Ескерту. Күші жойылды - ҚР Білім және ғылым министрінің 15.01.2013 № 10 Бұйрығымен.

      "Білім туралы" Қазақстан Республикасы Заңының 27 шілдедегі 5-бабының 11) тармақшасына сәйкес БҰЙЫРАМЫН:
     1. Қоса беріліп отырған Техникалық және кәсіптік білімнің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі ережесі бекітілсін.

     2. Техникалық және кәсіптік білім департаменті (Қ.Қ. Бөрібеков) осы бұйрықты Қазақстан Республикасы Әділет министрлігіне белгіленген тәртіппен мемлекеттік тіркеуге ұсынсын.

     З. Осы бұйрықтың қосымшасына сәйкес Білім және ғылым Министрінің кейбір бұйрықтарының күші жойылды деп танылсын.

     4. Осы бұйрық бірінші ресми жарияланған күнінен бастап қолданысқа енгізіледі.

     5. Осы бұйрықтың орындалуын бақылау вице-министр Ф.Қуанғановқа жүктелсін.

     Министр

Қазақстан Республикасы      
Білім және ғылым Министрінің   
2007 жылғы 29 қарашадағы     
N 587 бұйрығымен бекітілген    

Техникалық және кәсіптік білімнің кәсіптік оқу
бағдарламаларын іске асыратын білім беру ұйымдарына оқуға
қабылдаудың үлгі ережесі 1. Жалпы ережелер

     1. Осы Техникалық және кәсіптік білімнің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі ережесі (бұдан әрі - Ереже) "Білім туралы" Қазақстан Республикасының 2007 жылғы 27 шілдедегі Заңына сәйкес меншік нысаны және ведомстволық бағыныстылығына қарамастан  техникалық және кәсіптік білім беру ұйымдарына, жоғары техникалық мектептерге (бұдан әрі - білім беру ұйымдары)  оқуға қабылдаудың тәртібін бекітеді.

     2. Білім беру ұйымдарына негізгі орта (жалпы негізгі), жалпы орта (орта жалпы), техникалық және кәсіптік (кәсіптік бастауыш және кәсіптік орта), жоғары (кәсіптік жоғары) білімі бар Қазақстан Республикасының азаматтары, Қазақстан Республикасының азаматы болып табылмайтын ұлты қазақ тұлғалар, сондай-ақ, шетелдік азаматтар және азаматтығы жоқ адамдар Қазақстан Республикасының заңнамасында белгіленген тәртіппен қабылданады.
     Қазақстан Республикасының азаматтарына және Қазақстан Республикасында тұрақты тұратын азаматтығы жоқ адамдарға, егер олар осы деңгейде бірінші рет білім алатын болса, мемлекеттік білім беру тапсырысына сәйкес конкурстық негізде тегін техникалық және кәсіптік білім беріледі.
     Шетелдіктердің мемлекеттік білім беру тапсырысына сәйкес конкурстық негізде тегін техникалық және кәсіптік білім алуы Қазақстан Республикасының халықаралық шарттарымен айқындалады.
      Ескерту. 2-тармақ жаңа редакцияда - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     3. Білім беру ұйымдарына оқуға түсу кезінде:
     1) I, II топтардағы мүгедектер, бала кезінен мүгедектер, мүгедек-балалар арасынан шыққан азаматтар үшін;
     2) жеңілдіктер мен кепілдіктер бойынша соғысқа қатысушылар мен соғыс мүгедектеріне теңестірілген адамдар үшін;
     3) Осы бұйрықтың 1-қосымшасына сәйкес ауылдың (селоның) әлеуметтік экономикалық дамуын айқындайтын мамандықтар бойынша ауыл (село) жастары арасынан шыққан азаматтар үшін;
     4) Қазақстан Республикасының азаматтары болып табылмайтын ұлты қазақ адамдар үшін;
     5) жетім балалар және ата-аналарының қамқорлығынсыз қалған балалар үшін "Техникалық және кәсіптік, орта оқу орнынан кейінгі және жоғары білім берудің кәсіптік оқу бағдарламаларын іске асыратын білім беру ұйымдарына оқуға түсу кезінде қабылдау квотасын белгілеу туралы" Қазақстан Республикасы Үкіметінің 2008 жылғы 28 наурыздағы N 296 қаулысымен бекітілген қабылдау квотасы көзделеді.
      Ескерту. 3-тармаққа өзгерту енгізілді - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     4. Техникалық және кәсіптік (кәсіптік бастауыш және кәсіптік орта), жоғары (кәсіптік жоғары) білімі бар азаматтар білім беру ұйымдарына оқытудың қысқартылған мерзімін көздейтін тиісті кәсіптік оқу бағдарламалары бойынша оқуға қабылданады.
     Аталған санаттағы тұлғалар үшін түсу емтихандары пәндерінің тапсыру нысаны мен тізбесін білім беру ұйымдары белгілейді.
      Ескерту. 4-тармаққа өзгерту енгізілді - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     5. Мемлекеттік құпиялармен жұмыс істеу талап етілетін техникалық және кәсіптік білімнің жекеленген мамандықтары бойынша мемлекеттік білім беру тапсырыстарымен оқуға қабылдау Қазақстан Республикасының мемлекеттік құпиялар туралы заңнамасына сәйкес ұлттық қауіпсіздік органдарының рұқсаты бар білім беру ұйымдарында жүзеге асырылады.

