"Прокуратура туралы" Қазақстан Республикасы Конституциялық заңының заңының 9-бабы 22) тармақшасына сәйкес БҰЙЫРАМЫН:

      1. Осы бұйрықтың 1-қосымшасына сәйкес Құқық қорғау, арнаулы мемлекеттік және өзге де органдардың ақпарат алмасу жүйесінен мәліметтерді қалыптастыру, оларға қол жеткізу, пайдалану, сақтау, қорғау және жою қағидалары бекітілсін.

      2. Осы бұйрықтың 2-қосымшасына сәйкес Қазақстан Республикасы Бас Прокурорының бұйрығының және кейбір бұйрықтарының құрылымдық элементтерінің күші жойылды деп танылсын.

      3. Құқықтық статистика және арнайы есепке алу жөніндегі комитеті (бұдан әрі – Комитет):

      1) осы бұйрықты Қазақстан Республикасының Әдiлет министрлiгiнде мемлекеттік тіркеуді;

      2) осы бұйрықты Қазақстан Республикасы Бас прокуратурасының ресми интернет-ресурсына орналастыруды;

      3) осы бұйрықты құқықтық статистика және арнайы есепке алудың мүдделі субъектiлерiне мәлімет үшін, сондай-ақ Комитеттiң аумақтық органдарына орындау үшін жіберуді қамтамасыз етсін.

      4. Осы бұйрықтың орындалуын бақылау Комитет төрағасына жүктелсін.

      5. Осы бұйрық алғашқы ресми жарияланған күнінен кейін қолданысқа енгізіледі.

      "КЕЛІСІЛДІ"

      Қазақстан Республикасы

      Қаржы мониторинг

      агенттігі

      "КЕЛІСІЛДІ"

      Қазақстан Республикасы

      Қорғаныс министрлігі

      "КЕЛІСІЛДІ"

      Қазақстан Республикасы

      Мемлекеттік күзет қызметі

      "КЕЛІСІЛДІ"

      Қазақстан Республикасының

      Сот әкімшілігі

      "КЕЛІСІЛДІ"

      Қазақстан Республикасы

      Сыбайлас жемқорлыққа қарсы

      іс-қимыл агенттігі

      (Сыбайлас жемқорлыққа

      қарсы қызмет)

      "КЕЛІСІЛДІ"

      Қазақстан Республикасы

      Төтенше жағдайлар министрлігі

      "КЕЛІСІЛДІ"

      Қазақстан Республикасы

      Ұлттық қауіпсіздік

      комитеті

      "КЕЛІСІЛДІ"

      Қазақстан Республикасы

      Цифрлық даму, инновациялар

      жəне аэроғарыш өнеркəсібі

      министрлігі

      "КЕЛІСІЛДІ"

      Қазақстан Республикасы

      Ішкі істер министрлігі

Құқық қорғау, арнаулы мемлекеттік және өзге де органдардың ақпарат алмасу жүйесінен мәліметтерді қалыптастыру, оларға қолжетімділік, оларды пайдалану, сақтау, қорғау және жою қағидалары

1-тарау. Жалпы ережелер

      1. Осы Құқық қорғау, арнаулы мемлекеттік және өзге де органдардың ақпарат алмасу жүйесінен мәліметтерді қалыптастыру, оларға қолжетімділік, оларды пайдалану, сақтау, қорғау және жою қағидалары (бұдан әрі – Қағидалар) мыналарды:

      1) қылмыстық, азаматтық, әкімшілік, іздестіру істері атқарушылық іс жүргізу, әкімшілік құқық бұзушылық туралы істер бойынша іс жүргізу шеңберінде ақпарат алу үшін құқық қорғау, арнаулы мемлекеттік және өзге де органдары қызметкерлерінің (бұдан әрі – пайдаланушылар) құқық қорғау, арнаулы мемлекеттік және өзге де органдардың ақпарат алмасу жүйесінен (бұдан әрі – ҚАО ААЖ) мәліметтерді қалыптастыру тәртібін;

      2) пайдаланушылардың ҚАО ААЖ-ға қолжетімділігін ұйымдастыру тәртібі;

      3) ҚАО ААЖ арқылы алынған мәліметтерді пайдалану, сақтау, қорғау және жою тәртібін анықтайды.

      Ескіртпе: "Мемлекеттік құқықтық статистика және арнайы есепке алу туралы" Қазақстан Республикасы Заңының 16-1-бабының 1-тармағына сәйкес (бұдан әрі – Заң) құқық қорғау, арнаулы мемлекеттік және өзге де органдардың ақпарат алмасу жүйесінен оларға жүктелген міндеттерді шешу үшін қажетті ақпаратты өзге органдардың алу негіздері айқындалады.

