№

Ақпарат түрі

Ақпарат мазмұны

1

2

3

1.

Ақпаратты акционерлік қоғамның ішкі құжаттарына сәйкес акционерлерге және инвесторларға жіберетін мәселелердің тізбесі бойынша директорлар кеңесі қабылдаған шешімдер туралы ақпарат

1) директорлар кеңесі өткізілетін күн;
2) директорлар кеңесі отырысының күн тәртібіне енгізілген мәселенің (мәселелердің) мазмұны, ол туралы ақпарат акционерлерге және инвесторларға акционерлік қоғамның ішкі құжаттарына сәйкес жіберіледі;
3) директорлар кеңесі осы тармақтың 2) тармақшасында көрсетілген мәселелер бойынша қабылдаған шешімі (шешімдері);
4) акционерлік қоғамның шешімі бойынша өзге мәліметтер.

2.

Акционерлік қоғамның акцияларды және басқа бағалы қағаздарды шығаруы туралы ақпарат

1) бағалы қағаздар шығарылымын тіркеуді жүзеге асырған органның атауы, бағалы қағаздар шығарылымын тіркеу күні;
2) шығаруға жарияланған бағалы қағаздардың түрі, саны, бағалы қағаздарға берілген (ұлттық сәйкестендіру нөмірі және (немесе) бағалы қағаздар шет мемлекеттің заңнамасына сәйкес шығарылған жағдайда халықаралық сәйкестендіру коды (ISIN)) сәйкестендіру коды;
3) облигацияларды, оның ішінде облигациялық бағдарлама шеңберінде шығарған жағдайда номиналды құны, айналысқа жіберу мерзімі қосымша көрсетіледі;
4) облигациялық бағдарламаны шығарған жағдайда облигациялық бағдарламаның нөмірі және шығарылым көлемі көрсетіледі;
5) кемінде 12 ай айналысқа жіберу мерзімі бар облигацияларды қоспағанда, акционерлік қоғамның эмиссиялық бағалы қағаздарының шығарылымы проспектісінің сканерленген көшірмесі;
6) акционерлік қоғам шет мемлекеттің аумағында эмиссиялық бағалы қағаздарды шығаруға және (немесе) орналастыруға уәкілетті органнан рұқсат алған жағдайда:
уәкілетті органның осындай рұқсатының күні және нөмірі;
шығарудың негізгі параметрлері: бағалы қағаздың түрі, халықаралық сәйкестендіру коды (ISIN), шығару валютасы және нысаны, шығарудың жалпы көлемі, номиналды құны, айналысқа жіберу және орналастыру мерзімі; эмиссиялық бағалы қағаздар бойынша сыйақы туралы мәліметтер (төлемдердің мөлшері және кезеңділігі) өтеу тәртібі және болжамды мерзімі.

3.

Уәкілетті орган акционерлік қоғамның бағалы қағаздарды орналастыру қорытындылары туралы есептерді, акционерлік қоғамның бағалы қағаздарды өтеу қорытындылары туралы есептерді бекіту туралы ақпарат

1) акционерлік қоғамның бағалы қағаздарды орналастыру қорытындылары туралы есепті немесе акционерлік қоғамның бағалы қағаздарды өтеу қорытындылары туралы есепті бекіту күні.
2) бағалы қағаздарды орналастырудың есепті кезеңі (акционерлік қоғамның бағалы қағаздарды орналастыру қорытындылары туралы есепті бекіту туралы ақпаратты орналастырған кезде);
3) есепті кезеңде орналастырылған (өтелген) бағалы қағаздардың саны және түрі.

4.

Уәкілетті орган акционерлік қоғамның бағалы қағаздар шығарылымын жою туралы ақпарат

1) бағалы қағаздар шығарылымын жою күні;
2) шығарылымы жойылған бағалы қағаздардың ұлттық сәйкестендіру нөмірі;
3) акционерлік қоғамның бағалы қағаздар шығарылымын жою үшін негіздеме.

5.

