"Сот сараптамасы қызметі туралы" Қазақстан Республикасының Заңы 12-бабының 18) тармақшасына және 2013 жылғы 15 сәуірдегі "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына сәйкес" БҰЙЫРАМЫН:

      1. Осы бұйрыққа 1-қосымшаға сәйкес Сот сарапшыларын аттестаттау қағидалары бекітілсін.

      2. Осы бұйрыққа 2-қосымшаға сәйкес Қазақстан Республикасы Әділет министрінің кейбір бұйрықтарының күші жойылды деп танылсын.

      3. Қазақстан Республикасы Әділет министрлігінің Сараптама қызметін ұйымдастыру департаменті Қазақстан Республикасының заңнамасында белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты мемлекеттік тіркелген күнінен бастап күнтізбелік он күн ішінде осы бұйрықтың көшірмелерін Қазақстан Республикасының нормативтік құқықтық актілерінің эталондық бақылау банкіне орналастыру үшін "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықтың Қазақстан Республикасы Әділет министрлігінің ресми интернет-ресурсына орналастыруды қамтамасыз етсін.

      4. Осы бұйрықтың орындалуын бақылау Қазақстан Республикасы Әділет министрінің жетекшілік ететін орынбасарына жүктелсін.

      5. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ақпарат және коммуникациялар министрі

      ____________ Д. Абаев

      2017 жылғы 30 наурыз

      "КЕЛІСІЛДІ"

      Қазақстан Республикасының

      Ұлттық экономика министрі

      ____________ Т. Сүлейменов

      2017 жылғы 30 наурыз

Сот сарапшыларын аттестаттау қағидалары

      Ескерту. Қағида жаңа редакцияда - ҚР Әділет министрінің м.а. 21.05.2020 № 43 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Сот сарапшыларын аттестаттау қағидалары (бұдан әрі - Қағидалар) "Сот-сараптамасы қызметі туралы" 2017 жылғы 10 ақпандағы Қазақстан Республикасы Заңының (бұдан әрі - Заң) 12-бабының 18) тармақшасына және "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының (бұдан әрі - "Мемлекеттік көрсетілетін қызметтер туралы" Қазақстан Республикасы Заңы) 10-бабы 1) тармақшасына сәйкес әзірленді және "Сот сарапшыларын аттестаттау" және "Сот-медициналық, сот-психиатриялық, сот-наркологиялық сарапшыларды аттестаттау" мемлекеттік көрсетілетін қызметтерді көрсету тәртібін айқындайды.

      2. Осы Қағидаларда келесі негізгі түсініктер қарастырылған:

      1) Бірыңғай байланыс-орталығы -ақпараттық-коммуникациялық, мемлекеттік қызметтер және өзге де қызметтер көрсету мәселелері жөніндегі ақпаратты көрсетілетін қызмет алушыларға, сондай-ақ ақпараттық-коммуникациялық қызметтер көрсету мәселелері жөніндегі ақпаратты мемлекеттік органдарға ұсыну бойынша ақпараттық-анықтамалық қызметінің функцияларын орындайтын Қазақстан Республикасының Үкіметі анықтайтын заңды тұлға;

      2) мемлекеттік көрсетілетін қызмет - көрсетілетін қызметті алушылардың өтініш жасауы бойынша немесе өтініш жасауынсыз жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі;

      3) сот сарапшысын кезекті аттестаттау - сот-сараптама қызметін жиырма жылдан аса жүзеге асырған адамдарды қоспағанда, әрбір бес жыл сайын кезеңмен өткізілетін рәсім;

      4) сот сарапшысын кезектен тыс аттестаттау - Заңның 20-бабымен белгіленген біліктілік талаптарына сот сарапшысының сәйкес келмеген жағдайдағы жүргізілетін рәсім;

      5) сот сарапшысын аттестаттау (бұдан әрі - аттестация) - Заңмен белгіленген біліктілік талаптарына сот сарапшысының сәйкес келуін айқындау бойынша кезекті және кезектен тыс аттестаттауды қамтитын рәсім;

      6) сот сарапшысы (бұдан әрі - көрсетілетін қызметті алушы) - сот сараптамалары органының қызметкерлері болып табылатын сот, сот-медициналық, сот-наркологиялық және сот-психиатриялық сарапшылар, сондай-ақ, лицензия негізінде сот-сараптамасы қызметімен айналысатын адамдар;