      Заңының 16-2-бабының 3-тармағына сәйкес Қазақстан Республикасы құқық қорғау, арнаулы мемлекеттік органдарының және Қазақстан Республикасы Қорғаныс министрлігінің әскери барлау органдарының құқық қорғау, арнаулы мемлекеттік және өзге де органдардың ақпарат алмасу жүйесінен жария емес тергеу әрекеттері мен жедел-іздестіру қызметін жүргізу үшін, сондай-ақ оларға жүктелген өзге де міндеттерді шешу үшін қажетті ақпаратты алу негіздері айқындалады.

      Занының 16-2-бабының 5 тармағына сәйкес қаржы мониторингі жөніндегі уәкілетті органның құқық қорғау, арнаулы мемлекеттік және өзге де органдардың ақпарат алмасу жүйесінен қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл үшін қажет ақпаратты алу негіздері айқындалады.

2-тарау. ҚАО ААЖ-дан мәліметтерді қалыптастыру тәртібі

      2. ҚАО ААЖ-дан мәліметтерді қалыптастыруды ҚАО ААЖ тіркелген пайдаланушылар осы Қағидалардың 1-қосымшасында көрсетілген ҚАО ААЖ-дың рөлдерін негіздер бойынша бөлу тізбесіне (бұдан әрі – Рөлдер тізбесі), осы Қағидалардың 2-қосымшасына сервистерге (бұдан әрі – Қолжетімділік құқықтары) сәйкес Қазақстан Республикасы Ұлттық куәландырушы орталығының электрондық цифрлық қолтаңбасының (бұдан әрі – ЭЦҚ) құралдарын қолдана отырып, Мемлекеттік органдардың бірыңғай көлік ортасы арқылы жүзеге асырады.

      Қазақстан Республикасы Қаржы министрлігі Мемлекеттік кірістер комитетінің сервистері Қазақстан Республикасы Қылмыстық кодексінің 8-тарауының баптары бойынша қолжетімді.

      3. ҚАО ААЖ-дан мәліметтерді қалыптастыру үшін негіз қылмыстық, әкімшілік, азаматтық, іздестіру істерінің, әкімшілік құқық бұзушылық туралы істің немесе атқарушылық іс жүргізудің нөмірлері көрсетілген сұрау салу болып табылады.

      4. ҚАО ААЖ-дан мәліметтерді электрондық құжат нысанында қалыптастыруға сұрау салу қағаз тасымалдағыштағы құжатқа тең.

      5. Сұрау салудың негізділігі оператор – Қазақстан Республикасы Бас прокуратурасының Құқықтық статистика және арнайы есепке алу жөніндегі комитетімен (бұдан әрі – ҚСжАЕК) ҚСжАЕК-нің ақпараттық жүйелерінде, атқарушылық іс жүргізу органдарының автоматтандырылған ақпараттық жүйесінде (бұдан әрі – АІО ААЖ) пайдаланушының іс жүргізуінде осы Қағидалардың 23-тармағын қоспағанда, сұрау салуға бастама жасауға негіз болған материалдардың болуын салыстыру арқылы тексеруге жатады.

      6. Мемлекеттік органдардың ақпараттық жүйелері (бұдан әрі – МО АЖ) арқылы электрондық ақпараттық ресурстардан мәліметтерді алу МО АЖ және ҚАО ААЖ-ны ықпалдастыру арқылы жүзеге асырылады.

      Интеграция кезінде Қазақстан Республикасы Ақпарат және коммуникациялар министрінің міндетін атқарушының 2018 жылғы 29 наурыздағы № 123 бұйрығымен (Нормативтік құқықтық актілерді мемлекеттік тіркеу тізілімінде № 16777 болып тіркелген) бекітілген "электрондық үкіметтің" ақпараттандыру объектілерін интеграциялау қағидаларының талаптары сақталады.

3-тарау. Пайдаланушылардың ҚАО ААЖ-ға қолжетімділігін ұйымдастыру тәртібі

      7. Пайдаланушыларға ҚАО ААЖ-ға қолжетімділік осы Қағидалардың 4-қосымшасында баяндалған ҚАО ААЖ-мен жұмыс істеу үшін жағдайлар сақтаған жағдайда беріледі.

      8. Сұрау салулардың негізділігін қамтамасыз етуге, ҚАО ААЖ-дан алынған электрондық ақпараттық ресурстармен жұмыс жасауды және оларды қолдануды ұйымдастыруға жауапты лауазымды адамдарды (бұдан әрі – лауазымды адамдар) пайдаланушылар органдардың басшылары айқындайды.

      9. Лауазымды адамдар ҚАО ААЖ-дағы сұрау салулардың негізділігіне ведомстволық бақылауды қамтамасыз етеді.

      10. Ведомстволық бақылау пайдаланушылардың барлық сұрау салулары көрсетілетін "Есептер" функционалы арқылы сұрау салулардың кезеңдік мониторингісінде, бірақ айына кемінде бір рет жасалады.

      Оператормен "Есептер" функционалына қол жеткізуді бірінші басшының орынбасары немесе оның міндетін атқарушы адам немесе құрылымдық бөлімшесінің басшысы немесе оның міндетін атқарушы адам қол қойған органының дәлелді хаты бойынша ұсынылады.

