ЗҚАИ-ның ескертпесі!
      Осы бұйрықтың қолданысқа енгізілу тәртібін 4 т. қараңыз

      БҰЙЫРАМЫН:

      1. Қоса беріліп отырған Қазақстан Республикасы Мәдениет және спорт министрінің өзгерістер енгізілетін кейбір бұйрықтарының тізбесі бекітілсін (бұдан әрі – тізбе).

      2. Қазақстан Республикасы Мәдениет және спорт министрлігінің Спорт және дене шынықтыру істері комитеті Қазақстан Республикасы заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық қолданысқа енгізілгеннен кейін үш жұмыс күні ішінде оны Қазақстан Республикасы Мәдениет және спорт министрлігінің интернет-ресурсында орналастыруды;

      3) осы тармақта көзделген іс-шаралар орындалғаннан кейін үш жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Мәдениет және спорт вице-министріне жүктелсін.

      4. Осы бұйрық 2023 жылғы 1 қаңтардан бастап қолданысқа енгізілетін тізбесінің 7-қосымшасының 3-тармағының екінші, алтыншы, жетінші, сегізінші бөлімдері, 4-тармағының бірінші бөлімі, 5-тармағының екінші бөлімі, 6-тармағының екінші бөлімі, 9-тармағы, 10-тармағының екінші, үшінші бөлімі, 11-тармағының бірінші бөлімі, 12-тармағының бірінші, алтыншы бөлімі, 13-тармағының бірінші, екінші бөлімі, 15-тармағының бірінші бөлімі, 16-тармағының бірінші, екінші бөлімдері, 8-қосымшасының 3-тармағының екінші, алтыншы, жетінші, сегізінші бөлімдері, 4-тармағының бірінші бөлімі, 5-тармағының екінші бөлімі, 6-тармағының екінші бөлімі, 9-тармағы, 10-тармағының екінші, үшінші бөлімі, 11-тармағының бірінші бөлімі, 12-тармағының бірінші, алтыншы бөлімі, 13-тармағының бірінші, екінші бөлімі, 15-тармағының бірінші бөлімі, 16-тармағының бірінші, екінші бөлімдерін қоспағанда, алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының Денсаулық

      сақтау министрлігі

      "КЕЛІСІЛДІ"

      Қазақстан Республикасының Еңбек және

      халықты әлеуметтік қорғау министрлігі

      "КЕЛІСІЛДІ"

      Қазақстан Республикасының

      Қаржы министрлігі

      "КЕЛІСІЛДІ"

      Қазақстан Республикасының

      Оқу-ағарту министрлігі

      "КЕЛІСІЛДІ"

      Қазақстан Республикасының

      Ұлттық экономика министрлігі

      "КЕЛІСІЛДІ"

      Қазақстан Республикасының

      Цифрлық даму, инновациялар және

      аэроғарыш өнеркәсібі министрлігі

Өзгерістер енгізілетін Қазақстан Республикасы Мәдениет және спорт министрінің кейбір бұйрықтарының тізбесі

      1. Қазақстан Республикасы Мәдениет және спорт министрінің 2021 жылғы 27 сәуірдегі "Мемлекеттік шығармашылық тапсырысты жан басына шаққандағы нормативтік қаржыландыру әдістемесін бекіту туралы" № 113 бұйрығына (Нормативтік актілерді мемлекеттік тіркеу тізілімінде № 22634 болып тіркелген) мынадай өзгерістер енгізілсін:

      кіріспе мынадай редакцияда жазылсын:

      "Мәдениет туралы" Қазақстан Республикасының Заңының 7-бабының 35-13) тармақшасына сәйкес БҰЙЫРАМЫН:";

      көрсетілген бұйрықпен бекітілген Мемлекеттік шығармашылық тапсырысты жан басына шаққандағы нормативтік қаржыландыру әдістемесінде (бұдан әрі - Әдістеме):

      1 және 2-тармақтар мынадай редакцияда жазылсын:

      "1. Осы Мемлекеттік шығармашылық тапсырыстың жан басына шаққандағы нормативтік қаржыландыру әдістемесі (бұдан әрі – Әдістеме) "Мәдениет туралы" Қазақстан Республикасы Заңының 7-бабының 35-13) тармақшасына сәйкес әзірленді және мемлекеттік шығармашылық тапсырысты (бұдан әрі – мемлекеттік тапсырыс) қаржыландырудың жан басына шаққандағы нормативін есептеу кезінде бірыңғай тәсілді айқындайды.

      Әдістеме осы Әдістеменің 1-қосымшасында (бұдан әрі – 1-қосымша) көзделген шығармашылық үйірме түрлерінің тізіміне қатысты, осы Әдістеменің 2-қосымшасына (бұдан әрі – 2-қосымша) сәйкес шығармашылық үйірме түрлеріне қойылатын талаптарды ескере отырып қолданылады.

      2. Әдістемеде келесі ұғымдар қолданылады:

      1) арнайы балалар тобы – ерекше білім беру қажеттіліктері бар балаларды немесе бір нозологиялық топтағы мүмкіндіктері шектеулі балаларды ғана қабылдауға жол берілетін шығармашылықтың белгілі бір түрі бойынша сабақ өткізуге арналған балалар тобы;

      2) жан басына шаққандағы нормативтік қаржыландыру көлемі – инфрақұрылымды, мүлікті ағымдағы қамтамасыз етуге арналған шығыстарды және жан басына шаққандағы қаржыландыру нормативін негізге ала отырып айқындалатын шығармашылық процесті жүзеге асыруға арналған шығыстарды қаржыландыру;

      3) инклюзивті балалар тобы – әртүрлі нозологиялық топтардағы мүмкіндіктері шектеулі немесе ерекше білім беру қажеттіліктері бар балалар тобына 2 баладан аспайтын балаларды қабылдауға жол берілетін шығармашылықтың белгілі бір түрі бойынша сабақ өткізуге арналған балалар тобы;

      4) интеграцияланған балалар тобы – ерекше білім беру қажеттіліктері бар балалар тобына немесе әртүрлі нозологиялық топтардағы мүмкіндіктері шектеулі балаларға 2-ден астам баланы қабылдауға жол берілетін шығармашылықтың белгілі бір түрі бойынша сабақ өткізуге арналған балалар тобы;

      5) мемлекеттік шығармашылық тапсырыстың жан басына шаққандағы қаржыландыру нормативі – балалар мен жасөспірімдерге арналған шығармашылық үйірмелер үшін балалар мен жасөспірімдерге мәдениет саласында көрсетілетін қызметтердің мемлекеттік кепілдендірілген құнының қаржылық қамтамасыз ету нормативі (бұдан әрі – жан басына шаққандағы қаржыландыру нормативі);

      6) нозологиялық топ – денсаулық мүмкіндіктері шектеулі адамдардың ауытқуларын сипаттайтын санаттарға жіктелуі;

      7) өнім беруші – негізгі қызмет түрі Әдістемеде көзделген үйірмелер түрлерінің бағыттары бойынша қызметтер көрсету болып табылатын білім беру ұйымдарынан басқа, меншік нысанына, ведомстволық бағыныстылығына қарамастан, заңды тұлға немесе дара кәсіпкер;

      8) шығармашылық процесс – баланың интеллектуалды және эмоционалды дамуына бағытталған шығармашылық үйірмелерде айналысатын балаларды тәрбиелеу, оқыту және дамыту процесі.".

      2-тараудың атауы орыс тілінде өзгерістер енгізіледі, қазақша мәтін өзгеріссіз қалады;

      әдістеменің 1-қосымшасы осы бұйрықтың 1-қосымшасына сәйкес жаңа редакцияда жазылсын;

      әдістеменің 2-қосымшасы осы бұйрықтың 2-қосымшасына сәйкес жаңа редакцияда жазылсын;

      әдістеменің 3-қосымшасы осы бұйрықтың 3-қосымшасына сәйкес жаңа редакцияда жазылсын.

      2. Қазақстан Республикасы Мәдениет және спорт министрінің 2021 жылғы 27 сәуірдегі "Мемлекеттік спорттық тапсырысты жан басына шаққандағы нормативтік қаржыландыру әдістемесін бекіту туралы" № 119 бұйрығына (Нормативтік актілерді мемлекеттік тіркеу тізілімінде № 22633 болып тіркелген) келесі өзгерістер енгізілсін:

      кіріспе мынадай редакцияда жазылсын:

      ""Дене шынықтыру және спорт туралы" Қазақстан Республикасының Заңының 7-бабының 65-10) тармақшасына сәйкес БҰЙЫРАМЫН:";

      көрсетілген бұйрықпен бекітілген Мемлекеттік спорттық тапсырысты жан басына шаққандағы нормативтік қаржыландыру әдістемесінде (бұдан әрі - Әдістеме):

      1-тармақ мынадай редакцияда жазылсын:

      "1. Осы мемлекеттік спорттық тапсырыстың жан басына шаққандағы нормативтік қаржыландыру әдістемесі (бұдан әрі – Әдістеме) "Дене шынықтыру және спорт туралы" Қазақстан Республикасы Заңының 7-бабының 65-10) тармақшасына сәйкес әзірленген және мемлекеттік спорттық тапсырысты (бұдан әрі – мемлекеттік тапсырыс) қаржыландырудың жан басына шаққандағы нормативін есептеу кезінде бірыңғай тәсілді айқындайды.

      Әдістеме осы Әдістеменің 1-қосымшасында (бұдан әрі – 1-қосымша) көзделген спорттық үйірме түрлерінің тізіміне қатысты, осы Әдістеменің 2-қосымшасына (бұдан әрі – 2-қосымша) сәйкес спорттық үйірме түрлеріне қойылатын талаптарды ескере отырып қолданылады.

      әдістеменің 1-қосымшасы осы бұйрықтың 4-қосымшасына сәйкес жаңа редакцияда жазылсын;

      әдістеменің 2-қосымшасы осы бұйрықтың 5-қосымшасына сәйкес жаңа редакцияда жазылсын;

      әдістеменің 3-қосымшасы осы бұйрықтың 6-қосымшасына сәйкес жаңа редакцияда жазылсын.

      3. Қазақстан Республикасы Мәдениет және спорт министрінің 2021 жылғы 27 сәуірдегі "Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу қағидаларын бекіту туралы" № 120 бұйрығына (нормативтік құқықтық актілерді мемлекеттік тіркеу тізілімінде № 22631 болып тіркелген) мынадай өзгеріс енгізілсін:

      Көрсетілген бұйрықпен бекітілген Балалар мен жасөспірімдер спорт секцияларында мемлекеттік спорт тапсырысын орналастыру және олардың жұмыс істеу қағидалары осы бұйрыққа қосымшаға сәйкес жаңа редакцияда жазылсын.

      4. Қазақстан Республикасы Мәдениет және спорт министрінің 2021 жылғы 28 сәуірдегі "Балалар мен жасөспірімдерге арналған шығармашылық үйірмелерде мемлекеттік шығармашылық тапсырысты орналастыру және олардың жұмыс істеу қағидаларын бекіту туралы" № 122 бұйрығына (Нормативтік құқықтық актілерді мемлекеттік тіркеу тізілімінде № 22644 болып тіркелген) келесі өзгеріс енгізілсін:

      көрсетілген бұйрықпен бекітілген Балалар мен жасөспірімдерге арналған шығармашылық үйірмелерге мемлекеттік шығармашылық тапсырысты орналастыру және олардың жұмыс істеу қағидалары осы бұйрыққа 8-қосымшаға сәйкес жаңа редакцияда жазылсын.

