1. Қоса берiлiп отырған Жеке тұлғалардың тауарларды Қазақстан Республикасының кеден шекарасы арқылы оңайлатылған, жеңiлдетiлген тәртiппен өткiзу ережесi бекiтiлсiн.
2. Қазақстан Республикасының Мемлекеттiк кiрiс министрлiгi бiр ай
мерзiмде оларды өткiзушi тұлғалардың санаттарына қарамастан, жеке тұлғалардың белгіленген нормаларға сәйкес тауарларды өткiзуiн бақылаудың тетiгiн реттейтiн нормативтiк құқықтық кесiмдi әзiрлесiн және бекiтсiн. 3. Қосымшаға сәйкес Қазақстан Республикасы Yкiметiнiң кейбiр шешiмдерiнiң күшi жойылды деп танылсын. 4. Осы қаулы жарияланған күнiнен бастап отыз күн өткеннен кейiн күшiне енеді. Қазақстан Республикасының Премьер-Министрі Қазақстан Республикасы Үкiметiнiң 2001 жылғы 31 мамырдағы N 741 қаулысымен бекiтiлген Жеке тұлғалардың тауарларды Қазақстан Республикасының кеден шекарасы арқылы оңайлатылған, жеңiлдетiлген тәртiппен өткiзу ЕРЕЖЕСI 1. Жалпы ережелер
1. Осы Ереже жеке тұлғалардың тауарларды Қазақстан Республикасының кеден шекарасы арқылы өткізуiнiң жеңiлдетiлген және оңайлатылған тәртiбiн айқындайды.
2. Жеке тұлғалар, Қазақстан Республикасының заңнамасына сәйкес Қазақстан Республикасына әкелуге немесе Қазақстан Республикасынан әкетуге тыйым салынған тауарларды қоспағанда, кез келген тауарларды Қазақстан Республикасының кеден шекарасы арқылы өткiзе алады.
3. Жеке тұлғалардың тауарларды Қазақстан Республикасының кеден аумағына әкелуi және Қазақстан Республикасының кеден аумағынан әкетуi кеден төлемдерi мен салықтарын төлеу, тарифтiк емес реттеу шараларын сақтау, сондай-ақ жеке тұлғалардың тауарларды жеңiлдетiлген тәртiппен өткізуiн қоспағанда, Қазақстан Республикасының заңнамасымен белгiленген басқа да талаптарды орындау шартымен жүзеге асырылады.
4. Жеке тұлғалардың тауарларды өткiзуiнiң жеңілдетiлген тәртiбi өзiне Қазақстан Республикасының заңнамасына сәйкес Қазақстан Республикасына әкелуге немесе Қазақстан Республикасынан әкетуге шек қойылған тауарларды қоспағанда, "Қазақстан Республикасындағы кеден iсi туралы" Қазақстан Республикасының 1995 жылғы 20 шiлдедегi Заңының (бұдан әрi - Кеден iсi туралы заң) 108-бабына сәйкес кеден төлемдерiн толық босатуды және тарифтiк емес реттеу шараларын қолданбауды, сондай-ақ сертификаттауды қамтиды.
Салықтардан босату салық заңнамасына сәйкес жүргізіледі.
Жеңілдетiлген тәртiппен өткiзiлетiн тауарлар өндiрiстiк немесе өзге де коммерциялық қызмет үшiн пайдаланылмайды.
5. Оңайлатылған тәртiп Қазақстан Республикасы Мемлекеттiк кiрiс министрлiгiнiң Кеден комитетi (бұдан әрi - ҚР МКМ КК) белгiлейтiн тәртiппен мәлiмдеудiң оңайлатылған нысанын қолдануды көздейдi.
6. Қазақстан Республикасының кеден аумағында/одан тысқары жерлерде тұрақты болу немесе тұтынылу мақсатында жеке тұлғалардың Қазақстан Республикасының кеден шекарасы арқылы өткiзетiн тауарлардың арналуын осы Ережеге 1-қосымшада көрсетiлген өлшемдерге сәйкес кеден органының лауазымды тұлғасы айқындайды.
7. Кеден төлемдерi мен салықтары төленбеген және (немесе) Қазақстан Республикасы заңнамасының өзге де талаптары орындалмаған жағдайда, жеке тұлғалар әкелетiн (әкететiн) тауарлар, егер Қазақстан Республикасының заңнамалық кесімдерінде немесе Қазақстан Республикасының халықаралық шарттарында мұндай тауарларды тәркiлеу көзделмесе, Кеден iсi туралы заңның 179-бабына сәйкес уақытша сақтау қоймаларына орналастырылады не жеке тұлғаның тілегi бойынша Қазақстан Республикасынан тысқары жерлерге (Қазақстан Республикасының аумағына) дереу қайтарылуы мүмкiн.
