Ескерту. Күші жойылды - ҚР Ұлттық экономика министрлігі Статистика комитеті төрағасының 4.11.2014 № 41 бұйрығымен (01.01.2015 бастап қолданысқа енгізіледі).

      Мемлекеттік статистиканы жетілдіру мақсатында, сондай-ақ «Мемлекеттік статистика туралы» Қазақстан Республикасы Заңының 12-бабының 2) және 7) тармақшаларына сәйкес, БҰЙЫРАМЫН:
      1. «Тұрмыс деңгейі және үй шаруашылықтарын зерттеу статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы» Қазақстан Республикасы Статистика агенттігі төрағасының міндетін атқарушының 2010 жылғы 24 тамыздағы № 228 бұйрығына (Нормативтік құқықтық актілерді мемлекеттік тіркеу тізілімінде № 6495 болып тіркелген, 2010 жылғы 15 маусымдағы «Егемен Қазақстан» газетінде № 251-254 (26652) жарияланған) мынадай өзгерістер енгізілсін:
      7, 8, 9, 10-қосымшалар осы бұйрықтың 1, 2, 3, 4-қосымшаларына сәйкес редакцияда жазылсын.
      2. Қазақстан Республикасы Статистика агенттігінің Құқықтық және ұйымдық қамтамасыз ету департаменті Стратегиялық даму департаментімен бірге заңнамада белгіленген тәртіппен:
      1) осы бұйрықты Қазақстан Республикасы Әділет министрлігінде мемлекеттік тіркеуді қамтамасыз етсін;
      2) осы бұйрықты Қазақстан Республикасы Әдiлет министрлігінде мемлекеттiк тiркелгеннен кейiн күнтiзбелiк он күн iшiнде бұқаралық ақпарат құралдарына ресми жариялауға жіберсін;
      3) Қазақстан Республикасы Статистика агенттігінің интернет-ресурсында міндетті түрде жариялауды қамтамасыз етсін.
      3. Қазақстан Республикасы Статистика агенттігінің Стратегиялық даму департаменті осы бұйрықты Қазақстан Республикасы Статистика агенттігі құрылымдық бөлімшелерінің және аумақтық органдарының назарына жеткізсін.
      4. Осы бұйрықтың орындалуын бақылау Қазақстан Республикасы Статистика агенттігінің жауапты хатшысына жүктелсін.
      5. Осы бұйрық ресми жариялауға жатады және 2013 жылғы 1 қаңтардан бастап қолданысқа енгізіледі.

      Төраға                                     Ә. Смайылов

Қазақстан Республикасы Статистика
агенттігі төрағасының     
2012 жылғы 4 шілдедегі    
№ 178 бұйрығына        
1-қосымша           

Қазақстан Республикасы Статистика  
агенттігі төрағасы міндетін атқарушының
2010 жылғы 24 тамыздағы       
№ 228 бұйрығына           
7-қосымша              

Негізгі сұхбатқа арналған сұрақнама

         _ _ _ _
Есепті кезең |_|_|_|_| жыл

1. АУМАҚТЫҢ (ЕЛДІ МЕКЕННІҢ) АТАУЫ ___________________________________
                                                    _ _ _ _ _ _ _ _ _
2. АӘОЖ БОЙЫНША ЕЛДІ МЕКЕННІҢ КОДЫ^*................|_|_|_|_|_|_|_|_|_|
                                                                   _
3. ЕЛДІ МЕКЕН ТИПІНІҢ КОДЫ (қала - 1, ауыл – 2)...................|_|
                                                 _ _ _ _ _ _ _ _ _ _
4. ҮЙ ШАРУАШЫЛЫҒЫНЫҢ КОДЫ ......................|_|_|_|_|_|_|_|_|_|_|
5. ПІКІРТЕРІМДІ ЖҮРГІЗУГЕ УӘКІЛЕТТІ                _ _ _ _ _ _ _ _ _
ТҰЛҒАНЫҢ КОДЫ (БҰДАН ӘРІ - ИНТЕРВЬЮЕР)............|_|_|_|_|_|_|_|_|_|
                             _ _       _ _         _ _  _ _
6. СҰХБАТ ЖҮРГІЗУ КҮНІ күні |_|_|  ай |_|_|   жыл |_|_||_|_|
_________________

* Әкімшілік-аумақтық объектілер жіктеуіші ҚР МК 11-2009

I. Тұрғын үй жағдайлары

Қазақстан Республикасы Статистика
агенттігі төрағасының     
2012 жылғы 4 шілдедегі    
№ 178 бұйрығына        
2-қосымша           