      7) "электрондық үкіметтің" веб-порталыwww.egov.kz., www.elicense.kz (бұдан әрі - портал) - нормативтік құқықтық базаны қоса алғанда, барлық шоғырландырылған үкіметтік ақпаратқа және электрондық нұсқада көрсетілетін мемлекеттік қызметтерге, табиғи монополия субъектілерінің желілеріне қосудың техникалық шарттарын беру қызметтерге және квазимемлекеттік сектор субъектілері қызметтеріне қолжетімділіктің бірыңғай терезесін білдіретін ақпараттық жүйе;

      8) электрондық цифрлық қолтаңба (бұдан әрі - ЭЦҚ) -электрондық цифрлық қолтаңбамен құрылған және электрондық құжаттың түпнұсқалығын, оның тиесілігін және мазмұнның өзгермейтіндігін растайтын электрондық цифрлық нышандар жиынтығы.

      3. Бала күтімі демалысында болған көрсетілетін қызметті алушылар қызметке шыққаннан кейін үш айдан кейін не алты айдан кешіктірілмей аттестатталады.

2-тарау. Мемлекеттік көрсетілетін қызметтерді көрсету тәртібі

      4. Аттестаттауға жататын, лицензия негізінде сот-сараптамасы қызметімен айналысатын адамдардың тізімі оны өткізгенге дейін күнтізбелік отыз күннен кем емес мерзімде Қазақстан Республикасының Әділет министрінің не болмаса оны ауыстыратын адамның бұйрығымен бекітіледі.

      5. Аттестаттауға жататын, сот сараптамалары органдарының қызметкерлері болып табылатын сот сарапшыларының тізімі мен аттестацияны өткізу кестесі "Қазақстан Республикасы Әділет министрілігінің Сот сараптамалары орталығы" республикалық мемлекеттік қазыналық кәспорынның (бұдан әрі - көрсетілетін қызметті беруші) басшысымен не боламаса оны ауыстыратын адаммен бекітіледі.

      6. Лицензия негізінде сот-сараптамасы қызметімен айналысатын адамдарды кезектен тыс аттестаттаудан өткізу туралы шешім Қазақстан Республикасы Әділет министрлігінің (бұдан әрі - Министрлік) сот-сараптамасы қызметін лицнзиялау бойынша комиссиясымен қабылданады, ал сот-сараптамалары органдарының қызметкерлері болып табылатын сот сарапшыларын кезектен тыс аттестаттау осы Қағидаға 13-тармағымен белгіленген тәртіпте көрсетілетін қызмет берушінің басшысымен қабылданады.

      7. Көрсетілетін қызметті беруші көрсетілетін қызметті алушыны, аттестацияға жіберілгендерді аттестацияны өткізгенге дейін күнтізбелік отыз күннен кешіктірмей өткізілетін орны, уақыты, аттестацияның өткізілу тәртібі туралы жазбаша хабарландырады.

      8. Аттестацияға жататын көрсетілетін қызметті алушылар жазбаша хабарламаны алған сәттен бастап оны өткізгенге дейін күнтізбелік үш жұмыс күннен кешіктірмей сот сарапшыларын аттестаттау, аттестацияны өткізу жөніндегі Комиссияға (бұдан әрі - Комиссия) құжаттарды жолдайды.

      9. Аттестацияны өту үшін, көрсетілетін қызметті алушы аттестацияны өткізу не аттестацияны өткізу бойынша аттестациялық куәлік бойынша комиссия отырысының қорытындысын алу үшін көрсетілетін қызметті берушіге осы Қағидаларға 1 және 2-қосымшаларға сәйкес мемлекеттік көрсетілетін қызметтер порталы арқылы "Сот сарапшылар аттестаттау" Стандартының (бұдан әрі - Стандарт1) және "Сот-медициналық, сот-психиатриялық, сот-наркологиялық сарапшыларды аттестаттау" Стандартының (бұдан әрі - Стандарт) 8-тармақтарына сәйкес электрондық құжат нысаны түрінде құжаттарды жібереді.

      Мемлекеттік көрсетілетін қызметтерді көрсетудің негізгі талаптар тізімі үрдіс сипаттамасын, нысанды, көрсету мазмұны мен нәтижиесін, сондай-ақ, мемлекеттік көрсетілетін қызметтерді көрсету ерекшеліктері есебімен мәліметтерді қамтитын мемлекеттік көрсетілетін қызметтердің Стандарт 1 және Стандарт 2-де көрсетілген.

      Мемлекеттік көрсетілетін қызметтердің жалпы мерзімі 7 (жеті) жұмыс күнін құрайды.

