратурасын (ТЖА) (атап айтқанда, навигациялық жабдықтар) өндіру және пайдалану;
      6) ЖСНЖ жерүсті ғарыш инфрақұрылымы.
      Ғарыш қызметінің жоғарыда санамаланған бағыттарының ішінде спутниктік байланыс және хабар тарату жүйелері сегменттерінің және қызметтерінің, ғарыш жүйелері тұтынушыларының жерүсті аппаратурасы өндірісінің, атап айтқанда олардың негізіндегі навигациялық жүйелердің және қызметтердің инвестициялық тартымдылығы аса жоғары. Бұл сегменттер басқаларынан көлемі, коммерциялану дәрежесі, сондай-ақ өсу қарқыны бойынша айтарлықтай артық.
      Жерді қашықтықтан зондтау ғарыш жүйесін құрудың бірінші кезектегі міндеті жерді қашықтықтан зондтау түсірілімдерін пайдалану есебінен мемлекеттік органдар мен экономика салалары қызметінің тиімділігін едәуір арттыру болып табылады.

2.2.1. Инвестициялық жобалар бойынша ниеттер, алдын ала есептер мен негіздемелер

      2009 - 2011 жылдар кезеңінде компания Қазақстан Республикасында ғарыш саласын қалыптастыруға және ғарыш жүйелері мен технологиялары өндірісінің циклын игеруге бағытталған бір қатар инвестициялық жобаларды осы Жоспарға 7-қосымшаға сәйкес іске асыра бастауды жоспарлап отыр:
      "Қазақстан Республикасының Жерді қашықтықтан зондтау ұлттық ғарыш жүйесін құру";
      "Жоғарыдәлдікті спутниктік навигация жүйесінің жерүсті инфрақұрылымын құру";
      "ҒТ АКТБ құрастыру-сынау кешенін құру";
      "ҚұСК жұмыс істеуін қамтамасыз ететін инфрақұрылым құру".
      Компанияның жобалары жарғы капиталды ұлғайту жолымен Республикалық бюджет қаражаты есебінен іске асырылады.
      Компанияның әзірлеп отырған инвестициялық бағдарламасы Қазақстанның ғарыш саласын кешенді және кезеңмен дамытуға бағытталған, бұл компанияның даму стратегиясына сәйкес қойылған мақсаттарға тиімді және мерзімде жетуге мүмкіндік береді. 2009 - 2011 жылдары қосымшада көзделген жобалар жоспарланды.
      Инвестициялық жоба: ЖҚЗ ҒЖ.
      Жобаны іске асыру орны: Қазақстан Республикасы, Астана.
      Инвестициялық жобаның мақсаты: ЖҚЗ екі спутнигі, спутниктерді жерүсті басқару кешені және ғарыш деректерін қабылдау және өңдеу үшін жерүсті мақсатты кешені кіретін Қазақстан Республикасының Жерді қашықтықтан зондтау ұлттық ғарыш жүйесін құру.
      Жобаның аяқталу мерзімі 2012 жылдың соңына жоспарланып отыр. Осы инвестициялық жобаны іске асыру үшін қажетті қаржы қаражаттың көлемі 36 003 400 мың теңгені құрайды, оның ішінде жылдар бойынша: 2006 - 1 000 000 мың теңге; 2007 - 6 373 400 мың теңге; 2008 - 4 861 242 мың теңге; 2009 - 2 338 100 мың теңге; 2010 - 10 004 200 мың теңге; 2011 - 11 426 458 мың теңге.
      Инвестициялық жоба: ҚұСК.
      Жобаны іске асыру орны: Астана қаласы.
      Инвестициялық жобаның мақсаты: озат дүниежүзілік тәжірибені пайдалана отырып, дүниежүзілік ғарыш нарығында бәсекеге қабілетті, ҒА жобалау, жасау, құрастыру және сынау кәсіпорынын құру.