Шығармашылық үйірме түрлерінің тізімі

      Ескерту:

      *Жаяу қолжетімділік әлеуеті – білім беру, мәдениет және спорт ұйымдарының қолда бар инфрақұрылымы, тұрғын үй инфрақұрылымы негізінде сабақ өткізу үшін өнім берушінің инфрақұрылымын іске қосу жеңілдігі бойынша шығармашылық түрін бағалау өлшемшарты. Мәдениет саласындағы уәкілетті орган шығармашылық түрінің әлеуетін бағалау үшін мынадай жіктеуішті пайдаланады:

      "жоғары": көппәтерлі тұрғын үйлер базасында, жертөле, цокольдық және тұрғын үй-жайларда, комерциалық ғимараттарда өрбіту мүмкіндігі;

      "орташа": білім беру ұйымдарының, мәдениет және спорт ұйымдарының объектілері мен құрылыстарының базасында өрбіту мүмкіндігі;

      "төмен": арнайы жабдықтары мен үй-жайлары бар арнайы құрылыстар жағдайында ғана және ұлт мәдениеті үшін елеулі маңызы болған жағдайда өрбіту мүмкіндігі;

      ** Сабақтарды жыл бойы өткізу мүмкіндігінің әлеуеті – шығармашылық түрін маусымдылық пен ауа райы жағдайларына арнайы тәуелділіктің болуы немесе болмауы бойынша бағалау өлшемшарты. Мәдениет саласындағы уәкілетті орган шығармашылық түрінің әлеуетін бағалау үшін келесі жіктеуішті пайдаланады:

      "ия": қызметтер жыл бойы көрсетілуі мүмкін;

      "жоқ": маусымдық тәуелділік бар және тізімге енгізілмейді.

      ***Жаппай таралым әлеуеті – факторлар кешенімен, оның ішінде жаяу жүру қолжетімділігімен, ілеспе шығындардың құнымен және тарихи қалыптасқан сұраныспен байланысты халық арасында шығармашылық түрін бағалау өлшемшарты. Мәдениет саласындағы уәкілетті орган шығармашылық түрінің әлеуетін бағалау үшін келесі жіктеуішті пайдаланады:

      "жоғары": шығармашылықтың түрі халықтың кең ауқымында тұрақты жоғары сұранысқа ие;

      "орташа": шығармашылықтың түрі халықтың кең ауқымында қалыпты сұранысқа ие;

      "төмен": шығармашылықтың түрі халықтың шағын шеңберінде ғана сұранысқа ие және ұлт мәдениеті үшін маңызды;

      **** Ұлт мәдениеті үшін елеулі маңызы бар әлеуеті – жаяу қол жетімділіктің және жаппай таралымның төмен көрсеткіштері бар түрлерге қолданылатын шығармашылық түрін бағалау өлшемшарты. Ол талап етілетін әлеуметтік ортадағы балалардың мәдени және шығармашылық дамуына әсер ету тұрғысынан шығармашылықтың осы түрінің маңыздылығын талдау үшін қолданылады. Мәдениет саласындағы уәкілетті орган шығармашылық түрінің әлеуетін бағалау үшін келесі жіктеуіштер пайдаланылады:

      "иә": қызметтің маңызды әлеуметтік мәні бар;

      "жоқ": көрсетілетін қызметтер көлемінің статистикасына сәйкес қызметтің айқын әлеуметтік басымдығы жоқ.

Шығармашылық үйірмелер қызметтерін ұсынуға қойылатын талаптар

      Ескертпе:

      Мәдениет саласындағы уәкілетті органның сабақтар өткізу үшін жарақтандырудың және инфрақұрылымға қызмет көрсетудің күрделілігін бағалау өлшемшартының келесі мәндердің жол берілетін тізбесі болады:

      "өте төмен" - жаяу қолжетімділік өлшемшартына сай келетін және көппәтерлі тұрғын үйлердің базасында, жертөле, цокольді үй-жайларда, оның ішінде тұрғын үй-жайлар мен пәтерлерде жұмыс істей алатын инфрақұрылым;

      "төмен" - жаяу қолжетімділік өлшемшартына сай келетін және көп пәтерлі тұрғын үйлер базасында, жертөле, цокольді үй-жайларында жұмыс істей алатын инфрақұрылым;

      "орташа" - жаяу қолжетімділік өлшемшартына сай келетін инфрақұрылым, бірақ арнайы жабдықтың болуына байланысты қолданыстағы білім беру ұйымдарының инфрақұрылымы, мәдениет және спорт ұйымдарының нысандары мен құрылыстары негізінде ғана өрбуі мүмкін;

      Ескертпе:

      *Мәдениет саласындағы уәкілетті органның сабақтар өткізу үшін жарақтандырудың және инфрақұрылымға қызмет көрсетудің күрделілігін бағалау өлшемшартының келесі мәндердің жол берілетін тізбесі болады:

      "өте төмен" - жаяу қолжетімділік өлшемшартына сай келетін және көппәтерлі тұрғын үйлердің базасында, жертөле, цокольді үй-жайларда, оның ішінде тұрғын үй-жайлар мен пәтерлерде жұмыс істей алатын инфрақұрылым;

      "төмен" - жаяу қолжетімділік өлшемшартына сай келетін және көп пәтерлі тұрғын үйлер базасында, жертөле, цокольді үй-жайларында жұмыс істей алатын инфрақұрылым;

      "орташа" - жаяу қолжетімділік өлшемшартына сай келетін инфрақұрылым, бірақ арнайы жабдықтың болуына байланысты қолданыстағы білім беру ұйымдарының инфрақұрылымы, мәдениет және спорт ұйымдарының нысандары мен құрылыстары негізінде ғана өрбуі мүмкін;

Түзету коэффициенті мәндерінің тізімі ӨҢІРК

Секцияларының түрлерінің тізімі

      Ескертпе:

      * Жаяу қолжетімділік әлеуеті – білім беру, мәдениет және спорт ұйымдарының қолда бар инфрақұрылымы, тұрғын үй инфрақұрылымы негізінде сабақтар өткізу үшін өнім берушінің инфрақұрылымын өрістету жеңілдігі бойынша спорт түрін бағалау критерийі. Спорт түрінің әлеуетін бағалау үшін дене шынықтыру және спорт саласындағы уәкілетті орган келесі жіктеуші пайдаланады:

      "жоғары": көппәтерлі тұрғын үйлер базасында, жертөле, цокольдық және тұрғын үй-жайларда өрбіту мүмкіндігі;

      "орташа": білім беру ұйымдарының, мәдениет және спорт ұйымдарының объектілері мен құрылыстарының базасында өрбіту мүмкіндігі;

      "төмен": арнайы жабдықтары мен үй-жайлары бар және ұлт денсаулығы үшін елеулі маңызы бар арнайы құрылыстар жағдайында ғана өрістету мүмкіндігі.

      **Жыл бойы сабақ өткізу мүмкіндігінің әлеуеті – маусымдылық пен ауа райы жағдайларына спецификалық тәуелділіктің болуы немесе болмауы бойынша спорт түрін бағалау критерийі. Спорт түрінің әлеуетін бағалау үшін дене шынықтыру және спорт саласындағы уәкілетті орган келесі жіктеуші пайдаланады:

      "иә": қызметтер жыл бойы көрсетілуі мүмкін;

      "жоқ": маусымдық тәуелділік бар және тізімге енгізілмейді.

      ***Жаппай таралушылық әлеуеті – факторлар кешенімен, оның ішінде жаяу жүру қолжетімділігімен, ілеспе шығыстардың құнымен және тарихи қалыптасқан қажеттілікпен байланысты халық арасында қажеттілік бойынша спорт түрін бағалау критерийі. Спорт түрінің әлеуетін бағалау үшін дене шынықтыру және спорт саласындағы уәкілетті орган келесі жіктеуші пайдаланады:

      "жоғары": спорт түрі халықтың кең ауқымында тұрақты жоғары сұранысқа ие;

      "орташа": спорт түрі халықтың кең ауқымында қалыпты сұранысқа ие;

      "төмен": спорт түрі халықтың тар шеңберіне ғана сұранысқа ие және Ұлт денсаулығы үшін елеулі мәнге ие.

      **** Ұлт денсаулығы үшін елеулі маңызы бар әлеует – жаяу қолжетімділік пен жаппай таралушылықтың төмен көрсеткіштері бар түрлерге қолданылатын спорт түрін бағалау критерийі. Бұл спорттың маңыздылығын талап етілетін әлеуметтік ортадағы балалардың физикалық денсаулығына әсер ету тұрғысынан талдау үшін қолданылады. Спорт түрінің әлеуетін бағалау үшін дене шынықтыру және спорт саласындағы уәкілетті орган мынадай жіктеуші пайдаланады:

      "иә": қызметтің маңызды әлеуметтік мәні бар;

      "жоқ": көрсетілетін қызметтер көлемінің статистикасына сәйкес қызметтің айқын әлеуметтік басымдығы жоқ.

Спорт секцияларының түрлеріне қызмет көрсетуге қойылатын талаптар

      Ескертпе:

      *Дене шынықтыру және спорт саласындағы уәкілетті органның сабақтар өткізу үшін жарақтандырудың және инфрақұрылымға қызмет көрсетудің күрделілігін бағалау өлшемшартының келесі мәндердің жол берілетін тізбесі болады:

      "өте төмен" - жаяу қолжетімділік өлшемшартына сай келетін және көппәтерлі тұрғын үйлердің базасында, жертөле, цокольді үй-жайларда, оның ішінде тұрғын үй-жайлар мен пәтерлерде жұмыс істей алатын инфрақұрылым;

      "төмен" - жаяу қолжетімділік өлшемшартына сай келетін және көп пәтерлі тұрғын үйлер базасында, жертөле, цокольді үй-жайларында жұмыс істей алатын инфрақұрылым;

      "орташа" - жаяу қолжетімділік өлшемшартына сай келетін инфрақұрылым, бірақ арнайы жабдықтың болуына байланысты қолданыстағы білім беру ұйымдарының инфрақұрылымы, мәдениет және спорт ұйымдарының нысандары мен құрылыстары негізінде ғана өрбуі мүмкін;

      "жоғары" - жаяу қолжетімділік өлшеміне сай келмейтін және суды қарқынды пайдалануға немесе жасанды мұз жасауға байланысты емес, белгілі бір спорт түрі бойынша сабақтар өткізуге арналған арнайы жабдықталған спорт объектілерінде ғана өрістетілуі мүмкін инфрақұрылым;

      "өте жоғары" - жаяу қолжетімділік өлшеміне сай келмейтін және суды қарқынды пайдалануға немесе жасанды мұз жасауға байланысты белгілі бір спорт түрі бойынша сабақтар өткізуге арналған арнайы жабдықталған спорт объектілерінде ғана өрістетілуі мүмкін.