Акционерлік қоғамның ірі мәмілелерді жасағаны туралы ақпарат

1) мәміленің не мәмілеге қосымша келісімнің (шартқа қосымша келісімнің) жасалған күні;
2) мәміле мәні, мәміле тараптарының атауы;
3) акционерлік қоғамның органы мәміле жасау туралы шешім қабылдаған күні мәміле мәні болып табылатын мүліктің құны;
4) акционерлік қоғамның органы мәміле жасау туралы шешім қабылдаған күні;
5) ақша және (немесе) бастапқы нарықта шығарылатын (орналастырылатын) бағалы қағаздар мәміле мәні болып табылатын жағдайларды қоспағанда, мәміле мәні болып табылатын мүлікті соңғы бағалау күні;
6) мәміле мәні болып табылатын мүлік құнының акционерлік қоғамның органы мәміле жасау туралы шешім қабылдаған күні осы акционерлік қоғам активтерінің жалпы құнына пайыздық арақатысы.
7) мәміле тараптары, сатып алынған немесе иелігінен шығарылатын активтер, мәміле мерзімдері мен талаптары, тартылған тұлғалардың қатысу үлестерінің сипаты мен көлемі туралы мәліметтер, сондай-ақ бар болса, мәміле туралы өзге мәліметтер.
Акционерлік қоғам ірі мәміле жасау туралы шартында банктік құпия, сақтандыру құпиясын, бағалы қағаздар нарығында коммерциялық құпияны және Қазақстан Республикасының заңдарымен қорғалатын өзге құпияны құрайтын ақпарат болса, ірі мәміле туралы ақпаратты орналастырған кезде тек қана мәміле жасалған күн, сондай-ақ акционерлік қоғамның шешімі бойынша өзге ақпарат жарияланады.
Егер акционерлік қоғамның жасаған мәміле бір мезгілде ірі мәміле және қоғамның жасауға мүдделілігі бар мәміле болып табылса, мұндай мәміле туралы ақпарат осы қосымшаның 5-тармағына сәйкес бұл жөнінде көрсете отырып ғана орналастырылады.

6.

Акционерлік қоғам бір мезгілде мынадай талаптарға сәйкес келетін мәмілелер жасау туралы ақпарат: қоғамның жасауға мүдделілігі бар және қоғамның уәкілетті органы осындай мәмілелер жасау туралы шешім қабылдаған күні құны қоғам активтерінің жалпы баланстық құны мөлшерінен он және одан көп пайызды құрайтын мүлікті сатып алуға немесе иелігінен шығаруға байланысты мәміле болып табылады

1) мәміленің не мәмілеге қосымша келісімнің (шартқа қосымша келісімнің) жасалған күні;
2) мәміле мәні, мәміле тараптарының атауы;
3) акционерлік қоғамның органы мәміле жасау туралы шешім қабылдаған күні.
4) мәміле тараптары, сатып алынған немесе иелігінен шығарылатын активтер, мәміле мерзімдері мен талаптары, тартылған тұлғалардың қатысу үлестерінің сипаты мен көлемі туралы мәліметтер, сондай-ақ бар болса, мәміле туралы өзге мәліметтер.
Акционерлік қоғам бірмезгілде мынадай талаптарға жауап беретін: акционерлік қоғам жасауға мүдделі мәміле болып табылатын және қоғамның уәкілетті органы осындай мәмілені жасау туралы шешімді қабылдау күнінде құны қоғам активтерінің жалпы баланстық құны мөлшерінің он және одан көп пайызы болатын мүлікті иеленуге немесе иеліктен шығаруға байланысты мәмілені жасау туралы шартта банктік құпия, сақтандыру құпиясын, бағалы қағаздар нарығында коммерциялық құпияны және Қазақстан Республикасының заңдарымен қорғалатын өзге құпияны құрайтын ақпарат болса, акционерлік қоғам қоғамның жасауға мүдделілігі бар мәмілені жасау туралы ақпаратты орналастырған кезде тек қана мәміле жасалған күн, сондай-ақ акционерлік қоғамның шешімі бойынша өзге де ақпарат жарияланады.
Бір жұмыс күні ішінде бірмезгілде мынадай талаптарға жауап беретін: акционерлік қоғам жасауға мүдделі мәміле болып табылатын және қоғамның уәкілетті органы осындай мәмілені жасау туралы шешімді қабылдау күнінде құны қоғам активтерінің жалпы баланстық құны мөлшерінің он және одан көп пайызы болатын мүлікті иеленуге немесе иеліктен шығаруға байланысты бірнеше мәміле жасаған кезде, осындай мәмілелер бойынша ақпаратты акционерлік қоғамға осындай бірнеше мәміле бойынша ақпарат қамтылған бір өтінім ұсыну арқылы ақпарат беруге рұқсат етіледі.

7.

Акционерлік қоғамның мүлкін осы акционерлік қоғам активтерінен бес және одан көп пайызды құрайтын сомаға кепілге (қайта кепілге) беру туралы ақпарат

1) акционерлік қоғамның органы акционерлік қоғамның мүлкін кепілге беру (қайта кепілге беру) туралы шешім қабылдаған күні;
2) акционерлік қоғамның мүлкін кепілге беру (қайта кепілге беру) құқығы туындаған күні, атап айтқанда: Қазақстан Республикасының заңнамалық актілеріне сәйкес кепілі тіркелуі тиіс мүлік – кепілге беру (қайта кепілге беру) шартын тіркелген күні;
Қазақстан Республикасының заңнамалық актілеріне сәйкес кепілі тіркелмеуі тиіс мүлік – кепіл ұстаушыға осы мүлікті беру кезінен, ал егер берілмейтін болса кепілге беру (қайта кепілге беру) шартын жасау сәтінен бастап;
3) акционерлік қоғамның кепілге берілетін (қайта кепілге берілетін) мүлкінің құны;
4) акционерлік қоғамның кепілге (қайта кепілге) берілетін мүлкін соңғы бағалау күні (егер мұндай бағалауды жүргізу Қазақстан Республикасының заңнамасына сәйкес талап етілсе);
5) акционерлік қоғамның органы акционерлік қоғамның мүлкін кепілге беру (қайта кепілге беру) туралы шешімді қабылдау күнінде кепілге (қайта кепілге) берілетін мүлік құнының осы акционерлік қоғам активтерінің жалпы құнына пайыздық арақатынасы.

