"Қазақстан Республикасының әуе кеңістігін пайдалану және авиация қызметі туралы" Қазақстан Республикасының Заңы 81-бабының 3-тармағына және "Мемлекеттік және әлеуметтік маңызы бар көрсетілетін қызметтер туралы" Қазақстан Республикасының Заңы 10-бабының 1) тармақшасына сәйкес БҰЙЫРАМЫН:

      1. Қоса беріліп отырған Қазақстан Республикасында шетелдік әуемен тасымалдаушыларды аккредиттеу қағидалары бекітілсін.

      2. Күші жойылды деп танылсын:

      1) "Тіркеу және шетелдік тасымалдаушыларға қойылатын талаптар тәртібін бекіту туралы" Қазақстан Республикасы Көлік және коммуникация министрінің міндетін атқарушының 2010 жылғы 24 қыркүйектегі № 432 бұйрығы (Нормативтік құқықтық актілердің мемлекеттік тіркеу тізілімінде № 6587 болып тіркелген; "Егемен Қазақстан" газетінің 2010 жылы 9 қараша № 461-468 (26311) жарияланған);

      2) "Тіркеу және шетелдік тасымалдаушыларға қойылатын талаптар тәртібін бекіту туралы" Қазақстан Республикасы Көлік және коммуникация министрінің міндетін атқарушының 2010 жылғы 24 қыркүйектегі № 432 бұйрығына өзгерістер енгізу туралы" Қазақстан Республикасы Көлік және коммуникация министрінің міндетін атқарушының 2011 жылғы 25 қазандағы № 634 бұйрығы (Нормативтік құқықтық актілердің мемлекеттік тіркеу тізілімінде № 7294 болып тіркелген, "Заң газеті" газетінің 2011 жылы 9 желтоқсанда № 182 (1998) жарияланған).

      3. Қазақстан Республикасы Инвестициялар және даму министрлігінің Азаматтық авиация комитеті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберуді;

      4) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

      5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2), 3) және 4) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      5. Осы бұйрық алғашқы ресми жарияланған күнінен кейін күнтiзбелiк он күн өткен соң қолданысқа енгiзiледi.

Қазақстан Республикасында шетелдік әуемен тасымалдаушыларды аккредиттеу қағидалары

      Ескерту. Қағидалар жаңа редакцияда – ҚР Индустрия және инфрақұрылымдық даму министрінің 29.04.2020 № 247 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Қазақстан Республикасында шетелдік әуемен тасымалдаушыларды аккредиттеу қағидалары (бұдан әрі – Қағидалар) "Қазақстан Республикасының әуе кеңістігін пайдалану және авиация қызметі туралы" Қазақстан Республикасының Заңы 81-бабының 3-тармағына және "Мемлекеттік және әлеуметтік маңызы бар көрсетілетін қызметтер туралы" Қазақстан Республикасының Заңы (бұдан әрі – Заң) 10-бабының 1) тармақшасына сәйкес әзірленді және Қазақстан Республикасында шетелдік әуемен тасымалдаушыларды аккредиттеу және Қазақстан Республикасының аумағында өз қызметін жүзеге асыратын шетелдік тасымалдаушыларды аккредиттеу туралы куәлік беру" мемлекеттік қызметін көрсету тәртібін айқындайды.

      2. Осы Қағидаларда пайдаланылатын негізгі анықтамалар мен терминдер:

      1) азаматтық авиация саласындағы уәкілетті ұйым (бұдан әрі - уәкілетті ұйым) – жарғылық капиталына мемлекет жүз пайыз қатысатын, Қазақстан Республикасының азаматтық авиация саласын орнықты дамытуды, ұшу қауіпсіздігі мен авиациялық қауіпсіздікті қамтамасыз етуге бағытталған қызметті жүзеге асыратын акционерлік қоғам;

      2) авиажолаушылар туралы деректерді жинауға және өңдеуге арналған цифрлық жүйе - Қазақстан Республикасының аумағына келетін (оның аумағынан кететін) немесе Қазақстан Республикасының аумағында ауысып отырып транзитпен жүретін авиажолаушылар туралы ақпаратты қамтитын Қазақстан Республикасының бірыңғай цифрлық жүйесі;