Қазақстан Республикасы Статистика  
агенттігі төрағасы міндетін атқарушының
2010 жылғы 24 тамыздағы       
№ 228 бұйрығына           
8-қосымша              

«Негізгі сұхбатқа арналған сұрақнама» жалпымемлекеттік
статистикалық байқаудың статистикалық нысанын толтыру бойынша
нұсқаулық (коды 1265104, индексі D-006, кезеңділігі жылдық)

      1. Осы Нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленген және «Негізгі сұхбатқа арналған сұрақнама» (коды 1265104, индексі D-006, кезеңділігі жылдық) жалпымемлекеттік статистикалық байқаудың статистикалық нысанын толтыруын нақтылайды.
      2. Осы статистикалық байқау үй шаруашылықтарының тұрғын үй жағдайы туралы, ұзақ тұтынылатын заттармен қамтамасыз етілуі туралы, қолда бар жер, мал және техника туралы деректерді алуға арналған.
      Байқауға тұрмыс деңгейі бойынша үй шаруашылықтарын іріктеп зерттеуге қатысатын барлық үй шаруашылықтары жатады. Негізгі сұхбатқа арналған сұрақнаманы жылдың басында (қаңтарда) пікіртерім жүргізуге уәкілеттігі бар тұлға (бұдан әрі - интервьюер) жүргізеді.
      Статистикалық нысанның респонденті үй шаруашылығының иесі болады. Үй шаруашылығының иесі ретінде еңбекке қабілетті жастағы жұмыспен қамтылған (әйелдер үшін 18-58 жастағы, ерлер үшін 18-63 жастағы) үй шаруашылығының мүшесі болады. Үй шаруашылығында еңбекке қабілетті жастағы жұмысы бар тұлғалар жоқ болған жағдайда (зейнеткерлердің немесе құрамында зейнеткерлер, мүгедектер, студенттер және тағы басқа бар үй шаруашылықтары) үй шаруашылығының иесін қандай да бір табыс түрін иеленетін үй шаруашылығының мүшелері өз бетімен анықтайды.
      3. Титулдық парақта «Аумақтың атауы» тармағында облыстың (қаланың), ауданның (қаланың) және ауылдық елді мекеннің атауы көрсетіледі. 2-тармақтан бастап 5-тармаққа дейін супервайзерлер (интервьюер жұмысына бақылауды қамтамасыз ететін статистика департаментінің қызметкері) интервьюерлерге ұсынған зерттелетін үй шаруашылықтарының тізімдерінде көрсетілген деректемеге сәйкес толтырылады.
      4. 1-бөлімде үй шаруашылықтарының негізгі тұрғын үйінде тұрмыс жағдайларын сипаттайтын сұрақтар көрсетілген.
      1-сұрақта жауаптың зерттелетін үй шаруашылығы тұрып жатқан тұрғын үйдің түріне сәйкес нұсқасы таңдалып белгіленеді. Тұрғын үй түрін жеке өз үйі, сондай-ақ жалдамалы үй бойынша, тіпті пәтердің бір бөлмесін ғана немесе бөлек үйдің бір бөлігін жалдап отырған жағдайдың өзінде белгіленеді.
      2-сұрақта жауаптың бір нұсқасы таңдалып белгіленеді. Жекешелендірілген тұрғын үйге үй шаруашылығының жеке меншігіндегі тұрғын үй жатады. Жатақханадағы жекешелендірілген бөлме жекешелендірілген пәтерге жатады. Сыйға алынған, мұрагерлікке және сатып алынған тұрғын үй жеке меншікке жатады.
      3-сұрақта тұрғын үйдің жалпы және тұрғын алаңы көрсетіледі. Тұрғын алаңы деп тұрғын бөлмелердің тұруға арналған және пайдаланылатын аумағы саналады. Оған пәтердегі немесе үйдегі тұрғын бөлмелер алаңдарының сомасы кіреді. Тұрғын алаңға пәтер немесе үйдегі ас-үй, дәліз, ванна, дәретхана, қойма және басқа қосымша орын-жайлардың алаңы кірмейді. Тұрғын бөлме де, сондай-ақ ас бөлме болып табылатын бір бөлмеден тұратын тұрғын жайлар бойынша тұрғын алаңы қойылады. Жалпы (пайдалы) алаңға тұрғын алаңы сияқты сонымен қатар асүй, дәліз, ванна, дәретхана, қойма және басқа қосымша орын-жайлардың алаңы кіреді. Алаң көлемі бүтін сандармен шаршы метрде жазылады.
      4-сұрақта тұрғын бөлменің саны қойылады.
      5-сұрақта пәтерде (үйде) тұрып жатқан толық жыл саны қойылады. Егер үй шаруашылығы онда 5 жыл және 11 ай тұрып жатса, онда 5, егер 1 жылдан аз болса - 1 қойылады.
      6-сұрақта тұрғын үйдің салынған жылы көрсетіледі.
