Ескерту. Бұйрықтың тақырыбы жаңа редакцияда - ҚР Еңбек және халықты әлеуметтік қорғау министрінің 30.09.2026 № 380 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
"Халықтың көші-қоны туралы" Қазақстан Республикасы Заңын 11-бабы 14-5) тармақшасына және "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес БҰЙЫРАМЫН:
Ескерту. Кіріспе жаңа редакцияда - ҚР Еңбек және халықты әлеуметтік қорғау министрінің 29.05.2026 № 222 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.1. Қоса беріліп отырған:
1) осы бұйрыққа 1-қосымшаға сәйкес Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидалары;
2) осы бұйрыққа 2-қосымшаға сәйкес шетел азаматының немесе азаматтығы жоқ адамның өз бетінше жұмысқа орналасуы үшін басым салалардың (экономикалық қызмет түрлерінің) және олардағы сұранысқа ие кәсіптердің тізбесі бекітілсін.
Ескерту. 1-тармақ жаңа редакцияда - ҚР Еңбек және халықты әлеуметтік қорғау министрінің 30.09.2026 № 380 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.2. осы бұйрыққа 3-қосымшаға сәйкес Қазақстан Республикасы Денсаулық сақтау және әлеуметтік даму министрлігінің және Қазақстан Республикасы Еңбек және халықты әлеуметтік қорғау министрлігінің кейбір бұйрықтарының күштері жойылған деп танылсын.
3. Қазақстан Республикасы Еңбек және халықты әлеуметтік қорғау министрлігінің Көші-қон комитеті заңнамада белгіленген тәртіппен:
1) осы бұйрықты Қазақстан Республикасың Әділет министрлігінде мемлекеттік тіркеуді;
2) осы бұйрықты Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;
3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.
4. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау бірінші вице-министріне жүктелсін.
5. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Премьер-Министрінің орынбасары - Еңбек және халықты әлеуметтік қорғау министрі |
Т. Дуйсенова |
"КЕЛІСІЛДІ"
Қазақстан Республикасының
Ішкі істер министрі
"КЕЛІСІЛДІ"
Қазақстан Республикасының
Ұлттық экономика министрі
| Қазақстан Республикасы Премьер-Министрінің Орынбасары - Еңбек және халықты әлеуметтік қорғау министрінің 2023 жылғы 22 маусымдағы № 236 бұйрығына 1-қосымша |
Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидалары
Ескерту. Қағидалар жаңа редакцияда - ҚР Еңбек және халықты әлеуметтік қорғау министрінің 30.09.2026 № 380 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
1-тарау. Жалпы ережелер
1. Осы Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидалары (бұдан әрі – Қағидалар) "Халықтың көші-қоны туралы" Қазақстан Республикасының Заңы (бұдан әрі – Заң) 11-бабының 14-5) тармақшасына және "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасының Заңы 10-бабының 1) тармақшасына сәйкес әзірленді және шетел азаматына немесе азаматтығы жоқ адамға өз бетінше жұмысқа орналасу үшін біліктілігінің сәйкестігі туралы анықтама беру немесе ұзарту тәртібін айқындайды.
2. Осы Қағидаларда мынадай негізгі ұғымдар қолданылады:
1) өз бетінше жұмысқа орналасу үшін біліктілігінің сәйкестігі туралы анықтама (бұдан әрі – анықтама) – халықты жұмыспен қамту мәселелері жөніндегі уәкілетті орган айқындайтын тәртіппен Қазақстан Республикасында жұмысқа өз бетінше орналасу үшін экономиканың басым салаларындағы (экономикалық қызмет түрлеріндегі) сұранысқа ие кәсіптер бойынша біліктілік талаптары және білім деңгейі сәйкес келетін шетел азаматына немесе азаматтығы жоқ адамға берілетін белгіленген нысандағы құжат;
2) халықты әлеуметтік қорғау және жұмыспен қамту мәселелері жөніндегі жергілікті атқарушы орган – халықты жұмыспен қамтуға жәрдемдесуді қамтамасыз ету бойынша функцияларды орындауға астананың, облыстардың, республикалық маңызы бар қалалардың әкімдіктері уәкілеттік берген мемлекеттік мекеме (бұдан әрі – жергілікті атқарушы орган);
3) халықтың көші-қон мәселелері жөніндегі уәкілетті орган - өз құзыреті шегінде халықтың көші-қоны саласындағы басшылықты, көші-қон процестерін реттеуді, халықтың көші-қоны саласындағы жұмысты үйлестіруді және мемлекеттік саясатты іске асыруды жүзеге асыратын орталық атқарушы орган.
