Республикалық бюджеттің атқарылуын бақылау жөніндегі есеп комитеті (бұдан әрі – Есеп комитеті) ҚАУЛЫ ЕТЕДІ:

      1. "Сыртқы мемлекеттік аудиттің және қаржылық бақылаудың рәсімдік стандарттарын бекіту туралы" Республикалық бюджеттің атқарылуын бақылау жөніндегі есеп комитетінің 2016 жылғы 31 наурыздағы № 5-НҚ нормативтік қаулысына (Нормативтік құқықтық актілерді мемлекеттік тіркеу тізілімінде № 13647 болып тіркелген) мынадай өзгерістер енгізілсін:

      көрсетілген нормативтік қаулымен бекітілген Мемлекеттік аудитті және сараптамалық-талдау іс-шараларын жүргізуге аудиторлық ұйымдар мен сарапшыларды тарту бойынша сыртқы мемлекеттік аудиттің және қаржылық бақылаудың рәсімдік стандартында:

      5-тармақ мынадай редакцияда жазылсын:

      "5. Мемлекеттік аудиттің және сараптамалық-талдау іс-шараларының мақсаттарына қол жеткізу үшін мемлекеттік аудит жүргізілетін саладағы теориялық және тәжірибелік дағдыларын меңгерген арнайы білімі, тәжірибесі талап ететін жұмыстарды орындау, сондай-ақ сапалы мемлекеттік аудитті және сараптамалық-талдау іс-шараларын қамтамасыз ету және мемлекеттік аудиттің және сараптамалық-талдау іс-шараларының нәтижелерін тәуелсіз сараптаманың қорытындыларымен (бұдан әрі – Қорытынды) растау қажет болатын жағдайларда, мемлекеттік аудитті және сараптамалық-талдау іс-шараларын жүргізуге сарапшылар тартылады.";

      10-тармақ мынадай редакцияда жазылсын:

      "10. Тиісті шарттар жасай отырып, Сарапшылардың көрсетілетін қызметтерін сатып алу рәсімдерді жүргізу мерзімдері мен осы мақсаттарға бөлінген бюджет қаражаты ескеріле отырып, азаматтық заңнаманың және Қазақстан Республикасының мемлекеттік сатып алу туралы заңнамасының талаптарына сәйкес жүргізіледі.

      Есеп комитетінің хаты негізінде Сарапшылар ретінде өтеусіз негізде олардың келісуі бойынша мемлекеттік органдардың мамандары, сондай-ақ Есеп комитетінің ведомстволық бағынысты ұйымының қызметкерлері, соның ішінде әдіснамалық құжаттардың жобаларын пилоттық режимде тестілеу үшін тартылады.

      Облыстың, республикалық маңызы бар қаланың, астананың тексеру комиссиясының хаты негізінде Сарапшылар ретінде өтеусіз негізде олардың келісуі бойынша мемлекеттік органдардың мамандары тартылады.";

      Көрсетілген нормативтік қаулымен бекітілген Мемлекеттік аудит және қаржылық бақылау органдарының қызметіне бағалау жүргізу бойынша сыртқы мемлекеттік аудиттің және қаржылық бақылаудың рәсімдік стандарты осы нормативтік қаулыға қосымшаға сәйкес редакцияда жазылсын.

      2. Есеп комитетінің Әдіснама және сапа бақылауы департаменті Қазақстан Республикасының заңнамасында белгіленген тәртіппен:

      1) Осы нормативтік қаулының Қазақстан Республикасының Әділет министрлігінде мемлекеттік тіркелуін;

      2) осы нормативтік қаулыны Есеп комитетінің интернет-ресурсына орналастырылуын қамтамасыз етсін.

      3. Осы нормативтік қаулының орындалуын бақылау Есеп комитеті аппаратының басшысына жүктелсін.

      4. Осы нормативтік қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

1001. Мемлекеттік аудит және қаржылық бақылау органдарының қызметіне бағалау жүргізу бойынша сыртқы мемлекеттік аудиттің және қаржылық бақылаудың рәсімдік стандарты

1-тарау. Жалпы ережелер

      1. Осы Мемлекеттік аудит және қаржылық бақылау органдарының қызметіне бағалау жүргізу бойынша сыртқы мемлекеттік аудиттің және қаржылық бақылаудың рәсімдік стандарты (бұдан әрі – Рәсімдік стандарт) мемлекеттік аудит және қаржылық бақылау органдарының (бұдан әрі – мемлекеттік аудит органдары) қызметіне бағалау жүргізудің мақсатын, міндеттерін, тәсілдерін, бағыттары мен өлшемшарттарын, оған қойылатын рәсімдік талаптарды айқындайды.

      2. Рәсімдік стандарт "Мемлекеттік аудит және қаржылық бақылау туралы" Қазақстан Республикасы Заңының (бұдан әрі – Заң) 12-бабы 4-тармағының 24) тармақшасына сәйкес әзірленді.

      3. Рәсімдік стандарттың мақсаты мемлекеттік аудит органдары қол жеткізген нәтижелердің деңгейін өлшеу, олардың жұмыс сапасы мен нәтижелілігін арттыру, мемлекеттік аудит органдары қызметінің Қазақстан Республикасының мемлекеттік аудит және қаржылық бақылау туралы заңнамасына сәйкестігін бағалау болып табылады.

      4. Рәсімдік стандарттың міндеті мемлекеттік аудит органдарының қызметін бағалауды жүзеге асыруға және жүргізілген бағалаудың (бұдан әрі – Бағалау) нәтижелерін ресімдеуге қойылатын рәсімдік талаптарға бірыңғай тәсілді белгілеу болып табылады.

      5. Бағалау келесі тәсілдермен:

      1) облыстардың, республикалық маңызы бар қалалардың, астананың тексеру комиссияларының (бұдан әрі – тексеру комиссиялары) және ішкі мемлекеттік аудит жөніндегі уәкілетті органның ішкі аудит қызметтерінің есептік ақпаратына жүргізген талдауды және олардың жұмыс тиімділігін бағалауды ескере отырып, олардың ақпараты негізінде Республикалық бюджеттің атқарылуын бақылау жөніндегі есеп комитетін (бұдан әрі – Есеп комитеті) қоспағанда, барлық мемлекеттік аудит органдарына қатысты жыл қорытындысы бойынша камералдық тәртіппен (бұдан әрі – камералдық тәртіппен бағалау);

      2) Мемлекеттік аудит объектілерінің тізбесіне сәйкес тексеру комиссияларында және ішкі аудит қызметтерін қоспағанда, ішкі мемлекеттік аудит жөніндегі уәкілетті органда және оның аумақтық бөлімшелерінде оның аумақтық бөлімшелерінде) жоспарлы тәртіппен (бұдан әрі – жоспарлы тәртіппен бағалау) жүзеге асырылады.

      Осы Рәсімдік стандарттың 5-тармағының 1) тармақшасы бойынша ақпараттың толықтығы мен анықтығын мемлекеттік аудит органдарының бірінші басшылары қамтамасыз етеді.

      Мемлекеттік аудит органдары дәйексіз және толық емес ақпарат ұсынған жағдайда:

      1) мемлекеттік аудит органының қызметін жалпы бағалаудан болған айыппұл көрсеткіші (-5) балл мөлшерінде ескеріледі;

      2) мемлекеттік аудит органының басшысын жауаптылыққа тарту туралы ұсыным Қазақстан Республикасының заңнамасына сәйкес лауазымға тағайындау және лауазымнан босату құқығы бар лауазымды адамға (органға) жіберіледі.

      6. Тексеру комиссиялары қызметінің нәтижелері бойынша олардың қызметіне рейтингілік бағалау жүзеге асырылады.

      Тексеру комиссиясының соңғы екі жылдағы тексеру комиссияларының қызметін бағалау рейтингінде бір тексеру комиссиясы бірінші позицияға ие болған жағдайда, Қазақстан Республикасының заңнамасына сәйкес лауазымға тағайындауға және лауазымнан босатуға құқығы бар лауазымды адамға (органға) осы тексеру комиссиясының бірінші басшысын көтермелеу туралы ұсыным жіберіледі.