      11. Қазақстан Республикасы Үкіметінің 2016 жылғы 20 желтоқсандағы № 832 қаулысымен бекітілген Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарын (бұдан әрі – Бірыңғай талаптар), сондай-ақ пайдаланушымен бұзған жағдайда көрсетілген осы Қағидаларда көрсетілген талаптар лауазымды адамдар қолжетімділікті бұғаттау, Қазақстан Республикасының заңнамаларында белгіленген жауаптылық туралы мәселені қарау бойынша шараларды қабылдайды.

      12. Пайдаланушы ҚАО ААЖ порталы арқылы операторға, осы Қағидалардың 5-қосымшасына сәйкес нысан бойынша ҚАО қолжетімділікті ұйымдастыруға электрондық өтінімді жібереді (бұдан әрі – Өтінім).

      13. Оператор өтінім келіп түскен сәттен бастап бір тәулік ішінде өтінімге сәйкес пайдаланушының ҚАО ААЖ-дағы рөлін, пайдаланушының ҚАО ААЖ-да тіркеуінің болуын анықтайды немесе ҚАО ААЖ-ның порталы арқылы ҚСжАЕК-де тіркелген ЭЦҚ құралдарымен қол қойылған тіркеуден дәлелді бас тартуды жібереді. Пайдаланушы бұғаттауға Өтінімді алған кезде оператор осы пайдаланушының қолжетімділігін дереу бұғаттайды.

      14. Басқа лауазымға немесе бөлімшеге ауыстыру себебінен пайдаланушының құқықтарын өзгерген жағдайда, пайдаланушы бұйрыққа қол қойылған сәттен бастап жиырма төрт сағат ішінде ҚАО ААЖ порталы арқылы электрондық өтінім жіберіледі.

      15. Пайдаланушы жұмыстан шығару, лауазымынан шеттетілген жағдайда, лауазымды адам бұйрыққа қол қойылған сәттен бастап жиырма төрт сағат ішінде пайдаланушыны бұғаттауға арналған өтінімді ҚАО ААЖ порталы арқылы жібереді.

      Арнайы мемлекеттік органды қоспағанда, құқық қорғау және өзге де органның кадр бөлімшесінің ақпараттық жүйесімен ҚАО ААЖ интеграциясы болған кезде пайдаланушыны жұмыстан шығару, басқа лауазымға ауыстыру, лауазымынан шеттету туралы хабарлама автоматты түрде жіберіледі.

      16. Егер пайдаланушы 60 күннен артық ҚАО ААЖ-да сұрау салуларды жүргізбесе, есептік жазба автоматты түрде бұғаттауға жатады.

      17. Бірінші кірісте, осы Қағидалардың 6-қосымшасына сәйкес нысан бойынша пайдаланушы ЭЦҚ құралдарымен ҚАО ААЖ-ны пайдалану шарттарына келісімге (бұдан әрі – Келісім) қол қояды. Электронды қол қойылған Келісім және оған қол қойылған күні ҚАО ААЖ-да тіркеледі.

4-тарау. ҚАО ААЖ арқылы алынған мәліметтерді пайдалану, сақтау, қорғау және жою тәртібі

      18. ҚАО ААЖ-ға кіру пайдаланушының ЭЦҚ мен пайдаланушың биометриясын тексеруді (саусақ іздері немесе Face ID) немесе тіркеу кезінде пайдаланушы көрсеткен ұялы телефон нөміріне жіберілетін SMS-кодты қоса алғанда, көп факторлы аутентификация рәсімі өтуінен басталады.

      19. Аутентификацияны сәтті өткен және электрондық нысанда қол қойылған Келісім болған жағдайда пайдаланушы ҚАО ААЖ-ға қолжетімділікті, сондай-ақ ҚАО ААЖ-да жүзеге асырылған сервистер бойынша сұрау салуды жіберу мүмкіндігін алады.

      20. Жеке және заңды тұлға туралы мәліметтерді алу үшін пайдаланушы рөлдер тізбесіне және сервистерге қолжетімділік құқықтарына сәйкес қылмыстық, іздестіру, азаматтық, әкімшілік іс, атқарушылық іс жүргізу, әкімшілік құқық бұзушылық туралы істер бойынша іс жүргізу шеңберінде ҚАО ААЖ-ға сұрау салу жібереді.

      21. Қылмыстық іс шеңберінде сұрау салу жіберген кезде пайдаланушы, оның ішінде тергеу-жедел топтарының мүшелері ҚСжАЕК-нің ақпараттық жүйесі берілген қылмыстық істің нөмірін көрсетеді.

      22. Тергеу тапсырмаларын және сот қарап жатқан қылмыстық іс бойынша қосымша мәліметтерді жинау туралы прокурордың тапсырмаларын орындаған жағдайда, қылмыстық іс нөмірінің және тиісті тапсырманың шығыс нөмірі толтырылады.