      3) бас агент - Қазақстан Республикасының резиденті болып табылатын, Қазақстан Республикасының аумағында тасымалдарды сатуға шетелдік тасымалдаушы уәкілеттік берген, шетелдік тасымалдаушымен жасалған шарт және оның атынан сенімхат негізінде шетелдік тасымалдаушы көрсететін қызметтер үшін жолаушылар алдында жауапты заңды тұлға;

      4) тік эшелондаудың қысқартылған минимумы (ағылшын тіліндегі қысқартылған аббревиатура RVSM (бұдан әрі-RVSM)) - RVSM қолдана отырып ұшуға рұқсаты бар әуе кемелерін эшелондау үшін қолданылатын тік эшелондау аралығы;

      5) шетелдік әуемен тасымалдаушы - Қазақстан Республикасының аумағында өкілдік, филиал немесе бас агент арқылы істейтін, тұрақты жолаушылар тасымалдарын жүзеге асыратын шетелдік авиакомпания (бұдан әрі – шетелдік тасымалдаушы);

      6) "Е-Freight" цифрлық жүйесі – багажды, почта жөнелтілімдерін және жүктерді әуе көлігімен тасымалдау және өңдеу кезінде ақпараттық өзара іс-қимылды автоматтандыруға және мониторингтеуге арналған жүк авиатасымалдары саласындағы қағазсыз құжат айналымының бірыңғай цифрлық жүйесі.

      2-1. Авиажолаушылар туралы деректерді жинауға және өңдеуге арналған цифрлық жүйесін, сондай-ақ "Е-Freight" цифрлық жүйесін қалыптастыру, жүргізу және пайдалану кезінде "Киберқауіпсіздік туралы" Қазақстан Республикасының Заңы 6-бабының 3) тармақшасына сәйкес Қазақстан Республикасының Үкіметі бекітетін цифрландыру және киберқауіпсіздікті қамтамасыз ету салаларындағы бірыңғай талаптар ескеріледі.

      3. Қазақстан Республикасына (Қазақстан Республикасынан) тұрақты жолаушылар рейстерін орындауды жоспарлайтын барлық шетелдік тасымалдаушылар аккредиттеуге жатады.

      4. "Қазақстан Республикасының аумағында өз қызметін жүзеге асыратын шетелдік тасымалдаушыларды аккредиттеу туралы куәлік беру" мемлекеттік қызметті (бұдан әрі – мемлекеттік қызмет) Қазақстан Республикасы Көлік министрлігінің Азаматтық авиация комитеті (бұдан әрі – көрсетілетін қызметті беруші) көрсетеді.

2-тарау. Қазақстан Республикасында шетелдiк әуемен тасымалдаушыларды аккредиттеуді жүргізу тәртібі

      5. Заңды тұлға (бұдан әрі – көрсетілетін қызметті алушы) мемлекеттік қызметті алу үшін көрсетілетін қызметті берушіге www.egov.kz, www.elicense.kz (бұдан әрі – портал) "электронды үкімет" веб-порталы арқылы осы Қағидаларға 1-қосымшаға сәйкес көрсетілетін қызметті алушының электрондық цифрлық қолымен (бұдан әрі – ЭЦҚ) куәландырылған электронды құжат нысанындағы өтінім және осы Қағидаларға 2-қосымшаға сәйкес "Қазақстан Республикасының аумағында өз қызметін жүзеге асыратын шетелдік тасымалдаушыларды аккредиттеу туралы куәлік беру" мемлекеттік қызмет көрсетуге қойылатын негізгі талаптардың тізбесі (бұдан әрі – тізбе) 9-тармағына сәйкес құжаттарды жолдайды.

      6. Құжаттарды қарастыру мен мемлекеттік қызметті көрсету нәтижесін ұсыну мерзімі олар келіп түскен күннен бастап 30 (отыз) жұмыс күнді құрайды.