      7. Ішкі аудит қызметтері жұмысының тиімділігін бағалау "Ішкі аудит қызметтері жұмысының тиімділігін бағалау" ішкі мемлекеттік аудиттің және қаржылық бақылаудың рәсімдік стандартын бекіту туралы" Қазақстан Республикасы Қаржы министрінің міндетін атқарушының 2018 жылғы 20 сәуірдегі № 480 бұйрығына (Нормативтік құқықтық актілерді мемлекеттік тіркеу тізілімінде № 16878 болып тіркелген) сәйкес жүзеге асырылады.

2-тарау. Ішкі мемлекеттік аудит жөніндегі уәкілетті органның қызметін бағалаудың бағыттары мен өлшемшарттары

      8. Ішкі мемлекеттік аудит жөніндегі уәкілетті органды камералдық тәртіппен бағалау мынадай бағыттар:

      1) Мемлекеттік аудит объектілерінің тиісті жылға арналған тізбесін қалыптастыру және оның орындалуы;

      2) мемлекеттік аудит және қаржылық бақылау жүргізу;

      3) камералдық бақылау жүргізу;

      4) мемлекеттік аудит және қаржылық бақылау стандарттарының сақталуы;

      5) мемлекеттік аудит және қаржылық бақылау органдары қызметкерлерінің жауаптылығы;

      6) Мемлекеттік аудит және қаржылық бақылау органдарының үйлестіру кеңесі шешімдерінің орындалуы;

      7) өзге де бағыттар бойынша жүзеге асырылады.

      9. "Мемлекеттік аудит объектілерінің тиісті жылға арналған тізбесін қалыптастыру және оның орындалуы" бағытының өлшемшарттары:

      1) Мемлекеттік аудит объектілерінің тиісті жылға арналған тізбесінің жобасын қалыптастыру;

      2) жоспардан тыс аудит жүргізу туралы хабарламалар жіберу;

      3) Мемлекеттік аудит объектілерінің тиісті жылға арналған тізбесіне өзгерістер енгізу;

      4) Мемлекеттік аудит объектілерінің тиісті жылға арналған тізбесінің орындалуы (өтпелі аудиторлық іс-шараларды қоспағанда, Мемлекеттік аудит объектілерінің бастапқы тізбесіне қарай нақтыланған ауытқу) болып табылады.

      10. "Мемлекеттік аудит және қаржылық бақылау жүргізу" бағытының өлшемшарттары:

      1) мемлекеттік аудит барысында бұзушылықтарды анықтау;

      2) бұзушылықтар сомасын бюджетке өтеу (камералдық бақылауды қоспағанда);

      3) бұзушылықтарды қалпына келтіру және есеп бойынша көрсету (камералдық бақылауды қоспағанда);

      4) басқа мемлекеттік органдардан келіп түскен материалдар бойынша шығарылған қаулыларды және соттар шығарған, сондай-ақ заңнамада белгіленген тәртіппен мәжбүрлеп өндіріп алуға жіберілген қаулыларды қоспағанда, төлеу мерзімі келген әкімшілік айыппұлдардың сомаларын бюджет кірісіне өндіріп алу;

      5) Қазақстан Республикасы Қаржы министрлігі Ішкі мемлекеттік аудит комитетінің және оның аумақтық бөлімшелерінің материалдары бойынша талап қоюларды соттардың қанағаттандыруы;

      6) бюджет қаражатын, мемлекет пен квазимемлекеттік сектор субъектілерінің активтерін басқарудың және пайдаланудың тиімділігін арттыру үшін нормативтік құқықтық актілерге, квазимемлекеттік сектор субъектілерінің актілеріне өзгерістер енгізу бойынша ұсыныстарды енгізу және қабылдау;

      7) өткен кезеңдерді ескере отырып, мемлекеттік аудит және сараптамалық-талдау іс-шаралар қорытындылары бойынша қабылданған ұсынымдар, тапсырмалар (орындалу мерзімі басталған) санынан орындалған ұсынымдардың, тапсырмалардың үлесі болып табылады.

      11. "Камералдық бақылау жүргізу" бағытының өлшемшарттары:

      1) камералдық бақылау бойынша хабарламалардың орындалуы;

      2) камералдық бақылау хабарламаларына қарсылықтарды қарау нәтижелері;

      3) қамтуға жататын жалпы санның ішінен камералдық бақылаумен қамтылған конкурс тәсілімен мемлекеттік сатып алу рәсімдерінің үлесі болып табылады.

      12. "Мемлекеттік аудит және қаржылық бақылау стандарттарының сақталуы" бағытының өлшемшарттары:

      1) Есеп комитеті жүргізген жоспарлы тәртіппен бағалау бойынша тексеру нәтижелері;

      Қазақстан Республикасы Президентінің 2016 жылғы 11 қаңтардағы № 167 Жарлығымен бекітілген Мемлекеттік аудиттің және қаржылық бақылаудың жалпы стандарттарының, Заңның 8-бабы 2-тармағының 2) тармақшасына сәйкес бекітілген мемлекеттік аудиттің және қаржылық бақылаудың рәсімдік стандарттарының (бұдан әрі – рәсімдік стандарттар), сондай-ақ Жалпы және рәсімдік стандарттарға сәйкес қабылданатын актілердің талаптарын сақтау жоспарлы тәртіппен бағаланады.

      2) Заңның 8, 19 және 24-баптарында көзделген Мемлекеттік аудит және қаржылық бақылау стандарттарына сәйкес емес деп танылған құжаттардың бар болуы;

      3) Заңның 39-бабының 8-тармағында көзделген негіздер бойынша мемлекеттік аудитор сертификатын қайтарып алу болып табылады.

      13. "Мемлекеттік аудит және қаржылық бақылау органдары қызметкерлерінің жауаптылығы" бағытының өлшемшарттары:

      1) ішкі мемлекеттік аудит жөніндегі уәкілетті органның және оның аумақтық бөлімшелері қызметкерлерін ішкі мемлекеттік аудит жөніндегі уәкілетті органның және оның аумақтық бөлімшелерінің қызметіне байланысты тәртіптік, әкімшілік және қылмыстық жауаптылыққа тарту фактілері;

      2) ішкі мемлекеттік аудит жөніндегі уәкілетті орган және оның аумақтық бөлімшелері қызметкерлерінің құқыққа қайшы іс-қимылдарына жеке және заңды тұлғалардың өтініш жасау жағдайларын растау болып табылады.

      14. "Мемлекеттік аудит және қаржылық бақылау органдарының үйлестіру кеңесі шешімдерінің орындалуы" бағытының өлшемшарты Үйлестіру кеңесі шешімдерінің орындалуының толықтығы, сапасы және уақтылылығы болып табылады.

      15. "Өзге де бағыттар" бағытының өлшемшарттары:

      1) ішкі аудит қызметтері жұмысының тиімділігіне бағалау жүргізу;

      2) ішкі аудит қызметтеріне әдіснамалық көмек көрсету;

      3) Қазақстан Республикасы Президенті Әкімшілігінің, Қазақстан Республикасы Үкіметінің тапсырмаларын орындамау немесе уақтылы орындамау болып табылады.

      4) жүргізілген жұмыс қорытындылары бойынша, соның ішінде бұқаралық ақпарат құралдарының қатысуымен аудиторлық іс-шаралар нәтижелері бойынша кездесулер, брифингтер, баспасөз конференцияларын, дөңгелек үстелдер өткізу.

3-тарау. Тексеру комиссияларының қызметін бағалаудың бағыттары мен өлшемшарттары

      16. Тексеру комиссияларын камералдық тәртіппен бағалау мынадай бағыттар:

      1) Мемлекеттік аудит объектілері тізбесін қалыптастыру және орындау;

      2) мемлекеттік аудит және қаржылық бақылау жүргізу;

      3) мемлекеттік аудит және қаржылық бақылау стандарттарының сақталуы;

      4) мемлекеттік аудит және қаржылық бақылау органдары қызметкерлерінің жауаптылығы;

      5) Мемлекеттік аудит және қаржылық бақылау органдарының үйлестіру кеңесі (және оның Кіші комитеті) шешімдерінің орындалуы;

      6) өзге де бағыттар бойынша жүзеге асырылады.

