Ескерту. Бұйрықтың тақырыбы жаңа редакцияда – ҚР Ақпарат және коммуникациялар министрінің 09.01.2019 № 3 (алғашқы ресми жарияланған күнінен кейін қолданысқа енгізіледі) бұйрығымен.

      "Ақпараттандыру туралы" 2015 жылғы 24 қарашадағы Қазақстан Республикасы Заңының 7-бабының 60) тармақшасына сәйкес БҰЙЫРАМЫН:

      1. Қоса беріліп отырған Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін, ұялы байланыс операторы беретін абоненттің абоненттік нөмірін тіркеу және оны "электрондық үкіметтің" веб-порталының есептік жазбасына қосу қағидалары бекітілсін.

      2. Қазақстан Республикасы Инвестициялар және даму министрлігінің Байланыс, ақпараттандыру және ақпарат комитеті (Т.Б. Қазанғап):

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның көшірмелерін баспа және электрондық түрде күнтізбелік он күн ішінде көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялауға, сондай-ақ тіркелген бұйрықты алған күннен бастап күнтізбелік он күн ішінде Қазақстан Республикасы нормативтiк құқықтық актiлерiнiң эталондық бақылау банкiне қосу үшін Республикалық құқықтық ақпарат орталығына жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы бұйрықтың 3-тармағының 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін, ұялы байланыс операторы беретін абоненттің абоненттік нөмірін тіркеу және оны "электрондық үкіметтің" веб-порталының есептік жазбасына қосу қағидалары

      Ескерту. Қағиданың тақырыбы жаңа редакцияда – ҚР Ақпарат және коммуникациялар министрінің 09.01.2019 № 3 (алғашқы ресми жарияланған күнінен кейін қолданысқа енгізіледі) бұйрығымен.

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Ақпарат және коммуникациялар министрінің 09.01.2019 № 3 (алғашқы ресми жарияланған күнінен кейін қолданысқа енгізіледі) бұйрығымен.

      1. Осы Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін, ұялы байланыс операторы беретін абоненттің абоненттік нөмірін тіркеу және оны "электрондық үкіметтің" веб-порталының есептік жазбасына қосу қағидалары (бұдан әрі - Қағидалар) "Ақпараттандыру туралы" 2015 жылғы 24 қарашадағы Қазақстан Республикасының Заңы 7-бабының 60) тармақшасына сәйкес әзірленген және ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін абоненттің абоненттік нөмірін тіркеу және оны "электрондық үкіметтің" веб-порталының есептік жазбасына қосу тәртібін айқындайды.

      2. Осы Қағидаларда мынадай негізгі ұғымдар мен қысқартулар қолданылады:

      1) абоненттік нөмір - басқа абоненттік жабдықпен қосылу сол арқылы орнатылатын шартты жасасқан кезде абоненттің пайдалануына бөлінетін және желіде абонентті сәйкестендіруге мүмкіндік беретін нөмір;

      2) "Азаматтарға арналған үкімет" мемлекеттік корпорациясы (бұдан әрі - Мемлекеттік корпорация) - Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету, "бір терезе" қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған, орналасқан жері бойынша жылжымайтын мүлікке құқықтарды мемлекеттік тіркеуді жүзеге асыратын заңды тұлға;

      3) бір реттік пароль - электрондық нысанда көрсетілетін қызметтерді алушы субъектілерді сәйкестендірудің бір сеансы үшін ғана жарамды пароль;

      4) ұялы байланыстың абоненттік құрылғысы - абонент белгілеген ақпаратты беру немесе қабылдау үшін электр байланысы сигналдарын қалыптастыратын және ұялы байланыс операторының желісіне қосылатын, қызмет көрсетілетін аумақ шеңберінде тұрақты географиялық айқындалатын орналасқан орны жоқ, ұялы байланыс желілерінде жұмыс істейтін жеке пайдаланудағы байланыс құралы;

      5) "электрондық үкіметтің" веб-порталы (бұдан әрі - портал) - нормативтік құқықтық базаны қоса алғанда, барлық шоғырландырылған үкіметтік ақпаратқа және электрондық нысанда көрсетілетін мемлекеттік және өзге де қызметтерге қол жеткізудің бірыңғай терезесін білдіретін ақпараттық жүйе;

      6) "электрондық үкіметтің" веб-порталындағы пайдаланушының есептік жазбасы (бұдан әрі - пайдаланушының есептік жазбасы) - пайдаланушыны тану (сәйкестендіру) және "электрондық үкіметтің" веб-порталындағы пайдаланушы кабинетіндегі оның дербес деректері мен баптауларына қол жеткізу үшін қажетті, "электронды үкіметтің" веб-порталында сақталатын пайдаланушы туралы электрондық ақпараттық ресурстардың жиынтығы;

      7) "электрондық үкіметтің" мобильдік қосымшасы (бұдан әрі - мобильдік қосымша) - ұялы байланыстың абоненттік құрылғысында орнатылған, іске қосылған және ұялы байланыс пен Интернет арқылы электрондық нысанда көрсетілетін мемлекеттік қызметтерге және өзге де қызметтерге қол жеткізуге болатын бағдарламалық өнім.

      3. Осы Қағидалардың қолданысы жеке тұлғаларға жататын абоненттерге таралады.

2-тарау. Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін, ұялы байланыс операторы беретін абоненттің абоненттік нөмірін тіркеу және оны порталдың есептік жазбасына қосу тәртібі

      Ескерту. 2-тараудың тақырыбы жаңа редакцияда – ҚР Ақпарат және коммуникациялар министрінің 09.01.2019 № 3 (алғашқы ресми жарияланған күнінен кейін қолданысқа енгізіледі) бұйрығымен.