8.

Акционерлік қоғамның меншікті капиталы мөлшерінен жиырма бес және одан көп пайызды құрайтын мөлшердегі қарызды акционерлік қоғамның алуы туралы ақпарат

1) акционерлік қоғам органының қарызды алу туралы шешім қабылдаған күні;
2) акционерлік қоғамның қарызды алу күні туралы шарттың жасалған күні;
3) акционерлік қоғам алған қарыздың шартта белгіленген жалпы мөлшері;
4) акционерлік қоғамның қарызды алған күні және шартта белгіленген сома шегінде алынған қарыз мөлшері;
5) акционерлік қоғамның қарызды алу мақсаты;
6) акционерлік қоғам алған қарыздың мөлшеріне акционерлік қоғам органының қарызды алу туралы шешім қабылдаған күні акционерлік қоғамның меншікті капиталының мөлшеріне пайыздық арақатынасы;
Акционерлік қоғам екінші деңгейдегі банкпен қарыз алушының өзіне кредит алу уақытын белгілеуге мүмкіндік беретін талаптармен қарыз алушыны кредиттейтін банк міндеттемелерін көздейтін банктік қарыз шартын жасаған кезде осы шартпен белгіленген сома және уақыт шегінде акционерлік қоғам осы шартқа сәйкес ашылған кредиттік желі шеңберінде әрбір қарыз алу кезінде осы тармаққа сәйкес ақпаратты орналастырады.
Акционерлік қоғамның қарызды алу бойынша жасалған мәмілесі бір мезгілде ірі мәміле және (немесе) акционерлік қоғамның оны жасауға мүдделілігі бар мәміле болып табылса, мұндай мәміле туралы ақпарат бұл туралы көрсетумен осы қосымшаның 8-тармағына сәйкес ғана орналастырылады.

9.

Акционерлік қоғамның қызметтің қандай да бір түрлерін жүзеге асыруға, акционерлік қоғамның қызметтің қандай да бір түрін (іс-қимылдарды) жүзеге асыруға бұрын алған лицензиясының қолданылуын тоқтата тұру немесе тоқтату туралы ақпарат

1) рұқсат берген, рұқсаттың қолданылуын тоқтата тұру, тоқтату туралы шешім қабылдаған рұқсат беру органының атауы;
2) рұқсат берілген күні, рұқсаттың нөмірі, рұқсаттың қолданылу мерзімі;
3) рұқсатқа сәйкес жүзеге асырылатын қызмет түрінің (іс-қимылдың) атауы;
4) рұқсат беру органның рұқсаттың қолданылуын тоқтата тұру (тоқтата тұру мерзімі), қолданылуын жаңарту күні туралы шешімді қабылдаған күні;
5) рұқсатты тоқтата тұруға (жаңартуға) негіздеме;
6) жүзеге асыруға рұқсат тоқтатыла тұрған (жаңартылған) қызмет түрінің (іс-қимылдың) атауы;
7) рұқсат беру органының рұқсаттың қолданылуын тоқтата тұру туралы шешім қабылдаған күні;
8) рұқсаттың қолданылуын тоқтатуға негіздеме;
9) жүзеге асыруға рұқсат тоқтатылған қызмет түрінің (іс-қимылдың) атауы.

10.

Акционерлік қоғамның заңды тұлғаны құруға қатысуы туралы ақпарат

1) акционерлік қоғамның заңды тұлғаны құру туралы (акционерлік қоғамның құруға қатысуы туралы) шешім қабылдаған күні, шешім қабылдаған акционерлік қоғам органының атауы;
2) құрылатын заңды тұлғаның толық атауы, орналасқан жері.

11.

Акционерлік қоғамның мүлкіне тыйым салу туралы ақпарат

1) акционерлік қоғамның мүлкіне тыйым салу туралы шешімнің күні, нөмірі, қоғамның мүлкіне тыйым салу туралы шешім қабылдаған мемлекеттік органның атауы, тыйым салуға негіздеме;
2) акционерлік қоғамның тыйым салынған мүлкінің атауы және оның қоғам активтерінің жалпы құнына пайыздық арақатынасы. Банктердегі, банк операцияларының жекелеген түрлерін жүзеге асыратын ұйымдардағы борышкердің ақшасына тыйым салынған жағдайда - тыйым салынған ақша сомасын көрсету. Акционерлік қоғамның бағалы қағаздарына тыйым салынған жағдайда - тыйым салынған бағалы қағаздардың жалпы саны, олардың түрлері, сәйкестендіру нөмірі, осы бағалы қағаздардың эмитенті туралы мәліметтер;
3) тыйым салуды алған жағдайда - акционерлік қоғамның мүлкіне тыйым салуды алу туралы шешім қабылдаған мемлекеттік орган шешімінің күні, нөмірі.

