Халықаралық қаржылық қоғамдастықпен өзара іс-қимылды жақсарту жөнінде комиссия құру туралы

      Қазақстан Республикасының инвестициялық имиджін арттыру үшін Қазақстан Республикасының халықаралық қаржылық қоғамдастықпен тиімді өзара іс-қимылын қамтамасыз ету мақсатында Қазақстан Республикасының Үкіметі  ҚАУЛЫ ЕТЕДІ:

      1. Осы қаулыға қосымшаға сәйкес құрамда Халықаралық қаржылық қоғамдастықпен өзара іс-қимылды жақсарту жөніндегі комиссия құрылсын.

      2. Қоса беріліп отырған:

      1) Халықаралық қаржылық қоғамдастықпен өзара іс-қимылды жақсарту жөніндегі комиссия туралы ереже;

      2) Халықаралық қаржылық қоғамдастықпен өзара іс-қимылды жақсарту жөніндегі іс-шаралар жоспары бекітілсін.

      3. Осы қаулы қол қойылған күнінен бастап қолданысқа енгізіледі.

       Қазақстан Республикасының
      Премьер-Министрі                                    К. Мәсімов

Қазақстан Республикасы 
Үкіметінің      
2008 жылғы 17 шілдедегі
N 688   қаулысымен   
бекітілген     

  Халықаралық қаржылық қоғамдастықпен өзара
іс-қимылды жақсарту жөніндегі комиссия құрамы

Сұлтанов                  - Қазақстан Республикасының Экономика және
Бақыт Тұрлыханұлы           бюджеттік жоспарлау министрі, төраға

Пірматов                  - Қазақстан Республикасының Экономика және
Ғалымжан Олжаұлы            бюджеттік жоспарлау вице-министрі,
                            төрағаның орынбасары

Бабақұмаров               - Қазақстан Республикасы Премьер-
Ержан Жалбақұлы             Министрінің Кеңсесі Басшысының
                            орынбасары, төрағаның орынбасары

Қалыбеков                 - Қазақстан Республикасы Экономика және
Бекжан Жантөреұлы           бюджеттік жоспарлау министрлігі
                            Халықаралық қатынастар департаментінің
                            директоры, хатшы

Әлмәмбетов                - Қазақстан Республикасы Премьер-
Әлімжан Әмірханұлы          Министрінің кеңесшісі

Ысқақов                   - Қазақстан Республикасы Президенті
Жәнібек Сапарұлы            Әкімшілігінің Әлеуметтік-экономикалық
                            мониторинг бөлімі меңгерушінің
                            орынбасары

Сартбаев                  - Қазақстан Республикасы Ұлттық Банкі
Медет Мақсұтұлы             Төрағасының орынбасары (келісім бойынша)

Ерғожин                   - Қазақстан Республикасының Қаржы
Дәулет Еділұлы              вице-министрі

Мамытбеков                - Қазақстан Республикасының Индустрия және
Еділ Құламқадырұлы          сауда вице-министрі

Бекетаев                  - Қазақстан Республикасының Әділет
Марат Бақытжанұлы           вице-министрі

Қожахметов                - Қазақстан Республикасы Қаржы нарығын
Қуат Бәкірұлы               және қаржы ұйымдарын реттеу мен
                            қадағалау агенттігі төрағасының
                            орынбасары (келісім бойынша)

Қанапьянов                - Қазақстан Республикасы Алматы қаласының
Шыңғыс Сержанұлы            өңірлік қаржы орталығының қызметін
                            реттеу агенттігі төрағасының орынбасары
                            (келісім бойынша)

Омарова                   - Қазақстан қаржыгерлерінің қауымдастығы
Тамара Таскенқызы           Кеңес төрағасының орынбасары (келісім
                            бойынша)

Никитинская               - "Атамекен" Одағы" Қазақстан ұлттық
Екатерина Сергеевна         экономикалық палатасы төрағасының
                            бірінші орынбасары (келісім бойынша)

Солодченко                - "ТұранӘлемБанкі" акционерлік қоғамының
Роман Владимирович          басқарма төрағасы (келісім бойынша)