      10. Көрсетілетін қызметті беруші құжаттар келіп түскен күні оларды қабылдауды және тіркеуді жүзеге асырады.

      Портал арқылы көрсетілетін қызметті алушының "жеке кабинетіне" мемлекеттік көрсетілетін қызметке өтініштің қабылданғаны туралы мәртебе жіберіледі.

      Көрсетілетін қызметті алушы жұмыс уақыты аяқталғаннан кейін, еңбек заңнамасына сәйкес демалыс және мере кекүндері жүгінген кезде өтініштерді қабылдау және мемлекеттік қызметті көрсету нәтижелерін беру келесі жұмыс күні жүзеге асырылады.

      Көрсетілетін қызметті берушінің жауапты орындаушысы портал арқылы келіп түскен көрсетілетін қызметті алушының құжаттарын тіркеген сәттен бастап 2 (екі) жұмыс күні ішінде 1-стандарттың және 2-стандарттың 8-тармағында көрсетілген ұсынылған құжаттардың толықтығын тексереді.

      Көрсетілетін қызметті алушының жеке басын куәландыратын құжаттар туралы мәліметтерді көрсетілетін қызметті беруші "электрондық үкімет" шлюзі арқылы тиісті мемлекеттік ақпараттық жүйелерден алады.

      Дәлелді бас тарту үшін негіздер "Мемлекеттік көрсетілетін қызметтер туралы" Заңның 19-1-бабының 2-тармағына сәйкес 1-стандарттың және 2-стандарттың 9-тармақтарында келтірілген.

      Тізбеге сәйкес ұсынылған құжаттардың толық болмауы және (немесе) құжаттардың қолданылу мерзімінің өтуі фактісі анықталған жағдайда, көрсетілетін қызметті беруші көрсетілген мерзімдерде осы Қағидаларға 3-қосымшаға сәйкес басшының ЭЦҚ қойылған электрондық құжат нысанындағы өтінішті одан әрі қараудан дәлелді бас тартуды дайындайды және көрсетілетін қызметті алушының "жеке кабинетіне" жібереді.

      1-стандарттың және 2-стандарттың 9-тармақтарында көзделген негіздер болған кезде көрсетілетін қызметті берушінің жауапты орындаушысы көрсетілетін қызметті алушыны мемлекеттік қызмет көрсетуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша позициясын білдіру мүмкіндігі үшін тыңдауды өткізу уақыты мен орны (тәсілі) туралы хабардар етеді.

      Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күнінен бұрын жіберіледі. Тыңдау хабардар етілген күннен бастап 2 (екі) жұмыс күнінен кешіктірілмей жүргізіледі.

      Тыңдау нәтижелері бойынша көрсетілетін қызметті алушы біліктілік емтиханын тапсыруға жіберіледі немесе оған мемлекеттік қызметті көрсетуден дәлелді бас тарту жіберіледі.

      Көрсетілетін қызметті алушы 1-стандартта және 2-стандартта көрсетілген құжаттардың толық топтамасын ұсынған, сондай-ақ мемлекеттік қызметті көрсетуден дәлелді бас тарту үшін негіздер болмаған жағдайда, көрсетілетін қызметті берушінің жауапты орындаушысы көрсетілетін қызметті алушылардың материалдарын аттестаттау үшін дайындайды-орындау мерзімі 3 (үш) жұмыс күні.

      11. Комиссия төртінші жұмыс күні көрсетілетін қызметті алушының қатысуымен аттестацияны өткізеді.

      Тестілеу аудиториясы аудио және бейне бақылау жүйесімен қамтамасыз етілген.

      12. Көрсетілетін қызметті алушының таңдауы бойынша аттестация 2 кезеңде қазақ және орыс тілдерінде өткізіледі.

      1) тестілеу: қылмыстық-процестік құқық бойынша (20 сұрақ); азаматтық - процестік құқық бойынша (20 сұрақ); криминалистика бойынша (20 сұрақ); әкімшілік құқық бойынша (20 сұрақ); Заң бойынша (20 сұрақ) барлығы 100 сұрақты құрайды.

      Тестілеу сұрақтары қызмет алушының жұмыс үрдісінде қолданатын негізгі заңдарды білуін тексеруге бағытталған.

      Ғылыми атағы немесе сараптама мамандығы бойынша бес жылдан кем емес еңбек өтілі бар қызмет алушының бас сарапшылары компьютерлік тестілеу сұрақтарының әзірлеушілері болып табылады.