      Қылмыстық істер бойынша құқықтық көмек көрсету туралы халықаралық тапсырмаларды орындаған кезде пайдаланушысы тапсырманың шығыс нөмірін, тапсырманы жіберген органды, сондай-ақ тапсырманы орындау туралы шешімді қабылдаған Қазақстан Республикасы уәкілетті органының ілеспе хатының шығыс нөмірін көрсетеді.

      Бұл жағдайларда, қылмыстық іс шеңберінде көзделген көлемде мәліметтерге қолжетімділік ұсынылады.

      23. Пайдаланушы сұрау салу жіберген кезінде, ҚСжАЕК-нің ақпараттық жүйесімен берілген әкімшілік құқық бұзушылық туралы істің нөмірін көрсетеді.

      24. Сот органдары қаралып отырған қылмыстық, әкімшілік, азаматтық істердің және әкімшілік құқық бұзушылық туралы істердің, сондай-ақ қолданыстағы заңнамада көзделген басқа да ерекше жағдайлардың шеңберінде "Төрелік" автоматтандырылған ақпараттық-талдау жүйесінің (бұдан әрі – "Төрелік" ААТЖ) ҚАО ААЖ-мен өзара іс-қимылы арқылы ҚАО ААЖ-ның электрондық ақпараттық жүйелеріне қолжетімділікті алады.

      25. Сот органдары Азаматтық, әкімшілік істердің немесе әкімшілік құқық бұзушылық туралы істің шеңберінде сұрау салу жіберген кезде, пайдаланушы "Төрелік" ААТЖ-да тіркелген азаматтық, әкімшілік істердің немесе әкімшілік құқық бұзушылық туралы істің нөмірін, есепке алу жылын, шешім қабылдаған сот органын көрсетеді.

      26. Іздестіру ісі шеңберінде сұрау салу жіберген кезінде пайдаланушы ҚСжАЕК-нің ақпараттық жүйесімен берілген іздестіру ісінің нөмірін көрсетеді.

      27. Атқарушылық іс жүргізу шеңберінде сұрау салу жіберген кезінде пайдаланушы АІО ААЖ-нің жүйесімен берілген атқарушылық іс жүргізудің толассыз нөмірін көрсетеді.

      28. ҚАО ААЖ-ны пайдалану процесінде барлық параметрлерді тіркеу Астана қаласының уақыты бойынша жүргізіледі.

      29. Пайдаланушылар сұрау салудың негізділігін, дербес деректер мен оларды қорғау туралы заңнаманың, заңмен қорғалатын өзге де құпиялардың сақталуын, сондай-ақ олардың тек сұрау салуда мәлімделген мақсаттарда ғана қолданылуын қамтамасыз етеді.

      30. ЭЦҚ-ның құралдарын басқа адамдарға беруге жол берілмейді.

      31. ҚАО ААЖ-дан мәліметтер алғаннан кейін пайдаланушылар олардың құпиялылығын қамтамасыз етеді.

      32. ҚАО ААЖ-мен жұмыс жасаған кезінде пайдаланушы осы Қағидаларда көрсетілген Бірыңғай талаптар мен талаптарды сақтайды.

      33. ҚАО ААЖ-дан алынған, дербес деректерге жататын деректерді заңсыз жинағаны және өңдегені, сондай-ақ мәліметтерді жария еткені үшін пайдаланушыға Қазақстан Республикасының заңнамаларында белгіленген жауаптылық жүктеледі.

      34. ҚАО ААЖ операторы ҚАО ААЖ әкімшілендіруді жүзеге асырады, оның шеңберінде мыналарды:

      1) ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарды сақтау;

      2) ҚАО ААЖ пайдалануды, сүйемелдеуді, дамуын, мониторингісін жүзеге асыруды;

      3) ҚАО ААЖ-нің үздіксіз және тиісінше жұмыс істеуін, сондай-ақ қорғалуын;

      4) ҚАО ААЖ-де электрондық ақпараттық ресурстарды сақтау қауіпсіздігін;

      5) ҚАО ААЖ-нің анықталған кемшіліктеріне жедел ықпал етуді және оларды жою бойынша шаралар қабылдауды қамтамасыз етеді.

      35. Пайдаланушылардың тиісінше жұмыс істеуіне, олардың тіркелуіне, сұрау салулардың негізділігін қамтамасыз етуге, ҚАО ААЖ-дан алынған электрондық ақпараттық ресурстармен, жұмысты ұйымдастыруға, оларды пайдалануға, ақпараттық қауіпсіздік талаптарын сақтауға жауапты ҚАО ААЖ операторының лауазымды адамдарын ҚСжАЕК-нің төрағасы айқындайды.

      36. Пайдаланушыларға қолжетімділік апаттық жағдайлар кезіндегі тоқтап тұру уақытынан немесе ҚАО ААЖ-ның порталында жарияланған жоспарлы техникалық жұмыстарды жүргізуден басқа, тәулік бойы ұсынылады.

      37. Пайдаланушылардың барлық сұрау салулары оқиғаларды тіркеу журналында (бұдан әрі – ҚАО ААЖ-ның Log-журналы) тіркеледі.

