"Қазақстан Республикасы Президентiнiң " Бухгалтерлiк есепке алу туралы " заң күшi бар Жарлығына өзгерiстер мен толықтырулар енгiзу туралы" Қазақстан Республикасының 2002 жылғы 24 маусымдағы Заңының 2-бабын  iске асыру мақсатында Қазақстан Республикасының Yкiметi қаулы етеді:

      1. Қоса берiлiп отырған Қаржылық есеп беруi 2003 жылдың 1 қаңтарынан бастап халықаралық қаржылық есеп беру стандарттарына сәйкес жасалатын ұйымдарды анықтау ережесi бекiтiлсiн.

      2. Осы қаулы қол қойылған күнiнен бастап күшiне енедi.

      Қазақстан Республикасының
      Премьер-Министрі

Қазақстан Республикасы Yкiметiнiң
2003 жылғы 3 ақпандағы     
N 119 қаулысымен        
бекiтiлген           

Қаржылық есеп беруi 2003 жылдың 1 қаңтарынан бастап
халықаралық қаржылық есеп беру стандарттарына сәйкес
жасалатын ұйымдарды анықтау ережесi

      1. Осы Ереже "Қазақстан Республикасы Президентiнiң " Бухгалтерлiк есепке алу туралы " заң күшi бар Жарлығына өзгерiстер мен толықтырулар енгiзу туралы" Қазақстан Республикасының 2002 жылғы 24 маусымдағы Заңының 2-бабын  iске асыру мақсатында әзiрлендi.
      2. Осы Ереже Қаржылық есеп беруi 2003 жылдың 1 қаңтарынан бастап халықаралық қаржылық есеп беру стандарттарына (бұдан әрi - ХҚЕС) сәйкес жасалатын ұйымдарды анықтау тәртiбiн белгiлейдi.
      3. Қаржылық есеп беруi 2003 жылдың 1 қаңтарынан бастап ХҚЕС-қа сәйкес жасалатын ұйымдарға қызметiн реттеудi және қадағалауды Қазақстан Республикасының Ұлттық Банкi Қазақстан Республикасының заңнамасына сәйкес жүзеге асыратын ұйымдар жатады.