8. Кеден одағына қатысушы мемлекеттердiң аумағында тұрақты тұратын тұлғалар үшін көзделген жеңілдетілген тәртiппен өткiзiлетiн тауарларды кедендiк ресiмдеу:
жеке тұлғаның Кеден одағына қатысушы мемлекеттердiң бiрiнiң аумағында тұрақты тұратындығы фактiсiн;
тауарлардың Кеден одағына қатысушы мемлекеттердiң аумағынан шығарылғандығын растайтын қолданылып жүрген құжаттар болған жағдайда жүзеге асырылады.
9. Тауарлардың шыққан елiн растайтын құжаттарды ұсыну Кеден iсi туралы заңның 21-тарауына және Қазақстан Республикасы бекiткен халықаралық шарттарға сәйкес жүзеге асырылады.
10. Осы Ережеде көзделмеген барлық жағдайларда не жеке тұлға тауарларды Қазақстан Республикасының кеден шекарасы арқылы өткiзудiң оңайлатылған, жеңiлдетiлген тәртiбiн қолданудан бас тартқан кезде, кедендiк ресiмдеудiң жалпы белгiленген тәртiбi қолданылады.
2. Жеке тұлғалардың тауарларды әкелуi (әкетуi)
11. Қазақстан Республикасының кеден аумағы арқылы жүретiн жеке тұлғалардың Қазақстан Республикасының кеден аумағына (кеден аумағынан) әкелетiн (әкететiн) тауарларды өткiзуiнiң жеңiлдетiлген тәртiбiне сәйкес кедендiк ресiмдеу мынадай жағдайларда:
1) осы мемлекеттерде тұрақты тұратын жеке тұлғалардың Кеден одағына қатысушы мемлекеттерден (қатысушы мемлекеттерге) осы мемлекеттерде шығарылған және өндiрiстiк немесе өзге де коммерциялық қызмет үшiн арналмаған тауарларды әкелуi (әкетуi) кезiнде;
2) үшiншi елдерден (үшiншi елдерге) шығарылған, өндiрiстiк немесе өзге де коммерциялық қызмет үшiн арналмаған, жол жүгiнiң жалпы салмағы бiр адамға шаққанда 50 (елу) килограмға дейiнгi шектегi жалпы құны 1000 (мың) АҚШ долларына баламалы сомадан аспайтын тауарларды әкелу (әкету) кезiнде;
3) Қазақстан Республикасына (шет мемлекетке) тұрақты тұру үшiн қоныс аударған жеке тұлғалардың өндiрiстiк және өзге де коммерциялық қызмет үшiн арналмаған тауарларды әкелуi (әкетуi) кезiнде кеден төлемдерiн төлеуден толық босатылып (сақтағаны үшiн алымдарды қоспағанда), тарифтiк емес реттеу шаралары қолданылмастан жүргiзiледi.
12. Осы Ереженiң 11-тармағының 1) және 2) тармақшаларында көрсетілген тауарларды мәлiмдеу ауызша нысанда жүргiзіледi.
13. Осы Ереженiң 11-тармағының 3) тармақшасында көрсетiлген тауарларды мәлiмдеу олардың құны мен санына қарамастан оңайлатылған нысанда жүргiзiледi.
14. Жалпы салмағы қоса есептегенде 250 (екi жүз елу) килограмм болатын, оларға қатысты тауарларды Қазақстан Республикасының кедендiк шекарасы арқылы өткiзудiң жеңiлдiктi тәртiбi көзделмеген тауарларды кедендiк ресiмдеу, олардың құнының 5000 (бес) мың АҚШ долларынан аспауы шартымен мәлiмдеудiң оңайлатылған нысандары қолданыла отырып жүргiзiледi. Бұл ретте оңайлатылған нысанда мәлiмделетiн тауарларға кедендiк төлемдер, салықтар, сондай-ақ кедендiк ресімдеудiң жалпы белгiленген тәртiбi кезінде қолданылатын тарифтiк және тарифтiк емес реттеудiң басқа да шаралары қолданылады.