Тимченко                  - "Қазкоммерцбанк" акционерлік қоғамының
Андрей Игоревич             басқарушы директоры (келісім бойынша)

Қарабаев                  - "Қазақстан Халық Банкі" акционерлік
Дәурен Сапарәлиұлы          қоғамының басқарма төрағасының
                            орынбасары (келісім бойынша)

Қазақстан Республикасы 
Үкіметінің       
2008 жылғы 17 шілдедегі
N 688 қаулысымен    
бекітілген       

  Халықаралық қаржылық қоғамдастықпен өзара
іс-қимылды жақсарту жөніндегі комиссия туралы ереже

1. Жалпы ережелер

      1. Осы Халықаралық қаржылық қоғамдастықпен өзара іс-қимылды жақсарту жөніндегі комиссия (бұдан әрі - Комиссия) туралы ереже Комиссия мақсатын, міндеттері мен өкілеттіктерін айқындайды.

      2. Комиссияның басты мақсаты қаржылық ұйымдардың, институттар мен баспалардың, сондай-ақ қызметі халықаралық сипатқа ие немесе Қазақстан Республикасының халықаралық инвестициялық имиджіне едәуір әсер ететін басқа да қаржылық мекемелердің қоғамдастығы деп ұғынылатын халықаралық қаржылық қоғамдастықпен тұрақты негізде қажетті келісілген ақпараттарды оған ұсыну жолымен тиімді өзара іс-қимылды қамтамасыз ету болып табылады.

  2. Комиссияның негізгі міндеттері мен өкілеттіктері

      3. Комиссияның міндеттері:

      1) Қазақстан Республикасының инвестициялық имиджін одан әрі арттыру үшін халықаралық қаржылық қоғамдастықпен ынтымақтастықтың тиімді нысанын айқындау жөнінде ұсыныстар әзірлеу;

      2) халықаралық қаржылық қоғамдастыққа ақпараттар ұсыну стандарттары жөнінде ұсыныстар әзірлеу;

      3) Комиссияның іс-шаралар жоспарын іске асыруды қамтамасыз ету болып табылады.

      4. Комиссия өз құзыреті шегінде өзіне жүктелген міндеттерді жүзеге асыру үшін:

      1) халықаралық қаржылық қоғамдастықпен өзара іс-қимылды ұйымдастыру, үйлестіру және жетілдіру үшін қажетті іс-қимыл жасауға;

      2) сараптамалар мен консультациялар өткізу үшін мемлекеттік органдар мен ұйымдардан тиісті бейіндегі мамандарды тартуға, сондай-ақ қажет болған жағдайда қойылған міндеттерді шешу үшін сарапшы топтарды ұйымдастыруға;

      3) мемлекеттік органдар мен ұйымдардан Комиссияның құзыретіне кіретін мәселелер бойынша заңнамада белгіленген тәртіппен ақпараттар сұратуға және алуға;

      4) өз құзыретіне кіретін мәселелер бойынша ұсынымдар әзірлеуге және Қазақстан Республикасының Үкіметі мен мүдделі мемлекеттік органдарға ұсыныстар енгізуге құқылы.

  3. Комиссияның қызметін ұйымдастыру

      5. Комиссияны оның төрағасы басқарады.

      6. Комиссияның төрағасы оның жұмысын ұйымдастырады, төраға болмаған жағдайда Комиссияның отырысын төрағаның орынбасарларының бірі өткізеді.

      7. Комиссияның жұмыс органы Қазақстан Республикасы Экономика және бюджеттік жоспарлау министрлігі болып табылады.

      8. Комиссияның отырыстары қажеттілігіне қарай өткізіледі. Комиссияның отырысын өткізу туралы шешімді төраға не оның орынбасары қабылдайды.

      9. Комиссияның шешімдері оның отырыстарының хаттамаларымен ресімделеді. Комиссияның шешімдері ашық дауыс беру жолымен көпшілік дауыспен қабылданады және егер оған Комиссия мүшелерінің жалпы санының көпшілік дауысы берілсе қабылданды деп саналады. Дауыстар тең болған жағдайда төраға дауыс берген шешім қабылданды деп саналады.