2. Құжаттарды қабылдауды ұйымдастыру және түсу емтихандарын
өткізу

      Ескерту. 2-бөлімнің атауы жаңа редакцияда - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     6. Білім беру ұйымдарына оқуға азаматтардың өтініштерін қабылдау, ұйымдастыру, түсу емтихандарын өткізу және білім алушылар құрамына қабылдау үшін қабылдау комиссиясы құрылады, ол өз жұмысын 1 маусымнан кешіктірмей бастайды.

     7. Білім беру ұйымдарына қабылдау комиссияларының өңірлерге барып азаматтарды оқуға қабылдау жұмысын ұйымдастыру құрылтайшының келісімі бойынша шешіледі.

     8. Қабылдау ережелері, сондай-ақ өтініштерді қабылдауды ұйымдастыру жөніндегі қабылдау комиссияларының шешімі туралы ақпарат, түсу емтихандарын өткізу жөніндегі кесте, оқуға түскені туралы нәтижелер уақытылы оқуға түсушілердің назарына жеткізілуі қажет.

     9. Білім беру ұйымдарына оқуға азаматтардың өтініштерін қабылдау:
     орта буын мамандарын даярлауды көздейтін техникалық және кәсіптік білім беретін оқу бағдарламалары бойынша оқудың күндізгі нысанына 20 маусым мен 20 тамыз аралығында, оқудың кешкі және сырттай нысанына 20 маусым мен 20 қыркүйек аралығында; өнер және мәдениет мамандықтары бойынша 20 маусым мен 20 шілде аралығында;
     жаппай кәсіптер мен неғұрлым күрделі (аралас) кәсіптер бойынша кадрлар даярлауды көздейтін техникалық және кәсіптік білім беретін оқу бағдарламалары бойынша оқудың күндізгі нысанына 20 маусым мен 20 тамыз аралығында, оқудың кешкі нысанына 20 маусым мен 20 қыркүйек аралығында жүзеге асырылады.
      Ескерту. 9-тармақ жаңа редакцияда - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     10. Алынып тасталды - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     11. Оқуға түсушілер білім беру ұйымдарына оқуға қабылдау туралы өтінішіне білімі туралы құжаттың түпнұсқасын, N 086-У нысаны бойынша медициналық анықтаманы (І және ІІ топтағы мүгедектер мен бала жасынан мүгедектер үшін медициналық-әлеуметтік сараптаманың қорытындысы), 3х4 көлемдегі 4 суретті қоса береді.
     Оқуға түсушінің тұлғасын куәландыратын құжаттар жеке, ата-аналарымен немесе заңды тұлғалармен ұсынылады.
      Шетелдіктер және азаматтығы жоқ адамдар тұратын жерінде тіркелгені туралы белгісі бар Қазақстан Республикасында тұрақты тұруға құқық берілген құжатты ұсынады:
      шетелдік - шетелдіктің Қазақстан Республикасында тұруға ықтиярхаты;
      азаматтығы жоқ тұлға - азаматтығы жоқ тұлғаның куәлігі;
      босқын - босқынның куәлігі;
      паналатуды іздеуші тұлға - паналатуды іздеуші тұлғаңың куәлігі;
      оралман - оралман куәлігі немесе көші-қон карточкасы.
      Аталған талаптар Консулдық қатынастар туралы және Дипломатиялық қатынастар туралы Вена конвенциясына сәйкес елшіліктер мен консулдықтардың қызметкерлеріне таратылмайды.
      Қазақстан Республикасында уақытша тұратын тұлғалар төлқұжат көшірмесін және көші-қон карточканың көшірмесін көрсетеді.
     Оқытудың нысандары бойынша және шарттық (ақылы) негізде оқуға түсушілердің өтініштері жеке тіркеледі және ескеріледі.
     кешенді тестілеу (жоғары оқу орындарына түсу үшін ағымдағы жылы кешенді тестілеуге қатысқан өткен жылдар түлектері) немесе нәтижелері туралы сертификатын тапсырған (ағымдағы жылы ұлттық бірыңғай тестілеуге қатысқан жалпы орта білімді бітірушілер) азаматтар оқуға түсу емтихандарынан босатылады және міндетті түрде 17-тармақта көрсетілген шарттарға сәйкес конкурсқа жіберіледі.
      Ескерту. 11-тармақ жаңа редакцияда, өзгерту енгізілді - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз), 2010.09.28 N 466  (ресми жарияланған күнінен кейін он күнтізбелік күн өткен соң қолданысқа енгізіледі) Бұйрығымен.