      17. "Мемлекеттік аудит объектілерінің тізбесін қалыптастыру және орындау" бағытының өлшемшарты Тиісті жылға арналған мемлекеттік аудит объектілерінің тізбесін қалыптастыру және Тиісті жылға арналған мемлекеттік аудит объектілерінің тізбесін орындау (өтпелі аудиторлық іс-шаралар мен Есеп комитетінің тапсырмасы бойынша өткізілетін аудиторлық іс-шараларды қоспағанда, Мемлекеттік аудит объектілерінің бастапқы тізбесіне нақтыланған ауытқу) болып табылады.

      18. "Мемлекеттік аудит және қаржылық бақылау жүргізу" бағытының өлшемшарттары:

      1) өткен кезеңдерді ескере отырып, мемлекеттік аудит және сараптамалық-талдау іс-шаралар қорытындылары бойынша қабылданған ұсынымдар, тапсырмалар (орындалу мерзімі басталған) санынан орындалған ұсынымдардың, тапсырмалардың үлесі;

      2) ұсынымдардың жалпы санына шаққанда заңнамадағы, квазимемлекеттік сектор субъектілерінің актілеріндегі олқылықтар мен қайшылықтарды жоюға бағытталған ұсынымдар;

      3) материалдарды тиісті аудиторлық дәлелдемелерімен әкімшілік құқық бұзушылық туралы істерді қарауға уәкілетті органдарға беру қорытындысы бойынша, сондай-ақ тексеру комиссиясына байланысты емес себептер бойынша адамдарды әкімшілік жауаптылыққа тартпау фактілерін қоспағанда, мемлекеттік аудит органының әкімшілік құқық бұзушылық туралы хаттаманы толтыру қорытындысы бойынша адамдарды әкімшілік жауаптылыққа тарту фактілері;

      4) соттардың: тексеру комиссиялары бюджетке өтеу, жұмыстарды орындау, қызметтер көрсету, тауарлар беру және (немесе) анықталған бұзушылықтар сомасын есепке алу бойынша көрсету және нұсқаманы орындау мақсатында берген/тексеру комиссияларының қалпына келтіруге және өтеуге берілген жалпы сомадан сомаларды қалпына келтіру және өтеу туралы нұсқамаларының сомаларына шағым жасау мақсатында мемлекеттік аудит объектілері берген талап қоюларын қанағаттандыруы;

      5) мемлекеттік аудит және қаржылық бақылау қорытындылары бойынша (кіріс бөлігін қоспағанда) қаражатты өтеу (қалпына келтіру);

      6) мемлекеттік аудит және қаржылық бақылау қорытындылары бойынша бюджет қаражаты мен активтерін тиімсіз жоспарлау және (немесе) тиімсіз пайдалану;

      7) өткен кезеңдерді ескере отырып, ұсынымдар мен тапсырмаларды мерзімдерін бұза отырып орындау;

      8) тексеру комиссиясы нұсқамасының тармақтарын (тармақшаларын, бөліктерін) сот тәртібімен заңсыз деп тану;

      9) жергілікті бюджетке түсетін түсімдердің толықтығы мен уақтылығы, бюджетке түсетін түсімдердің алынуы, сондай-ақ мемлекеттік аудит және қаржылық бақылау қорытындылары бойынша жергілікті бюджеттен қате (артық) төленген сомаларды қайтарудың, есепке жатқызудың дұрыстығы.

      10) аудиторлық іс-шаралардың нәтижелері бойынша құқықтық статистика және арнайы есепке алу саласындағы уәкілетті органға электрондық ақпараттық есепке алу деректерін енгізу болып табылады.

      19. "Мемлекеттік аудит және қаржылық бақылау стандарттарының сақталуы" бағытының өлшемшарттары:

      1) Есеп комитеті жүргізген жоспарлы тәртіппен бағалау бойынша тексеру нәтижелері.

      Қазақстан Республикасы Президентінің 2016 жылғы 11 қаңтардағы № 167 Жарлығымен бекітілген Мемлекеттік аудиттің және қаржылық бақылаудың жалпы стандарттарының, Заңның 8-бабы 2-тармағының 2) тармақшасына сәйкес бекітілген рәсімдік стандарттардың, сондай-ақ Жалпы және рәсімдік стандарттарға сәйкес қабылданатын актілердің талаптарын сақтау жоспарлы тәртіппен бағаланады.

      2) Заңның 8, 19 және 24-баптарында көзделген Мемлекеттік аудит және қаржылық бақылау стандарттарына сәйкес емес деп танылған құжаттардың бар болуы;

      3) Заңның 39-бабының 8-тармағында көзделген негіздер бойынша мемлекеттік аудитор сертификатын қайтарып алу болып табылады.

      20. "Мемлекеттік аудит және қаржылық бақылау органдары жұмыскерлерінің жауаптылығы" бағытының өлшемшарттары:

      1) тексеру комиссиялары жұмыскерлерін тексеру комиссияларының қызметіне байланысты тәртіптік, әкімшілік және қылмыстық жауаптылыққа тарту фактілері;

      2) тексеру комиссиялары жұмыскерлерінің құқыққа қайшы іс-қимылдарына жеке және заңды тұлғалардың өтініш жасау жағдайларын растау болып табылады.

      21. "Мемлекеттік аудит және қаржылық бақылау органдарының үйлестіру кеңесі (және оның Кіші комитеті) шешімдерінің орындалуы" бағытының өлшемшарттары:

      1) Мемлекеттік аудит және қаржылық бақылау органдарының үйлестіру кеңесі шешімдерінің толық, сапалы және уақтылы орындалуы;

      2) Мемлекеттік аудит және қаржылық бақылау органдарының үйлестіру кеңесінің кіші комитеті шешімдерінің толық, сапалы және уақтылы орындалуы болып табылады.

      22. "Өзге да бағыттар" бағытының өлшемшарттары:

      1) тексеру комиссияларының өзінің жұмысы туралы Есеп комитетіне ұсынатын ақпараттың қойылатын талаптарға сәйкестігі;

      2) ақпараттың Мемлекеттік аудит және қаржылық бақылау бойынша бірыңғай дерекқорға (Есеп комитетінің интеграцияланған ақпараттық жүйесіне) берілуі;

      3) Мемлекет басшысы мен Президент Әкімшілігінің тапсырмаларын, сондай-ақ оларға қатысты Есеп комитетінің тапсырмаларын орындамау немесе уақтылы орындамау;

      4) жүргізілген жұмыс қорытындылары бойынша, соның ішінде бұқаралық ақпарат құралдарының қатысуымен аудиторлық іс-шаралар нәтижелері бойынша кездесулер, брифингтер, баспасөз конференцияларын, дөңгелек үстелдер өткізу болып табылады.

4-тарау. Мемлекеттік аудит органдарының қызметіне бағалау жүргізу тәртібі 1-параграф. Камералдық тәртіппен бағалау

      23. Мемлекеттік аудит органдарының қызметін камералдық тәртіппен бағалау ішкі мемлекеттік аудит жөніндегі уәкілетті органның қызметін осы Рәсімдік стандартқа 1-қосымшаға сай, тексеру комиссияларының қызметін осы Рәсімдік стандартқа 2-қосымшаға сай бағалау бағыттарына және өлшемшарттарына сәйкес жүзеге асырылады.

      24. Өлшемшарттар бойынша бағалау қызметтің белгіленген оң және теріс көрсеткіштеріне сәйкес жүргізіледі.

      25. Бағалау жүргізуге жауапты құрылымдық бөлімше мынадай тиісті баға шығарады:

      100 балл және одан жоғары – тиімді;

      71 балдан 99 балға дейін – қанағаттанарлық;

      70 балдан (қоса алғанда) кем – тиімсіз.

