Күші жойылды - ҚР Ұлттық Банкі Басқармасының 2009.05.25 N 49 қаулысымен.

      Ескерту. Тақырыпқа өзгерту енгізілді - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі) қаулысымен.

      Қазақстан Республикасы Ұлттық Банкінің нормативтік құқықтық актілерін Қазақстан Республикасының заңнамасына сәйкес келтіру мақсатында, Қазақстан Республикасы Ұлттық Банкінің Басқармасы ҚАУЛЫ ЕТЕДІ :
      1. Қоса беріліп отырған Бағалы қағаздар нарығында брокерлік және дилерлік қызметті жүзеге асыратын ұйымдардың қаржылық есеп беру тізбесі, нысандары және ұсыну мерзімдері туралы нұсқаулық бекітілсін.
      Ескерту. 1-тармаққа өзгерту енгізілді - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі) қаулысымен.
      2. Осы қаулы қолданысқа енгізілген күннен бастап "Бағалы қағаздар рыногында брокерлік-дилерлік қызметті жүзеге асыратын ұйымдардың қаржылық есеп беру тізбесі, нысандары және ұсыну мерзімдері туралы нұсқаулықты бекіту туралы және Қазақстан Республикасының Әділет министрлігінде N 238 тіркелген Қазақстан Республикасының Бағалы қағаздар жөніндегі ұлттық комиссиясының "Қазақстан Республикасының бағалы қағаздар рыногының кәсіби қатысушыларының есеп беру тәртібі туралы" нұсқаулықты бекіту жөнінде" 1996 жылғы 22 қазандағы N 118 қаулысына және Қазақстан Республикасының Әділет министрлігінде N 2124 тіркелген Қазақстан Республикасының Ұлттық Банкі Басқармасының "Қазақстан Республикасының бағалы қағаздар рыногында брокерлік және дилерлік қызметті жүзеге асыруға лицензиялары бар ұйымдардың есеп беру ережесін бекіту туралы" 2002 жылғы 18 желтоқсандағы N 486 қаулысына өзгерістер енгізу туралы" Қазақстан Республикасының Қаржы нарығы мен қаржы ұйымдарын реттеу және қадағалау агенттігі және Қазақстан Республикасының Ұлттық Банкі Басқармаларының 2004 жылғы 12 сәуірдегі N 116 және 2004 жылғы 12 сәуірдегі N 55 бірлескен қаулыларының (Қазақстан Республикасының нормативтік құқықтық актілерін мемлекеттік тіркеу тізілімінде N 2854 тіркелген, 2004 жылғы 29 мамырда "Казахстанская правда" N 117-118 және "Егемен Қазақстан" N 138 газеттерінде жарияланған) 1-тармағының күші жойылды деп танылсын.
     3. Осы қаулы 2005 жылғы 1 ақпаннан бастап қолданысқа енгізіледі.
     4. Бухгалтерлік есеп департаменті (Шалғымбаева Н.Т.):
     1) Заң департаментімен (Шәріпов С.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеуден өткізу шараларын қабылдасын;
     2) осы қаулы Қазақстан Республикасының Әділет министрлігінде мемлекеттік тіркеуден өткен күннен бастап он күндік мерзімде оны Қазақстан Республикасының Ұлттық Банкі орталық аппаратының мүдделі бөлімшелеріне, бағалы қағаздар нарығында брокерлік-дилерлік қызметті жүзеге асыратын ұйымдарға, Қазақстан Республикасының Қаржы нарығы мен қаржы ұйымдарын реттеу және қадағалау агенттігіне және Қазақстан қаржыгерлерінің қауымдастығына жіберсін.
     5. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Н.Қ.Абдулинаға жүктелсін.

     Ұлттық Банк
     Төраға

     "Келісілді"
     Қазақстан Республикасының
     Қаржы рыногын және қаржы
     ұйымдарын реттеу мен қадағалау
     агенттігінің Төрағасы
     2004 жылғы "___" _____________

Қазақстан Республикасының  
Ұлттық Банкі Басқармасының 
2004 жылғы 15 желтоқсандағы
N 178 қаулысымен бекітілген

Бағалы қағаздар нарығында брокерлік және дилерлік
қызметті жүзеге асыратын ұйымдардың қаржылық есеп беру тізбесі, нысандары және ұсыну мерзімдері туралы
нұсқаулық

     Ескерту. Тақырыпқа өзгерту енгізілді - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі) қаулысымен.