      7-сұрақта кестенің барлық жолдары бойынша интервьюер тиісті кодты қояды. Егер бірнеше қожайын ортақ санузел, себізгі және асүйі бар бұрынғы жатақханадағы жекешелендірілген бөлмеде тұрып жатқан үй шаруашылығы зерттеліп жатса, онда осы үй шаруашылығында осы жабдықтардың барлығы бар деп саналады және жауап үшін тиісті бағанда 1-коды қойылады. Егер үй шаруашылығында қандай да бір себеппен (төлем бойынша қарыздар және тағы басқалары) абаттандырудың белгілі бір түрлері уақытша жұмыс істемесе, олардың бары міндетті түрде көрсетіледі. Орталықтан жылыту жылуэлектростанциясы немесе қазандықтардың көмегімен жүзеге асады. Егер орталықтан жылу ұзақ кезеңде жұмыс істемей тұрса, онда абаттандырудың бұл түрі есептен шығару актісі рәсімделгенше көрсетіледі. Егер жылыту ғимарат немесе тұрғын үйдің  ішінде қарастырылған құрылғының көмегімен немесе энергия көздеріне қарамастан жылыту мақсатына арналған болса, онда ол жеке орнатылған жылытуға жатады. Оларға бөлек үйлерде немесе тұрғын үй кешендерінде орналастырылған автономды жылыту жүйесі және көмір және отынмен жылытатын пештер жатады. Жылытқыштар мен ауа баптағыштар (сплит-жүйе) мұнда қосылмайды. Бағдарламаларды қабылдау теле-радиохабарлардың құралдарына үй және спутникті антенна, радиоқабылдағыштар және қабылдау-беру құралдары жатады.
      8-сұрақта жабдықтаудың соңғы іркілістері байқалған  30 күн ішінде (негізгі интервью жүргізу күнінің алдындағы) негізгі қызмет түрлерінің тізімі келтірілген. Егер тәулік ішінде әр кезде орын алған бірнеше сағатқа созылған тоқтаулар болса (желіде апат немесе жоспарлы алдын алуға байланысты), онда іркіліс болды деп есептелмейді. Егер сөндірулер тәулікте бірнеше сағат ішінде ауық-ауық мерзімді немесе тұрақты жүргізілсе, онда іркілістер тіркеледі. «Газбен жабдықтау» 5-тармақ бойынша 7-сұрақтың «Желілік газды» 8-тармағын белгілеген үй шаруашылықтары жауап береді.
      9-сұрақта көрсетілген тұрғын үй қызметтерінің сапасына қатысты үй шаруашылығының субъективті бағалауы көрсетіледі. «Газ беру» 6-тармақ  бойынша 7-сұрақтың «Желілік газды» 8-тармағын белгілеген үй шаруашылықтары жауап береді.
      10 және 10.1-сұрақтарға пәтерінде (үйінде) су құбыры жоқ үй шаруашылықтары ғана жауап береді. Тиісті жолдарда сумен жабдықтау көзін және оның орналасқан ара қашықтығы көрсетіледі. Егер үй шаруашылығына ауыз суды су тасығыш жеткізіп беретін болса, 10.1-сұрақ қойылмайды.
      11-сұрақта жауаптың екі нұсқасын көрсетуге болады, өйткені үй шаруашылығы үйінде де, сондай-ақ қоғамдық моншалар мен сауналарда да жуынуы мүмкін. Сондай-ақ, үй шаруашылығының өз үйінде сияқты бұл жайландырудың әртүрлі түрлері болады. «Басқа» 5-кодқа 1-4 жауаптардың тізімінде келтірілмеген барлық жағдайлар жатады.
      12-сұрақта жауаптың бір нұсқасы көрсетіледі. Егер үй шаруашылығында қоғамдық пайдаланудың бірнеше орындарын қолданған жағдайда, жауап ретінде неғұрлым абаттандырылған түрі туралы мәліметті көрсетеді. «Басқа» 4-кодындағы жауап 1-3 жауаптар тізімде жіктелмеген жағдайларға қарастырылған.
      12.1 және 12.2-сұрақтарда жауаптың бір нұсқасы таңдалып, белгіленеді.
      13-сұрақта жауаптың бірнеше нұсқасы таңдалады. Егер жаяу жүріп жететін қолжетімділікте дүкен де және базар да бар болса, онда ең жақынын көрсетеді. Егер бір үй шаруашылығында балалар бірнеше мектепке баратын болса, онда ең жақыны көрсетіледі.
      13.1-сұрақта жауаптың бірнеше нұсқасы таңдалады. Егер респондент базарға бару үшін ең алдымен поез немесе электр поезының аялдамасына дейін автобуспен жетіп алып, содан соң сол екі көліктің бірімен жетсе, солардың барлығына кеткен жалпы уақыт көрсетіледі.
      14-сұрақта «иә» деп жауап берген жағдайда, 14.1 және 14.2-сұрақтар қойылады. «Жоқ» деп жауап берген жағдайда 14.3-сұрақ қойылады.
      14.3-сұрақ жеке (жекешелендірілген) тұрғын үйі бар және осы бөлімнің 2-сұрағының «1»-кодын таңдаған үй шаруашылықтарына қойылады. Мұнда ол жеке үйін жалға алған жағдайда бір айда төлей алатын ақшалай сомасына үй шаруашылығының субъективті бағалауы беріледі.
      14.4-сұрақта үй шаруашылығының өз тұрғын үйін сата алатын сомасы көрсетіледі. Бұл сұраққа осы бөлімнің 2-сұрағының 1-кодын белгілеген үй шаруашылықтары тұрмыс-жағдайын талдау мақсатында жауап береді.
      15-сұрақта үй шаруашылығында бар, сатып алынғанына, үй шаруашылығы мүшелермен жасалынғанына, сыйға (тегін) немесе несиеге алынғанына, сондай-ақ үй шаруашылығына тиесілі басқа пәтерде немесе саяжай үйлерінде болғанына қарамастан барлық ұзақ пайдаланылатын заттар көрсетіледі. Жарамды немесе уақытша жарамсыз (жөндеуде жатқан немесе жөндеу қажет ететін) екендігіне қарамастан барлық ұзақ тұтынылатын заттар көрсетіледі. Үй шаруашылығы жөндеуге ниет танытпайтын тауарлар есепке алынбайды. Егер ұзақ тұтынылатын тауар туыстарына немесе таныстарының біреуіне уақытша тұтынуға, жалға берілсе, онда олардың бар екендігі міндетті түрде есепке алынады.