12.

Баланстық құны акционерлік қоғам активтерінің жалпы мөлшерінен он және одан көп пайызды құрайтын нәтижесінде акционерлік қоғамның мүлкі жойылған төтенше сипаттағы жағдайлардың басталуы туралы ақпарат

1) акционерлік қоғам мүлкінің жойылуына әкеп соққан төтенше сипаттағы жағдайлардың басталған күні;
2) акционерлік қоғамның төтенше сипаттағы жағдайлардың басталуына байланысты жойылған мүлкінің атауы;
3) акционерлік қоғамның төтенше сипаттағы жағдайлардың басталуына байланысты жойылған мүлкінің баланстық құны.

13.

Акционерлік қоғамды және оның лауазымды тұлғаларын әкімшілік жауапкершілікке тарту туралы ақпарат

1) әкімшілік жауапкершілікке тарту туралы шешім шығарған мемлекеттік органның атауы;
2) мемлекеттік органның әкімшілік жауапкершілікке тарту туралы шешім шығарған күні, нөмірі (бар болса);
3) әкімшілік жауапқа тартылған акционерлік қоғам және (оның) лауазымды тұлғасы Қазақстан Республикасының Әкімшілік құқық бұзушылық туралы кодексінің бабының реттік нөмірі;
4) қоғамның лауазымды тұлғасын әкімшілік жауапкершілікке тартылған жағдайда, осы лауазымды тұлғаның тегі, аты, әкесінің аты (ол бар болса), сондай-ақ лауазымы қосымша көрсетілуі тиіс.

14.

Сотта корпоративтік дау бойынша іс қозғау туралы ақпарат

1) корпоративтік дау бойынша талапкер, жауапкер туралы мәліметтер (жеке тұлға үшін) тегі, аты, әкесінің аты (ол бар болса), (заңды тұлға үшін) толық атауы, орналасқан жері);
2) талап-арыз берген күні, шағым талаптардың қысқаша мазмұны;
3) корпоративтік дау бойынша талап-арыз қаралатын соттың атауы.

15.

Акционерлік қоғамды, оның еншілес ұйымдарын және тәуелді акционерлік қоғамдарын мәжбүрлеп қайта құру туралы шешім туралы ақпарат

1) акционерлік қоғамды, акционерлік қоғамның еншілес ұйымын және (немесе) тәуелді акционерлік қоғамын мәжбүрлеп қайта ұйымдастыру туралы шешім қабылданған күні;
2) акционерлік қоғамды, акционерлік қоғамның еншілес ұйымын және (немесе) тәуелді акционерлік қоғамын мәжбүрлеп қайта ұйымдастыру туралы шешім қабылдаған мемлекеттік органның атауы;
3) акционерлік қоғамды, акционерлік қоғамның еншілес ұйымын және (немесе) тәуелді акционерлік қоғамды мәжбүрлеп қайта ұйымдастыру туралы шешім қабылдауға негіздеме;
4) қайта ұйымдастырылатын акционерлік қоғамның еншілес ұйымының және (немесе) тәуелді акционерлік қоғамының орналасқан жері және атауы;
5) акционерлік қоғамды, акционерлік қоғамның еншілес ұйымын және (немесе) тәуелді акционерлік қоғамның нысаны және талаптары;
6) акционерлік қоғамды, акционерлік қоғамның еншілес ұйымын және (немесе) тәуелді акционерлік қоғамын мәжбүрлеп қайта ұйымдастырудың өзге талаптары.

16.