      26. Бағалау мыналарды:

      1) осы Рәсімдік стандартқа 3-қосымшаға сай нысан бойынша толтырылатын мемлекеттік аудит органдарының қызметін бағалау бағыттары мен өлшемшарттары бойынша бағалаудың салыстырмалы кестесін;

      2) мемлекеттік аудит органдары бөлінісінде бағалаудың барлық бағыттары бойынша жинақталған ақпаратты қамтиды.

      27. Бағыттар, өлшемшарттар және көрсеткіштер бойынша бағалауды айқындау мақсатында:

      1) тексеру комиссиялары әрбір өлшемшарт және бағалау көрсеткіштері бойынша жасалған түсіндірме жазбаны қоса алғанда, растайтын құжаттары бар ақпаратты жылдың қорытындысы бойынша Есеп комитетіне 20 қаңтардан кешіктірмей жібереді;

      2) ішкі мемлекеттік аудит жөніндегі уәкілетті орган әрбір өлшемшарт және бағалау көрсеткіштері бойынша жасалған түсіндірме жазбаны қоса алғанда, растайтын құжаттарды қоса бере отырып, есепті ақпаратқа өзі жүргізген талдауды және ішкі аудит қызметтері қызметінің тиімділігін бағалауды ескере отырып, ақпаратты жыл қорытындысы бойынша Есеп комитетіне 1 ақпаннан кешіктірмей жібереді;

      3) Есеп комитетінің ішкі құжатына сәйкес бекітілген бағыттар, өлшемшарттар мен көрсеткіштер бойынша бағалауға жауапты құрылымдық бөлімшелері алынған ақпарат пен қолда бар мәліметтер негізінде жыл қорытындысы бойынша бағалау жүргізуге жауапты құрылымдық бөлімшеге жинақтау үшін бағалау нәтижелерін 5 ақпаннан кешіктірмей жібереді.

      28. Мемлекеттік аудит органдарының қызметін бағалау нәтижелері 25 ақпаннан кешіктірілмей мемлекеттік аудит органдарына танысу үшін жіберіледі.

      29. Мемлекеттік аудит органының қызметін бағалауға қарсылықтар болған кезде мемлекеттік аудит органы оларды алған күннен бастап 10 жұмыс күні ішінде растайтын құжаттарымен бірге Есеп комитетіне жібереді.

      30. Мемлекеттік аудит органының қызметін бағалауға қарсылықтарды қарау растайтын құжаттар болған кезде оларды алған күннен бастап 10 жұмыс күні ішінде қамтамасыз етіледі.

      Растайтын құжаттары жоқ және осы Рәсімдік стандарттың 29-тармағында көзделген мерзім өткеннен кейін келіп түскен мемлекеттік аудит және қаржылық бақылау органдарының қызметін бағалауға қарсылықтар қарауға жатпайды.

      31. Мемлекеттік аудит органының қызметін бағалауға қарсылықтарды қарау қорытындылары бойынша Есеп комитеті осы Рәсімдік стандарттың 30-тармағының бірінші бөлігінде белгіленген мерзімде негіздемелері бар қарсылықтарды қабылдау немесе қабылдамау туралы жауап жібереді.

      32. Мемлекеттік аудит органдарының қызметін бағалаудың түпкілікті қорытындылары Есеп комитетінің Төрағасына 20 наурыздан кешіктірілмей ұсынылады.

      33. Мемлекеттік аудит органдарының қызметін бағалау қорытындылары тексеру комиссияларының қызметін бағалау рейтингінде соңғы үш позицияға ие болған тексеру комиссияларының, сондай-ақ ішкі мемлекеттік аудит жөніндегі уәкілетті органның бірінші басшыларының есептік ақпаратын тыңдай отырып Мемлекеттік аудит және қаржылық бақылау органдары үйлестіру кеңесі кіші комитетінің отырысына шығарылады.

2-параграф. Жоспарлы тәртіппен бағалау

      34. Мемлекеттік аудит органдарының қызметін жоспарлы тәртіппен бағалау:

      1) мемлекеттік аудит органдары Есеп комитетіне осы Рәсімдік стандарттың бағыттары мен өлшемшарттары бойынша ұсынатын ақпараттың анықтығы мен толықтығы;

      2) мемлекеттік аудит органдарының Қазақстан Республикасы Президентінің 2016 жылғы 11 қаңтардағы № 167 Жарлығымен бекітілген Мемлекеттік аудит және қаржылық бақылаудың жалпы стандарттарының, Заңның 8-бабы 2-тармағының 2) тармақшасына сәйкес бекітілген рәсімдік стандарттардың, сондай-ақ Жалпы және рәсімдік стандарттарға сәйкес қабылданатын актілердің талаптарын сақтауы тұрғысынан тексеру тәсілімен жүзеге асырылады.

      35. Жоспарлы тәртіппен бағалау бойынша тексеру жүргізу Заңға сәйкес қалыптастырылған Есеп комитетінің мемлекеттік аудит объектілерінің тиісті жылға арналған тізбесіне енгізіледі.

      36. Жоспарлы тәртіппен бағалау бойынша тексеру жүргізу жөніндегі басшылықты Мемлекеттік аудит объектілерінің тізбесінде бекітілген Есеп комитетінің мүшесі жүзеге асырады.

      37. Жоспарлы тәртіппен бағалауды Есеп комитеті тікелей тексеру комиссиясында немесе ішкі мемлекеттік аудит жөніндегі уәкілетті органда және оның аумақтық бөлімшелерінде екі жылда бір реттен жиі емес, бірақ бес жылда бір реттен кем емес жүргізеді.

      38. Жоспарлы тәртіппен бағалау мынадай негіздердің бірі болған кезде жүргізіледі:

      1) Қазақстан Республикасы Мемлекет басшысының, Қазақстан Республикасы Президенті Әкімшілігінің тапсырмасы;

      2) жыл қорытындылары бойынша камералдық тәртіппен бағалау нәтижелері бойынша мемлекеттік аудит органының қызметінде елеулі тәуекелдерді анықтау және (немесе) тексеру комиссияларының рейтингісінде төмен баға алғандар;

      3) осы Рәсімдік стандарттың 37-тармағында көзделген негіздер бойынша.

      39. Есеп комитетінің мүшесі Есеп комитетінің сапа бақылауына жауапты құрылымдық бөлімшесімен бірлесіп, жоспарлы тәртіппен бағалау бойынша тексеру жүргізуге Өтінім жасаған кезде мемлекеттік аудит органдарын және стандарттардың сақталуына тексеру жүргізудің әрбір кезеңінің мерзімдерін айқындайды.

      40. Жоспарлы тәртіппен бағалау бойынша тексеруді сапа бақылауына жауапты құрылымдық бөлімшенің мемлекеттік аудиторлары Заңға сәйкес қалыптастырылған Мемлекеттік аудит объектілерінің тізбесіне сай жүзеге асырады.

      41. Есеп комитетінің басқа құрылымдық бөлімшелерінің жұмыскерлерін аппарат басшысының, Есеп комитетінің тиісті мүшесінің, сондай-ақ тікелей басшысының келісімі бойынша, сондай-ақ басқа мемлекеттік аудит органдарының мемлекеттік аудиторлары арасынан олардың бірінші басшыларының келісімі бойынша тартуға жол беріледі.

      Тексеру тобы айқындалған жағдайда, олардың арасынан топтың жұмысын үйлестіретін, жоспарлы тәртіппен бағалау бойынша тексеру жүргізу процесінде туындайтын проблемалық мәселелерді шешетін топ жетекшісі анықталады.

