Тасымалдаушының әлеуметтiк мәнi бар қатынастар бойынша жолаушылар тасымалдауды жүзеге асыруына байланысты залалдарын субсидиялау ережесін бекiту туралы

      "Teмip жол көлiгi туралы" Қазақстан Республикасының 2001 жылғы 8 желтоқсандағы Заңына сәйкес Қазақстан Республикасының Yкiметi ҚАУЛЫ ЕТЕДI:

      1. Қоса берiліп отырған Тасымалдаушының әлеуметтік мәнi бар қатынастар бойынша жолаушылар тасымалдауды жүзеге асыруына байланысты залалдарын субсидиялау ережесi бекiтiлсiн.

      2. Осы қаулы 2005 жылғы 1 қаңтардан бастап күшiне енедi.

      Қазақстан Республикасының
      Премьер-Министрі

Қазақстан Республикасы 
Үкiметiнiң      
2004 жылғы 11 қарашадағы
N 1188 қаулысымен  
бекiтiлген    

Тасымалдаушының әлеуметтiк мәні бар қатынастар бойынша
жолаушылар тасымалдауды жүзеге асыруына байланысты
залалдарын субсидиялау ережесi

1. Жалпы ережелер

      1. Осы Тасымалдаушының әлеуметтiк мәнi бар қатынастар бойынша жолаушылар тасымалдауды жүзеге асыруына байланысты залалдарын субсидиялау ережесi (бұдан әрi - Ереже) "Темiр жол көлiгi туралы" Қазақстан Республикасының Заңына сәйкес әзiрлендi және әлеуметтiк мәнi бар қатынастар бойынша жолаушылар тасымалдауды жүзеге асыруға байланысты тасымалдаушының залалдарын субсидиялаудың тәртiбi мен шарттарын (бұдан әрi - субсидиялау) айқындайды.
      2. Әлеуметтік мәнi бар қатынастар (бұдан әрi - қатынастар) бойынша жолаушылар тасымалдауды ұйымдастыру жөнiндегi конкурстың (бұдан әрi - конкурс) нәтижелерi бойынша анықталған тасымалдаушының залалдары субсидиялауға жатады.
      3. Конкурсты өткiзудi ұйымдастырушылар:
      1) облысаралық қатынастар бойынша Қазақстан Республикасының заңнамасына сәйкес көлік саласындағы мемлекеттiк саясатты iске асыруды, Қазақстан Республикасы көлік кешенінің қызметін үйлестірудi, реттеудi және бақылауды жүзеге асыратын уәкілетті орган (бұдан әрі - уәкiлетті орган);
      2) ауданаралық (қалааралық) қатынастар бойынша облыстық бюджеттен қаржыландырылатын жолаушылар тасымалдауды ұйымдастыруға тиiстi облыстардың әкiмдiктерi уәкiлеттiк берген атқарушы органдар (бұдан әрi - атқарушы органдар).

