БҰЙЫРАМЫН:

      1. "Қазақстан Республикасы Ішкі істер министрлігінің білім беру ұйымдарына, бюджет қаражаты есебінен оқу ақысын төлей отырып, Қазақстан Республикасы Ішкі істер министрлігінің жолдамасы бойынша шет мемлекеттердің құқық қорғау органдарының жоғары білім беретін кәсіптік оқу бағдарламаларын іске асыратын білім беру ұйымдарына түсетін адамдармен келісімшарт жасасу, ұзарту, өзгерту, бұзу және тоқтату қағидаларын бекіту туралы" Қазақстан Республикасы Ішкі істер министрінің 2016 жылғы 13 мамырдағы № 500 бұйрығына (Нормативтік-құқықтық актілерді мемлекеттік тіркеу тізілімінде № 13796 болып тіркелген, 2016 жылғы 1 шілдеде "Әділет" ақпараттық-құқықтық жүйесінде жарияланған) мынадай өзгерістер енгізілсін:

      Көрсетілген бұйрықпен бекітілген Қазақстан Республикасы Ішкі істер министрлігінің білім беру ұйымдарына, бюджет қаражаты есебінен оқу ақысын төлей отырып, Қазақстан Республикасы Ішкі істер министрлігінің жолдамасы бойынша шет мемлекеттердің құқық қорғау органдарының жоғары білім беретін кәсіптік оқу бағдарламаларын іске асыратын білім беру ұйымдарына түсетін адамдармен келісімшарт жасасу, ұзарту, өзгерту, бұзу және тоқтату қағидаларында:

      3-тармақ мынадай редакцияда жазылсын:

      "3. Жоғары оқу орнынан кейінгі білім беру бағдарламаларын іске асыратын ІІМ-нің білім беру ұйымдарына оқуға түсетін адамдармен Келісімшарт қабылдау комиссиясының ІІМ білім беру ұйымының магистратурасына немесе PhD докторантурасына қабылдау туралы шешімі және ІІМ білім беру ұйымы бастығының қабылдау туралы бұйрығы шыққаннан кейін жасалады.

      Келісімшарт осы Қағидаларға 2-қосымшаға сәйкес нысан бойынша жасалады және оған ІІМ білім беру ұйымының бастығы, магистратураға немесе PhD докторантураға қабылданған қызметкер және қызметкерді оқуға жіберген қызметті жетекшілік ететін Ішкі істер министрінің орынбасары, немесе аумақтық полиция органдарының, ІІМ және оның ведомстволарының бағынысындағы мемлекеттік мекемелерінің (бұдан әрі – аумақтық ІІО) басшылары қол қояды.

      Келісімшарт үш данада қазақ немесе орыс тілдерінде жасалады, оның біреуі жеке іске тіркеледі, екіншісі магистрантқа (докторантқа) беріледі, үшіншісі магистрантты (докторантты) оқуға жіберген ІІМ, аумақтық ІІО, білім беру ұйымына жолданады. Келісімшарттың әрқайсысының бірдей заңды күші бар.".

      көрсетілген Қағидаларға 1-қосымшада:

      1-тармақ мынадай редакцияда жазылсын:

      "1. ІІМ-нің білім беру ұйымы Жоғары білімнің білім беру бағдарламасы бойынша күндізгі оқу нысаны бойынша Мемлекеттік жалпыға міндетті білім беру стандартына сәйкес курсантты оқытуды ұйымдастыру бойынша міндеттемелерді өзіне қабылдайды:

      __________________________________________________________________________

                        (білім беру бағдарламасының коды және атауы)

      Оқыту мерзімі: __________________________________________________________";

                        (білім беру ұйымындағы оқу кезеңі көрсетіледі)

      3-тармақта:

      1) тармақша мынадай редакцияда жазылсын:

      "1) курсантты "Білім туралы" 2007 жылғы 27 шілдедегі Қазақстан Республикасының Заңына және Қазақстан Республикасының мемлекеттік жалпыға міндетті білім беру стандарттарының талаптарына сәйкес білім алу шарттарымен қамтамасыз етуге;";