2-тарау. Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту тәртібі
3. Шетел азаматы немесе азаматтығы жоқ адам (не ол уәкілеттік берген адам) (бұдан әрі – қызмет алушы) "Өз бетінше жұмысқа орналасуы үшін шетелдікке немесе азаматтығы жоқ адамға біліктілігінің сәйкестігі туралы анықтама беру немесе ұзарту" көрсетілетін мемлекеттік қызметін (бұдан әрі – мемлекеттік қызмет) алу үшін "цифрлық үкіметтің" веб-порталы "www.egov.kz", "www. elicense.kz", "www.migration.enbek.kz" арқылы, осы Қағидаларға 1-қосымшаға сәйкес нысан бойынша анықтама беру туралы өтінішті (бұдан әрі – өтініш) жібередi, осы Қағидаларға 2-қосымшаға сәйкес "Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту" мемлекеттік қызмет қөрсетуге қойылатын талаптардың тізбесінде (бұдан әрі – мемлекеттік қызмет қөрсетуге қойылатын талаптардың тізбесі) қөрсетілген құжаттар қоса беріле отыр.
4. Мемлекеттік қызметті көрсету процесінің сипаттамасын, нысанын, мазмұны мен нәтижесін, сондай-ақ көрсетілетін мемлекеттік қызметті көрсету ерекшеліктерін ескере отырып, өзге де мәліметтерді қамтитын мемлекеттік қызмет көрсетуге қойылатын негізгі талаптардың тізбесі осы Қағидаларға 2-қосымшаға сәйкес мемлекеттік көрсетілетін қызметте келтірілген.
5. Өтініш беруші құжаттарды берген кезде "цифрлық үкіметтің" веб-порталында оның "жеке кабинетінде" мемлекеттік көрсетілетін қызметтің нәтижесін алу күнін көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.
6. Көрсетілетін қызметті алушы ұсынған өтініште және (немесе) құжаттарда қателер немесе дәлсіздіктер анықталған, олар нысаны мен мазмұны бойынша талаптарға сәйкес келмеген, көрсетілетін қызметті алушы мемлекеттік қызметті көрсету тәртібін айқындайтын заңға тәуелді нормативтік құқықтық актіде көзделген мемлекеттік қызмет көрсетуге қойылатын негізгі талаптар Тізбесінің 10-тармағына сәйкес құжаттардың толық топтамасын ұсынбаған жағдайларда жергілікті атқарушы орган осы Қағидаларға 3-қосымшаға сәйкес мемлекеттік қызметті көрсету үрдісін тоқтату туралы хабарландыруды қызмет алушыға жібере отырып, өтініштерді цифрлық күту парағы арқылы қабылдайды.
Осы тармақтың бірінші бөлігінде көзделген негіз бойынша көрсетілетін қызметті алушы ұсынған құжаттар (оның ішінде түпнұсқалары) жергілікті атқарушы органның сақтауына қабылданбай, көрсетілетін қызметті алушыға қайтарылуға тиіс, бұған өтініш және (немесе) құжаттар "цифрлық үкімет" веб-порталы, "migration.enbek.kz" көші-қон қызметтерін көрсетудің бірыңғай порталы және "ww.elicense.kz" веб-порталы арқылы берілген жағдайлар кірмейді.
Құжаттарды қайта ұсыну көрсетілетін қызметті алушы анықталған кемшіліктерді жойғаннан кейін тоқтата тұру мерзімі шегінде жүзеге асырылады
Бұл ретте көрсетілетін қызметті алушыға анықталған кемшіліктерді жою үшін 2 (екі) жұмыс күні белгіленеді, аталған мерзім мемлекеттік қызмет көрсетуге қойылатын негізгі талаптардың Тізбесіндегі 10-тармағында белгіленген тиісті мемлекеттік қызметті көрсетудің жалпы мерзіміне кірмейді және одан аспауға тиіс.
Мемлекеттік қызмет көрсету мерзімінің өтуі анықталған кемшіліктер жойылған кезден бастап қайта басталады.
Белгіленген мерзімде анықталған кемшіліктер жойылмаған жағдайда, жергілікті атқарушы орган өтініш пен құжаттарды қабылдаудан бас тартады.
Кемшіліктер жойылған жағдайда, көрсетілетін қызметті алушы алғаш жүгінген күн мемлекеттік көрсетілетін қызметті алуға өтініш және (немесе) құжаттар қабылданған күн болып есептеледі.
7. Осы Қағидаларға 2-қосымшаға сәйкес қөрсетуге қойылатын талаптардың тізбесі бойынша ұсынылған құжаттар сәйкес келген кезде, құжаттар толық ұсынылған жағдайда жергілікті атқарушы органның қызметкері құжаттарды тіркеген күннен бастап 2 (екі) жұмыс күні ішінде оларды шетел азаматының немесе азаматтығы жоқ адамның біліктілігіне және білім деңгейіне қойылатын талаптарға сәйкестігін бағалау жөніндегі комиссияны (бұдан әрі – Комиссия) қарауына жібереді.