Акционерлік қоғам органы құрамының өзгеруі туралы ақпарат

1) шешім қабылдаған акционерлік қоғам органының атауын көрсетумен акционерлік қоғам органының құрамын сайлау (тағайындау) не оның өзгеруі туралы шешім қабылдаған күні. Басқару органы және (немесе) атқарушы орган мүшесінің өкілеттігін олардың бастамасы бойынша мерзімінен бұрын тоқтатылуы жүзеге асырылған жағдайда акционерлік қоғам акционерлік қоғамның басқару органының жазбаша хабарламасын алған күні көрсетіледі;
2) құрамы сайланған (тағайындалған) не өзгерген акционерлік қоғам органының атауы;
3) акционерлік қоғамның органы құрамына өзгерістердің мәні: орган құрамынан шығарылған адамның тегі, аты, әкесінің аты (ол бар болса), орган құрамына сайланған (тағайындалған) адамның тегі, аты, әкесінің аты (ол бар болса);
4) акционерлік қоғам органының құрамына кіретін әрбір адамның тегін, атын, әкесінің атын (ол бар болса) көрсете отырып, акционерлік қоғам органына енгізілген өзгерістер ескерілген құрамы;
5) акционерлік қоғамның директорлар кеңесі сайланған (тағайындалған) мүшесіне тиесілі дауыс беретін акциялардың акционерлік қоғамның дауыс беретін акцияларының жалпы санына пайыздық арақатысы;
6) еншілес ұйымдардағы акционерлік қоғамның директорлар кеңесі сайланған (тағайындалған) мүшесіне тиесілі акциялардың (жарғылық капиталына қатысу үлесі) осы ұйымдардың орналастырылған акцияларының (жарғылық капиталына қатысу үлесі) жалпы санына пайыздық арақатысы. Акционерлік қоғамның акционерлерінің жалпы жиналысында және (немесе) директорлар кеңесінде акционерлік қоғамның органдары құрамының өзгеруі туралы ғана шешім қабылданған жағдайда осындай шешім туралы ақпарат бұл жөнінде көрсетіле отырып, осы қосымшаның 16-тармағына сәйкес қана орналастырылады.

17.

Акционерлік қоғамның дауыс беретін акцияларының он және одан көп пайызына ие акционерлері құрамының өзгеруі туралы ақпарат

1) акционерлік қоғамның дауыс беретін акцияларының он және одан көп пайызына ие акционерлері құрамының өзгеру күні (бағалы қағаздарды ұстаушылар тізілімінің жүйесіндегі немесе номиналды ұстаушыларды есепке алу жүйесіндегі өзгерістер тіркелген күні);
2) акционерлік қоғамның акционерлері құрамындағы өзгерістердің мәні:
жеке тұлғаға қатысты - акционерлердің құрамына енгізілген не акционерлердің құрамынан шығарылған тұлғаның тегі, аты, әкесінің аты (ол бар болса):
заңды тұлғаға қатысты - акционерлердің құрамына енгізілген не акционерлердің құрамынан шығарылған заңды тұлғаның толық атауы және орналасқан жері.

18.

Акционерлік қоғамды, оның еншілес ұйымдарын және тәуелді акционерлік қоғамдарды ерікті қайта ұйымдастыру немесе ерікті тарату туралы ақпарат

1) акционерлік қоғам ерікті қайта ұйымдастырылған немесе ерікті таратылған жағдайда - акционерлік қоғам органының акционерлік қоғамды ерікті тарату немесе ерікті қайта ұйымдастыру туралы шешім қабылдаған күні, шешім қабылдаған органның атауын көрсетумен;
2) акционерлік қоғамның еншілес ұйымы және (немесе) тәуелді акционерлік қоғам ерікті қайта ұйымдастырылған немесе ерікті таратылған жағдайда – ұйым органының (акционерлік қоғамның) ерікті тарату немесе ерікті қайта ұйымдастыру туралы шешім қабылдаған күні, шешім қабылдаған органның атауын көрсетумен, сондай-ақ қайта ұйымдастырылған немесе ерікті таратылған заңды тұлғаның орналасқан жері, атауы;
3) акционерлік қоғамды, оның еншілес ұйымын және (немесе) тәуелді акционерлік қоғамды қайта ұйымдастыру нысандары және талаптары;
4) акционерлік қоғамды, оның еншілес ұйымдарын және (немесе) тәуелді акционерлік қоғамды қайта ұйымдастыру немесе таратудың өзге талаптары.

19.

Акционерлік қоғамды, оның еншілес ұйымдарын және тәуелді акционерлік қоғамдарды мәжбүрлеп тарату туралы ақпарат

1) акционерлік қоғамды, оның еншілес ұйымын және тәуелді акционерлік қоғамдарды мәжбүрлеп тарату туралы шешім қабылдаған мемлекеттік органның атауы, осындай шешім қабылдаған күні және негіздеме;
2) акционерлік қоғамның таратылатын еншілес ұйымын және тәуелді акционерлік қоғамдардың орналасқан жері және атауы;
3) акционерлік қоғамды, оның еншілес ұйымдарын және тәуелді акционерлік қоғамдарды таратудың өзге талаптары.

20.

Акционерлік қоғам акционерлерінің жалпы жиналысында қабылданған шешімдер туралы ақпарат

1) акционерлік қоғам акционерлерінің жалпы жиналысын өткізу күні, уақыты және орны;
2) акционерлік қоғам акционерлерінің жалпы жиналысының күн тәртібіне енгізілген мәселелер;
3) акционерлік қоғам акционерлерінің жалпы жиналысында қабылданған шешімдер, дауыс берудің (нәтижелердің) қорытындысын көрсетумен;
4) акционерлік қоғамның шешімі бойынша өзге мәліметтер.
Акционерлік қоғамның жалғыз акционері болған жағдайда жалғыз акционер шешімінің, жалғыз акционер қабылдаған шешімінің күні, акционерлік қоғамның шешімі бойынша өзге мәліметтер көрсетіледі.