15. Жеке тұлғалар Қазақстан Республикасының кеден аумағы арқылы өткiзетiн тауарлардың кедендiк құны Кеден ісi туралы заңның 122 және 128-баптарында көрсетiлген iс жүзiндегi шығыстар ескерiле отырып, шетелдiк сауда ұйымдары анықтамаларының, чектерiнiң, шоттарының, түбiртектерiнiң, тауарлы-көлiктiк жүк құжаттарының, сондай-ақ жүк чектерiнiң немесе түбiртектерiнiң негiзiнде айқындалады.
Жеке тұлға мәлiмдеген кедендiк құнды растайтын құжаттар болмаған жағдайда тауарлардың кедендiк құны Кеден iсi туралы заңның 129-133-баптарына сәйкес айқындалады.
3. Жеке тұлғалардың тауарларды уақытша әкелуi (әкетуi)
16. Жеке тұлғалар Қазақстан Республикасының кеден шекарасы арқылы жүрген кезде бұл тұлғаларға Қазақстан Республикасының аумағында (уақытша болатын елде) жеке пайдалануы үшiн қажеттi тауарларды, бастапқы келген (кеткен) кезде тауарларды кеден органдарына мәлiмдеуi шартымен, кеден төлемдерi мен салықтарын төлеместен уақытша әкеле (әкете), сондай-ақ уақытша әкелiнген (әкетiлген) тауарларды керi әкете (әкеле) алады.
Мұндай тауарлардың тiзбесi осы Ережеге 2-қосымшада келтiрiлген.
Уақытша әкелiнген тауарлар иелiктен шығарыла, басқа тұлғалардың иелiгiне, пайдалануына немесе билiгiне берiле алмайды.
17. Қазақстан Республикасынан тысқары жерлерде тұрақты тұрғылықты жерi бар тұлғалар ғана тауарларды жеңiлдетiлген, оңайлатылған тәртiппен Қазақстан Республикасының кеден аумағына уақытша әкеле, ал Қазақстан Республикасында тұрғылықты тұратын жерi бар және Қазақстан Республикасынан тысқары жерлерге уақытша шығатын тұлғалар - көрсетілген тәртіппен уақытша әкете алады.
18. Жеке тұлғалардың тауарларды жеңiлдетiлген, оңайлатылған тәртiппен уақытша әкелуiне (әкетуiне) кеден органы сапардың мақсаттары мен барлық өзге де жағдайларын (ұзақтығы, маусымы және с.с.) ескере отырып және тұлғаның Қазақстан Республикасының аумағында (уақытша болған елде) іс жүзінде болу уақытынан аспайтын мерзімге рұқсат етеді.
Жеңіл автомобильдер мен оларға тіркемелерді екі айдан аспайтын мерзімге оңайлатылған тәртіппен уақытша әкелуге жол беріледі.
4. Қазақстан Республикасының кеден аумағы арқылы жеке
тұлғалар тауарларының транзитi
19. Жеке тұлғалар Қазақстан Республикасының кеден аумағы арқылы өткiзетiн, олардың жалпы салмағы 250 (екi жүз елу) килограмнан аспауы шартымен, құны қоса есептегенде 5000 (бес мың) АҚШ долларына дейiн тауарларды мәлiмдеуi Кеден iсi туралы заңға сәйкес тауарлардың транзитi режимiне қойылатын талаптар сақтала отырып, мәлімдеудің оңайлатылған нысандарын қолдану арқылы жүргiзiледi.
5. Тауарларды халықаралық почта жөнелтiлiмдерiмен өткiзу
20. Жеке тұлғалар Қазақстан Республикасының кеден аумағынан не жеке тұлғаның атына Қазақстан Республикасының кеден аумағына халықаралық почта жөнелтiлiмдерiмен жiберетiн, өндiрiстiк немесе өзге де коммерциялық қызмет үшiн арналмаған тауарларды кедендiк ресiмдеу олардың салмағы 31 (отыз бiр) килограмнан аспауы, ал жалпы құны қоса есептегенде 1000 (мың) АҚШ долларына баламалы сомадан аспауы шартымен кеден төлемдерiн төлеуден толық босатыла отырып және тарифтiк емес реттеу шаралары қолданылмастан жүргiзiледi.
21. Қазақстан Республикасының нормативтiк құқықтық кесiмдерiне сәйкес мұндай жiберуге тыйым салынған тауарлар халықаралық почта жөнелтiлiмдерiмен Қазақстан Республикасының кеден шекарасы арқылы өткiзуге жатпайды.