8. Комиссияны жергілікті атқарушы орган құрады, Комиссия құрамына жергілікті атқарушы органдардың өкілдері, білім беру, ішкі істер, индустриалдық-инновациялық қызметті мемлекеттік қолдау саласындағы уәкілетті органдардың аумақтық өкілдері, Қазақстан Республикасының "Атамекен" ұлттық кәсіпкерлер палатасының, қауымдастықтардың аумақтық өкілдері, сондай-ақ шетел азаматтарының немесе азаматтығы жоқ адамдардың өз бетінше жұмысқа орналасуы үшін экономиканың басым салалардың (экономикалық қызмет түрлері) және оларда сұранысқа ие кәсіптердің тізбесінде көзделген салаларға жетекшілік ететін орталық мемлекеттік органдардың аумақтық органдарының өкілдері кіреді.
9. Комиссия шетел азаматтарының немесе азаматтығы жоқ адамдардың өтініштері мен құжаттарын қарау кезінде олардың "Халықтың көші-қоны туралы" Қазақстан Республикасының Заңы 11-бабының 14-5) тармақшасына сәйкес бекітілетін экономиканың басым салаларында талап етілетін кәсіптерге біліктілігі мен білімін сәйкестігін тексереді.
Анықтама беру туралы өтініш беретін шетел азаматының немесе азаматтығы жоқ адамның білім деңгейі (кәсіби даярлығы) мен практикалық жұмыс тәжірибесі (өтілі) "Кәсіптік біліктілік туралы" Қазақстан Республикасының Заңы 5-бабының 5-тармағына сәйкес кәсіптік стандарттарға, Қазақстан Республиикасы Еңбек кодексінің (бұдан әрі – Еңбек кодексі) 16-бабының 16-1) тармақшасына сәйкес уәкілетті орган бекітетін Басшылар, мамандар және басқа да қызметшілер лауазымдарының біліктілік анықтамалығына, ұйым басшылары, мамандары және басқа да қызметшілері лауазымдарының үлгілік біліктілік сипаттамаларына сәйкес біліктілік талаптарына жауап беруге тиіс.
10. Комиссия шетел азаматы немесе азаматтығы жоқ адам ұсынған құжаттарды талдаудың, сондай-ақ осы Қағидалардың 10-тармағында көзделген біліктілік сипаттамалары өлшемшарттарының негізінде бағалау жүргізеді және шетел азаматына немесе азаматтығы жоқ адамға анықтама беру не осы Қағидалардың 12-тармағында көзделген бас тарту себептерінің дәлелді негіздемесімен одан бас тарту туралы ұсынынымдар береді. Комиссияның шешімі 3 (үш) жұмыс күні ішінде әрбір шетел азаматына пен азаматтығы жоқ адамға қатысты бөлек қабылданады, хаттамамен ресімделеді және оған отырысқа қатысушы комиссия мүшелері қол қояды.
11. Комиссия шетел азаматына немесе азаматтығы жоқ адамға біліктілік сипаттамаларының өлшемшарттарына сәйкес мынадай балдар есептейді:
1) білімі:
экономиканың басым салаларында (экономикалық қызмет түрлерінде) сұранысқа ие кәсіптерге сәйкес мамандық бойынша жоғары білімі – 3 балл;
экономиканың басым салаларында (экономикалық қызмет түрлерінде) сұранысқа ие кәсіптерге сәйкес мамандық бойынша ғылыми дәрежесі – 4 балл;
ағылшын тілін оқыту үшін берілген сертификат – 3 балл.
2) жұмыс өтілі:
экономиканың басым салаларында (экономикалық қызмет түрлерінде) сұранысқа ие кәсіптерге сәйкес мамандық бойынша жұмыс өтілі:
1 жылдан 3 жылға дейін – 2 балл;
4 жылдан 10 жылға дейін – 4 балл;
11 жылдан жоғары – 6 балл.
12. Комиссия ұсынымының негізінде жергілікті атқарушы орган өтінішті қабылдаған күннен бастап 5 (бес) жұмыс күні ішінде осы Қағидаларға 3-қосымшаға сәйкес нысан бойынша өз бетінше жұмысқа орналасу үшін біліктілігінің сәйкестігі туралы анықтаманы шетел азаматына немесе азаматтығы жоқ адамға беру не мемлекеттік қызмет көрсетуден бас тарту туралы шешім қабылдайды.
13. Жергілікті атқарушы орган жұмыс берушінің өтінішхаты бойынша немесе өз бастамасы бойынша мынадай жағдайларда мемлекеттік қызмет көрсету процесін тоқтата тұруға құқылы:
1) қызмет көрсетудің одан арғы процесіне уақытша кедергі келтіретін еңсерілмейтін күш әсер еткен жағдайда тоқтата тұруға құқылы. Мемлекеттік қызмет көрсетудің одан арғы процесіне уақытша кедергі келтіретін еңсерілмейтін күштің әсер етуі деп төтенше жағдайды енгізу, табиғи және техногендік сипаттағы төтенше жағдай қатері немесе оның туындауы түсініледі;
2) көрсетілетін қызметті алушы заңды өкілдерінің көрсетілетін қызметті алу жағдайларын қоспағанда, оның мемлекеттік қызмет көрсету мерзімінен асатын мерзімде қызметтік іссапарда, медициналық ұйымда стационарлық емделуде болған жағдайда тоқтата тұруға құқылы.
