Қазақстан Республикасының халықаралық экономикалық ұйымдарға қатысуы шеңберiнде сауда саясатын жетiлдiру, ықпалдасу үдерiстерiн дамыту мақсатында Қазақстан Республикасының Үкiметi ҚАУЛЫ ЕТЕДI :
1. Қазақстан Республикасының сауда саясаты және халықаралық экономикалық ұйымдарға қатысу мәселелерi жөнiндегi ведомствоаралық комиссиясы (бұдан әрi - Ведомствоаралық комиссия) құрылсын.
2. Қоса беріліп отырған:
1) Ведомствоаралық комиссияның құрамы;
2) Ведомствоаралық комиссия туралы ереже бекiтiлсiн.
3. Қосымшаға сәйкес Қазақстан Республикасы Үкiметiнiң кейбiр шешiмдерiнiң күшi жойылды деп танылсын.
4. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрі
Қазақстан Республикасы
Үкiметiнiң
2006 жылғы 22 қыркүйектегi
N 903 қаулысымен
бекiтiлген
Ескерту. Құрам жаңа редакцияда - ҚР Үкіметінің 2008.12.24
N 1260
Қаулыcымен.
Қазақстан Республикасының сауда саясаты және халықаралық экономикалық ұйымдарға қатысу мәселелерi жөнiндегi ведомствоаралық комиссиясының құрамы
Орынбаев - Қазақстан Республикасы
Ербол Тұрмаханұлы Премьер-Министрінің орынбасары, төраға
Школьник - Қазақстан Республикасының Индустрия
Владимир Сергеевич және сауда министрі, төрағаның орынбасары
Айтжанова - Қазақстан Республикасының Индустрия және
Жанар Сейдахметқызы сауда вице-министрі, хатшы
Коржова - Қазақстан Республикасы Қаржы
Наталья Артемовна министрлігінің жауапты хатшысы
Құрманғалиева - Қазақстан Республикасы Мәдениет және
Жанна Дулатқызы ақпарат министрлігінің жауапты хатшысы
Әбденов - Қазақстан Республикасының Еңбек және
Серік Сақбалдыұлы халықты әлеуметтік қорғау вице-министрі
Ақшолақов - Қазақстан Республикасының Энергетика
Болат Оралұлы және минералдық ресурстар вице-министрі
Бекетаев - Қазақстан Республикасының Әділет
Марат Бақытжанұлы вице-министрі
Бірәлиев - Қазақстан Республикасының Қоршаған
Әлжан Хамидоллаұлы ортаны қорғау вице-министрі
Дәненов - Қазақстан Республикасы Сыртқы істер
Нұрлан Жұмағалиұлы министрінің орынбасары
Евниев - Қазақстан Республикасының Ауыл
Арман Қайратұлы шаруашылығы вице-министрі
Қасымбек - Қазақстан Республикасының Көлік және
Жеңіс Махмұдұлы коммуникация вице-министрі
Қасымов - Қазақстан Республикасының Ішкі істер
Қалмұхамбет вице-министрі
Нұрмұхамбетұлы
Құсайынов - Қазақстан Республикасының Экономика және
Марат Әпсеметұлы бюджеттік жоспарлау вице-министрі
Біртанов - Қазақстан Республикасының Денсаулық
Елжан Амантайұлы сақтау вице-министрі
Сабдалин - Қазақстан Республикасының Төтенше
Абылай Қиялұлы жағдайлар вице-министрі
Өскенбаев - Қазақстан Республикасының Туризм және
Қайырбек Айтбайұлы спорт вице-министрі
Алдамберген - Қазақстан Республикасы Қаржы нарығы мен
Алина Өтемісқызы қаржы ұйымдарын реттеу және қадағалау
агенттігі төрағасының орынбасары
Дүрмағамбетов - Қазақстан Республикасы Ақпараттандыру
Ерлан Дмитрийұлы және байланыс агенттігі төрағасының
орынбасары
Құдайбергенов - Қазақстан Республикасы Табиғи
Ескендір Көпбосынұлы монополияларды реттеу агенттігі
төрағасының орынбасары
Омаров - Қазақстан Республикасы Статистика
Жаслан Ысқақұлы агенттігі төрағасының орынбасары