Жеке тұлғалардың тауарларды
Қазақстан Республикасының кеден шекарасы арқылы оңайлатылған, жеңiлдетiлген тәртiппен өткiзу ережесiне 1-қосымша
Жеке тұлғалардың Қазақстан Республикасының кеден
шекарасы арқылы өткiзетiн тауарлардың мақсатқа арналуын айқындаудың өлшемдерi Тауарлар өндiрiстiк немесе өзге де коммерциялық қызмет мақсатына арналған деп қарастырылады, егер: 1. Тауарларды өткiзу жиiлiгi айына 1 (бiр) реттен асатын болса; 2. Тауарлардың сипаты мына төмендегi санаттардың бiрiне сәйкес келсе: 1) көлiк құралдары мен олардың бөлшектерi, оның iшiнде жол полициясы органдарында есепке алуға жататындар; 2) Қазақстан Республикасының кеден аумағына Қазақстан Республикасының Yкiметi акциздер салудан босату үшiн белгілеген нормалардан артық әкелiнген акцизделетiн тауарлар; 3) кәсiби жабдықтар (өндiрiстiк немесе өзге де коммерциялық қызметтi жүзеге асыру үшiн еңбек құралдары ретiнде пайдаланылатын жабдықтар); 4) станоктар; 5) шикiзаттар; 6) шала өнiмдер; 7) ауыл шаруашылығы техникасы; 8) құрылыс материалдары; 9) жинақтаушы бұйымдар. 3. Тауарлардың саны мынадай көрсеткiштерден асса: киiм - бiр адамға шаққанда бiр атаудағы, мөлшердегi және үлгiдегi 2 (екi) зат (пайдалануда болғандарды қоспағанда); бас киiм - бiр адамға шаққанда бiр атаудағы, мөлшердегi және үлгiдегi 2 (екi) зат (пайдалануда болғандарды қоспағанда); аяқ киiм - бiр адамға шаққанда бiр атаудағы, мөлшердегi және үлгiдегi 2 (екi) зат (пайдалануда болғандарды қоспағанда); тағам өнiмдерi - бiр адамға 10 (он) кг; туалеттік керек-жарақтар мен парфюмериялық-косметикалық бұйымдар - бiр адамға бiр атаудағы 3 (үш) зат (пайдалануда болғандарды қоспағанда); жиhаз - бiр адамға 1 (бiр) жиынтық немесе гарнитур;*) асханалық тұрмыстық ыдыс-аяқтар мен аспаптар - бiр адамға бiр түрдегi 2 (екi) жиынтық немесе сервиз;*) төсек-орын керек-жарақтары - бiр адамға бiр түрдегi 2 (екi) жиынтық;*) фототехника, аудиотехника, бейнетехника, ұйымдастыру техникасы, тұрмыстық техника және электр аспаптары - бiр адамға әр атаудан 1 (бiр) зат;*) зергерлiк бұйымдар - бiр адамға 6 (алты) зат; музыка аспаптары - бiр адамға 1 (бiр) зат; спорттық мүкәммал - бiр адамға 1 (бiр) зат; дәрi-дәрмек құралдары - бiр адамға 500 грамм; баспа басылымдары, бейнекассеталар, аудиокассеталар, шағын дискілер, фотопленкалар - бiр адамға әр атаудан 10 (он) дана;*) велосипедтер - бiр адамға 2 (екi) дана; балалар ойыншықтары - бiр адамға 2 (екі) жиынтық пен модель;*) балалар арбасы - бiр адамға 1 дана;
үй шаруашылығында немесе тұрмыста пайдаланылатын жоғарыда аталмаған басқа да заттар - бiр адамға әрбiр атаудан 2 (екi) зат.
_______________________
Ескерту:
Жиынтық - бұл бiрдеңенiң толық жинағы, құрамы. Тауардың құрамы (жиынтықтылығы) "Құрамы" немесе "Жиынтықтылығы" деген атауы бар тiзбе түрiнде тұтынушыға арналған ақпаратта (этикеткалар, таңбалар, жапсырма қағаздар, паспорт, формуляр, қолдану жөнiндегi басшылық) көрсетiлуi тиiс.
*) Көрсеткіштер Қазақстан Республикасына/нан тұрақты тұруға қоныс аударатын жеке тұлғалар оларды өткiзген кезде пайдалануда болған тауарларға қатысты қолданылмайды.