      жаттығуды бастау үшін балалардың ең төменгі жасы Қазақстан Республикасы Мәдениет және спорт министрінің 2014 жылғы 20 қазандағы "Спорт резерві және жоғары дәрежедегі спортшыларды даярлау бойынша оқу-жаттығу процесін жүзеге асыратын дене шынықтыру-спорт ұйымдарында спорт түрлері бойынша спортшылардың жас шамасын бекіту туралы" № 42 бұйрығына сәйкес (Нормативтік құқықтық актілерді мемлекеттік тіркеу тізілімінде № 9881 болып тіркелген) реттеледі.

Түзету коэффициенті мәндерінің тізімі ӨҢІРК

Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу қағидалары

1-тарау. Жалпы ережелер

      1. Осы Балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу қағидалары (бұдан әрі – Қағидалар) "Дене шынықтыру және спорт туралы" Қазақстан Республикасы Заңының (бұдан әрі – Заң) 7-бабының 65-8) тармақшасына сәйкес әзірленді және балалар мен жасөспірімдерге арналған спорт секцияларында мемлекеттік спорттық тапсырысты орналастыру және олардың жұмыс істеу тәртібін айқындайды.

      2. Осы Қағидаларда мынадай ұғымдар пайдаланылады:

      1) оператор – облыстың, республикалық маңызы бар қаланың және астананың жергілікті атқарушы органы немесе осы Қағидаларға сәйкес мемлекеттік спорттық тапсырысты орналастыру рәсімін әкімшілендіруді орындауға уәкілеттік берілген оның құрылымдық бөлімшесі;

      2) Өнім беруші – білім беру ұйымдарынан басқа, меншік нысанына, ведомстволық бағыныстылығына қарамастан, заңды тұлға немесе дара кәсіпкер;

      3) баланың заңды өкілдері – Қазақстан Республикасының заңнамасына сәйкес балаға қамқорлық жасауды, бiлiм, тәрбие берудi, оның құқықтары мен мүдделерiн қорғауды жүзеге асыратын ата-аналар (ата-ана), бала асырап алушылар, қорғаншы немесе қамқоршы, баланы қабылдайтын ата-ана (баланы қабылдайтын ата-аналар), патронат тәрбиешi және оларды алмастырушы басқа да адамдар.

2-тарау. Мемлекеттік спорттық тапсырысты орналастыру тәртібі

      3. Балалар мен жасөспірімдерге арналған спорт секцияларында мемлекеттік спорттық тапсырысты (бұдан әрі – мемлекеттік тапсырыс) орналастыру мыналарды қамтиды:

      1) мемлекеттік тапсырысты орналастыру үшін өнім берушілерді іріктеу;

      2) спорт секцияларына орындарды бөлу тәртібі.

      Оператор мемлекеттік тапсырысты орналастыруды "Ұлттық білім беру дерекқоры" ақпараттық жүйесімен (бұдан әрі – ҰБДҚ) интеграцияланған ақпараттық жүйе арқылы жүзеге асырады.

      Мемлекеттік тапсырысты орналастыру оператордың тиісті жылға арналған бюджетінде көзделген қаражат көлемінде өнім берушілер арасында жүзеге асырылады.

      Оператор мемлекеттік тапсырысты қаржыландыру жоспарының жобасын күнтізбелік жылдың толық көлемінде жасайды және жыл сайын жоспарланатын жылдың алдындағы жылдың 31 қазанынан кешіктірілмейтін мерзімде оператордың ресми интернет-ресурсында орналастырады.

      Оператор мемлекеттік тапсырысты қаржыландырудың бекітілген жоспарын ол бекітілгеннен кейін 5 (бес) жұмыс күнінен кешіктірілмейтін мерзімде оператордың ресми интернет-ресурсында жыл сайын орналастырады.

      Оператор мемлекеттік тапсырысты қаржыландырудың бекітілген көлемін алдыңғы қаржы жылының мемлекеттік тапсырысын қаржыландыруды жалғастыруға көзделген қаражат көлемін шегере отырып, жыл сайын қаржы жылының бірінші жұмыс күні ақпараттық жүйеде орналастырады.

      Оператордың бюджетінен мемлекеттік тапсырысты іске асыруға қосымша қаражат бөлінген кезде, бекітілген қосымша қаржыландыру көлемі ол бекітілгеннен кейін 3 (үш) жұмыс күнінен кешіктірілмей ақпараттық жүйеде орналастырылады.

      Балалар контингентін жинақтауды оператор баланың заңды өкілдерінің белгілі бір өнім берушіге берген электрондық өтініштері негізінде автоматты түрде ақпараттық жүйе арқылы жүзеге асырады. Балалар контингентін жинақтау кезінде ақпараттық жүйе осы Қағидалардың 11 және 12 – тармақтарында көзделген кезектілікті басшылыққа ала отырып, балалар мен жасөспірімдерге арналған спорт секцияларына (бұдан әрі-спорт секцияларына) орындар бөледі.

      Мемлекеттік тапсырысты орналастыру, балалар контингентін жинақтау, сондай-ақ өнім берушінің, оператордың және баланың заңды өкілінің осы процестерге байланысты өзге де ілеспе функционалдық операциялары өнім беруші және баланың заңды өкілі үшін өтеусіз жүзеге асырылады;

      3) электронды және жалпыға қолжетімді форматтарда мемлекеттік тапсырысты орналастырудың, оның сапасын бақылаудың және мақсатты игерілуінің барлық кезеңдері мен рәсімдерін орындалуын қамтамасыз ету.

1-параграф. Мемлекеттік тапсырысты орналастыру үшін өнім берушілерді іріктеу

      4. Мемлекеттік тапсырысты орналастыруға қатысу үшін өнім беруші ақпараттық жүйе арқылы операторға мынадай құжаттарды қоса бере отырып, осы Қағидаларға 1-қосымшаға сәйкес нысан бойынша өтініш береді:

      1) жеке тұлғалар үшін – жеке кәсіпкер ретінде қызметті бастағаны туралы хабарлама немесе жеке кәсіпкер талоны, немесе жеке кәсіпкер куәлігі, заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтама;

      2) спорт секция қызметін ұйымдастыруға пайдалану үшін өнім берушінің меншігіндегі және (немесе) өзге де заңды негіздегі жылжымайтын мүлікке құқық белгілейтін құжаттарды ұсынады.

      Жылжымайтын мүлікті пайдалану құқығын растайтын құжаттың мерзімі өнім беруші өтініш берген күннен кейін кемінде 10 (он) айды құрайды.

      Мемлекеттік меншіктегі жылжымайтын мүлікті пайдаланған жағдайда қызмет көрсету туралы шарт ұсынылады, онда құқық белгілейтін құжаттарды ұсына отырып, көрсетілетін қызметті беруші тікелей теңгерім ұстаушы болып табылады;

      3) құжаттарды тапсырғанға дейін бір ай мерзімнен ерте емес күні бар Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-336/2020 бұйрығына сәйкес (Нормативтік құқықтық актілердің мемлекеттік тіркеу тізілімінде № 22004 болып тіркелген) ұйым ғимаратының/үй-жайларының санитариялық-эпидемиологиялық талаптарға сәйкестігі туралы санитариялық-эпидемиологиялық қорытындының көшірмесі немесе эпидемиялық маңыздылығы болмашы объекті қызметінің басталғаны (оларды пайдалану) туралы хабарламаның көшірмесі;

      4) өнім беруші бекіткен спорт түрлерінен оқу бағдарламасы, мыналарды қамтиды:

      оқу бағдарламасының мақсаттары мен міндеттері;

      болжамды спорттық нәтижелер;

      оқу дәрежелері бойынша сабақтардың мазмұны (Қазақстан Республикасы Мәдениет және спорт министрінің 2021 жылғы 27 сәуірдегі № 119 бұйрығымен бекітілген мемлекеттік спорттық тапсырысты жан басына шаққандағы нормативтік қаржыландыру әдістемесіне (Нормативтік құқықтық актілердің мемлекеттік тіркеу тізілімінде № 22633 болып тіркелген) (бұдан әрі – Әдістеме) сәйкес бір тақырыпқа жұмсалатын сабақтардың санын көрсете отырып, күнтізбелік бір жылға сабақтардың тақырыптарын тізбектеу));

      сабақтарды қамтамасыз ету үшін материалдық-техникалық жарақтандырудың сипаттамасы;

      сабақтарды өткізу кестесі;

      баланың заңды өкілдері үшін ішкі іс-шараларды, оның ішінде жарыстық (конкурстық), есептік іс-шараларды және ашық сабақтарды өткізудің жоспарланған кестесі;

      сабақ өткізу үшін қажетті балалардың жеке мүкәммалы мен киім-кешегі туралы мәліметтер;

      спорт секциясына бару регламенті;

      баланың заңды өкілдері үшін ішкі іс-шараларды, оның ішінде жарыстық (конкурстық), есептік іс-шараларды және ашық сабақтарды өткізудің жоспарланған кестесі;

      сабақ өткізу үшін қажетті балалардың жеке мүкәммалы мен киім-кешегі туралы мәліметтер;

      спорт секциясына бару регламенті;

      5) осы Қағидалардың 5-тармағында көрсетілген құжаттар мен мәліметтерді қоса бере отырып, балалармен сабақ өткізу үшін тартылатын қызметкерлердің тізімі.

      5. Өнім берушінің балалармен сабақ өткізетін әрбір қызметкеріне, өтінішке мынадай құжаттар мен мәліметтерді қамтитын ақпарат қоса беріледі:

      1) тегі, аты, әкесінің аты (бар болса), жеке сәйкестендіру нөмірі;

      2) мынадай тәсілдердің бірімен кәсіби спорт бейінін растайтын құжаттар:

      кадрларды даярлау бағыты бойынша техникалық және кәсіптік (арнайы орта, кәсіптік орта) немесе жоғары білімі туралы дипломның көшірмесі: "Дене шынықтыру және спорт" немесе "Дене шынықтыру" мамандығы бойынша педагогикалық ғылымдар;

      "Қазақстан Республикасының спорт шебері" немесе "Қазақстан Республикасының халықаралық дәрежедегі спорт шебері" немесе "Қазақстан Республикасының Еңбек сіңірген спорт шебері" немесе "Кеңестік Социалистік Республикалар Одағының спорт шебері" спорттық атақтары бар тұлғаларға - техникалық және кәсіптік (арнайы орта, кәсіптік орта) немесе жоғары білімі туралы дипломның, бейінді спорт түрі бойынша жоғарыда көрсетілген спорттық атақтарды беру туралы куәліктің және Қазақстан Республикасының дене шынықтыру және спорт саласындағы уәкілетті органы жанындағы жаттықтырушылардың біліктілігін арттыру курстарынан өткені туралы құжаттың көшірмесі;

      3) Қазақстан Республикасы Денсаулық сақтау министрінің 2020 жылғы 19 қазандағы № ҚР ДСМ-138/2020 бұйрығымен бекітілген Қазақстан Республикасының азаматтарын алғашқы көмек көрсету дағдыларына оқыту қағидаларына (Нормативтік құқықтық актілердің мемлекеттік тіркеу тізілімінде № 21464 болып тіркелген) нысан бойынша өтініш берілген күнге қарай 24 (жиырма төрт) айдан кешіктірмей берілген сертификат, немесе жоғары (жоғары оқу орнынан кейінгі) және/немесе орта кәсіптік медициналық білімі туралы дипломның көшірмесі;

      4) өтініш берілген күнге күнтізбелік 10 (он) күннен кешіктірілмей берілген соттылықтың болуы немесе болмауы туралы анықтама;

      5) өтініш берілген күнге күнтізбелік 10 (он) күннен кешіктірілмей берілген наркологиялық ұйымда диспансерлік бақылауда тұрғаны/тұрмағаны туралы анықтама;

      6) өтініш берілген күнге күнтізбелік 10 (он) күннен кешіктірілмей берілген психоневрологиялық ұйымда диспансерлік бақылауда тұрғаны/тұрмағаны туралы анықтама;

      7) өтініш берілген күнге күнтізбелік 10 (он) күннен кешіктірілмей берілген туберкулезге қарсы мамандырылған ұйымда (туберкулезбен ауыратындардың диспансерлік бақылауда тұрғаны/тұрмағаны) туралы анықтама.