      42. Жоспарлы тәртіппен бағалау бойынша тексеру жүргізілгенге дейін мыналар:

      1) Мемлекеттік аудит және қаржылық бақылау жөніндегі бірыңғай дерекқорында және (немесе) Есеп комитетінің интеграцияланған ақпараттық жүйесінде орналастырылған құжаттар;

      2) Есеп комитетіне келіп түскен мемлекеттік аудит органдарының мемлекеттік аудит және қаржылық бақылау саласындағы нормативтік құқықтық актілердің талаптарын бұзуы, мемлекеттік аудит органдары қызметкерлерінің іс-әрекеттері жөніндегі мәселелер бойынша жеке және заңды тұлғалардың өтініштері;

      3) Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген Республикалық және жергілікті бюджеттердің атқарылуын ағымдағы бағалауды жүзеге асыру бойынша сыртқы мемлекеттік аудиттің және қаржылық бақылаудың рәсімдік стандартына (Нормативтік құқықтық актілерді мемлекеттік тіркеу тізілімінде № 13647 болып тіркелген) (бұдан әрі - Есеп комитетінің нормативтік қаулысы), Есеп комитетінің нормативтік қаулысымен бекітілген Республикалық бюджеттің атқарылуын бақылау жөніндегі есеп комитетіне облыстардың, республикалық маңызы бар қалалардың, астананың тексеру комиссияларының өз жұмысы туралы ақпарат ұсынуы бойынша сыртқы мемлекеттік аудиттің және қаржылық бақылаудың рәсімдік стандартына сәйкес Есеп комитетіне ұсынылған тексеру комиссиясының есептілігі;

      4) Есеп комитетінің 2015 жылғы 28 қарашадағы № 9-НҚ нормативтік қаулысымен және Қазақстан Республикасы Қаржы министрінің 2015 жылғы 27 қарашадағы № 589 бірлескен бұйрығымен (Нормативтік құқықтық актілерді мемлекеттік тіркеу тізілімінде № 12577 болып тіркелген) бекітілген Мемлекеттік аудит және қаржылық бақылау органдарымен өзара іс-қимыл қағидаларына және осы Рәсімдік стандартқа сәйкес Есеп комитетіне ұсынылған ақпарат;

      5) Мемлекеттік аудит және қаржылық бақылау органдарының Кіші комитеті мен Үйлестіру кеңесінің шешімдерін орындау қарауға жатады.

      43. Осы Рәсімдік стандарттың 42-тармағында көрсетілген құжаттарды қараудың негізінде осы Рәсімдік стандартқа 4-қосымшаға сәйкес нысан бойынша Жоспарлы тәртіппен бағалау бойынша тексеру жүргізу бағдарламасы құрастырылады.

      44. Есеп комитеті мүшесінің осы Рәсімдік стандартқа 5-қосымшаға сәйкес нысан бойынша ресімделген тапсырмасы жоспарлы тәртіппен бағалау бойынша тексеру жүргізу үшін негіз болып табылады.

      Тапсырма жоспарлы тәртіппен бағалау бойынша тексеру жүргізуге құқық беретін ресми құжат болып табылады және "Тексеруді және бақылау және қадағалау субъектісіне (объектісіне) бару арқылы профилактикалық бақылау мен қадағалауды тағайындау туралы актілерді, олардың мерзімдерін ұзарту және күшін жою туралы қосымша актілерді, тексеру және бақылау және қадағалау субъектісіне (объектісіне) бару арқылы профилактикалық бақылау мен қадағалау мерзімдерін тоқтата тұру, қайта бастау, ұзарту, қатысушылар құрамын өзгерту және тексеру және бақылау және қадағалау субъектісіне (объектісіне) бару арқылы профилактикалық бақылау мен қадағалау туралы ақпараттық есепке алу құжаттарын ұсыну және олардың нәтижелері туралы хабарламаларды тіркеу қағидаларын бекіту туралы" Қазақстан Республикасы Бас прокурорының міндетін атқарушының 2020 жылғы 25 желтоқсандағы № 162 бұйрығына (Нормативтік құқықтық актілерді мемлекеттік тіркеу тізілімінде № 21964 болып тіркелген) сәйкес құқықтық статистика және арнайы есепке алу саласындағы уәкілетті органда тіркей отырып, қатаң есептілік бланкісінде ресімделеді.

      45. Жоспарлы тәртіппен бағалау бойынша тексеруге шыққанға дейін Есеп комитетінің мүшесі:

      1) бекітілген бағыттар, өлшемшарттар мен көрсеткіштер бойынша бағалауға жауапты құрылымдық бөлімшелердің келісуін ескере отырып, жауапты құрылымдық бөлімше басшысы құрастырған және қол қойған Жоспарлы тәртіппен бағалау бойынша тексеру жүргізу бағдарламасын бекітеді;

      2) сапа бақылауына және құқықтық қамтамасыз етуге жауапты құрылымдық бөлімшелер басшыларымен келісілген Тапсырмаға қол қояды.

      46. Осы Рәсімдік стандартқа 6-қосымшаға сәйкес нысан бойынша ресімделген және Есеп комитітінің мүшесі қол қойған жоспарлы тәртіппен бағалау бойынша тексеру жүргізу туралы хабарлама жоспарлы тәртіппен тексеру жүргізу басталғанға дейін екі жұмыс күнінен кешіктірмей, электрондық құжат айналымының ақпараттық жүйелері арқылы мемлекеттік аудит органына жіберіледі.

      47. Жоспарлы тәртіппен бағалау бойынша тексеру жүргізу басталмас бұрын мемлекеттік аудит органының басшысына:

      1) жоспарлы тәртіппен бағалау бойынша тексеру жүргізуге Тапсырма;

      2) қызметтік куәліктер не олардың жеке басын куәландыратын құжаттар көрсетіледі.

      48. Жоспарлы тәртіппен бағалау бойынша тексеру жүргізудің басталған кезі мемлекеттік аудит органының лауазымды адамына (адамдарына) Тапсырманың көрсетілген күні болып табылады.

      49. Жоспарлы тәртіппен бағалау бойынша тексеру жүзеге асырылатын мемлекеттік аудит органының басшысына немесе лауазымды адамға Тапсырма берілген күннен бастап екінші күннен кешіктірмей осы Рәсімдік стандартқа 7-қосымшаға сәйкес нысан бойынша Мәліметтер, құжаттама, ақпарат және материалдар (дәлелдемелер) беру туралы талап беріледі.

      50. Мынадай себептерді ескере отырып, соның ішінде аудиторлық есептердің жалпы санынан 10% кем емес аудиторлық есептерді қамту жолымен материалдардың көлеміне, еңбек ресурстары мен тексеру кезеңіне байланысты тексеруге жататын материалдарды іріктеу қолданылады:

      1) бюджет қаражатын және мемлекет активтерін және/немесе анықталған бұзушылықтарды қамтудың ең үлкен сомасы;

      2) экономиканың әр түрлі салаларында жүргізілген мемлекеттік аудит;

      3) мемлекеттік аудит органдарының әртүрлі жауапты лауазымды адамдарына бекітілген аудиторлық іс-шаралар.

      Бұл ретте іріктеуді қолдану кезінде Есеп комитетімен бірге жүргізілген аудиторлық іс-шаралар алып тасталады.

      51. Құпия материалдарды зерделеу және талдау Қазақстан Республикасында құпиялылық режимін қамтамасыз ету жөніндегі қолданыстағы заңнамаға сәйкес жүзеге асырылады.

      52. Жоспарлы тәртіппен бағалау бойынша жүргізілген тексерудің нәтижелері бойынша осы Рәсімдік стандартқа 8-қосымшаға сәйкес нысан бойынша Жоспарлы тәртіппен бағалау бойынша тексеру жөніндегі есеп (бұдан әрі – Есеп) жасалады. Анықталған бұзушылықтар мен кемшіліктер Есептегі жазбалардың анықтығын растайтын құжаттардың түпнұсқаларының деректемелеріне қажетті сілтемелер көрсетіле отырып, объективті және дәл сипатталады. Бұзушылықтың әрбір анықталған фактісі, сондай-ақ кемшіліктері бұзушылық пен кемшіліктің сипаты, түрі сипаттала отырып, реттік тәртіппен нөмірленеді және жеке тармақта тіркеледі.

      53. Есеп екі данада жасалып, оған жоспарлы тәртіппен бағалау бойынша тексеру жүргізген лауазымды адамдар қол қояды.