      38. ҚАО ААЖ-ның Log-журналын толтыру кезінде деректер толтырылуына қарай архивтелінеді. Архив ҚАО ААЖ-ның бүкіл жұмысы кезіндегі сұрау салулар және оларды өңдеу нәтижелері туралы деректерді қамтиды.

      39. Хабарламаларды жіберудің бір сағаттан астам кідіруіне әкеп соғатын апаттық жағдайдың барлық оқиғалары ҚАО ААЖ-ның Log-журналында тіркеледі.

      40. Көзделмеген және апаттық жағдайлар туындаған кезде оператор оларды анықтау және жою үшін тиісті шараларды қабылдайды. ҚАО ААЖ-ға қолжетімділіктің бір сағаттан астам кідіртілуіне әкеп соғатын барлық көзделмеген және апаттық жағдайлар туралы пайдаланушы операторға ҚАО ААЖ-ның порталында көрсетілген байланыс телефондары мен электрондық пошта арқылы хабарлайды.

      41. Оператор өз кезегінде көзделмеген немесе апаттық жағдайлардың туындау фактісін басталу күнін, уақытын, себептерін және кешіктіруді жою бойынша қабылданған шараларды көрсете отырып, осы Қағидалардың 7-қосымшасына сәйкес нысан бойынша Төтенше жағдайлар журналында тіркейді.

      42. ҚАО ААЖ-дағы жоспарланған техникалық жұмыстардың уақыты туралы хабарландыру (оның ішінде сөндіру, өзгерту, жаңарту және басқа әрекеттер) ҚАО ААЖ-ның порталында жарияланады.

      43. Егер ҚАО ААЖ-ға қолжетімділікті алуға Өтінімде көрсетілген мәліметтер дұрыс емес, толық емес немесе өзекті емес болса, ҚАО ААЖ-ның операторы пайдаланушыға ҚАО ААЖ-ға қолжетімділікті тіркемейді және ұсынбайды.

      44. Оператор Қазақстан Республикасының Қылмыстық-процестік кодексінің 34-бабының 5-бөлігінде көзделген жағдайлардан басқа, пайдаланушылар және олар жүргізген сұрау салулар туралы жеке ақпаратты таратуға жол бермейді.

      45. ҚАО ААЖ-ның әкімшілендіру шеңберінде пайдаланушы осы Қағидаларда көрсетілген Бірыңғай талаптар мен талаптарды бұзушылықтары анықталған кезде оператор анықталған бұзушылық туралы кейін прокурорды және тиісті органның пайдаланушысының басшылығын хабардар ете отырып, қолжетімділікті дереу бұғаттайды.

      46. Операторға ҚАО ААЖ-дан алынған ақпаратты заңсыз жинауға және өңдеуге, сондай-ақ мәліметтерді жария етуге жол берілмейді.

      47. ҚАО ААЖ-дан алынған мәліметтер, олардың негізінде сұратылған материалдарда сақталады. Осындай мәліметті көшіруге, алуға, кейіннен беруге, таратуға тыйым салынады.

      48. Мәліметтерді сақтау мерзімдері, шарттары негізгі материалдың мазмұнына қарай анықталады. Ақпарат тиісті материалдармен бірге жойылуға жатады.

      49. ҚАО ААЖ-дан алынған, жергілікті құрылғыға жүктелген мәліметтердің электронды көшірмелері дереу жойылуға жатады.

      50. Электронды сұрау салулар және оларды өңдеу нәтижелері үнемі ҚАО ААЖ-да сақталады.

      51. Прокурор "Прокуратура туралы" Қазақстан Республикасы Конституциялық заңының (бұдан әрі – "Прокуратура туралы" Конституциялық заң) 17-бабымен белгіленген шекте және нысандарда пайдаланушылардың ҚАО ААЖ-дан мәліметтер алуының заңдылығын қадағалауды жүзеге асырады.

      Пайдаланушылардың ҚАО ААЖ-дан мәліметтер алуының заңдылығын сақтау мәселесі бойынша тексеру жүргізу үшін прокурор тиісті қаулы шығарады.

      52. Прокурор ҚАО ААЖ-дан алынған мәліметтердің заңдылығын қадағалауды жүргізген кезде, оператордан көрсетілген органдардың пайдаланушылары жіберген, ҚАО ААЖ-дан алынған ақпарат туралы мәліметтерді сұратуға құқылы.

      Оператор тексеру жүргізу туралы қаулыны не сұрау салу үшін негіз болған өзге құжатты қоса бере отырып, сұрау салу негізінде прокурорға ақпарат береді

      53. Тексеруді жүргізу барысында пайдаланушылардың мәліметтерді заңсыз алу фактілері анықталған кезде, сондай-ақ анықталған оператордан осы Қағидалардың Біріңғай талаптар мен талаптарының бұзушылықтары туралы пайдаланушылардан ақпарат келіп түскенде, прокурор "Прокуратура туралы" Конституциялық заңының 32-бабы 2-тармағына сәйкес прокурорлық қадағалау шараларын және Қазақстан Республикасының қылмыстық және әкімшілік заңнамасында көзделген басқа да шараларды қабылдайды.