      Жобаның мақсаты: ҒТ АКТБ конструкторлық-технологиялық, өндірістік және материалдық-техникалық базасын құру және дамыту; ғарыш техникасын жобалау, жасау, жинау және сынау саласында әлемдік жетекші компанияларда оқыту және өндірістік тәжірибеден өткізу жолымен инженерлік-техникалық қызметкерлердің біліктілігі жоғары кадрлық құрамын қалыптастыру; Қазақстан Республикасында өз күшімен әрі отандық және шетелдік серіктестер кооперациясында ғарыш техникасының тиімді жүктемесін және құрамдастарын, ҒА жобалау, жасау, жинау және сынау.
      Жобаның аяқталу мерзімі - 2011 жыл.
      Жобаны іске асыруға қажет қаржы қаражаттың көлемі: барлығы - 14 216 650 мың теңге, оның ішінде жылдар бойынша: 2008 - 200 000; 2009 - 2 164 321 мың теңге; 2010 - 4 759 618 мың теңге; 2011 - 7 092 711 мың теңге.
      Инвестициялық жоба: ҚР ЖСНЖ.
      Жобаны іске асыру орны: Қазақстан Республикасы.
      Инвестициялық жобаның мақсаты: жүйе тұтынушылары сапалы координаттық-уақытты және навигациялық қызметтерді кепілді түрде алу үшін жағдайлар қалыптастыру мақсатында Қазақстан Республикасы жоғарыдәлдікті спутниктік навигация жүйесінің жерүсті инфрақұрылымын құру.
      Жобаның мақсаты: жоғарыдәлдікті навигациялық деректерді автоматты жинау, өңдеу, сақтау және тұтынушыларға ұсыну үшін жерүсті инфрақұрылымын құру, сондай-ақ сараланған түзету және мониторинг орталығын, өңірлік сараланған станциялар, бақылау-түзету станцияларын, ұтқыр сараланған станция, теңіз сараланған станциясын құру, навигациялық жабдықтың сертификаттау және тәжірибелік өндіріс орталығын құру.
      Жобаның бірінші кезеңінің аяқталу мерзімі - 2011 жыл.
      Жобаның бірінші кезеңін іске асыруға қажет қаржы қаражаттың көлемі: барлығы - 2 591 000 мың теңге, оның ішінде жылдар бойынша: 2008 — 215 000 мың теңге; 2009 - 676 000 мың теңге; 2010 - 684 000 мың теңге; 2011 - 1 016 000 мың теңге.
      Инвестициялық жоба: "ҚұСК жұмыс істеуін қамтамасыз ететін инфрақұрылым құру".
      Жобаны іске асыру орны: Астана қаласы.
      Инвестициялық жобаның мақсаты: ҚұСК жұмыс істеуін қамтамасыз ететін инфрақұрылымды құру.
      Жобаның мақсаты: Қазақстан Республикасы Ұлттық ғарыш агенттігінің жұмысы және ғарыш саласының кәсіпорындарын дамыту үшін қажетті жағдайлар жасау. Қазақстан Республикасы дамуының стратегиялық бағыттарының бірі ретінде елдің ғарыш саласын дамыту. Мынадай негізгі объектілерден құрылатын болады: әкімшілік кешен, көрме-экспозициялық кешен және тұрғын үй кешені.
      Жобаның аяқталу мерзімі - 2013 жыл.
      Жобаны іске асыруға қажет қаржы қаражаттың көлемі:
      барлығы - 9 102 167 мың теңге, оның ішінде жылдар бойынша: 2009 - 1 278 173 мың теңге; 2010 - 750 228 мың теңге; 2011 - 3 133 840 мың теңге; 2012 - 3 939 926 мың теңге.