     12. Түсу емтихандары орта буын мамандарын даярлауды көздейтін техникалық және кәсіптік білім беретін оқу бағдарламалары бойынша және:
     жалпы орта, мамандық бейне сәйкес келмейтін техникалық және кәсіптік білімі бар оқуға түсушілер үшін үш пән бойынша (қазақ немесе орыс тілі, Қазақстан тарихы және мамандық бейіні бойынша пән) өткізіледі;
     негізгі жалпы білімі бар оқуға түсушілер - негізгі жалпы білімнің оқу бағдарламалары көлемінде 2 пән бойынша (қазақ немесе орыс тілі және мамандық бейіні бойынша пән);
     Жоғарғы техникалық мектепке оқуға түсушілер үшін түсу емтихандары негізгі жалпы білімнің оқу бағдарламалары көлемінде 3 пән бойынша (қазақ немесе орыс тілі, математика және мамандық бейіні бойынша пән) өткізіледі.
     Түсу емтихандарының нысанын білім беру ұйымдары белгілейді.
     Жаппай кәсіптер мен неғұрлым күрделі (аралас) кәсіптер бойынша кадрлар даярлауды көздейтін техникалық және кәсіптік білім беретін оқу бағдарламалары бойынша оқуға түсушілерге арналған түсу емтихандары әңгімелесу нысанында өткізіледі.
     Білім беру ұйымдарына оқуға түсушілер түсу емтихандарын қазақ немесе орыс тілдерінде тапсырады.
     Мамандық бейіні бойынша пәні осы Ережеге 2-қосымшаға сәйкес айқындалады.
      Ескерту. 12-тармақ жаңа редакцияда - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     13. Білім беру ұйымдарына өнер және мәдениет мамандықтары бойынша оқуға түсетін азаматтар 3-қосымшаға сәйкес білім беру ұйымдарымен бекітілген бағдарламалар бойынша өткізілетін арнайы немесе шығармашылық емтихандар тапсырады.
     Арнайы немесе шығармашылық емтихандар бойынша "қанағаттанарлықсыз" деген баға алған немесе емтиханға себепсіз келмей қалған азаматтар емтиханға жіберілмейді.
     11-тармақта көрсетілген негізгі орта және жалпы орта білімі бар азаматтар үшін түсу емтихандарының нысаны тестілеу немесе пәндер бойынша емтихандар білім беру ұйымымен белгіленеді. Білім беру ұйымдарына оқуға түсушілер түсу емтихандарын қазақ немесе орыс тілдерінде тапсыруды таңдауға құқылы.