14. Шетел азаматына немесе азаматтығы жоқ адамға анықтама беруден бас тарту "мемлекеттік және әлеуметтік жауапты қызметтер туралы" Қазақстан Республикасы Заңының 19-1-бабында көзделген бас тарту себептерін көрсете отырып жүзеге асырылады.
Мемлекеттік қызмет көрсетуден бас тартылған кезде көрсетілетін қызметті алушымен тыңдау өткізілмейді.
15. Мемлекеттік қызметті көрсету нәтижесі "цифрлық үкіметтің" веб-порталында өтініш берушінің "жеке кабинетіне" жергілікті атқарушы органның уәкілетті адамының электрондық цифрлық қолтаңбасымен қол қойылған электрондық құжат ретінде жіберіледі.
16. Жергілікті атқарушы орган берген анықтама басқа адамға берілмеуі тиіс және Қазақстан Республикасының аумағында қолданылады.
17. Анықтама үш айдан аспайтын мерзімге беріледі.
18. Шетел азаматы немесе азаматтығы жоқ адам анықтама мерзімін ұзарту үшін мемлекеттік қызмет қөрсетуге қойылатын талаптардың тізбесі көзделген құжаттарды ұсынған сәйкестік кезінде жергілікті атқарушы орган 3 (үш) жұмыс күні ішінде анықтаманы еңбек шартының қолданылу мерзіміне, бірақ 3 (үш) жылдан аспайтын мерзімге ұзартады.
19. Анықтаманың мерзімін ұзарту үшін шетел азаматы немесе азаматтығы жоқ адам жұмыс берушімен еңбек шарты жасалған күннен бастап бес жұмыс күні ішінде "цифрлық үкіметтің" веб-порталы арқылы анықтаманы ұзарту үшін мемлекеттік қызмет қөрсетуге қойылатын талаптардың тізбесі көзделген құжаттарды жолдайды.
20. Анықтаманың қолданылу мерзімі ішінде жұмыс беруші өзгерген кезінде шетел азаматы немесе азаматтығы жоқ адам жаңа еңбек шартын жасасқан күннен бастап 5 (бес) жұмыс күні ішінде жергілікті атқарушы органға жазбаша хабарлама жібереді.
21. Жұмыс беруші ауысқан кезде шетел азаматына немесе азаматтығы жоқ адамға анықтаманы қайта рәсімдеу осы Қағидалардың 22-тармағында көзделген тәртіппен жүзеге асырылады.
22. Қазақстан Республикасының еңбек заңнамасында көзделген негіздер бойынша еңбек шарты тоқтатылған кезде шетел азаматы немесе азаматтығы жоқ адам 5 (бес) жұмыс күні ішінде ол туралы жергілікті атқарушы органға жазбаша хабарлама ерікті түрде жібереді.
23. Шетел азаматының немесе азаматтығы жоқ адамның анықтамаға сәйкес келмейтін кәсіп бойынша еңбек қызметін жүзеге асыруы анықтаманы кері қайтарып алуға негіз болып табылады.
Тиісті анықтамаға байланысты емес еңбек қызметін жүзеге асырған жағдайда, Қазақстан Республикасының еңбек және көші-қон заңнамасының сақталуын бақылауды жүзеге асыратын уәкілетті мемлекеттік органдардың актілері негізінде жергілікті атқарушы орган қолданыстағы анықтаманы кері қайтарып алуды жүргізеді.
24. Бұрын берілген анықтаманы қайта ресімдеу шетел азаматының немесе азаматтығы жоқ адамның тегі, аты, әкесінің аты (ол болған жағдайда), жеке басын куәландыратын құжатының нөмірі мен сериясы өзгерген, сондай-ақ жұмыс беруші ауысқан жағдайда жүзеге асырылады.
Шетел азаматы немесе азаматтығы жоқ адам тегі, аты, әкесінің аты (ол болған жағдайда), шетел азаматының немесе азаматтығы жоқ адамның жеке басын куәландыратын құжаттың нөмірі мен сериясы өзгерген, жұмыс беруші ауысқан күннен бастап 5 (бес) жұмыс күні ішінде "цифрлық үкіметтің" веб-порталы арқылы аталған мәліметтерді растайтын құжаттардың көшірмелерін қоса бере отырып, анықтаманы қайта ресімдеу туралы өтініш береді.
Жергілікті атқарушы орган өтініш берілген күннен бастап 3 (үш) жұмыс күні ішінде анықтаманы жаңа нөмір бере отырып қайта ресімдейді.
