Ескерту. Қаулысының қабылдау мерзімінің өтуіне байланысты қолдану тоқтатылды (Шемонаиха ауданы әкімі аппаратының 2011.12.29 N 2/2893 хаты).

      «Қазақстан Республикасындағы жергiлiктi мемлекеттiк басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31-бабы, 1-тармағы 8)-тармақшасына, «Әскери міндеттілік және әскери қызмет туралы» Қазақстан Республикасының 2005 жылғы 8 шілдедегі Заңының 19, 20, 21, 23-баптарына сәйкес, «Белгiленген әскери қызмет мерзiмiн өткерген мерзiмдi әскери қызметтегi әскери қызметшiлердi запасқа шығару және Қазақстан Республикасының азаматтарын 2011 жылдың сәуiр-маусымында және қазан-желтоқсанында кезектi мерзiмдi әскери қызметке шақыру туралы» Қазақстан Республикасы Президентінің 2011 жылғы 03 наурыздағы № 1163 Жарлығы, «Белгіленген әскери қызмет мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2011 жылдың сәуiр-маусымында және қазан-желтоқсанында кезектi мерзiмдi әскери қызметке шақыру туралы» Қазақстан Республикасы Президентінің 2011 жылғы 3 наурыздағы № 1163 Жарлығын іске асыру туралы» Қазақстан Республикасы Үкіметінің 2011 жылғы 11 наурыздағы № 250 қаулысы негізінде, Шемонаиха ауданының әкiмдігі ҚАУЛЫ ҚАБЫЛДАЙДЫ:
      1. Шақыруды кейінге қалдыруға немесе шақырудан босатылуға құқығы жоқ он сегізден жиырма жеті жасқа дейінгі ер азаматтар, сондай-ақ оқу орындарынан шығарылған, жиырма жеті жасқа толмаған және шақыру бойынша әскери қызметтің белгіленген мерзімін өткермеген азаматтар 2011 жылдың сәуір-маусымында және қазан-желтоқсанында Қазақстан Республикасының Қарулы Күштері, Қазақстан Республикасының басқа да әскерлері мен әскери құрамаларының қатарына кезекті мерзімді әскери қызметке шақырылсын.
      2. Осы қаулының 1-қосымшасына сәйкес аудандық шақыру комиссиясының жеке құрамы құрылсын және бекітілсін.
      3. Осы қаулының 2-қосымшасына сәйкес аудандық шақыру комиссиясының жұмыс кестесі бекітілсін.
      4. Қала, кенттер және ауылдық округтердің әкімдері, азаматтардың мерзiмдi әскери қызметке шақырылуын уақтылы және ұйымшылдықпен өткізу үшін:
      1) әскерге шақыруды кейінге қалдыруға немесе шақырудан босатылуға құқығы жоқ он сегізден жиырма жеті жасқа дейінгі азаматтардың шақыру учаскесіне толық және уақтылы келуін қамтамасыз етсін;
      2) әскерге шақырылушыларды тасымалдау кенттер, ауылдық округтер әкімдері аппараттары өкілдерінің алып баруымен жүргізілсін;
      3) шақыру комиссиясына қажетті құжаттарды дайындап, тапсыруды қамтамасыз етсін.
      5. Шығыс Қазақстан облысы әкімдігінің Денсаулық сақтау басқармасының «Шемонаиха ауданының медициналық бірлестігі» коммуналдық мемлекеттік қазыналық кәсіпорынның директорына (Т. Толстопятова, келісім бойынша) ұсынылсын;
      медициналық комиссияның жұмысын, мерзімді әскери қызметке шақырылушы азаматтардың сапалы куәландыруларын бақылауға алу;
      қорғаныс iстерi жөнiндегi бөлімді аудандық медициналық комиссиясы маман дәрiгерлермен, орта дәрігерлік қызметшілермен жинақтау бойынша шараларды қабылдау.
      6. «Шығыс Қазақстан облысы ішкі істер департаментінің Шемонаиха ауданының ішкі істер бөлімі» мемлекеттік мекемесінің бастығына (Р.Т. Рамазанов, келісім бойынша) ұсынылсын:
      әскери қызметке шақырудан бұлтартқан азаматтарды iздеу, облыстық жинақтау пунктiне жiберу кезiнде шақыру пунктерiнде тәртiптiң сақталуын қамтамасыз ету;
      қорғаныс істері жөніндегі бөлімнің аумағында полиция қызметкерінің кезекшiлiгiн ұйымдастыру.
      7. Iшкi саясат бөлімінің бастығы (Т.С. Степанова), мәдениет және тiлдердi дамыту бөлімі бастығының міндетін атқарушы (А.А. Шипулина) шақыру кезеңiнде әскери қызметке шақырылушы жастармен тәрбиелiк iс-шараларды ұйымдастыру және шақырылушылардың салтанатты аттануын өткiзуге белсене қатысып, командалардың қалыптастырулары мен аудандық шақыру пунктiнен аттандыруға дейiн Қарулы Күштердiң соғыс және еңбек ардагерлерiмен кездесулерді ұйымдастырсын.
      8. Шемонаиха ауданының қаржы бөлiмiнiң бастығы (Н.Р. Крузмягина) 2011 жылға арналған аудандық бюджетпен белгiленген мөлшерде, азаматтарды шақыру бойынша шараларды қаржыландыруды жүргiзсiн.
      9. Қазақстан Республикасының Қарулы Күштерi қатарына азаматтарды шақыруды уақтылы және ұйымшылдықпен өткізу үшiн 4 адам санында қызметшілер (техникалық қызметшілер) жұмысқа алынсын. Төлемақы 2011 жылға арналған бюджетте белгiленген қаржы шегiнде жүргiзілсiн.
      10. 2010 жылғы 24 мамырдағы Шемонаиха ауданы әкімдігінің № 65 "2010 жылдың сәуір-маусымында және қазан-желтоқсанында мерзімді әскери қызметке шақыруды өткізу туралы" қаулысы (2010 жылғы 02 шілдеде № 5-19-122 нормативтік құқықтық актілерді мемлекеттік тіркеу реестрінде тіркелді), 2010 жылғы 18 қазандағы Шемонаиха ауданы әкімдігінің № 177 "2010 жылғы 24 мамырдағы № 65 "2010 жылдың сәуір-маусымында және қазан-желтоқсанында мерзімді әскери қызметке шақыруды өткізу туралы" қаулысына өзгеріс енгізу туралы" қаулысы (2010 жылғы 11 қарашада № 5-19-132 нормативтік құқықтық актілерді мемлекеттік тіркеу реестрінде тіркелді) өз күшін жойды деп танылсын.
      11. Осы қаулының орындалуын бақылау Шемонаиха ауданы әкiмiнiң орынбасары Т.Д. Колтуноваға жүктелсiн.
      12. Осы қаулы алғашқы ресми жарияланғаннан кейін күнтізбелік он күн өткен соң қолданысқа енгізіледі.