ҚАО ААЖ-дың рөлдерін негіздер бойынша бөлу тізбесі

      Ескерту. 1-қосымша жаңа редакцияда – ҚР Бас Прокурорының 04.07.2024 № 88 (алғашқы ресми жарияланған күнінен кейін қолданысқа енгізіледі) бұйрығымен.

Сервистерге қолжетімділік құқықтары

      Ескерту. 2-қосымша жаңа редакцияда – ҚР Бас Прокурорының 04.07.2024 № 88 (алғашқы ресми жарияланған күнінен кейін қолданысқа енгізіледі) бұйрығымен.

      Ескертпе:

      ¹Зейнетақы төлеу жөнiндегi Мемлекеттiк орталық (бұдан әрі – ЗТМО) қиылған сервисі – ЗТМО түсімдерінің мөлшерін көрсетпей;

      ²Қазақстан Республикасы Қаржы министрлігі Мемлекеттік кірістер комитетінің сервистері Қазақстан Республикасы Қылмыстық кодексінің 8-тарауының баптары бойынша қолжетімді.

Қазақстан Республикасы Қылмыстық кодексінің экономикалық құқық бұзушылықтар бойынша баптарының тізбесі

      Ескерту. 3-қосымша алып тасталды – ҚР Бас Прокурорының 04.07.2024 № 88 (алғашқы ресми жарияланған күнінен кейін қолданысқа енгізіледі) бұйрығымен.

Құқық қорғау, арнаулы мемлекеттік және өзге де органдардың ақпарат алмасу жүйесімен жұмыс істеу үшін жағдайлар

      Ескерту. 4-қосымша жаңа редакцияда – ҚР Бас Прокурорының 04.07.2024 № 88 (алғашқы ресми жарияланған күнінен кейін қолданысқа енгізіледі) бұйрығымен.

      Құқық қорғау, арнаулы мемлекеттік және өзге де органдардың ақпарат алмасу жүйесімен (бұдан әрі – ҚАО ААЖ) жұмыс жасау үшін жеке тұлғалардың биометриялық оқырмандағы немесе веб-камерадағы, ұялы телефондағы қорғалған ақпарат жеткізгіште Қазақстан Республикасы Ұлттық куәландырушы орталығының электрондық цифрлық қолтаңбасының (бұдан әрі –ЭЦҚ) құралдарының болуы қажет.

      ҚАО ААЖ-мен жұмыс жасауға арналған дербес компьютерлерге қойылатын минималды талаптар:

      1) тактілі жиілігі кемінде 3.1 GHz процессор;

      2) қатты дисктің бос көлемі кемінде 80 Gb;

      3) жедел жады кемінде 4 Gb;

      4) желілік карта кемінде 100 Mbps;

      5) NCA Layer-мен жұмыс істеуді қолдайтын барлық заманауи браузерлер, pdf оқу;

      6) қорғалған арнаға қосылу;

      7) ЭЦҚ-ны сақтау үшін түрлі құрылғыларымен (оның ішінде биометриялық оқырманмен немесе веб-камерамен) жұмыс жасауға арналған орнатылған драйверлер;

      8) техникалық құралдардағы ақпараттық қауіпсіздіктің талаптарын сақтау мақсатында Интернетке шығуға қолжетімділікті толық алып тастау.

      нысан

"Құқық қорғау, арнаулы мемлекеттік және өзге де органдардың ақпарат алмасу жүйесіне" (бұдан әрі – ҚАО ААЖ ) қолжетімділікті ұйымдастыруға электрондық өтінім №_____

      Қызметтік міндеттерді орындау үшін ҚАО ААЖ төменде көрсетілген параметрлер бойынша қолжетімділікті ұйымдастыруды сұраймын

      Бұғаттау немесе жою себебі _________________________________________________

      ҚАО ААЖ-ны пайдалану құқықтары туралы келісумен таныстым және келісемін.

      Менің Қазақстан Республикасы Ұлттық куәландырушы орталығының электрондық

      цифрлық қолтаңбамның болуын растаймын.

      Менің дербес деректерімді ҚАО ААЖ-да тіркеу үшін беруге рұқсат беремін.

      20__ жыл "____"___________                         ________________/

      қолы

      Арыз иесінің басшысы: _____________________________________________________

      лауазымы

      _______________ / МП

      Т.А.Ә (ол болған кезде)                                           қолы

Құқық қорғау, арнаулы мемлекеттік және өзге де органдардың ақпарат алмасу жүйесін қолдану пайдалану шарттарына келісім

      Ескерту. 6-қосымша жаңа редакцияда – ҚР Бас Прокурорының 04.07.2024 № 88 (алғашқы ресми жарияланған күнінен кейін қолданысқа енгізіледі) бұйрығымен.