      7. Орындаушы 2 (екі) жұмыс күні ішінде ұсынылған құжаттардың толықтығын тексереді және ұсынылған құжаттардың толық болмау немесе мемлекеттік қызметті көрсету үшін қажетті мәліметтердің болмау фактісі анықталған жағдайда көрсетілетін қызметті алушыға ұсынылған құжаттардың қандай талаптарға сәйкес келмейтінін және мемлекеттік қызметті көрсету мерзімі тоқтатыла тұрған кезеңге сәйкес келтіру мерзімін көрсете отырып, хабарлама жібереді.

      Хабарламада көрсетілген құжаттарды сәйкес келтіру мерзімі 2 (екі) жұмыс күнін құрайды.

      Егер хабарламаны алған күннен бастап 2 (екі) жұмыс күні ішінде көрсетілетін қызметті алушы құжаттарды талаптарға сәйкес келтірмеген жағдайда, көрсетілетін қызметті беруші көрсетілетін қызметті беруші басшысының не оны алмастыратын адамның ЭЦҚ қойылған электрондық құжат нысанындағы портал арқылы өтінішті одан әрі қараудан дәлелді бас тартуды (бұдан әрі - дәлелді бас тарту) көрсетілетін қызметті алушының жеке кабинетіне жібереді.

      8. Көрсетілетін қызметті алушы Тізбенің 8-тармағында көрсетілген құжаттардың толық топтамасын ұсынған кезде, көрсетілетін қызметті беруші, 28 (жиырма сегіз) жұмыс күн ішінде көрсетілетін қызметті алушының сәйкестігін және мемлекеттік қызмет көрсету үшін қажетті ұсынылған материалдардың, деректердің және мәліметтердің дұрыстығын Заң талаптарына сәйкестігін тексереді.

      Көрсетілетін қызметті алушының және ұсынылған материалдардың, деректер мен мәліметтердің сенімділігін айқындау кезінде көрсетілетін қызметті беруші:

      шетелдік әуе тасымалдаушысын тіркеу мемлекеті тарапынан коммерциялық әуе тасымалдарын орындауға арналған рұқсаттар;

      тиісті шет мемлекеттен тағайындалған әуе тасымалдаушысы мәртебесінің болуын қарастырады.

      Шетелдік әуемен тасымалдаушыға қатысты тасымалдауға құқық беру шарттары Қазақстан Республикасы қатысушысы болып табылатын әуе қатынасы туралы халықаралық шарттарда және Қазақстан Республикасының заңнамасында айқындалады.

      Шетелдік әуе тасымалдаушысын Қазақстан Республикасының әуе кеңістігін пайдалану және авиация қызметі туралы заңнамасында, Халықаралық азаматтық авиация ұйымының (ИКАО) стандарттары мен ұсынылатын практикасында белгіленген ұшу қауіпсіздігі жөніндегі талаптарға сәйкестігін растау үшін көрсетілетін қызметті беруші бір мезгілде портал арқылы Тізбенің 8-тармағында көрсетілген құжаттардың, материалдардың, деректер мен мәліметтердің ұсынылған толық пакетін уәкілетті ұйымға жібереді.

      Уәкілетті ұйым көрсетілетін қызметті алушының Қазақстан Республикасының әуе кеңістігін пайдалану және авиация қызметі туралы қолданыстағы заңнамасында белгіленген ұшу қауіпсіздігі жөніндегі талаптарға, Халықаралық азаматтық авиация ұйымының (ИКАО) стандарттары мен ұсынылатын практикасына сәйкестігін тексереді.

      Уәкілетті ұйым ұсынылған мәліметтер жеткіліксіз болған кезде немесе егер оларды растау талап етілсе, өтінім берушіге пайдаланушы сертификатын берген шет мемлекеттің авиациялық билігіне және(немесе) пайдаланушыға тексеру жүргізген тәуелсіз авиациялық аудиторлық ұйымдарға электрондық пошта арқылы сұрау салуды жібереді. Жауап беру мерзімі мұндай сұрау салуды жібергеннен кейін 30 күнтізбелік күннен аспайды.