      Шемонаиха ауданы әкiмiнің
      міндетін атқарушы                          Г. Акулов

      Келiсiлдi:

      Шемонаиха ауданы қорғаныс
      iстерi жөнiндегi бөлiмнiң бастығы          М. Чурбанов

      Шемонаиха ауданы IIБ бастығы               Р. Рамазанов

      «Шемонаиха ауданының медициналық
      бірлестігі» КМҚК директорының
      міндетін атқарушы                          Т. Толстопятова 

Шемонаиха ауданы әкімдігінің
2011 жылғы 18 наурыздағы
№ 332 қаулысына
1 қосымша

Аудандық шақыру комиссиясының
ҚҰРАМЫ

      Ескерту. 1-қосымшаға өзгерістер енгізілді - Шемонаиха ауданы әкімдігінің 2011.05.11 № 383 (жарияланғаннан кейін 10 күн өткеннен соң қолданысқа енгізіледі); 2011.11.18 № 210 (жарияланғаннан кейін 10 күн өткеннен соң қолданысқа енгізіледі) қаулыларымен.

      Шемонаиха ауданы әкімі
      аппаратының басшысы                        Ж. Калиева

Шемонаиха ауданы әкімдігінің
2011 жылғы 18 наурыздағы
№ 332 қаулысына
2 қосымша

Аудандық шақыру комиссиясының жұмыс
КЕСТЕСІ

      Ескерту. 2-қосымша жаңа редакцияда - Шемонаиха ауданы әкімдігінің 2011.09.07 № 99 (жарияланғаннан кейін 10 күн өткеннен соң қолданысқа енгізіледі) қаулысымен.

      кестенің жалғасы:

      Шемонаиха ауданы қорғаныс
      iстерi жөнiндегi бөлiмі
      бастығының уақытша
      міндетін атқарушы                          Р. Абдрахманов