25. Анықтама жоғалған немесе бүлінген жағдайда шетел азаматына немесе азаматтығы жоқ адамға анықтаманың телнұсқасы беріледі.
Шетел азаматы немесе азаматтығы жоқ адам анықтама жоғалған немесе бүлінген күннен бастап 5 (бес) жұмыс күні ішінде "www.elicense.kz", "www.migration.enbek.kz", "цифрлық үкіметтің" веб-порталы арқылы мемлекеттік қызмет көрсетуге қойылатын талаптардың тізбесінде көрсетілген құжаттарды сала отырып, өтініш береді.
Жергілікті атқарушы орган өтініш берілген күннен бастап 3 (үш) жұмыс күні ішінде анықтаманың телнұсқасын береді.
26. Анықтаманың қолданысы мынадай:
1) оның берілген мерзімі аяқталған;
2) шетел азаматының немесе азаматтығы жоқ адамның анықтамаға сәйкес келмейтін кәсіп бойынша еңбек қызметін жүзеге асыруы анықталған жағдайларда тоқтатылады.
3-тарау. Орталық мемлекеттік органдардың, сондай-ақ көрсетілетін жергілікті атқарушы органдардың және (немесе) олардың лауазымды адамдарының мемлекеттік қызметін көрсету мәселелері жөніндегі шешімдеріне, әрекеттеріне (әрекетсіздігіне) шағымдану тәртібі
27. Мемлекеттік қызмет көрсету мәселелері бойынша шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.
Шешіміне, әрекетіне (әрекетсіздігіне) шағым жасалатын әкімшілік орган (лауазымды адам) шағым түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.
Бұл ретте шешімі, әрекетіне (әрекетсіздігіне) шағым жасалатын әкімшілік орган (лауазымды адам), егер ол 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік іс-әрекет қабылдаса, шағымды қарайтын органға шағым жібермеуге құқылы.
28. Жергілікті атқарушы органның атына келіп түскен көрсетілетін қызметті алушының шағымы "Мемлекеттік және әлеуметтік жауапкершілігі бар көрсетілетін қызметтер туралы" Қазақстан Республикасы Заңының 25-бабының 2-тармағына сәйкес ол тіркелген күннен бастап 5 (бес) жұмыс күні ішінде қаралуға тиіс.
29. Мемлекеттік қызметтер көрсету сапасын бағалау және бақылау жөніндегі жергілікті атқарушы органның атына келіп түскен көрсетілетін қызметті алушының шағымы қаралуға тиіс ол тіркелген күннен бастап 15 (он бес) жұмыс күні ішінде.
Шағымды қарайтын органның атына келіп түскен өтініш берушінің шағымы ол тіркелген күннен бастап 15 (он бес) жұмыс күні ішінде қаралуға тиіс.
30. Көрсетілген мемлекеттік қызметтің нәтижелерімен келіспеген жағдайларда өтініш беруші Қазақстан Республикасының заңнамасында белгіленген тәртіппен сотқа жүгінеді.
31. Егер Қазақстан Республикасының заңдарында өзгеше көзделмесе, сотқа шағымдануға ҚР АӨК 91-бабының 5-тармағына сәйкес әкімшілік (сотқа дейінгі) тәртіппен шағымданғаннан кейін жол беріледі.
Өтініш
Мамандығы бойынша өз бетінше жұмысқа орналасу үшін біліктілік сәйкестігі туралы анықтама беруді/ұзартуды/қайта рәсімдеуді/телнұсқасын беруді сұраймын
________________________________________________________________
халықтың көші-қон мәселелері жөніндегі уәкілетті органның бұйрығымен бекітілген тізбеге сәйкес (кәсіп, экономика саласы (экономикалық қызмет түрі) көрсетіледі.
Жұмыс беруші туралы мәліметтер (анықтама ұзартылған жағдайда)
________________________________________________________________
(Жұмыс берушінің атауы, жұмыс берушінің бизнес сәйкестендіру нөмірі немесе жеке сәйкестендіру нөмірі).
Өз бетінше жұмысқа орналасу үшін біліктілік сәйкестігі туралы анықтама беру үшін қажетті менің дербес деректерімді жинауға және өңдеуге келісім беремін.
Өтінішке:
1) __________________________________________;
2) __________________________________________;
3) _________________________________________қоса беріледі.