      11) тармақша мынадай редакцияда жазылсын:

      "11) аумақтық полиция департаменттерінің, Көліктегі полиция департаментінің, қылмыстық-атқару жүйесі департаменттерінің өтінімдеріне сәйкес ішкі істер органдары бөліністеріне курсанттарды бөлу.";

      4-тармақтың 5) тармақшасы мынадай редакцияда жазылсын:

      "5) егер ол оқуды үздік бітірсе, аумақтық полиция департаменттерінде, Көліктегі полиция департаментінде, қылмыстық-атқару жүйесі департаменттерінде қызмет орнын таңдауға құқылы.";

      көрсетілген Қағидаларға 2-қосымшаның 1-тармағы мынадай редакцияда жазылсын:

      "1. ІІМ білім беру ұйымы жоғары оқу орнынан кейінгі білім беру бағдарламасы бойынша магистрантты/PhD докторантын күндізгі оқыту нысаны бойынша жоғары мемлекеттік жалпыға міндетті білім беру стандартына сәйкес оқытуды ұйымдастыру жөніндегі міндеттемелерді өзіне алады.

      _____________________________________________________________

                  (білім беру бағдарламасының коды және атауы)

      Оқу мерзімі: __________________________________________________

      ____________________________________________________________";

                  (білім беру ұйымында оқыған аралықты көрсету)

      көрсетілген Қағидаларға 3-қосымша осы бұйрыққа қосымшаға сәйкес жаңа редакцияда жазылсын:

      2. Қазақстан Республикасы Ішкі істер министрлігінің Кадр саясаты департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Ішкі істер министрлігінің ресми интернет-ресурсында орналастыруды;

      3) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде Қазақстан Республикасы Ішкі істер министрлігінің Заң департаментіне осы бұйрықтың 1) және 2) тармақтарында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасы Ішкі істер министрінің жетекшілік ететін орынбасарына жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

КЕЛІСІМШАРТ

      Бұдан әрі "ІІМ" деп аталатын, Қазақстан Республикасы Ішкі істер министрінің 20____жылғы "___" ________ №___ бұйрығы негізінде әрекет ететін Қазақстан Республикасы Ішкі істер министрлігі атынан

      __________________________________________________________________________

      __________________________________________________________________________

      бір тараптан және бұдан әрі "Қызметкер" деп аталатын, шет елге оқуға

      жіберілетін ________________________________________________________________

                        (тегі, аты, әкесінің аты (болған кезде), лауазымы, арнаулы атағы)

      екінші тараптан, ал бірге "Тараптар" деп аталатын төмендегілер туралы осы Келісімшартты жасады:

      1. Келісімшарттың мәні

      1. ІІМ қызметкерді _____________________________________________

      __________________________________________________________________

                              (ел, қала, оқу орны)

      20 ___ жылғы "___" _________ бастап 20 ___ жылғы "___" _________ дейінгі кезеңде оқуға жібереді.

      2. Тараптардың құқықтары

      2. ІІМ:

      1) Қызметкер осы Келісімшарттың талаптарының біреуін бұзуға жол берген жағдайда, сондай-ақ қызметтік қажеттілік туындаған барлық жағдайларда оны мерзімінен бұрын шақыртып алуға;

      2) "Құқық қорғау қызметі туралы" Заңға сәйкес қызметкерден мынадай жағдайларда:

      оқуын жалғастырудан бас тартқан;

      шет мемлекетің заңнамасында көзделген елде болу және оқу орнының ішкі тәртіптеме қағидаларын бұзған;

      Қазақстан Республикасының азаматтығынан шыққан;

      ішкі істер органдарындағы қызметтен босатылған жағдайларда қызметкерді шетелде оқыту республикалық бюджет қаражаты есебінен қаржыландырылған кезде оның шет елде оқуымен және жол жүруімен байланысты Қазақстан Республикасы ІІМ жұмсаған барлық шығындарды "Құқық қорғау қызметі туралы" Қазақстан Республикасының Заңына сәйкес өндіру бойынша шаралар қабылдауға құқылы.