      Келіп түскен құжаттарды, материалдарды, деректер мен мәліметтерді қарау қорытындылары бойынша уәкілетті ұйым шетелдік әуе тасымалдаушысының Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында, Халықаралық азаматтық авиация ұйымының (ИКАО) стандарттары мен ұсынылатын практикасында белгіленген ұшу қауіпсіздігі жөніндегі талаптарға сәйкестігіне тексеру қорытындысын ресімдейді және көрсетілетін қызметті берушіге портал арқылы ЭЦҚ көмегімен қол қойылған 2-1-қосымшаға сәйкес нысан бойынша жібереді.

       Көрсетілетін қызметті алушы және ұсынылған материалдар, деректер мен мәліметтер Заң талаптарына сәйкес келген кезде осы Қағидаларға 3-қосымшаға сәйкес нысан бойынша Қазақстан Республикасының аумағында өз қызметін жүзеге асыратын шетелдік тасымалдаушыларды аккредиттеу туралы куәлік рәсімделеді немесе көрсетілетін қызметті алушы мен ұсынылған материалдар, деректер мен мәліметтер сәйкес келмеген кезде Тізбеде көрсетілген негіздер бойынша мемлекеттік қызметті көрсетуден бас тарту туралы дәлелді жауап ресімделеді.

      Мемлекеттік қызметті көрсетудің нәтижесі порталға көрсетілетін қызметті алушының "жеке кабинетіне" көрсетілетін қызметті берушінің уәкілетті тұлғасының ЭЦҚ қол қойылған электронды құжат нысанында жолданады.

      9. Қазақстан Республикасының аумағында өз қызметін жүзеге асыратын шетелдік тасымалдаушыларды аккредиттеу туралы куәлік көрсетілетін қызметті алушыға оның әрекет ету күнінен бастап екі жылға, немесе егер мұндай сертификаттың қолданылу мерзімі екі жылдан аз болса, пайдаланушы сертификатының қолданылу мерзіміне беріледі.

      10. Берілген Қазақстан Республикасының аумағында өз қызметін жүзеге асыратын шетелдiк тасымалдаушыларды аккредиттеу туралы куәлік басқа заңды немесе жеке тұлғаға берілмейді.

      11. Көрсетілетін қызмет беруші мемлекеттік қызметті көрсету туралы ақпаратты мемлекеттік немесе әлеуметтік жауапкершілігі бар қызмет көрсету мониторингінің цифрлық жүйесіне енгізуді қамтамасыз етеді.

      Рұқсаттар мен хабарламалардың мемлекеттік цифрлық жүйесі арқылы мемлекеттік қызметті көрсету кезінде мемлекеттік қызметті көрсету сатысы туралы деректер мемлекеттік мемлекеттік немесе әлеуметтік жауапкершілігі бар қызметтерді көрсету мониторингінің цифрлық жүйесіне автоматты режимде келіп түседі.

      11-1. Шетелдік пайдаланушылардың азаматтық әуе кемелерін перрондық тексеру Заңның 16-5-бабында белгіленген талаптарға сәйкес жүзеге асырылады.

      Үшінші санаттағы бұзушылық анықталған кезде уәкілетті ұйымның:

      1) пайдаланушыға анықталған сәйкессіздік туралы жазбаша хабарлауға және түзету іс-қимылдары қабылдануының дәлелдемелерін талап етуге;

      2) пайдаланушы мемлекетінің және қажет болған кезде әуе кемесін тіркеген және ұшу экипажы куәліктерін берген мемлекетінің құзыретті биліктеріне хабарлауға, сондай-ақ пайдаланушы қабылданған түзету іс-қимылдарын келісу туралы тиісті құзыретті биліктерден растау сұратуға;

      3) әуе кемесін пайдалануға шектеу қоюды белгілеуге не анықталған сәйкессіздіктерді жою жөнінде шұғыл түзету іс-қимылдарын қабылдауды талап етуге не Қазақстан Республикасының аумағында әуе кемесін пайдалануға дереу тыйым салуды енгізуге не Заңның 16-5-бабы 7-тармағының шарттарына сәйкес әуе кемесін жерде кідіртуге құқығы бар.