Өтініш берілген күн: 20___жылғы "__" ___________
Өтініш берушінің қолы _______________________
| Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидаларына 2-қосымша |
Мемлекеттік қызмет көрсетуге қойылатын талаптардың тізбесі
1 | Мемлекеттік көрсетілетін қызметтің атауы | Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту |
2 | Мемлекеттік көрсетілетін қызметтің кіші түрінің (бар болса) атауы |
1. Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру; |
3 | Көрсетілетін қызметті берушінің атауы | Жергілікті атқарушы органдар |
4 | Мемлекеттік қызметті және оның кіші түрлерін (бар болса) көрсету тәсілдері | "Цифрлық үкімет" веб-порталы "www. egov. kz", "www. elicense.kz" немесе "www. migration.enbek. kz" порталы |
5 | Мемлекеттік қызметті және оның кіші түрлерін (бар болса) көрсету мерзімі |
3 (үш) айға дейінгі мерзімге анықтама беру - 5 (бес) жұмыс күні ішінде (өтініш тіркелген күннен бастап). |
6 | Мемлекеттік қызметті және оның кіші түрлерін (бар болса) көрсету нысаны | Электронды (ішінара цифрландырылған) |
7 | Мемлекеттік қызметті және оның кіші түрлерін (бар болса) көрсету нәтижесі | Өз бетінше жұмысқа орналасу үшін біліктілігінің сәйкестігі туралы анықтама 3-қосымшаға сәйкес нысан бойынша, немесе мемлекеттік қызмет көрсетуге қойылатын талаптар тізбесі 9-тармағында көзделген негіздер бойынша мемлекеттік қызметті көрсетуден бас тарту туралы уәждемелі жауап. |
8 | Мемлекеттік қызметті және оның кіші түрлерін (бар болса) көрсету кезінде көрсетілетін қызметті алушыдан алынатын төлемақы мөлшерін және Қазақстан Республикасының заңнамасында көзделген жағдайларда оны алу тәсілдері | Тегін |
9 | Көрсетілетін қызметті берушінің, Мемлекеттік корпорацияның және цифрлық объектілерінің жұмыс графигі |
Портал жұмыс қызмет кестесі - жөндеу жұмыстарын жүргізуге байланысты техникалық үзілістерді қоспағанда, тәулік бойы (жұмыс күні аяқталғаннан кейін өтініш берген кезде Еңбек кодексіне сәйкес демалыс және мереке күндері жүгінген кезде өтініштерді қабылдау және мемлекеттік қызметті көрсету нәтижесін беру келесі жұмыс күні жүзеге асырылады). |
10 | Мемлекеттік қызметті және оның кіші түрлерін (бар болса) көрсету үшін көрсетілетін қызметті алушыдан талап етілетін құжаттар мен мәліметтердің тізбесі |
1. Аңықтама беру үшін: |
11 | Мемлекеттік қызметті және оның кіші түрлерін (бар болса) көрсетуден бас тарту үшін Қазақстан Республикасының заңдарында белгіленген негіздерді |
Жергілікті атқарушы органдар мемлекеттік қызметтер көрсетуден келесі негіздер бойынша бас тартады: |
12 | Мемлекеттік қызмет көрсету, оның ішінде электрондық нысанда және Мемлекеттік корпорация арқылы көрсету ерекшеліктері ескеріле отырып, өзге де талаптар |
1. Көрсетілетін қызметті алушының мемлекеттік қызметті көрсету тәртібі және мәртебесі туралы ақпаратты бірыңғай байланыс орталығы - "1411" арқылы алуға мүмкіндігі бар. |
| Өз бетінше жұмысқа орналасуы үшін шетел азаматына немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидаларына 3-қосымша |
Мемлекеттік қызмет көрсету процесін тоқтата тұру туралы хабарлама
Заңының 18-2-бабы 1-тармағын басшылыққа ала отырып, астананың, республикалық маңызы бар қалалардың, аудандардың және облыстық маңызы бар қалалардың халықты әлеуметтік қорғау жөніндегі жергілікті атқарушы органы (мекенжайы көрсетілсін) мемлекеттік қызмет көрсету процесін мынадай негіздердің бірі бойынша тоқтата тұрады (керегінің асты сызылсын):
1) өтініште және (немесе) ұсынылған құжаттарда қателердің немесе дәлсіздіктердің анықталуына;
2) олардың нысаны мен мазмұны бойынша белгіленген талаптарға сәйкес келмеуіне;
3) көрсетілетін қызметті алушының мемлекеттік қызмет көрсету тәртібін айқындайтын Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 22 маусымдағы № 236 бұйрығымен бекітілген Өз бетінше жұмысқа орналасуы үшін шетелдікке немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидаларын, шетелдіктің немесе азаматтығы жоқ адамның өз бетінше жұмысқа орналасуы үшін басым салалардың (экономикалық қызмет түрлерінің) және олардағы сұранысқа ие кәсіптердің тізбесін бекіту қағидаларында (Нормативтік құқықтық актілерді мемлекеттік тіркеу тізілімінде № 32887 болып тіркелген) көзделген тізбеге сәйкес құжаттардың толық топтамасын ұсынбауына байланысты, атап айтқанда:
1) ___________________________________________________________;
2) __________________________________________________________;
3) ... .
Осыған байланысты Сізге анықталған кемшіліктерді осы хабарламаны алған күннен бастап 2 (екі) жұмыс күні ішінде жою және құжаттарды қайта ұсыну қажет.