      15-жол бойынша ойын қондырғылары (портативтіні қоспағанда) дегеніміз видео ойындар үшін арнайы жасап шығарылғын электронды құрылғы. Ең жиі қолданылатын көрсету құрылғысы ретінде теледидар, өте сирек компьютер мониторы болып табылады, оларды жеке көрініс құрылғыларына орнатылуы себепті қондырғылар деп атайды.
      30-жол бойынша қалта компьютері (палмтоп) деп электронды органайзер ретінде пайдалануға арналған портативті электронды есептеу құралын айтамыз. Қалта компьютерінен телефон қоңырауларын шалу мүмкін емес, себебі ол ұтқыр телефон емес.
      34-жолда «ұтқыр телефон» бойынша қалта компьютерлерінің түрлерін көрсететін, бірақ ұтқыр телефонның қызметтері бар смартфондар мен коммуникаторларды қоса есептегенде телефондардың барлық түрлері саналады.
      Жиһаздар жинағына жиһаздық гарнитуралар, сондай-ақ жұмсақ бұрыштама жиһаздар, жатын, ас-үй бөлмелерінің тұрғын үй жиһаздары (қабырға, төбе) жинағы. Егер үй шаруашылығында шағын автобус болса, онда олар 40-жол бойынша «жеңіл автомобильге» көрсетіледі.
      Заттарды пайдалану мерзімі жылдың соңындағы жағдайына байланысты анықталады. Егер үй шаруашылығы бұрын пайдаланылған затты сатып алса, онда олардың қызмет көрсету мерзімі оның бірінші сатып алған немесе оның өндірілген жылынан бастап есепке алынады.
      Егер бірнеше ұзақ тұтынылатын заттар бар болған жағдайда, олардың ең жаңаларының ағымдағы бағалау құны ұсынылады.
      5.2-бөлімде нақты бар жер, мал және техникалар туралы ақпарат көрсетіледі.
      Үй шаруашылығының жерге қол жетімділігі туралы 16-сұрақ зерттелетін үй шаруашылықтарының барлығына қойылады. Егер үй шаруашылығының жеке жер телімі жоқ, бірақ оны жалға алатын болса, онда олардың жерге қол жетімділігі бар деп саналады. Жерге қол жетімділігі жоқ үй шаруашылықтарына 21-сұрақ қойылады.
      16, 17-сұрақтарға оң жауап берген үй шаруашылықтары жауап береді. Мұнда жер телімінің тиісті саны көрсетіледі.
      18-және 19-сұрақтарда егер үй шаруашылығында бірнеше жер учаскелері болса, онда олардың әрбірі жөніндегі ақпараттың тізбектілігін үй шаруашылығының өзі анықтайды. 2-бағанда үй шаруашылығының пікірі бойынша алғашқы учаске бойынша, 3-бағанда – екіншісі бойынша, 4-бағанда қалғаны бойынша деректер енгізіледі.
      20-сұрақта барлық қолда бар учаскелердің жалпы ауданы соттықта және бүтін сандармен ұсынылады.
      21-сұрақта жауаптың бір нұсқасы таңдалып алынады және белгіленеді.
      22-сұраққа осы бөлімнің 21-сұрақтың «1»-кодын белгілеген үй шаруашылықтары жауап береді. Жауаптың бірнеше нұсқасы белгіленеді. Мұнда үй шаруашылығына тиісті мал басының саны бойынша деректер көрсетіледі. Шеттен өсіруге немесе бағуға алынған мал есепке алынбайды. Егер малды бірлесіп иеленген жағдайда, одан зерттелетін үй шаруашылығына тиесілі бөлігіне (үлесіне) қатысты деректер көрсетіледі. Мұнда жұмысқа жегілетін мал есепке алынбайды.
      23-сұрақта үй шаруашылығына тиесілі немесе басқа үй шаруашылығымен берлескен иеліктегі және жалға алынған қолда бар ауыл шаруашылығы техникалары, машиналары және жұмысқа жегілетін малдар көрсетіледі. Жауаптың бірнеше нұсқасы белгіленеді.
      6. Пікіртерімді бітірген соң интервьюер қандай да бір сұрақтар қалып кетпегендігіне көз жеткізу үшін  сауалнаманы тағы да бір рет қарап шығады және респонденттерге ынтымақтастығы және көмектескендері үшін міндетті түрде алғыс айтады. Интервьюер үй шаруашылығынан тыс жерде нысанды қайта қарап шығады және егер қандай да бір сәйкессіздік тапса, онда қайта үй шаруашылығына барып (жеке немесе телефонмен), жеткіліксіз ақпаратты анықтайды.
      Бұдан басқа, интервьюер осы Нұсқаулыққа қосымшаға сәйкес нысан бойынша «Интервьюер карточкасын» толтырады:
      респонденттермен өзара іс-қимыл деңгейін және деректердің сапасын бағалайды;
      респонденттерге сауалнама толтыру нысанының нұсқаулығына сәйкес жүргізілгендігін, өз аты-жөнін көрсетіп және өзінің қолымен расталады. «Cтатистикалық нысанды толтыру бойынша ескертулер» тармағы супервайзердің интервьюер толтырған нысанды көзбен шолу арқылы бақылауды жүргізу нәтижелері бойынша толтыруына арналған.