2. Субсидиялар мөлшерін анықтау тәртібі

      4. Облысаралық қатынастарды уәкiлеттi органның ұсынуы бойынша Қазақстан Республикасының Үкiметi, ауданаралық (қалааралық) және iшкi қатынастарды жергілiкті өкiлеттi және атқарушы органдар анықтайды .
      5. Тасымалдаушының облысаралық қатынастардағы тасымалды жүзеге асыруға байланысты залалдары тиiстi жылға арналған республикалық бюджетте көзделген сома шегiнде субсидияланады.
      Тасымалдаушының ауданаралық (қалааралық) және iшкi қатынастардағы тасымалдауды жүзеге асыруға байланысты залалдары тиiстi жергiлiктi бюджеттерде көзделген сомалар шегiнде субсидияланады.
      Жолаушылар тасымалдауды қатынастар бойынша ұйымдастыруға арналған субсидиялардың жалпы сомасы, әлеуметтік мәнi бар қатынастар тiзбесiн және осы Ереженiң 6-тармағында көрсетілген өндiрiстiк көрсеткiштер негiзiнде магистральдық темiр жол желiсiнiң қызмет көрсетулерi тарифтерiнiң деңгейiн есепке ала отырып, жыл сайын тиiстi бюджетте көзделедi.
      Табиғи монополия саласында бақылау мен реттеудi жүзеге асыратын уәкiлетті орган жыл сайын, белгіленген тәртiппен жолаушылар тасымалдауды қатынастар бойынша жүзеге асыратын тасымалдаушылар үшiн тиiстi жылға субсидиялауға көзделген бюджеттік қаражаттарды есепке ала отырып, магистральдық темiр жол желiсiнiң қызмет көрсетулерiнiң тарифтерiне (бағаларына, ставкаларына, алымдарына) уақытша төмендету коэффициентiн бекiтедi.
      Поездардың тiзбесi, олардың әлеуметтiк мәнi бар қатынастарда жүру кезеңдiлігі, осы поездардың субсидияланатын бөлiгiнiң құрамдылығы уәкiлеттi орган және атқарушы органдар жыл сайын өткiзетiн Қазақстан Республикасындағы жолаушылар тасымалдауды талдаудың негiзiнде белгiленедi.
      Әлеуметтік мәні бар қатынастар бойынша жолаушылар поездарының құрамында вагон-мейрамханалардың және багаждық вагондардың қатынастарын заңнамаға сәйкес қамтамасыз ететін тасымалдаушыларға табиғи монополиялар саласындағы бақылау мен реттеуді жүзеге асыратын уәкілетті орган жыл сайын белгіленген тәртіппен осы вагондардың жүрісі үшін магистральдық темір жол желісінің қызметтеріне арналған тарифтерге (бағаларға, ставкаларға, алымдарға) уақытша төмендету коэффициентін белгілейді.
      Ескерту. 5-тармаққа өзгерту енгізілді - ҚР Үкіметінің 2005.12.22. N 1272, 2009.09.11. N 1350 Қаулыларымен.
      6. Бюджеттiк бағдарламаның әкiмшiсi тиiстi бюджеттің шығыс бөлiгiне енгiзу үшін субсидиялар мөлшерiн есептеу әр жолаушы поезы бойынша мынадай өндiрiстiк көрсеткiштер негiзiнде жүргізiледi:
      1) жолаушы айналымы:
      тасымалданатын жолаушылар саны;
      жол жүрудiң орташа қашықтығы;
      2) вагон айналымы (вагондардың жүрген жолы):
      бағыттардың қашықтығы;
      поездың субсидияланатын бөлігінiң құрамдылығы және қатынау жиiлiгi;
      3) вагондардың сыйымдылығы;
      4) бiр жолаушы-километрдiң өзiндiк құны;
      5) бiр жолаушы-километрдiң кiрiс ставкасы;
      6) бағыт шығыстары;
      тасымалдаушының пайдалану шығыстары;
      магистральдық темiр жол желiсiнiң қызмет көрсетулерi үшiн төлем;
      локомотивтiк тарту қызметiн көрсетулерi үшiн төлем;
      7) бағыт кiрiстерi.
      7. Тиiстi бюджеттiк бағдарламада көзделген соманың шегiнде қатынастар бойынша темiр жол көлiгімен мынадай вагон санаттарында жалпы, плацкарт, купе, дизель және электр поездарының вагондары, сондай-ақ мемлекеттiк кепiлдiкпен мемлекеттiк емес қарыз есебiнен сатып алынған вагондарда жолаушылар тасымалдауды жүзеге асыруға байланысты тасымалдаушының нақты залалдары субсидиялауға жатады.