      Есептің бір данасы жоспарлы тәртіппен бағалау бойынша тексеру жүргізу аяқталған күннен бастап 7 (жеті) жұмыс күнінен кешіктірілмей мемлекеттік аудит органына жіберіледі, екінші данасы Есеп комитетінде қалады.

      54. Жоспарлы тәртіппен бағалау бойынша тексеру нәтижелерімен келіспеген жағдайда, мемлекеттік аудит органы нәтижелерін алған күннен бастап он жұмыс күнінен кешіктірмейтін мерзімде Есепке жазбаша қарсылығын Есеп комитетіне ұсынады.

      Көрсетілген мерзім өткен соң келіп түскен мемлекеттік аудит органының Есепке қарсылығы қарауға жатпайды.

      55. Мемлекеттік аудит органы белгіленген мерзімде ұсынған Есепке қарсылығын Есеп комитетінің мүшесі жоспарлы тәртіппен бағалау бойынша тексеру жүргізген мемлекеттік аудиторлармен және құқықтық қамтамасыз етуге жауапты құрылымдық бөлімшенің жұмыскерлерімен бірлесіп Қорытындыны дайындау кезеңінде қарайды. Есеп комитетінің отырысы өткізілетін күнге дейін екі жұмыс күнінен кешіктірмейтін мерзімде мемлекеттік аудит органына қарсылықтың әрбір тармағы бойынша қабылданған және қабылданбаған дәлелдерді көрсете отырып уәжделген жауап жіберіледі.

      56. Мемлекеттік аудит органының Есепке ұсынған түсініктемесі оған жауап дайындалмастан назарға алынады.

      57. Есептің негізінде тұжырымдар мен ұсынымдар қамтылатын Қорытынды ресімделеді. Қорытынды осы Рәсімдік стандартқа 9-қосымшаға сәйкес нысан бойынша ресімделеді.

      58. Жауапты құрылымдық бөлімше заң сараптамасын жүргізу үшін Қорытынды, Қаулы және Нұсқаманың жобаларын жоспарлы тәртіппен бағалау бойынша тексеру материалдарымен қоса құқықтық қамтамасыз етуге жауапты құрылымдық бөлімшеге Есепке мемлекеттік аудит органының қарсылықтарын алғаннан кейін он жұмыс күні ішінде жібереді.

      Қорытындының, Қаулының және Нұсқаманың жобалары бойынша заң сараптамасы кейіннен заң сараптамасының қорытындысы Есеп комитетінің мүшесіне және сапа бақылауына жауапты құрылымдық бөлімшеге жіберіле отырып, құқықтық қамтамасыз етуге жауапты құрылымдық бөлімше оларды алған күннен бастап үш жұмыс күні ішінде жүзеге асырылады.

      Нұсқаманың жобасы заң сараптамасы жүргізілгеннен кейін Есеп комитеті мүшесінің қолымен Есеп комитетінің отырысын өткізгенге дейін бес жұмыс күнінен кешіктірмейтін мерзімде мемлекеттік аудит органының қарауы үшін жіберіледі.

      Нұсқаманың жобасымен келіспеген жағдайда, мемлекеттік аудит органы Есеп комитетіне оларды алған күннен бастап екі жұмыс күнінен артық емес мерзімде хат түрінде қарсылығын жібереді.

      59. Қорытындыға Есеп комитетінің сапа бақылауын жүргізуге және құқықтық қамтамасыз етуге жауапты құрылымдық бөлімшелерінің басшылары бұрыштама қояды, Есеп комитетінің жауапты мүшесі қол қояды және Есеп комитетінің Төрағасына Есеп комитетінің отырысын өткізгенге дейін үш жұмыс күні бұрын ілеспе хатпен ұсынылады.

      60. Мемлекеттік аудит органы лауазымды адамдарының іс-қимылында қылмыстық немесе әкімшілік құқық бұзушылық белгілері анықталған жағдайларда, тиісті дәлелдемелері бар материалдарды құқық қорғау органдарына немесе әкімшілік құқық бұзушылықтар туралы істерді қозғауға және (немесе) қарауға уәкілетті органдарға беруді құқықтық қамтамасыз етуге жауапты құрылымдық бөлімше Қазақстан Республикасының "Әкімшіліқ құқық бұзушылық туралы кодексі" және Республикалық бюджеттің атқарылуын бақылау жөніндегі есеп комитетінің 2016 жылғы 31 наурыздағы № 6-НҚ бірлескен нормативтік қаулысымен және Қазақстан Республикасы Бас Прокурорының 2016 жылғы 30 наурыздағы № 51, Қазақстан Республикасы Қаржы министрінің 2016 жылғы 19 ақпандағы № 76, Қазақстан Республикасы Мемлекеттік қызмет істері министрлігінің Сыбайлас жеморлыққа қарсы іс-қимыл ұлттық бюросы (Сыбайлас жемқорлыққа қарсы қызмет) Төрағасының 2016 жылғы 26 ақпандағы № 20 бірлескен бұйрықтарымен бекітілген Сыртқы мемлекеттік аудитті және қаржылық бақылауды жүргізу кезінде анықталған құқық бұзушылықтар бойынша мемлекеттік аудит материалдарын беру қағидаларының (Нормативтік құқықтық актілерді мемлекеттік тіркеу тізілімінде № 13679 болып тіркелген) талаптарын сақтай отырып жүзеге асырады.

      61. Жоспарлы тәртіппен бағалау бойынша тексеру нәтижелері Есеп комитетінің отырысында қаралады.

      Есеп комитеті мүшесінің не сапа бақылауына жауапты құрылымдық бөлімше басшысының және мемлекеттік аудит органы басшысының ақпаратын тыңдау қорытындылары бойынша Қорытынды және Нұсқама қабылданады.

      62. Қорытынды Есеп комитетінің қаулысымен бекітіледі.

      Қаулы мыналарды:

      1) жоспарлы тәртіппен бағалау бойынша жүргізілген тексеру қорытындылары бойынша дайындалған Қорытындыны бекіту туралы шешімді;

      2) Қорытындыны немесе одан үзіндіні және Нұсқаманы мемлекеттік аудит органына беру туралы шешімді;

      3) құқық қорғау органдарына (болған жағдайда) материалдарды беру туралы шешімді қамтиды.

      63. Жоспарлы тәртіппен бағалау бойынша жүргізілген тексеру қорытындылары бекітілген күннен бастап бес жұмыс күні ішінде мемлекеттік аудит органына:

      1) Қорытынды немесе одан үзінді;

      2) осы Рәсімдік стандартқа 10-қосымшаға сәйкес нысан бойынша Есеп комитетінің Нұсқамасы жіберіледі.

      Есеп комитетінің Қорытындысы бекітіліп, Нұсқамасына қол қойылғаннан кейін бес жұмыс күні ішінде жоспарлы тәртіппен бағалау жөніндегі тексеру тобының жетекшісі жоспарлы тәртіппен бағалау жөніндегі тексеру жүргізу туралы хабарламаны, мәліметтерді, құжаттаманы, ақпарат пен материалдарды (дәлелдемелерді) ұсыну туралы талап, мемлекеттік аудит органдарының қарсылықтары мен түсіндірмелері (болған кезде) және Есеп комитетінің қарсылықтарға уәжделген жауаптары, құқықтық қамтамасыз етуге жауапты құрылымдық бөлімшенің сараптамалық қорытындысын, қоса тіркеу туралы қызметтік жазбаларды қамтыған (Тексеру бағдарламасының, Есеп комитетінің мүшесі қол қойған Қорытындының көшірмелері) жинақ папкасы толықтырылған тексеру материалдарын кейіннен архивке өткізу үшін құжат айналымына жауапты құрылымдық бөлімшеге тапсырады.

      Жоспарлы тәртіппен бағалау жөніндегі тексеру материалдарының электрондық нұсқалары Бірыңғай дерекқордың электрондық архивіне және Есеп комитетінің Интеграцияланған ақпараттық жүйесіне енгізіледі.