      11-2. Шетелдік тасымалдаушы осы Қағидалардың 11-1-тармағына сәйкес түзету іс-әрекеттерін келісілген мерзімде қабылдамаған жағдайда уәкілетті ұйым бұл туралы көрсетілетін қызметті берушіні хабардар етеді. Көрсетілетін қызметті беруші өз қызметін Қазақстан Республикасының аумағында жүзеге асыратын шетелдік тасымалдаушыларды аккредиттеу туралы куәліктің қолданылуын куәлігі уақытша тоқтатылған тұлғаға хабарлама тапсырылған күннен бастап күнтізбелік 30 күннен аспайтын мерзімге тоқтата тұрады және бұзушылық жойылған жағдайда оның қолданылуын қайта бастайды.

      11-3. Уәкілетті ұйым қажет болған жағдайда тиісті шет мемлекеттің авиациялық билігіне шетелдік тасымалдаушы сақтайтын ұшу қауіпсіздігі талаптарына қатысты консультациялар туралы сұрау салады. Мұндай консультациялар осындай сұрау салумен жүгінгеннен кейін 30 күн ішінде жүргізіледі. Егер осындай консультациялардың нәтижесінде уәкілетті ұйым тиісті авиациялық биліктер Халықаралық азаматтық авиация туралы конвенцияға сәйкес осы уақытта қолданылып жүрген ИКАО стандарттарына сәйкес келетін ұшу қауіпсіздігі жөніндегі талаптардың сақталуын тиімді сақтауды және тиімді бақылауды және қадағалауды қамтамасыз етпейтінін тапса, шет мемлекеттің авиациялық билік орындарына осындай тұжырымдар туралы уәкілетті ұйым хабардар етеді. Осыдан кейін шет мемлекеттің авиациялық билігі келісілген уақыт аралығында тиісті түзету шараларын қолданады. Тиісті түзету әрекеттері қабылданбаған жағдайда уәкілетті ұйым бұл туралы көрсетілетін қызметті берушіні хабардар етеді.

      11-4. Көрсетілетін қызметті беруші Шетелдік тасымалдаушыларды аккредиттеу туралы куәлікті қайтарып алады:

      1) егер Шетелдік тасымалдаушыларды аккредиттеу туралы куәлік ұсынылған құжаттарды немесе олардағы жазбаларды бұрмалау арқылы алынған болса;

      2) сот шешімі бойынша;

      3) егер шетелдік тасымалдаушы осы Қағидалардың 11-2-тармағына сәйкес куәлікті тоқтата тұру мерзімі өткеннен кейін түзету әрекеттерін қабылдамаған болса;

      4) егер шетелдік тасымалдаушыға пайдаланушы сертификатын берген шет мемлекеттің тиісті авиациялық өкіметі келісілген мерзімде осы Қағидалардың 11-3-тармағына сәйкес түзету іс-әрекеттерін қабылдамаған болса.

      11-5. Көрсетілетін қызметті беруші шешім қабылданған күннен бастап 3 жұмыс күні ішінде Шетелдік тасымалдаушыны аккредиттеу туралы куәлікті қайтарып алу туралы жазбаша нысанда хабардар етеді. Кері қайтарып алғаннан кейін шетелдік тасымалдаушы аккредиттеу жүргізуге қайта өтініш бере алады.

3-тарау. Мемлекеттік қызметтерді көрсету мәселелері бойынша көрсетілетін қызметті берушілердің және (немесе) олардың лауазымды адамдарының шешімдеріне, әрекеттеріне (әрекетсіздігіне) шағымдану тәртібі

      12. Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шағым әкімшілік актісіне, әкімшілік әрекетіне (әрекетсіздігіне) шағым жасалып отырған әкімшілік органға, лауазымды адамға беріледі.