21.

Акционерлік қоғамның әрбір осындай ұйымдағы акцияларының (үлестерінің, пайларының) он және одан көп пайызына ие болатын ұйымдар тізіміндегі өзгерістер туралы ақпарат

1) акционерлік қоғам акцияларының (үлестерінің, пайларының) он және одан көп пайызына ие бола бастаған (ие болуды тоқтатқан) ұйымның толық атауы;
2) осы ұйымның акциялары (үлестері, пайлары) санының акционерлік қоғам акцияларының (үлестерінің, пайларының) он және одан көп пайызына ие болатын ұйымдар тізімі өзгерген күннен кейінгі күні ұйымның орналастырылған акцияларының (үлестерінің, пайларының) жалпы санына пайыздық арақатысты.

22.

Акционерлік қоғамның эмиссиялық бағалы қағаздары шығарылымы проспектісіндегі өзгерістер туралы ақпарат

1) акционерлік қоғамның эмиссиялық бағалы қағаздары шығарылымы проспектісіне өзгерістер мен толықтыруларды уәкілетті органның мемлекеттік тіркеу күні (егер эмиссиялық бағалы қағаздар шығарылымы проспектісіне осы өзгерістер мен толықтыруларды уәкілетті орган тіркеуге тиіс болғанда);
2) акционерлік қоғамның эмиссиялық бағалы қағаздары шығарылымы проспектісіне өзгерістердің сканерленген көшірмесі.
Эмитент бір жұмыс күні ішінде уәкілетті органнан акционерлік қоғамның эмиссиялық бағалы қағаздары шығарылымы проспектісіне тіркелген бірнеше өзгеріс пен толықтыруды алған жағдайда (егер эмиссиялық бағалы қағаздар шығарылымы проспектісіне осы өзгерістер мен толықтыруларды уәкілетті орган тіркеуге тиіс болғанда) акционерлік қоғамның проспектіге осындай бірнеше өзгеріс пен толықтыру бойынша ақпараты бар бір өтінім беру арқылы ақпарат беруге рұқсат.

23.

Акционерлік қоғамның мемлекеттік емес облигациялар шығарылымы проспектісімен көзделген талаптарды сақтамау, осы акционерлік қоғам жіберген дефолт фактілері туралы ақпарат

1) акционерлік қоғамның мемлекеттік емес облигациялар шығарылымы проспектісімен көзделген талаптарды сақтамау туралы ақпарат;
2) орындалмаған міндеттемелердің көлемі, орындалмаған міндеттемелердің себебі.

24.

Акционерлік қоғамның жарғысына, сондай-ақ акционерлік қоғамның бағалы қағаздары шығарылымының проспектісіне сәйкес акционерлік қоғам акционерлерінің және инвесторлардың мүддесіне қатысты өзге жағдайлар туралы ақпарат

Акционерлік қоғамның жарғысына, сондай-ақ акционерлік қоғамның бағалы қағаздары шығарылымының проспектісіне сәйкес акционерлік қоғам акционерлерінің және инвесторлардың мүддесіне қатысты өзге де мәліметтер.

№

Ақпарат түрі

Ақпарат мазмұны

1

2

3

1.

Эмитент органдарының құрамын өзгерту туралы ақпарат

1) шешім қабылдаған эмитент органының атауын көрсете отырып эмитент органының құрамын сайлау (тағайындау) не өзгерту туралы шешім қабылданған күн. Атқарушы орган және (немесе) қадағалау кеңесі мүшесі өкілеттігінің мерзімінен бұрын тоқтатылуы олардың бастамасы бойынша жүзеге асырылған жағдайда, эмитенттің жазбаша хабарлама алған күні көрсетіледі;
2) құрамы сайланған (тағайындалған) не өзгертілген эмитент органының атауы;
3) эмитент органының құрамындағы өзгерістердің мәні: орган құрамынан шығарылған тұлғаның тегі, аты және әкесінің аты (ол бар болса), орган құрамына сайланған (тағайындалған) тұлғаның тегі, аты және әкесінің аты (ол бар болса);
4) эмитент органының құрамына кіретін әрбір адамның тегін, атын, әкесінің атын (ол бар болса) көрсетумен эмитент органына енгізілген өзгерістерді ескерумен оның құрамы;
5) эмитент органының сайланған (тағайындалған) мүшесіне тиесілі жарғылық капиталына қатысу үлестерінің эмитенттің орналастырылған жарғылық капиталына қатысу үлестерінің жалпы санына пайыздық арақатысы;
6) еншілес ұйымдардағы эмитент органының сайланған (тағайындалған) мүшесіне тиесілі акциялардың (жарғылық капиталына қатысу үлестерінің) осы ұйымдардың орналастырылған акцияларының (жарғылық капиталына қатысу үлестерінің) жалпы санына пайыздық арақатысы.
Эмитент қатысушыларының жалпы жиналысында тек эмитент органдарының құрамын өзгерту туралы шешім қабылданған жағдайда, ондай шешім туралы ақпарат оны көрсете отырып тек осы қосымшаның 1-тармағына сәйкес орналастырылады.