      Қызметкерлер бойынша деректер, жылжымайтын мүлікке құқық белгілейтін құжаттар, оқу бағдарламасы, сондай – ақ осы Қағидалардың 4 және 5-тармақтарында көзделген құжаттар мен мәліметтер (бұдан әрі-деректер) өзгерген кезде Өнім беруші растаушы құжаттарды қоса бере отырып, ақпараттық жүйе арқылы қарау үшін деректерді түзетеді және операторға жібереді.

      Ұсынылған деректер сәйкес келген кезде оператор 5 (бес) жұмыс күні ішінде өнім берушінің енгізілген өзгерістерін мақұлдайды, сәйкес келмеген жағдайда қабылдамайды.

      6. Өтінішке қоса берілетін құжаттар мен мәліметтер операторға олардағы ақпаратты сәйкестендіру үшін жеткілікті сапада орындалған электрондық құжаттар түрінде ұсынылады.

      Өтініш беру ақпараттық жүйеде орналастырылатын және мемлекеттік тапсырысты орналастыруға қатысатын тараптардың өзара қарым-қатынастарын реттейтін оператордың жария офертасына өнім берушінің акцептімен сүйемелденеді.

      7. Оператор өтінішті өнім берушінің өтініш берген күнінен бастап 10 (он) жұмыс күні ішінде қарайды.

      Өтінішті қарау қорытындылары бойынша өнім беруші осы Қағидалардың 4, 5 және 6-тармақтарында көзделген талаптарға сәйкес келген кезде мемлекеттік тапсырысты орналастыруға қатысатын өнім берушілердің тізіміне енгізіледі. Өнім беруші осы Қағидаларының 4, 5 және 6-тармақтарында көзделген талаптарға сәйкес келмеген кезде, өнім берушіге дәлелді бас тарту жіберіледі.

      8. Мемлекеттік тапсырысты орналастыруға қатысатын өнім берушілер тізіміне енгізілген өнім беруші осы Қағидаларға 2-қосымшаға сәйкес нысан бойынша ақпараттық жүйе арқылы операторға өтініш жіберу арқылы өз бастамасы бойынша тізімнен шығарылады.

2-параграф. Спорт секцияларына орындарды бөлу тәртібі

      9. Өнім беруші спорт секцияларында орындар босатылған кезде өнім беруші 3 (үш) жұмыс күні ішінде олар бойынша мәліметтерді ақпараттық жүйеге енгізеді. Ақпараттық жүйе енгізілген мәліметтерді автоматты түрде Қазақстан Республикасы Мәдениет және спорт министрінің 2021 жылғы 27 сәуірдегі № 121 бұйрығымен бекітілген Балалар мен жасөспірімдерге арналған спорт секцияларын жан басына шаққандағы нормативтік қаржыландыру қағидаларында (Нормативтік құқықтық актілердің мемлекеттік тіркеу тізілімінде № 22637 болып тіркелген) көзделген мемлекеттік қаржыландыру көлемдерін бөлу кезінде ескереді.

      Бос орындарды ақпараттық жүйе баланың заңды өкіліне спорт секциясына қабылдау үшін электрондық ваучер бере отырып, балалар арасында олардың кезектілігіне сәйкес бөледі.

      10. Спорт секциясына қабылдау үшін ваучер алу үшін баланың заңды өкілі кезекке қою үшін электрондық өтініш (бұдан әрі – өтініш) береді.

      Ваучер, ақпараттық жүйе оны алған бала туралы ақпаратты тіркейтін, бала қабылданатын өнім берушінің спорттық секциясын және балаға бөлінетін қаржыландыру көлемін көрсететін бірегей нөмір болып табылады. Берілген ваучер туралы ақпарат электрондық хабарлама арқылы баланың заңды өкіліне жіберіледі.

      Баланың заңды өкілі арыз беруді жеке өзі жүзеге асырады. Осы талаптың бұзылуы анықталған кезде оператор кезектегі өтініштің және ол бойынша берілген ваучердің күшін жояды. Осы талаптың бұзылуы анықталған жағдайда ақпараттық жүйе кезектегі өтінішті және ол бойынша берілген ваучерді жояды.

      Мемлекеттік спорттық, шығармашылық және білім беру тапсырыстары шеңберінде ел ауқымында бір балаға спорт секцияларының немесе шығармашылық үйірмелердің қызметтеріне кезекте баланың заңды өкілінің бірден көп емес өтінішінің болуына жол беріледі.

      Спорттық секцияны ауыстырған кезде баланың заңды өкілі өнім берушіге кезекке қоюға бұрын берілген өтінішті кері қайтарып алу туралы өтініш жібереді және кезекке қоюға қайта өтініш береді.

      11. Спорт секциясына қабылдау кезегі ақпараттық жүйеде автоматты режимде жүргізіледі және баланың тегі, аты, әкесінің аты (ол болған кезде), өтініштің нөмірі мен берілген күні көрсетілген ваучер алуға кезекте тұрғандардың тізімін, сондай-ақ өнім берушінің ұсынған мәліметтері негізінде бөлуге берілген орындардың тізімін қамтиды.

      Кезек өнім берушінің әрбір спорт секциясына жеке қалыптастырылады және балалардың заңды өкілдері берген өтініштерден тұрады. Кезектегі өтініштер олардың берілген күні бойынша, секундқа дейінгі дәлдікпен сұрыпталады, жеңілдіктері жоқ және бір-біріне қатысты тең мәнді болады.

      Кезектегі позиция балалардың кезектен шығуы себебінен кему жағына және өнім беруші ваучерлерін жойған балалардың кезекке оралуы себебінен өсу жағына қарай жылжиды.

      Кезекте орын ауыстыруға жол берілмейді.

      12. Орындарды бөлу және ваучерлерді беруді күн сайын Нұр-Сұлтан қаласының уақыты бойынша сағат 18:00-де ақпараттық жүйе автоматты режимде жүзеге асырады.

      Ваучерлер өнім берушілердің тізіміне енгізілген өнім берушілерден спорт секцияларындағы бос орындарға кезек тәртібімен беріледі. Ваучер берілгеннен кейін баланың заңды өкілінің өтініші кезектен алынады.

      Ваучердің қолданылу мерзімі 10 (он) жұмыс күнін құрайды, осы уақыт ішінде баланың заңды өкілі спорт секциясына қабылдау үшін қажетті құжаттарды жинауды және өнім берушімен шарт жасасуды жүзеге асырады.

      Ваучер атаулы болып табылады және айырбастауға жатпайды. Ваучердің қолданылу мерзімі ұзартылмайды, мерзімі өткен ваучер автоматты түрде жойылады. Баланың заңды өкілі қажет болған жағдайда, кезекке қоюға қайта өтініш береді.

      Өнім берушілерден өтінім қабылдау, орындарды бөлу және ваучерлер беру тиісті қаржы жылының 1 қаңтарынан 30 қарашасына дейін жүргізіледі.

      1 желтоқсаннан 31 желтоқсанға дейін ақпараттық жүйеде өтінім қабылдау, орындарды бөлу және ваучерлер беру келесі жылдың бірінші жұмыс күніне дейін тоқтатылады.

      Өнім берушіден өтінімдерді қабылдау, орындарды бөлу және ваучерлерді беру мынадай кездерде уақытша тоқтатылады:

      1) оператордың бюджетінде тиісті жылға көзделген мемлекеттік тапсырыс үшін қаражат көлемі толық игерілген кезде;

      2) мемлекет тарапынан өнім берушілердің амалсыз тұрып қалуына әкеп соғатын, оның ішінде карантин, әлеуметтік, табиғи және техногендік сипаттағы төтенше жағдайлар салдарынан балалардың шығармашылық үйірмеге қатысу мүмкіндігі болмайтын шектеу шаралары белгіленген кезде.

      Эпидемиологиялық жағдайға байланысты тиісті әкімшілік-аумақтық бірліктерде (жекелеген объектілерде) бас мемлекеттік санитариялық дәрігердің қаулысы негізінде спорт секцияларында қашықтықтан сабақтар өткізуге жол беріледі.

      13. Жыл сайын 1-31 тамыз және 1-28 ақпан аралығында ақпараттық жүйе бұрын кезекке қоюға өтініш берген, кезекте тұру мерзімі үш айдан асатын және баланы спорт секцияға қабылдау үшін ваучерлер алынбаған балалардың заңды өкілдерінің кезекті электрондық растау рәсімін жүзеге асырады.

      Баланың заңды өкілі электрондық түрде кезекте тұруға одан әрі мүдделілігін растайды немесе баланың заңды өкілінің растауы болмаған кезде өтініш ақпараттық жүйемен кезектен алынады.

      Қажет болған жағдайда баланың заңды өкілі кезекке қоюға қайта өтініш беруді жүзеге асырады.

      14. Өнім беруші спорт секциясындағы орындарды, оның ішінде берілген ваучері бар орындарды қайтарып алу себебін көрсете отырып, кері қайтарып алады.

      Ваучер берілген орынды қайтарып алу баланың заңды өкілінің өтінішті беру күні мен уақытына сәйкес позицияға кезектегі бастапқы өтінішін қалпына келтіреді.

      15. Ақпараттық жүйе автоматты режимде төмендегі ақпаратты өзектендіреді және ресми интернет-ресурста орналастырады:

      1) елді мекеннің аудандарындағы (шағын учаскелері) спорт секцияларына сұраныс туралы мәліметтер;

      2) келесі қаржы жылына арналған мемлекеттік тапсырысты қаржыландыру жоспары туралы мәліметтер;

      3) ағымдағы қаржы жылында мемлекеттік тапсырысты қаржыландыру жоспарының ай сайын орындалуы туралы мәліметтер;

      4) спорт секциясының рейтингі туралы мәліметтер;

      5) оператор балаларға арнап ұйымдастыратын аудандық, қалалық және өңірлік конкурстардың, байқаулар мен жарыстардың тегін іс-шараларының күнтізбесі;

      6) өнім берушідегі орындардың босау хронологиясы;

      7) ваучерлерді беру хронологиясы.

      16. Оператор мемлекеттік тапсырыс рәсімдерін орындау барысында жинақталатын мәліметтерді Қазақстан Республикасының мемлекеттік органдарының бірыңғай көлік ортасы периметрінің ішінде физикалық орналасқан ақпараттық жүйенің серверлерінде және ақпарат жеткізгіштерінде сақтауды жүзеге асырады.