      2) білімін тексеру: сот сараптамасының белгілі бір түрі бойынша ауызша әңгімелесу (мамандығы бойынша 5 сұрақтан көп емес).

      13. Көрсетілетін қызметті алушылар тестілеуге жеке басын куәландыратын құжатты не "цифрлық құжат" сервисінен электрондық құжатты көрсеткен кезде жіберіледі.

      Тестілеу уақыты 90 минутты құрайды.

      Тестілеу кезінде көрсетілетін қызметті алушылар өзара сөйлеспейді. Көрсетілетін қызметті алушыларға қосалқы құжаттарды (анықтамалық, арнайы әдебиет), байланыс құралдарын және электрондық жеткізгіштегі жазбаларды пайдалануға жол берілмейді. Осы тармақты бірінші рет бұзған жағдайда көрсетілетін қызметті алушы ауызша түрде ескертіледі, қайта бұзған кезде көрсетілетін қызметті алушы компьютерлік тестілеуден одан әрі өтуден шеттетіледі.

      14. Тестілеудің өтудің шекті мәні қойылған сұрақтың жалпы санынан дұрыс жауаптың 70% құрайды.

      Тестілеудің нәтижелерін есептеу автоматты түрде, компьютерлік бағдарлама арқылы жүргізіледі.

      Нәтижиелер екі данада басып шығарылады, оларға түпнұсқалық пен анықтылығын қамтамасыз ету мақсатында сот сараптамалары органының мөрімен куәландырылады. Оның бір данасы қызмет алушыға беріледі, ал екінші данасы қызмет алушының қолымен қызмет алушының аттестациялық ісінде сақталады.

      15. Егер тестілеудің нәтижиелері белгіленген шекті мәннен кем болса, аттестаттауға жататын қызмет алушы аттестацияның келесі кезеңіне жіберілмейді.

      16. Білімін тексеру сараптамалық мамандықтың белгілі бір түрі бойынша өтеді және қызмет алушының кәсіптік деңгейі бағаланады.

      Қызмет алушының ауызша әңгімелесу нысанында білімін тексеру барысында қойылған сұрақтың жалпы санынан 70% дұрыс жауап берген жағдайда, қызмет алушы аттестациядан өткен деп саналады.

      17. Мемлекеттік көрсетілетін қызметтердің Стандарт 1 және Сатандарт 2 көрсетілген құжаттарды, сондай-ақ, аттестацияның екі кезеңінен өткен нәтижиелерді қарап, Комиссия келесі шешімдердің біреуін қабылдайды:

      1) аттестатталды;

      2) қайталама аттестаттауға жатады.

      Аттестаттаудың нәтижиелері аттестаттау өткізілген күні жарияланады және осы Қағидаларға 4-қосымшасына сәйкес нысан бойынша қызмет алушының аттестациясын, өткізу жөніндегі комиссия отырысының хаттамасында (бұдан әрі - хаттама) көрсетіледі.

      18. Аттестаттаудан өтпеген көрсетілетін қызметті алушы, бір реттік қайталама аттестаттаудан өтуге жатады.

      19. Қайталама аттестация осы Қағидалардың 13-тармағымен белгіленген тәртіпте аттестацияны өткізген күнінен бастап бір айдан ерте емес және үш айдан кем емес мерзімде өткізіледі.

      20. Қайталама аттестацияда, аттестаттауда тестілеудің шекті мәнін өткен соң, көрсетілетін қызметті алушы қайталама тест тапсырмай әңгімелесуге жіберіледі.

      Комиссия, көрсетілетін қызметті алушының қайталама аттестацияны өткен кезде, келесі шешімдердің біреуін қабылдайды:

      1) аттестатталды;

      2) аттестатталмады.

      Лицензия негізінде сот-сараптамасы қызметімен айналысатын адамдардың Заңның 14-бабы 3-тармағының 3) тармақшасына сәйкес қайталама аттестацияны өтпеген жағдайда, Министрлік талап арыз бойынша сот тәртібінде сот-сараптамасы қызметімен айналысуға лицензиядан айыруды жүзеге асырады.

      Көрсетілетін қызметті алушы кезекті аттестацияны өтпеген жағдайда, Қазақстан Республикасының Еңбек кодексіне сәйкес көрсетілген қызметті алушымен жасалған еңбек шарты бұзылады.

      21. Аттестацияның нәтижиелері хаттамада көрсетіледі.

