Ескерту. Күші жойылды - Шығыс Қазақстан облысы Шемонаиха аудандық мәслихатының 18.10.2019 № 45/7-VI шешімімен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
      РҚАО ескертпесі.
      Мәтінде авторлық орфография және пунктуация сақталған.

      "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы № 148–ІІ Қазақстан Республикасы Заңының 6-бабына, Қазақстан Республикасының 2003 жылғы 20 маусымдағы № 442 Жер кодексінің 11–бабына сәйкес, Шемонаиха аудандық мәслихаты ШЕШІМ ҚАБЫЛДАДЫ:

      1. "Шемонаиха ауданы бойынша жер учаскелері үшін төлемақының базалық ставкаларына түзету коэффициенттерін бекіту туралы" 2006 жылғы 14 ақпандағы № 23/7–ІІІ Шемонаиха аудандық мәслихатының шешіміне (нормативтік құқықтық актілерді мемлекеттік тіркеу тізілімінде № 5-19-25 тіркелген, "ЛЗ Сегодня" газетінде 2006 жылы 17 наурызда № 17 санында жарияланды) келесі өзгерістер енгізілсін:

      кіріспедегі "Жергілікті мемлекеттік басқару туралы" сөздерінен кейінгі сөздер "және өзін-өзі басқару" сөздерімен толықтырылсын;

      "Шығыс Қазақстан облысы Шемонаиха ауданының елді мекендері бойынша жер салығының базалық ставкаларына түзету коэффициенттері (жеке тұлғалар үшін)" 2 – қосымшадағы кестенің атауы мынадай редакцияда жазылсын: "Шемонаиха ауданының елді мекендері бойынша кәсіпкерлік қызметпен қамтылмаған жер учаскелері үшін төлемақының базалық ставкаларына түзету коэффициенттері";

      "Кәсіпкерлік қызметпен қамтылған жерлерге арналған Шығыс Қазақстан облысы Шемонаиха ауданының елді мекендері бойынша жер салығының базалық ставкаларына түзету коэффициенттері" кестенің атауы мынадай редакцияда жазылсын: "Шемонаиха ауданының елді мекендері бойынша кәсіпкерлік қызметпен қамтылған жер учаскелері үшін төлемақының базалық ставкаларына түзету коэффициенттері".

      2. Осы шешім алғаш ресми жарияланғаннан кейін күнтізбелік он күн өткен соң қолданысқа енгізіледі.