Жеке тұлғалардың тауарларды
Қазақстан Республикасының кеден шекарасы арқылы оңайлатылған, жеңiлдетiлген тәртiппен өткiзу ережесiне 2-қосымша
Кеден төлемдерi мен салықтарын төлеместен уақытша
әкелуге (әкетуге) рұқсат етiлетiн тауарлардың ТІЗБЕСI 1. Киiм, бас киiмдер, аяқ киiм. 2. Жұмсалатын тауарларды қоспағанда, туалет бұйымдары. 3. Жеке зергерлiк әшекейлер. 4. Фото-, кино-, бейнекамералар мен оларға жабдықтар. 5. Тасымалданатын слайд- және кинопроекторлар мен оларға жабдықтар. 6. Тасымалданатын бейнемагнитофондар мен оларға жабдықтар. 7. Тасымалданатын музыкалық аспаптар. 8. Күйтабақтарымен бiрге тасымалданатын ойнатқыштар. 9. Yнтаспаларымен бiрге тасымалданатын дыбыс жазғыш және шығарғыш аппаратура (диктофондарды қоса алғанда). 10. Тасымалданатын радиоқабылдағыштар. 11. Тасымалданатын телевизорлар. 12. Тасымалданатын жазу машинкалары. 13. Тасымалданатын калькуляторлар. 14. Тасымалданатын жеке компьютерлер. 15. Дүрбiлер. 16. Балалар арбалары. 17. Мүгедектерге арналған арбалар. 18. Спорт жабдықтары мен керек-жарақтары. 19. Тасымалданатын диализаторлар мен осындай медициналық аспаптар. 20. Ұялы байланыстың мобильдi телефондары. 21. Жеңiл автомобильдер мен оларға тiркемелер. Қазақстан Республикасы Үкіметінің 2001 жылғы 31 мамырдағы N 741 қаулысына қосымша Қазақстан Республикасы Үкіметінің күші жойылған кейбір шешімдерінің Тізбесі
1. "Қазақстан Республикасының кеден шекарасы арқылы жеке тұлғалардың тауарларды, соның ішінде көлік құралдарын да өткізуінің тәртібі туралы" Қазақстан Республикасы Үкіметінің 1996 жылғы 31 желтоқсандағы N 1712 P961712_ қаулысы (Қазақстан Республикасының ПҮКЖ-ы, 1996 ж., N 53, 512-құжат).
2. "Қазақстан Республикасы Үкіметінің 1996 жылғы 31 желтоқсандағы N 1712 қаулысына өзгеріс енгізу туралы" Қазақстан Республикасы Үкіметінің 1997 жылғы 1 тамыздағы N 1204 P971204_ қаулысы (Қазақстан Республикасының ПҮКЖ-ы, 1997 ж., N 35, 326-құжат).
3. "Қазақстан Республикасы Үкіметінің 1996 жылғы 31 желтоқсандағы N 1712 қаулысына толықтырулар енгізу туралы" Қазақстан Республикасы Үкіметінің 1997 жылғы 28 мамырдағы N 898 P970898_ қаулысы (Қазақстан Республикасының ПҮКЖ-ы, 1997 ж., N 23, 207-құжат).
4. "Қазақстан Республикасында өндірілетін және Қазақстан Республикасының кеден аумағына әкелінетін акцизделетін тауарларға арналған акциз ставкалары туралы" Қазақстан Республикасы Үкіметінің 1998 жылғы 26 маусымдағы N 608 P980608_ қаулысының (Қазақстан Республикасының ПҮКЖ-ы, 1998 ж., N 20, 176-құжат) 3-тармағының 2) тармақшасы.
5. "Қазақстан Республикасы Үкіметінің кейбір шешімдеріне өзгерістер
мен толықтырулар енгізу туралы" Қазақстан Республикасы Үкіметінің 1998 жылғы 21 қыркүйектегі N 927 P980927_ қаулысы (Қазақстан Республикасының ПҮКЖ-ы, 1998 ж., N 33, 300-құжат). 6. "Қазақстан Республикасы Үкіметінің 1996 жылғы 31 желтоқсандағы N 1712 қаулысына өзгерістер енгізу туралы" Қазақстан Республикасы Үкіметінің 1998 жылғы 30 қыркүйектегі N 979 P980979_ қаулысы (Қазақстан Республикасының ПҮКЖ-ы, 1998 ж., N 34, 314-құжат). Мамандар: Багарова Ж.А., Икебаева А.Ж.