      Субсидияланатын қызметке байланысты нақты шығыстарды қалыптастыру кезінде тасымалдаушылардың осы Ережеге 4-қосымшада көрсетілген шығыстары ескерілмейді.
      Ескерту. 7-тармаққа өзгерту енгізілді - ҚР Үкіметінің 2006.03.03. N 147, 2009.09.11. N 1350 Қаулыларымен.
      8. Конкурсқа қойылатын қатынастар бойынша билеттер бағалары көтерілуінің шектi деңгейiн уәкілеттi орган (атқарушы орган) белгілейдi.
      Ескерту. 8-тармаққа өзгерту енгізілді - ҚР Үкіметінің 2009.09.11. N 1350 Қаулысымен.
      9. Қазақстан Республикасының Үкiметi мен жергіліктi өкілетті және атқарушы органдар белгіленген қатынастар негiзiнде уәкілетті және атқарушы органдар лоттарды қалыптастырады және Қазақстан Республикасының заңнамасына сәйкес конкурс өткiзедi.
      10. Субсидиялардың ең аз көлемiн ұсынатын және уәкiлетті орган белгiлеген мiндетті қызметтердiң тiзбесiмен қоса тасымалдауды үздiксiз жүзеге асыруды қамтамасыз етуге міндеттенетін тасымалдаушы жеңген болып танылады.
      11. Конкурстық комиссия конкурсты өтпеген деп таныған жағдайда конкурстық комиссия:
      1) конкурсты қайтадан өткізу туралы шешім қабылдайды;
      2) конкурсқа қатысуға тек қана бір әлеуетті өнім беруші жіберілген жағдайда, онымен Әлеуметтік мәні бар қатынастар бойынша жолаушылар тасымалдарын жүзеге асыруға байланысты тасымалдаушылардың шығындарын субсидиялау туралы шарттар жасасады. Жасалған Шарттың бағасы бөлінген субсидиялардың сомасынан аспауға тиіс.
       Ескерту. 11-тармаққа өзгерту енгізілді - ҚР Үкіметінің 2008.12.31. N 1302, 2009.09.11. N 1350 Қаулыларымен.      
      12. Егер конкурстың нәтижелері бойынша тасымалдаушы анықталмаса, онда уәкілетті орган (атқарушы орган) осы Ережеге сәйкес есептелген субсидиялар сомасына Жолаушылар, жүк, жүк-багаждың және почта жөнелтілімдерiнiң ұлттық тасымалдаушысымен қатынастар бойынша жолаушылар тасымалын ұйымдастыруға шарт жасасады.
       Ескерту. 12-тармаққа өзгерту енгізілді - ҚР Үкіметінің 2008.12.31. N 1302 Қаулысымен. 
      13. Конкурс жеңiмпазы мен уәкiлетті орган (атқарушы орган) арасында уәкілетті орган (атқарушы орган) бекiткен нысан бойынша жасалған, онда негізгi шарттар, тараптардың құқықтары мен мiндеттерi, өткiзiлген конкурстардың нәтижелері бойынша белгiленген мөлшерде субсидияларды төлеу тәртібi мен мерзiмдерi белгiленген тасымалдаушының әлеуметтiк мәнi бар қатынастар бойынша тасымалды жүзеге асыруға байланысты залалдарын субсидиялау туралы шарт (бұдан әрi - шарт) жасалады.
      13-1. Ағымдағы қаржы жылына арналған тиісті бюджетте көзделген қаражат шегінде тасымалдаудың маусымдылығына және поездардың қозғалыс кестесінің өзгеруіне, сондай-ақ жолаушылар ағынына байланысты тараптардың өзара келісімі бойынша шартқа қосымша келісім жасау арқылы поездардың құрамдылығына және қатынау кезеңділігіне сәйкес субсидиялар сомасын қайта қарауға жол беріледі.
      Ескерту. 13-1-тармақпен толықтырылды - ҚР Үкіметінің 2009.09.11 N 1350, өзгерту енгізілді - ҚР Үкіметінің 2010.05.26 № 477 Қаулыларымен.
      14. Шарт үш жылға дейін мерзімін ұзарту құқығымен 1 жылдық мерзiмге жасалады және келесi күнтiзбелiк жылдың 1-шi қаңтарынан бастап күшiне енедi.
      Ескерту. 14-тармаққа өзгерту енгізілді - ҚР Үкіметінің 2009.09.11. N 1350 Қаулысымен.
      14-1. Шарттың қолданылу мерзімі тиісті бюджетте көзделген субсидиялар көлемінен аспайтын көлемде тендер шарттары орындалған және міндетті сақталған жағдайда келесі қаржы жылына ұзартылады.   
      Ескерту. 14-1-тармақпен толықтырылды - ҚР Үкіметінің 2009.09.11. N 1350 Қаулысымен.   