«Негізгі сұхбатқа арналған сұрақнама» 
жалпымемлекеттік статистикалық    
байқаудың статистикалық нысанын толтыру
бойынша нұсқаулыққа          
(коды 1265104, индексі D-006, кезеңділігі
жылдық) __-қосымша          

Нысан

ИНТЕРВЬЮЕРДІҢ КАРТОЧКАСЫ

      Пікіртерім Жеке сұхбат әдісінің нұсқаулығына сәйкес
жүргізілгенін мен куәландырамын.
      Интервьюердің толық аты-жөні __________________________________
Интервьюердің қолы __________________________________________________
Супервайзердің толық аты-жөні _______________________________________
Супервайзердің қолы _________________________________________________

СТАТИСТИКАЛЫҚ НЫСАНДЫ ТЕКСЕРУ БОЙЫНША ЕСКЕРТУЛЕР

_____________________________________________________________________
_____________________________________________________________________
_____________________________________________________________________

Қазақстан Республикасы Статистика
агенттігі төрағасының     
2012 жылғы 4 шілдедегі    
№ 178 бұйрығына        
3-қосымша           

Қазақстан Республикасы Статистика  
агенттігі төрағасы міндетін атқарушының
2010 жылғы 24 тамыздағы       
№ 228 бұйрығына           
9-қосымша              