      22. "Сот сарапшыларын аттестаттау" мемлекеттік көрсетілетін қызметтер бойынша аттестаттау Комиссияның шешімімен осы Қағидалардың 5-қосымшасына сәйкес аттестацияны, оның ішінде көрсетілетін қызметті алушыны аттестаттау комиссиясының қорытындысы (бұдан әрі - қорытынды), ал "Сот-медициналық, сот-психиатриялық, сот-наркологиялық сарапшыларды аттестаттау" мемлекеттік көрсетілетін қызметтер бойынша осы Қағидаларға 6-қосымшасына сәйкес нысан бойынша бір данада аттестациялық куәлік (бұдан әрі - аттестациялық куәлік) түрінде ресімделінеді.

      23. Қызмет берушінің жауапты орындаушысы электрондық нұсқада қорытынды немесе куәлік жобасын ресімдейді және қызмет берушінің басшысымен келіседі - орындау мерзімі 2 (екі) жұмыс күні.

      Аттестациялық комиссияның төрағасы қорытынды немесе куәлікті қарастырады және қол қояды - орындау мерзімі 1 (бір) жұмыс күні.

      Көрсетілетін қызметті алушыға қорытынды немесе куәлік-қызметті берушінің комиссия төрағасының ЭЦҚ қойылған электрондық құжат нысанында көрсетілетін қызметті алушының "жеке кабинетінде" - портал арқылы жіберіледі.

      24. Ақпараттық жүйеде жаңылу болған жағдайда, электрондық байланыс болмағанда немесе хабарламаны жіберуге кедергі болатын өзгеде жағдайлар туындағанда, көрсетілетін қызметті көрсетушінің уәкілетті бөлімшесі "электрондық үкімет" ақпаратттық-коммуникациялық инфрақұрылымның операторын (бұдан әрі - оператор) хабардар етеді, оператор техникалық жаңылулардың туындауын анықтаған сәттен бастап көрсетілген себептерді анықтау және жою үшін (жұмыс күндері сағат 9:00-ден сағат 18:30-ға дейін) шараларды қабылдайды.

      25. Көрсетілетін қызметті беруші "Мемлекеттік көрсетілетін қызметтер туралы" Заңның 25-бабы 2-тармағының 11) тармақшасына сәйкес ақпараттандыру саласында уәкілетті органмен белгіленген тәртіпте мемлекеттік көрсетілетін қызметті көрсету мониторингінің ақпараттық жүйесіне мемлекеттік көрсетілетін қызметті көрсету кезеңі туралы деректерді енгізуді қамтамасыз етеді.

      26. Мемлекеттік ақпараттық жүйе арқылы мемлекеттік көрсетілетін қызметті көрсету кезінде рұқсаттар мен хабарламалар, оның кезеңі туралы деректер автоматты түрде мемлекеттік көрсетілетін қызметтер мониторнигінің ақпараттық жүйесіне түседі.

3-тарау.Комиссия шешімін қайта қарау (аппелляция) тәртібі

      27. Қызмет алушы аттестация нәтижиелерімен қанағаттанбаған жағдайда, апелляциялық комиссияға қайта қарау өтінішін беруге құқығы бар.

      28. Қызметті алушы ерікті түрде апелляциялық комиссиясының атына өтінішті жазады. Қайта қарау үшін берілген өтініш аттестацияны өткенен кейін екі жұмыс күні ішінде қабылданады және апелляциялық комиссиямен белгіленген кестеге сәйкес апелляциялық комиссияның отырысында қарастырылады.

      Апелляциялық комиссияның отырысы келіп түсетін өтініштерге байланысты қажеттілігі болған жағдайда жүргізіледі.

      29. Қайта қарауға өтініш көрсетілетін қызметті алушыдан шағымдану кезінде қабылданады:

      1) нақты сұрақтардың дұрыстығы (компьютерлік тестілеу және билеттері бойынша);

      2) техникалық ақауларға сілтеме жасап тестілеу нәтижиелері бойынша;

      3) тестілеу ережелерін бұзу туралы акт;

      30. Апелляциялық комиссия отырысында қайта қарауға өтініш берген қызмет алушының компьютерлік тесттер мен сұрақтарына қайтарған дұрыс емес жауаптары мен оның нұсқалары және (немесе) көрсетілетін қызметті алушының тестілеу кезіндегі бейне - және аудио жазба үрдісі қарастырылады.