2.2.2. Инвестициялық жобалардың тиімділігін бағалау

      Инвестициялық жобалар жобаларды қорғау және жобаны іске асырудың негізгі төрт аспектісі бойынша оң қорытындылар (құқықтық, техникалық, коммерциялық және қаржы қорытындылары) ұсыну негізінде қабылданады.
      Жоспарлап отырған кезеңде Компанияның іске асыратын инвестициялық жобалары ғарыш қызметін дамытудың инфрақұрылымын құруға бағытталады және олардың бағасы жобалардың сияқты, сондай-ақ өз ғарыш қызметінің әлеуметтік, саяси және экономикалық маңыздылығынан қалыптасады.
      Инвестициялық жобалардың техникалық-экономикалық негіздемелері Қазақстан Республикасының Экономика және бюджеттік жоспарлау министрлігі бекіткен 2004 жылғы 30 қыркүйектегі N 144 талаптарға сәйкес, ал инвестициялық жобалардың қаржы-экономикалық негіздемелері Қазақстан Республикасының Экономика және бюджеттік жоспарлау министрлігі бекіткен 2004 жылғы 30 қыркүйектегі N 143 ережеге сәйкес әзірленгенін айта кеткен жөн.

2.2.3. Уақытша бос ресурстарды басқару схемасы, оларды орналастыру саясаты

      Компанияның уақытша бос қаражаты Қазақстан Республикасы Үкіметінің "Шаруашылық жүргізу құқығындағы мемлекеттік кәсіпорындардың және акцияларының (үлестерінің) бақылау пакеті мемлекетке тиесілі ұйымдардың қаржылық қызметтерді сатып алуының кейбір мәселелері туралы" 2004 жылғы 14 қыркүйектегі N 960 қаулысына (Қазақстан Республикасы Үкіметінің 2004 жылғы 01 желтоқсандағы N 1248 қаулысымен енгізілген өзгерістермен) сәйкес орналастырылады. 2009 - 2011 жылдар ішінде уақытша бос ақшалай қаражатты екінші деңгейдегі банктер депозиттерінде орналастыру көзделіп отыр.
      Негізгі емес қызметтен кірістер осы Жоспарға 2-қосымшада ("2009 - 2011 жылдарға арналған маңызды көрсеткіштер болжамы" деген 1-нысанда) келтірілген.

2.3. Компания дамуының инвестициялық жоспары.

      Компанияның инвестициялық жобаларының тізбесіне, олар туралы қысқа ақпарат осы Жоспарға 7-қосымшада көрсетілген, жобалар енгізілді. Жобалар, олардың масштабтары, іске асыру кезеңдері туралы қысқа ақпарат осы Жоспарға 8-қосымшада берілген.
      Бүгінгі күні компанияның жобалары бойынша уәкілетті органның салалық қорытындылары бар. Шетелдік елдердің ғарыш жүйелерін құру әлемдік тәжірибесін және Қазақстан үшін бұл жобаның стратегиялық маңыздылығын ескере отырып, Қазақстан Республикасы Ұлттық ғарыш агенттігі ЖҚЗ ҒЖ жобасын республикалық бюджет қаражаты есебінен қаржыландыру үшін қаржы-экономикалық негіздемені қолдау жөнінде 2008 жылғы 23 шілдеден эксперттік қорытынды шығарды.
      Қазақстан Республикасы үшін оның айтарлықтай аумағымен байланысты және өз ғаламдық навигациялық спутниктік жүйесінің болмауы жағдайында спутниктік жүйелер негізінде бірыңғай координаттық-уақыттық қамтамасыз етуді орнату маңыздылығын, уәкілетті орган 2008 жылғы 21 тамыздағы эксперттік қорытындыға сәйкес ЖСНЖ жобасын қолдады.
      Ғарыш аппараттарын өндіру бойынша дербес кәсіпорын құру қажеттігін, ғарыш саласы және жалпы экономика үшін үлкен пайдасын ескере отырып, ҚұСК жобасының қаржы-экономикалық негіздемесі 2008 жылғы 3 шілдедегі салалық қорытындымен қолданды. Бұдан басқа, жоба осы саладағы әлемдік көшбасшылардың бірінің қатысуымен іске асырылады, бұл өз кезегінде ғарыш саласына озат технологиялар трансфертін жүзеге асыруға және білікті отандық қызметкерлер даярлауға мүмкіндік береді.

3. Дамудың аса маңызды көрсеткіштерінің болжамы

      Дамудың аса маңызды көрсеткіштерінің болжамы осы Жоспарға 2-6 қосымшаларда берілген.