Ақышев - Қазақстан Республикасы Ұлттық Банкі
Данияр Талғатұлы Төрағасының орынбасары (келісім бойынша)
Айсағалиева - Қазақстан Республикасы Қаржы
София Серікбайқызы министрлігінің Кедендік бақылау комитеті
төрағасының орынбасары
Ерғожин - Қазақстан Республикасы Қаржы министрлігі
Дәулет Еділұлы Салық комитетінің төрағасы
Сахипова - Қазақстан Республикасы Әділет
Нұрғайша Нұртайқызы министрлігінің Зияткерлік меншік құқықтары
комитеті төрағасының орынбасары
Қарақұсова - Қазақстан Республикасы Парламентінің
Гүлжан Жанпейісқызы Мәжілісі Қаржы және бюджет комитетінің
төрайымы (келісім бойынша)
Қазақстан Республикасы
Үкiметiнiң
2006 жылғы 22 қыркүйектегi
N 903 қаулысымен
бекiтiлген
Қазақстан Республикасының сауда саясаты және халықаралық экономикалық ұйымдарға қатысу мәселелерi жөнiндегі ведомствоаралық комиссиясы туралы ереже
1. Қазақстан Республикасының сауда саясаты және халықаралық экономикалық ұйымдарға қатысу мәселелерi жөнiндегi ведомствоаралық комиссиясы (бұдан әрi - Комиссия) Қазақстан Республикасы Үкiметiнiң жанындағы консультативтiк-кеңесшi орган болып табылады.
2. Комиссия өз қызметiнде Қазақстан Республикасының Конституциясы мен заңдарын, Қазақстан Республикасының Президентi мен Үкiметiнiң кесiмдерiн және өзге де нормативтiк құқықтық кесiмдердi, Қазақстан Республикасының халықаралық шарттарын, сондай-ақ осы Ереженi басшылыққа алады.
3. Комиссияның құрамы Қазақстан Республикасы Үкiметiнiң қаулысымен бекітiледi.
2. Комиссия қызметiнiң мақсаттары
4. Комиссия қызметiнiң мақсаттары:
Қазақстан Республикасындағы сауда саясатын дамыту және жетiлдiру жөнiндегi мемлекеттiк саясатты әзiрлеу;
Қазақстан Республикасының заңнамасына сәйкес Қазақстан Республикасының кеден аумағына(н) тауарларды әкелудi (әкетудi) реттеудiң кеден-тарифтiк және тарифтiк емес шараларын қолдану жөнiндегi, тарифтiк квоталарды енгiзу жөнiндегi мемлекеттiк саясатты және iшкi нарықты қорғау жөнiндегi шараларды әзiрлеу;
Дүниежүзiлiк сауда ұйымына (бұдан әрi - ДСҰ) кiру жолымен Қазақстанның әлемдiк сауда жүйесiне тиiмдi ықпалдасуы жөнiндегi мемлекеттiк органдардың қызметiн үйлестiру болып табылады.
5. Комиссияның негiзгi мiндеттерi:
кедендiк баж ставкаларын енгiзу және өзгерту жөнiнде ұсыныстар әзiрлеу;
сауда қызметiн дамыту және тауарларды өндiру мен сату үшiн қолайлы жағдайлар жасау жөнiнде ұсыныстар әзiрлеу;
Қазақстанның ДСҰ-ға, сондай-ақ оның екi жақты және көп жақты сауда келiссөздерi барысында жасалатын жекелеген келiсiмдерiне қосылу шарттары мен кезеңдерiн қоса алғанда, экономикалық саясаттың нақты мәселелерi бойынша ДСҰ-ға кiру үдерiсiнде Қазақстанның келiссөз ұстанымы жөнiнде ұсыныстар әзiрлеу;
өспелi, демпингтiк немесе субсидияланатын тауарлардың Қазақстан Республикасының аумағына импортына байланысты отандық өндiрушiлерге елеулi немесе материалдық зиян келтiру фактiсi немесе осындай зиян келтiру қаупi бар немесе жоқ екенi туралы уәкiлеттi органның Қазақстан Республикасының заңнамасына сәйкес дайындалған тиiстi қорытындысы негiзiнде уақытша шараларды қoca алғанда, қорғау, демпингке қарсы, өтем шараларын қолданудың орындылығы туралы ұсыныстар әзiрлеу;