      3. Қызметкер:

      1) Оқуын мынадай негіздер бойынша:

      қызметкер оқитын елдің тиісті құжаттарымен расталған жағдайда Қызметкердің өзінің ауруына байланысты;

      растайтын құжаттар болған жағдайда Қызметкердің жақын туыстарының немесе оның асырауындағы адамдардың ауруы немесе қайтыс болуына байланысты мерзімі аяқталғанға дейін уақытша тоқтатуға немесе бұзуға;

      2) ІІМ алдында осы келісімшарттың мерзімін ұзарту туралы, сондай-ақ ақшалай қаражатты мемлекет кірісіне қайтару мерзімін ұзарту туралы өтініш білдіруге құқылы.

      3. Тараптардың міндеттері

      4. ІІМ:

      1) оқыту республикалық бюджет қаражаты есебінен қаржыландырылған жағдайда қызметкерді жоғарыда көрсетілген оқу орнында 20___жылғы "____" ______ мен 20___жылғы "____" ______аралығында оқытуды ұйымдастыруға не оқыту Қазақстан Республикасының заңнамасында тыйым салынбаған өзге де көздер арқылы қаржыландырылған жағдайда оқуға жіберуді ұйымдастыруға;

      2) жоғарыда көрсетілген оқу орнындағы қызметкерді оқыту, оның тұру, тамақтану, ай сайынғы стипендиясын толық төлеуді ұйыымдастыру (қызметкерді жеңілдік және өтеусіз негіздегі оқытудың жағдайларынан басқа), сонымен қатар білім беру мекемесіне (оқыту орнынна дейін), жазғы каникулдық демалысты өткізу орнына және қайта оқыту орнына жолданғанда автокөліктегі, теміржолдағы және ондайлар болмаған кезде немесе экономикалық нәтижелі жағдайда – көрсетілген жол жүру құжаттарының негізінде (көлік билеті және отырғызу талоны, автобуспен жүрген уақытта тек көлік билеті), экономикалық класс тарифімен әуе көлігінің құны төленсін;

      3) шет елде оқуын аяқтағаннан кейін Қызметкерді алған мамандығына сәйкес лауазымға тағайындауға;

      4) шет елде оқу кезеңінде Қызметкер қайтыс болған жағдайда ІІМ қаражаты есебінен Қазақстан Республикасының аумағында оның денесін жерлеуді ұйымдастыруға міндеттенеді. Жақын туысқандары Қазақстан Республикасынан тыс жерде жерлеу орнын белгілеген жағдайда ІІМ Қызметкердің денесін Қазақстан Республикасының аумағына жеткізуді төлейді.

      5. Қызметкер:

      1) өзі оқитын шетелдік оқу орны қоятын талаптарды орындауға;

      2) оқу орнының бағдарламасында көзделген білім мен кәсіби дағдыларды меңгеруге;

      3) демалыс орнына келген соң және кері қайтқаннан кейін бір ай ішінде жол жүру құжаттарын ІІМ-ге ұсынуға;

      4) оқуды тоқтату қажеттілігі туралы ІІМ-ге уақтылы хабарлауға;

      5) оқуын аяқтағаннан кейін Қазақстан Республикасына қайтып келуге және ішкі істер органдарында оқуын аяқтаған сәттен бастап кемінде бес жыл қызмет етуге міндеттенеді. Осы міндеттемені орындамаған жағдайда Қызметкер "Құқық қорғау қызметі туралы" Заңға сәйкес қайта еспетеуді ескере отырып, оқуға жұмсалған қаржылай қаражатты толық көлемде ІІМ-ге қайтарады.