      31. Апелляциялық комиссия шешімі комиссия мүшелерінің жалпы санынан комиссияның басым мүшелерінің берген дауыстарымен қабылданады. Комиссия мүшелерінің дауыс беру шешімі бірдей болған жағдайда, шешуші дауыс комиссия төрағасының дауысы болып табылады. Апелляциялық комиссияның шешімі екі данада жасалған хаттамамен ресімделеді және оған осы отырыста қатысқан барлық апелляциялық комиссияның мүшелерімен қол қойылады. Апелляциялық комиссия отырысы хаттамасының екінші нұсқасы көрсетілетін қызметті алушыға беріледі және бір жыл көлемінде сақталады.

      Апелляциялық комиссияның шешімі комиссияның жалпы санынан 2/3 (екі де үш) мүшелерінің болғаны кезінде дұрыс болып саналады.

      Апелляциялық комиссия комиссия төрағасын қоса алғанда бес комиссия мүшесінен тұрады.

      32. Апелляциялық комиссия қайта қарауға түскен өтінішті қарастыру нәтижиелері бойынша өтініш түскен күннен бастап екі күн ішінде келесі екі шешімнің біреуін қабылдайды:

      1) қайта қарауды қанағаттандырусыз қалдыру;

      2) қызмет алушының өтінішін қанағаттандырып, оны қайталама мемлекеттік көрсетілетін қызметті тапсыруға жіберу.

4-тарау. Мемлекеттік көрсетілетін қызметтерді көрсету мәселелері бойынша көрсетілетін қызметті берушілердің және (немесе) олардың лауазымдық тұлғаларының шешімдеріне, әрекеттеріне (әрекетсіздігіне) шағымдану тәртібі

      33. Мемлекеттік қызметтер көрсету мәселелері бойынша шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган (бұдан әрі – шағымды қарайтын орган) жүргізеді.

      Шағым көрсетілетін қызметті берушіге және (немесе) шешіміне, әрекетіне (әрекетсіздігіне) шағым жасалып отырған лауазымды адамға беріледі.

      Көрсетілетін қызмет беруші, шешіміне, әрекетіне (әрекетсіздігіне) шағым жасалып отырған лауазымды адам шағым келіп түскен күннен бастап үш жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте көрсетілетін қызметті беруші, шешіміне, әрекетіне (әрекетсіздігіне) шағым жасалып отырған лауазымды адам егер ол 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік әрекет қабылдаса, шағымды қарайтын органға шағым жібермеуге құқылы.

      34. Көрсетілетін қызметті берушінің атына келіп түскен көрсетілетін қызметті алушының шағымы "Мемлекеттік көрсетілетін қызметтер туралы" Заңның 25-бабының 2-тармағына сәйкес тіркелген күнінен бастап 5 (бес) жұмыс күні ішінде қаралуға жатады.

      35. Мемлекеттік көрсетілетін қызметтерді көрсету сапасын бағалау және бақылау жөніндегі уәкілетті органның мекенжайына көрсетілген қызметті алушыдан түскен шағым оны тіркеген күнінен бастап 15 (он бес) жұмыс күні ішінде қарастыруға жатады.

      36. Егер заңда өзгеше көзделмесе, сотқа жүгінуге сотқа дейінгі тәртіппен шағым жасалғаннан кейін жол беріледі.

"Сот сарапшыларын аттестаттау" мемлекеттік көрсетілетін қызметтер стандарты (бұдан әрі – Стандарт-1)

      Ескерту. 1-қосымша жаңа редакцияда – ҚР Әділет министрінің 06.12.2021 № 1034 бұйрығымен (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі).

"Сот-медициналық, сот-психиатриялық және сот-наркологиялық сарапшыларын аттестаттау"" мемлекеттік көрсетілетін қызметтер стандарты (бұдан әрі– 2-Стандарт)

      Ескерту. 2-қосымша жаңа редакцияда – ҚР Әділет министрінің 06.12.2021 № 1034 бұйрығымен (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі).

Өтініш

      Сізден, мені сот сарапшыларын аттестаттаудан, оның ішінде кезектен тыс аттестаттаудан өтуге жіберуіңізді сұраймын.