Осы хабарлама екі данада, әрбір тарап үшін бір данадан жасалды.
Мемлекеттік корпорация қызметкерінің тегі, аты, әкесінің аты (ол болған жағдайда), қолы
Орындаушы: ____________________________________________________
Тегі, аты, әкесінің аты (ол болған жағдайда)
Телефон: _______________________________________________________
Алдым: ________________________________________________________
Көрсетілетін қызметті алушының тегі, аты, әкесінің аты (ол болған жағдайда), қолы
20__ жылғы "___" __________
Өз бетінше жұмысқа орналасу үшін біліктілік сәйкестігі туралы анықтама 20__ жылғы "__" __________№ _____
______________________________________________________
(тегі, аты, әкесінің аты (ол болған жағдайда))
______________________________________________________
Қазақстан Республикасында экономиканың басым салаларында сұранысқа ие мынадай кәсіп бойынша өз бетінше жұмысқа орналасуы үшін біліктілік талаптарына және білім деңгейіне сәйкестігі үшін берілді:
____________________________________________________________________
Халықтың көші-қон мәселелері жөніндегі уәкілетті орган бекітетін шетел азаматтары немесе азаматтығы жоқ адамдарды өз бетінше жұмысқа орналасуы үшін басым салалар мен оларды талап етілетін кәсіптер тізбесіне сәйкес экономиканың басым салаларында, сұранысқа талап етілетін кәсіп көрсетіледі.
Анықтаманы беру үшін негіздеме
_____________________________________
Анықтаманың қолданылу мерзімі ____________ бастап _________ дейін
(күні, айы, жылы) (күні, айы, жылы)
М.О. ______________________________________________
(тегі, аты, әкесінің аты (ол болған жағдайда) (қолы)
| Қазақстан Республикасы Премьер-Министрінің орынбасары - Еңбек және халықты әлеуметтік қорғау министрі 2023 жылғы 22 маусымдағы № 236 бұйрығына 2-қосымша |
Шетел азаматының немесе азаматтығы жоқ адамның өз бетінше жұмысқа орналасуы экономиканың басым салалардың (экономикалық қызмет түрлерінің) және олардағы сұранысқа ие кәсіптердің тізбесі
Ескерту. Тақырып жаңа редакцияда - ҚР Еңбек және халықты әлеуметтік қорғау министрінің 30.09.2026 № 380 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
№ | Экономиканың басым салалары | Экономикалық қызмет түрі | Кәсіптер |
1 | 2 | 3 | 4 |
1. | Білім беру | Жалпы орта білім |
1. Мұғалім – Ұлттық (салалық) біліктілік шеңбері бойынша 6 және 7 - біліктілік деңгейлері (білім беру ұйымында атқару үшін ұсынылатын лауазымдар: |
Техникалық және кәсіптік орта білім |
1. Оқытушы – Ұлттық (салалық) біліктілік шеңбері бойынша 6 және 7 - біліктілік деңгейлері (білім беру ұйымында атқару үшін ұсынылатын лауазымдар: | ||
Жоғары және жоғары оқудан кейінгі білім |
1. Оқытушы, ғылыми қызметкер – Ұлттық (салалық) біліктілік шеңбері бойынша 7 және 8 - біліктілік деңгейлері (білім беру ұйымында атқару үшін ұсынылатын лауазымдар: | ||
2. | Денсаулық сақтау және әлеуметтік қызметтер ұсыну | Денсаулық сақтау саласындағы қызмет |
1. Анестезиолог-реаниматолог дәрігер |
3. | Жылжымайтын мүлікпен орындалатын операциялар, жалға алу және тұтынушыларға қызметтер ұсыну | Есептеуіш техникамен байланысты қызмет |
1. Бағдарламалық өнімдерді қолдау жөніндегі маман (компьютерлік арнайы эффектер жөніндегі маман, электроника және ақпараттық технологиялар жөніндегі маман, анимация және компьютерлік графика жөніндегі маман) |
4. | Коммуналдық, әлеуметтік және жеке қызметтер ұсыну | Демалыс пен ойын-сауықты, мәдениет пен спортты ұйымдастыру саласындағы қызмет |
1. Әртіс |
5. | Көлік және байланыс | Теміржол көлігі қызметі | 1. Зауыттағы инспектор- қабылдаушы (теміржол өнімін) |
Әуе көлігі қызметі |
1. Авиациядағы инженер-конструктор | ||
Теңіз көлігі қызметі |
1. Заңгер, инженер, экономист – Ұлттық (салалық) біліктілік шеңбері бойынша 7 және 8 біліктілік деңгейлері (ұйымда қызмет атқару үшін ұсынылатын лауазымдар: | ||