     14.  Орта буын мамандарын даярлауды көздейтін техникалық және кәсіптік білімнің білім беретін оқу бағдарламалары бойынша оқуға түсетін азаматтар үшін оқудың күндізгі нысанына түсу емтихандары 1 тамыз бен 28 тамыз аралығында, оқудың кешкі және сырттай нысанына 1 тамыз бен 25 қыркүйек аралығында; өнер және мәдениет мамандықтары бойынша арнайы немесе шығармашылық емтихандары 21 шілде мен 28 шілде аралығында өткізіледі.
     Жаппай кәсіптер мен неғұрлым күрделі (аралас) кәсіптер бойынша кадрлар даярлауды көздейтін техникалық және кәсіптік білім беретін оқу бағдарламалары оқудың күндізгі нысанына түсетін азаматтар үшін әңгімелесу 1 тамыз бен 28 тамыз аралығында, оқудың кешкі нысанына 1 тамыз бен 25 қыркүйек аралығында өткізіледі.
     Түсу емтихандарын өткізу кезінде:
     1) тестілеу нысанында әрбір пән бойынша тестілеу тапсырмаларының саны 30 болып белгіленеді. Әрбір тест тапсырмасының дұрыс жауабы 1 балмен бағаланады. Тестілеуге үш пән бойынша 2 сағат 15 минут, ал екі пән бойынша 1 сағат 30 минут беріледі. Дұрыс жауаптар коды тестілеу аяқтала салысымен ілінеді. Тестілеу нәтижелері ол өткізілген күні хабарланады;
     2) пәндер бойынша емтихандардың, түсу емтихандарының нәтижелері бойынша алынған "3", "4", "5" бағаларын қабылдау комиссиясы мынадай шкала бойынша: "3" - 10 балл, "4" - 20 балл, "5" - 30 балдарға ауыстырады.
      Ескерту. 14-тармаққа өзгерту енгізілді - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз) Бұйрығымен.

     15. Бірыңғай талаптарды сақтауды қамтамасыз ету және тест тапсырмаларын (сұрақтарын) бағалау және пәндер емтихандары кезіндегі даулы мәселелерді шешу, түсушілердің құқығын қорғау мақсатында оқу орнында апелляциялық комиссия құрылады.
     Тестілеу немесе пәндер бойынша түсу емтихандарының нәтижелерімен келіспеген азамат апелляцияға беруіне болады.
     Апелляция қабылдау комиссиясына емтихандарының нәтижелері хабарланғаннан кейін бір тәулік ішінде беріледі және түсу бойы өтініш берушінің қатысуымен аппеляциялық комиссияда қаралады.

     16. Тестілеуді немесе пәндер бойынша түсу емтихандарын қайта тапсыруға болмайды.

3. Білім алушылар құрамына қабылдау

     17. Білім беру ұйымдарына білім алуға азаматтарды қабылдау конкурстық негізде азаматтардың өтініштері бойынша жүзеге асырылады. Конкурстың шарттары білім алу құқықтарын сақтауға кепілдік беруге және неғұрлым қабілетті және тиісті деңгейдегі техникалық және кәсіптік білім берудің кәсіптік оқу бағдарламаларын, оның ішінде жоғары техникалық мектептердің интеграцияланған білім беретін оқу бағдарламаларын меңгеруге даярлығы бар азаматтарды қабылдауды қамтамасыз етуге тиіс.
     Орта буын мамандарын даярлауды көздейтін техникалық және кәсіптік білім беретін оқу бағдарламалары бойынша білім алушылардың құрамына қабылдау конкурстық негізде күндізгі оқу нысанына 25 тамыз бен 30 тамыз аралығында, оқудың кешкі және сырттай нысанына 15 қыркүйек пен 30 қыркүйек аралығында жүзеге асырылады.
     Жаппай кәсіптер мен неғұрлым күрделі (аралас) кәсіптер бойынша кадрлар даярлауды көздейтін техникалық және кәсіптік білім беретін оқу бағдарламалары бойынша білім алушылардың құрамына қабылдау негізгі орта және жалпы орта білімі туралы құжаттарда көрсетілген бейіндік пәндер бойынша бағалары, әңгімелесулер ескеріле отырып конкурстық іріктеу негізінде 25 тамыз бен 30 тамыз аралығында өткізіледі. Іріктеу шарттарын білім беру ұйымдары айқындайды.
     Конкурс:
     ұлттық бірыңғай тестілеу (бұдан әрі - ҰБТ) сертификаттарының балдары негізінде;
     Қазақстан Республикасының жоғары оқу орнына түсу үшін кешенді тестілеу нысанында өткізілген қабылдау емтихандарының нәтижелері бойынша берілген сертификаттар балдары негізінде;
     пәндер бойынша немесе білім беру ұйымдары жүргізген тестілеу нысаны бойынша түсу емтихандарының нәтижелерімен алынған балдар (бағалар) негізінде жүргізіледі.
     Қабылдау конкурсын өткізу кезінде ҰБТ-да немесе кешенді тестілеу сертификаттарында көрсетілген үш пәннің осы Ереженің 12-тармағына сәйкес балдар сомасы ескеріледі.
     Білім алушылар құрамына қабылдану конкурсына қатысуға:
     негізгі жалпы білім алғандар үшін екі пәннен 20 балдан кем, медициналық мамандықтар бойынша 30 балдан кем (жоғары техникалық мектептерге түсу үшін үш пәнінен 30 балдан кем);
     жалпы орта білім алғандар үшін үш пәннен 30 балдан кем, медициналық мамандықтар бойынша 35 балдан кем (жоғары техникалық мектептерге түсу үшін үш пәнінен 35 балдан кем) жинағандар жіберілмейді.
      Ескерту. 17-тармаққа өзгерту енгізілді - Қазақстан Республикасы Білім және ғылым министрінің 2008.05.21 N 289 (қолданысқа енгізілу тәртібін 3-тармақтан қараңыз), 2009.06.08 N 278 Бұйрықтарымен.