      64. Құжат айналымына жауапты құрылымдық бөлімше Есеп комитетінің Қорытындысында қамтылған ұсынымдарды, Нұсқамаларының тармақтарын қол қойылған күнінен бастап бір жұмыс күні ішінде бақылауға қоюды жүзеге асырады, олардың орындалу мерзімі келгенге дейін бес жұмыс күні бұрын Есеп комитетінің мүшесіне олардың орындалу мерзімі туралы ескертеді.

      65. Сапа бақылауына жауапты құрылымдық бөлімше Есеп комитетінің Қорытындысында қамтылған ұсынымдардың және Нұсқамаларының тармақтарының іске асырылу барысына мониторинг жүргізеді.

      66. Қорытындыда берілген ұсынымдарды қараудың нәтижелері туралы және Нұсқамаларды орындау туралы ақпаратты мемлекеттік аудит органдары растайтын құжаттарымен бірге тиісті құжаттарда көрсетілген мерзімдерде Есеп комитетіне жібереді.

      67. Сапа бақылауына жауапты құрылымдық бөлімше Қорытындыда берілген ұсынымдардың және міндетті түрде орындау үшін жіберілген Нұсқамалардың орындалуын Есеп комитетінің мүшесімен бірлесіп, тұрақты және жүйелі негізде мыналардың:

      1) мемлекеттік аудит органының Қорытындыда берілген ұсынымдарды қарауының, соның ішінде қарау нәтижелері туралы ақпараттың және олардың қаралғанын растайтын құжаттардың және шешімдер қабылдаудың;

      2) Нұсқамалардың тапсырмалық тармақтарын орындаудың, соның ішінде мемлекеттік аудит органдары жіберетін Нұсқамаларды орындау нәтижелері туралы ақпараттың және растайтын құжаттардың уақтылылығы мен толықтығын бақылау мен талдауды жүзеге асырады.

      68. Сапа бақылауына жауапты құрылымдық бөлімше мемлекеттік аудит органынан ақпарат (растайтын құжаттар) алған күннен бастап жеті жұмыс күні ішінде Қорытындыда қамтылған ұсынымдарды және Нұсқама тармақтарын мемлекеттік аудит органының орындауына сапа бақылауын жүргізеді.

      69. Бақылау:

      1) Қорытындыда қамтылған ұсынымдардың және Нұсқамалар тармақтарының орындалуының толықтығы және анықтығы, растайтын құжаттардың болуы;

      2) Қорытындыда қамтылған ұсынымдардың және Нұсқамалар тармақтарының орындалу мерзімдерін ұзарту туралы ұсыныстар енгізудің негізділігі;

      3) бақылаудан алудың негізділігі тұрғысынан жүргізіледі.

      Бұзушылықтардың жойылғанын және Есеп комитетінің ұсынымдары мен тапсырмаларының орындалғанын, мемлекеттік аудит органдары қабылдаған шараларды растау үшін қажет болған жағдайда барып бақылау жүргізуге жол беріледі.

      70. Мемлекеттік аудит органы ақпарат ұсынбаған не олар көрсетілген мерзімде Нұсқама тармақтарын орындамаған немесе тиісінше орындамаған жағдайда, әкімшілік ықпал ету шаралары қолданылады.

      71. Сапа бақылауына жауапты құрылымдық бөлімше бақылау қорытындылары бойынша осы Рәсімдік стандартқа 11-қосымшаға сәйкес нысан бойынша ұсынымдарды және (немесе) нұсқамалар тармақтарын орындау нәтижелері туралы қызметтік жазба жобасын немесе мемлекеттік аудит органынан қосымша ақпарат сұратуды дайындайды және Есеп комитетінің мүшесіне енгізеді.

      Қызметтік жазба Есеп комитеті мүшесінің қолы қойылып, Есеп комитетінің Төрағасына жіберіледі.

      Ұсынымдардың және (немесе) нұсқамалар тармақтарының орындалу мерзімін ұзартуға мемлекеттік аудит органына тәуелсіз объективті негіздер бойынша ғана жол беріледі.

      72. Есеп комитетінің Төрағасы осы Рәсімдік стандарттың 71-тармағында көзделген қызметтік жазбаның негізінде Қорытындыда қамтылған ұсынымдарды және Нұсқаманың тармақтарын бақылаудан алу, орындау мерзімдерін ұзарту туралы шешім қабылдайды.

      73. Есеп комитетінің Төрағасы шешім қабылдаған күннен бастап төрт жұмыс күні ішінде сапа бақылауына жауапты құрылымдық бөлімше Есеп комитеті мүшесінің қолы қойылған хатпен мемлекеттік аудит органына Есеп комитетінің Қорытындысында қамтылған ұсынымдардың және (немесе) Нұсқамасының тармақтарының бақылаудан алынғаны не олардың орындалуы жалғасатындығы туралы хабардар етеді.

      74. Сапа бақылауына жауапты құрылымдық бөлімше Есеп комитеті Төрағасының қарары бар Есеп комитеті мүшесінің қызметтік жазбасын және мемлекеттік аудит органының Қорытындыда қамтылған ұсынымдарды және Нұсқамалардың тармақтарын орындауы туралы ақпаратты Есеп комитетінің Интеграцияланған ақпараттық жүйесіне жүктеуді жүзеге асырады.

      75. Қажет болған жағдайда, Қорытындыда қамтылған ұсынымдардың және Нұсқаманың тармақтарының орындалу барысы туралы мәселені талқылау мемлекеттік аудит органының лауазымды адамдарының ақпаратын тыңдау үшін оларды шақыра отырып, Есеп комитетінің отырысына шығарылады, оны қараудың қорытындысы бойынша тиісті шешім қабылданады.

      76. Есеп комитеті ішкі мемлекеттік аудит жөніндегі уәкілетті органда (және оның аумақтық бөлімшелерінде) және тексеру комиссияларында жоспарлы тәртіппен жүргізген бағалау жөніндегі тексеру нәтижелері бойынша өткен кезеңдерде белгіленген бұзушылықтар мен ескертулер бағалау бағыттары мен өлшемшарттарына сәйкес олардың есепті кезеңдегі қызметіне бағалау жүргізу кезінде ескеріледі.

Ішкі мемлекеттік аудит жөніндегі уәкілетті органның қызметін бағалаудың бағыттары мен өлшемшарттары

Облыстардың, республикалық маңызы бар қалалардың, астананың тексеру комиссияларының қызметін бағалаудың бағыттары мен өлшемшарттары

      Нысан

Мемлекеттік аудит органдарының қызметін бағалаудың бағыттары мен өлшемшарттары бойынша бағалаудың салыстырмалы кестесі

      Нысан

Жоспарлы тәртіппен бағалау бойынша тексеру
БАҒДАРЛАМАСЫ

      1. _____________________________________________________________
(мемлекеттік аудит органының атауы)
2. Тексерумен қамтылатын кезең: ___________________________________
3. Тексеру жүргізу мерзімі: ________________ _______________аралығы
4. Тексеруді жүргізуге жауапты мемлекеттік аудиторлардың (тексеру тобының) құрамы:
____________________________________________________
5. Жоспарлы тәртіппен бағалау бойынша тексеру мәселелері:
___________________________________________________________________
Сапа бақылауына жауапты құрылымдық бөлімшенің басшысы
______________________________
(Тегі, аты, әкесінің аты (болған жағдайда), қолы)

      Нысан

Жоспарлы тәртіппен бағалау бойынша тексеру жүргізуге тапсырма

      Республикалық бюджеттің атқарылуын бақылау жөніндегі есеп комитетінің Мемлекеттік
аудит объектілерінің 20__ жылға арналған тізбесіне сәйкес
________________________________________________________________
________________________________________________________________
________________________________________________________________
(мемлекеттік аудиторлардың тегін, атын, әкесінің атын және лауазымын көрсету)
________________________________________________________________
(мемлекеттік аудит және қаржылық бақылау органының толық атауын, оның орналасқан жері)
жоспарлы тәртіппен бағалау бойынша тексеру жүргізу тапсырылады.
Тексерумен қамтылатын кезең ____________________________________
Тексеру жүргізу мерзімдері: ____________________________ аралығы
Есеп комитетінің мүшесі _____________________________________
(Тегі, аты, әкесінің аты (болған жағдайда), қолы)