      Шешіміне, әрекетіне (әрекетсіздігіне) шағым жасалып отырған көрсетілетін қызметті беруші, лауазымды адам шағым келіп түскен күннен бастап үш жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте, шешіміне, әрекетіне (әрекетсіздігіне) шағым жасалған көрсетілетін қызметті беруші, лауазымды адам егер 3 (үш) жұмыс күні ішінде шағымда көрсетілген талаптарды толық қанағаттандыратын шешім қабылдаса не әрекет жасаса, ол шағымды қарайтын органға шағымды жібермейді.

      Көрсетілетін қызметті берушінің атына келіп түскен көрсетілетін қызметті алушының шағымы Заңның 25-бабының 2-тармағына сәйкес тіркелген күнінен бастап бес жұмыс күні ішінде қаралуға жатады.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы тіркелген күнінен бастап 15 (он бес) жұмыс күні ішінде қаралуға жатады.

      13. Егер Қазақстан Республикасының Заңында өзгеше көзделмесе, сотқа шағым жасауға Қазақстан Республикасы Әкімшілік рәсімдік кодексінің 91-бабының 5-тармағына сәйкес әкімшілік (сотқа дейінгі) тәртіппен шағым жасалғаннан кейін жол беріледі.

Өтініш

      Ескерту. 1-қосымша жаңа редакцияда - ҚР Көлік министрінің м.а. 28.07.2026 № 195 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.
      Сізден ____________________________________________________________________________________(авиакомпания)

      шетелдік әуе тасымалдаушысын Қазақстан Республикасына (Қазақстан Республикасынан) тұрақты жолаушылар рейстерін орындауға аккредиттеуді сұраймын

      Цифрлық жүйелердегі заңмен қорғалатын құпияны құрайтын мәліметтерді пайдалануға келісемін.

      Ескерту:

      * Пайдаланушының мемлекетінің бекітуі.

      ** Мемлекеттің тіркеуді бекітуі.

      *** Бұл бөлімге бір рұқсатқа бір жолды (немесе бір көп жолды блокты) қолдана отырып, басқа рұқсаттар туралы ақпаратты немесе деректерді енгізуге болады (мысалы, арнайы қонуға рұқсат, MNPS, бекітілген навигациялық сипаттама)

      Кестедегі қысқартулар:

      1) ИКАО - Халықаралық азаматтық авиация ұйымы;

      2) ӘК-әуе кемесі;

      3) RVSM-тік эшелондаудың қысқартылған минимумы;

      4) EDT-ауытқу уақыты ұзартылған ұшулар;

      5) PBN-сипаттамаларға негізделген навигация;

      6) ИАТА - Халықаралық әуе көлігі қауымдастығы;

      7) СИТА - Халықаралық авиациялық телекоммуникациялар қоғамы;

      8) АФТН - аэронавигациялық телекоммуникацияның стационарлық желісі.

"Қазақстан Республикасының аумағында өз қызметін жүзеге асыратын шетелдiк тасымалдаушыларды аккредиттеу туралы куәлік беру" мемлекеттік қызметті көрсету үшін негізгі талаптардың тізбесі

      Ескерту. 2-қосымша жаңа редакцияда - ҚР Көлік министрінің м.а. 28.07.2026 № 195 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

Шетелдік әуе тасымалдаушысының ұшу қауіпсіздігі жөніндегі талаптарға сәйкестігін тексеру қорытындысы _______________________________________ _______ уәкілетті ұйым

      Ескерту. Қағидалар 2-1-қосымшамен толықтырылды – ҚР Көлік министрінің м.а. 28.07.2026 № 195 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      __________________________________________________________________

      (шетелдік әуе тасымалдаушысының атауы)

      (бұдан әрі – өтініш беруші) __________ 20___ жылғы № _________ өтінішін, сондай-ақ _________________________________________________________________

      (мемлекеттік көрсетілетін қызметтің атауы)

      мемлекеттік қызметті көрсету шеңберінде көрсетілетін қызметті беруші ұсынған құжаттар, материалдар, деректер және мәліметтерді қарап, өтініш берушінің Қазақстан Республикасының әуе кеңістігін пайдалану және авиация қызметі туралы қолданыстағы заңнамасында және/немесе халықаралық азаматтық авиация ұйымының (ИКАО) стандарттары мен ұсынылатын практикасында белгіленген ұшу қауіпсіздігі жөніндегі талаптарға сәйкестігін/сәйкес еместігін растайды.