1-тарау. Жалпы ережелер

     1. Осы Нұсқаулық " Қазақстан Республикасының Ұлттық Банкі туралы " 1995 жылғы 30 наурыздағы, " Бухгалтерлiк есеп пен қаржылық есептiлiк туралы" 2007 жылғы 28 ақпандағы, " Бағалы қағаздар рыногы туралы " 2003 жылғы 2 шілдедегі Қазақстан Республикасының Заңдарына, сондай-ақ Қазақстан Республикасының басқа да нормативтік құқықтық актілеріне сәйкес әзірленді.
       Ескерту. 1-тармақ жаңа редакцияда - ҚР Ұлттық Банкі басқармасының 2008.08.22. N 70 (қолданысқа енгізілу тәртібін  3-тармақтан қараңыз) Қаулысымен.

     2. Осы Нұсқаулық қаржы нарығын және қаржы ұйымдарын реттеу мен қадағалауды жүзеге асыратын уәкілетті мемлекеттік органда (бұдан әрі - уәкілетті орган) брокерлік және дилерлік қызметті жүзеге асыратын ұйымдардың (бұдан әрі - брокерлер және дилерлер) жылдықты қоспағанда, қаржылық есептілік беру тізбесін, нысандарын және ұсыну мерзімдерін белгілейді.
     Ескерту. 2-тармаққа өзгерту енгізілді - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі) қаулысымен.

       3. Осы Нұсқаулық екінші деңгейдегі банктерге, Қазақстан Республикасының Ұлттық Банкіне, қаржылық агенттіктерге, зейнетақы активтерін инвестициялық басқаруды жүзеге асыратын ұйымдарға, инвестициялық портфельді басқарушыларға және Ұлттық почта операторына қолданылмайды.
      3-1. Брокер-дилерлердің қаржылық есептілігі Қазақстан Республикасының заңнамасында, халықаралық қаржылық есептілік стандарттарында және осы Нұсқаулықта белгіленген тәртіппен жасалады.
       Ескерту. 3-1-тармақпен толықтырылсын - ҚР Ұлттық Банкі басқармасының 2008.08.22. N 70 (қолданысқа енгізілу тәртібін  3-тармақтан қараңыз) Қаулысымен.

2-тарау. Қаржылық есепті ұсыну

     4. Брокерлер-дилерлер, банк операцияларының жекелеген түрлерін жүзеге асыратын нақтылы ұстаушы ретінде клиенттің шоттарын жүргізу құқығы бар брокер-дилерлерді қоспағанда, тоқсан сайын, есептік тоқсаннан кейінгі айдың бесінші жұмыс күні Астана қаласының уақытымен 18.00 сағаттан кешіктірмей мынадай қаржылық есепті ұсынады:
     1) 1-нысан бойынша жасалған бухгалтерлік баланс (осы Нұсқаулықтың 1-қосымшасы);
     2) 2-нысан бойынша жасалған пайдалар мен зияндар туралы есеп (осы Нұсқаулықтың 2-қосымшасы).
     Ескерту. 4-тармаққа өзгерту енгізілді - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі) қаулысымен.

      4-1. Ай сайын, есепті айдан кейінгі айдың бесінші жұмыс күні Астана қаласының уақыты бойынша 18.00 сағаттан кешіктірмей, банк операцияларының жекелеген түрлерін жүзеге асыратын нақтылы ұстаушы ретінде клиенттің шоттарын жүргізу құқығы бар брокер-дилерлер мынадай қаржылық есептілікті ұсынады:
     1) 1-нысан бойынша жасалған бухгалтерлік баланс (осы Нұсқаулықтың 1-қосымшасы);
     2) 2-нысан бойынша жасалған пайдалар мен зияндар туралы есеп (осы Нұсқаулықтың 2-қосымшасы).
     Ескерту. 4-1-тармақпен толықтырылды - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі) қаулысымен. 

     5. Қаржылық есепте деректер Қазақстан Республикасының ұлттық валютасы - қазақстандық теңгемен көрсетіледі.

     6. Қаржылық есепті жасағанда пайдаланылатын өлшем бірлігі мың қазақстандық теңгемен белгіленеді. Қаржылық есептегі бес жүз қазақстандық теңгеден аз сома нольге дейін дөңгелектенеді, ал бес жүз қазақстандық теңгеге тең және одан жоғары сома мың қазақстандық теңгеге дейін дөңгелектенеді.