      Мемлекеттік тапсырыс міндеттерін жүзеге асыратын ақпараттық жүйенің компоненттері:

      1) "электрондық үкіметтің" сыртқы шлюзі арқылы Интернет желісін пайдаланушылармен өзара іс-қимыл жасайды;

      2) Қазақстан Республикасы Үкіметінің 2016 жылғы 20 желтоқсандағы № 832 қаулысымен бекітілген Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға сәйкес ақпараттық қауіпсіздікті қамтамасыз ету саласындағы уәкілетті органда ақпараттық қауіпсіздікті қамтамасыз ету саласындағы екінші деңгейден төмен емес ақпараттандыру объектілеріне қойылатын талаптарға сәйкестігіне ақпараттық қауіпсіздікке жүргізілген сынақтардың сәтті нәтижесі туралы акт алады;

      3) мемлекеттік білім беру, шығармашылық және спорттық тапсырысын алуға кезекте тұрған және алатын балалар, осы процеске қатысатын өнім берушілер мен олардың қызметкерлері бойынша ақпарат алмасуды және ақпаратты салыстырып тексеруді, сондай-ақ, бала баратын орта білім беру ұйымы туралы мәліметтерді, оның қорғаншылары мен қамқоршылары туралы мәліметтерді (болған жағдайда) алуды жүзеге асыру үшін ҰБДҚ-мен интеграцияйды;

      4) цифрландыру саласындағы "Қазақстан Республикасының мобильді азаматтар базасы" ақпараттық жүйесімен интеграциаланады;

      5) іркілістер жағдайында жұмысқа қабілеттілікті тез қалпына келтіру мүмкіндігі үшін жинақталған деректерді резервтейді.

3-тарау. Спорт секцияларының жұмыс істеу тәртібі

      17. Спорт секцияларының жұмыс істеуі мыналарды қамтиды:

      1) сабақтар өткізуге арналған үй-жайға қойылатын талаптар;

      2) балаларды қабылдау, есепке алу және дамыту.

      Спорт секцияларының жұмыс істеуін өнім беруші сабақтар өткізуге арналған үй-жайларды жарақтандыруға қойылатын талаптарды ескере отырып және Әдістемеге сәйкес спорт секцияларының түрлеріне қойылатын талаптарды ескере отырып жүзеге асырады.

1-параграф. Сабақтар өткізу үшін үй-жайға қойылатын талаптар

      18. Сабақ өткізуге арналған үй-жай орналасқан ғимарат бөлек санитариялық тораппен және мыналармен жабдықталады:

      дәретханамен. Кәрізденбеген жерде санитариялық-аулалық қондырғылар орнатуға жол беріледі;

      ыстық және суық суы бар қолжуғышпен;

      душ бөлмелерімен;

      жеке гигиена құралдарымен, оның ішінде дәретхана қағазымен және сабынмен;

      жарықтандыру;

      қол кептіргішпен немесе бір рет қолданылатын қағаз сүлгімен.

      19. Сабақ өткізуге арналған үй-жай жабдықталады:

      1) топтағы балалардың рұқсат етілген шекті санынан кем емес жеке шкафтармен жабдықталған киім шешетін орынмен;

      2) бейне мұрағатты кемінде күнтізбелік 30 (отыз) күн ішінде сақтау мүмкіндігі бар бейнебақылау камерасымен қамтамасыз етіледі;

      3) өртке қарсы қауіпсіздік жүйесімен жабдықталады.

      20. Мұз қабатын пайдаланатын спорт түрлері бойынша сабақтар өткізуге арналған үй-жайларды қоспағанда, сабақтар өткізуге арналған үй-жайлар, санитарлық торап пен киім шешетін бөлмелер жылытылады және күзгі-қысқы кезеңде кемінде 20°С температураны қамтамасыз етеді.

      Сабақ өткізуге арналған үй-жайдың табиғи жарық түсетін және желдету мүмкіндігі бар терезелері болады немесе ішке тарты-сыртқа тарату желдеткішімен жабдықталады.

      21. Сабақтар өткізуге арналған үй-жайларды күтіп ұстау Қазақстан Республикасы Денсаулық сақтау министрінің 2021 жылғы 5 тамыздағы № ҚР ДСМ-76 бұйрығымен бекітілген "Білім беру объектілеріне қойылатын санитариялық-эпидемиологиялық талаптар" санитариялық қағидаларында (Нормативтік құқықтық актілерін мемлекеттік тіркеу тізілімінде № 23890 болып тіркелген) көзделген талаптарға сәйкес жүзеге асырылады.

      Дене, психикалық, интеллектуалдық және басқа да ерекшеліктері бар адамдар үшін үй-жайлар "Қазақстан Республикасында мүгедектігі бар адамдарды әлеуметтік қорғау туралы" Қазақстан Республикасы Заңының 25-бабы 3-тармағында көзделген талаптарға сәйкес келеді.

2-параграф. Балаларды қабылдау, есепке алу және дамыту

      22. Ваучерде көрсетілген өнім беруші мен баланың заңды өкілі арасында ваучердің қолданылу мерзімі ішінде спорт секциясында сабақ өткізу қызметін көрсетуге шарт жасалады.

      Өнім беруші мен баланың заңды өкілі арасында шарт жасасу әрбір ваучер бойынша жеке жүзеге асырылады.

      23. Баланың заңды өкілі өнім берушінің біліктілігін және сабақтарды өткізу шарттарын бағалау мақсатында өнім берушімен шартқа қол қою немесе қол қоймау туралы шешім қабылдау үшін ваучердің қолданылу мерзімі кезеңінде кемінде екі сынақ сабағына қатысуға рұқсат етеді.

      24. Шарт жасасу үшін баланың заңды өкілі өнім берушіге мынадай құжаттарды ұсынады:

      1) спорт секциясына қабылдауға еркін нысандағы өтініші;

      2) баланың суреті;

      3) баланың туу туралы куәлігінің көшірмесі;

      4) "Денсаулық сақтау саласындағы есепке алу құжаттамасының бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген 027/е нысаны (Нормативтік құқықтық актілердің мемлекеттік тіркеу тізілімінде № 21579 болып тіркелген) бойынша берілген медициналық-санитариялық алғашқы көмек көрсететін медициналық ұйымнан анықтама;

      5) баланың заңды өкілінің жеке басын куәландыратын құжаттың көшірмесі.

      Мүмкіндіктері шектеулі немесе ерекше білім берілуіне қажеттілігі бар балалар тобына қабылдау үшін баланың заңды өкілі өнім берушіге оның мәртебесін растайтын құжатты ұсынады.

      25. Өнім беруші шарт жасасудан мынадай кезде бас тартады:

      1) баланың заңды өкілі осы Қағидалардың 24-тармағында көзделген құжаттардың толық топтамасын ұсынбаған кезде;

      2) баланың заңды өкілі анық емес және бұрмаланған ақпарат берген кезде;

      3) баланы спорт секциясына қабылдауға кедергі келтіретін медициналық қарсы көрсетілімдер болған кезде.

      Ерекше білім беру қажеттіліктері бар немесе мүмкіндіктері шектеулі баланы спорт секциясына қабылдау мүмкіндігін бағалау өнім берушінің қалауы бойынша айқындалады.

      26. Баланы спорт секциясына қабылдау шарт жасалған күннен кейінгі келесі күні жүзеге асырылады.

      27. Қажеттілікке сәйкес өнім беруші балалардың заңды өкілдерін алдын ала хабардар ете отырып, сабақ кестесіне өзгерістер енгізеді, топтардағы балалар санын түзетеді.

      28. Өнім беруші күнтізбелік жылға арналған жұмыс жоспарын жасайды және онымен әрбір баланың заңды өкілін таныстырады.

      Жұмыс жоспары мыналарды қамтиды:

      1) аптасына сабақтардың саны мен кестесі;

      2) жарыстық (конкурстық) іс-шаралардың болжамды кестесі;

      3) балалар іссапарлары мен жиындарының болжамды кестесі;

      4) баланың заңды өкілдері алдында есеп беру жастарының болжамды кестесі.

      29. Өнім беруші спорт секциясына қатысатын әрбір бала бойынша қағаз немесе электрондық тасымалдағышта портфолио жүргізеді, оған бейне - және фотоматериалдар мен олар туралы ақпарат енгізіледі:

      баланың жыл ішіндегі физикалық даму көрсеткіштері;

      жарыстық (конкурстық) іс-шараларға қатысу нәтижелері туралы;

      іссапарлар мен жиындарға қатысу;

      баланың заңды өкілдерінің алдында есеп беру жарыстарға қатысу;

      сабақтарына қатысуы;

      денсаулық сақтау ұйымдарында медициналық қарап-тексеруден өту нәтижелері бойынша баланы спорт секциясында оқуға жіберуге немесе жібермеуге құқығы.

      30. Өнім беруші баланы спорттық секциядан мынадай негіздер бойынша бір жақты тәртіпте шығарады:

      1) мектеп каникулдары, сауықтыру лагерьлеріндегі демалыс, оңалту іс-шараларынан өту және/немесе мүмкіндіктері шектеулі балаларды, ерекше білім беру қажеттіліктері бар балаларды емдеу кезеңін, сондай-ақ, конкурстарға, фестивальдарға, жарыстарға, олимпиадаларға қатысу кезеңін қоспағанда оқу-жаттығу жиындарында – заңды өкілінің өтініші бойынша, санаторий – курорттық ұйымдарда болуы-растайтын құжаттарды ұсынған кезде, себепсіз қатарынан 3 (үш) өткізіп алынған сабақтар болған кезде;

      2) спорттық секцияға бару регламентін сақтамағаны үшін;

      3) денсаулық сақтау ұйымы растаған, баламен сабақ өткізуге кедергі келтіретін, баланың медициналық қарсы көрсетілімдері немесе эмоциялық-ерік саласының бұзылыстары болған кезде;

      4) шарт талаптары сақталмаған кезде.

      Бала оқудан шығарылған кезде өнім беруші 10 (он) жұмыс күні ішінде баланың заңды өкіліне баланың портфолиосын береді.

Мемлекеттік спорттық тапсырысты орналастыруға қатысуға өтініш

      Мемлекеттік спорттық тапсырысты орналастыруға қойылатын талаптарды зерделеп, қоса берілген құжаттарды қарап, мені мемлекеттік тапсырысты орналастыруға қатысатын өнім берушілердің тізіміне қосуды сұраймын.

      Мемлекеттік спорттық тапсырысты жан басына шаққандағы нормативтік қаржыландыру әдістемесіне сәйкес мынадай спорт секцияларының қызметтерін көрсетуді жоспарлап отырмын:

      Осымен балалар мен жасөспірімдерге арналған спорт секцияларында мемлекеттік спорттық тапсырысты орналастыру қағидаларында және олардың жұмыс істеуінде көзделген талаптармен, балалар мен жасөспірімдерге арналған спорт секцияларын жан басына нормативтік қаржыландыру қағидаларымен және мемлекеттік спорттық тапсырысты жан басына нормативтік қаржыландыру әдістемесімен танысқанымды растаймын.