Үй шаруашылығы құрамының бақылау карточкасы

         _ _ _ _
Есепті кезең |_|_|_|_| жыл

1. АУМАҚТЫҢ (ЕЛДІ МЕКЕННІҢ) АТАУЫ ___________________________________

                                                   _ _ _ _ _ _ _ _ _
2. АӘОЖ БОЙЫНША ЕЛДІ МЕКЕННІҢ КОДЫ^*................|_|_|_|_|_|_|_|_|_|
                                                                   _
3. ЕЛДІ МЕКЕН ТИПІНІҢ КОДЫ (қала - 1, ауыл – 2)...................|_|
                                                _ _ _ _ _ _ _ _ _ _
4. ҮЙ ШАРУАШЫЛЫҒЫНЫҢ КОДЫ .....................|_|_|_|_|_|_|_|_|_|_|
5. СҰХБАТ ЖҮРГІЗУГЕ УӘКІЛЕТТІ                     _ _ _ _ _ _ _ _ _
ТҰЛҒАНЫҢ КОДЫ (БҰДАН ӘРІ-ИНТЕРВЬЮЕР)...........|_|_|_|_|_|_|_|_|_|
                               _ _       _ _
6. БІРІНШІ АРАЛАУ КҮНІ    күні|_|_|   ай|_|_|
                               _ _       _ _
7. ЕКІНШІ АРАЛАУ КҮНІ     күні|_|_|   ай|_|_|
                               _ _       _ _
8. ҮШІНШІ АРАЛАУ КҮНІ     күні|_|_|   ай|_|_|
                               _ _       _ _
9. ТӨРТІНШІ АРАЛАУ КҮНІ   күні|_|_|   ай|_|_|

___________________
* Әкімшілік-аумақтық объектілер жіктеуіші ҚР МК 11-2009

Үй шаруашылығы құрамының бақылау карточкасы*

_______________________
* Көрсеткіштерді кодтау төменде келтірілген Кестеге сәйкес жүзеге асырылады

Қазақстан Республикасы Статистика
агенттігі төрағасының     
2012 жылғы 4 шілдедегі    
№ 178 бұйрығына        
4-қосымша           

Қазақстан Республикасы Статистика  
агенттігі төрағасы міндетін атқарушының
2010 жылғы 24 тамыздағы       
№ 228 бұйрығына           
10-қосымша              

«Үй шаруашылықтары құрамын бақылау карточкасы» жалпымемлекеттік
статистикалық байқаудың статистикалық нысанын (коды 1276104,
индексі D-008, кезеңділігі жылдық, тоқсан сайынғы нақтыланумен)
толтыру бойынша нұсқаулық