3. Тасымалдаушының әлеуметтiк мәні бар қатынастар бойынша
жолаушылар тасымалдауды жүзеге асыруына байланысты залалдары
бойынша субсидияларды төлеу тәртiбі мен шарттары

      15. Республикалық бюджеттен субсидияларды төлеу тиісті қаржы жылына арналған стратегиялық жоспарға және төлемдер жөніндегі қаржыландыру жоспарына сәйкес жүргізіледі.
      Ескерту. 15-тармақ жаңа редакцияда - ҚР Үкіметінің 2009.09.11. N 1350 Қаулысымен.
      16. Бiр облыс iшiндегi қалааралық және ауданаралық қатынастар бойынша жергiлiктi бюджеттен субсидияларды төлеу әкiмдiктiң қаулысымен бекiтiлген төлемдер жөнiндегi қаржыландыру жоспарына және бюджеттiк бағдарлама паспортына сәйкес жүргiзiледi.
      Ескерту. 16-тармаққа өзгерту енгізілді - ҚР Үкіметінің 2009.09.11. N 1350 Қаулысымен.
      17. Субсидияларды төлеу нақты жүзеге асырылған және жыл басынан бастап жолаушылар тасымалдауды орындау туралы есеппен және осы Ережеге 1-1 және 2-қосымшаларға сәйкес ресiмделген, орындалған жұмыстар актісімен расталған тасымалдар бойынша ай сайын жүргізіледі.
      Ескерту. 17-тармаққа өзгерту енгізілді - ҚР Үкіметінің 2005.12.22. N 1272 қаулысымен.
      18. Шартта конкурс жеңiмпазы ұсынған субсидияның айлық сомасының 30 пайызына дейiнгі мөлшерде алдын ала төлеу көзделуi мүмкiн.
      19. Тасымалдаушы ай сайын, есептіден кейiнгi айдың 25-шi күнiне дейiнгі мерзiмде ұйымның басшысымен, бас бухгалтерiмен және мөрiмен куәландырылған мынадай құжаттарды уәкілетті органға (атқарушы органға) ұсынады:
      1) осы Ережеге 1 және 1-1-қосымшаларға сәйкес нысандар бойынша жолаушылар тасымалын орындау туралы ай сайынғы есепті және жыл басынан бастап жолаушылар тасымалын орындау туралы есепті;
      2) осы Ережеге 2-қосымшаға сәйкес нысан бойынша орындалған жұмыстар актiсi;
      3) қатынас бойынша орындалған тасымалдар көлемін растайтын және осы поезда тасымалданған жолаушылар, үлгілері бойынша вагондар саны, жолаушылар айналымы, вагондардың толымдығы, сондай-ақ жол жүру құжаттарын сатудан түскен кіріс сомасы туралы мәліметтерді қамтитын магистральдық темір жол желісі операторының құжаты;
      4) тасымалдаушы мен магистральдық темір жол желісі, локомотивтік тарту операторы арасындағы есепті айдың бірінші күніне өзара есеп айырысуларды салыстыру актісі;
      5) осы Ережеге 1-2, 1-3-қосымшаларға сәйкес темір жол жолаушылар тасымалын орындау кезіндегі шығыстар мен кірістер бойынша ай сайынғы есептер;
      6) осы Ережеге 1-4-қосымшаға сәйкес тасымалдаушының темір жол көлігімен жолаушылар тасымалын ұйымдастыру жөніндегі тікелей шығыстарының тізілімі.
      Ескерту. 19-тармаққа өзгерту енгізілді - ҚР Үкіметінің 2005.12.22. N 1272, 2009.09.11. N 1350 Қаулыларымен.
      20. Уәкiлеттi орган (атқарушы орган) орындалған жұмыстар актiсiн қабылдағаннан кейiн Қазақстан Республикасы Қаржы министрлiгiнiң аумақтық қазынашылық органына осы Ережеге 3-қосымшаға сәйкес субсидияланатын бағыттардың тiзiлiмдерiн және төлеуге арналған шоттарды ұсынады.
      21. Әлеуметтік мәні бар қатынастар бойынша темір жол жолаушылар тасымалын жүзеге асыратын тасымалдаушылар бағыттар бөлінісінде кірістердің, шығындардың және іске тартылған активтердің жеке есебін жүргізеді.
      Ескерту. 21-тармақпен толықтырылды - ҚР Үкіметінің 2009.09.11. N 1350 Қаулысымен.