      4. Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін, ұялы байланыс операторы беретін абоненттің абоненттік нөмірін тіркеу және оны порталдың есептік жазбасына қосу порталда, мобильдік қосымшада немесе Мемлекеттік корпорацияда жүзеге асырылады.

      5. Порталда ұялы байланыс операторы беретін абоненттің абоненттік нөмірін тіркеу және пайдаланушының есептік жазбасына қосу үшін абонент мынадай іс-қимылдарды орындайды:

      1) авторизацияланады;

      2) порталдағы пайдаланушы кабинетінде абоненттік нөмірді енгізеді, "Тексеру кодын алу" функциясын баса отырып, абоненттің абоненттік нөмірінің тиесілілігін растау үшін порталмен құрылған және жіберілген қысқа мәтіндік хабарлама түріндегі абоненттік нөмірге бір реттік парольды алады және сұрануды электрондық цифрлық қолтаңбамен куәландырады.

      6. Мобильдік қосымшада ұялы байланыс операторы беретін абоненттің абоненттік нөмірін тіркеу және пайдаланушының есептік жазбасына қосу үшін абонент мынадай іс-қимылдарды орындайды:

      1) авторизацияланады;

      2) порталдағы пайдаланушы кабинетінде абоненттік нөмірді енгізеді, "Жалғастыру" функциясын баса отырып, абоненттің абоненттік нөмірінің тиесілілігін растау үшін порталмен құрылған және жіберілген қысқа мәтіндік хабарлама түріндегі абоненттік нөмірге бір реттік парольды алады және сұрануды электрондық цифрлық қолтаңбамен куәландырады.

      7. Мемлекеттік корпорацияға жүгінген кезде ұялы байланыс операторы беретін абоненттің абоненттік нөмірін қосу және пайдаланушының есептік жазбасына тіркеу мынадай тәртіппен жүзеге асырылады:

      1) абонент осы Қағидаларға қосымшаға сәйкес нысан бойынша ұялы байланыс операторы беретін абоненттік нөмірді тіркеуге және пайдаланушының есептік жазбасына қосуға өтініш береді;

      2) Мемлекеттік корпорация қызметкері ұялы байланыс операторы беретін абоненттің абоненттік нөмірін тіркеуге және пайдаланушының есептік жазбасына қосуға сұрануды толтырады.

      Абонент Мемлекеттік корпорация қызметкеріне абоненттің абоненттік нөмірінің тиесілілігін растау үшін порталмен құрылған және жіберілген қысқа мәтіндік хабарлама түріндегі абоненттік нөмірге өзге алған бір реттік парольді береді. Мемлекеттік корпорация қызметкері сұрауды оған қызметтік мақсаттарда пайдалануға берілген өзінің электрондық цифрлық қолтаңбасымен куәландырады.

      8. Абонент порталда тіркелмеген жағдайда оны порталда тіркеу абоненттің абоненттік нөмірін тіркеумен және пайдаланушының есептік жазбасына қосумен бір мезгілде жүзеге асырылады.

      Мемлекеттік корпорация қызметкері абоненттің есептік жазбасына парольді ұсынады, сондай-ақ абонентке парольді өз бетінше өзгерту қажеттілігі туралы хабарлайды.

      9. Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін, ұялы байланыс операторы беретін абоненттің абоненттік нөмірін тіркеу және оны порталдың есептік жазбасына қосу кезінде бас тарту абоненттің абоненттік нөмірінің тиесілігін растау үшін порталда құрылған және жіберілген қысқа мәтіндік хабарлама түріндегі абоненттік нөмірге абонент алған бір реттік парольді қате енгізген кезде сол мезетте жүзеге асырылады.

      Бас тартқан жағдайда, абоненттің абоненттік нөмірін одан әрі тіркеу және оны қосу абонент немесе Мемлекеттік корпорацияның жұмыскері дұрыс енгізілмеген бір реттік парольді түзеткеннен кейін жүзеге асырылады.

Ұялы байланыстың абоненттік құрылғысы арқылы электрондық нысанда мемлекеттік және өзге де көрсетілетін қызметтерді алу үшін, ұялы байланыс операторы беретін абоненттің абоненттік нөмірін тіркеуге және оны "электрондық үкіметтің" веб-порталының есептік жазбасына қосуға өтініш

      Ескерту. Қосымша жаңа редакцияда – ҚР Ақпарат және коммуникациялар министрінің 09.01.2019 № 3 (алғашқы ресми жарияланған күнінен кейін қолданысқа енгізіледі) бұйрығымен.

      Жеке тұлғаның сәйкестендіру деректері:

      Жеке сәйкестендіру нөмірі: __________________________________________________

      Тегі: ______________________________________________________________________

      Аты:______________________________________________________________________

      Әкесінің аты (бар болған жағдайда): ___________________________________________

      Электрондық поштаның мекенжайы: __________________________________________

      Телефоны: ________________________________________________________________

      Ұялы байланыстың абоненттік құрылғысын пайдалана отырып, абоненттік нөмірді "электрондық үкіметтің" веб-порталының есептік жазбасына қосу туралы келісіммен таныстым, қарсылығым жоқ.

      Заңнамада көзделген жағдайларда, заңмен қорғалатын құпияны құрайтын және ақпараттық жүйелерде қамтылған мәліметтерді пайдалануға келісім беремін.

      Өтініш берушінің қолы ______________________________________________________

      Күні 20____ жылғы "___" ____________________________________________________