2.

Эмитент үлестерінің он және одан да артық пайызын иеленетін қатысушылар құрамының өзгеруі туралы ақпарат

1) эмитенттің үлестерінің он және одан да артық пайызын иеленетін қатысушылар құрамын өзгерткен күн (бағалы қағаздарды ұстаушылар тізілім жүйесінде немесе номиналды ұстаушыларды есепке алу жүйесінде өзгерістерді тіркеу күні);
2) эмитент қатысушыларының құрамын өзгертудің мәні:
жеке тұлға үшін - қатысушылардың құрамына енгізілген не қатысушылардың құрамынан шығарылған тұлғаның тегі, аты және әкесінің аты (ол бар болса):
заңды тұлға үшін - қатысушылардың құрамына енгізілген не қатысушылардың құрамынан шығарылған заңды тұлғаның толық атауы және орналасқан жері.

3.

Эмитенттің, оның еншілес ұйымдарының және тәуелді акционерлік қоғамдарының қайта ұйымдастырылуы немесе таратылуы туралы ақпарат

1) эмитент, оның еншілес ұйымдары және (немесе) тәуелді акционерлік қоғамы мәжбүрлеп қайта ұйымдастырылған немесе таратылған жағдайда - осындай қайта ұйымдастыру, тарату туралы шешім қабылдаған мемлекеттік органның атауы, қайта ұйымдастырылатын немесе таратылатын заңды тұлғаның орналасқан жері, атауы және осы заңды тұлғаны тарату және қайта ұйымдастырудың өзге талаптары көрсетіледі;
2) эмитент, оның еншілес ұйымдары және (немесе) тәуелді акционерлік қоғам ерікті түрде қайта ұйымдастырылған, таратылған жағдайда - осындай ұйымдастыру, тарату туралы шешім қабылданған күн, қайта ұйымдастырылатын немесе таратылатын заңды тұлғаның орналасқан жері және атауы мен заңды тұлғаны ұйымдастыру немесе таратудың өзге талаптары көрсетіледі.

4.

Эмитенттің мүлкіне тыйым салу туралы ақпарат

1) тыйым салу туралы шешім қабылданған күн, нөмірі, эмитенттің мүлкіне тыйым салу туралы шешім қабылдаған мемлекеттік органның атауы, тыйым салудың негіздемесі;
2) эмитенттің мүлкіне тыйым салу күні тыйым салынған мүліктің атауы және оның қоғам активтерінің жалпы құнына пайыздық арақатынасы.
Банктердегі, банктік операциялардың жекелеген түрлерін жүзеге асыратын ұйымдардағы борышкердің ақшасына тыйым салған жағдайда - тыйым салынған ақша сомасын көрсету.
Бағалы қағаздарға тыйым салынған жағдайда - тыйым салынған бағалы қағаздардың жалпы саны, олардың түрлері, сәйкестендіру нөмірі, осы бағалы қағаздардың эмитенті туралы деректер;
3) тыйым салудан босатқан жағдайда - эмитенттің мүлкін тыйым салудан босату туралы шешім қабылдаған мемлекеттік органның шешім қабылдаған күні, нөмірі.

5.

Осы эмитент активтерінің он және одан да артық пайыздарын құрайтын сомадағы эмитент мүлкін кепілге беру (қайта кепілге беру) жөніндегі ақпарат

1) эмитент органының эмитенттің мүлкін кепілге беру (қайта кепілге беру) туралы шешім қабылдаған күні;
2) акционерлік қоғамның мүлкін кепілге беру (қайта кепілге беру) тағайындалған күн, атап айтқанда:
Қазақстан Республикасының заңнамалық актілеріне сәйкес кепілі тіркелуі тиіс мүлік – кепілге беру (қайта кепілге беру) шартын тіркеу күні;
Қазақстан Республикасының заңнамалық актілеріне сәйкес кепілі тіркелмеуі тиіс мүлік – кепіл ұстаушыға осы мүлікті беру кезінен, ал егер берілмейтін болса кепілге беру (қайта кепілге беру) шартын жасау сәтінен бастап;
3) эмитенттің кепілге берілетін (қайта кепілге берілетін) мүлкінің құны;
4) эмитенттің кепілге берілетін (қайта кепілге берілетін) мүлкін соңғы бағалау күні, егер мұндай бағалауды жүргізу Қазақстан Республикасының заңнамасына сәйкес талап етілсе);
5) эмитенттің органы акционерлік қоғамның мүлкін кепілге беру (қайта кепілге беру) туралы шешімді қабылдау күнінде кепілге берілетін (қайта кепілге берілетін) мүлік құнының осы акционерлік қоғам активтерінің жалпы құнына пайыздық арақатынасы.