                                            Қазақстан Республикасы
                                                  Үкіметінің
                                            2008 жылғы 17 шілдедегі
                                                N 688 қаулысымен
                                                   бекітілген

           Халықаралық қаржылық қоғамдастықпен өзара
      іс-қимылды жақсарту жөніндегі іс-шаралар жоспары

Р/с N №	Іс-шара	Аяқталу нысаны	Орындалуына (іске асырылуына) жауаптылар	Орындалу (іске асырылу мерзімі)
1	2	3	4	5
1.	Мемлекеттік орган- дар мен ҚҚҚ арасын- дағы халықаралық қаржылық ұйымдармен және институттармен ынтымақтастыққа қатысты ақпарат алмасу	Ақпарат алмасу	ЭБЖМ (жинқтау), Қаржымині, ҚҰБ (келісім бойынша), ҚҚА (келісім бойынша), АӨҚОҚРА (келісім бойынша), ҚҚҚ (келісім бойынша)	Тұрақты негізде
2.	Елдің макроэкономи- калық жағдайы мен қаржылық секторын шолып, таныстыру материалдарын бір- лесіп дайындау, Интернет-сайттарға орналастыру, қажет болған жағдайда материалдарды ха- лықаралық қаржылық институттар мен рейтингілік агент- тіктерге тікелей тарату	Таныстыру материал- дарын дайындау	ЭБЖМ (жинақтау), ҚҚҚ (келісім бойынша) (жинақ- тау), ҚҰБ (келісім бойынша), ҚҚА (келісім бойынша) (жинақтау), Қар- жымині, ИСМ, ЭМРМ, "Самұрық" АҚ (келісім бойынша)	Жарты жылда 1 рет
3.	Қазақстан Республи- касындағы даму жоспарлары, құры- лымдық реформалар туралы, халықаралық қаржылық ұйымдар өткізетін халықара- лық конференциялар- да, саммиттерде, семинарларда Қазақ- стан қаржылық нарық туралы таныстыру өткізу	Тиісті халықара- лық қаржы ұйымдары- на ақпарат ұсыну	ЭБЖМ (жинақтау), Қаржымині, ҚҰБ (келісім бойынша), ҚҚА (келісім бойынша), АӨҚОҚРА (келісім бойынша), ЭМРМ, ИСМ, "Самұрық" АҚ (келісім бойынша), ҚҚҚ (келісім бойынша)	Тұрақты негізде
4.	Қазақстан Республи- касының мемлекеттік органдары мен қаржы секторы үшін халық- аралық қаржылық ұйымдар мен инсти- туттардың, рейтин- гілік агенттіктер- дің, әлемдік қар- жылық баспалардың өкілдерін тарта отырып семинарлар, конференциялар өткізу	ЭБЖМ-ге ақпарат ұсыну	ҚҚҚ (келісім бойынша) (жинақ- тау), ЭБЖМ, Қаржымині, ҚҰБ (келісім бойынша), ҚҚА (келісім бойынша), АӨҚОҚРА (келісім бойынша), ИСМ, "Самұрық" АҚ (келісім бойынша)	Жарты жылда 1 рет
5.	Мақсатты аудитория- да (халықаралық қаржылық ұйымдар, шетел қаржылық БАҚ) Қазақстан Республи- касының инвестиция- лық мүмкіндіктері мен тартымдылығына қатысты қоғамдық пікірді талдау. Қоғамдық пікірлер- дің өзгеруіне мониторинг	ЭБЖМ ақпарат ұсыну	ҚҚҚ (келісім бойынша)	Тоқсан сайын
6.	Қазақстан Республи- касында бейімделу мен пайдалануы мүмкін мақсатында әлемдік қаржылық қоғамдастық алдында тиімді ұстанымдал- ған елдердің тәжі- рибесін зерделеу үшін шетел сарапшы- ларын тарту	Сарапшы- ларды тарту	ҚҚҚ (келісім бойынша) (жинақ- тау), ЭБЖМ, ҚҚА (келісім бойынша) (жинақтау), АӨҚОҚРА (келісім бойынша), Қаржымині	2008 жылғы 1-жарты жылдық