      Қосымша: құжаттар ________ парақта

      Ұйым басшысы _______________________________ қолы, тегі, аты, әкесінің аты (бар болған жағдайда)

      Толтырылған күні

Өтініш

      Мені мемлекеттік спорттық тапсырысты орналастыруға қатысатын өнім берушілер тізімінен мынадай себеп бойынша шығаруды өтінемін:

      __________________________________________________________________

      себебін сипаттау

      Ұйым басшысы _________________________________

      қолы, тегі, аты, әкесінің аты (бар болған жағдайда)

      Толтырылған күні

Балалар мен жасөспірімдерге арналған шығармашылық үйірмелерде мемлекеттік шығармашылық тапсырысты орналастыру және олардың жұмыс істеу қағидалары

1-тарау. Жалпы ережелер

      1. Осы балалар мен жасөспірімдерге арналған шығармашылық үйірмелерде мемлекеттік шығармашылық тапсырысты орналастыру және олардың жұмыс істеу қағидалары (бұдан әрі – Қағидалар) "Мәдениет туралы" Қазақстан Республикасы Заңының (бұдан әрі – Заң) 7-бабының 35-11) тармақшасына сәйкес әзірленді және балалар мен жасөспірімдерге арналған шығармашылық үйірмелерде мемлекеттік шығармашылық тапсырысты орналастыру және олардың жұмыс істеу тәртібін айқындайды.

      2. Осы Қағидаларда келесі ұғымдар пайдаланылады:

      1) оператор – облыстың, республикалық маңызы бар қаланың және астананың жергілікті атқарушы органы немесе осы Қағидаларға сәйкес мемлекеттік шығармашылық тапсырысты орналастыру рәсімін басқаруды орындауға уәкілеттік берілген оның құрылымдық бөлімшесі;

      2) Өнім беруші – білім беру ұйымдарынан басқа, меншік нысанына, ведомстволық бағыныстылығына қарамастан, заңды тұлға немесе дара кәсіпкер;

      3) баланың заңды өкілдері – Қазақстан Республикасының заңнамасына сәйкес балаға қамқорлық жасауды, білім, тәрбие беруді, оның құқықтары мен мүдделерін қорғауды жүзеге асыратын ата-аналар (ата-ана), бала асырап алушылар, қорғаншы немесе қамқоршы, баланы қабылдайтын ата-ана (баланы қабылдайтын ата-аналар), патронат тәрбиеші және оларды алмастыратын басқа да адамдар.

2-тарау. Мемлекеттік шығармашылық тапсырысты орналастыру тәртібі

      3. Мемлекеттік шығармашылық тапсырысты (бұдан әрі – мемлекеттік тапсырыс) орналастыру мыналарды қамтиды:

      1) мемлекеттік тапсырысты орналастыру үшін өнім берушілерді іріктеу;

      2) шығармашылық үйірмелерге орындарды бөлу тәртібі.

      Оператор мемлекеттік тапсырысты орналастыруды "Ұлттық білім беру дерекқоры" ақпараттық жүйесімен (бұдан әрі – ҰБДҚ) интеграцияланған ақпараттық жүйе арқылы жүзеге асырады.

      Мемлекеттік тапсырысты орналастыру оператордың тиісті жылға арналған бюджетінде көзделген қаражат көлемінде өнім берушілер арасында жүзеге асырылады.

      Оператор мемлекеттік тапсырысты қаржыландыру жоспарының жобасын күнтізбелік жылдың толық көлемінде жасайды және жыл сайын жоспарланатын жылдың алдыңғы жылының 31 қазаннан кешіктірілмейтін мерзімде оператордың ресми интернет-ресурсында орналастырылады.

      Оператор мемлекеттік тапсырысты қаржыландырудың бекітілген жоспарын ол бекітілгеннен кейін 5 (бес) жұмыс күнінен кешіктірілмейтін мерзімде оператордың ресми интернет-ресурсында жыл сайын орналастырады.

      Оператор жыл сайын қаржы жылының бірінші жұмыс күні мемлекеттік тапсырысты қаржыландыруға бекітілген көлемін алдыңғы қаржы жылының мемлекеттік тапсырысын қаржыландыруды жалғастыруға көзделген қаражат көлемін шегере отырып, ақпараттық жүйеде орналастырады.

      Оператордың бюджетінен мемлекеттік тапсырысты іске асыруға қосымша қаражат бөлінген кезде, бекітілген қосымша қаржыландыру көлемі ол бекітілгеннен кейін 3 (үш) жұмыс күнінен кешіктірілмей ақпараттық жүйеде орналастырылады.

      Балалар контингентін жинақтауды оператор баланың заңды өкілдерінің белгілі бір өнім берушіге берген электрондық өтініштері негізінде автоматты түрде ақпараттық жүйе арқылы жүзеге асырады. Балалар контингентін жинақтау кезінде ақпараттық жүйе осы Қағидалардың 11 және 12 – тармақтарында көзделген кезектілікті басшылыққа ала отырып, балалар мен жасөспірімдерге арналған шығармашылық үйірмелерге (бұдан әрі-шығармашылық үйірмелер) орындар бөледі.

      Мемлекеттік тапсырысты орналастыру, балалар контингентін жинақтау, сондай-ақ өнім берушінің, оператордың және баланың заңды өкілінің осы процестерге байланысты өзге де ілеспе функционалдық операциялары баланың заңды өкілі үшін өтеусіз жүзеге асырылады;

      3) мемлекеттік тапсырысты орналастырудың, оның сапасы мен нысаналы игерілуінің барлық кезеңдері мен рәсімдерінің орындалуын қамтамасыз ету электрондық және жалпыға қолжетімді форматтарда жүзеге асырылады.

Параграф 1. Мемлекеттік тапсырысты орналастыру үшін өнім берушілерді іріктеу

      4. Мемлекеттік тапсырысты орналастыруға қатысу үшін өнім беруші ақпараттық жүйе арқылы операторға осы Қағидаларға 1-қосымшаға сәйкес нысан бойынша мынадай құжаттарды қоса бере отырып өтініш береді:

      1) жеке тұлғалар үшін – дара кәсіпкер ретінде қызметінің басталғаны туралы хабарлама немесе дара кәсіпкердің талоны, немесе дара кәсіпкердің куәлігі, заңды тұлғалар үшін-заңды тұлғаны мемлекеттік тіркеу (қайта тіркеу) туралы анықтама;

      2) шығармашылық үйірме қызметін ұйымдастыруға пайдалану үшін өнім берушінің меншігіндегі және (немесе) өзге де заңды негіздегі жылжымайтын мүлікке құқық белгілейтін құжаттарды ұсынады.

      Жылжымайтын мүлікті пайдалану құқығын растайтын құжаттың мерзімі өнім беруші өтініш берген күннен кейін кемінде 10 (он) айды құрайды.

      Мемлекеттік меншіктегі жылжымайтын мүлікті пайдаланған жағдайда қызмет көрсету туралы шарт ұсынылады, онда құқық белгілейтін құжаттарды ұсына отырып, көрсетілетін қызметті беруші тікелей теңгерім ұстаушы болып табылады;

      3) эпидемиялық маңыздылығы болмашы объекті қызметінің басталғаны (оларды пайдалану) туралы хабарламаның көшірмесі;

      4) өнім беруші бекіткен оқу бағдарламасы:

      оқу бағдарламасының мақсаттары мен міндеттері;

      болжамды шығармашылық нәтижелер;

      оқу дәрежелері бойынша сабақтардың мазмұны (Қазақстан Республикасы Мәдениет және спорт министрінің 2021 жылғы 27 сәуірдегі № 113 бұйрығымен бекітілген (Нормативтік құқықтық актілерді мемлекеттік тіркеу тізілімінде № 22634 болып тіркелген) мемлекеттік шығармашылық тапсырысты жан басына шаққандағы нормативтік қаржыландыру әдістемесіне (бұдан әрі – Әдістеме) сәйкес бір тақырыпқа жұмсалатын сабақтардың санын көрсете отырып, күнтізбелік бір жылға сабақтардың тақырыптарын аудару));

      сабақтарды қамтамасыз ету үшін материалдық-техникалық жарақтандырудың сипаттамасы;

      сабақтарды өткізу кестесі;

      баланың заңды өкілдері үшін ішкі іс-шараларды, оның ішінде конкурстық (жарыстық), есептік іс-шараларды және ашық сабақтарды өткізудің жоспарланған кестесі;

      сабақ өткізу үшін қажетті балалардың жеке мүкәммалы мен киім-кешегі туралы мәліметтер;

      осы Қағидалардың 12-тармағында көзделген жағдайларда қашықтықтан сабақтар өткізу мүмкіндігін ескере отырып, өнім беруші бекіткен шығармашылық үйірмеге қатысу регламенті;

      шығармашылық үйірмеге қатысу регламенті;

      5) осы Қағидалардың 5-тармағында көрсетілген құжаттар мен мәліметтерді қоса бере отырып, балалармен сабақ өткізу үшін тартылатын қызметкерлердің тізімі.

      5. Балалармен сабақ өткізетін өнім берушінің әрбір қызметкеріне өтінішке мынадай құжаттар мен мәліметтерді қамтитын ақпарат қоса беріледі:

      1) тегі, аты, әкесінің аты (бар болса), жеке сәйкестендіру нөмірі;

      2) Әдістемеде көрсетілген шығармашылық үйірмелер түрлері бойынша мәдениет немесе өнер, педагогикалық ғылымдар немесе әлеуметтік ғылымдар бағыттары бойынша жоғары (немесе жоғары оқу орнынан кейінгі) және/немесе техникалық және кәсіптік білім туралы дипломның көшірмесін ұсыну тәсілімен кәсіптік шығармашылық бейінін, біліктілік деңгейін растайтын құжаттар;

      3) "Қазақстан Республикасының азаматтарын алғашқы көмек көрсету дағдыларына оқыту қағидаларын, сондай-ақ алғашқы көмек көрсетілетін шұғыл және шұғыл жағдайлар тізбесін бекіту туралы" Қазақстан Республикасы Денсаулық сақтау министрінің 2020 жылғы 19 қазандағы № ҚР ДСМ-138/2020 бұйрығына (Нормативтік құқықтық актілерді мемлекеттік тіркеу тізілімінде № 21464 болып тіркелген) сәйкес өтініш берілген күнге қарай 24 (жиырма төрт) айдан кешіктірмей берілген куәлік немесе сертификат, немесе жоғары (жоғары оқу орнынан кейінгі) және/немесе орта кәсіптік медициналық білімінің болуы туралы дипломның болуы;

      4) өтініш берілген күнге күнтізбелік 10 (он) күннен кешіктірілмей берілген соттылықтың болуы немесе болмауы туралы анықтама;

      5) наркологиялық ұйымдағы диспансерлік бақылаудың жай-күйі/жай-күйі туралы өтініш берілген күнге күнтізбелік 10 (он) күннен кешіктірмей берілген анықтама;

      6) өтініш берілген күнге күнтізбелік 10 (он) күннен кешіктірмей берілген психоневрологиялық ұйымдағы диспансерлік бақылаудың жай-күйі/жай-күйі туралы анықтама;

      7) мамандандырылған туберкулезге қарсы ұйымнан өтініш берілген күнге күнтізбелік 10 (он) күннен кешіктірмей берілген анықтама (туберкулезбен ауыратын науқастардың диспансерлік есепте тұруы/тұрмауы туралы).