Тасымалдаушының әлеуметтік  
мәні бар қатынастар бойынша 
жолаушылар тасымалдауды жүзеге
асыруына байланысты залалдарын 
субсидиялау ережесіне     
1-қосымша            

      Ескерту. 1-қосымшаға өзгерту енгізілді - ҚР Үкіметінің 2005.12.22. N 1272 қаулысымен.

                 Жолаушылар тасымалдауды орындау туралы есеп
(ай сайын)

__________________________________________________________________
1   | 2   3 |  4 | 5  | 6 |  7 |  8 |  9   | 10  |  11  |  12
__________________________________________________________________
Ке. |По.|Қа.|Қа. |Қа. |Ва.|Құ. |Ва. |Жолау.|1 жо.|Жолау.|Бағыт
зең |езд|ты.|шық.|ты. |гон|рам.|гон.|шы ай.|лаушы|шылар |бой.
(ай)|N  |нас|тық,|нау |тү.|дағы|дар.|налы. |-км  |тасы. |ынша
    |   |   |км  |ке. |рі |ва. |дың |мы,   |өзін.|мал.  |кіріс
    |   |   |    |зең.|   |гон.|жүр.|жолау.|дік  |данды |мың тг
    |   |   |    |ді. |   |дар.|ген |шы, км|құны |      |
    |   |   |    |лігі|   |дың |жолы|      |     |      |
    |   |   |    |    |   |саны|ваг/|      |     |      |
    |   |   |    |    |   |    |км  |      |     |      |
__________________________________________________________________

      таблицаның жалғасы:

____________________________________
          13           |     14    |
_______________________|___________|
Тасымалдар бойынша     |Шығыстар   |
шығыстар               |жиыны мың  |
_______________________|тг         |
МТЖ қыз.|Локо.|Тасымал.|           |
меттер  |мотив|даушының|           |
көрсе.  |тар. |шығыс.  |           |
туі,    |тымы.|тары    |           |
мың тг  |ның  |мың тг  |           |
        |қыз. |        |           |
        |меті |        |           |
        |мың  |        |           |
        |тг   |        |           |
____________________________________

      Тасымалдаушы

      Бас бухгалтер

      М.о.

                                        Тасымалдаушының әлеуметтік
                                        мәні бар қатынастар бойынша
                                      жолаушылар тасымалдауды жүзеге
                                      асыруына байланысты залалдарын
                                           субсидиялау ережесіне
                                                1-1 қосымша

      Ескерту. 1-1-қосымшамен толықтырылды - ҚР Үкіметінің 2005.12.22. N 1272 қаулысымен.

           Жолаушылар тасымалын орындау туралы есеп
                     200__жылдың_________
                      (жыл басынан бастап)

      кестенің жалғасы

      Тасымалдаушының әлеуметтік мәні бар  
қатынастар бойынша жолаушылар тасымалдауды
жүзеге асыруына байланысты залалдарын
субсидиялау ережесіне       
1-2-қосымша             

      Ескерту. 1-2-қосымшамен толықтырылды - ҚР Үкіметінің 2009.09.11. N 1350 Қаулысымен.      

Темір жолмен жолаушылар тасымалын орындау кезіндегі
кірістер бойынша

20 __ жылғы ____________________ есеп

кестенің жалғасы

Ескертпе:
1) Қазақстан аумағында әлеуметтік мәні бар вагодар бойынша шығыстар, барлығы ______________________ мың теңге
2) Әлеуметтік мәні бар вагондар бойынша кірістер (билеттер, төсек-орын, шай сатудан, басқа да тасымалдаушыларға қызмет көрсетуден) __________________ мың теңге
3) Қазақстан Республикасы әлеуметтік мәні бар вагондар бойынша кірістер, барлығы ____________ мың теңге
4) Шығыстар мен кірістер арасындағы айырма {әлеуметтік мәні бар вагондар бойынша) ____________ мың теңге