7.	Құрылымдық реформа- лар процесін, ішкі макроэкономикалық жағдай мен экономи- каны дамыту жоспар- ларын жақсартуды жариялайтын белсен- ді ақпараттық науқан әзірлеу	Ақпарат- тық науқанның жоспары	ҚҚҚ (келісім бойынша) (жинақ- тау), СІМ, ЭБЖМ	2008 жылғы 2-жарты жылдық
7-1.	Халықаралық қаржы- лық ұйымдарға арналған ақпарат (баспасөз релиздер, есептер) ұсыну және тарату кестесін әзірлеу. Халықара- лық қаржылық қоғамдастыққа ақпа- рат ұсыну (тарату)	Кесте	ҚҚҚ (келісім бойынша), ЭБЖМ, СІМ, ҚҰБ (келісім бойынша), Қаржыми- ні, ҚҚА (келісім бойынша), АӨҚОҚРА (келісім бойынша)	2008 жылғы тамыз
7-2.	Интернет кеңісті- гін қоса алғанда, шетелдік жетекші экономикалық және қаржылық БАҚ-тармен жұмыс жоспарын әзірлеу. Қазақстан Республикасында ұсынылған шетелдік БАҚ-тармен жұмыс жүргізу (брифинг- тер, кездесулер, баспасөз конферен- циялар)	Жұмыс жоспары	ҚҚҚ (келісім бойынша) (жинақ- тау), СІМ	2008 жылғы тамыз
8.	Қазақстан Республи- касың халықаралық қаржылық нарықтар- да, соның ішінде халықаралық іс-ша- раларда сөз сөйлеу- ге арналған ұсыну- дың бірыңғай стандарттын әзірлеу	Қазақстан Республи- касын экономи- калық дамытудың өзекті мәселеле- ріне арналған таныстыру шаблоны мен жауап- тар жобасы	ЭБЖМ (жинақтау), ҚҰБ (келісім бойынша), Қаржыми- ні, ҚҚА (келісім бойынша), АӨҚОҚРА (келісім бойынша), ҚҚҚ (келісім бойынша)	Тоқсан сайын
9.	Инвестициялық есеп стандарты бойынша Қазақстан Республи- касындағы экономи- калық және қаржылық жағдайды дамытуға қатысты инвестор- лар үшін инвести- циялық бюллетень басып шығару	Бюллетень басып шығару	ҚҚҚ (келісім бойынша) (жинақ- тау), ҚҰБ (келісім бойынша), ЭБЖМ, ИСМ, Қаржымині	Жарты жылда 1 рет

      Ескертпе: аббревиатуралардың толық жазылуы:
ЭБЖМ            - Қазақстан Республикасы Экономика және бюджеттік
                  жоспарлау министрлігі
Қаржымині       - Қазақстан Республикасы Қаржы министрлігі
ИСМ             - Қазақстан Республикасы Индустрия және сауда
                  министрлігі
СІМ             - Қазақстан Республикасы Сыртқы істер министрлігі
ЭМРМ            - Қазақстан Республикасы Энергетика және минералдық
                  ресурстар министрлігі
ҚҰБ             - Қазақстан Республикасы Ұлттық Банкі
ҚҚА             - Қазақстан Республикасы Қаржы нарығы мен қаржы
                  ұйымдарын реттеу және қадағалау агенттігі
АӨҚОҚРА         - Қазақстан Республикасы Алматы қаласының өңірлік
                  қаржы орталығының қызметін реттеу агенттігі
"Самұрық" АҚ    - "Самұрық" мемлекеттік активтерді басқару жөніндегі
                  қазақстандық холдингі" акционерлік қоғамы
ҚҚҚ             - Қазақстан қаржыгерлерінің қауымдастығы
БАҚ             - бұқаралық ақпарат құралдары