      Қосымша рұқсаттар, шарттар мен шектеулер (егер бар болса):

      __________________________________________________________________________

      __________________________________________________________________________ (өтініш беруші сәйкес келген кезде көрсетіледі)

      Өтініш берушінің ұшу қауіпсіздігі жөніндегі талаптарға сәйкес келмеу негіздері: ___________________________________________(өтініш беруші сәйкес келмеген жағдайда көрсетіледі)

      Басқа пікірлер:______________________________________________

      ____________________________________________

      Уәкілетті ұйымның бірінші басшысы, оны алмастыратын адам немесе олар уәкілеттік берген тұлға

Қазақстан Республикасының аумағында өз қызметін жүзеге асыратын шетелдік тасымалдаушыларды аккредиттеу туралы КУӘЛІК / СВИДЕТЕЛЬСТВО об аккредитации иностранных перевозчиков, осуществляющих свою деятельность на территории Республики Казахстан № __________

      Ескерту. 3-қосымша жаңа редакцияда - ҚР Көлік министрінің м.а. 28.07.2026 № 195 (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі) бұйрығымен.

      Қазақстан Республикасының аумағында өз қызметін жүзеге асыратын шетелдік тасымалдаушыларды аккредиттеу туралы КУӘЛІК / СВИДЕТЕЛЬСТВО об аккредитации иностранных перевозчиков, осуществляющих свою деятельность на территории Республики Казахстан № __________

      1. _______________________________________________________________

      авиакомпанияның атауы/наименование авиакомпании

      _________________________________________________________________

      2. _______________________________________________________________

      заңды мекен-жайы/юридический адрес

      3. _______________________________________________________________

      шетелдік тасымалдаушының орналасқан елі/страна местонахождения

      иностранного перевозчика

      4. ________________________________________________________________ ________________________ *қосымша рұқсаттар, шарттар мен шектеулер (егер бар болса)/дополнительные разрешения, условия и ограничения (если применимо)

      5. Куәлік 20 __ жылғы "___" __________ берілді

      Свидетельство выдано "___" _____________ 20__

      6. Куәлік _______________ дейін жарамды

      Срок действия свидетельства:______________

      _________________________________________________________________ азаматтық авиация саласындағы уәкілетті органның жауапты тұлғасы, тегі, аты, әкесінің аты (бар болған жағдайда)/ ответственное лицо уполномоченного органа в сфере гражданской авиации, фамилия, имя, отчество (при наличии)

      *Ескерту/Примечание:

      Қосымша рұқсаттар, шарттар мен шектеулер пайдаланушының сертификатында және онымен байланысты пайдалану спецификацияларында көрсетілмеген, бірақ Қазақстан Республикасында осындай ұшуларды орындау үшін қажетті болып саналатын элементтер бойынша белгіленеді. Қосымша рұқсаттар пайдаланушы сертификатының пайдалану спецификацияларында пайдаланушының мемлекеті рұқсат етпеген ұшуларға санкция бермеуі немесе оларға қайшы келмеуі және осы пайдалану спецификацияларындағы рұқсаттарды қайталамауы тиіс, бірақ айрықша жағдайларда берілуі тиіс/ Дополнительные разрешения, условия и ограничения устанавливаются по тем элементам, которые не указаны в сертификате эксплуатанта и связанных с ним эксплуатационных спецификациях, но считаются необходимыми для выполнения аналогичных полетов в Республике Казахстан. Дополнительные разрешения не должны санкционировать полеты, не разрешенные государством эксплуатанта в эксплуатационных спецификациях сертификата эксплуатанта, и не должны дублировать разрешения в этих эксплуатационных спецификациях или противоречить им, но должны выдаваться в исключительных случаях.