Басшы __________________        Бас бухгалтер ______________
      Т.А.Ә. қолы                             Т.А.Ә. қолы

Тасымалдаушының әлеуметтік мәні  
бар қатынастар бойынша жолаушылар 
тасымалдауды жүзеге асыруына  
байланысты залалдарын субсидиялау
ережесіне           
1-3-қосымша          

      Ескерту. 1-3-қосымшамен толықтырылды - ҚР Үкіметінің 2009.09.11. N 1350 Қаулысымен.

Темір жолмен жолаушылар тасымалын орындау кезіндегі
шығыстар бойынша

20 __ жылғы ______________ есеп

Ескертпе:
1) Әлеуметтік мәні бар вагондар бойынша шығыстар,
барлығы _____________________ мың теңге
2) Қазақстан аумағындағы әлеуметтік мәні бар вагондар бойынша
шығыстар, барлығы ___________ мың теңге

Басшы _________________              Бас бухгалтер ________________             Т.А.Ә. қолы                                  Т.А.Ә. қолы

Тасымалдаушының әлеуметтік мәні бар
қатынастар бойынша жолаушылар  
тасымалдауды жүзеге асыруына  
байланысты залалдарын      
субсидиялау ережесіне      
1-4-қосымша           

      Ескерту. 1-4-қосымшамен толықтырылды - ҚР Үкіметінің 2009.09.11. N 1350 Қаулысымен.

Тасымалдаушының темір жол көлігімен жолаушылар тасымалын
ұйымдастыру жөніндегі тікелей шығыстарының тізілімі

_________________________ жылдың _____________ айына
(тасымалдаушының атауы)

(мың теңге)

Басшы __________________          Бас бухгалтер __________________
         Т.А.Ә. қолы                               Т.А.Ә. қолы

       Тасымалдаушының әлеуметтiк  
мәнi бар қатынастар бойынша 
жолаушылар тасымалдауды жүзеге
асыруына байланысты залалдарын
субсидиялау ережесiне   
2-қосымша       

      Ескерту. 2-қосымшаға өзгерту енгізілді - ҚР Үкіметінің 2009.09.11. N 1350 Қаулысымен.

Орындалған жұмыстар актiсi

200_жылғы "_"______

      Бiз, төменде қол қойғандар,
______________________________________________
(актілерді қабылдауға жауапты басшының қолы, Т А.Ә.)
бiр тараптан және_____________________________
(басшының, бас бухгалтердiң қолы, Т.А.Ә.)
      екiншi тараптан, 200_жылғы____________ айы iшiнде орындалған
жұмыстардың осы актіні жасадық.

__________________________________________________________________
Поезд|Рейс.|   Вагон айналымы      |Бағытты субсидиялау
N    |тер  |_______________________|сомасы (мың тг)
     |саны |вагон|вагон|вагон|вагон|
     |     |түрi |түрi |түрi |түрi |
__________________________________________________________________
   1    2     3     4     5     6        7
__________________________________________________________________

      200_жылғы___________айына арналған субсидиялау сомасы
___________________________________________________құрайды
(теңгедегі сомасы цифрмен және жазбаша)

      Тараптардың заңды мекен-жайлары:
      Уәкілетті орган:                 Тасымалдаушы:
      СТН                              СТН
      Банктiк деректемелер             Банктiк деректемелер
      ____________________________     ______________________
      (басшының қолы, Т.А.Ә.)          (басшының қолы, Т.А.Ә.)

      ____________________________     ______________________
      (актілерді қабылдауға жауапты   (бас бухгалтердің қолы,
          басшының қолы, Т.А.Ә.)                Т.А.Ә.)
               М.о.                          М.о.

Тасымалдаушының әлеуметтiк 
мәнi бар қатынастар бойынша 
жолаушылар тасымалдауды жүзеге
асыруына байланысты залалдарын 
субсидиялау ережесiне     
3-қосымша         

      Ескерту. 3-қосымшаға өзгерту енгізілді - ҚР Үкіметінің 2009.09.11. N 1350 Қаулысымен.