      Сонымен қатар, аттестаттаудан, оның ішінде кезектен тыс аттестаттаудан өту үшін келесі құжаттарды жолдаймын:

      1. ____________________________________

      2. ____________________________________

      Ақпараттық жүйелердегі, заңмен қорғалған құпияларды құрайтын мәліметтерді пайдалануға келісемін:

      ____________________________________

      қолы (Т. А. Ә (болғанжағдайда)

Мәліметтер нысаны

      Өтінім бойынша деректер

      1. Өтініш нөмірі

      2. Құру күні

      Негізгі мәліметтер

      3. Жеке сәйкестендіру номері

      4. Тегі

      5. Аты

      6. Әкесінің аты (болған жағдайда)

      Жеке басын куәландыратын құжат туралы мәліметтер

      7. Жеке басын куәландыратын құжаттың түрі

      8. Нөмірі

      9. Сериясы

      10. Берілген күні

      11. Аяқталу күні

      12. Берген органы

      Мекен-жайы

      13. Пошталық индекс

      14. Мемлекет, облыс, аудан, елді мекен

      15. Көшенің аты

      16. Үйдің, ғимараттың нөмірі

      17. Пәтердің, кеңсенің нөмірі

      18. Телефон нөмірі

      Жоғары білімі туралы мәліметтер

      19. Жоғары білім беру ұйымының толық атауы

      20. Дипломның сериясы мен нөмірі

      21. Оқуға түскен жылы

      22. Оқуды аяқтаған жылы

      23. Диплом бойынша мамандығы

      24. Диплом бойынша біліктілігі

      25. Дипломдарды нострификаттау (қажеттілігі болған жағдайда)

      Ынталандыру және тәртіптік жазаларының болуы туралы мәліметтер (олардың болғаны жағдайда)

      26. Бұйрықтың нөмірі мен күні

      27. Бұйрықтың атауы

      28. Ескерту, сөгіс, қатаң сөгіс (керегінің астын сызу қажет)

      Сот-медициналық, сот-наркологиялық, сот-психиатриялық мамандықтары бойынша сот сарапшылары үшін соңғы 5 жылдағы біліктілікті арттыру туралы куәліктің болуы туралы мәлімет

      29. Нөмірі

      30. Ұйымның атауы

      31. Циклдың атауы

      33. Берілген күні

      Қызметті жүзеге асыру туралы деректер

      34. Сот сараптамасы қызметін жүзеге асыру бойынша өзіңіздің тәсіліңізді таңдаңыз:

      35. Сот сараптамасының белгілі бір түрін жүргізу құқығына біліктілік куәлігі (оған қосымшасымен бірге)

      Сот сараптама қызметін лицензия негізінде жүзеге асыратын адам

      36. Сот сараптамасының белгілі бір түрін жүргізу құқығын беретін біліктілік куәлігі (оған қосымшасымен бірге)

Сот сарапшылары аттестациясын, оның ішінде кезектен тыс аттестаттауды өткізу жөніндегі комиссия отырысының № хаттамасы

      20___жылғы " ____ " _________________

      _____________________ қаласы

      Төраға ____________________________________

      Комиссия мүшелері ____________________________________

      Хатшы ____________________________________

      Қазақстан Республикасы Әділет министрінің (не болмаса оны ауыстыратын адамның) 20__

      жылғы "__"_______ № ____ бұйрығы негізінде әрекет ететін комиссиясының қарауына

      ________________________________________________________________________________

      (тегі, аты, әкесінің аты (ол болған жағдайда), лауазымы) құжаттары ұсынылды. 1._________________________

      2._________________________

      3._________________________

      (ұсынылған құжаттар)

      1 кезеңнің (компьютерлік тестілеу өткізу) нәтижелері:

      _______ балл, екінші кезеңге: "жіберіледі"/"жіберілмейді".

      Сот сараптамасының белгілі бір түрі бойынша өткізілген ауызша әңгімелесудің/ емтихан

      билетінің қысқаша мазмұны:

      1. ___________________________________________________________

      2. ___________________________________________________________

      Шешім қабылдау жөніндегі комиссиясы мүшелерінің дауыс беру нәтижелері:

      "қолдаған" ______, "қарсы" _______ дауыс.

      Комиссиясы былай деп шешті:

      1) _______________________ аттестатталды

      Т.А.Ә. (ол болған жағдайда)

      2) _______________________ қайта аттестаттауға жатады

      Т.А.Ә. (ол болған жағдайда)

      3) ________________________ аттестатталмады

      Т.А.Ә. (ол болған жағдайда)

      Комиссия төрағасы: ___________________________________

      (қолы) Т.А.Ә. (ол болған жағдайда)

      Комиссия мүшелері: ___________________________________

      (қолы) Т.А.Ә. (ол болған жағдайда)

      ___________________________________

      (қолы) Т.А.Ә. (ол болған жағдайда)

      ___________________________________

      (қолы) Т.А.Ә. (ол болған жағдайда)