Жоспарға  
1-қосымша 

"Қазақстан Ғарыш Сапары" Ұлттық компаниясы"
акционерлік қоғамының ұйымдық құрылымы

(қағаз мәтінінен қараңыз)

                                                      Жоспарға
                                                       2-қосымша

1-нысан

         "ҚАЗАҚСТАН ҒАРЫШ САПАРЫ" ҰЛТТЫҚ КОМПАНИЯСЫ"
     АКЦИОНЕРЛІК ҚОҒАМЫНЫҢ 2009 - 2011 жылдарға арналған
         дамудың ең маңызды көрсеткіштерінің болжамы
                     (заңды тұлғаның атауы)

                                                      (мың теңге)

                                                             Жоспарға
                                                           3-қосымша

2-нысан

      "ҚАЗАҚСТАН ҒАРЫШ САПАРЫ" ҰЛТТЫҚ КОМПАНИЯСЫ "АКЦИОНЕРЛІК
                          ҚОҒАМЫНЫҢ
       2009 жылға арналған кірістер мен шығыстар болжамы
                     (заңды тұлғаның атауы)

                                                        (мың теңге)

                                                             Жоспарға
                                                            4-қосымша

3-нысан

         "ҚАЗАҚСТАН ҒАРЫШ САПАРЫ" ҰЛТТЫҚ КОМПАНИЯСЫ
                    "АКЦИОНЕРЛІК ҚОҒАМЫНЫҢ
                    (заңды тұлғаның атауы)
         2009 жылғы ақша қаражаты қозғалысының болжамы

                                                         (мың теңге)

                                                            Жоспарға
                                                             5-қосымша

4-нысан

          "ҚАЗАҚСТАН ҒАРЫШ САПАРЫ" ҰЛТТЫҚ КОМПАНИЯСЫ"
                      АКЦИОНЕРЛІК ҚОҒАМЫНЫҢ
              2009 жылға арналған шығыстар болжамы
                     (заңды тұлғаның атауы)

                                                     (мың теңге)

                                                            Жоспарға
                                                           6-қосымша

5-нысан

          "ҚАЗАҚСТАН ҒАРЫШ САПАРЫ" ҰЛТТЫҚ КОМПАНИЯСЫ"
                     АКЦИОНЕРЛІК ҚОҒАМЫНЫҢ
       2009 - 2011 жылдарға арналған болжамдық баланс
                       (заңды тұлғаның атауы)

                                                        (мың теңге)

                                                            Жоспарға
                                                           7-қосымша

6-нысан

          "ҚАЗАҚСТАН ҒАРЫШ САПАРЫ" ҰЛТТЫҚ КОМПАНИЯСЫ"
                       АКЦИОНЕРЛІК ҚОҒАМЫНЫҢ
    2009 - 2011 жылдарда іске асыруға жоспарланып отырған
                Инвестициялық жобалардың тізбесі

                                                      (мың теңге)

                                                         Жоспарға
                                                         8-қосымша

7-нысан

"Ғарыш техникасы Арнайы конструкторлық-технологиялық бюросы
Құрастыру-сынау кешенін құру" инвестициялық жобаның паспорты

                "Қазақстан Ғарыш Сапары" ҰК" АҚ

7-нысан

       "Қазақстан Республикасы жоғарыдәлдікті спутниктік
        навигация жүйесінің жерүсті инфрақұрылымын құру"
                  инвестициялық жобаның паспорты

                 "Қазақстан Ғарыш Сапары" ҰК" АҚ

7-нысан

        "Қазақстан Республикасы Жерді қашықтықтан зондтау
          жүйесін құру" инвестициялық жобаның паспорты

                "Қазақстан Ғарыш Сапары" ҰК" АҚ

7-нысан

   "ҚұСК жұмыс істеуін қамтамасыз ететін инфрақұрылым құру"
                 инвестициялық жобаның паспорты

            "Қазақстан Ғарыш Сапары" ҰК" АҚ