Субсидияланатын бағыттардың
тізілімі

200_жылғы "_"______

__________________________________________________________________
P/c N|Бағыттың|Жөнелту   |Жеткізу  |Бағытты субсидиялау
     | N      |станциясы |станциясы|сомасы (мың тг)
__________________________________________________________________
  1      2         3          4          5
__________________________________________________________________

      Субсидиялау сомасының жиыны:___________________________
                             (теңгедегi сомасы цифрмен және жазбаша)
      Осы тiзiлiмге мыналар қоса берiледi:
      1._________________________
      2._________________________
      3._________________________

      Тасымалдаушы:                         Уәкiлеттi орган:
      ______________________            ______________________
      (басшының қолы, Т.А.Ә.            (басшының қолы, Т.А.Ә.)
      ______________________           ______________________
     (актілерді қабылдауға жауапты     (бac бухгалтердiң қолы,
          басшының қолы, Т.А.Ә.)                Т.А.Ә.)
             М.о.                            М.о.

      Тасымалдаушының әлеуметтік мәні   
бар қатынастар бойынша жолаушылар  
тасымалдауды жүзеге асыруына байланысты
залалдарын субсидиялау ережесіне  
4-қосымша           

      Ескерту. 4-қосымшамен толықтырылды - ҚР Үкіметінің 2009.09.11. N 1350 Қаулысымен.

Тасымалдаушылардың субсидияланатын қызметке байланысты нақты
шығыстарын қалыптастыру кезінде ескерілмейтін шығыстардың
тізбесі

      Субсидияланатын қызметке байланысты нақты шығыстарды қалыптастыру кезінде тасымалдаушылардың мынадай:
      1) нормативтен тыс техникалық және коммерциялық ысыраптар, тауарлық-материалдық құндылықтардың бүлінуі мен жетіспеуі және қоймалардағы тауарлар қорлары, басқа да өндірілмейтін шығыстар (жұмысты ұйымдастыру сапасына және басқа да факторларға байланысты әр түрлі сипаттағы ысыраптарды жабатын өндірістік қызметке арналған шығындар) мен ысыраптар;
      2) ластағыш заттардың нормативтен тыс шығарындылары (тастандылары) үшін төленетін төлемдер;
      3) үмітсіз борыштар (Қазақстан Республикасының заңнамасына сәйкес талап қою мерзімі аяқталған дебиторлық берешек);
      4) шаруашылық шарттардың талаптарын бұзғаны үшін айыппұлдар, өсімпұлдар, тұрақсыздық айыбы мен санкциялардың басқа түрлері;
      5) кірісті жасырғаны (азайтқаны) үшін төленетін айыппұлдар мен өсімпұлдар;
      6) ұрлықтардан келген зияндар;
      7) ақаудан болған ысыраптар;
      8) қызмет көрсететін шаруашылықтар мен учаскелерді ұстау (үй-жайларды тегін беру, қоғамдық тамақтандыру ұйымдарына коммуналдық қызметтер құнын төлеу және т.б.);
      9) денсаулық сақтау объектілерін, мектепке дейінгі балалар ұйымдарын, оқу орындарын, оның ішінде кәсіптік-техникалық училищелерді ұстау;
      10) сауықтыру лагерьлерін, мәдениет және спорт объектілерін, тұрғын үй қорын ұстау;
      11) ұйым қызметкерлері тұрғын үй жағдайларын жақсартуға, саяжай үйлерін сатып алуға және үй шаруашылығымен айналысуға алған несиелерді (пайызсыздарды қоса алғанда) өтеу;
      12) мәдени-ағарту, сауықтыру және спорттық іс-шараларды (демалыс кештерін, концерттерді және басқаларды) өткізу;
      13) демеушілік және қайырымдылық көмек көрсету;
      14) жолаушыларды темір жол көлігімен әлеуметтік бар қатынастар бойынша тасымалдау жөніндегі қызметтер көрсетуге тікелей қатысы жоқ шығыстардың басқа да түрлері бойынша шығыстары ескерілмейді.