      Қызметкерлер бойынша деректер, жылжымайтын мүлікке құқық белгілейтін құжаттар, оқу бағдарламасы, сондай – ақ осы Қағидалардың 4 және 5-тармақтарында көзделген құжаттар мен мәліметтер (бұдан әрі-деректер) өзгерген кезде өнім беруші деректерді түзетеді және растаушы құжаттарды қоса бере отырып, ақпараттық жүйе арқылы қарау үшін операторға жібереді.

      Ұсынылған деректер сәйкес келген кезде оператор 5 (бес) жұмыс күні ішінде өнім берушінің енгізілген өзгерістерін мақұлдайды, сәйкес келмеген жағдайда қабылдамайды.

      6. Өтінішке қоса берілетін құжаттар мен мәліметтер, операторға олардағы ақпаратты сәйкестендіру үшін жеткілікті ретінде орындалған электрондық құжаттар түрінде ұсынылады.

      Өтініш беру ақпараттық жүйеде орналастырылатын және мемлекеттік тапсырысты орналастыруға қатысатын тараптардың өзара қарым-қатынастарын реттейтін оператордың жария офертасына өнім берушінің акцептімен сүйемелденеді.

      7. Оператор өнім беруші өтініш берген күннен кейін 10 (он) жұмыс күні ішінде өтінішті қарайды.

      Өтінішті қарау қорытындылары бойынша өнім беруші осы Қағидалардың 4, 5 және 6-тармақтарында көзделген талаптарға сәйкес келген кезде мемлекеттік тапсырысты орналастыруға қатысатын өнім берушілердің тізіміне енгізіледі. Өнім беруші осы Қағидалардың 4, 5 және 6-тармақтарында көзделген талаптарға сәйкес келмеген кезде, өнім берушіге дәлелді бас тарту жіберіледі.

      8. Мемлекеттік тапсырысты орналастыруға қатысатын өнім берушілер тізіміне енгізілген өнім беруші осы Қағидалардың 2-қосымшасына сәйкес нысан бойынша операторға өтініш жіберу арқылы өз бастамасы бойынша тізімнен шығарылады.

Параграф 2. Шығармашылық үйірмелерге орындарды бөлу тәртібі

      9. Шығармашылық үйірмелердегі орындар босатылған кезде өнім беруші 3 (үш) жұмыс күні ішінде олар туралы тиісті мәліметтерді ақпараттық жүйеге енгізеді. Ақпараттық жүйе енгізілген мәдіметтерді автоматты түрде Қазақстан Республикасы Мәдениет және спорт министрінің 2021 жылғы 28 сәуірдегі № 123 бұйрығымен бекітілген Балалар мен жасөспірімдерге арналған шығармашылық үйірмелерді жан басына шаққандағы нормативтік қаржыландыру қағидаларында (Нормативтік құқықтық актілерді мемлекеттік тіркеу тізілімінде № 22643 болып тіркелген) көзделген мемлекеттік қаржыландыру көлемдерін бөлу кезінде ескереді.

      Ақпараттық жүйе босаған орындарды балалар арасында олардың кезектілігіне сәйкес бөліне отырып, баланың заңды өкіліне шығармашылық үйірмеге қабылдауға арналған электрондық ваучер береді.

      10. Шығармашылық үйірмеге қабылдауға ваучер алу үшін баланың заңды өкілі кезекке қою үшін электрондық өтініш (бұдан әрі – өтініш) береді.

      Ваучер, ақпараттық жүйе оны алған бала туралы ақпаратты тіркейтін, бала қабылданатын өнім берушінің шығармашылық үйірмесі және балаға бөлінетін қаржыландыру көлемін көрсететін бірегей нөмір болып табылады. Берілген ваучер туралы ақпарат электрондық хабарлама арқылы баланың заңды өкіліне жіберіледі.

      Баланың заңды өкілінің арыз беруін оның өзі жүзеге асырады. Осы талаптың бұзылуы анықталған кезде ақпараттық жүйе кезектегі өтініштің және ол бойынша берілген ваучердің күшін жояды.

      Мемлекеттік спорттық, шығармашылық және білім беру тапсырыстары шеңберінде ел ауқымында бір балаға спорт секцияларының немесе шығармашылық үйірмелердің қызметтеріне кезекте баланың заңды өкілінің бірден көп емес өтінішінің болуына жол беріледі.

      Шығармашылық үйірмені ауыстырған кезде баланың заңды өкілі өнім берушіге кезекке қоюға бұрын берілген өтінішті кері қайтарып алу туралы өтініш жібереді және кезекке қоюға қайта өтініш береді.

      11. Шығармашылық үйірмеге қабылдау кезегі ақпараттық жүйеде автоматты режимде жүргізіледі және онда баланың тегі, аты, әкесінің аты (болған жағдайда), өтініштің нөмірі мен берілген күні көрсетілген ваучер алуға арналған балалардың тізімін, сондай-ақ өнім берушілер ұсынған мәліметтер негізінде бөлуге арналған орындардың тізімін қамтиды.

      Кезек өнім берушінің әрбір шығармашылық үйірмесіне жеке қалыптастырылады және балалардың заңды өкілдері берген өтініштерден тұрады. Кезектегі өтініштер олардың берілген күні бойынша секундқа дейінгі дәлдікпен қалыптастырылады, жеңілдіктері жоқ және бір-біріне қатысты тең мәнді болады.

      Кезектегі жайғасым балалардың кезектен шығуы себебінен кему жағына және өнім беруші ваучерлерін жойған балалардың кезекке оралуы себебінен өсу жағына қарай жылжиды.

      Кезекте орын ауыстыруға жол берілмейді..

      12. Орындарды бөлу және ваучерлерді беру күн сайын Нұр-Сұлтан қаласының уақыты бойынша сағат 18:00-де ақпараттық жүйе автоматты режимде жүзеге асырылады.

      Ваучерлер тізімге енгізілген өнім берушілердегі шығармашылық үйірмелердің бос орындарына кезек тәртібімен беріледі. Ваучер берілгеннен кейін баланың заңды өкілінің өтініші кезектен алынады.

      Ваучердің қолданылу мерзімі 10 (он) жұмыс күнін құрайды, осы уақыт ішінде баланың заңды өкілі шығармашылық үйірмеге қабылдау үшін қажетті құжаттарды жинауды және өнім берушімен шарт жасасуды жүзеге асырады.

      Ваучер атаулы болып табылады және айырбастауға жатпайды. Ваучердің қолданылу мерзімі ұзартылмайды, қолданылу мерзімі өткен ваучер автоматты түрде жойылады. Баланың заңды өкілі қажет болған жағдайда қайта өтініш бере алады.

      Өнім берушілерден өтінімдерді қабылдау, орындарды бөлу және ваучерлерді беру тиісті қаржы жылының 1 қаңтарынан бастап 30 қарашасына дейінгі мерзімде жүзеге асырылады.

      1 желтоқсаннан 31 желтоқсанға дейін ақпараттық жүйемен өтінімдерді қабылдау, орындарды бөлу және ваучерлерді беру келесі жылдың бірінші жұмыс күніне дейін тоқтатылады.

      Өнім берушілерден өтінімдерді қабылдау, орындарды бөлу және ваучерлерді беру мынадай кездерде уақытша тоқтатылады:

      1) оператордың бюджетінде тиісті жылға көзделген мемлекеттік тапсырыс үшін қаражат көлемі толық игерілген кезде;

      2) мемлекет тарапынан өнім берушілердің амалсыз тұрып қалуына әкеп соғатын, оның ішінде карантин, әлеуметтік, табиғи және техногендік сипаттағы төтенше жағдайлар салдарынан балалардың шығармашылық үйірмеге қатысу мүмкіндігі болмайтын шектеу шаралары белгіленген кезде.

      Мемлекет тарапынан өнім берушілердің амалсыз тұрып қалуына әкеп соғатын, оның ішінде карантин, әлеуметтік, табиғи және техногендік сипаттағы төтенше жағдайлар салдарынан балалардың шығармашылық үйірмеге қатысу мүмкіндігі болмайтын шектеу шаралары белгіленген жағдайда, орындарды бөлу және ақпараттық жүйемен ваучерлер беру уақытша тоқтатыла тұрады.

      Эпидемиологиялық жағдайға байланысты тиісті әкімшілік-аумақтық бірліктерде (жекелеген объектілерде) өңірдің бас мемлекеттік санитариялық дәрігерінің қаулысы негізінде шығармашылық үйірмелерде қашықтықтан сабақтар өткізуге жол беріледі.

      13. Жыл сайын 1-31 тамыз және 1-28 ақпан аралығында ақпараттық жүйе бұрын кезекке қоюға өтініш берген, кезекте тұру мерзімі үш айдан асатын және баланы шығармашылық үйірмелерге қабылдау үшін ваучерлер алынбаған балалардың заңды өкілдерінің кезекті электрондық растау рәсімін жүзеге асырады.

      Баланың заңды өкілі электрондық түрде кезекте тұруға одан әрі мүдделілігін растайды немесе баланың заңды өкілінің растауы болмаған жағдайда ақпараттық жүйе өтінішті кезектен алып тастайды.

      Қажет болған жағдайда баланың заңды өкілі кезекке қоюға қайта өтініш беруді жүзеге асырады.

      14. Өнім беруші шығармашылық үйірмедегі орындарды, оның ішінде берілген ваучері бар орындарды қайтарып алу себебін көрсете отырып, кері қайтарып алады.

      Ваучер берілген орынды қайтарып алу баланың заңды өкілінің өтінішті беру күні мен уақытына сәйкес позицияға кезектегі бастапқы өтінішін қалпына келтіреді.

      15. Ақпараттық жүйе автоматты режимде төмендегі ақпаратты өзектендіреді және ресми интернет-ресурста орналастырады:

      1) елді мекеннің аудандарындағы (шағын аудандардағы) шығармашылық үйірмелерге сұраныс туралы мәліметтер;

      2) келесі қаржы жылына арналған мемлекеттік тапсырысты қаржыландыру жоспары туралы мәліметтер;

      3) ағымдағы қаржы жылында мемлекеттік тапсырысты қаржыландыру жоспарының ай сайын орындалуы туралы мәліметтер;

      4) шығармашылық үйірменің рейтингі туралы мәліметтер;

      5) оператор балаларға арнап ұйымдастыратын аудандық, қалалық және өңірлік конкурстардың, байқаулар мен жарыстардың тегін іс-шараларының күнтізбесі;

      6) өнім берушілерден орындарды босату хронологиясы;

      7) ваучерлерді беру хронологиясы.

      16. Оператор мемлекеттік тапсырыс рәсімдерін орындау барысында жинақталатын мәліметтерді ақпараттық жүйенің серверлерінде және Қазақстан Республикасы мемлекеттік органдарының бірыңғай көлік ортасы периметрінің ішінде нақты орналасқан ақпарат жеткізгіштерде сақтауды жүзеге асырады.