      1. Осы Нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленген және «Үй шаруашылықтары құрамын бақылау карточкасы» (коды 1276104, индексі D-008, кезеңділігі жылдық, тоқсан сайынғы нақтыланумен) жалпымемлекеттік статистикалық байқаудың статистикалық нысанын толтыруын нақтылайды.
      2. Осы статистикалық байқау үй шаруашылығының барлық мүшелерінің тізімін құру және олардың әрбірінен демографиялық сипаттама алуға арналған.
      Байқауға халықтың тұрмыс деңгейі бойынша үй шаруашылықтарын іріктеп зерттеуге қатысатын барлық үй шаруашылықтары жатады. «Үй шаруашылықтары құрамын бақылау карточкасы» пікіртерімін жүргізуге уәкілеттігі бар тұлға толтырады (бұдан әрі - интервьюер). Үй шаруашылықтары құрамын бақылау карточкасы жылдың басында (қаңтарда) толтырылады, содан кейін тиісті өзгерістер енгізумен тоқсан сайын (сәуірде, шілдеде, қазанда, қаңтарда) нақтылау жүргізіледі.
      Статистикалық нысанның респонденті үй шаруашылығының иесі болады.
      Үй шаруашылығының иесі ретінде еңбекке қабілетті жастағы жұмысы бар (әйелдер үшін 18-58 жас, ерлер үшін 18-63 жас) үй шаруашылығының мүшесі болуы мүмкін. Үй шаруашылығында еңбекке қабілетті жастағы жұмысы бар тұлғалар жоқ болған жағдайда (зейнеткерлердің немесе құрамында зейнеткерлер, мүгедектер, студенттер және тағы басқа бар үй шаруашылықтары) үй шаруашылығының иесін қандай да бір табыс түрін иеленетін үй шаруашылығының мүшелері өз бетімен анықтайды.
      3. Титулдық парақта «Аумақтың атауы» тармағында облыстың (қаланың), ауданның (аудан) және ауылдың (елді мекеннің) атауы жазылуы керек. 2-тармақтан бастап 5 дейін супервайзерлер интервьюерлерге ұсынған зерттелетін үй шаруашылықтарының тізімдерінде көрсетілген деректемеге сәйкес толтырылады.
      4. Бақылау карточкасын толтыру кезінде келесі сұрақтар қойылады және жауаптары жазылып алынады:
      Әдетте, осы пәтерде (осы үйде) тұратын адамдарды атаңыз және Сізге туыстық қатысына қарамастан немесе қандай да бір себептермен қазіргі уақытта жоқ адамдарды атаңыз.
      2-бағанның 1-жолында үй шаруашылығы басшысының аты жазылады.
      2-бағанның 2-16 жолдарында үй шаруашылығының өзге мүшелерінің аты жазылады.
      1-жол бойынша 3-және 4-бағандары белгіленген. Қалған жолдар бойынша 3 бағанда үй шаруашылығы басшысына байланыстылығын сөзбен жазады, ал 4 бағанда үй шаруашылығы басшысына қатыстылығы екі мәнді кодпен белгіленеді.
      5 және 6-бағандарда сәйкесінше үй шаруашылығының әр мүшесінің туылған жылы (төрт таңбалы) және айы (екі таңбалы) жазылады. Мысалы, 1972 05 немесе 1956 12.
      7-бағанда жынысы жазылады: ер – 1, әйел – 2.
      8-бағанда респонденттің бойы көрсетіледі (жылдың басына). Бойын дұрыс өлшеу үшін респондент қабырғаға желкесімен, жауырындарымен, бөкселерімен, балтырларымен және өкшелерімен  тақалып,  қатты жерге жалаң аяқ түзу тұрады. Басты күш салмай түзу ұстайды. Содан кейін қабырғада басқа қатысты ең жоғары нүкте белгіленеді, тек содан соң ғана еденнен белгіге дейінгі арақашықтық өлшенеді. 2 жасқа дейінгі балалардың бойы жатқызылып өлшенеді.
      Кешке таман ауыр салмақтың, физикалық жүктердің әсерінен ол біршама қысқарып, өлшеудің дәлдігіне әсер етуі мүмкін болғандықтан, өлшеуді таңертең, түске дейін жүргізген дұрыс.
      9-бағанда отбасылық жағдайының кодтарына сәйкес отбасылық жағдайы көрсетіледі. Осы бағанды толтыру кезінде «Неке және отбасы туралы» ҚР Заңында (2-бөлімнің «Неке» 3-тарауы «Некеге тұрудың шарттары мен тәртібі», 10-бабы «Неке жасы») белгіленген неке жасы ерлер мен әйелдер үшін – 18 жас екендігі ескеріледі. Сонымен қатар, дәлелді себептер болған жағдайда мемлекеттік тіркеу орны бойынша азаматтық хал актілерін жазу органдары неке жасын екі жылдан аспайтын мерзімге төмендетеді.
      10-бағанда ұлтының кодтарына сәйкес үй шаруашылығы мүшелерінің ұлты көрсетіледі.
      11-баған қаңтардағы пікіртерім кезінде толтырылады. Онда табельмен, аттестатпен немесе оқу орнын бітіргені туралы дипломмен құжаттық расталатын қол жеткізген білімінің ең жоғарғы деңгейі жазылады. Егер тыңдалған білім курсы туралы анықтамасы бар болған жағдайда, баған толтырылмайды.
      Аяқталғаннан кейін сертификат немесе куәлік берілетін бухгалтерлік, хатшы-референт, компьютерлік курстарда білім алу мен оқу есептелмейді.
