"Дене шынықтыру және спорт туралы" 2014 жылғы 3 шілдедегі Қазақстан Республикасы Заңының 32-бабы 3-тармағына сәйкес БҰЙЫРАМЫН:

      1. "Спортшыны тіркеу туралы куәлікті беру және ауыстыру, спорт федерацияларының спортшыны тіркеу туралы мәліметтерді ұсыну қағидаларын бекіту туралы" Қазақстан Республикасы Спорт және дене шынықтыру істері агенттігі төрағасының 2014 жылғы 28 шілдедегі № 295 бұйрығына (Нормативтік құқықтық актілерді мемлекеттік тіркеу тізілімінде № 9673, 2014 жылғы 27 тамыздағы "Әділет" ақпараттық-құқықтық жүйесінде жарияланған) мынадай өзгеріс енгізілсін:

      көрсетілген бұйрықпен бекітілген Спортшыны тіркеу туралы куәлікті беру және ауыстыру, спорт федерацияларының спортшыны тіркеу туралы мәліметтерді ұсыну қағидалары осы бұйрыққа қосымшаға сәйкес редакцияда жазылсын.

      2. Қазақстан Республикасы Мәдениет және спорт министрлігінің Спорт және дене шынықтыру істері комитеті заңнамада белгіленген тәртіппен:

      1) осы бұйрықты Қазақстан Республикасы Әдiлет министрлiгiнде мемлекеттiк тiркеуді;

      2) осы бұйрықты мемлекеттік тіркелген күннен бастап күнтізбелік он күн ішінде оны электронды түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) қолданысқа енген күннен кейін екі жұмыс күні ішінде Қазақстан Республикасы Мәдениет және спорт министрлігінің интернет-ресурсында орналастыруды;

      4) осы бұйрықта көзделген іс-шаралар орындалғаннан кейін екі жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Мәдениет және спорт вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Спортшыны тіркеу туралы куәлікті беру және ауыстыру, спорт федерацияларының спортшыны тіркеу туралы мәліметтерді ұсыну туралы қағидалар

1-тарау. Жалпы ережелер

      1. Осы Спортшыны тіркеу туралы куәлікті беру және ауыстыру, спорт федерацияларының спортшыны тіркеу туралы мәліметтерді ұсыну туралы қағидалар (бұдан әрі – Қағидалар) Спортшыны тіркеу туралы куәлікті беру және ауыстыру, спорт федерацияларының спортшыны тіркеу туралы мәліметтерді ұсыну тәртібін айқындайды.

      2. Спортшыны тіркеу туралы куәлігі оның спорт түрлері бойынша республикалық, өңірлік спорттық федерацияда (бұдан әрі – спорттық федерация) тіркелуден өткендігін растайтын құжат болып табылады.

      3. Дене шынықтыру және спорт саласындағы облыстық, республикалық маңызы бар қаланың, астананың жергілікті атқарушы органдардың (бұдан әрі – жергілікті атқарушы орган) ұсынысы бойынша спорттық федерациялар спортшыларды тіркеуді жүзеге асырады.

      4. Спорттық жарысқа алғаш рет қатысқан спортшы тіркеуден өтуі тиіс.

2-тарау. Спортшыны тіркеу туралы куәлігін беру және ауыстыру, спортшыны тіркеу туралы спорттық федерациялардың мәлімет ұсыну тәртібі

      5. Спортшыны тіркеу үшін жергілікті атқарушы органдар спорттық федерацияларға келесі құжаттарды ұсынады:

      1) спортшының жеке куәлігінің көшірмесі;

      2) осы Қағидалардың 1-қосымшасындағы нысанға сәйкес Спортшыны тіркеу туралы ұсыну;

      3) 3х4 екі түрлі-түсті фотосурет.

      6. Спорттық федерациялар осы Қағидалардың 5-тармағында көрсетілген құжаттар ұсынылған күннен бастап 15 күнтізбелік күн ішінде осы Қағидалардың 2-қосымшасындағы нысанға сәйкес спортшыны тіркеу және спортшыны тіркеу туралы куәлік беру туралы шешім қабылдайды.

      7. Спорттық федерациялар спортшыны тіркеу туралы берілген куәліктердің есебін электрондық және қағаз түрінде жүргізеді.

      8. Дене шынықтыру және спорт саласындағы уәкілетті органның сұрауы бойынша спорттық федерациялар сауал қабылданған күннен бастап 10 күнтізбелік күн ішінде Қағидалардың 3-қосымшасындағы нысанға сәйкес спортшыны тіркеу бойынша мәлімет ұсынады.

      9. Спортшыны тіркеу туралы куәлігін ауыстыру (көшірмесін беру) келесі жағдайларда жүзеге асырылады:

      1) спортшының тіркеу куәлігінде көрсетілген мәліметтердің өзгеруі;

      2) спортшының тіркеу куәлігінің тозуына немесе механикалық бұзылуына байланысты оның жарамсыз болуы;

      3) спортшының тіркеу куәлігінің жоғалуы.

Спортшыны тіркеу туралы ұсыну

      Облыстың, республикалық маңызы бар қаланың, астананың жергілікті атқарушы

      органы

      Басшысы ___________________________________             ________

                        (тегі, аты, әкесінің аты (бар болса)                   (қолы)

      Мөр орны

      "__"_____ 20__ жыл

Спортшыны тіркеу туралы куәлігі

      ____________________________

      (Спорттық федерацияның атауы)

      Басшысы ____________________________________             ________

                  (тегі, аты, әкесінің аты (бар болса)                         (қолы)

      Мөр орны

      "__"_____ 20__ жыл

Спортшыны тіркеу туралы ақпарат