      Нысан

Жоспарлы тәртіппен бағалау бойынша тексеру жүргізу туралы хабарлама

      Республикалық бюджеттің атқарылуын бақылау жөніндегі есеп комитетінің Мемлекеттік
аудит объектілерінің ___ жылға арналған тізбесіне сәйкес ______________ ______________
аралығында (ұзақтығын көрсету)жоспарлы тәртіппен бағалау бойынша тексеру жүргізіледі.
Сіздерден:
1) тексеру жүргізуге және жауапты лауазымды адамдарды белгілеуге жәрдем
көрсетулеріңізді;
2) оны жүргізуге кедергі келтірмеулеріңізді және барлық сұратылған ақпаратпен
қамтамасыз етулеріңізді;
3) қажетті жағдай жасауларыңызды, дайындық жұмыстарын жүзеге асырып,
жұмыскерлерді жұмыс орындарымен қамтамасыз етулеріңізді сұраймыз.*
      Есеп комитетінің мүшесі ____________________________________________
(Тегі, аты, әкесінің аты (болған жағдайда), қолы)
      Ескертпе:
Тексеру жүргізу туралы хабарлама Есеп комитетінің ресми бланкісінде ресімделеді.
Тексеру жүргізу туралы хабарламаға Есеп комитетінің әдеп жөніндегі уәкілінің сенім
телефоны туралы ақпарат міндетті түрде қоса беріледі.

      Нысан

Мәліметтерді, құжаттамаларды, ақпаратты және материалдарды (дәлелдемелерді) ұсынуы туралы талап

      _______________________________________________________________________________
(мемлекеттік аудит және қаржылық бақылау органының атауы)
Республикалық бюджеттің атқарылуын бақылау жөніндегі есеп комитетінің Мемлекеттік
аудит объектілерінің ____ жылға арналған тізбесіне сәйкес
_______________________________________________________________________
(мемлекеттік аудит және қаржылық бақылау органының атауын көрсету)
___________________________________ аралығында
(тексерудің ұзақтығын көрсету)
жоспарлы тәртіппен бағалау бойынша тексеру жүргізу көзделген.
Осыған байланысты, "Мемлекеттік аудит және қаржылық бақылау туралы" Қазақстан
Республикасы Заңының 21-бабына сәйкес
_________________________________________________________________
(қажетті мәліметтерді және құжаттама тізбесін көрсету)
туралы ақпаратты растайтын құжаттардың көшірмелерімен бірге ұсынуларыңызды сұраймыз.
Сұратылған ақпарат және құжаттардың көшірмелері
________________________________________ дейін қағаз жеткізгіштерде
(құжаттаманы ұсынудың күнін көрсету)
немесе электрондық поштамен ұсынылсын.
Жоспарлы тәртіппен бағалау
бойынша тексеру жүргізуге
жауапты мемлекеттік
аудиторлар ________________
(лауазымы, (тегі, аты,
әкесінің аты (болған
жағдайда), қолы)

      Ескертпе: Мәліметтерді, құжаттамаларды, ақпаратты және материалдарды
(дәлелдемелерді) ұсынуы туралы талаптың 1-данасы Есеп комитетінің ресми бланкісінде
ресімделеді.

      Нысан

Жоспарлы тәртіппен бағалау бойынша тексеру қорытындысы бойынша есеп

      1. Мемлекеттік аудит органының атауы:____________________

      2. Жоспарлы тәртіппен бағалау бойынша тексеру жүргізген мемлекеттік аудиторлар:

      ___________________________________________________________________

      3. Жоспарлы тәртіппен бағалау бойынша тексеру жүргізуге арналған _________ "__" №_______ тапсырма

      4. Тексерумен қамтылған __________ кезең:

      5. Тексеру жүргізу мерзімі: ________ ___ аралығында

      6. Жоспарлы тәртіппен бағалау бойынша алдыңғы тексеру нәтижелері: ___________________

      7. Жоспарлы тәртіппен бағалау бойынша жүргізілген тексеру қорытындылары:

      7.1. Анықталған бұзушылықтар мен ескертулер:

      8. Жоспарлы тәртіппен бағалау бойынша тексеру нәтижелері бойынша тұжырымдар:

      9. Жоспарлы тәртіппен бағалау бойынша тексеру нәтижелері бойынша ұсынымдар:

      10. Қосымша:

      Жоспарлы тәртіппен бағалау бойынша тексеру жүргізген мемлекеттік аудиторлар:

      _______________________________________________________
(лауазымы, (тегі, аты, әкесінің аты (болған жағдайда), қолы)

      20__ жылғы "____" ______________ (жасаған күні)

      Нысан

Жоспарлы тәртіппен бағалау бойынша тексеру нәтижесі бойынша қорытынды

      _______________________________________________________________________________
(мемлекеттік аудит және қаржылық бақылау органының атауы)

      1. Мемлекеттік аудит органының атауы:____________________
2. Жоспарлы тәртіппен бағалау бойынша тексеру жүргізген мемлекеттік аудиторлар:

      ______________________
3. Тексерумен қамтылған кезең: __________
4. Тексеру жүргізу мерзімі: ________ ___ аралығында
5. Тексеру нәтижесі бойынша анықталған негізгі бұзушылықтар мен ескертулер:
__________________________________________________________
_______________________________________________________________________________
(тексеру нәтижелері, бұзушылықтар мен оқылықтардың жалпылама талдауы қысқаша түрде
көрсетіледі)
6. Жоспарлы тәртіппен бағалау бойынша тексеру нәтижелері бойынша тұжырымдар:
7. Жоспарлы тәртіппен бағалау бойынша тексеру нәтижелері бойынша ұсынымдар:
Есеп комитетінің мүшесі ___________________________________

      (Тегі, аты, әкесінің аты (болған жағдайда), қолы)

      Нысан

      _________________________________________________________________
(мемлекеттік аудит және қаржылық бақылау органының атауы)

Республикалық бюджеттің атқарылуын бақылау жөніндегі есеп комитетінің
НҰСҚАМАСЫ №_______

      ______________________ 20__ жылғы " ___"________
(органның орналасқан жері)

      Нұсқаманың тақырыбы
Айқындаушы бөлік __________________________________________________________
___________________________________________________________________________
Тапсырмалар:_______________________________________________________________
___________________________________________________________________________
___________________________________________________________________________
Есеп комитетінің мүшесі _____________________
(Тегі, аты, әкесінің аты
(болған жағдайда), қолы)

      Ескертпе: нұсқамада анықталған бұзушылықтарды, оларға ықпал ететін себептер мен
жағдайларды жою туралы, сондай-ақ осы бұзушылықтарға жол берген тұлғаларға Қазақстан
Республикасының заңнамасында көзделген жауаптылық шараларын қабылдау туралы және
нұсқаманың орындалуы туралы ақпаратты Есеп комитетіне белгіленген мерзімдерде ұсыну
туралы талаптар көрсетіледі.
Нұсқама мемлекеттік аудит органына нұсқаманың орындалуы туралы есепті ақпаратты онда
белгіленген мерзімде ұсыну туралы талаптарды қамтиды.
Нұсқаманың жобасын Есеп комитетінің мүшесі қорытынды жобасымен бірге Есеп
комитетінің отырысына талқылау үшін енгізеді.
Нұсқамаға Есеп комитетінің мүшесі қол қояды және мемлекеттік аудит органының атына
жіберіледі.
Нұсқама Есеп комитетінің бланкісінде ресімделеді.

      Нысан

      Есеп комитетінің Төрағасына

Қызметтік жазба

      ____________________________________________________ сәйкес ұсынылады:
(мемлекеттік аудит органы ақпаратының деректемелері)

      Тұжырым: ________________________________________________________________
орындау мерзімін бақылаудан алу/орындау мерзімін ұзарту мүмкіндігін қарастыруды
сұраймын

      Есеп комитетінің мүшесі Тегі, аты, әкесінің аты (болған жағдайда)