      Ешқандай білімі жоқ ретінде мектепке дейінгі білім және тәрбиемен қамтылмаған 7 жасқа дейінгі, сонымен қатар ешқандай білімі жоқ ересек адамдар саналады.
      Мектепке дейінгі білімі бар 1 мен 7 жас аралығындағы мектепке дейінгі мекемелерде (бала-бақша, мектепалды сыныптар), бастауыш білім – 4 сыныпты бітіргендер, негізгі орта – 9 сыныпты аяқтағандар, орта (толық) жалпы – 11 сынып, алғашқы кәсіптік – КТУ (Кәсіптік-техникалық училище), орта кәсіптік – колледж, техникум, жоғары – университет, институт, академиядағы адамдар жатады.
      Мектептік біліммен қамтылған, бірақ бастауыш білімді бітірмеген балалар (1-4 сыныптар) мектепке дейінгі білімі бар болған жағдайда ол мектепке дейінгі білімі барға жатады, мектепке дейінгі білімі болмаған жағдайда ешқандай білімі жоқ адамға жатады.
      Егер үй шаруашылығының мүшесі магистратураны (аспирантураны, докторантураны) аяқтағаннан кейін диссертация қорғаса, ол ғылыми атақ алғандар болып саналады. Егер олай болмаса – онда жоғары оқу орнынан кейінгі білім болып қала береді.
      12-баған қаңтардағы пікіртерім кезінде толтырылады және келесі кодтары болады:
      Уақытша болмау кезінде – 33, 34, 37, 38, 39;
      Уақытша болу кезінде – 43, 44, 47, 48, 49.
      Егер зерттеу мерзімі кезеңінде (кейінгі тоқсандарда) үй шаруашылығы құрамы өзгерген жағдайда 13-16 бағандарда тиісті таңбалар жасалады.
      Егер үй шаруашылығында бірге тұратын мүшелері болса, алайда, уақытша болмаса, мәселен, әскердегі қызметте, ауруханада немесе студент, бұл жағдайда 13-16 бағандарда тиісті екі таңбалы кодтар (мәртебе+себеп) қойылады.
      Егер үй шаруашылығында жаңа мүше (туылған немесе уақытша келген) пайда болса, 13-16 бағандарда тиісті кодтар қойылады. 13-16 бағандарда келесі кодтары болады:
      Тұрақты болмау кезінде – 12, 13, 14, 15, 16, 17, 18, 19;
      Тұрақты болу кезінде – 21, 23, 25, 26, 27;
      Уақытша болмау кезінде – 33, 34, 37, 38, 39;
      Уақытша болу кезінде – 43, 47, 48, 49.
      Зерттеу тоқсанында уақытша кету (келу) және болу (болмау) 2 ай және одан көп мерзімді ұйғарады.
      Туу әрқашан 21 коды, өлім – 12 кодымен белгіленеді.
      Үй шаруашылықтары құрамын бақылау карточкасын интервьюер екі данада толтырады. Бір данасы супервайзерге беріледі, екінші – интервьюерде қалады. Оған тоқсандық сұхбаттарды жүргізу кезінде үй шаруашылығының құрамында болған барлық өзгерістері (егер олар болған жағдайда) енгізіледі.
      5. Пікіртерімді бітірген соң интервьюер қандай болса да бір бөлімдер немесе сұрақтар қалып кетпегендігіне көз жеткізу үшін сауалнаманы тағы да бір рет қарап шығады және респонденттерге ынтымақтастығы және көмектескендері үшін міндетті түрде алғыс айтады. Интервьюер үй шаруашылығынан тыс жерде Сауалнаманы қайта қарап шығады және егер, қандайда бір сәйкессіздік тапса, онда қайта үй шаруашылығына барып, (жеке немесе телефонмен) жеткіліксіз ақпаратты анықтайды.
      Бұдан басқа, интервьюер осы Нұсқаулыққа қосымшаға сәйкес нысан бойынша «Интервьюер карточкасын» толтырады:
      респонденттермен өзара іс-қимыл деңгейін және деректердің сапасын бағалайды;
      респонденттерге пікіртерім нысаны бойынша толтыру нұсқаулығына сәйкес жүргізілгендігін, өзінің аты-жөнін көрсетіп және өзінің қолымен расталады. «Статистикалық нысанды тексеру бойынша ескертулер» тармағы супервайзердің толтырылған нысанды көзбен шалу арқылы бақылауды жүргізу нәтижелері бойынша толтыруына арналған.

«Үй шаруашылықтары құрамын бақылау 
карточкасы» жалпымемлекеттік    
статистикалық байқаудың статистикалық
нысанын (коды 1276104, индексі D-008,
кезеңділігі жылдық, тоқсан сайынғы
нақтыланумен) толтыру бойынша  
нұсқаулыққа __-қосымша     

Нысан

Интервьюердің карточкасы

Пікіртерім жеке сұхбат әдісінің нұсқаулығына сәйкес
жүргізілгенін мен куәландырамын.
Интервьюердің толық аты-жөні ________________________________________
Интервьюердің қолы __________________________________________________
Супервайзердің толық аты-жөні _______________________________________
Супервайзердің қолы _________________________________________________

СТАТИСТИКАЛЫҚ НЫСАНДЫ ТЕКСЕРУ БОЙЫНША ЕСКЕРТУЛЕР

_____________________________________________________________________
_____________________________________________________________________
_____________________________________________________________________