6. | Өңдеу өнеркәсібі | Металлургия өнеркәсібі мен дайын металл бұйымдары өндірісі |
1. Заңгер, инженер, экономист – Ұлттық (салалық) біліктілік шеңбері бойынша 7 және 8 біліктілік деңгейлері (ұйымда қызмет атқару үшін ұсынылатын лауазымдар: |
Кокс, мұнай өнімдері және ядролық материалдар өндірісі |
1. Заңгер, инженер, экономист – Ұлттық (салалық) біліктілік шеңбері бойынша 7 және 8 біліктілік деңгейлері (ұйымда қызмет атқару үшін ұсынылатын лауазымдар: | ||
Сусындар мен темекіні қоса алғанда, тамақ өнімдері өндірісі |
1. Заңгер, инженер, экономист – Ұлттық (салалық) біліктілік шеңбері бойынша 7 және 8 біліктілік деңгейлері (ұйымда қызмет атқару үшін ұсынылатын лауазымдар: | ||
Химия өнеркәсібі және мұнайгаз-химия |
1. Бақылау-өлшеу аспаптары мен автоматика жөніндегі инженер | ||
Машина мен жабдықтар өндірісі |
1. Бас инженер | ||
Электр жабдығы, электрондық және оптикалық жабдықтар өндірісі |
1. Бас инженер | ||
Басқа металл емес минералдық өнімдер өндірісі |
1. Заңгер, инженер, экономист – Ұлттық (салалық) біліктілік шеңбері бойынша 7 және 8 біліктілік деңгейлері (ұйымда қызмет атқару үшін ұсынылатын лауазымдар: |
| Қазақстан Республикасы Премьер-Министрінің орынбасары - Еңбек және халықты әлеуметтік қорғау министрі 2023 жылғы 22 маусымдағы № 236 бұйрығына 3-қосымша |
Қазақстан Республикасы Денсаулық сақтау және әлеуметтік даму министрлігінің және Қазақстан Республикасы Еңбек және халықты әлеуметтік қорғау министрлігінің күші жойылған кейбір бұйрықтарының тізбесі
1. "Өз бетінше жұмысқа орналасуы үшін шетелдікке немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидаларын, шетелдіктің немесе азаматтығы жоқ адамның өз бетінше жұмысқа орналасуы үшін басым салалардың (экономикалық қызмет түрлерінің) және олардағы сұранысқа ие кәсіптердің тізбесін бекіту туралы" Қазақстан Республикасы Денсаулық сақтау және әлеуметтік даму министрінің 2016 жылғы 13 маусымдағы № 503 бұйрығы (нормативтік құқықтық актілерді мемлекеттік тіркеу тізілімінде № 14149 тіркелді).
2. "Қазақстан Республикасы Денсаулық сақтау және әлеуметтік даму министрінің кейбір бұйрықтарына өзгерістер мен толықтыру енгізу туралы" Қазақстан Республикасы Еңбек және халықты әлеуметтік қорғау министрінің 2018 жылғы 14 маусымдағы № 242 бұйрығының Қазақстан Республикасы Денсаулық сақтау және әлеуметтік даму министрінің өзгерістер мен толықтыру енгізілетін кейбір бұйрықтарының тізбесінің 4-тармағы (нормативтік құқықтық актілерді мемлекеттік тіркеу тізілімінде № 17194 болып тіркелді).
3. "Өз бетінше жұмысқа орналасуы үшін шетелдікке немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидаларын, шетелдіктің немесе азаматтығы жоқ адамның өз бетінше жұмысқа орналасуы үшін басым салалардың (экономикалық қызмет түрлерінің) және олардағы сұранысқа ие кәсіптердің тізбесін бекіту туралы" Қазақстан Республикасы Денсаулық сақтау және әлеуметтік даму министрінің 2016 жылғы 13 маусымдағы № 503 бұйрығына өзгерістер мен толықтырулар енгізу туралы" Қазақстан Республикасы Еңбек және халықты әлеуметтік қорғау министрінің 2020 жылғы 29 мамырдағы № 204 бұйрығы (нормативтік құқықтық актілерді мемлекеттік тіркеу тізілімінде № 20785 болып тіркелді).
4. "Өз бетінше жұмысқа орналасуы үшін шетелдікке немесе азаматтығы жоқ адамға біліктілігінің сәйкестігі туралы анықтама беру немесе ұзарту қағидаларын, шетелдіктің немесе азаматтығы жоқ адамның өз бетінше жұмысқа орналасуы үшін басым салалардың (экономикалық қызмет түрлерінің) және олардағы сұранысқа ие кәсіптердің тізбесін бекіту туралы" Қазақстан Республикасы Денсаулық сақтау және әлеуметтік даму министрінің 2016 жылғы 13 маусымдағы № 503 бұйрығына өзгеріс енгізу туралы" Қазақстан Республикасы Еңбек және халықты әлеуметтік қорғау министрінің 2020 жылғы 25 желтоқсандағы № 537 бұйрығы (нормативтік құқықтық актілерді мемлекеттік тіркеу тізілімінде № 21931 болып тіркелді).