      Мемлекеттік тапсырыс міндеттерін жүзеге асыратын ақпараттық жүйенің компоненттері:

      1) "электрондық үкіметтің" сыртқы шлюзі арқылы интернет желісін пайдаланушылармен өзара іс-қимыл жасайды;

      2) Қазақстан Республикасы Үкіметінің 2016 жылғы 20 желтоқсандағы № 832 қаулысымен бекітілген Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға сәйкес ақпараттық қауіпсіздікті қамтамасыз ету саласындағы уәкілетті органда ақпараттық қауіпсіздікті қамтамасыз ету саласындағы екінші деңгейден төмен емес ақпараттандыру объектілеріне қойылатын талаптарға сәйкестігіне ақпараттық қауіпсіздікке жүргізілген сынақтардың сәтті нәтижесі туралы акт алады;

      3) мемлекеттік білім беру, шығармашылық және спорттық тапсырысын алуға кезекте тұрған және алатын балалар, осы процеске қатысатын өнім берушілер мен олардың қызметкерлері бойынша ақпарат алмасуды және ақпаратты салыстырып тексеруді, сондай-ақ, бала баратын орта білім беру ұйымы туралы мәліметтерді, оның қорғаншылары мен қамқоршылары туралы мәліметтерді (болған жағдайда) алуды жүзеге асыру үшін ҰБДҚ-мен интеграцияйды;

      4) цифрландыру саласындағы "Қазақстан Республикасының мобильді азаматтар базасы" ақпараттық жүйесімен интеграциаланады;

      5) істен шығу жағдайында жұмысқа қабілеттілікті тез қалпына келтіру мүмкіндігі үшін жинақталған деректерді резервтейді.

3-тарау. Шығармашылық үйірмелердің жұмыс істеу тәртібі

      17. Шығармашылық үйірмелердің жұмыс істеуі мыналарды қамтиды:

      1) сабақтар өткізу үшін үй-жайға қойылатын талаптар;

      2) балаларды есептеу, есепке алу және дамыту.

      Шығармашылық үйірмелердің жұмыс істеуін өнім беруші сабақ өткізуге арналған үй-жайларды жабдықтауға қойылатын талаптарды ескере отырып және Әдістемеге сәйкес шығармашылық үйірмелердің түрлеріне қойылатын талаптарды ескере отырып жүзеге асырады.

Параграф 1. Сабақтар өткізу үшін үй-жайға қойылатын талаптар

      18. Сабақтар өткізуге арналған үй-жай орналасқан ғимарат бөлек санитариялық тораппен жабдықталады:

      дәретхана. Кәрізденбеген жерде санитариялық-аулалық қондырғылар орнатуға жол беріледі;

      ыстық және суық суы бар қолжуғышпен;

      жеке гигиена құралдарымен, оның ішінде дәретхана қағазымен және сабынмен;

      жарықтандыру;

      қол кептіргішпен немесе бір рет қолданылатын қағаз сүлгімен.

      19. Сабақ өткізуге арналған үй-жайлар келесімен жабдықталады:

      1) топтағы балалардың рұқсат етілген шекті санынан кем емес жеке шкафтармен жабдықталған киім шешетін орынмен жабдықталады.

      2) бейне мұрағатты кемінде күнтізбелік 30 (отыз) күн сақтау мүмкіндігі бар бейнебақылау камерасымен қамтамасыз етіледі;

      3) Өрт қауіпсіздігі жүйесімен.

      20. Сабақтар өткізуге арналған үй-жайлар, санитариялық тораптар мен киім шешетін бөлмелер жылытылады және күзгі-қысқы кезеңде кемінде 20°C температураны қамтамасыз етеді.

      Сабақ өткізуге арналған үй-жайдың табиғи жарықтандырылуы және желдету мүмкіндігі бар терезелері болады не ішке сору-сыртқа тарату желдеткішімен жабдықталады.

      21. Сабақтар өткізуге арналған үй-жайларды ұстау Қазақстан Республикасы Денсаулық сақтау министрінің 2021 жылғы 5 тамыздағы №ҚР ДСМ-76 бұйрығымен бекітілген "Білім беру объектілеріне қойылатын санитариялық-эпидемиологиялық талаптар" санитариялық қағидаларына (Нормативтік құқықтық актілерді мемлекеттік тіркеу тізілімінде № 23890 болып тіркелген) сәйкес жүзеге асырылады.

      Дене, психикалық, интеллектуалдық және басқа да ерекшеліктері бар адамдар үшін үй-жайлар "Қазақстан Республикасында мүгедектігі бар адамдарды әлеуметтік қорғау туралы" Қазақстан Республикасы Заңының 25-бабы 3-тармағында көзделген талаптарға сәйкес келеді.

Параграф 2. Балаларды тіркеу, есепке алу және дамыту

      22. Ваучерде көрсетілген өнім беруші мен баланың заңды өкілі арасында ваучердің қолданылу мерзімі ішінде шығармашылық үйірме сабақтарын өткізу жөнінде қызметтер көрсетуге шарт жасалады.

      Өнім беруші мен баланың заңды өкілі арасында шарт жасасу әрбір ваучер бойынша жеке жүзеге асырылады.

      23. Баланың заңды өкілі өнім берушінің біліктілігін және сабақтарды өткізу шарттарын бағалау мақсатында өнім берушімен шартқа қол қою немесе қол қоймау туралы шешім қабылдау үшін ваучердің қолданылу мерзімі кезеңінде кемінде екі сынақ сабағын өткізуге жіберіледі.

      24. Шарт жасасу үшін баланың заңды өкілі өнім берушіге мынадай құжаттарды ұсынады:

      1) шығармашылық үйірмеге қабылдау үшін еркін нысандағы өтініш;

      2) баланың суреті;

      3) баланың туу туралы куәлігінің көшірмесі;

      4) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген (Нормативтік құқықтық актілерді мемлекеттік тіркеу тізілімінде № 21579 болып тіркелген) 027/е нысаны бойынша берілген медициналық-санитариялық алғашқы көмек көрсететін медициналық ұйымнан анықтама;

      5) баланың заңды өкілін растайтын жеке куәлігінің көшірмесі.

      Мүмкіндіктері шектеулі немесе ерекше білім беру қажеттіліктері бар балалар тобына қабылдау үшін баланың заңды өкілі өнім берушіге оның мәртебесін растайтын құжатты ұсынады.

      25. Өнім беруші шарт жасасудан мынадай кезде бас тартады:

      1) баланың заңды өкілі осы Қағидалардың 24-тармағында көзделген құжаттардың толық топтамасын ұсынбаған кезде;

      2) баланың заңды өкілінің анық емес және бұрмаланған ақпарат берген кезде;

      3) баланы шығармашылық үйірмеге қабылдауға кедергі келтіретін медициналық қарсы айғақтар болған кезде.

      Ерекше білім беру қажеттіліктері бар немесе мүмкіндіктері шектеулі баланы шығармашылық үйірмеге қабылдау мүмкіндігін бағалау өнім берушінің қалауы бойынша анықталады.

      26. Баланы шығармашылық үйірмеге қабылдау шарт жасалған күннен кейінгі келесі күні жүзеге асырылады.

      27. Қажеттілікке сәйкес өнім беруші баланың заңды өкілдеріне алдын ала хабарлай отырып сабақ кестесіне өзгерістер енгізеді, топтардағы балалар санын түзетеді.

      28. Өнім беруші күнтізбелік жылға арналған жұмыс жоспарын жасайды және онымен әрбір баланың заңды өкілін таныстырады.

      Жұмыс жоспары мыналарды қамтиды:

      1) аптасына сабақтардың саны мен кестесі;

      2) конкурстық (жарыстық) іс-шаралардың болжамды кестесі;

      3) балалар іссапарларының болжамды кестесі;

      4) баланың заңды өкілдері алдында есеп беру сөздерінің болжамды кестесі.

      29. Өнім беруші шығармашылық үйірмеге қатысатын әрбір бала бойынша қағаз немесе электрондық тасымалдағышта портфолио жүргізеді, оған бейне және фотоматериалдар мен олар туралы ақпарат енгізеді:

      баланың жыл ішіндегі шығармашылық даму көрсеткіштері;

      конкурстық (жарыстық) іс-шараларға қатысу нәтижелері бойынша;

      іссапарларға қатысу;

      баланың заңды өкілдері алдында есеп беру сөздеріне қатысу;

      сабаққа қатысу.

      Денсаулық сақтау ұйымдарында медициналық қарап-тексеруден өту нәтижелері бойынша баланы шығармашылық үйірмелерге сабақтарға жіберуге немесе жібермеуге құқығы бар.

      30. Өнім беруші баланы шығармашылық үйірмеден келесі негіздер бойынша бір жақты тәртіпте шығарады:

      1) мектеп каникулдары, сауықтыру лагерьлеріндегі демалыс, оңалту іс-шараларынан өту және/немесе мүмкіндігі шектеулі балаларды, мүгедек балаларды, ерекше білім беру қажеттіліктері бар балаларды емдеу, сондай-ақ конкурстарға, фестивальдарға, жарыстарға, олимпиадаларға қатысу кезеңін қоспағанда, себепсіз қатарынан 3 (үш) өткізіп алынған сабақтар болған кезде, оқу-жаттығу жиындарында заңды өкілінің өтініші бойынша, санаторий-курорттық ұйымдарда болуы-растайтын құжаттарды ұсынған кезде;

      2) шығармашылық үйірмеге бару регламентін сақтамағаны үшін;

      3) денсаулық сақтау ұйымы растаған, баламен сабақ өткізуге кедергі келтіретін, баланың медициналық қарсы көрсетілімдері немесе эмоциялық-ерік саласының бұзылыстары болған кезде;

      4) шарт талаптары сақталмаған кезде тоқтатылады.

      Бала оқудан шығарылған кезде Өнім беруші 10 (он) жұмыс күні ішінде баланың заңды өкіліне баланың портфолиосын береді.

Мемлекеттік шығармашылық тапсырысты орналастыруға қатысуға өтініш

      Мемлекеттік шығармашылық тапсырысты орналастыруға қойылатын талаптарды зерделеп, қоса берілген құжаттарды қарауыңызды және мені мемлекеттік тапсырысты орналастыруға қатысатын өнім берушілердің тізіміне қосуды сұраймын.

      Мемлекеттік шығармашылық тапсырыстың жан басына шаққандағы нормативтік қаржыландыру әдістемесіне сәйкес келесі шығармашылық үйірмелер қызметін көрсетуді жоспарлап отырмын:

      Осымен балалар мен жасөспірімдерге арналған шығармашылық үйірмелерде мемлекеттік шығармашылық тапсырысты орналастыру және олардың жұмыс істеу қағидаларында көзделген талаптармен, балалар мен жасөспірімдерге арналған шығармашылық үйірмелерді жан басына шаққандағы нормативтік қаржыландыру қағидаларымен және мемлекеттік шығармашылық тапсырыстың жан басына шаққандағы нормативтік қаржыландыру әдістемесімен танысқанымды растаймын.

      Қосымша: құжаттар ______ парақта

      Ұйымның басшысы ________________________________________

      қолы, тегі, аты, әкесінің аты (бар болған жағдайда)

      Толтырылған күні

Өтініш

      Мені мемлекеттік шығармашылық тапсырысты орналастыруға қатысатын өнім

      берушілердің тізімінен ________________________________________________ себебі

      себебін сипаттау

      бойынша шығаруды сұраймын

      Ұйымның басшысы ____________________________________

      қолы, тегі, аты, әкесінің аты (бар болған жағдайда)

      Толтырылған күні