      Хатшы:            ___________________________________

      (қолы) Т.А.Ә. (ол болған жағдайда)

Аттестациялық комиссияның № қорытындысы

      20___жылғы " ____ " _________________

      ____________________ қаласы Қазақстан Республикасы Әділет министрінің (не болмаса оны

      ауыстыратын адамның) 20__ жылғы "__"_______ № ____ бұйрығы негізінде әрекет ететін

      комиссиясы құрамында:

      Төраға __________________________________________

      Комиссия мүшелері _________________________________________

      ___________________________________________

      ___________________________________________

      Хатшы ___________________________________________

      _______________________________________________________________

      (аттестацияның түрі, тегі, аты, әкесінің аты, (ол болған жағдайда),

      сот сарапшысының лауазымы және жұмыс орны)

      құжаттарды қарап,

      Былай деп шешті:___________________ ____

      (аттестаттаудың нәтижесі)

      ___________________________________

      (Комиссия төрағасының қолы немесе ЭЦҚ)

Аттестациялық куәліктің№

      20___жылғы " ____ " _________________

      ____________________ қаласы Қазақстан Республикасы Әділет министрінің (не болмаса оны

      ауыстыратын адамның)

      20__ жылғы "__"_______ № ____ бұйрығы негізінде әрекет ететін комиссиясы құрамында:

      Төраға _____________________________________

      Комиссия мүшелері ________________________________________

      ___________________________________________

      ___________________________________________

      Хатшы ___________________________________________

      _____________________________________________________________

      (аттестацияның түрі, тегі, аты, әкесінің аты, (ол болған жағдайда),

      сот сарапшысының лауазымы және жұмыс орны)

      құжаттарды қарап,

      Былай деп шешті:___________________ ____

      (аттестаттаудың нәтижесі)

      ___________________________________

      (Комиссия төрағасының қолы немесе ЭЦҚ)

Қазақстан Республикасы Әділет министрінің күші жойылған кейбір бұйрықтарының тізімі

      1. "Қазақстан Республикасы Әділет министрлігінің аттестаттау комиссияларының сот сарапшысын аттестаттауын жүргізу, оның ішінде кезектен тыс жүргізу қағидаларын бекіту туралы" Қазақстан Республикасы Әділет министрінің 2015 жылғы 27 ақпандағы № 119 бұйрығы (Нормативтік құқықтық актілерді мемлекеттік тіркеу тізілімінде № 10490 тіркелген, 2015 жылғы 27 наурызда "Әділет" ақпараттық-құқықтық жүйесінде жарияланған).

      2. "Қазақстан Республикасы Әділет министрлігінің аттестаттау комиссиясының сот сарапшысының аттестаттауын жүргізу ережесін бекіту туралы" Қазақстан Республикасы Әділет министрінің 2015 жылғы 27 ақпандағы № 119 бұйрығына өзгеріс енгізу туралы" Қазақстан Республикасы Әділет министрінің 2015 жылғы 2 қазандағы № 522 бұйрығы (Нормативтік құқықтық актілерді мемлекеттік тіркеу тізілімінде № 12281 тіркелген, 2015 жылғы 18 желтоқсанда "Әділет" ақпараттық-құқықтық жүйесінде жарияланған).

      3. "Қазақстан Республикасы Әділет министрлігінің аттестаттау комиссиясының сот сарапшысының аттестаттауын жүргізу ережесін бекіту туралы" Қазақстан Республикасы Әділет министрінің 2015 жылғы 27 ақпандағы № 119 бұйрығына өзгеріс енгізу туралы" Қазақстан Республикасы Әділет министрінің 2016 жылғы 31 мамырдағы № 375 бұйрығы (Нормативтік құқықтық актілерді мемлекеттік тіркеу тізілімінде № 13874 болып тіркелген, 2016 жылғы 13 шілдеде "Әділет" ақпараттық-құқықтық жүйесінде жарияланған).

      4. "Қазақстан Республикасы Әділет органдарының азаматтық қызметшілерін аттестаттаудың кейбір мәселелері туралы" Қазақстан Республикасы Әділет министрінің міндеттін атқарушының 2015 жылғы 31 желтоқсандағы № 660 бұйрығы 1 тармағының 2) тармақшасы (Нормативтік құқықтық актілерді мемлекеттік тіркеу тізілімінде № 12783 болып тіркелген, 2016 жылғы 20 қаңтарда "Әділет" ақпараттық-құқықтық жүйесінде жарияланған).