     7. алынып тасталды
     Ескерту. 7-тармақ алынып тасталды - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

     8. алынып тасталды
     Ескерту. 8-тармақ алынып тасталды - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

     9. Брокер-дилерлер уәкілетті органға қаржылық есепті ұсынылатын деректердің конфиденциалдылығын және түзетілмейтіндігін қамтамасыз ететін криптографиялық қорғау құралдарымен ақпаратты кепілдік бере отырып жеткізудің көліктік жүйесін пайдалана отырып электрондық тасымалдауышта ұсынады.
      Ескерту. 9-тармақ жаңа редакцияда - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

     10. алынып тасталды
     Ескерту. 10-тармақ алынып тасталды - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

       10-1. Тоқсан сайын жасалатын қағаздағы қаржылық есепке бірінші басшы немесе оның орнындағы тұлға және бас бухгалтер қол қояды, мөрмен бекітіледі және брокер-дилерде сақталады. Брокер-дилер уәкілетті органның талабы бойынша жазбаша сұратуды алған күннен бастап екі жұмыс күнінен кешіктірмей түзетулері жоқ қаржылық есепті қағазда ұсынады.
      Ескерту. 10-1-тармақпен толықтырылды - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

       10-2. Электрондық тасымалдауышта ұсынылған қаржылық есеп қағаздағы қаржылық есепке сәйкес келуі тиіс. Электрондық тасымалдауышта ұсынылатын деректердің қағаздағы деректермен бірдей болуын брокер-дилердің бірінші басшысы немесе оның орнындағы тұлға қамтамасыз етеді.
      Ескерту. 10-2-тармақпен толықтырылды - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

      11. алынып тасталды
      Ескерту. 11-тармақ алынып тасталды - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

      12. Брокер-дилер ұсынған қаржылық есептен уәкілетті орган дәлсіздіктер немесе қателер анықтаса брокер-дилерге бұл жөнінде хабарлайды. Брокер-дилер хабарлама алған күннен бастап бір жұмыс күнінен кешіктірмей ескертулері ескеріле отырып пысықталған қаржылық есепті электрондық тасымалдауышта ұсынады.
      Ескерту. 12-тармақ жаңа редакцияда - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

     13. алынып тасталды
     Ескерту. 11-тармақ алынып тасталды - ҚР Ұлттық Банкі басқармасының 2007 жылғы 19 наурыздағы N 27 (2007 жылғы 1 шілдеден бастап қолданысқа енгізіледі) қаулысымен.

     14. Қаржылық есепті уақтылы бермеу, бермеу немесе қаржылық есепте күмәнды мәліметтер беру Қазақстан Республикасының заңнамалық актілерінде белгіленген жауапкершілікке әкеп соғады.

3-тарау. Қорытынды ережелер

     15. Осы Нұсқаулықта реттелмеген мәселелер Қазақстан Республикасының қолданылып жүрген заңнамасында белгіленген тәртіппен шешіледі.

                                      Бағалы қағаздар нарығында
                                    брокерлік және дилерлік қызметті
                                       жүзеге асыратын ұйымдардың
                                       қаржылық есеп беру тізбесі,
                                          нысандары және ұсыну
                                            мерзімдері туралы
                                          нұсқаулыққа 1-қосымша

      Ескерту. 1-қосымшаға өзгерту енгізілді - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі), 2008.08.22. N 70 (қолданысқа енгізілу тәртібін  3-тармақтан қараңыз) Қаулыларымен.

                                                          1-нысан

       __________________________________________________
         (бағалы қағаздар нарығында брокерлік және дилерлік
          қызметті жүзеге асыратын ұйымның толық атауы)

            200_ жылғы "___" _______ жағдай бойынша
                      бухгалтерлік балансы

                                      (мың қазақстандық теңгемен)

       Бірінші басшы: _________________ күні__________________
     Бас бухгалтер __________________ күні__________________
     Орындаушы: _____________________ күні__________________
     Телефоны:__________________
     Мөрдің орны

                                      Бағалы қағаздар нарығында
                                    брокерлік және дилерлік қызметті
                                       жүзеге асыратын ұйымдардың
                                       қаржылық есеп беру тізбесі,
                                          нысандары және ұсыну
                                            мерзімдері туралы
                                          нұсқаулыққа 2-қосымша

      Ескерту. 2-қосымшаға өзгерту енгізілді - ҚР Ұлттық Банкі басқармасының 2007.04.30. N 44 (мемлекеттік тіркелген күннен бастап он төрт күн өткеннен кейін қолданысқа енгізіледі) қаулысымен.

                                                          2-нысан

       __________________________________________________
     (бағалы қағаздарды ұстаушылар тізілімдерінің жүйесін
       жүргізу бойынша қызметті жүзеге асыратын ұйымның
                         толық атауы)

            200_ жылғы "___" _______ жағдай бойынша
          пайдалар мен зияндар туралы есебі

                                      (мың қазақстандық теңгемен)

       Бірінші басшы: _________________ күні__________________
     Бас бухгалтер __________________ күні__________________
     Орындаушы: _____________________ күні__________________
     Телефоны:__________________
     Мөрдің орны