6.

Эмитенттің рұқсатты алуы, оның қолданысын тоқтата тұру немесе одан айыру туралы ақпарат

1) рұқсатты берген, рұқсаттың қолданылуын тоқтата тұру, тоқтату туралы шешім қабылдаған рұқсат беру органының атауы;
2) рұқсат берілген күні, нөмірі, рұқсаттың қолданылу мерзімі;
3) рұқсатқа сәйкес жүзеге асырылатын қызмет түрінің (іс-әрекеттің) атауы;
4) рұқсат беру органының рұқсаттың қолданылуын тоқтата тұру (тоқтата тұру мерзімі), қолданылуын жаңарту күні туралы шешімді қабылдаған күні;
5) рұқсатты тоқтата тұруға (жаңартуға) негіздеме;
6) жүзеге асырылуына рұқсаты тоқтатыла тұрған (жаңартылған) қызмет түрінің атауы;
7) рұқсат беру органының рұқсаттың қолданысын тоқтата тұру туралы шешімді қабылдаған күні;
8) рұқсаттың қолданылуын тоқтатуға негіздеме;
9) жүзеге асырылуына рұқсаты тоқтатылған қызмет (әрекет) түрінің атауы.

7.

Эмитент қатысушыларының жалпы жиналысының шешімдері туралы ақпарат

1) эмитент қатысушыларының жалпы жиналысын өткізу күні, уақыты және орны;
2) эмитент қатысушыларының жалпы жиналысының күн тәртібіне енгізілген мәселелер;
3) дауыс берудің қорытындыларын (нәтижелерін) көрсетумен эмитент қатысушыларының жалпы жиналысы қабылдаған шешімдер;
4) эмитент шешімі бойынша өзге мәліметтер.
Эмитенттің жалғыз қатысушысы болған жағдайда, жалғыз қатысушының шешім шығарған күні, жалғыз қатысушы қабылдаған шешімдер, эмитенттің шешімі бойынша басқа мәліметтер көрсетіледі.

8.

Эмитент әрбір осындай ұйым акцияларының (үлесінің, пайларының) он және одан астам пайызына ие болатын ұйымдардың тізіміндегі өзгеріс туралы ақпарат

1) эмитент акцияларының (үлесінің, пайларының) он және одан астам пайызына ие болған (иелігі тоқтатылған) ұйымның толық атауы;
2) эмитент акцияларының (үлесінің, пайларының) он және одан астам пайызына ие ұйымның тізімін өзгерту күнінен кейінгі күні ұйымның орналастырылған акцияларының (үлесінің, пайларының) жалпы санына осы ұйымның акцияларының (үлесінің, пайларының) санының пайыздық арақатынасы.

9.

Эмиссиялық бағалы қағаздар шығарылымы проспектісіндегі өзгерістер туралы ақпарат

1) уәкілетті органның эмитенттің эмиссиялық бағалы қағаздар шығарылымы проспектісіне өзгерістерді мемлекеттік тіркеу күні (егер эмиссиялық бағалы қағаздар шығарылымы проспектісіне осы өзгерістер мен толықтыруларды уәкілетті орган тіркеуге тиіс болғанда);
2) эмитенттің эмиссиялық бағалы қағаздар шығарылымы проспектісіне өзгерістердің сканерленген көшірмесі.

10.

Эмитенттің мемлекеттік емес облигациялар шығарылу проспектісімен көзделген талаптарды орындамауы, осы эмитент жіберген дефолт фактілері туралы ақпарат

1) эмитенттің мемлекеттік емес облигациялар шығарылымы проспектісінде көзделген талаптарды сақтамауы туралы ақпарат;
2) орындалмаған міндеттемелердің көлемі;
3) міндеттемелерді орындамау себебі.

"____________________________" акционерлік қоғамның үлестес тұлғаларының тізімі
(акционерлік қоғамның атауы)

Эмиссиялық бағалы қағаздардың мемлекеттік тізілімінің деректеріне сәйкес жарияланған акциялар шығарылымын мемлекеттік тіркеу және (немесе) жарияланған акциялар шығарылымын мемлекеттік тіркеу туралы куәлікті ауыстыру күні мен нөмірі

Үлестес тұлғалардың тізімі ұсынылатын күн

Жеке тұлғалар

№

Тегі, аты, әкесінің аты (ол бар болса)

Туған күні, ЖСН

Үлестестігін тану негіздері

Үлестестігінің туындау күні

Резиденттігі

Ескерту

1

2

3

4

5

6

7

Заңды тұлғалар

№

Заңды тұлғаның толық атауы

Заңды тұлғаның мемлекеттік тіркелу күні мен нөмірі, бизнес-сәйкестендіру нөмірі (БСН), заңды тұлғаның почталық мекенжайы және нақты орналасқан жері

Үлестестігін тану негіздері

Үлестестігінің туындау күні

Резиденттігі

Ескерту

1

2

3

4

5

6

7