     18. Техникалық және кәсіптік білімі бар кадрларды даярлауда мемлекеттік тапсырыс бойынша білім алушылар құрамына қабылдауға конкурс өткізгенде:
     1) "Алтын белгі" белгісімен марапатталған адамдардың;
     2) білім беру саласындағы уәкілетті орган тізбесін айқындайтын жалпы білім беретін пәндер бойынша халықаралық олимпиадалар мен ғылыми жарыстардың (бірінші, екінші және үшінші дәрежелі дипломдармен марапатталған), орындаушылардың республикалық және халықаралық конкурстары мен спорттық жарыстардың (бірінші, екінші және үшінші дәрежелі дипломдармен марапатталған), соңғы үш жылдағы жеңімпаздардың, сондай-ақ өздері таңдаған мамандықтар олимпиадаларының, конкурстың немесе спорттық жарыстың пәніне сәйкес келген жағдайда, ағымдағы жылғы жалпы білім беретін пәндер бойынша республикалық, олимпиадалар мен ғылыми жарыстардың (бірінші, екінші және үшінші дәрежелі дипломдармен марапатталған) жеңімпаздарының басым құқығы бар.
     Мемлекеттік білім беру тапсырыс бойынша білім алушылар құрамына қабылдауға арналған конкурсты өткізгенде көрсеткіштері бірдей болған жағдайда (растайтын құжаттар болған жағдайда): жетім балалар және ата-анасының қамқорлығынсыз қалған балалар, І және ІІ топтағы мүгедектер, медициналық-әлеуметтік сараптама тұжырымына сәйкес оқу орындарында оқуға қайшы келмейтін бала кезінен мүгедектер, мүгедек балалар және үздік білімі туралы құжаттары бар (куәліктер, аттестаттар, дипломдар) азаматтар басым құқыққа ие болады.
       Ескерту. 18-тармаққа өзгерту енгізілді - Қазақстан Республикасы Білім және ғылым министрінің 2009.06.08 N 278 Бұйрығымен.

     19. Білім беру ұйымдарына қабылдау мамандықтар, бөлімшелер, оқыту тілдері бойынша бөлек қабылдау комиссиясының ашық мәжілісінде жүргізіледі.

     20. Осы Ережемен реттелмеген бөлігінде білім беру ұйымына оқуға қабылдау тәртібі білім беру ұйымының құрылтайшысымен немесе құрылтайшыларымен (мемлекеттік басқару органымен) белгіленеді.

                                 Қазақстан Республикасы Білім
                              және ғылым министрінің Техникалық
                             және кәсіптік білімнің кәсіптік оқу
                             бағдарламаларын іске асыратын білім
                              беру ұйымдарына оқуға қабылдаудың
                                   үлгі ережесіне 1-қосымша

      Ескерту. 1-қосымша жаңа редакцияда - Қазақстан Республикасы Білім және ғылым министрінің 2009.06.08 N 278 Бұйрығымен.

     Ауылдың (селоның) әлеуметтiк-экономикалық дамуын айқындайтын техникалық және кәсіптік білімнің кәсіптік оқу бағдарламалары бойынша мамандықтар даярлауды жүзеге асыратын мамандықтардың тiзбесi     

                                  Қазақстан Республикасы Білім
                                және ғылым министрінің Техникалық
                               және кәсіптік білімнің кәсіптік оқу
                              бағдарламаларын іске асыратын білім
                               беру ұйымдарына оқуға қабылдаудың
                                     үлгі ережесіне 2-қосымша

      Ескерту. 2-қосымша жаңа редакцияда - Қазақстан Республикасы Білім және ғылым министрінің 2009.06.08 N 278 Бұйрығымен.