тауарлардың жекелеген түрлерiн әкелуге тарифтiк квоталарды қолдану туралы ұсыныстар әзiрлеу;
Қазақстан Республикасының халықаралық экономикалық ұйымдар алдындағы мiндеттемелерiн орындау жөнiнде ұсыныстар әзiрлеу;
халықаралық экономикалық ұйымдардың қағидаттары мен ережелерiне оның сәйкестiгiн қамтамасыз ету мақсатында Қазақстан Республикасының заңнамасын, оның iшiнде сауда қызметi саласындағы заңнамасын жетiлдiру жөнiнде ұсыныстар әзiрлеу;
мемлекеттiк қауiпсiздiкке, адамдардың өмiрi мен денсаулығына қауiп төнген жағдайда, сондай-ақ халықаралық санкцияларға қатысу ретiнде жедел тәртiппен қабылданатын шараларды қоспағанда, Қазақстан Республикасының кеден аумағына(н) тауарларды әкелудiң (әкетудiң), оның iшiнде сандық тыйымдарын немесе шектеулерiн қолдану туралы ұсыныстар әзiрлеу;
Қазақстан Республикасында қолданылатын сыртқы экономикалық қызметтiң тауар номенклатурасына өзгерiстер мен толықтырулар енгiзу жөнiндегi ұсыныстарды қарау және дайындау;
преференциялардың ұлттық схемасын өзгерту және нақтылау жөнiндегi ұсыныстарды қарау және дайындау, сауда әрiптестерiмен, оның iшiнде өңiрлiк бiрлестiктер шеңберiнде Қазақстан Республикасының өзара сауда саясаты мәселелерi жөнiндегi ұстанымын әзiрлеу болып табылады.
6. Комиссия өзiне жүктелген мiндеттердi жүзеге асыру үшiн өз құзыретi шеңберiнде:
белгiленген тәртiппен Қазақстан Республикасының Үкiметiне Қазақстан Республикасының сауда қызметi саласындағы заңнамасын жетiлдiру, тауарлардың импорты кезiнде тарифтiк квоталарды, iшкi нарықты қорғау жөнiндегi шараларды, кеден-тарифтiк және тарифтiк емес реттеу шараларын қолдану және Қазақстан Республикасының халықаралық экономикалық ұйымдарға қатысуы жөнiнде ұсыныстар енгiзедi;
заңнамада белгiленген тәртiппен министрлiктерден, ведомстволардан және ұйымдардан Комиссияның құзыретiне кiретiн мәселелер бойынша ақпаратты сұратады және алады;
Комиссияның қарауына енгiзiлетiн мәселелердi шешу жөнiндегi проблемаларды талдауға және ұсыныстар әзiрлеуге ғылыми ұйымдарды, сондай-ақ отандық және шетелдiк сарапшыларды тартады.
5. Комиссияның қызметiн ұйымдастыру
7. Комиссияны төраға басқарады, ол оның қызметiне басшылық жасайды, Комиссияның отырыстарында төрағалық етедi, оның жұмысын жоспарлайды, оның шешiмдерiнiң iске асырылуына жалпы бақылауды жүзеге асырады және қолданыстағы заңнамаға сәйкес Комиссия жүзеге асыратын қызметке, сондай-ақ салааралық, ведомствоаралық үйлестiруге және Комиссия әзiрлейтiн шешiмдерге дербес жауапты болады.
Төраға болмаған уақытта оның функцияларын Комиссия төрағасының орынбасары орындайды.
8. Қазақстан Республикасы Индустрия және сауда министрлiгi Комиссияның жұмыс органы болып табылады.
9. Комиссияның хатшысы Комиссияның отырыстарының күн тәртiбi бойынша ұсыныстарды, қажеттi құжаттарды, материалдарды дайындайды және отырыстар өткiзiлгеннен кейiн хаттамаларды ресiмдейдi.
10. Комиссияның отырыстары қажеттiлiгiне қарай, бiрақ тоқсанына кемiнде бiр рет өткiзiледi.
Комиссияның төрағасы Комиссияның қарауына ұсынылатын материалдардың негiзiнде Комиссияның жоспардан тыс отырыстарын шақырады.