      6) Қызметкер осы Келісімшарттың 2-тармағының 3) тармақшасында көзделген жағдайларда оқудан шығарылған сәттен бастап бір жыл ішінде оның шет елде оқуына жұмсалған қаржылай қаражатты (оқу орнына бару және кері қайту билеттерінің құнын, оқуына, тамақтануына, тұруына, заттай үлесіне, демалыс кезеңіндегі жолақысын, медициналық сақтандыруға, стипендияға, оқу әдебиеттері мен Қызметкерді шет елде ұстауды растайтын басқа да шығыстарды) қайтаруға міндеттенеді.

      4. Тараптардың жауапкершілігі

      6. Осы келісімшарт бойынша міндеттемелерді орындамағаны не тиісінше орындамағаны үшін тараптар Қазақстан Республикасының Азаматтық кодексіне сәйкес жауапкершілікте болады.

      5. Келісімшарттың қолдану мерзімі

      7. Келісімшарт Қызметкердің оқу кезеңіне жасалады және Тараптар осы Келісімшарт бойынша өз міндеттемелерін толық орындағанға дейін қолданылады.

      8. Тараптардың жазбаша келісімі бойынша Келісімшарт мерзімінен бұрын бұзылады немесе өзгертіледі, сондай-ақ екінші тарап Келісімшарттың талаптарын бұзған жағдайда, бір тараптың бастамасы бойынша бұзылады.

      9. Осы Келісімшартта тікелей көзделген жағдайларды қоспағанда, осы Келісімшарт ұзартуға жатпайды.

      6. Келісімшарт бойынша тараптардың жауапкершілігін болдырмайтын мән-жайлар

      10. Егер орындалмауы еңсерілмейтін күш әрекетінің (форс-мажорлық мән-жайлар) салдарынан, яғни: Қызметкердің қайтыс болуы, су басу, өрт, жер сілкінісі, басқа да дүлдей зілзалалар, сондай-ақ соғыс, әскери іс-қимыл, бүлік, блокада, заңнамада немесе атқарушы билік органдары белгілеген актілер немесе шектеулер, жарияланған немесе жарияланбаған ереуілдер немесе Тараптардың бақылауынан тыс Келісімшарт жасалғаннан кейін туындаған басқа да кез келген мән-жайларда осы келісімшарт бойынша кез келген міндеттемелерін толық немесе ішінара орындамағаны үшін тараптардың ешқайсысы жауапкершілікте болмайды.

      11. Міндеттемелерін орындауға еңсерілмейтін күштің мән-жайлары кедергі жасаған Тарап жазбаша түрде (факсимильдік байланыспен, телеграммамен) олар аяқталған сәттен бастап 24 сағат ішінде бұл туралы екінші тарапқа хабарлауға міндетті. Форс-мажорлық мән-жайлар қолданылуы аяқталғаннан кейін тараптар үш күн ішінде бір-біріне хабарлайды, әйтпесе Тараптар залалдың орнын толтырудан босатылмайды.

      12. Осы Келісімшарт бойынша міндеттемелерді орындау мерзімі 11-тармақта көрсетілген форс-мажорлық жағдайлардың қолданылу мерзіміне және оның салдарына шамалас ұзартылады.

      7. Дауларды қарау

      13. Осы келісімшартта көзделген міндеттемелерді орындау барысында туындаған кез келген даулар келіссөздер жүргізу жолымен шешіледі. Жойылмайтын қарама-қайшылықтар туындаған жағдайда соңғы шешімді Қазақстан Республикасының соты қабылдайды.

      8. Өзге де шарттар

      14. Осы келісімшарт Қызметкердің кінәсінен бұзылған жағдайда келтірген материалдық залалдың орнын толтыру осы Келісімшарттың міндетті шарты болып табылады.

      15. Келісімшарт екі данада, әр тарап үшін бір данадан жасалған, екі данасы да ұқсас және бірдей заңды күші бар, екі тарап қол қойған сәттен бастап күшіне енеді.

      9. Қорытынды ережелер

      16. Осы Келісімшарттың ережелері Тараптар жасаған өзге келісім-шарттар бойынша тараптардың міндеттемелерін қозғамайды.

      10. Тараптардың деректемелері