       Техникалық және кәсіптік білімнің білім беру оқу бағдарламаларын іске асыратын техникалық және кәсіптік білімнің   мамандықтар бейіні бойынша жалпы білім беру пәндерінің тізбесі

                                 Қазақстан Республикасы Білім
                                және ғылым министрінің Техникалық
                              және кәсіптік білімнің кәсіптік оқу
                              бағдарламаларын іске асыратын білім
                               беру ұйымдарына оқуға қабылдаудың
                                    үлгі ережесіне 3-қосымша

       Ескерту. 3-қосымша жаңа редакцияда - Қазақстан Республикасы Білім және ғылым министрінің 2009.06.08 N 278 Бұйрығымен.

       Өнер және мәдениет мамандықтарының тізбесі      

Қазақстан Республикасы      
Білім және ғылым Министрінің   
2007 жылғы 29 қарашадағы     
N 587 бұйрығына қосымша     

Күші жойылған нормативтік құқықтық актілердің тізбесі

     1. "Қазақстан Республикасының бастауыш кәсіптік білім беретін оқу орындарына оқуға қабылдаудың Үлгі ережесін бекіту туралы" Қазақстан Республикасы Білім және ғылым министрінің 2002 жылғы 27 желтоқсандағы N 903 бұйрығы (Қазақстан Республикасының нормативтік құқықтық актілер бюллетенінде жарияланған 2003 жылғы N 15, 839-құжат; 2003 жылы N 23-24, 854-құжат) нормативтік құқықтық актілерді құжат мемлекеттік тіркеу тізілімінде N 2136 тіркелген);

     2. "Қазақстан Республикасының кәсіптік орта оқу орындарына оқуға қабылдаудың Үлгі ережесін бекіту туралы" Қазақстан Республикасы Білім және ғылым министрінің 2005 жылғы 15 сәуірдегі N 244 бұйрығы (Қазақстан Республикасының нормативтік құқықтық актілер бюллетенінде жарияланған, 2005 жылғы N 16, 123-құжат нормативтік құқықтық актілерді мемлекеттік тіркеу тізілімінде N 3627 тіркелген);

     3. "Қазақстан Республикасының кәсіптік орта оқу орындарына оқуға қабылдаудың Үлгі ережесін бекіту туралы" Қазақстан Республикасы Білім және ғылым министрінің 2005 жылғы 15 сәуірдегі N 244 бұйрығына өзгерістер мен толықтыру енгізілу туралы" Қазақстан Республикасы Білім және ғылым министрінің 2005 жылғы 13 маусымдағы N 400 бұйрығы (Қазақстан Республикасының нормативтік құқықтық актілер бюллетенінде жарияланған, 2005 жылғы N 16, 124-құжат, нормативтік құқықтық актілерді мемлекеттік тіркеу тізілімінде N 3692 тіркелген);

     4. "Қазақстан Республикасының орта оқу орындарында оқуға қабылдаудың Үлгі ережесін бекіту туралы" Қазақстан Республикасы Білім және ғылым министрінің 2005 жылғы 15 сәуірдегі N 244 бұйрығына өзгерістер мен толықтырулар енгізу туралы" Қазақстан Республикасы Білім және ғылым министрінің 2006 жылғы 29 наурыздағы N 151 бұйрығы (нормативтік құқықтық актілерді мемлекеттік тіркеу тізілімінде N 4207 тіркелген, 2006 жылғы 12 мамырдағы N 84-85 (1064-1065) "Заң газетінде" жарияланған;

     5. "Қазақстан Республикасының кәсіптік орта оқу орындарына оқуға қабылдаудың Үлгі ережесін бекіту туралы" Қазақстан Республикасы Білім және ғылым министрінің 2005 жылғы 15 сәуірдегі N 244 бұйрығына өзгерістер мен толықтырулар енгізу туралы" Қазақстан Республикасы Білім және ғылым министрінің 2007 жылғы 15 мамырдағы N 249 бұйрығы (нормативтік құқықтық актілерді мемлекеттік тіркеу тізілімінде N 4719 тіркелген).