      1. Пайдаланушы, тұлғада ___________________________________________________

      тегі, аты, әкесінің аты (ол болған кезде),

      лауазымы ________________________________________________________________

      (мемлекеттік органның атауы)

      қызметкері болып табылатын пайдаланушы танысты және құқық қорғау органдардың ақпарат алмасу жүйесін пайдалану шарттарына келісімге (бұдан әрі – келісім) төмендегілер туралы өз келісімін береді:

1. Келісімнің мәні

      2. Осы Пайдаланушы келісім құқық қорғау, арнаулы мемлекеттік және өзге де органдардың ақпарат алмасу жүйесінің операторы және пайдаланушысы (бұдан әрі – ҚАО ААЖ) арасындағы өзара қатынастарды реттеуге арналған.

      3. Пайдаланушы ҚАО ААЖ-да тіркелген, ҚАО ААЖ-ға қолжетімділік құқығы берілген Қазақстан Республикасының құқық қорғау, арнаулы мемлекеттік және өзге де органдардың қызметкері болып табылады.

      4. Келісім пайдаланушының ҚАО ААЖ-да тіркелген күнінен бастап күшіне енеді.

      5. ҚАО ААЖ-ны пайдалана отырып, пайдаланушы осымен ҚАО ААЖ-ның есепке алу жазбасына қатысты құқықтарға ие болу фактісін растайды және осы пайдалану талаптары келісімнің төменде келтірілген ережелеріне сәйкес міндетті болып табылады.

1. Жалпы ережелер

      6. ҚАО ААЖ пайдаланушыларға олардың қолжетімділік құқықтарына сәйкес ақпаратты алуға сұрау салу жіберу мүмкіндігін ұсынады.

      7. Пайдаланушыға қолжетімділік құқығын ҚАО ААЖ-ның операторы (Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті) ҚАО ААЖ-ға қолжетімділікті ұйымдастыруға арналған электрондық өтінімнің және пайдаланушының атынан пайдалану келісімі негізінде береді.

      8. ҚАО ААЖ – ға кіру Қазақстан Республикасы Ұлттық куәландырушы орталығының электрондық цифрлық қолтаңбасы (бұдан әрі-ЭЦҚ) және көп факторлы аутентификация арқылы пайдаланушының ЭЦҚ және биометриясын (саусақ іздерін немесе Face ID) немесе тіркеу кезінде пайдаланушы көрсеткен ұялы телефон нөміріне жіберілетін SMS-кодты тексеруді қоса алғанда жүзеге асырылады.

      ЭЦҚ-ны алуды пайдаланушы "Азаматтарға арналған үкімет "мемлекеттік корпорациясы" коммерциялық емес акционерлік қоғамында дербес жүргізіледі. Файлдық жүйеде ЭЦҚ арқылы ҚАО ААЖ-ға кіруге жол берілмейді.

      9. Оператор ҚАО ААЖ-ны әкімшілендіруді жүзеге асырады.

2. Пайдаланушының құқықтары мен міндеттері

      10. Пайдаланушы:

      1) қолжетімділік құқықтарына сәйкес ақпаратты алуға;

      2) ҚАО ААЖ арқылы алынған ақпаратты тек қызметтік мақсатында және Қаақстан Республикасының заңнамасында және нормативтік құқықтық актілерінде көзделген шеңберінде ғана қолдануға құқылы.

      11. Пайдаланушының міндеттері:

      1) ҚАО ААЖ арқылы ақпарат туралы тек қызметтік мақсатта сұрау салу;

      2) жұмыс орнында ұзақ, екі айдан астам болмаған жағдайда өзінің есепке алу жазбасын бұғаттауға электрондық өтінім беру;

      3) бұйрыққа қол қойылған күннен бастап бір тәулік ішінде басқа лауазымға немесе бөлімшеге ауысу себебі бойынша пайдаланушының құқықтары өзгерген жағдайда, ҚАО ААЖ порталы арқылы электрондық өтінім жіберуге құқылы;

      4) ҚАО ААЖ арқылы алынған ақпараттық құпиялылығын сақтауға міндетті;

      5) ҚАО ААЖ-ны Қазақстан Республикасының заңнамаларын және халықаралық шарттарды қасақана бұзу мақсатында пайдаланбау;

      6) ҚАО ААЖ-ны интернетке шығатын дербес компьютер арқылы пайдаланбау;

      7) пайдаланушыға белгілі құпия ақпаратты жария етпеу және ЭЦҚ-ны басқа адамдарға бермеу;

      8) Қазақстан Республикасы Үкіметінің 2016 жылғы 20 желтоқсандағы № 832 қаулысымен бекітілген ақпараттық-коммуникациялық технологиялар және ақпараттық қауіпсіздікті қамтамасыз ету саласындағы Бірыңғай талаптарды (бұдан әрі – бірыңғай талаптар), сондай-ақ құқық қорғау, арнаулы мемлекеттік және өзге де органдардың ақпарат алмасу жүйесінен мәліметтерді қалыптастыру, қол жеткізу, пайдалану, сақтау, қорғау және жою Қағидаларында көрсетілген талаптарды сақтау Қазақстан Республикасы Бас Прокурорының 2023 жылғы 13 қаңтардағы № 21 бұйрығымен (Нормативтік құқықтық актілерді мемлекеттік тіркеу тізілімінде № 31702 болып тіркелген) бекітілген (бұдан әрі - Қағидалар).