11. Егер Комиссияның отырыстарында Комиссия мyшелерiнiң жалпы санының кемiнде үштен eкici қатысса, ол заңды болып саналады.
Комиссияның мүшелерi отырыстарға алмастыру құқығынсыз қатысады.
12. Комиссияның отырыстары ашық болып табылады.
Төрағаның шешiмi бойынша жабық отырыстар өткiзiлуi мүмкiн.
13. Комиссияның шешiмдерi ашық дауыспен қабылданады және егер оған Комиссия мүшелерiнiң жалпы санының көпшiлiк дауысы берiлсе, қабылданған болып саналады және Комиссияның төрағасы немесе отырысты өткiзген оның орынбасары, сондай-ақ мiндеттi түрде оның барлық мүшелерi қол қоятын хаттамамен ресiмделедi.
Дауыстар тең болған жағдайда төраға дауыс берген шешiм қабылданған болып саналады.
Комиссия мүшелерiнiң ерекше пiкiр бiлдiру құқығы бар, ол бiлдiрген жағдайда, жазбаша түрде жазылуы және хаттамаға қоса берiлуi тиiс.
14. Қажет болған кезде Комиссияның шешiмi хаттаманы ресiмдей отырып, оның мүшелерiне жазбаша сауалдама жүргiзу жолымен қабылдануы мүмкін.
15. Комиссияның төрағасы немесе оның орынбасары отырыстардың күн тәртiбiн, сондай-ақ олардың өткiзiлетiн орны мен уақытын белгiлейдi және нақтылайды.
Қазақстан Республикасы
Үкiметiнiң
2006 жылғы 22 қыркүйектегi
N 903 қаулысына
қосымша
Қазақстан Республикасы Yкiметiнiң күші жойылған кейбір шешiмдерiнiң тізбесі
1. "Қазақстан Республикасының Кеден-тариф саясаты және халықаралық экономикалық ұйымдарға қатысуы мәселелерi жөнiндегi ведомствоаралық комиссиясын құру туралы" Қазақстан Республикасы Yкiметiнiң 2001 жылғы 1 қарашадағы N 1388 қаулысы (Қазақстан Республикасының ПҮКЖ-ы, 2001 ж., N 38, 489-құжат).
2. "Қазақстан Республикасы Үкiметiнiң 2001 жылғы 1 қарашадағы N 1388 қаулысына өзгерiстер енгiзу туралы" Қазақстан Республикасы Үкiметiнiң 2002 жылғы 23 сәуiрдегi N 462 қаулысы (Қазақстан Республикасының ПҮКЖ-ы, 2002 ж., N 12, 123-құжат).
3. "Қазақстан Республикасы Үкiметiнiң 2001 жылғы 1 қарашадағы N 1388 қаулысына өзгерiстер енгiзу туралы" Қазақстан Республикасы Үкіметiнiң 2002 жылғы 11 қазандағы N 1115 қаулысы (Қазақстан Республикасының ПҮКЖ-ы, 2002 ж., N 34, 367-құжат).
4. "Қазақстан Республикасы Yкiметiнiң 2001 жылғы 1 қарашадағы N 1388 қаулысына өзгерiстер енгiзу туралы" Қазақстан Республикасы Үкiметінің 2003 жылғы 2 маусымдағы N 506 қаулысы .
5. "Қазақстан Республикасы Үкiметiнiң кейбiр шешiмдерiне өзгерiстер мен толықтырулар енгiзу туралы" Қазақстан Республикасы Үкiметiнiң 2003 жылғы 10 қарашадағы N 1120 қаулысының 1-тармағының 1) тармақшасы.
6. "Қазақстан Республикасы Yкiметiнiң 2001 жылғы 1 қарашадағы N 1388 қаулысына өзгерiстер енгізу туралы" Қазақстан Республикасы Үкiметiнің 2004 жылғы 2 шiлдедегi N 733 қаулысы .
7. "Қазақстан Республикасы Үкiметiнiң 2001 жылғы 1 қарашадағы N 1388 қаулысына өзгерiстер енгiзу туралы" Қазақстан Республикасы Үкiметiнiң 2005 жылғы 13 маусымдағы N 585 қаулысы (Қазақстан Республикасының ПҮКЖ-ы, 2005 ж., N 23, 299-құжат).