БҰЙЫРАМЫН:

      1. "Сәулет, қала құрылысы және құрылыс каталогтарын қалыптастыру және жүргізу қағидаларын бекіту туралы" Қазақстан Республикасы Ұлттық экономика министрінің 2015 жылғы 19 қарашадағы № 701 бұйрығына (Нормативтік құқықтық актілерді мемлекеттік тіркеу тізілімінде № 12423 болып тіркелген) мынадай өзгерістер енгізілсін:

      көрсетілген бұйрықпен бекітілген Сәулет, қала құрылысы және құрылыс каталогтарын қалыптастыру және жүргізу қағидаларында:

      1-тараудың тақырыбы мынадай редакцияда жазылсын:

      "1-тарау. Жалпы ережелер";

      2-тараудың тақырыбы мынадай редакцияда жазылсын:

      "2-тарау. СҚҚК қалыптастыру, бекіту және жүргізу тәртібі";

      9-тармақ мынадай редакцияда жазылсын:

      "9. Шығарылатын конструкциялар, бұйымдар және құрылыс материалдары бойынша, сондай-ақ құрылыс өнімдерін өндірістен алып тастау туралы ақпаратты ұйымдар уәкілетті органның ведомствосына СҚҚК-3-ке тиісті өзгерістер мен толықтырулар енгізу үшін жібереді.

      Шығарылатын құрылыс өнімдері туралы мәліметтер Қазақстан Республикасы Ұлттық экономика министрлігінің Статистика комитеті төрағасының 2015 жылғы 18 наурыздағы № 50 бұйрығымен бекітілген (Нормативтік құқықтық актілерді мемлекеттік тіркеу тізілімінде № 10779 болып тіркелген) Ведомстволық жіктелімдерді жүргізудің үлгілік әдістемесіне (ВЖЖҮӘ) сәйкес әзірленген құрылыс ресурстарының жіктеуішінен алынған өнім кодын, оның атауын, стандартын және өлшем бірлігін қамтиды.";

      көрсетілген Қағидаларға қосымшада:

      Негізгі бөлімнің нысаны СҚҚК-3 – Құрылыс конструкциялары, бұйымдары мен құрылыс материалдарының тізбесі мынадай редакцияда жазылсын:

      "

      2. Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.