3. Оператордың құқықтары мен міндеттері

      12. Оператор:

      1) егер ҚАО ААЖ-ға қолжетімділікті ұйымдастыруға берілген мәліметтер дұрыс емес, толық болмаса, пайдаланушының ҚАО ААЖ-ға қолжетімділігіне рұқсатты тіркемеуге және бермеуге;

      2) пайдаланушыға ҚАО ААЖ-ға қолжетімділікті жабуға немесе уақытша бұғаттауға құқылы:

      пайдаланушылардың Қағидаларда көрсетілген Бірыңғай талаптар мен талаптарының бұзған;

      пайдаланушыны жұмыстан шығарған, қызметінен босатқан жағдайда.

      13. Оператордың міндеттері:

      1) сұратылған ақпаратты алудың заңдылығы бөлігінде бақылауды жүзеге асыру;

      2) Қазақстан Республикасы Қылмыстық-процестік кодексінің 34-бабының 5-бөлігінде көзделген жағдайларды қоспағанда, пайдаланушылар және олар жүргізген сұрап салулар туралы жеке ақпаратты таратпау.

4. Құпиялылық туралы ереже

      14. ҚАО ААЖ арқылы алынған барлық ақпарат құпия болып табылады және тек қызметтік мақсатта пайдаланылады.

      15. ҚАО ААЖ-ның пайдаланушылары мен операторлары болып табылатын адамдар құпиялылықты сақтауды қамтамасыз етеді және "Мемлекеттік құқықтық статистика және арнайы есепке алу туралы" Қазақстан Республикасы Заңының 16-3-бабының талаптарын бұзуға жол бермейді.

      16. Келісу туралы растауға ҚАО ААЖ-ның пайдаланушысы ЭЦҚ-мен қол қояды.

      17. Пайдаланушының осы Келісімнің ережелерін бұзуы ҚАО ААЖ-ға қолжетімділікті уақытша тоқтата тұруға немесе мүлдем жауып тастауға, пайдаланушының есепке алу жазбасын жоюға, сондай-ақ Қазақстан Республикасының заңдарында белгіленген тәртіппен жауаптылыққа тартуға әкеліп соқтыруы мүмкін.

      нысан

Төтенше жағдайлар журналы

1. Серверлікте орналасқан жабдық айтарлықтай зақымдалған жағдайдағы әрекеттер:

2. ОА орын-жайларының ішінара зақымданған жағдайдағы әрекеттер:

3. Өрт дабылы жағдайдағы әрекеттер:

4. Кондиционерлер істен шыққан жағдайдағы әрекеттер:

5. Электр қуатының істен шыққан кездегі әрекеттер:

6. Су басқан жағдайдағы әрекеттер:

Қазақстан Республикасы Бас прокуратурасының күші жойылған кейбір бұйрықтарының тізбесі

      1) "Құқық қорғау, арнаулы мемлекеттік және өзге де органдардың ақпарат алмасу жүйесін пайдалану қағидаларын бекіту туралы" Қазақстан Республикасы Бас Прокурорының 2015 жылғы 22 желтоқсандағы № 151 бұйрығы (Нормативтік құқықтық актілерді мемлекеттік тіркеу тізілімінде № 12786 болып тіркелген);

      2) "Қазақстан Республикасы Бас Прокурорының құқықтық статистика және арнайы есепке алу саласындағы кейбір бұйрықтарына өзгерістер мен толықтыру енгізу туралы" Қазақстан Республикасы Бас Прокурорының міндетін атқарушының 2020 жылғы 2 шiлдедегi № 82 бұйрығымен бекітілген Қазақстан Республикасы Бас Прокурорының құқықтық статистика және арнайы есепке алу саласындағы өзгерістер мен толықтыру енгізілетін кейбір бұйрықтарының тізбесінің 12-тармағы (Нормативтік құқықтық актілерді мемлекеттік тіркеу тізілімінде № 20920 болып тіркелген);

      3) "Қазақстан Республикасы Бас Прокурорының құқықтық статистика және арнайы есепке алу саласындағы кейбір бұйрықтарына өзгерістер мен толықтырулар енгізу туралы" Қазақстан Республикасы Бас Прокурорының міндетін атқарушының 2021 жылғы 15 ақпандағы № 17 бұйрығымен бекітілген Қазақстан Республикасы Бас Прокурорының құқықтық статистика және арнайы есепке алу саласындағы өзгерістер мен толықтыру енгізілетін кейбір бұйрықтарының тізбесінің 6-тармағы (Нормативтік құқықтық актілерді мемлекеттік тіркеу тізілімінде № 22206 болып тіркелген) күші жойылды деп танылсын.